رواية ولد الباشا للكاتبة فاطمة الأحمد الفصل التاسع
ال عزهَ
صعدت للطابق الرابع قسم الإجتماعات وكل الأنظار عليهَ الموضفين كُل ثنين يهمسون لبعض.
- بنت الأدهم الباشا هيهَ إلى راح تعقد الاجتماع؟
-: احتمال لأن الأدهم باشا رئيس مجلس الإدارة
- شباب بتوقع المسيو العصبي بآخر لحظه يدخل وبياخد منها الاضواء مثل عادتو
وگفت عدهم والكل سكت عاينت بجوههم اردفت بهدوء وهذا أكثر اسلوب يربكهم
عزهَ: بعد الإجتماع ثنيناتكم تجون على مكتبي.
عفتهم ودخلت لغرفة الاجتماع.
عزهَ: مرحباً للجميع نبدي الإجتماع، ميس جهزي النموذج.
- السيد الوالد ما يحظر الإجتماع.؟
درت وجهي اله جاوبته بهدوء.
عزهَ: No عنده أمور اهم.
--: إذا السيد عزآم يحظر؟
عزهَ: أيضا No ما فارغلكم مثلي. يلا نبدي
بديت اشرح نموذج العرض بعد رُبع ساعه
دخل للغرفه بستايله الغير رسمي يبدو مو جاي من البيت غلست عليه كملت.
عزهَ: يتم العرض بأكثر من مدينه بالشرق الأوسط ويتم عرضها للمره الأولى في إزمير
من خلال...
تدخل بالشرح واخذ القلم من إيدي أشر اگعد بمكاني.
عزآم: يتم البدء تصحيح يا آنسه عزّه. يَتم البدء بالعروض الرسميه في إزمير من خلال الفرع الرئيسي من مجموعة شركات AAB التسويقه من خلال أكبر منصات العرض والبث المباشر على صفحات الرسميه للشركه.
ما لحگت اجاوبه دخل ابويا والكل گامله أشر الهم يگعدون وگعد هو بكرسي الإدارة. رحت گعد على إيده اليمين همسلي
الأدهم: انقذج مثل كل مره.
عزهَ: إنقاذ شني بس جنت ناسيه هاي النقطه بالعرض.
ابتسملي يهز راسه. اندارينا نشاهد العرض
كمل الشرح واردف
عزآم: ساده الحظور الإجتماع خلص وهذا جان العرض راح يجيب مبيعات عاليه خاصة
العرض الرئيسي بإزمير.
--: متى العرض.؟
عزهَ: بعد يومين.
عزآم: لا عزيزتي تغير الموعد. بعد أسبوع
انتهى الإجتماع.
گالها واجا بصفي عاف القلم عالميز.
و كمل بخطوات كلها ثقه وغرور فتح الباب، طلع بدون لا يسده، أعضاء الإدارة والعملاء طلعو بقيت وحدي ويا ابويا
عزهَ: يابه جنت تعرف عمو أيهم مغير الموعد؟
الأدهم: چآ شلون ما اعرف غير شُركاء؟
بنتي أبن الأيهم غير الموعد هو مدير التنفيذي لشركة إزمير.
عزهَ: لا يابه يعني هسا كُلنا نمشي بكلام هذاك المتسودن.؟
الأدهم: عزهَ. الشركه تريد تقدم شي ما صار بكل تأريخ عالم التسويق، وشركة إزمير راح تكون البوابه الرئيسيه للعالميه وتحتاج وقت حتى العرض يجهز بإزمير بس يخلصوها ينعرض بعد اسبوع.
كمل كلامه وگام يطلع وآنا وراه احجي. بهدوء ما ابين معصبه.
عزهَ: OK بس ليش آنا اخر من يعلم؟ بعدين اريد اتواصل ويا المتسودن ما يجاوب
الأدهم: أبيل أبيل اسمه عيب من عمچ هيج تنادين ابنه.
عزهَ: واحد عصابجي وجاي بدون اللبس الرسمي والثاني يلبس رسمي بس هم عصابجي يابه شنو چآن صار لو هدآم متولي شركة إزمير؟
دخلنا مكتبه سديت الباب اردف وهو يفتح الجاكيت.
الأدهم: كُلنا نُعرف السبب بعدين اخوج الثاني هو مسؤول عن نقل شُحنات البترول من مصافي إزمير على أوربا. وشريك ويا بيت الحجي بشركه إزمير للتسويق الإقتصادي.
عزهَ: يابه هو الوحيد إلى عليه علامة استفهام هو يمشي عدل مو مثل عزام وأبيل و وگاع.
الأدهم: جنت راح أگول وگاع سلم من لسانچ
عزهَ: هو هذا اكبر عصابجي بس مسوي روحه سايق عمي يتوددله وحگ العباس.
الأدهم: لا حول ولا قوة الا بالله
گعد على مقعده ويشتغل عالمشروع الجديد
عزهَ: يابه منتبهلي مو؟ الاسبوع الجاي عدنه اجتماع مهم ف شلون نرهمها؟
نظرلي اردف
الأدهم: الإجتماع ينعقد الصبح ساعه 10 واحنه طيارتنا ساعه 4 العصر عزام موجود يساعدج وبعدها تسافرون ورانا على إزمير.
عزهَ: NO مستحيل بنفس الطياره.
الأدهم: چآ يروح حقج بالعرض
عزهَ: تعرفني كلشي إلا شغلي.
الأدهم: بس اريد افهم ليش حاقده عليه؟
قبل لا احجي دخل للغرفه حتى باب ما يدگ
عزآم: عمي الإجتماع الثاني تفضل حتى نبدي.
عزهَ: وآنا.؟
دار عيونه بالمكان حك طرف خشمه ابتسم ابتسامه خفيفه اردف
عزآم: انتي ابقي هنا هسا نطلبلچ گهوه اشربيها وانتظرينا.
الأدهم: امشي لا تزيد النار حطب
عافوني وطلعو افتر بالمكتب وارفع شعري متعصبه إلى أعلى درجه من اسلوبه المستفز.
عزهَ: ياا الله شلون ويا هذا
حتى ابويا صاير ينحاز لطرفه.
طلعت من مكتب ابويه ورحت على مكتبي عبرت السكرتيره اردفت
عزهَ: بسرعه أطلبي هُدى وناصر على مكتبي وجيبي شغله ثانيه وهي.
- تمام آنسه عزهَ
دخلت للمكتب فتحت موبيلي بعد وگت على موعد وصوله گعدت وانطيت ظهري للباب لحظات ودخلوا الاثنين وحده من الموضفات بقسم الإجتماعات، لبنانيه
--: Miss عزهَ والله مش بئصدي
- Miss عزهَ طلبتيني وياها.
فريت الكرسي مخليه رجل على رجل شمرت چيس حَب الشمس عالميز
عزّه: ما تحلى السوالف إلا ب حَب شمس
اگعدو خل نسولف. Sit down Sit down
يا حلوين
فعلا گعدو واحده يعاين على الثاني ثنينهم متوترين فتحت الچيس
عزهَ: نسينا نجيب كاسات ايدكم حبايب
كل واحد شوي وگعدت تكرز حب شمس وافر بالكرسي
عزهَ: ناصر شني صار الصبح بقسم الإعلان
دريت جم واحد مختلفين وانت بدال ما تنهي الخلاف صبيت بانزين.
- Miss والله عظيم جان صوچ موضف قسم التصوير
عزهَ: ارجعلك بعدين، هداوي شني رايچ بالمسيو العصبي؟
--: مش فاهمه عليكي وامنا العذراء
عزهَ: عايني هسا انتي حلفتي چذب بالسيده الطاهره صح ناصر؟ بكُل الأديان الحلفان الچذب خطيئه چبيره.
