رواية ولد الباشا للكاتبة فاطمة الأحمد الفصل الخامس والعشرون
هِلال
بعدما انتهى الموعد ووقعنا عقد الشغل
صعدت لغرفتي بالفندق إلى صار بيها العشا
جنت متأنقه بفتسان سهره أسود، طلعت من المصعد ومشيت بالممر الموضف ابتسم ورديتله بتواضع.
طلعت بطاقة غرفتي وفتحت الباب واول ما خطيت خطوه اتفلش المزهرية گدام رجليّه
جنت واگفه بكل غرور بدون رد فعل
بس أتابع صياحه وجنونه وتكسير
الأغراض من حولي.
گلتلچ مرره ثااانيه لا تطلعين لاااا تطلعين
گلللت لوو مااا گللت؟ لييش تطلعين وتخلي.
الجااااااي ولرااااايح يدحگللج إنتي ملكييييي انتي بأسمييي انتي ع ذمتييييي
ما هدئ إلا لمن كسر الغرفه تكسر، صار عباره عن خراب وقطع الزجاج المكسور مطشر
بالمكان
أتقدمت بخطوات ثابته، مشيت على الزجاج المكسور بإتجاه، احجي وأآشر على گلبه بكل
كبرياء وثقه.
هِلال: ما عاش اللي يأسرني وآنه بنت الباشا
آنه أطب واطلع بكيفي آنه تملكني المگابر من
يوم وفات أمي مو ملك أحد
اندارلي وهو انفاسه سريعه من الغضب.
لا صددددگ وألچ عييين تحچييييييين
هِلال: بس خليك متأكد راح يجي يوم تتمنى لو أنك
من البداية ما لاعب ويايي لعبة الثأر
والإنتقام راح ادوس على گلبك وما يرفلي جفن
تقرب مني تلامس خدودي
مسكني من فكي اردف من بين أسنانه
كلشي مُباح بينا يا صاحبة الكبرياء
الطاغي يا مريتي المُستبده. كلشي مُباح
إن كان - كره أو حُب أو اللي ببالي!
ما انكر صدمتي معقوله بسبب غيرته هيج صار وحش، نترت إيده من وجهي بقرف، حجيت.
واني اعاين بسواد عيونه من عصبيه حتى لونهن تغير.
هِلال: راح تتعذب بوجودي وياك اكثر من فراگي
راح أطب واطلع واتكشخ وأنت كلشي ما
تحصل بعلي بنات الباشا مو هينات!
افتريت حواليه وهو ينظرلي ويحرك راسه وياي
هِلال: زوجي المُتملك المريض. اكسر أيد
التنمدلي غصب وما عاش اليجبرني
علي شي!
تقدم خطوات بطيئة
نزلتي دوسه ونص مريتي المُستبده
بس No problem. يا إنتقامي المُستباح.
بلعت الغصه و رافعه راسي بوجه مستحيل اكسر عيني، صفگت بوجه واردفت.
هِلال: برااو هذا انت هذا انت وهذا الوجه الحقيقي للمحكوم، سوالف الحُب مالتك چانت چذبه من البدايه وكل هذا حتى شني؟ هه املاك فلوس سُلطه.
يجي ويروح ويمسح على لحيته، شال الطبله وشمرها على التلفزيون كسرهن ويصرخ.
ماااارااايد شييي من فلوووسچ مااا راااايد اااملااااكچ، بس رررردتچ ااانتي ماااا راااايد شي ثاني.
هِلال: بعد ذاك اليوم حتى بحلم ما تلگاني
تسودن أكثر، گلب الغُرفه فلّش الأثاث وكسر
الطاوله والكراسي.
صررررررت محكووووووم بعُمر العشررررين لخاااطرچ وانتي هيييچ تكسرررريني لچ هيييچ
مجاااازااات كُل هذااا الحُبببب
طگ گلبي منه صرت احجي واصرخ مثله وااشر عليه
هِلال: رحم ااالله وااالديييك 18 سنةةةة عااايشه بفضلللك بفضلللك، رحمم الله واااالديييك
تقرب حظن وجهي بين ايديه ويرجف من العصبيه.
هِلال: عوفني هدآم عوفني وشيل إيدك هدآم شيييل ااايدك.
خلى جبينه على جبيني ويحچي بتعب
الغيره تسودني عليچ ليش مُصره تسودنيني لييشش، لچ روحي برووووحچ يل حرررگتي روحي، رووحيييي بروووحچ افتهممممي.
رفع وجهي باسني لأول مره، احاول ادفعه عني ما اگدرله، اضربه واشد شعره هم ما يبتعد اخر شي دست بكل قوتي وبالكعب على حذائه.
فتح عيونه وغمضها بألم، بس ما وخر إلا بكيفه
هِلال: ااااانت واااحد حقيررررر
آنه واحد حقير وبعد.
هِلال: واااحد شرررف سزززز.
آنه واحد شرف سز وبعد.
هِلال: مااا عننندك غيييرررره.
لاااء هذا چذب شوفي حواليچ وشوفي الشفايف
اجي اكمل عليج وابين الغيره على سن ورمح؟
هِلال: وغلاة إيمااار ااالللعن اااابوووك الدررررهم
طنش كلامي أو ما يهمه حتى إذا سبيت ابوه، راح شال باكيت الجگاير والجداحه من بين حُطام الغُرفه و جاب كرسي سليم خلاهه بنص الغرفه وبنُص الحُطام گعد يدخن ويعاينلي.
وآني اجي واروح اريد اخنگه، اريد اسويه وصلات وابرد گلبي، نظرلي و اردف.
كافي لا تبالغين هي صح اول مره بس تتعودين حبيبي.
نظرتله واجيت گدامه، عود ردت ادوس رجله بالكعب لكن وخرها وسحبني، گعدني بحظنه.
ادچ الكعب بعيون أديب اذا تحاولين تعيدينها.
هِلال: مووووت من قهرررك من ااااديييب، وخرر ايييدك و لاااا تتمااااادى
هو كُل عقله وتفكيره يم المستثمر أديب حاولت.
اوخر ايده ما اگدر، تلامس ركبي وعيونه تتفصح كُل مِلّم من جسمي، ويحجي بنتر
مصلخه مصلخه شهل لبسس وهذاا شنييي هاااي الگصة المتررر بطول الفستااان لا مو فستان هذا سيت نوم، انوب لابسه اااسود بنننت الباشا لابسه أسود. ااالله يسووود عيشتك أديب الگوااد.
هِلال: لااا تتمادى خوووش لااا تتمادى.
احاول أگوم ما يخيلني شد ايده على خصري.
راد يتلامس شفتي ضربته راشدي، خلى إيده على مكان الراشدي ونظرلي.
هِلال: اشلع عيونك لا تعاين هيچي.
آنه اعلمچ.
هِلال: شتسوووي للك ااااسبببك سبيييي هداااام
يماااا.
