رواية ولد الباشا للكاتبة فاطمة الأحمد الفصل الثاني والثلاثون
ال بتراء
قرب إيده تلامس رقبتي وآني تلاشت الكلمات مني، حتى گمت ما اعرف اجر نفس
بتراء: على سَند شتسوي و وخر لا تتمادى.
حلالي وين التمادي بالموضوع؟
طبع بوسه على رقبتي وحاوط خصري
ويشد إيده گلبي صار بي خفقان واحساس غريب
صرت بين إيده لا حول ولا قوة الا.
خلى گصته على گصته لثواني بعدها باسني بطرف شفتي و راد يتجرأ أكثر دفعته من صدره
رجع يريد يتقربلي، ضربته على حلگه
بتراء: شبيييك مااا تفهمم.
ضل ساكت وينظرلي بطريقه غريبه بدون لا يُرمش بعد ثواني مسح على وجه وراد يخطي خطوة اتجاهي آني تراجعت
علي سَند: تمام آسف.
ما جاوبته بس نظراتي اللي تفيض بالتوتر تفسر كُلشي.
علي سَند: كلشي صار بسرعه وعقد المحكمه ما تأجل هسا نكمله.
بتراء: عقد محكمة يتم توقيعه بالبيت! هذا يا چيس حب رتبهن؟
ول خاااالي چيس الحب هُنااا شخصياً.
صوته وصلنا قبل دخوله، يبدو الباب مفتوح لأن من دخل دفع الباب برجله اليسار، بإيده ملف اسود وفرد ذراعه، يحچي.
وگاع: وياچ المحامي وگاع الأشتر، آنه رتبت الأوراق و ترا كلهن قانونية فقط جبنا لحظة التوقيع على هايه الغُرفه اللي راح اشهد على زواجكم القانوني الشرعي.
خلاني احط الف خط تحت كلمة (زواجكم القانوني الشرعي) تصرفات ابن الأشتر غير مُتوقعه، فتح الملف الأسود، وزع نظراته بالغرفه ما لگة قنفه فاضيه أو ميزه.
راح سحب جُنطة ملابسي خلاهه أمامي كُل هذا
وما يرفع عيونه گدامي حتى من دخل چآن يباوع ل سَند، اي ف فتح الملف أوراق موجوده
وحده بالإنگليزية مكتوبه والبقيه عربيه.
قرأ ورقة بصوت مسموع وذكر اسم القاضي وأنه جمعنا حتى يعقد عقد القِران القانوني.
بهل اثناء على سَند شال صايه من بين ملابسي ولبسني بنفسه، وجه بوجه ونحچي همس
بتراء: على سَند شجاي تسووي! شهل تصررف.
علي سَند: ابو وگعه نبهته ما ينظرلچ، لكن القاضي شسويله؟
بتراء: قاضي شنوو انتوا مخابيل وعلى السَند مخابيل. لشنو تخططون؟
علي سَند: نخطط للمستقبل المُشرق.
طلع شعري من تحت الصايه ورتبها
ما لحگت اجاوبه هذا صاح، بس اريد افهم ليش محد يجيني ويشوف هذوله شيسوون بيّه! اقل شي سيرا خل تجييييي وين اختفت؟! أنوب ابن الأشتر گال بصوت واضح
وگاع: و الآن رحبي ويانه بالسيد القاضي.
دخل القاضي بإيده جنطته وستايله مدني عادي، اول ما دخل. وگاع سد الباب وراح للقنفه شمر كُل اچياس ملابسي واغراضي عالچربايه
واشرله يگعد
وگاع: تفضل سيدي القاضي اعذرنا چنتنا لييدي و ما تعرف بأمور الترتيب.
القاضي ينظرلي ويبتسم، فتح الجنطه وطلع منه جاكيت القُضاة لبسها وگعد، وگاع سلمه الأوراق
وگاع: أوراق عقد الزواج جاهزه.
قرأها وطلع ختم من الجنطه ويا قلمه الخاص، أشر علينا.
تفضلو ابني اگعدو.
مشيت ورا على سَند وگعدت عالقنفه بصفه
والقاضي بجهة قرأ العقد والمهر وكلشي بس ما ذكر اسمي واردف.
بدون إجبآر و بكامل قواك العقليه تقبلين بعلي سند يكون زوجاً ألچ؟
هو بكل الأحوال الشيخ عاقد علينا ولو ما عندي معرفه بهاي الأمور.
بتراء: نعم اقبل.
تقبلين يكون زوج ألچ؟
نظرتله على سَند مكور قبظته ومدنگ كررت الجواب.
بتراء: نعم اقبل.
إذا تمت عقد القِران بينكما على بركة الله شرعاً وقانونيا.
أستغربت القاضي ما سأل على سَند نفس السؤال.
بتراء: لحظه حظرة القاضي ليش ما سئلته نفس السؤال شلون تم عقد القران القانوني بينا؟
بنتي آني سألته قبلچ برا الغُرفه وحتى وقع على العقد.
باوعت للعقد فعلآ توقيعه موجوده و توقيع انگليزي مُميز بحرف A، مع ذالك اردفت.
بتراء: لا سيدي القاضي ما أوقع اذا ما تكرر السؤال گدامي!
وگاع: بسمك اللهم دراما كوين.
بتراء: نعمم؟
علي سَند: نصي صوتچ! سيدي القاضي كرر السؤال حتى تصدگ.
ابني بدون إجبآر وبكامل قواك العقلية تقبل تكون الآنسه زوجة ألك؟
علي سَند: أقبل.
إذا تمت عقد القِران بينكما على بركة الله شرعاً وقانونيا. بنتي ماكو داعي للشك كلشي بينكم شرعي وقانوني، هسا وقعي هنا.
اشرلي على المربع الفارغ وانطاني قلمه. ما قريت المذكور بالعقد، ضليت صافنه على صورتي بصف صورته نفسها هذيچ اللي اخذها بالفندق، وبالإضافة ناسيه شلون جنت أوقع على مستندات جسار.
علي سَند: شمنتظره.
بتراء: دقيقه خاف أغلط بالتوقيع
وگاع: الأخت محتاره شلون توقع، ابصمي اذا ناسيه توقيعچ.
خليت القلم على الورقه شديت إيدي، وقعت توقيع انگليزي بحرف الباء الاثنين واحد نظر للثاني. ، عفت القلم عالورقه.
بتراء: أمر مُحيّر أن أكون خبيرة بالتوقيع بعِدة أنماط مُميزه.
علي سَند ما عجبه الرد، رجع الملف للقاضي اللي ختم عليها و أيضا وقع تحت الختم.
الف مبروك العقد.
گام صافح الاثنين، وگاع حظنه و اردف.
وگاع: اتشكرك على هذا المعروف، تگدر ترجع لبيتك يا خال، نشوفك بالزفه.
شجاي يصير القاضي طلع خال وگاع.
هز راسه مع ابتسامه بسيطه وطلع من الغرفة.
دنگت وسحبت عقد الزواج اريد أقرأها بس سحبها من إيدي وانطاها ل وگاع.
علي سَند: حياتم عوفچ من الملف و روحي بدلي
تأخر الوقت لازم نطلع.
وگاع: اخليه بإطار وارجعه ألچ مرت اخونا هيجي ما حلوه.
