رواية ولد الباشا للكاتبة فاطمة الأحمد الفصل الخامس
آيدا
إزمير 2005
بعد مرور سنوات طويله على الحادث المئساوي اللي صار ويا الأشتر وفي أهم
يوم بحياتنا.
فركت وجهي بنفاذ صبر وخرت اللحاف گمت
من فراشي مشيت او هيه چانت ركضه اروح اتلاحگهم علگت بيناتهم مره ثانيه فتحت الباب دخلت غرفتهم
هِلال تبجي وتشد بشعر أبيل
أبيل لازم جداحة ابوه يحاول يشعلها ويحرگ
شعر هِلال
إيمار المشاغب گالب الغرفه مطشر العابه
عالارض ومطلع گيتار عمه چآن جايبها.
ك هديه اله، رغم عمره اربع سنوات بس ذكي وفطن يمرر اصابعه على أوتارها
ويبتسم يحاول يغني اغاني متعلمها من
عمه، اخذت الجداحه من إيد أبيل وعفتهم
رحت شلت إيمار ابوسه، واحاجيه
آيدا: إيماااري، جاانم، رووحم، عُمررم
دخل للغرفه يبتسم تقرب حظني من ورا آني وإيمار البحظني، باسني من خدي، يردف
الباشا: عششقم، جاانم، حياااتم
آآيدم، رووحي بيچ روحح روححي
آيدا: أييهم ترا كُبرنا على هيج سوالف
انوب گدام أبيل و هِلال؟
الباشا: بله ما تنچبين وين كُبرنا بعدنا بسم الله
آيدا: أأييهم قصدك آني اسكت؟
الباشا: اي والله أنچبي
آيدا: أييهم بعدني انطيك فرصه قصدك
Beni çok seviyor.؟
الباشا: خليچ إيجابيه كلمة أنچبي
معناها çok seviyor بس انتي شيفهمچ؟
آيدا: Aman Aman
هِلال وگفت گدام أبوها تمثل العصبيه، صايره تحجي تركي أكثر من
العراقي، مثل كل مره تغار مني
تحب ابوها لأبعد الحدود
هِلال: تحبها ااكثر مني؟
Onu benden daha çok seviyor musun
نظرلي يبتسم ويكرر كلام هِلال
الباشا: تحبهاا أكثر منيي؟
Onu benden daha çok
seviyor musun
شالها يرتب شعرها اللي بلش لونها يميل
للتمري باسها بوسات طويله أبيل وگف گدامه يحجي بعصبيه كلامه بالعربي أوضح من هلال كل كلماته متعلمهن من ابوه
أبيل: ياا على وآنا؟
الباشا: اااي كمل يااا ضرغااام
صاير بگد البعير 8 سنوات شنو اشيلك؟
لا تصير ناعم ابني.
أبيل: ليش الصفره أصغر مني هي مالتي
الباشا: گول توأم مالتي ياا غبي
آيدا: محد خربهم غير دلالك
دگ الجرس نزلت إيمار عالأرض اردفت وآني اللم شعري
آيدا: واخيرا وصل، تاخذوهم للحديقه
خل اعرف شلون أشتغل وارتب أغراضنا قبل
لا نسافر
الباشا: تمام جانم بس أعصابج علينا
كملت كلامي وطلعت من الغرفه مشيت بالممر
وصلت للباب فتحته ابتسم بوجهي مثل عادته
سلم ودخل للبيت سديت الباب، رحت وراه
حافظ كل شبر بالبيت كل فتره يزورنا مشى.
بالممر وآني وراه
لزم يدة الباب فتحها وأبيل ركضله يضحك وينادي بعلو صوته
أبيل: ول أشتررر
الأشتر: ول ااابن الحااروگه گوول عمي عمي
لا ادفنك بصف وگاع وووالله
هلال شافته ركضتله تحظنه
كل كلماتها تنتهي بحرف الميم
هِلال: شتررمم هننج
شالها يبوسها حيل اردف مثل عادته ابد ما تغير
الأشتر: ول خااالي ااحبج ااحبج
كفيلج آل وگاع كفييلج جدنا السابع
بسس لااا تگولي هننج هي هممج موو هننج
طلع الباشا من حمام الغرفه، مغسل.
أخذها من ايده نزلها كنبص يمسح مكان
البوسه ويحچي
الباشا: حفييد الهمج شبييك روح بوس بآميله، هِلالي خط أحمر ما اسمحلك خوش
شال إيمار على كتافه كنبص اخذ الگيتار
ومشى لخارج الغرفه واحنا طلعنا وراه
الأشتر: إيمار راح يطلع على عمه
وخطط احمر تتدخلون بتربيتي
إيمار روك ستار ويا ابن عمه الثاني
آيدا: شترووو ابني خط أحمر راح تسويه همج مثلك، أيهم احجي كلمه ويا اخوك
الأشتر: ول خااالي هِلال تربيتج وإيمار.
يصير تربيتي، أما أبيل مبين ابن الحاروگه يمشي على خُطى أبوه.
ايهم لزم إيد أبيل يمشي للباب اول واحد والاشتر وراه
الباشا: حفيد الهمج بعد هذاك الحادث
لو يطلب روحي ترخصله.
صار يّرگص إيمار على كتافه ويحجي
الأشتر: على عناد ام الشعر التمري
ول خااالي اللعب بكيفي آنا
طلعو من البيت، اندارلي اردف
الباشا: وشغله ثانيه يمان راح يجي
يسلم أوراق إنشاء المصفى وصيته يتركهن
بالباب ويمشي من يمشي تطلعين تأخذينه.
