رواية ولد الباشا للكاتبة فاطمة الأحمد الفصل الثاني
آيدا
فجأه حسيت بإيد على ظهري وصوت
ثكيل لشخص ثمل وصلني ارتعشت
شتسوين هنا بوحدج يااا حلووة؟
انداريت موسعة عيوني كل جزء بجسمي گام يرجف لمن شفته! شخص سكران وديشرب فوگ راسي
فزيت من مكاني برعب تعثرت وابتعدت
مشيت بسرعه مبتعدة من الرصيف
مكملة طريقي حسيت الشخص وراي يمشي
من بعيد اسرعت خطواتي، لكن لمن التفتت لمحت.
اخواني همه إلى لاحگيني من بعيد! لا إراديا اسرعت خطواتي اركض بشوارع إزمير والدنيا نص ليل أبچي أگول يا الله
عبرت اول سايد. ركضت حته اوصل للثاني
اجت سيارة مسرعة ضربتني واذني صار بيها صوت قوي لمن راسي ضرب بالگاع والدم غرگ ملامح وجهي
وآني مفتحة عيوني اشوف اخواني لمن شافوني هيج عافوني.
آني اخواني لمن شافوني غرگت بدمي عافوني
ما تلاحگوني! بهل لحظة تمنيت لو ميتة مباشرة أحسن لا اشوف هذا المشهد!
حركت حدقة عيوني الدم والدموع اختلطت بعيني
گوه اشوف خيال الرجال اللي ضربني يلمني لحضنه يحاول يحاچيني
الباشا: ي بنيه ي بنيه دخيلك يا على يا ضرغام
عاينلي وفتح الشال، وآني بس احس الدموع تنزل من طرف عيوني واشوفه بصورة غير واضحة
الباشا: دخييلك يااا على افتحي عيُونچ دخيل علي
افتحي عيُونچ لا تغمضيهن لا تغمضيهن
شد إصابة راسي بالشال ورفعني من الگاع لحضنه يمشي بيّه لسيارته واسمعه يگول
الباشا: دخيل اسمك ربي.
بس لا يصيرللها شي بسببي دخيلك يا علي.
الأشتر
الساعه عبرت ل 1: 30 و أيهم بعده ماكو
ومنا أدهم ظل باله يجي ويروح يگول خاف سووله شي.
الأشتر: هسا تلگاه يم بيت المسعدة
ام الشعر التمري.
الأدهم: دخيل الحُسين انچب
خاف زلمة جسار كضوه واخذو؟
الأشتر: ياخذون الباشا؟
ول خااالي اخونا حارووگه اذا ماطلع حارگ إزمير
علي راس جسار و بجليكان بانزين واحد!
اطلع كلشي ما افتهم وحق جدنا السابع
الأدهم: هو عبن حاروگه
خايف لا يستهتر والحُسين ماله رداد مسودن.
الأشتر: دخيل اسمك يا جدي
واحد حاروگه والثاني مادچي يكرف فلوس
الأدهم: وااانت كلمه والثانية تگمز جدك السابع بگبره
الأشتر: وحق جدنا السابع ازاعلك اذا تحچي على جدنا. واصاحب غيرك اسويها وحق جدنا السابع!
الأدهم: بس لا تجيب طاريه انغثث
راد يحچي دگ التلفون الأرضي
الأشتر: يمكن هو؟
رحت شلت الاتصال رديت
الأدهم: الو؟ شلون؟ شلوون وينك؟
المستشفى الحكومي؟ الأهلي الأهلي تمام جاينك
لا نجيبه ويانه. نجيبه الله وياك.
الأشتر: لااا تگول طگوه بطلقة.
الأدهم: اانچب وگول اسم الله
هو الضارب بنيه بسيارته وهسا نقلها للمستشفى الأهلي بمنطقة - - - -
الأشتر: ياا خووفي تطلع المسعدة وتكمل
الثالثه الثابتة
الأدهم: أشتر ااشتر لخاطر جدك التاسع روح جيب الأوراق والفلوس بدون هذا الحچي البنيه بالعمليات
الأشتر: السابع السابع.
الباشا
جنت واگف عد باب غرفة العمليات
تقدمت إحدى المُمرضات شايلة بإيدها أغراض البنية
اجت گدامي وگالت
-تفضل أغراض المريضة
اخذتها من إيدها وشكرتها
هزت راسها وراحت، وآنا گعدت على إحدى
كراسي الإنتظار، فتحت الچيس الورقي چآن بيها الشال و أسوار من الخرز البحري الشال چآن كله دم واتمعنت بالاسورا
الباشا: بت نِضال آغا تلبس بإيدها
أسوار خرز بحري؟
بهل اثناء اجو الأدهم والأشتر
رجعت الشال للچيس والأسوار خليتها بجيبي.
گمتلهم
الأدهم: الحمد لله على السلامة
خوما بيك شي؟
الأشتر: يا خوية ما تشوف وجه مخطوف لونه
مهدود حيله على أم الشعر التمري. ماتت لو عايشة؟
الباشا: أشتر مو وگت حجيك، البنيه اذا صارللها شي
شلون اوگف جدام الله!
الأدهم: ايهم عوفه سوي روحك ما سامع الأشتر
هو طول عمره هيچ بنص المصايب يذب حچي، انت اهدى شبيك شدعوة ان شاء الله خفيفه وتگوم منها
الباشا: ان شاء الله ياا علي.
الأشتر: هم زين ما عدنه خوات عزبات ننطيهن فصلية ابدال دم بت التركية.
الأدهم: ااشتر والعباس طوختها!
الأشتر: اريدن تتكحل عدل، اي حاروگه
شلون صار الحادث وانت شصار وياك؟، ما تحچي؟
تمام لا تحچي، آنا احترم خوفك عليها واحترمك
اليشوفك يگول المرحومة مرته وعنده درزن جهال منها.
الأدهم: ول شبييك ما تكض لسانك؟
الأشتر: ما اكض لساني اليحچي الحق.
