رواية ولد الباشا للكاتبة فاطمة الأحمد الفصل الثامن والثلاثون
رُقيه
محتار شلون يثبت وجهي گدامه ويحچي بعصبيه مكتومه بألف يا على لازم روحه.
ما طلعتي من بالي ضليت افكر بيچ ردت طريقة تجمعني بيچ صرت كل أسبوع أزور حتى اشوفچ بس ماكو اختفيتي اختفيتي لحد ذيچ الليله
الشفتج بالمكتبه، رُقيه لا تذلّين بنآدم روحه بيچ!
كل اطرافي ترجف من قُربه من كلامه
صوت دگات گلبي صداها براسي نظراتي متشتته
أما هو ما ابتعد ضل حاظن وجهي بين إيده
وينظر لحدقة عيوني
ليش ساكته رُقيه!
انربط لساني حتى من ردت انطق ما گدرت
عيونه بعيوني وبين وجهنا خيط رفيع من الضوا
طبگ جبينه على جبيني غمض عيونه وهمس.
رُقرق الغيره تاخذ نص عافيتي ترضيلي التَعب؟
رفعت إيدي ثنينهن بهدوء خليتهن على إيديه
انرسمت ابتسامة خفيفه على شفته، شديت ايدي على إيده ودفعته بعيد.
رُقيه: شلووون تتجرأ!
اصفر من الصدمه ومن رد فعلي رجع بسرعه يحاول يلزم وجهي ويحجي لكن آني اصده واجاوب.
رُقيه رُقيه لا تسوين هيچي!
أنت لا تسووي هيچي خليك بعيد عبالك اااصدگك شايفنيي ماا محترمه واااتقبل كلشي كلامك قُرربك شجاااي تحچي شجاااي تمسلت؟
ليييش تخلينييي اتسودن عليچ!
گتلچ لااا تذلّين بنآدم روووحه بيچ!
رُقيه: و اااذلّك وااانعلن شيييب جدددك الساااابع شلوون هيييچ تتقرررب مني شلوون تخلييي چهرتك بوجهي؟
مقيد إيدي وسارح بتعابير وجهي، يبتسم ويهز راسه.
ليش آنه چهره وأنتي وجه شهل عُنصريه؟
آني وييين وهذااا وين ولك وخرر لا أنلعن شيب جدك السابع.
قرب وجهه ومقيد إيديه ثنينهن ورا ظهري بإيد وحده، تلامس خدودي ويحچي.
عايني بنت حازم جابر مدري شسمه الثالث المهم تلزمين لسانچ وتحترمين مشاعري الخايسه اتجاهچ سُبحان الله أحبچ وما جاي اگدر اطلعچ من بالي.
رُقيه: همم زييين تدري بروحك مشاعرك خاايسه ياا حفييد الخايس يااا حفييد الهمچ.
هذا التحچين عليه وتخليه يُگمز بگبره.
چآن خاطف حُب حياته تخيلي اكون ماخذ صفاته؟
بلع ريگ وتقرب راد يتمادى يبوسني ضربته كلّه
رُقيه: تمادى مره ثانيه حتى اعيد تربيتك.
ما تركني لزم خشمه يخوزر بيّه. ويحچي
هذا اعتداء علني شسوي بيچ خوما اطيح حظ حظچ ها؟
رُقيه: اترك ايدي وابتعد يلا!
ومشاعري الخايسه وين تولي مو اعترفتلچ!
رُقيه: خليها بگلاص ماي واشربها!
رجعني گدامه شد على إيدي ويحچي بوجهي عيونه تريد تطلع من العصبيه. ، بس يمثل الهدوء.
ترا بألف يا على لازم أعصابي.
رُقيه: شسويلك يعني شسويلك، تتركني لو اتصرف؟
اتصرفي خل اشوف
ردت احچي خلى أصبعه على شفتي.
ليش تذلّين بنآدم روحه بيچ ليش ما تصدگين أحبچ ومن اشوفهم قريبين منچ يجي ببالي اشگهم شگتين؟
نظراته، قُربه، صوته الهادي، معقوله يحبني صدگ
لو هاي مكيده منه معقوله أبن الأشتر يحبني!
عيوني انترسن دموع من فكرت بالموضوع وأنه
بالحقيقة احنه أعداء واذا عرف آني عدوته گالها
بنفسه راح يحرگني بناره!
رُقيه احچي شي!
رُقيه: ش شتسوي.
ابتعدت وكل اطرافي ترجف چآن راح يبوسني
بكل صلافه وبدون خوف. ، ضليت امسح وجهي
وابلع ريگ وعيوني ما اخليها بعينه بس ادور على باب الحمام.
تمام أهدي شبيچ ما سويت شي اهدي.
ايدي على خدي وبألف يا على واگفه نظرتله ذيچ النظره اللي بودي اشرب من دمه بقيت بمكاني واحچي.
رُقيه: ء حرااامات ما ما سويت شي نعله على شيييب جدك السااابع، خليك خليك بمكانك
يضحك بكل حقاره گدامي يريد يتقدم.
هدي شويه هدي ما صار شي، مع الأسف
رُقيه: ش شگددد نذذل.
رحت بإتجاه باب الحمام وأطرافي ترجف دخلت وقفلت الباب ضليت واگفه ورا الباب بألف يا علي
اجر نفس.
رُقيه: اهدي أهدي گلبج راح يوگف.
مسحت جبيني و حسيت شي حار ينزل من انفي
ابعدت إيدي شفته دم.
رُقيه: د دم، من التوتر اكيد صعد ضغطي
رحت للمغسله غسلت خشمي والدم بعده ينزل
رُقيه: كله من أبو گاع كون الله يوگعه وگعه ما يگووم منهاا.
راسي بلش يوجعني بشكل فضيع، بحيث ما گدرت اكتم صوتي و أنيني
رُقيه: رااسي ر رااسي يمه راسي.
دنگت غسلت وجهي بالكامل والدم صار ينزل شويه اقل لكن راسي ما خف الوجع منه احس دماغي راح ينفجر من الوجع كل شراين راسي ينبض ويوجعني.
اخذت كومه كلينس خليته على خشمي وبهل اثناء اندگ الباب چآن وگاع يتسائل
رُقيه تأخرتي انتي بخير خوما بيچ شي؟
من كمية الوجع حتى چنت أبچي بدون ادراك مشيت للباب بس اريد اوصل وافتحه المفتاح علگ وآني ادگ وابچي.
رُقيه: افتتح الباب حباب ألحگني وگاع ألحگني.
تخبل يدگ الباب وينادي مفجوع
ررقيه رُقيه شبيچ بويا، اء اهدي راح اكسره ابتعدي ابتعدي.
ابتعدت چم خطوه وبألف يا على واگفه على رجلي والكلينس على خشمي. أول ما كسر قفل الباب
ودخل من الهبطه بقى واگف بمكانه عيونه محمره
رُقييه!
خطيت خطوات سريعه بإتجاه لكن ما لحگت.
چنت راح اوگع هو لزمني يلمني بحظه وراسي يم گلبه.
ش شبييچ فهميني فهميني شصار شهل دم رُقيه رُقيه تسمعيني.
كنبص وآني بحظنه عيوني مغوشه وجع راسي ما يهدى وبس اسمع صدى صوته يهمس بخوف هنا أدركت يمكن فعلا يحبني وروحه بيّه!؟
بس جاوبيني رُقيه رُقيه فتحي عيونچ ما صدگت ألگاچ لا تعوفيني رُقيه تسمعييني رُقيييه.
عيوني ما اگدر افتحهن چنت بس اسمع صدى صوته إيدي الچنت لازمه الكلينس بيها وگعت وانتهى كل حيلي قبل لا ادخل بظلام دآمس
حسيت عليه يشيلني ويمشي خطوات اشبه بالركض وينادي.
جيييبو السياااره للبااااب بسرررعه.
ال بتراء
چنت گاعده گدام المرايا اجرب اكسسواراتي
وعلي سَند گاعد واللابتوب گدامه يشتغل ومرات يسرق نظرات ويبتسملي، نظرتله من المرايا وحچيت
بتراء: تشتُغل لو صافن عليَّه؟
علي سَند: لا أشتغل استقري ديانا.
اعرفه يچذب أصلا هايم بيّه درت وجهي
للمرايه اجرب التراچي. ، شفته گام اكيد يطلع برا الغرفة.
ألتهيت انگي ترچية ترهم على الفستان فجأة
باسني من طرف اذني حاوطني وهمس
اليوم گتلچ أحبچ لو ما گايل؟
گتلي الصبح من گعدت من النوم
گلبچ مُطمئن.؟
لا احسك ناصب عليَّه ما تحبني.
صفن بوجهي اوكي آني ما عندي خبرة بهذا المجال هسا هذا ليش ما يتفهمني.
دار الكرسي وباسني بهدوء و ابتعد يلامس خدودي
ويحچي.
ناصب على روحي عبالي تحبيني مثل ما احبچ.
نظراته چانت حزينه اول مره اشوف بيهن خيبة
أمل للحظة حسيت كسرت خاطره حتى قبل ما انطق سبقني.