آيدا: تمام ولا يهمك
الباشا: آيدم خليج منتبه واقفلي الباب
لا تفتحين الباب لأحد تمام جانم؟
هزيت راسي، اردفت
آيدا: تمام عُمرم تمام
الأشتر: ول خااالي مو وگت رومانسيتك
امشي تأخرنا ترا بعد ساعه لازم نرجع ونتوجه للمطار.
بست هِلال وخليت ايدها بإيد أبوها
لازم ايد التوأم، الثلاثه لوحولي، بإيدهم، ضليت اباوع عليهم لحدما صعدو السياره ومشو. دخلت وسديت الباب.
- النجف الأشرف
يَقين
مرت السنين بسرعه واليوم يمر على زواجي
15 سنه فزيت من صوت قوري الچاي
يفور منه، طفيت تحته ورحت اگعده يتريك
مشيت لغرفتنا مريت من الصاله
شفت ابنا الوحيد گاعد بين الكُتب الدينيه
والقصص التحجي عن الإمام على عليه السلام يقراهن لو يكعد يردد قصائد
نظرلي بإبتسامه
يَقين: اروح فدوى لهاي الإبتسامة
عفته ورحت على غرفتنا شغلت الاضويه، فتحت البردات اجاني صوته
الأدهم: يَقين ااموتج رجعي البردات.
مثل ماا جاانن وطفيي الزفت هذاا على حظي
اليوم أكو كهربااءء
سحبت اللحاف عليه اردفت
يَقين: ااادهممم گوم گووم الدنيا صايره بالمگلوب ابنك بطولك يعني إلا احچيييها
گعد تربع ينظرلي مصغر عيونه
وكل شوي يفركهن
الأدهم: لا خاتونة الباشا آنا احجيها
لا تعبين روحج ديصير مثل ابنك يااحظي
يَقين: ياااحظي دهييم گووم ترااا ما ااجي وياااك للبصره والعبااااس گوم تريگ وفضني
گام ونزل من الچربايه مر بصفي گرص
خدي يردف.
الأدهم: شلوون الأصيله تهدد استقري
خاتونه استقري عيني جايج كفيلج اليحلف بجدي السابع
يَقين: عمه ناهد كلامها أصح من الصحيح
أنتو أحفاد الهمج وگاع، واحد يحلف براس الثاني إلا الباشا حلفانه معقول
صيّح وهو يفرش سنونه
الأدهم: قصددج، يااا على ياا ضرغام؟
يَقين: لااا قصدي، يااا حظي.
آمل
مر سنين على الحادث وبعده مايروح من بالي فكرة أنه لو خسرنا الأشتر شني چان صار بينا، الأشتر عايش بمعجزه من الله!
الكل يعتبروه روح بيت آل الباشا
الشخص الوحيد من بين اخوته شقاوچي
الشخص الوحيد اللي ما يگدر يكره
بعد الحادث الله رزقنا بولدين والحمدلله. الأشتر سمى الأول آل وگاع صار عمره 15 سنه
أما اخوه الأصغر.
دخل للغرفه كل ملابسه تراب رغم صغر عمره
ال 6 مع ذالك كلامه فصيح إلا ما ندر.
يسحك بجم كلمه، ركضلي يصيح ويحجي
مثل ابوه
وتان: يُماااي المسدس وين؟
آمل: اي وحده بيهن آل بماي لو الصچمات؟
وتان: دخييل جدي يُمااا
آمل: آنا دخييلة جدي السابع شلون ابتليت
روح ابني روح لا وحق جدك شلون اسم شايل
وتان: ول خااالي نتناسب يم گبر جدي.
آمل: موو نتنااسب، نتحاسب نتحااسب
امشي لا اسطرك واحد ابو وگعه
والثاني ابو وته شلون أسماء مسميكم
ابوكم الهمج.
وتان: يُمااا لا تگليلي ابو وته
مثل عزمام وهدمام.
آمل: عَزآم وهَدآم، ابني تعلم تعلم
گمت جبتله ملابس نضيفه حتى ابدله
دخلت مرت عمي الله يطول بعمرهه
بعدها مثل ما هيه شامخه وكلمتها ماتصير ثنين
ناهد: ولج آميله حفيد الهمج شوكت يرجع؟
آمل: عمه اليوم المسا يرجعون
همه وعائلة الباشا
دخلت سجى اللي متغيره كلش
بعدما الباشا تزوج واستقر بإزمير صار 15
سنه
سجى: شنو يعني اليوم يرجعون ويستقرون بالعراق؟
عمتي ما باوعت بيها جاوتبها
ناهد: عندج اعتراض سجى خاتون؟
سجى: يجيب التُركيه على بيييتي؟
آمل: سجييوا شبيج صوتج ويامن تحجين؟
سجى: ااانتي أنچبي اااني الچنه الچبيره
موو انتي لاا تنسين هذاا الشي.
سكتت ما جاوبتها احترامًا لعمتي ناهد
گامت عمتي اندارت سوت حركتهه المعتاده
خلت ايد على الثاني تباوع على سجى
فوگ وتحت، اني بمكاني خفت والتوتر لزمني
ناهد: بس تراب رجلين التُركيه
تسواج، مريّت الباشا حشمه واحترام وثگل
والأهم من هذا الأخلاق والعِفّه
ضليت صافنه على كلام عمتي خاصة.
