رواية ولد الباشا للكاتبة فاطمة الأحمد الفصل الثالث عشر
وَدق
لصمني ورجع يكملون ضربه للصراحه تونست بيهم بردو گلبي بس الصار وصدمني دفعهم عنه گام سحب سلاحه بوجهم والكل تصنم بمكانه إيمار سحب ايد سيرا ورا ضهره
وصار إلى ما چآن مُتوقع. ملامحه تغيرت
صار يستهزء ويستخف
نَائل: مو داا أگول شنو ناقص بيومي؟
يعني إلا إلا؟
سيرا رادت تُعبر إيمار وتهد عليه بس هو وگفها يصرخ عليها
إيمار: تخبلتي شبييج ابتعدددي.
سيرا: مااا تعاااين يزااامط نائل نعال يزااامط ااادري شعنددك ويااانه مجررد فد مُنافسين النا وما توصلون ااابدد
هنا فهمت هذوله منافسين بالشغل، تقدم بإتجاههه وإيمار يرجعها وراه يحميها
بنفسه الأساتذه والدكاتره كلهم اجتمعوا وشافو نائل وتهديده. خاصة لمن خله المسدس براس إيمار، الكل شهگ ويصرخ وهذا متخبل لازمته السايكوباثيه على الآخر يحجي ويميل راسه مستهزء ايده جانت ملفوفه بشاش ومبين متصاوب.
نَائل: شكثُركم اي واحد منكم أبن الباشا اي واحد منكم ابن الأدهم تهت وحق الله.
إيمار: الدم واحد بالشده تلگانه ايد وحده وصگاركم
سيرا: ول خااالي بنات الأدهم احنه نخوف ماا نخااف تفههم
سيرااا
دارينا للصوت أريم تركض ركض من الكفتيريا، شال سلاحه حك جبينه ورجع بكل قوته ضربهه على رأس إيمار وگع وسيرا وياه محتاره شتسوي وتان هجم عليه يضربه
أريم هم تلاحگته ويا سيرا.
سيرا: شبيييك يمعود گوم انوب داايخ ول وَتان عوف النعال تعال شوف ربعك الشلايتي ما تحمل اشو دايخ. شسمك گوم لا تبلينا ويا عمو ايهم شيخلصنا
أريم: شنوو الصاار هذااا ليش متعارك وياااكم
سيرا: ماا ااادري والله شفتهم يتضاربون فزعتلهم وصار الصار، گوم يَمعود وَتان تعال عوفه.
ركض على إيمار إلى راسه تأذى ودايخ.
حاول يگومه ودخلت سيارات الشرطه للحرم الجامعي طوقو المكان ونائل واگف بمكانه والسلاح بإيده ما خايف منهم وجهو الاسلحه عليه
--- نزززل سلاحك بسررعه
نَائل: OK گايز بس لا تخوفوني اموت آني
ويضحك بكل وقاحه اجو اخذو ورجعوا علينا كل ثنين لازمين واحد بينا واحنا نصيح على بعض
وَدق: وآني شكووو والله مااا سويت شي والله ما ضربت واحد بيهم
وَتان: بس آنااا انضربت بسببج هذااا النعال شيصيرلج؟
وَدق: مااا اعرفه ماا اعرفه اول مره اشوفه
سيرا: طرگااعه ترگعكم شلع قلللع وووجوه النحسس انت وربعك الشلايتي.
يمشي گوه لأن راسه تأذى بس ما سكتلها
إيمار: ama kapa çeneni
بس اسكتي!
سيرا: ااحجييهااا بالعراااقي اذا رجااال احجييها بالعراااقي ول هدوني عليه جاي يسبني.
أريم لملمت اشيائهم وتمشي لسيارتها
أريم: هسا راح اتصل بالمحامي راح اتصل بيهم ونجي وراكم لا تخافون تمام
وَتان: مااا بالحييف نخاااف
إيمار: خريجين سجون ولد الأشتر
---انجبو شلون طايشين
الشرطه سحلتنا سحل گدام الطُلاب تبهذلنا
نص ساعة و وصلنا للمركز دخلونا لغرف متفرقه آني وسيرا سوا والشباب سوا إلا نَائل بوحده. ضليت افتر بمكاني شنو راح يصير. السجان اجا ناداني.
وَدق جابر منوو بيكم وَدق جااابر.
وَدق: آني ودق جابر
امشي الج حق الاتصال بأهلج خل يدبرولج محامي
فتح الباب ومشيت وياه عبرنا من زنزانة الشباب الاسمه وَتان ينظرلي تجاهلته وكملت طريقي. وگف الضابط انطى التلفون
اتصلي بأهلج خل نشوف تاليتكم.
هزيت راسي اخذت التلفون واتصلت.
رُقيه
مد ايده ينطيني فستان طويل لحد الركب والاكمام دانتيل ويا الصدر
جربي هذا وفضيني.
عاف ايدي، ودخلت اقيس الفستان وجان على مقاسي دگ على الباب اردف
طلعي خل اشوفه عليج حلو لو لا
رُقيه: مااا تاكل شنو تشوف!
عنيفه والله إلا اكُفخچ على راسج يلا تستوعبين
دفر الباب ودخل بدون اي تردد طبگهه برجله يباوعلي بنضرات قذره كُلها رغبه تقدم بخطوات ثابتة بإتجاهي وآني أتراجع صرنا وجه بوجه بلع ريگ اردف
تُشگيين شگ يَ بنيه.
رُقيه: وخرر ولا تتماادى
ناجي: Güzel. ليش؟ مو راح نتزوج قريباً!
حاول يتجراء بتصرفاته ضربته راشدي فر وجه فر لزم خده يحك مكان الراشدي دار وجه
ينضرلي فوگ وتحت ابتعدت خطوه، اردف
اعششق الصعبات ااعشق العناد
هجم عليّه لزم اكتافي وضربني بالحايط لازگ بيه لزگ وانفاسه تضرب بوجهي، عيونه تراقب ملامح وجهي بنظرات وسخه، غمضت عيوني لا إرادياً ضعفت وبديت ابجي مثل الطفله واحجي مترجيه بس يبتعد.
رُقيه: والله وعلى ماااا اعااند بس لا تسوي شي دخيلك يا على بغلاة فاطمه عندددك ناجي لا تسوي هيج وخرر وخرر دخيل الله
ضل ينظرلي بعدها عاف كتفي وضرب بوكسات مُتتاليه عالحايط يم راسي ويصرخ
ناجي: لاااا لاااا
ابتعد واعصابه نار رفع أصبعه بتنبيه
دقيقتين عندج تبدلين وتطلعي.
اهز راسي بحركات عشوائيه اي اي نضرلي
وبسرعه تقدم يمسح دموعي بطريقه قاسيه ويتأمر.
انچبي لا تبچين ااانچبي شبيج تبچين ماصار شي.
دگ تلفوني وچان عالكرسي راح للموبايل قرأ الاسم وشوفها الي
وَدق تتصل حرف زايد ما يطلع منج ما صار شي ومسحي دموع التماسيح هذني يلا
اخذت الموبايل منه وحجيت صوتي شبه منخفض من الهبطه.
رُقيه: الو، ها الو وَدق، شنووووو
ويين بأيي مركزز، هذاا النااقصنا جاايه جااايه.
قفلت الخط ومنتظر احجي بس ما نطقت اخذت ملابسي أشرتله للباب وحجيت
رُقيه: اطلع برا خل ابدل اطلع برا الله لا يسااامحكم اطلع برا.
ناجي: شبيها الحيه اختج شبيها احجي!
