رواية ولد الباشا للكاتبة فاطمة الأحمد الفصل الخامس والثلاثون
رُقيه
شلت تلفوني وگمت.
رُقيه: شكرا على السبانش لاتيه، بس لازم ارجع حبوبه تقلق اذا اتأخر.
ما انتظرت جوابه فورا گمت مشيت تحت أنظار وگاع اللي احسه يگصني گص بعيونه الحاده.
رُقيه: انتي غبيه شعندج ويا مدير قسمچ.
تكسي. على منطقة - - -
البيت يبعد نص ساعة، ما مر عشر دقايق
وحسيت ابو التكسي توتر.
رُقيه: أكو شي؟
اختي هاي أكو سياره سوده تلحگنا من اول تقاطع.
رُقيه: لا توگف خويه لا توگف خاف ناس مو زينه.
هز راسه بالقبول لكن سُرعان ما انحدرت السياره
والسياره اللي تلحگنا كسرت على ابو التكسي، داس بريك قوي ضليت اردد آيات قرآنية من الهبطه.
فزيت على صوت طرق على الجامه.
انزلي يا خاتون.
نظرت للسايق قفل الأبواب، شغل السيارة يريد يرجع لي ورا، بنفس الوقت يحچي وياي.
اختي لا تخافين.
ما لحگ يرجع السيارة لورا صرخت سديت اذاني
من صوت الرصاصه.
رُقيه: يمااا صوووب صووب عنده سلاااح.
بنچر التااير هذا شيريدد.
خطيه السايق انهبط وياي خاصة لمن الشخص وگف گدام التكسي والشارع ظلام اول ما السايق شغل لايت السيارة المصابيح الأمامية
شهگت لمن شفته وَگاع وبإيده مسدس مخليها
علي السيارة أمامه و بس واگف ينظرلي.
رُقيه: أبووو گاااع شهههل خبااال هذاا.
اختي تعرفي المجرم؟
رُقيه: مع الأسف الشديد أي.
شال المسدس واجا يم باب السايق أشر بالمسدس
تنزل الجامه أو اتصرف.؟
خطيه ابو التكسي نزل الجامه ورفع إيده.
اهدى خويا شمدريني الأخت ظمن العصابه.
حك طرف حاجبه بالمسدس ونظرلي، اردف.
وگاع: ابدل الكاديلاك لسيارة تكسي اذا هلگد حابه الگعده بيها؟
رُقيه: لا انت مجنون رررسمي شهل درامااا شترريد؟
وگاع: رايدچ بكلمتين.
رُقيه: هممج هممج هاااي طررريقتك
وگاع: ماكو اوبشن 2، انزلي قبل لا افرغ المخزن براسچ.
رُقيه: هذااا تهديد تُعتبر محاولة قتل، إذا ما قاضيتك واسجنك ما اطلع بنت أمي، وكلمممة وحده ما احچي وياك، خويه كمل طريقك.
شنووو اكمل طريقي هوو غيير بنچر التااير خيتي بحظچ وبختچ انزلي قبل لا يقتلني وياچ عالواهس.
وگاع: يا بعد خيتك نزل إيدك لا تخاف آنه حباب مو مجرم.
هذا انت الحباب وهيج طلع منك لو مو حباب شچان سويت. يلا خيتي انزلي من سيارتي
واتمنى اذا شفتيني بشوارع البصره لا توگفيني مستحيل اصعدچ بسيارتي بعد.
شلت اغراضي، فتح القفل المركزي، قبل لا اطلع سمعته حچايه وطلعت.
رُقيه: لا فدوى خلصن تكاااسي البصره.
نزلت و ابو التكسي نزل يبدل التاير
اما وگاع ف اجا بإتجاهي وآني ما وگفت كملت الطريق. چان يمشي وراي ويحچي.
رُقيه خاتون گتلچ رايدچ بكلمتين.؟
ما جاوبته وكملت طريقي. احجي ويا نفسي.
رُقيه: همج حفيد الهمج وگع گلبي علمود كلمتين
رووح ااالله يوگعك على خشمك، روووح الله يحرگ سيارتك بجاه حُب على لفاطمته.
لزمني من ذراعي ودارني عليه بحيث صرنا وجه لوجه بينا شبر واحد.
رُقيه موو گتلچ كلمتين!
رُقيه: شيل إيدك. شيييل إيدك شلون هيج تلزمني
شتريد أنت شتريد، شبيك لاحگني كلمتين كلمتيين؟
رجع المسدس لظهره ونزل الجاكيت عليه تحت انظاري إللي منتظره جوابه.
شعندچ ويا أنس مالك؟
رُقيه: نعم كُل هللل همجيييه علمود هذاا السؤال التافه اللي مالك حق تسألني ياه؟
لا تخليني اتسودن عليچ شعندچ شغل بعد الدوام ويا انسس؟
خطيت خطوه للأمام نظرت لعيونه التفيض بالغِيره. اردفت بهدوء.
رُقيه: اطلع ويا ياهو الچآن، انت شعليك بيّه؟
مُديري برا الشركه؟ no. گرايبي no. أبن عمي no. أخويه no. لا تقربني ولا أقربلك. كلمن بدربه يلا.
درت ظهري لكن ما خلاني أمشي، دارني ناحيته لزمني من كتافي ثبتني گدامه ويحچي بصراخ.
سألتتتچ سؤااال وااضح ليش تلفين وتدورين
ليش هييچي تتصرفين ليييشش؟
نترت إيده اعارك واحچي بعصبيه.
رُقيه: تشووف حالك شگددد بااالغت شبيييك اصحى على حااالك اانت مُجرررد شخص اااسمه مُديري بالشركه أما خارج الشركه لا اعرفك ولا تعرفني.
جيد ااذا مُجرد مدير ليش الظهر متصله بيّه تسألين عني؟
رُقيه: ماا اتصلت علمودك ردت أسأل بخصوص الموكل، بس حظررتك چنننت ويااا المُساااعده ماالتك، وقفلت الخط.
لزم إيديه ثنينهن ما خلاني ادفع بصدره مره ثانيه
دِ گولي غيرانه عليك. بعدين أنتي قفلتي الخط لا تچذبين عيب.
رُقيه: دخييلك يا على من شنوو اغار وليش اغار؟
بعدين شوف روحك ااانت لاحگني احتررگ دمك متت من الغييره شفتني ويا أنس. شهل نقااش التافه كلمن بطريقه يلا.
عفته ومشيت، ضل يلحگني ويحچي بصوت عالي
تااالي وياااچ تااالي، تمام مس هاااتسو يطبچ طوب
ابتعدت عن مكان السياره حتى ابو التكسي مر مُسرع بصفي وراح.
رُقيه: اانتي حماره شلون تطلعين ويا انس نعال
انوب هذا الثاني بأي حق يستجوبني.
سمعت صوت سيارته وگفت ورايه بس ما انداريت ولا وگفت كملت طريقي، إلى أن لزم إيدي اجبرني اوگف واندارله.
رُقيه: من الآخرررر شتررريد؟
جفلت بمكاني هذا ناجي مو وگاع اباوع يُمنى يُسرى ماكو أحد الشارع خالي بس احنه بي.
حسيت شد إيده على إيدي وعيونه تجدح نار من العصبيه، اردف
ناجي: شتسوين بهذا الطريق بوحدچ والساااعه 7: 30؟
رُقيه: ناجي إييدي إيدي داتوجعني شبييك ما تفهم.
يشد على كف إيدي ومخلي وجه بوجهي
يحچي بعصبيه.
ناجي: لا والله يااا ستي ماا ااافهم آني مو گلت انتظرچ بالگراج لييش ما ااجيتي؟
رُقيه: نااجي لا تتخبل شبييك اييدي راح تكسررها.
ناجي: و تننننكسررر هل إيييد شعندچ ويا ااانس مااالك شعننندج
رُقيه: بقتتت عليييك ااانت هممم استجوووبني.
ناجي: ليش منو مستجوبچ قبلي. رُقيه؟
منووو.
ترك إيدي ويفرك شعره بطريقه كأنه يحاول يتمالك اعصابه. نظرلي ورجع گدامي
ناجي: ياا ثووله بنت ثوله تدرين انس مالك منووو؟
رُقيه: داااللعن ااابوك لااا تغلط لاااا تغلط.
ناجي: بويا والله اااني أللعن اابو ابويااا من وراچ
تدرريين خرااا مااالك منوو.؟
رُقيه: مُدير قسم بشركة أبناء الباشا.
ناجي: نايس معلوماتچ قووويه.
يااا ثوله هذاا ااابن الرجال اللي - - - جسار
يعنييي يريد ينتقم بيييچ اافهمي يا ثوله.
رُقيه: صدگ؟
ناجي: خوما اچذب عليچ أنتي شبييچ؟
رُقيه: اي وين الجديد يعني؟ هذا انت هم مثله.
تريد تنتقم مني بسبب جسار اللي غدر ابوك واعتدى على اامك وييين الجديد ويين؟
اخذله صفنه بوجهي ويتنفس سريع
وسعن عيوني لمن نَائل نزل من السياره هذا شوگت چآن موجود بيها، تقدم وگف بصف اخوه
شمر شي من حلگه نظرلي واردف.
نَائل: رفقاً بمشاعر أخي فهو لو يو مع الأسف الشديد.
رُقيه: ش شهل تمسلت انت من شوگت بالسياره؟
نَائل: ترا اجيت وياه ما شفتيني؟
اعرفه صار يرجف عليچ ما لازم اعوفه وحده صح براذر؟
خلى إيده على كتف ناجي اللي خوزر بي وهذا نزل إيده.
نَائل: صح صح بصوت ناجي الداخلي.