خانچ التعبير واضح.
علي سَند باوع بيّه ما اقصد والله.
اي خانچ التعبير متفهم.
باوع بعيني شبيك والله ما اقصد ترا آني صريحة وياك ما اچذب وهذا احساسي شسوي اجاملك چذب؟
دوسي على گلبي بعد دوسي انوب تحچي بوجهي
يعني ما مصدگه أحبچ؟
لا مرات مصدگه
ذليتيني ذل!
حاشاك من الذل على سَندي
انرسمت ابتسامة على شفته لزم وجهي بين إيده
ويبوس بيّه شلع خدودي شلع ويحچي
منو گال اتأثر بكلامچ منوو گال؟
ايي ايي ساحلتك سحل وابد ما متأثر.
زوجتي الغالية هذهِ حقوقي الشرعية.
وجهيي وجهيي المااشايف وشااف شلعت وجهي هدنيي.
شايف وعايف لعيونچ!، شعندي غيرچ مأسور بيچ صار 18 سنة.
گال هيجي وحظني بقوة كأن يريد يعوض ذيچ السنين الفاتت. ، حظنته واحس روحي بروحه متعلقه لكن ما اگدر أبين مشاعري.
مستصعبة الإعتراف إلى أبعد درجة.
ابتعد وآني امسح على لحيته الخفيفه
بتراء: ما ادري اليحبون شلون يحچون!
آني خلصت عمري بين أربع حيطان جاهلة الحياة.
الخارجيه ما چنت اشوف الناس همه بس هذوله الأشوفهم أشخاص محددين. اشوفهم ناجي وجاسر و، صفاء الله يرحمها.
ادفعهم الثَمن غالي بس خل نحرر مرت عمي من بين إيديهم!
شيفيد وياهم بعد صفاء راحت وما ترجع!
مني هاي صفاء؟
بنيه جسار چآن موضفها تهتم بأموري الخاصه
هي چانت تشتري ملابسي وتساعدني باللبس
چنت اشوفها خمس دقايق باليوم الواحد.
مسح دمعة نزلت من عيوني وسأل
صفاء؟
بلعت ريگ وعيوني انترسن دموع أكثر وأكثر.
سؤاله رجعني للماضي قبل أشهر كلشي متقطع بذاكرتي اذا ما اقرا الكتاب ما اگدر اتذكر التفاصيل كاملة. بلشت احاول اتذكر واحچي و هو بس يمسح دموعي
بتراء: غررفه هيجي تشبه غرفتي أللي عشت بيها قبل ما نتزوج، و و حارسين ثنين بالباب جنت بالطابق الثاني جانت غرفتي بالطابق الثاني؟
أي أي بالطابق الثاني.
اي و. ممر طويل ودرج صعدت الدرج صرت بالطابق الثالث سمعت مره تنادي!
صرت أبچي علني مو بس دموع تنزل كلما اتذكر صوت آيدا.
تگول إيمار إيمار وتگول عُمرم روحم، بعدين
ما خلاني افتح الباب صرخت صفاء شفته جايبها لنص الممر هيجي خلاه گدامه وهي وهي تترجاني.
حظني مره ثانيه ويگول كافي لا تكملين لكن كملت الأتذكره من الأحداث الصارت
المكان تحول لبحيرة دم صفاء ما ضل بيها روح
أخذها مني مثل ما أخذ أمي هيجي چآن سابح بدمها و ويضحك.
ضل لامني بحظنه حسسني بالأمان وهو يقرأ.
آيات قرآنية دوم يرددها اثناء الصلاة (ألم نشرح لك صدرك) ويكملها لحدما هدأت، يبوس بشعري ويحچي بهمس مُطمئن
ولا تحسبن الله غافلاً عما يعمل الضالمون
الكل راح يتحاسب بالدنيا والآخرة.
بسببي مرت عمك بعدها مأسورة چآن المفروض
اصدگ بيك بذيچ الليلة چآن هسا صفاء هم عايشه.
انتي مالچ ذنب ابوچ الگواد هذا اكبر خايس
و فد سلحف قذر و نعال
ههه ما فهمت سلحف شجابه؟
عمو اشتور مو جايب سلاحف النينجا.
عود جسار وأفراد عائلته الخايسه!، .
عمچ اشتور لو يسمعچ هيجي تصيحيله
يضمچ لصدره ولا چنچ بنت الخايس جسار.
هذا ليش مو ابويه شگد فُگره آني؟
لزم وجهي بين إيديه، بلهفة يبوس خدودي بوسه ورا بوسه
احببچ حيل أحبچ فد بنية فحله ولسانچ دائماً يخونها التعبير، انوب تتمنى لو چانت من خلفة اشتر الهمچ تخيلي ابو وگعه وابو الوَتن اخوتچ
نروح بستين داهيه.
الله واشد ظهري بأخوتي فنك تحاجيني
يهدون عليك يشبعونك دفرات چلاقات.
تعاي نلعب جوله؟
لاااااع ولي ما اريد
ها صرت أولي ماا؟ شيخلصچ من إيدي؟
اخوووتي حزاام ظهري دقيقه اعدد الناس الحبابه اللي حبيتهم بعائلة الباشا، وگاع الداهي مثل اشتور محد يتوقع تصرفاته وَتن الجوكر، هذا حسيته من جوا لجوا يعني مهرج من بره ويحشش لكن من جوا فد اشتور كوبي بيست.
كملي كملي حللي گتلتچ.
فنك بظهري أخويه عزام هذا كلما اشوفه احس گلبي مرتاح نظراته حنيّنه عكس ملامحه البارده.
أها چآ اخويه هَدآم شني رايچ قبل الإنتقال للإنتقام؟
گتلك لاااع، اي هذا هدآم احسه كتلة هلگده هلكُبره ما مفهوم وغامض الجگاره ما تنزل من إيده اخوك مُدمن لو شني؟
اخوي مدمن هلال، كملي كملي
اها، عندك ولد الباشا إيمار اللي حساس واحس عشنا نفس المصير ببُعدنا عن امهاتنا، أما أبيل هذا لقبه الحاروگه صح؟
اي صح أخطبوط حاروگه مغناطيس المصايب هوايا ألقاب.
خلينا على حاروگه، هذا اذا تُمر بصفه يخوزر بيك يگلك هاا تريد لتر بانزين تريد احرگكك.
ضحك بصوت عالي ويهز راسه اي كملي
اكملي خواتنا شني رايچ بيهن؟
خواتك وحدة تگول للثانيه آني احسن عندك
عزوزه هاي الدرهميه مثل ابوك بس فد حنونه مثل عزوم شفتها شلون طيّبت خاطر هلال، أريم ام الاكشن والإثارة غريبه مثل هدآم بس حبابه مستقبلها مُشرق ومليء بالإثارة اذا تزوجت ابيلو.
خلصتي؟
اي لحظة خل احچي عن الخاتونات السيدات الولادات.
لا حبيبي لا تحچين اجا دوري.
گلت لاااع!
(إذا دعا الرجلُ امرأتَهُ إلى فراشِهِ فأَبَتْ، فبات غضبانَ عليها، لعنتها الملائكةُ حتى تُصبحَ)
لا تصير نبي براسي ترا عصريه مو ليل وخر يلا.
گام ودفع راسي بأصبعين
ولي ما أحبچ
ول هيييوو لا تمد إيدك
انوب تحچي مثل سيرا. بطلت بعد ما أحبچ
گاتله روحي عليك حبني بلييززز.
راح للچربايه ويأشر بإيده لا لا گمت ووگعت گلادة ماما يقين من رقبتي عالارض والفراشات الثلاثه وحده انكسرت. كنبصت اشوفه لا إراديا عيوني دمعن هذا يرمز لخواتي.
بتراء: على على وحده بيهن انكسرت شووف.
گمت بسرعه شلتها بكف إيدي ورحت يمه أبچي
واحچي
بتراء: هاي وسن وهاي وَدق وهاي رُقيه فراشة رُقيه انكسرت على گلبي يمهن شلونهن؟
أهدي اشش ليش تبچين انكسرت بالغلط
نصلحها تتصلح عليش تبچين.
داا أگلك گلبي ما مرتاح رُقيه بيها شي رُقيه بيها شي، بس لا جسار مأذيها!
اخذ الگلادة من إيدي يشوفها وراح جاب تلفوني
وانطاني.
اتصلي بيهن.
ما عندي رقمهن هنن أخذن رقمي وبعدهن ما متصلات.
مسح دموعي وخلى الگلادة بجيبه راح جاب تلفونه اتصل بشخص لكن ما يجاوب.
وگاع ما يرد. اهدي هسا اتصل على السكرتيرة.
اتصل بيها وبسرعة جاوبته
جُمانة وين وگاع؟
مس رُقيه تخربطت واخذها للمستشفى.
بتراء: احچي شبيها؟
بنفس المكان؟ تمام جُمانة شكرآ.
قفل الخط وخلى الگلادة بإيدي لزم متوني
اردف بهدوء.