رُقيه: شبيهااا غير اخوك رايحلها للجاامعه ومتكاون ويا جم طلاب واخذو اخوك وجم طالب للمركز واااختي بسببه اخذوها هي همم احنا مو گلنا اعتقوونا بس بهل مكان بس بهلل مكااان بس بالجامعه
كفونا شررركم
ولا سمعني بالكامل من عرف اخو بالمركز بلش اتصالاته ويحجي بعصبيه
شلوو؟، شايل سلاح هم!
بسررعه اطلب المُحامي للمركز بسررعه.
يحجي ويأشرلي ابدل فتحت الباب وادفع بضهره حتى يطلع اندارلي صيح عليه
ااجيبج براشدي والله خل اعرف احجي
رُقيه: ولي اااطلع برااا اكل خووش
بالف يا على طلعته برا وقفلت الباب
رفعت راسي للسما غمضت عيوني بتعب من كُلشي جاي أمُر بي كررت الآيه مرتين
رُقيه: ياا ربي، إن مع العُسر يُسرا إن مع العُسر يُسرا، ياربي سهل أمري ياربي نجني آني وخواتي من قوم الضالمين ياا ربي
مسحت وجهي، وبديت ابدل، كملت وطلعت.
شفته بالباب ينتظرني دخل الغرفه وطلع بيده الفُستان أشر للموضفه تجي تآخذه
رُقيه: مو بحال دياحتكم اختي بالمركز ومستحيل اطلع وياك لذيج القذاره
ما عندج إختيار ثاني نطلعهم وبعدها المسا نروح للحفله
اخذ الچيس الورقي من ايد البنيه ولزم ذراعي يجرني وراه للسيارة
رُقيه: شهللل تحيون هذااا شهل حيونه صير بشرر يا حيوان عندي رجلين.
بس لسان وحلچ يحجي هو من لزمه لزمتج معتي بين اديا تتوسلين امشي ادبسزز امشي.
رُقيه: محدد غيررك ادبسزز الحيوان اابن حيواان
صعدني للسياره شمر الچيس بحظني والناس تباوع علينا اندار وصعد بسرعه شد الحزام اردف
جري عدل مو كُل مره اشفق على وضعج!
انطلق بكُل سُرعته للمركز اقل من ربع ساعة وصلنا ونزلت ركض وهو ورايا اول ما دخلت ادور بعيوني على وَدق واحجي ويا العساكر
رُقيه: سيدي فدوه جاوب وَدق جابر وينها؟
محتجزه عدنه لازم تجهزولهه أوراق الكفاله.
صارت هوسه ودخلو كومه زلم بعمر جاسر.
ومن بينهم شخص طويل اكتافه عريضه، وجبينه ملفوف بشاش ابيض وخصلات شعره نازل عليه، رفع الكمامه السوده بحرص من اي شيء ملوث حواليه، اردف بصوت كُله ثقه ومثبت عيونه عليَّه.
أوراق الكفاله جاهزه، حظرة الضابط أفرج عنها.
صوته مو غريب عليّه عبر ناجي والاثنين ينضرون لبعض بعيون الأعداء قدم الأوراق وباقي الشباب جانو ثلاثه واحد من بينهم ملامحه عصبيه ويحجي على التلفون مشى بإتجاه الضابط ما جان منتبهلي ضرب كتفه بكتفي بعدهه اندار يتأسف بكل لطافه عكس
العصبيه الجان يحجي بيها من لحظات
عَزّآم: آسف اختي ما جنت منتبه.
ضليت انضرله اول مره شخص يناديني اختي ملامحه حاده وعيونه تخزر الرايح و الجاي بس من حجة وياي تغير 180 درجه.
كُل هذا وناجي جان بصفحه ما يگدر يتدخل حتى الناس ما تعرف احنه ولد عم ركزت بيهم وبأسلوبهم بالكلام
علي سَند: البنوك كُلها مُقفله.
عَزّآم: تروح تصرف الشييك بأسرع وقت ممكن، مشكلتك البنوك مقفله مشكلتك دور بمكاتب الصرافه دبر فلوس الكفاله على سَند.
جان يحجي ويا واحد وناداه على سَند
بهل اثناء دخلت بنيه للمركز شايله جاكيت وشفقه والإيد الثانيه كُتب
أريم: على سَند شصار وياكم وين سيرا؟
علي سَند: بالتوقيف بعد شويه يفرجون عنها آنا هسا اطلع أدبر الفلوس هو شييك مو كاش
أريم: تمام روح خويا
كملت كلامهه وراحت يم واحد من الزلم چآن اشگراني
أما ابو كمامه ما شال عيونه عليه تقدمت بإتجاه وندارلي بكامل جسمه عدل ساعته وگفت حجيت ومديت ايدي اصافحه
رُقيه: شُكرآ على المساعده والفلوس راح ادفعها اول ما نوصل للبيت، آني المُحاميه رُقيه الجابر.
ضل ساكت لحظات وشال ايده خلاه على گلبه. تعذّر واردف.
وگاع: اعتذر مُلتزم ما يجوز المصافحة بينا، وياج المُحامي وگاع.
رُقيه: تشرفت بيك أستاذ وجع وگع وگاع، اعتذر
وگاع: ادري من التوتر خليج ريلاكس
سحبت أيدي بهدوء لملمت شفايفي بحلگي من الفشله، هذا من وين يدري بيه من اتوتر اگوم اجفص، ضل ينظرلي وساكت درنا وجهنا لمن افرجو عن الطُلاب وَدق طلعت أول وحده ركضت تحظني بقوه وتبجي. وهذا ضل عيونه علينا.
وَدق: وربي ماا سويت شي ذولاك تضاربو واخذوني عالوااهس رُقرق ما سويت شي والله
رُقيه: تمام عمري اعرف بيج ما تعاركين هذوله الهمج ورطوج.
من گلت هيج نظرلي بطرف عينه وراح حظن واحد من الشباب المحتجزين. اردف
وگاع: عاشت ايدك مشبعه دفرات وحق جدنا السابع بردت گلبي بهل الچلب.
حسيت سامعه نفس الجُمله بس وين ما اتذكر، رد الثاني عليه وبنفس الأسلوب
وَتان: ول چا غير أنتَ خياي، طالع عليك وحق جدنا السابع.
دخل مُحامي الجسار اعرفه من سنين خبره وما يصعب عليه شغله، قدم الأوراق وبلش إجراءات الإفراج عن ذاك المريض نَائل
بعدها بچم دقيقه افرجو عن بنيه عرفتها هاي صديقة وَدق تمشي وراسها مرفوع تأشر على ناجي انصدمت من كلامها هاي من وين تعرفه وشلون ما تخاف بنص المركز، اتگول الميدان لأبوها
سيرا: نااجي الجعموص ونَائل نعال!
أنتو الاثنين الملعونين جربو تجون بطريقنا انتو بس جرربو، اذا ما كسرت عكاازة هُدهُده على راسكم ما اطلع سيرا بنت الأدهم.
الاسمه وَتان ضل واگف يشاهد ويضحك شماته ب ناجي، أما المحامي فر بإيده بوجه ناجي بإستهزاء وعافهم دخل لمكتب الضابط ويا إلى ناداني ب اختي
اجا واحد اشگراني نزل ايدها الجانت تحجي وتأشر بي، يحاول يسكتها وهي كبت تحجي وتسبهم سبي بدون خوف.
سيرا: هدآم فدوه الطولك خل اروح ابرد گلبي بهذاك الجعموص شلوون يعايين عليه الجعموص ااشلع عيونك والله، لااا تخوزر بيه
مااا تهز مني شعره ابن اللذيين.
ناجي: كض اختك لا اللعن ابو أبوكم وافض سالفتكم.
هَدآم: انت الكض لسانك لا اللعن ابو ابوك بگبره!