ناجي: نَائل امشي منا لا اطيح حظك
رُقيه: آني الراح امشي منّآ، انتوا تناقشو على رواء وخططو شلون تنتقمون من جسار عن طريقنا.
كملت الطريق، هذوله واحد يحچي والثاني لاحگني.
نَائل: گتلچ رفقاً بمشاعر اخي ما تفهميين منين اجيبلي اخ ثاني هو هذا المگروود العندي. حبيي وعيشو لو ستوري؟
ناجي: موتك على إيدي نَائل! ، رُقيه خل افهمچ رُقيه لا تخليني ااارجعع نااجي التعرفييه.
وگفت اخذت نفس عميق وهو هم وگف گدامي.
ناجي: لا تخليني ارجع لِنُقطه البدايه وياچ
افهمي الكلام، أنس مالك يريد يأذييچ هو كاشفچ
بس ما يحچي لأبناء بيت الباشا وسالفة من زمان متوضف بالشركه فهاي چذبه، هو دخل للشركه اسبوع قبلچ.
رُقيه: و خل يأذيني بقت على أنس مالك؟
انت شعليك ليش فجأة صرت آدمي؟
ناجي: لا حول ولا قوة الا بالله العلي العظيم.
رُقيه: وانت من شوووگت تعرف الله من شووكت؟
ناجي: شايفتني مُلحد لو عاابد شيطان شبييج وياي.
نَائل: شبيچ ويا براذر ها.؟
چآن واگف ورا اخوه صرت اتوتر من تصرفاته مو طبيعي هل انسان
ناجي: انتي ما تجين بالعيني وأغاتي.
رُقيه: شجاي تحچي؟ وخر ليش تقترب ناجي اللعن ابوك اذا تسوي شي غلط وياي ناااجي يااا حيوااان نزلني نزلنيييي.
شالني غصب عني وما أگدرله او اضرب إيده وكتافه ما يفيد چني ريشه بين إيديه نَائل الحقير اخذلنا صوره بالموبايل ويضحك فرحان على فعل اخوه اما الحقير الثاني ناجي يحچي انگليزي ويا نَائل
ناجي: براذر، اوبن ذا دور لو سمحت؟
نَائل: على گولة البومه الشگره، اوو ياه ياه من دواعي سروري.
رُقيه: حيوانااااتت اانتووا حيوانااات نااائل نعااال ناااجي جرربووع نعله على اللي خلفكمم نزلنييي.
يمشي للسيارة، يحچي ويضحك.
ناجي: نعله على جابر نعله على جسار نعله على جاسر نعله على على. نصار اليروحلچ فدوى و نَائل عالواهس هاچ يلا.
فتح الباب ومن حچى خلاني اصفنلها
نَائل: مال هسا اتلبسك واخليك تركض مصلخ.
رُقيه: شش شنووو ناااجي هذاا شجاااي يحچييي
نزلني ااابن القننندرره اابن النعااااال.
ناجي: يمسلت يمسلت معليچ هذا مريض سايكو انچب.
نزلني عالكشن وبسرعه نائل سد الباب وگف.
ما خلاني افتحها وانزل، ما ابتعد إلا من ناجي صعد شايل الملفات والموبايل شمرهن بالكشن الورا، شد الحزام، نظرلي وتقرب لزم ذراعي واشر لأخوه حتى يصعد بسرعه.
ناجي: هاا صعدت.
تقرب مد راسه يبتسم بينا وهو بالكشن الورا.
نَائل: لا بعدني برحله حول المنطقة. اقفل الباب هسا بنيتك تطفر.
رُقيه: ااانتوا اانتوا موو صاحيين.
قفل الباب وانطلق بكُل سُرعته.
ناجي: منا وجاي هيچي اتعامل وياچ. انتي بس كبري راسچ وتشوفين.
نَائل: شو بله گمت احب الوضع. ومن الحُب ما قتل او حُب وإنتقام.
انطا تعبير على وجه انه سارح بخياله لكن ناجي ضربه على وجه وهو سحب راسه گعد بمكانه.
نَائل: يگولون المايگدر على مرته يطگ اخوووه
رُقيه: ااااكل قناادر آني مو مرررته تحلموون.
ناجي: ربنا كريم.
نَائل: شو ما عجبني راح انزل.
ناجي من الجامه خوزر بي وآني فاير دمي منهم.
نَائل: نكمل النُزهة عاجبني بس بدون ذكر اسماء.
رُقيه: شديصير ااانت اانت شيطان؟ نااجي اخووك متلبسه شيطااان؟
نَائل: آني أتلبس ما أنلبس.
ناجي: نَائل كافي تمسلت.
رُقيه: دخيلك يا على المولى دخيييلك
ضليت فاتحه اذاني عليهم وعلى تصرفاتهم وبگلبي اقرأ معوذات
رُقيه: اعووذ بكلمات الله التامات من شر ما خلق.
الله لا إله هو الحي القيوم لا تأخذه سِنةٌ ولا نوم.
فجأة ناجي وگف السيارة وفتح الباب دخل نَائل
اللي چآن بالسياره بس هسا جاي من برا السياره.
شلون ما ادري ولا استوعب
نَائل: شبيچ صافنه بوجهي، ومره ثانيه نصي صوتچ الداخلي، ترا اخبلچ والله.
رُقيه: گلت والله، ذكرت اسم ألله سُبحانه وتعالى؟
ناجي: اي شبيچ، ترا نَائل يتشاقه ما عنده شي
من ذاك الصوب.
رُقيه: دخيلك يا أبا عبدالله دخيلك يا أبا الفضل
نااجي ناجي وصلني للبيت لا اللعن شكو واحد يجي على لساني.
يضحك يضحك بكل حقاره هو وأخوه المتسودن الثاني واحد أغرب من الثاني، وصلنا للبيت ونزلوا التوأم نَائل شايل ملفاتي وموبايلي.
أما ناجي، فتح الباب ورجع شالني بعدما شبعته ضرب وما فاد.
رُقيه: رجليييه ماا مكسوره ااگدر امشي عليها ااگدر.
ناجي: هذا عقاب ألچ ليش ما نزلتي للگراج چنت منتظرچ ساعتين.
رُقيه: رحم الله امرءاً عرف قدره، هم زين تعرف نفسك قُربك عقاب وقرف بالنسبة أللي وأنه ما مرغوب بيك واكرهك.
ما جاوبني وكمل طريقه للقصر تحت أنظار الحُراس واللي يشتغلون بالبيت، فتحولنا الباب.
علي وسعه ونائل واگف ورانا.
وَدق وحبوبه طلعن من الغرفه موسعين عيونهم
من الصدمه، أما جسار فطلع من مكتبه يدخن
نظرللنا فوگ و تحت ابتسم ابتسامه كأن عاجبه الوضع وتركنا راجع للمكتب
ما حرگ دمي غير البومه الشگره وسن
نزلت من فوگ وهي تحچي وفجأه لاحظتنا
وَسن: تمام باچر اجي للشركه نحل الموضوع
هوووت وااو لو ستوري، سد الخط بعدين نحچي.
نزلت وتتمايل بالمشي.
وَسن: سُعاد هذاا الخبرر المُنتظررر البوي فريند
شايلها يري هوووت بس اعتقد دااد راح يشرب من دمها ءءء.
دخل نائل يناديها بحماس من شوگت صارو متفاهمين
نَائل: االبووومه الشگررره ماااي سويتي.
شمر ملفاتي عالتُخم وهنا ناجي دخل ونزلني بنص الصاله گدام سُعاد اللي اجت ضربته راشدي
نائل نزل النظاره يصيح مو راضي.
نَائل: سعااد هاااي ليشش أخوي شمسوي شايل مرته. اوكي مرته المستقبليه. صح واو؟
وَدق: نعم تحچي وياي؟
نَائل: ايوا يا جميل. نجي على البومه الشگره
تعاي عندي كلمتين وياچ.
أخذها وطلع برا البيت، ناجي مسح خده
راد يحچي سعاد ما خلته.
سُعاد: اانچب لا تحچي ااعرف كلش زين
انت خاطفهااا ولك ما تستحي على وجهك؟
ناجي: سعاد خل افهمج هي.
وَدق: جان خاطفچ وين اخذچ رُقيه. ويين اخذت اااختي.
ناجي: لا تسمعيني صوتچ، لا خااطفها ولا شي شهل غبااء چانت داايحه ويا مدير قسمها وتاالي تمشي بالشوارع بوحدهه. شني خاطفها لو اخطفها ما أراويكم شعره منها.
وَدق: ولك اانت تهدد لو شنو تهددد.
وگفتها وجريتها بعيد.
رُقيه: خل يولي خل يولي اني احچيلچن بعدين
تعالن وياي.
وَدق: اااطييح حظ حظظظكم والله وعلى ومحمدددد.
رُقيه: تمام خل نصعد فوگ او ندخل لغرفة حبوبه
سُعاد تعاي حبيبتي.
سُعاد: ناجي اكسر ضلوعك لو مره ثانيه اشوفك تلزمهااا فاهم؟
ناجي: يا ستي ما فاهم وأللعن أبوها إذا ما تمشي سِيده.
رادت تهد عليه لكن ما خليتها ورحنا على غرفتها
گعدت اسولف الصار وحچيت عن بتراء بنفس الوقت.
ال بتراء
وصلنا للفندق ساعه ثمانيه
فتح باب الغرفه بالبطاقة ودخلنا، چانت مترتبه
ونضيفه، اجت عيني على الچربايه تذكرت الصار
البارحه.
نظرلي وابتسم بطرف شفته
بتراء: على شنو ضحك.
علي سَند: اللي بالي بالچ.
