رواية ولد الباشا للكاتبة فاطمة الأحمد الفصل الحادي عشر
ال عزّهَ
وصلت للمكان بقى بينا أمتار قليله ما وگفت إلا لمن ضربت سيارته الواگفه بنص الطريق. دعست بريك اخذت السلاح ونزلت رحتله فتحت باب السيارة ما لگيته.
عزّهَ: لك ااالله.
يلعني!
سمعت صوته وراي اول ما انداريتله لزمني من خصري قربني وخلى السلاح براسي ما ترددت سويت مثله وخليت السلاح براسه.
اردف وانفاسه قريبه عليه
عَزّآم: الله يلعني.؟ وتخلين سلاحج براس عَزّآم!؟
عزّهَ: لِ كُل فِعلٍ رَدُ فِعل بنات الأدهم الباشا مو هينات.
ضل ينظرلي بطريقه غريبه محتار شلون يتصرف وياي ما نزلت السلاح إلا لمن هو نزل وبتعد يضرب بالسياره وصييّح.
عَزّآم: شعندددج جاايه شعندج هذاا مو مكااانج مو مكااانج
راد يكمل دگ تلفونه جاوبه.
عَزّآم: احجي، اي اي وصلت شلون ما توصل النچره، دعمت سيارتي وخلت سلاحهه بوجهي شني بعد تسوي أكثر، راجعين نرجع چا شنسوي، سلام.
اندارلي اخذ نضره حوالين المنطقه للأمان بعدها اردف بنتر.
عزّهَ: ما گلتي لييش اجييتي ورايا.؟
ما رديت خليته يكمل. تقدم لزم وجهي بين إيديه، يحجي بعصبيه ويصييّح.
عَزّآم: تسودنتي؟ تسودنتي تجين ورايا تسودنتي مستوعبه ويين واگفه هساا مستوعبه؟
عيوني تراقب ملامح وجه العصبيه، اردفت بدون خوف
عزّهَ: مستوعبه آنا واگفه بنُص البُقعه المُحرمه بنُص أراضي الجسار.
عَزّآم: وتخلي عينها بعيني بنت الأدهم باشا.
گالها بعده ابتسم ابتسامة إستهزاء، لزم ذراعي يجرني للسيارة
عَزّآم: اامشي عزّهَ اامشيي لا اخلص عليج والله.
هو يجرني وآنا احاول اسحب أيدي.
عزّهَ: شييل ايدك عَزّآم شييل ايدك ماا اسمحلك هيج تعاملني شيل ايدك
فتح باب السياره حتى اصعد، وگفت ساحبه ذراعي من ايده، اندارلي وعيونه تريد تطلع من العصبيه.
عَزّآم: شني يعني إلا اتعامل وياج مثلهم؟
عزّهَ: عند الضروره حتى آنا اتعامل وياك مثلهم، عزاااام انتبه
بهاي اللحظات عبرت سياره مضلله بدون تردُد صوّب علينا بشكل عشوائي عَزّآم لزم ايدي رجعني ورا ضهره والرصاصه اجت بالجامه.
عَزّآم: صعدي عزّهَ اصعددي بسرررعه
صعدت ورگع الباب بقوه سحب أقسام اردف وهو يراقب المكان السياره عبرتنا بس احتمال بأيي لحظه يرجعون.
عَزّآم: دقيقه. دقيقه وحده مااا توگفيين هناا لحد البيت يلااا.
عزّهَ: أولا ما ارجع للبيت رايحه المستشفى ثانياً ما امشي إلا تصعد سيارتك وتمشي گدامي.
يضرب على سيارتي بسلاحه ويصييّح.
عَزّآم: تمام تولين للمستشفى تمام بس لج شنييي امشي گدااامج شنيي اامشي گدااامج لسااانج اللزمي بنت الأوادم لسااانج اللزمي.
ضليت ساكته ما جاوبته عصب بزياده ضل يجي ويروح محتار شني يتصرف وياي رجع خلى إيده على الجامه يحجي بهدوء حذر.
عَزّآم: بويا بس امشي بعدين نتفاهم بس امشي منا مو أمان هسا يرجعون
عزّهَ: اي حتى تبتلي بيهم يأما يقتلونك او تقتلهم.
عَزّآم: ياهو الأفضل.؟
عزّهَ: الأفضل تسمع كلامي وتمشي گدامي.
قرب ايده يوخر خصله من شعري اردف وهو بألف يا على يحجي بهدوء
عَزّآم: افتحي اذانچ بويا وافتحي دماغج المتحجر هذا، خل افهمج حجايه، مره مرتين ثلاث بالرابع اگص لسانج شني امشي گدامج عيب بويا جاي تحجين وياي مو ويا ناصر وهدى.
عزّهَ: اسلوب الهمج المُرتب تحت هدوئك الحذر ما يهز شعره مني، ترا تحجي ويا ال عزّهَ أدهم الباشا مو ربعك الهتليه.
حك جبينه بالسلاح عاين للمنطقه بعدها اشرلي والمسدس بإيده.
عَزّآم: تحركي تحرركي لا ابتلي بيچ
عزّهَ: متسودن والله شني اتحرك وخر سلاحك ترا اعرف اهدد مثلك.
مسح وجه وفتح الباب يريد يصعد بمكاني يسوگ.
عَزّآم: نرجع للمستشفى بسياره وحده ولي غادي يلا
عزّهَ: چآ وسيااررتكك؟ تعوفها للأنذاال
عَزّآم: دمرتيها بويا بس لا يضل بالچ عليها؟
غيرت مكاني وهو صعد رگع الباب بقوه
عزّهَ: على كيييفك ترا سياارتي مو سيارتك
شگد مستفز ابتسملي ويستهزئ اردف.
عَزّآم: بويا كلامج صح آنا على كيفي، شدي الحزام
عزّهَ: ما يحتاج سوگ بهدوء هذا مو سيارتك حتى تسوي سباق ويا الهوا.
نظرتله بطرف عين شفته يشد الحزام وقفل الأبواب تأكدت راح يطير بينا هاذا اسلوبه الهمجي، شديت الحزام اردفت.
عزّهَ: سوگ بهدوء عَزّآم بهدوء
عَزّآم: على كلامج هذا منا ليوم القيامه ما نوصل لراس الشارع.
عزّهَ: دخيل اسمك ياا الله
شغل السياره بدل الگير اندارلي اردف بإبتسامه حماسيه.
عَزّآم: Ready for the race.
عزّهَ: وحگ العباس ما اسمحلك سباق شني.
ما جاوب داس بانزين والسرعه عبرت 150
تشبثت بالباب وهو يسوگ بكل هاي السرعه ويزيد عليها، چآن يراقب ورانا مر اقل من خمس دقايق والسياره تعرضت للرصاص
عزّهَ: للك ااالله يلعننكم كُلللكم
عَزّآم: آنا شني ذنبي، سيارة جاسر جاي يلحگنا
عزّهَ: وهذاااا النعاااال منو ليش مااا اعرفه.
عَزّآم: ولييش حتى تعرررفييه؟
عزّهَ: تمااام انسى انسى، عينك على الطريق. ااانتبه جاي يصووب الحيواان
عَزّآم: اخذي سلاحي واسحبي الأقسام بسررعه.