جان مجتف نزل ايده يأشر على الأشگر ويحجي بعصبيه. انصدمت بكلامه
ناجي: چتال ابويا وتحجي علييه اللزمم حدددك
هَدآم: آنا الراسم حدودكم حُر ما عندي حد!
تراب البصره وإزمير راح تشرب من دمكم ولو بعد حين.
اندارينا لصوت نَائل تقدم والمحامي يمشي وراه، إيده ملفوفه والدم مبين منه، راح لأخوه تحاظنو الأثنين اشرو بتهديد گدام كُل عناصر المركز
هل مره تعدي على خير، منا وجاي وين ما شفناكم سلاحنا براسكم.
ثنينهم مشو من المركز وسيرا تصيّح وراهم
سيرا: سلاااحكم جوا نعاالنا
-- سكتنالكم عبن ولد الباشا واذا ما تطلعون نرجعكم وهل مره تصير قضائيه.
سيرا: مع كامل احترامي الشديد للمكان ولحظرتكم بس اانتوو ما تعرفون هذوله مني هذوووله عصابچيه شلون طلعتوهم بكفاله!
هَدآم: سيرا كافي ضبي لسانج وامشي للسيارة
وَتان: تمام عمو البوليس تمام هسا اگصلك لسان هذيج الطرگاعه ونفضها
سيرا: شحدددك، آنا بنت الأدهم وحفيده ناهد شحدددك.
طلع شاب ثاني يرتب الجاكيت ويعدل الشفقه
والبنيه إلى جابت اشيائهم تمشي بصفه.
إيمار: شني يعني لسانج مالهstop؟
اندارتله تحجي وترد عليه.
سيرا: عندك بروبلم؟ اذا عندك بروبلم قدم شكواك لله ولو مبين ابو ديسكو مو مال صلاة وعباده.
هَدآم: سيراا.
سيرا: عود انتظرك بالسياره
عافتهم وطلعت
أريم: جايه وياج امدا حظي بهيج طرگاعه
هَدآم: يااا الله تالي وياها.
وَتان: طرگااعه وحق جدنا السابع
دخل الاسمه علي سَند دفع الكفالة للاربعه.
وثلاثتهم طلعو وراهن الاسمه وتان جان ينظر ل وَدق بنظرات غريبه احنا هم طلعنا بالباب وگفنا صوت الاسمه إيمار، تقدم بإتجاهنا مد ايده شايل كتاب
إيمار: كتابچ وسؤال واحد اريد جوابه!
اخذتهه من ايده وچانت ساكته آني حجيت
رُقيه: شنو سؤالك؟
انتي وأختج شنو علاقتكم بالأخين.
انداريت لصوته ورايه نفس الشخص رفع الكمامه واجا وگف بوجهي. كرر السؤال بصيغه مُختلفه
شني تقربون لبيت جسار الجابر؟
ثنينا ساكتات وَدق ما تحجي إذا ما انطيها الأذن وآني اصلا ما ادري شنو ومنو هذوله شلون احجي شنو اجاوب، طگ طگ اصابعه بوجهي اردف
وگاع: ول هيوو وين راح تفكيرج جاوبي.
الاثنين منتظرين الجواب نضرتله والتوتر يقرا ألف، حمحمت، حجيت
رُقيه: أول مره أول مره اشوفهم اسمي رُقيه جابر
قبل شويه گلتي رُقيه الجابر.
وَدق: شنو الفرق بين الجابر و جابر
نفس الأسم احنا هيج نجحي
إيمار: قصدج نحجي مو نجحي توترتي!
وَدق: مُصحح إملائي لو شنو؟
انتي اسكتي جاي احجي وياها.
رُقيه: ويايه؟
لا ويا جدي السابع السابع ليش تثوليها؟ انتي منو!
تقدمت خطوه بوجه اردفت وعيوني بعيونه
رُقيه: أسمي رُقيه جابر بدر انت منو لو ما عندك جُرة تحجي أسمك الثُلاثي؟
وگاع الأشتر وگاع.
انسعقت لمن أدركت هذا نفسه ابن عدو الجسار بس ما بينت، اردفت احاول اللطف الجو قبل لا يشكك أكثر
رُقيه: مرتين وگع؟
منو وگع.
رُقيه: اقصد اسمك مرتين انذكر ليش؟
اسمي وگع؟
رُقيه: وگاع اسمك نسيت، هسا باوع ثنينا محامين وروح قلبنا النقاشات بس مو بسوالف شخصيه وأسماء مدري شني.
وَدق: هسا تطلع اخو هذاك الاسمه غريب
اي اخو نائص ما نعجبج.
إيمار: سوالفكم تعبانه انطيني السويچ خل امشي ما انتظركم حتى تخلصون نقاشات أخذنا الجواب وهذا هو شبيك لازگ وانتي شبيج تصنفين على اسمه اسمه وگاع على أسم جدنا اذا عندج بروبلم قدمي شكواج لله.
وَدق: وانت شبيك انفتگت علينا وشبيك تحجي مثل سيرا.
إيمار: انفتگت شنو؟ شنو يعني هاي الكلمه؟ احجي ليش ساكته
نسينا نقاشنا واندارينا الهم لزمت ودق وهذاك لزم إيمار
إيمار: انتي وهذيج المستهتره طلعتوني من طبعي شني هااي شني هل وضع هذاا
وگف السياره نزل الجامه واردف بإبتسامه
وَتان: بعدك بسم الله عليك يا الله اول نهار بصراوي ول خااالي.
وگاع: إيمار روح للشُقه بسيارة وَتان
راح وهو ما عاجبه الوضع بس انجبر اندارلي اردف.
رُقيه جابر بدر اسمج؟ يعني ماكو اي صلة قرابه بينكم؟
رُقيه: امبلى أكو بس دا اچذب عليك.
شنو تريد وليش تسألنا.
هز راسه بالقبول وما جاوب راد يمشي وگفته وحجيت
رُقيه: معلومات حسابك البنكي اريد أحول فلوس الكفاله.
هز راسه متعجب بعدها انطاني ضهره يمشي للسيارة، اردف
وگاع: 67 23 6 0772 رقم الواتساب
ادزلج المعلومات برساله بعدين.
رُقيه: دقيقه شنو اخر رقم ما لحگت احفظ
0772 6236
اندارلي واشر بإيده واعصابه بخشمه يحجي.
سبعه سبعه اخر رقم هو سبعه.
صعد سياره رياضيه اخر موديل وانطلق بكُل سرعته. سجلت الرقم بأسم ابو كمامه. وَدق هزت ذراعي وتأشر بعيونها درت وجهي
شفت الاخين بالسياره ينتظرونا من بعيد
وَدق: شنو راح يصير هسا هذوله مراح يسكتون.
قبل لا اجاوب اجتني رساله ومحتواها چآن.
هِلال
طلعت بعد الضهر من الشركه فورا على المركز
بالطريق اتصل بيه عَزّآم جاوبته.
هِلال: الو ها خويا جايه للمركز
ليش شكو ماكو شي بوجهج لبيت المزرعه.
هِلال: شني ماكو شي چآ اخونا مو محتجز.
بعشر دقايق طلعناهم لا يضل بالج ولا تماطلين فورا على بيت المزرعه عزّهَ وأريم واصلات قبلج وآنا بالطريق من اوصل أريدج موجوده خوش؟
هِلال: خوش و، الو؟ Cok güzel çok انت تقفلها بوجهي وآنا احسها ضربه على وجهي، عزاا بعينك أبيل.
قفلها بوجهي كالعاده غيرت الطريق وفورا على بيت المزرعه انوب حتى إذا تأخرت اترزل.