راد يبوسني مره ثانيه لكن عاركته ومن وانكسر الكرسي ضرب ضهره بالگاع بسرعه لمني بحظنه ماخلاني اوگع عالأرضيه.
فتحت عيوني، رفعت راسي من حظنه
هِلال: الحمد لله ما صارلي شي.
عاط بألم ونظرلي يحچي.
هَدآم: وآنه شني عندچ انشگ ظهري هِلالي لحگيني
هِلال: يطبك طوب گتلك لا تتمادى.
ايده على ظهري وطبطب مرتين حتى اوخر فورا وخرت وهو بأرضه، ما اهتميت وگمت بحذر حوالينا كُله گزاز لبست الكعب وعدلت شعري والفستان.
نظرتله نُص نظره شفت يحاول يگوم ومن گام مكان ظهره صار كُله دم.
هِلال: هَدآم شبييك.
چآن گاعد بمكانه ويوّن من الألم والقميص الأبيض من ظهره صاير احمر من الدم. ، كنبصت بصفه
شفت ظهره كله گزاز والدم ينزل منه.
احس احس دايخ خلص دمي هلال اتصلي بالإسعاف.
هِلال: Cok güzel و يطبك طووب كله من وراك
من وراااچ ااانتي واكلان الخرااا ويا أديب
هِلال: تغلللط عليَّه وترررييدني اساااعدك.
حاشاچ بس خل أگوم لا تصيرين ظالمه.
هِلال: عزاا بعينك ااابيل عزا بعينك، گوووم وياااي
لزمت ذراعه وگام بألف يا على واگف وديته يم الچربايه وخرت الخرابه اللي خلفها تعصيبه وتكسيره وگعد يّون.
اتصلي بالإسعاف شمنتظره اموت گدامچ.
هِلال: ووواالله يااا رييت اگدر اصير ظالمه مثلكم.
خليك ريلاكس ولا تبالغ هي چم گزاز اعتبر روحك مسوي حِجامه.
هلال احتررگ دميييي من برودچ هاي حِجاااامه هاااي لو طيحاان حظظظ من وراچ.
سكتت عليه وشگيت القميص وهو ما صدگ گام شمرها.
تفضلي هاي تصلخت مثلچ الخطوه الثانيه.
ضغطت على الگزاز وعاط بعصبيه.
هِلال: مره ثانيه لا توسخني بتفكيرك.
ياا أمة محمد شمسوي شنييي ما اوسخچ بتفكيري، لحظه بس لا عبالچ ذيج السالفه!؟
دفعت راسه وگمت ادور على مكان عُلبة الإسعافات الأولية، لگيته ورجعت گعدت يمه، أخذها من إيدي واردف بهدوء.
جيبي خاف تنجرحين من الگزازه.
نظرتله لثواني وسحبت العُلبه من ايده وحچيت
هِلال: لا تخاف عليَّه خاف على روحك.
سحبت إيدي من بين إيديه، اردف.
هوَ أنتي روحي، هلالي اشهر قليله وتعرفين كُلشي.
هِلال: عرفت اللي اريد أعُرفه، أما روايتك انت وابوك سووها كتاب وبيعوها بلكت تجيبلكم فلوس.
گمت ابتعدت عنه وشلت الجزدان، طلعت تلفوني وهو ملتهي يطلع الگزاز بإيد وحده
اتصلت على الحارس وهو مركز وياي أكثر من روحه.
هِلال: عاصم تعال على غُرفتي، ضرووري شنييي ما تگدررر
نظرتله وهو عرف روحه شمسوي واگول ليش محد تدخل من امن الفندق او الإدارة.
هِلال: تعرف شنو؟، انت مفصول وخل معلمك هدآم يدورلك وضيفه ثانيه.
قفلت الخط و رحت للحمام، دخلت وسديت الباب وگفت وراه اناظر فوگ.
هِلال: أعلمك وحق الزهراء أعلمك إذا ما شربتك من نفس الگلاص ما اكون بنت أبويه.
عفت موبايلي على جهه و رحت للمغسل غسلت ايدي ووجهي ونضفت كُل المكياج، رفعت راسي اعاين لملامحي.
هِلال: البادي أظلم.
اخذت موبايلي دگيت على رقمه شويه وَ رد
سلمنا وبعدها حچيت
هِلال: ما حچينا صار فتره، شلونك مشتاقلك، تدري؟
آنه أكثر بربج بدون رسميات، گولي وينچ خل اجي اخذچ.
هِلال: أريدك بسالفه وأكيد ما ترفض.
روحي فداچ بس أشري عليه.
رحت يم الباب فتحته شويه، شفته بمكانه يحاول ينضف الجروح طبگت الباب ورجعت احچي وياه.
هِلال: السالفه ومابيها أنه...
شرحتله الموضوع وطلب مني.
باچر نلتقي بمقهى واحچيلي او إذا حابه نروح لبيت المزرعه مالتي شتگولين؟
هِلال: بيرفكت نلتقي ببيت المزرعه بس بدون الذيوله تفهم قصدي؟
انچبي گليبي انچبي.
هِلال: تدري شني ولي ضجت منك، باچر اتصل بيك.
بهل اثناء اندگ باب الحمام وآني قفلت الخط، رحت فتحته وچان.
هَدآم: هِلال بلا أمرا عليچ وإذا ما تصير زحمة وما تصير ازعاج.
هِلال: خلصني شتريد.
تعاي ضمدي الجروح ما الوحه بنص ظهري.
اخذت بكرة البلاستر منه ورحت يم الچربايه
هِلال: بلا امرا عليك واذا ما تصير زحمه تجي تگعد هنا خل الزگك.
واگف بدون قميص ومتخوصر عقله افتر من كلمتي بس تقصدتها حتى اغيضه.
هساا مثلاا مثلا اذا اخبزچ هنا ندى تغضب عليَّه.؟
هِلال: تجي تگعد لو لا؟
تهدديييين لو شنييي لااا ما اجي وبعدد مااا ادوس كرامتي امدا رجولتي إذا ذليت روحي ألچ.
شمرت البلاستر وگعدت خليت رجل على رجل
هِلال: Cok güzel ول خااالي يطبك مرض
و امدا رجولتك إذا مره ثانيه تذل روحك ألي.
اطلع هيچ بالممر واگول مرتي شگت قميصي.
هِلال: ومن يسآلوك ليش شتگول؟
رادت حقوقها بدون إرادتي.
هِلال: هداااام
گمتله وهو ركضلي قيد إيديه قبل لا اتضارب وياه، خلى حنجه على كتفي اردف.
روحي بروحچ وبس وياچ يگعد ذاك الطفل العُمره ثمن سنوات.
هِلال: وخر خل اضمد جروحك الخايسه ونطلع.
