رواية ولد الباشا للكاتبة فاطمة الأحمد الفصل التاسع والعشرون
ال بتراء.
حظرت نفسي وتأنقت بفتسان تُرابي
و عفت شعري مفتوح، طلعنا من البيت متوجهين
للبصره اللي رجعت منها قبل خمس ساعات.
المشكله من طلعت عبالي قريبه بس جاسر چآن يقود مثل الطياره گال الطريق اربع ساعات وصلنا بساعتين وما طول لقائي بأختي غير ربع ساعة وفورا جاسر رجعني عود حتى ما يشكون مع ذالك انجبرت اكذب
عليهم وگلت ام رند فجأة مرضت ورحت وياهم للمستشفى لحد المغرب.
الطريق هدوء بس متردده انظر للخاله احسها ما صدگتني وبعد عندها اسئله. وفعلا احساسي بمكانه
لمن حمحمت ورجعت سئلتني.
يَقين: براء ليش ما اتصلتي بيّه ضل بالي يمج
غبتي عن البيت خمس ساعات على الاقل چنت اجيت للمستشفى وراچ.
نظرتلها وادهم بصفها يم الباب گاعد هم نظرلي مع ابتسامه بارده ليش يحسسني يعرف كلشي اسويه.
بتراء: خاله مو گلتلچ، نسيت اخذ تلفوني.
يَقين: توّي اسمعها منچ.
الأدهم: يَقيني يمكن نسيتي، الف مره أگُلج لا تتعبين نفسج.
يَقين: لا أدهم ما ناسيه، براء اتصلي بصديقتج خل اطمئن على امها.
خاله طلعت شكاكه أكثر من على سَند.
هزيت راسي اي وطلعت تلفوني اتصلت على رقم وَسن ضل يدگ يدگ وما تجاوب.
بتراء: خاله رند ما ترد يمكن مشغوله بأمها
يَقين: چآ اتصلي على صديقتج الثانيه.
صفنت بوجهها هاي عليمن تحچي آني بس اعرف اسم رند عود صديقتي.
بتراء: اي، اي وحده منهن؟
الأدهم: جوري...
چآن يباوع گدامه وبعدها نظرلي مع ابتسامه حقيره لو اشرب من دمه ما ابرد نار گلبي بهذا البارد.
يَقين: اي جوري اتصلي بيها.
من التوتر سويت روحي ابحث عن اسمها وفجأة الخاله سحبت التلفون من إيدي.
يَقين: آنه گلبي مثل النار على حالة المره وانتي تدورين بهل بُطئ، جيبي
رقم جاسر مسجل بحرف J شهل مصيبه شلون انلاصت.
ضل يدگ وما يجاوب ضل يدگ وما يجاوب.
بتراء: زين خاله جوري شعليها اني مو سولفتلج انه هي من بغداد.
يَقين: وگلتي رند كذالك من بغداد بس اجت للنجف اكيد صديقتج صديقة صديقتچ.
شنو صديقتي صديقة صديقتي شهل لوصه هايه
الموضوع ما يدخل براسي، أدهم اخذ منها التلفون
وشمرها عليّه لگفتها، وهو من يحچي يوزع نضراته بينا.
الأدهم: انسيلي موضوع صديقة صديقاتها شعليچ بيهن، الأهم هسا المناسبه اللي رايحين علمودها.
خاله يقين غامضه بشكل كبير نظراتهه مو مال مره وست بيت عاديه، مرات احسها امرأة غير عن ستات البيوت، عدها معرفة كبيرة ومعلوماتها ما يجن من عبث.
آني وهي رجعنا ظهرنا للكشن نباوع گدام خل نشوف آخرة هذا الطريق.
مرت ثلاث ساعات رغم السيارة تمشي بسُرعه
وصلنا للمدينه اللي أهلها ملقبينها بصرة الفيحاء
كوّني من أم كربلائيه فأنا انتمي للكربلاء رُغم جسار بصراوي.
الأدهم: انزلي، بنتي!
عُدت للواقع واحنا واصلين أمام قصر كبير والوقت بال 8 المسا، نظرتله أدهم فاتح الباب للخاله يَقين ومنتظرني انزل، نزلت وآني بداخلي اردد دخيلك يا على السَند
نزلت و خطيت خطواتي نحو البوابه الرئيسيه
بوابة كبيرة وتصميمها فخم وَ يَدُل على الثراء الفاحش اللي أصحابها بي، وگفت أمامه وقريت الأسم (قصر ولد الباشا)
الأدهم: لقب مُتوارث.
بتراء: واضح.
يَقين: نبقى واگفين؟
حاوط كتافها مع ابتسامه يغازلها رغم عمرهم اللي يبين بال50 والخاله هي اصلا گالت عمرها 47.
نظرلي وبعدها نظر للخاله اردف بإبتسامه هادئه
الأدهم: وَ اثناء الرُبما، أنتي يَقيني.
اشو خاله صارت محمره من الخجل بس ضلت تحجي بغرور. وسبقتنا تدخل وتمشي بالممر اللي موجود بين الجهتين حدائق وتتوجه إلى بوابة القصر.
يَقين: اي أدهم گول شي جديد عليَّه، أنا اليَقين أثناء الرُبما.
اسرعت خطواتي وصرت بصفها وادهم ورانا يبتسم بهدوء ولا جاوبها.
دگت الجرس وثلاثتنا امام الباب، گلبي گام يدگ دمام
شصار بيّه، شنو اللي ينتظرني خلف هذا الباب، نهايه مأساويه أم بداية جديدة.؟
يَقين: ثاني مره ليش ما يفتحون الباب.
الأدهم: هسا يفتحون اصبريلچ دقيقه
يَقين: خمس مساعدات وماكو وحده تفتح الباب
بهل اثناء انفتح الباب وانفتحت عيوني بذكر بسم الله بنيه شعرها اشگراني تباوع وراها وتصيّح.
هِلال: سيراا ااامج وابوچ وصلووو
دارت وجهها فز گلبي من شفت وجهها النوراني وصوت المره مر مسامعي وهي تكرر إيمار إيمار
هِلال: أهلا وسهلا.
أدهم حظنها بس هي ما بادرت لكن مبين ادهم يعتبرها بنته او هي بنته او ماا ادري هسا نعرف.
الأدهم: شلونچ بنتي؟
بس هزت راسها واجت حظنت خاله يقين بكل حب للحظه، انزعجت معقوله صرت اغار؟
ابتعدت وهُمّه يسئلون بعض عن حالهم واحوالهم والبنيه تحچي بعينوها وتسأل عني أو اني هيج حسيت.
يَقين: هايه براء مثل بنتي من يوم ما تعرفت عليها.
هِلال: يا عُمري، اهلا وسهلا بيچ.
حظنتني وآني بألف يا على لازمه گلبي من الخفقان
بنيه لو ملاك شلون حبابه وتدخل بالگلب نسيت نفسي وهي حمحمت وابتعدت
هِلال: من راح تُدخلين هذا الباب تُعتبرين ضمن عائلة الباشا محد يمسچ بحچايه ولا تحسين روحچ غريبه انتي بين اهلچ وناسچ وكل بنات بيت الباشا مثل خواتچ.
بلعت العبره والغصه ببلعومي، بعُمر ال6 سنوات، العائله اللي چنت اريدها ويا أمي المرحومه وابوي المجرم، صرت اشوفها ببيت اعدائه.
ما تسعفني الكلمات دخلت برجلي اليمين للصاله المفتوحه القصر أكثر من فخامه والدرج نازل من الجهتين، بهل اثناء أفراد العائلة اجتمعوا فرد فرد
وأولهم شخص طلع من باب الصاله او الديوان.
مُعززه ومُكرمه طول ما انتي بگاع الباشا.
رجال بالخمسينات او اكثر واناقته طاغيه أجا حظن الأدهم ويرحب بي وسلم على الخاله، اجا دوري ومد إيده للمُصافحه عيونه العسليه تُربك. مديت إيدي للمُصافحه لكن سحب إيده اردف بهدوء و إبتسامه
الباشا: چؤ. لا يجوز المصافحة.
الأدهم: الگدامچ يخاف المُحرمات ومستحيل إيده تطخ إيد إنسانه غير بدر التِم.
اريد أفهم أدهم على شنو يقهق، بهل اللحظات
اجت ست الكل مثل ما صاحت هلال
هِلال: اجت ست الكل اجت هُدهُدة بيت آل الباشا.
ول هيوووو هييچي ترحببيين بيهااا موگفتهاا بالبااااب. ، وخر لك يوميه بوجهي.
صددددمه هذا الكلام الأخير ما جان موجّه لطفل عمره ست سنوات چآن موجّه للسيد أدهم يا نااس لزمته من ذراعه وابعدتته عن طريقها حتى تگابلني.
فر بإيده وراح ويا اخوه للصاله و ست الكل لزمتني من وجهي تبوس بخدودي شلعته تشللع.
ناهد: يااا هلا ومرحبا بييچ ولچ يقيييين اسبوووع ضااامه هاايه العروسه الحلوه عننني؟
بتراء: ا اسم الله الزهره، عروسة ايش، حجيه
ول امداااج تراا هدهده قصدهااا من گد الجمااال
شجاي يصير دخلت البنيه بنصنا وتصير بعمر ودق واصلا هي نفسها سيرا صديقة وَدق.