طلع احد الممرضين يركض مستعجل گمت واسألهم
الباشا: خو ما بيها شي، البنيه؟
احجي شصار؟
الأدهم: عوفه خل يروح!، عوفه
-- المريضه تحتاج متبرع للدم بسرعة
الأشتر: عمت عييينكم، يعني مستشفى شكده شكبره ماعندكم بطل دم؟
الأدهم: يرحممم جددك كض هذا اللساان مو وگتتك
الباشا: آنا اتبرعلها
-- زمرة دم المريضه O +
الأشتر: زمرة دم أخويا همين O+
-- حسنً تعال معي
الأدهم: روح آنا هنا لا يضل بالك
الأشتر: راح أيهم وي الممرض يتبرع، وادهم اندارلي يگول
الأدهم: ما تعرف تكض لسانك؟
الاشتر: لا ما اعرف اكض لساني.
عمت عينهم مستشفى شگده شكبره ما عدهم بطل دم، فوگاها اخونا تسودن شله بيها وصلها للمستشفى هذا هو عليش نورط روحنا وي بيت الآغا؟
الأدهم: والله عيب عليك هذا الحچي.
الأشتر: احترمك والله. ما لگى طرگاعه يورطنها بيها
غير وي عشيرة إزمير؟ وي بت الآغا نضال؟
الأدهم: اذا همه أكبر عشيره بإزمير
احنا أكبر عشيرة بكُل العراق
الأشتر: أدهم احلفك بجدنا السابع
اكيد ما تقصد نجيبهم مشية للخاتون؟
الأدهم: و الزهرة كلشي اتوقع من الباشا.
الأشتر: لاااا هل مره صدگ دخيييلك يا على يا ضرغاااام ألحگنا
الأدهم: صوتك همج.
بينار
دخل دامير وگف گدام أبوه وگال
دامير: ضربتهه سيارة عالطريق السريع بنص إزمير.
بينار: اااختك اااختك شلوون تعووفها شلوون
أرغد: بنتج لطخت آسم عائلتنا بالطين جانت تواعد شاب بالمزرعة!
- بنتي! بنننتي! منوو يتلاحگها منوو، شلووون تعوف اختك شلووون ولكم ياااريت ما خللفتكم ياا عااار
لزمني من ذراعي يجرني وياه يدخلني للغرفه
نِضال: فوتي جواا بنتج شوهت اسم عشيرة تستااهل المووت
قفل الباب واني أبچي اندارلي وگال.
نِضال: ما فرقتها عن ولدي الاثنين!
دللتها وصرفت عليها 24 سنه بدون كلل
او ملل بس بنتج طلعت ساااقطة شوهت
أسمي واسم عشيرة بأكمله. بينار بنتچ شووهت اسم عشيرة!
بينار: حجيك هذا صار 24 سنة كلما صارت مشكله اسمعه!
نِضال: ااانتي السبب! انتي ما عرفتي تربين
بنيية بس بنية وحدة چآن عندچ وما عرفتي تربين!
بينار: ربيتهااا وما متندمه على تربيتي
الما عرفت اااربيهم هُمه أرغد ودااامير.
ماا بيهم ذذذرة رجووولة شككوو بشررف اااختهم وتربية ااامهم
گام ضربني ويحجي
نِضال: يوسف شااافها بالغرفه وياا اابن الحرام
شافها وياه!
رغم تعنيفه إلى ما سكتت ضليت
احجي وادافع عن بنتي، ابجي واصرخ
بصوتي لعله يسمعني ويفهم
بينار: هو يوسف رااد يعتتتدي على
بنتي هووو اللييي راااد يتعدى على بنننتي
حدوده
-لا يطلع حسسچ. لا يطلعع
-بنننتتي بخير بفضل الله وبفضل ذااك اابن
الحلال!
عافني وهو يسب ويغلط عليّه وعلى آيدا.
طلع برا الغرفة واسمعه يگول لآرغد ينطي خبر لعمامه حته يجتمعون بخصوص خبر موت آيدا وشلون يطمون السالفة.
الأشتر
بعدما تبرع بالدم رجع عد باب غرفة العمليات
أدهم نزل يدفع التكاليف وآنا بقيت وي الباشا
شويه وطلعوها من العمليات گام يريد يمشي وياهم
كضيت إيده گلت
الأشتر: وين يمعود عوفهم يدخلوها للعناية
نتر أيدي نظرلي بخزرة گال
الباشا: أشتر اايدك تنزلها والأفضل
ما تنطي رأيك بالموضوع. ما عليك بي!
الأشتر: تمام ما صار شي.
عافني ومشى وياهم للعناية وبالباب وگفوه وگالو
-- غير مسموح بالدخول
اشرتله بصفي وگلت.
الأشتر: تفضل أغاتي تفضل استريح
غير مسموح بالدخول.
خوزرني اجا بصفي دفر رجلي وگعد بصفي گال
الباشا: على هذا أسلوبك الخايس المفروض ادير لتر بانزين عليك وانعل جدك السابع. بس دمعة أمنا تشفعلك
حاوطت كتافه وحچيت
الأشتر: وحق جدنا الساابع ماا تسويها تربية ناااهد
الأدهم رجع ومن شافنا ابتسم وگال
الأدهم: هاا أشترر گمت تصبغ، لازم ذاب حچي
ومترزل؟
الباشا: وعلى الضرغام صاير ما ينجرع
هذا شلون راح يصير أب ويربي!؟
الأشتر: اذا بيكم خير آنا اخلف
وانتوا ربولي جهالي Tamam اخوتي.؟
الباشا: لا يا على يااا ضرغام
لييش تجبرني ااارشك بلتر بااانزين؟
گمت من يمه تراجعت لورا احچي
الأشتر: اذا بيييك خير رشني بورد بورد ول خااالي
الباشا: ااذا بييك خير ابقى بمكانك گايملك
ظل يخوزر وآنا أبتسمله عفتهم ونزلت جوا للطابق الأول.
يَقين
ضليت گاعده للفجر انتظر اتصال منه عالخط
الأرضي مر يومين بتركيا ما راجع ولا آني
اگدر اسأل بيت اهله ما اعرفهم ولا ملتقيه
بيهم احتمال حتى هُمه ما يعرفوني
ابني گام يبچي رحت للمهد مالته اهزه
حتى يسكت ويرجع ينام ما يسكت ظل يبچي
يَقين: تااالي وياااك بس كافي تبجي
كافي تبجي تعبت تعببت
خليت راسي بصف راسه أبچي
علي ضيمي والقهر.
يَقين: يَ روح أمك انت كافي تبچي
ينهد حيلي من اشوفك تبچي كافي دخيل الله.