اخر كلمه سجى ولا جنها الكلام وياها
سجى: بنت الحيه اخذت زوجي مني
كل ست اااشهر صرت اشوووفه
ناهد: ليش عيني لازمج شي ناقصج شي؟
وفهمج كفايه
نزلت راسي لبسته التيشيرت وعفته يطلع
آني استحيت بدال سجى واگفه بوجه عمتي تجادل صح مجاي افهم شنو سبب كلام عمتي
ويا سجى وليش تبسمرها كل فتره بس ااستحييت أكثر منها، طلعت عمتي من غرفتي
وسجى تمشي وراها تحجي.
سجى: مستحييل ااقبل مستحيل
آني هم طلعت اشوف ندى شتسوي.
ندى اللي فعلا نادره ماكو كلام يوصفها.
ندى
قبل 15 سنه الأدهم دخل للبيت
لازم ايد بنيه وبحظنها ولد دخل وگال مرته الأولى البنيه أهلها أعداء ويا بيت الباشا اخذها بتهديد السلاح وبفزعه الباشا
واخوهم الأشتر
طبعا عمتي جانت تعرف بس ما حجت
بذاك الوقت جانت مرتبه زواجي منه صار
الصار وسامحت عمتي لأن ضمت السالفه
آنا انسانه كافيه خيري شري، اريد حياة هادئه
بدون خلافات ومشاكل، سجى جانت وبعدها
تحرضني، تكول لا تخلي الأدهم يروحلها.
تخرب بيتج تاخذه منج، جنت اهزلها الراس
واسوي العكس لأن أدهم ماكو منه
ما قصر وياي او ويا بناته الثلاثه وابنه يحبنا حب كلش چبير، استغرب شلون هيج
يحسسني بس آنا البحياته وماكو غيري
، حبنا بنفس الطريقه بدون تفرقه ابنه وبناته وابنه الثاني من يقين
ما فرق بينا، واليوم راح يجيب عائلته الثانيه
ويجي للصراحه فرحانه لأن كلش حبيت ابنهم
تعلقت بيه وحبيته مثل ما احب هدآم.
دگت الباب وفاتت انسانه بشوشه شقاوجيه مثل الأشتر، فعلا الله خلقهم لبعضهم وما
فرقهم الموت
آمل: ول ندددى هاااي شمسووويه وحق جدنا السابع دهييم يتسوودن عليج ول كومي
ااانداار عليج فدوى تخبلييين مو بين عليج
ام لثلاث بنات وعندج ابن 17 سنه وعزه
المزه صارت 15 يبوو عيين الحاره بارده
ندى: آميله دخيلج ولج شمسويه بعدين
كُبرنا ولج ابني وانبج بطولنا
حظنتهه شگد احبها ابتعدت تحجي.
آمل: بربج نداوي واذا ابنا بطولنا بعدني بسم الله بأول عمري، اليوم راح يكون كلش
حلو واخيرا بيت الباشا يجتمعون ولد
واحفاد
ندى: ول شبيج چا واحنا الچناين كُلش فرحانه عبن راح اشوفن مرت الباشا
آمل: دا اتخيل شگد تخبببل حتى الباشا
هيجي مشالها كُل العُگَل مشااي ول خااالي
ندى: حفيدة الهمج تحجي مثل زووجها
آمل: انتو ما غاثكم غير جدنا السابع
شبيكم بس نتحاسب يم گبر وگاع ديلا
ندى: صدك شمعنى يم گبر وگاع؟
آمل: شمدريني اشتر يگول بيوم من الايام
نروح للنجف نزوره كلنا واگعد أحاسب ونتحاسب يم گبره.
ندى: بس ارريد اعرف شنو يتحاسب يم گبر وگاع خو يروح لگبر ابوه يتحاسب ويحاسب
غادي شمعنى إلا آل وگاع، كل شويه تخلو
يگمز من گبره يگعد يسب لليلته هذيج
فزينا من صوت عمه ناهد
ناهد: وول ندددى
هااي عليمن تحجين؟
گمنا وحده تباوع للثانيه ندى جفصت جفصه شكدها شكبرها
ندى: هُدهُده عمه اقصد عمه دا نحجي.
عن نسل الهمج، لا مو هيج شجاي احجي آسفه المهم وصلت الفكرة
آمل: ولد هُدهُده وابني شعليهم؟
ندى: دقيقه انتي من سُلالة وگاع
نسيت والله اعذريني
آمل: بس اسكتي شجاي تحجين خزيتينا
ناهد: شلوون بلييت رووحي بچنااين
من ولد الهمج وحده اسوء من الثااانيه
آميله يلا عالمطبخ، ندى ورااايا بسررعه
مريت بصفهاا بستها بسرعه وابتعد احجي
آمل: آسفين هُدهُده أعصابج علينا
لخاطر جدنا وگاع
ناهد: تولين لا اگبرج بصفه.
عود اشبعي منه، حفيدة الهمج.
إزمير
قبل سنوات انتقلنا من البصره إلى إزمير
الجسار ضل يجي ويروح من بين إزمير والبصره بسبب عائلته الثانيه وشغلهم.