دخل اخذ ملابسه وراح للحمام
سديت الباب بقوه ودخلت، شراح يصير الليله
بتراء: دخيلك يا على السَند معقوله اءء؟
لالالالا مستحيل اسمحله.
فتحت الكنتور لگيت كلهن دريسات نوم مو تراكات
مستوره.
بتراء: هاي شنو ليش ما دزولي تراكات؟
مستحيل ألبس هذا يعع.
تشُگ شگ ألبسيها وخل نلعب جوله.
بتراء: يمااا دخيلك يا على سَند
فزيت من شفته واگف يمي ينشف شعره بخاولي ولابس تراك رمادي، سديت الباب وسندت ظهري وراها.
بتراء: شنووو بله ااانچب لا تصدگ برووحك.
ابقى بعيد لا تقترب.
نلعب جوله حبيبي.
بتراء: ما مااا العب وياااك.
چآ ماكو غيري، ويامن تلعبين؟
بتراء: ج جاسر.
وسعن عيونه بلش يعصب ويحچي بوجهي.
بحيث أنفه تطخ بأنفي من قُربه
اااموتج بتراااء شجاااي تحچيين يااا غبييييه.
بتراء: تمااام تمام خانني التعبيررر وخر اختنگت
وخر حباب لا تسوي هييچي.
داااللعن ااابوچ لأبو الخانهاا التعبيررر.
فتحت عيوني بصدمه وهو يبوسني بهمجيه
اضربه اگرصه ما يفيد ما يقبل يبتعد إلى أن
وخر بنفسه انفاسه سريعه خلى جبينه على جبيني
يحچي بتحذير.
أللعن سلف سلفاچ أنتي بس جيبي طاري أبن القندره، إلا اطيح حظچ بتراء، تفهمييين؟
انسطر راسي من خفقان گلبي ولوما هو لازمني من خصري چآن واگعه على رجليَّه، هزيت راسي بحركات مُتتاليه اي اي
بتراء: ما يتكرر وعد والله خانني التعبير تعرفني اكره اكره
نظراته تتمعن بملامح وجهي وهايم محتار شنو يتصرف، اردف وهو يتقرب من اذني
خوش مُبرر اجفصي ببطني وگولي خانني التعبير
طبع بوسه على خدي وينظرلي بعيونه ونظراته هايمه نظرات شخص عاشق لكن. فجأة ابتعد
ودفعني بعيد عنه بحيث ضرب ظهري بالكنتور.
اخذ موبايله وطلع من الغرفه.
بتراء: كسررر بإيييدك يمه ظهري.
يمه راسي احس دايخه نعله على شكلك
هذا شسوا بيّه.
گعدت على طرف الچربايه لحدما حسيت وضعي رجع طبيعي گمت مره ثانيه وهل مره اخذت من ملابسه تراك ابيض ودخلت الحمام اسبح.
واحچي ويا نفسي
بتراء: قابل شيسوي ينبح مره مرتين ويسكت ما معقوله يشلحني ملابسه.
كملت سبح لبست التراك الچان أكبر من قياسي بثلاث مرات طلعت هلگدوتي بيها.
فتحت الباب طلعت راسي اول شي تفقدت الوضع
شفته راجع وواگف يخلي تلفونه عالشحن.
بتراء: هذا وين راح ينام؟
اخذ مخده و چرچف شافني مطلعه راسي من الباب غلس، وراح عافهن عالتُخم
بتراء: چؤ چؤ اقترح تنام عالارض هيج ما تصير قاطين.
علي سَند: چؤ حبيبي هذا مكانچ هنا راح تنامين.
فتحت الباب وطلعت لكن اجيت اتعثر بالتراك لأن طويل تداركت الوضع واستقمت.
بتراء: خليييك بعيد آني بخير خليك بعيد جيد جدا.
علي سَند: شلوون تلبسيين ملابسي بدون رأيي؟
بتراء: اههه ما يحتاج رأيك الخايسه.
علي سَند: كضي لسانچ لاا اتصرف بنفسي.
بتراء: امسح بيك الغُرفه وفنك تحاچيني.
الشغله صارت صدگ راد يجي يهد عليّه
ركضت عالتُخم فورا تغطيت وطلعت عيوني فقط.
بتراء: تمام خانني التعبير مو قصدي اهينك.
علي سَند: بنت الطااايح حظه بنت القندررره
بتراء: تمام أتفق وياك جسار طايح حظ وقندره.
وحيوان هاي نقطه مشتركه بينا. اءء تمام روح انطمر الچربايه على حسابك شفقت عليك.
علي سَند: يجي يوم واگص لسانچ.
بتراء: اگص حبل أفكارك واشنقك بيها قبل لا تتجرأ.
وگف فوگ راسي وآني بس عيوني مبينه.
علي سَند: بس حلج ولسان يلعلع، بالواقع جبانه
بنت الطايح حظه.
دفع راسي بإيده راح للچربايه
بتراء: كوون الكسرررر بإيييدك راااسي
شگددد نذذل.
نذل بگدچ، انطمري.
بتراء: اانت انطمر كوااابيس سعيده بجاااه على السَند بجااه على المولى.
طفى الأضويه وما جاوبني بقيت صاحيه ما يجيني النوم ما متعوده انام بالتسعه، وهذا مبين نايم.
ضليت هييج لحدما اجيت اغفى حسيت على حركه، سويت روحي نايمه
المصيبه وخر الچرچف من فوگي والظاهر مكنبص گدامي، واني قاطعه حتى النفس.
مرر اصابعه على وجهي وتقرب طبع بوسه خفيفه
ويحچي همس.
أول زيارة ألنا چانت سويه ليش ما تتذكرين؟
تمام شويه عقلچ تعبان بسبب الأدوية بس تتذكرين الولد الچان عُمره عشر سنين؟ هيچي كضيت إيدچ ورحنا للضريح.
چآن لازم إيدي والصدمني كلامه، شلون من الطفوله يعرفني، وليش آني ما اتذكره.
تعبوچ لحدما نسوچ الماضي مرضوچ بالأدويه
تنهد ورجع يحچي بهدوء
بعيداً عن كلشي، حابچ بگد رحمة الله بس أبوچ العار ملطز الوضعيه.
شالني بهدوء وما تحركت حركه خل اشوف تاليها.
نزلني عالفراش، عدل راسي عالمخده غطاني.
وتقرب باسني مره ثانيه بعدها صار هدوء
فتحت عيوني على مهل شفته متمدد عالتُخم
بمكاني، نزلت دعمه من طرف عيني وضليت هادئة من الخارج ومن الداخل بُركان من المشاعر الغير مفهومه، اضغط على عقلي حتى اتذكر شي من اللي گاله، شعدنه سويه بالماضي، شلون ملتقين.
ال عَزّه
ابتسم وفتحتها وياه ابعدت الزينه الداخليه وطلع
شيء اشبه بكتاب و مُغلف ويا ضرف ابيض.
توترت ونظرتله هو محتاره شني يسوي.
فتح الظرف وطلع ورقه فتحها وعزام عيونه ما ترمش من الصدمه، اخذت الورقه من إيده.
و قريت اول سطر اجت عيني عليه
عزّهَ: ه هذا. DNA Test
عين على عزام و عين على الورقه اللي بإيدي
تمعنت بالتقرير بكُل سطر صدمه أكبر من الثانيه.
فهنا مكتوب اسمه وبالمُقابل مكتوب اسم،.
عزّهَ: نسبة نسبة التطابق فحص الحمض النووي
بين بين الطرف الأول عزام و الطرف الثاني
والطرف الثاني.
وسعن عيوني، قرأت الأسم مره ومرتين وثلاث
ما استوعب معقوله!
عزّهَ: والطرف الثاني جسار جابر نسبة التطابق 99%.
گعدت بصفه الورقه بإيد وإيد لازمه راسي من الصدمه نظرتله عيونه تنظر الفراغ و محمره
انتبهت على كتابة مكتوبه على ظهر الورقه، قلبتها
وقريت المكتوب.
عزّهَ: هديه بسيطه مني إلك بمناسبة زواجك.
أهلا وسهلاً بالموروث، بقت ألگى أختك وينلم شملنا. أبوك اليحبك جسار
من الصدمه انربط لساني بألف يا على احچي شحال عزام اللي ساكت وعيونه جاحضه
عزّهَ: يعني بت بتراء المأسوره أختك وبناته البقيه بس ليش گال ألگى اختك يعني شردت منه، دخيلك يا على شديصير. يعني
نظرلي وعيونه البيهن كسر وقهر ترجف رجف من الغضب ومشاعر أُخرى غير مفهومه.
عزام: يعني الأسمها أمي خاينه وغداره
حبلت من عدو الرجال اللي ستر عليها ستر عليها.
و اكيد چانت تتجسس عليه لصالح جسار.
دنگ وإيده بشعره يشد عليه وما يدري شيسوي
گام يفتر بالغرفه وإيده ترجف من يحجي بهدوء بعدها ينفجر بالصراخ.
خدعتني الخاينه غدرتني الأسمها أمي
خدعتني وضلت سنين تضحك علينا كُلنا
لييششش سووت هييچيييي ليييش ليييشش
اي شي يجي بإيده يكسره وآني وراه احاول احتويه لكن ماكو فايده جسار أشعل الشراره الراح تحرگ كل شخص أله إيد بالموضوع.
ااالله لاا يوفقهاااا الكسرتني هاي چانت أمي.
حظنته أبچي وياه اول مره ينهار، ويبچي مثل الطفل بحظني ابتعد ينظر بالفراغ حظنت وجه بين إيديه، .
عزّهَ: اعتبرهم ما موجودين عائلتك آني و عمو ايهم ابوك هو يحبك يحبك حتى إذا عرف الحقيقه.
