رواية ولد الباشا للكاتبة فاطمة الأحمد الفصل الثاني عشر
ال بتراء
سد حلگي حتى اسكت ويصييّح بكل قوته
جاسر: ااخلص عليييج وعلى هذاااك المرريض ااخلص عليييكم اااسكتي
نفس الصوت تكرر وانفتح الباب دخل وهو وجهه مغرگ بالدم يبتسم ويردف بكلمات عبارة لاحظتها متكرره بخط أكبر على الجُدران، اردف
هُنا تنتهي حياتكِ.
هزيت راسي بحركات عشوائيه أرفض كلامه جاسر شال ايده عن حلگي واندار ل نَائل
جاسر: تخبلت أكثر من اللازم تخبلللت!
نَائل: شسوي ندبات الماضي تأثر.
ضحك بشكل مُخيف طلع سلاحه سحب اقسام خلاه براسه فزيت وتراجعت عبالي راح ينتحر گدامنا بس الصار حك جبينه واردف
نَائل: الشخص إلى سميتوه سايكو وكبرتو على هاي العقليه واحد واحد راح يصفيكم واولهن لييدي بتراء الجسار، الموروثه الوحيده للسيد المو محترم!
تقدم بخطوات بطيئه بإتجاهي وجاسر يحاول يهديه اسلوبه تغيره وياه 180 درجه
جاسر: نَائل اسمعني انت انت مو بوعيك لا تتصرف تصرف غلط.
نَائل: كُل تصرفاتي صح واولهن قتلي للخاينه أم البتراء، ابتعد من گدامي
لمن جاب طاريها تذكرت شلون قتلها بوحشيه
قويت گلبي وهمست
بتراء: على يا سَند
نضرات بارده مابيهه ذره من الخوف عبرت جاسر وگفت والمسدس صار بنص جبيني اردفت
بتراء: سايكو بذاك اليوم قتلت أمي وما جنت اگدر اسوي شي شنو رايك اليوم اصفي حساباتي؟
ضحك ويميل راسه ويا كُل كلمه اردف
نَائل: تريد تصفي حساباتها اصلا مالج حساب حشره وندوسج شوگت ما نريد.
جاسر: بتراء تراجعي ما نريد مشاكل ويا ابوج.
بتراء: ذيل الچلب ما ينعدل شگد توافي فدوه لربك.
نظرتله بطرف عين شفته مركز بكلامي وعينه على جاسر استغليت عدم انتباهه نزلت راسي وسحبت السلاح منه وجهته عليهم ابتسم اول مره اسويها واحتمال تكون سبب بنجاتي
احجي وياهم وأاشر بالسلاح عليهم
بتراء: احووي بيمن ابدي؟ بيك!
لوو بيك؟، لااا تتقرب أقسام وسااحبها وعلى السند اصوب هو هيج هيج گلبي ميت ما يحس ههه مرات افكر واگول صرت سايكو مثلك نَائل
تراجعت للباب نَائل خطى خطوات سريعه راد يهجم عليّه وياخذ السلاح صوبت عليه واجت الطلقه بإيده وگع على ركبه جاسر مصدوم تقدم وراد يوگفني
جاسر: بتراء شسويتي بتراء جسار يخلص عليج
بتراء: و وانت همك يخلص عليه لو همك ماا يايه؟ يااا دا اابن دا.
الغضب بين من نضرات عيونه من تقدم يريد ياخذ السلاح رجعت ضغطت على الزناد طلعت رصاصه ثانيه وهل مره اجت برجله نَائل يحاول يگوم وجاسر يصرخ متألم عفتهم على وضعهم وطلعت من الغرفه وچان انصدم المكان عباره عن ممر طويل كُلش وكلها غُرف قديمه
بتراء: دخيلك يا على سَند وين آني وين راح اتخبل منهم يا ربي
مكان قذر مثل مُستشفى قديم متروك وكله آثار مرعبه رسومات وشخابيط على الجُدران عبارات مكتوبه بالفحم وأُخرى بالدم.
أنا بكامل قواي العقليه أنتم المرضى
المدينة التي في رأسي لا تنام ما الحل؟
رُبما انتِ هي الضحيتي القادمة.؟
بتراء: مرريض مرييض ااالله ياخذكم
ثنينهم طلعو ورايا يصيحون والممر طويل احتاريت اي غُرفه ادخل كُلشي چان ركض بركض اي باب افتحه الگاه مُقفل لمحت الباب يدل على الخروج قبلها وگفت أمام غُرفه شفت بيها اضويه شغاله انداريت الهم يأسرعون خطواتهم دفرت الباب ودخلت بس الشفته.
وگف شعر راسي كُل إلى بدر مني السلاح وگع من ايدي وصرخت بكُل قوتي مفجوعه من بشاعة المنظر التفتو عليه الشخصين لابسين ملابس العمليات وتحت ايدهم جُثه يطلعون اعضائه والله أعلم.
تراجعت كم خطوة انضربت بشخص ورايه قبل لا التفتله خله قطعة قماش عليه ماده تخدير وبعدها ما حسيت بشي او شلون
طلعت مناك.
رُقيه
گعدت ساعه بال6 باوعن ودق نايمه بفراشها جنا فارشين عالارض بصف چرباية حبوبه هزيتها حتى تگعد
رُقيه: وَدق ود گومي گومي بسرعه
وَدق: مااا اريد اداوم عوفيني
گومي يمعوده لازم نفتش غُرفتي قبل الدوام گوومي
فتحت عيونها تنظرلي باوعت بالساعه
وَدق: ساعه 6 يمعوده نامي بالسبعه أگعد وندور.
ما عفتها رجعت گعدتها وهل مره گامت وهي تحجي بضجر
وَدق: عيشة ايش عيشه هاااي
رُقيه: صوتج عزا حبوبه لا تگعد.
گمت وراها ادفع بيها بس حتى تمشي راحت غسلت وجهها، صعدنا لغرفتي قبل لا ندخل
انطيتها دفتر وقلم.