باس رقبتي، واخذ نفس منهه و ابتعد عدلت شعري وهو گعد منتظر اضمد الجروح، اخذت البلاستر وبديت اخلي ديتول وقطن واضمدله.
كملت وگمت اروح اغسل إيدي وگفني وباس إيدي.
شكرا ولو هذا واجبچ.
يعني شگد ما احجي ما اعبر عن حجم المغثه
نظرتله وغمضت عيوني بنفاذ صبر.
هِلال: يَربيييي ليشش ابتليت بهذا؟
عبن الله أنعم عليچ.
هِلال: وليييي.
لاااء
شگد اكره من هيچ يحچي بإستفزاز
عفته ودخلت، غسلت ايدي وطلعت لگيته
يلبس تيشيرت
هِلال: هذا من وين أجا، لحظه لحظه هذا تيشيرت عاصم؟
فريد عاصم فريد بس هو عنده تشيرت ابيض انوب تعررفه.
اندگ الباب ودخل عاصم بدون تيشيرته بس مدگم الجاكيت
هِلال: آنه موو گتلك مفصول؟
عاصم: آسف موضف عند الزلم مو عندچ
هِلال: يا ربييي ول اطلع برا اطلع براا عاااصم.
هَدآم: مره ثانيه لا تجاوبها، جيب مفتاح السياره و ارجع بتكسي.
حاظر معلم.
انطى السويچ وطلع اندگ تلفوني ورحت جاوبتها.
هِلال: ألو سيرا.
ارتبكت الملم اغراضي وهدام يدور على شي من بين الهوسه الصايره.
هِلال: بسسس فهمييييني شلووون.
جااايه جاايه.
قفلت الخط وهدآم شال شغله وخلاهه بجيبه
صاير شي احچي.
هِلال: لازم نرجع للبيت بأسرع وقت.
سيرا
صوته صار قريب حجى بهدوء بعدها بلش يصرخ كأنه حالته مو بإرادته.
كُلكم تدوسون على گلبي وتگولون نعتذر شيفيد اعتذاراتكم محددد بييييكم يحببب صدددگييي كُلكمممم شماااته.
يضرب ويكسر الغرفه وانوب قافل الباب صرت اضرب الباب حتى يفتحها ما يفتح رحت ناديت أبيل بصوت عالي بلكت يلحگ اخوه
أريم طلعت من غرفتها ونزلت سماعات الراس، تتسائل.
أريم: شبيكم شصاير، إيمار افتح الباب إيمااار.
التمت العائله كلها وحتى هُدهُده صعدت بالمصعد واجت أبيل ابعد الكل وحاول يكسر الباب بس الباب خشب الصاج مت ينكسر بسهوله، اجا عزام ساعده، كسرو الباب ووگفو بمكانهم.
عمو أيهم دخل ومن شافه هيج حاظن الرسمه كنصب حظن إيمار ويبوس بي أول مره اشوف هيج حنية.
الباشا: روحي انت أهدى أهدى وعلى الضرغام كلشي يرجع مثل الأول هي مسألة وقت إيمار روحم ولك بابا احچي شي.
قرب ايده وحظن ابوه بكل قوته ودافن راسه بكتفه، أبيل هم كنبص حظنهم، استغربت عزام عيونه عليهم ووجه حزين.
يمكن آني الوحيده اللي لاحظت عزّهَ وهي بصفه لامست أطراف أصابع ايده وكأنها تشجعه يروح يمهم، نظرللها وفعلا لحظات وعزام خطى خطواته اتجاهمم وهدهده تنظرله وتمسح عيونها.
كنبص عزام وعمو أيهم هو إللي سحبه لحظنه
گام عمي أيهم وطلع من الغرفه وعمو اشتور لحگه، وعزام تقرب باس راس إيمار وحظن اخوته سويه.
أريم صورتهم بدون محد يحس وحفظت الصوره
فجأة انسحبت وانداريت چانت ختيارة الجن ورايه.
سجى: شني خربت الدنيا شني صاير احجوووو.
امي واموله چانن يحجن همس بصفي
أمل: أگول اخذي دوا الضغط وتصبحين على خير.
ندى: هسا تسمعچ حچايه الزمي لسانج أموله.
سجى: ارفعن صوتچن ما اسمع.
سيرا: آنه أگُلّچ أكو اغنيه صايره ترند التيك توك يگول يحجيه يحجيه عساچ بسكته قلبيه.
سجى: بساميرچ اعرفهن وآني حجيه؟
سيرا: لا والله وينچ ووين الحجيه إلى تحج بيت الله وتخاف الله، انتي ختيارة الجن اقصد الجنه.
ابتسمت بتسليك وامي بس تگرصني.
دفعتني ودخلت للغرفة وگفت عبن هدهد لزمت ايدها بقوه.
ناهد: اكسر رجليچ إذا تخطين خطوه وحده.
تهز راسها ب وعيد وما افهم ليش!
بهل اثناء اندارينا لصوت هلال وهي تنادي إيمار
هدآم اجا وياها وهي شمرت اللي بإيدها اسرعت
خطواتها.
هِلال: إيمار شبي ل لييش ملتمين ايماار.
دخلت شافتهم هيچ وخلت ايدها على گلبها تاخذ نفس بالراحه وتبچي فورا انظمت الهم.
الأربعه حاظنين بعض عزام مسد على شعرها وسجى ثارت حجت بنتر
سجى: عزام.
فورا سحب ايده، كورها بغضب، ابتعدو الأربعه
وبالدور يحچون ويا إيمار حسيته روحه روح طفل
بهذا اللي صار واللي چان بسببي.
عزام: ابن أبويا انت أقوى من هيچ شد حيلك.
أبيل: لا وعلى الضرغام ما يرتاح إلا ادير لتر بانزين عليه وعلى روحي.
هِلال: عزا بعينك ما عندك اوبشن تو؟
أبيل: يوجد نفط بس عبن البانزين سريع الاشتعال.
ناهد: الما يطلع على والديه لعنة الله عليه.
اجت بصفهم تدچ العكاز بضهرهم حتى يوخرون.
عزام: أبيل تريد تحافظ على كرامتك گوم منا قبل لا تهينك بالعكازه.
أبيل: شتقصد تهيني بالعكازه والله ادير لتر بانزين عليها، لچ ااخ ظهرري ول ناااهد الگدااامج زلمةةة مو وَتووني.
هلال شردت على زاوية وإيمار گام ولا چنه گالب الدنيا قبل لحظات عزام فر بإيده وراح يجاوب اتصال دخل وتوني والله خوش لقب مطلعله أبيل
أنوب يحچون مصري وأريم تدير وجهه وتضحك
وَتان: سانيه وحده هو انت شايفني ايه؟
أبيل: مش شايفك أصلا.
انفجرت أريم بالضحك ورفعت موبايلها دخلت للسناب
أريم: أگين أگيين خل اصور ستريييك.
أبيل: اكسر الموبايل على راسچ لا تصورررين.