شويه تخربطت واخذها للمستشفى ما بيها شي.
ش شلون ما ما بيها شي ليش تخربطت گتلللك گتلك گلبي يحس بيهن گتلك.
حظني ويحاول يهديني لكن بعديش واني گلبي مثل النار على اختي!
اخذني يمها على سَند هسا تاخذي يمها.
تمام اخذچ والله بس اهدي دموعچ يچون روحي.
باس شعري وابتعدت عنه اخذت ملابسي ودخلت بدلت شلون ما چآن، وهو هم بدل وطلعنا للطابق الأول وگفني يم الدرج ما خلاني اقترب من الصالة
أي ء الظاهر ابويه عنده ظيف، ابقي هنا اسلم عليهم وانطي خبر لأمي انه رايحين نزور أبيل.
عافني قبل لا اجاوبه ودخل للصالة تقربت من الباب سمعت صوت رجال غريب عليّه يحچي
گتلچ مستحيل اسمحلهم يأذوها شلون هيچي تفكرين يَقين!
علي سَند حچآ والكل استمع أله.
راح نطلع للبصره نزور أبيل، من أرجع ما اريد اشوفك قريب منا ومنا.
أبني يبقى ضيف غالي يعني شوية احترمه.
يابه محترمه لكن هو يطلب المستحيل وآنه مستحيل أسلمها أله فاهم؟
يَقين انتي شتگولين؟ أكيد ما تمشين بكلامه!
آني مثله رافضه تاخذونها مني ما صدگت
رجعتها لحظني شلون أسلمها لوحوش بشريه مثل اخوتك؟
مثل ما گلت من أرجع ما اريد اشوفك!
بسرعه رجعت يم الدرج وهو طلع مد إيده
ولزمته بقوة، باس ايدي وطلعنا من البيت.
عقلي ما يستوعب الكلام عن منو يحچون!
واضح المقصود بنيه!
ال عَزّه
ضليت افتر بالغرفه عزام من الساعه عشره الصبح
طالع من الشركه وبعده ماكو لا يتصل ولا يجاوب على اتصالاتي.
عزّهَ: تالي وياااك تااالي جاااوب!
خابرت هدآم وجاوبني من اول دگة.
زوجج مو بالمينا.
هاك تفضل بنفسك كشفت نفسك شمدريك أسألك عنه؟
چآ غير اختي واعرفچ مو لخاطر عيوني متصله.
صوچي متصله بيك.
رحم الله والدينا، .
اي هاا احلف بغلاة هلال ما تعرف عزام وينه؟
وغلاة كُل خصلة بشعرها ما ادري المتسودن مالچ وينه!
اي تمام صدگتك اذا اجاك للمينا خابرني عود.
المُقابل؟
اصبغلك يم عمي ايهم بلكت يتلطف بيك.
مايحتاج مايحتاج الله وياچ عندي شغل.
الله وعلى ومحمد وياك ما استفاديت منك.
قفلت الخط ونزلت تحت دورت على عمة سجى ماكو!
عزّهَ: عمة أمل شفتي عمة سجى؟
أمل: الصبح عزام اجا أخذها وطلعو.
هزيت راسي إي وتركتها فورا للگراج اخذت سيارتي وطلعت اتصل عليه ما يجاوب.
اتصلت على مسؤل الأمني مالتنا خاص يحدد
مواقع موبايلاتنا.
عزّهَ: قاسم حددلي موقع معلمك عزام بسرعه.
گال هسا ومر خمس دقايق رجع خابرني.
اخر إشارة بمنطقة (- - -).
عزّهَ: ألله يلعنننهم تمام تمام دزلي اللوكيشن
و ها لا تخلي احد يدري بالسويته.
امرچ مدام.
انتظرته لمن وصلني مسج بالموقع فورا توجهت للمنطقة، التوتر والقلق اكل گلبي بس لا متسودن
ومسوي شي يندم عليه، ما أخذ وقت طويل وصلت للمنطقة المهجوره كلها مخازن قديمه.
، شفت سيارته واگفه، صفيت يم سيارته ونزلت امشي خطوات اشبه بالركض و التفت حوالين المنطقة!
عزّهَ: بس لا سوا شي بروحه او بأمه، عزااام.
ماكو لا عزام ولا أثر منه رجعت لسيارته عاينت من الجامه عبن چانت مقفوله، شفت ورقه متروكه ويا تلفونه عالكشن. ، دورت على حجرة چبيره وجبتها كسرت الجامه، مديت ايدي اخذت الورقه وإيدي انجرحت لكن ما انطيته أهميه، فتحت الورقه
و الصدمه الچان مكتوب!
يخرب شي ويتصلح شي ماكو حل ثاني.
ارجعي للبيت وانتظريني أحبچ عزّتي
كنبصت من هول الصدمه شراح يصير بالساعات الجايه! ما گدرت ألزم دموعي گعدت أبچي بچي سنين كاتمته بگلبي لحدما تعبت، گمت على حيلي نفضت ملابسي من التراب والمكان مجهول
الساعه صارت 5 قرب حلول المُغرب
خابرت قاسم يجيب سايق ثاني ويجي
انتظرته لحدما وصلو ونزل.
امرچ مدام وينه المعلم.
عزّهَ: عوفك منه، تاخذ السياره للتصليح وأنت الثاني ترجع بسيارة قاسم، والموضوع يبقى بيناتنا إذا وصل لواحد غيرنا ما يصير خير.
هزو راسهم بالقبول وتركتهم راجعه لسيارتي
فورا صعدت أسلك طريق العودة للبيت.
طول الطريق بالي يمه شراح يتصرف!
نظرت للجامه سيارة تريد توصلني.
عزّهَ: مو وگت ارتكب جريمه بيكم.
زدت السُرعه ودست بانزين والسياره اسرعت مثلي، أخذت المُسدس من الچكمچه وگعت.
أوراق الترخيص مالته تجاهلته، وركزت بالطريق
يريد يكسر عليَّه.
عزّهَ: ااالله يلعننننك مااا نررريد مشاااكل زايدة
سحبت أقسام ونزلت الجامه السياره صارت بصف سيارتي صوبت على أسفل الجامه فقط كسرته
والسايق نظرلي مُبتسم نزل رفع إيده بإستسلام مدري يقصد أنه ما شايل سلاح ضدي!
المهم صوبت على الباب وصحت بصوت عالي.
عزّهَ: ااحنه ضد العُنف إلا في الضرورة القصوى.
عزيزتي ما شايل سلاح بوجهچ، ردت نحچي كلمتين.
مثل المتسودن الهمج كسر على سيارتي انجبرت
ادوس بريك قوي، رفعت راسي شفته نزل والرجال
مبين مو حيالله واحد لابس بدله سوده وقميص اسود فاتح أول ثلاث زرار.
فورا نزلت موجهة المُسدس ناحيته وامشي.
عزّهَ: تخيل افرغ المخزن براسك؟
ابعد جاكيته شايل سلاح بس ما اشهره اتجاهي!
عزّهَ: گتلي مو شايل سلاح!
بوجهچ ذاكرتچ ضعيفه!
عزّهَ: ثرثر ما عندك أو انصرف.
تقدم أمامي بحيث راس المُسدس صار على گلبه
عيونه أقرب إلى ألون الأصفر.
عزّهَ: لا تصفن بوجهي خلصني اااحچي ما فارغلك.
اعصابچ تخيلي اكون واحد من اعدائكم واقضي عليچ؟
عزّهَ: حقآ؟ يعني أنت من احبابنا وما أدري
غير واحد من اعدائي. احچي احچي لا افرغ المخزن براسك.
مد إيده للمُصافحه اردف بكل ثقة.
وياچ جاسر جابر المياحي.
شديت ايدي على المسدس شجاي يصير هذا
من عائلة جسار جابر المياحي! هذا ابن اخوه؟
صح ما شايفته بس اعرف اسمه واعرف تاريخه.
عين تراقب المكان وعين عليه.
عزّهَ: أنت من نَسل الفُجار، شتريد؟
رجع إيده لجيبه وإيد يمسح على لحيته الخفيفه.
جاسر: شلون سُمعة مطلعين علينا!
عزّهَ: ليش انتو شريفين تخافون الله؟
جاسر: لا عفنا الشرف ألكم.
دفرته على ركبه كنبص امامي مصدوم من الحركه الغير متوقعه، والمسدس بوجهه.
جاسر: نعلة على روح ابوچ ضربه مُرتدة.
فد نچره مال احترم شجاعتچ بسس.
بحركه سريعه گام وقيدني خلى إيده على إيدي وخلى المسدس براسي يهمس يم اذني.
جاسر: خاتونات بيت الباشا وحدة بگد عشره زلم. هاي وين چانو ضاميچ ليش ما چنت ألتقي بيچ؟
عزّهَ: اطييح حظك وخرررر لا أللعن أبو ابوك لأبو الجابك يا فاااجر يا سااقط.
