رواية ولد الباشا للكاتبة فاطمة الأحمد الفصل الثالث والعشرون
أريم
اليخت چآن چبير وبيها مطبخ وغرفه
والكابتن تُركي حتى من يحچون ما افهم عليهم
الاجواء تجنن والدنيا ليل، أبيل نزل للمطبخ
گال يحظر شي للعشه عود يعني يعرف يطبخ
ما صدگته واستهزئت وتحديته وهو ما جاوب بس
هز راسه ب وعيد.
اندگ تلفوني من نص ساعة، عزّهَ اتصلت وضلت تسألني عن حالي واذا بخير وشسوي بس ما فهمت شتقصد وچنت اسمع ضجه عدهه ومن سألتها ما جاوبت وگالت راح تسد الخط مشغوله
بشنو تفكرين؟
انداريت لصوت أبيل وهو واگف ورايه وآني بمقدمة اليخت صافنه بالبحر.
أريم: ماكو شي بس هيج. ها شيف بوراك العشه جاهز؟
أبيل: لا ما جاهز، اصبري علينا سنيوريتا.
أريم: شيف بوراك عشرين فريم.
رفع راسه للسمه بإنزعاج بعدها نظرلي
طبي جوا راح تمطر.
أريم: أواخر أيلول ما معقوله تمطر وين المطر ههها مسوي روحك خبير بالطقس.
ضل يظرلي وما جاوب شخص غريب وغامض
يحجي ويجاوب حسب مزاجه.
درت وجهي ورجعت اعاين بالبحر، رفعت راسي للسما النجوم قليل مبين و الجو بارد، هنا الشتا يجي بسرعه بس مال تمطر بآواخر أيلول هاي ما معقوله.
اجته مكالمه ويحجي وياه كوكتيل مره تركي مره عراقي مره مصري حتى سوري ما سلم منه شهل إنسان، عرفت المُتصل ياسر لمن گال.
أبيل: بيرفكت بيرفكت ولك ياسر انت شكو بعقلك يا عقل الجوزه؟
سمعته يحجي ويگول ليه تسألني وتجاوب بنفسك يوجد جوز في عقلي شو هاد يا زلمه افردها.
أبيل: ولك ابني آنه إذا افردها ادير عليك لتر بانزين واخلص.
ضل يستمع ل يَاسر بعدها گال.
أبيل: ولك ابني انت تنجاز آنه باچر مسافر.
مسافر يعني Seyahat، .
ياسر يحجي وهو يستمع اله ونضرلي بخزره وإيده على خصره واعصابه بخشمه
أبيل: ولك قشمر شعليك بيها؟
ولك ابني تريدني اللعن يومك وادير عليك لتر بانزين!
احجي همس واگُله شبيك؟ يأشر بمعنى بس اسكتي. طب لليخت يحجي وياه.
أريم: دِروح مُختل.
مر شوية وقت وبلش الجو يصير أبرد واشتدت الرياح تخيلت احداث تايتانك وآني بمُقدمة اليخت. فردت ذراعيَّه والهوا يضرب بوجهي.
أريم: واخيرااا احلام العصر تحقق أجواء بارده وبحر وحركة تايتانك الشهيره بس نائصني جاك
أبو التسعين فريم الاشگراني.
بلعت ريگ لمن صار بظهري ومسوي مثلي، همس بأذني.
أبيل: شگلتي يا حظرتج؟
عزا العزااج يا عزّهَ شني هل موقف الصعب.
اجيت أنزل ذراعيَّه لزمهن ثنينهن ما خلاني انزلهن، لزگت الكلمات ببعضها وحجيت شلون ما چآن.
أريم: اوههههه يا حظرتك چنت احچي احچي روز روز چانت ويا جاك.
الاشگراني أبو التسعين فريم، اي وبعد؟
أريم: والجو بارد والهوا قوي وبالسفينه.
اوهااا وبعد؟
أريم: اههه وبعد هيج سوو مثلنا لا اقصد احنا دانسوي مثلهم أههها اشعُر ُبالغباء.
بيرفكت وبعد؟
غمضت عيوني وحجيت بسرعه.
أريم: اي اي وبعد بعد انت تسعين فريم وجاك عشرين فريم، وخرر بوويييه.
سحبت إيدي وانداريت صار ضهري على المحجر الحديد وهو تقرب ثبت ايده من الجهتين عاين بالجو وبعدها خلى وجه بوجهي اردف.
ولچ بنتي أنتي ليش هيج؟
أريم: اووههه آنه شلون بس شويه وخر
مسافة مسافة أمان اههه خاف بيّه كورونا عشان صحتك.
لا مش عشان صحتي
أريم: اههه لا تعاينلي هيجي!
آنه نفر جوي وأجوائي الضحكات التسليكيه.
ابتسم ثواني وابتعد مغندب يعدل القميص ويحجي.
أريم خاتون طبي جوا راح تمطر.
أريم: سيّداتي وساده الحظور نشرة أخبار الطقس ويا أبيل شواي الخرفان.
أشرت عليه ومع ابتسامة استهزاء وهو متخوصر ويحك لحيته بحيره، لحظات وزخات المطر توگع على إيدي.
أريم: اااووهاااا ت تمطررر ولك أبيل جاي تمطرر
عزاا.
أبيل: بيرفكت چآ شني منتظره.
لزم ايدي ونزلني، مشيت ومخليه ايد على راسي دخلنا لليخت والكابتن بحُجرة القيادة، راحله أبيل حجى وياه ورجع شافني افرك ايد بإيد.
أريم: شهل برررد بوويييه.
عبرني بهدوء ودخل للمطبخ ما انطيت أهميه رحت گعدت صورت اليخت ودزيتها لسيرا
وغريب ماكو بالعادة تفتح الستريكات أول بأول.
وهاي من الصبح ما فاتحه ولا ستريك حتى ستوري ما منزله، قلقت ودگيت على رقمها يطلع مغلق، گمت افتر واتصل عليها ماكو يطلع مغلق.
اجا وشايل كوبين مدلي واحد.
گهوه.
أريم: ثانكيو ما اشرب كافيين.
بالنائص.
راح برا اليخت شمر الكوب والگهوه بالبحر ورجع يشرب گهوته گعد وخلى رجله على الميزه ونظراته كُلهه ضياع وكأنه مرات بعالمنا ومرات بعالم ثاني
جنت واگفه بمكاني والموبايل بإيدي من جهه قلقت على سيرا ومن جهه تصرفات أبيل إلى تخليني غصب عني اتسائل.
أريم: الگهوه والكوب ليش شمرتهن؟
جاوبني بس ما نظرلي كأنه يفكر بشي خاص بي.
أبيل: اكره الإلحاح و اللي ما يدخل مزاجي
اتخلص منه بسهوله.
أريم: ويت ويت وآنه مزاج لو شني؟
شدخلچ بنتي؟
أريم: آنه مو بنتك بلاش هاي المُسميات!
لا بفلوس.
صاح بالكابتن ويحجي بعصبيه ما فهمت شبي.
عفتهم ودخلت للمطبخ الطباخ فاضي ماكو شي عليه لا جدوره ولا طاوه.
أريم: فيك شيف فيك شيف بس مضاهر.
افتر حوالين نفسي وما ادري شسوي أنوب المطبخ زغيّر، عاينت بالطباخ بعدها كنبصت يم باب الفرن مالته خليت إيدي على الجامه حاميه.
