رواية ولد الباشا للكاتبة فاطمة الأحمد الفصل العشرون
أريم
وصلنا للبيت أول ما دخلنا عزّه استقبلتنا، خوش استقبال، نزلت من الطابق الثاني وهي ترعد رعد.
عزّهَ: أرريم صحح طالعه ويا يَاسررر؟
ابتعد أبيل، بقيت وحدي بوجه المدفع انظرله عود گول شي سوي شي، يأشر بعيونه انجازي
اجت وگفت گدامي توزع نظرات بينا.
عزّهَ: ليش طلعتي ويا يَاسر يمان؟
أريم: عزمني.
عزمچ!
اي اختي العزيزه عزمني وشربنا گهوه والاجواء بيرفكت.
شبيج بنتي لا تستعملين مُفرداتي!
منينلك مُفردات ابني انت تعلوم أريم!
عزّهَ: اسكتوووو، أريم بدون چذبب اعرف شصار.
خليج ريلاكس مرت اخويا خليج ريلاكس.
ركضنا شاركنا بمارثون الركض صح أبيل؟
لا چذابه.
أنت تُعرف شگد جذاب؟
أي اعرف بنفسي جذاب.
قلب الايه عليَّه امرمقه ما يفيد عين صلفه يبتسم بتسليك، و منا عزهَ منتظره جواب لزمتها من متونهه
احاول ابين الموضوع تافه ومقلب.
أريم: اختي الحبيبه أصدقاء ياسر اجو للمقهى.
وهو تفاهم وياهم أتفق انه يضربو وهو يضربهم بعدها يركضون ورانا مثل الأفلام وبعدها بعدها
وبعدها توصلون لمنطقه معزوله يلزمون ياسر دگ ضرب ودفرات ودغدغات طبعاً بالشقه
أريم: اههها هههه شقه لو بيت، اسكت اني اكمل.
اي يدغدغهم اقصد يضربو وهو يضربهم وبعدها.
يهددون البطل بالقتل مثل الأفلام المافيا بس البطل ياسر ف شلون ما يربح يربح فآني اني البطله گمت ضربت واحد منهم دفرته وسحبت المسدس منه هددتهم وصوبت على اثنين طبعا چآ غير أريم بنت الأدهم باشا. وبعدها تخيلي تخيلي يطلع.
كاميرا خفيه حبيبي.
أريم: اههههاايي، اي يطلع أبيل ويگول كاميرا خفيه حبيبي، وهكذا انتهى النهار المليء بالكاميراات الخفيه شلون أجواء اكشنيه مثل جوي. وهااا نسيت أبيل اخذني على حفلة شواء شوينا خروفين.
بدت تصفق بوجهنا وتدور حوالينا احنه الاثنين
عزّهَ: واو. واو براو شلون أجواء شلون سيناريو
شلون أكشن وكاميرات خفيه، حفلة شواء مو جديده عليك أبيل حاروگه، اي نجي على أريم بنت الادهم باشا، ياسر گال اختج القشمر صوبت على اثنين.
أريم: ابن المجنونه گال عليَّه قشمرر؟
قشمر يعني چوك گوزال لكن في عقلية ياسر.
عزّهَ ابتعدت خطوه حسيت بيها مخذوله من ناحيتي ومن حجت تأكدت من احساسي.
عزّهَ: صح احنه تعلمنا نشيل سلاح ونصوب بس مو بهل استهتار، شلون صوبتي اثنين ااثنين مو بس واحد
ما خفتي يموت؟ مهما كان السبب يبقى القتل ذنب عظيم قتل النفس مو هين أريم! حَسبالي تخافين الله
بس.
تدخل أبيل بالنقاش وآنا ساكته احس گوه لازمه البچيه.
لحظه لحظه قبل كُل شي أريم ما غلطت هي
حاولت تحمي نفسها من الموت شني يعني تسلم نحرها للأنذال تقبليها تكون ضعيفه وما تدافع عن نفسها.؟
عزّهَ: هي منووو گللها تولي تطلع برا، احنه احنه ناس حياتنا جحيم كلها مُلاحقات واستهدااف لج أريم اخااف عليج من كلمه لا تكسر خاطرج وانتي تروحين هيج تعرضين حياتج للخطر و تكسرين تعليماتي غيرر ردت سلامتج ياا غبيه.
أريم: عزّهَ حبيبتي بس افهميني اجيت حتى اتونس حتى اشوف العالم مو انسجن مثل ما مسجونه بالبصره شني يعني لشوگت نضل خايفين لا ننقتل
خل نعيش حياتنا حالنا حال الناس قابل احنه أحسن من إلى يموتون يوميه تحت القصف والرصاص؟
عزّهَ: لج شجااب هاي على هااي لا تصيرين غبيه اكثرر لج أريم ما نسجنج لأن ما نريدج حُره احنه نريد سلامتج شوگتتت تفهمين. تجهزي يلا يلا بسرعه
راح احجز الليله نرجع للبصره.
سحبت إيدي منها.
أريم: لا ما ارجع الاجازه يومين يعني بعد باچر نرجع.
عزّهَ: ااانا شجاااي احجي اااريم
خطت خطوتين و عاطت بيّه بصوت يركعد رعد فزيت منها و رحت ورا ضهره احتمي بي نظرلي، محتار شنو يتصرف لزم إيدي من ورا ضهره وحجا
وياها
أبيل: عزّهَ اهدي بدون كل هذا الكلام اطمئني ما يصيبها شي دام هي بأمانتي ثقي بيّه هي بأمانتي.
عزّهَ: هه اثق بيك؟ ولك غيررر انت أول المُستهدفييين والصبح إلا شويه ويخلصون عليك وانوب أريم چانت وياااك!
أبيل: چانت وياي وما صارللها شي هي قويه بس أنتي جاي تخليها ضعيفه وتكون خاضعه الج ولحرصچ، هي مو طفله ولا طير حتى تسجنيها!
عزّهَ: انت شعليييك بيها، أريم تعاي بصفي يلا
شنو واگفه بظهره تحتمين مني تحتمين من اختج بظهر هذا إلى هو مصدر الخطرر على حيااتج؟
شد على إيدي وكأنه ينبهني ما أضعف واصير شُجاعه.
لزمت ايده احاول استقوي أكثر واحجي هوايا كلام جنت كاتمته بداخلي.
أريم: عزّهَ اعرف اعرف تحبيني وتخافين عليَّه بس
چآ تعاي بصفني لا توگفين ورا ظهر هذا إلى هو اساس الخطر على حياتج.
شد لزمته على ايدي و رافض رفض قاطع أضعف او اخضعلها.
أريم: بس بعد ما بيه اعيش حياتي تحت حرصج.
علينا آنا وسيرا، بالرغم سيرا ما تسمعلج آنا چنت اگلج حاظر عبن اختي الچبيره واكيد تريدين مصلحتي بس بعد طگ گلبي من حرصج صايره مثل عمامي وعزام چا ليش ابويا مو مثلكم؟ ليش؟
عزّهَ: ابوج؟ هه لج ابوج برود العالم كله بشخصيته
لو يخلون السلاح بنص راسه يبتسملهم وبعدها يگلب الطاوله على راسهم أنتي ما بيج قوته مابيچ تصيرين مثله، أبيل عوف ايد اختي عوفهاااا ولا تحرضها عليَّه لا تحرضهاا!
رادت تسحبني و أبيل رافض اشرللها بمعنى لا تقتربين
أبيل: ما احرضها عليج افهمي عاد أريم مو طفله وتعرف تدافع عن نفسها برا البيت.
عزّهَ: إلى تگول عليها مووو طفله محتمييه بظهررك
أبيل: گلت (برا البيت) بين قوسين و طبيعي جدا كُل بنيه تحتمي بظهر رجال ابن رجال ياخذلها حقها من تنفذ الحلول، عندج تفسير ثاني؟
حبييت حبييت ياا هييج النسيب ياا بلى.
اندارينا للباب أبويا وهدام دخلو وابويا الجگاره بإيده والإيد الثاني بجيبه، اجا وگف بين أبيل وعزه ميل راسه ويبتسم ينظرلي وآنا ورا ظهر أبيل إلى بعده لازم ايدي.
هدآم يخوزر بيّه وابوي ياخذ نفس من الجگاره ويبتسم بوجه أبيل وينظر ل عزّهَ
الأدهم: بنتي ال عزّهَ ليش تحاولين تفرقين ثنين انخلقو لبعض عايني شحلاتهم واحد يستقوي بالثاني.