شگد مستفز لملم الأوراق وطلع من الغرفه
آني واگفه بجهة وعلى سَند گعد يدخن جگاره ورا جگاره. اردف بدون لا يرفع راسه
علي سَند: تبدلين لو اجي اساعدچ، حبيبي؟
بتراء: نعمممم؟
علي سَند: صوتچ ترا مو اطرش اسمعچ.
بتراء: ملاحظ روحك شگد صاير أدب سز؟
علي سَند: بعدچ ما شايفه الأدب سز على أصوله هذني مُقبلات.
بتراء: يعع لعبااان نفسس.
علي سَند: اگوملچ والكفل مولاتي زينب.
بتراء: لاااا والله اااذا رجااال تگوووملي عود تهددد.
الجگاره بين أصابع إيده خلاهه بشفته اخذ نفس
منها وتركها بين شفايفه، گام وعدل القميص، هو يخطى خطوى، وآني اخطي خطوى.
بتراء: هاي صدگ گمت.؟
علي سَند: مو انتي راهنتي على رجولتي.
بتراء: هاا ءءء ااذا ااذا رجال ما ما تقترب.
ما خلاني اركض للحمام لزمني من خصري وجرني بحيث ضربني بصدره
علي سَند: بنيه فحله.
بتراء: أنت ء ااانت الفحللل.
علي سَند: رحم الله أُمچ.
ما خلاني انطق شمر الجگاره وباسني بكل قوته واني اضرب بي ما يوخر، إلى أن ابتعد بنفسه
يمسح على شفايفي، چانت عيوني تلمع بالدموع وساكته انظرله بدون لا اكسر عيني
علي سَند: كُلشي إله ثَمن
بتراء: كُلشي إله ثَمن ما!
علي سَند: وانتي راح تدفعين الثَمن غالي على
كُل كلمة تلفضيها بهذني.
مرر إبهامه على شفايفي وعيونه نظراتهن غريبه.
ابتعدت عنه وگلبي يرجف رجف من المشاعر الغريبه. اخذت حيالله لبسه ودخلت للحمام
طبگت الباب وگفت وراها مخليه ايدي على گلبي.
بتراء: ماكو شي ماكو شي هذا بس يريد يوترچ.
مستحيل يُعرفچ مستحيل يُعرفچ.
رحت للمغسل غسلت وجهي بماي بارد
وحسيت الإحمرار راح من وجهي، باوعت بنفسي
تلامست شفايفي شعور غريب ما يروح من بالي
بتراء: لا تصيرين خفيفه.
رحت لغرفة التبديل ضمن الحمام، بدلت وطلعت لگيته ينتظرني نظرلي فوگ وتحت.
علي سَند: لملمي شعرچ سويه ذيل الچلب لا تخليه مفرود هيچي.
من الصدمه موسعه عيوني انظرله واحاول اتمالك نفسي واما اهد عليه.
بتراء: ن نعمم نعمم ذيل ذييييل الچلببب؟
علي سَند: چآ شسمه ذيل البزونه لو ذيل القردة؟
بتراء: دخيلك يا على السَند اااسمه ذيل الحِصااان حِصااان مو چلب و بزوونه
علي سَند: كُل الطُرق تؤدي إلى روما.
بتراء: شگد مغثه؟
رحت يم الميز اخذت ربطة شعر ولملمت نص شعري لفوگ والباقي تدرج على كتفي.
ضل ماخذ صفنات عليَّه اجي واروح گدامه، فتحت الكنتور لگيت الگلاده بين المجوهرات
البارحه نسيت ارجعه لمكانه تحت الفرش.
سديت الباب وانداريت أله.
بتراء: اطلع برا.
علي سَند: شگلتي؟
بتراء: اي اطلع برا اريد اريد اطلع شي خاص بناتي من الكنتور.
علي سَند: شني هيّه خل اعرف.
بتراء: دطلع براا شي خااص.
علي سَند: صووتچ او اعرف شلون اسگتچ.
بتراء: ما تخوف چلبي
گام وخلى الباكيت والجداحه بجيبه يجي بإتجاهي.
علي سَند: هسا لو اشگ حلگچ يَقين تُگلي ليش؟
بتراء: نعمم، ها، لا ءءء مو هيجي اقصد خانني التعبير والله باوع سَند باوع على سَند أصيّح وغلاة اسمك.
خليت إيدي گدامه اسوي حاجز بينا واحچي.
بتراء: لا تمد ايدك حتى ما أمد إيدي واهينك وتالي يگولون مرته ضربته.
علي سَند: وحگ العباس لو أللعب بيچ جوله ما يبرد گلبي.
بتراء: ااذا زلمه تلعب جولتين حتى أشوفك.
النسوان شتخلف.
علي سَند: أنتي مُصره تجنين على روحچ.
بويه تعرفين شني جوله؟
صار أقرب ويميل راسه وعيونه ما يشيلهن عني
بتراء: شنو جوله؟
خلى إيده حوالين خصري ويضغط بكل قوته
علي سَند: اشرحلچ شني جوله؟ تريدين تعرفين؟
بتراء: ها أي لااا ماكو وقت غير يوم.
اشرحلي براحتك.
علي سَند: اشرحلچ براحتي؟
بتراء: أكو شي يضحك؟
علي سَند: غبائچ.
بتراء: استغبي والله آني مو غبيه.
علي سَند: شنهي جوله؟
بتراء: جولة بالفُصحى يعني لعب جولة لعب. شكوو تتبسم ما گلت نُكتتة
علي سَند: احم تُعرفين قوانين اللُعبه.؟
بتراء: لُعبة الجوله.؟ لا ما اعرفها بس اعرف اللعب الشطرنج.
تغير ملامحه من الضحك والتبسم للجديه، وبعده مقربني منه، اردف
علي سَند: أضعف حجر بالشطرنج شسمه؟
عيوني تنظرله بتأمل اردفت.
بتراء: برأيي آني، ماكو شي اسمه أضعف حجر بالشطرنج كلمن وذكائه حتى البيادق لو توحدو حول الوزير راح يسقطوه.
علي سَند: وإذا الوزير في منتصف الرُقعه وحواليه بيادق بحركتين يسوي يمين يسار ويصفيهن.؟
عيونه تروح يُمنى و يُسرى منتظر الرد.
بتراء: بالنهايه البقاء للأقوى و الأذكى.
احمم احم.
فجأة درنا وجهنا للباب خاله يَقين واگفه تنظرللنا وتبتسم. ابتعد عني وحمحم يرتب ياخة القميص.
علي سَند: أي وين چنت.
يَقين: بحظنها وين يعني.
مسد على شعري بتسليك وعين على امه.
علي سَند: شعرج مرتب ما بي شي.
اجت لزمت ايدي ومشيت وياها.
يَقين: امشي هذا ما يستحي وانتي غبيه تسكتين.
علي سَند: اي عين الحاااره بااارده تسكت خطيتهه.
چآن يمشي ورانه، نزلنا للطابق الأول عزّهَ واگفه بالباب ويا عزام.
عزّهَ: ها براء ساعه من طلع القاضي ليش تأخرتو.
شهل صدمه يعني الكل عنده علم؟
يَقين: مو هي، اسئلتي اخوچ هذا السؤال.
اسلوبه هادئ ويوزع نظرات على الحاظرين بعدها يحچي.