أريم: بويه هذا مصخن.
مرتفعه حرارته سويله كمادات.
گلبت عيوني شگد مغثه گمت وانطيته مجال نظرلي بطرف عين وعُبرني اخذ كفوف مال فرن
لبسها.
أريم: شعجب مو كفوف جلد مثل إلى تلبسهن بحفلات الشِواء مالتك.
لا يا على يا ضرغام ولچ بنتي شبيج شكو بعقلج
هسا كُل شغله وتحطين ذولاك بالحديث شكو شبيچ؟
سحبني من التيشيرت ورجعني على جهه واجا فتح باب الفرن اردف يحجي ويگول ويا نفسه بيرفكت.
بعدها طلع قالب گزاز بي طبخه وعليها جبنه من فوگ افتر حواليه والفضول گتلني.
أريم: هاي شني خل اشوف، هذا مُتزريلا.؟
أبيل خل اشوف شنو طابخ، لحظه هذا صينية گزاز شلون ما متكسر اقصد ليش ما انكسر بالفرن بالحرارة المهم كُل الطُرق تؤدي إلى روما، شسمها هاي الطبخه؟
عاف الصحن والسچينه بنفاذ صبر واندارلي
شگدد تحچيين لخاطر علي!
نظرتله بهدوء وما انطيت رد فعل عفت الخاشوگه من إيدي، وطلعت من المطبخ خل يولي هو والي طابخه.
شلت تلفوني من يم الطاوله الكابتن طلع من حُجرة القيادة ابتسم وحجى شي بالتركي.
أريم: أنا لم يفهم كلمه والله تسوي فضل لو تنچب!
صح ماله دخل بس طلع بوجهي وحجيت هيج، عفته ورحت يم باب اليخت المطر زخات يهطل شويه وينقطع ويرجع بعد دقايق يهطل مره ثانيه
وگفت اراسل سيرا رساله ورا رساله واحس بيها شي.
سيرا طرگاعه ويينچ؟
ترا ضل بالي يمچ، نتزاعل وحگ الزهراء سيراا
مشتاقه الچ احس سنه ما شايفتچ.
كُل الرسايل توصل بس لا رد.
خليت ايدي على گلبي مستحيل احساسي يخيّب
سيرا بمشكله. مليت ورجعت يم القنفه الموجودة.
گعدت وشفت موبايل أبيل موجوده غلست عليه
خل يولي فد واحد مُختل و مزاجي.
ضل ملتهي بالمطبخ، بهل اثناء ضوا شاشة موبايله غلست عليه، رجع ضوا يبدو اتصال والموبايل صامت وهل مره گمت ولزمته چآن رقم يدگ فورا انقطع ومن نفس الرقم اجته رساله
ضليت اعيد قرائتها وماجاي استوعب!
سيرا
عاف أيدي وصرت افرك بيها احسها نملت من قوة لزمته صار أكثر من 15 دقيقه نركض بدون توقف، عاين بالمنطقة ونظرلي يتسائل.
إيمار: اي بنت البصره احنه وين هسا؟
سيرا: لا والله شايفني گوگل ماب؟
عفته كملت مشي أكو محلات صيانة سيارات
علي الأقل نسأل يمهم، اجا ورايه وهو يدردم.
إيمار: خليج ريلاكس ما كفررت هااهو اوگفي.
اجيت ادخل للورشه لزم ذراعي رجعني وراه.
لا تطبين آنه أسئل.
سيرا: تفضل تفضل.
گلب عيونه وعبرني راح للورشه وآني وراه
متأكده ما يعرف يسأل هذا اذا تطخه يگول يوك
انوب يحجي بصراوي، دخل وعاين بالوجوه واردف بالتُركي.
إيمار: مرحبآ؟
چآنو ثلاث واحد يعاين للثاني.
مراهب؟
إيمار: تستهزء ولو؟
انت تُركي؟
--: اسكتوا خل نفهم منه.
اجيت بصفه وهذا يكابر يسألهم بعدما هيج استقبلوه.
سيرا: ول خالي افهموا مني چي آنه بصروايه وهذا إزميري.
ههههههه من اي كوكب؟
احسهم نفس اللي يبحثون عنهم أبناء الجابر.
من گال أبناء الجابر تذكرت نَائل وناجي، نظرت لإيمار إلى اردف.
إيمار: ل جهنم، مليت للصراحه وما حاب ادخل مواجهة ممله، امشي سيرا.
اندار وراد يمشي حجيت ويا الشباب اللي شكلهم مو راحه خاصة بعدما جابو طاري آل الجابر.
سيرا: لِسنّ تو مي! إذا شفت هذا مُسالم وما يحب العركات إلا في الضروره القسوى. ف اللي گدامك طرگاعه وغلاة عمي الأشتر!
واحد منهم مسح على لحيته ويوزع نظرات علينا.
همست من بين اسناني ل إيمار وعيوني عليهم
خاف يتصرفون تصرف غير مُتوقع.
سيرا: اوول مره أتفق وياك ما انصح ندخل مواجهه وياهم.
شجاي تحجين؟ كرم اتصل بالمعلم.
سيرا: وانت منوو معلمك؟
لزم ايدي وعرفت حاس انهم ناس سيئين، توني أدركت اللي خطفونا أبناء الجابر، نظرلي واردف بصوت ناصي.
إيمار: لازم نمشي هذوله مو راحه.
رديت عليه بنفس النبرة وواحد من الثلاثه اختفى من بينهم والاثنين واحد منهم گدامنا والثاني يصلح بسياره.
سيرا: مو لازم نمشي لازم نركض هذوله ذيول ولد الجابر.
شد ايده على لزمة ايدي وطلعنا من الورشه نمشي
بخطوات مُتسارعه بعدها ثنينا اندارينا الشباب ثنين منهم يلحگونا.
سيرا: وغلاة اشتر لحگوناااا.
إيمار: يلحگوناااا چآاااا شمتوقعه، بعدين منو هذا اشتر!
بدينا نركض وهذوله بعيدين بس يلحگونا.
سيرا: اشتررر اشتر عمنا الغالي حفيد الهمج وَگاااع.
صرخت لمن صوّبو علينا وإيمار غطى عليَّه بجسمه الشال وگع ورايه عاف أيدي ورجع الها شالها وركضلي لفها لف على نحري ويجرني من إيدي واحنه بمنطقه كُلها صناعات و بيوت شعبيه.
سيرا: لاا مفرر اليوم ارجع جُثه لأمي ارجع جُثه لأُمي من ورااااك.
رجعو صوّبو علينا وإيمار مغطي عليَّه وحسيت يئِن من شي.
إيمار: اركضي لا توگفيييين.
سيرا: بيييك شيي احچييي.
هز راسه ب لا وكملنا نركض ونركض واحنا واصلين لنُص قضاء مُعين يم الميناء البحري.
إيمار: بس فهميني احنه وين هسا!
سيرا: قضاء - - - الحدوديه! ما تشوف صوت الباخرات والناقلات عاليه تنسمع من ميت متر
إيمار: لا والله آنه ما ادقق مثلچ.
سيرا: عبن همج وطايش.
خليني ساكتلچ!
سيرا: فوگ الحگه دگه! المفروض تبوس ايدي
عبن احنه طالعين من بين قوم الفُجار بفضل ذكائي!
وصلنا للشارع العام عاينا ورانا بعدهم بعيدين.