وات ذا هيل ماذا يحدث عمه ندى عيونها وسعن من ميانة أبيل وياها وأموله تزرع أفكارها براس امي.
أمل: نلبس نفس اللون بخطوبتهم.
ندى: مو وگتچ هه.
أبيل: چنت اقصد لا تصورين هيج خاف ينكسر الموبايل على راسچ.
چانت عيوني عليه وهو گاعد على جانب الچربايه ويعاين للرسمه وهلال بصفه وما ينظرلي.
أموله ويا سجيوا الجنيه وامي وعزوزه نزلو تحت وأبيل مبين سوا روحه غشيم وطلع من الغرفه، أريم مدت رجلها حتى يتعثر لكن هو چآن اذكى رفع قدمه وعبر، اردف.
هاردلك بالمره الجايه.
أريم: دِروح انوب شيخلصني هذا الأسبوع.
راح وهو يحجي
الصلاة الصلاة تُكفر عن الذنوب والسيئات.
أريم: هوو اانت شارب بانزين لا تسوي روحك شييخ جامع.
ما جاوبها ونزل الدرج بسرعه.
نظرت للجماعه، هدهده تحچي وياه وهو صح اول يوم الهم بس اندمج ويا الجو وحظنها.
تراجعت بخطواتي وعفتهم شفت هدآم طلع من غرفته عجيبه شلون ما تدخل بللي صار.
سيرا: هدآم صاير شي ما شفتك وياهم.
شسوي وياهم؟
سيرا: بالعادة ما تعوف هلال وحدهه بهيچ مواقف صعبه.
ضل ملتهي يرد على رسائل تجيه من بابا!
سيرا: بابا رجع للنجف؟
لا ما راجع ليش؟
سيرا: شني ليش مو انت تراسله عبالي راجع مو بالبيت هنا.
شتريدين؟
سؤاله چآن غريب والاغرب بابا موجود وياه بالقصر ويحچون مراسله.
سيرا: انسى انعديت من فضول أريم.
عفته وچان يحچي وراي ما شاء الله انتي مو فضوليه أبد دخلت لغرفتي وگعدت اراجع اللي صار وگلبي تورم من القهر واذا ما افضفض اختنگ، حتى تلفوني كسرو نسل النعوله، تذكرت فاتحه الانستغرام على لابتوب وهو على الإيميل مايروح ارجعه بسهوله.
جبت لابتوب وتربعت على الچربايه، سجلت دخول لحسابي وبدون تأجيل اتصلت عليها.
وَدق
كالعاده اجتماع أقذر الأشخاص التؤم ويا جسار
اشرله ياخذ موبايلي وچانت سيرا تتصل على الانستغرام لكن قفلت الشاشه وبقى النيت مفتوح واجا اخذها بالقوه
وَدق: تصدگ أو لا آني هيج جنزته ماكو غيري.
ناجي: مربيه اضافر شعجب ما تكسرن؟
وَدق: نچره مثلي.
نَائل: المداح حاله چذاب
جسار: اسكتو حبايب خل تجي العصفوره بعدها غردو بالجماعه.
نَائل: مربيلك عصافير حقك يلا ننتظر.
وَدق: بگد المطي وينك ووين العصفور.
نَائل: اشگ حلگچ والله.
جسار: من تتزوجون تعقلون.
نَائل: انطيني مليون دولار واتزوج بنتك.
ناجي: نَائل!
جسار: بينا ميانه معليك.
وَدق: ميانه زفره مثل وجه نائل.
تخبل فقد عقله وجسار يبتسم بهدوء مخلي رجل على رجل ويدخن.
نَائل: لچ اااانتي ماال ااادگج دگ دفرااات وبالنعال على رااسچ.
طگ گلبي مخليني گاعده غصب عني وقافلين الغرفه على سُعاد، گمتله واصرخ بوجه.
وَدق: واااالله اااانت ماال دفرااات تفلاااات ودگ نعااال على راااسك خاااف عبااالك آني حايط نصيص وتطگنييي.
نَائل: لچچ صوووتچ اااكره اااكره لااا تحچيييين ااانچبي.
وَدق: لعدد ااااسمع ياااا مرررييض ااانت مرررييض وعدييم رجووله ورررغم جنزززتك على إيدي ما عننندك كرااامه وتحچييي.
لزمني من فكي يمرد بي ناجي راد يسحبه لكن جسار اشرله اردف.
جسار: عركة حبايب لا تتدخل.
وَدق: عرررركة نعوووله مو حبااايب يااا ناااقص رجووله ياااا عااار على الأبوووه.
هي نظره وحده نظرها ل نَائل وهذا نفذ، ضربني راشدي من قوته وگعني يم رجليه، بهل اثناء دخلت رُقيه
رُقيه: شجاااي يصيرررر وَدددق.
شمرت ملفاتها والجنطه واجت گومتني.
وَدق: خاااف عبالك ابچي لك بيك يااا مرييض مااا تهز مني شعررره.
راد يهد عليّه رُقيه ما سمحت ومناك ناجي تدخل لزم أخوه، رجعتني ل ورا ظهرها وحچت بصراخ ويا جسار اللي گام وتقدم والعكاز اللي كلها سنون حده تحت قبضته.
رُقيه: بَعد شيسوي بينا الضِيم غربة بنُص اهالينا لاااا أبونااا أبوُ حالنا حال العاااالم ولا أخو عدنه، لچماتك هوايه ما ينسن من أيام الصغر.
بألف يا على لازمه العبره اللي خنگتني من كلامها، أما هذوله الثُلاثي احجار، وگف أمامها، نظرلي بعدها اخذ نفس من الجگاره وتقصد ينفخها بوجه رُقيه.
جسار: المفروض ميتات من يوم الدريت بيها خلفت بنات.
رُقيه: والله سوووء حظظظك الله رززقناااا عُمررر وسلّطنا علييك و راااح احاارربك لأخر نفسس.
لزم إيدها وسحب سچينة نائل جرحها جرح سطحي بكفها صيّحت مفجوعه واحاول اسحبها وناجي ركض يحاول يسحب إيدها من بين إيد جسار.
ناجي: مووو لهل درررجة عوفهااااا تبقى بنتتتتتك عميييي عوووفهاااا ولا تأذيها اااكثر.
ترك إيدها وابتعد خطوه يصفگ ويحچي الكل اجته لحظة ادراك أنه تقصد هذا التصرف.
جسار: حبييت حبييت جنتل مان جنتل مان
لعد ليش تگول ما رايد بنتي ومستعد تموت ولا تتزوجها؟
طلع منديل وايده ترجف واني مصدومه من تصرفه لف إيدها وگال انتبهي على إيدها واندار يحجي بصراخ اما نَائل طلب مشروب كحولي من الخدم وگعد يشرب ويشاهد، مستمتع بل مهزله اللي تصير.