عزام: اليستحو ماتو كض روحك باچر الزفه.
علي سَند: رديتلي حچاية هدآم؟
عزام: چآ شني غير اوفي الدين.
عزّهَ: احم تمام سدو الموضوع خل نطلع.
منا أبيل طلع من الصاله يصعد الدرج ومنا أريم بالجهة الثانية تنزل ركض وتحچي.
أريم: عليييكم ااام البنيييين اجي وياكم.
اييي وخررر
تصادمت ويا أبيل اللي وگع منه كرت وصاح عليها.
أبيل: العمى ماا تشوفين شبيييچ.
عزام: صوتك لا يعلى عليها.
أريم: لا مااا شفتك.
علي سَند: أريم ألزمي لسانچ.
ضليت صافنه على الموقف منو ضد منو و منو بصف منو واحد گلبه على الثاني واحد يدافع للثاني عمري ما شفت هيج رابطة عائليه و أخويه هاي أول مره اشوفها و ببيت الباشا
عزام گال خلي أريم تجي و محد رفض.
اما أبيل ف شال البطاقة چانت مكتوبه عليها
AXR Company
طلعنا من البيت و الثلاثي شايلين مسدس
حتى عزّهَ جانت لابسه جينز والمسدس بظهرها تحت الجاكيت الشتوي، طبعاً المسدسات كلهن مرخصه لأن چانو يسولفون عنها.
باوعت على اريم إللي گاعده بصفي يم الباب
مدت إيدها تحت الكُشن وطلعت مسدس.
بتراء: اااسم الله الزهره شلون عرفتي مكانه؟
وجهته عليّه بحماس وحجت اثناء تفقدها للمخزن مالته.
أريم: مرت اخويه انتي صرتي چنة عائلة
نُص العراق معاديتهم. فوگها نُص تُجار إزمير التُركيه أعداء عمامي وابويه.
بتراء: اهه اهه بيرفكت بيرفكت.
أريم: بربچ لا تستخدمين أقوال ذاك المُختل.
عزام نظرللها نظره خلتها تخنس.
أريم: تخيلو يطلع بوجهنا ولد لالنجي وصگارهم
بايت بالبيت.
بتراء: ليش هذوله مو زلمه بعينچ؟
ثنينهم نظرو لبعض اعتقد ما جفصت
أريم: احم حاشاهم زلم ولد زلم مجرد فتح مواضيع.
عزام: جيد جدا.
يَقين: براء ما تقصد شي ترا هي حچت على نيتها.
علي سَند: اي تجفص ببطنا وتگول خانني التعبير.
بتراء: خويا عزام آني غلطت بشي؟ آني دافعت عنكم.
ضل ينظر گدامه ومرات ينظرلي من الجامه على سَند چآن يسوگ السياره.
عزام: لا خويا ما غلطتي خانچ التعبير.
الوحيد اللي ابتسم وهو يحچي بحيث ابتسمت على ابتسامته، ضلينا ندردش طول الطريق.
رُقيه
گعدت بعد ساعه من تأثير الدوا، وَدق دفعت الباب ودخلت الابتوب تحت ذراعها وإيديها ثنينهن شايلات سبانش لاتيه.
وَدق: دخذييي منييي احترررگتت.
رُقيه: أكو شي اسمه صينيه چآن حطيهن بي.
اخذت گلاص منها وهي اجت گعدت عالچربايه
رُقيه: والباب منو يسده لوسيفر؟
باوعت حواليها وحچت.
وَدق: اضهر وبان عليك الأمان لوسيفر اذا موجود سدلنا الباب مالي خلگ اگومن.
فزينا من صوت البرنده وحده تباوع بالثانيه.
وَدق: شهر أكتوبر شهر العواصف ماكو شي.
محد گامت تسد الباب ضل مفتوح هيچي
رجعت ضهري على تاج الجربايه اشرب من السبانش والموبايل بإيدي دخلت للمكالمات المُسجلة شغلت مكالمة ابو گاع وضليت استمع.
رُقيه: ساعة شنو حچيتو.
وَدق: ترا خمس دقايق والمكالمه مُسجله اسمعيها.
كلما انتبه لكلمه اباوع بيها وهي تگول مو آني هو. ، طلع عازمني على عرس ولد عمامه.
قفلت التسجيل وبهل اثناء وَدق داخله للبيج تختار فساتين.
رُقيه: نعتذر عن الدعوة وما نروح.
وَدق: لو نفرات رايحه اروح للحفله البيست موجوده ما اعوفها تكون صداقات ويا الغُرب
رُقيه: مستوعبه الكلام؟
هذوله بينهم وبين آل جابر المياحي بينهم ثأر و دم يوميه واحد يستهدف الثاني!
وَدق: بس ما يعرفونا احنا بنات جابر مو جسار
يعني بعدنا ما معروفين.
رُقيه: مالي خلگ وراسي يوجعني.
وَدق: رُقيه نروح ما يصير وعيب من الاستاذ ابو گاع ومنا صديقتي الوحيدة مرتين عزمتني ما رحت للخطوبه على الأقل نروح للعرس.
دارت شاشة اللابتوب اتجاهي
وَدق: شوفي اختاريت هذا الفستان الأحمر.
رُقيه: ما ألبس أحمر
وَدق: لا ولچ هذا اختاريته لنفسي.
هذا الأسود اختاريته ألچ، اعرف عشقچ بلاك ستايل، هذا احلى فستان.
تمعنت بتفاصيله فستان اسود طويل والخصر مطرز دانتيل وكريستال أسود، والگصه مالة الصدر كلش حلوه بأكتاف مكشوفه.
رُقيه: انتي حبيتي تروحي وآني وافقت، منو يقنع السفلى اللي گاعدين ويانه؟
وَدق: بمأنه دزوچ جاسوسه اكيد يقبلون تشاركين مناسباتهم العائليه.
رُقيه: خلي نگول آني گدرت اروح انتي شلون يخلوچ شعندچ؟
وَدق: اهووو شبيچ مُتَشائمه إذا چذبت عليهم وگلت اروح احوش معلومات من البيست يخلوني.
رُقيه: اذا ما ودونا في سنتين داهيه ما اكون رُقيه بنت رويدا.
وَدق: هسا أنتي روئي وبتنحل.
رُقيه: اي عدنه عصا هاري بوتر، تگول تنحل تگول.
حاوطتني خلت راسها على كتفي وتشاقني وتحاول تدغدغني، رديتلها، وحده تشاقي الثاني ونصبر بعض على المصايب إلى مرت على راسنا.
خلت راسها على إيدي ومتمددات بفراشي وهي مخليه الابتوب گدامها تطلب الفساتين.
ضعت بأفكاري وتَخيُلاتي.
رُقيه: وَدق أنتي هم مرات تفكرين بمسئلة.
بتراء وليش محد يدور وراها؟
وَدق: آني افكر بشي ثاني، اخاف هي هم تطلع مثل وَسن، ما تعتبرنا خواتها و علمود هيج ما تدور علينا.
رُقيه: سبق وأن گلت روحي بروحها مو إلا بالدم تقربلي آني اعتبرها اختي وراح ألگاها، لأن هي هم عاشت مأسورة سنين طويله. وتفهمنا أكثر من أي شخص ثاني.
