رواية ولد الباشا للكاتبة فاطمة الأحمد الفصل الثاني والأربعون
هِلال
طلعت حبوبه ناهد وهدام بلش يسحبني وياه برا البيت.
ناهد: وللك هدااام ولك اابن الدرررهم تعييد التاريخ ولللك.
هدآم: و اهد الديوان على روس زلمها ليش
تاخذوها مني؟
ايدي چانت على إيده اللي محاوطه رقبتي
واكتافي ما خايفه منه وشعور غريب يراودني
اردفت هُدهُده تحاول تهدأ الوضع.
ناهد: ما يخذنّها ترجعها لإيدي لو أللعن ابوك؟
هدآم: أللعني أبويه هدهده أللعني وانعليه بالنعال يستاهل. ياااسر يمااان.
صوفر وفجأة سيارة نوع جيكلاس وگفت يم
الباب و يَاسر يمان بيها يعني هو اللي مساعده بكل شي وحرره.
أخذني وياه تحت تهديد السلاح وصعدت
السيارة والبقيه ركضو ورانا ياسر نزل الجامه
لابس نظارات شمسية وصاح يحچي بإبتسامة
ويا أبويه
يَاسر: عمي الباشاااا ابن يمان الحجي رد الدين.
هدآم ضربه براس المسدس على راسه خفيف
وصاح بي.
هدآم: ولك قمشرررر ااامشي شمنتظررر
يَاسر: تُماااااام
حرك السيارة وداس بانزين انطلق بكل سُرعته.
يضحك ويحچي فرحان بإنجازه
يَاسر: عمي الباشااا ساااعدت بخطف بنتك
مثلماا بزماناتك ساعدت أبويه وخطفتو اامي
حتى ابويا يتزوجهااا وخلقوني أناا.
هِلال: يااا حماااار ما خلقوووك خلّفووك.
يَاسر: اي اي اقصد خلّفوني خلّفوني.
مسحت دمعه تريد تنزل من عيني وأخذت
نفس بالراحه، ياسر نظرلي من الجامه وأدرك
وهدام گاعد بصفي محاوط كتافي نظرلي
مصدوم.
هدآم: خطفتچ ليش انتي ريلاكس؟
يَاسر: دئيئه سانيه وحده معئوله!
مديت إيدي سحبت النظارات الشمسية من عيون يَاسر لبستها وتقربت حظنت خصر هدآم
هِلال: شلون چآن ادائي
هدآم: يعني الباشا! يعني حچااالچ!
يَاسر: يعني كمين مو خطف حقيقي تضرررربو انتوا وهل عقللل الدييين منو يررررده هااااا.
متت من الضحك وهدام يبوس بخدودي
ما مصدگ عفته على راحته
هِلال: اااحنه وييين وهذا وييين
ولك تحچييي صدددگ عزااا بعينك ااابيل.
هدآم: كووون عزااا بعين عزّهَ على هل دگه الناااقصه من ابوچ.
يَاسر: لاااا تحمى لا تحمى.
هدآم: ديير وجهك قشمررر دير وجهك.
يَاسر: برو مرتك مثل اختي واختك بعتبرها مرتي
هدآم صار على وجهه علامة استفهام هذا الغبي جفص جفصه توديه سفرة إلى الله
هدآم: وللللك حيوااان شني اختي تعتبرها مرتك هاااا ولك قشششمررر ااابن قشمررر.
هِلال: عزاا بعيينك يااسر ولك انچب إذا ما تعرف تحچي لييش تحچي.
يَاسر: شوو يعني مرتك ومرتي ساعدوني بدي اتعلم عراقي التركي شوي ملل.
يضربه بوكس على كتافه ويحچي.
هدآم: يَاااسر بئبرررك بواادي السلام إذا ما تنچبب بئبرررك والله.
يَاسر: برو طلعت تحكي سوري.
هدآم: يكثرر خيرررر جفصااتك ااابن
التُركيه اابن يمان الحجي.
شبعت ضحك على سوالفهم طول الطريق
ياسر يجفص بالكلمات العراقيه وهدام يسبه سبي
وصلنا للمطار، السياره تمشي بساحة
الطائرات بإتجاه طائرتنا الخاصة اللي
جاهزة وثلاث سيارات سوده واگفه قريب عليها.
ياسر وگف السيارة واخذ نظارته مني لبسها.
بعيونه ونزل يمشي أشر على واحد من الزلم الموجودين عند السيارات الثلاثه وصاح.
يَاسر: اامجد تعااال ابني طلع الجنط من السيارة لازم نرجعها بأسرع وقت.
نزلت من السياره ويا هدآم لزمنا إيد بعض
وچان يتألم من إصابة ذراعه. اردفت
هِلال: لوين ترجعون السيارة مو ليَاسر؟
هدام: السيارة سيارة اخوچ الحاروگه.
هِلال: Cok güzel شوكت
مشتري G-Class)؟
هدآم: من اسبوعين الافندي چآن حسباله ضام السالفه عن ابوچ.
هِلال: يحب السُبرايزات فديته يريد يفاجئه.
هدآم: اجته ضربه مُرتده وعمي فاجئه
وگال ياسر ينفذ بيها الخطه، خطيه أبيلو
ما لحگ يگطع الشريط الأحمر ياسر افتتحها
رجع يمنا بعدما سلم جُنطنا لطاقم الطياره
يَاسر: و هنااا كان لازم نتدخل، تحكون عني؟
هدآم: لا عن اختك.
يَاسر: برو ما اسمحلك.
هدآم: معليش اختك مثل مرتي.
هِلال: نعمممم.
يَاسر: برووو ماااا اسمحلك
هدآم: اتشاقه يمعود شبيك تُگمز.
يَاسر: اوكي لنتحدث بالموضوع الأهم.
الآن نسافر على إزمير نبدي اسبوع حااافل
بالشغل مع بعض
عفتهم ومشيت گدام باتجاه الطائرة
هِلال: من هسه محد يناقشني الخطه 2×1
هم خدعنا جسار وهم رايحين ندير شركة إزمير وآني بمكان أبيل مديرة تنفيذيه انتوا دبرو حالكم.
هدآم: اصير سكرتير عندچ!
يَاسر: اصير مسؤول عن قهوتچ
ساده أو مع سُكر شو بتحبي؟
هِلال: تمام بلا مصخرة من نوصل نلگى كلشي جاهز بابا هيچي گال.
صعدنا بالطيارة ياسر راح ينام وهدام گعد متألم من إصابته المُضيفه گالت الطياره
راح تأقلع خلال ثواني.
هِلال: تمام شد حزام الأمان طالما گاعدين
من نصير بالجو نجيب الدكتور يشوف جرحك.
شديت الحزام عبن ما يگدر ومغمض من الألم
بذراعه عاينت من الجامه سياراتهم اربعتهم
ابتعدوا عن مُحيط الطائرة والطيارة بلشت
تُقلع
ايدي على ايده واشد عليه انتبلهي وتقرب
تلامس خدودي يحاول يخليني ما اخاف.
هدآم: وياچ آنه ماكو داعي تخافين.
ما فتحت عيوني عندي فوبيا من مرحلة الإقلاع اردفت واحس هدآم وجهه بوجهي
هلگد قريب مني.
هِلال: طارت الطياره لو بعدها.
هدآم: لا بعدها لا تفتحين عيونچ.
باسني بطرف شفتي وفتحت عيوني عرفت اقلعت
هِلال: استحي شويه ليش تستغل الوووضع؟
رجع للكرسي مالته بصفي و چآن فاتح الحزام الأمني نظرلي ومرجع راسه عالكرسي.
هدآم: عمري خساره اذا ما استغل كُل ثانيه وياچ.
حمحمت ودرت وجهي شجاوبه، شويه وناديت المُضيفه طلبت منها تگول اللدكتور
يجي دقايق واجا الدكتور گمت انطيته مجال
هِلال: خوما بي شي؟
فتح الشاش وبلش يعقمها.