يحب أبن العار اللي اخذ روحه منه؟
عزّهَ: الله يرحمها. بس انت مالك ذنب.
ما ميته حتى ألله يرحمها عايشه آيدا بعدها عايشه ومأسوره عند جسار.
نزلت إيدي ما استوعبت.
عزّهَ: ش شهل كلام خاله آيدا ماتت بحادث البيت اللي احترگ. انت انت من وين تعرف هذا الحچي شلون هيجي متأكد عزام؟
اعرف كلشي من فتره.
عزّهَ: شلون عرفت عزام عمو ايهم يدري؟
مو بس هو يدري هلال تدري، عمي اشتر يدري وگاع يدري وآخرهم. أبيل و أريم.
عزّهَ: شلون أريم تدري شوكت؟
قبل يومين من چانت ويا أبيل حچالها.
تركني بصدمتي وگام بألف يا على مهدود حيله شال الشغله اللي مُغلفه من بين الأشياء المكسوره بالغرفه ضل يتفحصها، گعد واستند ظهره على صفحة الچربايه، رحت بصفه وچان متردد يفتحها
لكن بعد التفكير اخذ نفس عميق و شال الورقه اللي مُغلفه بي وچانت ألبوم صور، ويا بطاقة ملاحظات. مكتوبه بيها.
ذكرياتنا سويه، حتى ما تگول عندي أبو سيء ما يحبني، لأ بالعكس احبك اكثر من اختك الملعونه.
ملاحظه ورا كُل صوره تاركلك رساله من ذاك الوگت.
شگگ الورقه وفتح الألبوم أول صوره چآنت
بعمر كلش زغيّر إحتمال اقل من خمس أشهر
وجسار شايله بحظنه، طلعنا الصوره وگلبناها
عمرك أربع تشهر و22 يوم. أبوك يحبك
ترك الصوره وهو يگلب بين الصور لكن بلا روح او اي مشاعر، الصوره اللي بعدها چآن أكبر بالعمر
ومكتوب وراها.
صار عمرك سنة و أمك رافضه تجيبك مره ثانيه.
انهيها إذا تبعدني عنك.
شگ الصوره ويشد على الكلمات من العصبيه والقهر.
عزام: ألله يلعنكم انت و هييّ!
تقربت منه حظنته وظلينا هيچي هو ساكت
وبس يطلع الصور وضايع بأفكاره أما آني فما ردت اضغط عليه أكثر بقيت ساكته.
للفجر كلما افتح عيوني اشوفه يدخن وعيونه على الصور، آخرهن چآن بشبابه بالوقت الحالي يمكن الصوره من شهرين.
اليوم عيد ميلادك ال33 مثل ما أخذ أمك واخذك مني، اخذت روحه منه وقريبا اخذ ابنه وكل شخص موجود بالدائرة راح يدفع الثَمن
أبوك جسار.
طفى الجگاره على أسمه بحيث حرق الصوره
وصار بيها ثقب، ضليت مخليه راسي يم رقبته وهو لمني بحظنه أكثر وبس صوت شهگاته تنسمع
ما ادري شوگت نمت بس من گعدت حسيت
روحي بالفراش واكو ريحة شي يحترق بنفس الوقت وگع على وجهي قطرات ماي فزيت ورفعت راسي شفت إنذار الحريق بالغرفه يشتغل.
حولت انظاري لنص الغرفه عزام واگف والنار
مرتفعه بطوله وهو يشاهد الصور والألبوم يحترقون گدامه وتحت رجله، وبإيده ورقة الفحص
عزّهَ: شتسوي شتسوووي عزاام.
ركضتله سحبته بعيد عن النار والغرفه تمطر علينا بسبب إنذار الحرائق.
عزّهَ: شبيييك عزاام وإذا صااار عليك شي اانت ليش هييچي
طبگ الورقه ورجعها لجيبه
شيصير بيّه بعد؟
حظنته فورا ما ادري شلون أطفي نار گلبه.
اما النار اللي أشعلها انطفئ والإنذار توگف.
انكسر الباب علينا موضفين الفندق مصفرين
عزام: خير ابني ليش تكسر الباب علينا؟
استاذ إنذار الحريق والفندق كله نازل
طلع الحريق بغرفتكم شني صاير استاذ.
عزام: احترگنا وانطفينا ما صار شي اطلعوا برا
دخل مدير الفندق شاف حالة الغرفه وگال للموضفين ينضفوها، تقدم يحچي.
لحسن الحظ نضام الإطفاء خاص بكل غرفه لو كان متصل ببعضها چآن فززت النُزلاء من سابع نومه ههه.
عزام: حبيبي جيبي الدفتر.
المدير انلصم انطيته قلم ودفتر الشيكات
كتبله تعويض، وقع عليها وانطاه.
عزام: تگدر تصرفه بأقرب بنك.
استاذ عزام ما چنت اقصد هيچي لا تخجلني يم الباشا، .
عزام: ماكو شي يخجل كلشي ينحل بالفلوس
مثل ما اشتراك جسار يشتريك أبن الباشا.
برا الغرفه. برااا الغررررفه ما تفهممم.
طلع المدير والموضفين هم طلعو بقينا لوحدنا.
عزام يدوس على الرماد وآني اجي واروح ملابسي كله ماي.
عزّهَ: شلون عرفت جسار مشتريهم؟
عندي مصادري الخاصه، روحي بدلي خل نطلع.
عزّهَ: مصادر خاصه!
أي مصادر خاصه.
اخذت ملابسي ودخلت للحمام لحدما سبحت وبدلت الف حدث خطرلي بس نرجع للبيت شراح يصير.
كملت وطلعت، هو دخل ورايه هم سبح وبدل
راح للجاكيت طلع ورقه الفحص وخلاهه بجيب الجاكيت من جوا
أما آني لملمت اغراضنا ودخلوا الموضفين نزلوها، شلت تلفوني وهو منتظر برا طلعت شفته يحچي مكالمه او أنتهت المكالمه من طلعت.
بالزُبير؟، تمام.
عزّهَ: نمشي؟
أي.
ما حچآ يعني ديسوي شي، دخلنا للمصعد وبهل اثناء اتصل بابا.
عزّهَ: الو مراحب بابا، الحمد لله اي هو هم بخير.
طالعين هسا، وينك عمامي يسألون عنك!
عزام نظرلي وگلب عيونه ما فهمت عليه.
عزّهَ: عمو أيهم سأل عنك، ما ادري والله بعدنا ما متصلين بيهم ما ندري عن حالة أبيل، انت وين؟
، شتسوي ببغداد بابا احنه بيا حال. اها علمود ذيچ الصفقه چآ كلش زين ان شاء الله تربحها.
الله وياك حبيبي.
صارت بيها فلوس نسيتي ابو الحالة.
عزّهَ: ترا الصفقه لصالح الشركتنا شني تحسسني
طمّاعه؟
طلعنا من المصعد لبس نظاراته، جابو السيارة گدام الباب، صعدنا. ، وما ندري بالساعات الجايه شراح يصير.
هِلال
طلعت من الغرفه اللي نمت بيها
ومشيت بممر المستشفى هدآم ماكو وين راح!
طلعت تلفوني اتصلت على ابو وگعه ساعه حتى يرد.
يا بطران متصل بنص الليل؟
هِلال: ساعه 10 الصبح وين نايم انت؟
بغرفتي وين يعني انتي، ها هلال هسا قريت امسچ شتريدين
هِلال: هدآم ماكو مو بالمستشفى وين راح؟
شگلتي دقيقه خل اگعد، اي احچي هدآم وينه؟
هِلال: موو بالمستشفى طالع الله اعلم وين.
خل اشوفه اذا بغرفته، إحتمال راجع.
اختفى صوته دقايق وسمعت يدگ على باب غرفة
اجاني صوته يحچي ويا ابو وگعه.
من صباح الله شر متصلخ وتفتر بالممر استحي على دمك ما تگول البيت بي بنات
دروح يابه عبالي ضايع في امان الله.
اختفى صوته شويه ورجع يحچي.
هلال راجع للبيت چآن توه سابح.
هِلال: صدگ تمشي مصلخ بالممر؟
شنييي لااااء بالتعلاگه چنت چذاب زوجچ لا تصدگيه
هِلال: تماام ولي.
من بعدچ خاتونه من بعدچ.
قفل الخط بوجهي، شگد مغثه بس ينفع بالشده.
دخلت على غرفة أبيل.
هلال: صباح الخيرر
رفعلي إيده فقط ما يگدر بسبب الأكسجين بعدما البارحه حالته تدهورت وقل الأكسجين عنده.
گعدت، لزمت إيده رفعته لشفتي بسته وحچيت.
هِلال: روحم شحلاتك وأنت عاقل ما تسوي حرائق.
بس يحرك عيونه يعرفني اتشاقه وياه
دخلو ابويه وإيمار اللي مبدل وجاي ويا الممرضه.
إيمار: گعد الحاروگه. Günaydn.
گمت وابويه گعد بمكاني التمينا حواليه
إيمار هو بنفسه مداريه، شال قناع الأكسجين.
وهذا ما صدگ صارتله فرصه يحچي.
أبيل: ولك شهل حاله طلعوني مناا، وگاع وين شصار على ابن ياسين، ااخ افف ما چآن اخلص
هِلال: عوفك من ولد ياسين همه بالمركز
عمو أشتور استلمهم. صح بابا؟
ابويه چآن يقرأ رساله وصلته نظرلي بطريقه قلقني
هِلال: بابا صاير شي؟
الباشا: انتبهي على اخوچ.
گام وطلع، أبيل يتسائل وإيمار مستغرب.
أبيل: منو راسله؟
إيمار: تعرفون شي آنه ما اعرفه؟
هِلال: لا.