وصلت بعد ربع ساعة عاينت الوقت 3: 30 العصر، نزلت من السياره مشيت للباب، من بعيد ابتسم بشوفتي وبادلته الإبتسامة، سلمت
هِلال: السلام عليكم عمو صالح شلونك
بخير من شفت هل وجهج بنيتي انتي شخبارج شلون صرتي؟
هِلال: نگول الحمدلله. عمو هذا سويچ سيارتي خل يبقى يمك وبشر عزام ما واصل صح؟
جيبي بنتي والسيد عَزّآم واصل من خمس دقايق.
هِلال: عزاا بعينك أبيل، چآ ليش ما تحجيي
ركضت ركض للبيت فتحت الباب دخلت عفت ملفات الشُغل عالميز عفت جُنطي والموبايل بالصاله، عبرت مشيت بالممر واسمع صوته يصيح عليهن بلعت ريگ وفتحت الباب
عيونج خليهن عالهدف أريم عالهدف.
أريم: والله عالهدف هياتني مغمضه عين ومفتحه عين.
عيونج المُهيمنه اي وحده بيهن؟
أريم: نسيت والله اعتقد الأيسر.
ضل ساكت يخوزر بيها، اما عزّهَ تصوب وتخلص مخزن، ترجع تركب مخزن ثاني وكلها تجي بالهدف، چان منطي ضهره للباب صرخ فزينا آنا وأريم.
عَزّآم: شني منتظره مااا تدخلين ست هِلال
دخلت ركض شلت النضاره لبستها بعيني اخذت السلاح الخاص بيه وخطيت خطوات بإتجاه وگفت گدامه وهو ورايه مد ايده رفع أيدي بمستوى الهدف اردف
عَزّآم: العين المُهيمنه؟
هِلال: عيني اليُمنى.
بلشي خمس طلقات بدون توقف.
بديت بيها وحده ورا الثانيه كلها اجت بالهدف إلا الرابعه.
كرري التصويب مره ثانيه، تعاي أريم
راحت أريم وراه على زاويه مخصصه بإختبار العين المُهيمنه، همست عزّهَ وهي تصوب بدون توقف
عزّهَ: الثوله ما تعرف أي عين من عيونها هي العين المُهيمنه
هِلال: اختج وگت الطگ تاخذ الحگ بس وگت التدريب تصير طرطبيسه
عزّهَ: طرطبيسه شني هِلال لا تتعلمين من هدهده شني هل مُفردات مو مال وحده سيدة أعمال.
هِلال: ول عزّهَ اذا ما تعلمت من المدرسه الهُدهُديه چآن من منّ اتعلم؟
كافي تحجن وكملن!
گلبت عيونها ودارت وجهها تكمل وآنا كذالك
خلصنا المخزن سوا شلنا مخزن جديد ركبناها سحبنا أقسام وهل مره كُلها اجت بالهدف
رجعت أريم وگفت متجهزه وعزام يدربها على وضعية الوقوف الصح.
أريم: عاين ابن عمي الغالي الوضعيات ما اعتقد تفيد يعني مثلا بالطريق وجنت راجعه للبيت فجأة يطاردوني شني انزل اوگف بالوضعيه الصح واصوب عليهم؟ وحق الزهراء يسوني غربال يسوني نيشان كُلها تتعلم على جثتي!
هو هذا إلى فهمتي من الوضعيه الصح؟
أريم: چا شني؟ هِلال شني يعني الوضعيه الصح؟ عزّهَ شبيج احجيلي.
هِلال: حتى تتعلمين التصويب بالهدف اثناء التدريت لازم توگفين صح وبعدها ان صارت مشكله واستخدمتي السلاح اول ما ترفعين المسدس تركزين على الهدف.
أريم: عزام كلامهه صح؟
دگ تلفونه شاف المُتصل ملامحه تغيرته، هز راسه ب اي وطلع يحجي برا.
الأشتر
رحت وصلنا للمكان
وگفت السياره ونزل اول واحد راح بإتجاه
اول ما وصله ضربه راشدي فر وجه ابتعد خطوه سحب أقسام المسدس وجهها عليه، اردف
الباشا: شلون غافلتك واختفت؟
سيدي الباشا والله العظيم لحگتها لحد طريق خور الزُبير ومناك صار حادث مُفاجئ
گدامي واختفى التكسي عن انضاري.
الأشتر: ابني احجي الصدگ ولا تخاف منه خاف مني آنا اخلص عليك قبله احجي المدام وين راحت؟ طريق خور الزبير وين وطريق النجف وكربلاء وين.
والقرآن ما ادري گلتلكم الحادث صار گدامي والتكسي اختفى بطريق خور الزُبير
سحبت السويج منه والباشا لزمه من ياخة القميص ويصرخ عليه
الباشا: طريق خور الزبير تاابع لمنطقة الجسار كُلها أراضيهم شلون اختفت غاادي
شعددها هناك احجي
الأشتر: ما واثق بهذا احتمال مشتريته بفلوس ويچذب.
الله ومحمد وعلى شاهد ما اجذب محد اشتراني وآني مُخلص الكم بيوم ما صرت تابع لغيركم.
الباشا: اشتر اتصل بشباب كربلاء ونجف يتفقدون كُل الأماكن الدينيه والمراقد.
الأشتر: صار.
اتصلت بيهم ومحد يدري بيها جايه الكل متفاجئ من عدم وجودها انداريتله والشاب بعده منزل راسه واگف صفحه.
الأشتر: محد شافها الكل موجود بأماكنهم
البواب بمرقد الإمام على عليه السلام ما شافها وباقي الشباب كذالك احتمال بعدهه بالبصره!
سيدي مالي دخل لا تسولي شي.
الباشا: الأماكن الدينيه بالبصره تفقدوها.
الأشتر: مقام الإمام أحمد بن على عليه السلام احتمال تكون زايره هناك. ، واحتمال.
نظرلي منتظر اكمل
الأشتر: ما اريد اكمل يا خوفي يطلع صح
الباشا: شعدهه بمنطقة الجسار، اذا طلعت مثل ما شاك بيها موتها على أيدي. موتها على أيدي
رجع السلاح بضهره ورجع للسيارة
الأشتر: امدا حظج سجيوا
شنو يصير بيه شني تعوفوني هنا؟
انداريتله وشمرتله السويج.
الأشتر: السياره سيارتنا وبيها GPS لا تحاول تتغابه المسا ترجعها للگراج وتجيني عندي كلمتين وياك.
عفته وصعدت جان يدخن نظرلي اردف
الباشا: شني صار على الموضوع اخر رساله؟
الأشتر: هم طلع چذب والمكان جان منطقة ببغدادا منطقه طلع يجذب مثل عادته.
الباشا: الموروثه الوحيده للجسار هي الراح توصلني لآيدا ماكو غيرها.
الأشتر: محد شايف وجهها محد يتعرف عليها حتى على سَند يوم شافها چانت مُقنعه!
طلعت من المنطقه وكمل كلامه.
الباشا: وسن الجسار ابنة ام بناته المجهولات من زوجها الأول، وسن وَ جاسر الايد اليمين واليسار للجسار الإثنين نفس الولاء.
الأشتر: چا بناته الأثنين شني اسمهن وينهن؟
الباشا: هذا اكبر سر محد يدري بيهن اسمهن غير معروف حتى بسجلات الدوله مو مسجلهن على اسمه الثلاثي!
الأشتر: يا خوفي يستخدهن ضدنا يدخلهن بينا سواء بشركات إزمير او شركات البصره!
الباشا: اضل وراهن لازم نعرف بناته الاثنين منو هنن!
الأشتر: علمود هيج گلت ل وگاع يتسائل عن البنات إلى چانن بالمركز والعركه الصارت بسبب وحده بيهن!