سكت شويه ورجع نام غطيته وگعدت
حاضنه رجليه ابجي بسكته على كل شي مريت
بي الساعه عبرت 4: 30 الفجر، دگ التلفون الأرضي فزيت من غفوتي ركضت اجاوب
يَقين: اا ألوو؟
- اي يَقيني آنا، شلونج غلاي
غمضت عيوني ابجي بسكته، اخذت نفس وحجيت
يَقين: شوگت ترجع تعبت ما ضل
بيه حيل ابويا اليوم اجا يريد يرجعني گوه!
اني أبچي وهو ساكت، اجاني صوته گال
- اخو خيته الياخذج من عندي
خاف ناسي شمسوي والكفل مولاتي زينب
هل مره اصفيهم واحد واحد.
يَقين: بعد ما اگدر تعبت كافي ارجع
- باجر المسا اتوجه للحدود ومناك يومين
يلا اوصل أريدج تصبرين بس چم يوم يَقيني
بس چم يوم
يَقين: واذا رجع هددني شلون؟
اختفى صوته شويه و رجع يحچي گال
- يَقين لازم أنهي الإتصال آنا راجع وعلى راجع بس اصبري
يَقين: ألوو. الو
انقطع الإتصال رجعت التلفون لمكانه وابچي بحيرة ما ادري شلون تكضي هل يومين، رحت لفراشي وابني بصفي ما جايني نوم.
آيدا
مكان بارد اضويه قليلة واسمع صوت إحدى الأجهزة الطبيه عرفت نفسي بالمستشفى عيوني مستثگله تبصر حاولت افتح عيوني شويه درت راسي
علي يميني لمحت خيال شخص چآن
گاعد، گام لمن نظرتله بس فهمت من كلامه الجمله التركيه جميلتي
الباشا: الحمد الله على السلامة
درت وجهي على اليسار ادور على شخص من عائلتي
وعيوني تدمع حچيت
آيدا: ويينج يمه
گال يروح ينادي الدكتور، حركت إيدي طخيت ايده أبچي واحچي
آيدا: أريد امي.
ابدع إيده بهدوء وراد يطلع من الغرفة سمعت صوت زلمة بالباب وگفو يحچون
الأدهم: رديت للبيت خليت الفلوس
بالقاصه عبن المستشفى مو أمان
الباشا: هو انت هذا همك
الأدهم: ليش أكو اهم منها هذا تعبنا
الباشا: الساعه عابره 7: 30 الصبح
مو جان لازم تمشون من ال6: 00؟
الأدهم: نمشي بعد العصر عبن نريد نتأكد
زلمة جسار راجعين للعراق قبلنا
الباشا: يمكن ما ضالين؟
الأدهم: حرگتهم؟
الباشا: لا ما ضل عندي بانزين.
وسمعت صوت شخص ثاني برا استغفرالله ويصيح
الأشتر: شبيييكم ما خليتوني انام
دهووم هذا منو الگعد حظه وما حارگه الباشا؟
الأدهم: زلمة جسار
الأشتر: هذا متسودن وحق جدنا السابع
تگوول مرته هلگد مهتم الها مووو تحسونهه غريبه؟
الأدهم: بشرفك ارجع نام احسنلك
هسه تجفص بكلمه وتروح بستين داهيه.
بينار
نزلت الدرج سمعت اصواتهم بالصالة گال يوسف.
يوسف: دورت وراهم، دريت الشاب ماخذها
للمستشفى يعني عايشه. ما ماتت
نِضال: أرغد تنطي خبر لعمامك يجتمعون
بالمجلس اليوم بعد الظُهر
دامير: آيدا تبقى بالمستشفى
والشاب يضل عايش ما نقتله؟
يوسف: عوفوهم آني اخلص عليهم ثنينهم
دامير: اختي مالك دخل بيها احنا
نتصرف بس العليك ابن الحرام هذاك ما يظل عايش
متت رعبه اذا ابني هيج يفكر بأخته
ما اعتب على ابن عمها ضليت اسمع الهم.
بلكت اعرف اسم المستشفى حتى اتلاحگ
بنتي.
نِضال: الشباب عرفو بيا مستشفى؟
يوسف: اي بمستشفى الأهليه
تراجعت اصعد لغرفتي لازم اروح قبلهم
دخلت للغرفة ما اندل دربي مثل المخبله ابجي واطلع الهدوم حتى أبدل بسرعه، وگفت لمن دخل
نِضال: وين تطلعين؟
بينار: م ما اطلع وين اطلع
رجعت الفستان، تقرب لزم حنجي
دار وجهي عليه
نِضال: جنتي بتبچين؟
بينار: لا
تغير ملامحه وگال
نِضال: لو دريت مسويه او تسوين شي.
من ورا ظهري تقرين على روح بنتج السلام
عافني وطلع خفت يقفل الباب گمت ورا
شفته ما قافلها رجعت اخذت الفستان
ابدل مستعجله، كملت ونزلت للصالة
محد ماكو اربعتهم طلعو، وآني هم طلعت من البيت
بدون توقف لحد ما وصلت موقف الباصات
صعدت اول باص متجهة للمدينه.
الباشا
طلع الدكتور بعدما تأكد من صحتها وأنه
الجرح بسيط بس نزفت دم هوايا انطاها
مُسكن ونامت. تلاگيت ويا الأدهم برا
الباشا: صاير شي وياك؟
الأدهم: لا ماكو شي الأشتر وين؟
الباشا: راح يدور ورا يوسف السكيرچي
الأدهم: نفسه ابن عم البنيه؟
الباشا: اي نفسه، منا للمسا انهي سالفته
الأدهم: دخيل الحُسين اجينا بشغل
فليش تدخلنا بسوالف احنا بغِنى عنها؟
الباشا: تمشي وراي لو بصفي؟
الأدهم: بصفك اكيد.
الباشا: چآ تعاوني، تعاون أخوك بدون لا تسأل ليش وشلون.
الأدهم: هسه المطلوب؟
الباشا: تدبر كمية من
الأدهم: باشا. هاي مُخاطرة!
الباشا: چآ دبرلي جليكان بانزين!
الأدهم: لا حول ولا قوة الا بالله العلي العظيم
أنت كلمه والثانيه تريد تحررگ ماا عندك إختيار - 2؟
الباشا: انت رفضت الإختيار - 1
وهذا هو الإختيار - 2!