واحنا نتكاون على كُل زغيّره وچبيره
إيمار: اي اي ذكاااء ذيچ السحليه بشني هددتچ سيرا!
وگف، ينظرلي منتظر جواب وآني اللتفت حوالينا
سيرا: الأحسن نمشي نمشي عبن ذوله الناس مو حيالله ذوله مافيا.
عصر عيونه وطگ رقبته، نزل الشفقه ورجع لبسها واردف بإصرار وبكل جديه.
سجى شبيها ترا نسيت اغلب الكلام اللي حچيتيه!
عين تراقب حوالينا وعين على إيمار
سيرا: سجى، اقصد عمه سجى حبت تتعرف عليك.
إيمار: اي ل جهنم هي ومحبتها.
سيرا: آمين، قصد امبين ما تستلطفها
إيمار: شني استلطف منها غير زوجة اب قابل شتطلع؟
سيرا: لا مو صح عاين آني هم عندي زوجة اب ملاك بهيئة انسان، مو مثل سجى حقوده ومسممه.
إيمار: انطيني الخُلاصه ما اريد اعرف عن زوجات ابوج البلاير.
سيرا: ما اسمحلك تغلط على بابا وماما يَقين!
إيمار: بخصوص ابوچ ok.
رجع لزم إيدي نمشي وعيوني عليه شلون لا مُبالي للي الصار، بس شراح يصير من يُعرف أنه هي اللي مخططة تخلص على ابن زوجها.
وگف تكسي وحجى وياه و انطى عنوان قصر الباشا، صعدنا وهو گدام و وجه اللي كُلها جروح
اخذ كلينس وبدأ يمسح الدم، السايق ضل مستغرب وگلبه طگ من الفضول إلى أن، اردف.
انتو مُلاحقين من ناس؟
عيونه عليّه من الجامه وإيمار بصفه جاوب بكُل برود.
إيمار: اي چلاب بيت الجابر لاحگينا.
أبناء الجابر تعرف هذوله منو! تعرف عن منو جاي تحجي!
إيمار: شگد تلح.
لا آنه ما اگدر اكمل طريقي وياكم هسا اذا لحگو سيارتي يخلصون عليَّه وياكم آنه برگُبتي عائله.
وگف السياره يم التقاطع واردف.
انزلو بلا زحمه.
إيمار: كمل طريقك لا اكمل عليك قبلهم.
شفته يفتح ساعته ولمحت خيط اسود وبيها خرزه زرگه چانت بس وحده، توني اول مره اشوفها بإيده، خلى الساعه بإيد السايق.
إيمار: سعره خيالي كمل طريقك وسوگ اسرع.
الرجال يگلّب بالساعه ومبين جاب راسه.
تمام بس ما اسوگ بسرعه هذا تكسي مو سيارة سباق او فراري.
إيمار: أنزل.
شلون
انزل ابني انزل وفضني.
نزل السايق وإيمار نزل اجا گعد بكُرسي القياده.
واشر للرجال يگعد بمكانه صعد الرجال ويدردم.
شني يعني تسوگ سيارتي خويا لا تورطني حتى الساعه ما اريدها استر علينا الله ولك اختك ويانه علمودها الله يستر على اختك.
إيمار: هاي مو أختي!، وشد الحزام. سيرا انتي همين عود ما اريد اسمع صياحچ.
سيرا: شني تسمع صياحي شجاي تحجي، إيمار بدون رايس، بدون رايس.
إيمار: Szlerini takip etmiyorum.
شديت الحزام بسرعه وآني وابو التكسي اللي التفتلي ما فاهمين كلمه
شگال زوجج؟
سيرا: مووو زوجيييي، ابوو شفقه إذااا رجال تحجيها بالعراااقي.
نظرلي من الجامه وعدل الشفقه وبدل الگير
يستعد حتى يسوگ، اردف
إيمار: آنه ما امشي بكلامچ.
داس بانزين وانطلق بأقصى سُرعته.
الرجال يگمز ويرگع روحه بالگاع وينادي سيارتي.
سيرا: ماا لاااحگنااااا احددد ليش هييجي تسووگ
خويااا شبيييك متسودننن
إيمار: Evet.
غمض عيونه للثواني وكأنه متألم رجع يناظر للطريق ويسابق السيارات. ما مبين عليه إذا منصاب او شي عبن لابس اسود
سيرا: إيمار بيك شي إيمار داحجييي وياك جاااوب.
ما يجاوب وبس يهز راسه ب لا مر ربع ساعة ووگف يم باب القصر الحُراس اللتمو على السيارة
وموجهين المسدس علينا، نزل ابو التكسي ورافع ايده لفوگ.
شبيكم اخوان مالي دخل هذا ابنكم متسودن وعلى ما مسوي شي.
---: صمد فتشه.
اجا ماجد الحارس الشخصي مال أبويا افتح الباب
ومن شافني نزلت ما وگفني فتحت باب السايق وإيمار مخلي راسه على الستيرن يوّن رفعت وجهه
بين اديّهَ احاول افهم شبيه.
سيرا: إيمار عاين بيّه ماجد تعال تعال بسرعه طلعه وياي.
ماجد چان يخابر شخص، قفل موبايله اجا بسرعه
سحبه وهو بألف يا على واگف على رجليه.
استند عليَّه وماجد من جهه الثانيه خليت ايدي على خصره وحسيت بحرارة وشي رطب، سحبت إيدي ونظرت بعيون جاحضه، الدم ترس ايدي.
سيرا: م ماجد هذا دم مااجد بسرعه للمستشفى.
--: لا يا آنسه ماكو هيج أوامر.
أشر للحارسين واجو اخذو مني ودخلوا
ورجع عليَّه.
--: آنسه ادخلي للبيت.
لزمته من ياخة الجاكيت.
سيرا: ااانت يااااهو حتى تتأمر عليَّه وشنييي ماكو هيج اوااامر شنييي جنننت تعررف متصاااوب؟
دفعته وركضت ورا الحُراس اصرخ وانادي عليهم حتى ناخذه للمستشفى.
سيرا: صمدددد، عاااصم اااحاااچيييكم زماااايل جاااوبو.
هذا أوامر الباشا.
سيرا: لك شنييي اوااامر شني الباشا ااي واااحد منهم صمدددد احااجييك عووفه عووفه.
ابعدته واجيت بمكانه وإيمار ينظرلي وينضر حوالينه كأنه يشوف شخص و ساكت ما يحجي.
اردف الحارس والقصر چبير والمسافه بين البيت والباب الخارجي بعيده شويه.
الباشا أدهم أمر هسا يوصلون الطاقم الطبي للبيت.
ما استوعب شجاي يصير ليش ما ياخذونه للمستشفى الخاص بينا! مثل كل مره من ينصاب واحد من الشباب ليش!
انفتح الباب وأمي شافتني هيج وإيمار مستند عليه ضلت بمكانهه ما مستوعبه وإيمار خلى راسه على كتفي وهمس.
گتلچ ترجعين لحظن امچ ساغ سليم.
عوفيني واحظنيها ولا تزعليها، ترا ترا غيرج محروم من گبر أمه مو بس ريحتهه.
غمض عيونه بألم وبعد ما فتحهه وآني عيني على ماما إلى جايه من يم الدرج وما مصدگه بوجودي
، حاولت اصحيه والدموع تارسه وجهي، إيدي كُلها دم وخصره مستمر ينزف.