الباشا: نَائل الجان السبب هو مُنتقم ويريد ياخذ بثأر ابوه اليوم او باچر هو السبب البنات مالهن دخل وأصلا طلع اسمهن
الثالث يختلف رُقيه جابر بدر
الأشتر: ماذا لو كانت رُقيه الجسار الجابر؟
الباشا: ماذا لو تصمت وترجع للنجف عندي كلام ويا الأدهم!
الأشتر: يا خوفي إلى ببالي يطلع صح.
ياخي كفرت خوما كفرت جانت لحظه فاصله بين الحياة والموت وهيج وصيت!
الباشا: وآنا انطيتك كلمه هَدآم ما يستحق هِلال!
الأشتر: وگاع رافض الزواج وگال مستحيل افرگ بينهم ثنينهم مثل اخوتي! شلون تريد تجمعهم يا خويا! لا تخلي الماضي يشوه المستقبل! سامحه هو ماله دخل بسبب اختفاء آيدا!
الباشا: اذا نَصار جان عايش ما چآن الجسار ياخذ آيدا أسيره ويطلعها من النار بذاك اليوم طلعها ورجع قفل الباب مثل ما جان حتى افكر ماتت وصارت رماد.
الأشتر: بعدما بحثت عن الموضوع الجوارين گالو شابين اخذوها.
الباشا: چانو نَائل و ناجي ولد نَصار
الأشتر: جاسر ناجي نائل الثلاثي ولائهم لعمهم الجسار بس نَائل مو هلگد خاصة لمن يتسودن يشوف نفسه بالمقام الأول ما يحسب حساب للجسار.
الباشا: نَائل مريض والصار اليوم ما اريده يتكرر الله ستر وما فرغ المخزن براس إيمار.
الأشتر: ول خااالي بنت الأدهم فزعتله وابني حزام ضهري شبعه دفرات ما الحگ يسوي شي.
الباشا: لا حول ولا قوة الا بالله العلي العظيم
بس كمل الطريق خل نوصل.
مكانٍ ما في البصره
عدلت العبايه على راسي وبقيت گاعده
اتمعن بتفاصيل القصر من افخم ما يَكون
مثل قصر الباشا وافخم انسمع صوت العكاز قبل خطواته دخل للصاله واثنين من الحُراس وراه لابس كفوف جلد مثل عادته ما تغير من 33 سنه
اجا وگف گدامي، اجيت أگوم أشر اگعد بقيت گاعده والخدم جابوله الكُرسي خاص حوافه منقوشه برموز غريبه ومطليه بالذهب گعد وثبت ايده على العكاز اردف.
جسار: سجى الباشا شجابج على زوجج الأول!
بلعت ريگ كلامه صح من حملت بعَزّآم جان عاقد عليه بدون علم اهلي. عدلت العبايه
سجى: تبقى أبو ابني الوحيد حتى لو زواجنا انتهى بذيج الليله.
جسار: أبو ابنج؟
اگام يفتر حوالين الكُرسي ويحجي
جسار: صح حبيتج بس ما ردت اتزوج بذاك العمر! وتزوجتج لأن جنتي راح تعوفيني اذا صار بينا شي غير شرعي وتزوجتج حتى ارضيج لا أكثر بس الصار.
سجى: الله رزقنا بولد جسار بولد وانت شني سويت؟
ضل ساكت گمت وگفت بوجه حجيت.
سجى: بسبب چم فلس جنت تحصله من شُغل التهريب تخليت عني وعن ابني الجان عمره شهر واحد ببطني! گتلك ارجع وتعال اخطبني رسمي اهلي راح يزوجوني وين انطيي وجهي وآني متزوجه، شني گلت؟
ضل مخلي عينه بعيني وساكت، اردفت
سجى: گتلي طالق بالثلاث!
جسار: الفلسين إلى تحجين عنهم اليوم صار عندي أضعاف مُضاعفه! وطلگتج لأن هذا الحل الأمثل بعدما عرفت الخاطبج يصير عدوي.
سجى: وااانت اجييت تستغللني تستغللني حتى تزررعني بين ااعداائك.
جسار: ناهد تبقى السبب الابرز هي إلى عارضت رجوعنا سوا!
سجى: لا تذبها براس فلانه وعلانه انت تخليت عن ابنك وبعد سنه رجعت تريده چي ولدته وكبر بعينك نزلت عليك حنية الابوه بعديش؟ بعدما أييهم سجله بأسمه هو عباله ااابنه صحح جان مجبور عليه بس حب ااابنك حبه وما فكر لحظه او شككك بيه بليلة زواجنا
ولا سئلني عن ذاك الموضوووع.
جسار: صوووتج لا ترفعي صووتج لا يعلى على صوتي او ما يصير خير!
سجى: وين الخيرر 30 سنه 30 سنه وآنا بنصكم لعبه بإيدكم لا ااانت وافييت ولا الباااشاا وافاالي راح حب بنيه تُركيه واخذلها مشاااي من البصره على إزمير چي نادره ماكو مثلها بنت آغاة إزمير.
جسار: شسويت بيهم لمن ناهد رفضت أخذ ابني؟
سجى: ما سويت شي وبعددك وبعددك ما مسوي شي مبقيهاا عااايشه عااايشه وهو بعده يدور لا كل ولا مل يوم بعد يوم يحبها أكثر ويتلهف على ملگاها ااكثرر خللصني منها شمنتظر شمنتظرر اااقتللها
جسار: غير اصفي على الحديده؟
بعدين اقتلها! حاليا مبقيهاا هيج احرگ گلبه
مثلما اخذو ابني اخذ ولدهم منهم الاوتاد الثلاثه كُل واحد بيهم راح يخسر أبن ما يبقالهم وخل نشوف شلون يندهولهم ولد الباشا.
سجى: جسار اذا تريد تخلص على شخص خلص على آيدا وبنتها هِلال خللصني منهن
خلصني من شرها وشر ااامهاااا.
جسار: حتى انتي مو بريئه بما فيه الكفاية
حتى أنتي وگفتي بصف ناهد رفضتي ترجعلي وترجعين ابني 30 سنه واني محروم من أبني. ما اشوفه إلا من تصير مشكله ويجي يهد على ولد عمه النَصار!
سجى: أنت انت المسؤل ليش تخليت عني وعن ابنك ليش؟ علمود هذا الثراء الفاحش؟
ههه حتى وريث يورثك ماكو چي ما حافظت علينا.
جسار: بتراء هي الوحيدة اللي راح تورثني.
سجى: قصدك بتراء هي إلى راح تبترك هي إلى راح تجيب آخرتك، خليت نائل يقتل أمها
شلون تورثك شلون تمشي بكلامك!
جسار: نعالجها عقلها تحت تصرفي كُل يومين ابرا لحدما تفقد الذاكرة وابلش ازرع ذكريات بكيفي ازرع كلام بكيفي بدماغها
گعدت ما مستوعبه الحلول إلى عنده گعد بكل ثقه گدامي، اردفت
سجى: آيدا من شوگت تنطيها نفس العلاج؟
جسار: من خمس أشهر بلشنا وياها.
سجى: والسنين الماضيه شلون مرت؟ 18 سنه مو قليلة.
جسار: صايره تسئلين هوايا!
سجى: لا تخاف مني خاف من الموجوده بين ايدك خاف من بناتك، شلون جنت تتحكم بيها؟
جسار: غرفه منعزله منوم 12 ساعه ومن تگعد تخلصها بچي ومناداة بأسم إيمار.
سجى: هي شايفتك من قبل؟
جسار: لا ما شايفتني بس قبل خمس أشهر سمعوها تحجي ويا نفسها وتگول جسار نائل ناجي جسار بعد ذاك اليوم بلشنا العلاج حتى تنسى اسمائنا.