وَدق: زين وسن؟
رُقيه: شبيها.
وَدق: ما لاحظتي من يوم معرفتها احنه بنات هاشم، اسلوبها تغير ومرات تحچي وياي مثل الخوات، من صار الخلاف بنيي وبين جسار، وسن عرفت بحقيقة التعذيب، گامت سحبت العكاز ورادت تضرب جسار لوما هاشم وگفها.
رُقيه: بعد ما تعنيلي.
چنت ألعب بخصلات شعر وَدق سمعت طبه برا الغُرفه والباب مفتوح، للحظه حسيت هاي وَسن
گمت من فراشي.
رُقيه: هسا ارجع.
طلعت برا الغرفه باوعت يمين اتجاه غُرفتها.
ماكو شي او احد، باوعت يسار اتجاه الدرج.
هم ماكو احد، لكن اكملت خطواتي نزلت للصاله المفتوحة.
الاثنين گاعدين هاشم و جسار وين المنطق يگعد ويا قاتل مرته، الاثنين انتبهولي، واحد نظر للثاني.
هاشم: ها بويه رُقيه ليش گُمتي ارتاحي.
جسار: بيچ شي بنتي؟
نظرتله عشرين سنه بحياته ما متكلم وياي بهيج أسلوب، ليش اليوم يحچي. أما هاشم ف مستحيل افهم شنو طينته.
هاشم: إذا جايه علمود حفلة بيت الباشا ف انطيچ الموافقه تحظرين أنتي واختچ.
جسار مبين ما فاهم شي وآني ما انطيت رد فعل بس بداخلي مصدومه شلون عرف بهذا الحچي.
جسار: دقيقه حفلة شني ناااجي.
رُقيه: تمام مع ذلك چنت راح احظر بمأنه آني ظمن الموضفات اللي انعزمن للحفله.
هز راسه اي ورث جگارته بدون اكتراث
يدخن، اما جسار ف اتخربط أموره گام يتصل بناس وينادي ناجي محد يجي ورا صوته.
حچى ويا شخص اتصال وجنت اسمع صوته.
جسار: الو ها صديقي الف مبروك درينا عدكم حفله وعرس شني آخر من أعلم! منو الراح يتزوج؟
عزام.
ضل ساكت والثاني يحچي.
مو من الضروري تعرف كلشي مرات خليها سُبرايز.
قفل الخط وگام من مكانه اتصل بمره مشى للمكتب و هو يحچي ويصرخ عليها.
جسار: اااني شگلللت ليششش ما انطيتيييني الخبررر ليششش تالي ااادهم يتشمت بيّه.
دخل للمكتب ورگع الباب وهنا هاشم رجع ظهره للقنفه بالراحه ويدخن كأنه مستمتع بالصار.
رُقيه: اريد اعرف حبوبه ليش ما ترجع؟
هاشم: ما ترجع دام اني موجود بالبيت.
رُقيه: لعددد ااطلع خل ترجعع اطلع من البيت شمگعدددك ويااانه؟
ملامح بارده ومُستفزه، عطست وابتعدت شويه
هاشم: هو راح اسافر باچر عندي شغله برا العراق اكملها وارجعلكم مره ثانيه، بهل يومين اشبعن من سُعاد عبن اول ما ارجع هي تطلع من البيت.
عطست مره ثانيه ودخل ناجي وزع نظرات بينا
رُقيه: تضل هييج مكروه حبوبه ما تتبرأ من عبث.
وسالفة بويه ما ابويه مو مهمه بعد وفات امي حتى الشخص اللي اسمه ابويه مات بعيني.
هاشم: وموجود في اي مكان وزمان بس اشريلي.
رُقيه: شنووو من بشررر ااانتوا واااحد أسر بناااته
سنييين والثاااني يرجع يمثل دور الأبووو حسبي الله ونعم الوكيل علييكم.
اجا حاوطني من ورا وما يخليني اتقدم اتجاه هاشم.
ناجي: تمام اهدي اهدي وكلشي ينحل.
رُقيه: شنوو ينحل شنووو ما ماااتشووف وااحد ااحقر من الثاااني ااختتي بترااااء ماكو صار أشهر محد يعرف شي عنها واحنه ااحنااا رقييه سوي هيجي او نقتل وَدق ررقييه احچي هيييج اااو نقتل وَدق.
هاشم: أخذها للحديقه خل تهدأ.
ناجي: رُقيه أهدي تمام تعاي وياي.
جرني جر وياه وآني ما بي اعترض فعلآ مخنوگه منهم، وصلنا للحديقه ترك إيدي وكنبصت أبچي
روحي تريد تطلع من الوضع.
رُقيه: شايف شيسون بينا شااايف طشرونا لا خلونا نموت و لا خلونا نعيش.
كنبص بصفي يمسح على ضهري وكأن متردد لكن جرني لحظنه حظني بكل قوته يمسد على شعري
ويحچي.
ناجي: انسي شگد چنت نذل وياچ احنه هسا نعيش نفس الأقدار احنه بنفس الضروف، ابد مو بوحدچ، آني عايش نفس المُعاناة.
رُقيه: ل لاا تقارن بينا انت مُخير مو مُجبرر.
خلى حنجه على راسي ضحكته بيها ألف كسره، اردف.
ناجي: ناجي روح سوي هيجي وإذا لا ودع اخوك نائل، ناجي فلان لازم يتم تصفيته واذا لا، اخوك يدفع الثَمن
رُقيه: تريد تبين الموضوع عادي بهذا الحچي؟
خل يقتلون العار اخوك هو يستاهل اصلا فد واحد حقير وغثه.
ناجي: مو جاي افضفضلچ ليش گوه تطلعيني من طوري.
رُقيه: وشنو گمت تمنن عليّه وخر ابن القندره
صوچي ما تفلت بوجهك الخايس.
خلى إيده بشعري وشد عليها بعصبيه
بس ما ابعدني عنه ولا خلاني ابتعد.
ناجي: هذا الحچي لو قبل شهر حاچيته چآن انتي بعِدات الموتى.
رُقيه: ناجي وخر لا أللعن سلف سلفك شلون هيجي تقيدني، عود شنو التغير نفسك نفس ذاك الحقير المتحرش وخرر.
ال برو صار عنده مناعة ضد لسانچ
همس بصوت ناصي اذا ما جاب آخرتي أطلع كلشي ما افتهم
رخى إيده وابتعدت بسرعه باوعت لگيت نائل
يم شجرة ورد الجهنمي متجي عليها رغم هايه الشجره عباره عن أشواك.
ناجي: هاااا ولك قشمر شجااابك.
نَائل: لقد أتى بيّ الشوگ. شفت مجنون رُقيه عايش اللحظه گلت أللطز عليك.
رُقيه: اخوك انذل منك. هاااتسوو نعلى على روحكمم
نَائل: حسيت النعله اجت بگصة ناجي.
ثنيننا وگفنا نباوعله.
ناجي: نَائل ليش تريدني اهينك بالقندره؟
آني مو گلت تختفي اسبوع شكوو فجأة تطلع بمكان؟
نَائل: شني شايفني جبان و اختفي عن الأنظار
ياخي احلى شي الإثارة من اشوف الحواليك متطشرين، ارتاح نفسيا. بس.