سيرا: ماما، إيمار افتح عيونك إيمارر عاصم عاصم تعاال ويينه الدكتور وييين الطاقم الطبي وييين. مامااا
اجا عاصم بمكاني ودخلوا للصاله وآني اخطي خطواتي لأمي وارجف وابچي وايدي ثنينهن كلهن دم شمرت روحي بحظنهه وابچي ما يطلع مني غير كلمة ماما.
عزّهَ وهلال ركضن ركض من الطابق الثاني وعمه أمل طلعت من غرفة هدهد ركضت يمي وبس تبچي وتشكر الله على سلامتي
عزّهَ سحبتني من حظن أمي لحظنها تمسح على شعري وتبوس بيّ ودموعها تنزل اول مره اشوف
دموعها وهلال عيونهه متورمه من البچي وسألت.
هِلال: و وين اخويا وين إيمار؟
رفعت ايدي أشرت على باب الصاله وبچيت بعد ما بيَّه احجي عافت ايدي، و ركضت للصاله واحنه وراها. كنبصت يم القنفه إلى مددو إيمار عليها، هلال تبچي وتشهگ وتفتح قميصه وتتفحص صدره وتدور مكان الإصابة.
هِلال: م ما تخافين يمه ما يصيرله شي وداعتج ما مايصير عليه شي، إسعاف إسعاف شجابه هنااا الطلبووو الإسعاااف او جهززوو السياره خل ناخذه خل ناخذه. إيمار روحم إيمار افتح عيونك إيمار امنا هنا ورب العالمين امنا هنا إيمااار.
شمرت روحهه عليه تبچي وتمسح على خده
بهل اثناء دخلو عمي أيهم وبابا عمي عيونه على إيمار وبابا سحبني لحظنه يطمئن عليَّه، ما انطيت اي رد فعل ولا بادرته الحظن.
عمي سحب هلال وگال امل تاعي اخذيها برا
هِلال: ل لاا شني تاخذني برااا بابا ليش هيجي تسوي ما عوفه ماا اطلع اخووياا دييروح منييييي بسببك وبسبب عداااواااتك اااطلب الإسعاااف اااطلبه، عمه عوفينييي.
عمي مصفر ويحاول يصحي إيمار لكن ابد مو بطريقه حنونه بكُل قساوة قلب يصيح عليه.
الباشا: گوم گووم ابني گوووم يااا جباان لااا تضعففف اصبرر ما بقى شي إيمار افتتح عيونننننك. يااا فاااشل لاااا تضعععف.
دخلو الطاقم الطبي واجا بابا بصف عمي أيهم إلى اعصابه تلفت على أخر درجة وبس يخوزر بإيمار إلى لا حول ولا قوة بي.
دخلو الاجهزه الطبيه وطلعونا برا الصاله وهدهده طلعت من غرفتها ما فاهمه شي ومن شافتني والدم تارس أيدي ضربت على صدرها
ناهد: يمه سووده عليه ولچ سيراااا شصاير بيج سيراا.
رحتلها بسرعه حظنتها وطمئنتها عني ومن سئلت عن الدم گلتلها إيمار متصاوب بذراعه وهي حجت بكُل قسوى شبه عمي الأيهم.
ناهد: چآ خل يتعلم ويفهم أنه هو لو متعلم مثل باقي اخوته چآن هسا محد يلوحه.
امي حساسه تبچي وتحچي
ندى: لخاطر الحسن والحسين لا تحچين هيجي عمه كُلنا نُعرف إيمار ماله بهل درب ليش هيج تقسون عليه.
أمل: اشتر لو چآن موجود ما چآن يرضى واحد بيكم يقسى عليه!
راح گعد عالتخم گدامنا، رغم الوضع المتوتر طلّع جگاره ورثها اخذ نفس منه واردف بكُل أعصاب بارده.
الأدهم: استهدي بالله ندى، صح هايه أول مره بس مو اخر مره هايه البدايه. فقط!
عمي يم باب الصاله واگف وينضر بفراغ ولا چن هذاك إلى چآن قاسي ويصييّح على إيمار، اما ناهد ف ما تحچي ويا بابا تگول مايفيد الكلام وياه.
أمل بقت وهي الوحيده اللي گامت وحجت
شگد قويه وشُجاعه.
أمل: عالم إجرامي، عداوات، مافيات، شركات، بس حتى تكبرون هايه الإمبراطورية؟
اسلوب بابا الفُكاهي اللي أبد ما چآن وقته ومحد علق عليه.
الأدهم: مرت اخونا الدايح بروسيا
ليش احنه غير نريد نأمن على مستقبل ابنائنا.
أمل: وتأمن على بنتك بهيچ اسلوب؟
تروح تعيّشهن برُعب وخطف! تعرض حياتهن للخطر، هذا مُستقبل هذاا!؟
الكل على وجه علامة استفهام وبابا ينظرللها بدون رد فعل كأنه عنده سر وأمل تعرف شي والكلام اللي سمعته عند ذولاك نسل الفجار ما يروح من بالي
شلون ابويا يوصي عليّه، وشنو دخل ابويا بيهم.
هِلال تجي وتروح يم باب الصاله وبس تدعي بهمس ومبين مقهوره من عمو ايهم واسلوبه ويا إيمار مع ذالك تقربت حظنت عمو وهي تبچي وتعتذر.
هِلال: اسفه بابا وحق الزهراء اسفه
مالي بالدنيا غيركم انت واخواني اموت وراكم اذا عفتوني. و ما چآن لازم هيج تحجي ويا إيمار
انت تعرفه مستحيل يأذي نمله مو انوب يصير مثل أبيل وعزام!
اندارينا عزام و وگاع دخلو من الباب ايد عزام كلها دم وعيونه على هلال ركضتله عزّه وهدهد وياها.
وگفت گدامه عاجزه حتى تلزم إيده وتطمئن عليه
تمسح وجهها بتوتر وتاشر على إيده ونظراتهه متشتته وتكابر تذرف الدموع.
عزّهَ: إيدك عزام ايدك كلها دمم.
عيونه على هلال ويرد على اختي.
إصابه بسيطه ولا يهمچ.
عافها وراح يم هلال طلع مفتاح من جيبه واردف.
لا تخافين هلالهَ ما يصرله شي صح مو مثلنا وما متعلم يلزم سلاح بس هو اخونا وعنده إرادة قويه.
اشرلي ورحتله ابتسم بهدوء باهت وتحمد على سلامتي بكُل حنيه مثل ما عوّدنا، بعدها خله المفتاح بإيدي، اردف.
هذا مفتاح غرفة أمي روحي فتحيلها الباب
واخذيلها شي تأكله وتشربه تمام.؟
عمي ضاج من تصرف عزام بس ما اعترض عبن
رغم ملامحه العصبيه والتسلُّط اللي بشخصيته
إلى أنهُ كل العائلة تُعرف عزام شگد گلبه حنيّن على احبابه.
شديت ايدي على المفتاح وابتسمت بوجهه.
سيرا: أمك بعيوني هسا اخذلها.
ندى: وشني إلا سيرا ما تشوف وضعها.
أمل: آني اروح اخذلها جيبي المفتاح حبيبتي.
عزام: لا. گلت سيرا تروح يعني سيرا تروح.
آني وهوه ننظر لبعضنا واشرلي ادخل للمطبخ
رحت ومحد من امي وعمه امل راضيات عن تصرف عزام، اما عزّه عيونها على عزام كأنه بينهم سر.