حاولت احرر روحي من بين إيده لكن ماكو فايده مقيدني، إلى أن سحب المسدس مني ودفعني بعيد خلى مسدسي بظهره و، عدل جاكيته يحچي بطريقة اقل ما يُقال عنها تافهة
جاسر: قوية وصلفة ومثل قياساتي لكن للأسف
ما عندي گلب ثاني، الشگره مالتي ما ترحم.
عزّهَ: لعبت معدتي بس أللعي العنددك وااامشي!
هز راسه تمام ورجع لسيارته جاب آيباد
ضل يدور بي ودار الشاشه ناحيتي.
جاسر: سُبرااايز.
فتحت عيوني على وسعهن فيديو قديم يجمع
ابويه وجسار! واگفين يحچون سوا ويضحكون!
جاسر: سنة 2005 البصره. ابوچ ويا عمي جسار الوغد قصة شراكات لا تُعد ولا تُحصى.
بعدني بحالة صدمة شغل فيديو ثاني
وهل مره شويه أوضح!
جاسر: سنة 2011 جسار اخذ اختچ رهينة بعدما ابوچ طلع ناصب عليه و ماخذ جُزء من أملاكه بتواقيع مُزيفه.
اختل توازني عيوني غوشن من الدمع
معقوله ابويه هيچي طلع!
جاسر: جاييچ بالأقوى گولي يا الله وأصبري
دور بين الملفات وتمعن بالنظر ابتسم و دار الآيباد ناحيتي.
جاسر: صورة لأختچ بسنة 2012 مشمورة بدار للأيتام يملكه جسار خارج العراق وهاي تسجيل كاميرات مراقبة من تبچي وتگول ماما ندى ماما يَقين.
شغل المقطع ومن سمعت صوتها سديت حلگي
احاول اكتم صوت بچيتي. واهمس اختي
اخذت الآيباد من إيده وصرت اتلامس ملامح وجهه، گاعده بزاوية لوحدها رغم الغرفه بيها أطفال اخرين.
عزّهَ: يَ روحي انتي يا روح عزّهَ انتي.
اخذ الآيباد من إيدي وراد يخلي إيده على كتفي تراجعت بالرفض، تأسف وقفل الآيباد نظرلي بخيبة أمل، اردف.
جاسر: ما ردت احطمچ بهل طريقه آني مو نذل!
بس ردت تعرفين حقيقة ابوچ اللي راح يدمر بيت الباشا في سبيل مصالحه. ابوچ مخلي إيده بإيد
جسار سنين يشتغل وياه فقط حتى يرجع اختچ
بعدما چآن هو السبب بفُقدانها.
عزّهَ: اختي اااختي وينها عايشه عااايشه ااحچييي؟
جاسر: اهدي وركزي بالكلام الآتي قبل ثمان سنوات أي بسنة 2012 بعدما اختچ قضت سنة كامله بالميتم! آني حررتها من هناكه، بالمُختصر
خطفتها بأمر من هاشم.
عزّهَ: شجاي تحجي شجاي تحچي جسار سفرها برا العراق وخلاها بالميتم اللي يملكه اانت شلون خطفتها ماا اانت وياااه عليييمن تلعببب. و هاااشم منوو؟
لزمته من ياختة القميص منهاره اصرخ عليه.
عزّهَ: اااختي اااختي اخذتوها منيي حرمتوهااا من ااامها وتجي تگووول حررتها ااانت غيرر ويااا جساار اانت وكل ولد آل جابر المياحي كلكممم.
جاسر: اهدي يا مدام ااهدي يااااا مدااام عزااام جسااااااار المياحي ااهدي.
وسعن عيوني هذا شلون يدري بهل حقيقه!
جاسر: كلشي نعرف كلشي كلشي من الألف إلى الياء نعرف، بخصوص هاشم هو يكون الأخ الأكبر من بين ولد جابر المياحي. هو عمي الأكبر تعرض للغدر والخيانه من جسار وهسا جاي ينتقم منه بنفس الطريقه!
عفته وبقيت افتر بمكاني لازمه راسي راح اتسودن
شجاي يصير شجاي يحچي رجعت گدامه امسح دموعي واحچي.
عزّهَ: اختي وينها اختي اريدها شلون ارجعها؟
جاسر: بيني وبينچ للصراحه.؟ بعدما حررت اختچ من جسار، عمي هاشم رباها مثل وحده من بناته 10 سنوات مربيها مثل بنته حتى سجلها على اسمه، و ابوچ يدري بهذا الحچي وما يگدر
يرجعها عبن قانونياً تكون بنت هاشم و إذا تگولين
فحص ومدري إيش هذا الحچي ما ينفع.
عزّهَ: ينننفع ينننفع نسوي فحص الحمض النووي وتطلع اختي واخذها بالقانون!
جاسر: هنا الصدمه الكُبرى، ابوچ تخلى عنها وموقع على أوراق قانونيه وگال المهم تحصل تعليم عالمي ممتاز وتكون بخير!
عزّهَ: لال لالالا ابويه ما يتخلى عن بناته لا مو صح موو صح.
گلب عيونه بنفاذ صبر وشغل مقطع صوت ابويه
بنفسه يگول، اريدك تحافظ على الأمانه المهم تحصل تعليم عالمي ممتاز بنتي مأمن عليها يمك بالمقابل ترجع...
عزّهَ: لحظه للحظه لييش وگفتتت خل يكمل!
جاسر: هذا موضوع آخر وسبب آخر هذا القدر من الصدمات كافي لليوم!
هديت عليه اضرب بصدره وهو يتراجع
عزّهَ: ااالله يلعنننكم ااالله لا يغفر ذنوووبكم
دمررتووناااا ليشش جاااي تحچيييلي هذاا الكلام هسااا ااختي وينها وينهااا!
جاسر: اختچ عايشه أميرة معززه مكرمة ويا عمي هاشم حتى تنادي هاشم بابا ناسيتكم تمامآ.
عزّهَ: اسسسكت اسكتتت لا تچذبب غاسلين عقلها هي ما تنساني ما تنسى اختها.
تركني أبچي ورجع للسيارة جاب بُطل ماي.
ويا گلاص سفري صب بيها وقدمه، اردف.
جاسر: اشربي الماي واهدي خل نحچي بالمهم الأهم.
ما أخذت الماي منه مستحيل اثق بيهم همس
منك الصبر شوّفني ياها وشربها، اردف.
جاسر: هاچ والله ما بيها شي تزقنبته گدامچ.
مسحت دموعي وأخذت بطل الماي شربت منه
واحس كل جسمي ينتفض من أتذكر صوتها وصورها.
جاسر: إذا هدأتي خل نحچي بالأهم.
عزّهَ: هذا الأهم يرجع أختي؟
جاسر: 99 لا...
عزّهَ: چآ ماكو شي نحچي بيه.
جاسر: بس هذا الأهم راح يحافظ على حياة عزام وما يخليه يكسر ظهر عمچ الأيهم.
رجعت گدامه انتظر يحچي، لكن مد الآيباد
گدامي، اردف
جاسر: انتي الوحيده اللي تگدرين تقنعين عزام
ينظم للمكيده اللي راح نوگع جسار بيها.
عزّهَ: ومنو گال أوافق؟
جاسر: عزام يستاهل يلتقي بأخته!
وانتي اكثر انسانه راح تتفهمين هذا الشعور.
ابوچ ضحى بأختچ بس عزام!
فعلا كلامه صح اني الوحيده اللي افهم شعور انه
الواحد يخسر شخص غالي عليه، .
عزّهَ: وأنت ليش يهمك عزام ينجمع بأخته؟
جاسر: جانبي الأيسر يشفق عليهم.
اخذت الآيباد من إيده وهو اردف.
جاسر: عزام چآن يم جسار وقع
علي نقل ملكية شركات جسار لأسمه ويصير مُطيع لأبوه وبالمقابل يرجع آيدا للباشا.
عزّهَ: شلون! اانت شلون تعرف بهذا الحچي شلون أثق بيك؟
طلع تلفونه وشغل مقطع فيديو مدته عِدة دقايق
عزام واگف امام مكتب جسار اللي گاعد يدخن
گال بالحرف الواحد
حط شروطك والمقابل آيدا ترجعها لأخويا.
گام يضحك وگف امام عزام وگال.
اخو ماعندك، انت عندك اخت وحده وهي ما ندري وين داحت، اذا زلمه ترجعها مو ترجع امهات الغُربه وتلم شملهم!
توافق لو لا!
سكت جسار كأن انحط تحت الأمر الواقع لكن الصدمه لمن گال شروطه هذا يريد يحطم عمي!
جيب اوراقك الخايسه.
عزام سكت يعني وافق! انطاه عِدة ملفات واردف.
رسمياً تصير وريث لكل ممتلكاتي بمافيهم
الشركات فرع البصره و بغداد.
وقع عليهن وبقى ملفين ثنين.
هذا حصة بتراء يبقى يمك من ترجعها هي توقع عليهن وتاخذ الباقي واكون صرت خوش أبو لميت شمل عائلتي مره ثانيه.