دار وجه اتجاه غرفة وَدق.
نَائل: باچر عدنه إثارة للصبح نلعب جوله بعرس العدو نلعب جوله.
رُقيه: اذا تقترب من اختي أللعن سااعتك فاهمم
وانت اللزم اخوك وخل يبقى بعيد.
راح لأخوه الواگف بعيد ويحچي
ناجي: شلون مخزيني گدام الشمااته.
أمشي منا لا اسطرك.
نَائل: تمام أحاول أحاول.
ابتعد وهو مخلي ايده بجيبه عيونه على غرفة وَدق.
رُقيه: اعتقد ما تگدرون تسوون مشاكل بحفلة ولد الباشا، بمأنه تدورون على معلومات تفيدكم.
ناجي: آني مجبور اجرع اليصير لكن نائل مُستحيل يعديها على خير.
اثناء تَحَدُثه عفته ومشيت للبيت وضل يصرخ وراي
ناجي: رُقيه الجسار حتى اااذا رحتييي للحفلة الخااايسه مالتهم خلي شغله بباالچ عيوني عليييج عشره عشره اگلب الحفلة جناازه اااذا وگفتي وياااا ااابن الأشتررر.
انداريتله وصحت بصوت عالي.
رُقيه: أااااعلى مااا بخيلك اااركبه
ناجي: مو قببلل شويه چنت لامچ بحظنييييي بنننت القندرررره.
نَائل: ريلاكس برو ريلاكس.
ناجي: ااانت انچب، تدري شني ااانت تجي وياااي ااامشي لك كله من وراااك انت تلوص وآني انضف خياستك.
نَائل: إاذا ما تگدر على بنيتك، آني شعليه
عفتهم وراي، بعد ما ادري شنو الصار ووين راحو.
أريم
دخلنا للسنتر VIP قسم ميك اب وقسم فساتين العروسات، كلمن راح بجهه يشوفون الموديلات.
وآني هم اتمشى بأقسام الفساتين واصور
ستريكات ل سيرا اخر شي صعدنا مكالمة فيديو
واشوفها الموديلات.
أريم: عايني هذا حلو اقترحته على براء بس گالت ضيگ.
سيرا: شهل ذوق شني هاي.
أريم: دنچبي اسمها گصة الحوريه هاي من فوگ لحد الخصر ضيگ ومن أسفل الركب كلوش.
سيرا: لا ما حلو اصلا الفساتين اللي كلوش اجمل.
أريم: للصراحه ذوقچ اور.
سيرا: اور لو خياط عادي.
أريم: بربج لا تصيرين سخيفه.
فجأة سكتت وعيونها تناظر وراي.
أريم: شبيچ ماكو شي عليمن صافنه.
سيرا: والعباس هو شافني وطلع برا.
أريم: منو شافچ والله محد ماكو.
تفقدت المكان ماكو شخص يثير الشك
سيرا: شفته طلع من الباب شخص شكله غريب كأن شارد من العالم الغربي.
أريم: وات قصدچ اجنبي.؟
سيرا: اي والقرآن بس اطلعي برا هسا تشوفيه.
استغربت شبيها صح متهوره بس لحت كلش.
عزّهَ جانت تختار و براء راحت تجرب فستان اما العرسان راحو گعدو. بقيت آني الفضول گتلني.
أريم: خل اشوف هذا الشارد من العالم الغربي.
سيرا: عندي فكره اكتمي الصوت وخلي المكالمه مستمره اذا شفتي الشاب اني اشوفه واخذ سكرينات.
أريم: كُل ده عشان ايه؟
سيرا: #إثارة
أريم: متسودنه.
سويت مثل ما گالت، لزمت الموبايل بشكل عادي
وطلعت برا السنتر شفت دراجه ناريه اخر موديل.
واگفه امام السنتر وشخص لابس جينز اسود وفانيله تعلاكه هم لونه اسود
بهل شتا والخوذه على راسه.
أريم: لجج احمم هذا هوو اعرف ما نسمع صوت بعض بس هاج.
بطريقه غير مباشره وجهت الكاميرا عليه وهو
نزع الخوذه بس طلع متلثم بشال شبابي ينربط عالرقبه، ما نظرلي فورا نزل من الدراجه و تمشى بإتجاه المحلات
أريم: دراجه ناريه و ستايل غربي لابس بهل شتا فانيله تعلاگه، أنوب من بعيد مبين كل جسمه مدگدگه.
كملت مشي وراه إلى أن وصلت عند مجمع شفته راح ورا المجمع، ما ادري ليش الفضول خلاني ألحگته اول ما صرت ورا المُجمع طفت الكهرباء بالمنطقة كُلها.
أريم: بسم الله الرحمن الرحيييم.
اششش Shut up.
صوته قريب مني بحيث اول ما صرخت
مفزوعه سفطني ويا الحايط وهمس.
اشش صوتچ لا يطلع اشش
اتنفس بسرعه وعيوني ما تشوفه لكن الصدمه لمن الشخص اللي وراه أشعل نار الجداحه وجهه الملثم ضهرلي، خلاني اوسع عيوني احاول اصرخ ما اگدر.
هذاك نفسه ابو لثالم عيونه صايرات مثل لون النار وتلمع، أسفل عيونه عنده وشم كلمة فوضى بالإنگليزي
أما اللي سفطني ويا الحايط وسد حلگي
چآن AAB أبيل أيهم باشا ليش هيج يسوي
شجاي يصير
اشش اهدي اهدي راح اشيل إيدي اذا طلع صوتچ اطيح حظچ.
هزيت راسي بحركات مُتتاليه اي اي
قبل لا يشيل إيده أشر للثاني
تسحب الموبايل من إيدها بدون لا تطخها.
ياه ياه. Really؟
لا تظل تعوي، ما تستحي على وجهك كلمه عراقيه ما تحچي؟
خاتم اللغه العراقيه حبيبي.
سحب الموبايل من إيدي ودار الكاميرا للجهه الأماميه بهل اثناء رجعت الكهرباء.
لوح بإيده ل سيرا، اردف
هاي گيرل. باي گيرل
قفل المكالمه وضل ملتهي بي
طلع كتابات اجنبيه باللون الأخضر والبعض باللون الأحمر. أبيل شال إيده بس بقى مقيدني
أريم: شجاي يسوي هذاا المتسوودن شجاااي يسوي.
أبيل: يخترق جهاز اختچ ويحذف الصور.
أريم: شنييييي ولك جييب موبااايلي
إذاً Hacked.
أريم: تم التهكير شنييي ولك اازمااال.
Hey، wait. ازمال شني؟
أبيل: ازمال يعني donkey.
اووه گيرل You re a donkey.
أريم: اووه ماااان You re a donkey.
أبيل: ازمالتي لا تتجادلين ويا هذا المايخاف الله.
حسناً AAB لا تتدخل فيما لا يعنيك.
أبيل: AXR انت مره ثانيه من تريد تتواصل وياي لا تلحگ بناتنا جاي تفهم Do you understand
أريم: وااات ذاا هيييل.
Waht، گرايبتك صارت كريزي.
أبيل: تمام خليچ ريلاكس هذا صديق مجرد صديق في المهنه.
أريم: صديق في المهنه اي وحدة مهن؟
القتل لو الحرررگ
انتوا تحرگون الميتين عبالي تقدموها قُربان.