ماكو شي خطير الإصابة سطحية وما تحتاج
خياط مُجرد الرصاصه خدشت ذراعه.
هدآم: اخويه مُحترف بالتَصويب.
هِلال: على شني تتبسم. ومكيف!
هدآم: اقرالچ اسطُر شعريه من كتاباتي؟
يگول خذلوني وكسرو ظهري
الشلتهم أعله ظهري.
هِلال: Cok güzel Cok. شاعر انت.
هدآم: وهله بالگاعد بگلبي ومغلس على الإيجار.
هِلال: احنه أهل الدار ما ندفع إيجار.
حك طرف شفته وعيونه تريد تاكلني أكل
بس الدكتور موجود يضمد جرحه، نظر للدكتور بإنزعاج
هدآم: ترا جرح، مو ميت وتكفنه صار ساعه
تلف الشاش.
حاولت اكتم ضحكتي ما گدرت الدكتور
يضحك على ضحكتي عليه شهل وضعية
هِلال: اهههه مستواك بالتحشيش والذبات
متطورة.
هدآم: اي سويت تحديث جديد.
گالها بدون ابتسامة گلبت عيوني وگعدت.
گدامه وايدي على خدي شگد مَكّار
دخيلك يا ربي على هل إنسان ساكت ساكت واذا فتح حلگه يصير كُتلة من المغثه.
عزّهَ
شفتهم ثنيناتهم يشاهدون البث المباشر من كاميرات المراقبة ببيتنا ومتونسين بخراب
بيتنا وعلاقة ولد الباشا ببعضهم.
دورت بعيوني الصالة اثاثها جديد وجايبين
مزهريات غالية وثگيله، خطيت خطواتي بإتجاه وحده من المزهريات، بعدها بطاقة السعر عليها سجى خاتون ما لاحگة تشيلهن
عزّهَ: اووووه 100 دولار على هل مزهرية!
ثنينهم اندارولي شلتها وتقدمت بإتجاهم سجى گامت وتصييّح.
سجى: ولچ اگطععع شعرچ بإيدي إذاااا مااا ترجعيها لمكااانها!
جسار: هههاهها إعادة سيناريو.
عزّهَ: إيت إعادة سيناريو.
شمرتها بكل قوتي وكسرت ثاني تلفزيون
يجيبوه، خربت عليهم وسجى تريد تهد عليّه. جسار يضحك ويسحبها
جسار: ههاهها عوفيهاا صرت احبها احب
صلافتها كسارة الشاشات هل إنسانه قوية جدا جدا. شگد صلفه مااا تخااف ثاني تلفزيون
تكسرره.
عزّهَ: وجيب الثالثه اكسرها على راسك
وراسها وجيب الرابعه انيم راسك وراسها بي.
، انتوا جيبو وآني اكسرها على راسكم انذاال.
دفرت الميزه وگعت مزهرية ثانيه، طلعت من
الصاله وسجى تسب وتغلط عليّه.
سجى: چلبببه بنتتت چلب اااني اربيييچ اربيييچ والله.
صعدت لغرفتي وبطريقي بس اوگع الاثاث
اللي سجى تشتريهن بكل حب وكلهن غاليات
وهاي تگمز ما تگدر تهد عليّه جسار يمنعها.
عزام يكسر واني اكسر، يوميه نكسر البيت
علي راسهم وهُمه ينجازون باليوم الثاني
يشترون اثاث وتُحف جديده ونرجع نكسرها
ويستمر الوضع.
اتصلت عليه شوية وجاوبني.
عزّهَ: شصار وياك؟
بالمصعد رايح على اجتماع ويا البومه الشگره.
ويا البومه الشگره گتلي، اي. اي زين واني هنا كسرت التلفزيون على رأس امك وابوك مع احترامي الشديد ألك.
والتلفزيون شني ذنبه هذا ثاني تلفزيون
تؤ تؤ خطيّ راحت عليهم أحداث بيت
الباشا.
ما راحت عليهم شافوها لحدما هدآم أخذها
وطلع.
اخوچ طلع مو هييين!
عبن اخويه، المهم شتسوي بمأنه جسار
ما ينطيك عنوان خالة آيدا.؟
يتحزم للمصايب، بعدين نحچي البومه الشگره بالباب تنتظر رئيسها، والله الشغل
حلو وياها
عزام!
نعم عزّتي.
سمعت صوتها قريب منه وهي تگول
مو وگت عزتك وعزها عدنه اجتماع مهم
عزّهَ: متأكد انت رئيس مجلس الإدارة؟
تستغل احترامي للسيدات لا أكثر.
عزّهَ: باچر اداوم بالشركة واشوفها حجمها الصحيح.
يا ريت والله، افضل مُعادلة، النساء للنساء والنساء ضد النساء.
أنهيت الإتصال وگعدت اراسل خواتي
خل نشوف تاليها.
رُقيه
اخذت حبة مسكن ألم واحس شراين راسي
كلها تنبض گعدت شويه بالصاله حتى يبدي
مفعول الحبة بهل اثناء طلع هاشم من غرفته
متأنق كالعاده مثل رجال الأعمال والثراء
الفاحش مبين من ماركات اللي يلبسها.
لاحظت هل مره من رجع بطل يلبس خواتمه
بس دائما يحاول يضم وشوم معصم إيده
ابتعدت لزاوية التُخم بمأنه اجا گعد بصفي
يباوعلي وساكت حسيته عنده شي.
حك طرف حاجبه واردف مُتسائل.
هاشم: ليش اخذتي مسكن ألم!
باوعت حوالينا محد ماكو حتى المطبخ چآن
مابي احد لمن اخذت الحبة وشربت ماي، رجع كرر سؤاله.
هاشم: رُقيه ليش دا تاخذين مسكن ألم!
رُقيه: من وين تعرف اخذت مسكن ألم! وليش تسأل.
هاشم: اسأل لأن ابوچ وين الغريب بالموضوع
بنتي ويهمني اعرف شبيچ!
ما جاوب على سؤالي الأول شلون عرف!
تقرب راد يلزم ايدي وخر ايدي عنه وهو تراجع
مخذول.
هاشم: نروح للمستشفى نسوي چم
فحوصات ضروريه، لازم نعرف سبب هذا
الألم المفاجئ براسچ.
رُقيه: ماكو داعي، رحت وسويت فحص طلع كلشي مابيّه وألم الراس شيء عادي ماكو داعي
للخوف المزيف.
عيونه تنظر بفراغ ويحچي بنتر وترني!
هاشم: مو خوف مُزيف مو خووف مُزيف
خاف بيچ شي مثل امچ، گومي وياي نروح للمستشفى.
رُقيه: شتسوي هااشم عوف إيدي
ما ااجي وياااك ما بيّه شي.
يجرني من إيدي يريد ياخذني إجباري
وگفته صوت حبوبه سُعاد.
سُعاد: هد إيد رُقيه.
هاشم: يمه بنتي واريد اطمئن على صحتها.
سُعاد: لا تگول عن مره غريبه عليك يمه.
اجت لزمت ايدي وما لمست هاشم تگول
واحد وسخ يطلخنا بسواد عالمه، كلش
حريصة ما يصير احتكاك بينهم.
سُعاد: تترك إيدها وتخلي مسافه بينك وبينها
لا تجرها لسواد عالمك، العاشته بسبب
اخوك العار يكفي!
استغربت منه هاشم عكس جسار يحترم امه
ويحترم كلامها، ترك إيدي لكن تكلم ب وَعيد
هاشم: إذا بنتي صار عليها شي
ما تلوميني تلومين نفسچ. دا أگُلچ أخذها
للمستشفى نسوي چم فحوصات بس.
اطمئن و ارجعها للبيت!
رُقيه: ما بيّه شي لا تسوي روحك ابويه وحنون تخاف عليَّه، سُعاده عندي مشوار اخلصه
وارجع.