اخر مره ساعدت بيها اخويا بقضيه التهريب الغير قانوني هددني بالغلطه الثانيه يقتلون
بناتي بدون رحمه انداريت على صوت بنتي
صار عمرها 5 سنوات
-- Annem، ليش تسجلين الفيديوهات
نظرتلها
- كلما تكبرين خمسه سنوات
بيبي راح تنطيج وحده منهم
- عمري شگد
- من عمري على عمرج
انتي عمرج خمس سنوات أصغر من اختج.
اردفت بفضول
- شگد عمرها؟
- أُختج الچبيره 8 سنوات بالبصره
- شوكت نشوفها
ليش بالبصره واحنا هنا
سكتت ما جاوبتها
- انطيني تسجيل
- لا بيبي كل خمس سنوات راح تنطيج وحده من
التسجيلات لأن هي الچبيره عيب ما يصير
غيرها
- Evet بابا هم يگول
بيبي جبيرة لازم هي اول وحده تحجي
طلعت برا الغرفه وشلت التسجيلات بمكان واحد ويا رساله ورقيه
طلعت من غرفتي مشيت للمكتبه الموجوده
بالبيت الباب جان مفتوح جنت اشوفه.
يجي ويروح گدام المكتب لازم العكاز
الفضي الجان المسكه مالته على شكل
راس الدب يستند عليه، جذبني حديثه
علي التلفون.
الجسار: عينك عليهم
گتلكم قبل لا يرجع ما لازم يحقق الحلم
ويفتح أكبر مصفى للنفط بإزمير مفهوم؟
الأخظرر واليااابس الأخظرر واليابس
ما يهمني المهم تجيبونها عايشه
فزيت لمن نظرلي بطرف عين قفل الخط
صوت خطواته وصوت العكاز يضرب براسي
من الخوف والرهبه
الجسار: جنتي تتسمعين عليه؟
- ل لأ
الجسا: بناتج الثلاثه وين؟
- ش شلون
الجسار: انتي ما جنتي تراقبيني؟
- ج جسار عن شنو دا تسألني بالضبط
الجسار: الاثنين. بناتج الثلاثه اليوم
ولد عمهن يعقد عليهن.
- چا ليش ما تنطيهم بنتك ليش بناتي؟
ضرب العكاز عالارضيه يم رجلي متت من الخوف، نظرتله اردف
الجسار: بنتي ماعليج بيها اما بناتج
انتي ف ولد عمهن يعقدون عليهن
- بناتي بعمر الطفوله
أنتو لخاطر شغلكم راح تدمرون حياة 6
الجسار: حياة 8 أشخاص لأن
حتى بنتي راح ازوجها بعد سنوات من نفس.
العائله من ابن عمها...
- جسار لا تسوي هيج بناتي صغار 7 6 5
سنوات شلون؟
مر بصفي همس كلمتين حددن مصيري
الجسار: بعد العقد تودعين بناتج وحياتچ...
مشى لبرا البيت، من بعده دخل جاسر للمكتب اخذ سلاح عمه وگفته
- وين تروح لا تسوي شي تندم عليه
لا تصير مثل عمك
جاسر: لا تسوين روحج حبابه وكافي تتدخلين
بينا هم زين ما افرغها براسج
- صح مو أمك بس اريد مصلحتك.
دفعني وطلع من الباب.
الأشتر
گاعدين الحديقه العامه الثلاثه يلعبون ملتهين
انداريت لصوت الباشا وهو يسألني
الباشا: جسار بإزمير من سنين ديسوي شي
ديخطط لشي متأكد، مستحيل يسكت عن إلى سويته بيهم بعدما حاولو يغتالوني وانت انقذتني.
الأشتر: الشباب مراقبين تحركاته
يريد يخلص من هم بناته يخلي ولد اخوه
يعقد عليهن ثلاثتهن حتى بس اخو لا يشتغل
بوحده يقوي العلاقه بينهم.
الباشا: چآ وبنته من الزوجه الأولى؟
الأشتر: بنيه نچره رغم عمرها الزغير.
موگفه ولد عمامها على تك رجل فنه اليطخها
الباشا: حرامات تكون من هيج اب وسخ ونگس مثل جسار.
گام ركض لإيمار شاله
الأشتر: ااابن الحااروگه شگددد نااعم
ول بااشاا اول ما انزل البصره اخلي يصير بدوي اصلي
الباشا: نوب تسويه روك ستار نوب بدوي
والله انت متسودن. إيمار وأبيل راح يكملون
تعليمهم بتركيا حتى إذا استقرينا بالبصره
الأشتر: ول خالي لو تذب إيمار على
كوكب المريخ حتى تبعده عني وعن تربيتي.
اوصله و ارجع اربيه خمسطاااعش مره
وامشيه على خُطاى هو وابن عمه وتان.
آيدا
غسلت أيدي ولفتني اسوارتي الباشا
بعد خمس أشهر من زواجنا انطاني ياها
جان محافظ عليها وتردد ينطيها إلى خاف
تروح او تضيع اول رمز او شغله الهه
معنى مُمميز بقصتنه خاف اضيعه وهو
ما يدري روحي بيها ذكرى من ابويا.
رتبت البيت وعزلته غطيت الاثاث كله بچراچف بيضه، بعد 15 سنه راح اطلع من هذا البيت صح جنت رافضه وخايفه بسبب
الحروب الصارت بالعراق بس بعدين اطمئنيت.
رتبت جنطات السفر وخليتهم على جنب، اندگ الباب باوعت من الشباك
چآن يمان، بآخر خمس سنوات صار شريك
الباشا بالشغل خاصه لمن الباشا اعتزل الشغل الغير قانوني وفتح اول محطة بانزين بأسمهم بإزمير وقريبا يفتحون اول مصفى الهم بكل إزمير.