رُقيه: نحجي بالكتابه تمام
وَدق: جيبي أمري لله الله لا يوفقهم شلون عيشه معيشنا
دخلنا للغُرفه أشرت عليها نبلش كُل وحده بقسم وراحت تفتش جهه وآني جهه كنبصت تحت الچربايه ماكو شي مديت ايدي اتحسس الخشبات وگفت لمن تلامست شي ملزوك تحته
اشرتلها وهي اجت تساعدني راحت تحت الچربايه على ظهرها شويه وطلعت بإيدها.
جهاز بگد اصبع الخنصر لونه اسود
وَدق: رُقييه انطيني گلاص الماي من يمج خل اشربه.
هزيت راسي بسرعه جبتلها الگلاص
وَدق: تَشكُرلير جانم تَشكُرلير.
خلته بالماي لحظات والضوء الأحمر انطفى يعني الجهاز عطل، كملنا البحث طلعنا ثلاث اجهزه تسجيل صوت سريه وجانت وحده بالكنتور ما ادري شهل غباء العدهم عطلناهم كلهم وگعدنه
وَدق: ساعه بشگد؟
رُقيه: 7: 30
وَدق: ساعه ونص ندور الله يسود وجههم أكثر ما هو مسود.
رُقيه: گومي گومي لا تماطلين وراج دوام
اعتقييني اليوم فقط.
رُقيه: لااء تداومين وَدق تداومين
گامت تتأفأف اخذت موبايلهه وراحت على غُرفتهه، انداريت للغرفه الصايره مثل يوم الحشر كُل الآثاث والاغراض مطشره رفعت شعري شديته لِفوگ وبلشت اعزلها ما ناديت الخدم لأن غُرفتي ما اريد احد يرتبها غيري.
إيمار
شمرت گلاص الماي فز من نومه يصيح
وَتان: بسسم الله الرحمن الرحيم غرگنا!
إيمار: اي جاي تغرك بذنوبك ول گوم راح نتأخر أول يوم دوام النا.
ضل صافن عليه اردف
وَتان: لو ما رسبت سنه جان هسه متخرج. كله من وراك! وحق جدنا السابع
آنا شعليا. اذا انت فاشل لا تذبها براسي
وَتان: إيمار أكبر منك بستنين احترمني شويه!
إيمار: محترمك محترمك گوم لا امشي واخليك تتقشمر بشوارع البصره.
گام يطلع ملابسه ويحجي.
وَتان: وحق جدنا السابع انت تتقشمر بشوارع بصراي عبن أنت الغريب بهل مدينه مو آنا.
خرائط غوغل عمك وعم أبوك روح بدل دقيقه زياده ما انتظرك.
فر بإيده ما عاجبه طلعت من غرفته رحت على غرفتي اخذت الگيتار عاينت عليه وبعدها لبسته بظهري طلع وتان وهو يحجي
وَتان: وگوعي الحمد لله على سلامتك شهل ميانه ويا الحياة، اتشااااقه وحق جدنا السابع چآ غير ضلعي أنتَ، سلام.
إيمار: امشي.
السويج آنا اسوگ.
إيمار: سيارتي مو سيارتك امشي تأخرنا شگد تحجي.
صوج االمصادقك.
سكتت ما جاوبته طلعت من البنايه للشارع الناس مشغوله تشد اعلام سوده ولوحات
استغربت وتسألت
إيمار: منو مات ليش شادين اعلام سوده؟
صعد وَتان وهو يحجي
وَتان: أيام قليلة تفصلنا عن ذكرى استشهاد الامام الحسين عليه السلام، مرات احسك يهودي ما تعرف شي وحق جدنا السابع.
شديت حزام لبست نظارتي
مو يهودي، آنا مُسلم واخاف الله بس ما متربي بهيج أجواء.
اشرلي على صوره.
وَتان: الإمام الحُسين عليه السلام بعد يومين زيارة الأربعينيه وراح نمشيله من البصره لحد الكربلاء.
بالسياره طبعاً!
وَتان: لا بطيارة، ويامن احجي دخيلك يا علي
غلست عليه ما جاوبته فتحت خرائط غوغل وانطلقنا للجامعه.
وَدق
نزلت من غرفتي ركض للمطبخ شفت الخادمات مجهزات الريوگ ورقيه تتريگ ويا حبوبه سويتلي لفتين جبن شربت العصير واجيت امشي
رُقيه: شنو هاي عود تريگتي!
وَدق: لج الباص الباص يروح يلا سلام
اخذي لفاااتج يولو
رجعت ركض خليت موبايلي بجيب التنوره وشلتهن ثنينهن بإيدي والإيد الثانيه كُتبي.
طلعت بسرعه من الحديقه للباب عيوني على الباص إلى مشى بكُل سرعته. المشكله حساسه وكل عقلي اجيت ابجي
وَدق: همم راااح ياا ربي.
انتبهت نَائل واگف يم سيارته يدخن وينظرلي أشر
نَائل: اصعدي اوصلج يل ثوله.
تجاهلته ما نسيت شنو سوا بيه البارحه وكُل السنوات الماضية. ركضت ركض وعبرت الشارع امشي لموقف الباصات شفته صعد سيارته ما انطيته اي اهتمام كملت طريقي هيه مشيه وهي ركضه وصلت عند إشارة المرور ازدحام وماكو مجال اعبر لازم انتضر الإشارة تصير حمره.
وَدق: مبيين نهااري من أوله مبييين تَشكُرلير
ياا الله لا اعتراض على حُكمك.
هيهَ لحظات وتصير الإشارة حمره ما انتظرت عبرت فورا اجت بوجهي سيارة رياضية اخر موديل لونها ابيض عبرته وهو دعس بريك قوي صوته جان عالي وهم الجان گاعد بصف السايق طلع راسه يحجي ويصيح وراي
هاايه الهمج الأصلين موش آنا واخوي ول همممج بنت الهمممج انتظري الإشااااره
ما انداريت تجاهلته وكملت طريقي ركبت الباص وبوجهي للجامعه.
ال بتراء
منضرهم ما راح من بالي بحيث من لحظات جنت بنفس الكابوس ونفس الغرفه ونفس المنضر البشع. شفتهم بعيوني شفت كلشي ومستحيل انسى هيج منضر بكُل حياتي راح تبقى بذاكرتي مثل حادثة أمي
ما جنت احس بشي ولا جنت ادري بروحي اذا نايمه او غايبه عن وعي او تم تخديري فجأة فزيت على وجع قوي ومن شدة ايده على شعري رفع وجهي بوجه اردف
جسار: شلون تحاولين تقتلين جاسر ونَائل!