سُعاد: تمام روحي بس انتبهي لنفسچ.
رُقيه: لا تخافين يَگلبي دعواچ ما تفارگني.
بست إيدها وخدها تحت أنظار هاشم
اللي إيده بجيبه وساكت، بس لا يدز زلم تراقبني.
هاشم: ليش وين رايحه حتى تخافين اراقبچ.
بلعت ريگ معقولة قرأ أفكاري او آني فكرت
بصوت عالي، شلت موبايلي خليتها بجيب
الجاكيت ومشيت ما جاوبته.
شويه وانداريت شفته رجع على غرفته، آني
هم طلعت من البيت اتصلت عليه جاوبني من ثالث مره.
رُقيه: طالعة من البيت و رايحه للكورنيش.
گال تمام وقفل الخط، تمشيت للكورنيش
وبالي رايح افكر ولاحظت صار ايام ما شايفه
ناجي ونائل هذوله وين مختفيين.
وراااااچ بنت عميي.
فزيت من صوته، انداريت هذا نَائل
الملبوس جني وراي، إيده بجيب القمصله
ولاحگني.
رُقيه: عمى العمااك وگعت گلبي شلووون
تلحگنييي!
اسرع خطواته صار يمشي بصفي.
نَائل: شلون اللحگچ برجليني اللحگچ شهل
غباء
رُقيه: انچب خوش وروح منّا، اجيت اتمشى
لوحدي.
نَائل: دحگي مرت اخويه ترا ما لحگتچ
بس چنت گاعد ويا صديقي عالشط ناكل
سمچ مسگوف شفتچ مارة گلت نحچي شويه.
باوعت بي هذا عن أي صديق يحچي بس لا هذاك اللي وسن حچت عنه!
نَائل: اي هو لوسي، اقصد لوسيفر
نعتذر عن السحگة لا تبالغ تمام.
رُقيه: مرريض والله.
وگف لزم راسه يسد اذنه.
نَائل: اسكتييي مو وگت هذا الحچي گلت نحچي نحچي بخصوصچ انتي و.
رحت يمه وگفت ضل يردد بدون ذكر اسمه
تفهمت وضعه وأنه يتخربط، اردفت
رُقيه: بخصوص شنو احنه شوگت چنا نحچي
نَائل: تمام يبدو بعدچ ما مستوعبه أنه آني واخويا حبابين، وإيدنا بإيد هاشم.
رُقيه: أكو فرق بين اصدگ وبين ما استوعب.
نَائل: بس ماي براذر لو يو!
رُقيه: احچي مثل الاوادم.
نَائل: تمام مرت اخوي.
رُقيه: انچب ولا تگول مرت اخوي!
عيونه نطن من المغثه رفع أصبعه بوجهي يهدد
نَائل: لا تخلي لوسيفر يتدخل وحق ذاك
المگرن يخليچ تاكلين وحل وما تشبعين.
رُقيه: لازم ماكل وحل من وراه وما شابع.
مد إيده مثل إلى يريد يخنگ من المغثه ويحچي بنتر.
نَائل: رُقيييه اخنگچ اخنگچ لا تجفصين ببطني.
رُقيه: تؤتتؤتؤتؤ اخنگني اخنگني بله خل اشوووف.
نَائل: اخخ لوما عزيزه وغاليه على قلب اخي اللعين!
عفته ومشيت ضل يلحگني.
نَائل: ناجي مسافر او بالحقيقه ابوچ خلاه يسافر هاشم يبعده عنچ وهذا الشي ديعذب
اخويه.
رُقيه: نَائل كافي تمشي وراي وعوفني بحالي
اخوك يروح لجهنم وبئس المصير شسوي بي
نَائل: اي فعلا يروح لقعر الجحيم الجحش
يحبچ آني المن جاي احچي!
رُقيه: خل يووليي هو وحبه خووش ثنيناتكم ولوو، لا تخلوني احچي لهاشم واگول تلحگونا.
سكت بعدما سمعت صوته وآني مستمره
امشي انداريت ما شفته وراي. ولا موجود بالمكان مثل ما نگول اختفى.
رُقيه: مريض وملبوس جني
كملت طريقي شفت سيارته عند الرصيف
وگفت اشوف خو ماكو احد يراقبني من اطمئنيت تقدمت دگيت على الجامه
اكيد گاعد بالسياره بمأنه الجامات مُظللة
وما يبين شي من برا. لكن اجاني صوته من وراي
آنسه رُقيه.
انداريت شفته كالعاده لابس شبه عسكري
وكله اسود بأسود
رُقيه: اها عبالي گاعد بالسياره مُظلله ما تبين
شي.
صگر: أفضل، خل نمشي لا نتأخر.
فتح الباب وصعدت گدام، شديت حزام الأمان.
وهو صعد عاف موبايله بصف الگير وحرك
السيارة
ضلينا ثنينا ساكتين دقايق واجته رسالة
من أبن الأشتر هيچ چآن مسجله.
بس چآن موبايله صامت ما انتبه قريت
الرسالة من الإشعارات.
دير بالك.
رساله ثانيه عين على صگر وعين على موبايله.
إذا صار شي خابرني
عن شنو يحچي هذا رجع دز رساله ثالثه.
إذا حسيت عليها تعبانه او تشتكي من شي تخابرني صگر تخابرني إذا.
شال موبايله ما خلاني اكمل قرآيه نظرلي بخزره.
صگر: افتحلچ المحادثه واقريها.
رُقيه: هاا لا بالغلط اجت عيني على الرساله
عزا العزااك أبو گاع شلون خليت روحي
بموقف مُحرج، بعد نص ساعة وصلنا.
فورا دخلنا لقاعة المحكمة، بلشت الجلسه
واجا دوري شهدت على الصار والتهديد اللي
تعرضتله.
القاضي نطق بالحُكم وعمام صگر كلهم
موجدين وكلهم ضد فعلة ابن اخوهم، فعلآ
هُمة عائلة اثبتوا أن القانون فوق الجميع.
بعدما خلصت جلسة المحاكمه طلعت
وواحد من الحظور طلع قبلي كتفه ضرب
بكتفي، چآن شخص طويل مثل أبو گاع.
ولابس شفقة براسه وكمامة، باوعت بي
إيده بحظنه متصاوب او مكسوره.
رُقيه: عفوا ما تشوف گدامك ما تعرف الأصول؟
اشرلي گدامه وحسيت يبتسم من عيونه
مبينه.
حگچ تفضلي الخاتونات أولاً.
تقربت حسيته نفسه أبو گاع
رُقيه: گتلي الخاتونات؟
اي الخاتونات أولا.
رُقيه: أبو گاع؟
صگر: امشي رُقيه.
وگف بصفنا وما خلى الشخص يجاوب.
او هو انقذه من الجواب بآخر لحظة.
عافنا وطلع مستعجل.
رُقيه: چنت احچي وياه ليش راح.
صگر: وين تروحين شعليچ بالزلمه
عفته رحت ورا ابو كمامه طلعت لحديقة
المحكمه و التفت حوالين نفسي عيوني
تدور عليه متأكده هذا ابو گاع.
رُقيه: متأكده هو شعنده هنا وليش هيج وضعه.
صگر لحگني ومبين عصبي أشر گدامه يحچي بنفاذ صبر.
صگر: عليمن تدورين امشي خل نرجع.
رُقيه: ابو گاع هنا شفته بعيوني بس
ليش هيچ وضعه إيده بحظنه صاير شي!
احس دمارات راسي كلها تنبض من التوتر
وألم فضيع يعلن انتشاره بكل جُمجمتي إلى.
أسفل راسي و رقبتي، عفت صگر وكملت
مشي بالحديقه ادور عليه وما ادري ليش اريد
اشوفه.
رُقيه: شفته متأكده هو متأكده ابو گاع.