باوعت يمين يسار ونظرتلي فوگ وتحت.
سيرا: تم الحجز ل على سَند، الف الصلاة والسلام على رسول الله محمد، وحق الزهراء دخلتي گلبي
عيُونچ خظر وعيون على سَند سمائي احووي وينه ابو وتتتن ولك تعااال.
راحت للطابق الثاني مثل الطلقه شهل صدمه هااي.
اجن ثنين نسوان مبينات بعمر خاله يَقين ووحده أصغر منهن تحاظنو حظن ثلاثي ولا چنهن بالأربعين
من عمرهن تكول صديقات بسن العشرين.
الثنتين كل وحده لازمه إيد ويباوعنّ بإنبهار
أمل: يَقين خطبتله لعلي سَند وأبو وگعه ضل
ولچ يَقين الخاينه مو گلنا نزوجهم سويه؟
ندى: عالم تحير تزوج بناتها وامل تحير بولدها.
آمل: انطيني سيرا ل وتن ونفض السالفه.
ساكته واوزع ابتسامات اجت سيرا ويا شاب عرفته وتان لمن شفته العصر بالمطعم.
آمل: هذا هم حضيي، هساا يوگعع
تدفع بظهره حتى ينزل الدرج بسرعه
سيرا: امشيي ابو الوتن شوف مرت اخونا شووف تگوول تُركيه.
وَتان: تمااام راح اوگع ونصير اثنين على گلب امي.
وگف أمامي واختفت ابتسامته.
وَتان: منو هاي؟
يَقين: وتن. احم!
ندى: وتن!
آمل: وتن من باچر تداوم على أكل اللوز.
نظرللهن ونظرلي مع ابتسامه انرسمت على ثغرته.
وَتان: اعرفها شبيچن اعرفها حق المعرفه.
ما تصدگون؟ ول خااااالي وحق جدنا السابع اعرفها.
ندى: ما دام حلفت بالهمج صدگناك.
بتراء: هه شلون؟
مد إيده يصافحني وصافحته لكن لزمته قويه
وهو يحچي بإبتسامه حسيتها أقرب للتسليك
وَتان: براء حيدر الكرار آنه الرتبت معاملات الجنسيه بزيارة الأربعينيه لأجل العوده من كربلا للنجف.
سيرا: صفگووله، عوف إيد البنيه شبيك.
خاله يَقين همستلي اخذي راحتچ وياهم وراحت ويا النسوان الاثنين والحجيه وياهن او ست الكل هُدهُده.
هِلال راحت للطابق الثاني بعدما رجعت رحبت بيّه و گالت البيت بيتي، اما هذوله الجوز ما ادري شحجي والله.
خاصة وتن ما ارتاحله ابدد، تراجع خطوتين وخلفه واجهة الطابق الثاني والدرج وراه، اردف وهو يفرد ذراعيه.
وَتان: اهلا وسهلا بيچ ب...
سيرا: ستوووب اههه عوفچ منه.
بتراء: ما فهمت عليك شنو؟
سحبته سيرا واجت گدامي تجرني من ذراعي وتحچي
سيرا: متوازي عوفيه وتعاي وياي يم البنات.
عبرنا وتن وهو يصيح عليها.
صايره ما تحترميني والله ما اسكتلچ بس اخ الخوه واگفه بعيني
شگد غريبين الأطوار لا والاغرب ما كملنا بهدوء وگفونا ثلاثه بنفس الوقت حچو.
عدنه خُطار وما ندري؟
نظرتلي سيرا واندارينا الهم چنا واگفات بنُص الدرج
وهُمه يم باب البيت توهم راجعين.
واحد اشگراني والثاني ملامحه تشبه وتن، أما الثالث صفنت بوجه وگلبي صار يدگ خاصة وآني اشوف يشبه جسار بملامحه خاصة عيونه الحاده.
تقدم هو وعيونه توزع نظرات حوالين الكل وگف أسفل الدرج، اردف.
عَزّآم: أهلا وسهلا بيچ بين اهلچ وناسچ.
هدآم: منوره براء منوره.
الأخ يسلك لو شنو؟ أما آخر واحد استفزني أكثر شي
وگاع: welcome بقت على هايه!
عندي اتصال ضروري.
عافهم وطلع للحديقه اما الاشكراني ملتهي يراسل ودخل للديوان، بقى المحترم الحذر، حسيت كلمتين توصفه بذمه وضمير صح حسسني انه ما يثق بهل روايه اللي اجيت تحت شعارها بس بنفس الوقت ما قلل من احترامي ورحب بيّه، مسح لحيته وصعد الدرج سيرا وگفته.
سيرا: وين وين.
عزام: على غرفتي وين يعني، .
سيرا: تمام چآ الزم ذراعك عبن ما اثق بيك.
براء هذا محتال أللزمي ذراعه وياي خل نوصله لغرفته.
عزام: سيرا لا تخليني ابتلي بيچ گوه اجرع صلافتچ.
بتراء: اعتذر حلوها لوحدكم ما اتدخل.
عزام: عفيه الناس اللي تفهم.
عبرها وصعد بسرعه وسيرا وراه واني وراهم عالواهس.
سيرا: وحق الزهراء متأكده تروحلهااا ولچ تعاي هناا.
اللزمييه.
جرتني وخلت كتافي تضرب بكتافه.
فز گلبي شعور غريب توتر رهيب والشاب الله شاهد محترم وما يناضر وفورا ابتعد عني خلى مسافه بينا.
أخذها على زاويه وحچى وياها بصوت هادئ لكن سيرا اصفرت يبدو تخاف من كلامه وتحسبله الف حساب، عافها ودخل إحدى الغُرف، اجتي بسرعه
وهي تكول، اسفه ما اتقصد بس شويه ذبيت ميانه، تعاي هذا غرفة اختي وخل اعرفچ على اختي الوسطانيه.
دخلت للغرفه وراها وچانت گاعده!
وَدق
جسار: هاشم!
رفع انظاره عيونه تخوف وهو يخوزر بجسار
رفع اصبع السبابة بتهديد. واردف كلام نزل علينا مثل الساعقه
هاشم: عفتلك بيت واملاك ونفوذ يكفوك عُمرين
وبالمُقابل تدير بالك على البنات وامهن فقط لفترة خمس سنوات وچانت تخلص محكوميتي وارجع لعائلتي بس انت شسويت بيّه؟
جسار: هاشم خل نحجي على انفراد مو گدامهن.
هز راسه اي اي واكمل كلامه بهدوء حذر.
هاشم: گلت بينك وبين نفسك خل اغدر هاشم مثلما غدرت نَصار وجاسر، عود تاخذ مرتي واملاكي وتتفرد بيهن، بس يبدو ناسي أنه اخوك هاشم هو الأساس ولك آني الأساس مو سهله تهزمني وآني الملك والساحه ساحتي.
احنا البنات ثلاثتنا ساكتات من الصدمه
ما جاي استوعب ومخليه كل تركيزي وياهم.
جسار: هاشم أنت حاليا ملياردير بفضل ذولاك الناس اللي انظميت الهم، ف خلي ننهي الموضوع بالتفاهم.
گام على حيله وصراخه هز البيت حتى وَسن فزت.
هاشم: گتااااااال مررررتي وگتااااال اااخواااني تريييدني اااتفاااهم وياااك. كُلهم بصفحه وبنااااتي الثلاثه بصفحه، جساااار...
اختل توازن رُقيه من الكلام اللي انگال.
سندتها وآني الاحتاج سَند شهل مكائد اللي واگعين بيها احنه!
جسار: هاشم اترجاك لا ترجع للماضي!
نظرتلي وشفايفها يرجفن ورجعت نظرت لهاشم وجسار، تحچي الكلام اللي چوا گلبي وما گدرت اللزم دمعتي من وراها.
رُقيه: وينها امنا، وينها امنا ألمن عافتنا وراحت؟
وَدق وين امنا ليش عافتنا بإيدهم؟
وَدق: اشش اهدي اهدي هسا ينحل كُلشي.
رُقيه: ش شينحل وَد شينحلللل.
نترت إيدي وهي تمشي بإتجاهه وتهجم على هاشم
تحچي وتصرخ.
رُقيه: ملييييناااا كاااافي عاااد ملييييناااا يوووميه سااالفه يوووميه سااالفه، 25 سننةةةة عااايشااات حياااة چذببب بچذذببب، اسماااء وهميه أشخاص وهميين، شتريييدوون مننا ااانت واااخوك العااار شتريييدوون.
رفض اتقرب واسحبها، هو احتواها وهي تحاول تضرب بصدره لزم ايدها ثنينهن وحظنها لصدره بألف يا على مثبتها وهي تبچي وتصارخ واني گدامهم وگدام وضع رُقيه الحساسه لا حول ولا قوة لي.
رُقيه: وخررررياااا نگسسس لا تووسخنيييي بييك ااانت اووسخ من جسااار ااابوونا عااار وااانت هم عااار ونگسس مثله عوفنييي عوفنييي سُعاااد سُعاااد.