الأدهم: والحل؟
الباشا: ياما تدبر كمية - - - - - - او جليكان بانزين خوش؟
سجى
المفروض اليوم المسا يرجعون
ندى طايره من الفرحه ما مصدگه الأدهم
راجع لو أمل من الصبح بوضعها هذا
نازله غسل وترتيب بالغرفه رحت اخذت من
ايدها المكناسه
سجى: جيبي جيبي هو انتي مال تكنسين
ولج شبيج بطننج يمعوده
اخذتها من ايدها، كنست غرفتها
كملت انداريت الها تبتسم بوجهي
أمل: جا آني شلون حظ عندي
رربي يحفظج ولج سجييوا شكد احبج
اجت ندى شايله بنتها
ندى: بربج أموله شوگت تولدين
مو صرتي معوشره والزهرة
سجى: صددگ ولج؟
أمل: شنو صدك شبيجن هديتن عليه
وحق الله بعدني سابع يوم بال9
فزينا من صوت مرت عمي
ناهد: ضلن احچن ما يخلص الحچي
عدچن؟ امييله منو گاايلج تگوومين
امل: عمه هسا ارجع گلت اساعد
سجى وندى خطيه
ندى: والله محد غيرج خطيه
شوفي بطنج، معوشره
سجى: ندى شبيج وياها
ندى: والحُسين اشاقيها
ناهد: ندى روحي لبيت اهلج
أمج كل شويه تدز مزعط وراج
وانتي سجييوا ااابنج ويين
بياا گاع الله ذابته؟
سجى: سووده عليه وعلى جان بالمطبخ.
اخر مره سوده عليه خل اروح اجيبه
ناهد: طاح الله حظ هيج چناين ااابنج
بالهول ياا خببله بالهوول مخليته
بالعربانه، صوجي والله چنه اخبل من الثانيه
أمل - راحت سجى لأبنها وندى لبيت اهلها
بقيت آني لازمه ظهري عاينت بعمتي حچيت
أمل: عمه فدوه أعصابج
ترا اني أعقل چناينچ وحق جدنا السابع
ناهد: مررت الأشتر شترجى منج
تحلف بجدها السابع خببله بنت خببله
هو لوو ااانتي واابني عاقلين مجان
الله جمعكم سوا وااحد اخبل من الثاني.
أمل: أعصابج عمه أعصابج
ناهد: امييله ارجعي لغرفتج
لا وحق على حتى مستشفى ما يلحگوج.
آيدا
من الفجر لحد هسه صرت أحسن
بس ماكو احد يمي تمنيت لو امي وياي أو ابويا ساندني وما كاسر خاطري أو اخويا ساندني وما كاسر ظهري
مسحت دموعي استرجع الذكريات القديمه
شلون اعتبرتهم أخواني الحقيقين وشلون
اعتبرت بابا نضال ابويا الثاني! كلشي تدمر بسبب قلة ثقتهم بيّه اخذت نفس عميق احاول اتنفس طبيعي
بهل اثناء انفتح الباب درت وجهي اشوف منو دخل
وسعن عيوني بصدمة كل جسمي انشل لمن گال
يوسف: بعدج عايشه يا ساقطة يا؟
عيوني ما اشوف بيهن كل جسمي يرجف الدموع مالية وجهي وهو يتقدم ويحچي بطريقة غريبة
يوسف: رفضتيني ورفضتي حبي
لأن عندج حبيب!؟
آيدا: ي ي وسف ش شتريد
طلع السچينة عيوني رادن يطلعن بلعت ريگ وانهارت اعصابي أبچي
يوسف: بالحالتين لطختي اسمي
واسم عمي بنت بينار مع الأسف صدگ
چنت معتبر نفسي ابن عمچ وانتي بنت عم
وچنت راح اتستر عليج بس بعدما ابن الحرام
لعبة لعب بيچ.
آيدا: ل لا لا لا ي وسف.
- هو انقذج مرة ثانية بالثالثه آني اختمها بدمچ.
أبچي وكل جسمي مشلول من الخوف، اتوسل بي وهو گدامي والسچينة رافعها بوجهي
آيدا: ي يوسف لا تسوي هيج ل لا ما اريد اموت
دخيل الله يوسف ماا مسووويه شيي والله والله ماا مسويه شيي
سد حلگي يسكتني وصرخ يگول
يوسف: اااسكتي بننت بييناااار الأرمله اااسكتي
مرر السچينة على ملامح وجهي قربها من مكان الجرح الملفوف بشاش بعدها نزل السچينه على رقبتي، گال.
يوسف: ماكو رجعة للبيت فورا عالمقبرة
لأن مستحيل ارجعچ حتى اخوانج يجلدوج
وبعدها يعفون عنچ، لا لا لازم تموتين مو تنجلدين يااا ساااقطه لااازم تموتتتين شلووون تصيرين لغيرييييي شلووون
تخبلت احرك راسي يمُنى ويُسرى
ابجي واصرخ بكل حيلي لكن صوتي ما يطلع لا ساد حلگي أبچي وهو يريد يغرز السچينة برقبتي حته يذبحني لكن
هي لحظات، ودخل نفس الشخص اللي التقيت بي بالمزرعة. بنفس اللبس متلثم، هجم على يوسف لزم.
رقبته من ورا سحبه وياه وضل يضرب راسه بالحايط أكثر من مره
الباشا: حيواااان چلب ابن الچلب عااار عالزلم عاااار
ويوسف بحالته والدم نازل بطوله گال
يوسف: بسس خل اشوف وجهك
والله عظيييم اخللص عليييييك ااخلص عليييكم
رجع ضرب راسه بالحايط
الغريبه ما فهمت ولا كلمه بعدها گال
الباشا: ول ااادهم طب جوا يابعد اخوك
دخل رجال ثاني ابتسم، يحجون بلهجتهم
بس الضاهر يغني
الأدهم: لعيونك انت ياحلو ياحلو العيون.
مرر بينا مرر بيينا ياا حلو العيوون
عيوني عليهم هم خوف هم صدمة حچيت
آيدا: شديصيرررر مجااااانين
الباشا: ااانتي تنچبين بعدين اتفاهم وياچ
آيدا: اااحجي بالتركي احجي بالترركي
الباشا: ادهم اخذه للمكان المُتفق
عليه بسرعه
الأدهم: تعاااال شلون
ابتليت بروحك ويا اخوت الباشا
ضليت بمكاني يحترگ دمي على تصرفاتهم
المجنونه ما اگدر أگوم او اوگف على رجلي
متأذيه، هذاك طلع يوسف وهذا الثاني تقدم.