راح يمان صعد سيارته ومشى من المنطقه
رحت فتحت الباب اخذت الأوراق درت ظهري
حتى ارجع للبيت واقفله، اندفعت بقوه وگعت
علي وجهي أجاني صوت خطواته تضرب.
وحده ورا الثانيه، رفعت انظاري لمن وگف يم راسي.
- آهٍ على بدرُ التِم
احاول ارفع نفسي وأگوم خلى رجله
بنص ظهري شاغت روحي كنبص اخذ الأوراق
من إيدي صرت أبچي مهدود حيلي اردد
آيدا: أي أييهم أييهم وينك
تقرب لزم إيدي جرني وياه لنص البيت
گمت على حيلي حتى اهرب من البيت
لزمني ضربني بالحايط نزل الدم من راسي
اليوم يومي مو يوم الباشا من وين نبدي؟
فتحت عيوني گوه من الدم النزل عليهن.
راح للصاله كسرها تكسر طلع برا البيت شويه ورجع بإيده جليكان صرت ابچي وبس اردد
آيدا: أي ييهم أييهم دخيل الله
ملتهي بالحديقة ما يلحگچ
يعني شسوي المفروض أخذا الأوراق
وامشي بس تذكرت مقتل ابويا.
آيدا: لاا لاا تسوي شي لا تقتلني عندي أطفال ليش هيج اتسوي لل ليش بهذا العمر
هي هيج ترتكب ج جريمه، اايييهم
جان يرش البيت الريحه مثل النفط جانت
كمل واجا رش عليه منها تخبلت أتراجع لورا
بس أأشر بإيدي ابجي واحجي.
آيدا: لااا لااا دخيلك يا الله لااا تقتلني لاا تسوي هييج
رجع سحبني للصاله قفلها عليه
نزلت باوعت تحت الباب شفت لهيب النار
انتشر بكل ارجاء البيت لحدما وصل لباب الصاله ابتعدت اصرخ وابجي بفزع من المنظر.
الباشا
رجعنا بعد نص ساعة دخلت للمنطقه البيها بيتنا مر بصفي سياره مئلوفه عليه
الباشا: أشتر سياره بيت جسار
اندار يعاين ورانا
الأشتر: وين، هذاك؟ متأكد ايهم متأكد؟
هِلال: أمي وينها؟
Annem nerede
ثنينا نظرنا لِ هلال الگاعده ورا ويا اخوانها
الباشا: دخيلك يا علي
امانه موسى بن جعفر ااماانه موسى بن جعفر لاااا إلا هيه.
صرت اسوق السياره مثل المتسودن بس حتى اوصل
الأشتر: دخيلك يا على باشا ان شاء الله.
مابيها شي ان شاء الله ماكو شي
دخل للفرع صاير اسود بسبب الدخان البيوت اغلبها مختفيه عن النظر الشارع كله ناس
ترش الماي على الحريق.
وگف السياره نزل منها يركض ركض
مهدود حيله هلال وأبيل يبجون إيمار
مو فاهم شي بس يبجي على بجي اخوته
قفلت السياره ونزلت وراه ماكو دخل بين النيران
الأشتر: دخيييلك الله ول ااطلبووو الإطفاء
اييهم
دخلت وراه كاسر الباب وداخل يدور عليها
وبس يصرخ بكل قوته.
الباشا: آآيدمم دخيلك يا على آيدا آيدا
الأشتر: بااشاا وينها؟ وييين بس لااا
ما جاوب كسر باب الصاله دخل ما لگاها
البيت محترق وبعده يحترق كنبص
شال شغله من بين الرماد، أسوار خرز البحري
مقطوع الخرز مطشر بالمكان انهد حيلي
لمن بلش يدور على كل خرزه جانت بأسوار
يوخر الرماد والجمر بإيده ويشيل خرزه خرزه
الباشا: ماا تروحين مني ما تروحين
مني ارجع المچ ارجع المچ بحظني
لمهن كلهن باسهن ونظرلي يصيح.
الباشا: ول أاشترر ااخذووها مني ااخذو روح اخووك اخذو روح الأيهم ااخذوها مني
كنبصت احظنه اول مره اشوف اخونا
هيج جنت اعرف يحبها بس ما تصورت لهاي الدرجه.
بنفس اليوم في إزمير - بيت جسار
صار المسا وحان موعد عقد قران
مشيت لباب المُضيف وراه اتوسل وابجي
بس يسمعني ويقتنع، قافل!
- ليش هييجي لييش تراا صغار 7 - 6 - 5
سنواات حراام علييك بنااتي مااا اقبببل
عليهن مووو مااال عقد قران من يكبرن وحق
الزهراء بإييدي انطيييهن
الجسار: صوووتج لاا يطلللع، هذوله ولد
أخواني ومن هسا رايدهن
- اخووك الثالث مااا رااضي والعباس ما
يسكت اااني احييير بيهن لووو بشغلللكم
ومصااالحكم.
