رواية ولد الباشا للكاتبة فاطمة الأحمد الفصل الثامن عشر
رُقيه
يجي ويروح گدامنا ثلاثتنا وصدى صوت العكاز يدوي بكل القصر ما حجه كلمه من وگت ما جاي كأنه منتظر خبر او شخص، نظرت ل وَدق أشرت بعيوني وحركت شفايفي صاير شي؟
هزت راسهه ب لا
سُعاد: شني تظل منچب ااحجي شعنندك جاي.
نظر لحبوبتي ودار وجه يهز راسه بقلة صبر.
لحظات وانفتح الباب دار وجه يشوفهم الأبناء الثلاثه - ناجي، نَائل، جاسر - دخلو الثلاثه شايلين مسدس نَائل عيونه بگصته مبين معصب على اخر.
درجه وگفو گدامه ثلاثتهم، اردف بهدوء تام، اول شخص وجهله السؤال هو جاسر
جسار: بتراء وينها؟
شردت من ايدي، عمي
نزل راسه، نَائل استهزء بالوضع وابويا نظرله نظره خنسته. كرر السؤال واردف
جسار: من احجي وياك خلي عينك ب عيني، الزلمه ما ينزل راسه.
وَدق: بس هذوله مو زلمه.
نَائل: تااااكلين نعل حساابج عننندي
جسار: عوفها.
اندار لجاسر إلى رفع راسه
جسار: بتراء وين!
الجواب ما يتغير، شردت من إيدي. بس الشباب مستمرين يلاحگون على سَند اليوم نخلص عليه.
صدى صوت الراشدي دوى بكل القصر وخده انجرح جرح عميق والدم ينزل منه، نزع الخاتم وشمرها بالگاع. لزمه من ياخة القميص الأسود
جسار: بترااااء تهمني بترااااء، اابن الأدهم اليووم ااو باجر او بعده اگدر اخلص علييه، جاسر اذا ما رجعتها للمسا ارجعك لنقطة الصفر تفهممم، وهذااا الخااتم كلشي يوگع يصير هذااا مكاانه.
داس على الخاتم والصار فاجأني صدمني للصراحه
كنبص جاسر وخلى ايده تحت الحذاء ما سمحله يدوسه مرتين ايده تأذت لأن جسار يدوسه حتى يؤخر وجاسر رافض رفض قاطع أنه يسمحله، شنو قصة الخاتم ما نعرف بس يبدو وراها سر چبير.
جسار: مُصرر مااا توخر إيدك؟
من تبطل تهيين الذكررى الوحيده من أبوي ااوخرر
نَائل: هم گال ذكرى ابني الذكرى بين الاخوه انت شكو؟ واذا خاتم ابوك؟
جاسر: تاااكل نعل ماا يخصصك.
ايده صار مدمى وحبوبة سُعاد ضلت ساكته بالرغم من أنه تحن على جاسر، بس هل مره سكتت، ابتعد خطوه وجاسر سحب إيده والخاتم، يشد عليها الخاتم من الفضه وچآن عباره عن رأس دُب وحواليه طوق وبيها أسنان حده تسبب اذيه رأس الدُب منقوش تفاصيله بوضوح تام، رأس دُب مشهور بروسيا..
صدمني للصراحه عبالي مجرد خاتم وبإيد جسار كُل هاي السنين، ثبت العكاز على إيده.
جسار: بتراء إذا وصلت لإيد الباشا إذا وصلت لإيد الباشا. انسى انك ابن أخويا المرحوم و استخدم البطاقة الأخيره.
گامت حبوبه سُعاد بعدما گدرت تسكت وحجت
سُعاد: جسار إلا هي. إذا صار عليها شي آني الراح
أسلمك للباشا آني الأسلم الأكوو والماكو لإيد الباشا
رُقيه: عن شنو تحجون انتو؟ بتراء شردت وينها هساا!
وَدق: اهم شي شردت من سجنهم اهم شي خلصت من شررهم.
اسرع بخطواته ودق گاعده عالتخم وهو هجم عليها.
لازمها من وجهها ويغرز المسدس بجبينها
نَائل: بببنتت عباالبج ما اعرف شني صار البااارحه لج اااخلص عليييج ما اابقيييج
رُقيه: شيييل اايدك ياا كلبب شييل إيدك
عوفيه خل يتمرجل خل اشوف شجاعته اقتلني يلا اقتلني لو ههه لو جبااان وذيييل اابويا ما تگدر تااخذ نفسس بدون إذنه.
نَائل: ودق ودددق
أعصابك لا يطگلك عرج يا عوووج.
ضربها راشدي وجسار يشاهد بصمت ويدخن كل هذا و بعده إيد جاسر تحت العكاز مكنبص، ساكت ومتحمل الأذيه. رفع أصبعه بوجه ودق يتحلفلها
نَائل: المره الجايه أشوفج العوج شنو يسوي بيج
اشرله تعال وراحله اما سُعاد ما حجت شي من نائل هيج تصرف جانت تحجي بهمس ويا جسار، تقربت حظنتها احاول أهديها من العصبيه اما سالفة تبچي فبطلت تخاف من ذيج الليله ولا تضعف گدامهم.
جاسر گام بعدما سُعاد حجت ويا أبويا إلى بين عليه أثر الكلام بي. نظرتله عيونه على الخاتم وصافن. درت وجهي لجسار إلى اردف بهدوء عكس لحظات.
جسار: نَائل الوحيد إلى اعتمد عليك بهيج مهمه، قتل على سَند عليك انت، قتله عليك منا لباجر المسا اريدك سابح بدمه تخلصني منه.
نَائل: اعتبره صار منا لباچر.
ناجي: چآ سالفة ابوه شلون وهو شريكك؟
عدهم ألف أعداء ما معقوله يشكون بينا؟
جاسر: بس هو شافني واحتمال حاجي ل ولد الباشا عن الصار بمشاية حُسين!
گامتله تصرخ
وَدق: الإمااام الحُسيين عليه السلام يااا فاااجرر
رُقيه: تااج رااسك وراااس الخللفك يااا عااار.
راد يهد عليه لزمه ناجي
يواش شتسوي؟
جاسر: شييل ايدك ااازمال
نَائل: والله محد غيرك ازمال إلا شويه وتبچي على خاتم ابوك.