لو يصبوك ذهب تبقى بعيني ذاك الرخيص العاف مرته وهي حبله بأبنها تبببقى ذاك
العاف مرته تعيش بغرفة رجال يُحرم عليها.
ترا الباشا طلع شريف ابن شريفه الواحد ليش يشد وياه. عرف حقيقة المره اللي على اساس
عروسته، بأول ليلة بس كتم السالفه.
يحچي بهدوء حذر ويدگ بإيده على المكتب.
الله يطول بعمره الله يطول بعمره. رباني ولا فد يوم گال هذا ابن يا، شايف الخوش أبو شلون؟
كافي لا تحچي بي.
عزام دگ مرتين على الملفات، اردف.
منا للخميس آيدا لازم ترجع فاهم؟
خل احل موضوع عمك هاشم وافرغلها.
اغدره مثل ما سويت بباقي اخوتك أنت متعلم.
ههها ههها، هاشم اخ يا هاشم مو ياهو الچان هذا هذا فد وناس وراه ما نگدرله بسهوله إلا نتفاوض.
شال الملفين واندار للباب طلع بدون لا يجاوبه.
جاسر: فهمتي شراح نسوي؟
عزّهَ: اخته وين!
جاسر: سُبراايز يسبرزكم جميعآ.
عود چانت قسمتي على گولة ابوها النگس.
عزّهَ: اانت اانت شگددد حقيررر؟
جاسر: نتشاقه! اعتبرها مثل اختي بس مرات چنت اخوفها بسالفة الزواج.
خليت الآيباد بالسياره ورجعت يمه.
اردف.
جاسر: الآيباد بيها كُل الأدلة تگدرين تخلين عزام يشوف كلشي ويوافق يساعدنا، بالنسبة لموضوع
آيدا هاشم يرجعها هذا وعد منه للباشا.
عزّهَ: اريد صورة عمك هاشم!
جاسر: صدگ چذب مستحيل عائلة الباشا أو غيرهم، يتعرفون على هاشم هذا القرار جاي من الأعلى، فكري بيها. خمس سنوات الباشا يتواصل وياه بدون ما يشوفه فقط مكالمات اخر مره اشتر دور وراه بروسيا، هاشم عافلهم السلاحف الجابهن للبيت، وسافر من روسيا.
عزّهَ: جاسر لا تگُلي السلاحف من هاشم!
جاسر: نايمه ورجليچ بالشمس
عزّهَ: احچي عدل واحترم!
جاسر: تمام مرت اخونا.
عزّهَ: نعمم!
جاسر: مُجامله تافهه كلما اشوف زوجج اتذكر جسار القذر. المهم اي احم.
طلع مُسدسي من ظهره وخلاهه بإيدي الثانيه.
جاسر: احترم النسوان النچرات مثل حُبي الشگره
وأنتي اخت محترمه وگد حالچ، براو عليچ وحرامات أدهم ابوچ.
عزّهَ: لا ياخذك الواهس ولسانك يطول!
تراجع لسيارته مع ابتسامه تسليكيه تافهه منه.
جاسر: أعتذر نسيت انتي بنت الدرهم أبو الوجهين لنفس العملة.
صعد سيارته وما وگف انطلق بكل سرعته.
فتحت باب السيارة وگعدت مره ثانيه احاول اتمالك نفسي ما اگدر شلون اضم هيجي كارثة مو سر هذا كارثة، عن خواتي وامي وماما يقين!
ما حسيت بالوقت ضليت گاعده بالسيارة إلى أن
هدآم خابرني. جاوبته وصوتي شبه رايح.
عزّهَ: الو ها خويا احچي.
عزوزه بيچ شي صارلچ ساعه بمنطقة - - - وليش صوتچ متغير احچي شبيچ او لا ابقي بمكانج جاي وراچ.
عزّهَ: دقيقه على كيفك ما بيّه شي فدوى أروحلك مابيّه شي، السيارة چانت عطلانه وهسا المصلح صلحها وراح وآني راجعه.
عزّهَ...
عزّهَ: عيونها آمر.
هداچ الله علينا، اذا حابة تحچين آني موجود.
شديت الحزام وحركت السياره نظرت للآيباد
عزّهَ: ماكو شي، هس هسا لا تلهيني جاي أقود.
گامت تحچي فصحى.
عزّهَ: الله يلعنه اي اقصد اسوگ المهم الله وياك
وصلت للإشارة.
چذابه ترا أشاهد موقعچ حالياً.
عزّهَ: هدآم بعددد لا تحاچييني.
قفلت الخط لكن ثواني قليله وسياره صارت وراي
اسرعت وصارت تمشي بصف سيارتي چآن هدآم! الأخ اللي كلما نحتاجه نلگاه بظهرنا.
وگف السيارة گدامي على جانب الطريق ونزل الرياح قويه يبدو الليله راح تمطر، وگفت سيارتي، فتحت حزام الأمان و هو سار بإتجاهي أول ما نزلت صار گدامي حظني بدون سلام وكلام، همس بأذني صوته تعبان أكثر مني. خلاني اشهگ وادخل بنوبة بُكاء مرة ثانية.
ماكو داعي تحچين حرف، سمعت كلشي من الألف إلى الياء، أدهم راح يدفع الثَمن غالي راح يدفع الثَمن، حتى وإن كان عنده ألف سبب آخر!
ما ابتعد عني إلا لمن هدأت، خلى الجگاره بين شفايفه، ولزم وجهي بثنين إيديه يمسح دموعي.
و يحچي.
كلشي ينحل وَ الساقي يُسقى بما سَقى ولو بعد حين..
عزّهَ: مستحيل أثق بجاسر بس گُلي شني نتصرف
بوّدي اشرب من دمه هل حيوان، بس كلامه صح! لكن بِ نَهجنا الخاص! مو مثل ما يطلبون هُمه!
عزّهَ: افتهمت قصدك.
ذكيه.
خلص الجگاره ورجع لمني بحظنه وبعدها كلمن صعد سيارته حتى نتجه للبيت!
رُقيه
ظلام دآمس وَ ضوضاء تحاوطني أصوات تدگ براسي، گاعد قريب مني ويحچي همس.
إذا عفتيني انعل شيب ابوچ وحق جدنا السابع.
جفني تعبان مستثگل يفتح لكن حسيت بي
يشد على لزمة إيدي، وانتبهت على صوت وَدق كأنها جايه من بعيد وتنادي بأسمي، أو هي برا الغرفه!
رُقييه رُقيه عفيه وتن گول ما بيها شي گول ما بيها شي.
أهدي ما بيها شي هاي هي غرفتها
باس إيدي، وتركهن بهدوء، أول ما فتحت عيوني
وَدق دخلت محمره من البچي.
وَدق: لچچ رُقييييه لچ سووده بوووجه.
باوعت بي گام من مكانه وانطاها مجال اجت
شمرت روحها عليَّه تحظني وتبوس بيّه.
وَدق: خوفتيني عليچ اتصلت بيچ ما تجاوبين
والأستاذ دز وَتن يجيبني.
بلعت ريگ اوزع نظرات بين الثلاثه شلون اندل بيتنا! معقوله كاشفين كلشي، رفعت أيدي شفت عليها كانيولا ومشكلين مغذي. ، راسي ثگيل ما اگدر اتحرك بس خف الوجع.
رُقيه: ش شلون اجيتي ويا!
اكيد فهمت قصدي انه شلون ناجي ونائل وگفوها وهُمه وين! مسحت دموعها والاخوه ثنينهم واگفين.
وَدق: اء اي اخوي طلع من البيت ويا صديقه.
ما ادري وين راح، وما گلت لحبوبه انتي بالمستشفى گلت رايحه لبيت صديقتچ. وآني هم عندي دروس اخذهن من سيرا هيج فهمتها.
رُقيه: س ساعه شگد؟
عدل ساعته ونظر، اردف.
بال 7: 30.
خويا آنه طالع اشوف أبيل.
تمام روح.
اوزع نظرات بينهم وما فاهمه سبب تواجدي كل هاي الساعات الماضيه!
رُقيه: ليش چنت نايمه هلگد؟
وگاع سد الباب وتقدم سحب كرسي وگعد بالجهة
الثانية، وضعه مو تمام هادئ هادئ بطريقه تخوف، .
تحت تأثير الأدوية.
رُقيه: أدوية شنو آني شبيّه؟
أهدي ولا تضغطين على روحچ، فقط صعد ضغطچ.
وَدق: بس هي ما عدهه ضغط يعني الدكتور انطاكم التحاليل مالتها وينه. خل نشوفه؟
لا التحاليل ما طلعن بعد.
باوعت بروحي توني انتبهت آني بملابس المستشفى وحتى ملابسي الداخلية من فوگ ماكو!
رُقيه: ليش مبدلين ملابسي منو مبدل ملابسي شسويتو!
اخذله صفنه وما يجاوب خبلني بالزايد.
رُقيه: ليش ساكت ما تجاوب.
وَدق ما فاهمه شي مثلي وتتسأل.
وَدق: دقيقه من اجيت هلال وابوها چانو برا الغرفه ليش؟
المستشفى ألنا.