ناجي: تعررررف شنووو يعنييي بنييييىة تحسس روحها يتيمه بنص أهلها؟
نَائل: هههها شمدريه هو چتال خواته.
ناجي: ااانت انچب بعدين استلمك.
بنيييه بنيييه ما شااافت يوم حلو وياك كلهن كوااابيس شتررييييد منهااا شترريد ليششش تأذييهاااا هييچ؟
چنت حاظنه رُقيه اللي واگفه بدون رد فعل حتى ما تشتكي من ألم الجرح وهذا يدخن ويحچي بهدوء وبكل حقاره.
جسار: شايفه رُقيه حبيبة بابا شلون مختارلچ زوج مثالي واگف بوجه ابوچ لأجل يدافعلچ.
ناجي: ياااا الله دخيلك شهل بشررر هذاا.
يشرب ويضحك بكل حقاره ويحچي
نَائل: ليشهد تاريخنا الخايس ناجي لم ينجو من مشاعره الجياشه.
رُقيه: مشاااعره الجحاااشه صاار يمسلت وااحد يلزمه.
وَدق: لعبااان نفسس لعبااان نفسس.
نَائل: قلبيييي يُحدثُنيييي بأنك مُتلفييي.
وَدق: اااجي ااادوس گلبك بالقننندرره.
كوميديا سوداء ااالله وكيلكم ومحمد كفيلكم ههههاااي
دخلو سوّيا اللي صرت استغرب منه هذوله ليش يختفون سوا ويرجعون سوا!
جاسر: شني صاير هنا؟
وَسن: ما تشوف معركه طاحنه بين الكپلز.
دگ تلفوني اللي بصف نَائل السكران.
رفعها يقراء الأسم ورمش بعدها اردف.
نَائل: ام تفله تتصل اااخ گلبي من طابقين.
طابق الأول لأم لسان والثاني لأم تفله ااالوو حبيبي؟
ناجي ركض سحب الموبايل منه وضربه راشدي خفيف حتى يصحصح.
سيرا: منووو جاااوب ودق وينج ودددق.
نَائل: حبييبي كم توووو بيت آل جاااابر لترررى العجااائب كم كم.
اجا انطاني الموبايل واردف بعدما كتمها.
ناجي: گولي اخوچ ومو صاحي.
سيرا: لچ وَددق اااحچي.
فتح السبيكر يعني انجبر احجي وياها گدامهم
وَدق: هذا العار أخويا مو صاحي.
نَائل: ااانچبييي اااني موو اااخووووچ اكره صوتچ لا تحچين.
سيرا: ما اسمع شگال.
نَائل: موو اااخووها، تدري جوجو اخلص عليكم واحد واحد حتى أنت ما ابقيك ما دااام تگلي اصبررر لااا ما اااصبرر، الزم ايد امي ونروح.
ناجي كاتم المكالمه لحد ما نائل كمل كلامه أشر للحارس يجي ياخذونه وبألف يا على سحبو، جسار بس يهز راسه ل نَائل ب وعيد.
جاسر والحيه وسن گاعدين بصف بعض يتفرجون علينا كأنهم مستمتعين بلي يصير، من طلعوه على غرفته، فتح الكتم وسيرا تصيح.
سيرا: تحجيين صدك چذب شصاير عدكم انتو هم مثلنا؟
وَدق: عدنه عار يوميه يرجع سكران المهم شلونچ.
سيرا: مو بخير افتحي كام خل اسولفلچ گلبي متورم.
وَدق: ها كام لا ما اگدر الوضع ما يسمح احچيلي.
منتظرين كلامها وآني ادعي بگلبي ما تحچي شي
كلمه لصالحهم.
سيرا: آني چنت مخطوفه وأبناء آلجابر الجربوع خطفوني ويهددون ما احچي لأحد.
ناجي عيونه صار بگصته كتم المكالمه ويصرخ وجسار جسار واكف ساكت والثنائي الادبسز يضحكون.
ناجي: لچچ شهللل صلاافه العدهه ااحنااا مو گلنا لا تحچييين مو هددناااها بأختهااا.
جاسر: تفو عليك وعلى اخوك بنيه ما گدرتو تخوفوها.
ناجي: وااالله تفووو على السحليه اللي بصفففك ربععع ساااعه تحچي وياها وما گدرررت تخووف بنيييه بگددد ذراااعي.
وَدق: بنت الأدهم تخوف ما تخاف.
سيرا: بس اجي اشگ اخوانچ كل واحد شگتين لييشش سااكته اجيت أفضفض موو انتظر تفتحين الكتتتتم.
شلون بلوه هذوله عبالهم سيرا تخضعلهم.
وَدق: هاي أمي رادت شغله، كملي.
سيرا: مو گلتي امچ متوفيه؟
وَدق: قصدي سُعاد هي بمثابة أمي.
سيرا.
رفض انهي الإتصال وياها وسيرا كملت كلامها.
سيرا: إيمار هذاك اليوم گتلچ التركي ناشر لوحه مرسومه لبنيه شعرها تمري، ف اليوم عرفت صاحبة اللوحه تكون امه المرحومه وآني گلت عليها تافهه.
وَدق: الله يرحمها.
وسن طگتها بضحكه رنانه بسرعه كتمت المكالمه.
رُقيه: شويييه استحييي.
وَدق: شگددد اقرف منچ.
سيرا: هم كتمتي الصوت؟..
وَدق: اسمعچ احجي.
سيرا: أي وختيارة الجن سجيوا الحيه جاي تخون عمو أيهم بس خل اتحرا عن الموضوع إلا انشر فضايحها بكُل صفحاتي.
جسار ارتبك وطلب تلفونه من المساعد ماله وسيرا رادت تدخل بالموضوع وتلمح انه تراقبها آني وگعت الموبايل.
وَدق: يمه وگعع موبايلي انكسرر
ناجي: حماااره لچ حماااره.
وتقصدت اوگع الموبايل وانقطع الاتصال.
لزمت ايد رُقيه ونظرت بوجوهم.
وَدق: بابا حبيبي الموبايل طاح گول للجرابيع العندك يشترولي واحد جديد.
جسار: مقصوده يا ملعونه مقصوده هههاهه.
رُقيه شصار على ملفات القضايا اللي اشتغلتي عليها؟
نظرتلها وهي عيونها على ملفاتها اللي يم الباب بالأرض.
رُقيه: صدگو انه الشركه عليها قضايا قانونيه وباچر نطلع ندور على أسماء اللي رافعين هاي القضايا.
جاسر: يعني تفضل هسا من وين ندبرهم؟
وَسن: إيزي ننطي فلوس.
ناجي: مو كلهم ينشرون بالفلوس مثلج.
وَسن: اي أكو مثل ببلاش.
جسار: كلام وسن صح همه ثلاث قضايا والاسماء المذكورة موجوده على أرض الواقع
راح شال الملف و قرأها.