هد جاسر على نائل وضربه بوكس من قوته طگ الدم ومن ناجي ضرب جاسر علگت بين ولد العم، جسار أشر للحُراس والجگاره ما تنزل من إيده أبعدوهم عن بعض وكل حارس لازم واحد بيهم، يجي ويروح گدامهم.
جسار: لو مربي چلاب چان يطلعون أوفى منكم چآن يطلعون اذكى منكم كل واحد بيكم بگد البغل وتتضاربون؟ ليش تخلوني احجي نفس الكلام كُل مره؟ على الأقل تعلمو الأخوه من ولد الباشا! ياا عاارات صيرو اخوه مثل، هدآم وعلى سند، أبيل وإيمار! وَتان و وگاع، ياا فاااشلين.
تقصد أبيل وعزام، .
التفتنا لمصدر الصوت دخلت ولابسه برجلها كعب عالي اسود ستايل كاجول اسود جلدي، ولابسه الخوذه مالت الدراجه الناريه، استغربت كعب ودراجه شلون بيها!، نزعت الخوذه لزمته بإيدها وخطت خطواتها، صدى صوت الكعب بالقصر يدوي. وگفت گدام حبوبه لزمت ايدها بأصبعين حتى تبوسهه ما لحگت حبوبه سحبت إيدها منزعجه. استهزءت برد فعلها وراحت للجسار عبرت الأبناء الثلاثه تمرمقهم بنظرة استصغار أشرت بالخوذه إلى إيدها عليهم فوگ وتحت.
وَسن: أبناء نَصار في مواجهة أبن الجاسر. واو خوش حمير مربي، dad.
نَائل: واو اگص لسانچ؟
ناجي: ارجعج لظهر ابوچ؟
جاسر: حشره وادوسچ يل موروثه!
فدوى لألله سويتلي واهس ادوس الحلوگكم إهسا! شتگول dady
جسار: إلا نَائل تعال أبني بصف عمك.
مصدومات ما نستوعب الجاي يصير وحده تنظر للثانيه هذا شجاي يسوي ليش هيج يهينهم وعلى إيد وَسن! نائل عدل الجاكيت وراح وگف بصفه مخلي ايده بجيبه يشمت حتى بأخوه ما عنده تميز! حتى بأخوه يغدر وما يميزه!
انطت الخوذه لواحد من الحُراس، فتحت جاكيتها الجلد وشمرته عالحارس الثاني، شدت شعرها أكثر ما هو مشدود ومرفوع، اخذت الخوذه من إيده، احكمت اللزمه وضربت ناجي على وجه.
وَسن: فاااشل، بنيه مااا عررفت تلزمهااا.
ما فهمت قصده منو بس فرحت لمن هيج تضربه وتهينه وهو ساكت لأن امر من جسار، اجت تكمل على جاسر إلى للزم الخوذه ما خلاهه تضربه وحجت.
وَسن: و إلك عين توگفني؟ بترااااء وينهااا الحقيرره بترااااء وييين شلووون تشررد منك يااا عااار.
اجت تضربه راشدي على وجه هو لزم إيدهه لواها جسار ابتسم شهل إنسان هذا يحركهم مثل احجار الشطرنج ومستمتع بالجاي يصير، حجى يم اذنها وهو انفاسه سريعه ويشد على الكلمات.
جاسر: آنا الواضح ولا خاف، آنا الكسار ويكسر امثالج كسور ياا وغده.
دارت عليه بحركه سريعه جسار يدخن ومستمتع
صارو وجه بوجه بينهم بس خيط رفيع عيونهم تنظر لبعض بنظرات، حاقده، كارهه، مستصغره، اردفت وهي تميل براسها وتعض شفه
وَسن: فدوى لألله فدوى لألله مقتنع بروحك انت؟ يلا يلا بليز اكسرني خل اشوف اكسرني؟
آني وَ وَدق ما ندري نسد حلوگنا من الشهگه لو نسد عيونا من المنظر وهو يبوسها بكل جرأة وگدام الكل المصيبه هي بادرته يا گاع الوگاع انشگي وبلعينيي هذوووله شبييهم شنو من ياا نوع عداوه بينهم.
دقيقه كامله يبوسون بعض نائل يصفگ ويشجعهم وناجي متخوصر لو يفر بيده اما جسار راح گعد خلى رجل على رجل ويدخن الزقنبوت تبغ.
دفعها عنه الاثنين گوه يجرون نفس المصيبه رجعت عليه وتريد تكمل ولج شتكملييين ادخلو للغرفه كملوووو.
وَسن: فدوى لألله ليش ليش خل نكمل اشو والله وطلعت فالح بهل شغله يااا وغد.
موسع عيونه من جُرأتها لزم إيدها وحجا
جاسر: نطب للغرفه اكمل عليج واشوفج الكسر على أصوله؟
بعد هنا سُعاد انفجرت عليهم وهي تجي بإتجاههم
سُعاد: ننسسسلل النعوووله نسل القنااادر يل مااا تستحووون ولا عدددكم عيب او حرااام.
نَائل: اوف چنا على وشك مشاهدة فلم 365
بالبث المباشر، سُعاد ما حبيت تدخُلج وين الحُريه الشخصيه.
اجت سحبت وسن لجهه وضربت جاسرراشدي
لزم خده يحكه
سُعاد: الملحد ما يسوي سوايتك يااا ااادب سززز.
نَائل: لو تشوفين ميشيل موروني إلا تلطمين لطم شروجي.
وَسن: يسحلها قبل لا تلطم ههه ههه هه.
نَائل: ضحكة ال اب هاي اعشقها.
وَسن: أكل را نَائل ولا تذب ميانه.
عافته واجت بإتجاه جسار وهي نازعه الجاكيت وباقيه بالتيشيرت التعلاگه ام الدلع المصلخه ولونها اسود، رغم هي مو بنته بس تناديه بابا سواء بالإنگليزي أو عربي.
وَسن: بربك أبي الغالي هذوله شكول مال إعتماد؟ واحد بنيه ما عرف يتحكم بيها والثاني خلص حلوله گام يبوسني؟ ماذا بحق الجحيم؟
نَائل: اووه ما هذا بحق الجحيم.
