رواية ولد الباشا للكاتبة فاطمة الأحمد الفصل التاسع عشر
ال عزّهَ
بقينه بوحدنه بينا مترين تقدم بهدوء
وگف گدامي فتح اول دگمتين من القميص ونزل الگرافه يكره اللبس الرسمي، ثبت ايده عالميز وتدنى شويه
اليوم يوم التوزيع العالمي للضحكات المالها داعي؟
اعاين بعيونه واحجي
عزّهَ: اليوم اليوم العالمي للغيرة؟
هاي مو غيره، إذا أثرتي غيرتي تحترگين بناري، آنا ما أغار بهيج طريقه تافه.
سكتت هذا شني احجي يگلبها ضدي، نرجسي زياده عن اللزوم. بس اخليه يفوز بالنقاش مستحيل.
عزّهَ: عدنه طفاية حريئ إذا اشتعلت الغيره العراقيه عندك مسيو.
راد يتلامس وجهي سحبت راسي رفضت، وهو تفهم
سحب كرسي وگعد دقايق ينظرلي او يتأمل ملامح وجهي وثنينا ساكتين، طلع جگاره ورثها، اخذ نفس منها وبدأ يكمل المتروك. مثبته عيوني على إيده والجگاره بلعت ريگ متردده من هذا التصرف لأن
ما يجوز، بس هذا مُصر يكمل الأحرف
عزّهَ: شتسوي. عزام عوف الجگاره، ذبها.
اخذ نفس منها و رجع يچوي ويخط الأحرف، گمت وسحبته من إيده، شمرته تحت رجليه ودست عليه بالكعب.
عزّهَ: متسودن شبيك!
يوزع نضرات بالغرفه بعدها ينضرلي، اردف بكل برود.
عَزّآم: يمكن.
عزّهَ: تالي وياك؟
شني؟
عزّهَ: گتلك قبل وارجع اعيدها ممنوع تكملها ما اسمحلك عزام عبن مو صح!
يدگ على الميز بطريقه توتر المُقابل ينظر بالمكان
بعدها يخلي عيونه بعيوني و يحجي.
خلي شغله براسج واستوعبي انه ماكو شي أصح من هاي الحقيقه، وهي مسئلة وقت و ألگاه من ألگاه أخذ جواب على اسئلتي، و بعدها.
عزّهَ: بعدها تقتله! تقتله عادي عندك ما تفرق!
ليش هو فرق وياه؟ فرق وياه؟
للج ااالله يلعن ذيچ الليله إلى ااالله يلعنه
ويلعن نَسله
گالها بصراخ وضرب بقوة على الميز، فزيت افرك بإيدي من كلامه فعلا وترني شلون يحجي
بالقلم العريض و شلون يدعي عليه.
گام وصار يفتر بالغرفه ويحجي.
هو من البصره هذا الشي ما نختلف عليه
بس من أي عائله.؟
عزّهَ: متأكده هُدهُده تعرفه.
ينظرلي وكأنه متوتر من هاي النقطه
إذا ناهد طلعت تعرفه وضامه عليّه وعلى ابويا
كلشي يتدمر.
شال الگرافه والموبايل، يريد يطلع مستعجل.
عزّهَ: اوگف وين تطلع
لازم المسا نرجع للبصره الموضوع غير قابل للتأجيل.
طلعت وراه
عزّهَ: احنه بعدنا ما خلصنا شغل باقي ملفات المصفى والحسابات الماليه عزام لازم نكمل الشغل بعدها نرجع.
وگف واندارلي.
نكمل نكملهن بچم ساعه الجايات
عزّهَ: زين فهمني وين رايح اوگف شبيك الموضفين عيونهم علينا.
دخلنا للمصعد رادو چم موضف يصعدون عاط بيهم
ااستخدموو المصعد الثااني هذا خاص بالمُدراء
خنسو وراحو للثاني قفل المصعد واختار الطابق الأرضي فورا للگراج، خمس دقايق واحنا المصعد
بس نتناقش بالموضوع.