ناجي: و انتي ومنو تطلعون تدورون عليهم؟
رُقيه: آني والأستاذ أنس.
ناجي: أنس!
جسار: أنس مالك
رُقيه: وتعرف اسمه الكامل!
جسار: مو شغلچ بابا، العليچ تكسبين ثقتهم.
ناجي: وليش يجي وياچ؟
وَسن: كپلز باردين ولعوهاا شهل بروده.
أشر على جاسر و وسن يلحگوه للمكتب وراحو.
بقى هذا يجي ويروح گدامنا، بعدها راح ورجع بإيده عُلبة الإسعافات الأولية.
وَدق ضمدي إيدها خل اشوف تالي هل مهزله
رُقيه: لا تسوي روحك مهتم او تسوي روحك أدمي كتابك محترگ عندي.
ما تدخلت بجدالهم اخذته من إيده و ما أنكر شگدما هذا حقير إلى أنه عنده جانب إنساني
اخذتها وگعدتها على التخم، بديت اشيل المنديل
وناجي من بعيد يراقب تألمت رُقيه وهذا من مكانه عاط.
علي كييييفچ.
رُقيه: لااا ترفع صوتك عليهاا.
دفر الطبله الگزاز وكسرها
وكل هذا الوقف حبوبه سُعاد تدگ الباب وتدعي عليهم، عافنا وراح فتحلها بس دخل للغرفة وما خلاهه تطلع ما اعرف ليش!
رُقيه: بشنو تفكرين.
وَدق: ناجي فتح الباب وحبوبه ما طلعت ليش؟
رُقيه: غير هذا الحيوان ما سمحلها كملي احس راح يُغمى عليّه وعيوني تحرگني من ريحة الدخان. هااتسووو الله لا يوفقهم.
وَدق: لازم تراجعين الدكتور ليش بطلتي.
رُقيه: ما استفاديت بظل هيج ضروف وبنص هيج ناس حقيره تتقصد اذييتي بهذا النوع مستحيل يروح مني.
وَدق: رُقيه خل احجيلچ شي قبل لا يرجع هذا
ترا اني تقصدت أكسر موبايلي اعرفهم يريدون.
يستغلون صداقتي ويا سيرا لمصالحهم.
رُقيه: عفيه عليچ عرفت مقصوده وحتى جسار عرف بس كالعاده ما بين انزعاجه.
وَدق: خايفه يفرقونا آني وسيرا وسيرا اذا عرفت آني بنت منو ينتهي صداقتنا اللي من ايام المتوسطه.
ما لحگت تحجي طلع مره ثانيه ومن بعيد يحچي ويجي بإتجاهنا وآني شديت الشاش على الجرح
ناجي: وهذا النعال مديرچ؟
رُقيه: وانت شعليك؟
ناجي: بس جاوبي مديرچ لو شنو؟
وَدق: شعليك انت شبيك؟
انتي لا تحچين، رُقيه هذاا مديرج لو مدير قسم؟
رُقيه: مدير القسم اللي توضفت بيها.
دگ تلفونها الچان يم الجنطه عند الباب راح شاله وقرأ الأسم
ناجي: هذااا الثاني وگع منووو؟
رُقيه: هذا الأستاذ وگاع اختصرت اسمه شعليك؟
يهز راسه بمعنى اي اي وينظرلها بعصبيه.
ناجي: چآن اكتبييي علييه وگووعي.
ضل التلفون يدگ وهذا يجادل
وَدق: بشرفك هسا وگت تكب الغيره العراقيه عندك رُقيه جاوبي مديرچ.
شمر الموبايل بصفها صرخ يكول افتحي السبيكر.
رُقيه: نعم.؟
وعليكم السلام هو هيچ تردين على مُديرچ؟
رُقيه: مديري بالشركه مو بالبيت.
هذا غلس على كلامها وطب بسبب اتصاله
وآني مصدومه مثل ناجي المتخوصر گدامنا
ليش راجعه ويا أنس!
رُقيه: ش شلون لا ما راجعه ويا...
شفتچ بعيوني شهل ميانه العندچ؟
رُقيه: ااانت شبيييك تحاسبني شعليييك.
ومااا ذبيت ميااانه هو توااضع وياي وغيرته ما سمحتله يعوفني بوحدي بذاك الشارع.
جهزي ملف القضايا باچر تجين قبل الدوام بنص ساعه.
رُقيه: باچر الصبح نطلع ندور على أصحاب القضايا شنو اجي قبل الدوام.
اطلعو دورو من الساعه 7 لحد ال11 تكملون البحث وتجيبون الملف جاهز عود أنس وياج لا خوف عليكم.
رُقيه: ااي نوع من المُدراء انت؟
وسيم وطويل وعيوني عسليه، سلمي عليها.
رُقيه: على منووو.
الأبليسه اللي تتسمع على مكالمتنا بصفچ. سدي السبيكر بالمره الجايه.
قفل الخط وآني فاكه حلگي بصدمه ومنبهره بهذا وناجي محترگ بدمه.
وَدق: وااااو والله واااو شهللل مديررر.
بس لييشش گال عليَّه إبليسه وشلون عرف فاتحين سبيكر؟
ناجي: بس هذني الأشهر تخلص ما يبقى عايش يندفن بصف جده السابع.
وَدق: رُقيه منو هذا جده السابع؟
رُقيه: اااووف شگددد تحچييين هذا جده السابع اللي صرعني يحلف بيه.
اخذت أغراضها وركض صعدت لغرفتها وهذا يصرخ وراها.
ناجي: عيوووني عليييج وهل مره ما أگول لأبوچ أنس وصلچچ.
وَدق: الغيره من ابو عيون عسليه وگف عقلك انت بصوتك هذا الانس والجن عرفو هي رجعت ويا أنس.
دفعني وعبر يطلع من البيت روحه براس خشمه.
اجو الخدم ينظفون المكان والدم وآني رحت غسلت ايدي واجيت ادخل على غرفة سعاد لگيتها مقفله.
وَدق: حيوااانات آني اعلمكم.
طلعت للمخزن الحارس راد يوگفني ما گدر ورزلته. فتحلي الباب ودخلت ادور على طبر
لگيتها وطلعت.
يا آنسه شتسوين بيهاا.
وَدق: اانچب ولا تدخللل.
رجعت للبيت وگفت گدام الباب.
وَدق: سُعادي ابقي بعيده عن الباب راح اكسره.
لجج خبله وعلى خبله خل يولون نسل القنارد
يفتحولي غصب عنهم.
وَدق: والله يا حبيبه أحفاد الجربوع زوجج واحد اگود من الثاني اني اتكفل بكل شي.
شديت إيدي عليها وبديت اضرب الباب الخشبي
وسُعاد تخبلت من حجيت على جدي.
لچ ودددق تگووولين عن جابر جررربوووع.