وَسن: لا تستهزء ابن المطيه!
سحب أقسام وصوب عليها والرصاصه عبرت من يم كتفها، شهگنا وهاي ما صرخت ولا جسار تدخل هي ردت الفعل بالفعل، كل إلى شفته رفعت الفانيله من ورا وسحبت المسدس صوبته برصاصه وجسار يشاهد بإستمتاع ولا چنه إلى فضل نَائل على البقيه.
وَسن: اذا انت تهدد بالتصويب آني اصوب يا حلو، بإسمي وبإسم جسار نتمنالك الشفاء العاجل. ابي الغالي نحجي بالمكتب مالتك؟
جسار: نحجي عزيزتي.
ناجي: ها نائل مالك غير اخوك البعتني علموده سلمك لاب ببلاش.
وَسن: كُلكم احجار عاديه بلعبة الشطرنج.
جاسر: چا وأنتي شنو حجرة مثلنا ويحركچ بكيفه!
وَسن: لا بيبي آني الملكه بهل لعبة.
جسار: بعد فشلكم كُلكم احجار وهي الملكه.
مشت گدامه وهو وراها، ناجي صرخ عليها
ولازم ذراع اخوه.
ناجي: كللللبه بنننت كللب ااادفعج الثَمن والله ااادفعج الثمَن.
شال جاكيته من الأرض مسح عليها ولبس الخاتم بصبعه اردف
جاسر: بنيه ما گدرتولهه. صگرتكم امدا شكولكم تؤم چيس حب شلون ما حسيت اخوك مُعرض لرصاصه.؟
ناجي: شني شايفني نظام باتريوت؟
نَائل: ناجي عوفه خل يولي، ميشيل موروني استقر شفناك شلون حاولت تكسرها لا بالعكس متعتها والكلبه بادرتك.
جاسر: انت حتى هذا ما حصلت.
گالها وعافهم بصدمتهم.
أما حبوبه سُعاد تدعي وتحجي على الأبناء الثلاثه.
سُعاد: نَسللل الفُجار فعلااا شني اتوقع منكم
نسل القنااادر.
گامت ودق تمشي للمطبخ تشرب ماي عبرت بصف نَائل إلى واگف ويحرك راسه مثل البومه وياها
وَدق: اخووش تستاهل حيل بيك مال اكمل عليك وادفرك دفره.
نَائل: مال اجيج للمطبخ اطبخج عالغدا وافض سالفتج.
وَدق: دروح روح حتى إيد ما باقيلك بشنو تطبخني
عافته ودخلت وهذا فاير دمه يصيح.
بسنوني اگطعج بنننت الكلبه آني ارربييچ اصبري عليه.
رُقيه: ربي روحكم بالأول زمايل
هذا الثاني گمز
ناجي: رُررقيه اگص لسااانج والله كلش صبررت عليييج.
رحت للمطبخ طنشته وراد يجي وراي حبوبه گامتله
سُعاد: ااابن القندره تعااال وين تولي ايدك اكسره اذا تمدها على رُقيه.
گالت هيج وراحت على غرفتها.
طلعت ويا ودق ثنينا بإيدنا عصير ونشربه عبرنا الاخوه التوؤم. ننظرلهم بطرف عين ونتشمت. نَائل نازع القميص مشگگه ويريد يشد الجرح اردف بهدوء قبل لا نصعد لغرفتنا.
وَدق تعاي.
ال بتراء
مشينا بين الزوار أكثر من نص ساعة وگفنا شويه وهو نزع الكمامه ياخذ نفس، فجأه اللتفت حواليه بعدها لزم إيدي يركض ويجرني وراه يعبر الزوار مستعجل اردف يصييح حتى اسمع صوته
ياا نموت سوا ياا نعيش سوا إياج تعوفين إيدي.
كلامه وترني شنو نموت سوا شنو نعيش سوا.
خليت أيدي الثانيه على إيده، و اسرعت من خطواتي وصلنا للمناطق الشعبيه واحنه بعدنا نركض، وگف ناخذ نفس عفت ايده، مختنگه وانفاسي متسارعه من الركض، اردفت
بتراء: باوع ما أ ادري ليش يلحگوك بس اكيد مو ببلاش شمسويي بيهم حتى رايدين يقتلووك؟
يلتفت حواليه وكأنه مو مطمئن عيونه ونظراته حواليه ما مرتاحه لزم إيدي مره ثانيه وحجا بهدوء
وهو يشد ويحكم على لزمة إيدي.
علي سَند: كثرن صلاوات التوبه عليّه هاي إذا بقيت عايش للمسا تعاي ولا تحچين حرف منا لحد ما تخلص زيارة الأربعين. رددي ورايه تعرفين مو؟
بتراء: شنو؟
الدعاء والزيارة تعرفيهن مو؟
بلعت رگ رفعت الكمامه حجيت
بتراء: أي أي اعرف شلون ما اعرف بس انت گول گدامي وآني اردد حتى تكسب أجر كلمن يسمعك ويردد، شوف شلون اعرف مصلحتك!
بين من عيونه يبتسم عدل الكمامه مثلي ومشى بين الزوار المتجهين للعتبه الحسينيه وهو يردد بصوت عالي وآني اردد بگلبي وراه
السلام على وليّ الله و حبيبه
السلام على خليل الله و نجيّه
السلام على صفيّ الله و ابن صفيّه
السلام على الحسين المظلوم الشهيد
السلام على اسير الكربات، و قتيل العبرات
كمل الدعاء للآخر والناس إلى حوالينا اغلبهم يرددون وراه اندارلي وهو ماشي
علي سَند: ألج اجر بالمثل.
مرر ابهامه على إيدي إلى لازمه قشعر كل جسمي
وگلبي يدگ بسرعه تقدمت وصرت امشي بصفه
اردف متسائل
علي سَند: براء وين بيتكم؟
نظرتله وهو مستمر يمشي شجاوبه هذا من جهه عداوه ويا جاسر وزلمته ومن جها آني جاي اكذب كذبه ورا كذبه خاف ما يساعدني ويرجعني الهم
بتراء: ما عندي بيت.
چا وين جنتي عايشه!