نظرلي وابتسم أبيل هم نظرلي، رخى ايده وسحبت ايدي بسرعه، عزّهَ حجت مصدومه أكثر مني.
عزّهَ: شلون يعني؟
أبيل: عمي فاهم غلط مجرد ما ردت عزهَ تضلمها.
هدوء العالم كله بصوته و هدآم اعتقد يدور على هلال بالبيت ولا اهتم لموضوعنا، اردف ابويا
الأدهم: لا ابني فاهم صح وكلامك صح أريم مو طفله عزّهَ بابا شبيج وياهم أريم جايه اجازه يومين وأبيل بعضمة لسانه گال بأمانتي.
عزّهَ: يابه يعني عادي عندك أريم تطلع ويا أبيل.
الي أربعه وعشرين ساعه مُلاحق من عشرين عدوو من أعداائكمم؟
الأدهم: عادي جداً، أبيل رجال ابن رجال.
أبن الأيهم باشا ونّعم.
ها خويا تمدحني بضهري وگدامي تكابر؟
دخل عمي أيهم مبتسم وعزام وراه، ابويا راح يحظنه ويطبطب على ظهره و اردف.
الأدهم: اخويا الغالي امدحك بظهرك، اعرفك وما تعرفني والله هههاهههه
اي كلشي من ورا ظهرك بابا شايف عمي شلون يطعنك بظهرك وما يمدح بيك گدامك؟
من اجت هلال اكتمل العدد هدآم نزل من الطابق الثاني ركض ومصفر من شاف هلال داخله وتحجي
اخذ نفس عميق وزفره، اردف.
هَدآم: وين جنتي هِلال!
ما جاوبت راحت يم ابويا إلى حاظن كتاف عمي الأيهم هي هم حظنت كتفه من اليسار وتنظر لأبويا
شفتها شلون شالت ايد ابويا من ورا كتف عمي، ابويا ابتسم بوجهها وابتعد.
هِلال: بابا حبيبي شلون چآن الشغل؟
هَدآم: هلال وين چنتي وليش تأخرتي حتى رجعتي؟
الباشا: انت لا تتدخل بيها، الشغل تمام بس هلال وين جنتي طالعه احنا شگلنا.
هِلال: اها هدآم نسيت تحجي لأبويا وين رحنا؟
الأدهم: احجولنا وين رحتو؟
گال هيج وراح گعد يكمل الجگاره عمي الأيهم هم راح گعد بصفه اخذ من باكيته نفس الجگاره والأثنين يدخنون واحنا گدامهم. نسو موضوع هلال وهدام لمن عزام اردف
عَزّآم: يابه حاجز بطيارة الساعه 11 بعد ثلاث ساعات نرجع للبصره.
الأدهم: ارجع ابني واخذ عزّهَ وياك.
الأيهم: آنا وهلال و عمك باچر نرجع و أبيل ويانه.
أبيل: آنا سفرتي بعد باچر.
عمي نظرله نظره عجزت أفهمه اما هدآم وهِلال وضعهم مو تمام عزام و عزّهَ مستعجلين بالسفر.
شجاي يصير ما افهم، أما القطب الجنوبي ابي الغالي بس يبتسم بهدوء، اردف
الأدهم: خويا هلال ترجع ويا هدآم هيج انسب خل ننطيهم مساحه خاصه.
الباشا: ويا ابنك و مساحه خاصه.؟ ههه
اذا تريد انطيه مساحه يوجد مساحه كافيه بالحديقة.
هدآم يهز راسه ويهمس لا حول ولا قوة الا بالله
أبيل يحك طرف خشمه يحاول ما يضحك عزه وعزام بجهه يحجون على انفراد. صار الوقت اطب بنصهم
عبرت أبيل إلى نظرلي بطرف عين.
أريم: عمي الغالي عوفك من هدآم وهلال والمساحه
الخاصه، آنا ما ارجع وياكم صح؟
الباشا: لا مو صح ترجعين هنا مو امان ابوج هم راجع ويانه.
الأدهم: ترجع ويا أبيل صح ابني؟
الباشا: أبيل حتى إذا أجل رجوعه لبعد باجر يرجع ماكو مفر، لكن بقاء أريم ما مقبول وأنت المفروض يضل بالك على بنتك شهل لامُبالاة البيك خويا!
الأدهم: مو گلتلهم يا هيج النسيب يا بلى خويا ابنك
رجال ابن رجال ما شفت إلى شفته آنا وشلون دافع عنها و انطى كلمة أريم تكون بأمانته.
أبيل: اي گلت بأمانتي بس مو مو بذيج المعنى.
الأدهم: أي بذيج المعنى ههههاهه.
الباشا: شني الصار قبل دخولي؟
اجت عزّهَ مره ثانيه حجت كل إلى صار وأبيل رجع يجاوبها مثل ما صار قبل دقايق گام عمي وعاط بيهم
الباشا: بسس انچبو و اانت أبيل من تريد تزامط وتفزع لا تفززع بالحجي صير گد كلامك!
هذا اخر كلام، أريم أمانه عندك منا لحد بعد باچر
لو يطخها شي ما تلوم إلا نفسك و آنا اعاقبك قبل ابوها. بعد باجر ترجع و أريم وياك للبصره.
أبيل: صار يابه.
عزّهَ: عمي اريدها اليوم ترجع و.
الباشا: عزّهَ! انتهى الكلام.
الأدهم: عزّهَ بنتي انتهى الكلام وأريم ترجع. ويا أبيل.
ابويا بشنو يفكر ما ادري بس المهم اكمل الاجازه وراح ابقى
هِلال: اي عمي الغالي وانت ارجع ويا ابنك لا تضل ورانه تخلصوها بالمزارع عود نشتاقلك كُلش هوااايا.
ابتسمت بطريقه غريبه وهدآم يهزلهه الراس ما فهمت شنو سالفتهم عافتنا وراحت لغرفتها اجا هدآم يصعد، بس صوت عمي رج البيت رج وگفه بمكانه.
هدااام لا تتمااادى و تعااال ارجع لمكانك.
الأدهم: هدآم أبني اصبرلك شويه لبين ما نزوجكم.
الباشا: وعلى الضرغام خيالك واسع.
ما جاوبه اكتفى بإبتسامه بارده، هدآم طلع من البيت. عزام مشغول بإتصالاته، أبيل گاعد ويفر الجداحه بإيده ومرات يخوزر بيّه ليش ما ادري.
أما عزّهَ رغم تقارب شخصيتها من شخصية أبوي إلى أنه في بعض الأحيان و في بعض المواقف تتغير 180 درجه وتصير كُتله من الغضب والعصبيه واذا عاطت تگول ترعد، رعيده مثل ما هُدهُده ملقبتهه.
جانت واگفه بعيد تحجي اتصال تقربت منها.
اي تمام على الساعه 10 - اوك شكرا.
قفلت موبايلها وما نظرتلي فورا صعدت الدرج لغرفتها، آنا هم طلعت وراها واحجي بلكت تجاوب
أريم: عزّهَ عزوز بس اسمعيني حبيبتي عزوزه
دخلت غرفتها ورگعت الباب بوجهي.
ال بتراء
ابتسم بهدوء و رجع على غرفته وآني هم سديت الباب مرت اقل من دقيقتين واندگ الباب دگتين
رحت بسرعه فتحته وحجيت
بتراء: ها ليش رجعت
تلاشت ابتسامتي بلعت ريگي تراجعت خطوه
وهو يتقدم خطوه صوتي انكتم
جاسر: بتراء بتراء بتراء
اجيت اركض للباب لزمني من خصري وبس صرخه وحده طلعت مني
عليييي سَنننددددد.
انسمع صوتي او لا ما ادري، بس يسحبني لورا الباب و بإيد مده طبگها وقفلها علينا، انفاسي عاليه گلبي راح يوگع من الخوف شلون اندل غُرفتي شلون اخلص منه
معقوله يقتلنا ثنينا او يقتل على سَند و ياخذني وياه.
كلها أفكار تجي ببالي واني احاول ابعد ايده من حلگي، طلع سچينه حربيه من جيبه فتحها گدام عيوني إلى موسعتهن و اهز راسي بالرفض.
جاسر: يعني انتي إلى چنتي ويا على سَند بالمشايه.
افاا أفاا خيبتي ظني ههه هه تدرين منو راح يموت هسا؟
اهز راسي احارب ايده قيدني أكثر وهمس يم اذني والسچينه مخليها على نحري من فوگ الحجاب
جاسر: على السَند. و اذبحه ذبحح بهل ليلة المشؤمه ليلة شنو چآن؟ اي موت الحُسين. بس!