--: مافي مشكل بعتذر منك ومنها
عزهَ: ناصر زميلتك تسودنت ذبت ميانه ويايه ok بس مال تذب ميانه ويا السيده الطاهره No
--: Miss عَزه لي هيك ريلاكس وترتيني.
عزهَ: ما گلتي شني رايج بالمسيو العصبي؟
--: مسيو عزآم معئد ومش رايئ طول الوقت بس سبايسي وشخصيتو نااار.
عفت الگشور والحَب شمس عالمكتب ضليت أعاين عليها.
--: Miss عزهَ في شي.؟
عزهَ: لا مافي شي.
- Miss ما جنت ضمن الحديث الدار قبل ساعه بقسم الإجتماعات ممكن تعفيني من العقاب
عزهَ: هُدى.
--: نعم Miss عزهَ
عزهَ: راح يتم نقلچ على قسم الإعداد.
--: Miss وامنا العذراء مش هيتكرر الصار مش هيك بليز انا مش خبيرة بهيدا القسم بليز Miss بليز.
عزهَ: والله مشكلتج احنا بشركه مو بحارتج
ودگ سوالف وفعاليات وتوقعات.
- Miss آني مالي دخل جنت واگف بدون ما احجي والله.
عزهَ: ناصر ممنوع من الإجازات لمدة شهرين. تشتغل بقسم الإعلان اربع ساعات وست ساعات تصير مُساعد السكرتيره مالتي خوش!
- Miss چا وقسم الإجتماعات ما اللحگ شلون.
عزهَ: چا شلون لحگت تنزل خمس مرات من قسم الإعلان إلى قسم الإجتماعات ما شاء الله مواكب كل الأحداث ما يفوتك عركه لو نقاش يدور بين زُملائك، دبر حالك، هسا ولي اطلع برا.
ناصر طلع والثانيه هزت راسها گامت تريد تطلع.
عزهَ: الگشوررر منو يشيلهاا نضفي المكتب واطلعي يلااا. وحگ العباس مال طرد مو مال عقوبه انتو.
گمت افتر بالغرفه لحدما تخلص دخلت السكرتيره.
-: Miss الگهوه
عزهَ: ماا اتسممهاا اطلعي برا وانتي هُدى بسررعه خفي ايدج خفي ايدچ اختنگت منچن.
دخلت هِلال بإيده التصاميم اردفت
هِلال: ريلاكس عزوز شوفي هذني التصاميم
مالت ديكورات الموقع اللي راح يبلش منها العرض الرسمي.
عزهَ: جيبي اشوفهن
هِلال: هُدى جيبي فنجانين گهوه
عزهَ: ما اشرب لا تطلبيلي، هِلال الديكورات حلوه بس مو آنا المسؤوله العرض الرئيسي بإزمير.
طلعت هُدى سحبت كرسي گعدت تردف
هِلال: شلون يعني مو العرض بعد يومين والمسا نبدي نجهز الموقع والديكور
عزهَ: تغير الموعد والموقع حتى احتمال يتغير تصاميم الديكورات كذالك.
هِلال: çok güzel. يومين يومين أشتغل عليهن وتالي يتغيرن على جثتي اذا ما استخدموها.
عزهَ: والله غير ابوج واخوج الحاروگه غيرو كلشي.
هِلال: أبيل؟ ولج عزه وين تلفوني چآن هنا دقيقه اتصل خل اشوف شلون يضيع تعبي بكيفه خوما بكيفه.
عزهَ: ما يجاوب الله اعلم جاي يطاردونه بدرونات وهيج ماعنده مجال يجاوبنا.
هِلال: دقيقه دا يدگ. ألوو Teekkürler كلش تمام التمام ليش مغير الموعد وناقل موقع العرض على إزمير؟ چا والتعب بالتصميم الديكورات ااابيل الديكور اللي صممته على خشمك ينعرض تفهمم
- هسا خليج ريلاكس آني داخل على إجتماع
تمام جانم تمام روحم يلا ولي.
هِلال: ول ااابيل ألوو ول تررجع والله ترجع يمين عظيم احجي لأبويا، سدها بوجهي سدها بوجهي.
عزهَ: لملمي تصاميمج واحرگيهن عبن هذوله
ما يقدرون لا تعبج ولا تعبي.
دخل للغرفه مثل عادته بدون سابق إنذار
اخذ التصاميم من إيدي واندار ل هِلال
عزآم: بعد اسبوع العرض وهذني التصاميم هنن المُختارات اكسر راسه شحده يضيّع تعبچ.
هِلال: اوي فديت عزآمي
گامت حظنت ذراعه خليت عيوني بالملفات ادقق بيهن. شفتها گعدت والسكرتيره جابت گهوتها شربت منه وگحت
هِلال: يعع ولج شني هااي گهوة لو زقنبوت
وين الشَكر وين.
- Miss هِلال والله خليت اربع ملاعق شَكر
اخذ الفنجان شرب منه ونظر ل هِلال
عزآم: كيلو شَكر بي اشربي وانتي ساكته
هِلال: عزآم ماا ينشررب شلون اشربه.
عزهَ: هو اصلا شرب منه اكيد ما تشربين وراه
عزآم: ليش Miss عزهَ؟
هِلال: شكو بيها عزومي اخويا مو غريب
نبأ جيبي شَكر
گلبت عيوني ما جاوبتهم گعدو گبالي
عزهَ: كلمن على مكتبه هذا مكتبي مو الكفتيريا
نادا السكرتيره
عزآم: عزيزتي شسمج تعااي بويا
- نعم مسيو عزآم اسمي نبأ.
عزآم: نَبنَب اطلبيلنا من الكفتيريا ثنين چاي
و لفات جبن مثل ما تحبه هلاله.
- Miss عزهَ أنتي شنو تريدين اجيبلج؟
عزهَ: ترا سكرتيرتي آنا، اطلبي ابويا خل يجي يطلع ولد اخو من مكتبي.
هِلال: اافاا عزآم بنت عمنا تطردنا
- مسيو عزآم شنو تأمر اطلب المدير؟
عزآم: اكيد لا خوما بكيفها يلا بويا نَبنَب
لا تتأخرين لازم نطلع ورانا طريق طويل للبيت.
طلعت نبأ گمتلهم
عزهَ: أول شي دخلت للإجتماع و.
عزآم: بستايلي الغير الرسمي وأخذت منج الاضواء على گولة موضفينچ لو لابس رسمي شچان صار بيج بويا عزهَ
ابتسم ل هِلال
هِلال: اخويااا الهيبه ول خااالي
عزهَ: اطلعوا برا وخلونا حلوين.
عزآم: بويا عزهَ أعصابج علينا
دخل ابويا والسكرتيره دخلت كذالك
الأدهم: الغوالي مجتمعين هنا.
گامت هلال تشوفه التصاميم
هِلال: عمي الغالي هذا شغلي وهذا كلهن جاهزات للعرض حاجي ابويا يجبر أبيل ما يغير الديكورات.
مسد على شعرها تحت انظاري كسرت عيني عنهم عزآم جان يعاينلي غلست على نظراته كذالك. اردف ابويا
الأدهم: كلش حلوات شحده ما يقدر تعبچ
خليج مطمئنه الديكورات كلهن راح يكونن من تصاميمچ
هِلال: ولج عزهَ حتى عمو بصفي خل اشوف أبيل شني يگدر يسوي.
- مسيو عزآم طلبكم جاهز
جابته وخلته عالمكتب عزام گام وابويا گعد بمكانه راح جاب كرسي وگعد بصف هلال
عزهَ: نبأ خليهن على هذيج الميزه
عزآم: لا بويا نگعد بوجهج البشوش وناكل.