وَدق: سُعاااد موو آني مو اني هاي البيست هيج ملقبتهم.
سويت فتحه بنص الباب وطلعو جسار والثُنائي من المكتب اللي بصف غرفته حبوبه.
جاسر: لا حول ولا قوة الا بالله وين المفتاااح
شاهين تعااال.
وَسن: عوفها الخبله كسرت الباب وهسا تدخل بي.
جسار: ولا وحده عاقله كلچن خبلات.
رجع لمكتبه ورگع الباب رحت على الواهس
طلعت حرگة گلبي بباب مكتبه ادچ الطبر واحچي وجاسر يريد يلزمني ويقيدني.
وَدق: ااااشوووفك الخبله على أصولها خبله اااني.
وعفتتتت العقل الكممم نسل النعوله نسل القنااادر وللللك شيييل ايدك لاااا اسووويك وصل بهل طبررر.
اما جسار فبس يضحك بمكتبه.
جاسر: المدللة العاقله لا تسوين هيج جيبي الطبر يلا بالحبابه.
وَسن: ويع ما يلوگلك دور الحباب أنت بس مال
شخصية الكيلر.
جاسر: مو وگتچ افتحي الباب لسعاد خل تجي هي تگدلها.
حظني من ورا وقيد ايدي اما وسن جابت المفتاح من الحارس وفتحت الباب طلعت سُعاد.
ودفعتها بقوه بحيث اختل توازنها من طول الكعب اللي برجليها.
سُعاد: داايحه وخررري.
ضلت ساكته وما ردت عليها جاسر عافني وسُعاد
حظنتني وسحبت الطبر من إيدي.
سُعاد: شلون بيچن مخبلات ليش هيج تسوين.
باست خدودي وشعري وتحاول تحتويني حظنتها بقوه و وَسن چانت واگفه وراها وساكته تنظرللنا لثواني وطلعت من البيت.
جاسر: وَسن.؟
شال الطبر وانطاه للحارس وبعد ما ادري اكيد ركض وراها وهي ليش طلعت بهل طريقه.
نزلت رُقيه مصدومه من منظر البواب.
رُقيه: لچ ووود مررره ثااانيه ههههه.
حظنتني ويا سُعاد وحبوبه تصيح بينا.
سُعاد: يا على استلم مربيلي خبلااات
ولچننن إلا اااموت بجلطه على إيدچن.
ال بتراء
مر اليوم عادي وبس المسا التقينا على العشا
واليوم خلص وزوج خاله يقين ما رجع، چنت گاعده بالصاله اگلّب لحدما وگفت على قناة 2
چآن توه الفلم يطلع المقدمة مالته وچان أسمه venom حبيت أشوفه.
بهل اثناء دخلت للصاله وهي ايد مخليه موبايل على اذنها تحجي إتصال، والإيد الثانيه شايله طاسه شاميه انطتني وابتسمت الها، شگد مميزه هل إنسانه.
يَقين: يمه سوده عليَّه شلونه هسا؟
گعدت بصفي على التخم وطلبت انصي الصوت، نصيت الصوت والرجال چآن يحجي وصوته بألف يا على اسمعه.
ما ادري اذا حاله عاديه بس تخربط وضل يصرخ ويكسر الغرفه، سألت اخويا گال بس ضغوطات نفسيه.
يَقين: معقوله بي شي؟
لا ما اعتقد وايهم ما يضم عنا وما بيها عيب
اذا ابنه مريض أعصاب مو عيب هذا سببه التعب النفسي.
يَقين: خطيه هل ولد واحد وعشرين سنه متلوع على گبر امه مو بس ريحتهه ربي يفك اسرها ويجمع بينهم بأسرع وقت.
يَقيني غيري الموضوع.
تمالكت نفسي و ما ابتسمت لمن گال يَقيني
طلع الأبن لأبوه بهل اثناء دخل على سَند وآني نزلت رجليه جنت متربعه.
بتراء: احم أي انتو اخذو راحتكم آني اروح أنام.
لزمت إيدي ما خلتني أگوم.
يَقين: چذابه ما تنامين اگعدي وكملي الفلم
مبين حبيتيها.
هي لازمه على گلبي لزمه شهل انسانه ليش احبها واحب اسلوبها. غصبا ما عليه ابقى وحرفيا ما اگدر اگُللها لأ.
انوب الأبن گعد على ايدي اليسار بس بينا مسافة متر، صرت بيناتهم وأكل شاميه واتابع الفلم مندمجه ويا احداثها.
علي سَند: إيدي
وگف الشاميه ببلعومي نضرت لإيده وحچيت
بتراء: شبيها إيدك.
دار وجه باوعلي تقرب اخذ شاميه ودار وجه يباوع للفلم وجاوب.
علي سَند: توم هاردي بطل الفلم.
بتراء: اي قريت اسمه إيدك شبيها.
علي سَند: شخصية توم هاردي بأسم إيدي بروك انتي شلون جاي تتابعين الفلم.
يَقين: أنتو شگد تحچون خل نفهم إيدي ليش هيج فاشل وما عنده حظ.
درت وجهي باوعت للخاله وهي قافله موبايلها
ومندمجه ويا الفلم، الاثنين مدو ايدهم للطاسه اخذو شاميه وآني صافنه بينهم.
اكلت عالواهس وبعقلي الف تفكير عائله غريبة عجيبه، طلع المقطع اللي venom يطلع من جسم بياعة الجرايد ويدخل جسم إيدي
فزيت اصرخ واسد عيوني.
بتراء: يااااع يااااع دخللللل وجه وجه.
الأم وابنها نظرولي.
يَقين: أول مره تشوفيها؟
بتراء: أي ليش انتو چم مره؟
ابتسم وفر بإيده.
هووهوو أكثر من عشرين مره.
مندمجه ويا الفلم وإيدي مثل المخابيل يركض بالغابه
بتراء: باااوع شلوون صعد للشجررره.
الاثنين يبتسمون على ردود فعلي اللي خارج إرادتي اخذت راحتي وعلى كل مقطع انطي رد فعل غصب عني.
بتراء: ول اااركضض لحگوووك.
علي سَند: ما يسمعچ والله.
يَقين: عوفهاا شبيك لا تزعجها.
علي سَند: حاظر يَقيني.
احلى شي خاله يقين تدافعلي من الحماس گعدت متربعه وسحبت طاسة الشاميه چانت بصف على سَند.
علي سَند: وآنه شني أكل.
يَقين: تاالي وياك تالي.
علي سَند: تمام ما احچي بعد.
ابتسمت بوجهه وكملت الفلم إيدي دخل للبيت متخبل على الأكل او الكائن اللي بجسمه هيج مخليه وياكل الاخظر واليابس.
بتراء: ههههااا على سَند فرع سان فرانسيسكو
يعارك على شاميه خطيه جوعان.