عزّهَ: و وينه الزفت مالك وين
عَزّآم: عمى ماا تشوفين گداامج عالدشبول
بسررعه
عزّهَ: عمى العماك بنص الليل شني ااشوف
سحبت الأقسام وهو نزل الجامه اخذ السلاح مني ايد يسوگ ويإيد يصوب على سيارة الاسمه جاسر صييحت حتى يسمعني من صوت الهوا والرصاص.
عزّهَ: أگُلك شني راااايك اساااعدك، انت سوگ وآنا ااأصوب عليهم؟
لزمت الستيرن لحدما يغير المخزن اردف وهو يسحب أقسام
عَزّآم: شني رايج تنچبين أم المصايب.
رجع يصوب عليهم شويه ويرجع يخلي عينه عالطريق، اخذت نفس عميق من كلامه المستفز شلت سلاحي سحبت اقسام رجع لمكانه رفع الجامه حتى يبدل مخزن ثالث نظرلي اردف
عَزّآم: صوبته بكتفه، جيبي سلاحج جاهز هذا ينرادله تغير مخزن، سدي الجامه ليش نزلتيهااا.
عزّهَ: حرامات لو آنا جانت الإصابه بگصته. تعلم مني أغاتي.
بدون تردد طلعت نص جسمي من الجامه صوبت على التاير الأمامي وگف بمكانه إلا شويه وتنگلب سيارته، رجعت على مكاني سديت الجامه شمرت السلاح عالدشبول.
عزّهَ: يلا كمل الRace خل نوصل للمستشفى بسرعه.
عَزّآم: دخيل اسمك يا على شلون نچره عندي بس اذا كررتيها المره الجايه افرغ المخزن براسج عزَّتي.
عزّهَ: ما لايگلك الغزل، اسرع خل نطلع من هذا الوسخ الاجيت منه.
عَزّآم: انتي الما لايگلج الغزل انتي مال سطره اجيبج وسطره اوديج على لسانج السليط.
عزّهَ: اذا رجال تمد ايدك تا اشوفك بنت الأدهم شتسوي بيك.
نضرلي وسكت رجع يسوگ بسرعه. بعد نص ساعة وصلنا لمركز المدينة وگف امام المستشفى ثنينا نزلنا ركض للطوارئ. دخلت لگيت عمامي و ابويا يم غُرفة العمليات ينتظرون كنبصت گدام عمي الأشتر خليت إيدي على ايده.
عزّهَ: عمو لا تخاف وگاع راح يتخطاها مثل القبلهه.
هز راسه بس مبين مهدود حيله على ابنه الأكبر. رفعت راسي لمن ابويا حچه وياي
الأدهم: عزّهَ شلون تطلعين من البيت بهيج وقت؟
الباشا: اليوم انتي خالفتني التعليمات باجر خواتج وهلال يخالفن!
عزّهَ: اسأل ابنك ليش اجيت وراه.
الأدهم: عزّهَ شهل اسلوب احجي بأدب
الباشا: عوفها كلامهه صح، عَزّآم ليش حتى تروح غادي وعزّهَ اجت وراك؟
عَزّآم: تتمرجل الخاتون، يابه راح اتصل بالشباب يراقبون المستشفى.
عبرني يخزر بيه گلبت عيوني وگعدت مر نص ساعة والأطباء يتراكضون للغرفه وگفناهم سألته.
عزّهَ: دكتور شني صارر ااحجي
- المريض حالته صعبه. إحتمال.
رُقيه
هز راسه يتوعدلي على المسبات. سكتت بعد ما حجيت ما اريد أصعب الوضع ويگوم يهددني ب وَدق، وصلنا للگراج نزل اندار فتحلي الباب ولزم ذراعي يدفع بضهري حتى امشي للبيت بسرعه.
رُقيه: شويه صير ادامي ولا تدفع بيه اعرف امشي
ناجي: امشي يا حقيره امشي گوه ساكتلج.
الحُراس فتحو الباب على وسعه خطيت اول خطوه للبيت نائل طلع من الصاله وهو يسحل ب وَدق شمرها تحت رجليه وهي تبچي انداريت للجهه الثانيه جسار طلع وبإيده جگاره اردف
أهلًا برجعتج يل خاينه بنت الخاينه.
وگعت على ركبي وبس لميت وَدق بحظني والي طرف شفتها مجروح واضح جسار ضاربها.
رُقيه: اشش و وَدق عمري لا تبچين ل لاتبچين.
نزلت حبوبتي من الطابق الثاني وهي تصرخ وتدعي عليه.
سُعاد: ااالله لاا يوفقك دنيا وآخره الله لا يشوفك الجنه ما ارضى عليك لا دنيا ولا آخره.
راح يلزم ايدها وهو يضحك مستهزء
جسار: لا يما شلون هيج تحجين افا افا جيبي ايدج لا تتعثرين.
نترت ايده عبرته وهي تجي بإتجاهنا كنبصت تحظنا ثنينا
سُعاد: تنكسر ايدك المديتها عليهن يا كافر يا طاغي.
جسار: بناتي وحُر بيهن انتي شلج شغل يما ناجي تعال اخذ حبوبتك على غرفتهه.
بست راس وَدق الجاي ترجف رجف وتبجي ثنينا عيونا على ناجي لمن اجا يگوم حبوبتي بكل قلة أدب.
ناجي: يلا سُعاد يلا گومي ويايه
عفت وَدق وبسرعه گمتله اسحب ايد حبوبتي
رُقيه: حيوااان ماا عندك احترااام شيل ايدك شييل
حظنت اكتاف حبوبتي الجانت ساكته من تصرف جسار الغير أخلاقي بحق امه. درت ضهري مشيتهه لحد وحده من القنفات گعدت
ابتسمت من بين دموعي اجيت اندار لزمني من شعري ويسحبي وياه.
ناجي: آني حيوان؟ ياا كلبه آني حيوااان؟
رُقيه: وكاافر يااا وحش يااا نگس
خلاني گدامه وضربني راشدي بكُل قوته وگعت عالارض شبه دايخه وراسي ثگيل عيوني من الدموع مغوشه بالگوه اشوف وَدق
تجي يمي وعلى ايدها تزحف خايفه تگوم گدامهم تبچي وتنادي عليه والثلاثه يضحكون
وَدق: رُقيه. رُقيه رق.
تقدم نَائل يسحبهه بعيد عني وهي تبچي وتضربه.
وَدق: ر رُقيه الله ياخذك عوفني اروحلها عوفني اروحلها ر رُقيه رُقيه.
ناجي لازم حبوبتي ونَائل لازم وَدق اول ما وضحت الصورة شفته واگف گدامي ونفس العكاز بإيده كلها رؤس حاده ثبت العكاز على أيدي شاغت روحي صرخت بكُل حيلي وابجي. اردف بصوته الخش المرعب
جسار: امج قبل بزماناتها قبل لا تودع حياتها جانت تنطي معلومات عن شغلي للضابط اخوها أما هسا بنتها جاي تدور على معلومات!
بألف يا على احجي واشهگ
رُقيه: م ما دورت على ش شي.