منتظره يحجي وصار أكو أصوات برا كأن على سَند شك بشي او زلمة جاسر داخلين عليه، گلبي وگع من الخوف ادعي بگلبي ما يصيرله شي بسببي غمضت عيوني ونزلت دمعه وهذا يسحبني للحمام كأنه توتر.
دخلني وياه للحمام ورگع الباب بعدها
تچى ضهره عالباب قفلها بإيده الچان يهددني بالسچينه ورجع يكمل كلام.
جاسر: بس إذا إذا ركزي بكلامي وافتحي عقلج زين
هزيتله راسي بالقبول ابتسم بطريقه مُستفزه واردف.
جاسر: إذا تعاونتي وياي ثنينكم تعيشون وأنتي تبقين حُره وإذا لا بهل لحظه ارجعج لجحيم جسار إلى طلعتي منه بفضلي، ركزي بكلامي بفضلي، حَسبالِج ما جنت اعرف شنو براسج الحلو هذا؟
مرر السچينه فوگ الحجاب، معقوله عرف بيه راح اهرب وعافني بس ليش.
جاسر: حتى اعرف بشنو تفكرين هسا، سؤالج ليش، لأن يل مأسورة أنتي مو بوحدچ چنتي آني همم سنيين مأسور وياج مأسوررر تحت أوااامر ابوچ الگووواد.
انسمع صوت الباب كأنه دخلو علينا سحبني وياه
للدوش فتحها ورجعنا ورا الباب اردف بهمس
جاسر: اشش نفذي إلى اطلبه منچ واثنينا راح نكسب.
اذا عارضتيني لا راح تعرفين حقيقة قصتي الكامله ولا راح تنجمعين بخواتج إلى اعرف وين مكانهن.
برااء انتي جوا؟
هزيت راسي بقبول على كلامه وهمس بأذني.
جاسر: احجي وكولي اي اني جوا دا اسبح.
ابعد إيده بس السچينه بعدها على نحري فوك الحجاب إلى خنگني بالزايد، گوه طلع صوتي.
بتراء: على سَند ا اي جوا اسبح دا اسبح
چا شبيج صرختي بأسمي خوما بيچ شي؟
همس الكلام بأذني وحجيت مثل ما گال.
بتراء: لا ما بيه شي شفت صرصور وصرخت بس راح هسا راح، على سَند.
بلعت ريگ ودموعي نزلن اجاني صوته قريب من الباب آني هم قربت اذني بالباب سمعت صوته الهادئ وهو يجاوبني.
ها براء احجي بويا.
شد إيده على السچينه بحيث حسيت اخترقت الحجاب.
بتراء: بلا زحمه اطلع من غرفتي ما بيّه شي.
لازگه اذني بالباب و جاسر يريد يسحبني اردف على سَند.
تمام طالع انتبهي لنفسج. براء تصبحين على خير.
صار هدوء كأنه منتظر يسمع الجواب مني بس بقيت ساكته وبس دموعي تنزل بعدها سمعت صوت خطواته يبتعد عن الباب
رجع سد حلگي يسمع الأصوات الخارجيه
انسمع صوت رگع الباب بمعنى أنه خلص طلع من الغرفه. رجع يحجي ويكمل كلامه تحت تهديده الي.
جاسر: أبوچ الگواد ياما آسر ناس وناس آني الشاهد على وساخته وشغله ثانيه. تتذكرين المستشفى المهجور إلى نَائل اخذج الهاا؟ اي اذا ناسيه هذا مستشفى أمراض عقليه أمراض نفسيه ابوج الگواد بزماناته، جان ذاب نَائل بيها ويا المرضى النفسيين چآن عمره 15 سنه لمن شمره هيج شمره نائل شسوا سكت؟ لا
دفعني من ظهري صرت گدامه واگفه وهو ورا الباب
جاسر: لا يطلع صوتج خل احجيلج كلشي لازم تعرفين وتساعديني.
سكتت ما جاوبت بس مسحت عيوني و بعد ما نزلت دمعه اردف يكمل وكل كلامه صدمني وگف شعر راسي.
جاسر: نَائل وناجي التؤم إلى بقو من بعد موت نَصار
اما امهم ف اعتدى عليها بنفس الطريقه إلى اعتدى بيها على أمي.
بتراء: انت ليش تحجيلي كل هذا، شنو لا مستحيل لا، نصار وجسار مو جانو متفقين على قتل ابوك؟
ابتسم يستهزئ بإعتقادي.
جاسر: لأن انتي الوحيده اللي راح تفهمني وتساعدني، صح جانو متفقين على هاي النُقطه، بس جسار حتى بنصار غدر وسغر. هذا كله بموجب البند الأول من اتفاقيه امبراطورية روسيا.
بتراء: روسيا روسيااا شنو اتفاقيه البند الأول من امبراطورية روسيا شجااي تحجي لا تلف وتدور!
جاسر: موضوع أكبر من إستوعابج اجيج ل نَائل بعدما ابوچ عاقبه لأن چآن رافض يخضعله عافه بمستشفى المرضى النفسيين و مرضى العقلين، چان ساغ سليم ما بي شي، خمس سنوات ضل بينهم ويوميه يصرخ مابيه شي آني مو مريض آني بس يتيم
بتراء: حييل بي يستاهل.
جاسر: ضل الوضع يتكرر ويكتب عبارات بحيث ما خلى شبر بالمستشفى وما كتب الكلام إلى براسه، تعب من الوضع وصار مريض فعلآ مريض نفسي وعلقي بليله وحده ارتكب جريمتين وكتب من بعدها ذيج العبارة بدمهم وبكل غُرف المستشفى.
بتراء: رُبما أنت ضحيتي القادمه!؟
جاسر: اي بعدما ارتكب الجريمه جسار امر ناجي يحرق المستشفى ونائل بيها ناجي رفض رفض قاطع.
بحيث قرر ينتحر گدامه ولا يسويها، اجيت آني حرگته لأن هددني بحياة أغلى ما عندي. حرگت المستشفى ب نَائل والعبارات إلى خطت كلماتها من دماء الضحايا.
بتراء: عفيه عفيه جاي تحجي عن إنجازاتكم؟ كل هذا ما يبرر قتله لأمي مااا يبرر جررريمته البششعه. ولا يشفعللكم ولا واحد بيكم بريئ كلكم
گواويد بس بطُرق مختلفه.
لزمني من رقبتي خنگني وهو انفاسه تضرب بوجهي بعدما سبيتهم. اردف وهو يشد على الكلمات.
وَدق
أتراجع للچربايه واحجي راح من بالي المكالمه مفتوحه.
وَدق: اانت مو صاااحي لا تصيير حيوااان ر رررقيه
رررقيه.
ودددق والله العظيم اااجيج بس خااف تصييرلج مشكله فهمييني منو هذااا اخ ااخوووج؟ ااالوو ودق جااوبيني
لزمني من متوني شمرني على الچربايه والموبايل بصف رأسي بسررعه شلته احجي وابجي
وَدق: ووووتن ااالحگني بدااااعة امك اللحگني االلحگننني.
اخذ الموبايل ورگعها بالحايط و راح طفى الأضواء صارت الغرفه سواد بسواد وآني أبچي ومن احاول أگوم يضربني ويرجعني يريد يبوسني ويعتدي عليَّه
آني ابجي وصوتي من البجي ما يعلى.
وَدق: لااا تاذييني اترجااااك والله ما سويتلك شييي ابتعددد ااالله ينتقم منك ابتعددد.
صوته قريب من اذني الجُمله إلى گالها قبل يومين، انهد حيلي أكثر لمن حجى بصوته المرعب
وضحكته التخوف.
نَائل: هه رُبما أنتي ضحيتي القادمه.
لزم ايديه ثنينهن وخلى راسه بنحري عيوني
تحرگني من الدمع لا رُقيه تسمعني وتلحگني ولا هذا الوحش يرئف بحالي.
فتحت عيوني ونظرت للبرنده
خيال شخص طويل يصعد ويهجم على نَائل سحبه من فوگي لزمه ورگعه بالحايط وگعه و صار فوگه بهل ضلمه يضربه بدون رحمه، يسب ويحجي
وَتان: عااار ااابن عااار گوااااد اااابن گوااااد.
ااذا ما خلصت عليييك فلا ااااطلللع ااابن الأشتر فلااا اااكون طااالع من ظهر زلمه يااا عااار يااا كلب ااابن كلب.