أريم: ش شجاي يحجي صديقك المتسودن شجاااي يحجي قُربان شني؟
أبيل: ريلاكس گوزلم خل افهمچ السالفه.
احنه مو بعيد الأضحى نذبح قُربان.
أريم: وين الربط هذا يگول الميييتين أبيل يگول الميتين.
أبيل: اي الميتين من الخرفان يقدمونها للچلب مالتهم ك قُربان. بمأنه يُعتبر الميت حرام مو حلال اكله. و هكذا.
زفر بالراحه عود اقنعني دفعته بعيد وصفگت
أريم: براوووو براااووو وثائقي مُتكامل.
بيع القصه لناشيونال جغرافيك خل تنشهر.
AAB هاي الگيرل اذا فتحت حلگها بكلمه
تعتبر كلشي ينتهي وبعد سلملي عليها.
أريم: جبااان نزل لثاامك واحچي وياااي.
رجع جداحة أبيل بإيده وسلم بأصبعين وعاد ادراجه بنفس الطريق. ، درت وجهي ل أبيل اللي صافن على الجداحه.
أريم: احد يدري بهذا الشخص؟
أبيل: عمامي فقط.
أريم: و آنه أيضا دريت.
تقرب اردف بوجهي
ما تشكلين خطر أنتي حبابه ما تحچين.
لاااء آنه مو حبابه وراح احچي للكُل.
لا انتي حبابه وتسمعين كلامي.
و وخر من وجهي لا اتفل بوجهك.
تقرب يم اذني أنفه تلامس خدي ويحچي همس
أنتي الوحيده اللي تخليني اكفر وأتوب.
لزمتني الخفقان وكل جسمي يكزبر من أنفه يطخ وجهي.
انتي راح تحافظين على حياة أبيل بسكوتچ
اذا حچيتي كلشي ينتهي أريما كلشي ينتهي و أمي ما ترجعلي.
موسعه عيوني شجاي يحچي بأذني اللي خلاني
انسطر أكثر لمن باس طرف اذني وحظني بقوه.
ضليت هيجي متصنمه حتى إيدي ما احركها
الإنسانه الوحيده اللي گلبي يرتاح بين إيديها.
كلما يحچي كلمه يشد أكثر على الحظنة
وآنه اتنفس بسرعه والخفقان هد حيلي ابتعد يرتب خصلات شعري.
ما اعرف شحچي تلاشت الكلمات مني.
مسحت وجهي وابتعدت خطوه اردفت
أريم: شني ام أمك ما ترجع، امك ميته صح؟
نظراته ذبلانه وينظر بفراغ، يتجاهل النظر لعيوني دار ظهره ومشى بإتجاه الكورنيش
أريم: وين تمشي بدون لا تجاوب أبيل فهمني السالفه شني امك ما ترجع.
اكمل طريقه بدون لا يندار عشر دقايق واحنا نمشي بصف بعضنا، سردلي القصه كلها من 2005 لمن اهله قررو يرجعون للعراق والحادث الصار إلى قبل أيام.
مرن 18 سنه وبعد ثلاث ايام ندخل 19 سنه امنا
مفقوده أو مأسورة عند أكبر اعدائنا، ما هد حيلي غير سكوت أبويه ولمن حچى الحقيقه خلاني اتسودن فقدت السطيره على نفسي لوما عمي اشتر وهلال وگفوني.
عيوني انترسو دموع، سألته وگوه صوتي يطلع.
أريم: تگدر تحچيلي الصار اسمعك.
وگف امام الشط. و اشتدت سُرعة الهوا.
أبيل: نار و بصدري مشتعله ما يطفيها طوفان.
خطيت خطوات مُتردده بإتجاه، مديت ايدي الترجف رجف شبكت أصابع إيدي بين أصابع إيده.
أريم: احچيلي الصار شلون عرفت؟
شد ايده وهز راسه اي بلش يسردلي.
--Flash back)
قبل أيام، تحديدا الليله اللي رجعت بيها للعراق
اجتني رساله من AXR گال باچر نلتقي ونحچي
ما جاوبت على رسالته جنت مشغول اشرح تفاصيل الشغل ل ياسر بخصوص شركة إزمير.
نمت ذيج الليله وگعدت الصبح أبويه دز وحده من المساعِدات على غرفتي، گمت فتحت الباب.
أبيل: خير من صباحية الله.
الباشا يريدك بالمكتب.
تمام جاي وراچ.
سديت الباب ورجعت لفراشي ضليت افكر ابويه ليش طلبني دوامي بالشركه يبدأ بالشفت المسائي.
نفضت الأفكار وطلعت للحمام سبحت، بدلت
ونزلت للمكتب چانت ساعه 6 محد گاعد من اهل البيت.
دگيت باب المكتب ودخلت
أبيل: صباح الخير.
شفته مدنگ يكتب شي بكيبورد اللابتوب
رد وگال صباح الخير، نظرت للقنفه موجود مخده
ولحاف خفيف.
أبيل: تنام بالمكتب؟
مرات، اگعد خل احاچيك.
سحبت كرسي وگعدت منتظر اعرف سبب وجودي.
ليش طلبتني ان شاء الله ماكو مشكلة بالشغل؟
دار شاشة الابتوب اتجاهي قريت البريد.
AXR متواصل وياك وما ترد عليه؟
يابه المسا راسلني وقريت رسالته بس نسيت ارد.
ناقص تگول جوابت على رسالته بدماغك
لا وعلى الضرغام نسيت اجاوبه. بعدين ما يريد شي اكيد جاي يشكي من ضلم ابوه مثل عادته.
خلصت؟
احم اي تفضل يابه شني المطلوب.
المسا بعدما تطلع من الشركه تجي على هذا العنوان.
انطاني كرت مكتوب عليها اسم بيت المزرعه والعنوان.
أبيل: بيرفكت أكو جمعه عائليه؟
نظرلي بنظرات عجزت افسرها واردف.
تگدر تنصرف.
اخذت قطعة كاكاو من الكاسه المحطوطه عالميز و گمت.
أبيل: يابه صرت ستيني انتبه على صحتك خاف يطگك السُكري.
أبيل اطلع برا.
رحت بست راسه وطلعت اعرفه ينغث ولازم أراضيه.
طلعت منا صادفت ابوچ طلع من غرفتهم صبح عليّه قبل لا احچي.
الادهم: صباح الخير ابن الحاروگه.
أبيل: Günaydn عمي الدرهم.
يبدو تحسس عبن حك جبينه ابتسم اردف.
الأدهم: شقاك لا بأس به عندي طلب يبعد ابوك.
أبيل: عند عيناك عمي.
الأدهم: اريدك هاي الفتره الموجود بيها بالبصره انت توصل أريم للكُليه عبن بيت - - -
هددوني بيها يعني خلي نگول فتره تجيبها و توديها لحدما إيدي توصل لأذنهم وأفض سالفتهم.
أبيل: بيرفكت عمي خف إيدك وجر اذنهم ترا آنه مو مُقيم بالبصره حتى اصير البودي گارد مال بنتك بعد اسبوع راجع لإزمير.
الأدهم: تگدر ترجع تنام للسبعه ونص، دوامها بعد الثمانيه.