صرخت ودق بكُل حيلها ونَائل يغرز السچينه بكتفها و بأمر من الشخص إلى اسمه أبونا
مثبته عيوني على وَدق خاف النجس يأذيها رجع اردف
جسار: اي بنتي وين جنا.
رُقيه: وَدق و وَدق عوفها ما دورت والله والله
أشر للزلم يدخلو، فتحو الباب ودخل ابو المكتبه ونفر جنت سألته
جسار: تعرفوها؟
-- اي حظرتك ن نفسها السئلتني عن المنطقة
--: آني رجال چبير وعلى گد حالي مالي دخل البنيه اجت تريد مساعده گالت لاحگينها ناس مو زينه وصدگتهه.
انهاريت أبچي واشرحله أأشر على الثلاثه و احجي
رُقيه: والله همه همه نفسهم نفسهم الموزينين همه نفسهم لاحگينيي
--: بنتي الرجال ابوج شنو هذا الكلام
رُقيه: عموو هذوله مجررمين عمو كااافرين همه نفسهم الموزينين.
--: حظرتك ترا بناتك ليش هيج تعاملهن النبي يقول: من كان له ثلاث بنات فصبر عليهن وأطعمهن وسقاهن وكساهن من جدته كن له حجابًا من النار يوم القيامة.
جسار: اكرمني بسكوتك واستر على عائلتك، طلعوهم برااا.
سحبوهم والعم جان مصدوم خفت لا يسويله شي
رُقيه: ص صاحب المكتبه ماله دخل لا تسويله شي لا تسويله شي.
جسار: مو شغلج، احجي شني عرفتي من رحتي على حي - - -؟
نَائل نزل وَدق على ركبها وخلى السلاح براسها
نَائل: ما عندي مشكله اقتلها وهذا عمي موافق.
حبوبتي اجت تتدخل ناجي يرجعها وبس تبجي وتدعي عليهم انداريت للجسار لمن بدئ يدور حواليه مثل كُل مره ويدگ العكاز عالارضيه.
جسار: بنت الجسار مع ابن الأشتر!
تعرفين منو چآن هذا إلى راد يخطفج؟
سكتت شلون صدگني بهاي النُقطه معقوله ذاك الرجال عدوه، صييّح بصوته المرعب اردف
جسار: تعرررفيين منوو چااان؟!
هزيت راسي لا لا اردف
جسار: ااابن الأشتررر ااابنه
رُقيه: منوو ااشتر منوو ماا اعرفه شعليه بيهم شعليه عوف اختي عوفها.
جسار: عليج هوااايا عليييج بس لا عبالج اصدك تأليفج؟ مال راد يخطفج وغيره؟
رُقيه: ع عدوك عدوك يمكن راد يهددك بيه.
جسار: ليش اااحد يُعررفكم.؟ طبعاً لااا، رُقيه جابر اسمج رُقيه جابر.
رُقيه: صحح جنسياااتنا مو على اسمك على أسم جدنا بس بس عدوك عدوك اكيد يعرف كلشي آني ما اعرفه هو هو طلع بطريقي
قبل لا اسحب أيدي ثبت عكازته عليها ويضغط
جسار: الأشتر لوَ مات بذاك اليوم قبل 31 سنه جان هسا نص الشغل ماشي، بس اليوم ادري بأبنه جاي يدور ورايه مثل ابوه؟ احجي احجي بسررعه
رُقيه: شنو احجي شنوو ايدي ي ياا ضالم أيدي
وَدق: رُقييه رُقيه.
رادت تگوم تجيلي
دفر على رجليها وگعها مره ثانيه، صار يضحك ويحجي بميل راس
نَائل: اقتلها اقتلها شتگولين اقتلها يلا؟
رُقيه: مرريض والله مررييض عوفها.
باوعت على أيدي كلهه دم ما وگف كنبص يلزم حنجي ويمرد بي اردف.
جسار: قبل الحادث شنو جان يحجي وياج؟
رُقيه: چ چآن بس يسب ويغلط م ما حجا شي
جسار: تچذبين عليه؟
رُقيه: ل لااا والله ما حچه شي بس راد يضربني لأن لأن ردت اهرب منه وار ارجع تعاركت وياه وصار الحادث.
گام وگف عدل ساعته وخر العكاز اجا واحد من حُراسه اخذهه ينضفه من الدم، خله ايده ورا ضهره، اردف
جسار: وَدق، بتراء الأثنين اذا حابه يعيشون. لازم.
نضرتله اردفت.
رُقيه: و وسن وسن وين
ابتسم ابتسامة النصر اردف
جسار: وسن بتُركيا تمشي شغلنا الوحيده إلى طلعت شريفه وتابعه للرجال إلى رباها. وانتن بالرغم من دمي ولحمي بس طلعتن وحده ا ب من الثانيه.
حبوبتي تبچي وتخلي اصبعها على شفتها
سُعاد: اشش جسااار ل لااا.
رُقيه: حبوبه لي ليش يسكت؟
انداريت للجسار لمن أشر لناجي يگعدها وكمل كلامه إلى جان أكبر صدمه بحياتي
جسار: خل يعرفن خل يعرفن تاليتهن يا اما الموت او الخضوع للواقع. وسن مو اختچن
رُقيه: ش شجاي تحجي وسن اختي اختي كبرنا سوا تريد تحرمنا من بعض تريد تحرمها منا مثل بتراء
جسار: والله يا بنتي وسن مو اختج هيه بنت امج من زوجها الأول بس الإنسان يحجي الحق طلعت أوفى من بناتي إلى من نسلي.
رُقيه: ش شجاااي تحجي جذااب تچذب انت تچذذب حبوبه سُعاد يچذب موو يجذبب
هزت راسها لا وهنا وَدق انهارت تبچي أكثر وأكثر انتبهت على كلماته
جسار: أبن الأشتر بعده عايش بالعمليات
اذا مات يصير خير على خير ويكون الج فضل بموته واذا عاش يكون الج امر تنفذي إلى راح اگوله الج بالحرف الواحد.
رُقيه: خااف االله شويه خاااف ااالله الله لا يقدر ويموت بسببي ااالله لا يقدرر.
ضليت هيج گاعده عالارض وإذا گُمت اروحلهن نَائل يخلي السلاح براس وَدق جسار راح گعد على وحده من القنفات جان ينتضر شي مر أكثر من نص ساعة ودخل الحارس اردف
--: سيدي الجسار الشباب وصلولي الخبر
أبن الأشتر تخطى مرحلة الخطر وحالته استقرت.
هز راسه اله والحارس طلع حمدت الله بگلبي لأن ما مات وبسببي رفعت أنظاري شفته عاف جَگارة التبغ بالنفاضه وگام خله ايده ورا ضهره ويفتر حواليه اردف كلمات حددت مصيري.
جسار: حتى يعيشن خواتج البتراء & وَدق لازم تنفذين المطلوب بالحرف الواحد.
رُقيه: ليش هيج تسوي بينا ليش
ما جاوبني كمل كلامه إلى جانت عباره عن صدمات
الجسار: بعد اسبوع يبلش مقابلات التوضيف بشركة AAB للتسويق والإقتصاد وراح تشتغلين ك مُحاميه خاصه بالشركه
رُقيه: عندي قضيه بالمحكمه م ما اگدر أشتغل بشركتك.