علي سَند: ها يَقين خاتون شفتييي هي تجيب الحچي لنفسهاا آنه ما حچيت.
يَقين: اوووه اسكت اسكت خطيه دياكل من الحاويه.
تقربت منها وهذا يخوزر بيّه، طبگت وياها نشوف الفلم وإيدي يفرش سنونه ومن شاف روحه بالمرايه وگع بالبانيو وغاب عن الوعي.
بتراء: لاااااء خطييه وگع بالبااانيووو.
علي سَند: اووف اوف روحي طلعيييي.
غلست عليه والفلم مستمر ثاني يوم إيدي يروح يقابل البنيه بالمطعم ومن يحجي عن حالته محد يصدگه وهنا يحس روحه جوعان
وياكل شكو اكل يشوفه بعدها يشوب ويروح يگعد بحوض السمچ وياكل سمچه شكلها غريب
بتراء: عزاااا اااكل سمچةةةةة ااام المقص!
ضحك بوجهي ومبين من كُل گلبه.
بتراء: ههه شكوو شگلت خاله ليش يضحكك وأنتي تضحكين شكوو.
علي سَند: موو سمچه ام المقص اسمها كركند أسمها شنو؟
بتراء: كرك كركند؟
هز راسه أي درنا وجهنا نكمل الفلم بس طلع إعلان گام هو وگال عنده اتصال مر بصفي والتلفون مالتي على الميز گدامي دگ وهو وگف بمكانه كأنه يريد يشوف المتصل بطريقه غير مباشره.
مديت ايدي بسرعه أخذته وهو غلس وطلع يحچي إتصال.
يَقين: جاوبي بنتي.
بتراء: اي اجاوب.
فتحت الإتصال وبلش يصرخ مثل الثور.
خمس مراااات ااااتصل اااادرري وييين عقلللج وييين عيونج مااا تجاااوبين لو تتجاااهليييني ومخليته صامت؟
بتراء: رند ما اسمعچ علّي صوتچ.
خاله خل اطلع احچي برا يبدو هنا ماكو شبكه.
عفتها وطلعت احچي بالممر
بتراء: لا ماچان صامت سمعت و لاحظت اتصالك وفعلا تجاهلتك الفلم چآن اهم.
بترااااء اااعرررفي حدودچ وياااي.
واحچي شنو چنتو تحچووون
بتراء: شني حارگ دمك، وطالما مخلي مايك بالموبايل اكيد سامع كُل احاديثنا.
بس سااامع صرااخچ ويا الفلم.
بتراء: صدك ذكرتني الفلم طلع.
قفلت بوجه وما ادري شنو حچا وراي قبل لا ادخل على سَند حچى وراي.
علي سَند: ويامن تحچين؟
درت وجهي باوعتله.
بتراء: أنت ويامن حچيت؟
خلى ايده بجيبه وحچى بكُل ثقه وبدون تردُد
علي سَند: ويا أبو وگعه. دورچ
بتراء: ويا زميل جامعي اسمه جاسر.
تقدم خطوه وحده گدامي واني انداريتله بكامل جسمي.
علي سَند: اسمه جاسر؟
بتراء: اي اسمه جاسر أكو شي؟
علي سَند: لا ماكو شي.
عبرني بنظرات توتر وكلها شك دخل للصاله قبلي وآني شفت رسالة جاسر وهو يسب الكل بدون استثناء ويشيل روحه ويرگعها بگاع لأن گلت اسمه.
بس جاوبته بإيموجي اليوغا قفلت الموبايل وعفتها على الميز بالممر ما دخلتها للصاله.
گعدت بمكاني والفلم صاير مشوق وكله مواقف كوميديا.
وصلنا للختام لمن دخل إيدي للماركت يشتري وvenomيحجي بعقله بعدما اكل الحرامي صاحبة الماركت سألت وهي مستغربه من هذا إيدي گال في الحقيقه أنني مصاب بطفيلي
بتراء: عزااا هسااا venom ياكل كبده لأن گال عليه طفيلي.
علي سَند: لا يگ.
سديت اذاني واحجي حتى ما يحرگ الختام عليَّه
بتراء: لاااااع بلييز اسكتتت لا تحرررگ الختام عليَّه.
علي سَند: تماامم شبييچ والله مو طبيعيه.
شمرت مخده عليه وتحچي.
يَقين: عليييييي بس اانچببب.
علي سَند: يمااا صرتي تگولين عليَّه انچب هاي شوگت؟
بتراء: اهووو انچب خل نسمع venom شيگول.
چان ويباوعلي وآني غشمت روحي الأهم اشوف الختام. venom يريد إيدي يعتذر وإيدي يرفض لكن venom يهدده و يعتذر إيدي وينتهي الفلم.
بتراء: هههها حبيت اجمل نهايه.
الأم وابنها صافنين عليَّه
يَقين: ههه ادهم فاته لطافتچ راح يفرح بيچ وعلي.
علي سَند: بنيه فحله.
يَقين: علّي صوتك شگلت.
بتراء: گال!
ميل راسه بتهديد بمعنى لا موبايله چآن بينا كتبت على شاشته كلمة sorry واشرت على نفسي. وهو ميل راسه ب لا
يَقين: شگال احچي؟
بتراء: گال!
علي سَند: آسف لازم اگوم باچر عندي رحله.
يَقين: اي گوم بس ليش تعتذر شدعوه.
بتراء: خاله ابنچ متربي خمسطاعش مره والاعتذار من باب الرُقيّ.
علي سَند: انتي شني طينتچ؟
بتراء: عراقيه بغداديه من أصول نجفيه.
خاله تمسد على شعري وتبتسم وعلى سَند وجه ما يتفسر، عافنا وگام على غُرفته.
ساعدت الخاله رتبنا الصاله وما نادينا المساعدات الخاله دخلت لغرفتا وآني شربت ماي وطلعت من المطبخ ورجعت للممر رحت يم الميز اللي عفت التلفون عليها بس ما لگيته.
بتراء: وين راح چآن هنا.
دورت حوالين الميزه وما لگيتها دخلت للصاله ادور.
بتراء: دخيلك يا على سَند الموبايل بدون قفل الشاشه وين راح، صايره انسى بسرعه معقوله بالغرفه؟، لأ من المغرب ما صاعده، وحچيت ويا جاسر من جنت أشاهد الفلم، وين عفتها.
ضويت الصاله و دورت بكُل زاويه ماكو
نزلت على ركبي ادور تحت الميز ماكو، فجأة الصاله صارت عتمه.
بتراء: دخيييلك يا على سَند، ااخ راسي
بهل عتمه ضربت راسي بالميز مثل التايهه ما
اندل دربي، وگفت اتلامس مُحيطي خطيت خطوه وفجأةً
انضربت بصدره، دخل ايده لشعري ورفع راسي لوجه، ضوا شاشة موبايلي بوجهي و اردف.
تدورين على هذا؟