ابوچ كتله من المغثه، رجعت نمت للثمانيه
ومن طلعت جنت مجهز نفسي عبن طلعتلي شغله
مستعجله بالميناء
والباقي تعرفيه لمن نزلنا للمطبخ وامچ سوت دراما كوين، وصلتج للدوام بعدما نفذنا من محاولة اغتيال. اكملت شغلي لل12 دخلت بناية الشركه.
وبلش اول يوم ك رئيس تنفيذي بالشركه
بعدما طلعت من الاجتماع شفت هلال طالعه
تحاول تتصل بشخص.
أبيل: هلال صاير شي؟
نظرتلي و عيونها محمره. بثواني قليله
طلع من باب مكتبها رجال طويل ولابس لبس مثل راكبي الدراجات النارية، و قناع جُمجمه على وجه
وشايل ملف بإيده
أبيل: اانت منوو
هديت عليه لكن هلال وگفت بينا.
هِلال: هذا ثاني مره باليوم يطلع ويرجع للشركه أبيل هسا نفهم شني قصته.
ما نطق المقنع لكن مبين الملفات كلهن صور.
أبيل: ويين ترووح. وجييت خل اشوف شني هذني
هِلال: عوفه بداعتي خل يمشي ابويه گال لحد يتعرضله والمسا نعرف سالفته.
أبيل: ابويه شني قصته شنيي قصته
هلال متوتره بس ما حچت شي ضلت للساعه 6
وياي استغربت ليش ما ترجع رغم دوامها صباحي
اخذت السويچ وهي وياي طلعنا بالمصعد
دخلت الموضفه رُقيه چنا ساكتين، وصلنا
للگراج الموضفه صعدت سياره مضلله مبين شخص ينتظرها.
أما احنا ف رحنا سويه لبيت المزرعه.
مسافة الطريق و وصلت من وصلت شفت
سيارة عمي اشتر.
أبيل: عمي اشتر شعنده هنا؟
هِلال: خل ننزل.
نزلت وراها والحارس اخذ السياره.
دخلت للبيت اول مره اجي هنا تفاصيله يشبه بيتي الموجود بإزمير.
دخلنا البيت بعدما هلال فتحت الباب
والبيت ما ينسمع منه غير صوت كعبها وصوت حذائي، راحت بإتجاه الصاله، وگفت بالباب واشرت ادخل.
دخلت برجلي اليمين هي خطوى وحده
وگفت بمكاني، ابوي گاعد عالتخم بصف شخصين مُقنعين بقناع الجُمجمه
أبيل: منو هذوله!
سُبراايز.
گام أول واحد اللي عرفته من صوته نزع القناع
وچان عمي الأشتر درت انظاري للثاني وچان
AXR.
أبيل: شديصير؟
هسا نُعرف.
عبر بصفي وراح وگف يمهم، هذا چآن وگاع
أبيل: بيرفكت اكتملت السبحه ان شاء الله جاين عُطله رسميه للمزرعه؟
بحق الجحيم برو.
أبيل: بحق الجحيم الجاي منه انچب.
صديقك الصدوق طالع من قعر الجحيم وحق جدنا السابع.
أبيل: اعرف اعرف لا تذكرني.
انداريت ل ابويه الكور إيده و اردف.
الباشا: اجا اليوم اللي لازم تعرفون بيها الحقيقه.
هِلال: حقيقة شني؟
الأشتر: هِلاله اگعدي خل ابوچ يحجي.
وانت ليش متصنم اگعد.
أبيل: اريد أعرف اليوم يا بزونه سوده طالعه بوجهي، ليش حظي طايح نائصني مصايب؟
هسا تگلي عدكم عدو جديد طب للساحه.
نائصني انا؟
اجا عمي أخذن بصفه گعدنه كلنا و بابا ما يعاين على هلال يبدو بينهم خلاف مره ثانيه.
نظرلي و اردف.
الباشا: مثل ما تعرف 18 سنه أمك ماكو.
أبيل: اي اعرف الله يرحمها.
عيونه تجدح نار نتر ايدي واردف بعصبيه.
ااامك عااايشه موو ميته.
هِلال شهگت وخلت ايدها على گلبها عمي گام راح بصفها حاوطها.
يابه شجاي تحچي مو دبرولها ذاك الحادث
وامي احترگت شلون عايشه، هلال شبيچ.
الأشتر: امك مأسورة عند جسار جابر المياحي.
صرخت هلال وهي منهاره تبچي
هِلال: كُل مررره چنننت اگلك بااابااا اامي امي وينها تضل ساااكت تضل ساااكت.
الأشتر: اهدي هلال لا تصرخين.
ضليت صافن اناظر گدامي لكن بفراغ أجا AXR
فتح الملف امامي وعرض كل الصور.
هِلال عيونها وحلگها مفتوح من الصدمه
لزمت صوره أمي وهي حاظنه رجليها بالزاوية.
صوره مشوشه ماخذينها من كاميرات المراقبة.
انهارت تبچي على الصوره وعمي محتويها
اما آنه ايد ترجف رجف وعيون غرگانه بالدمع
ما اشوف گدامي مسحت عيوني ولزمت مجموعة الصور.
رجال شگدي شكبري بكل صوره اشهگ على وضعها بحيث فقدت اعصابي على اخر صوره وهي كاتبه اسمائنا احنا الثلاثه بالدم على الأرض ومتمدده بصفهن.
هاي أمي لا مستحيل امي، عاشت مأسورة امي عاشت مأسورة چااااا ااانت شنييي منتظررر كل هاااي السنيين.
دفرت الميز كسرتها ونظرت AXR چان گاعد وساكت. أما وگاع لزمني ما يسمحلي اهد عليه.
ااامي سنييين عدددكمم سنييين شلووون
دفعت وگاع، و هديت عليه ضربته بوكس خليت خشمه ينزف، ردت اكمل عليه ابوي وگفني نترت إيده اكسر الصاله تكسر واحچي بگلب محروگ.
ليييش مااا تخليني ااااخلص على هذااا العاااار نسل العاااار تدري شنييي ااانت انت السببب ليشش مااا حاااولت ليششش ضليييت ساااكت.
حاااولت حاااولت و ودورررت بس مااكو ماكو ما لگيت اثرهم.
تريد تبررليي. جسار يريد فلوس يريد فلوس لييييش ما اانطييته ليششش لووو عجبببك الوضع ومااا گدرررت تخسرررر هاااي الثروه وهاااي الأملاك لأجل ااام ابنااائك.
أبيل ااابووك ماله ذنب.
لااا تدااافعله هذااا شاااف الأمور طيبه رجع لمرررته وخلى ااااختي تتررربى تتتحت إيدهاا.
بحياااتك سألتتتت بنننتك ليششش إيدهاا عليييه اثررر هااا.
وگاع: أهدى اااهدى مو هييجي.
چااا البصدرررره ناااار شلوون يتصرررف لااا تلزمنييي وگاع وخليك بعيد خلييك على جنب.
نترت إيده وكسرت شكو شي يجي تحت إيدي
يااا محترررم يااا ااايهم باااشا مررتك سجى
ضلت تعذذذذب هلااال بعمررر العشررر سنوااات
والأثااار اللي على إيدهاااا قسسسم سوتلهن عمليااات تجميل و أثر إيدهاااا داااگه وشم فووووگه هذااا بسبب مررتك مررتك.