الأدهم: نبأ جبتي الگهوه ما؟
- اكيد مسيو تفضل
عزهَ: بالعافيه عليك بابا بس خل هذوله ينزلون للكفتيريا شني مكتب لو ميز طعام الهم
أبويا تقصد وخله الفنجان بصف باقي الأطباق
الأدهم: مجتمعين عائله عمليه شحلاتنا
عزهَ شبيج؟
عزآم: شبيج بويا؟
تاكل وتحجي
هِلال: باوعي عزوز طلعنا آنا وانتي من البيت بدون ريوگ وهسا گاعده اتريگ تاكلين هاج وحده طيبه ول عزام انطيها لفه
عزهَ: وخري ايدج من وجهي بالعافيه ما اريد.
عزآم: المثقفه تاكل لفه بالچطل ما جبنالها ول بويا نَبنَب جيبي چطل للMiss عزهَ.
عزهَ: نبأ اسمها نبأ شمعنى هل ميانه الزفره
وما اريد اتسمم آنا اطلع للبيت أفضل شي يابه ماما يَقين من الصبح تتصل لا تتأخر عالبيت
اخذت جاكيتي والنظارة اجيت اعبر شال البقيه
عزآم: نسيتي الموبايل وهاج السويچ ترجعين بنفس الطريق الآمن تمام بويا؟
عزهَ: لا تسوي روحك مهتم جيب.
مديت ايدي وفتحته حتى يخليها بكفي تقصد يلزم أيدي وبالإيد الثانيه خلى السويچ بيها. سحبت أيدي بسرعه وطلعت. بس سمعت ابويا يحجي.
الأدهم: حفيدة ناهد ما تتغير
عفتهم وطلعت للكراج من العصبيه اسوگ السياره واحجي ويا روحي
عزهَ: عود يخاف عليه ويأكد اسلك الطريق الآمن هو منو غيرك انت وولد عمامك عاديتو شكو منافس الكم ماا عدككم اسلووب ماا عدكم سياسة النقاش ولد عمام هممج ابتلينا بيكم.
وحگ العبااس.
البتراء
لزمت اكتافها ما ادري شلون اخليها تبطل تخاف منهم
بتراء: باوعي صفصف والله ما يقتلوج لأن آني آنستج ما اسمحلهم يلا صفصف بس خل اصعد للطابق الثالث.
هزت راسها موافقه حظنتها بقوه ابتعد
بتراء: بس اتحرر منهم اخذج ويايه
يلا صفصف بلشي بس اوگفي هناك بالبرنده.
هزت راسها وراحت وگفت بالبرنده أشرت بأصبعي اعددلها
بتراء: وااحد، ثنيين، ثلاثه Go
بلشت تصييح وآني ورا الباب.
- الأمن بترااء هرربت الأمنن بترااء هربت من البررنده يااا أمن ياا حاارس افتح الباب افتح وتعاااال البتراااء هربت
فعلا بسرعه الحارسين ثنينهم فتحو الباب دخلو يركضون للبرنده واني طلعت من ورا الباب قفلت عليهم ورجعو يدگون الباب كلشي صار رگض صعدت الدرج للطابق الثالث فوگ 25 پايه صعدت وآني بتك رجل اعرج دخلت للممر كله تراب ووسخ فعلآ مبين متروك.
حاولت ادخل للغرف الأوليه كلهه مُقفله.
كملت بالممر إلى أن سمعت صوت من إحدى الغُرف صوت هزيل صوت تعبان اغنيه او كلمات شعريه تُردد ترُدد بصوت مقهور
- جااانم روححم هيااتم عُمررم
جنت متبسمره بمكاني نشف حلگي من صوتهه حسيت رجليه ما تشيلني يعني صح بنيه ثانيه مأسوره ويايه من 18 سنه، يعني ما چذب عليه بس منو هاي وليش مأسوره.
نفضت الأفكار من راسي مشيت ورا الصوت وصلت لإحدى الغُرف ردت الزم يدة الباب.
- بتراااااء.
وگفت لا إرادياً صوته تسلل لأذني صوته نفس الصوت المُرعب صوت سايكو صوته هو ماكو غيره انداريت وياريت ما انداريت من المنظر، يحجي ويميل راسه يكرر الكلمه مرتين
نائل: ها يا حلوه ها اقتلها اقتلها؟
مخلي السلاح براسها، لازگ حلگها ورابط إيديها صفاء بس تبچي وتهز براسها و سايكو مره يضحك مره يصرخ بوجهي
بتراء: ن نائل لأ نائل لا تأذيها.
نائل: نائل لا نائل لا تأذيها غيررر انتي السبب انتي السبب اخلص عليها ويجي دورج من زمان مخليج براسي من زمااان
ضحك بطريقه مُخيفه بديت أتراجع من عند الغرفه وامشي حتى اتقرب من صفاء دفرها
ووركعت تبجي وتهز براسها بمعنى حرريها لا تخافين عليه.
بتراء: صفاااء نائل لي ليش هيج
ضحك مستهز
نائل: حتى تودع حياتها ليش يعني.
وجه السلاح عليهاا من ورا هيه راكعه وهو واگف، مشيت خطوات سريعه واعرج من الجرح إلى برجلي قبل لا اوصللها...
بتراء: صفاااااااء صفا صفااااء
صوب رصاصه ورا الثانيه رصاصه ورا الثانيه فوگ الخمس رصاصات بظهرها، رقبتها وراسها، نائل كل وجه وملابسه دم
ويبتسم، آني وگعت من طولي
ازحفلها لازمه رجلي مهدود حيلي من المنظر إلى تكرر بعد سنوات نائل كرر نفس الطريقه بالقتل كررها بصفاء، لميتها بحظني ابجي واحجي وياها.
بتراء: صفا صفاااء افتحي عيونج وعلى ما ردت تموتين ردت نعيش بحريه صفاء لا تعوفيني صفاء صفاااااااء
حظنتها وهي جثه هامده من اول رصاصه فارقت الحياة.
نائل: بعد عشر سنوات شفنا دموع البتراء وعلى منو تبچي على منوو تبچي على خادمه هههه
اختفى ابتسامته وهجم عليه رفعني من شعري كلني دم من صفاء سكتت ما بجيت بوجه مرر السلاح على وجهي اردف.
نائل: شنو إلى خلاج تصعدين للطابق الثالث؟
تفلت بوجه مسح وجهه مره يضحك ومره يتغير يصير بدون ملامح تعبير لزمني من نحري وسار بيه للحايط رفعني بإيد وحده
ويكرر السؤال.
نائل: تعرفيني سايكو وما يهمني حشره وادوسج لا حياتج تهمني ولا حياة صفااء اللي قبلج. اخر مره اسئلج شنو إلى خلاج تصعدين للطابق الثالث.؟
اختنگت ما گدرت اتنفس مستغربه ليش متررد يحجي بصراحه ويگول منو دلج على مكانها ضل يحاول يسحب الكلام مني. گوه نطقت.
بتراء: ر ردت اهرب بس ما ما عرفت وين اروح نزلني اختنگت س سايكو نزلني
ما شال إيده من نحري وعيوني تريد تطلع من الخنگ، كمل استجوابه ميل راسه
نائل: طابق متروك ومابي احد؟
بتراء: م متروك و ومابي احد
نائل: سمعتي صوت؟
بتراء: ل لا ل لا ن نائل نز نزلني
عافني وگعت على إيدي اجر نفس رفعت راسي لمن صوت الأقسام تسلل لأذني.
نائل: جذبتي هوايا لا نائل صدگچ ولا سايكو يصدگچ يلا Say goodbye to life.
وگف ورايا حتى يقتلني بنفس الطريقه ما انطيت رد فعل، عدد وهو متحمس يقتلني بعد كل هاي السنين
نائل: اليوم الموعودد اليوم الموعودد وااحد ثنين. وصلي سلامي للخاينه امج.
كلشي جان باللحظات الأخيره ناجي ركض رفع ايده والرصاصه اجت بالسگف سحبه يحجي ويصييّح
ناجي: ناائل تخبللت تخبللت اترييد تقتلهااا.