رُقيه: وَدق حبابه نادي الدكتور خل يجي هذا ما يجاوبني اااحجي ليش مبدلين ملابسي منو مبدل ملابسي وليش سويتولي رنين مغناطيسي شبيّه؟
گام وعاط روحه بخشمه وما يخلي عينه بعيني.
كاافي تحچيين كاااافي ما بيچ شي مجرد قوانين المستشفى هيچي لازم يغيرون ملابسچ و لا لا تخافي هلال هي بنفسها بدلت ملابسچ تمام؟
حسيت روحي عاجزه وما اگدر اوگف بوجه ويصرخ عليَّه براحته درت وجهي ومنا انفتح الباب دخلت هلال تباوعله وترجع تباوعلي بإبتسامه هادئه، تقدمت والثاني تراجع انطاها المجال ومبين متوتر يمسح على وجهه.
هِلال: وگاع صوتك شبيك. الحمد لله على سلامتج عمري، اهدي وخليچ مُطمئنه، آنه بدلت ملابسچ مجرد. روتين طبي لا أكثر.
لزمت إيدي تطمنني وتحاچي وَدق شويه واندگ الباب دخلت الدكتوره
الحمد لله على سلامتچ رُقيه. استاذ لازم تحچي.
نادت وگاع وحسيت تضم شي طلع وراها وسد الباب.
هِلال: ماكو شي ليش هيچي تعاينيله.
هزيت راسي اي وآني گلبي ما مرتاح تمنيت لو بتراء يمي، وَدق ضلت تمسح على شعري وعينها على المغذي تريده يخلص حتى نطلع بسرعه.
اندگ الباب وهلال گالت تفضل فتح الباب
ودخل على سَند ابتسم بهدوء مستحيل يكون جايب بتراء وياه.
علي سَند: الحمد لله على سلامتچ رُقيه.
قبل لا اجاوب بتراء دخلت وراه مبين مصفره من الخوف بس ثابتة لأن هلال بالغرفه اجت بإتجاهي
وَدق انطتها المجال فورا لزمت إيدي بقوة.
بتراء: خوفتيني شلون صرتي.
علي سَند: اءي هلال خيتي أبيل يناديچ روحي شوفيه بس لا مشغل نفس الاسطوانه خروج ماكو لحد الأسبوع يخلص.
هِلال: عزا بعينه يريد يطلع يبلينا بحرائق اروح اشوفه براء اگعدي.
هي طلعت وعلى سند قفل الباب وراها!
ومنا بتراء تحظني وتبچي ثنينا صافنات جرت وَدق أيضا وحظنتنا ثنينا.
بتراء: فراشاتي روح بتراء أنتن خوفتيني عليچ رُقيه بس فهميني شلون هيچ تخربطتي.
حرفياً مصدومات يعني على سَند يعرف الحقيقه!
يعرف بينا وساكت؟
ابتعدت باست خدودنا وگامت راحتله ارتمت بحظنه تتشكره وتبچي.
بتراء: شكرا لأن جبتني اشوف خواتي انت ماكو منك ماكو منك لا حقدت ولا لعنت بس قدمتلي الحب والإحترام، على سَند أحبك والله.
الفرحه والإبتسامه ما تفارق وجهنا ودق حاوطتني ونشاهدهم، على سَند دفن راسه بشعرها ويحچي
بصوت هادئ حنيّن.
اقدملچ روحي مو بس الحب والإحترام
حابچ حيل حابچ. وهذا اقل شي اسويه.
ودق القويه گامت تبچي وتحچي بنفس الوقت خلتنا نضحك على شكلها.
وَدق: كاافي كافي راح أبچي راح ابچيي.
علي سَند: لا صدگ تبچي.
بتراء: وخر عني بچييت اختي.
عافته واجت تراضي ودق ومنا الباب يندگ
وهذا المخبل چآن وَتان يحچي.
شنيي اجتماااع مغلق سمعت صوت وَد تبچي ليش تبچي مرت اخويا ماتت ماااتت خومااا مااات؟
غطت عيونها وصارت تبچي بالزايد من جاب طاري الموت.
وَدق: سكتووو حفييد الهمچ فضحنييي سكتووو
كووون المووت بنائل ولا بيهااا.
علي سَند: دخيلج يل زهره.
فتح الباب وَتن دخل يباوع بينا.
وَتان: منو مااات هاي ليش تبچي؟..
وَدق: ااانت انچبب محد ماااات اسم الله الزهره.
وَتان: ليش تغلطين مو انقهرت عليچ!
علي سَند: وتن اطلع برا شني فضحت البنيه بصوتك.
وَتان: وين فضحتها محد ماكو، عاينيلي أم لفه
من تحچيين وياي تحچيين بأحترام رحت لذيچ المنطقة الخايسه مالت جسار وجبتچ مناك علمود اختچ حتى شكرا ما گلتي! يا عيب الشوو
وَدق: غصبا ماا علييك تجييبني غيرر اااخوك مسؤووول.
سد الباب و يسوي اشش اشش
وَتان: تمام اشش اشش هسا يسمعوچ
اخويه جنتل وجابها للمستشفى شتريدوون بعد
بتراء: على سَند تدخل ما تشوف الوضع.
علي سَند: يونسوني عوفيهم.
رُقيه: يمعود تصير ملامخ بينهم واحد بيكم يتدخل. ودق كاافي عييب
وَدق: جنننتل چييس حبب. لا هذا ما ينفع وياه إلا رزايل.
وَتان: أم لفه احچي عدل. الما ينفع وياه إلا الإهانة والرزايل هذا جارچ الخايس نائل
وَدق: لا تخررب اسمي.
علي سَند: عافت كلشي وركزت على كلمة ام لفة.
بتراء: وتن الجوكر.
علي سَند: نزوجهم ويعقلون؟
ثنينهم اندارو يباوعون ببعض بعدها يباوعون بعلي سند. حچو بنفس الوقت.
مستتتتتحييييل.
وَتان: گاتل روحي عليچ.
وَدق: منو ترضى بيك كلشي بيك ناقص حتى حاجبك مگطع.
وَتان: وَدق صارت بلا ملح انچبي.
وَدق: رش عليها ملح.
عاط بوجهها وهي شعره ما تنهز منها واگفه گدامه بتحدي
وَتان: ووووووَدد.
وَدق: نعم.؟
عبر بصفها وكتفه ضرب بيها.
وَدق: عمى ان شاء الله مااا تشوف.
بگد النمله ما شفتچ.
طلع ورگع الباب.
وَدق: اااي يااا فييييل ياااا.
علي سَند: تمام صوتچ ترا ما يسمعچ.
رُقيه: وَدق فضحتينا هسا الكل سامع بيكم، خويا طلعوني منا اريد ارجع للبيت.
بتراء: خل تجي الدكتوره نطمئن اشو ما اجت؟
رُقيه: اجت وطلعت ويا هذاك.
علي سَند: احم. هذاك.
وَدق: اروح وراهم لازم هي تجي تحچيلنا عن حالتچ.
گامت ودخلوا ثنينهم وگاع والدكتوره.
شايله ورقه والثاني شايل بإيده فايل ازرق عليه اسم المستشفى ومخليها ورا ظهره.
هذا فحص عام ارتفع الضغط عدهه بحيث سببلها نزيف بالأنف.
وَدق اخذت الفحص منها ودخلت هلال شايله ضرف ورقي چبير
هِلال: هذني ملابسچ رُقرق اساعدچ تبدلين؟
عيوني على ملف اللي بإيده ومبين رايح بغير عالم
مو ويانا.
رُقيه: اتشكرچ تعبتچ وَدق تساعدني.
الممرضه شالت المغذي وبقت الكانيولا
رُقيه: هاي ليش بقيتيها شيليها.
بتراء: بلا امرا عليچ شيلي هذا الشي من على إيدها.
ههه تقصدين كانيولا.
بتراء: اي اقصد كانيولا.
الدكتوره تدخلت وهي تاخذ الإبره من إيد الممرضه توها جهزتها.
عدها أبرا لازم تاخذه بالوريد.
رُقيه: أبرا شنو.؟
عوفيها هي الدكتورة مو انتي.
ما عندي حچايه احچيها ويكون مناسب اله راح اتخبل شبي هذا، أنوب كلما اباوعله اتذكر اعترافه.
كملت والممرضه شالت الكانيولا گعدت والدنيا تدور بيّه اطرافي ما احس بيها نزلت رجلي للگاع وگفت عليها واختل توازني، چآن أقرب شخص مني راد يلزمني لكن ثبتت بمكاني عناد بي، وگفته ما خليته يتقرب.
رُقيه: ماكو داعي.
مديت ايدي ثنينهن لخواتي هنن تقربن سندوني
ودخلت للحمام الموجود بالردهة. ، بدلت بمساعدتهن وطلعت ما شفته موجود بس على سَند و هلال اللي تهمس بشي ومبين مقهوره.
هِلال: أنت وصلهن، آني رايحه اشوفه وين راح.