سجى: شلون هسا هي ناسيه كلشي!؟
متذكره زواجها أطفالها متذكره الباشا؟
جسار: بس تنادي إيمار ما متذكره غيره
وبعد ننتظر اذا تذكرت اي شخص ثاني
نستمر بالعلاج لحدما تنصاب بالزهايمر.
سجى: خلصلي عليها وشتگو آنا جاهزه معلومات عن الشغل أسماء مصافي مشاريع كُلها اجيبهن تحت ايدك!
نضرلي ومستغرب هز راسه
جسار: حاليا افكر بموضوع اذا ما استفاديت منها ومن تواجدها استخدم ورقتج.
هنا أدركت الكل مثل لعبة الشطرنج بساحته اهم شي مصالحه گمت عدلت العبايه على راسي أشر للحرس.
جسار: توصلونها للنقطه ومناك توصلونها على مقام أحمد بن علي
سجى: ارجع للبيت گلتلهم رايحه زياره امام على عليه السلام
جسار: الباشا دور وراج بالنجف والكربلاء واذا ما لگاج بمقام ديني وبالبصره يتأكد شكوكه! امشي ومثل ما گتلج بكلمتي!
سجى: تمام.
أشر للباب
جسار: تفضلي مدام سجى الباشا.
مشيت گدامه والحارس رجع شد عيوني مثل ما جابوني اول مره. وبعد ما شفت دربي لحدما وصلنا لموقف التكاسي ومناك على المقام.
يَقين
وصلنا للنجف على بيتنا والوقت عصريه
جنت بالمطبخ دخل يعدل الجاكيت حظني من ورا اردف.
الأدهم: يَقيني لازم اعوفچ واروح لبغداد.
يَقين: أدهم شعندك ببغداد؟
الأدهم: اجتماع شغل.
يَقين: تروح ويا اخوانك؟
الأدهم: لا وحدي شغل خاص.
انداريتله وبعده حاظن خصري اردفت
يَقين: أدهم شني هل شُغل الخاص! انتو الأوتاد الثلاثه شُغلكم سويا شلون شغل خاص!
ضل ينظرلي حاير بالجواب
يَقين: أدهم!
الأدهم: يَقيني.
يُما شصار وياج وي.
متصنم بمكانه يعاين علينا نزل عيونه اردف
علي سَند: وكملو كملو نعود بعد قليل
ابتعدت عنه وهو يمسح على وجه اردفت
يَقين: على سَند ماكو شي جنا نحجي بأمور الشُغل والله
علي سَند: امور شُغل يُما وبهيج وضع احم؟
الأدهم: شعليك ابني امك وابوك احنا شعليك تحاسبنا؟
علي سَند: لا يابه وحگ العباس ما احاسب
بس عاين يعني شني هاي امي وهذا مطبخ مو غرفتكم
أدهم خزره وتقدم بخطوات بطيئه وعلى يتراجع للصاله.
الأدهم: ها ولك ويامن جاي تحجي تعلمني لو شني؟
علي سَند: أبي الغالي فاهمني غلط جنت جاي اخذ وجبتي واطلع أولي على غرفتي
سلام.
دقيقه ما وگف فورا صعد الطابق الثاني وادهم يصيّيح وراه، واحد يغار من الثاني عليه ومحد يعترف بغيرته
الأدهم: خو تنزل ما تبيت غادي خل اشوف شلون تحاجيني بهل صلافه.
يَقين: ادهمم خزيتونا شبيكم عوفه يمعود عوفه.
الأدهم: ابنج صاير بطولي اادبي شويه اادبي.
يَقين: يااا حظي الشايب والشاب نفس العقليه.
اندارلي موسع عيونه يأشر على نفسه ويكرر
الأدهم: يَقين گلتي عليَّه شايب؟ گلتي عليَّه شاايب؟
يَقين: لا حبيبي ابويا شايب وحاتم شايب منو شايب انت بعمر 27 مثل ما اول مره شفتك وعلى السَند. ابو بيتي شلون تشيب
شلت الصينيه واجيت اعبر من يمه لزم ذراعي يرجعني، اخذ الصينيه خلاهه عالميز
الأدهم: اصبغي عيني اصبغي شيرجع الحجايه الطلعت من حلگج!
يَقين: يااا حظي شو وخر شهل مراهقيه مالتك اادهم.
الأدهم: ابنج ادبسز وطلع من ايدي على الأقل اربي أمه.
يَقين: يااا حظي تحجي صدك يمعود وخر.
رُقيه
وصلنا للبيت والاخين موجودين ثنينهم گامو تقدم ناجي يصرخ ويسب
ناجي: ااابن الأشتر شني سألللج اااحجي
يا كلبه يا حقيره
رُقيه: لا تصرخ نسمعك!
وَدق: بس لا كبت الغيره عندك وتغار؟
نَائل: انتي أنچبي دحتي وتصادقين ابن الأشتر!
وَدق: شنو ابن الاشتر تخبلتو ما اعرفهم منو هذوله ااصلا.
ناجي: وگاع، وَتان، شهل صدفه واو الچبيره تذب ميانه ويا الأخ الأكبر
نَائل: والزغيره ويا الأخ الأصغر!
رُقيه: اااحجي باحترااام مو احنه الندخل بعلاقااات مُحرمه اااحجي بإحتراام
ناجي: وگاع شنو سألج! جاااوبي لا اااتخبل عليج وواااالله.
رُقيه: سئلني عن اااسمي الثلاثي ومااا گال شي ثاني.
نَائل: مثللل مااا توقعععت گتللك ال مو سهل.
تقدم بوجهي وگوه متمالك اعصابه، يحجي
ناجي: شنو چان جوابچ رُقيه! شنوو چاان جوابچ
رُقيه: گتله اسمي المعروف رُقيه جابر بدر
نَائل: صدگج؟
وَدق: اشو احس ولد الاشتر مخوفينكم!
هجم عليها يسد حلگها ويمرد بوجهها
نَائل: اااكلي وانچبي حيواانه ما يخووفون چلبي.
رُقيه: عووفهه شييل ااايدك حيواان ابن حيوان ناجي خل يعووفها او ما اطلع وياااك شبر برا البيت
فعلا راحله سحبه وآني لزمت وَدق إلى وجهها صار احمر وخدها انجرح من أثر الخاتم إلى بإيده
وَدق: يخووفونكم ولد الأشتر يخووفوونكم جبااان والله جبااان ومرريض
حاول يرجع عليها خليتها ورا ضهري
نَائل: وَدق موتج على أيدي اذا ما تنلصمين!
اجت حبوبه والعكاز بإيدها بكل قوتها ضربته على رجله
سُعاد: داللعن ابو ابوك بگبره شلون تمد ايدك على وَدق يا جريذي يا متسودن!
نَائل: سُعاد خليني محترم شيبچ لا وحق الله.
رُقيه: اااحجي بأدب واحترام وياااها نَااائل
ناجي: نَائل روح على شغلك نلتقي ب بغداد
هز راسه يتوعد وطلع من البيت اندار لحبوبه
ناجي: سُعاد رُقيه تروح وياي على بغداد.
سُعاد: وشني اقبل اكيد لا تأكل نعل وما تاخذها.
ناجي: مجاي اخذ رايج مجرد انطيج خبر عبن لا تنتظريها راح نتأخر لحد الفجر!
سُعاد: يول اخلص عليك وعلى اخوك المريض شني تاخذها لبغداد وما ترجع لوجه الصُبح.
وَدق: اختي مو سايبه حتى تفُر بيها على الملاهي والديسكوهات مالتكُم!
آني راضيه اروح وياه.
ثنينهن عيونهن عليَّه
سُعاد: لااا تصيرين عررمه!
وَدق: رُقيه رجع هددج بيه؟
نزل دموعها وراحتله تحجي بدموع وتدفع بصدره وهو واگف ما تحرك من مكانه.