جسار: قضيتج يتولاها افضل محامي عندي اما انتي تشتغلين تحت امري والشركه مو شركتي.
رُقيه: چا المن؟
جسار: للأوتاد الثلاثه
رُقيه: م منو هُمه ما اعرفهم
جسار: أشتر، أدهم، باشا
أعداء ابوج يا بنتي الغاليه
رُقيه: لا تدخلني بشغلك لا تدخلني بشغلك للك ااالله يااخذني واخلص من شرررك
بدون اكتراث لرأيي اردف وأنهى كُل شيء.
جسار: تشتغلين لصالحي وتجيبيلي اي معلومه عن شغلهم واماكنهم اي معلومه جديده چبيره او زغيره تفيدني نُقطه رأس سطر انتهى.
صدى كلماته ما تروح من راسي ضليت بمكاني وهو طلع من البيت نَائل عاف وَدق.
و ناجي هم عاف حبوبتي وطلعو وراه. ركضتلي وَدق كنبصت تحظني وتبچي
وَدق: لا تسمعين كلامه لا توسخين روحج بشغلهم الحرام لا تخليه يوسخج رُقيه.
رُقيه: كُلشي أسوي لخاطر هيج نبقى بحظن بعض وقريبا نرجع بتراء ونصير ثلاثه كُلشي اسويله.
هِلال
جنا گاعدين ننتظر خبر منهم إلى أن أتصل على سَند ب هدَآم گام يطلع برا عمه وگفته
آمل: ابني احجي گدامي وطمني عليه
جان متردد بس هز راسه ورجع لمكانه جاوبه
هدَآم: ها خويا احجي شلونه؟، شلون؟
گام يفتر وساكت يسمع للطرف الثاني ويهز راسه بعصبيه
هدَآم: مستشفى ما بيها بطل دم؟
آمل: هدآم احجي ابني شبيه احجي
هدَآم: ما بي شي اهدي عمه على كيفج خل افهم منه
اجيت گعدتهه هدآم رجع يكمل حجي.
هدَآم: دورتو بغير مستشفى؟ لا حول ولا قوة الا بالله العلي العظيم، ولك شني قصدك اريد اقتله؟ تمام تمام بزون بسبع أرواح ابو وگعه. سلام
اندارلي يخوزر بيه هزيت راسي بتسأُل
هِلال: شبيك شبيك
آمل: هدآم احجي ليش ساكت ابني شبيه؟!
هدَآم: عمه ابنج مابي شي والله الأطباء گالو حالته چانت مو مستقرة گالو احتمال يحتاج دم وحاليا خلصو بُطلين وبعد ينرادله بُطل وماكو بالمستشفى كُلها.
هِلال: چا ليش واگف خل نشمي اتبرعله مثل كُل مره
هدَآم: اي مو انتي البانزين خانة لحفيد الهمج يفول منچ!
أريم: هِلال على سَند دزلي رساله يگول عمي الأيهم گال خل هلال تجي تتبرعله
هدَآم: گُليله خل يبطئ اخر بُطل يمشي حاله. راح ادبرله من غير مستشفى هلال ما تنطيه قطرة دم خل ياكل نعل ويصبر.
سيرا: ما هذا بحق الجحيم براذر. غيرتك صايره برو برو ماكس
هِلال: تسودنت احلف عليك تسودنت عمااااد جيب سيارتي بسررعه الباشا أمر.
هدَآم: شني يعني كل أسبوع يهمج وانتي تتبرعيله؟
ندى: هدآم ابن عمك اابن عمك شبيك، خيتي أمل اعذريه هذا تسودن
هِلال: هساا دمي لو دمك دخيل علي. لا تخليني عناد بيك اتبرع ببطلين و اخلي واحد للأحطيات.
سيرا: براذر وگاع يصارع الموت وبراذر هدآم يغار لأن دم هلال راح يمشي بعروگ براذر وگاع وااااا يعني انها انلاصت ورب الكعبه
--- ااانتي اااكلي تبن مو وگتتتج
سيرا: تماام ريلاكس گايز ريلاكس ماي ماذر.
خطيه اتلاحگو ابو وگعه وگع.
هدآم راد يهد عليها بس ركضت لورا ضهر عمه يَقين طلعت برا، هدَآم بس يسب ويغلط على وگاع اجيت اصعد سيارتي لزمني يمشيني للسيارته
هدَآم: امشي آنا اوديج على گال جيبها لا تخليها تجي بوحدهه
جنت امشي وياه بهدوء اردفت
هِلال: çok güzel يعني ما محروگ دمك
هدَآم: لا آيم يري ريلاكس صعدي يلا اصعدي لا اوگعكم بسابع أرض
سكتت بس بقدرة القادر چنت لازمه الضحكه.
انطلقنا للمستشفى بعد نص ساعة وصلنا بس قبل لا انزل شفت نضراته على شخص طلع من المستشفى يتلفت حواليه
هِلال: هدَآم أكو شي؟ منو هذا إلى طلع من المستشفى؟
جاوبني بدون التفات وبعده عيونه يراقب الشخص لمن ركب سيارته وراح
هدَآم: واحد من زلمة الجسار.
هِلال: الشركة اللي مُنافسه لشركتنا بالميناء؟
نضرلي كأنه مستغرب من كلامي، اردف يهز راسه
هدَآم: اي اي هُمه انتي ما تعرفيهم انزلي يلا.
فعلا ما اعرفهم شخصياً فقط أنه شركتهم مُنافسه النا، نزلت بسرعه للمستشفى مشينا بين الغُرف وصلنا للغرفه البيها وگاع دخلنا الكل جان موجود وگاع بعده نايم وتحت تأثير البنج اجا عمي الأشتر حظن وجهي بين ايده اردف
الأشتر: هِلاله بنتي جاهزه تتبرعين؟
نضرت بوجههم بعده على وگاع هزيت راسي
هِلال: اي اي اكيد اتبرعله عمو.
حظني باس شعري وابتعد اجا ابويا هم حظني مثله سكتت ما انطيت اي رد فعل لاحظ عليه لأن ما رفعت ايدي وحظنته مثل العاده. ابتعدتت احجي ويا عزّهَ
هِلال: عزّهَ تعاي وياي حتى ابترع.
هدَآم: آنا اجي وياج امشي
الباشا: ابقى بمكانك على يروح، امشي على ويا أختك انتهو على هلال تمام!
هدَآم رجع ايده ورا ضهره ويشد عليه مستحيل يحجي كلمه بعد كلمة أبويا عزّهَ طلعت وآنا وراها على سَند هم لحگني اردف.
علي سَند: حظرة البانزين خانه مالت الوگاع امشي خل نشوف تاليها.
انداريتله واحنا نمشي
هِلال: من وين عرفت بهذا الكلام؟
عزّهَ: هسا تلگين سيرا مصورتكم حتى بدون لا تنتبهون!
علي سَند: لا جانت ريكورد عالواتساب حرامات ما شفت العركه بالصوره الحيه.
عزّهَ: وحگ العباس وحده هلال والثانيه سيرا ما بقيتو خصوصيه للعائلة لو ستوريات لو ريكوردات
هِلال: والله اختج همج تسجل ريكوردات علينا! خل تصبرلي.
علي سَند: چآ منو الصبح صورني ونشرني ستوري عام بالأنستگرم!