ضليت صامده بوجه ما انتطيت اي رد فعل من ألم شعري كرر سؤاله
شلوون تحاولين تقتلين جااسر ونَائل شلوون
بتراء: مااا ابقييكم وحگ على السَند مااا ابقييكم احااول ااقتلكم ااربعتكم بأيي فُررصه
اندگ الباب باوعت آني بغرفه نضيفه ومرتبه مثل باقي غُرف القصور إلى جنت ابقى بيهن سابقاً
أُدخل.
دخل شخص لابس سُترة أطباء وبإيده باكيت دواء كنبص گدامي قريت الاسم بكُل وضوح
البنزوديازيبين بس ما عرفت لشنو هذا.
بتراء: هذ هذا شنو تريد تخد تخدرني ما اريد الله ياخذك ما اريد
لا عبالج ما ادري شني شفتي البارحه شني انحفر بدماغج هذاا؟
عاف شعري أشر بإيده على جبيني ولابس كفوف جلد نظرت للدكتور تذكرته نفسه مالت البارحه بس لابس كمامه جهز الأبره اردف
--: سيدي أول جُرعه تكون كبيره وبعدهه بيومين نبدي بأقل. عبن يسبب زهايمر مُبكر
بتراء: ش شنو تريد تنطيني ابر تتلف دماغي حتى اانسى ااانسى جراايمكم.؟
ديلا انتي مو اول وحده ننطيها ولا اخر وحده
من كمية التعب النفسي إلى تعرضتله البارحه بديت احجي كُلشي مريت بي وأكررها حتى ما انسى وما يروح من بالي
بتراء: ماما مااما قتلها بغرفه بغرفه ناجي جان موجود نائل قتلها و والمأسوره مأسوره جانت جانت تغني. تغني جانم روحم عُمررم إيمار. جانت تغني جانم روحم عُمررم إيمار نائل قتل صفاء صفاء ماتت قتلهاا قتلهاا مستحيييل انسى شي مُستحيييل انسى ااي تفصيل.
لزم ايدي يثبتني حتى ما أگوم وجان مصدوم لمن حجيت عن المأسوره الدكتور جهز الأبره مد ايد وسحب أيدي حتى يضبرها بالوريد نترت أيدي اعاركه وارفض اخضعلهم كُل إلى حسيته ضربني راشدي من قوته حسيت ثگل راسي دخل ناجي وهذا الجان البارحه سحبني من ذيج الغرفه.
دخل لابس قميص اسود ومتأنق كأنه عدهم مُناسبه ابتعد جسار وكنبص ناجي ثبت أيدي استسلمت ما ضل بيه حيل نزلن دموعي من طرف عيني لمن دخلت الأبره بالوريد ودخل الدوا البارد لجسمي اردفت اخر كلماتي قبل لا الدوه ينطي تأثيره وعقلي يوگف تمامً عن التفكير.
بتراء: دخيلك يا على سَند
ابتعد الدكتور وآني عيوني عليهم تقرب شالني للچربايه وعيونه تراقب ملامحي اردف.
ناجي: على سَند كذبه وخيال من راسج ماكو على ماكو سَند، نَجله من نسل الجسار عليش تتمردين وتجبرينا نمرضج مثلها.
ناجي خلص شغلك اطلع برا.
لزمت ايده قبل لا يمشي ادرفت بدون وعي
بتراء: ل لا تصير حيو ان اكثر من هيج
ضل ينظرلي ويشد على أيدي بعدها نتر أيدي بعصبيه وطلع من الغرفه باوعت حواليه بس شفت جسار واگف بالبرنده يدخن حسيت جسمي متخدر او مسترخي عقلي مرتاح ماكو شي افكر بي شويه شويه بديت انعس.
قبل لا اروح بسُبات عميق سمعت صوته يحجي
كابتن شُحنة ناقلة البترول إلى تتوجهت لروسيا قبل يومين من مصفى إزمير النفطي والمُسمى علي سَند اريدكم تخلصون عليه سواء بالنجف او بالبصره. تخلصون علييه.
هِلال
گعدنا الصبح الكل مجتمعين بالصاله هُدهُده تعاين علينا كُلنا دگت مرتين بالعكاز عالميز
ناهد: ليش ساكتين مسوين مصيبه لو شني؟ وين ابائكم؟
علي سَند: وحگ العباس مليش دخل في الموضوع آنا رجال المصايب تركضلي ركض وتعرفيني ابو فزعات وأحب الخير. و
ناهد: وتنچب يل شلايتي دحت بروسيا اسبوع كامل!
كفيلج العباس يومين!
عَزّآم: هدهد ورانا شغل من نرجع نكمل جلسة الاستجواب هذا.
راد يگوم ضربت العكاز عالميزه فزينه احنا الشباب والبنات
عَزّآم: هدهد ترا كُبرنا مو جهال وهيجي تتعاملين ويانه
علي سَند: تعنييف تعنييف وحگ العباس تعنييف.
هَدآم: هدهد أعصابج عيني
عزّهَ: گلتلكم خل نحجيلها قابل اول مره يعني!
هِلال: آنا بصف هُدهدتي ليش جذبتو عليها
كلهم اندارو عليه وعلى وجهم علامة التعجب!
اردفو سويه
آمااان آمااان أكبر چذابه أنتي.
هَدآم: آنا ساااكت ومتحمل صارت بانزين خانه لحفيد الهمممج يوميه متصااوب وتعااي هِلال ارا وتبرعي...
هِلال: هَدآم عليمن تغلط علييمن!
عزّهَ: المسبب الوحيد عزام الراح على منطقتهم.
عَزّآم: ضبي لسانج بحلگج كثرن جفصاتج يمي!
واحد يتجاددل ويا الثاني گام على سَند صييح.
علي سَند: الحمدلله ماا عندي بنيه تغلط عليه وتعاااركني اودعنااكم كملو شگ الفااانيله
فعلا گام للباب صييحنا وراه
المُنااافق ابوو ركعااات تعااال.