لأن وَدق ناعمه مو قويه حتى تگدرله
وَدق: ااالله ياخذك اانت واااخوك النعال ااالله ياخذك ويخلصنا من شرركم تهددها بيّه ماا؟ تهددها بييَّه.؟
شهگت مفزوعه لمن سحبت السلاح من خصره خلته براسهه والدموع ماليهَ عيونها.
البتراء
گعدت من النوم راسي خفيف الوجع مختفي
الصبح شنو اخذت حتى هيج الوجع رايح احس ماكو اي شي افكر بي اعصابي هاديه
وجسمي مرتاح باوعت حواليه ما تشبه غرفتي إلى بروسيا لزمت راسي احاول اتذكر
بتراء: ليش ما اتذكر هوايا تفاصيل
ليش راسي مابي اي تفكير.
كلشي مثل الحلم والصور مشوشه ضغطت على نفسي حتى اتذكر والشي الوحيد إلى تذكرت بوضوح مقتل ماما فزيت اصرخ
واناديها
بتراء: ما ما قتلهاا يااا االله قتلهاااا.
گمت افتر بالغرفه ولازمه راسي احاول اتذكر البارحه شصار واحداث روسيا شنو چانت
تكرر صدى صوت شخص صورته مشوشه بعقلي.
هيه كلمتين الأولى وين مكانها والثاني نادي بأسمي احررج واضمچ بعيوني منهم.
بتراء: هيه كلمتين الأولى وين مكانها والثاني نادي بأسمي احررج واضمچ بعيوني منهم هيه كلمتين الأولى وين مكانها والثاني نادي بأسمي احررج واضمچ بعيوني منهم.
افتر بالغرفه واكرر نفس كلام الصوت إلى براسي لاحظت گلاده بنحري لزمتها اقرة المكتوب. علي السَند
قربتها من شفتي بستها واردفت
بتراء: الله وياي وعلى السَند.
دخل بدون سابق إنذار يمشي وخطواته مو متوازنه وبإيده علبه كارتونيه شمرها عالچربايه اردف
جاسر: بعد الصار البارحه أسلوبي راح يتغير للأسوء بتراء.
بتراء: باوع بروحك خطواتك مو ثابته بعدها عود هددني والبارحه شنو صار ليش ما اگدر افكر بشي ليش كلشي مشوش بعقلي؟
ضل ينظرلي وساكت بعدها تقدم سحب ايده بعنف ويرفع ردن التيشيرت
بتراء: شييل ايدك شتسوي شييل ايدك
نزلت عيوني لمن خله ابهامه على الوريد إلى صاير داير مدايره ازرگ يمرر ابهامه عليه ويحجي
جاسر: منطينج ابرا بتراء منطيينج ابراا
سحبت أيدي منه وابعدت
بتراء: تسوي روحك ما تدري بشي؟
ابرا شنووو انطيتووني ابرا شنو الله يلعنننك ويلعننهم.
للزم أيديا يحاول يقيّد حركتي
جاسر: ما چنت وياهم والله ما چنت وياهم.
بتراء: كاافر ابن كاافر تريدني اصدگ بييك
وااحد حقيررر والحرااام طبعك تريدني اصدگ بييك.
ما گدرلي گام ضربني راشدي اذني صوفر ضليت صامده ما انطيت اي رد فعل سحبني لحظنه يتأسف
جاسر: اسف والله انتي تجبريني امد أيدي عليج.
ابتعدت وتفلت عليه
بتراء: تفوو عليك وعلى اسفك واحد حقير
ما ناسيه تفصيل واحد يخصك ماا ناااسيه تهديداتك بإغت ا ىي كلما اباوع بوجهك الخايس اتذكر يااا.
جاسر: مستحيل ااذيج بس ردت تخافين مني.
بتراء لا تسوين هيج وتخليني اتخبل عليج وااذيج!
بتراء: مااا تهز شعره مني ما تخوفني بتهديداتك
راح للچربايه طلع فستان من العُلبه
جاسر: عدنه حفله المسا ولازم تحظرين.
بتراء: احظر حفلة ااحظر حفله بشهرر محرم!
جاسر: ادري منينلج كُل هل ديانه لا حشمه ولا حجاب وبنص ناس عايشه بالحرام!
بتراء: بعمري ما تصلخت بإرادتي ااانت السبب وجسار السبب تلبسوني هيج وسخ
ما اجي وياك محد شايفني ولا أريد ادخل بعالم شغلكم القذرر.
تقدم بإتجاهي اردف
جاسر: اليوم الكُل راح يتعرف على الموروثه الوحيدة للجسار. حفلة إعلان شراكه وإعلان الموروثه.
صدمني كلامه الجسار شلون راح يخطي هيج خطوه شنو إلى خلاه يعلن عني ك موروثه اله، كل إلى اجا ببالي خواتي احتمال اذا رحت للحفله اقترب من ملگاهن، خطوه
بتراء: تمام راح اجي للحفله بس بشرط!
خلى ايده بجيبه واندارلي بكامل جسمه اردف
جاسر: تم شنو شرطج؟
بتراء: زيارة اربعينية الإمام الحسين عليه السلام بعد باچر اريد امشيله ويا المشايه!
جاسر: شهل جهل شهل غباء العندج وشلون عرفتي اربعينيته! بس يلا تم شنو بعد بس هذا؟
بتراء: عرفت من التقويم وماكو غيركم اهل الجهل والغباء، واريد عبايه البسها.
جاسر: وهذا شنو؟
اخذت الفستان وما جاوبته اردف ورايه
جاسر: تمام اوصيهم يجيبولج هذا الشسمه.
تجهزي ولا تأخرينا.
طلعت من الحمام بعدما تأكدت راح وقافل الباب، ضليت افتر محتاره إلى سويته صح لو غلط تهور لو شجاعه.
رُقيه
نزل دموعها وراحتله تحجي بدموع وتدفع بصدره وهو واگف ما تحرك من مكانه
لأن وَدق ناعمه مو قويه حتى تگدرله
وَدق: ااالله ياخذك اانت واااخوك النعال ااالله ياخذك ويخلصنا من شرركم تهددها بيّه ماا؟ تهددها بييَّه.؟
شهگت مفزوعه لمن سحبت السلاح من خصره خلته براسهه والدموع ماليهَ عيونها.
رُقيه: ودددق لاا شتسوين يا روحي شتسوين ود ودق دخيلج انزلي المسدس
ناجي: وَدق جيبي السلاح لا تصيرين غبيه.
منطيه ضهرها للباب وتتراجع ببطئ
وَدق: وخر االله ياااخذكم آني السبب تجبرهاا تسمع كلامك تهددهاا بيه تهدد اختي بيه خل انهي السبب تا اشوف بشنو تهددهاا بعد
رُقيه: وَدق بغلاة أُمنا عندج لا تسوين هيج ودق
غمضت عيونها حتى تصوب ما حسينه إله نَائل ركض من الباب لزمهه من خصرها ونزل السلاح شمرهه ل ناجي وقيد اديها يحجي بصف اذنها
نَائل: غبيه بنت غبيه شهل تَهور شلون تهددين نفسج بالقتل؟
وَدق: حيوااان اابن حيوااان وخر لااا تلزمني هيج چلب ااابن چلب.
صار يبتسم بطريقه ماكره
نَائل: احم تمام راح اوخر
گال هيج ودفعها عالارض ما لحگتها وگعت
كنبصت حظنتها، نَائل اردف
نَائل: حظج گاعد وانقذت اختج. ها سُعاد ماكو شكرا؟
سُعاد: تاكل نعل وما اشكرك يا نذل
ناجي: تمام شنو الرجعك مو گلتلك فورا على بغداد!