انداريت ما شفت صگر گعدت على إحدى
الكراسي الموجودة و لازمه راسي بثنين إيديّه
احس راح اموت من الوجع صوت النبضات
تضرب براسي لحظات وشفته واگف گدامي
عيوني المليانه دموع من ألم راسي اباوع
لطوله كنبص گدامي إيد بحظنه وبإيده الثانيه
بيها عُلبة حليب بالفراولة.
باوعت بالحديقه صگر واگف بعيد.
واللي گدامي اكيد هو نفسه أبو گاع
وحتى اتأكد قربت إيدي نزلت الكمامة
دنگ وعيونه تلمع صايره مثل الدم.
رُقيه: أبو گاع.
هز راسه ب اي و دار وجهه يمسح عيونه
ما ادري شبي ليش هيچ يتصرف معقوله
يبچي. رجع باوعلي بإبتسامه مد إيده
اشربيها الحليب بالفراولة.
رُقيه: ليش عيونك بيهن دموع وليش إيدك
بحظنك متصاوب لو مكسوره!
اشربي هاي و اجاوبچ.
رُقيه: ما اريد شي، شبيك باوعلي صاير شي؟
اشش لا تبچين
عاف الحليب بالفراولة بصفي.
عالكرسي، مسح دموعي و يمرر ابهامه تحت
جفني.
رُقيه: ما أبچي هذا من ألم راسي انت التبچي ليش؟ صاير شي احد من احبابك مات لا سمح
الله؟
نزل إيده ورجع شال الحليب واصر عليه
تشربيها وما تجادليني احسچ تعبانه و هذا
هذا بي.
رُقيه: وهذا بي شي؟
بي فراولة مفيده اشربيها وانتي ساكته.
خلى الكصبه بيها وشربني غصب، خليت ايدي
علي إيده حتى انزل إيده يگول بعد خلصيها
اشربيها كلها لا تعاينيلي هيچي ما اجرمت.
گحيت و صار يمسح على ظهري.
رُقيه: هممج هو هييج شبيييك.
تمام اسف هسه تصيرين احسن.
نظرتله واخوزر بي وخرت إيده من ظهري
صگر چآن واگف بعيد يشاهدنا، بعد دقايق
حسيت شراين راسي بلش يهدى ويتلاشى
الألم او هدئ على الأقل.
رُقيه: شنو چآن بي.
شني الچان بي
رُقيه: الحليب بالفراولة چآن بيها دوا؟
دوا شني لا ما بيها شي ليش؟
رُقيه: تغشم روحك؟
وليش اغشم روحي، بيچ شي؟
سكتت هذا ما ينعرف صدگه من چذبه
اكبر مَكَّار. گمت وعفته مشيت بإتجاه
صگر، وهو لحگني.
رُقيه: مثل الثعلب هل إنسان ما يبين صدگه من چذبه.
خوش سُمعه والله.
رُقيه: طلعت لاحگني للمحكمه ليييش؟
القضيه تخص خاتونتي خوما اعوفچ بوحدچ.
وگفت وانداريتله
رُقيه: باوع بحالتك يوميه متصاوب.
اءء اي احم متعودين ماكو شي جديد.
رُقيه: ليش لاحگني؟!
اجيت اشهد واخذ حقچ من اللي تعرضلچ.
رُقيه: لا تچذب شوگت شهدت؟
شهد بس انتي ما عرفتي صوتي ولا حسيتي بيّه چنت وراچ.
رُقيه: وراي؟ اي بس بالباب عرفتك
وانت مشيت.
وگف گدامي رفعت انظاري اله هو أطول مني
بشويه، اردف و حسيت يعاتبني.
عرفتيني عبن ضربت بيچ و هييّجت گلبچ
اليكابر ورافع خشمه على گلبي.
رُقيه: گلبي رافع خشمه على گلبك!؟
أي والله رافع خشمه على گلبي!
تقربت باوعت بعيونه اردفت بهمس
رُقيه: أبو گاع. گلبك همج وأنت همج
و ثعلب مَكَّار ما تگدرلي.
بس الهمج والثعلب المَكَّار، يحبچ وروحه بيچ.
ابتعدت خطوة حسيت بتوتر اردفت بدون لا
اخلي عيوني بعيونه.
رُقيه: اي لعد لعد تنجاز ويا أبويه إذا زلمة تقنعه بيك.
عفته ومشيت ضل يحچي بصوت عالي حتى اسمعه.
ابووچ ساالفته مگضييه وحق جدنا السابع اخذچ من حلگ السبع خااوه.
طلعنا بره بناية المحكمه إيدي على گلبي
اليدگ دمام وصار بيّه خفقان فتحت باب
سيارة صگر وصعدت.
رُقيه: عزا العزااك يابو گاع شهل ثقة بالنفس
العندك مگضييه ما!
سكتت لمن صعد وشد الحزام نظرلي بإبتسامه هاديه.
صگر: حلوين وحگ الله.
رُقيه: اي احم بلا زحمة وصلني للكورنيش
قبل لا ابويه يدز زلمته يدورون ورايه.
خليت ايدي على خدي واخذتني الصفنات
شراح يصير بالأيام الجايه.
ال بتراء
بعدما هدآم اخذ هلال وراح الشباب اسعفو
أبن الأشتر وبعدها طلع من البيت ما ندري
وين راح، اصلا إصابته خدش بسيط بس هو
بالغ برد فعله وگال دمي خلص.
الشيخ ومرته راحو وبقينا لوحدنا، طلعنا من
الديوان ودخلنا للصالة الثانيه ماادري شنو
سالفتهم خاصة خالة امل گالت نروح للصالة
الثانيه نگعد براحتنا!
بتراء: ليش مو بهاي الصاله؟
رحت وراهم وامل بصفي.
أمل: هسه احچيلچ.
حچتلي انه بهاي الصالة ما كو كاميرات مراقبة.
نگدر ناخذ راحتنا، دخلنا للصالة وعلى سَند
سد الباب اندار لعمامه اردف.
علي سَند: عزّهَ دزت رساله وگالت الأمور تمام.
الباشا: والشركة؟
علي سَند: عزام متفرد بيها وبنت هاشم مالها كلمه.
شجاي يصير يعني كلشي خطة منهم!
الأشتر چآن ملتهي يراسل بس منتبه على الحچي اللي ينحچي رفع راسه باوع بينا كلنا ابتسم وگال.
الأشتر: شركة الشحن صارت على أسم هاشم.
الكل على وجههم علامة استفهام
الباشا: شلون على اسمه عزام شني لايص؟
وليش توزع ابتسامات؟
الأشتر: الموضوع يستاهل وحق جدنا السابع
الباشا: اشتر مو وگت ولدنتك
شني المقابل اكيد ما تنطيه ببلاش.
الأشتر: نعم نعم.
وَتان: يابه نعم شني لا تجلطناا أنوب نخسر ملاين الدولارات
عمو ايهم رجع ظهره للتُخم وضل ساكت يخوزر بالأشتر وهو يبتسم بوجههنا.
الأشتر: المقابل راح يكون مفاجأة ألكم.
أمل: اشتر چفينا شر مفاجأتك. اخر مره جبتلنا
ابنك الروسي وطلع جيسو السُلحقاة.
وَتان: ههههع خاف يتزوج عليچ من صدگ والمهر يكون على هاشم.
الأشتر: انچب.
أمل: اشتر عاينلي وحق جدنا السابع اذا
هيچي تسوي اخذ الجهال واعوف البيت.
گعد بصفي حاوط كتافي يضحك
علي سَند: ركزولي على كلمة الجهال
تخيلت اموله لازمه إيد وتوني وأبو وگعه
وتاخذهم وياها.
وَتان: ااذا آنه وتوني انت سَنودي نودي نودي عايفه مرته بالبودي. بودي مال سيارة 4x4.
شمر مخدة التُخم والثاني يردله.
علي سَند: انچب شوكت عايف مرتي بالبودي.