دخلت للمطبخ أشرت للمُساعده تجي وطلبت منها تجهز شي للخاتون مر دقايق وجهز.
سيرا: جيبي، Thanks.
اخذت الصينيه من إيدها ورحت فتحت الدُرج مالة السچاچين غافلتها وأخذت سچينه ضميتها ب ردن الصايه و توجهت ل غُرفتها.
وگفت يم الباب سمعت صوتها وهي تحجي.
اسمع أصواتهم يمكن واخيرا نخلص منه.
اختفى صوتها ورجعت تحجي.
يمكن حالته خطره. بس أنتي متأكدة خافت وما تحچي اسمي؟
دخلت المفتاح بالقفل وفريته بسرعه، دخلت عليها صوفرت بطريقه خليتها تفز وسديت الباب برجلي والصينيه على إيدي. اردفت
سيرا: ااووهوو سجيوا اووهووو.
قفلت موبايلها واجت يمي عيونها على إيدي اللي كُلها دم وتقصدت ما غسلتهن
سجى: ولچ صلفه وما تستحين شلون هيج تحجيين ويااي!
رفعت ايدي البيها الصينية اشوّفها و اردفت
سيرا: جبتلچ شي تاكُلينه و بعدها تنتجي كمية من سُمچ وتفرزيها علينا.
ضليت ثابته والابتسامه على وجهي اجت تريد تضربني راشدي وخرت بسرعه على جهه
سيرا: هففف دقة التمرير زيرووو.
عبرتها ورحت عفت الصينيه على الميز قبل لا ارفع راسي عرفت واگفه وراي، فورا طلعت السچينه هديت عليها لزگتها بالحايط والسچينه على نحرها.
سيرا: آنه ضد العُنف ضد الضرب ضد القتل
بس خلي شغله براسچ يا ختيارة الجن آنه بنت الأدهم و دمه يمشي بعروگي وتعرفين كُلش زين
الأدهم شني ماضيه. بكُل بساطه اخلص العائلة الكريمة من سُمچ يا حيييه بسبععع رووؤس.
ال بتراء
عفتها وطلعت برا المحل افتر بالمول الچبير
دخلت للممر إلى يؤدي للحمام اناظر بالوجوه
وگلبي مو مطمئن احساسي ما يخيّب، فجأةً طلع بوجهي خلاني ابلع ريگي خاصةً وهو يحجي هيج.
لشوگت بتراء، مو آني الينخدع!
اصفريت عيوني تبحث عنه ماكو مختفي وينه
خل يجي، رجعت نظرتله وقبل احچي كلمه لزم إيدي وجرني وياه.
بتراء: لااا تسوي هيچ والله ما خدعتك عوفني عوفني العالم تباوع علينااا.
الناس مستغربه على صوتنا وهو يچذب ويگول هاي مرتي، دخلني لغُرفة تبديل الملابس ودخل قفل الباب علينا تراجعت بخطوات واحذره.
بتراء: إذا تسوي شي غلط وياي اندمك وغلاة فراشات روحي اندمك.
جاسر: قابل شتسوين؟ تگولين لجسار ترا جاسر يحفر من تحتك؟
بتراء: و ضيف عليهن، جاسر يدور على روح مأسوره او ربما أرواح أُناس تخصه؟
وسعن عيونه بدهشه وهجم عليَّه سد حلگي وعيونه تريد تطلع من العصبيه، بس يحجي بصوت ناصي.
مننن وييين جبتييي هذااا الحچي!
لچ اااموووتچ والله والله اااموووتچ.
بتراء: هه م موو مهم من وين جبت هذاا الحچي المُهم كلامي صححح
تخبل وصار يشد ايده على نحري بحيث اختنگت
واضرب كتافه حتى يحررني، عيوني تريد تطلع والنفس يقلّ بريتي رخى إيده وجريت نفس.
جاسر: شلون هيج تخدعيني؟ لج شلووون
بتراء: م مااا خدددعتك لاااا تصيررر سخييف مااا خدددعتكك.
جاسر: چااا شلون على سَند يريد يطلعلچ بطاقه موحددده ويريد يأمنلچ شغلل، غير حچيتي كُلشي وهو شفق عليچ؟
بتراء: اترركني راح اختتتنننگ ج جااسرر اييدك
ل لأنن صددگ الكلام اللي گُلتله ويريد يساعدني مو لأن يشفق عليَّه.
جاسر: هاي تُسمى شفقه بكُل أحوالها، .
عاف نحري وگنبصت اجر نفس ورا نفس حتى ارجع طبيعيه، لكن سمعت صوته ذاك الصوت اللعين اللي اعتدت اسمعه من 18 سنه.
رفعت راسي شفت المسدس موّجه عليَّه وسحب أقسام، اردف.
جاسر: آني وأنتي بنفس الرُقعه، يوجد ملك واحد أنتي البيدق وآني الوزير منو إلى راح يتقدم؟
يقصد جسار أنه الملك الوحيد، افتر حواليا وصار ورايه، اردف.
جاسر: انتي كُلّچ على بعضچ بيدق والبيدق أضعف حجر بالشطرنج، عندچ مُربع واحد تخطين بيها خطوتچ اذا فشلتي بالخطوه القادمه، وزير العدو علي سَند يسطادچ يا حلوه.
خلى المسدس بشعري ودفع براسي، اجا كنبص گدامي طلع موبايل من جيبه.
جاسر: وإذا آني اسطاديتچ وأنتي تخونين الإتفاق
تودعين فراشاتچ بتراء.
خلى الموبايل بإيدي واردف.
جاسر: موبايل حديث شتريدين بعد شلون مدللچ. المهم بيها فيديو تعليمي عن كيفية استخدامه بمأنه انتي جاهله الحياة الخارجيه.
والتكنولوجيا.
شمرت الموبايل عليه وگمت.
بتراء: طبيعي جدا أجهل الحياة الحديثه اللي احنا بيها. بس المو طبيعي اسمع كلامك! تحلللمممم.
رجع لزم وجهي يشد عليه.
جاسر: ها بيبي شگلنا قبل شويه؟
يبدو ما يهمچ حياة خواتچ؟
بتراء: ي يبدو ماا يهمك تُعرف الأرواح اللي تخصك و ي ويين؟
چنتي من ظمنهم واليوم انتي حُره بفضلي.
خلي هاي النُقطه ببالچ خوش!
ابعد ايده اخذ الموبايل بعدها شمره عليّه مره ثانيه، لزمته و هو اردف.
سيم كارت واشتراك مفتوح إنترنت ومكالمات.
و الموبايل بيها جهاز تعقُب ومايك كذالك ورقمي مُسجل بحرف واحد. ومن اتصل تفتحين المكالمه ويا ويلچ ما تردين!
بتراء: ترا ما تخوف چلبي وكُلشي اسويه هو لخاطر خواتي.
جاسر: عظيم احس جاي نتفاهم وكلمن مصلحته يلا بيبي تحركي.
أشر بالمسدس للباب، وآني اجيت وگفت بوجه، اردفت.
بتراء: خلي شغله ببالك شي مُقابل شي مال انفذ تعليماتك بدون ما تنفذ كلامك تحلم.
جاسر: عظيم انتضري تاريخ 12/22.
گال كلامه وفتح الباب طلعت گدامه وهو بعدي ابتعدت وانداريت شفته اختفى بين الناس.