مااامااا وييينچ وييينچ عوفني لااا تلطخني بخطااايااك
وَد وَد بعدييه عني بعدييه.
متصنمه بمكاني على منظرهم، خاصة من هاشم يبوس بشعرها ويمسح عيونه معقوله يبچي وليش؟
هاشم: رُقيه بنتي بنت ابوها وبنت أمها النچره شلون تضعفين هيجي. اهدي بويه اهدي وكلشي ينحل ويرجع لمكانه الصحيح.
رُقيه: كُلكممم نفسس النَسل كلكمممم شنوو ينحللل شنوو
وسن خطت خطواتها بعدم تصديق وآني كذالك
اتقدم گدامهم، جسار واگف بجهه ومبين متوتر لأبعد الحدود.
احجي وعيوني مثبته على رُقيه وضايعه أاشر على جسار او على هاشم.
وَدق: و احد واحد يفهمني الجاي يصير
من من شوكت عدنه عم ثالث و منو منو هنن بناتك الثلاثه؟
لزم ذراعي يحاول يسحبني ويحچي
جسار: تعااي هناا كاافي تسألين عمچ موو بوعيييه
اصلا ما ما عنده.
ااااسكت لااا ااامحييييك بهل للحظه جسااااااار.
فورا عاف إيدي، يجي ويروح وما عنده جُراة يفتح حلگه.
درت وجهي لناحية وسن اللي صافنه على أبوها
وهو حاظن رُقيه اللي انهارت تبچي بگلب محروگ
وهو عيونه محمره وينظرلي أشرلي اروحله واردف.
هاشم: تعاي بابا ليش واگفه بعيد؟
وَدق: م مو صح ه هاي لعبة منكم لعبه تعلبوها
جسار ابونا ماكو غيره هو.
جسار: ساامع لو ما ساامع؟
وَسن: ما اصدگ ما ماا اصدگ هذاا الحچييي گووول مووو حقيقه بااباا ليييش ساااكت جااوبني!
ابعد رُقيه بعدما هدئت، حظن وجهها بين ايديه، مرر إبهامه ومسح دموعها ورموشها.
هاشم: بناتي أنتن من نفس الأم بناتي من رويدا
وسن رُقيه وَدق. ثلاث فراشات.
وسن گعدت لازمه راسها ومدنگه وآني.
ارجف لا بيّه اتقدم ولا بيّه اثبت بمكاني ما ضل عندي حيل، اما رُقيه تنظر لعيونه وتحچي بدون ما ترمش من الصدمه.
رُقيه: ب بتراء هم اختي مو بتراء اختي. احنه اربعه.
هاشم: لا...
رُقيه: ش شنو لا شنوو لا بترااااء اختي بترااااء اختي سنين وهي مأسورة عند جسااار بتراء اااختي هي اختي مو؟
نترت ايد هاشم وخطت خطواتها بتعب وبلا حيل
نحو جسار اللي منزل عينه، وگفت أمامه تحچي وتضرب على گلبها.
رُقيه: هااايه المأسوووره اااختي اختييي
مستحييل تكووون غييير هذا الشيييي هيي اااختي سنين وانا ادور عليها، تسمع تسمعني ما؟
نضرت لهاشم وحچت.
رُقيه: احنه احنه فراشات بتراء هذا هذا الگدامك 18 سنه، حارمنا من اختنا وضلت اختي مأسوره عنده.
و اني اني من اطلع يدز ناس تراقبني ودق اذا تعاركت وياهم، نائل يضربها اني ااذا رفضت طلب يهددوني بيها. ، ولك ااااا للله يااااخذذذكم ااالله يااااخذذذكم.
تحچي وتشكي من ضُلم جسار وكأنها طفله وتضرب بي لأول مره جسار يضل ساكت ولا عنده الجرة يرفع عيونه.
رحت لزمتها واحاول اسحبها عنه انهارت أكثر
لحدما وگعت من طولها.
وَدق: رُقييييييه...
هِلال
دخلت براء للغرفه واحنه چنا ملتمات يم عزّه اللي من الخجل بس تبتسم بهدوء بدون كلام.
گُمت رحبت وعزّه هم گامت رحبت بيها
أما أريم طلعت من الحمام مبدله وتغني من شافت براء انلصمت
أريم: هيي گومييي گومييي گومي رگصي رگصييي. هلو مني هاي الحلوه.
سيرا: ذس اتس ماي براذر وايف.
بتراء: noo و على السَند
عزّهَ: الحلفان شنو وضعه.
بتراء: هو احلف بالإمام على هو شعليه؟
أريم: هو منو؟
بتراء: هو هو.
عزّهَ: هِلاله انطيني الموبايل اريد اكتب رسالة تأكيد بخصوص الإعلان الجديد.
شلت التلفون وما انطيتها.
هِلال: كافي شغل شغل واتصالات اليوم يووومچ.
بتراء: يمكن تستغربون وتضحكون بس ترا ما اعرف شنو المناسبه اللي عدكم.
أريم: اههههحمحم سيدة أعمال السنة راح نقرا الفاتحه عليها.
بتراء: منو مات؟
عزّهَ: محد مات، أريم!
أريم: ههه اقصد نقرا الفاتحه الها
بتراء: احم بس هي عايشه مو ميته.
انفجرت بالضحك بعد سيرا شيسكتها.
سيرا: فاتحة خير نقراا وباجر عقد قرانهم.
جريتها وراي، اجيت وگفت گدامها.
هِلال: Cok güzel البنيه فاتت بالحيط، خيه
عوفچ منهن، ما تعرفين شني فاتحة؟
بتراء: اعرف شنو فاتحة بس اول مره اسمع بيها، اقصد اسمع بقراة فاتحة خير قبل الخطوبه.
أريم: هو هيجي عادات بيت الباشا.
بتراء: تمام وصلت الفكره.
خلت إيدها على نص ظهرها وكأن حيلها أنتهى او انقبض على گلبها، ترمش وكأن ما تشوف گدامها اختل توازنها و لزمتها.
هِلال: اسم الله عليج شصار براء
عزّهَ: سيرا جييبي ماي بسرعه.
أريم: ليش لازمه ظهرچ بيچ شي اطلب الدكتور؟
شربت ماي وبألف يا على تجر نفس وبس تردد
دخيلك يا على السَند استرهن دخيلك يا على سَند.
هِلال: براء فهميني شبيچ؟
بتراء: احس احس ظهري مكسور ما ما اگدر اتنفس.
الفستان چآن اله قُطعه من ورا الظهر تغطي گصة الفستان من الظهر وخرته، عود امسح على ظهرها
انتبهت عدهه وشم وشفت فراشه موشومه بالأسود.
ويمكن مو وحده أكثر من وحده تحت بعض.
عزّهَ: هلال على شني صافنه خلي ماما يَقين تجي
وحده بيچن تناديها.
بهل اثناء دخلن عمه ندى وعمة يَقين من شافت وضعها انصدمت. ركضت عليها وتنادي بأسم بنتها المفقوده.
كنبصت يمها وتمسح على شعرها تحچي وياها باسم براء، ونست قبل لحظات نادتها بأسم بنتها المفقوده.
يَقين: شبيچ براء احچي ماما شبيچ.
عمة ندى واگفه مثلنا مصدومه من الأسم الأول
وليش ذكرت أسم بنتها بعد 11 سنه من اختفائها؟
مسحت على وجهها وكأن متوتره من شي
بتراء: خاله تلفوني وين وينه.
يَقين: عووفي تلفونننج شبيچ ليشش هيج حالتچ
شبيها ظهرچ.؟
تنظر للخاله وشفايفها يرجفن تكابر وما تريد تبچي.
لزمت گلادة برقبتها توي الاحظها چانت هم فراشات
ثلاثه، باستهن وحظنت عمة يَقين
بتراء: م ماكو شي فقر دم عندي ومرات هيج يصير وياي.
عزّهَ تتابع الصار بهدوء وأريم ترتب شعر البنيه.
عدلت القُطعه اللي تغطي الظهر وهي حست عليّه. وحاولت تغطي ظهرها أكثر.
گدرت تگوم على حيلها وتمسح خدودها
وتدور بعيونها على التلفون، شافته عالارض بمكانها
شالته وحچت.
بتراء: خاله اروح اتصل على رند واطمئن على امها
يَقين: اجي وياچ خاف تتخربطين.
بتراء: لا خاله مابيه شي والله احسن.
هِلال: تعاي نطلع للممر انتي احچي وآنه انزل جوا.
هزت راسها اي ومنا عزه طلبت تلفونها ما انطيتها
وأخذته وياي، نمشي بالممر والبنيه تعاين يمين يسار
ومبين بحلكها حچي.
هِلال: براء بيچ شي؟
بتراء: ليش ممر طويل وكله غُرف!
هِلال: عبن احنه عائله چبيره ولازم غُرف هوايا
حتى تكفينا، مثلا جهة اليمين للبنات وجهة اليسار
للشباب من عائلتنا.