نائل: وااشررب من دمهااا بنت الجسااار كلها على بعضهاااا سوء إختيااار تخييل كل هااي الإمبراطورية تروح لوحده چاا واحنا چا والتعب التعبه ابونا اللي رااح مقتول بسبب أعداء عممك بسبب عممك نااجي شييل ايدك.
ناجي: نااائل أنت مو بوعيك كلنا نعرف إلى قتل ابونا منو وثارنا ناخذه منهم مو من جسار إلى ربانه وما فرق بين ولد اخوانه الاثنين ربانا ااحنه الاثنين مثل ما ربا جاسر وخلانه مثل الأخوه، حظظك حلو عمي وجااسر مو موجودين تخبللت والله شلون تحاول تقتلهااا؟
نظرتلهم وعيوني تجدح نار لو اشرب من دمهم هم ما يشفى غليلي، اردفت.
بتراء: ربى ولد اخوانه بس فرق بناته شردهن اسرهن كسرهن للك ااالله ياخذكم ااالله ياااخذكممم يا فُجااار ياا كُفاار
نائل: بنتل تحجي نااجي اخلص عليها والله
بتراء: لااا تلفض اااسم رب العرش العظيم على لسااانك يااا مجررم يااا قاااتل
تقربت من صفاء إلى دمها ملئ المكان أيدي ترجف رجف مسحت على وجهها سديت عيونها وحظنت راسها عشر سنوات ما فارگتني لحظه واليوم أخذها مني ونفس المجرم قتلها بنفس طريقته الوحشيه.
ناجي: شبااب طلعو جثة الخاادمه وشددو الحراسه على غُرفة البتراء نضفو المكان يلا بسررعه.
نائل: تراا كشفتت كشفتت أكو بنيه غيرها
مأسوره
ناجي: بكل الاحوال ما تگدر تسوي شي هي
بين أربع حيطان.
نائل اخذ سلاحه ونزل ناجي كنبص سحب ايد صفاء لبعيد ورجع عليه لزمني من ذراعي
وسحلني وراه للطابق الثاني ما جنت بوعي
جنت بحالة صدمه من منظر صفاء دخلني للغرفه وعلى الحمام شمرني تحت الدُش فتح الماي عليه فزيت اصرخ واحجي.
بتراء: قتلهااا الله ينتقم منكم حسبي الله حسبي الله ونعم الوكيل عليكمم
فرك وجهي من الدم رجع جرني لغرفة التبديل
شمرني بيها جاب جنطة الملابس كذالك شمرها واردف.
ناجي: خمس دقايق بتراء خمس دقايق ما تطلعين ادخل بنفسي اغير ملابسج تفهمييين
سد الباب بقيت صافنه وبس ادعي يكون كابوس أدركت كلامه وگمت ابدل نزعت الملابس لزمت گلادة سيف الإمام على عليه السلام بسته بقوه اردفت
بتراء: على السَند دخيلك يا على السَند.
لبست ملابس نضيفه كملت بسرعه ودخل
جرني من إيدي للغرفه شعري كله ماي هيج بقيت، كمل يجر بيه وآني اعرج من رجلي نزلني للطابق الأول واني عيوني على الطابق الثالث اردفت
بتراء: م منو البنيه؟ تنا دي تنادي سمعتها
روحم جانم عمرم لا جانم روحم عمرم هيج جانت تغني نااجي منو المأسووره اااالله يااخذذكم الله يحرگكم بجهنننم منوو البنيه
وگف لزم وجهي ويمرد بي اردف ويشد على الكلمات.
ناجي: محدد هاااي وحده من الخدم اامشي لازم نوصل للمطار ابوج وجاسر وصلو قبلنا
دگ تلفونه وعاف وجهي لزم ذراعي وجاوبه عرفت هذا جسار من صوته
ناجي: اي نائل يرجعها للعراق، لا وياي هسا نجي، ماخذه الجرعه ما تحجي خليك مطمئن
نائل يجيبها آنا بالطريق وبتراء وياي نوصل بعد نص ساعة. سلام
نظرلي بنظرة استصغار وكمل مشي للگراج
بتراء: ال المأسوره المأسوررره.
ناجي: گتلللج خداامه خداامه مو مأسوره هاي غرفة وحدة من الخدم المُسنات ماكو مأسوره غيرج اصعدي يلااا
صعدني يدفع بظهري الخدم جابو الجنط للسياره وهو جان واگف يمهم مسحت وجهي
أيدي ترجف رجف من العصبيه عيوني على الجامه اباوع عليهم. شديت أيدي على الباب
ناديت على السَند وفتحت الباب اركض واعرج من جروح رجلي اركض وما اوصل للبوابة هلگد چبير القصر والبوابه بعيده يصييّح ورايا ويأشر للأمن يوگفوني.
بتراء: دخييلك يا على السَند دخيلك
استغربت الحُراس ليش ابتعدوا من الباب وما وگفوني كملت ركض وناجي وراي عبرت الباب صوفر ورايا بطريقه مرعبه وگفت عيوني تروح يُمنى ويُسرى أدركت هو إلى خلاهم يعوفوني اردف بطريقه مستفزه وانسمع صوت الأقسام للمره ألف هل مره أكيد وتأكيد يخلص عليه.
نائل: يعني والله هسا قتلج حلال والله
ومحد يگلي ليش. تدرين ليش؟
صوت خطواته صارت قريبه انداريت وضربني راشدي وگعت مجروح طرف شفتي.
رفعت انظاري مغير ملابسه الجانت كله دم صفاء خلا السلاح بوجي وتدخل ناجي
ناجي: عوفها ابن أمي عوفها الموت يُعتبر راحه الها خليها هيج ذليله ومأسوره كُل حياتها.
اجا گومني يسحلني لداخل القصر اندار ل نائل وحجى وياه بلغة الإشارة وما فهمت منهم غير إشارة دائريه وحرف ألف الأجنبي وحرف التاء اخر شي حرف الميم نائل هز راسه ودخل قبلنا يركض للقصر دخلني للسيارة قفلها واندار فتح باب السايق بالمفتاح صعد ورجع قفلها نضرلي بنظرات وسخه راد يمسح الدم الموجود على طرف شفتي نترت ايده
بتراء: يااا حقير ياا ساافل نزل إيدك
ناجي: أعصابج بتوره.
فز گلبي لمن ناداني بتوره تذكرت المقنع اول شخص سمعت منه هذا اللقب ضليت صافنه
طول الطريق على كلماته
- نادي بأسمي احررج واضمچ بعيوني منهم.
- اجييتج والله بس تعاي بسرعه.
- على سَندچ اذا تجين وياي.
- يلا بتوره خل نمشي.
- انطيني ايدج ترا راح تندمين اذا بقيتي.
دعس بريك قوي باوعت واصلين لمطار موسكو الدولي باوعت ورانا بالكشن الخلفي كُرسي متحرك ولمحت سيارة نائل قبل لا اركز منو بيها خلى قطعة قماش مثل كل مره يخدروني قبل الدخول للمطار، وبعدها ما حسيت بشي.
أريم
الكل جان واگف ومنتظر دخول الأبن الثاني للأدهم باشا، عُمال القصر والمساعدات كلهم بصف واحد. أمي وماما يقين طلعو من غرفة
حبوبتي وهي وياهن، أبويا والشباب عزام وهدآم بالصاله جانو، نزلنا احنا الثُلاثي
هِلال، عزهَ وآنا انفتح الباب ودخل اخويا الثاني. سيرا نزلت الدرج وعبرتنا تركض ركض وتصييح كلهم على صوتها طلعو.
سيرا: وول على سَندددد
علي سَند: ول سيراا.
حظنها يفتر بيها الكل واگف يشاهد هاي اللحظات الحلوه بين على سَند وسيرا.