هز راسه تمام ورجع يوكل أبيل من الشوربه.
و الممرضه تجهز ادويته.
أبيل: ولك كافي خنگتني هذا ما ينوكل شني هاي
إيمار: هي هاي وجبة المريض شتريد اجيبلك؟
أبيل: جيبلي مسگوف.
هِلال: Cok güzel تريد مسگوف دشوف وضعك عزا بعينك.
الممرضه صافنه علينا وتبتسم
شو حلوين
تقربت خلت الحبايه بحلگه، أبيل نظرللها.
أبيل: شسمچ انتي؟
أريام
اخذ الدوا، آني وإيمار واحد ينظر للثاني
أبيل: أريم اسمچ؟
هِلال: أريام أريام.
أبيل: أريام، بيرفكت.
ضلينا نسولف وضعه متحسن الممرضه گالت الأكسجين فقط عند الحاجة، لاحظت إيمار
ملتهي بالموبايل يراسل. من سألته گال صديق.
عفته براحته وضل بالي يم بابا معقوله وصلته معلومات بخصوص مكان ماما،؟
ال عزّهَ
دخلنا للبيت والكل رحب بينا لكن الاجواء متوتره بسبب الصار ويا أبيل محد على بعضه
عزام عيونه تدور على امه ويحچي بهدوء.
وين سجى.
عمه ندى و عمه أمل مستغربات اول مره يناديها بأسمها
ندى: رايحه تزور بيت گرايب عمه ناهد.
أمل: عزام صاير شي؟
لا ماكو شي.
عزّهَ: عزام دقيقه وين تطلع.
طلع من البيت وآني وراه صعدنا ونظرلي.
شجابچ انزلي.
عزّهَ: ما اعوفك لوحدك!
انزلي.
شافني معانده انجبر يرضى.
طلعنا من البيت ومن المنطقه كُلها
عزّهَ: عزام ترا بيت گرايب هدهده من هذا الشارع.
ما راحت لبيتهم.
عزّهَ: چآ وينها
نظرلي وكمل الطريق بدل الگير وزاد السُرعه
قريت اللوحه المكتوب عليها اسم المنطقه اللي داخلين عليها.
عزّهَ: منطقه قديمه شجابها لهذا المكان شعدها هنا؟
ماضيها القذر...
وصلنا وعلى مسافة خميسن متر وگف السياره
المنطقه كلها بيوت قديمه وبنصها بيت أو يلا حديثة التصميم
عزّهَ: عزام ليش وگفت هنا!
نظرت للأمام صرنا مُحاطين بزلم فوك الخمس زلم مسلحين. واحد صاح وگال.
--: إذا شايلين سلاح سلموها.
سحبت المسدس من تحت الكشن وبسرعه دخلته بالبسطال ونزلت الجينز عليها، حتى عزام ما لاحظ، فتح الچكمچه طلع المسدس وانطاهم من الجامه.
--: المدام شايله مسدس؟
مدامتي ست بيت ما تشيل مسدس.
نضرلي المسلح منتظر جواب مني وآني گوه متحمله حچي عزام.
عزّهَ: صح كلامه.
--: انزلو.
نزل عزام بكل ثقه بحيث من يكون مترهي ما يسد الباب وراه.
انتظرني حتى اوصل يمه، لزم إيدي ومشينا سويه
ويا المسلحين. انتبهت ل عَزام من حچآ.
وحده من بين القصور اللي يملكها جسار.
عزّهَ: من وين تعرف كل هذا الحچي.
عشرين سنه معاديهم شلون ما ادري.
--: لا تحچو هوايه.
لا تسمعني صوتك.
خرسه بكلمه وحده، وصلنا أمام القصر
شفنا سيارة تكسي واگفه.
نفس التكسي.
يبدو من فتره يراقب امه دخلنا لليلا الحديقه بيها عِدة تماثيل طيور جارحة. وصوت كلب الحراسه اللي فجأة طلع من كوخه
ركض بإتجاهنا وينبح بس ما يوصل حدنا بسبب الزنجير.
ذكرني بشخص يشبه.
ما رديت عليه عبن ما اعرف منو يقصد
وگفنا أمام الباب فتحوها على وسعها.
جسار واگف فرد ذراعه مرحب بي وعمه سجى
طلعت وراه. عزام وسع عيونه بغضب الصدمه
بحركه سريعه طلع مسدس من خصره وجهها عليهم والحُراس موجهين السلاح علينا. بتنبيه.
عزام: اااالله يلعنننكم
عمه سجى تبچي وجسار يبتسم وآني لازمه ذراعه لا يصوب عليهم
عزّهَ: دخيلك عزام اروحلك فدوه مو هيجي لا تلطخ إيدك يريد يورطك عزام فدوى لا تسوي شي تندم عليه، عزااااآم.
رفع إيده ضل يصوب بالسقف إلى أن خلص المخزن وشمر المسدس تحت رجلين جسار اللي ابعدها لعند واحد من الزلم.
خطيت خطواتي ويا عزام وصلنا گدامهم
وانسد باب القصر ورانه
جسار: أهلا وسهلا بموروث أبوه.
عزام: آنه الموت مو الموروث.
جسار: تصير چتال ابوك؟
نظرله بإستهزاء اردف ويميل راسه گدام جسار
عزام: ما انت صرت چتال اخوتك شسوي
اطباع وراثيه خايسه.
سجى: ع عزام ابني.
نظرللها واشر بأصبعه.
عزام: أنتي ااانچبي، أنچبي اشش.
ركزت على القصر واثاثه الحيطان عباره عن لوحات جدارية لوحات بيها صور عزام ومكبرها.
صور بطفولته بمراهقته حتى شبابه.
عزام أيضا لاحظها، ثنينا نفتر ونشوفها
عزام: شهل مهزله شهللل مهززله ها؟
جسار: ذكرياتك الچانت جُزء من حياتي وبعدها.
عزام: اسمعني يا ختيار انت مخرف تسمعنييييي مخرررف ماااكو شي يشفعلكم ااو يبررر قذاااارتكم.
نظر ل أُمه بآخر كلمه نطقها أمه اجت ناحيتي
لكن عزام لزم إيدي رجعني ورا ظهره.
عزام: إياااچ توسخييين مرتي إياااچ توسخيها لا تطخيها تفهمين!
عزّهَ: عزام عزام بس أهدى تبقى أمك بس لا تغلط بالحچي وياها لا تغضب الله منك عزام.
چآن جسار يشاهدنا ويدخن بدم بارد
عزام نظرلي، و نظر للوحات.
عزام: احچي كلشي إلا كلمة أهدى عزّهَ لا تگولين اهدى نار وبگلبي مشتعله لا تگولين أهدى.
عزّهَ: افهمك حبيبي افهمك بس بالعقل والمنطق نحل الموضوع.
عزام: ما اجيت احل الموضوع أجيت أنهي الموضوع.
راح بإتجاه اللوحات ينزلهن ويشمرهن گدام جسار وسجى، ويحچي بصراخ.
عزام: ماااكو شي يجمعنيييي بيييكم ماااكو شيي عزااام مجهول الهوية مجهول النسب مااا عندي مشكله بس مستحيل اااتقبل وجودكم بحياااتي.
اللي كسرهن تكسرن واللي داسهن انداسن
شمرهن كلهن گدام جسار وسجى وراح للبار الموجود باليلا جاب بطل مشروب كحولي رشه
علي الصور واللوحات، ضل يدور على جداحته الچانت بالسياره تاركها.
نزلت سحبت المُسدس من حذائي وگفت
بثبات صوبت عليها وكبت النيران تلتهم الصور
الكل سحب سلاحه عليَّه وعزام ما خايف واثق مني
جسار: چنّتنا طلعت مو حيالله چنّه.
نزلو اسلحتكم شباب.
وگفت بصف عزام واللي بينا وبين جسار وسجى بس نيران ذكرياتهم، وجهت المسدس ناحيتهم.
عزّهَ: احنه ضد العُنف إلا في الضرورة القصوى
صوبت تحت رجل جسار بحيث فز وتراجع أما سجى فبس سمعتها كلام
عزّهَ: و أنتي احترمچ احتراماً ل عزام لا أكثر
أو ترا آنه اعرف شلون اربي أمثالچ حماتي
قفلت المسدس ورجعته لخصري تحت اندهاش عزام وجسار أما سجى بس تبچي، شيفيد البچي ابنچ بعد راح منچ.
حاوط كتافي باس راسي وحوّل انظاره للنيران اللي تلتهم صوره ويا ابوه. ، اردف بنبرة هادئة
عزام: انكسر الإطار والصور احترگت بنفس المكان فقط اختلف بالزمان. و كان يامكان أنتهى ما كان.
شبك أصابع إيده بين أصابع ايدي طلع فحص الحمض النووي تفل عليها وشمرها بالنار.
اندارينا نمشي للباب وسجى تتوسل بي
سجى: عزاام اابني عزاام بس اااسمعنييي عزااام.
عزااام جسااااااار اااحچييي وياااه عزاام اروحلك فدوووى اااامك ااني لااا تسوي هييج عزااام عزاااام بنننت بنتييي عزّهَ احچي وياه وگفييي وگفييي
فتحولنا الباب طلعنا ونمشي بدون توقف وبس يشد إيده على إيدي گوه متمالك نفسه من صوت سجى الچانت تصرخ بصوت عالي
سجى: عزااااام ااااابنيييي عزااااام اااامك اااني
ااابن حلااال ااانت واااالله ااابن حلااااال لاااا تسوي هييجيي عزااااام اارررجع عزااام.
طلعنا من القصر نمشي بإتجاه السيارة واحس أموره مو تمام اخذت السويچ منه وصعدت اسوگ بمكانه.