ما رد فورا طلع ودخلوا عمامي وَ وگاع وراهم كلمن گعد بمكانه، هدهد گامت تروحلهم همست للجماعه
هِلال: Cok güzel هسا هُدهُده ترحب بي بطريقتهه الخاصه
وگاع فتح ايده حتى يحظنها هيه ضربته على رجله دفعته للصالة ترزل بي
ناهد: هممج ابن همج حفييد الهمج شنيي يوميه متصوااب يوميه شااد ضهررك بيمن ول شلايتي
وگاع: شلوون ترحييب فدوه الألله
الباشا: يُما آنا ما خليتهم يحجولج.
ناهد: و شنهيي قاابل انصدم لو انجلط ما هو يوميه متصااوب.
ضربت على خدي اردفت والكل اندارلي
هِلال: عزااا يعيينك أبيل، عزاا بعينك وگاع
وگاع: وآنا شكووو وآنا ليش عزاا بعييني
عزّهَ: الأفضل أگوم تأخرت على الشركه عمو أيهم باجر اجتماع مُهم لازمنا وجودكم أنت وعمي الأشتر
الأشتر: تدلل عزوزه.
گام عَزّآم اردف
عَزّآم: نروح سويا وهم سيارتج تحتاج تصليح ويا سيارتي
نظرت بالجميع الكل منتظر تحجي اردفت.
عزّهَ: عاشت ايدك منو طيح حظها غيرك!
هسا أخذ سيارة البيت.
الأدهم: روحي وياه.
ما عجبها كلام عمي بس هزت راسها وطلعت دخلت عمه آمل وحجت وياها بس ما ردت
آمل: عزّهَ تريگي لا تطلعين هيج، شبيها؟
وانت عزام هم تمشي بدون ريوگ؟
عَزّآم: مستعجل والله.
عافنا وطلع وراها گام وگاع يحظن امه اردف
وهو يبوس براسهه
وگاع: آنا الفرض وهُمه السُنه خل يولون يُماا.
ناهد: والك عين تتحجا.
دخلت عمه يَقين وندى وياها جانت شايله جنطه.
يَقين: أدهم شوگت نمشي؟
الأدهم: بعد الريوگ
ناهد: يَقينه اگعدي لا اكملها عليج ما تروحين ابقي هنا.
الأدهم: لا يُما لازم نرجع هم بيتنا غادي صار يومين متروك. آنا موجود يوميه بين المحافظتين اجيكم.
ندى: والله عمه گلتلها ابقى ما تسمع كلامي.
تفاجأنا من سؤال بابا المُفاجئ سئل وهو توه ملاحظ غيابها.
الباشا: سجى وين؟
الأشتر: اللهُ أعلم شعجب لاحظت.
ناهد: اشتر.
ها يُما امرج
الأدهم: اللزم لسانك.
آمل: گالت تروح للزيارة.
الباشا: زيارة ايش وهو بعد يومين! ماخذه تلفونها لو لا؟
يَقين: لا خويا ما ماخذه وياها حتى راحت بتكسي.
گام ابويا طلع يحجي اتصال وآنا گعدت جنت بين وگاع وهَدآم وگاع ملتهي يحجي ويا عمو اشتر وهذا ياشرلي بعيونه اجي على ايده اليسار ما راضي ابقى بنصهم عاندت واحد يأشر للثاني اندارينا لصوت وگاع همس. بدون لا يعاين علينا
وگاع: أُمدا شكولكم شلون راح يتزوجون وتكملون سوا؟
هَدآم: هذا هو لا يضل بالك احنه دهن ودبس سويه.
لاحظت عيون عمي اشتر علينا، الاثنين ضلو يتجادلون بيناتهم گمت من يمهم رحت گعدت بصف هدهد شويه ونادونا عالريوگ تريگنا وكلمن على شُغله.
سيرا
ربع ساعة وآنا انتظرها مستحيل تتغير لازم تتأخر وصل الباص نزلت شايله كُتبها بإيد وبإيدها الثانيه لفه تاكل منه، قبل لا تُعبر وگفت سياره اخر موديل چانت رياضيه السايق بقا بمكانه ونزل منه شاب ما شفت بس ضهره راح يحجي وياها.
وَتان: يعني شني الموضوع شني تريدين تبلينا؟ شكو واگفه بوجهنا مرتين؟ انوب تاكل لفه دِ عاين للشكل دِ عااين.
وَدق: باوع لك لا اجيت گدامك ولا أريد ابليكم ما ناقصني مشاكل. وشغله ثانيه تروح فدوه لشكلي انت بس باوع بروحك شني هل ستايل الهمجي انوب مگطع حواجبك!
وَتان: دخيلك يا على دخيل اسمك وأنتي شعليج ستايلي وحُر لج بابا خلي عقلج براسج اجيت انصحج ما تتهورين مره يم الإشارة تُعبرين وهسا هنا شبيج متوازيه؟
شفته يعلي صوته عليها مشيت خطوات سريعه بإتجاه قبل لا اوصل السايق نزل ودفع الباب عليه نظربت بيها وشاغت روحي عاينتله لابس شفقه وجاكيت جينز.
سيرا: ول طرگاااعه تررگعك ول تنكسررر ايدك مااا تشووف عمى العمااااك مااا تشووف
إيمار: هو شفتج وتقصدت اوگفج شني اجيتي تفزعين للبنيه فوگ ما هي تجادل والغلطانه!
اندار الثاني وثنينا موسعين عيوننا وخرت أيدي من جبيني إلى انضرب واحد نادا على الثاني. كالمعتاد.
سيرا: وَتاااان النصاااب!
وَتان: سيرا طرگاعه!
انتحر اذا هذا هم طلع ابن عمج ااانتحر
وَتان: والله ابن عمها وبالنائص منچ انتحري.
إيمار: Ne var ne yok،؟
ماذا يحدث،؟
سيرا: جاايب ربعك الشلايتيه من تُركيا على البصره!
إيمار: شهل اخلاق الأور احجي عدل!
وَتان: ربعي الشلايتي ابن عمج!
سيرا: No way مستحيييل شهل صدمه هااي انچب يمعود هاذ المغثه ابن عمي؟ دقيقه قصدك ابن عمو ايهم واات ذاا هيييل.