بتراء: انتي بنت منو؟ اسفه مقصدي بنت اي باشا من الاخوه الثلاثه؟
وگفت ونظرتلها بنيه حبابه وعلى نياتها
هِلال: بنت أيهم باشا وآيدا نِضال.
ضلت ساكته وبلعت ريگ اجاها إتصال
وانتبهتله.
بتراء: لازم اجاوب عن اذنچ.
راحت بعيد وتحچي، عفتها ونزلت من الدرج شفته طلع من الديوان. طنشته وكملت للمطبخ وهو وراي
هدآم: هلال خاتون ممكن اعرف شجاي يصير.؟
هلال: ok. طبعاً.
تالي وياچ!؟
دخلت للمطبخ المساعدات يرتبن الضيافه.
صاح بيهن
كُلهااا تطلع يلااا.
هِلال: لا ترفع صوتك عليهن هنن موضفات مو عبيد عندك!
كلمن حسب سعره خل نجي لموضوعنا
شعندچ ويا أديب بكفتيريا الشركه؟
هِلال: هو هذا موضوعك؟ اعتقد أمور الشُغل يبقى بمكان الشغل.
درت وجهي وفتحت باب الكاونتر عود انزل گلاص لشُرب الماي لزم إيدي وصار بظهري.
مو غبي واعرف گعدات الشغل من الگعدات الغير عن الشُغل!
هِلال: وخر هسا يجي واحد يشوفنا.
ويشوفنا حلال بعض احنه.
هلال: هذا الكلام بتُركيا ذاك الزواج باطل بالعراق!
بله انچبي عدنه الجنسيتين واحنه قانونياً عاقدين.
هِلال: انت انت مريض انفصامي قبل أيام
تهدد وانتقام ومدري ايش، وخر يا بلا شخصيه.
وخر!
حاوط خصري وشد إيده غمضت عيوني احاول ما أضعف گدامه يشم شعري ويهمس بأذني.
سميني شما تسميني بلا شخصيه بلا عقل وحتى متسودن، راضي كلشي يروحلچ فدوى.
هِلال: مسوي روحك حچايتك وحده وما تصير ثنين وصيتك عالي، چآ وين الحالف ياخذ بثاره مني؟
باسني من يم اذني وهمس.
براسي بنيه شگره سودنت گلبي الرچيچ.
درت وجهي وصرت گباله قربني لصدره أكثر
منتظر ردي وچان الرد.
هِلال: العالم كله ملكك إلا آنه.
رخى إيده من خصري وقبل لا احاول ابتعد رجع شد عليه. اردف.
كِلانا يَسكُن الآخر مهَما حال بيننا كُل شِيء.
يجي يوم تصيرين بأسمي تصيرين ملكي.
رخى ايده شويه شويه وابتعد يتراجع للباب.
ويحچي ويشرح بإيده
اتسوين ها ها اسوي ها ها تسوين ها اسوي ها وفهمچ كفايه حبيبي.
هِلال: فد وااحد مااااصخ.
فد واحد مااااصخ وبعد؟
شمرت تفاحه عود اضربه بي هو لگفها واكل منها.
ثانكس حبيبي الزوجه الصالحه والله.
طلع من المطبخ وهو اللي حارگ بدمي شنو من بشررر هذااا!
ال بتراء
بعدما جاسر اتصل بيّه ابتعدت احجي وياه
وهو اللي حسيته قلق عليَّه.
جاسر: شبيج بتراء مريضه؟
بتراء: دقيقه آني حظرتك شلون متصل؟
جاسر: رقم احطياتي. ويا ويلچ تحظريني.
بتراء: من الآخر شنو الصاير گلبي ما مرتاح خواتي صاير وياهن شي؟
سكت شويه كأن كاتم الصوت بعدها رجع.
جاسر: ما ادري مو بالبيت.
بتراء: جاسر خواتي بيهن شي احلفك بالعزيزه امك اذا تعرف شي احچيلي.
رجع كتم الصوت وبعدها اردف بصراخ لكن ويا صوته سمعت أصوات ثانيه صوت بكاء بنيه مدري إمراة.
جاسر: ترااا ما فارغلچ خوااتج ما بيهن شي حتى التوأم مو بالبيت ف خليج مرتاحه، .
ركزت على صوت المره أكثر من كلامه صوتها وهي تحچي بغصه وكأنها بصف جاسر.
بتراء: جاسر المره البصفك ج جاااسر الو
المره نفسها الو جاااااوب يااا حقييررر ياااا چلببب جااوبني.
عاط عليها وقفل الخط بوجهي.
فزيت من صوت شخص وراي.
شلون داخله للبيت، منو أنتي؟
عيوني تروح يُمنى ويُسرا صوته يختلف عن السابقين.
انداريت والچان يحچي شاب لابس تيشرت ابيض وقميص سمائي مفتوح ولابس براسه شفقه.
عدل ساعته والخيط اللي بيها خرزه وحدة بصف الساعة هم عدلها ومنتظر جواب مني، رفعلي حواجبه بمعنى احجي
بتراء: اجيت. اجيت ويا خال خاله يَقين
إيمار: اجيتي ويا الخاله يَقين؟
إيماررر
اتبسمرت بمكاني موسعه عيوني بدهشه لمن سمعت اسمه على لسان وَتن اللي جاي من تحت. طك اصبعه گدام وجهي، اردف
إيمار: شبيچ صافنه؟
وين مولي ساعه ادور عليك.
وگف ورايه انداريت چآن وتن ملامحه غريبه سحب
إيمار لصفه واردف.
وَتان: اعرفك على ء ء بت بر، نسيت اسمهه شسمچ مرت اخونا؟
بتراء: عفوا مرت اخوك؟
براء شتسوين تعاي
نادتني سيرا وهذا تذكر اسمي.
وَتان: اي تذكرت اسمها براء هايه براء گاعده ويا بيت عمنا الدرهم.
اجت وگفت بصفي ونظرات بينها وبين إيمار ماله تفسير اردفت قبل لا تسحبني من إيدي
سيرا: تاج راسك الدرهم.
عقلي وگف شلون واگفه بنُص بيتهم وآني بنت عدوهم اللدود.
رجعنا للغرفة الكل ملتم والزلم جوا گاعدين
ويا واحنه البنات فوگ بغرفة عزّهَ
عرفوني عليهن وحدة وحده وأنه ادهم عنده ثلاث بنات و ابن واحد من زوجته الثانيه أما خاله يَقين هي زوجته الأولى وعدهه بس على سَند. أما بنتهم المفقودة في عِداد الموتى الكل فاقد الأمل من رجعوها.
مر وقت كافي واجت هلال من جوا مبين ضايجه بس
ابتسمت و اردفت.
هِلال: لازم ننزل نگعد وياهم.
أريم: اشو آنه متوتره أكثر من العروسه.
كبار العشيره جاين مو؟
هِلال: لا للعقد يجون الليله بس عائليه يلا استعجلنن.
اجت عزه تتسائل عن تلفونها كأن فعلا عدهه شي
او منتظره شي يجيها.
عزّهَ: هلال وين موبايلي وينه چآن يمچ!
هِلال: اههه اههه، انطيته ل عزّام.
اختفت ضحكة هلال لمن عزّهَ عاطت بيها.
عزّهَ: غبييه شلووون هييجي تتصرفييين.
عبرتنا وطلعت اول وحده رافعه طرف الفستان بطريقه راقيه وتركض ركض مو مشي رغم لابسه برجلها الكعب العالي، شنو من بنيه شنو من شخصيه.
رحنا وراها وهي تنزل الدرج بسُرعه ومبين متوتره.
أريم: عزه شبيچ! لا تبالغين
هِلال: عزا بعينك أبيل امداني توبه يمين عظيم ما يتكرر ولج تعااي عييب انتي عروسه.
سيرا: وينه ابو وگعه يسمعنا ال وناااااسه مالته.
چذب چذب اتشاقه ولج أُختيي أُووخي تعااي عيب من براء هسا تگول عليچ متسودنه.
بتراء: لااء ما أگول.
سيرا: ااامدااج براااء، ولج اااوختيييي.
وگفنا امام الديوان ورا عزّهَ، وانفتح الباب طلع شاب مدري رقم شگد بكل زاويه اتفاجئ بواحد جديد شكُثرهم يا على دخيلك، . نظرات او صفن صفنه على أريم لثواني بعدها نظرلي لأن چنت بصفها واردف.
أبيل: أي احم، اهلا براء.
بتراء: اهلا ياا ءء
أريم: غدار شواي الخرفان...
سيرا: هههع، شي اس كييدن
أبيل: گاتل ابوچ؟ داير بانزين عجد جدچ السابع؟
سيرا: انلاصت، مو وگتكم.
بتراء: هه كيوت.
عزّهَ: روح نادي أخوك خل يطلع.
دار وجه للثانيه عيونه ناطه شگد ينفعل بسرعه
أبيل: أشتغل عندچ مس عزّه؟
طبت بيناتهم وهي من تحجي تجنن وكلش كيوت.
هِلال: Cok Cok güzeeeel
وخري عزوزه وانت عزا بعينك أبيل شني هذا الكلام
بكل الأحوال راح نطب نگعد.