درت وجهي لگدام هذا الثاني طلعلي، لا إرادياً فزيت.
علي سَند: اسم الله عليش تفزين، شتسوين هنا؟
بتراء: مو چنك جني تطلع بوجهي.
عبرته ومشيت احاول اتذكر شلون اجيت ووين محل اللي طلعت منه ونسيت سالفة الحمام بسبب جاسر وحقارته.
اما الثاني على سَند اجا وراي واني اصلا مثل الضايعه بهذا المول كلشي ما اعرف ولا متذكره المحل كلشي راح من بالي وگفني بعدما لزم إيدي
وانداريت نظرت لإيده فورا عافني. اردف
علي سَند: منّا المحل چنچ اول مره تجين ل مول!
مشى وحتى ما سمع جوابي يبدو مو على بعضه
رحت وراه لحدما صرت امشي بصفه، اردفت
بتراء: غريبه عن المدينه ومو مثل المول اللي بمدينتي.
ليش المول اللي بمدينتچ بشنو يختلف.
دگ تلفونه وگف وآني وگفت وياه وهو نظرلي بعدها جاوب.
اي ابو وگعه، برا البيت ليش؟، شلون شلوون؟
نظرلي وبلعت العافيه هذوله لگفوني قبل لا ابدي بسم الله.
ابويا عدكم؟، إيمار شلونه؟، و سيرا احجي ليش ساكت؟، ألف الحمد لله، لا ما اگدر، چآ شتريد يعنييي ما اگدر اعوف أمي بوحدهه
يبدو الطرف الثاني يحجي وهو يستمع.
رجع يحجي بصوت عالي.
لك شني عدنه حرس شااايفني أأمن للحُراس اسمعني خويا انت گدهه حلّها وما دام إيمار وسيرا بخير ما نريد شي ثاني.
ضل يستمع اله بعدها نظرلي واردف.
خلينا هادئين هايه الفتره، ما اصدگ بيهم خووياا ما اصدگ بيهم ممكن بأيي لحظه يطعنون بظهري عادي عدهم، ابويا ما يرجع صح!
ضل ساكت والطرف الثاني يحجي إلى أن، اردف.
لا بالنجف رجعته، آنه اربي هذا أنت خلي عيونك على تحركات بيت جابر، اربي وحگ العباس اربي، سلام.
قفل موبايله وعيونه على إيدي اللي بيها الموبايل
من التوتر شديت عليها
علي سَند: عندچ موبايل؟
خليته بجيب الجينز ورجعت شعري ورا اذني حركات لا إراديا اسويهن، اردفت
بتراء: جنت اقصد اي عندي بس چنت قافلته بالزياره.
ضل ساكته ونظراته توتر عفته ومشيت ومنا خاله يَقين طلعت والچياس مال الأغراض بإيدها
يَقين: وين چنتي براء ساعه انتظرچ.
بتراء: بالحمام چنت بالحمام، جيبي عنچ.
اخذتهن منهه وعلى مشى گدامنا مبين ماله خلگ نفسه، طلعنا من المول وعند السيارة اخذهن من إيدي واني اتجاهل نظراته صعدت والتوتر يقرا ألف والموبايل طلعته من الجيب ولزمتهه بإيدي فجأة دگ وفزيت خاله مستغربه وعلى سند نظراته عليّه من الجامه.
بتراء: هه مُنبه مُنبه
سحبت شاشه الموبايل وانفتح دخلت على أيقونة فيديوهات اول ما شغلت الفيديو صوته عالي والاثنين انادرو عليّه
بتراء: بالغلط بالغلط، هذا شلون يسكتت.
مابي دگمه كلها شاشه باوعت الحواف بيها دگمات بالطول جربتهن وكبست عليهن كلهن
والأم وابنها واحد ينظر للثاني وآني غاطه بهدومي. كتمت الصوت وبديت أشاهد الفيديو
المعلم چآن بإيده جهاز فتحها و طلع منها شغلتين زغيرات خلاهن بأذنه قريت اسمه بالانگليزي Earbuds
بتراء: عندك ذاك الشي اللي تلبسه بأذنك؟
نظرلي وبنظره بارده واردف.
علي سَند: عفت التراچي الچ.
خاله يَقين گدام ودارت وجهه عليّه تباوعلي بإبتسامه.
بتراء: ما گلت انت تلبس تراچي آني سألتك إذا عندك ذاك الشي اللي تلبسه بأذنك!
علي سَند: شني هي حزوره ولازم احزر قصدچ؟
شني ذاك الشي اللي ألبسه بأذني.
يَقين: حچي امك ترچيه بأذنك.
گالت هيج وصارت تضحك وتباوعلي وآني عالواهس اضحك وعلى سند يستغفر الله.
علي سَند: على شني تضحكين.
بتراء: ولا شي المهم اريد الشي اللي تخليها بأذنك
دقيقه اقرأ اسمه، اي Earbuds
علي سَند: من البدايه احجي هيج ليش تضحكين أمة محمد عليَّه؟
يَقين: لا تحچي بهيچ نبرة وياها.
علي سَند: حاظر أمي حاظر.
دفاع خاله يقين عني خلاني اغم نفسي من الفشله وهذا مد ايده للدُرج طلع الEarbuds نفسه مثل إلى بالفيديو وحتى لونه أبيض.
علي سَند: هاچ.
يَقين: شبيك تحچي من ورا خشمك الظاهر ما ربيتك عدل على الرُقي ويا الآنسات؟
شجاي يصير يا ربي بس لا يختلفون بسببي
بسرعه أخذته من ايده
بتراء: اتشكرك، خاله عفيه ماله داعي هذا الكلام.
هو ما غلط بالحچي وياي ما اريد تختلفون بسببي.
وصل عند إشارة المرور ينتظر الاشاره تصير خظره دار وجه ينظرلي بعدها لزم ايد امه باسها واردف.
علي سَند: آسف أمي بس بالي مشغول بالشغل
خاله يَقين هزت راسها بقبول على كلامه وهو نظرلي واردف بشوية تردد
علي سَند: أعذريني يا آنسه ضغوط الشغل هذا وليس طبع.
بتراء: ماكو مشكله مسيو.
صافن عليّه وخاله يقين توزع نظرات بينا والسيارات تدگ هورن من ورانه.
بتراء: امشي. الإشارة خظره امشي الناس منتظره.
علي سَند: مسيو ما! انوب تعرف فرنسي.
كمل الطريق وخاله يَقين بلشت تسألني ما گدرت اتابع الفيديو قفلت الشاشه عليها وعفته على جهه.
يَقين: براء بأيي جامعه متخرجه وشني دارسه انتي؟
فورا وصلني رساله معقووله يسمع كُل كلامنا؟
شلت الموبايل وقريت الرساله بصوت مسموع
بتراء: جامعة بغداد - الادراة والاقتصاد.
علي سَند: اي قسم؟
بتراء: قسم؟
قريت الرساله اللي بعدها.
علي سَند: چا شلون.
بتراء: خريجة قسم إدارة الأعمال.
يَقين: عفيه عليچ، اكيد اهلچ المرحومين فخورين بيچ.
علي سَند: حلو خوش اختصاص.
دعس بريك قوي ووگف يم البيت.
يَقين: شبيك اليوم تالي؟
علي سَند: آسف أمي بالغلط بس انزلو بسرعه عندي شغل ضروري.