آني وخالة آمل ويا ناهد شبعنا ضحك عليهم
اما اشتر وعمو أيهم يتهامسون بيناتهم ولا كأن
هذوله يتضاربون گدامهم بالمخاد. إلى أن عاط بيهم.
الباشا: كاافي عااد جهال الهمج.
علي سَند: احم يقصد ولد الاشتر.
وَتان: وانت ضمن جهال الدرهم.
علي سَند: اللزم لسانك لا اگصه.
الأشتر: گومو طلعو الدم لا تصيرون ناعمين
تتضاربون بالمخاد امدااا يوم الخلفناكم.
ناهد و امل صاحو بي.
ولللك ااااشتر هسه هيچي تنصحح!
الأشتر: چآ شحچي كل واحد بگد الحيط
يتضاربون بالمخاد.
علي سَند: عمي الرفق بالحيوان واجب.
الأشتر: نعم شگلت يَبن الدرهم شگلت؟
علي سَند: اجاني اتصال مهم، الو سرآب تسمعيني، آنه ما اسمع شبكة ماكو راح احچي
بره شويه وارجع
خلى تلفونه على اذنه وطلع بره الصاله عمو اشتر صاح وراه.
الأشتر: الرررفق بيييك وااجب ابن الدرررهم
اشگ حلگك إذا تحچي على ذُريتي.
هو يرزل ولده وينزلهم أسفل سافلين عادي
بس اذا شخص غيره يحچي عليهم يگوم.
القيامه. ، حچيت واني بالي يم اسم سرآب
بتراء: سرآب، خالة أمل منو سرآب منو!
الأشتر: ديخونچ منتهيه السالفه ديخونچ.
أمل: اشترر لا تخرب بيتهم ااشتر.
الأشتر: روحي وراه هسه دياخذ موعد منها
أمل: ولك ااشتر لا تهجم بيييته.
الأشتر: خل يتربى وما يحچي على ذريتي ابن الدرهم.
بتراء: عمو اشتر يعرف أكثر من الاستخبارات
اكيد على سَند عنده سالفه ديخوني!
گمت وخالة أمل تگول انهجم بييتك يا علي
انهجم بيتك. طلعت من الصالة واني احچي.
بصوت عالي حتى يسمعني.
بتراء: ياا على سَند دخيلك ااانهجم بيييتك
وحق جدكممم السااابع ما اعديها على خير.
طلعت وراه للحديقة چآن واگف يحچي
مكالمه.
بتراء: سراااب منوو.
اندارلي واختفت ابتسامته.
علي سَند: بتوره معقولة تصدگين بالاشتر
بتراء: سرآب منو اكيد اصدك عمو اشتر
يعرف أكثر من الاستخبارات عندك سالفه
سرآب منو
نزل التلفون من اذنه وتقرب حاوط خصري.
علي سَند: وين اكو إنسان يخون روحه.
بتراء: بدون هل حچي المعسل وافتح سبيكر.
علي سَند: انهجم بيتك يا اشتر شلون يريد يخربچ عليّه.
بتراء: اي اي يخربني عليك، انطيني التلفون
سحبت التلفون منه وبقى قريب محاوط
خصري، فتحت الكتم وقريت الأسم وَدق
اجاني صوتها وهي تحچي.
صهري وين رحت چنت حابه احچي ويا
اختي تلفونها مغلق.
علي سَند: ااي ءء وياچ عالخط بس اختچ اجت.
لعد ليش ما تحچي بتراء بتوره شلونچ؟
انكتم صوتي من الفشله بالغت برد فعلي.
وصدگت بعمو اشتر. ابتسمت واحچي
بتراء: اههه وَدق شلونچ رُقيه شلونها
كلنا بخير بس شوگت نشوفچ؟
بتراء: ما ادري والله، على سَند شوگت اشوفهن؟
رتب خصلات شعري وباس خدي
اردف.
علي سَند: مفاجأة.
بتراء: لا تصير مثل عمك احچي بالضبط شوگت.
شلون يعني باچر لو بعد باچر لو اصلا ما نشوفها!
علي سَند: تشوفوها بالوقت المناسب.
سكتت ما حچيت شي.
تمام افتهمت، على كُلن لازم اقفل الخط حبوبه تناديني.
بتراء: سلمي عليها وبوسيها بأسمي.
واصل يَعُمري.
قفلت الخط انطيته الموبايل، ابتعدت عنه
بتراء: خل نشوف وقتكم المناسب شوگت يجي!
علي سَند: بتراء مو وگت تاخذين موقف مني.
بتراء: لا ما أخذت موقف لا تهتم.
عفته ومشيت هو لحگني، وگفني وحظننا بعض.
علي سَند: اصبري چم يوم ونخلص
بتراء: صبرت طول هاي السنين وخلص صبري اني قريبه من خواتي وبنفس الوقت
بعيده فراگهن دياخذ حيلي بُعدهن تعبني.
وانت تگول اصبري بعد!
علي سَند: اتفهمچ حبيبي بس انتي شوفي الوضع إيمار وأبيل طلعو من البيت من خمس ساعات وما راجعين، وگاع رايح للمحكمة علمود قضية اختچ.
ابتعدت عنه موسعه عيوني مصدومه من
كلامه
بتراء: عن أي وحده تحچي رُقيه وسن لو وَدق، .
علي سَند: رُقيه...
اصريت نگعد ويحچيلي كل شي صار وصاير
او راح يصير.
بتراء: كل هذا صاير وآني مالي علم!
علي سَند: الموضوع فايت ببعضه واليوم
انس مالك تحاكم عدة سنوات بسبب الفعل.
اللي سواه ويعتبر محاولة قتل، .
بتراء: بالي يمها يعني هيّ بخير متأكد؟
حاوط كتافي لمني بحظنه
علي سَند: هيّ بخير بخير.
سيرا
چنت ماشيه بالممر بإتجاه غُرفتي
وشفت ابويه يطلع من الغرفه اللي چانت
علي اساس مقفوله ومحد يدخل الها
انتبهت بإيده شوية أوراق بس سويت روحي متجاهله وكملت طريقي، لكن وگفني صوته.
الأدهم: سيرا...
انداريت أله وبهل اثناء
رجع اتصل بيّه للمره الثالثه ورفضت
سيرا: نعم.
تقدم بإتجاهي والأوراق بإيده وگف گدامي
راد يخلي إيده على كتفي تراجعت خطوة.
الأدهم: سيرا بنتي ما يصير تتصرفين هيچي.
سيرا: وشلون اتصرف ممكن تعلمني!
الأدهم: مو مشكله اعلمچ
بس ما عندي وقت فراغ بالنهايه أنتي بنتي وآنه ابوچ من حقي اعصب عليچ وهاي اول مره أمد إيدي واضرب. وما يتكرر
سيرا: بسببك فارگت عمو اشتر
الأدهم: هم گالت اشتر، اشتر لييش ما دافع عن اخوه؟
سيرا: عبن اشتر ما يغدر اخوته هو رجال حقاني يوگف ويا الحق!
الأدهم: هسه خل يولي اشتر وخل نرجع
أب وبنته مثل قبل.
تقدمت خطوه وهو فرد ذراعه يريد يحظني
وگفت، اردفت بوجهه.
سيرا: لا تحچي على اشتور.
و ما نرجع اب وبنته إلا إذا اشتور يسامحك.
وترجعنا للقصر.
الأدهم: لا اشتورچ يسامحني ولا ارجعچ
للقصر، تبقين بهذا البيت حتى بعدما
نخلص.
سيرا: حتى بعدما نخلص!
الأدهم: حتى بعدما نخلص.
ابتسم ببرود و بهاي اللحظه رجع اتصل بيّه
وهل مره ابويه انتبه.
الأدهم: منو يتصل.
قريت اسمه أبتسمت درت شاشة الموبايل
لوجهه وهو قرأ اسمه گلب عيونه معقوله من صدگ يغار منه!
الأدهم: وبكل صلافه مسجلة رقم عمها
اشتوري.