أبيل: تدرين شني جاي عبالي؟
سيرا: هههع تدير علينا لتر بانزين وتفضها؟
أبيل: بيرفكت، تستهزئين؟
ما حچت ويا احد او ناقشت أكثر رتبت شعرها والفستان النازك سحبت أبيل من القميص مالته بأصبعين بدون لا تطخه.
عبرته وفتحت الباب احنه هم عبرنا بصفه وگفنا وراها
بقى أبيل ورانه واحنه سمينا بسم الله واول ما دخلت عزّهَ، هُدهُده هلهلت وبعدها خاله يَقين والبقيه من النسوان ما عدى حُرمه وحده!
گاعده وعابسه بعدني ما تعرفت عليها.
ناهد: ااالف الصلاة والسلام على رسول الله محمددد.
الشباب عزام وهدام ويا الاسمه وگاع گامو راحت عزّهَ گعدت بصف امها واحنه البقيه بصف بعض
همست بأذن هلال.
بتراء: منو ذيج المره ليش مالها خلگ ومبين الوضع ما عاجبها؟
ابتسمت بتسليك الها وحچت من بين اسنانها.
هِلال: ههه هااي أم عزام تصير مرت أبويه
رادت تخطبله وحده غريبه بس اخوي حبها وراح ياخذها على عنادها.
بتراء: وهذاك اللي يباوعلي مبين أصغر من عمو ادهم شسمه ومنو؟
هِلال: اووه هذا اشتور عمي أشتر أصغر عمامي ويصير والد وتان وهذاك وگاع.
صفنه تجيبني وصفنه توديني، ليش هيج ينظرلي.
بعدما اللزلم حچو بموضوع الزواج والمهر گالو نقرا الفاتحه.
قرينا الفاتحه وگامت ام عزام تقدم المهر والذهب
للعروسه، تقاليدهم تجنن وباركتلها بس مبين ابد ما عاجبها الوضع، گامت عزّهَ راحت لعمامها واستغربت عبرت ابوها و راحت لعمها الباشا أول واحد
بتراء: المفروض ابوها مو ابوچ بالأول.
هِلال: هاي عزّهَ مستحيل تخطئ بتصرفاتها أكبر عمامها ومن بعدها ابوها وعمو اشتر.
درت وجهي فعلا ادهم فرحان بيها وبتصرفها، حظنها الباشا وباس جبينا وهي باست إيده.
الباشا: اليوم بنت اخويا وباچر چنتي ومثل بنتي.
عزّهَ: فدوى اروحلك عمو، ربي لا تحرمني منك.
ابتعدت و راحت حظنت ابوها وهي متردده او خجلانه باس شعرها ويشد على حظنها چانت لحظه مميزه عيوني حرگنّي، منبهره من شفت جانب آخر من الأدهم.
الأدهم: چبيرة بناتي والفرحه الأولى.
فخور بيچ يَ رفعة راسي.
ابتعدت عنه وهي تمسح أطراف عيونها، دائما البنت الچبيره تكون حساسه إتجاه ابوها، أما عمها الأصغر
فرد ذراعه ومع إبتسامه ناداها بحماس. للحظه فتحت حلگي مصدومه عموو أنت خمسيييني.
الأشتر: ول خااالي بنت الدرررهم الغااالي.
الأدهم: ههها لا حول ولا قوة الا بالله العلي العظيم.
حظنته وهي طلع صوتها
عزّهَ: Distinctive عمي الغالي.
گعدو الشباب كلهم إيمار وتن أبيل والكل وگامت سيرا صاحت وهي رايحه بإتجاه اشتر و عزّه
سيرا: اشتوررررر الورد ضد الحراره والبررد.
كُلها صاحت بيها إلا الأشتر
سيراااا تااالي وياااچ.
الأشتر: بليز لحددد يحط خشمه آنه وبنت الدرهم ميانه ااانتو شكوو؟
سيرا: إلاااا ابوس راسك وهااا اخطبلك اوكرانيه على حساب مهررري.
حاظن البنتين وأمل نظرت لسيرا.
سيرا: ههههه، كييدن والله، إنني أمزح إنني اتشاقه I am kidding وحق جدنا السابع. اشتور مرتك تهدد مرتك تهدد مُفضلتك.
إيمار: لسانچ وين خل يلعلع هسا.
الكل على جوههم علامة استفهام ومع ضحكه تسليكيه ما عدا الباشا نادر ما اشوفه يضحك وياهم.
الأشتر: مرتي ام جهالي ترا نجيبها تخدمچ يمن فدوى تروحلچ روحي.
وگاع: هاك استلم صرنا جهالك وكل واحد بگد الحيط.
الأشتر: چااا غييير جهااالي خوما جهااال ال ال وگاع ابقى بمكانك. جاييك
طلع تلفونه خلاه على اذنه
وگاع: جُمانه الو اي بخصوص ذاك الملف دقيقه هنا ماكو شبكه.
وَتان: اخويه شرد اذا لاحظتو...
أبيل: قاهر الموضفات بس اشتور يگدرله.
الباشا: أبيل ليش طارد كامل من الشركه بدون اذني!؟
هذا الثاني اختفت ابتسامته بعدما شمت بالأول
اتبع نفس الطريقه بس اتصاله چانت صدك.
أبيل: وعلى الضرغام اتصال حقيقي، الو AXR.
Yes، one minute. يابه احچي وياه برا هنا ماكو شبكه.
وَتان: الثاني أيضا شرد.
الأدهم: وَتان باچر تروح للميناء...
وَتان: شنيي ول عمي عندي كومه محاظرات رايح ادرسهن، سهره سعيده.
فر بإيده وضحك عليه عزّه رجعت يم امها وعزام گام
حظن ابوه بكل حب وباس إيده وراسه بعدها اردف.
عزام: رايد رضاك يابه.
لزمه من اكتافه وكأنه فخور بتربيته اردف.
الباشا: رفعة راسي وچبير اخوتك، راضي عليك وخليكم گلب على گلب وما رايد شي ثاني منكم.
رجع أبيل من برا اشو حسيته أقرب من ابوه مع العلم عرفت إيمار أصغر واحد.
أبيل: حظن أبوّي؟
الباشا: حاروگه وعلى الضرغام تعال يا حيلي.
حظنه ويا الأول وإيمار يباوعلهم گامت خاله آمل
راحت بصفه حچت شي وياه وهو ابتسم هز راسه بقبول وگام عدل التيشيرت وخطى خطواته بإتجاه ابوه الباشا من شافه عاف اخوانه وحظن إيمار لوحده و الاخين ألتمو عليه، نزلت دمعه من عيوني على منظرهم، باوعت على هلال هي هم تمسح عيونها وگامت.
هِلال: Cok güzeeel چا آنه بنت البطه السوده
ثلاااث اخوان محد بيكم كلف روحه يناديني دي وخرووو وخررو.
راحتلهم والمره همست وراها.
سجى: بنت البزونه السوده بسبع ارواح.
استغفرالله شنو من انسانه حقوده هاي المره.
حظنها ويا باقي اخوانها لكن عزام ابتعد عنهم وخاصة ما راد يطخ اخته ليش ما فهمت.
باس شعرها والكلام لچم گلبي. استحقرت جسار أكثر وأكثر.
الباشا: هِلالي وبدر التِم الما غاب ضواها عني
بس وجهچ مصبرني.
عيوني مليانه دموع ونظرت للأدهم اللي هم نظرلي بس تجاهل، چم وجه عنده يطعن باخوه وينطي بنته لأبن اخوه، مستحيل يكون من غير مكسب اكيد ورها إنَّ.
انتهت هاي اللحظات الجميلة وطول الوقت سيرا تصور وإيمار من شافها تصور انفعل. يروح بإتجاهها
وهي تتراجع الديوان چبير وعائله ما شاء الله مترابطه كل ثنين يسولفون مع بعض.
إيمار: لييش تصوريني؟
سيرا: ما صورتك ولي.
إيمار: ألزمي لسانچ آنه مو وتن واسكتلچ.
راحت للباب وتحاول تطلع.
إيمار: وين مووليه تعااي حذفيي الفيييديوو.
ركضت برا الديوان و كلمن يحچي من مكانه
الأشتر: صير زلمه ولا تعوفها روح وراها هايه تهينك، يلا يا شهم.
أمل: اشتررر لا تزيد النار حططب.
أبيل: وندير عليه لتر بانزين، اذا انت رجال تمشي كلمتك عليها الحگها هسا تنشرها عالستوري.
أريم: عاينلي عاينلي؟
أبيل: اشبعي من وجهي اعجبچ والله.
هِلال: عزا بعينك نصي صوتك اابيل.
أبيل: نعال بعينچ توأمي الغاليه.
صدمه بعد صدمه حرفياً عائله من النوع الخاص.
يحبون بعض وگلبهم على بعض ويحششون على بعض وبينهم تفاهم مو طبيعي. ف مثلا هدآم طول الوقت گاعد وساكت بس بارك لأخته ورجع ساكت وعيونه على هلال.
گام إيمار وندى حچت.
ندى: بغلاة الغاليه عندك لا تتكاونون ترا انتوا مو جهال.