وگفت وجان مستغرب مني سحبت إيدي منه
بتراء: اذا اسببلك إزعاج أدبر نفسي ومنا تتفارق طُرقنا.
علي سَند: سؤال بسيط وعبن اكره الچذب والچذابين! أريدج تكونين صريحه وياي من الأول بيتج وين حتى ارجعج بخير وسلامة.
تسارعت نبضات گلبي شگد ما أخذ نفس مجاي اگدر
اهدء من نفسي صايره حساسه زيادة عن اللزوم. هزيت رأسي بدون كلام عبرته اكمل الطريق للعتبه الحسينيه كتافنا تلامست وهو اجا ورايا يتأفأف وينادي
دخيلك يا أبا عبدالله دخيلك يا حُسين براء اوگفي براء لا تمشين بوحدج هسا تضيعين مني اوگفي.
لزم أيدي مره ثانيه وشد عليها نظراته مثبته على عيوني.
گتلج انتي بأمانتي شمدريني عبالي كل العيون الخظر چذابه.
كلامه جان مقصود بس منو ما فهمت عليه! يمشي ويجرني وآني ساكته المهم اخلص من جاسر صح هاي أنانيه بس آني ما عندي حل ثاني هو النجاة الوحيد ألي. يمشي ويحجي مدري ويايه لو ويا روحه.
علي سَند: بس نوصل لازم ويا الواحد والخمسين ركعه اصلي عشرين ركعة توبه شلون كثرن عليه كثرررن يابو فاضل.
بتراء: ترا انت إلى تلزم إيدي محد اجبرك! عوفني امشي بوحدي ترا مو طفله.
مو طفله بس راح تضيعين مني بين الزوار.
گالها ونظرلي نص نظره وكمل طريقه يردد الأدعيه
طول الوگت انصدم بي هذا ملاك لو هلاك!
انوب عنده عداوه ويا جاسر واذا عرف بيه اقربله احتمال يفجر راسي بنفس المسدس إلى بظهره.
وگف يم موكب شويه وصرنا مُحاطين بأربع زلم
إحتمال من جماعة جاسر لكن الصدمه لمن واحد منهم تقدم يحظنه ويحجي.
وگاع: الحمد لله على سلامتك محلوله ما دام وصلتلك
علي سَند: ابو وگعه أبو الفزعه مشطلي المنطقه كلها
احتمال جاسر بين الزوار.
جاسر رجع للبصره وسلم البحث عنك للزمايل مالته و عود قتلك على إيد نَائل. هيج مُخطط
اوزع نظرات بينهم طگ گلبي لازم احجي
بتراء: لحظه اخوان شلون عندك هيج معلومات دقيقه وشلون تحجي بهيج برود وتبشره موته على إيد نَائل!
وگاع: ها خيه سالمين من وين تعرفين نَائل؟
نظراته كله شكوك شلون هسا لو ساكته احسنلي!
بتراء: آني؟ ما اعرفه بس لأن لأن
علي سَند: عبن حِشريه تطبين بالحديث!
بتراء: ترا ما اسمحلك تگول عليه حشره!
علي سَند: منو گال عليج حشره!
بتراء: ااانت توك توك گتلي حشريه!
علي سَند: بسس ماا گتلج انت حشره!
وگاع: خيه مو حشريه بمعنى حشره. حِشريه يعني تتدخلين بنقاش مالج علاقه بي!
بتراء: بس آني مو حِشريه! مجرد انطيت رأيي!
محد بيهم جاوبني حاوطو يغطون عليه، وهذا فتح زرار القميص وگام ينزع قميصه بنص المواكب درت وجهي اتغاضه عنه لحظات وسرقت نظره شفته بس بالفانيله التعلاگه ولابس بنحره نفس الگلاده إلى عندي سيف الإمام على عليه السلام ومنقوش عليه. على سَند. أخذ من إيدهم التيشيرت الأسود ومكتوب عليه يا حسين باللون الأحمر لبسها وانطاهم القميص
رجعوله المسدس الجان عليه منديل اسود خلاه بظهره ونزل التيشيرت مره ثانيه.
وگاع: الشماخ هم بدله!
لا ماكو مشكله مو وحدي آلاف الشباب شادين نفسها أنت والشباب تتوزعون على طول طريق الإمام
لحد ما نوصل للعتبه الحسينيه وإياك تشهر
المسدس!
وگاع: وإذا لزم الأمر!
دگ ضرب جنزوهم تجنز بس لا تستخدمون السلاح بأرض كربلاء المقدسه، تفهمون!
وگاع: تمام اعتبره صار خويا، امشو شباب.
اخذ الزلم الثلاث وراح اختفى بين الناس
بتراء: هسا آني صرت بخطر أكبر!
عيونه تدور حوالينه يتأكد من الأمان بعدها يحجي.
علي سَند: هُمه لاحگيني آنا مو أنتي!
نظراته كلها نظرات شك رغم يبنلي أنه واثق بيه
ما حجيت، رجع همس استغفرالله واتوب اليه
بعدها لزم أيدي احكم لزمته عليه ومشينا وآني ما جاي افهم شي لا أفهمه ولا أفهم سبب مُلاحقة زلم جاسر اله.
أريم
نزل فتحلي الباب ودفع بظهري
أبيل: فضيني شهل بلوه
ما جاوبته صعدت گدام شديت الحزام وهو صعد
شغل الشاشه والكاميرات الخارجية بالسياره نفس نضامنا الأمني بالبصره هنا هم مُطبق. شغل السيارة بدل الگير اردف.
أبيل: ادعي ولد اللالنجي ما يلحگونا اوك انتي المسؤله عن حياتج آنا بريء من هذا الذنب.
أريم: شني شتقصد؟ هيو جاوب جاوب احاجيك اانوب بس لا تطلع تستخدم الصمت العقابي. ااالوو شبييك ااطررش أبيل جاوب حباب؟
ضل ساكت والطريق هدوء إلى أن طگ گلبي من سكوته حمحمت وصرت ادندن
أريم: كلها غيرانه بتحقد والنفسيه سواد لو أعدي في حته أنا مش بسلم من الكومنتات طب اعمل ايه منا ست جميله و دي كريزمات انا بدخل ايه مكان بقلبه دا بفضل الله.