عزّهَ: ما اريدك تتورط بشي ما ناقصنا مشاكل وعداوات زايده. منا جسار وأبنائه ومنا بيت يوسف
انوب يدخل للساحه عداوات جديده.
اجيبلج عداوات؟
عزّهَ: ما قصدت هيج عزام لا تحجي من كيفك.
احجي من كيفي؟
نظراته حاده وكلها عصبيه بس يحجي بهدوء
يربك لا إرادياً، انفتح الباب و هو صار قريب عليه وجه بوجهي خوزر بيّه وعبرني يطلع
عزّهَ: لا حول ولا قوة الا بالله العلي العظيم.
مسحت على وجهي عدلت شعري وطلعت وراه امشي و صوت الكعب يدوي بالگراج وهو ينظرلي بطرف عين گوه متحمل نفسه و أو گوه متحمل الصوت، وگف، آنا هم وگفت، رفع راسه يهمس ويشد على الكلمات بعصبيه مكتومه.
اووف يااا ااالله.
قبل لا يندار نزعت الكعب ولزمتها بإيدي.
عزّهَ: تمام اهدى ما اطوخها وياك يلا امشي.
نظر لرجليه بعدها لإيدي شافها ومسح على وجه مد إيده
جيبي جيبي هذا الزفت من إيدج.
عزّهَ: لا ما انطيك، تذبها، شني ارجع حافيه للبيت؟
شني تمشين مشايه للبيت؟ جيبي الزفت.
سحبها بالگوه من إيدي وصدمني من كنبص خلاهه عالارض لزم رجلي رفعها يلبسني الكعب كمل الوحده وراح للثانيه هم لبسها برجلي وگام. اوك للصراحه صدمني بتصرفه عزام المغرور
المُتسلط هيج تصرف عيوني على الكعب وعليه
تقرب شبك اصابعه بين أصابع إيدي ومشاني للسيارة وهو يحجي بهدوء.
اكره صوته واكره شي اسمه كعب عالي بس هذا ما يعني اصير غير راقي وياج واخليج تمشين حافيه.
عزّهَ: بيرفكت والله.
وصلنا وفتح الباب.
اصعدي.
عزّهَ: هذا هم اعتبره تصرف راقي وليس تأمر.؟
اصعدي وفضيني
عزّهَ: ما ينقص من طولك إذا گلت نعم
صايره تناقشيني هوايا.
صعدت وما جاوبته صعد هو الثاني شد الحزام ينظرلي وكأنه مستغرب من سكوتي.
عزّهَ: وين نولي.؟
انتي اوليچ للبيت أما آنا اروح للميناء.
عزّهَ: آنا أولي وانت تروح؟
آنا هم أولي للميناء بس لاا تفعلين وضعية النكد.
عزّهَ: عفت النكد إلك. انت شاطر بيها
لو يهمج چآن عرفتي اذا شاطر بيها او لا.
اختفت ابتسامتي نظرتله هذا مُصر يگلب الآيه عليه
عزّهَ: عزاام..
نعم عزّتي.؟
رجعت ضهري عالكشن ما انطيت رد فعل رغم احب هذا اللقب منه بس سويت روحي ما متأثره ولا يم الموضوع.
هِلال
ابتسم وما جابوب لزم إيدي يمشيني للبيت فتح الباب، ودخلنا كله تفاصيل خياليه من الجمال والفخامه. مشاني للصاله وگفت بالباب والإبتسامه تلاشت من وجهي الميز مزين بالورود، عمي گاعد بإنتظارنا لمحني وابتسم للقاضي اردف بالتركي.
هاي هي العروسه وصلت.
عفت إيده وصرت اتأتئ بالكلام من صدمة المنظر
عمي شجاي يسوي معقوله بابا موجود وياها وهاي مفاجأة؟
هِلال: ب بابا وين؟
گام عمي وهو يعدل الجاكيت الرسمي.
وگف گدامي وكل ملامحه بارده وإبتسامته بارده مثل ما تعودنا عليه شخصيته غامضه ومحد يعرف بشنو يفكر!
الأدهم: ابوج بالمصفى يلا هلال بنتي.