باسها براسها ونزلها رحتله حظنته
أريم: يا روحي اشتاقيتلك وحق الزهراء
ابتعدت كذالك باس راسي راح ل عزهَ باس راسها هاي عادته.
علي سَند: عزوزه شلونج عيُناي، هِلاله شلونج غلاي
عزهَ: زينه اخويا الحمد لله على رجعتك بخير
هِلال: سنود آنا هم كُلش بخير من رجعتلنا بالسلامة
ابتسملها بوجهه البشوش وراح حظن هُدهُده حاول يشيلها ويفتر بيها ما گدر.
علي سَند: وححگ العبااس سمنانه شبييج هُدهُده سووي رييجيم
ناهد: انچب شلايتي جم يوم دايح بروسيا
ليش تأخرت؟
علي سَند: يومين وححگ العبااااس يومين
ماما يَقين وگفت وراه ضربته على ظهره خفيف مرتين حتى ينتبه
يَقين: شوگت دوري
اندارللها مبتسم ويناديها
علي سَند: يَقيني.
حظنها يبوس براسها وخدودها لو يلزم ايدها يبوسهن شبع منها راح بنفس الطريقه ويا أمي يبوس بإيدها حظنهن ثنينهن امي باليسار وماما يَقين باليمين اندار للصاله ابويا يعاينله وكل نظراته فخر اعتزاز بأبنه
الأدهم: ما تجي تحظن ابوك مثلهن
عزام وهدآم طلعو ورا ابويا على سَند ابتسملهن واردف
علي سَند: من رُخصتچن خاتوناتي اروح أسلم على الوالد عيب ما يصير.
ابتعد منهن وراح حظن ابويا إلى بادره بكل حب ويطبطب على ضهره لاحظت نظرات هدآم شلون ينظرللهم مسح وجه وحظن على سَند
هدَآم: اخويا حزام ظهري الحمد لله على رجعتك بخير وسلامة
كلش تأثرت بيهم حبيت شلون اخواني واحد بظهر الثاني وهذا بفضل تربية ابونا رحتلهم حظنتهم سوا
أريم: احبببكم هييج ابقوو
اجت سيرا الغيوره تدفع بينا تريد تسوي مجال اللها
سيرا: اوي سووليي مجااال أحفاااد الهمممج
جرها بنصنا يبوس بشعرها ويحجي.
هدَآم: لسااانج يل طرگاعه
علي سَند: تسوي تحديد الكل وححگ العباس ول عزوزه تعاي ليش تعاينيلنا.
عزهَ: لاا عيني انتو همج وهسا هلال تصورنا وتنشرها ستوري
هِلال: عزااا بعينك أبيل والله ذكرتيني
طلعت موبايلها فتحت الكاميرا وبدت تصورنا
هِلال: هلووو حبايبي باوعو منو راجع منو راجع على سَند وهاي سيرا طرگاعه الغيوره
حاظنه اخوانها هذاك ما عليكم هو هيج مغندب.
هدَآم: اجي اكسر الموبايل على راسج طفي الكاميرا هِلال.
هِلال: ريلاكس برو
هدَآم: سيرا ابتعدي خل اعرف عليمن تگول برو
هِلال: مو عليك مو عليك عزام عزام طالع وراك عليه هو هو برو مغندب واذا تريد هو برو ماكس هدهده لا تخلي حبابه.
راحت ورا هُدهُده تعرف هَدآم يتخبلل من هاي الكلمه معناها اخويا
عزآم: هِلال گلتي عليه مغندب؟
عزهَ: وااي ليش مُتفاجئ.؟
سيرا: قووويه عرركة ولد عماام شد بويا شدد
هِلال: موو عليك موو عليك على هدآم على هدآم يعاينلي وهو مغندب.
ثنيناتهم واگفين وهلال ورا ضهر هدهد
ناهد: أحفاد الهمج والله فنكم تطخوها
هدَآم: هدهده حفيدتج گالت عليه برو.
عزآم: لسانها طولان گالت عليه مغندب.
هِلال: عزام برو مغندب هو برو شبيك خليك ريلاكس انت مغندب برو ماكس. هُدهُد
دخيله عندج لا تخليهم
علي سَند: چآاا وآنا شني لقبي هلوله
هِلال: سايق مال سفينه مو هيج مو تسوق سفينه؟
سيرا: عزااا بعيين أاابيل يمااا متتت سايق مااال سفينه
علي سَند: الكابتن سويتي سايق مال سفينه.
طيحتي ام ام الهيبه يا بنت عميي
الكل يضحك ويسولفون أجواء عائليه روابط متينه قويه ما ضعفت او تغيرت من اول يوم فتحت عيوني بينهم، طلعت من غرفتها تعاين بالوجوه كأنها كارهه الإبتسامة إلى على وجوهنا على سَند شخص گلبه طاهر إلى أبعد حد راحلها يسلم عليها
علي سَند: عمة سجى مرت عمي الغالي
أشرت يبتعد على سَند وگف اختفت الابتسامة
من وجه تسأل
علي سَند: عمه ردت اسلم عليج شلونج؟
سجى: ماكو داعي، بخير الحمد الله.
ناهد: انبي سَند عليمن تسلم عوفها ما تعبت حالها تتحمدلك
سجى: شمعنى إلا الف مره يسمعها.؟
ابويا هز راسه ما رد عليها رجع للصاله، عزام وهدآم وراه على سَند ضل يعاين بالوجوه اردف
علي سَند: أكو شخص ناقص وينه؟
أريم: گللت نسييتهاا
علي سَند: عمه آمل ماكو بينكم وينها يماا وين عمه آمل.؟
سجى: هيه بقت تتحاظن وياها.
- شبيها خيه بمثابة ولدي هو ما افرق بينه وبين وگاع - وَتان.
دخلت عمه آمل من الباب وبيدها جنطتها المساعدات اخذوها من إيدها، جانت يم بيت أهلها تقدمت وعلى سَند راحلها باس راسها
آمل: الحمد لله على رجعتك بخير وسلامة للمره ألف ابني للمره ألف
گالت هيج ونظرت للعمه سجى
سيرا: ولج ااموله اموت عليج جوي وأجوائي اانتي
علي سَند: غاليتي آموله.
هِلال: فدوى شگد عائلتي تخبلللل ربي يديمكم اليّه ياا رب
سجى: بنت التُركيه بس يطلع لسانج تسفطين حجي.
عافتنا وراحت على غرفتها.
علي سَند: عمى سجى شبيها غبت يومين وهيج تغيرت؟
سيرا: ول سند عمتك سجاوي من يوم يومها هيج بس انت طيب زياده عن اللزوم وعبالك هيه خيه بس هيه بالحقيقه حيه حيه بسبع رؤس
علي سَند: تمام أنچبي انچبي شلون تذبين ميانه بس ننطيج مجال، احترميها تبقى بعمر امنا.
ندى: سيرا لسانج طولان شلون هيج تحجين؟
آمل: طفله بعدهي طفله
سيرا: ابوس مساندتج امولتي بس آنا مو طفله آنا حجيت الحق و اللهم إني بلغتُ عنها فإحذرو.
عزهَ: وحگ العباس طرگاعه
فرت بإيدها وصعدت على غرفتها.
هِلال: çok güzel سيرا Teekkürler على البلاغ بس لا تحجين هيج گدام بابا عبن تبقى مرته ولازم نحترمها تمام؟
سيرا: اوي ام الچوك گوزال دخيلج حتى عمو أيهم كاشفها انتو ضلو هيج غشيمين
عافتنا ودخلت للمطبخ رجعت بإيدها تفاح تاكله وتحجي
سيرا: يا قوم آنا اليوم، سو سو هااپي لذالك قررت اعتق المدعوه عمه سجى في حال هي ما رشت علينا بسُمهاا أوك؟
ندى: اصعدي على غرفتج لا اجيج لو گااصه لسانج مو احسن من شعرج الشبرر يا ثووله
تصعد الدرج وتحجي
سيرا: الله وكيلج ومحمد كفيلج شعري طوله شبرين وانوب هذا نيو لوك ماماتي.