سيرا: بعدك ما مستوعب علاقتنا آني واشتور
مو مُجرد عم وبنت اخ هذا الرجال اللي رباني
الأدهم: اشتورچ رباچ بس آنه الخلفتچ!
عفته وملامح الغيره على وجهه
دخلت لغرفتي وسديت الباب رديت على
الإتصال.
سيرا: اشتوري شلونك.
وشلوني من دونچ سيراي شلونه البابا؟
سيرا: مات بغيرته منك توني چنت احچي وياه
شايف كلشي. وسمعت كلامكم، بس هذا چآن سؤال روتيني
سيرا: وااات ذاا هيييل زارع كاميراات؟
نصيت صوتي ورجعت حچيت.
سيرا: زاارع كاميراات بكل البيت؟
لاااء بس بالممر، . والمكتب والصالة والمطبخ
سيرا: نائص بغرفة امي وابويه.
علي هل سيرة اعتقد ابوچ يفلس وينام
بالمكتب هاي الفتره هههاا
حاولت اكتم ضحكتي اعرف شني يقصد
عود زوجاته ثنينهن بنفس البيت خوما يروح للأولى ويعوف الثانيه.
سيرا: عزاا اشتور والله ما يصير ناخذ غيبتهم.
اتوقع تعلگ بيناتهم وتصير مشاكل تقليديه
لأول مره في تاريخه بينه وبين زوجاته.
سيرا: كلشي الا انت من تتوقع.
المهم لا تزودين وياه هذا اخويه واعرفه
يكتم بگلبه اذا يغار.
سيرا: اشتور أنت تگدر تسامح ابويه؟
يمكن اي ويمكن لا، ابوچ غدرنا شني متوقعه أخذه بالاحظان؟
سيرا: لا ابد، وانت حقك، باليوم إلى انت
تسامحه آني هم اسامحه.
سكت كأن كاتم الصوت، شويه و رجع اردف
انتبهي لنفسچ بعدين اتصل بيچ.
سيرا: اي تمام. اشتور ممكن طلب؟
عيوني شنهي الطلب؟
سيرا: تبوسلي أموله من الخدين مرتين
وتحظنها بدالي.
هذا طلبچ ول خااالي تدللين رايح اوصل الأمانه. وثلاث مرات ابوسها مو مرتين
سيرا: اشتووور أمل وين.
بالصاله
سيرا: واات وتروح تحظنها وتبوس بيها گدام الكل.
شبيچ غير انتي طلبتي بعدين آمالي حلالي
ما مسوي شي حرام، تدرين شني الله وياچ
سيرا: صخام لطام اشتور الو اشتورر
قفل الخط بوجهي يسويها والله هذا اشتر
والحب ماله أموله، ما يتقيد گدام الكل
يسمعها غزل وكلام حُب.
رحت يم الشباك عاينت تحت الحُراس كُثر.
حوالين البيت وداير ما داير الحديقه. هذا الاسمه ماجد ملقبته ماجد المهندس
تصنيف وكذا واگف يم النافورة
انتبهلي وعدل وگفته رفع راسه يعاينلي
من انتبه آني سيرا دار وجهه!
سيرا: زويحف على اختي يل ما تستحي.
صدگ أريم وينها؟
اخذت قمصلتي وطلعت من الغرفه
نزلت تحت ماما طلعت من الصاله
نَدى: وين رايحه؟
سيرا: هنا بالحديقه أريم وينها؟
نَدى: أريم راحت للسوبرماركت
سيرا: تشتري مسواگ خطيه.
نَدى: شبيچ تهمسين ارفعي صوتچ.
سيرا: لا ماكو شي اگول خل اطلع للحديقة
اختنگت من جو البيت
نَدى: اي روحي مخنووگه عود. آني المخنوگه من مصايب ابوچ.
عفتها ومشيت للباب ما عبالي تسمعني من حچيت.
سيرا: منو گال حبي وارضي بهل درهم.
نَدى: سيرا صايره فرد مره ام لسان!
سيرا: آيم يري سوري ما اقصد خانني التعبير على گولة مرت أخوي.
صخام لطام بوجهك ماجد.
طلعت للحديقه شفته يحچي ويا فاضل البواب وينظرلي
ماجد: ما تگدرللها لسانها مترين.
فاضل: اجيب راسها والعباس!
سيرا: تجيب راس منو؟
ثنينهم سكتوا فاضل ابتسم ابتسامه عريضه
فاضل: اجيب راس الصخلة امي مشتهيه
ثريد.
ماجد: هسه تغسلك وشرك عالحبل.
سيرا: شني رايك تجيب راس الثور وتعزمنا اني وماجد المهندس يم امك؟
فاضل: اعزمچ واعزم ماجد المهندس بس خاف ما يقبل العزيمه.
ماجد: الآنسه تصنف على اسمي.
فاضل: اااهاااا تحش بيك يا ثور
هسه عرفت ليش گالت جيب راس ثوررر
ماجد: منو الثور...
سيرا: بكيفك انت لو فاضل؟
ماجد: عفوا يا آنسه!
سيرا: تگول عليَّه لساني مترين ما؟
فاضل: اااءءء آني مَعليَّه أرمل بعدني ما متزوج وعندي خمس أيتام، لا تخلين السيد ادهم يطردني.
سيرا: أرمل وبعدك ما متزوج وعندك خمس أيتام حالف تذكر جميع المُقترحات؟
ماجد: آنسه سيرا شني سالفتچ وياي شمسوي؟
سيرا: زويحف انت نظراتك مو راحه
فاضل: شحده يزحف عليچ طرگاعه لقبچ ما؟
سيرا: روح على مكانك فاضل لا ابتلي بيك.
ماجد: وبله شلون زويحف غامزلچ؟
مدحگلچ بطريقه ما حلوه؟
فاضل مستغرب بس بعد ما تجرأ يتدخل
راح على مكانه بالباب، تقدمت خطوه وماجد
واگف مخلي عينه بعيني منتظر جواب.
سيرا: شايف هذني الخرزات الخُظر اللي اسمهن عيونك؟ افكسهن بإيدي عبالك ما ألاحظ نظراتك لأختي؟
ماجد: لا حول ولا قوة الا بالله العلي العظيم
هسه انتي شنو فلمچ شعليچ؟
سيرا: اختي هاي اختي شلون شَعليَّه.
عاينلي فوگ تحت، اردف.
ماجد: فاهمه غلط ما عندي شي مُجرد.
ابوچ انطاني أمر اخلي عيني عليها خاصة بعدما اخذت السيارة مني وراحت تشوف
هذا الاسمه أبيل حاروگه.
سيرا: إذا سياره ما گدرت تحافظ عليها أريم قشمرتك وأخذته مقتنع بروحك تحميها؟
ماجد: اختچ ما ينرادلها حمايه ينرادلها مراقبه
رجاءً انتي لا تتدخلين بشغلي.
سيرا: خوش سؤال وإذا جاوبت ارفع تقييمك عندي إلى نجمه وحده.
ماجد: رحم الله والديچ السؤال؟
سيرا: أريم وين يا ابو عيون كاميرا؟
صفن صفنة ابو صابر. بعدها گلب عيونه.
واردف بدون لا يخلي عيونه بعيوني
ماجد: اخذت السيارة وگالت تروح للمول.
سيرا: وامي گالت أريم راحت للسوبرماركت
امداك اني دجاجات بإيدك ما اخلي أبويه
شلون واثق بيك.
رتبك بلش يسوي اتصالاته، نظرلي واردف
ماجد: انتي تعرفين وين راحت؟
سيرا: والله حتى لو اعرف ما احچي.
ماجد: العمى على هل سالفه.
اندار راد يروح للگراج ياخذ سيارة ويطلع لكن
بهل اثناء أريم رجعت صفت السيارة ونزلت
ما شايله غير جنطتها.
سيرا: أووختي ضل بالي يمچ.
حظنتها وهمست
سيرا: الأمور تمام؟
أريم: ايوا يا جميل.