ما ردت احچي إلا لمن نروح لمكان معزول.
ضلت السيارة تمشي ربع ساعة وگفت على جانب الطريق التُرابي وعزام نزل.
يفتر بمكانه ويحچي ويا نفسه.
عزام: حتى إذا ابن حلال حتى اااذا ااابببن حلالل
حتتتتى حتتتتى خااااينه خااااينه وماااا اااحترررمت الرجاااال اللي سترررها لچ ااالله ياااخذني واااخلص منننهم االله ياخذني.
عفته على راحته ضل يصرخ ويفرغ كُل قهره وعصبيته لحدما ضل يكرر ويحچي.
عزام: لازم أبويا يدري لازم احچيله لازم يدري مني
لازم يدري مني قبل لا جسار ياخذه مني قبل لا جسار يحچيله.
تقربت حظنته احاول شگد ما بيّه أهدءه
ابتعدت لمن حسيته رجع لطبيعته تلامست ملامح وجه التعبانه من أولت البارحه ما نايم.
عزّهَ: لو ياخذ الدنيا كلها منك ما ياخذ أبوك الرباك، عزام عمو أيهم يحبك وانته ابنه الأكبر الوتد الأول بين اخوته الباقين.
بهل اثناء أتصل عمو أيهم بي مسح وجه
وحاول يرجع صوته وفتح سبيكر.
عزام: ألو يابه.
هلا بويه صوتك شبي؟
تعبان من يوم الزفه، احچي شلونه أبيل؟
أبيل احسن، عوفك منه صارت تطورات بموضوع بدر التِم، AXR دز تسجيلات الكاميرات
بمنطقة - - - البيها قصر جسار احتمال مخبيها هناكه.
من الصدمه ثنينا نظرنا لبعضنا معقووله بنفس القصر اللي رحناله.
يابه واثق من هذا الاسمه مدري اختصار اسمه AXR؟ بالنهايه هو من نَسل الفُجار
لا ما واثق بأخويه تريدني أثق بيهم لكن
مصالح تجمعنا وهدفنا واحد، المُتعارف عليه عدو عدوك صديقك.
الغدر والخيانه تمشي بدمهم مالهم أمان
تمام الموضوع صار يمي راح اتصرف منا للمسا.
حچو بأمور ثانيه وقفلوا الخط بعدها، أما آني فكُل تفكيري عند ذيچ الحچّايه.
عزّهَ: عمو ليش گال ما أثق بأخويا؟
يقصد مثلا ، امشي خل نرجع الوگت.
صعد يسوگ وآني اراقبه خايفه يكون أكو موضوع ثاني ما ادري عنه، خليت إيدي على إيده اللي لازم الگير
عزّهَ: أنت بخير عزامي؟
گلب إيده وتشابكت أصابع إيدنا سويه، اردف
بخير، عبن ماكو وقت للإنطفاء لازم يحترگون بنفس النار الحرگو گلبي بيها.
عزّهَ: سلمهم بإيد الله لا تسوي شي يعرضك للخطر مالي غيرك.
آنه الما عندي غيرچ.
ابتسم بوجهي ابتسامه باهته اعرف براسه ألف تفكير وتفكير بس يبين القوه بمظهره الخارجي وبالداخل بُركان ممكن ينفجر بأي لحظه.
ال بتراء
فتحت عيوني شفته مكنبص گدامي ابعدت راسي
وهو دار وجهه يطلع باكيته من الدُرج.
اجيت اخذ باكيت الجگاير لا يروح بالچ بعيد.
گلبت عيوني ما جاوبته گعدت اباوع حواليني
رتبت شعري، سويت روحي ما اعرف شصار
بتراء: آني مو چنت نايمه عالتُخم شجابني هنا؟
صفن بوجهي بعدها، طلع جگاره ورثها، اردف.
ها لحگتي تنسين؟
شنسى آني ليش بفراشك مو چنت نايمه هناكه.
أنتي اجيتي گلتي نيمني.
لا تچذب ما حاچيه هييج.
حچيتي بس ناسيه بسبب تأثير السُم الچنتي تاخذينه.
لا تچذب على سَند چانن مرره مرتين ما صارت إدمان
اخذ نفس من الجگاره وكلامه وترني.
من چنتي ببيتنا ابويه چآن ينطيج من نفس الأدوية لكن بدون علمچ بالأكل والشرب.
وخرت اللحاف وگمت، فعلا مع الأسف طلع مثل ابوه ويدري.
ما ناسيه شي واعرف انت جبتني للفراش.
واتذكر كُل كلمه حچيتها البارحه بالليل، بس انت هسا بينت على حقيقتك چنت ويا ابوك تنطوني هذا السُم هذني الادويه حتى انسى كلشي چنت اسمعه واشوفه ببيتكم.؟
تغير تعابير وجهه وطفى الجگاره تقدم ناحيتي واني تراجعت.
بتراء چنتي صاحيه البارحه؟
ما چنت نايمه اصلآ طلعت مخادع مثل البقيه
انت هم خليتني اتعاطه هذني الأدوية.
بتراء ما چنت ادري ابويه ينطيچ نفس الأدويه إلا قبل ساعتين أتصل بيّ فضل جايبلي المعلومات.
أتراجع خطوى كلما يتقدم خطوى واحچي بغصه
البارحه ما نايمه للصبح افكر منو هذا الإنسان اللي عندي ماضي وياه منو هذا الإنسان اللي لازمين إيد بعض وداخلين للضريح سويه.
بتراء بتوره اسمعيني لا تحچين من عقلچ
خل افهمچ
سويت روحي ما اعرف شصار گلت راح تحچيلي بنفسك راح تحچيلي القُصه لأن البارحه من سمعتك تحچي هييج صدگت بسس.
راد يلزم وجهي بين إيده ابتعدت.
لا تحاول تلمسني مره ثانيه طلعت حتى انت انت هم متعاون ويا ابوك تريدون تمرضوني
تنتقم من جسار بيّه. تاخذ بثأرر اختك مني؟
مسح على شعره بنفاذ صبر وهد عليَّه سفطني ويا الحايط بينا خيط رفيع من المسافه.
غبييييه شلون تفكرررين ممكن انتقم بيچ
سوي روحك فقير سوي روحك فقير تريدني افقد عقلي تريدني ااتخبببل تررريدني اانسى اااسمي.
طبگ جبينه على جبيني ويحچي انفاسه متسارعه.
مو فقير ولا اسوي روحي فقير آنه يم طاريچ هايم بأسمچ شلون امرضچ وآنه مريض بيچ.
چذب چذب بعد چذب شايفني ثوله اصدگ بيك
آني تربات اربع حيطان خيالي ما اثق بي، تريدني اصدگ چذبك واثق بيييك.
عيونه صارن بيها دمارات حُمر ونظراته كلهن
حزينه تلامس شفتي واردف.
اذا چنتي مأسورة بين أربع حيطان آنه چنت مأسور بأسمچ 18 سنه ادور وراچ ضايع بيچ وردت ألگاچ، حتى ألگى روحي.
من شفت الدموع بعيونه انترسن عيوني بالدموع.
عيوني تناظر لعيونه، يُمنى و يُسرى، اردفت.
منو أنت وليش عدنه ماضي سوا
علي سَندچ.
غمضت عيوني بقهر نزلن دموعي ما انطاني الجواب، تقرب مسح دموعي ويبوس بيَّه و يهمس.
اشش لا تبچين عيونچ الحلوات ما يستاهلن
عرف شلون يحتويني بكلماته همساته بوساته
خلاني أنسى كلشي واعيش اللحظه وياه.
حظنته بهدوء ومخليّه راسي يم گلبه اللي يدگ دمام مو دگه.
ضلينا هيچ إلى أن اندك تلفونه مره مرتين بالثالث
هذا يا قشمر متصل.
ابتعد راح شال موبايله شاف الأسم وجاوب
احجي.
آني توني استوعب نفسي كتافي كله مكشوفه
عدلت التيشيرت ورحت اخذت ملابسي و فورا دخلت للحمام قفلت الباب وگفت وراها.
بتراء: امداااچ شلون تصيرين خفيييفه شلوون تخليييه يبوووسچ امداااچ، عزاا شمسوي بيّه هذا شلون يروح من رقبتي؟
رحت سبحت، بدلت واجيت گدام المرايه
رقبتي كله آثار جبت فونديشن احاول اخفي الآثار
ما يروح
بتراء: عزا العزااك الماشايف وشاف.
ما مشى الحال طلعت من ما شفته بالغرفه رحت بدلت الفستان وجبت غيرهن دخلت للحمام مره ثانيه لبست هاينك ام الرقبه لون أحمر وتنوره اسود كلوش.
رتبت الردان چانت من الموديل الطويل يغطي اصابع اليد، شسورت شعري وعفته مفرود لاحظت خاتم الجابه عالميز من البارحه شالحته.
لزمته وتمعنت بتفاصيلها اسمائنا منقوشه بخط كلش صغير من الداخل ومكتوب
المُلتقى 2022. 2005.
ما اچذب عليكم حسيت بصدري فراشات
لبسته بإصبعي وكلش فرحانه بي.
حسيت روحي جاهزه اطلع، اخذت ملابسه اللي چنت لابسته وطلعت شفته گاعد وملتهي بموبايل
ما رفع راسه او نظرلي اني هم اخذت راحتي طلعت الجُنط رتبت ملابسنا بيهن ودورت على شاحن والسماعات لملمت كُل أغراضنا وقفلت الجنطه.
بتراء: خلصت تعال.
رفع راسه نظرلي ورفع حواجبه شني
بتراء: الجُنط منو ينزلهن.