جنزه تجنز والغرفه صار بيهه شوية ضوه لأن باب البرنده انفتح عافه اجا عليَّه خلى إيده تحت رقبتي
وإيد تحت خصري رفعني لحظنه حظنته بكل حيل البيّه وابچي، يمسد على شعري ويحجي انفاسه عاليه من گدما ضربه بقوه.
اشش وَد آنا يمچ لا تخافين، بس اسمعيني ما سوالج شي صح ما سوالچ شي؟
مما سوالي شي ب بس.
تلامست رقبتي وانهاريت أبچي أكثر
حظني وقرب راسي يم گلبه، يبوس بشعري ويحاول يهديني.
اهدي اهدي وَد وياچ آنا اخلص عليه وحق جدنا السابع اخلص عليه بس خل اشوفه واعرفه منو.
من گال هيج حسيت راح انتهي بالزايد لو عرف نائل ابن عدوهم نفسه ابن عمي وآني بنت عدوهم إحتمال يخلص عليه هذا غير الكره و والإحتقار إلى راح يكنه إلى بعدما يعرف حقيقتي.
ما تفرق حتى إذا چآن اخوج اخلص عليه واحد عار وما يخاف الله شلون هيج يدخل عليج، وَد جاوبي.
حسيت روحي أقوى اجيت ابتعد، محكم ضلوعه عليَّه من حاولت ابتعد فهم وتركني ضلينا بالعتمه ننضر لبعض چآن لابس كمامه نزعها وخلاهه بجيبه مستغربه شلون دخل للبيت ولغرفتي إلى بالطابق الثاني. حجيت واني امسح عيوني وخشمي
وَدق: بس فهمني شلون دخلت لبيتنا چا والحرس وغرفتي إلى بالطابق الثاني؟
مد إيده يرتب خصلات شعري وبهل عتمه بس عيونه مبينه وتلمع، اردف
احنه ولد الباشا اذا ردنا نوصل لشي حتى لو چآن بقعر الجحيم نوصله، ونطلعه للگاع
دار وجهه ل نَائل إلى مدمى ومُغمى عليه وجهه ما مبين من الضلام، انسمع صوت الباب وهو يندگ صوت رُقيه المفزوعه وهذا منا طلع موبايله يريد يضوي فلاش ويروح يشوفه
رُقيه: ودددق ودددق هل حيوااان صاااعدلج افتحي الباب افتحي.
اختج هم تعرف بي؟
فتح فلاش وراد يروحله سحبته وطفيته.
وَدق: وتن بداعة امك اطلع هذا هذا اخويه و ومن يشرب هيج يفقد والله والله بس اطلع اذا اجا ابويا وشافك هنا يطعن بشرفي ويتهمني ما تفرق عنده وتن اطلع بداعة امك اااطلع.
گمت وياه وادفع بي يطلع من البرنده اندارلي
وَد بس اشوف چهرة النعال وباجر اكمل عليه وين ما اللزمه.
رُقيه تدك الباب وآني هنا أبچي واحجي شلون اطلعه قبل لا يشوفه.
وَدق: وييين تكمل عليه عوفه عوفه لا تخليهم يطعنون بشرفي وعلى يسووها ما يخافون الله. وَتن اتشكرك وما انسالك فضلك، بفضلك سالمه و ما بيّه شي، بس اطلع قبل لا يشوفك بغرفتي.
تقرب حظن وجهي ينظرلي وبينا بس خيط رفيع
ضل يتأمل ملامحي بعدها اردف.
مُبحر بتفاصيلچ، و اذا طلع كُل هذا الحچي چذب ألعب الغالي على الغالي. و ما اطلع ابن الأشتر اذا ما حرگتچ بناري.
بلعت ريگ من كلامه و گلبي يدگ دمام من قُربه غمضت عيوني لمن تقرب باس جبيني، ابتعد و اردف.
بأمانة الله وَد بأمان الله.
گالها وابتعد لبس الكمامة وبدا ينزل شفته شلون سار على طرف الحايط على مهل بعدها انتقل لحايط الطابق الأول ومناك چيت مشى بالحديقة الخلفيه راح لزاويه المابيها تركيز الكاميرات ومناك طلع عالشارع والحارس إلى بالباب ما حاس على روحه.
بسرعه رجعت للغرفه كنبصت يم راس نَائل وسخت ايدي من دمه و باب غُرفتي انكسرت عليَّه، دخلو ناجي و رُقيه
نَاجي: شنو صار شنووو
ضوا الغرفه شافني مكنبصه يم راسه لزم گلبه
لا ما قتلتي ودددق اااقتلج بأرررضج اذا نائل صارله شي.
رُقيه عبرته و اجت كنبصت حظنتني
رُقيه: بس فهميني ما سوالج شي ما سوالج شي ااحجي.
ناجي: الكلللبه بنننت الكلب شسويتي بأخوياااا
اجا كنبص رفع راسه إلى كله دم ملامحه متشوهه من الضرب. نظرلي.
انتي انتي إلى ضررربتي هيييج.
وَدق: وااااللعن وااالديييكم اخووك الوحش العار اابن العااار ابن الكلب حاول يعتدي عليَّه.
رُقيه عيونهه جاحضه وتتفحص ملامحي وجسمي
رُقيه: ودق ااحجي احجي ما مد ايده عليج ما سوالج شي موو. اااحجي لا تخبليييني.
نظرتلها والدموع تارسه وجهي هزيت راسي ب لا
وحظنتها، ناجي يحاول يصحي نَائل ما يگوم.
ناجي: خوياا نائل ناائل گوم خوياا گوم، ودددق فهمنيييي شلووون هيج ضربتي ياا كللبه شلوننن هيج مدمى منو منو چآن بالغرفه، منووووو
عاف اخو وراح للبرنده ضل يصييح على الحارس ويگله فتش حوالين البيت رجعلي لزمني يهز بيّه ويصرخ.
ناجي: مو غبييي حتى اااصدددك بنيييه ضعييفه مثلج هيج تضرربه موو غبييي احجي احجي يا حقيرااا يا بنت منو جان بالغرفه وفزعلج؟
رُقيه هدت عليه ضربته براشدي وحظنت اكتافي.
رُقيه: هاي حتى مره ثانيه لا تطلع الچلب من حلگ وتسب امنا يا كاافر يا فاجر.
نائل طلعله صوت و يون من الألم وهذا ما تردد
يشهر مسدسه بوجهنا ويحجي.
ناجي: هذا الإيد ألويها الج بس بالوقت المناسب
ولسانج ينگص على إيدي اذا مو اليوم باچر. وگولي ناجي ما گال.
وَدق: نعال بحلگك من تحجي عود تهددنا.
موسع عيونه فورا سحب أقسام صرخت ورجعتني
ورا ضهرها
رُقيه: ااانت شنوو من بشررر شنووو.
ناجي: ااافض سااالفتكم الليله خل نخلص من بنات
الگواااد جسارر خل نخلللص.
صوت العكاز سبق صوت خطواته ثلاثتنا اتبسمرنا بمكاننا عرفناه، عيوننا على الباب، دخل وخطى أول خطوه بالغرفه الجگاره مالته بين اصابعه، اخذ نفس منه.
نظرلي وبحالتي بعدها وجهه نظره على نائل إلى يون بمكانه بس سكران وشبه غايب عن الوعي ما بي يگوم بعدها نظر ل ناجي أبتسم و اردف.
جسار: طلع اخوك من الغرفه وتعال على مكتبي الگواد يريد يفهمك شغله.
نظرت ل ناجي عيونه جاحضه ومبين مرتعب، خلى الجگاره بطرف شفته ومد إيده ل ناجي.
جسار: جيب السلاح ومن ينسحب أقسام لازم يتم استخدام الذخيرة.
ناجي خلاه بإيده وراهن على نفسه انه يتم تصويبه لكن الصدمه صوب ومن صوب ناجي صرخ صرخة فجع وهو ينادي ب لاااا اول مره اشوفه هيج ركض لأخوه وهو يشيل راسه لحظنه ما مستوعب المُصيبه إلى حط روحه بيها لمن سب جسار.
ناجي: ن نَائل گوم نااائل ااصحى ولك ااااصحى.
شترررريييد منننه اااني سبييتك ليييش ترييد تأذيني بأخويا لييش.
رُقيه: اكره اتشمت بس كُل ساقٍ يُسقى بما سَقا.
الرصاصه اجت بصف راس نَائل لهذا السبب ناجي انهار وارتعب، شمرله السلاح و هو يبتسم بوجهي آني
و رُقيه. حسيت يعاقب نائل وناجي على تجاوزهم لكن.