خلى إيده على ظهري بمعنى اخطي خطواتج نحو الطاوله، ابتعدت بهدوء انسحبت من بينهم ثنينهم وآنا منذهله من الجاي يصير
هِلال: انتو انتو، شجاي يصير شني كل هذا فهموني لشنو تخططون؟
هَدآم: هلال تعاي ماكو داعي لهل رد الفعل هذا.
الأدهم: ابني فهم عروستنا أنه هذا هو الحل الأمثل.
هِلال: الحل الأمثل لشننيي لشننيي.
عمو انت جاي تسوي شي غلط وبدون علم اخوك شلون!
الأدهم: كلشي اسويه بيها مصلحه للجميع مو اناني حتى افكر بنفسي فقط. هدآم يلا.
يأشر بعيونه وكأنه ينبه يستجعل اجا لزم إيدي
هَدآم: هِلال ابوج مستحيل يخلينا نتزوج إلا إذا
خليناه تحت الأمر الواقع.
نترت ايده و ابتعدت خطوه
هِلال: ش شجااي تحجي مستحيل مستحييل اخون ثقة بابا مستحييل.
صرخ بوجهي ولأول مرة، عمي واگف وملامحه بارده، والقاضي يشاهد بصمت
چااا شننني يزووجج لغييري ينطيييج لغيرري ما اااسمح بهذا الشي مااا اسمحله اليوم نعقددد
ااااليوم تصيرين بأسمي بأسسمي و اخوو خيييته الياااخذج مني.
هِلال: ل لاا لا مستحيل تكون هدآم الاعرفه ليش هيج تحجي هدآم شجااي تحجيي ابويااا هذاا ااابويا شلوون اكسر ضهره شلوون اخوون ثثقته.
رحت لعمي وگفت گدامه اول مره هيج احجي وياه.
هِلال: بس فهمني شلون هيج تساااند اابنك بهذاا القرار الغلللط شلوون تطعن بأخوووك شلوون تغددرره.
كالعادة جوابه جاهز وهو في قمة هدوءه
الأدهم: كُل قرارتي صحيحه و بيها مصلحه للجميع كُلنا راح نكسب.
هِلال: قراراتك صحيحه؟ وبيها مصلحة الجمييع وكلنا راح نكسب؟ صفقة شني هل مره بمأنه انت
حياااتك عباره عن صفقااات و مراااهناات.
هِلاااال لا تتجاااوزين حدوودچ.
اشرله بمعنى لا تتدخل.
الأدهم: ابني لا تدخل عم وبنت اخو يتناقشون سوا وهسا نتفاهم عوفها تحجي براحتها، اي هلال؟ موافقه صح؟
هِلال: لا واااالف لااا، بهيج طررريقه غداااره مستحييل اوافق.
ابتسم وهز راسه وترني هذا الأسلوب الخاص بي
نظر للساعه مالته و عدلها اردف موجه السؤال لأبنه
الأدهم: يلا هدآم بنت عمك جاهزه
شفايفي يرجفن من العصبيه عيونه مثبت عليه وآنا أنداريت لصوت الأقسام إلى انسحب، مثبت السلاح براسه ويخطي خطواته.
هَدآم: يا أما توافقين نعقد اليوم يا أما تودعيني
وأنتي المسؤله الوحيده عن موتى.
صار گدامي وبينا شبرين دموعي تنزل وهو صامد بدون اي تعبير
هِلال: مو چنت تگول طلقه براسج وطلقه براسي إذا ما صرنا لبعض؟ هذا الموعود. نموت سوا
و لا اغدر بأبويا.
وأنتي جنتي تصدگين بيّه من أگلج اقتلج.؟
لج بنتي اااموووت ولا اطخج إلا بالورررد مستحييل اقتللج واذا اليوم ما، ما صرتيلي خلاص هذا هو اموت موته وحده ولا أشوفج ويا غيري.
هِلال: تسووودنننت شلوون هييج تحجييي ليييش تكرررهني بيييك لييشش ليشش.