وَدق: شباب مجاي استوعب استوعبوني
وَتان: عقل الجوزه حقج
الاسمه إيمار تجاهل النقاش اندار للسيارة طلع گيتاره لبسه بضهره ولبس النظارات عدل الشفقه عبرني للداخل من عبرني لزمة الگيتار طخت بخشمي
سيرا: كووون تتعثر وتوگع على خششمك العااالي ياابو خشم امدا حظي امدا هيج ولد عمام ااامدا جد جدنا السابع.
انداريت وتان ديقفل السياره و وَدق صافنه تكمل اللفه
سيرا: اامشي تزقبني جوااا بسببج نص المُحاااظره راحت.
جريتها وياي وهي تحجي.
وَدق: عزااا شفتي شخصيته؟
سيرا: وتان النصاب!
لا ولج ابو الگيتار عزاا طلع ابن عمج ويحجي تُركي، حظور وكاريزما واسلوبه باارد باارد لا مُبالي.
سيرا: على هذا الأخلاق حقه عمي أيهم يرزله كُل فتره من ستايله والگيتار مبين شلايتي!
وَدق: شني چآن اسمه؟ حبيت اسمه أعتقد اسم تُركي يبووو
سيرا: إيمار اسم والله خل يولي امشي فوتي على قسمج.
دخلت على محاظرتها وآني دخلت على محاظرتي ومن دخلت شفته گاعد بمكاني.
رحت لمقعدي الاستاذ ناداني.
--- بعد وگت ليش جايه؟
غمضت عيوني بنفاذ صبر أكثر استاذ يغثني هذا الاستاذ انداريتله احجي بنفس الأسلوب المُعتمد بهيج مواقف
سيرا: استاذ لسنّ تو مي جان أكو بروبلم برا عبن هيج تأخرت.
--- آني مو الاستاذ مُعاذ حتى اصدگج!
استاذ خل تگعد وتفضنا شني نروح درس بسببها؟
انداريتله نفسه إيمار.
سيرا: لا تتدخل اعرف أدبر حالي.
--- سيرا! ارجعي على مكانج وبعد الدرس تجين للمكتب.
هزيت راسي ورحت على مقعدي وگفت بصفه
ما رفع راسه ضل يقرا الكتاب
سيرا: وخر غادي. هيو دا احجي وياك وخر غادي خل اگعد!
اشرلي اگعد آنا بمعنى مراح يغير مكانه عاليمين. صبرت وما كبرت الموضوع الله كريم اول واخر مره يگعد بمكاني. گعدت وبلش الدرس. خلصت المحاظره وإيمار گام اول واحد چآن مخلي الگيتار على مكتب الاستاذ بالقاعه أخذها وطلع.
أشر الاستاذ عليه ومشيت وراه ما بقيت دعاء ما دعيته دخل مكتبه گعد اردف.
--- رقم ابوج.
سيرا: ما حافظه.
--- رقم امج!
سيرا: حجيه ما عدهه تلفون.
--- واحد من اخوانج. لو هُمه هم ما عدهم تلفون؟
سيرا: افكورس عدهم تلفونات بس ما فارغينلك، ا اقصد اقصد فارغينلك هذاك اليوم جنت امدح بيك واكللهم شرحك من گدما فصيح يستحق جائزة تقدير. استاذ بدون حظور ولي الأمر شني ترا احنه مو بمدرسه!
--- انتي بجامعه فعلا مو بمدرسة وهاي جامعه اهليه اللها سُمعتها وقوانينها ومذكور بالعقد اذا حصل اي تجاوزات يتم استدعاء ولي الأمر!
سيرا: هسا غير اعرف وين تجاوزت؟
--- راجعي كلامج وياي آني مو غبي او اتغاضه
انلاصت ورب الكعبه، اندگ الباب سمح بالدخول وچان وَتان
وَتان: أستاذ بخصوص بنت عمي بسببي تأخرت على محاظرتك اعذرنا وما يتكرر وهذا ابوي يريد يحجي وياك.
الاستاذ تغير اسلوبه وحسيته ضاج بس ما يگدر يبين اخذ الموبايل وحجه ويا عمي واحد ينظر للثاني ونحجي بالإشارة الفهمته من كلامه أنه لازم اعفي عن الخمسين دولار لأن خلى عمو اشتر يفزعلي للمره الثانيه.
سكتنه لمن الاستاذ رجع الموبايل اردف
--- ولد الباشا بس الله اليگدر عليكم اطلعوا ثنيناتكم لحدما يخلص الدوام ما اريد اللمحكم.
سيرا: من عيوني استاذ، نهارك سعيد.
دفع بظهري يريدني بس اطلع مشينا للحديقة واحنه نتناقش بيناتنا
وَتان: خوش احس تعادلنا.
سيرا: بس إحساسي مو أكثر
يعني؟
سيرا: الخمسين دولار اطلعهن من عينك ما اعفي عنها
وحق جدنا السابع فلس مزنجر ما انطيج! خليت ابوي يحجي ويا استاذج بدون علم ابوج هذا أضعاف مُضاعفه من السعر.
طنشته لأن اصلا ماخذه فلوسي من هِلال.
حجايه جرت حجايه وسئلته
سيرا: هذاك ابو گيتار شعجب يدرس فنون جميله؟ چا شعجب عمو أيهم مبقي عايش ما حرگه.
وگفنا بعيد نشاهده جان گاعد بوحده يعزف محد يمه
وَتان: إيمار شخص غامض محد يفهمه عصبي منعزل تصرفاته كُلها عباره سُبرايزات.
سيرا: وليش تحجيلي؟
الحَذر واجب
سيرا: لمن تكون غبي وتَحذر الشخص الغلط.
عفته دخلت الكفتيريا.
ال عزّهَ
الطريق طويل لحدما نوصل للشركه واثنينا ساكتين اعاين عليه بطرف عين ايد لازم الستيرن وإيد لازم موبايل يراسل.
عزّهَ: عوف الموبايل لا نسوي حادث من وراه.
نضرلي ودار وجه للطريق يحجي
محادثه مُهمه علمود الشغل.
عزّهَ: صدك شصار على مؤتمر دبي الاقتصادي؟
آنا المدعو انتي شكو تسألين؟
عزّهَ: أنت شكو هيجي تحاجيني!