ماجد: وين چنتي؟
أريم: بجهنم الحمره ليش؟
ماجد: شلونهم كفارة قُريش؟
أريم: يسلمون عليك گالو خل يلحگنا لا يسوي روحه آدمي.
سيرا: سمعت روح الحگ جماعتك
ابو عيون خرزات دعاين يخوزر افكس عيونك والله افكس عيوونك
أريم: عوفيه عوفيه وتعاي نطب جوا.
جرتني وياها واني احچي وااشر على ماجد.
سيرا: ابوو خرزات خُظرر ابو عيون كاااميراا
أبو رااس ثوررر يخوزررر بينااا خفناا خفناا.
منك خفنااااا
أريم: شهل بلوه مو مال نفتح حلگچ استكي هسه ابويه يسمعچ.
سيرا: لاا خل ارجع اربيي رااس الثوررر
چآن يخوزر بيييَّه
أريم: خل يولي اگعدي احچيلچ سالفه.
سدت باب غرفتها وگعدنا نسولف.
هِلال
بعدما وصلنا على إزمير يَاسر راح على بيته
واحنه رحنه لبيت أبيل، المفاتيح عند هدآم
فتح الباب ودخلنا، البيت متروك صار شهر
جاب جُنطنا واني افتر بالصاله كله غبره
هِلال: طن غبره تگول سنة متروك مو شهر.
هدآم: لا تلزمين شي هسه يجن المُساعدات
تنظف.
وافقت على كلامه وما حچيت افتريت بكامل
البيت وصعدت للطابق الثاني على غُرفة
إيمار فتحت الاضواء انرسمت ابتسامة حزينه.
علي ثغرتي لمن شفت صورة امي بكل اللوحات الجدارية.
هِلال: اشتاقيتلچ Annem.
بست السوار إلى بإيدي وحسيت
ايده تسللت لخصري حاوطني
واخذ نفس عميق من شعري، اردف.
هدآم: ما بقى شي وترجع أُمچ.
بقيت هاديه وساكته بس گلبي عكس!
موتني هلگد يدگ بسرعه لزمتني الخفقان
خليت إيدي على إيده حاولت يوخر ما رضى
باسني يم اذني وهمس.
أحبچ وحيل متعوب منچ شحچيلچ؟
متعوب مني؟ و أنت الهدمت كُل احلامنا؟
ماانهدم شي كلشي چآن لخاطر اجمعچ بأمچ.
كسرت خاطري شني لخاطر تجمعني بأمي
لا تُحطها سَبب...
شد إيده يحظني بقوة ويهمس يم اذني بصوت تعبان وحزين.
انكسر حيلي يوم كسرت خاطرچ حَسبالِچ
مرتاح و ما تَفرق وياي، هلالي.
ما جاوبته بقيت ساكته وكاتمه حتى النفس
ظل يبوس بشعري ويريد ياخذ راحته أكثر.
ابتعدت وهو نظراته يتوسل بقُربي.
لا تحرميني منچ هلالي.
ابقى بمكانك ولا تحاول تاخذ راحتك
إذا اسكت مره مرتين بالثالث ما ارضى.
تره ما مسوين شي حرام. حلالي أنتي.
اعرف ماكو داعي تذكرني. أنت الظاهر
تتجاهل سبب رفضي لهذا السلوك!
لا أفهم بسبب أدهم ولمن اجبرني اخليچ
تتزوجيني علمود جسار يزرع الفتنه بينا وأنه
بنته وابن اخوه غدروه
چآ تبقى بمكانك واني بمكاني سوالفك مال الحب والمشاعر مشيهن على بنيه ثوله.
حاشاچ تكونين ثوله.
گال هيچي وتقدم وآني واگفه بمكاني، هسه إذا أتراجع يگول گدرت عليها.
الحب والمشاعر مو بإيدي شسوي احب مريتي المُستبده.
تحب طيحان الحظ تحب اطيح حظك.
كلشي منچ يا هلا بي
تحب تنهان تحب تنذل بس حتى ناخذ شمه من شعري.
اي شسوي ادمنتچ
صار وجهه بوجهي راد يبوسني ابتعدت عنه
تراجعت للباب وهو ملامحه ذبلت وبين عليه
الحزن، تألم من جرح ايده واردف
هلال لا تسوين هيچي خل نبدي صفحة جديدة.
ماكو صفحة جديدة الكتاب احترگ.
عفته وطلعت من الغرفه
احس النفس يصعب عليَّه، نزلت تحت المساعدات ثنين ينضفن البيت، طلعت.
للحديقة اخذ نفس وما اريد أضعف او أبچي حتى اتخلص من شعور الخنگه اللي موتتني.
صار المسا وچان جايب عشا من بره
بس ما تعشيت بقيت بغرفتي قفلت الباب
ورحت تأكدت باب البلكونه مقفولة والشبابيك
مقفولات بعدها تمددت احاول انام.
ربع ساعة واجا دك الباب.
ليش قافله الباب افتحي جايبلچ عشا
ما اتعشى.
تمام افتحي الباب خاف يصير شي
ما يصير شي روح منا ولا تسمَّعني صوتك.
هلالي گلبي يمچ.
لا مو يمي روح دور عليه بغير مكان.
هااا تحششين؟
افتحي الباب خل اشوفچ احس اشتاقيتلچ.
خربإحساسك روح منا خل انطمر
ماا تفهم ماا تفهممم خل انطمر.
تمام حبيبي طمره سعيده
سمعت صوت خطواته اكيد راح
بعد نص ساعة رجع صوته من جهه البرنده
يحچي بهدوء وبتعب.
زين وخري البردات اگعد هنا بالبرنده
ما اكسر القفل وادخل، فقط اگعد اشوفچ
وانتي نايمه لا أكثر.
ما اخفي عليكم عيوني انملت بالدموع
بس قاومت شعوري وما ضعفت.
علواه للصبح تتجمد ما اوخر البردات.
اذا متت من البرد لا تمشين بجنازتي وتبچين
عرج ما يطگك هدآم اليهدم ما ينهدم.
هدآم انهدم حيله على بُعدچ هلالي.
روح منَّا...
ما اروح باقي.
احاول اتمالك نفسي بس ما اگدر
الدموع تارسة عيوني، اكيد هسه يجمد من
البرد بنص شهر 11 وهنا الاجواء بارده مثل
الثلج
وخرت اللحاف ومشيت بهدوء
تقربت من البردات و هوَ اردف كأن گلبه يحس
قريبه عليه.
اعرفچ ما تريدين اتاذى او يصيرلي شي
افتحي الباب وخل نبدي بداية جديدة.
ضليت ساكته خليت أيدي عالبرده وهو هم خلى إيده على مكان إيدي.
أحبچ مچّودر بگلبي هلالي، راضي بكل شروطچ بس انطيني فرصة.
اخذت نفس عميق وزفرته احاول اتمالك
نفسي مسحت دموعي وصرت جاهزه احچي
هِلال: افتحلك الباب بشرط.
موافق عليه قبل لا تحچين شني هوَ.
ممنوع تتقرب مني ممنوع تتمادى.
وبعد؟
و وتبقى بعيد عن چربايتي إياك تقترب
وبعد؟
وبعد بس هل ليله تگعد تتأملني
باچر كلمن بغرفته وإذا تخليلي منوم مره ثانيه.
، فتحلم بفرصه أُخرى.
يعني اعطائي فرصه ثانيه أمر مرهون عليه؟
شلون ما تشوفه شوفه، قرر
قررت وگتلچ موافق.
تمام Cok güzel.
فتحت القفل والباب دخل واني تراجعت خطوتين. عاينتله ماخذ احطياته ولابس قمصله و كبوس صوفي ومتلثم بالشال
الصوفي انزله من رقبته ابتسم
هدآم: يلا
هِلال: يلا شني روح اگعد غادي.