راح للميز شال تلفونه، اردف
نَائل: نسيت موبايلي، سلام
گالها بطريقه استهزائيه وطلع.
ناجي: رُقيه كافي تأخير لازم نمشي!
سُعاد: ول ناجي الچلب اذا صار عليها شي اااذا سويت شي غلط والقرآن اخلص عليك والله!
ناجي: شبيج سُعاد ترا ما رايح اتاجر بيها تجي وياي رفيقه!
وَدق: رفييقة شنووو ياا حيوان.
ناجي: جا شني اروح اخذ بنيه ثانيه تقبليها اخون اختج اافاا والله
غمضت عيوني بنفاذ صبر احاول اتمالك نفسي گمت وگومت وَدق وياي. اخذت چيس الفستان إلى جان على وحده من القنفات لزمت ايد وَدق وصعدنا.
ناجي: لا تتأخرين مفهوم.
دخلت للغرفه قفلت الباب وانداريت لوَدق افهمها خطتي.
رُقيه: افتحي مخج واستوعبي الكلام
الحفله اعتقد تخص الشركه او شراكه ما ادري بس إذا نَائل وناجي متواجدين معناها جسار وجاسر كذالك واذا الاربعه موجودين بتراء هم يجيبوها. ما يبقوها بوحدهه!
وَدق: بس شلون راح تعرفيها ومنو گال يخلوها تحظر اكيد يسجنوها بشي غُرفه!
رُقيه: ما ادري وَدق بس المهم لازم اروح وياه واعرف طبيعة شُغلهم وادخل بينهم!
اخذت الفستان ودخلت الحمام بدلت بسرعه وطلعت
وَدق: الفستان حلو شوكت لحگتي تشتريه؟
كلشي جان بإستعجال اتجهز وارد عليها
رُقيه: ناجي النذل اشتراها اخذني للمول إجباري جيبي التراجي الكرستال العندي
اخذتها من ايدها ولبستهن بلشت بمكياج
بارز مال سهرات وآني عيوني عسليه طلعت بيرفكت بهل اثناء وَدق شسورت شعري وبرمته بطريقه حلوه. لبست الكعب وگفت اباوع بروحي
وَدق: يمه فدوه تخبلين عين الحاره بارده.
دقيقه اجيبلج جنطه مناسبه على اللوك.
راحت تدور بين أشيائي طلعت جنطة يد صغيرة كُلها كرستال ابيض تناسق ويا المجوهرات
وَدق: اانغرررمت دقيقه اصورج للذكرى
يجي يوم ونباوع عليهن سويا ويا خواتنا
حاولت ابتسم على كلامها اخذتلي صوره
ونزلت بسرعه صوت الكعب موتني شگد اكره بس حلو والبسه علمود الاناقه نزلت اخر پايه واندارلي والجگاره بين اصابيعه زفر الدخان
وضل صافن.
سُعاد: خاايبه شني هيج تطلعين وعلى يموتوج بعين وخلي ببالج ما احاجيج لأن ما سمعتي كلامي!
عفت ايد وَدق ورحت حظنتها همست باذنها
رُقيه: حبوبه ادعيلي وَدق راح تفهمج كُلشي
ناجي: رُقيه امشي تأخرنا
حبوبه غمضت عيونها وفتحتهن ك علامة قبول بست راسها وطلعت ويا ناجي وما ادري شنو ينتظرني بهذا الطريق. طول الطريق
ساكتين إلى أن اردف.
ناجي: بدون نيه وسخه والله.
رُقيه: ما فهمت.
ناجي: طالعه تخبلين بنت الجسار تخبلين!
رُقيه: باوع گدامك لا اشلع عيونك.
ناجي: اوف شگد لسانج عنيف
ضل يضحك ما ادري على شنو واني ساكته وكارهه نفسي لأن وياه.
البتراء
دخل جاسر بعدما تجهزت جان مثل كُل مره الفستان فاضح واللون أسود تقرب للمرايه وگف ورايا
جاسر: وشيلي هذا السلسال من نحرج مخرب مضهر الفستان.
بتراء: مو شغلك ومالك علاقه، شوگت نمشي؟
هز راسه وطلع قطعة قماش اسود، اردف
جاسر: مو قبل لا أشد عيونج.
بتراء: تريد تقشمرني وتخرب الكُحله وخر ما اريد اغمض عيوني واطلع.
جاسر: رغم نچره بس بيج طبع طفله
ما واثق بيج امشي گدامي.
عاف القماشه مشيت گدامه وتقرب غمض عيوني بإيده اردف
جاسر: امشي هيج بتراء ما ناقصني مشاكل وبا جسار.
هزيت راسي وآني بس اريد اطلع واشوف تاليهم وين يوصلون حسيت وصلنا للسياره صعدني واردف
جاسر: غمضي عيونج ولا تندارين للجامه مفهوم؟
سكتت ما جاوبته سمعت صوت الباب شغل السياره اردف
جاسر: بس نطلع من المنطقه ونبتعد عن البيت أگلج فتحي عيونج تمام؟
مر دقايق يسوق بسرعه وبعدها اردف
جاسر: افتحي عيونج هسا.
فتحت عيوني الطريق ضلمه احتمال منطقة زراعيه بعد أكثر من ساعتين وصلنا على مدينه غريبه او مكان غريب كلشي ما اعرف عنها او احنه وين متوجهين سألته واستغربت شلون حجالي
بتراء: احنا وين رايحين وليش هلگد بعيد؟
جاسر: رايحين على بغداد.
بتراء: بالبصره؟
جاسر: لا بغداد مدينه بوحدهه عاصمة العراق.
البچيه وگفت ببلعومي من الحرج سنين وآني عايشه بعُزله لا اعرف اسماء المدن ولا شايفه أماكن عامه حتى دراستي جانت اساتذه خصوصين بغرفتي.
جاسر: بتراء ليش ساكته.
بتراء: شوگت نوصل؟
وگف السياره گدام فندق فخم
جاسر: وصلنا.
نزلت بعدما فتحلي الباب تعامله متغير وياي او احتمال لان الوضع خاص اليوم، دخلت ويا مشينا للقاعه المخصصة للمناسبات اول ما دخلت شفت كومه ناس الكل صفگ بحراره يرحبون بيه بس إلى استغربت منه ماكو اي كامرات اي إعلام شلون يعلن بدون إعلام!
بتراء: وين الإعلام؟
جاسر: حفلة خاصه بالشركاء القُدامه والجُدد ماكو اعلام بمجال شُغلنا كُلشي يتم إعلانه يكون ضمن الحدود!
نظرت للجسار الجگاره بإيده ولابس كفوف جلد والعكاز المشهور مالته مثبته تحت قبظته
لحظات ودخل ناجي ويا بنيه مرتبه وجهها يضوي من الجمال فز گلبي بحيث شهگت وجاسر نظرلي بتوتر ونضر لناجي.
جاسر: شبيج شصار
بتراء: ماكو شي. منو هاي إلى اجت ويا ناجي؟
جاسر: صديقته.
بتراء: شسمهه؟
نظرلي بعدها اردف بهدوء
جاسر: اسمها رونق
درت وجهي شفت ناجي أخذها برا القاعه وبعدها الانضار اتجهت على الباب لمن البواب اردف
---: السيد وصل.
جسار: خلو يتفضل.
انفتح الباب ودخلو حُراس ثنين گدامه وثنين وراه وهو بالنُص رجال بالخمسينات عمره
بكامل اناقته يمشي وخطواته ثابته بكل ثقه
عدل ساعته وبعدها اجا يمنا وگف گدامه ما سلم إلا لمن جسار مد إيد يصافحه اردف
جسار: اهلاً بالوتد الثاني.