خاله يقين نزلت وأشرت لواحد من الحُراس يجي يودي الأغراض، فتحت الباب وشلت الموبايل ويا الEarbuds - سماعات الأذن)
بتراء: يصير أخذه اليوم وارجعه باچر؟
علي سَند: اخذيها حلالچ.
ابتسملي واستغربت منه هذا ليش هيج شخصيته.
اول ما نزلت من السياره وسديت الباب انطلق بأقصى سُرعه عنده، دخلت للبيت ويا الخاله وفورا
صعدت ويايه على غرفتي.
گعدنا وهي أصرت ترتب الأغراض ويايه وتسولف
بس قبلها رحت للحمام عفت الموبايل تحت المغسل وطلعت، مستحيل اخليه يتسمع على كُل سوالفنا.
مر هوايا وقت واحنا مندمجات نسولف ومن سألتني عن اهلي گلتلهم ماتو بحادث وآني اجتني منحه دراسيه لجامعة بغداد بعدما جنت بالبصره.
يَقين: زين عندچ خوات متزوجات شي شلون هيج
محد يسأل عنچ؟
بتراء: لا خاله ما عندي اني وحيدة اهلي وأهل امي وابوي الله يرحمهم من خارج العراق لذالك ما عندي احد هنا.
يَقين: چآ احنه شني إذا مو مثل امچ واهلچ؟
ماعندي طريقه ثانيه اعبر بيها فورا حظنتها مثل ما چنت احظن أمي لحظات والموبايل يدگ وصدى صوته عالي بالحمام، ابتعدت وهي حچت
يَقين: موبايلج يدگ والصوت جاي من الحمام، منو يتصل بيچ؟
بتراء: ها اي يمكن نسيته بالحمام من رحت، ه هااي صديقتي من ايام الجامعه دقيقه اروح اجيبه.
گُمت للحمام طلعت الموبايل وشفت اتصال من
واو متأكده هذا جاسر طلعت برا وخاله يقين توترني أكثر من ابنها جانت يم باب الحمام اخذت الموبايل مني وجاوبت وما ادري ليش هيج تصرفت.
يَقين: الو هاي منو اللي متصله بهيچ وقت.؟
نظرتلي ومن التوتر اهمس يا على سَند دخيلك
حچت وهي ما شالت عيونها عليَّه.
يَقين: گلتي اسمچ رند؟ چا ليش مكتوب واو
فتحت السبيكر والحقيره تحجي.
وَسن: اوف خاله شگد تتحرين واو يعني رند آني واو والمعنى بالإنگليزي اذا ما تعرفين انگلش اترجم إيزي.
يَقين: شگد سخيفة شويه تعلمي الأدب والاحترام من صديقتچ. ومن چنت ادرس لغات أنتي چنتي بعدج بظهر ابوچ.
اهها من الصدمه شاگه حلگي وابتسم معقوله اللي گدامي خاله يَقين اشو هاي من تحجي حچيها يدگ بالعظم، خلت الموبايل بإيدي وهمستلي شلون تصادقين هيج تافهه
بتراء: ههه كلامچ صح وعاش لسانچ تعدلين المايلات وحگ على السَند.
كييفت من گلت وحگ على السَند، خاله هيو ترا ما اقصد ابنچ والله، عافتني وطلعت من الغرفه بعدها
خليت الموبايل على أذني بس بسرعه ابعدتها لمن الحقيره بلشت تصرخ وتغلط.
وَسن: ااااخلص على هاااايه الچلللللبه شلووون هيييج تحااااجينيي لج يااا ثوووله بنننت الثوووووله الموباااايل ليش بإيد اااام علييي.
بتراء: وفاتحه سبيكر هذا شلون ينسد وتنلصمين؟
وَسن: واو يعني تعرفين اسمها سبيكر بس ما تعرفين تسديها.
بتراء: اي صح والله اني قريت الأسم مال السبيكر بس ماكو دگمه شلون اطفيها وانتي شبيچ تصرخين شگالت يَقيني اخ اخ بس لا جرحت مشاعرج الحيوانيه؟
وَسن: طفيييي ال خل نحجي براحتناااا.
طفيت السبيكر وگلتلها تم بلشت تحجي وتفرغ سُمها عليَّه.
وَسن: كلبه بنت كلب لججج شلووون ما تجااااوبين على اااتصااال جاسر شلوننن؟
بتراء: اوف اوف جوجو اشتكالچ خطيه والله.
وَسن: خلي شغله ببالچ أولا لا اعترف بيچ كأُخت
ولا اعترف بيچ ك شريكه بالشركه الشررركه شررركة بيت آل جاابرر تفهمييين.
بتراء: ههه اول مره اشوف بغبائچ وانتي مو من عائلتنا ولا من نَسل الفُجار آل جابر أنتي مُجرد بنت من زوجة ابي العار.
ضحكت ضحكه قويه وكأنها تستهزء بهاي الحقيقه اللي كُلنا من بيت آل جابر نعرفها.
وَسن: تااالي مااا تااالي اخذ الأكو والماااكو
قصوورر اراضي مُمتلكااات كلشي كلشي بس شوگت؟ لمن الملك الأساس يحرك أصبعه ويأشر.
بتراء: الأساس؟
وَسن: اي هوَ الأساس
والبقيه كُلهم مُجرد احجار بالرُقعه حتى
جسار غبيه.
گالت هيج وانقطع الإتصال گعدت عالچربايه
وألف تفكير براسي وسن لشنو تخطط وشنو علاقتها بجاسر؟ ومعقوله ثنينهم يشتغلون سوا!
بعد تفكير طويل گمت رتبت الغرفه والملابس رتبتهن بالكنتور، رحت قفلت الباب واجيت أخذت تراك للنوم دخلت للحمام، سبحت وطلعت، لگيت الموبايل يضوي.
شلته وشفت رساله من موقع اسمه آسيا سيل والرساله عباره عن اشتراكات متاحه ما اعرف بيها عفتها هيج.
نشفت شعري ودخلت بالفراش عود انام بس گعدت لمن تذكرت ما حظرت الفيديو.
گمت مره ثانيه دورت على السماعات لگيتها بين الأغراض بالكنتور أخذته ورجعت گعدت عالچربايه.
تغطيت باللحاف شغلت الفيديو ولبست السماعات وبديت احظر الفيديو التعليمي.
سيرا
عبرتها ورحت عفت الصينيه على الميز قبل لا ارفع راسي عرفت واگفه وراي، فورا طلعت السچينه هديت عليها لزگتها بالحايط والسچينه على نحرها.
سيرا: آنه ضد العُنف ضد الضرب ضد القتل
بس خلي شغله براسچ يا ختيارة الجن آنه بنت الأدهم و دمه يمشي بعروگي وتعرفين كُلش زين
الأدهم شني ماضيه. بكُل بساطه اخلص العائلة
من سُمچ.
ضلت تحاربني لكن ما تگدرلي اني أقوى منها والسچينه على نحرها. دفعتها بعيد ورحت قفلت الباب وبسرعه رجعت عليها واحچي بهمس
سيرا: اششش اششش لا يطلع صوتچ اليوم ااابرررد حُرگة گلبييي مال سنين بييچ!
سجى: بنننت الچلبه احترمي شيباااتي.