أبچي واضربه على صدره وهو ثابت و السلاح براسه
رحت لعمي احجي واتوسل بي
هِلال: هدآم هدآم عمي وگفه هذا متسووودن عمي لا تخليه هييج يسوي لا تخليه يجبرني.
الأدهم: متسودن بيچ و انتي السبب اذا ابني انتحر هسا.
ابتعدت خطوات لورا شهل مكيده مستحيل هذا الشي، عمي ليش هيج يسوي هدآم معقوله وصلت عنده ينتحر من شدة حُبه ألي؟ فزيت وعيوني غرگانات بالدموع ثبتتهن على هدآم وصوته يتسلل لأذني صوت العد التنازلي.
خمسه
اربعه
ثلاثه
ثنين
و
قبل لا يكمل ركضتله لزمت ايده احاربه واحاول انزل المسدس
هِلال: ل لااا تسوي هييجي بيّه لااا تسوي هييجي
لااا تكرررهني بيك هداام لا تهددم حبنا بهل انااانيه
تواااافقيين لو لااااااء.
انفاسه عاليه وعيونه احمر دم، بلش يشد ايده على الزناد و يتجهز حتى يضغط بلعت ريگ وآني گوه انطق الحروف. واهز راسي
هِلال: أ اي ا و ا فق
الأدهم: تمام، ابني فوت حتى تشهد ويايه على
هذا الزواج المُبارك.
حولت انظاري للباب دخل برجله اليسار وليس اليمين. شاب طويل وضخم متأنق و وجه بيها آثار كدمات ومن ملامحه الأشگرانيه مبين تركي عبرنا وهو ينظر لهدام بطرف عين راح صافح عمي و اردف بالتركي.
للصراحه صدمتني و كسرت جميع التوقعات، سررت بالتعامل وياك.
حظنه وهو يقهقه بطريقه مستفزه طبطب على ظهره وابتعد
الأدهم: أصلان يا أصلان اهم شي الماده.
نظرت ل هدآم وآنا مو فاهمه شي هذا الشخص منو اول مره اسمع بأسمه لاحظته حالته تغيرت صدره يعلى وينزل من العصبيه، المسدس بإيد، و بإيده الثانيه لزم إيدي مشاني بخطوات سريعه للطاوله مرينا من گدام عمي إلى يبتسم بطريقه، بارده ولا بين القهر على وجه مستعد يضحي بالكل في سبيل مصالحه، متأكده هذا الزواج وراه مصلحه شخصيه تخصه مستحيل يكون هامه ابنه وسعادة ابنه، سحب الكرسي گعدني بالإجبار وگعد بصفي.
أشر للقاضي بإيده البيها مسدس، اردف بالتركي
هَدآم: يلا حظرة القاضي ابدأ.
عمي والرجال الثاني گعدو بمكان الشاهدين
حاولت اسحب إيدي من إيده ما اگدر لازمها بقوه
بلش القاضي يطرح الأسئله وهدام يجاوب بعدها
نطق قيمة المهر انصدمت كاتب هذا القصر بأسمي وفوگاها مهر ضخم سألني القاضي
--: هِلال أيهم الباشا تقبلين الزواج من هدآم أدهم الباشا.
امسح دمعه وتنزل عشره بداله، اخواني، ابويا، امي التزورني بالحلم يوميه، شلون اعراضهم، شلون اقبل شلون اغدر بيهم. ، بالجهة الثانية حُب حياتي مهدد ينتحر والسبب انا السبب انا يا ربي سهلها عليّه
رجع القاضي يعيد الكلام.
--: هِلال أيهم الباشا تقبلين الزواج من هدآم أدهم الباشا.
نظرت لإيده شد على المسدس ونظرلي
احجي.
ضليت ساكته واهز براسي اله لا
ااااااحجي.
مسحت عيوني احس انعميت من البچي بدون لا أنظرله نطقت وحسيت نطقت كلمات من جمر
گلبي مشتعل وما يهدى ماكو كلمه توصف الجاي أمر بي.
هِلال: نعم أقبل.
--: تقبلين الزواج من هدآم أدهم الباشا.