يَقين: ولج ندى عوفيها عوفيها والحسن تكبر وتعقل، على سَند وين رايح.
سكت يعاين بالوجوه قفل موبايله اردف
علي سَند: اتصال مهم يما اطلع احجي مكالمه وارجع.
هزت راسها، على طلع وهلال اجاها اتصال من الشغل، أمي وماما يَقين رجعن ويا هُدهُده على غرفتها بقيت وحدي واگفه
أريم: هاي شني بقيت وحدي
صعدت على غرفتي وآني اتصفح الأنستگرام
طلعلي من بين البوستات صوره جديده من حسابه الشخصي عبارة عن المصفى المملوك لعائلة الباشا بإزمير واگف ولابس قاط اسود ومنطي ظهره للكاميرا.
للصراحه جانت صوره فخمه كُلش خليتله لايك وتعليق
(شركتنا منوره البوست + إيموجي الگالب عيونه).
وصلت على غرفتي أجاني إشعار شفته بس راد على تعليقي.
- أگلب الله اوضاعج ليش گالبه عيونج؟
أريم: وحق الزهراء دعا عليه.
شلت الايك وحذفت التعليق
أريم: خساره بيك حتى المشاهده
دز رساله عالخاص كاتب
- ادري مطلقه إلكترونية خوما مطلقه إلكترونيه؟ حرامات المُشاهده ما تنشال.
أريم: لااا صدگ على گولة هِلال، عزااا بعيينك أاابيل عزااا بعيينك.
هذا حال اللي يضيف الگرايب بالسوشال ميديا قفلت الموبايل ورجعت اكمل دروسي لحدما يجهزون الغدا.
أبيل
الصبح رجعت على إزمير بأول طيارة بسبب الإجتماع الطارئ للإداره، خلص الإجتماع بقيت وحدي، تصفحت الأنستگرام ورديت على تعليقها.
شالت الايك فوراً وحذفت التعليق راسلتها خاص كتبتلها
(مطلقه إلكترونية خوما مطلقه إلكترونيه؟ حرامات المشاهده ما تنشال)
شافته وما ردت
أبيل: وعلى الضرغام بنات آخر وگت عقل ماكو براسهن، مطلقه إلكترونيه
دخل يَاسر بإيده التصاميم
ياسر: أبيل الشباب جهزوا التصاميم شوفه.
أبيل: جيب لتر بانزين واحرگهن عبن عزآم اتصل بيه مهدد بحرگي اذا ما چآن الديكور من تصاميم هلال.
يَاسر: يحرگ حاروگه دخيل الله برو
أبيل: يَاسو اخويا الچبير وكلمته تمشي عليه مثل ما كلمة ابويا تمشيني على الصراط المستقيم. وصلت الفكره؟
يَاسر: تمام تمام هسا آني راجع على شركة النفط وزراء من الماليه جايين. لازم يتم بيع حسب سعر الدولار. والباشا لازم يحظر
أبيل: ابويا حاليآ بالطيارة راجع على إزمير.
والمسا نجتمع سوا قبل لا يرجع على البصره أنت خلي عمي يمان يدبرها بالوقت الحالي، هو گدها
يَاسر: امري لله، الشباب راجعين؟
أبيل: الشلايتيه تقصد لا إيمار والاخوه الاثنين راجعين من مطار أثينا على البصره.
يَاسر: لحد هسا ما مستوعب إيمار راجع للبصره يكمل تعليمه.
أبيل: ابويا اجبره شبيك واگف امشي لا تتأخر وتصيرللنا مشكله ويا الباشا واليمان
يَاسر: الأحسن اطلع للشركه.
طلع يَاسر وبقيت وحدي أشاهد الشاشه كاميرات المراقبه تسجل على مدار الساعة
بكل مكان شركة النفط، المصفى، وحتى شركة التسويق هذا، الأمن تحت السيطرة بالوقت الحالي.
گمت فتحت الجاكيت وشمرته عالقنفه فتحت القميص ونزعت ساعتي شمرتها عالمكتب وگعدت على مقعدي رجعت راسي عالكرسي.
مغمض عيوني اتخيلها واتخيل ملامحها كلما احس بتعب ارجع بالذكريات ل قبل 18 سنه اتذكرها واتذكر كل تفصيل يخصها ابتسامتها كلماتها غزلها بإيمار حبها النا احنه التؤم
لحد اليوم الَمشؤم.
فتحت عيوني على صوت الموبايل چآن عمي الأشتر. جاوبته
أبيل: امولتك شني؟ شبيك عمي طاگك الجفاف روح اللحك روحك بأول طيارة ارجع للبصره، شني شبيك وليش انت بالمصعد؟
اجاني لحظة ادراك.
أبيل: يا روح امولتك شني انتو بالمصعد؟ شوكت، حرامات چآن طببه عليه وآنا نايم.
فزيت من مكاني احجي وياه وازرر القميص
أبيل: وگلتله تحجي ويا اامل؟ الله عليك مبدع بيرفكتوو عمي بيرفكتوو، وين وصلتوا؟
ارتب الكراسي بإيد وحده واحجي وياه.
أبيل: بغلاة امولتك لهي ابويا المكتب تكول يوم الحشر كل كرسي بزاويه، جنت نايم ما خليتهم يزعجوني، يمعوود آني انضف بس لا يشوفها هيج. تمام ولي اقصد سلام اسف عبالي ياسر. عبالي يااسر كفيلك جدنا السابع هسا صدگت؟
قفلها بوجهي لبست الجاكيت، عدلت ياخة القميص
أبيل: ول أبيل حاروگه اسمين يخوفوك الأول الله والثاني ابوك الايهم باشا، وين ساعتي؟
نعال بعينج هلال وين ساعتي؟
دورت بين الملفات لگيته وجاي اللبسه بإيدي دخلو للمكتب اول شي دار عيونه ميه 180 درجة اخذ النظره الكامله عنها مخلي ايديه ثنينهم ورا ضهره مر بصف القنفه رفع حاجبه متعجب، اي لأن جنت نايم عالكرسي يابه.
الباشا: وين چنت نايم؟
أبيل: نايم؟ شوكت؟ s، مو جان عندي اجتماع ما لحگت انام
الأشتر: ما لحگ كفيلك جدنا السابع
الباشا: انت انچب شوكت تبطل اطمس وراهم شوكت تكبر؟
الأشتر: ول خااالي هو العنده أخ چبير مثلك ماكو داعي يكبر
أبيل: بيرفكتو أتفق ويا عمي الغالي
خزرني بعده ما متخطي الجفصه
الباشا: جيب أوراق الماليه.
دورت بين الملفات ما الگها كلها مختطله شال وحده من الملفات شوفهن اليّه
الباشا: هاي هيه عقلك وين؟
أبيل: يمها، يم الملف
الباشا: شد حزام ساعتك راح توگع
وجهز حالك الاسبوع الجاي ترجع للبصره تدير شركة النفط الأولى مفهوم؟
أبيل: چآ وهذا الموجود بإزمير؟
الباشا: لا تنسى احنا شُركاء ويا بيت الحجي وأبن يمان يَاسر وأبن عمك علي سَند يديرون الشركه! مفهوم هسا لو لا؟
أبيل: بيرفكت چآ هاي الشركه
شركة التسويق والاقتصاد فرع إزمير، منو يديرها؟
الباشا: انت ابني انت اسبوع بالبصره واسبوع بإزمير.
أبيل: مو شفتوني أخطبوط ايد بمصفى إزمير وإيد بمصفى البصره وإيد بالشركه وإيد بفرع التسويق وإيد لازم سلاح بوجه اعدائكم وإيد جداحه وإيد بجليكان بانزين.