صايره بسرعه تتحسسين أسلوبي نفسه ما متغير!
عزّهَ: مو لازم يكون عندك اسلوب بالأول!
نظرلي راد يجاوب اندگ موبايل چآن أبيل جاوبه وفتح سبيكر.
عَزّآم: احجي يابعد اخوك ما تتصل إلا إذا صارت مُصبيه!
مُنشأة إزمير النفطيه وخط الأنبوب الرئيسي ليلة البارحه هجموا عليها ولد الالنجيي يوسف
عَزّآم: اول شي احجي بدون تصنيفاتك ثاني شي الأمن وين چآن وشنو الصار؟
وصلني صور من موقع خط الأنبوب النفطي والد كاسرينهه ومطلعين كميه چبيره من النفط.
عَزّآم: أبيل شمنتظر اتصرف. لو إلا يهربوها للميناء ومناك للمياه الدوليه!
بيرفكتو آنا الأخطبوط مالتكم على شني اللحگ؟ بس ديلا راح استلمهم حتى قبل لا يطلعونها من الگازيه.
عَزّآم: اخذ يَاسر وياك تمام
هذا الفاهي مو مال مُداهمات
عزّهَ: اابيل مثل ما گال عَزّآم تاخذه وياك ما ناقصنا متصاوب جديد بالعائله!
شني مرت اخونا اليسمعچ يگول گاعده ومگابله الجرحى شويه ريلاكس شويه ريلاكس.
عَزّآم: أبيل واصل للشركه هسا ماعندي مجال
الليله تفضها و.
تسلملي عليها. وعلى الضرغاام
عَزّآم: تمام جيد هو هذا الاخو الزين اليفتهم!، سلام
نظرلي اردف يتسائل
شبيج؟
عزّهَ: انزل ماكو شي خل يولي.
نزل وشمر السويج للسايق يودي السياره للگراج اردف وهو يمشي بصفي
أبيل شقاوجي لا أكثر كُلنا نعرفه كلمه والثانية يصنف.
هزيت راسي اوك، دخلنا للبنايه الإعلام و جايين. بإتجاهنا، بلشت الاسئلة منهم والامن يبعدهم.
-- شركة AAB بعد حادثة البارحه شراح يصير؟
عزام: تخرب الدينا على روسهم.
- هل صحيح أن مُنشأة إزمير تعرضت للهجوم بالتزامن مع حادثة البارحة؟
خله ايده حاجز وحاوطني حتى لا يطخوني ويرد عليهم.
عَزّآم: الرد لن يكون بالسلاح كما فعلو الرد سيكون في السوق الاقتصاديه والنجاح الدائم الذي ستحققه مجموعة شركاتنا.
لحگونا لباب المصعد دخلنا واختار الطابق الرابع نظرتله
وهو گال
سالمين!
عزّهَ: الرد لن يكون بالسلاح كما فعلو.
چا شني هاي المطاردات الصارت البارحه وشني تفسير همجيتك لمن رحت للمنطقة المُحرمه علينا؟
إثارة
عزّهَ: إثارة مو! چا غير هاي الإثارة چانت راح تودينا للموت!
رخت ملامح وجه طلع ايده من جيبه تقدم بإتجاهي تجاهلته سويت روحي ما مهتمه وگف گدامي وتدنى شويه ينظرلي
عَزّآم: آنا التربات ليالي السود ماأخافن من الموت، افديج بروحي ولا يطخونج عزّتي.
حاول يتقرب خليت أيدي على صدره بعدته عني.
عزّهَ: تمام خلي مجال بيني وبينك لا تُعبر الخطوط الحمرة
ابتعد عدل الجاكيت طلع جگاره ورثها وما رد
انفتح المصعد طلعنا سوا نمشي لغرفة الإجتماعات والموضفين عيونهم علينا يحجون بينهم.
-- من وين أشرقت الشمس اليوم؟
لا الأجمل مطقمين الاثنين لابسين اسود يبووو سووو نااايس
عزّهَ: رولا على شُغلج!
عَزّآم: رولا بويا على شُغلج مو وگت العلج والحجي!
رجعو يهمسون
شايفين فرق الأسلوب رغم عصبي بس يحجي بلطف ويانه احنه البنات.
تجاهلتهم ودخلت اول وحده الكل حاظر
عزّهَ: صباح الخير جميعا، نبلش؟
المسيو عزام مو لازم يجي؟
عزّهَ: جاي بالباب بس يخلص سوالف.
دخل بدون لا يسد الباب وراه ميس راحت سدت ورجعت اردف يأشر للكل
عَزّآم: اگعدو خل نبلش.
لا حول ولا قوة الا بالله العلي العظيم سحبت كرسي الإدارة وگعدت بمكان ابويا بلش الإجتماع مثل كُل يوم أنهى الاجتماع واردف
عَزّآم: نلتقي في قمة دُبي الاقتصادية المقامه في 27 لحد 29 من الشهر الجاري.
طلع من الغرفه ورحت وراه
عزّهَ: ما شاء الله مدعوين للقمة الاقتصادية العالميه وآنا آخر من يعلم.
التفتلي وكمل طريقه للمكتب مالته ويحجي
آنا المدعو آنا مسؤل الماليه بالشركه والقمه نروحلها ويا ابوچ وأبيل
تملق السكرتيره عود سلم عليها ودخل للمكتب دخلت وراه.
عزّهَ: شني چآ وآنا ليش ما تاخذني وياك؟
ابتسم بهدوء عاف الابتوب واجا وگف گدامي
شني بويا لاحگتني عالدعسه؟ شعندج بدُبي؟
عزّهَ: اجي وياك.
هز راسه مستغرب افتر حواليه بعدها تقرب همس بأذني
كلشي سوي إلا شغله وحد لا تحاولين تستغليني اكره الإستغلال
احتاريت شني اجاوب وهو وراي مقرب راسه من اذني منتظر الجواب، اردفت
عزّهَ: ما استغليتك صدگ اريد اجي وياك
اها ابد ما تستغلين عَزّآم ابد.
عزّهَ: لا شني استغل؟
تثولينها؟
سكتت ما حجيت حاوطني من خصري ويشم بشعري اردف.