هِلال: نعم أقبل
--: و أنت أبني هل تقبل الزواج من هلال أيهم الباشا.
هَدآم: نعم أقبل.
--: هل تقبل الزواج من هلال أيهم الباشا.
ابتسم أصلان وحجا
أصلان: نعم يقبل كيف لا يقبل
شهگت لمن هدآم وجه المسدس عليه وعلى القاضي.
هَدآم: اااصلان الاحسسسن تتتتنجب
و اااانت حظرررة القاااضي لااا تلح هوااايا قااابل و فضهااااا.
عمي هادئ مثل عادته تگوم الدنيا وتگعد ما يأثر على هدوءه وهذا أكثر شي يستفز أين كان المواجه.
اما إلى اسمه أصلان سكت بعد ما نطق حرف القاضي قدم العقد هدآم عاف إيدي وقع وانطاني
القلم
اللزمي القلم و وقعي.
هِلال: گتلك لا تكرهني بيك.
وقعي وفضيني.
هِلال: ليش هيج تسوي اذا وقعت يجف حبر الحب ويكتب حبر الكره والإحتقار..
المهم بأسمي ومحد ياخذج، وقعي.
نضرات باهتة حائرة مُهلكه من البُكاء ايد ترجف
وگلب محطم عيوني تنظر لحدقه عيونه بس اريد اعرف هذا الهدمني نفسه لو كابوس. فزيت من صرخته بوجهي.
هِلااااال وقعيييي
مسحت دموعي وخليت عيوني على العقد اريد اشوف ما اگدر انعميت لزم إيدي والقلم خلاهن على المربع بصف توقيعه، اردف للمره ألف
وقعيييي هِلااال
ايدي ترجف رجف وقعت و دموعي توگع على التوقيع.
سحب العقد من تحت إيدي، و شمرها بوجه أصلان وهذا لگفها
أصلان: اووه Dostum أعصابك.
خلاهه گدامه وقع ونظراته كلها شماته ما ادري شنو جاي يصير ليش يتشمت بهدام مرر العقد لعمي لزم القلم نظرلي وابتسم
الأدهم: بسم الله.
گالها و وقع رجع القعد للقاضي، گامو كلهم وچنت گاعده لزم ايدي وگمت اردف القاضي.
--: الف مبروك زواجكم.
سلمني الدفتر التركي. ، عمي صافحه وطلع القاضي.
اما أصلان زرر الجاكيت وگف أمام هدآم مد إيده حتى يصافحه.
أصلان: ألف مبروكDostum. فرحتلك خوش عروسه محصل.
شهگت لمن ضربه بوكس بكل قوته بحيث وگعه عالارض. عمي شافهم وطنش راح گعد يدخن
هَدآم: ااابن الكلب و د
دفره دفره، وصييّح الحرس
طللعوووو اااابن الكلللب من بيييتي
گام أصلان يمسح خشمه يهز راسه بوعيد
أصلان: حظرة الباشا ما اعديها على خير وين ما شفته استهدفه.
اخذ نفس من الجگاره و زفر الدخان لفوگ أشر على هدآم.
الأدهم: هذا ابني گدامك وتاريخه حافل بجرائم المنفيه اذا گدرتله حلال عليك.
هِلال: شنوو مننن اااب ااانت شنووو.؟
لزم إيدي ويجرني وراه بهل اثناء الدفتر وگع ودست عليه بدون انتباه
تعاي هلال عوفج منهم.
احاول اسحب إيدي منه بس ما اگدر لازمني بقوه دخلني للحمام سد الباب، فتح المغسل خله كميه من الماي بإيده و غسل وجهي، آنا واگفه ما انطيت رد فعل، كمل.
اخذ كلينس بدأ ينشف وجهي بإيد وبإيد لازم راسي مثبتني ينشف الماي ودموعي بدالهن تنزل وتبلل وجهي، تقرب عليَّه مسح عيوني والدموع عيوننا تنظر لبعضها وشفايفي يرجفن، شمر الكلينس ولزم وجهي يوزع بوساته ما انطيت اي رد فعل ما بيه
احاربه مغمضه عيوني ودموعي تنهمر بهدوء بدون نحيب وهو ويا كل بوسه يهمس ويحاول يهديني
هِلالي اشش دموعج دموعچ چون روحي
لا تعذبيني أكثر من العذاب الجاي اعيشه.