أبيل: اي زلمه ابن زلمه شروجي دمك حار عوف
الفطور التركي وصير خشن خشن والكفو يطلع اءء
الباشا: أگوملك وعلى الضرغام.
أبيل: الكفو يطلع ينام، يلا مرت العزيز مرت اخونا
فاتحة خير ان شاء الله وتنورين غرفة اخونا البلاك ستايل، ولكم مره ثانيه الفاااتحه على روح عزااام.
عزام: صارت بلا ملح، گايملك وحگ العباس گايملك.
شمر چكليته عليه وطلع والكل يضحك على اسلوبه وأريم صافنه على وجهه ابتسامه، هلو هاي شنو، هم مشتهي وهم مستحي، لعد ليش ما تبين اعجابها گدامه.
إيمار هم طلع من الديوان وآني رجعت انظاري لعزه اللي راحت يم عزام بس ما گعدت طلبت الموبايل منه وهو ينظرللها بنظرات هايمه انطاها التلفون وهي أخذته بحذر ما تريد تطخ إيده.
بتراء: شبيها عزّه ليش هيج حذره؟
هِلال: هي هيج ملتزمه لا تشوفيها ما تلبس حجاب برا البيت وجوا، ترا هي انسانه مؤمنه وتصلي كل الصلاوات ومن ناحية الشرع ف هي هيج تتعامل مع اللي مو من محارمها.
بتراء: اي لاحظت شلون جرت أبيل من القميص و عبرته.
هلال: إي هيجي.
اخذت نفس بالراحه لمن رجعت لمكانها والموبايل بإيدها ضلت ملتهيه بي. إلى أن اجاها اتصال وطلعت! برا.
رُقيه
ضلام دآمس وشي بارد يجري بوريدي عيوني مستثگله تفتح وتبصر لكن سمعت صوته القريب عليّه وهو يسرد اللي صار.
هاشم: چنت رجال فقير المال عايش حياة بسيطة
ومليانه مصاعب، منا ابويه مريض ومنا اخواني لازم يكملون دراسه، اختي سنه أولى ابتدائي و جسار جان بعمر المراهقه. بالليل ما يرجع إلا وهو مكبسل يوم بعد يوم صار اسوء وعرفت عليه ديون بسبب هذا التعاطي.
السنوات مرت بسرعه وابويه توفى امي حملتني مسؤلية ثلاث أخوان واخت، ثنين مثل الورقه البيضه واني اكتب مستقبلهم وهُمه ينفذون والثالث طاغي خرج عن السيطرة يوميه داخل مصيبه، .
بين هذا وذاك دخلت أمج على حياتي
رويدا حبيتها وأول ما جمعت مهرها اخذت سعاد
وتقدمت الها، ومن دخلت للديوان الغدار چآن گاعد وجايب ناس يمثلون دور اهله، تسئليني ليش سوا هيجي؟
حسيت لزم إيدي ومسد على شعري يكمل.
عبن چآن يحب بنية وما أخذها، البنيه راحت تزوجت منافس اله بالشغل، ومن شافني حبيت وردت اخذ حب حياتي، راد يبرد گلبه بأخوه.
من وصلت چآن يريد يعقد عليها ومن أهل امج
عرفو جسار خدعهم طردو وما چانو يدرون هو اخويا.
رجعت بعد اسبوع تقدمت لأمج وصارت من نصيبي
بعد الزواج جسار جان عنده بيت ثاني وعرفت جاي يشتغل شغل غير قانوني على الحدود التركيه.
حاولت انصحه رغم أخطائه ورغم هو يكرهني.
نصحته وما فاد كمل وبيوم انخطف جسار من عصابه. والفديه چانت - - - عدوهم. واذا ما نفذت يقتلونه بدم بارد. منا جاسر ومنا نَصار. ثنينهم يمشون على نَهج جسار بعدما غسل عقلهم بالفلوس اللي يربحها.
نفذت المطلوب ورجعت اخويه بخير بس وگفت بعينه؟ اكيد لا، راح و - - - ومن رجع انطاني
السلاح گال شوفه على نيتي لمست المسدس
ورجعته، گتله خويا اول واخر مره اخلي الخويه بين عيوني لا تخليني اغير نَهجي وياك!
ثاني يوم غدرني والشرطه اجت قبضت عليه وبتُهمة محاولة - - - حُكم خمس سنوات والشخص چآن اجنبي، انحكمت حسب دستورهم.
دست على الحقد والكره وامنته على مرتي
جنتي أنتي عمرچ سنه، وسن چانت سنتين. أما
وَدق چانت امج حامل بيها، أمنته عليكم وامنت رويدا عليكم، ومن خلصن الخمس سنوات رديت لا امي ذيچ الأُم ولا اختي الربيتها بماي العيون ذيچ الأخت
جسار غرگهن بفلوس حرام. جاسر متوفي ومحد يدري شلون مات او مغدور!
مرتي چانت على ذمتي لكن شني الصار بهل السنين المضت مستحيل اصدگ بيها، جسار طلع متزوج مره من الكربلاء چانت اسمها زينب
زينب عاشت وياه اسوء أيامها وعرفت عدهم بنيّه
سماها بتراء. او البتراء.
سديت الباب عليهم وعفتهم سافرت للخارج وما رجعت يم باب جسار إلا بيوم مقتل نَصار اسوء يوم مر عليّه بسنة 2005 رجعت وآني أقوى من قبل رجعت
وآني عندي ملاين الدولارات وعندي نفوذ.
وعرفت جسار عنده عداوه ويا بيت (عائلة الباشا ) إزمير چانت نهاية البدايه، نصار چآن مُكلف ب---- فقط مرته لكن الصار شخص مجهول صوب عليه وما مات. جسار اجا قتل اخوه وگال ولد الباشا قتلو اخونا، سويت روحي مصدگ چي ببالي شغله.
من رجعت جاسر ابن أخويه حچالي وبس آني اعرف حقيقة الصار. لهنا وانتهت؟، لا امچ طلعت مريضة سرطان والناس كلها عبالهم جسار زوجها وهو كمل على هذا الأساس، وبيوم راد يعقد قرانكم أنتن ويا ولد عمامج. ولكن وگفت بوجه وهديت الديوان
علي راسه ضل يتوسل بيّه ما افضحه وانه فتح شركه
وراح يرجع للطريق الصحيح. و
وَسن: بابا ترا نايمه ما تسمعك.
هاشم: اشش تمثل النوم نُسخه من امج من تكون زعلانه چانت تمثل النوم.
فعلا چنت امثل النوم حتى ما بيّه حيل أبچي تعبانه إلى أبعد درجه، رجع يكمل كلامه.
رجعتكم للبصره وأخذت وسن ويا أمها للخارج
خمس سنوات ضلت مستمره علاجها لكن بيوم من الايام دخلت لگيتها متوفيه وهي توها چانت تستجيب للعلاچ، امچ هايه الچانت ملاذ لروحي، عافتني رغم الصار ما كرهتها حبيتها أكثر چي نچره ومحد صادها
چانت شامخه وماتت وهي هيچي.
هاشم: ، بهل اثناء چان هوا بإزمير.
آنا رجعت للعراق ودفنا امچ بالنجف ورحت ثاني يوم للكربلاء عرفت عنده بنيه. بيومها انجبرت، . السويته غلط بحق طفله لكن اليوم اتلامس اثرها.
الوشم اللي وشمنالها والكلام اللي زرعناها ببالهه
جابت نتيجه سنين ظلت مأسوره عند ابوها بسبب خوفه منها خايف بتراء تختم روايته، لا هو گادر يقتلها! عبن بنته ويحبها عكس كل ماضيه والحاظر
ولا هو گادر يقتلني چي صرت مدعوم من ناس بالخارج.
وَسن: يحبها وهيچي أسرها سنين لو ما يحبها شچان سوا؟
هاشم: يمرضها يخليها تتسودن لحدما تنسى اسمها
وما استبعد جسار يمرضها لبتراء في سبيل تكون بعيدا عنچن.
فتحت عيوني ببطئ من الدموع اللي فجأة تراكمت اناظر للسقف، وسن وهاشم امامي رجعت ابچي بهستريا. تقرب يمسد على شعري وينادي الدكتوره
ادخلييي بسررعه.
الكانيولا چانت على إيدي ومن نترت ايد هاشم
انشالت، وَدق دخلت ويا الدكتوره ليش ما جانت وياهم من سولفلي.
---: يا سيد المريضه اجتها نوبة انهيار أعصاب يُفضل ما تتعرض لأيي صدمات.
نبرته تغيرت الممرضات لزموني وضربوني ابراة بالوريد.
هاشم: چآن لازم تعرف بعض الأمور، الضربه الما تقتلها تقويها.
وَدق: اااختي مو لعبببة بإيييدك وتراااهن عليهاا.
حسيت جسمي رخى اشوفهم گدامي هاشم يحچي ويا اختي ودق، اما وسن ف سحبت كُرسي وگعدت
بصف راسي تقربت خلت راسها بصف راسي وعيونها غرگانه بالدموع، .
ابعدت راسي للجهه الثانيه وابچي بهدوء.