بارود وبس يم طاريج اوگف
توترت من قُربه حاولت ابتعد سحبني مره ثانيه اردف.
ما نعَاتب بَسّ ترا ألخاطر يشيل.
عزّهَ: عَزّآم ليش هذا التصرف! ابتعد يلا
ما مسموح هيج تسوي ما مسموح.
چآ تحجبي يل مؤمنه شني الرايح و الجاي يعاين عليج؟
حاولت اشيل ايده يشد أكثر اخر شي انداريتله صرنه وجه بوجه
عزّهَ: قرار شخصي ما يخصك عَزّآم وخر وخلي مسافه بينا هذا مكان عمل.
هو انتي بكُل الأماكن هيج تحجين ما طّرَف مَنِشارّ شِيَجرّج عَدِلَ وّيَايَ؟
عزّهَ: شني تريد من الآخر اتملقلك؟ تحللم انطييك مجاال هم تحللم شني تريد؟
أكسري هذا الغرور واقبلي بموضوع الزواج.
عيونه تراقب ملامح وجهي كمل كلامه عكس عَزّآم المجرم إلى يقتل بدم بارد.
هُمه يحاولون قتلي لخاطر الكُل وآنا اقتل الكُل لخاطرج!
عزّهَ: هذا مو مبرر ولا دفاع عني هذا طبع بيك ياهو اليجي بطريقك او يعارضك تقتله.
ابتعد بهدوء ملامحه مابيها تعبير اردف.
عَزّآم: اليوم بعد الظهر تجين على بيت المزرعة نكمل التدريب الما اكتمل.
عزّهَ: تدريب ما اتدرب تنجاز ويا عمي تفاهم وياه.
خله ايده بجيبه اردف بثقه
سفره على دُبي ما تسافرين اذا ما كملتي اخر يوم بالتدريب!
عزّهَ: شني انت بس لا معتبر روحك ولي أمري؟
في القريب العاجل، فكري بالموضوع زين، وهسا اطلعي برا
طلعت من مكتبه وما سديت الباب مثله رجعت على مكتبي لگيت هلال تنتظرني شافتني وگامت.
هِلال: ها هم زين اجيتي تعاي دا نحجي آنا وأبيل عن عرض باجر. إلى راح يكون بإزمير.
دارت اللابتوب عليه لوحلي بإيده يبتسم اردف
شلونها مرت الغالي؟
گعدت ودرت الابتوب لجهتي
عزّهَ: احجي بالمفيد.
شويه ريلاكس عيني، اي ألمُفيد أنه جهزنا المعرض والستيج مثلما جانت التصاميم.
الديكورات كلها جاهزه الوفد الأجنبي وصل إزمير يَاسر توه راح يستقبلهم.
عزّهَ: ذولاك شني وضعهم؟
الليله استلمهم
هِلال: عن شني تحجون؟
حاولت اغير الموضوع ما اريدها تتوتر منهم وتتذكر الصار قبل فتره
عزّهَ: باجر بعد الضهر طيارتنا اريدك ترتب كُلشي وخاصة أوراق قسم التسويق بفرع إزمير. عبن 27 بالشهر عدنه موعد اعتقد عزام حجالك عن قمة دُبي الاقتصادية!
اكيد چا شعبالج مرت اخوي
عزّهَ: شني سالفتك جم مره تگول مرت اخوي آنا ما گتلك لا تناديني هيجي!
وعلي الضرغام كلامج صح مرت اخويا بس احب اناديج مرت اخويا عندج مشكله مرت اخويا؟
رجت المكان بضحكتها، اردفت
هِلال: عزااا بعيننك أبيل
نعال بعينج هِلال ما يهون عليا اكلج عزا
عزّهَ: شهل تمسلت شلوون ابتلينا بيكم.
نهيت المكالمه قبل لا يحجي حرف ثاني وهاي ساكته ما تريد تحجي
عزّهَ: اخذي لابتوبج وعلى مكتبج، وبعد الضهر عدنه اخر يوم تدريب بالأسبوع ان شاء الله يعتقنا ويفضها.
شالت اللابتوب والموبايل مشت للباب قبل لا تطلع وتسد الباب حجت
هِلال: شويه ريلاكس مرت اخونا عندي علم بالتدريب.
عزّهَ: اطلعيي براا لا ابتلي بيج وبأخوج
وحگ العباس.
وَدق
بقى ساعه وحده على الدوام ويخلص طلعت من الكافتيريا وتصادمت مع نفس الشاب إلى هو ابن عم سيرا ما حجيت وياه بس شلت الكتاب وعبرته وگفني صوته
وَتان: أم لفه!
باوعت حواليه انداريتله أشرت على نفسي بإستغراب
وَدق: تحجي وياي؟ تحجي ويايه تگُلي ام لفه؟
وحق جدنا السابع لوما ملقبينج هيجي چان ما وگفتي!
وَدق: باوع لك كفيت خيري وشري گلت اعبرك بدون مشاكل بس هي المشاكل تجي گوه اجيلك بوجهك واعلمك ام لفه شتسوي!
هنا المشكله عبرتيني! وما اعتذرتي
وَدق: واات؟ مو لازم اشوف نفسي غلطانه حتى اعتذر؟
كنبص شال قلم جان واگع مني ما انتبهتله
خطى خطوات كلها ثقه بإتجاهي. مد ايده ينطيني القلم.
وَتان: قلمج هذا؟
وَدق: اي جيبه
أخذته منه ولمحت نَائل بالحديقه واگف ضل أيدي مثل ما هو متبسمره بمكاني خاصه لمن خله جَگاره بطرف شفته وتقدم ناحيتي.
عليمن صاافنه؟
دار وجه واجته بوكس من نَائل واحد يضرب بالثاني.
نَائل: گلنا خلوو حدود بينا گلنا لووو ماا گلناا.
ما ادري الثاني من وين طلعله إيمار ركض من بعيد شمر الجاكيت فتح ساعته شمرها كذالك لبس الشفقه بالمگلوب وهجم يضرب نَائل صارو ثنين على واحد
إيمار: السلمييه ما يفيد ويااك إلا دگ ضرب واللعن واالديك
وَتان: عيني ويامن اندگييت حظك الخايس گااعد واخوي متصااوب لا وحق جدنا السابع جان كمل عليك.