ثقي بيّه ما أذيج هِلال لا تبچين كافي كافي لا تبچين.
حاول يتجرأ و دفعته عني
هِلال: اااثق بيييك؟ اااثق بالإنسان إلى ااجبررني وهددني ول ااالله ياااخذني شلون حبيييتك شلووون وثقت بييييك و اااجيت ويااااك.
يحاول يحتويني ويحظني اضرب بي واحاول ابتعد
مستحيل اتحمل خسااارتج افهمييني.
هلال اهدي لا تتأذين بويا والله ما اكسرج ولا.
هِلال: يل چنننت تحلف تهدمهم لخاااطري اااليوم هدمتني وهدمت خاااطري هددمت خاااطري، هِلال الجااانت روحها بروحك هدمتهاااا هدااام هدمتهاااا.
دفعته بقوه وانضرب جبينه بالمرايه إلى تكسرت وانجرح. ، نظرلي ولمس مكان الجرح ينزل دم
حقج بويا حقج.
گالها و طلع بقيت أبچي و اضرب بوجهي شلون هسا شگول لأبويا شلون أواجهه، نص ساعة بقيت بالحمام رفعت راسي اناظر لنفسي بالمرايه المكسوره ملامحي ذبلت بهل ساعتين وخرت.
شعري و غسلت وجهي زين، اخذت كلينس نشفت إيدي و وجهي، بلعت ريگ و اقسمت بداخلي
بعدما أبچي عليه، .
هِلال: إنكسر قلم الحُب، . وانتهى من كان في الأمسِ مُحباً.
عدلت شعري ورتبت القميص، فتحت الباب وطلعت مشيت بنفس الطريق إلى اجينا منه وصلت للصاله والاثنين جانو واگفين يحجون
زواج و تزوجتها شيريد بعد؟
--: من احجي وياه اردلك الخبر
الجاي تسويه خطيئه و زلزال يهد قصر الباشا على روسنا يهد الخوه البينك وبين عمامي!
--: معليك بهل نُقطه انتظر الأمر الثاني مني.
دخلت عليهم بتصفيق وكلام
هِلال: براو. براو براو عمي الغالي براو ابن عمي عاشت إيدكم خوش خُطه حتى تهدون قصر الباشا على روسنا. علمود شني؟ فلوس؟ املاك؟ نفوذ؟ إدارة شركات.؟ اي وحده منهم بالضبط؟
الأدهم: چنتي الحلوه روح عمها تعاي بابا تعاي ما باركتلكم
حظنا سوا واردف
--: الف مبروك صرتي چنة الأدهم باشا.
ابتعدت عنه ونضراتي كلها حقد صرت اكره أشكالهم.
هِلال: خلي شغلة ببالك الليله احجي لأبويا كلشي
سويته انت وابنك احجيله مخططك المادي يا خووونه!
ضحك وبعدها اختفى ابتسامته اردف
الأدهم: ههها ههه، فوتو.
دخلو الحرس لازمين مريه وطفل. اخذ السلاح من الحارس سحب أقسام و خلاهه براس المره، شهگت من الصدمه اول مره عمي هيج يتصرف اول مره بهيج صورة اشوفه ابتسم ويحجي اما هدآم واگف و ساكت.
الأدهم: كلمه يطلع منج، بالمقابل رصاصه تطلع من سلاحي والمسؤله عن موتها.؟ فقط أنتي!
المره تبچي وتتوسل بلغتهم والطفل يبچي ويصيح امه هدآم ساكت ولا نطق آنا بينهم اجي واروح اصرخ واحجي بس ما بچيت هيهات بعد.
هِلال: ااالله وااكبرر عليييك شلووون هييج تتصرررف ولك هدااام المره شنووو ذنننبها اااانتو لشنو تخططوون شتردووون فهمونيييي
اردف بهدوءه المُعتاد
--: نريد سكوتج هاي الأشهر الجايه.