شال السچينه باوع بالسچينة ووجهها ناحيتي يحچي بلهجته
الباشا: فالحه بس تبچيين مزعط يهددچ تبچين
آيدا: شتگوول ااحجي بالترركي!
الباشا: لا يا على يا ضرغام
آيدا: اشكرك ما فهمت ولا حرف
خلى السچينه بجيبه وگال
الباشا: لا يا جميلتي لا تشُكريني
بعدنا بسم الله بلشنا
آيدا: تمام.
-: سكتت ما جاوبتها خليها على نيتها
اندفع الباب دخلت مره مبين عليها بعمرال40
تبجي وتنادي آيدا
بينار: آيدااا بنتي عاايشه.
عبرتني راحت تحضنها ما مصدگه بنتها
عايشه وثنينهن يبچن
آيدا: يوسسف يووسف رااد يقتلني والله
والله عظييم دامير همم راد يقتلني
امها اندارتلي وحچت
بينار: اشكرك اشكرك بفضلك بنتي بخير
الباشا: ماكو داعي واجبي
دخل الأشتر للغرفة وطب بالسالفة
الأشتر: كثرررن واااجباتك ول خاااالي
خل تصير مرت الباشا بعدين سميها واجبك
الباشا: أنچب أشتر! سويت الگتلك عليه؟
الأشتر: اي ما خليت مقهى ما گعدت بي
اذعت الخبر بكل إزمير ديره ديره.
وحق جدناا الساابع، بس شلون؟
الباشا: الله كريم.
انداريت ألهن الأم وبنتها وحدة حاضنة الثاني
حاچيتهن بالتركي وگلت
الباشا: لازم تجون ويانه
بينار: لا ابني ما نگدر آني اخذ بنتي
ونطلع على اسطنبول
الباشا: وين تاخذيها! اسطنبول ايش
ترجع البيتها وهي راسها مرفوع بنتج ما مسويه
شي غلط حته تضل تشرد من ديره لديره
بينار: الآغا يقتلك اذا وصلك!
الأشتر: آآمّاان، خل يجرب يطخ اخونا.
الباشا: أشتر مو وگتك، هو ما يگدر يسوي شي.
آيدا: يمه لا تسمعين كلامهم
نطلع على اسطنبول احسن
الباشا: يُفضل تنچبين
آيدا: احجي بالتركي!
الأشتر: اختي الكريمة يگول ما اجبرچ
Sevgili kz kardeim seni zorlayacam diyor
الباشا: أشتر اطلع برا
الأشتر: بس اترجم للأُخت
الباشا: اطلع برا لا انعل جدك السابع
الأشتر: اودعناااكم ول خااالي
الباشا: تروح وي الأدهم رتبو الشغله الوصيتكم
عليها
آيدا: عفواً احجو تركي حتى نفهم
الأشتر: أُختي الكريمة حاولي تتأقلمي.
Sevgili kz kardeim uyum salamaya çal
سديت الباب بوجه وانداريت الهن.
الباشا: يلا لازم نطلع من المستشفى.
بينار: واذا صار شي؟
الباشا: خاله ثقي بيه ما يصير الا كل خير
بإذن الله.
آيدا: وأنت ليش هيج تساعدنا؟
الباشا: مو ضروري تعرفين
آيدا: احجي تركي!
بينار: تمام نجي وياك
آيدا: يمه.
بينار: يلا آيدا بدون مجادلة اني ممنونة ومديونة بحياتچ اله.
امها ساعدتها، جانت عيوني تراقبها
رتبت شعر بنتها دورت على شالها.
الباشا: كله دم ما يرهم
جنت لاف شماغ على نحري، مديت إيدي ألها وانطيتها الشماغ
الباشا: تفضلي لمي شعر بنتچ بيها
آيدا: ما أريده
الباشا: ما أخذت رأيچ
آيدا: ااحجي ترركي!
بينار: آيدا كاافي تجادلين
اخذت الشماخ من إيدي لفت شعر بنتها
وايدها طخت بالجرح فزت من الألم
الباشا: انتبهي!؟
نظرلتلي تداركت الوضع
الباشا: ينفتح الجرح مو زين
بينار: تمام ابني جاهزين.
يَقين
نص ساعة وهمه يدگون بالباب ما فتحتلهم
اعرفهم يطبون يسوولي سالفه شگدها
شكُبرها، الأفضل ما افتحلهم اخر شي
ملو وراحو بعدها بساعتين رجع اندگ الباب
رحت للحوش شفت رجلين طفلة واگف بالباب
اطمئنيت يمكن من يم الجيران رايدين شي
فتحت الباب. وچآن يطلع من ورا الحايط گال للطفلة روحي لبيتكم. دفع الباب بهدوء وطب للحوش
- فاهيه من يوم يومچ
يَقين: حاتم شجابك!
حاتم: اسلم على خيتي؟
يَقين: ماعندكم أُخت ولا آني عندي اخو.
حاتم: ها يعني آنا مو اخوچ؟
يَقين: اقصد ذولاك مو أنت.
حاتم: چآ يَقين خلي عقلج براسج وارجعي
هذا ما يفيدج.
يَقين: تراا زوجي ااابو ابني
شنوو ما يفيدني حاااتم شگاعد تحجي؟
حاتم: هذا التسميه زوجج نصب مكيدة
واخذج غصب عن عشيرتنا كلهم.
يَقين: عبنه زلمه وگد حجايته
حاتم: دخلل مثل الهمج يوم المشيه مالتج
طب لديوان أبوويا بالسلاح يهدد بالقتل
يا عاقل هيج يتصرف؟
يَقين: والله هذا هو وهذا طبعه.
رجال گد حجايته وعدني بالزواج وسواها
صدگ مو مهم شلون چانت الطريقه.
حاتم: يَقين خويا هذا شغله مو نظيف
تاجر تاااجر غير قاانوني تفهمين تستوعبين؟
يَقين: ليش شغلكم بالعتبه الحسينية؟
ااانتو شغللكم اوسخ من هيچ!