ضل مصدوم و AXR راح يغسل وجهه بقيت آني
وحدي افتر بالصاله واكسر شكو شي صاحي ضل.
إلى أن وصلت لمرحله اشهرت المسدس على AXR لمن دخل مره ثانيه للصاله.
الأشتر: لااا أبيل شتسوي تسووودنت.
الباشا: اهدى اااهدى هو الوحيييد الرااح يساعدنا بإسترجاااع اامك شتسوي أبيل اهدى اانت مو بوعيك.
گامت تمشي سحل فوك الركام دموعها مغطيه وجهها وگفت گدامي تتوسل بيّ.
هِلال: أبيل أبيل اروحلك فدوى لا تسويله شي المهم امي ترجع مو مهم ويامن نتعااااون المهم أمي امناا امناا تررجع أبييييل.
خليت المسدس براسي وصرخت بصوت عالي طلع من أعماق روحي من عُمق الماضي من يوم الحادث لحد ذاك اليوم ما چنت أبچي او ابين ضعفي گدامهم.
ااااااااااالله يلعننننهمم.
كنبصت على ركبي هلال حظنتي وعمي لمنا بحظنه، اردف.
الأشتر: كُلهم يدفعون الثَمن كُلهم حتى عمك الأدهم.
ابتعدت عنه وگمت مهدود حيلي AXR متچتف واگف بجهه و أبويه مكور قبضته ورايح لغير عالم
ضل صافن على صور أمي.
أبيل: عمي أدهم شدخله؟
وگاع: درهم شتترجى منه.
هلال: القُصه وما بيها. من جنت بإزمير.
سردتلي القُصه كلها وشلون ابوچ وهدام جبروها توقع عقد الزواج بينهم كُل هذا علمود يظمن القُرب من أبويه وما يصير قريب أكثر من اشتر اذا في حال انطى هلال ل وگاع.
گامت هلال وراحت وگفت گدام ابويه تبچي وتحچي.
هلال: بعد يومين من رجوعي للبصره اجيت جمعتكم انت وعمي اشتر حچيتلكم كلشي صار وعمي ادهم شسوا لكن انت شسوين؟
الأشتر: هلال عيناي بس على كيفچ ويا ابوچ.
هِلال: لا عمو لا خليني احچي، اخوك هذا هو
گدامك غضب عليّه وما يحچي وياي لحد اليوم
وكل تصرفاته تمثيل گدام الناس انه احنه أمورنا تمام وماكو خلاف
اهدي بس على كيفچ يبقى ابوچ وانا چنت وياه اثناء سكوته.
هِلال: لاا لا بالعكس هوو غااضب منيي لان ااانقذتتت حياااة طفله وامها اااني انقذذذت حياااة بهذا الزواااج ااانت شني سويييت بهذاا السكوووت من 18 سنةةةة شسووويت.
هلاال كاااافي عاااد اااحترمي ااابوچ ما مرر يووم إذا ما باااچي على فراگ امج 18.
هِلال: بس هوو هوو عافها بين إيدييهم
جساار ما رااد فلوس ابوچ جهز الأوراق المطلوبة وقع عليها حتى كتب كُل ممتلكاته اللي بحصته على أسم جسار لكن رفض رفض واختار يعذب ابوچ بفراگ روحه. هيجي خلاه معلگ بين الحياة والموت.
رحتله وعدل وگفته.
أبيل: تعال دليني على مكانها AXR دلييني على مكانها وين هي يم ابوك لو عمك؟
أنت شايف الموضوع easy.؟
وشغله ثانيه احنه گدرنه نخترق وندخل للموقع الخاص بالكاميرات و اخذنه الصور لكن كل يومين يتم تغير مكانها وحاليا غيرو مكان تواجدها وبعدنا نجمع المعلومات.
وگاع: AXR أنت إيدك واصله لذولاك الجماعه استخدمهم شمنتظر؟
الأشتر: أبيل الموضوع مو بهل سهوله
أبيل: چآ شني يعني نضل نضل هيچي تحت رحمة نَسل الفُجار عود بمزاااجهم ينطونه معلومه؟
كض لسانك عود ما اسكتلك كل مره.
أبيل: انچب AXR. اانچببب.
؟
الأشتر: يقصد Shut up.
اووه Really؟
وگاع: لا تضل تعوي.
الباشا: AXR تگدر ترجع لبيتك، نرد نتواصل وياك
أبيل: عن نفسي ماا احچي وياااك.
ليش حبيبي گتال عمك وما تحاچيني؟
وگاع: Shut up. يحاچيك ولا يهمك.
نظرله وما رد عليه شال جاكيته لبسها وتلثم، سلم بأصبيعن وطلع. للباب اندار واشر على هلال.
ختيه الگيرل تلاحگوها.
الأشتر: انت تلاحگ روحك لا اطلع بيها.
طلع AXR وضلينا وحدنه ألف تفكير براسي
ضليت گاعد ومنطي ظهري للحايط، لازم راسي محتار، اردفت.
أبيل: بعد أيام ذكرى وفاة امنا شتجاوب إيمار؟
تگُله ابني تعال اگعد خل اگُلك خبر حلو امك عايشه بس يم نَسل الفُجار هيچي تجاوبه؟
وگاع جاب دوا الضغط وگلاص ماي انطاه لأبويه
شربه واردف.
إيمار هم راح يعرف بالحقيقه لكن بالوقت المناسب.
وتشوف بهذا الوقت اللي فجرت الخبرر بينا وقتت مناسب؟ منّااا ولد يوسف ومنّاا ولد نَصار
لاحگيني وهسا امي طلعت أسيرة بين إيد جسار
تفضل حل هل مهزله حلها تفضل.
وگاع: اتصال مهم لازم أطلع اجاوب.
الأشتر: أبيل گوم بوس راس ابوك.
أبيل: تحچي صددگ أنت، هو يراضينا لو ااحنا؟
الأشتر: ابن الحاروگه طبعا أنتوا تراضون أبوكم.
أبيل: بيرفكت والله.
هِلال گامت رغم مقهوره منه لكن گلبها حنيّن
راحت گعدت بصفه خلت راسها على كتفه
وهي متوتره والدموع ما تنشف من جفنها.
ابويه لمها بحظنه ويبوس بشعرها
الأشتر: تگوم لو أگوملك.
أبيل: گااايم فوگ الحگه دگه.
گمت رحتله بست راسه وگام هو حظني.
ما تحركت ضليت واگف، لكن عمي أصر عليّه
بادرت بحظنه وخل نگول هدئت الأمور بينا
گامت هلال هم حظنتنا سوا ضلينا هيجي وعمي واگف يشاهد بصمت كأن ارتاح گلبه من شافنا متصالحين.
--
Back
نزلت دمعه من طرف عينه بدون انتباه منه
ارتبك وما عرف شلون يخفي دموعه.
أبيل: احم خل نمشي هسا تليگهم مقدمين بلاغ اختطاف بأسمچ.
لزمت إيده ما خليته يمشي رجعته گدامي.
وحظنته بقوه ما ادري ليش بس حسيته محتاج شخص يحتويه، وفعلا شد إيده يحظني بكل قوته
ويحچي بصوت تعبان.
أريما اريدچ وياي ومرات ماريدچ.