الجسار: اخوان بيناتنا، انتو النسوان لا تدخلووون
- اااترجااك بدااعت السنين البينا، خل
يروحون ترا جهال ما يفهمون، باچر عُگبه
يكبرون وما يتقبلون بعض والعباس، لا
تدمرو حياة 8 جهال ما فاهمين شي
من الدنيا، اا اخووك بححد ذاااته راافض
جرني يمشي بيه للغرفة، دخلني، اردف
الجسار: وحق الله اذا يطلع صوتج اطلگج بالثلاث بهااي اللحظه انتي بكل حالاتج ميته
مييته ياا مررريضه
- عليييك الله لااا تدمرر حيااة بناتي
مااالهن ذنبب.
قفل الباب ومشى للديوان. اخته اجت تردف
-: حتى مره ثاااانيه ما تنسين انتي منوو
توووگعيين ااخوان بيين بعضهم مااا.
اخذت البنات ثلاثتهن، وصار إلى صار.
محد چآن متوقع. بعد عشر دقايق سمعت
صوت إطلاق النار كثيف اجت اخته فتحت
الباب دخلت البنات تحجي
-: حححظظ الااب كاااعد العدو
هد علينا وبعد مااا تصيرر ارتاحي الاخوه
رااح ينلغي شراااكتهم بسبب به مثلللج
حظنتهن ابجي من الفرح ومن الحزن
علي فراگهم بالحالتين ميته سواء بالمرض.
او اذا الجسار يقتلني بعد أيام.
بعد مرور يومين.
دخلت ام جسار للغرفه رحت حظنتها
ابجي مسدت على شعري بكل حنيه
سُعاد: بنيتي شتگولين حقج حاشا ولله
ما اعترف بهيج ابن عار ابن قاتل ما شايل بگلبه ذرة رحمه.
- دخييلج بناتي بناتي امانه يمج
وَدق و رُقية يمه وَدق و رُقية اوصيج عليهن كل خمس سنوات تخليهن يشوفن تسجيل
و و وَسن عينج عليها يمه
سُعاد: الإ وَسن لا توصيني عليها
عمتها ما تنطيهه هيه تربي بنتج الچبيره
- عممه دخييل مولاتي زينب لا تحجين هيج.
شنوو تربي بنتي هيه بوودها تشرب من دمي شلوون تربي بنتي عمه عمه ابوس ايدج
بس اخذيها وياج رجعيها للبصره وياج
سُعاد: ما أكدر ماكو شي بإيدي جيبي
الوصيه لازم نمشي
ابتعدت ارجف رجف رحت جبت الصندوگ
الخشبي بيها كُل أغراضهن حظنت الصندوگ
لصدري بعدها سلمتها بإيدها وآني عيوني
علي الصندوگ وارجف رجف
دخلن الثلاثه يبجن حظنتهن وابچي وياهن
هيج بقينا إلى أن دخلت اخته.
-: يلاااا ترااا مااا نوگف طياااره علمود.
ال تشببع يلااا سُعاد يلاا امشي واخذني
حفيداااتج منااا ل 18 سنننة يكبرررن
وهلل مررره يتتتم العقد يييتم
سُعاد: مااا ضل عننندج اااخلاق ومستحى
تحاااجين ااامج هيييج
-: الله لا يرحم ااابونا آل جاابر
مااا علمنا شي والله كبرنا وتعلمنا بكيفنا
يلا سُعاد يلا السايق ينتظرج
جنت حاظنه البنات اجت سحبتهن من حظني
-: ااامشن بنااات الااب
ضليت ابجي وضرب بروحي على هيج حظ
هيج اب هيج ناس الله بلاني بيهم.
اخذتهن وطلعت، اجت مرت عمي تحظني
وبوس بيه وبعدها هي كذالك عافتني.
بعد مرور 10 سنوات
رجعنا ويا سعاد للبصره بعدما جسار
حرمنا من امنا وابعدها عنا ما ندري
إذا صدگ عايشه!
وَدق الجسار
الجسر الإيطالي 2015
خصلات شعري تداعب ملامح
وجهي الطفولي دموعي تنزل بهدوء
كلما اتذكرها الموت حرمني من أكثر إنسانه
أحبها، حجيت وغصه ببلعومي، الدموع
تارسه وجهي
وَدق: بنتج اليوم صار عمرها 15 سنه
و وينج عني ألمن عفتينيي ي يمه؟
سكتت مسحت عيوني بكفوف ايدي الصغيره
رجعت كملت الكلام اللي صار سنين كاتمته.
بگلبي
وَدق: البارحه جان اجتماع الآباء
والأمهات محد راحلهم ي يا يمه محد يدري
بيه عايشه ميته، حتى بابا ما يسأل عن حالي
ولا عن دراستي ييمه حتى إذا رجعت للبيت
متأخره ما يقلق عليه يا يمه
وينج عني ألمن عرفتيني اشتاقيتلج ياا
ييمه.
شفتها تجي بإتجاهي، مسحت دموعي
فردت وجهي ابتسمت اخفي التعب
بس مستحيل تعرفني وحافظتني
سُعاد: ولج وَدق شبيها عيونج مورمه سوده عليه
وَدق: مابيه شي حبوبه شوكت نروح؟
سُعاد: سوده عليه ولج بجيتي.
وَدق: حبوبتي شوكت تنطيني
التسجيل مو اليوم عيد ميلادي؟
سُعاد: يبعد گلبي اكيد ما نسيتها
بس نرجع من النجف انطيج ياها
حظنتها وحجيت
وَدق: احبج يا احن شخص من بعد ماما
احبج مالي غيرج لا تعوفيني مثلها
مسحت دمعه نزلت من عيوني
سُعاد: يلا يبعد روحي لازم نروح ناجي
ينتظرنا يوصلنا للنجف قبل الضهر.