حاتم: صابر على لسانج عبنچ غالية على گلبي
بس وحق السبطين ما اعوفن زوجچ ياخذچ وينهزم بيچ.
يَقين: والله ديوان ابوك كلهم يفرهم على
أصبعه ولا يهتز شعره منه. عود كافي تجوني
يوميه شبيكم؟ اعتبروني متت اعتقووني.
ماا ارجع ولا افكر بيها اصلا
حاتم: ليش هيج تسوين؟
يَقين: عبن مستحيل اخذل الرجال اللي
وگف عشيره شگدها شكبرها على تك رجل
علمودي. حياتي وموتي وياه افهموا عااد
حاتم: سهله خويا سهله
وحق الكفل مولاتي زينب يجي يوم وتندمين
يَقين: حاتم ارجع واحجي لأبوك
يقين ماتت مااتت خل لا يدز وراي هو اصلا جان كارهني
حاتم: يَقين.
يَقين: توكل حاتم توكل خويا.
طلع من البيت وآني قفلت الباب
دخلت للصاله وگعت من طولي منهاره.
ابجي واضرب على وجهي على هذا الحظ
العندي لا أبو حن عليه ولمني بحظنه ولا أم
بقتلي ضليت يتيمه بنص هلي.
الأدهم
سحلناه للمستودع شديناه عالكرسي
وجبنا كلمن كرسي گعدنا گباله نكرز حب
شمس لحد ما يجي الباشا، گال اشتر وهو يكرز حب شمس ويذب الگشور على يوسف
الأشتر: ااگلك دهووم هذا ما يفهم عراقي
استلمه بالقلم العريض لو اللزم لساني؟
الأدهم: والله بكيفك انت وضميرك
عاين ابتسم ابتسامته
الأشتر: وحق جدنا السابع تربية ناهد واگفه بين عيوني
يوسف: شنو تحجي انت وهو!
الأشتر: يوسفي مدري لالنجي
نگول ابن أكبر عشيره بإزمير تقشمر.
علي إيد اخوة الباشااا
يوسف: احجي بالتركي.
الأشتر: اااگلك دهووم هاذا هيّيج لساني
شسوي تربية ناهد غاااليه!
الأدهم: استلمه اكس مربع
وآنا اغطي عليك والكفل زينب.
آيدا
وگف السياره يم شقه من ثلاث طوابق
نزل فتح الباب و يحجي ويا أمي
الباشا: شقتي بالطابق الثاني
اسمحيلي اشيلها لأن ما تگدر تصعد الدرج!
آيدا: مااا اقبببل
الباشا: ما أخذت رأيچ
آيدا: شگلت ماا فهمت تررجم احچي تركي تركي
بينار: تمام ابني مادام اخذت اذني كافي
آيدا: يمااا.
الباشا: وجعاا يلا
ضليت صافنه على كلامه.
تقرب شالني بهدوء يمشي للبناية ودخل يصعد الدرج وگلبي يريد يطلع من مكانه، وامي تصعد ورانا حچا بالتركي وگال
الباشا: المفتاح بهذا الجيب طلعي
أشر بعينه على جيب اليسار من الجاكيت
طلعت المفتاح رفعته بوجهه حچيت
آيدا: هاك.
الباشا: شلون أخذها وآنا شايلچ؟
بينار: آيدا. انطيني اني افتح الباب انطيني
المفتاح
الباشا: رحم الله والديچ عمة
آيدا: تقصد خالة!
دخلني للبيت باوع بوجهي وحچا بلهجته وما فهمت شگال.
الباشا: حياج الله ببيتچ المستقبلي.
آيدا:؟
نزلني عالقنفة و ابتعد يعدل جاكيته گال
الباشا: ارجعلكم المسا لا تفتحون الباب لأحد
بينار: تمام ابني.
راح للباب شال المفتاح واجا انطاهه لأمي وگال الثلاجة بيها اكل اخذو راحتكم. من بعدها طلع وامي سدت الباب وراه. ناديت أمي أكثر من مرة واحاول اگوم على رجليّه
آيدا: يمه تعاي خل احاچيج ليش تخلينه يشيلني!
يمه تعاي دا احچي وياچ يمه!
اجت امي فتحت حجابها وخلتني اگعد بمكاني نظرتلي وگالت
بينار: هذا هو نفسه؟
هزيت راسي اي. وهي ابتسمت ابتسامة باهتة گالت
-فعلآ ابن حلال الله يحفظه.
-يمه شلون اجيتي للمستشفى!
-طلعت من البيت واجيت!
-اخواني وابويه؟
-اكيد هسه عرفو او ما عرفوا مو مهم.
بلعت الغصة وحجيت
-دامير وارغد ركضو وراية رادو يقتلوني ولمن سيارة ضربتني وغرگت بدمي. شافوني وعافوني.
غطيت وجهي بإيدي أبچي امي تقربت حضنتني وگالت.
-اخو الباشا تلگاني يم باب المستشفى وحچالي كلشي
والسيارة الضربچ هو نفسه سيارة الأيهم باشا.
بقيت بحالة عدم استوعاب ما چنت بحالة تسمحلي اربط الأحداث بشخص واحد ولا فكرت بيها وهو ليش من البارحة اشوفه يطب للغرفة!
آيدا: يعني ضربني بسيارته علمود هيج مداريني!
-مو گلتي ابن حلال من شافچ بمشكلة اول مره ساعدچ وابن الحلال ما يتردد اكيد يساعدج غير ضربچ بسيارته!
-ولمن يوسف طب للغرفة انتي چنتي واصلة؟
- اي چنت بالباب والباشا ما خلاني اطب چآن يستمع لحچي يوسف!
- يعنييي بالوقت اللي يوسف مخلي سچينة على رقبتي وممكن بأي لحظة يذبحني چآن هو يتسمع على الحچي!
- آيدا لا تحچين حچي ماله داعي المهم تلاحگچ.
-يمه شبيچ تدافعيله شچان اسمه باشا ايهم باشا المهمم بالنهاية هو ضربني بسيارته، اااخ رجليّة يمه متأكدين الدكتور گال ضربة خفيفه شو احسهن مكسورات؟
تقربت حاوطتني لحضنا تمسد على شعري وگالت.
-الله سترچ حادث بسيط وماكو اي كسور الله سترچ
-شچان اسمه.
-الأيهم باشا
-أيهم.