أبيل: كريزمات لو، گازوايل، بانزين، نفط؟
گلبت عيوني وصرت اطگ اصبع عناد بي
أريم: خلوو اللي يغير مننا ييجي ويعمل زينا من غير ما يغل و يقل و يضربنا في ضهرنا.
أبيل: بيرفكت والله بيرفكت بسمار غنائي
شويه احترمي مُحرم!
ما لحگت اجاوبه جام السيارة من الخلف تفلش
صرخت لازمه اذاني من صوت الرصاصه
أريم: شووويه اااحترررمو محرررم
أبيل: لا ياا على يااا ضرغام شيرين عبد الوهاب كملي الأغنيه خلو اللي يغير مننا ييجي ويعمل زيناا.
گالها وحول للقيادة الذاتية تقرب للچكمچه رجعت نفسي عالكشن وهذا ينظرلي اخذ كفوف ومسدس من الاثنين الموجودات. نضر لورا سياره من بعيد تلحگنا لبس الكفوف الجلد
أريم: ويت عندك حساسيه من المسدس؟
أبيل: لا حساسيه من غبائچ.
أريم: ااابيل.
ياااا نعم
سحب أقسام وطلع نص جسمه من الجامه وبلش يصوب عليهم وهمه يردوله وآنا لازمه راسي ومدنگه
أريم: ااسحب كلامي لحدد ييجي يعمل زيينااا
يماا رااح امووت قبل لا اكتشف إزميرر.
رفعت راسي اباوع بالطريق من جهتين غابات والطريق خالي بس سيارتنا وذولاك إلى لاحگينا
رجع لمكانه يغير المخزن بإستعجال وانفاسه متسارعه
أريم: أبيل احنا بيا شارع بإزمير؟
اسمه طريق السُبرايز الصباحي يوميه هيج يستقبلوني.
أريم: تستهزء يا حظررتك؟
لا وعلى الضرغام يا حظرتچ.
أريم: ااابيل.
ياا هلا.
رجع طلع جسمه من الجامه ويصوب عليهم، اخذت نفس عميق تشجعت بمأنه هاي اول مواجهة إلي. مديت إيدي للچكمچه شلته اتفحص شكله يختلف عن إلى تدربت بيها
أريم: كُلكم نفس الصنف والوضيفه بس بأشكال مُختلفه
رجع لمكانه مستغرب من كلامي وعيونه على السلاح يحجي
أبيل: شگلتي؟، انطيني المسدس هذا مو ايلاينر.
أريم: اشوفك واضائفها؟ ومره ثانيه لا تظن أن البنات بس يعرفن يلزمن ايلاينر عبن بعض الظن إثم.
كملت كلامي سحبت أقسام وانداريت اصوب عليهم من الجامه الخلفيه إلى تفلشت اول مره. خلصت المخزن على جامتهم وما تنكسر ما تتفلش. رجعت لمكاني گوه اجر نفس وهذا يبلع بريگه ومصدوم.
أريم: هاي النعوله سيارتهم ضد الرصاص انت ليش مو مثل سيارتهم امدا حظي! شبيك مصدوم خطيه ول خالي احنه بنات الأدهم باشا كل وحده بينا بگد عشره زلم!
و اللهُ إنني شاهدٌ، آنسه جميله، أنثى رقيقه، طولچ لابأس به، وطلعتي جندرمه. جوي وأجوائي.
Hayatmda merhaba.
أريم: مُختتتل لا تخليني افرغها براسك احجي عراااقي خل ااافهم.
شيئين سلبين بيچ الأول تهددين أبيل!
والثاني قهرني ok ok ما اتفقنا هيجي شلون ما تعرفين تُركي؟
انداريت ورانا هذوله بعدهم يلحگونه و يصوبون على السياره نظرتله هذا فعلا مُختل مثل ما سمعت عنه فجأة السيارة انحدرت وآنا صرخت
أريم: گلت اريد اااكشن بس مووو اتعرررض للموووت.
تصرررف تصرررف احميني صير سووبر ماان حيالله شي بس لا اموت دخيلج يل زهراء دخييلج.
تمام خليج ريلاكس خليج ريلاكس محلوله.
اخذ المسدس من إيدي وبدل المخزن هل مره فتح الباب ووگف بالطول يصوب عليهم گلب سيارتهم وانحدرت للغابه رجع مكانه غير القياده لف ودار
أريم: شتسوووي وين رااجع!
ابتسم ابتسامه تسليكيه، اردف
نكمل الأكشن على أصوله هيج القوانين عندي.
نظرتله ونظرت للطريق اسرع ورجع لمكان الحادث
نزل من السياره.
لا تنزلين احتمال عايشين.
أريم: ليش انت صوبت عليهم ب نية القتتتللل!
لا ب نية ادغدغهم شويه اضحكهم شويه.
عافني ونزل فتحت الحزام شني ما انزل تحكمني انا؟ آنا بنت الادهم باشا. نزلت ومشيت وراه انادي
أريم: هل من حي؟ هل تسمعونني؟ إني بريئه والله
هو القاتل سامحوني وسامحوه أنه خطيه لم يقصد.
أبيل: ترا لغتهم تركيه مو عربي فصحه يعني منا لباجر
تگرگرين ما يفهمون عليج هذا إذا چانو عايشين.
سحب أقسام ونزل للسيارة بحذر فجأة طلع واحد بوجه الصدمه صوبه بنص گلبه شهگت واندارلي
اعتبريني سوبر مان وانقذتج من شرير.
أريم: وات ذا هيل مان! وات ذا هيل!
عبرني وراح للسياره طلع جليكان أحمر جابه واجا
أريم: نو نو مستحيل تسويها يا رجُل وين الإنسانيه!
بگلب انجلينا جولي.
بلش يرش السياره رش بعدها طلع قلم ماجك أحمر
وقع على باب السياره وكتب ثلاث أحرف AAB.
طلع الجداحه إلى اغلب بوستاته چانت بإيده وهو منطي ظهره للكاميرا. ولعها واردف
سلملي عليها.