هِلال
مثل كُل مره بعدما ابويا يرجع على إزمير
جانت تستلمني ضرب ومسبات إهانات
وصل وياها الكره اخر مره چآن مكان مظلم
ظلام قاتم مرعب بارد دخلت وبإيدها
شيش حديد هيج طوله شبر چانت لازمته
بقطعه قماش تقدمت كنبصت گدامي
هِلال: لا لا تچويني. باوعي والله ما عليه
سجى: عَزام وگف بوجهي علمودج
ووگف بووجه ااامه علموود بنت التُركيه
هِلال: عَزام اخويا اخويا اكيد يدافع عني
يا ظالمه.
سجى: انووب تغلطين عليه، ليش قبل يومين طالعه ويا ناهد؟
هِلال: ما مااغلط عليج انتي ليش هيج تسوين اني شسويت؟
بدون تردد خلت الشيش بالطول على معصم أيدي الشيش جانت رفيعه وشبر
سجى: عشررر سنييين واني اربي بنت
الكاب اربيلي يتيمه تااالي تطلعين ويااا
ناااهد بكييفجج...
فزيت من النوم متعرقه، كلشي چآن
كابوس كابوس من الماضي، مع ذلك
لحد هسا محد يدري بسجى چانت تعنفني
سكتت خوفاً من تهديداتها بالمزيد جنت 10
سنوات واخاف ولحد هسا صار بيه حاله
نفسيه اكوبس بكل شي مريت
بي من 10 سنين. بعدما رجعنا للبصره!
استذكرت الماضي.
مر على حادث أمي 10 سنوات ما ندري وينها
عايشه ميته ما ندري ولا ابويه يحچي شي!
ابويا جابني على العراق - البصره
يوم الدخلت لهذا البيت جان عمري 8 سنوات.
واليوم 18 سنه عشر سنين وانا عايشه
جسد بلا روح بدرُ التِم انكسر وبقى
بس هِلاله منها ابويا صارلي ام واب وكلشي
اخواني مره كل شهرين ازورهم ويا عمي
دخلت غرفتي تردف بحنيه
ناهد: هِلاله استعجلي بنيتي وگاع
راح يوصلنا للنجف.
هِلال: هدهد دخيلج إلا ابو وگعه؟
أگوم اتضارب وياه يغثني خلي هدآم ياخذنا
دخلت عزهَ ترتب شعرها
عزّهَ: هِلاله هدآم يناديج الگلوب عند بعضها
هِلال: احم جنت اتشاقه ما اروح شيريد؟
دخل للغرفه يردف بهدوء مستفز
هَدآم: بنت عمي الغالي
هِلال خاتون تفضلي وياي عندي كلمتين وياج
ناهد: ول هيو شعندك وياها
شكم مره گتلك لا تتهور؟
هَدآم: هسااا تجي وياي لو شنوو
هِلال: No لازم اطلع ويا هدهده للنجف
هَدآم: چآ تعالن اوصلچن
اردفت وآني اللبس الشوز
هِلال: No وگاع يوصلنا
كنبص گدامي خله عينه بعيني اردف
هَدآم: انوم ال no بعينج هِلالي
اجت هدهد سحبته وگومته تردف.
ناهد: مخلي چهرتك بوجهه الگمره تاخذ مُراد؟ ول ما تستحي؟
التفتنا على صوت عَزه الغنت بصوتها العذب
عَزّه: اصابك عشقٌ أم رُميت بأسهمِ
فما هذه إلا سجيّة مغرمِ.
ناهد: انتي الثانيه كافي
يلا هِلال امشي
هَدآم: هدهد ليش هيج تسويين؟
آنا اوصلچن
ناهد: گلت وگاع ياخذنا
هَدآم: يعني إلا اجي وراكم؟
عزّهَ: لا أغاتي ابويا گال يروح للميناء
ويا عَزام.
هَدآم: حسابج بعدين
لزمت ايد هدهد وطلعنا بالباب صعدنا
ويا وگاع يوصلنا للنجف.
نزلنا ثنينا اني وهدهد اردف وگاع
يلب نظارته لابس اسود بأسود
وگاع: عود لا تتاخرن تراا مشغول من جدمي للراس
ناهد: شغلكم ما يخلص يلا راح تزور ويانه
وگاع: ناهد خاتون مسويتني السايق
مالچ انوب تگليلي أزور ول ما عندي مجال
هسا رايح للصناعات لحدما تخلصون.
هِلال: آمّاان لا تجي ما نترجاك
وگاع: ولا تستقر التُركيه
عناد بيج اجي أزور ديلا.
دخلنا كلمن بالمكان المخصص بالوضوء توضينا و بدينا الزيارة.
رُقيه آل جسار
اخذت جنطي ولحگتهم للجسر الإيطالي
شفتهن يصعدن بالسياره
رُقيه: وَدق ااااوگفي شلوون ترووحهن
بدوني؟
وگفت اخذت نفس
سُعاد: من شووكت تلحگينا؟
ابتسمت بوجهه
رُقيه: اول ما طلعتوا من البيت چا شني
وذاا مو عيد ميلادي لازم ما ازور؟
ناجي: هسا تصعدن لو شنو
رُقيه: بله اسكت ذيل ابونا
يلا سُعاده خل نمشي شمنتظره؟
سُعاد: صبر من مولانا
صعدنا السيارة ثلاثتنا وانطلقنا.