انگلب عليهم وصار هو يضربهم الطلاب اللتمو والبعض راح ينده مدير الجامعة. ما حسينا إلا سيرا شمرت كُتبها يم أغراض إيمار وبإيدها عودة مساحة تضربه بكفها وتمشي بسرعه وهي من يفلت لسانها شيضبه
سيرا: ولد الخاايس ويااامن اندگييت ويااامن ولك وَتاااان گوم اضرربه گوووم.
أول ما وصلت ورا نَائل ضربته وكسرت العوده على ضهره لزم ضهره متألم وراد يضربها إيمار گامله بسرعه ورجع هد عليه يضربه بوكسات وسيرا تضربه بالعودة المكسوره على رجله وَتان بس يدفره جنزو تجنز ويتباهون لحظه ما سكتو يضربو ويحجون.
وَتان: وحق جدنا السابع هاي غسلناك غسلة الجُمعه مُسبقاً واليوم خميس. صحح.
إيمار: ااالله شااهد مُساالم ما اريد اعاديكم مثل ولد عمي بس من تريد تمد ايدك على بناتنا داااللعن ااابو ابوو اليبقى مُسالم ابن القندرره
وَتان: هذاا عيوني وضواا عيوني هذاا الماترك ربعه هذاا الزلمه وااخو خيته لو هد محد يرجعه
سيرا: ول خااالي احنه شمااا اختلفنا بيناتنا نحلها ولد عمااام الدم يفزع للدم چاااا شعباالك البنيه الوحده بينه بگد عشرره زلم وارجل منك ومن اخوك الخااايس.
وَدق: هااي شبيك تغني تراا احنه بمُحررم
يُفضل تنچبين ام لفه.
لصمني ورجع يكملون ضربه للصراحه تونست بيهم بردو گلبي بس الصار وصدمني دفعهم عنه گام سحب سلاحه بوجهم والكل تصنم بمكانه إيمار سحب ايد سيرا ورا ضهره
وصار إلى ما چآن مُتوقع.
رُقيه
بعدما خلص جلسة المحكمه طلعت وگلت كالعاده ينتظرني السايق بس هل مره جان
هو شفته بكامل اناقته لابس أسود ومنتظرني يم السياره من شافني نزل نضارتة وگفت گدامه اتسائل
رُقيه: وين السايق؟
ناجي: ماكو سايق آني اجيت اخذج و.
رُقيه: اها ذيل الجسار طبيعي ما لازم استغرب اليوم انت السايق مالتي.؟
لزم أيدي المجروحه عن قصد ويشد عليه
اردف
ناجي: مو سايق مالج اجيت اخذج نشتري فستان لهذا الجسم الحلو.
مرر إيده على كتفي تترته وابتعدت
رُقيه: ما عندك اخلاق و بلا غيره.
ترجعني لبيت رجعني ما ترجعني راح اركب تكسي!
لزم ذراعي بطريقه مؤذيه دخلني للسياره وصعد بسرعه قفل الأبواب وأطلق بُكل سُرعته
رُقيه: گتللك ماا اجي ويااك افهم رجعني للبيت يلا رررجعني يلا
ضل ساكت كمل طريقه وگف يم مول چبير ومعروف، نزل واندار فتح الباب ما نزلت دخل راسه للسياره صار بوجهي اردف.
ناجي: رُقيه انزلي او ابهذلج گدامهم وتُعرفيني اسويها.
اردفت بدون خوف واني مخليه عيوني بعيونه
رُقيه: ما تفرق ويايه لا تهديدك ولا بهذلتك إلى لو عندك ذرة غيره ما تحاجيني هيج!
ضل ساكت عيونه تروح يُمنى ويُسرى لزم أيدي شبك اصابعه بين اصابيعي ويشد على اللزمه سحلني سحل للمول من شفت الناس تباوعلنا وگفت ومشيت عدل وياه نظرلي بطرف عين يتشمت بيه تجاهلت نضراته مابيه حيل المصايب خل نشوف تاليها دخل قسم الابسه النسائيه خاصة قسم الفساتين والمناسبات. وگفت واندارلي.
رُقيه: شهر مُحرم مستحيل اجي وياك لذيج الأماكن.
ناجي: محرم شنو؟ شايفتني اعترف بهذا الشهر؟
رُقيه: قوم الفُجار حتى الله تكفرون بي ما لازم استغرب! حيوانات بكُل معنى الكلمه.
ما جاوبني ولا عاف ايدي يسحلني وياه
ويجرب عليه فساتين سهرات لونهن أسود
انطاني وحده مفضوحه بشكل كبير واردف
ناجي: حبيبي روحي قيسي
رُقيه: شنو راايك تاااكل بدال ما تناديني حبيبي!
ناجي: اويلي عليك شگد عنيف متحمس والله
جربيها بسرعه.
گال اخر كلمتين وخوزر بيه
رُقيه: اهنا لو تجنزني ما اجرب هل خيسه.
شمرت الفستان ما مل جرني وياه لغير محل هل مره چانت فساتين أكثر ستر صح كلها دانتيل بس مو مثل هذيج جنها فستان نوم دخل أشر للبنيه تنزل شكو قطعه لونها اسود
رُقيه: داتعب روحك عالفاضي لا راح اللبسهن ولا راح اجي وياك لذيج القذاره. أترك ايدي!
ناجي: مجبوره تجين وياي لأن العواقب وخيمه!
مد ايده ينطيني فستان طويل لحد الركب والاكمام دانتيل ويا الصدر.
جربي هذا وفضيني.
عاف ايدي، ودخلت اقيس الفستان وجان على مقاسي دگ على الباب اردف
طلعي خل اشوفه عليج حلو لو لا
رُقيه: مااا تاكل شنو تشوف!
عنيفه والله إلا اكُفخچ على راسج يلا تستوعبين
دفر الباب ودخل بدون اي تردد طبگهه برجله يباوعلي بنضرات قذره كُلها رغبه تقدم بخطوات ثابتة بإتجاهي وآني أتراجع صرنا وجه بوجه بلع ريگ اردف
تُشگيين شگ يَ بنيه.