الأشتر
چنا نسولف ونكرز حب شمس ونشمر الگشور
عليه، شمرت اخر گشر وحچيت وياه بالتركي
الأشتر: فااا جددي السابع چآاان اسمه
وگاع وآنا حالف اسمي اول ولد على اسمه، گول ليش؟
بكل غباء أخذه الواهس، جاوب گال
يوسف: ليش؟
الأشتر: عبن هذا الجدامك وال حاروگه الجاييك بالطريق ثنينهم يكرهون جدنا السابع گول ليش؟
يوسف: ليش؟
الأدهم: آنا اجاوبك عبن جدنا السابع جان معادي اخوانه ومو خوش اخوو وحبله بنية تالي خطفها من أهلها.
يوسف: ليش تحجيلي مشاكلك؟
الأشتر: عمممت عييينك كون وگاع يوگعك بگبره
غير ندردش وياك نسولفلك شگد ازمال انت؟
ضل صافن ما يفهم كلمة، شوي وانفتح الباب
الأشتر: راح نتونس
دخل الباشا وصاح علينا گال
الباشا: هاا اخوة البااشا شلوون گعده مسوين حب شمس وچاي؟
الأشتر: هايه فكرتي
اندار ل يوسف حچآ وياه
الباشا: ها شلونك متونس وياهم سوالفهم تملل الصراحة الله يعينك على هاي الساعتين!
الأشتر: نتحاسب يم گبر وگاع ان شاء الله.
الأدهم: كض لسانك
يوسف: منو أنتو؟ من وين؟ ليش هيج تتصرفون؟ تعرفون منو آني؟
الأشتر: اخوة الباشا ولد الباشا. بكفيك
ابونا چآن باشا و اخونا كذالك
الباشا: اشتر گوم جيبلي جليكان نفط
الأشتر: تدلل عيني
گمت جبتله جليكان نفط اسود واجيت
يوسف: شنوو هذا شتسوي؟
الأشتر: حفلة شِواااء
الأدهم: يتشاقه
الباشا: يلا يبعد اخوك حدد حوالين الكرسي
وتخلي مسافة مرتين على شكل دائرة حلوة تلوگ لهل وجه الخايس.
حددت الدائرة حوالين الكرسي بالنفط مثل ما وصاني
كملت وثلاثتنا طلعنا من الدائرة وسحبنا الكراسي مالتنا. بقى يوسف بوحده
يوسف: شنوو تسوون مجااانين؟
الأشتر: گتلك حفلة شِواااء
الباشا لبس كفوفه طلع الجداحه
عاين علينا، بعدها كنبص أشعل النار بالدائرة و يوسف بالنص تهستر
يوسف: مجااانين مجااانين طفووو النااار
ااالله ياااخذذذكم طفووو النااار مجااانين
الباشا صار يجي ويروح گدامه ويحچي بهدوء حذر.
الباشا: ليش هييج سويت بيها؟
يوسف: طفووو النااار
الأشتر: والله نفط اسود منا للمُغرب
يضل يحترگ
الباشا: تدري شراح اسوي بيك؟
يوسف: طفووو النااار ونتفااهم
الأشتر: الباشا حاليآ يتفاهم وياك بطريقته
الأدهم: ملقبينك السكيرچي
تدري لو ما تدري؟
الباشا: هل مره ما اقتل هل مره اخزيك
بالديره كلها وبإزمير اخلي سمعتك على كُل لسان.
يوسف: كللل هاااذ لخاطر بنييه
طفووو النااار ياا ين
الأدهم شغل جهاز لتسجيل الصوت نوعه چآن توه نازل.
الباشا: ليش هيه بس بنيه؟
ولك هاي سُمعتهااا شررفها ياا عدييم
الشرررف.
يوسف: تمام تمام آني اعتذر منها واحجي
للكل انه اتهمتها إتهام باطل مني هي لا مواعده احد ولا هم يحزنون آني هيج چذبت عليهم حتى أخذها. بس لا تحرگني طفي النااار طفييها اا
الأشتر: لا حبيبي لالنجي احنا متفقين بيناتنا نخزيك
الأدهم: تدري وين راح نوديك؟
يوسف: وين؟ ااحجوو
مجااانين يمين عظيم مجااانين
الباشا: للبيت.
يوسف: شنوو تحچييي!
الأدهم: حقيقتك الوسخة
تم القبض على يوسف اوسلي
في منزله بتهمة الإتجار بالأسلحة والممنوعات
الأشتر: اقل شي عشر سنين سجن
الباشا: يلا اخوتي طفو هاي المحروسة
ورانا شغل غيره.
طفينا النار سحلناه للسيارة آنا وادهم
نرجعه لبيته، بعدها الشرطه التركيه تجي
تداهم البيت.
آيدا
انفتح الباب دخل للبيت سلم وامي
ردت السلام
الباشا: لازم نمشي
بينار: وين ابني؟
باوع بيها وگال
الباشا: للبيت. بيتكم
انتفضت من مكاني وعيوني تريد حجة حته تدمع
آيدا: ماا اررجع
الباشا: ما أخذت رأيچ
بينار: انت تعرف مخاطر كلامك؟
يقتلوونا ثلاثتنا!
الباشا: يا على ياضرغام، الأُماايه اسوء من البنيه
آيدا: شنو تگوول بلهجتتك ترجمم
الباشا: لازم ترجعن للبيت، لازم كلشي يتصلح
آيدا: ماكو شي يتصلح.
العلاقات والروابط لمن تنكسر مستحيل تتصلح!
اتغير 180 درجة عيونه تجدح نار وگال بنتر وعصبية خلاني افز واسكت اسمعه للآخر
الباشا: تمشيين وياي غصب عننج
نزلت يوسف لسااابع ارض دخلته بحفرة
عشر سنين ما يطلع منها وماكو شيي بعيننچ ومُصرة تعاندين؟
بلعت ريگ امسح دموعي واحچي بنفس العصبية
آيدا: مااا جبررتك
وكااافي كل شويه تذكرني بفضلك عليه!
بينار: آيدا گومي
آيدا: يمه مااا ارجع لهذاك البيت.