هِلال: سكووتي؟ وبعدهاااا تطعننن بظهررر أبووياااا ويااامن تشتغلل ويااامن.
صوب على المزهرية فلشها ورجع خلاهه براس المره
--: يلا بنتي الحلوه قرري أي أو لا.؟
هِلال: هدآم وگفف ااابوك وگفه.
شد على قبضة إيده وشد على الكلمتين
تسكتيين ااو لااا.
الأدهم: سلملي عليها.؟
بلعت ريگ عبارتهم المشهوره بعد هاي الكلمه مستحيل المُستهدف يضل عايش تحت إيدهم
ركضت وگفت بوجه السلاح هدآم موسع عيونه وعمي ابتسم.
هِلال: لا تقتلها حرف ما يطلع مني بس لا تقتلها.
مد إيده يمسد على شعري ابتعدت، وهو سحب المسدس قفله و سلمه للحارس
الأدهم: يلا ابني رجعها للمشتمل. طبعاً هاي الخدامه خاصة بيج تشتغل وتنضف بيتج.
المره اجت تبوس ايديه لزمتها ما قبلت الطفل موت روحه بالبچي اخذته لأمه، طلعوها الحُراس
و انتبهت لكلام عمي.
--: هسا نرجع للبيت طبيعي ماكو اي شي حصل انت وهي متزوجين و ما شا الله لايگين لبعض بس بدون حجي هاا. يعني اتحملو وأصبرو هل فتره وبعدها نعلن زواجكم والباشا يرضى اكيد.
هِلال: ابويا لو يدري بعمايلك الخااايسه يتبرئ منك واحتمال يخلص عليك. و على هذا الحيط اليمشي بكلامك
كملت كلامي وعفتهم وطلعت من البيت لسيارة هدآم موجوده والمفتاح بي فورا صعدت شغلته و ما وگفت دقيقه.
أريم.
وگف السيارة اخذ سلاحه خلاه بظهره و نظرلي أشر للخارج
أبيل: تفضلي خاتون.
أريم: ما أطلع.
مو وگت هرموناتچ.
أريم: خلص شغلك النعالي الضروري و رجعني للبيت.
هسا غير تفهميني غير تگُليلي شمسوي؟
أريم: لا عين الحاره بارده عليك ما مسوي شي جانت حفلة شواااء.
اها تمام جانم تمام انتي حالياً بحالة صدمه إذا تعرضتي لصدمه أخرى راح تتحسنين من الأولى
أريم: تستهزء يا حظرتك؟
لا وعلى الضرغام يا حظرتچ.
نظرتله شني من بشر هذا شگد مُستفزز مد إيده
و اردف.
تفضلي آنستي الجميله. تفضلي خاتونه.
نزلت وما لزمت إيده اردفت وهو يمشي ورايه
أريم: خاف عبالك تجيب راسي بهذا الأسلوب و الرُقي؟
عندي ذاك الأسلوب اليجيب راسج بس باچر عُگبه شلون اوگف گدام الله؟!
وگفت انظرله فوگ و تحت
أريم: من صباح الله شر قتلت وشويت اثنين!
شلون الك عين تحجي؟
وعلي الضرغام عندي عينين، لا تحجين بشي أكبر من استوعاب عقل الجوزه البراسج.
دفع بظهري حتى امشي گدامه
امشي شگد تگرگرين!
أريم: ايييدك ول هييو.
شگد واحد لا يُطاق، امشي گدامه وكل شويه يدفع بضهري ومن اگُله روح ما دام مستعجل يگول مو امان. شني ال مو امان! هو انت الخطر بحد ذاته.
أنظر للمكان ميناء بحري ضخم وكله سُفن تجاريه
قسم منها ينطلق في رحلته وقسم منهم عائد من رحلته، چآن يحجي بالتركي ويأشر لواحد، اجا وسلمه ملف ضل يقرأ الملف فجأة عاط بيهم
يعنني شلووون الشُحنه وااصله وهدام موووقع عليها بدون مراجعة التفتيييش شلوون.؟ تريدووون تبلوونااا.