شعل السياره وابتعد خطوتين يشاهدها ركضت يمه انزل مستعجله اشيل تراب واشمره على النار
أريم: صخااام لطااالم بوجهك ولك تعال طفيهاا وياي
لااا شني تعال هو اانت شعلتها عزااا العزااك وعزااني مااات الولد صااار تكه صاار تكه ولك لييش مات مات
أجا ورايه شالني من خصري وصعد من التله للشارع وآنا اضرب وارافس.
أريم: مُختتتل مُختتتل هااي جرريمه ويين الشرطه التركيه عننك ويين.
نزلني گدام السياره وفتح الباب
أبيل: خليج ريلاكس Güzel يلا اصعدي
أريم: مستحيل اصعد ويا سفاح ومجرم. اطلب تكسي هسا.
بنص الغابه والطريق بعيد عن المدينه؟ اصعدي لا ادير عليج لتر بانزين.
أريم: ول شنييي تهددني تهدد أررريم بنت الباشاا.
لزمني من ذراعي وصعدني رگع الباب بقوه
وصعد مسرع.
بس خليج ريلاكس شويه شويه تتعودين على الوضع وأنتي ما شاء الله جندرمه.
أريم: شني جندرمه شتقصددد دقيقه اتصل بأبويا
خل اشوفك شلون تبقى ريلاكس.
آنا منا اتصل وهو منا ما ادري منو يراسل.
أريم: الو بابا هذا هذا ابن اخوك المُختتل گتل واحد بحاادث والثاني صوب عليه بنص گلبه وانوب حرررگههم ياابه حررگهم مجرم هذا مجرم. شني؟
شوگت
نظرتله بعده يراسل
أريم: هدآم من وين عرف وحجالك؟
شني هذا شغله شغله يقتل؟ چا الحرررگ شنيي لزوومه مات وراح يحررگه لييش! وااات يخفي الأدلة! يااابه هذا وقع عليها وكتب احررف اسمه الثلاثي همين شني يخفي الأدله، آنا احجي ويا هدآم يهد عليه هذا مجرم. واات هدآم يمك؟
كرر كلامي بطريقه استهزائيه
أبيل: وااات هداام يمك.
أريم: ناصبين عليه انتو ثلاثتكم نفس التفكير؟
الو بابا الو ألوو دزز سياره خل ارجع بطلت ما استكشف إزميرر ألوو.
قفل الخط بوجهي وهو يضحك انداريت عليه هو يسجل ريكورد
أبيل: مشكور خويا وعلى الضرغام اختك متسودنه وخبله، سلام.
ارسلها ودخل لليوتيوب شغل مقطع من قصيده
ويردد وراها ويسوق بأقصى سُرعه
الحسين جننه الحسين، عناوين حبنا عناوين، مجانين أعقل مجانين بالحسين.
أريم: الصلافه عندك واصله ليل خطير تقتل وتحرگ بعدها تسمع قصائد حسينية.
أنتي هم اسمعي قصائد حسينية افضل من شيرين عبد الوهاب، باچر شلون تگابلين ربچ؟
أريم: لاااا يااا على ياا ضرغام.
عفيييه هيج صيري تربيتي.
مرمقته بنظره ودرت وجهي للجامه خل اشوف وين يودينا هذا الطريق.
رُقيه
طلعت من المطبخ ويا وَدق ثنينا بإيدنا عصير ونشربه عبرنا الاخوه التوؤم. ننظرلهم بطرف عين ونتشمت. نَائل نازع القميص مشگگه ويريد يشد الجرح اردف بهدوء قبل لا نصعد لغرفتنا.
وَدق تعاي.
نظرتلي وحركت شفايفها شبيه؟
جاوبت بنفس الطريقه ما ادري. اروح؟
روحي. بوكس اذا تمادى! . عفيه
أحلا شي التفاهم إلى بينا وخاصة بهل طريقه السريه.
شدت ظهرها ومشت بخطوات ثابته وگفت گدامه والگلاص بإيدها اشرب منه.
وَدق: فضني شتريد؟
الجرح خفيف بس سويلي هذا.
مد ذراعه يريدها أتشده، ناجي واگف مستغرب من طلبه.
وَدق: هذا اخوك خل يشدها آني شكو؟
دارت ظهرها حتى تمشي لزم التيشيرت.
أريدج انتي تشدين الجرح.
ناجي: تعال آني أشد الجرح بشاش مو هيج گوم.
نتر ايده
لااا اريدها هي تشد الجرح يلا وَد لا تصيرين سيئة مثلي أنتي أحسن بهوايا.
وَدق: الإصابه بذراعك بس مأثرة على دماغك..
ناجي: وَدق اصعدي غرفتج ومعليج بي.
طنشتهم وفعلاً اجت تصعد گام ولزم إيدها دارها عليه.
نَائل: گتلللج بس شددديلي الجررح ماا طلللبت روحج مااا طلبت.
اجيت وگفت وياها وناجي ويا اخو
ثنينا نسحب بيهم وهُمه يتعاركون
وَدق: اااشد جررحككك؟
ولك بنفسي ااادوس على جروحك وحده وحده
موو اشددهن يگول شديلي الجررح يگول.
گتلج لا تصيرين مثلي ااانتي مو هييج.
وَدق: ليش ليش آني شلون وانت ليش هيج منچلب؟ اشو قبل ربع ساعة جنت مخلي مسدسك برااسي وتضربني يااا وحش. ياا حيوان.
فعلا ااانتي مو مال أصير خوش وياج ااانتي ماال اهيينج واكسررج واحطمج.
وَدق: وهذا الشي مااا يصيرر بأحلامك تحللم تكسرني تحلم، مو وَدق الچانت تبچي وترجف مااتت هذيج ماتت يا سايكو.
نطقت اخر كلمه وميلت راسها مثل ما هو يسوي
سحبت ذراعها من ايدي و صعدت على غرفتها.
ناجي: نَائل تعال!
بنت الكلب.
سب جسار وطلع من البيت وهو بطرگ الفانيله التعلاگه والدم ينزل من ذراعه. عفت المكان ومشيت چم خطوه ناداني
ناجي: رُقيه!
انداريتله
رُقيه: اذا عندك جرح تا ادوسه واعبر عليه آني ما اتناقش مثل وَدق.
شبيچ انفتگتي عليه بس ردت أگلج نبهي اختج نبهي اختج لا تكرر نفس الجُمله مره ثانيه! وتگول على نَائل وحش.