سكتت ما جاوبته دخلنا كملنا الإجراءات الممرضه شكلت الجهاز وبلش يسحب دم مني هذوله الاثنين گدامي عزّهَ ما تصنف ولا تحجي هوايا بس على سَند اذا استلم شخص ما يهده بسهوله كل شويه يذبله حجايه
علي سَند: أُختي الممرضه شوفي بلكت الجيلكان انترس دم لأخونا المگرود لازمه تفويل بسرعه.
--- شكد شقاوچي فدوه لألله.
علي سَند: الله يعين وگاع من يگعد وهدَآم بوجه اذا ما طلع إهاذا الجيلكان من خشمه ما اتسمى على سَند
--- فدوه لألله انوب أسمك على سَند دخيلك يا على السَند
تغيرته ملامحه تغير 180 درجه حتى نبرة صوته تغير اردف و هو يرد على موبايله
علي سَند: احجي!، لا أعتقد بعدهم بروسيا، الاسبوع الجاي آنا بتُركيا عدنه افتتاح عرض مُهم، انت بمكاني شني إلا آنا ياااخي مالي شُغل توكل.
قفلها وگام طلع برا أشرت بحواجبي ل عزّهَ اردفت.
هِلال: شبي أخوج ليش هيج تغير؟
عزّهَ: جنت وياج من تغير شمدريني هلال
--- السيد الشقاوچي فجأة تغير من گلت دخيلك يا على سَند
عزّهَ: مرات الفراغ يُؤدي إلى تخيُلات مالهه اي اساس او رابط بين الموضوعين. شوفي شغلج
سكتت الممرضه تبهرني بردودها تسكت العالم بكُل أدب وهدوء الممرضه اجت شالت الدم وخلت بلاستر على مكان الابره شربت العصير وتمددت ربع ساعة بعدها طلعت عزّهَ جانت لازمه كتافي هدَآم چآن جاي بإتجاهنا.
اول ما صار گدامي تلامس وجهي اردف بعدما سحبت وجهي من بين ايده
هدَآم: شلونج بويا؟ اذا تعبانه احجزلج غرفه!
ما جاوبته لأن الف مره اگُله لا تتجاوز حدك ويايه
عزّهَ: لا ما بيها شي هسا نرجع للبيت
هدَآم: هِلال جاوبيني. بيج شي
هِلال: عزّهَ عفيه ايدج اگدر امشي لوحدي اروح اطمئن على وگاع قبل لا نرجع.
تركت ايد عزّهَ وعبرت هدَآم الجان فاهم سبب تصرفي مشيت أمتار قليله حسيت الدنيا تفتر بيه وعيوني تريد تغمض كُل إلى حسيته هدآم ركضلي قبل لا اوگع لزمني من خصري
شالني لحظنه ويصييّح على الممرضات وانا اضربه خفيف على صدره احجي وياه بصوت تعبان
هِلال: ما مابيه شيي ماا هدَآم لا تصييح ما بيه شي
اخذني على وحده من الغُرف عزّهَ راحت تجيب الدكتوره نزلني السرير بهدوء يمسد على شعري
هدَآم: ليش هيج تسوين بيه! هِلال.
هِلال: گتلك خلي مسافه بيني وبينك.
قرب وجه خلى گصته بگصتي ومغمض اردف
هدَآم: احِبّچ وَانِا المَتعوّبَ مَنِچ حِيّل شَحِچيّلچ.
هِلال: هدَآم راح ندفع ثَمن هذا الحُب راح ندفع الثَمن غالي، ابتعد هدَآم ابتعد
درت وجهي للجهه الثانيه احاول ما أبچي دخلت عزّهَ والدكتوره وراها، هدَآم ابتعد وهو مكور ايده حتى يتمالك اعصابه.
--: آنسه هِلال الحمد لله على سلامتج المفروض ترتاحين نص ساعة مو ربع ساعة من غير شي نسبة الدم جانت قليله عندج
اندار هدَآم يحجي بنتر
هدَآم: شني نسبة الدم جانت قليله چآ شلون تسحبون منها دم شلون؟
عزّهَ: هدآم هدآم صوتك احنه بمستشفى
هدَآم: واااذا احنا ب شلون يعرضون صحتهه للخطر جاان طلعت ادبرله من غير مستشفى
--: رجاءً سيد هدآم هاذ الكلام ما مقبول وممكن تطلع من الغرفه!
هدَآم: لا مو ممكن ديلا شتسوين؟
راح گعد يدخن عزّهَ طلعت تحجي مكالمه برا
والدكتوره بعد ما استرجت تحجي حرف اجت تقيس ضغطي وتشكل مُغذي اردفت
--: لازم تاكلين زين حتى جسمج يعوض الدم إلى تبرعتي بي
قبل لا هدآم يحچي عزّهَ رجعت وجايبه على سَند للغرفه حتى يتصرف ويحل المشكلة اجا على سَند كبرها. دخل وهو ينطي رد فعل على كُل كلمه ويحرض هدآم على وگاع المگرود.
علي سَند: يُبااا مرت اخونا اتبرعت بجليكان بانزين شيعوووض شيعوووض ول هدآم آنا بمكانك جان طلعت الدم من خشمه روح لا تخلي يتهنى بيها روح گمز جد جدنا السابع يا بعد اخوك رووح
عزّهَ: عليي سَنددد جبتك عون صرتلي فرعون! ول احفاد الهمج اطلعوا براا
هدآم گام وعَزّآم دخل للغرفه يكمل عليها
عَزّآم: أعصابج Miss عزّهَ أعصابج
هدَآم وعلى اطلعوا برا ابويا رايدكم.
عزّهَ: هاج تفضلي كملت السبحه.
علي سَند: امشي اخويا امشي اساعدك حتى نكمل على وگاع الليله. چا شني نخليه يتهنى بالجيلكان الديفول منه!
عَزّآم: على دخيل اسمك اطلع برا
هدآم بعد فار دمه بزياده اخذ موبايله والسويچ طلع ورگع الباب بقوه وعلى سَند طلع وراه هو الثاني ابتعدت عزّهَ وتقرب يطمئن عليه
عَزّآم: شلون صرتي بويا هِلال
هِلال: عَزّآم ما بيه شي فدوه اللحگو خطيه وگاع
گعدو يمي اردفت عزّهَ
عزّهَ: ولايهمچ على سَند وياه ما يتصرف اي تصرف تهوري.
عَزّآم: هدَآم يعصب بسرعه بس مو غبي حتى يهد على وگاع بسبب غيرته.
گالها ونضرلي بأبتسامه
هِلال: هاي ليش ابتسمت!
عَزّآم: ما مبتسم
عزّهَ: بربج هِلال هذا مال إبتسامه عوفيه مغندب لا تخرب الدنيا اذا ابتسم.
عاين عليها ببرود وآنا بيناتهم اردف عَزّآم
عَزّآم: احم تمام ما دآم Miss عزّهَ يمج آنا اطلع عندي شغله.
راد يطلع اردفت
هِلال: عَزّآم من اجينا للمستشفى هدآم شاف زلمة الجسار بباب المستشفى!
عزّهَ: شنو شنو انتي من وين تعرفيهم.