ما اگدر احرك اطرافي بس صاحيه.
وَسن: رُقيه لا تسوين هيچي.
رُقيه: وَد ت تعاي يمي وَدق
وَسن: رُقيه ترا مالي ذنب حتى آني عبالي بنت جسار اللي دمر حياتنا شمدريني انتن اختي بابا ما حچالي الحقيقه كامله.
اجت وَدق جرت وسن وابعدتها ما تقبلت تصرفها بس ما بيّه حيل للكلام، تقربت وَدق حظنتني وتبوس بيّه
تقرب وگف يمي وودق بالجهه الثانيه.
هاشم: بنت رويدا قويه واقوى من الضروف والحقائق اللي عرفتيها.
عيوني تنظر لعيونه وشفايفي يرجفن الكلام بألف يا على يطلع من لساني.
رُقيه: فصل ميت رجعتگ ماتعوض الراح.
وسن لزمت إيدي تبوسه وتبچي وتأتئ بالكلام
وَسن: رق رُقيه لا تحچين هيجي حاولي تفهمين عذاب ابونا اللي عاشه بسبب فراقه عنچن.
رُقيه: م ما عندي اب يتيمه حالي حال هاي الناس.
اطلعوا من الغر فه.
وسن: آني اختچ الچبيره وكلامي يمشي احنه ما نعوفج ونبقى هنا.
رُقيه: ااااالله وااااكبرررر ماااكو اااكبر منه ماااكو بس بس اطلع اطلعوو برااا.
هاشم تراجع خطوات لمن صرخت الله واكبر
اما وسن للحظه تغيرت ووگفت عن البُكاء، گلبت عيونها بغرور ومثل عادتها طلعت بدون اي اكتراث.
هاشم هم طلع، أما ودق بقت يمي نظرتلها.
رُقيه: كلامه غلط صح. ما صار كل هذا م ما صار.
وَدق: اهدي حبيبتي عود انتي القويه استقوي بيچ ليش هديتي حيلي.
مسدت على شعري وتقرا معوذات.
رُقيه: حبوبه وينها، بإيد منو عافتنا ليش راحت للكربلا؟
وَدق: سُعاد طلعت متبريه من با من هاشم لمن
عاف العراق وسافر.
رُقيه: حچالچ كُلشي؟ وآني من شوگت بالفراش؟
وَدق: اهدي من ست ساعات جنت نايمه، صار عندج انهيار عصبي، أما سالفة الماضي ف حچالي مختصر الصار.
رُقيه: جسار وينه؟
وَدق: هاشم أمره ينتقل للقصر اللي بصفنا، هو المنطقه كُلها مُلك هاشم بس جسار چآن متفرد بيها
وهسا راجع ياخذ حقنا من جسار.
رُقيه: تخلى عنا شلون ياخذ حقنا؟
وَدق: م ما ادري بس.
رُقيه: كافي تحچين بيهم حاولي تتواصلين ويا حبوبه گُليلها عن حالتي اكيد ترجع.
هزت راسها اي وطلعت تلفونها تدگ وما تجاوب تالي دزت رساله عن مختصر الصار، ونشوف الأيام الجايه شضامتلنا. حسيت راسي ثگيل ودخلت بنوم عميق.
سيرا
اجمل نهار چآن اليوم من الصبح احداث قويه ومواقف تصير.
دخلت للمطبخ أكُل شي خفيف لگيت الضيافة والتحليه گدامي، ومن ضمنهن بقلاوه بالدُهن الحُر.
سيرا: باچر اركض ساعه كامله وحق جدنا السابع.
سحبت كرسي وگعدت أكُل واشاهد الفيديوهات اللي مصوتهن.
سيرا: اوووه ماااي ااالله، نظرات أبيل حاروگه ل أووختيي.
شغلت فيديو ثاني بمشهد إيمار يلعب بليارد بالموبايل والناس گايمه تبارك بقرأة فاتحة الخير.
سيرا: بااارد بااارد لا مُبالي أو لا هاي أقوى، شايل الحساسات.
بكل مقطع طالع يأما يراسل او يلعب بليارد
وكأن الناس مو حوله او هو داخل بعالمه الخاص وما يأثر كثرة الناس حوله.
سيرا: رافع خشمه ابو شفقه المغرور دِ عاين شلون ما يحسب حساب اليُمرر گدااامه. امدااك إي والله.
رفعت انظاري ويا الإيد اللي انمدت من ورا وأخذت بقلاوه گدامي أكلها وصوته يم اذني مقرب راسه يشاهد وياي حرفيا تبسمرت حتى النفس قطعته.
إيمار: هايير هايير، آنه مغرور؟
عرفت معنى كلمة هايير (لا لا) بس طبعي هيجي
سيرا: هاير لو سانسيلك؟
nem -siz يمين عظيم!
درت وجهي عيونه بعيوني ما عرفت اجاوبه
وهو استغل حيرتي، سحب التلفون من إيدي وگام عبن چآن مكنبص، بسرعه گمت واحاول أخذه منه.
سيرا: رجعها ولا تصير نذل.
إيمار: هاي وحده، دقيقه اشوف المصخره اللي مصورتها.
سيرا: إيمار رججعع تلفووونييي ش شتسوويي والله مااا اقبلهااا لاا تخذذذف آني طااالعه حلوه بيهااا.
إيمار: ما تولين مصوره چهرتچ وبعدها اطلع آنه
شلّچ شغل تصوريني ها؟ خل اشوف بعد ديب ويب مو سناب.
متمسكه بطرف القميص واحاول اوصل للتلفون بس يرفع إيده وهو منا اطول مني كتافي توصل اسفل كتافه بشبر، فتح الفيديو اللي مصوره أبيل.
إيمار: اخويه السرسري واختچ ام المغامرات حلوين نبقيهم، هنا چنت اراس الحب هذا شنييي ليش مصورتني؟
وگفت عن المحاوله لمن گال الحب وات ذا هيل مرتبط؟ نزل إيده مستغرب ليش وگفت.
انطاني التلفون بعدما حذف مقاطعه، اردف ببرود
إيمار: مره ثانيه تاخذين أذن الناس اللي حابه تصورينهم.
سيرا: جيب ومره ثانيه ما اسمحلك تاخذ تلفوني.
رجع سحبها من إيدي بكل حقاره عود يستهزئ.
إيمار: بله شني، دروحي منا لا اكسره على راسچ.
وصلت حدها راس منو يكسر هذا طگيت اصبعي بوجهي واهدد.
سيرا: شفتنيي ساااكته گلت اااگدر عليهاااا ول على راااس منوو تكسررررها.
قرب وجهه بحقاره وگالها بوجهي.
إيمار: ع ل ى راسچ.
سيرا: على راااسي مااا، چااا دِهاااك.
ضربته كلّه على خشمه وتراجع مصدوم.
إيمار: جحششه.
هد عليَّه لف شعري ولو هو گصير بس لفها لف على إيده ورفع وجهي بوجهي ومنا اني اضربه على صدره.
اردف بالتركي (انا لا احب ذلك منك) عود رد فعلي غلط.
إيمار: Senden bundan holanmadm!
سيرا: خاااف عبااالك مااا ااافهم لااا ااافهم حچييك
ول بببنت ااادهم آنه، تهددد شعررري لو أشد وياااك؟
إيمار: اووف شدي بويه شدي واشد وياچ واربيچ بنت الدرهم.
سيرا: ااااي غيررر اااكسرر إيدك التمدهااا على سيرااا
ضربته على إيده وعاف شعري بس رجع لزمني من رقبتي وسفطني ويا الحايط، كزبر جسمي خلى عيونه بعيوني.
إيمار: ما تنكرهين ليش؟
سيرا: من من الله حبابه محد يگدر يكرهني.
ضلت نظراته تتمادى بإتجاهي، گدرت اعبر إيدي ل ورا ظهره، ومنا هذا الحقير الما يخاف الله يريد يتمادى.
سيرا: لازم تحسب الف حساب قبل لا تتمادى ويا بنات الأدهم باشا.
جريت راسه ويا الشفقه ل ورا بحيث طگت رقبته وابتعد. يسب ويغلط
إيمار: حيوانه يااا جححشه ااخ بس لا أنكسرت يمين عظيم اكسرر عظاامچ.
سيرا: دِرووح ولييي اكسرك تكسرر وقبل لا يرتدُ إليك طرفك، .
إيمار: والله موو مااال اسكتلچ.
براااووو كملوو كملووو وناااسه على گولة وگاع
تشگ الفانيله ااشگك واااشگ ابووك كملو لا تصفنون عليَّه.
واگف بالباب ويحچي ألتمن ماما والبقيه كلهن.
ناظرنا لبعض ولحالة بعض، شعري كل خصلة بجهه
ومكورة قبظة إيدي للضرب، اما إيمار قميصه غير مرتب والدم شويه نازل من خشمه.
ابتسمنا بوجههم ونظرنا لبعض مره ثانيه هو عدل شعري واني ارتب القميص ونحچي. مع ابتسامه تافهه
سيرا: ابن عمي الغالي هيچي حلو القميص هيچي موديله.
إيمار: خليچ سمپل تسريحة بيلي ايليش بطليها.