رُقيه: ليش هو مو وحش؟ شهل صدمه هاي ما جنت اعرفه ملاك.
عفته وصعدت ضل يصرخ وراي.
ااذا نَائل صارله شيي بسبب ال ااختج اااخلص عليها اخلص عليها وحق الله التآمنين بي!
انطيته أذن الطرشه خل يولي هو وأخوه صعدت للطابق الثاني حتى امشي لغرفة وَدق إلى بصف غرفتي قبلها مريت بصف المكتب مالت جسار وگفت ورا الحايط اسمع والباب شويه مفتوح. سمعتهم يحجون
أبي الغالي وينهم هسا؟
--: ليش تسألين عنهم بعد كل هاي السنين؟
همه الورقه إلى تخلي جاسر مثل الخاتم بأصبعك
خاصة هو بآخر فتره أكثر من مره يهددك ببتراء!
--: هذا شله شغل بالبيدقين؟
نعم اله شغل! جاسر جاي يدور بالماضي واحتمال كبير سعاد تنگلب عليك اذا ما نفذت كلامك ومنا بتراء هربت او الله اعلم احتمال جاسر فك أسرهه كتحذير إلك انه قريبآ الباشا راح يوصل لبدر التِم.
انسمع صوت ضربه على الميزه بعدها اردف
مستحيل اخاطر هيج مخاطره! اذا جاسر وصل للبيدقين راح يسيطر على الأكو والماكو بروسيا!
--: من هل ناحية لا تخاف الإمبراطورية الموجوده بروسيا محميه بموجب البند الأول من لعبة الشطرنج إلى أنلعب قبل 33 عام.
شهگت وسديت حلگي شنو جاي يحجون وسن شلون هيج مسيطرة وتحجي وياه براحتهه، امبراطورية شنو بروسيا البيدقين منو هُمه!
صار أكو هدوء كأنه حسو عليّه تراجعت چم خطوه
لحد الدرج وانظربت بشخص باوعت ورايا چآن جاسر.
شبيج! جنتي تتسمعين على كلامهم؟
رُقيه: لاء لا نسيت موبايلي وتراجعت حتى انزل اجيبه وانظربت بيك.
خوزر بيّه ما مصدگ مشى للمكتب وگف بالباب شويه ودگ الباب دخل وسدها وراه. توبي ما بتوب! رجعت استمع لحجيهم وبگلبي استغفرالله. ، اردف جاسر
رايح للكربلاء متأكد بتراء تروح للزيارة مهما كان الوضع!
--: وشلون بله؟
عبن هي مو مثلك ومثلي هي نقيه وتخاف الله وال بيت النبي!
صليت على النبي بگلبي ومستغربه من الأبناء الثلاثه اليوم كلهم بالعالم الموازي. جاوبه جسار
--: جاسر بتراء اذا وصلت لإيد الباشا او لإيد الأشتر
أعتبر اللعبه منتهيه ومستحيل تشوفها بحياتك تفهم!
اطلعها من سابع أرض وارجعها الك، اطمئن.
شجاي يصير شلون صدمه تجر صدمه هسا هذا يهدد هذا وهذاك يهدد هذا احنه شنو احجار شطرنج بإيدهم. مشيت لغرفتي وطلع جاسر شافني توني ادخل مرمقني بنظره كلها عصبيه ونفاذ صبر. نزل من الدرج وهو يتفقد المسدس.
سيرا
فتحت مكالمة فيديو وياها وهي تحجي
وَدق: هاي غدير النعرفها دزت رساله تگول ضيفوني للگروب مالتچن
سيرا: دخيلج لا تدخليها لگوربنا الثاني مناك رنا موجوده وتحش براس غدير دخليها لگروب صديقات للأبد
وَدق: عزاا لاااا مناك رنا ماكو وغدير تحش برنا
گولي غيرها.
وإذا جمعتوهن سوا بگروب يگعدن يحشن براسچن
اختفت ابتسامة وَدق وگلبت عيونها انداريت شفته ابو الوتن واگف ياكل تفاح وعيونه على وَدق.
سيرا: شني هاي شلون تطب للغرفه بدون دگة باب؟
دار حواليه مستهزء
وَتان: شني طبيت لغرفة ملكة بريطانيا وما ادري؟
اصلا باب غرفتج جانت مفتوحه 180 درجه، لا تگلبين عيونج ام عيون هايشه.
درت وجهي يحجي ويا وَدق إلى گمزت من الچربايه
تحجي وتنطي رد فعل بإيد وحده وبإيد الثانيه مثبته الموبايل
وَدق: باااوع لللك باااوع عليييمن تگول عيون هاايشه شاايف عيونك؟ شاايف نُقطه عيونك نُقطه.
عض التفاحه وسحب الموبايل من إيدي علگت بيناتهم.
وَتان: دي شيلي الفلتر وخل نحجي زلمه لزلمه
سيرا: ول هييو ما اسمحلك مااي بيست هااي
جيب الموبايل انت شجاابك ولي اطلع من بيتنا روح على شُقتك.
اخذ الموبايل وياه وهو ينزل الدرج ويحجي
وَتان: صدگ ما گلتي باگوج لا؟
وَدق: شنو؟
لحگو يبوگوج الچانو البارحه لاحگينچ!
سيرا: ابو الوتن جيب والله عيب وين الخصوصيه
عمممة ااامل تعاااي شوفي حفيييد الهمممج وگاع شلون يحاجي بيستي!
وَدق: سيرا بعدين نحجي.
وَتان: ضفتج على الانستا رديلي الفولو عندي حجي وياج!
وَدق: ماعندي حجي وياك.
آنا عندي حجي المسا افرغ وادخل على حسابي
وخل اشوفج ما راده المتابعه اجيج للبيت وحق جدنا السابع.
سيرا: تهددها لو شنيي جيب الموبايل
قبل لا يحجي عمه سحبت الموبايل منه وابتسمت لوَدق
آمل: منو هل گمره؟
سيرا: جنتج المستقبليه.
ثنينهم صاحو بنفس الوقت
---: سيراااا
وَدق: لا مو صح خاله مو صح
وَتان: صح مو صح!