اول ما شافتني سكتت ودخل الباشا نظرلي بإبتسامه مطمئنة.
الباشا: ألف الحمدلله على سلامتچ بنتي رُقيه.
رُقيه: الله يسلمك عمو.
علي سَند: عمي رايح اوصلهن.
الباشا: دير بالك بيتهم بنفس المنطقة.
گال حاظر وبتراء شالت أغراضي، لزمتني و وَدق من جهة مستنده عليهن طلعت من الغرفه وما شفته برا، ما ادري ليش عيوني تدور عليه رغم صحتي تدهورت بسببه!
هِلال
دورت بكل طوابق المستشفى ما لگيته
نزلت للحديقة اخر مكان إذا ما چآن موجود يعني طلع!
تمشيت بالحديقه والتفت ادور عليه.
إلى أن شفته من بعيد گاعد بجهة ظلمة ويدخن
اخذت نفس عميق وتقدمت بإتجاهه.
وگفت أمامه شفت الفايل بإيده وعيونه محمره
واحتمال شابع بچي، كنبصت گدامه خليت ايدي على كتفه ما اعرف شلون أواسيه.
هِلال: ابو وگعه ما متعوده عليك هيچ شد حيلك.
اخذ نفس من الجگاره وطفاها نظرلي ويحچي بصوت رايح من الغصه.
ابو وگعه وگع وانكسر ظهره راح تفارگني هلال راح تفارگني وللأبد هل مره.
دنگ و إيده على عيونه، حرت شتصرف هذا الثابت الچان يگول ما اخضع لگلبي وضل يردد طلعت بنت عدوي وتجسست علينا!
طلع هو اليچذب على روحه وما يگدر يكرهها!
حتى من عرف الحقيقه قبل أيام.
Flash Back...
الصار. بليلة حفلة الزواج.
غافلنا المعازيم وگاع طلع گبلي وگال ألحگيني للرسبشن، بعد خمس دقايق طلعت وراه.
شفتهم واگفين سويه!
هِلال: وگفتهم ما تبشر بالخير.
من بعيد يأشر بمعنى هدوء بدون كلام
وصلت عندهم اوزع نظرات بينهم. انطاني
دفتر الملاحظات كتبت عليها
هِلال: شجاااي يصير فهموني؟
واحد يعاين للثاني وگاع كتبلي.
زوجچ الذكي قرر يلوي ذراع ابوه ويتعاون ويانه
يگول كاشف بنات هاشم، يتجسسن علينا لصالح جسار و يگول أبويه الجابهن للحفلة.
اعاين ب هدآم ما اصدگ معقوله!
سحب الدفتر من إيدي كتب عليه ودارها لوجهي
من البدايه ضد أدهم ليش ما تصدگون؟
خلصوني خل نلعن أبوهن.
گلبت عيوني ولزمت إيده جريته على زاويه بعيده
وحچيت.
هِلال: Cok güzel عوود صدگتك.
انت لو ضده ما چآن اجبرتني على الزواج.
هدآم: چآ شني انتظر اشتر الهمج ياخذچ لأبنه الهمج؟
هِلال: وگاع الهمج هذا عنده بنيته متسودن برُقيه ام الميانات، بس أنت واحد تافه واناني.
هدآم: الصبر الصبر، أي هسا نشوف ولد الهمج يبقى متسودن برُقيه ام الميانات لو يتسودن عليها!
ما فهمت شني يقصد هي شجابها بالنص عافني ورجع للرسبشن رحت وراه شفت موبايل گدامهم
شال الكر شمرها عالأرض وداسها مرد الوردات مرد وكنبص شال شريحة زغيّره رفعها بوجهنا.
خلاها بنفاضة جگاير ورث جگارته واگف يدخن.
واحنه على اعصابنا ما نگدر نحچي خاف يتسمعون علينا زفر الدخان وطفى الجگاره بالشريحة اللي طلعت دخنه يعني تم إتلافه، .
هدآم: وهكذا تم إتلافه.
صفگله واردف
وگاع: برافو برافو احچي اسمها خل أجرها من شعرها وانعل شيب هاشم.
هدآم: أي احم، رُ ق ي ه حازم جابر نفسها
رُقيه هاشم جابر المياحي. وَدق مالها شغل هي عُنصر يهددون اختها بيها.
هِلال: هدآم من وين جايب هذا الحچي!
هدآم: من جيبي.
ضوا شاشة موبايلها وطلع صورة قفل الشاشه
هي صورة رُقيه واختها وَدق، وگاع بغير عالم
ضايع بأفكاره الضاهر بلش يربط الأحداث ببعضها.
وآني بينهم مصدومه مثله، هدآم بدل الكر لواحد مثله طبق الأصل ورجع التلفون للرسبشن.
هدآم: تفضلي التلفون. شصار وشني شفتي؟
استاذ عن شنو تحچي ما صار شي ولا شايفه شي.
هدآم: عفيييه.
خلى إيده على كتف وگاع
هدآم: سمعت متسودن بيها.؟
شيييل إيييدك، يعني! يعنييي طلعت بنننت عدوي طلللعت تتجسس علينا!
هدآم: والله يابو وگعه Evet.
هِلال: لا تحچي هيجي اكيد جسار اجبرها!
هدآم: جانم ترا گتلچ وَدق عُنصر هددوها بيها.
وگاع: وااانت من شوگت تعرف وسااكت؟
هدآم: الصبر يا الله، من البارحه حاچيت عمي اشتر وگتله ترا آنه ما نايم ورجليه بالشمس.
المهم. و
انتبه موضفة الرسبشن صافنه تتسمع علينا.
هدآم: نضفي هنا واشمري الكر. انتوا تعالوا نحچي غادي.
رحن وياه على زوايه اكمل كلامه وطلع عمي اشتر
مرحب بي وهو محلي روحه گدامه وگايله.
هدآم: عاينلي أبو وگعه اذا أبوك ما يقنع عمي ايهم ويحببه بيّه أنيمك بصف جدك السابع.
لا هذا مو طبيعي اناني وبس يفكر بمصايبه وشلون يراضي أبويه وگاع گعد عالتُخم الموجود بجهة الإنتضار، ولازم راسه حاير بروحه شني يتصرف گعدت بصفه احچي وهدام واگف.
هِلال: هذا الواگف گدامك چآن متفق ويا ابوه.
و هددوني إذا ما أوافق يقتلون مره وطفلها البريء، وآني اختاريت انقذ حياة أشخاص ما اعرفه فشلون رُقيه من هددوها بأختها.
وگاع ضل ساكت وهذا يجي ويروح اعرفه محترگ دمه گاعده بصفه اجا گدامي أشر اسوي مجال رغم التُخم عُرضه مترين ونص! گعد بيني وبين وگاع، ويخوزر بيّه دار وجهه نظرله.
هدآم: اي أحم، شوف اعرف معجب بيها ومدري ايش بس فكر واتصرف بذكاء مثل ما عودتنا!
مو تهد عليها مثل الثور الهايج ترا عمي اشتر حالف عليك إذا تتمادى ويا الآنسات يطيح حظك حتى وإن چانن بنات هاشم.
انت ما تعرف شي ولا تعرف رُقيه شني بالنسبه أللي انت انت لحد هاي اللحظه ما واثق بيّه رغم گتلك هلال مثل اختي، لا تسوي روحك تفهمني انت ما تعرف شي.
عافنا وگام طلع برا الفندق.
هِلال: يااا االله مننك ارتاحيييت هذا هو طلع.
ولك يحبهااا يحبهااا ما تفهم واحنه مثل الأخوة!
هدآم: خل يولي تاليته يرد يحبها خل يروح...
هِلال: يخطفها؟ يهددها يتزوجها بالسر؟
هدآم: وعد رجال اساعده بس خل يتجرأ
هِلال: شگددد مُستفزز اكررهك.
هدآم: أحبچ هلالي وين رايحه اوگفي مريتي.
Back...
رجعت للوقت الحالي وانتبهت هدآم جاي بإتجاهنا والجگاره ما تنزل من شفته.
وگف گدامنا أشر بإيده البيها جگاره.
هدآم: شبي حفيد الهمج وليش گاعده بصفه شويه بعدي.
محد جاوبه خلى الجگاره بشفته تدنى
بالگوه سحب الفايل من إيد وگاع
هدآم: جيبه. دجيبه خل اشوف شهل مصيبه الجديده.
فتحها يقرأ التقرير وطلع الأشعة مالتها ما چآن مستوعب شمر الجگاره من حلگه و عيونه ما تنزل من التقارير
هدآم: رُقيه عدهه ورم دماغي؟
وگاع گام يفتر ويحس بالخنگه لمن هيچي حچآ.
هِلال: وگاع بس على كيفك ويا روحك هدآم رجاءً!
هدآم: ترا مصدوم ما مستوعب شبيچ مو حتى اتقصد احچي!
انطاني الفايل وگمت وراه تقرب لزم زنده وحظنه
مثل الأخوه اول مره هيچي اشوف هدآم.
هدآم: خويا أنت، ابد مو بوحدك وياك آنه ورقيه
راح تتعالج.