جسار: بناتي الحلوات قويات، ودق بابا شلون ضربتي ابن عمج تدرين بمعزة نَائل عندي شلون تجنزيه؟
هو هيج هيج ياخذج ما تفرق يا بنتي، هذا التصرف غير مقبول ابن عمج و راد ياخذج ليش تمنعين؟
دموعي تنزل من قهر كلامه اذا ابويا هيج يحجي شخله للغريب ما گدرت اجاوبه رُقيه صرخت وحجت بوجه
رُقيه: ولا تَحسبَنّ الله غَافِلاً عَمْا يَعملُ الضَالِمون.
شخلييت للغررريب ابوونااا اكبررر عااار الحمددد لله الله ماااا رزقنا بأخ وماا صاار عدنه اااخووو چاااان هسا نُسسخه منننك چاااان هسااا اخونااا هم بقذااارتك الله يلعنك دنياااا و الآخرة حرااام اكوون باااريه بيييك
يااا كاااافر يااا ضااالم.
چآن ساكت ويدخن لمن رُقيه هيج حجت، أما ناجي شال اخوه وطلعه برا الغرفه لحظات وانسمع صوت كعبها اجت و وگفت ورا ظهر جسار و تباوع بينا بطريقه تستصغرنا.
وَسن: افف شصاير وياج افف افف شهل حاله، شمسوي بيج، رقبتج كلها كدمات ها اخذج كسرج ههههاايي فحلل والله.
وَدق: ها شگلتي؟
رُقيه: شگلتي يل صايره تكسي شگلتي؟
نحجي ونتقدم سويا والي بينا بس جسار.
جسار: بناتي الحلوات ما احب افرق بينچن بدون مشادات عيب كبرتن.
رُقيه: أبي المو محترم تفضل برا قبل لا أنسى تربية سُعاد بيك
وَدق: مثل ما جنزت نَائل بيه حيل اجنز غيره.
الذيبه خلها تُطب.
وَسن: ويع بيئه و تفكيرج مثل حظج الطايح so بيئه so
عافتنا ومشت، ودخلت حبوبه سُعاد مصفره وما فاهمه شي لأن تنام بهيج وقت، عبرت ابويا اجت حظنتني تطمئن عليَّه
سُعاد: ولج ودد سووده بوووجه نسل القنااادر شمسوي بييج ابن القندره شمسوووي
وَدق: ما سمحتله جنزته تجنز بس اذاني بنحري خفيفه سُعاد خفيفه.
اندارت لأبويا تفلت بنص وجه رفع ايده مسح وجه وابتسم بهدوء حذر وحجا.
جسار: افاا يُمه افاا بعد 59 سنه تتفلين بوجه ابنج؟
سُعاد: واطلع عينك يا كافر ابن القندره.
جسار: يلا امي يلا برا خل نعوف البنات ينامن يلا.
سُعاد: عاينلي جسار وحگ الله وكلام الله بكتابه
اذا ما تخلي نَسل القنادر بعاد عن وَدق ورُقيه، انزلك لسابع أرض!
من نظراته مبين الكلام اله تأثير عليه.
اردف موجه الكلآم ل رُقيه
جسار: بنتي المحترمه جدآ، باجر مُقابلة شغلج.
خليج جاهزه أو.
ميل راسه ينضرلي ويأشر بإيده البيها جگاره
ما حجا شي ثاني، بعد عافنا، طلع و اخذ سُعاد وياه
رُقيه راحت بهدوء اغلقت الباب وگعدت ورا الباب انهارت تبجي ومنزله راسهه لحظنهه رحتلهه حظنتها
ابچي وياها ابتعدت گعدت گدامهه وهي تحجي.
رُقيه: حتى لووو چاااان عدنه ااخو حتى لووو چآن عددنه اااخووو چآن يطلع اسوء من ابونااا چآن يطلع نُسسخه منننه
وَدق: هو احنه بس ألنا الله رُقيه لا تبچين.
مو وحدنا الله موجود االله رب العالمين الواحد الأحد
موجود ولا تحسبن الله غافلاً عما يعمل الضالمون.
رُقيه: ودق شسوووي هذا يريد يطببني بين ولد الباشا يريد اصيرله جاسوسه بينهم شسوي اللگيلي حلل
ليش هيج يعذبنا ليش هيج معيشنا بجحيمه.
تبجي و تمسح بدموعها، كل هذا وبعدني ما حجيتلها الصار هدئت شويه، لزمت ايدها اخذت نفس تشجعت حتى احجي بالنهايه آني سالمه بفضله.
وَدق: رُقيه أبن الأشتر.
رُقيه: لا تجيبين طاريهم البينه مكفينا
اسمعيني، قبل لا نَائل يدخل على غرفتي جنت احجي ويا ابن الأشتر وَتان
جانت تنظرلي وهي مصدومه بس ما انفعلت انتظرتني اكمل كلامي، حجيتلها الصار.
رُقيه: و وَتان و اخو الثاني هذوله أخطر من جسار
ودق لا لا تضعفين جاي تفهميني ودق جاي تفهمين قصدي حتى إذا اليوم يساعدج، مثل ما گال اذا عرف كل كلامج چذب يحرگج بنارهم يحرگج ولا يرئف بيج.
وَدق: فاهمه قصدج مستحيل يصير بيناتنا مشاعر من ذاك النوع مجرد راد يخليني اهدئ لأن چنت بحالة صدمه ولحد هسا ما استوعب شلون نفذت منها.
رُقيه: گلتي لابس كمامه؟ خاف ابو وگع مو وَتان!
وَدق: لا والله وتن نفسه شال الكمامة گدامي
شفت وجه.
رُقيه: وَتن وليس وَتان!
وَدق: اختصر اسمه المُمل الطويل أنتي هم تگولين وگع وليس وگاع!
رُقيه: اختصر اسمه المُمل الطويل.
ابتسمنا من بين الدموع اللي تارسه وجهنا واحنا حاظنات بعض وما ندري بعد هذا الليل المُظلم يشرق شمس الحُريه او مكتوب علينا السجن والعيش في جحيم نَسل الفُجار.
ال بتراء
لزمني من رقبتي خنگني وهو انفاسه تضرب بوجهي بعدما سبيتهم. اردف وهو يشد على الكلمات.
جاسر: لا تخيلني اتندم عبن احجيلچ اسمعي الكلام وافتحي عقلج اريد ثنينا نتساعد.
بتراء: بشنو اساعد بشنو اااذا آني اسم مدينه ما اعرفها الله يااخذكم لجهنم الله لا يغفرللكم.
جاسر: سهل جدا سهل.
عافني وابتعد خطوه.
جاسر: اسمعي الكلام إلى راح اگوله الج وتنفذيهه بالحرف الواحد.
بلش يحجيلي كل مُخططه ويشرح الأسباب.
كمل واردف.
جاسر: بالمُقابل تلتقين بخواتج ودق و رُقيه.
واضمنلج ناجي ونائل ما يعقدون عليهن مثل ما مُخطط من 18 سنه و بتاريخ 2022/12/22
اذا ما نفذتي الكلام بالحرف الواحد يتم عقد قرانهن
وما تلومين الا نفسج.
بتراء: وشلون اصدگ ما تأذي واحد منهم بسببي
او السؤال الأهم هُمه شنو الهم علاقه بسر جسار إلى بروسيا؟
صار يفتر حواليه ومن يريد يحجي يحجي قريب من اذني.
جاسر: الأشتر مسافر حالياً بروسيا، الادهم والايهم بإزمير. الأشتر ليش مو وياهم؟
بتراء: ليش.؟
جاسر: يدور على رأس الخيط يدور على أثر بدر التِم.
الغشيم ما يدري مرجعينها للعراق.
بتراء: منو بدر التِم؟
جاسر: اوف بعدج ما مجمعه الأحداث براسج؟
نظرلي يبتسم بطريقه مستهزئه كمل يفتر حواليه وينطق ذاك الأسم ويلحن.
جاسر: إيمار. إيمار جانم روحم عُمرم، ها ما تذكرتي؟
موسعه عيوني من صدمة كلامه دخلت بدوامة أسئله وافكار وتخيُلات مجنونه
بتراء: ال المره إلى نادت بيوم بيوم مقتل صفاء
نفسها إلى نادت بيوم مشاية زيارة الإمام من طلعنا من الغرفه و.
نظرتله وهو بس يهز راسه نعم.
بتراء: المأسورره 18 سنه وياي نفسها نفسها!