ندى: بسسس.
أريم: بهووت هوگياااا. تذكرت شاروخان من فلم تشناي إكسبريس. احم.
ماما عبرت الباب ودخلت لزمتني وجرتني على جها
و أموله هم دخلت جرت إيمار على جهة وبلشت جلسة الترزيل. أما هلال و براء واگفات يضحكن من جوا ليجوا.
ندى: تااالي ويااااچ صااايرتلي زلمه مكورة قبظتهااا
وَتان: المرأة الحديدية، آيم لو آيرون ومن.
أمل: إيمار اانت شكووو تشد وياهاا.
إيمار: چا شني ادنگ راسي وعوفها تمد إيدها؟
لسانها بگد رجلي گلت عادي لكن تمد إيدها لا والزرع
الرجوله بدمي اكسر راسها.
سيرا: مووو رجال اليمد إيييده على مررره.
وَتان: ولا رجال اليسكت اذا مره مدت إيدها عليه.
آمل: انچب اانت، ول اااشتررر تعااال كض ااابنك
وَتان: يااابه سلامون عليكم وليله سعيده.
شرد من المطبخ وإيمار عنده نفس رأي وتن.
إيمار: ومثل حچاية وتن مو رجال اليسكت اذا مره مدت إيدها عليه.
في هذهِ الحاااله تاكل تبن وتكفي خيرك وشرك إن كيدهُن عظيم ول خااالي.
دخل عمو اشتر فورا راح يم أموله حاوطها گدامنا.
الأشتر: خليچ ريلاكس Hayatm.
سيرا: ومثل حچاية اشتووور تااكل تببن وتكفي خيرك وشرك عبن احنى كيدنا عظيم.
شلت تلفوني و دورت على ربطة شعري ما لگيتها
اهملتها وطلعت بالباب براء همست لهلال.
بتراء: مو چنت اكول متفاهمين؟
هِلال: ما نعرفهم ما نعرفهم خزونه.
سيرا: ررربيي منك الصبررر ما اريد ارتكب جريمه.
ال بتراء
عافتنا وطلعت من المطبخ اما البقيه
التمو حول الميزه واشتر رفض إيمار يطلع
لاحظت اهتمام أمل بإيمار بدون لا اشتر يگول راحت جابت عُلبة الإسعافات الأولية وگعدت تنظف خشمه
أما اشتر گاعد يسولف عن طفولة إيمار بتُركيا
وكلها تضحك إلا إيمار ساكت وعيونه تنظر بفراغ، آني كذالك صافنه عليهم وانتبهت للأشتر يحجي وياي.
الأشتر: ليش واگفه بالباب تعاي اگعدي ويانه. بنتي.
گال بنتي وحسيت تحتها الف خط ليش احس هذا الرجال يعرف شي عني بالي ما مرتاح.
بتراء: ها لا طالعه للحديقة احچي مكالمه ويا صديقتي.
الأشتر: صديقتچ. نايس أريما اطلعي وياها.
بتراء: تطلع وياي؟ لاا عمو ليش؟
الأشتر: شمدريني للونسه بنتين سويه احسن من وحده بوحدهه بالساعه وحده.
هِلال: مثل سالفة عصفور باليد افضل من عشره على الشجره.
الأشتر: چؤ. شجاب هاي على هاي هسا لو جيسو هنا چآن لگفها.
بتراء: جيسو؟
أشر للباب وهو بإيده شوكه ياكل بقلاوة.
الأشتر: حيواني الاليف جيسو، برا باب المطبخ خمس أمتار لليمين بعدها على إيدج اليسار
القصر مالته، روحيله زيارة. هسا تلگينه گاعد بوحده بعد هايه الليلة الگشره.
بتراء: هه لا عمو ما لگفتها خل احچي ويا صديقتي وارجع.
طلعت من المطبخ والتوتر يقرا ألف للحظه تمنيت ادهم يحاجيني ولا هذا، جان اشو هذا فر عقلي فر
بحچايتين متأكده وراه سالفه.
تمشيت للحديقه هنن ثنين وچبيرات وحده على جهة اليمين ووحده على جهة اليسار، احتاريت بيا حديقه اتمشى إلى أن لمحت شخص بين شُجيرات الياسمين يجي ويروح ويحجي.
رحت لليسار على مهل مهلي المشكله كاميرات المراقبة موجوده بالمكان بس احاول ما أظهر بنفس الزوايا، تقرب أكثر وچانت عزّهَ تحچي.
دفعت أكثر من المطلوب فلا تحلم زايد، تدري شني هي طلقه وافض سالفتك بس وحگ العباس امي واگفه بعيني.
الرجال ما اسمع صوته لكن هي تحچي وكانها سيدة المكان والموقف.
تصير زلمة وتسد حلگك وتستر على عائلتك خوش. ما تصير زلمة وتضل تلعب شمال وياي اجيك عدل افض سالفتك.
كلمه منه وكلمه منها اشتد النقاش عزّهَ عاطت بي
تاااج راااسك يااا حقيرررر ياا قذررر. خل اشوف تاليها وياك باچر عقد القران واخو خيته يطب بيتي يوگفها.
عُدت ادراجي وألف سؤال براسي.
عزهَ ويامن متورطه او منو هذا إلى تهدده بالتصفيه.
رجعت للبيت ونسيت سالفة اتصالي ويا جاسر
خل ااجلها لباچر بمأنه الليله ننام هنا انوب ما جايبه هدوم وياي، هي خاله ما گالت نبقى.
دخلت للصالة اللي موجودن بصف الديوان بينهم باب ينفتح من الصاله للديوان، چانت گاعده ويا ناهد وباقي نسوان البيت.
بتراء: خاله لو گايله نبقى چآن جبت هدوم وياي.
قبل لا تحچي گامت ندى وحچت.
ندى: ما عيب هيجي تحچين هسا اخلي أريم
تنطيچ من ملابسها.
بهل اثناء دخلت أريم وهي تسولف ويا هلال اللي دخلت كذالك.
أريم: آنه انطيچ تعاي وياي، نامي بغُرفتي.
هِلال: لا ارتاحي براء آنه ادير بالي عليها وتنام بغرفتي.
أريم: شني هي گوه تنام بغرفتي.
هِلال: لا بغرفتي أكبر.
ناهد: اااسكتنن عيب والعباس عييب.
هِلال أو أريم وحده بيچن تنطيها ملابس خل تبدل البنيه منتظره، وعلى الغُرفه ف هي تنام بغُرفه خاص جهزناها ألها لا يمچ ولا يمها.
محد حچى كلمه بعد كلامها طلعت على الصامت وراهن.
أريم: آني انطيچ تراك من تراكاتي كلهن جديدات بعدني ما لابستهن.
هِلال: والباقي كلهن من يمي ملابس عاديه للبيت وللعقد كلهن يمي آنه.
بتراء: دا تخجلوني والله.
وگفن بالممر يم باب غُرفه. وگالن بنفس الوقت
انچبي بله شجاي تمسلتين.
ابتسمت تسليك ما اگدر عليهن والله هذني
قويات مو حيالله بنات واغلب ردودهن عميقه يصفن الوادم.
دخلت للغرفة مرتبه واثاثها فخمه، جابن ملابس حتى ابدل، اخر شي تمنولي ليلة هادئه وطلعن گمت وراهن
قفلت الباب مستحيل اثق ببني آدم خاصة آني بنُصهم.
نمت للصُبح گعدت وحاسه بنشاط خاصة اول صباح
اگعد واني اتذكر تفاصيل يومي السابق.
بتراء: بالي يم الكتاب على سَند يمكن يرجع واذا رجع للبيت خاف يفتش غُرفتي.
گمت بدلت وطلعت من الغرفه الكل مخبوص بالتجهيزات و عرفت من البنات جايبين منظم حفلات.
والبيت متزين بطريقه فخمه وتجنن.
استمر العمل والترتيبات للمسا احنه البنات هم لبسنا والكل لابس اسود ك تنسيق الإ العروسه لابسه اوف وايت فخم والفستان أكمامه من الدانتيل المرصع بالكرستال. وحواف قصة الصدر كذالك كرستال.
اجت خبيرة مكياج للبيت وخلت المكياج اللي يناسب وجهنا ومناسب ويا الفستان، حرفياً طلع شُغلها يجنن
نزلنا للصاله مليانه نساوين والعرفته هذوله الگرايب.
من الطرفين. صارت وقت عقد القران جابو كرسي يم باب الديوان اللي يطل على الصاله، گعدت عزّهَ الخاله ندى بجهه وخاله يقين بجهه
خلو القرآن الكريم بحظنها وفتحوها على سورة الفتح.
ضلت تقرا، لحظات والشيخ اردف من ورا الباب.
راح نعقد قِرانكم جاهزين؟
عزام گال اي وعزه كذالك لكن اللي وگف عقد قِرانهم
صوت رجال هز الديوان هز والنسوان تحچي بين بعضها.
هذاااا العقدددد مستحييل ييييتم.
عزّهَ شفايفها بلشت ترجف من الغضب والقرآن بإيدها أيضا ترجف. معقوله المعادله تتغير؟