آمل: صح مو صح؟
سيرا: قصدك العكس مو
اي لااا ء
سيرا: نعم إنها تناقضات.
آمل: اسكتو البنيه خطيتهه مصدومه
بنتي شسمج؟
وَدق
آمل: انت شكو!
وَتان: ماكو شي.
راح وراها وحجى ويا وَدق بلإشاره وبعدها طلع
وَدق: خاله تشرفت بمعرفتج بس امي تناديني لازم أروح خاف تريد شي ضروري، سيرا بعدين نحجي. باي.
عمه آمل رفعت ايدها تلوحلها ومبين عليها منبهره بيها لزمت وجهي باست خدي من الجهتين.
آمل: احبج يل غاليه شلون چنه لاگيتلي خل اروح احجي لهدهده بعد الأربعين نروح نخطبله وَدوقه.
انطتني الموبايل وراحت
سيرا: على وياج على روحي يا بعد اامي.
ال عزّهَ
نزعت المايك انطيته للمساعده
عزّه: هذا مؤتمر أريده يتم عرضه على كل القنوات الاقتصادية.
اكيد مس اعتبري صار.
عزّهَ: المسيو عزام وين؟
موجود مع المس هِلال بالإجتماع
عزّهَ: تمام روحي على شغلج.
مشيت لغرفة الإجتماعات عاينت الساعه 12 الظهر
دخلت هو ثبت عيونه على خطواتي والصوت إلى يكره يدوي بالغرفه.
عزّهَ: مرحبآ ساده الحظور.
اهلا بسيدة الأعمال المتألقه دائماً.
هزيتله راسي وادرت انظاري للثنائي.
عزّهَ: اكملو العرض
هِلال: اي نكمل، أعمال التصاميم راح تكون من شركتنا و أعمال البناء من شركة يَاسر يمان
عزّآم: التسويق للمجمع السكني كذالك يكون من أعمال أفرع شركتنا الفرع الرئيسي في البصره والفرع الثاني هُنا في إزمير.
اعجبني
انظميت الهم
عزّهَ: اما بخصوص البث الإعلاني عن المشروع يتم
تحديده بعد الإنتهاء من مُنتدى دُبي الإقتصادي.
هل ستكونين حاظره في المنتدى؟
عزّهَ: لماذا؟
لأقرر المجيء.
عزّهَ: بإذن الله انا أولى الحاظرين.
ابتسمتله ولمحت نظرات عزام عاف القلم واردف
انتهى الإجتماع قرر الإنصراف.
هِلال: اههه اههه مسيو ماثيو جئت من سفر بعيد إلى إزمير لأجل هذا الإجتماع تفضل استضيفك لشرب كوب قهوه.
شگد ملعبچي هذا المستثمر گام فورا والبقيه طلعو بهدوء بقينه بوحدنه بينا مترين تقدم بهدوء
وگف گدامي فتح اول دگمتين من القميص ونزل الگرافه يكره اللبس الرسمي. ثبت ايده عالميز وتدنى شويه.
اليوم يوم التوزيع العالمي للضحكات المالها داعي؟
هِلال
بعدما طلعت ماثيو من غرفة الاجتماعات رحنا للكفتيريا ضيفته گهوه ونسولف بأمور الشغل
صح شويه نسونجي بس خوش شراكه بينا شوفته التصاميم
هِلال: هنا نصمم الواجهه.
واو جميل
هِلال: وهنا أعمال جديده لتغير ديكورات الشركه ومكاتب الموضفين.
واو أحببت ذالك انكم لا تفرقون بين المدير والموضف.
اجا من بعيد يأشر خل يگوم لا ابتلي بي
صايره فد مره لا اطاق نفسي على كمية التسليك إلى بيه.
هِلال: اههه اههه اههه مسيووو ماااثيو لتس گو
نسيت اذكرك عندك لقاء مع شركة ياسر يمااان
اوه حقاا نسيت
هِلال: أنساك الشيطان وانا اذكرك بها گوم يلا
ماذا؟
شلون ورطه رديت عليه بالإنگليزي
هِلال: اههه اههه انصرف امشي اقصد هيا إلى الاجتماع، نعم إنها البزنس يا رجل.
شگ حلگه بوجهي يبتسم عافني وراح بطريقه صادفه، وهذا هزله راس بطريقه تسليكيه. اجا وگف وآنا هم واگفه اشرتله
هِلال: اگُعد نشرب كوفي و تروء؟
طگطگ بأصابعه على الميز واردف
هَدآم: خلص الإجتماع مو؟
هِلال: إي خلص بس عندي سؤال الصبح ليش اخذت جنسيتي التركيه؟
ثقي بيّه وتعالي وياي.
لزم ايدي ومشاني وراه
هِلال: هدآم غير اعرف وين نروح؟
من توصلين تعرفين.
صعدت السياره وما فاهمه شي صعد هو الثاني شدلي الحزام اردف
ثقي بيّه هلال.
هِلال: خوفتني شنو تقصد شنو الهدف من هذا الكلام؟
سكت وما جاوب انطلق يسوق بسرعه مر أكثر من نص ساعة واحنه بشارع غريب عليّه.
هِلال: هدآم وين جايبني!
مكان خاص بينا.
درت وجهي اناظر للمنطقة كلها زراعيه وكل ميت متر أكو بيت مزرعه البيوت بعيده عن بعضها وگف السياره يم باب اسود چبير طلع ريموت كنترول من السياره وجهها على الباب وانفتح دخل السياره انبهرت عجزت اصنفه لا هو بيت مزرعه ولا يلا افخم منهن ثنينهن تفاصيل فخمه الحديقه من الجهتين كلها زهور من جميع النواع الفراشات مليانه بالحديقه
وگف اخيرا، نزل وفتحلي الباب اعاين ومنبهره.
هِلال: هدآم شنو كل هذا؟
ابتسم وما جابوب لزم أيدي يمشيني للبيت فتح الباب
ودخلنا كله تفاصيل خياليه من الجمال والفخامه.
مشاني للصاله وگفت بالباب والإبتسامه تلاشت من وجهي الميز مزين بالورود، عمي گاعد بإنتظارنا لمحني وابتسم للقاضي اردف بالتركي.
هاي هي العروسه وصلت.