لا يا الله شلووون ما صدددگته شلوون
اختفت ابتسامته لزم ذراعي يشد ايده عليه وتسائل
جاسر: من وين عرفتي 18 سنه مأسوره وياج!؟
احجي من وين؟
بتراء: شييل ايدك شيييل شنوو من بشررر انتو هااي ااذا بيكم غريزة بشرريه يا حيوااانات لييش هييج أسرتوهااا ليشش والسبب شنوو
جاسر: السبب عداوه بين الأيهم والجساار، اااحجي منينلج هيج معلومه، أو لحظة لحظة.
ابتسم بطريقه كأنه عرف شي مهم.
جاسر: يوم الحفل التنكري من رگصتي ويا ذاك المقنع، چان نفسه على سَند.
شيريد من على سند ما اعرف بس يبدو مرعبهم و بيده هوايا ملفات تخصهم.
جاسر: نعلة على اااسمك شلون بهلوان على حبال الموت.
بتراء: اكل نعل ولا تلعن أسمه الاشرف منك ومن اصلك يا بلا شرررف. ها صگركم على سَند؟
شنو لازم عليكم حتى هيج خايف منه وتريدني اجي الصفك حتى تگدرله؟
لزم وجهي يعصره بين ايده.
جاسر: ما يصگر صگاره. يلا بيبي قرري خواتج
لو المُنقذ على سَند؟
انظرله و جهه ذرة إيمان مابي كله على بعضه فاجر وما يخاف الله، مستحيل اتردد ناحية خواتي اختارهن بكل مره، بلعت ريگ هزيت راسي اي ابتعد منتظر القرار.
بتراء: خواتي بكل مره، خلي شغله ببالك جاسر
اذا رُقيه و وَدق صار عليهن شي، راح اوگف عند أي نُقطه وَ اقلب الرُقعه عليكم اقلبها وأنهي اللعبه ولا أخاف من تهديداتك.
جاسر: أنتي كلج على بعضج بيدق والبيدق أضعف حجر بالشطرنج. عندج خطوه وحده تخطيها ماكو ثلاث خطوات او تسعه، صيري أذكى
فتحت الحجاب وعدلت شعري افتريت حواليه ننظر لبعض واحجي ضل ساكت ما مصدگ معرفتي بقواعد اللعبه.
بتراء: no عزيزي البيدق الأكثر عدداً في الرُقعه وإذا ما خطيت خطواتي بسلاسة اخلي الوزير و ملك العدو يثلث و يشتت بيادقكم كذالك، التوهين، وهيج احجاركم تنتهي وَ بعدها كش مات الملك.
ينتهي جسار وينتهي وياه نَسل الفُجار.
قرب وجه من وجهي عيونه تروح يُمنى و يُسرى اردف والكلام خلاني اعيد ترتيب الأفكار. معقووله.
جاسر: وإذا انتهينا في العراق لن ننتهي في روسيا!
گال هيج وابتعد نظرلي من فوگ لتحت.
جاسر: لا تنسي الاتفاقية اكتبيها على شي دفتر مثلاً
الملاحظة إلى وياج.
ضليت ساكته ما انطيت اي رد فعل ولا تسائلت من وين عرف بالدفتر فتح الباب ودفع بضهري حتى اطلع گدامه طلعت الغرفه هدوء ماكو أحد غيرنا كمل مشي للباب فتحها واشر اطلع اشوف الممر، طلعت راسي تفقدت الممر ماكو احد طلع ومن طلع اردف قبل لا ارگع الباب بوجه.
جاسر: ليله سعيده لييدي بتراء الجسار .
رگعت الباب بوجه ورجعت گعدت على الچربايه.
الف تفكير براسي، شنو ما ينتهون بروسيا شنو امبراطورية راح اتخبل يا ربي.
بتراء: دخيل اسمك ياا الله يسر لي أمري مجبوره انفذ الكلام في سبيل انجمع بخواتي. دخيل أسمك دخيلك يا على سَند.
نزلت راسي لازمته أشد عليه متت الوجع احس راح ينفجر من كمية التفكير والأفكار الراسي، هذا غير احساسي أنه احتاج جرعة من ذيج الأبره حتى ارتاح من التفكير، .
رفعت راسي مع صوت دگ الباب ضليت انظر بدون لا أگوم افتح متأكده جاسر رجع ما اريد ادخله للغرفه. رجع اندگ الباب گمت وكل عصبية العالم بعيوني روحي جاي تطلع من إلى أمرني اسويه انوب يرجع
لزمت يدة الباب فريت القفل وفتحته
بتراء: شترريد بعددد.
جفلت بمكاني على سَند ينظر بالممر وبعدها نظرلي
بلعت ريگ وهو مثبت عيونه على ملامحي.
كسر عينه كأنه يتغاضه النظر اردف متأسف شگد تفشلت.
علي سَند: آسف على الإزعاج بس لازم اخذلج صورة و ادزها علمود الهويه و الجنسيه تطلع الصبح.
أشرتله ادخل، وآني لساني انربط شحجي شگول
دخل وسديت الباب وگف گدامي طلع موبايله وما يخلي عينه بعيني ما فهمت ليش هيج يسوي.
بتراء: آسفه هذا هذا ابو خدمة الغرف أكثر من مره يگول اريد انضف وآني رفضت وعبالي هل مره هم هو. على سَند ليش ما تباوعلي؟
علي سَند: أنتي محجبة لو لا؟
واذا محجبة شلون تطلعين للباب بدون حجاب.
آنا احترمت وما انظرلج بدون حجاب غيري ما يسوي هيج.
غطيت بهدومي من الفشله هذا شلون أفهمه اول مره اللبس حجاب وآني أصلا ما متحجبه و هو قبل شايفني مصلخه بذيج الفستان، بلعت ريگ وتشجعت احجي.
بتراء: الله يحفظك يَقين مربيتك خمسطاعش مره
بس آني مو محجبه، من اجيت للزيارة لبست حجاب.
رفع انظاره إلى اخذ النظره الكامله عني من فوگ لتحت آني هم نظرت لنفسي بدون العبايه وبس بالجينز والتيشيرت شعري نازل على كتافي وهذا.
كرر النظر بيّه للحظه تراجعت عن كلامي هذا وينه وين تربية الخمسطاعش مره طااار.
علي سَند: هه استغفرالله العظيم واتوب اليه اوگفي عدل خل اخذلج صوره.
ابتسم وبس يستغفر بهمس، خطيت خطوه گدامه وهو تراجع خطوه
علي سَند: لا اوگفي شويه بعيد لا تقتربين كلش.
سويت مثل ما گال وابتعد ثلاث خطوات وهذا اخذ نفس وزفره اجا لزمني من متوني سحبني وياه خطوه ينظرلي و يحجي.
علي سَند: مُصره تزيدين ذنوب فوگ ذنوبي، اوگفي بمكانج لا تتحركي.
رافعه عيوني انظرله شنو من بشر هذا لو ملاك
بلعت ريگ وهزيت راسي ب اي
ابتعد فتح الكاميرا او موبايل اول مره اشوف هيج جهاز، رفع ايده لمستوى وجهي اخذ صوره والفلاشه اجت بعيني غطيت وجهي بإيدي وهذا عاط
علي سَند: لاااا ول ايييدج نزلي خرربتي ام الصوره
بتراء: انعميييت عمى العماك شنو هذااا
تدعين عليَّه شمسويلج بويا؟
لااا حاشاك ما دعيت عليك اقصد على هذا الزفت شنوو.
هذا الزفت اسمه موبايل وفلاش الكاميرا نزلي ايدج براء نزلي ايدج.
نزلت ايدي فتحت تك عين وزعت نضرات اي تمام بعدني اشوف ما انعميت نظرتله متخوصر منتظرني
، شهل فشله مشدريه آني ما اعرف شي بخصوص هاي الأشياء واول مره اشوف موبايل وكاميرا سويه.
حمحمت شويه اعيد ترتيب الكذبه إلى راح اكذبها حتى لا يفكرني ما اعرف بهيج سوالف، ابتسمت بوجهه، اردفت.
بتراء: ههه عندي حساسيه من الكاميرا من الفلاش من الأضويه القويه جدا.
علي سَند: اذا خليتج تكملين كلامج يطلع عندج حساسيه مني هماتين، اوگفي عدل يلا.
گالها بدون ابتسامته إلى اعتدت اشوفه ويا كل كلمه
درت انظاري بالغرفه امثل الغرور وگفت ومنتظرة يصور.
بتراء: بس طفي الزفت لا تنسى.
علي سَند: الفلاش قصدج نطفي تمام، اوگفي مثل الاوادم شني عيونج بالسگف عايني للكاميرا.
بتراء: فضني و اخذ الصوره.