تريد ايد فارغه احك بيها راسي ما تلگه.
الأشتر: كفيلك جدنا السابع ما ندور حتى نلگه.
الباشا: الجداحه والجليكان عوفهن وتفرغ ايدين، چم مره گتلك ما لازم تطلع مثلي بهايه النقطه.؟
الأشتر: المايطلع على والديه لعنة الله عليه.
أبيل: عمرك طويل عمي عمرك طويل.
الباشا: أبيل من شوكت تعارضني؟
أبيل: يابه ما اللحگ خلي هدآم يدير ذاك المصفى هو آنا لو ارجع للعراق ما أخذ راحتي.
الأشتر: بالتفرد للأعداء يقصد.
أبيل: وياي لو عليه؟
الأشتر: ولي ابني ولي
عرفته يتقصد بسبب الجفصه
الباشا: أبيل المسا آنا راجع للبصره وبعد اسبوع انت تلحگني.
أبيل: تمام يابه أمرك.
الأشتر: أبيل ارجع ويانه اليوم؟ ونصييح جااينچ بصرااي؟
أبيل: عمي 55 سنه يرتفع ضغطك بس تصيح خليك ريلاكس.
الباشا: هذا حال اليصاحب أصغر من عمره.
راد يجاوبنا بس دگ تلفونه عاين على أبويا ويحجي.
الأشتر: الو الحمد لله على السلامه على سَند، شنو صار وياك؟، ها ما تعرف؟ متأكد ليش عفتها عفته اقصده؟، مو كتلك جيبه وياك أقنعه؟، صوجي كلفتك بهل مهمه هو انت مال حفلات؟، انت مال تگابل السمچ وتگعد بالبحر، اي اي والديك بالجنة، اقصد بالرحمة عمرهم طويل ان شاء الله. سلام ابن الدرهم
أبيل: بمكالمه وحده دخلت عمي ومرت عمي للجنه بعدها شمرتهم بالگاع تترحم عليهم
هسا الفهمته مكلف على سَند بمهمه وفشل!
الباشا: اشتر امشي على مكتي لازم نحجي!
طلعو من المكتب اردفت بصوت عالي خل يسمع الما سامع.
أبيل: وعلى الضررغااام لو مكلفني بذيج المهمه چاان سحلت ام امها تحت رجليك
دخل لزم يدة الباب اردف
الأشتر: چااان حرگتهم وقضيت عليهم انت مو مال تصبر تتنعوص ويا بنات أعدائك
رگع الباب بقوه وطلعو
أبيل: على سَند متنعوص؟ معقوله؟
شلون راح يگابل ربه؟ هذا عود چآن المُتدين! ياابه وعلى الضرغام تحت السواهي دواهي.
گعدت لازم راسي شلون هسا اسبوع بالبصره واسبوع بإزمير!
رُقيه
لميت شعري وشديته لفوگ، لبست الشوز الرياضي، دخلت وَدق حسيتها خايفه لزمت اكتافها اشجعها ما تخاف
رُقيه: وَدق خليج قويه ما اريد اشوف الخوف بعيونج حبوبه سُعاد بأمانة الله ثُم بأمانتج وَدق بأمانة الله ثُم بأمانتج.
وَدق: رُقرُق وين راح تروحين غير اعرف؟ و خليج متأكده راح اراقب الموقع إياج تطفين الموبايل او الساعه الذكيه.
لبست الساعه ودورت بين الأغراض ما لگيته
رُقيه: باوعي وَدق وين الكاميرا الزغيره؟
الي اشتريتها هذاك اليوم؟
وَدق: مالت التصوير؟ جانت موجوده هنا
اجت تدور ومالگته
رُقيه: هاا.؟ وَدق وين شلون اطلع بدونها لازم أوثق كلشي.
نظرتلي وعيونهه تلمع من الدموع
وَدق: أكيد زلمة الجسار مفتشين الغرفه بعدما طلعنا على دوامنا. اخذوها رُقرُق اخذوها متأكده.
دخلت للغرفه وهيه تمشي بكعاز ايدها ترجف بس بعدها سُعاد الشامخه ركضنالها نحجي
رُقيه: عيوني شجابج شلون صعدتي
وَدق: ولج سوساا شلون هيج تطلعين عالدرج.
گعدت تاخذ نفس هلكانه، اردفت
سُعاد: ما تسكتين الحمدالله بعدني بحيلي خاف عبالجن اموت واعوفجن تسرحن وتمرحن. رُقيه العرمه وين تولين؟
ثنيناتنا كنبصنا گدامها كل وحده لازمه إيد نبوسها ونحجي.
رُقيه: سُعاده امي وابوي انتي ربي يطول بعمرج
وَدق: ومن عمري على عمرج سوساا ام كحيله.
سُعاد: تحجن لشني تخططن لو بهاي الكعازه.
رُقيه: سُعاده راح تسنديني مثل كُل مره؟
سُعاد: عرمه شني براسج؟ وَدق اختج وين تولي؟
رُقيه: أولي مثل كل مره ادور على رأس الخيط سُعاده عيوني انتي قبل نص ساعة دريت الجسار رجع للبصره.
سُعاد: شعلينا عساه بجهنم، رُقيه، وَدق
اكيد بعدجن ما تدورن على بتراء؟
هزينا راسنا ب نعم
اردفت وهي صوتهه يحتقن من تحجي عن البتراء
سُعاد: مستحيل يجمعجن سوا ما تستوعبن
احتمال قاتلها من زمان ويچذب عليه
يمشي ويگول بتراء اسوء إختياراته
نزلو دموعهه تبچي حظناها نسكتها.
وَدق: سوساا اروحلج فدوى لا تبچين والله چذاب اختنا عايشه ما ما ماتت رُقرُق احجيلها اللي عرفنا.
رُقيه: سُعادي وحگ الحسين اختنا عايشه
اختنا بعدها عايشه بس وين مكانها ما ندري
بغلاتنا عندج سُعاده خل اطلع ادور عليها اسنديني احتاجج فدوى سُعادي ابوس ايدج
سُعاد: أمانة المرحومه شلون اذا صار عليچن شي.؟
وَدق: خايفه أكثر منج خايفه نخسر بعض.
بس هم لشوگت نعيش هيج وين ما نروح الحرس ويانه وبالجامعه مراقبين شلون ما چآن. حبوبه فدوه اسندينا مثل كل مره
رُقيه: مُستحيل اتوفق بدون رضاج حبوبه فدوى تأخرت أقبلي اطلع حتى ارجع للبيت
بسرعه فدوى حبوبه.
ضلت ساكته إلى أن اردفت.
سُعاد: وشلون تطلعين يل عرمه؟
ودق نظرتلي ثنينا نبتسم بست راسها اردفت
رُقيه: أمي وابوي انتي محلوله اگللهم عندي شغل بمكتب الإستنساخ علمود قضيتي واطلع.
وَدق: والحُراس إلى وياج؟
سُعاد: هاج تفضلي والحُراس؟
رُقيه: ودق أنچبي، حبوبه راح اغافلهم واطلع من مكتب الإستنساخ.
وَدق: موبايلج اللي مراقب اشمري هنا واخذي وياج الموبايل السري فعّلت الموقع عليه وراح اشوف موقعج تمام؟
رُقيه: المشكله الكاميرا اخذوها
سُعاد: يمي موجوده شلتهن قبل لا يفتشون غرفجن.
وحده تنظر للثانيه مندهشات
--: هااي شووگت سوساااا.
سُعاد: اوو انچبن عرمات، ذاك اليوم قبل لا يرتفع ضغطي وگعد بالفراش، سمعت الحُراس يحجون عن التفتيش، جنت ناسية
كل فترة يفتشون الغرف والبيت دخلت شلت الأغراض موبايلاتچ والكاميرات وهذني الشاشات السود.