بعد اربع ساعات وصلنا آلاف الناس زايره لزمت ايد اختي الصغيره وَدق
ومشينا للضريح.
بتراء الجسار
جنت اسمعها تصرخ وتبجي تتوسل
حتى بس لا يقتلني يبدو مهددها بيه
مره ثانيه، ختلت ورا الحايط بعدما دخلو
نائل وجاسر للغرفه شايل السلاح ثلاثتهم
جانو موجودين ويعذبوها بأمر من جسار
وصلت حدها بعد شلت وحده من البواري الموجودة بالمكان شديت أيدي عليها ودفعت الباب بهدوء ويا دفعة الباب
اطلق عليها الرصاص، وگع البوري من
إيدي شفايفي بس يتحركن ينادن عليها
بتراء: ي يمه
نائل شافني و چآن وجه مصفر.
، ما تحملت بعد وگعت من طولي
عالارض ازحف لِيّم أُمي ازحف وارجف ابجي
احاول انطق ما تطلع الحروف من لساني
بتراء: ي ا يمه
صرخت صرخة اهل الأرض والسما سمعوها
بس ناديت
بتراء: يااااااا يماااااا
اجا جاسر لزمني من ذراعي گومني حچآ
بصراخ
جاسر: شلوون طلعتييي شلوون، نَائل نَااائل
شبيييك اصحى شباااب اخذو نااائل بسررعه
جرني من إيدي وياه و ما گدرلي چنت
احاربه اريد ارجع عند امي اريد احظنها اريد.
اشبع منها سنين واحنه ما شايفات بعض
بالرغم بنفس القصر! لكن بغرف مختلفه و
مُقفلة.
ضليت اضربه واريد يترك إيدي إلى أن
قيدني وخلى وجه بشعري حسيته ياخذ نفس
ثواني وغرز ابرة برقبتي، و اردف بصوت هامس
جاسر: إجباري تخليني أءذيچ
بعدها اخذني الظلام ما حسيت بشي.
يَقين
رتبت غرفة أبني وطلعت للمكتب مال أدهم
شفته گاعد ويقرأ كتابه المفضل
متردده شلون افتح الموضوع وياه
اعرفه يعصب بس ما يرفضلي طلب
وگفت عنده وحچيت
يقين: أدهم فكرت بالموضوع؟
رفع انظاره وحچا
الأدهم: لا ومستحيل ينطيها.
يَقين: شني يعني تضل يمه اريد اعرف مصيرها شنوو سنين وهي عنده!
الأدهم: يقين انسي الموضوع أنتهى
يقين: لا ما انسى الموضوع. الباشا نسى آيدا؟
لا بعده بدور عليها جسار بكل مره يطلع چذاب.
وما منطيه العنوان الصحيح يلعب بأعصاب
اخوك وانت ما تتحرك ساكت بالرغم انتوا!
خوزر بيّه اكيد فهم قصدي
الأدهم: الباشا يدور على مرته هو ينجاز
ليش طوخ عداواته ويا جسار؟ وبسبب
عداوة جسار والباشا، أتهمو هدآم وانسجن
بالسجون التركيه بدون اي إثبات!
يَقين: هدآم چآن بمكان حاث مقتل اخو جسار!
الأدهم: من الاخر يقين ما اتدخل
بالموضوع!
يَقين: تمام نشوف.
عفته وطلعت سمعته يحچي وراي
انووب تهدد الخاتون نشووف عيني نشووف.
دخلت لغرفتنا ورگعت الباب بقوة
استذكر مرت الباشا آيدا شگد انسانه عظيمه
وماكو منها بس بعد، الحادث اللي صار
الكل فكروها ماتت
وبالواقع آيدا عايشه بس مأسوره عند جسار
شوگت نلگاها مو خلص گلبه للباشا سنين
وهو يدور عليها من مكان لمكان، مدينه
لمدينه.
وكل مره يطلع جسار مچذب عليه
يريد يحرگ گلبه بأعز من روح الباشا وهي
آيدا الچانت الثَمن بسبب العداوة
اللي بينه وبين جسار.
رُقيه
توضينا وبلشنا الزيارة جنت اردد الادعيه المعتاده بالزيارة وَدق ويا حبوبتي سُعاد وآني بوحدي يم الضريح وگفت رافعه أيدي ومغمضه عيوني ادعي بصوت مسموع
رُقيه: دخيلك يا على يارب اجاوب باجر
خوما اريد شي ثاني بس اجاوب ترا سادس اعدادي داهسني دهس كفيلك ال.
اجاني صوت شاب ورايه شگد أخجل
اذا شخص شافني وسمعني من ادعي
ما انداريت كملت حتى اطلع
- كفيله شنو يا متسودنه؟
رُقيه: كفيلك الكفل مولاتي زينب اااهج ااهج من العراق اذا رسببت
- شهل ميانه البينچ وبين الإمام على عليه السلام؟
انداريتله مفتحه تك عين باوعت بي
شاب طويل وستايلش مرتب لابس
اسود بأسود ومخلي نظارة شمسية
دخال الضريح نزل النظاره باوعلي
وگاع: كفيلج جدنا السابع متسودنه
رُقيه: عفت العقل الك ما تشوف روحك. اادري الشمس تركض وراك؟ لابس نظارة بداخل ضريح الإمام علي ع
- محور الكون مو بديا.