نزل ايده ينظرلي بصمت، هز راسه وخطى خطوات بطيئه بإتجاهي آني أتراجع وهو يتقدم سفطني ويا الحايط تدنى لمستوى وجهي عيونه تريد تاكلني بالنظرات اردف.
علي سَند: بنيه فحله شلون ما ادري بس بنيه فحله و عنيده شهل راس اليابس العندج آنا گتلج اوگفي كذا وكذا ليش ترفعين هذا الخشم عليَّه؟
اشر لخشمي و وجهه قريب عليَّه، تذكرت لمن بروسيا هم گال عليّه بنيه فحله، نظرتله بنفس الطريقه و رديت.
بتراء: تربية يَقين وين صارت تربية يَقين
مو تگول مؤمن شلون هيج تقترب وتنظرلي.
علي سَند: اصلي ركعتين توبه وَ الله غفورٌ رحيم
رتب خصلات شعري وابتعد ما شال عيونه عليَّه ولا اني كسرت عيني بهل اثناء اخذلي صوره، ابتسم وهو ينظر للصوره بعدها شوفني.
علي سَند: طالعه حلوه الصوره طالعه حلوه.
اندار وراح للباب آني هم مشيت وراه ارجع شعري ورا اذني.
بتراء: باجر اجي وياك للنجف صح؟
وگف واندارلي بالباب.
اي صح ومناك الله كريم.
بتراء: تعوفني بدار الأيتام لو المسنين؟
تعابير وجه جانت غريبه، هو الاغرب سؤالي إلى مجبوره أسئله بالترتيب مثل ما فهمني جاسر
وما ادري شنو هدفه لمن گال احجي هيج وياه.
علي سَند: براء شهل كلام تتشاقين صح.؟
بتراء: لا ما اتشاقه سئلت سؤال وحابه اسمع جوابه.
تقدم خطوه رجع الموبايل لجيبه اردف
علي سَند: ما معقوله اشمرج هيج شمره.
تجين لبيتنا معززة ومكرمه بعدها اذا الله سهل ادبرلج شغل وتعتمدين على نفسج وهاي هي.
بلعت ريگ والعبره خنگتني هزيتله راسي بقبول بدون لا انطق او اخلي عيني بعينه. ، طلع و اندارلي
علي سَند: الصبح بال9 نطلع من كربلاء على النجف.
هم هزيت راسي ب اي واتجاهل النظر اله راح لغرفته وهو ينظرلي، سديت الباب وگعدت وراه
بتراء: حسبي الله ونعم الوكيل عليهم حسبي الله ونعم الوكيل عليهم.
نزلت راسي أبچي من القهر البيّه رفعت انظاري من تذكرت الدفتر طلعته من جيبي ويا القلم، گعدت اكتب كلشي مريت بي، ليس حتى اتذكر وإنما فضفضه من الخنگه والوحده إلى بيّه.
أريم
بعد نص ساعة طيارتهم وهي ما طالعه من غرفتها
رجعت دگيت الباب.
أريم: عزوزه عزّهَ خل نحجي واعتذر منج عزوزه.
شبيها؟
انداريت عزام ورايه
أريم: ما تفتح الباب ولا تسمحلي اعتذر منها ساعدني عزام بس انت تگدر عليها.
دگ الباب وحجا
عزّهَ بويا استعجلي لا نتأخر.
أريم: گتلك حاجيها خل تسمعني مو تسمعك.
عزززه عززززوزز ما تسافرريين اذا ما حجيييتي وياي.
ادگ الباب وما تجاوب إلى أن الباب انفتح طلعت جنطة السفر وطلعت وراها نظرت ل عزام.
عزّهَ: جاهزة امشي.
اجت تحمل الجنطه عزام أخذها ونزلوا وآني وراهم
أريم: عزّهَ بس افهميني مره وحده خل يهمج شني احب و شني ما احب، گتلج يومين إجازه خلص يوم وباقي 24، ساعه من اليوم الثاني يعني شبيها لو تروحين وانتي راضيه عن قرار عمو.؟
نزلنا ثلاثتنا بالصاله عمي وبابا واگفين هلال ماكو ولا نزلت، أبيل طلع من المطبخ بيده ماعون فواكه وياكل بالچطل ينظرلي وينظر لعزام.
أبيل: ها خويا راح تطلعون صار الوگت؟
ما لحگ يجاوب عزّه تدخلت وحجت.
عزّهَ: اي نطلع خليك ريلاكس.
أبيل: آنا ريلاكس هاج تفاح.
مد الچطل وعزه بقدرة القادر ساكته عمي أيهم
خوزر بي وأبيل راح گعد گدامنا ياكل و ضارب الوضع چلاق.
الباشا: عَزّآم وانت راجع للبصره انتبه عادة بالمطار ينتظرونك، لا تغفل.
عَزّآم: صار يابه لا يضل بالك.
الأدهم: أبن الباشا ما أوصيك على بنتي عبن انت گدهاا.
ابويا الغالي ما اظن تخاف علينا مثل ما عمي ايهم يخاف، عجزت افهم شخصية أبويا، اجا السايق اخذ الجنط.
الأدهم: يوصلكم للمطار ويرجع السيارة
أبيل: اهم شي اهم شي المحروسه الثانيه إياكم تلزموها ما ارضى وعلى الضرغام.
ارشت عليه وما اعرف معنى كلامه حجيت بإستغراب.
أريم: هذا الجداً ريلاكس عن منو يحجي المحروسه منو؟
الأدهم: هههاههه أريم بابا مو وگت غيرتچ.
أريم: اغير من شني يابه انت ليش حاسك تريد تلزگني بمصيبه.؟
عزّهَ: لايگين لبعض مبروك المصيبه عليج.
حجت هيج و طلعت عزام وزع نظرات علينا وطلع وراها اما المُختل غص بالتفاحه واشر على نفسه
يگح ويحجي. عمي وابويا گعدو يشاهدونا بصمت
أبيل: هساا هسا آنا مُصييبه؟ عمي النادر سكت بنتك گامت تحجي حجي زايد.
أريم: ولييش اسكت ليش؟
انت فعلآ مصيبه و عزّهَ هي الوحيده إلى تعرفك
الصبح حرگت شخصين طبعاا بعدما ضربتهم طلقه.
أبيل: صوبتي على اثنين بدم بارد متعادلين.
أريم: انت انت مو گللت چنت ادافع عن نفسييي ليش هسا تگول صوبتهم بدم بارد؟
أبيل: تراجعت عن كلامي اذا ما تعتبرين مقتل الخروفين وشوائهم دفاع عن النفس ما اعتبر تصويبج
علي ذولاك دفاع عن النفس.
أريم: هذا شعليه بهذاااا بطلت والله اريد ارجع للبصره هسااا دقيقه ما ابقى بسببك عزهَ مقهوره مني
عزّزززهَ.
طلعت للباب. سيارتهم مشت و ابتعدو بس رغم هل شي ركضت وراهم احجي وانادي
أريم: صوجي غبيه قهررت اختي علمود اجازه تااافهه
وشخص تااافه مراح يسندني بكل الحالات لااا إلا ااذا
الكلام خدمه يوگف بصفي، لج عزّززةةة.
بقيت بنص الشارع وحدي، سمعت صوته يصيح عليّه انداريتله جان جاي من بعيد رحتله وعند نقطه معينه وگفنا وجه بوجه ادفعه من صدره، واحجي بعصبيه.
أريم: عزّهَ راااحت وهي مقهوررره مني والسبب اانت
بيرفكت وبعدد.
أريم: شگددد مغغغثثه بسبببك عزّهَ راحت.
عزا العزاها ليش تروح ام خشم؟
أريم: ااابيل
أريم.
لزم ايديه ثنينهن وسحبني عليه نظر بالمنطقة
وبعدها نظرلي وحجا.
خل نطب للبيت هنا مو أمان تمام جانم؟
أريم: دقيقة ويت مرتين گتلي جانم!، شني معناها؟
كلمه كلمه تَدُل على الرُقي.
ابتسم ابتسامه تسليكيه ومنتظر أوافق على كلامه.
أريم: لا ما ادخل عاجبني ابقى هنا، شني يعني حتى باب بيتك مو أمان چا انت فعلآ مُصييبه.
أريم خاتون امشي گدامي.
أريم: اذا رجال اجبرني.
نظرلي نظره عجزت افسرها ابتعد خطوتين ورفع ايده والمسدس بوجهي.
أريم: لاااا هنااا Stooop تهدددد أريم بنت الادهم باشا تهددد اااريم.
محد بعيني وادير عليج لتر بانزين احرگج حرگ
أمشي گدامي بنت الدرهم.