سد الباب ورجع بهدوء اردف
عَزّآم: تعرفين منو الجسار!؟
هِلال: اي اعرف نفسهم الشركة المنافسه النا بالميناء.
ثنيناتهم ينضرون لبعض اردفت عزّهَ تأكد على كلامي
عزّهَ: اي منافسين النا بالميناء اي، عَزّآم وين تروح عَزّآم.
طلع مستعجل رگع الباب انداريت لِ عزّهَ
هِلال: مو گال عنده شغله عوفيه
هزت راسها حسيتها توترت من شغله بس ما خليت ببالي غمضت عيوني احاول انام لحدما يخلص المُغذي.
على سَند
دخل على غرفة وگاع الكل طالع تحت سحب كرسي وگعد گباله يگعده من تأثير البنج
هدَآم: ها نايم ما نايم؟ انيمك بصف جدك السابع ول همج حفيد الهمج انت تتصاوب وهلال تتبرع شاد ضهرك بيها لو شني
علي سَند: خويا ترا بعده دايخ خاف لا يگوم يجفص ويزيد الطين بله امشي نطلع برا
فتح عيونه يعاين حواليه اردف
وگاع: أم الميانات وينهااا اخذوها قتلووهاا؟
ضربه چم راشدي خفيف حتى يگعد.
هدَآم: گوم ابني گوم لعبت روحي من فصلاتك يوميه متصاوب
وگاع: آنا وين؟
علي سَند: بالنجف بالنجف جاي نحفر گبرك بالأبره اعذرنا على التأخير.
وگاع: أمي وين؟ ابويا وين مو جاين وياكم؟
وآنا ليش ميت چا هِلال ما تبرعت بدمها؟
علي سَند: امك وابوك ورانه بس نخلص هُمه يشمروك بالگبر و هدَآم إلى ما خلاهه تتبرع لعن جد جدك السابع گال خل يولي يموت.
وگاع: وحق جدنااا السابع چذااب هدآم ما يسويها هِلال خل تولي ما اريدها والله مااا اريدها سَند وين ام الميانات؟ معقوله عافتني؟ صدگ هربت؟ عافتني ولكم ما اسعفتني موتتني!؟
هدَآم: مني هاي ام الميانات الضربه مأثره على دماغك!
وگاع: لاااا وحق جدنا السابع عقلي سليم ام الميانات ويا األأمه وييين شلوون اااموت وحدي شلووون وهي تعييش بفضلييي.
علي سَند: االله لا يعوزنا بيوم انقذنا تضل تذلنا بفضلك بعدين گُلي مني هاي ام الميانات ويا األأمه؟ هاي ما تخاف من الله؟
وگاع: ول سَند الگبر شصار عليه خف ايدك خل اخلص من هذا الوجع يااا ربي، بس گلولها يجي يوم و نتحاسب يم گبر وگاع
دخل عمي الأشتر مصدوم من المنظر آنا يم راسه احجي و هدآم بالجهه الثانيه يريد يشمر عليه الماي
الأشتر: على شني ناوين ولد أدهم الدرهم؟ على شني ناوين؟
واحد يعاين للثاني اشرت بعيوني للگلاص هو گام شربها واردف
هَدآم: چنت اشرب ماي وگلت بلكت عطشان.
علي سَند: المگرود ضل يندهلي چآ آنا ضلعه محد يحبه بگدي وگوعي گوم بغلاة جدنا عندك گوم
ضل يون من الألم ويهلوس
وگاع: يااابه راايدهاا من ااالله بعدها منك اام الميااانات راايدهاا ياابه، سَند الگبر شصار عليه خف ايدك
الأشتر: گبر شني لك ما بيك شي ابني
فتح عيونه أكثر ويون من الألم نضرلي يأشر عليه.
وگاع: هذا سَند على سَند جاي يحفر گبري بالأبره يابه ما ما عندك فلوس JCB فضوني يمااا احس راسي نُصين آنا مُطي ابن مُطي گُلتلها روحي راح يقتلوج وهي رااحت يابه غدرت بيه ما قدرت تضحيتي.
عمي خطيه واگف مصدوم من كلامه هدآم گعد يضحك عليه لأن انتهى أمره اول ما يگعد عمي يطيح حظه انداريتله لمن رجع يصيح بأسمي
وگاع: سَنددد صدك تحجي يُماااي بوياااي شلون تشمرووني بالگبر هييجي چآ وآنا مو أول ثمرة حُبكم ول بويااا.
عجزت افسر خزره عمي بلعت ريگ وابتعدت
اجا يم راسه يمسد على شعره ويحجي
الأشتر: هاا بويا عمت عيني اذا شمرتك ول چآ غير انت من روحي معليك بحجي سَند اوكله نعل بس نطلع.
رحت گعدت بصف هَدآم همستله
علي سَند: خويا افزعلي اذا صارت الدگه!
هَدآم: افزعلك بنصيحه، روح صلي فروضك قبل لا نصلي عليك صلاة الميت
نضرتله وتذكرت.
علي سَند: فروضي مصليهن بس عليه 15 ركعة توبه.
هَدآم: ما لومك وأنت جنت بحلفة بيت الجسار تشوف أشكال وألوان من المُحرمات
علي سَند: أگوم أصلي ال 13 ركعه وارجعلك
هَدآم: مو گلت مديون 15 ركعة توبه عن الذنوب.
علي سَند: خويا أول ذنب ما اريد اتوب عنها
هَدآم: يا بعد اخوك نرجع للبيت وخلي عمه يَقين تستلمك دحت من سافرت على روسيا.
نظرت لعمي الجان گاعد يم وگاع
مشيت للباب انداريتلهم.
علي سَند: وحق جدنا السابع بزون بسبع أرواح فوّل الأخ فوّل بانزين من محطة هِلال الأهليه ول خااالي
هَدآم: امشي اطلع برا لاا اطلع بروحك امشي.
رُقيه
بعدما طلعو من البيت ثنينا جنا بمكاننا اجت حبوبه تحظنا تبجي وتحجي ويانه
سُعاد: لا تبچبن بنياتي ما ربيتچن عالضعُف
لحد اخر نفس يضل بيه لا راح اسمحله يجبرچن عالزواج ولا راح اسمحله يستخدمچن ورقة لعب على اعدائه.
وَدق: سُعادي لا تعوفينا نضيع بلياچ دخيلج لا تعوفينا مالنا غير االله ثم أنتي.
شدت على حظنا بعدها وَدق ابتعدت وراحت شويه واجت بإيدها علبة اسعافات أولية تربعت گدامي عالأرض سحبت إيدي وبدت تعقم الجروح امسح بعيوني وأتأملها شفايفي ترجف رجف وآني البچيه ما فارگتني ضليت هيج اتأملها واشوف خوفها وحُبها إلى بحيث من تراكم اللچمات بگلبي ما چنت احس بالألم من إيدي كملت ونضرتلي بإبتسامه
وَدق: انتبهي على ايدج رُقرقه لا تخليها تتبلل بالماي
رُقيه: تعاليلي يا روح رُقرقه تعاليلي يا عمري.
حظنتها بكل قوتي اردفت حبوبتنا وهي حاسه بالفخر بينا
سُعاد: ابقو هيج گلبچن على بعض ابقو هيج لا يوسخجن كلام الحُساد والحُقاد بنياتي
رُقيه: بعيوني اخليكم انتي وهيه.