بينار: آيدا واثقة منه راح يحلها، نرجع للبيت أحسن
الباشا: تگدر تمشي لو اشيلها؟
آيدا: لا تصدك بروحك بسرعة مااا اسمحلللك
الباشا: امشي بلا حچي زايد
باوعتله بطرف عين گوة متمالكة اعصابي
طلعنا من بيته والوقت عصر وي اذان المغرب وصلنا يم البيت، و أكثر من عشر سيارات واگفه گدام بيتنا
گلبي رجف وعيوني على امي اللي نزلت بدون خوف
وحده من الجوارين مرت من يمنا گالت
--: بينار بنتج مو گالو ماتت بحادث؟
بينار: لا الحمد لله عايشه حادث بسيط
وسوء تفاهم
نزلت من السيارة ورفضت اللزم ايده المدها حته يساعدني. باوعت لسيارة بيت عمامي وحچيت بيني وبينه بصوت ناصي
آيدا: عمامي.
الباشا: اي شبيهم خل اعرفهم ويعرفوني
آيدا: احچي تركي.
اجت امي الجهتي گالت انطيني ايدج
بينار: لا تخافين أنتي ما سويتي شي غلط
دخلنا البيت بالحديقة طلعو اخواني
وي زلم العشيرة. كل واحد بيهم طلع مسدس.
من خصره بوجه الرجال هو كذلك بسرعه سحب المسدس من خصره وجه عليهم وگال بصوت جوهري
الباشا: نزل سلاحك وصير زلمه بظهر اختك
هي شريفة بت شريفة ما مسويه شي!
دامير: شنوو تفسيرر وجودك هنا؟
نِضال: دامير نزل السلاح. الكل ينزل سلاحه
ابويه باوعلي وبعدها باوع بأيهم وگال
نِضال: تعال ادخل للديوان
أرغد: يابه. اختنا انهزمت وياه شلون ندخله ل ديواننا؟
ابويه ما جاوبه وايهم اندارلي بعدها دار ظهره ومشى وياهم للديوان. وآني بمكاني دامير وارغد گدامي عيوني مليانة دموع. مشيت وي أمي تقدمنا ندخل للبيت عبرنا بينهم ثنينهم يباوعولي نظرات مليانة كراهية.
دخلنا للبيت مرت اخويا اجت حضنتني
تحچي وعيونها مليانة دموع
-- خفت لا صدك قتلج
آيدا: يمه. راح اصعد لغرفتي مابيه حيل
-- اسويلج شي تاكلي؟
آيدا: لا ما اشتهي شي
عفتها وصعدت دخلت الغرفه بعدها مثل ما.
هيه نفس الخراب محد مد ايده على شي
گعدت على طرف الچربايه حضنت وجهي بثنين إيديا
أبچي على كل شي مريت بي، شويه ودخلت أمي شافتني بهل حالة تقربت سحبتني لحضنها وآني أبچي
وافرغ گلبي من كل شي.
الأشتر
ردينا لبيت الأغا دخلنا للديوان
گلنا السلام عليكم. الكل رد السلام إلا العارات
دامير وارغد عمامها كلهم مجتمعين و شيوخ كبار يحچون، گال واحد وعرفناه ابو يوسف العار
- أنت عراقي وعشيرتك معروفة بالعراق
شلون تبرر وسمة العار الصار وابني لگف بت عمه
وياك؟
الباشا: انتوا شلون تبررون لأبنكم بعدما تسمعون اعترافه؟
أرغد: احجي بإحترام هذا عمي
الباشا: انت لا تجي بين الزلم!
نِضال: وين التسجيل؟
گمت من مكاني منتظرة إشارة من الباشا
طلعت المسجل من جيبي رفعته بيدي اشوفهم، حچيت
الأشتر: هذا هو ابنكم العار السكيرچي هو اللي حاول يشوه سمعتكم
دامير: احجي بإحترام او طلقة واخليها بگصتتتك والله العظيم
الأشتر: اذا زلمة تخلي طلقة بگصتي.
- هذا يهين ولدنا بنص ديوانا
الأدهم: طبع بينا احنه اليكرهنا ندوس عليه.
نِضال: شغل التسجيل خل نسمع!
دامير رجع گعد بمكانه وآنا شغلت التسجيل.
الكل صار يصغي للكلام إلى گاله يوسف ابنهم والكل منصدم من اعتراف يوسف شويه ودخل شاب
للديوان گال
--: الشرطة داهمت بيت اخونا يوسف!
گام اخو المسعدة
دامير: شرطة شنوووو؟
الباشا: ابنكم سكيرچي الله اعلم هل مره
شلون رايد يشوه سمعتكم!
الديوان انگلب ما يعرفون شلون يتصرفون بهل مصيبة
الوگعت فوگ روسهم، الاسمه دامير طلع يلحگ ابن عمه، أما ابوه نضال حچآ.
نِضال: مع ذالك أنت والبنية ما تنفذون من العقاب
المعروف شرعاً تنجلدون.
گام الباشا يصرخ عليهم وآنا احاول
اهدئ الوضع
الباشا: شنو تنجلدووون شبيييكم ما تفهمون
البت مااا مسويه شي وهذا التسجيل اااكبر دليل
أرغد: اختنا احنا انت شكو؟
ساعدتها، اسعفتها تگدر تتوكل ترجع على بلدك.
الباشا: اانت اااصلا مااا تنحسب عالزلم
تنچب وتگعددد
-- نِضال آنا لو بمكانك دقيقه وحده
ما أبقيهم بديواني
نِضال: تريدها تنفذ من العِقاب؟
الباشا: هي مو زانية. مو زانية يا زلم!
هاي إذا چنتوا زلم.
أرغد: ااانت ما تعرررف تحچي ما تعرررف؟
الباشا: اگعد بمكانك أو گوم اطلع من بين الزلم يا عار.
نِضال: اارغد.
رغدة رجعت گعد بمكانه منچب والباشا يحچي وي الأغا نضال والسالفة كلما تتطور اخوها يگمز والباشا يلزگه بالگاع ويخليه ينچب اخر شي تقربت
اهمس بأذن الأدهم حچيت
الأشتر: اخونا تسودن بس لا يحچيها
الأدهم: اشتر كض لسانك، خل اركز وياهم
الأشتر: احساسي يگول هسه يلصمهم بحچاية أكبر من راسك.
الأدهم: اشتررر كض لسااانك.
الأشتر: عاين هسه يحچيها وحق جدنا السابع
الباشا: اجيبلها عشاير البصره كلهة
مشيه واطلب بنتكم على سنة الله ورسوله.