وَدق: ول امووت عليييج سوساااا هذني ساعات ذكيه ساعات ذكيه.
رُقيه: وَدق اركضي جيبي الكاميرا من غرفتها هو بنفس المكان حبوبه.؟
سُعاد: اي غادي، وَدق لا تخربين شي اخلص عليج والعباس.
طلعت ودق بسرعه، انتظرتها يم الدرج.
تصعد كُل پايتين من العجله دخلت للغرفه بألف يا على تجر نفس. مدت ايدها
وَدق: ها هااج يما متت ولج سوساااا بهذا العمر شلون صعدتي 50 پايه وبعكازه
ضربتها بالعكاز وعلى كوعها، تحجي
سُعاد: ما تسكتين بعدني بحيلي والحمدالله
وَدق: اااي حبوبه شهل تعنييف. أعصابج سوسااا
أخذت الكاميرا لبستها بنحري ودخلته تحت التيشيرت
رُقيه: هيج أفضل، لازم امشي الوقت مُغربيه وَدق خليج قويه بدون خوف.
حظنتهن وابتعدت.
سُعاد: بأمانة موسى بن جعفر بنيتي
بس انتبهي على نفسج رُقيه بس انتبهي.
لبست الجنطه الصغيره مالت الظهر هزيت راسي. اي حظنتهن لآخر مره ونزلت ركض بالباب وگفني الحارس.
-- آنسه وين تمشين؟
رُقيه: مكتب الإستنساخ عندي اوراق بخصوص قضيتي تحتاج نسخ.
-- تمام آني انسخهن واجيبه.
رُقيه: ماا تفهم انت ما تفهم؟
-- هيج الأوامر ممنوع تطلعين بعد العصر
رُقيه: مشكلتك آني طالعه، تريد ما تريد راح اطلع!
أجرا اتصالاتته واندارلي.
-- آنسه رُقيه السيد أمر نجي وياج.
رُقيه: امشي بس خلصني
عبرته وطلعت اجا ورايا نفس الحارس فتحلي الباب صعدت بالخلف وصعد يسوق مر ربع ساعة راد يوگف يم مكتبه.
رُقيه: مو هااي المكتبه اذا ماا تعرف المكان جاان گُلي آني اسوگ بمكانك
-- آنسه هاي مكتب الإستنساخ.
رُقيه: ما اريد هنا اريد على مكتبتي المُعتاده انسخ يمهم كل مره، امشي على حي العشار
-- آنسه هاي بمركز المدينة بعيده.
اجتني الفرصه اسئل عن المناطق اللي ببالي.
رُقيه: ليش منطقتنا شسمها ووين؟
-- آنسه 18 سنه بالبصره ما تعرفين أسماء المناطق معقوله؟
رُقيه: ليش جسار يخلينا نتنفس؟ شمدريني خلصت عمري من الجامعه للبيت وهسا تحجي وين احنه؟
-- آنسه القصر اللي انتو ساكنين بي بقضاء الزبير، آنسه استنسخي ملفاتج هنا والله بعيده منا للمركز محافظة البصره.
رُقيه: كمل طريقك بدون اعتراض
-- تمام آنسه
رُقيه: زين سؤال.
نظرلي متردد اردف
-- گولي يا آنسه.
رُقيه: ابويا يعني السيد جسار ابويا آني بنته ف حابه اعرف چم قصر عدنه؟
متردد يجاوبني بس لحيت عليه
رُقيه: يعني مرات مرات اتخيل عدنه هوااايا قصور فوگ العشرين قصر. معقوله تخيُلاتي تطلع صح؟
-- آنسه عشرين قصر هوايا مو هلگد
رُقيه: هبطت معنوياتي چا شكد عدنه بس بقضاء الزبير؟
-- آنسه شلون؟
رُقيه: يعنيي چم چم قصر عدنه هسا بهذا القضاء؟ اقل من عشره لو أقل من السبعه، شگد؟
-- اقل من السبعه بمرتين.
رُقيه: اوگف. وگف السيارة.
-- آنسه مو رايحين على مركز المدينة!
رُقيه: لف وارجع كلامك صح بعيده والدنيا مُغربيه.
-- تمام نرجع.
جنت مشغله تسجيل الصوت، اول نقطه ادور بهذا القضاء، قصوره بقضاء الزبير اقل من سبعه بمرتين. يعني ثلاث قصور او أثنين.
رفعت راسي اله، اردفت
رُقيه: نزلني بالمكتبة إلى موجوده بالسوگ
-- آنسه هسا ازدحام نروح للأول مو احسن؟
رُقيه: لا اريد هذا احس شغلهم مضبوط.
هز راسه و وگف فتحلي الباب نزلت المكتبه ازدحام فعلآ مشى ورايه نظرتله بطرف عين شلون اخلي بعيد. وگفت بالباب انداريتله
رُقيه: شبيك بس لا تجي ورايا؟
-- هيج الأوامر
رُقيه: ترا مكتبه مكتبه شلون اهرب ما تگلي شلون اهرب اصلا اختي وحبوبتي بين ايدكم شگد جحوشه انتو؟، اوگف بالباب لا تخزيني وتجي ورايا.
-- تمام آنسه تمام بس بسرعه، شبيك اخويا ماا تشوف.
عبره رجال اكتافه عريضه ولابس كمامه بس رفعله ايده يتأسف دخل للمكتبة نظرلي بطرف عين، غلست عليه ودخلت للمكتبة عباره عن قسم للقراءة والكُتب وقسم للنسخ، بلشت اسأل الناس الموجوده
رُقيه: عمو تعرف قصر الجسار وين موجود؟
- لا بنتي ليش تسألين
عفته وسألت غيره
رُقيه: اخويا تعرف وين مكان وحده من قصور الجسار؟
- حي - - - - بأول شارع
رُقيه: متأكد؟ يعني العنوان صح؟
- والله صح بيتي بذاك الشارع.
ابتسمت هزيت راسي اله اتشكرته ورحت لصاحب المكتبه.
رُقيه: عمو ممكن اطلع من الباب الخلفي ضروري والله
- بنتي اعرفج من أشهر كل فتره تجين هنا ليش تطلعين مناك احد لاحگج؟
رُقيه: عمو حسيت أكو ناس مو زينه تلحگني عليك الله عمو بس هل مره. واذا دخل سألك عني گول گول ما شفتها ما منتبه اذا دخلت للمكتبه.
هز راسه وگام أشر لواحد يجي بمكانه، رحت وراه وآني كل شويه اللتفت ورايه خاف يشوفني الحارس، فتحلي الباب اخر مره باوعت ورايه شفت الشخص اللي لابس كمامه طلع وآني بسرعه طلعت من الباب الخلفي اتشكرته ومشيت بسرعه من ورا المكتبه.
رُقيه: الحمدالله دخيلك يا على شلون هسا وين اروح؟ اي حي - - -
اركض بالفرع حتى اوصل للشارع العام.
كملت ركض الموقع قريب معقوله سنين ما چنت منتبه القصور بمنطقه وحده. متت من الركض كملت واني اطلع تعليگة الكاميرا من تحت التيشيرت
رُقيه: الكاميرا الكاميرا خل اصور
شغلته بديت اصور الشارع اللي يودي للقصر شارع جديد ومرتب البيوت كلها تصاميم حديثه اغلبها يلات فخمه جنت اركض بطرف الشارع عالرصيف.
لحظات وعبرت سيارة مضلله من آخر موديل كسر عليه وگف مخالف للطريق گدامي، نزل الجامه بلعت ريگ شديت على الكاميرا وبعدها تصور، نفس الشخص اللي چآن بالمكتبه ولابس كمامه
طلع إيده من الجامه لابس كفوف سوده موجه السلاح عليه، اردف بصوته الخشن تبسمرت بمكاني
- صدفه بنفس المكان مرتين.