سيرا: هههههعع انتي من طعنتي بظهر عمي وخططتي تأذين ابن عمي احترمتي شيباااتچ حتى آنه احترمها؟ وشغله ثانيه يا سجيوا الحيه اللي تگولين عنها چلبه ربتنيييي خمسطاااعش مره ما تشوفيني شگد محترمتچ وما اهينچ.؟
سجى: اهاا يعني نحجي بالقلم العريض؟
ابوچ المحترم سوا مثلي گولي شلوون؟
سيرا: شجاي تحجين لچ ختيارة الجن لا تخليني ادوس حلگچ ترا من غير شي كُره الدنيا كلها بگلبي عليج!
شديت ايدي على السچينه وهي مرعوب لا اذبحها وما تتحرك ملم واحد بس ترش سُمها بالحجي
سجى: المفروض تموتين بس ابوج شفعلچ!
سيرا: شدخل ابويا احچي احچييي ابويا شني علاقته بجساررر وانتي شني علاقتچ بجساررر لچ عميي بشني غلط وياااج بشنييي حتى هيج تجااازيه؟
ضلت محتاره تجاوب و بيّن عليها متوتره.
سجى: سوء تفاهم سيرا لا تتجاوزين حدودچ
سيرا: اقرف منچ وكلما اتذكر طفولتي وشلون چنت اناديج ماماسجى اقررف اشمئز وحق الزهراء.
عفتها وابتعدت گوه متمالكه نفسي ما اريد أضعف گدامها انداريت الها شوفتها ايدي وحچيت بألف يا على منصيه صوتي
سيرا: دم كُله دمه دم إيمار لچ بشنو اذاااچ إيمار بشنووو اذاااچ لا عاش وياچ بنفس البيت ولااا عادااچ او سمّعچ كلام مثلما آنه چنت اسوي هو بشنووو اذاااچ.
سجى: ابن التُركيه ابنهاا.
من گالت هيچ ضاگ صدري منها هديت عليها اخنگها واحچي.
سيرا: لچچ عوووفيهااااا اعتقييهاااا للمرحووومه اعتقييييهااااا ليششش هييچ ااانتي لييشش.
سجى: و خرررري وخررري.
دفعتني ورجعت گدامها احچي وياها ب وعيد
سيرا: اضل شوووكه بطريقچ واااضل ورااچ لا راح اخليچ تتجسسين ل أعداء عمامي ولا راح اخليچ تأذين واحد من أفراد عائلتي وإذا أريم او غيرها من أبناء وبنات الباشا صار عليهم شي تلگيني بوجهچ
سجى: الأفضل تسكتين عن اللي تُعرفيه!
سيرا: عاينييي لللچچ ختيارة الجن مو سالفة اخاف بس راح اسكت لحدما اعرف الحقيقه الكامله واللگى دليل ضدچ.
سجى: وحده مزعطه شيطلع بإيدچ سويه ما تلگين شي ضدي.
خطيت خطوى والسچينه بإيدي وجهتها عليها وحچيت.
سيرا: افتحي دماغچ يا ختيارة الجن واستوعبي الكلام، إذا حاولتي تأذين واحد بينا وحگ لهفة إيمار على أُمه، انيييم السچينه بنحرچ واخلصهم من سُمچ يا حيييه.
عفتها ورحت للباب فتحت القفل وانداريت.
سيرا: آسفه لتعب أمي الغالية على تربيتي، بس عليچ يل خاينه.
طلعت من غرفتها وبألف يا على متمالكه اعصابي
فورا صعدت غرفتي التهيت بين ما استحميت وبدلت بعدها رجعت ركض للطابق الأول گالو إيمار احسن والإصابه چانت بس جرح بسيط الرصاصه ما داخله.
عاينت الساعه 9: 30 والكل گاعد بالصاله الثانيه والأطباء يراقبون حالة إيمار وعمو ايهم وهلال ويا عزام ما فارگوه لحظة.
آنه هم بست ايدي امي تمددت على رجليها.
واسردلها شلون هربنا منهم وإيمار شلون حماني.
بدون ادراك نزلت دمعه من عيوني، حچيت وبابا ما شال عيونه عني.
سيرا: ماما هو حلف بغلاة أمه يرجعني لحظنچ
وسواها حماني من الرصاص إلى چآن مثل المطر علينا وما خاف حلف يرجعني لحظنچ ساغ سليم يمه.
باست شعري وعزّه هم اجت بصفي مسدت على شعري، اكملت كلامي.
سيرا: ودخلنا من الباب قبل لا يغيب عن الوعي.
گال (عوفيني واحظنيها ولا تزعليها، ترا ترا غيرج محروم من گبر أمه مو بس ريحتهه. ).
فتحت عيوني بابا تغير ملامحه وعاف الجريده من إيده وگام.
ندى: وين تروح ادهم؟
الأدهم: للمطار هسا تلگين حفيد الهمج واصل.
ناهد: وگاع شني يعني ما ترجع ابوك؟
وگاع: ابويا مو طفل خل يرجع وحده سيارة ودزيتله.
رفعت العكازه وضربته على رجله.
ناهد: ابن الهمج احترم ابوك.
وگاع: هدهد تربيتچ انتي من خمسه وعشرين سنه يوميه تنزلين ابويا إلى أسفل السافلين واذا راح للزُبير تگولين دايح برا العراق.
كبت بيناتهم وگاع محد يگدرله بالنقاشات محامي عود وهدهد ايدها والضرب لا احفاد ولا اولاد تضربنا كلنا.
ناهد: ااابن القندره يعني ااانه طلعت مو محتررررمه.
وَتان: لاااااع شهل حچي استغفِرُالله توبه توبه
اندارت لأبو وتن وهاذ ابتلى بروحه.
ناهد: وااانت التك الثاااني مال ااابن القندررره.
ااالف مره اگُلكم من ترجعون من تُركياااا لاااا
تحچووون تررركي چي انت ابن البصره بصرواي لييشش تخليني اهييينك ليششش.
گمنا كُلنا اللتمينا عليها وبس بابا واگف بعيد يبتسم بهدوء.
عزّهَ: أعصابچ هدهدهَ
وتان يدلك رجليها ويحجي بتسليك.
وَتان: مولاتي زُليخة هدئي من روعكِ الكونتاكت ما يبشر بالخير من يصير عندج.
وگاع: وحق جدنا السابع نحترمچ وابويا يروحلچ فدوى.
عشنا وشفنا عشنا وشفنا.
احنا الشباب بلعنا العافيه من سمعنا صوته بالباب اندرينا اله وإبتسامه عريضه على وجهنا.
أريم
اعدت تكرار قرأة الرساله مره بعد مره وچانت مكتوبه بالفُصحى ونهاية كُل رساله نُقطه . والرقم أوربي يعني صاحب الرقم اجنبي!
—: القاتل لن يحظى بليلة هادئة.
وصلته الرساله الثانيه. قريتها بصوت مسموع
—: إنها حربٌ على رُقعة الشطرنج.
رساله ورا رساله وآني اقراهن وما استوعب الكلام إلى مكتوب
—: هو الكاتب في حياتنا و نحنُ نُمثل ما يكتُب.
خليت ايدي على حلگي الكلام اله معنى كبير مو مجرد كلمات منو هذا الشخص وشنو علاقته ويا أبيل، وصلت الرساله الرابعه وچانت
—: نَحنُ أعداء في نُقطه وَ أصدقاء في عِدة نُقاط.
اعدت قرأة هاي الرساله أكثر من مره، عقلي وگف حرفياً.