ضلينا هيج بعدها گمنا وَدق راحت ويا حبوبه على غرفتها وآني صعدت على غُرفتنا دخلت لگيتها مگلوبه فوگ وتحت مفتشينها ما هتميت لأن اكيد مراح يلگون شي.
شلت لابتوبي من بين الأشياء وخليتها عالچربايه فحصت الغُرفه كُلها خاف مخلين كاميرات مراقبة ما يُؤتمنون هذوله بعدما دورت زين گعدت نزعت الشوز وطلعت كرت الذاكرة.
رُقيه: نشوف شعدنه ضدكم وخل نشوف منو أبن الأشتر أول أعداء عدوي.
فتحت اللابتوب بكلمات مُشفره يُصعب فتحها إلا إذا يتهكر اول ما فتحته طلعتلي صور الدُخلاء وهو نَائل مجرب يفتحها والنضام الأمني ماخذله صوره.
رُقيه: ههه والله حَمقى كُل عقلكم تفتحون لابتوبي؟
حذفت صورهم و بلشت بشغلي خليت كرت الذاكره باللابتوب دخلت للملف قبل لا اشغله لبست هيتفون إحتمال مخلين مُسجلات صوت الحذر واجب، شغلت الفيديو. وبديت اشاهده
شلون البيوت كُلها نفس التصميم والمساحة
جنت احجي بعقلي للأمان لحدما يجي الصبح ونفتش الغرفه
رُقيه: معقوله كُلها قصور الجسار؟
كملت الفيديو لمن طلع گدامي وشلون هددني كُل هذا و شكله ما مبين لأن لابس كمامه.
رُقيه: على شنو چآن يدور بنفس المكان؟
الف مره اوگف الفيديو واكبر الصوره ملامحه ما يبين.
رُقيه: هو تعرف عليهَ بس آني حتى إذا شفته بالشارع ما اتعرف عليه شنو هل حاله هاي انوب همج يگول ام الميانات شنو گلت آني!
نسخت الفيديو وحفظته بأكثر من ملف
نزعت الهيتفون ضليت اراجع الساعات الماضيه قبل لا ارجع للبيت تذكرت كلامه من گال.
وين شايفچ من قبل شكلج مو غريب عليه!
گلتي خل نتناقش؟ اووه اسلوب مُحاماة أسلوبي النقاش بس النقاش على طريقتي سواء بگاع المحكمة او بگاعي.
كفيلج جدنا السابع احساسي ما يخيّب شايفج من قبل وسامع نفس الميانه ويا ألأمه بس وين ما اتذكر.
آنااا الأحسن ااآنا ما تشوفين صابر عليج وما مفرغ المخزن برااسج
ام امشي من منا را راح يلحگوني ويقتلوج وياي اامشيي زلم جسار جا جايين.
رُقيه: أسلوبه المُحاماة؟ معقوله مُحامي مثلي؟ وليش أصر على أنه شايفني من قبل؟ وليش چآن خايف يقتلوني؟ يا ربي راح اتخبل من هذا اللغز
گمت اخذت لابتوبي وياي حتى ننام بغُرفة حبوبتي والصبح الله كريم.
أريم
الوقت عابر ال 11 اتصل على سَند بينا وگال وگاع صار احسن عمي الأيهم وهلال راجعين من ساعه هلال فورا راحت تنام ما گعدت ويانه. گام عمي صعد للطابق الثاني همست سيرا
سيرا: غُرفته بالطابق الأول آنكل ليش صعد للطابق الثاني!؟
أريم: رايح على غُرفة هِلاله.
عزّهَ: بشني تحجن؟
سيرا: آنكل ايهوم. أ اقصد عمو ايهم عمو أيهم راح على غُرفة هلال
يَقين: ربي يحفظهم الاثنين ما يگدرون بدون بعض.
ندى: يشوف آيدا بيها مُستحيل يخليها تنام مهضومه!
گامت سيرا باست راس امهاتنا ثنينهن وگالت
سيرا: ملكاتي تاج راسي اروح أنام تصبحن على خير
غمزتلي وفهمتها گمت وراها بستهن
أريم: وربي يحفظجن ماماتي تصبحن على خير، عمه آمل نامت صح؟
عزّهَ: اي نامت يلا لحگيها لحگي المُخابراتيه
أريم: اوي عزوزه العمليه تصبحين على خير
طلعت بسرعه وراها للطابق الثاني شفتهه واگفه وسارحه بيهم وگفت يمها أشاهد بصمت.
هِلال
ما اجاني النوم ضليت افكر بالصار اليوم مُستحيل يُمر يومي إذا ما صارت مُشكله ويانه 18 عايشه بينهم يوميه مُشكله يوميه واحد متصاوب منهم اليشوفنا يگول عايشين حياة الرفاهية والراحه بالفلوس وثراء العدنه.
حقهم هُمه ما عايشين أيامنا حتى يفهمونا حياة عباره عن أعداء من جميع الجهات بنات يشيلن سلاح ويوميه واحد منا يتم مطاردته بالسيارات والاسلحه حياة عباره عن رُعب حقيقي دا اعيشه بعدما قتلو امي ورجعنا للعراق مسحت عيوني سمعت صوت خطواته بالباب سويت روحي نايمه ومنطيه ضهري للباب دخل للغُرفه تنهد تنهيده وتقرب بصفي رفع أيدي بهدوء وباس اسوارة أمي
الباشا: آيدام مشتاقلچ بگد رحمة الله شوگت الگاج.
عصرت عيوني احاول ما أبچي نزل أيدي يمسد على شعري باس بعض الخصلات تنهد تنهيده بألف يا على ما كتمت البچيه إلى ببلعومي سمعته يحجي بهمس
الباشا: آيدام إيمار چآن مزاعلني واليوم أمانتج الثانيه هم زعلانه مني، وينچ عني يا روح الأيهم
هِلال: بااباا
انداريلته منهاره أبچي حظنته بكُل قوتي وابچي أبچي وهو بس يمسد ويبوس بشعري.
الباشا: اشش هِلاله لا تبچين دموعج چنها دموع امج تچوي گلبي من اشوفهن بعيونچ لا تبچين يا روح الأيهم أنتي
هِلال: بابااا فدوه اروحلك سامحني اذا قهرتك فدوه والله احبك مالي غيرك مُستحيل ازاعلك وعلى مستحيل ازاعلك
الباشا: ما مصبرني على فراگ أمچ غير عيونچ هِلال لا تبچين بابا لا تبچين وعلى الضرغام ما تقهريني بنيتي أنتي لا تبچين
هيج ضلينا حاظنين بعض شويه وابتعد اردف
الباشا: أريم سيرا تعالن!
دخلن الاثنين وعيونهن مليانات دموع ابويا فتحلهن ايده اردف
الباشا: تعالن حبيباتي تعالن عليمن تبچن
دفعت أريم وركضت اول وحده وتحجي
سيرا: اوي دِ وخري اروح اول وحدهه
أريم: سيراا على كييفج شبييج
اجن الاثنين حظنو ابويا وبابا فرحان بيهن حظنا احنا الثلاثه
الباشا: بناتي الحلوات تتجسسن علينا وبعدها تبچن؟
سيرا: چآ شنسوي هو انت مو بس فاذر حنون أنت آنكل حنون همينا.