گام ومبين مو على بعضه عاف الموبايل عالچربايه وشال الجُنط نزلهن للأرض بهاي اللحظات شفته يراسل ابوه ومبين محادثه بيها لهجة محتده بينهم لأن كاتبله.
(إياك تتدخل بقراراتي)
وابوه يجاوبه.
(ما يُرَى مِن بَعِيدٍ فِي وَاضِحَةِ النَّهَارِ، اِنْعِكَاسُ الشَّمْسِ وَكَأنَّهُ مَاءٌ من يَجْرِي وَرَاءَ السَّرَابِ: يَجْرِي ورَاءَ الوَهْمِ).
خلى إيده على الشاشه واخذ الموبايل قفله وگال.
يلا راح نتأخر.
وين نروح.؟
للبيت وين يعني.
بيت عمو ايهم؟
لا بيت عمچ أدهم، امشي بتراء مو وگت الحچي.
شبيك نفسيه احچي عدل وياي.
اخذت موبايلي وطلعت ضل يدردم ورايه بالباب
الموضفين اخذو الجُنط طلعنا للمصعد ضل يتصل على شخص إلى أن جاوبه.
ها خويا عزام بعدكم بالفندق؟
يبدو طالعين قبلنا من الصبح لأن احنه هسا طالعين والوقت صار بال 2: 25 بعد الظهر.
قفل الخط ونزلنا السيارة چانت بالباب انطى خمسه وعشرين للموضف الجاب السياره.
وخمسين للي خلى الجُنط بالسياره.
بتراء: انتوا ناس بطرانه.
علي طاري البطرنه ابوچ الخايس يلبس حذاء سعره 17 مليون.
دينار عراقي؟
دولار أمريكي.
اها اي فلوس حرام ما علينا بي.
نظرلي ودار وجهه الطريق من البصره للنجف
طويل شيخلصه.
رُقيه
خلصت ثالث استكانة چاي و ما خف وجع راسي احس راح ينفجر دنگت على الأوراق رجعت اكمل الباقي.
الاستاذ انس دخل مثل عادته صفگ يشجع الموضفين.
أنس: عفيه حبايبي عفيه، على جهودكم عدنه خبر حلو ألكم.
نظرلي ابتسم ورجع يحچي.
إدارة الشركه والمُدراء التنفيذين بالشفت المسائي تعرفونهم، المسيو أبيل اللي بالمستشفى معلينا بي، نجي للزعيم المسيو وگاع.
قرر منا وجاي عدكم نص ساعة استراحه اثناء الدوام. تبدي من 2: 30 تنتهي 2: 58.
مسيو باقي دئيئتين وين تروح؟
يا ئلب المسيو، بهل دقيقتين هاي ترجعون
من الكفتيريا للمكتب مره ثانيه.
رُقيه: هو الشركه چنه برج خليفة لازم نطير مو ننتظر المصعد خمس دقايق.
مس رُقيه حچيتي شي؟
رُقيه: احم لا الساعه 2: 31 الأحسن استغل الإستراحة، رايحه للصيدليه اجيب مسكن.
شلت موبايلي والجاكيت الاستاذ سألني
مُسكن شني.؟
رُقيه: بندول راسي يوجعني.
اها معافايه اجي وياج؟
رُقيه: لا شكرا استاذ ما يحتاج هياته قريبه علينا.
طلعت بسرعه قبل لا يحجي مره ثانيه لأن بعد حچي ناجي صرت اتجنبه.
طلعت للمصعد ابو گاع هم دخل ابتعدت للزاويه ودرت وجهي، اختار الطابق الثاني
رُقيه: انزل للأول وبعدها انت اصعد للثاني.
نزلته للأول. لكن رجع اختار الثاني
بالعد التنازلي الثاني يجي قبل الأول.
شگد مغثه ما عارضت هل مره، اول ما انفتح الباب جُمانة طلعت واگفه تنتظره
جاهز استاذ.
جاهز بيبي.
وسعن عيوني طلع و ما ادري ليش ردت اطلع وراهم لكن المصعد انغلق بوجهي من العصبيه ظليت ادفر الباب.
رُقيه: طااح حظظظچ طااح حظظظك اابو گااع امدااكم. بيييبي يگللهااا بيبي دروح ولي.
طلعت من المصعد رويدا من الرسبشن ضلت تناديني.
مس رُقيه ملف 71 مس رُقيه الاستاذ گال لا تطلع مس رُقيه.
طلعت خل يولي هو اللي انطى هذا القرار وهذا وقت استراحتي.
مشيت للصيدليه يبعد عشر دقايق دخلت
وسلمت على البنيه.
رُقيه: هلو حبيبتي ممكن تنطيني بندول
وگف بصفي دار وجه نظرلي ونزل النظرات
شفته لابس اسود بأسود حتى كفوف عسكريه لابس.
صگر: صدفه جميله جدا.
اربع تالاف.
نظراتي بين البنيه بالعيادة وبين الضابط مدري استخباراتي، دفع حقها وانطاني عُلبة الحبوب.
صگر: عندي حچايتين وياچ ممكن نگعد بكفتيريا؟
مشى برا العيادة حتى قبل لا يسمع جوابي، طلعت وراه ضل يمشي إلى أن وصل لكفتيريا مُعينه
دخل سلم على صاحبها يبدو أصدقاء.
أشر على طاولة وگعدنه، نزع الشفقه اللي بالمقدمة چانت عليها شكل جُمجمه خلاهه گدامه وفتح الجاكيت الجلد بالمُختصر اخذ راحته.
رُقيه: ممكن اعرف ليش جبتني هنا؟
صگر: انتي اجيتي برجليچ آني ما جبتچ.
ما انطيت رد فعل على كلامه فهو حك طرف
حاجبه حمحم ونظرلي نظرات جديه.
صگر: المحاميه رُقيه حازم جابر.
رُقيه: نعم؟
صگر: البارحه شچنتي تسوين ويا باتمان.
رُقيه: عفوا سيادتك تنكت؟
صگر: مع الأسف لا، نَاجي نَصار.
رجعچ من منطقة - - - -).
من وين جاب هذني المعلومات هذا الإنسان مو سهل رجعت ضهري للكرسي.
رُقيه: المطلوب شنو؟
ما جاوب طلب گلاص ماي ويا عصاير ألنا
الگارسون عافهن وراح.
صگر: اشربي الدوا مو عندچ وجع راس خاف يزداد بعد الحچي.
گوه متحمله الوضع اخذت حبة وشربت الماي. قدملي العصير وقرب وجهه نظرلي.
صگر: من الألف إلى الياء اسمعچ.
رُقيه: ابويه شريك ويا بيت نصار. شريك بالشركه مالتهم و حتى علاقتهم وشراكتهم تصير متينه أكثر
قريبآ نتزوج آني وناجي.
صگر: براو كملي كملي.
رُقيه: شتريد من آخر مبين شخص ما تمُر عليك.
لبس الشفقه ونزلها على عيونه قرب وجه اردف الكلام اللي خلاني اعيد ترتيب أفكاري شرحلي شراح يصير و شراح يسوي.
رُقيه: بمأنه تعرف كل هذا الحچي اكيد تعرف اسبابي.
صگر: اعرف كل تفصيل عنچ.
رُقيه: لازم ارجع استراحتي خلصت.
صگر: مثل ما اتفقنا؟
رُقيه: إذا أكو إثبات قانوني رُبما لكن شخصياً لا.
الحساب عليّه لا تكلف على نفسك
دفعت الحساب وطلعت شويه وطلع ورايه انطى الفلوس لطفل شايل كلينس بالتقاطع وأشر عليه
صگر: ادعيلها هاي الخاله انطتك.
شگد غريب وانسان داهي الذكاء
يعني رهف من چانت تمدح بي ما بالغت.
رُقيه: احس افضل حل اچيت من الجسر الإيطالي
ليش هيج ناس يطلعولي.
وهذا الثاني صرعني رسايل ومكالمات وين ملف 71 وين تقرير 52 رجعت ركض للشركه حتى علبة الدوا نسيتها بالكافتيريا.
كملت الملف وسلمته اثناء الإجتماع
من رجعت على مكتبي شفت الدوا متروك على مكتبي وياها بطاقه مكتوب بيها.
(الدوا گلت تحتاجيه وجع راسچ مطول الظاهر)
كاتب ابو لميم تحت البطاقه.
من الضوجه خليت راسي على الميزه واحچي بنفاذ صبر.
رُقيه: ابوو گاع ابو لميم شيخلصنييي منكم
شورطني بييكم.
سيرا
صارت المسا ومن الظهر إيمار راجع وما طالع من غرفة وتن عدهم سالفه يخططون ألها.
ابعدت اذني من الباب بعدما سمعت كلشي يخططوله، رجعت ركض على غرفتي بدلت شلون ما چآن لبست جينز اسود وبلوزة هودي أسود عليها شعار ريال مدريد من گدام.
سيرا: اصبرولي إذا ما سويت سُبراايز يسبرزكم ما اطلع سيرا بنت أدهم.
شديت قيطان الحذاء بإحكام ولبست كفوف صوف عبن الجو بالليل بارد. شلت تلفوني.
طلعت من الغرفه شافتني أريم نظرتلي فوگ تحت
أريم: وين طالعه بهيچ وقت. ساعه سته ونص
سيرا: وَد. وَدق عزمتني ابات يمها او احتمال ارجع گلت لماما لا يظل بالچ.
أريم: سيرا؟
سيرا: نعم أووختي نعم لا تأخريني هسا يطلعون.
اقصد نطلع وبعدين نحجي مع بعض ادزلج ستريكات عن الاجواء الجميله.
نزلت مثل الطلقه خل اخلص روحي منها.