هدآم: وين راح تفكيرچ حبيبي اقصد روح
نامي.
عفته يسد الباب قفلها وآني رجعت لفراشي.
راح جاب كرسي وگعد گبالي بس يبعد مترين عن الچربايه. ونظراته كلها هيام يتأملني.
نامي
شلون انام وانت گاعد بوجهي.
انيمچ؟
الزم حدودك ولا تنسى الشرط.
كومه شروط مو شرط طيح الله حظ جيسو.
انطيته ظهري وحاولت انام لكن حول نفسه للجهة الثانيه.
شني يعني ما انام من وراك؟
ليش تنطيني ظهرچ هذا مو اتفاقنا رايد وجهچ هلالي.
يا الله دخيلك.
سكتت بعدما اخذ واعطي وياه خل تعدي
الليله وباچر اني اشوف شلون يگعد يتأملني.
ال بتراء
البارحه رجعنا للبيت بعد وقت متأخر
الكل چآن نايم احنه هم نمنا والصبح
گعدت على سَند نازل تحت، ساعه9الصبح
گمت من فراشي وحسيت الدنيا تفتر بيّه.
وگلبي يدگ بسرعه گعدت بمكاني دقايق
ورجع وضعي طبيعي.
بس ذاكرتي فارغه من اي تفكير
ناسيه اغلب الأحداث اللي صارت
قبل أيام واذا ردت اتذكر اقرأ المذكرات
اللي اكتبها، من حسيت روحي تمام
گمت وطلعت دفتر المذكرات من تحت الفراش واخذت الگلاده اللي هي.
عليُ السَند بستها ولبستها برقبتي بعد ماكو داعي اظمه
بتراء: على السَند.
گعدت فتحت الدفتر عباره عن خمسين ورقه
كلهن مليانه بالمذكرات بقت عشر ورقات
بتراء: عشر ورقات وتخلص. هذني اكتب بيهن الأحداث المهمه.
جبت قلم وگعدت اكتب اللي صار من ايام
و الخطه اللي راح ينفذوها بيت الباشا ضد
أبويه #الجسار.
بتراء: بين كل الأحداث بالي يم اخويه اللي من دمي أخويه عَزّآم هل راح يتقبلني ويحبني مثل حُبه لأخته هلال او راح يكرهني على كره لجسار؟
كملت اكتب كلشي بخاطري وبقت ورقه اخيره
ما لحگت اكتب عليها، غير كلمات قليلة
بتراء: أُنثى بقوام فراشه مأسورة في ثنايا تِلك
الممرات، حتى جاء وَقارٌ رَصين كان السَند وَ رمم الرُفات على السَند قصة حُب وَ خلاص.
انفتح الباب ودخل اني فورا سديت الدفتر
وضميته تحت طرف الچربايه.
علي سَند: حبيبي صباح الخير ليش گاعده
تعاي اترييگي.
بلعت ريگ شويه خفت من طريقة دخوله
وما تطلع الكلمات مني مسحت وجهي وهو
كأن حس عليّه تقدم ويتسائل.
علي سَند: بتراء بيچ شي تعبانه؟
كنبص گدامي لزم إيديه ثنينهن قربهن من
شفته وباسهن
علي سَند: شبيها إيدچ بارده بيچ شي خوما مريضه؟
بتراء: لا لا حبيبي ما بيّه شي.
تلامس خدودي وتقرب باسني بطرف شفتي.
وحظني بقوة بادرته بالحظن والأمان اللي احسه وياه خلاني انبض بالحياة مرة ثانية.
ابتعد عني وگام وگف
علي سَند: بدلي وتعاي تحت.
بتراء: أكو شي؟
علي سَند: لا بس نتريگ سويه انتظرچ.
عافني وطلع من الغرفه اني هم رحت اخذت ملابسي ودخلت سبحت، بدلت وطلعت
تحت الكل مجتمع على الريوگ حتى ادهم ما
عدى! أريم، سحبت كرسي وگعدت
بتراء: ماما نَدى وينها أريم؟
نَدى: تتمشى بره تگول رياضه صباحيه.
سيرا تتريگ وما تحچي ويا احد اما على سَند باوعلي وگال شبيچ، ما ادري ليش گلبي خاف
علي أريم. خاصة من أدهم نفذ صبره واردف
الأدهم: نَدى شلوون تعوفين أريم تطلع؟
نبرة صوته شبه عاليه وسيرا رفعت راسها
بإنزعاج.
سيرا: بيناتكم متر ما يحتاج ترفع صوتك على امي.
يَقين: سيرا اش بنتي ابوچ يحچي ويا امچ.
سيرا: بس هذا ما يعني يرفع صوته!
علي سَند: فعلا ماكو داعي ترفع صوتك! وأريم مو طلفه.
الأدهم: انتوا تسكتون من احچي ويا امهاتكم.
سيرا: شهل عيشه هاي.
گامت وطلعت من غرفة الطعام
الأدهم گال للمساعدة تنادي ماجد
لحظات ودخل ماجد ادهم رزله گدامنا.
الأدهم: شلون تطلع من البيت بدون حارس
اانت شني فااائدة وجووودك؟
ماجد: الآنسه ما تسمح نلحگها.
وگالت تروح تتمشى.
رجع ظهره عالكرسي واردف بهدوء
حذر يأشر بالسچينه على ادهم وماجد.
علي سَند: الچلب يَاسين وابنه العار إذا
سوولها شي لأختي ما تلوم الا نفسك.
الأدهم: ماجد روح من وجهي روووح دور عليهاا، أريم من ساعتين طالعه!
نَدى: شنو يعني ياسين مهددك بأريم. بنتي طالعة يعني ااعدائك مهددينك بيها ليش ما حچيتولي.
يَقين: ندى اهدي ان شاء الله ما بيها شي
أدهم! تصرف بسرعه.
أدهم فورا گام وبلش يخابر ناس
علي سَند هم گام ومبين راح يخابر شخص
بقيت وحدي صافنه على الصار. حتى شهيه ما عندي.
گمت وطلعت بإتجاه الطابق الثاني.
صعدت پايتين وحسيت بدوخه قوية بحيث چنت راح اوگع اذا ما استندت عالمحجر.
فورا گعدت بمكاني خمس دقايق
حتى رجعت طبيعيه، من حسيت وضعي تمام
گمت وصعدت للطابق الثاني، دگيت باب
غرفة سيرا ودخلت.
أريم
بعد مرور خمس ساعات
فتحت عيوني ادحگ داير مدايري
حلگي مسدود بلزگه، ايدي مربوطه
من ورا وكلي اررجف ارجف لا مصخنه
ولا بردانه بس ارجف.
تقرب مني واحد طويل وضخ م، ملثم لابس
ملابس يشبه ملابس المهمات اللي يلبسها
هدآم، تقرب خله ايده على گصتي
ما عندج حراره بس ليش ترجفين
شال اللزگه من حلگي حجيت واني منهارة اصرخ
أريم: ليش خاطفني تعررف انيي منوو
وبت منوو؟ ااازماااال فكووو اييييدي
تقرب مني خلى عيونه بعيوني.
بنت الباشا، منو ما يعرفنا.
كل العراق تدري بينا وهسا ببغداد اشتهرتو بأخوج يخرب بشغل عمامه.
نزل اللثام، فتحت عيوني على وسعهن
هذا شلون تجرأ يخطفني؟ اردفت بصراخ
طرگاااعه ترگعك يااا غبييي، هدآم يدفنك
وانت عايش باللحظه إلى يلاگيك عوووفنييي
welcome بيج أسيرتي في ازقة بغداد
العتيقه اعذريني لأن الخدمه مراح تكون VIP
مثل حياتج المعتاده
وسعن عيوني من كلامه حاولت احرر نفسي.
ما گدرت إيديه ورجليّه مشدوده بحبال وفوگ الحبال شادهن بشرناطة بلاستيك مستحيل
تنفتح إلا تنگطع بكتر بلايس.