أريم: مُختتتل والله مُختتتل وانوب تصنف على أسم ابويااا.
دفعني من ظهري صرت گدامه تقرب سحبني وقيد أيدي همس بأذني.
اصنف على جد جدنا السابع ومحد يسألني Why يلا بيبي يلا جانم تمشين مثل الحبابه وإيدج فوگ راسج.
أريم: مااا تولي.
نولي سوا شتگولين؟
دفعني گدامه رفعت أيدي ومشيت إذا ما اخلي عمي يشوفك تهددني ما اطلع بنت الادهم باشا.
ساكته المطلقه الاكترونيه بشني تفكرين؟
ما جاوبته كملت مشي وصلت لباب البيت فتحها
و أشر ادخل گدامه دخلت وبعدني رافعه ايدي، صيحت.
أريم: ال حلف اصيير بأمااانته رفع سلاحه بوجهي عمي ااابنك هددني بالقتل اذا ما اسمع كلامه.
الباشا: وين أبيل؟
الأدهم: أريم بابا أبيل وين راح؟
نظرت ورايه ماكو وين راح هذا الغدار.
آنا هنا، تذكرت اليوم ما رشيت الحديقه
حولنا انضارنا لمصدر الصوت الجاي من البلكونه.
رحت فتحت الباب الزجاجي عمي وابويا ورايه ننظرله. لازم الصونده ويرش الزرع.
الأدهم: شهل اتهام عيب أريم.
الباشا: دائماً تتلاحگ الوضع، رشهن يبعد ابوك رشهن لا يعطشن.
عمي عافنا وراح على غرفته أبويا وزع ابتسامته الغامضه وراح للمكتب بقيت واگفه انظرله وهو يرش الزرع بالماي ويتغاضه نظراتي
أريم: شايف الحربايه إلى تغير لونها؟
أبيل: اي شايفج، كملي؟
أريم: ااي ااانت الحرباي مثلها.
أبيل: اها تريدين توصلين فكره انه.
مثل ما أكو رجل عنكبوت أكو رجل حرباي. صح؟
بيرفكت بيرفكت.
دفرت وحده من الزرعات هي والسندانه مالتها وگعت گدامه نظرللها ونظرلي بعدها رشني بالماي
أبيل: غبيييه شلون هيج تدفريهااا.
طبگت الباب بوجهه لأن شمر الصونده واجا يهد عليّه
قفلت الباب الزجاجي واتشمت بي اشرلي بمعنى اصبري و راح للباب الرئيسي ركضت بسرعه طبگت هذا الباب هم بوجهه ضل يدگ ويصرخ بس محد يسمعه
رجع للبلكونه گدام الباب الزجاجي حجيت وياه و اتشمت.
أريم: ليله سعيده مع زريعاتك يا حرباي اها ولا تنسى تبدل لونك حسب النبته، گود ناااايت.
ضل يصيح ويغلط يهدد بالحرگ عفته ورحت للمطبخ اللتهيت اسويلي لفة جبن وزيتون، ميته من الجوع، كملت وطلعت اكل منه، متونسه رحت لباب البلكونه ما شفته هنا يبدو رايح لشي زاويه ينام.
أريم: اعدل المايلات آني، آني الخليت علّه بگلب عدواني، اوووي تستاااهل ههههه.
انداريت بلعت ريگ من شفته بوجهي.
شلون طب للبيت ما ادري إلا بي جني هذا ماهو طبيعي اللفه بإيدي وتبسمره بگاعي قرب راسه
اكل منها وينظرلي
امم لذيذ بيج خير تسوين لفه ماشي الحال امشيها
الچ، .
شمرت اللفه بحظنه لگفها وعادي ياكل منه
أريم: لا انت موو طبييعي مُختتتتل.
شلون طبيت للبيت والبواب مُغلقه؟
ياكل من اللفه ويحجي.
هذا بيتي يا غبيه طبيعي جدا جدا مسوي أبواب سريه.
أريم: واو بيرفكت.
واو بيرفكت احذرو التقليد.
أريم: واو ولي.
انتي ولي اصعدي غرفتج يلا.
دفع بظهري للدرج
أريم: ول ماا اسمحللك ماا.
دمشي لا ادير عليج لتر بانزين.
صعدت الدرج واندارله واگف ينظرلي سبيته سبي بگلبي شهل ورطه هذا، اجيت ادخل على غرفة هلال
حتى نحجي شويه بس لگيتها قافله الباب عفتها براحتهه ودخلت على غرفتي بدلت، لبست تراك النوم
شمرت جسمي عالچربايه بعد هذا اليوم الطويل
اضليت افكر بالاحداث إلى مرت عليَّه اليوم واخلق
سيناريوهات، مثلاً لوما طلعت ويا أبيل ما چآن عشت.
الرُعب إلى عشته ولا چنت اصوب اثنين.
أريم: ديلا قدر الله وما شاء فعل.
غطيت راسي باللحاف احاول انام ما اگدر، ارجع افكر بالصار وأبيل شلون دافع عني گدام عزّهَ بعدين اگول لا هذا حرباي غير لونه، الحاصل ضليت هيج لحدما دخت من أفكاري ونمت.
ال بتراء
گعدت الساعه 8: 30 الصبح
غسلت وجهي اخذت الشال حتى اللبسه
لگيت مشگوك بنصه ومبين أثر سچينه.
گعدت محتاره شنو الحل و على سَند گال على ال9 نطلع، گمت وگفت گدام المرايه رفعت شعري وشديته ولميته لم بنفس الربطه.
جبت الحجاب حتى اشدها مثل الشماخ.
قبلها، دخلت الگلاده تحت التيشيرت وبديت أشد.
الحجاب مثل ما ينشد الشماخ، كملت و لبست العبايه، اندگ الباب اخذت كُتيب الملاحظات والقلم خليتها بجيبي و رحت فتحت الباب.
علي سَند: صباح الخير.
بتراء: اهلا صباح النور.
اخذ النظره الكامله عني بس ما علق على شي.
طلعت گدامه وطبگت الباب.
علي سَند: انطيني المفتاح.
انطيته المفتاح ونزلنا بالمصعد للطابق الأول
سلم مفاتيح الغرف، دفع الفلوس بالبطاقة وبعدها طلعنا بالباب السياره واصله يم باب الفندق.
صعدنا و شغل السياره نظرلي و اردف
علي سَند: شدي الحزام.
بتراء: تمام.
هدوئه وترني يسوگ بإيد وبإيد لازم موبايله يراسل
كمل مراسله و دخل لليوتيوب شغل أدعية يوم زيارة الأربعين و رفع مستوى الصوت طول الطريق هادئ ما حجا كلمه.
انتبهت على شي يم الگير مديت ايدي لزمتهن
اشوفه الجنسيه والهويه عليها صورتي. قريت الأسم
-براء حيدر الكرار -
هويتج والجنسيه
بتراء: شلون؟ وبهل سرعه طلع؟
معارف بالدوله.
بتراء: اها م$ني.
مرمقني بنظره و اردف
گلت نعوله عدنه بالدوله مو انطيت فلوس ورشوات، هذني حرام.
سكتت رجعتهن لمكانهن وما جاوبت بس هزيت راسي.
خلصنا الطريق من كربلاء كله هدوء، وصلنا للسيطرة قدم الجنسيات
البنيه شني تقربلك؟
علي سَند: خطيبتي.
هذا خطيبج؟
بتراء: شنووو؟ اقصد شنو هذا السؤال
طبعاً خطيبي.
بألف يا على لازمه لساني عبرنا ورجع الجنسيات
طلعنا من السيطره و زاد السرعه.
بتراء: شنو هل چذب جان گول شي ثاني.
ما جاوب بدل الگير و داس بانزين عيوني على مقياس
السرعه من 80 عبر لل 190، وگف گلبي هذا ليش هيج يسوگ، قفل الأبواب بالقفل المركزي واخذ نفس عميق
بتراء: على على سَند شبيك صاير شي احد احد لاحگنا؟
انداريت اباوع ورانا ماكو اي سياره مثيره للشك
بتراء: على سَند احجي ويااك جااااوب شبيك من الصبح مو على بعضك.
عبر السيارات و كلها تدگ هورن وهذا مستمر بنفس السرعه يسابق الريح، لزمت كتفه اهز بي حتى ينتبه ويحجي، ماكو فايده فاقد وما ادري شبي.
عيوني جحضن مثبتتهن گدامي، كلشي صار فجأة
بتراء: على سَندددد اااانتبه.
أهي بدايةٌ جديدة ام نهايةَ ما كان بادء،؟