هم زين محد ماكو الوقت على صلاة المغرب
شفت سياره وتان بالگراج بعدهم ما جاين.
سيرا: گال بسيارتي يعني سيارة وتن اي.
رحت للگراج شفت السياره مفتوحة فتحت الصندوق وختلت بي ساعه كامله واني بالصندوق
انتظر حظرة جنابهم يجون.
خليت تلفوني صامت وماكو اي صوت برا
تذكرت أكدر ادخل على الكاميرات اللي بالبيت
دخلت على النظام شفتهم جاين بإتجاه الگراج
سيرا: بجاه محمد وآل محمد استر علينا يا الله
بس لا يفتح الصندوق.
اخذت نفس بالراحه بعدما صعدو ثنينهم واسمعهم. يحجون خاصة إيمار اللي على أساس مُسالم.
مُسالم بس مو يم طاري عائلتي.
برو انت بلشت تعجبني يعني جماعة ياسين توهم طالعين من المركز.
صدگ ابن ياسين عم إفراج لو بس الاربعه الچانو وياه؟
وتن چآن يسوگ طلعنا من البيت وهو يسولف الصار.
جماعة ياسين الاربعه اللي تم الإفراج عنهم ما تم إثبات اي دليل عليهم لكن ابن ياسين عليه خمس قضايه تهريب مواد ممنوعه وغير مُرخصة.
وتن متأكد هُمه بذاك الكوخ؟
متأكد يوميه يلتمون غادي.
السياره جانت مُسرعه وعبرت على طسه ضربت راسي بالجليكان الموجود كله نفط مدري بانزين
شعري كله تبلل بيها اختنگت من الريحه بحيث
حسيت من صدگ أُغمى عليه اگرص ايدي حتى اصحصح ماكو فايده دخلت بضلام دآمس
ما گعدت إلا على صوت إيمار اللي لمني بحظنه
ويحچي والثاني يرش ماي على وجهي
سيرا گعددي بس لا صدگ سيراا لا تخليني أحرگچ فرد مره فتحي عيُونچ بنت الدرهم.
سيرا: موو تمثيييل موو تمثيييل يمه راسي.
گعدت اعاين حوالين المكان.
سيرا: وين احنه بس لا تگول خلصت المهمه ااانتحررر احرگ روووحي اذا فاتني كل هذا الاكشن.
رجع كنبص گدامي ضرب راسي واخذ الماي من وتن يرش على شعري ويفركه عود يغسله
وگفنا بعدما شمينا ريحة البانزين ما فاتچ شي.
هاك هذا زاهي هيجي ما يروح.
سيرا: لاااا زااهي وعلى شعررري نووو مستحييل
اااسكتي جحشه، نزلي راسچ نززلي راااسچ خل اخلص.
نزلت راسي إيمار يغسل شعري و الثاني يصب ماي خلص ثلاث لترات من الماي على راسي.
ضليت صافنه على إيمار وهو يمسح وجهي من الماي
شسوي بيچ هسا وين اوديچ؟
سيرا: اجيت وياكم مستحيل اعوفكم بوحدكم
عايني طرگاعه هذا سوالف زلم انتي تگعدين بالسياره.
سيرا: وَتن بليييز بعدين الدم يفزع للدم.
اخنگچ والله اخنگچ واخلص منچ.
سيرا: فنننك تحاچيني هيچي.
گمت واحس متجمده المكان مجهول
صعدت بالسياره وگعدت بالكشن الورا.
الثُنائي صعدو ثنينهم وجهم ما يگصه سيف.
سيرا: انطيني الكلينس خل انشف شعراتي من وراكم شصار بيّه.
شمرها عليّه، يحجي ووتن يضحك على شكلنا.
من ورااانه طبعا احنه جريناااچ جر للصندوق
لا صوچي غسلتچ چآن لازم احرگچ واخلص.
سيرا: لو رجال چآن حرگتني.
لا تخليني اطيح حظ حظچ اسكتي.
وَتان: گايز شويه ريلاكس، راح نوصل سيرا طرگاعه تعرفين الخُطه؟
سيرا: اي اعرف مو چنت اسمعكم
نظرلي يخوزر بيّه ما متقبل الوضع مر وقت قصير
وصلنا للنُقطه الراح نوگف بيها. نزلنا ثلاثتنا
وتن شال الجليكان وإيمار شايل مضارب البيسبول.
ضلينا نمشي لحدما وصلنا قريب من الكوخ اللي قريب من ضفاف شط العرب.
سيرا: شيسون هنا يوميه؟
ثنينهم نظرولي وتن اردف
يلتمون ياكلون خرا.
سيرا: شني ها شلون.
يشربون ويسكرون شني ها شلون.
عدل الشفقه وتن انطاه لثآم لكن رفضها.
خليها ألكم.
سيرا: الجبان يتلثم.
يا سلام هسا آنه جبان؟
سيرا: اهوو دلبس او لا تلبس خل نفض سالفتهم.
اخذت مضرب من إيمار ومشيت گدامهم.
وعلى مهل صار بظهري ويحچي بهدوء.
انتبهي على نفسچ.
هزيت راسي اي وهو عبر راح اول واحد وتن من جهه وهو من جهة ثانيه حاوطنا الكوخ ورشيناها بانزين إيمار طلع جداحة أبيل المعروفه ولعها وقبل لا يشعل النار لزمت إيده
سيرا: خلينا نخطى هاي الخطوة سويه.
وَتان: چآ آنه هم.
خلى إيده على إيده
ما تقصدك.
وخر إيده وشعلنا النار بلشت تلتهم الكوخ شويه وبلشو يطلعون واحد ورا الثاني
ثلاثتنا صحنا بصوت واحد
ياااا على يااا ضرغام.
إيمار يضرب ثنين وتن يضرب واحد واني بقولي اصغر واحد بيهم.
سيرا: هذا الينگاال عليهم وبنعاالل على راااسه
ول خااالي ولد الباشا موش هينين. وتن وتن ذاااك شررد
ايماار احلگه راح يچيت بالشطط.
الكوخ يحترگ بجهه وهذوله بجهه كلهم سكرانين
بس بيهم حيل الركض ايمار ركض وراهم وتن لحگه وآني شايله المضارب. اللحگهم الكل
سيرا: عفيييه عفيييه. على المولى وااحفااد على المولى راضييين عليكم ولد عمااامي الغاااليين.
لحگناهم لحدما خليناهم يچيتون بالشط وهمه سُكاره ما يدرون شلون ينفذون بحياتهم.
وگفنا على ضفاف الشط اي واحد يحاول يطلع نظربه ويرجع يسبح بالماي البارد إلى أن وتن اجته رساله قرأها.
وَتان: گايز لازم نرجع للسيارة بأسرع وقت.
سيرا: ليشش متونسيين ول هيييوو دقيقه رايد يطلع.
ضربته على ظهره ورجع يسبح بالشط يحاول يُعبر للضفه الثانيه. إيمار لملم المضارب واخذ اللي بإيدي، وتن شال الجليكان ويركضون وآني وراهم.
وَتان: إيمار بسررعه بسررعه سيرااا اركضيي موو تتمشين.
اركض واضحك كلما اتذكر أشكالهم ومنا إيمار
يناديني ويضحك على ضحكتي
إيمار: انطيني إيدچ متسووودنه على شني تضحكييين ههههه.
سيرا: اييدك بسررعه بويه متتت هههه شفت اشكااالهم بويه متتت هههههه.
اجيت بصفه لزم ايدي وشد عليها، نزل قبعة الهودي على راسي واردف.
إيمار: الجو بارد وشعرچ متبلل، يلا لا توگفين سيرا لا توگفين
نركض سويه بس ضايعه بتفاصيل هذا الأنسان.
الغير مفهوم مُتناقض إلى أبعد الحدود.
وصلنا للسياره دخلنا الأغراض بالصندوق وصعدنا مثل البرق، طلعنا من المنطقه بأسرع سُرعة تمشي بيها السياره.
بعد ساعه وصلنا لنُص المدينه إيمار اردف.
نرجع سيرا للبيت بعدها نروح للمستشفى.
سيرا: شنييي لااا والله اجي وياكم ازور أبيلو.
تزورين منو؟
سيرا: أبيلو شبيك تخوزر بيّه وتن لا تسمع منه
آني انزرع بالسياره مستحيل ارجع للبيت.
وَتان: إيمو خليها تجي ويانه تزور أبيلو.
انچب ولا تحچي مثلها انغث منكم.
احترمني أكبر منك بسنتين!
تقدمت مديت راسي بينهم احچي.
سيرا: ولد عمامي الغالين لا تشگو الفانيله احنا في الطريق إلى زيارة المريض.
نطيييح حظچ ومااا ناخذچ اااسكتي.
سيرا: تمام سكتت وحگ العباس وحق جدنا السابع سكتت بس كمل ابو الوَتن.
ثنينهم انگلبو عليَّه رجعت گاعده وساكته
إلى أن وصلنا للمستشفى. نزلت وياهم وتن طلع شيشة عُطر رش علينا وعلى نفسه.
وَتان: علمود ريحة الحريق حرائق تروح.
سيرا: ذكي ااانتَ
الثاني ما ياخذ وينطي ويانه إلا ما ندر عبن تركنا ودخل للمستشفى، احنه هم لحگناه وصلنا
وياه للطابق البيها غُرفة أبيل، ثلاثتنا نمشي بإتجاه
الغُرفه، إيمار سبقنا وصار گدام لكن وگف امام الغُرفه واشر بإيده بمعنى انتظرو
استغربنا ومشينا بهدوء شفنا الباب مفتوح على نُصه وإيمار متصنم بمكانه يسمع كلامهم مع بعض.
أبيل أُمك موجوده بالبصره.