أريم: عمو عوفك من الطرگاعه تشمر ثقافه انگلشيه حاجيني انت ماكو بحنانك مرات اريد أگُلك علم ابونا خل يصير مثلك.
هِلال: لا تذبن ميانه ويا ابويا ترا اغار
أريم: بربج أنچبي خل اكمل
باسنا من شعرنا ثلاثتنا بحظنه اردف
الباشا: احجي أريما احجي بنيتي
سيرا: آنا احجيها. مرات نتمنى ابونا يكون مثلك هيج يحظنا ويبوس بينا قبل لا ننام.
سكت شويه واردف.
الباشا: ابوچن يحبكم يحبكم هوايا بس ما يبين يعني خلي نگول شويه رافع خشمه ابو الدراهم
رافع خشمي! وأبو الدراهم!
رفعنا راسنا عاينا للباب عمو أدهم وعزّهَ واگفين
الباشا: چآ شني وعلى الضرغام من يوم يومك هيجي. آنا شني گتلك من الله رزقك بالبنت الثالثه؟
سيرا: اوي هذاي آنا مسك الختام
دخل للغرفه مبتسم وهو يحجي بهدوئه المُعتاد لاحظت عزّهَ ماخذه من اطباعه.
الأدهم: گتلي مؤنساتُ غاليات وأنت من المبشرين بالجنة واحظنهن بعيونك قبل لا تحظنهن بضلوعك.
گعد ولم الاثنين بحظنه وآنا بحظن بابا اعاين عليهم شفت عزّهَ واگفه بعيده والابتسامه على وجهه اندار عمي مد ايده اردف
الأدهم: عزّهَ تعاي بابا ليش واگفه.
لا إراديا لمعن عيونها بالدموع بدون تردد خطت خطواتها بإتجاه وكانها جانت منتظره هاي الكلمه من ابوها كُل هاي السنوات المرت اول مره اشوف عزّهَ هيج متأثره باس راسها وحظنها ويا خواتها اردف
الأدهم: الله شاهد احبكم انتو الخمسه بدون تفرقه عزّهَ بابا انتي بنيتي الچبيره معتمد عليج بكُلشي وبعد كلام عمج أدركت مقصر وياج ومحملج فوگ طاقتج بويا
الباشا: ول حياالات نسيتوني لمن الدرهم لمجن بحظنه.
الأدهم: بااشاا إلا گدامهن شبيك خويا!
سيرا: هِلال بلييز موبايلج خل نتصور
خاف ما تتكرر.
انطيتها الموبايل وبدت تصور فيديوهات وتنزله ستوري لو ترسله للگروب العائلي والشباب موجودين عالخط يشاهدون. شفت عَزّآم بالباب يعاين على عزّهَ الجانت تضحك وتعارك سيرا على مكانهه بحظن ابوها رفع موبايله يصورها من بعيد مرر اصابعه عالشاشه يكبر الصوره عليها فرحت على فرحه بشوفة عزّهَ سعيده. نزل ايده تراجع من يم الباب ومشى بعدها عزّهَ رفعت راسها تعاين للباب نظرتلي تأشر بعيونهه منو؟
هِلال: محد محد.
الكل نضرلي وعلى وجهه علامة استفهام
أدركت جاي احجي بصوت عالي مو بإشاره
طمست السالفه اردفت
هِلال: محد ان شاء الله محد يفرقنا.
ضلينا هيج نسولف لحدما الوقت عبر 12 بنص الليل بعدها كلمن راح على غرفته.
ال بتراء
اول ما فتحت عيوني لگيت روحي جنت على ارضيه وسخه إلى أبعد حد أرضية وجُدران لونها مايل للرماد الداكن من الوسخ مكان مقرف بشكل كبير ساعات طويله مرت وآني بهايه الغُرفه
المُقفله غُرفه غير عن الغُرف إلى جنت انسجن بيها هل مره غُرفه وسخه غُرفه عباره عن أشياء مُخيفه آلاف العبارات الغريبه مختومه باللون الأحمر على الاربع حيطان، مُعدات طبيه وسديه بالنص جنت راح اتخبل من منظر المكان قريت اول عباره.
-(الجحيم لا يختلف أبدا عن هذا المكان. )
-(العائِلة هي السبب الأول للأضطرابات العقليه)
-(لم يَكُن ليُسجن لو لم يُطرد من المدرسة)
-(لم يَكُن لِيُجن لو لم يتمادَ في ظلم الآخرين)
-(ربما شعور الحُرية مُجرد وهم! )
- (إنها حياة واحدة وجعلتموني أعيشها العشوائية)
-(لو وجدتُ من يسمعني لتركتُ الجُدران وشأنها)
ابتعدت من يم الحايط مخليه ايدي على شفتي الترجف من رهبة الكلمات اردفت.
بتراء: دخيلك يا على سَند دخيلك يا على سَند آني وين هل مره وين آسرني هل مره
فزيت على صوت الباب إلى مزنجر ويطلع صوت كُلنا ينفتح دخل خياله قبله تراجعت ضرب ضهري بالسديه فزيت دخل وقميصه الأبيض صاير احمر من الدم كتفه متصاوب
بس يمشي كأنه ما بي شي للحظه شكيت بي يكون من البشر من قوة التحمل عنده ما يحس بالألم نضرلي من فوگ لتحت وعلامات التَعجُب على وجهه اردف بنبره هادئه بعدها صرخ.
جاسر: نَائل ليش جابج هنا؟ نَاااائل لييش جاابج هنااا
نضرت بالمكان بعدها اردفت وآني اتقدم بدون خوف منه
بتراء: تسألني آني.؟ ليش أخوك جايبني لهيج مكان قذر مثلكم؟
هجم عليه سحبني للحايط يخنگ بيه ويصييّح بوجهي
جاسر: نَائل شلووون يجييبج هنااا يريد يخبلللج يرييد يخببلج مثله.
بألف يا على يطلع صوتي حجيت
بتراء: ش شماا تسوون م مااا تگدرون تخبلوني م ماا تگدروون ل لا تسوي روحك ما تعرف ش شي وهُمه يشتغللون تحت امرك.
جاسر: باااقي بس يحجييلج شني يسوي بهذا المكااان.
وگعت عيني على عباره قرائتها
بتراء: -(البؤس عود كبريت لا ينطفئ وإن انطفى يحرق الجميع)
جاسر: اااسكتييي لا تقررين لاااا تقررين شييي لااا تقرررين
قريت العباره إلى بصفهاا
بتراء: - (أعزائي ليس الظاهر حقيقة كُلّ شيء)
- (كُلنا مرضى نفسيين لكن بدرجات. )
سد حلگي حتى اسكت ويصييّح بكل قوته
جاسر: ااخلص عليييج وعلى هذاااك المرريض ااخلص عليييكم اااسكتي.
نفس الصوت تكرر وانفتح الباب دخل وهو وجهه مغرگ بالدم يبتسم ويردف بكلمات عبارة لاحظتها متكرره بخط أكبر على الجُدران، اردف
هنا تنتهي حياتكِ.