الثاني حظنه وساكت ما ينطق ابتعد يمسح وجهه وتراجع للمكان البيها ضلمه ضل يراقب رُقيه وهي
طالعه ويا على سَند يرجعهن.
وگفت بصفه لكن هدآم اجا بنصنا مو طبيعي يعني احنه وين وهذا وين! حاوطه ويحفزه.
هدآم: باچر اروح اخطبها ألك.
وگاع: هاشم يقدمها للمگرن وما ينطيني رُقيه.
هدآم: چآ اجيبلك گرون شدهن واخذها.
وگاع: هدآم وصلت لهنا لا تخليني اطلع حُرگة گلبي بيك.
ول خااالي أللعن شيبه إذا ما ينطيها لأبني.
اجا عمي اشتر من الجهة الثانية تقرب حظن ابنه
يطب طب على كتافه.
الأشتر: خليها علينا احنه نقنعه. المهم تحبها ورايدها.
هدآم: عمي ما تشوف باچي عليها هذا طلع صدگ روحه بهل مگروده.
وگاع: عوفونا من هذا الحچي بعد اسبوعين لازم تسوي العمليه. وما ادري شلون احچيلها.
هدآم: الله يساعد گلبك.
هِلال: .
هدآم: شبيچ شگلت؟
وگاع: هلال الفايل.
اخذ الفايل من إيدي ومشى من المكان
عمي اشتر اندارله
الأشتر: كُل حچايه تشمرها تكون بگد صماخك.
اخذ هلال وارجع للبيت.
هدآم: تأمرني امر المهم بس ترضى.
هِلال: لا مستحيل اتحمل نص ساعة إضافيه وياك.
هدآم: حبيبي طولي بالچ بأذن الله 80 سنة نعمر.
هِلال: دخيلك يا الله.
عفته ومشيت شهل انسان.
رُقيه
وصلنا گدام باب البيت وماكو أحد حتى الحُراس ما طالعين على سَند ما قبل بتراء تنزل تودعنا گال بالسيارة ما يريد يعرضها للخطر خاف كاميرات تصور السيارة آمنه بمأنه الجامات مُضلله.
حظنتها لحدما شبعت منها وحچينا نفس الكلام لبعضنا.
احنه خوات معليچ بحچيهم.
وَدق: نسيتوني.
لميناها بحظنا ثلاثتنا چنا گاعدات بالكشن الخلفيه. بتراء باستنا واحنه نزلنا على سَند اردف.
علي سَند: ما بقى الا القليل وتخلصن من هذا المكان.
رُقيه: بس اطلب طلب واحد اختي أمانة عندك
لا تزعلها.
علي سَند: روحي هي، بتوره اعُبري لگدام.
بتراء: شلون اعبر ليگدام. خلينا هيچ.
علي سَند: حبيبي آنه مو شوفير الماما، تفضلي ليگدام اعبري منا.
صافنين عليهم شويه وتعلگ بينهم خاصة بتراء ما ادري شلون تعامله. تبتسم وتحجي من بين سنونها
بتراء: ههه حبيبي راح اعبر عليك اعبر ليگدام
خانني التعبير دقيقه.
نزعت البوت وشمرتهن ثنينهن بحظنه
وعبرت گعدت گدام تعدل شعرها وخطيه على سَند يبتسم بتسليك. شمر البوت مالتها يم رجليها
علي سَند: البوت مالتچ خاف تاخذين برد.
بتراء: كلك ذوق. ههه حباب وراقي وياي.
وَدق: اختي، زوجج عنده صبر أيوب.
رُقيه: انتبهو على نفسكم وخليكم حبابين وعاقلين بدون عركات.
ثنينهم هزو راسهم اي وسديت الباب ضلينا نراقب السياره لحدما طلعت من المنطقه
فجأة وَدق جرتني للبيت وهي تحچي.
وَدق: تعاي وياي گامت القيامه بالبيت اليوم.
جسار ماكو من البارحه التوأم ناجي ونائل والبومه الشگره فوگاها حبوبه سُعاد.
رُقيه: على كيفچ خل افهم شصاير.
وَدق: هسا هسا احچيلچ ان شاء الله ما يكونون موجودين لأن من طلعت من البيت چنت وحدي
وجاسر قافل باب الغرفه من برا ومن طلع وياهم منطي مفتاح غرفتي للمساعده عود هي فتحت الباب بعدما طلعو.
وصلنا للبيت فعلا خالي ما بي صوت فقط المساعدات يرتبن غرفة الطعام.
صعدت لغرفتي وضعي صار احسن بعدما اخذت ذيچ الأبرا بالمستشفى.
وَدق: فوتي وگعدي خل احچيلچ الصار.
گعدت وهي بلشت تحجي كلشي صار اول ما شافت نائل دخل ياكل وياها على نفس الطاوله
لحدما صارت هيجي وياه وقفلوا عليها الباب.
وَدق: حبوبه تعرف شي آني متأكده لأن هي اكيد طالعه وياهم بس وين راحو هذا الغير معروف!
رُقيه: من ترجع راح تحچي او تضم؟
وَدق: على وضعها وخوفها على نائل ما اعتقد!
فوگ ضيمي اجت هاي عليهن شجاي يصير.
نائل شبي!
وَسن
الساعه عبرت 11. بالليل واللي بيني وبينه حايط زجاجي فقط اشوفه شلون يعذب روحه ويكتب اسمائهم بدمه!
تذكرت شصار بي بعدما وَدق ضلت تكرر أسم الله.
Flash Back.
بعدما نَائل رجعتله نفس الحاله الصحية
انجبرت اتصل على ناجي يجي ومنا جاسر اخذ
وَدق قفل عليها، لحسن الحظ ناجي چآن قريب من البيت رجع فورا، سُعاد ركضتله لزمت وجهه تمسح عليه وتبچي.
سُعاد: نَائل فدوى اروحلك لا تسوي هيچي آني سُعاد سُعاد.
ما يفتح عيونه ومغمض بقوه بس يحچي بصراخ.
نَائل: خلييييچ بعيييداا عنييي خلييييچ بعيدااا ما اريد تتأذييين وسن خليهاااا توليييي بعيد خل توليييي بعيد لا تجييين گدامي.
وَسن: سعاد ابقي بعيده ابقي بعيده حالته تتدهور أكثر نااااجي وين صررت تعاال.
يركض ركض مهدود حيله يريد بس يوصل لأخوه جر نَائل لحظنه ويحچي.
ناجي: روح ناجي مو بس اخوي.
صار مثل الطفل يترجاني أبعد سعاد عنه
وبعده مغمض.
نَائل: بعديها بعديها بس اشوفها اسبح بدمها اقتلها اقتلها خليها تبعد عني ما اريد اخسرها ما اريد اخسرها.
طلعتها من غرفة الطعام وجاسر نزل من الطابق الثاني گال.
جاسر: جيبو ناخذه لنفس المكان هو هيچي يرتاح.
وَسن: لا لا لا راح يأذي روحه في سبيل يروي عطش ذاك الشيطان البداخله.
جاسر: هو يتحمل هو مسؤول. ماكو حل ثاني
من يرجع طبيعي لازم تعيدين الجلسات العلاجيه وياه.
وَسن: هو چآن اليوم موعد الجلسه.
جاسر: چآ اتصل بالدكتورة وخل تجي لنفس المكان؟
وافقته الرأي هذا علاجه الوحيد من يهدى البركان البداخله يگدر يحچي للدكتورة!
فورا ناجي طلعه وشاد عيونه بطلب من نائل لأن إذا شافنا گدامه اقل شي يذبحنا بس حتى يشوف الدم.
سعاد أصرت تجي ويانه اخذناها وانطلقنا لنفس المكان ونفس الذكريات الأليمه.
وصلنا لنفس المكان وبنفس الممر نائل إيده ترجف رجف وعيونه مشدوده بوصله سوده نظر ناحيتي.
نَائل: وسن وسن وينچ وياي؟ لا تعوفيني امشي وحدي.
شبكت ايدي بإيده وخليت راسي على كتفه.
وَسن: وياك هياتني تحس بيّه؟
هز راسه مع ابتسامه لا إرادياً خطينا خطواتنا
بهذا الممر وعيوني مليانه دموع اشوف العبارات اللي نائل كاتبها والذكريات ترجعلي وصلنا أمام نفس الغرفه محفور على الباب بالعربي سايكو.
نائل ما دخل إلا لمن تلامس الإسم فتحت الباب الغرفه مُقسمه بالنص جدار زجاجي صلب ضد الكسر. فتحت الباب ونائل قبل لا يدخل تقرب باس جبيني وهمس.
نَائل: اختي وصديقتي البومه ال الشگره.
مسح دموعي وإيده ترجف رجف حسيت يشد لزمته لوجهي بحيث تألمت.
وَسن: ن نَااائل وجهي.
اعرفه مو بإيده هو مو بوحده! فورا ابتعد حافظ جهة الباب دخل وضل يصرخ.
اقفل الباب ااااقفل الباااب ناااجي.