حجا الشاب بالتركي ما فهمت عليه بعدها رجع كرر السؤال.
الشُحنه وين هساا؟
ضل يحجي وياه بعدها اجته مكالمه جاوبه
لا بالميناء، اي واصلة بس بدون تفتيش، هدآم موقعها، هسا رايح للمستودع و اخذ الفريق ويايه
يتم التفتيش و بعدها يتم التحويل للأسواق.
تراجعت چم خطوه وإنسحبت من مكاني رحت افتر بالمينا واصور صور تذكاريه، اماكن جميله.
ناقلات للبترول موجوده بأعداد هائلة، وحده بيهن مكتوب عليها على سَند اجا بإتجاهي قبل لا احجي عبرني و راح يسلم عل اخوه)
أبيل: هلا خويا تعال بسرعه.
عَزّآم: صاير شي؟
صاير اشياء مو بس صاير شي.
أريم: شني يعني اضل هنا؟
عَزّآم: أريم اگعدي بالمكتب وانتظرينا.
راحو سوا للمستودع و ضليت وحدي. ما اندليت مكتبهم بقيت بالميناء اجي و اروح مليت للصراحه مر أكثر من نص ساعة وهمه ماكو، چنت واگفه گدام البحر واشاهد طيور النورس تحلق على البحر، انسمع صوته ورايه
أريم؟
التفتتله
أريم: يَاسر، صح؟
Evet ياسر، بس شتسوي هنا؟
اوك هذا ليش يحجي ويايه بصيغة ولد!
أريم: اها إيت إيت، پيكنيك ياپماك إيچين بوراداييم.
Piknik yapmaya m geldin تقصدين انت هنا للنزهه؟
أريم: إييت. للنزهه الجو جميل.
شلون ورطه انوب ما اعرف احجي تركي
اعاين عليه شاب وسيم وشخصيه هو الاتراك كلهم حلوين محد يختلف بهاي النُقطه. ومبين حباب
وبريئ ولطيف ويخاف الله مو مثل هذاك المُختل
الي يقتل و يحرگ بدم بارد، ابتسم بوجهي اردف
يَاسر: تجي نشرب قهوة؟
أريم: اها آنا وانت انت وآنا نشرب گهوه؟
يَاسر: اي انت و آني نشرب قهوه!
عاينت هذوله تأخروا وهذا عازمني ليش أرفض؟
هم هيج افتر بإزمير، هزيت راسي اي واشر براسه يعني امشي نروح طلعت وياه مشي واستغربت
أريم: ما عندك car. سيارة araba.؟
ابتسم جنا نمشي بصف بعض
يَاسر: نعم عندي بس المقهى قريب ما يحتاج
المشي مفيد
أريم: چوك گوزال.
تحصيلج الدراسي؟
أريم: مفيش تحصيل بعدني طالبة إدارة أعمال واقتصاد.
تحجين لهجه عربيه مصريه مثل أبيل.
أريم: اههه نايس
سلكت وغلست اعاين بالشوارع والأجواء تجنن.
خاصة احنه بفصل الخريف الأرصفه مُغطاة بأوراق الشجردخلنا للمقهى گعدنا نسولف كلمه والثانيه
يحجي عن صداقته بأبيل
يَاسر: أبيل إنسان ماكو منه 16 سنه واحنه أصدقاء درسنا مع بعض كبرنا ودخلنا جامعه مع بعض
أريم: نايس شلون تعرفتو على بعض؟
بفضل صداقة ابويا ويا عمج الباشا.
من صداقه إلى شراكه دائمه، بعدها بعمر ال10 تعرفنا و چآن اغلب الوقت ساكت
أريم: ريلي اغلب الوقت ساكت؟
Yemin ederim ليش؟
أريم: هيج هيج.
ابتسم وما شال عيونه عليه التهينا بالسوالف ومره رفعت عيوني شفت مُحاطين بأربع زلم ياسر نظرلي وبين عليه متوتر، رحتي بيها يا أريم وين المُختل حتى يلحگج. هذا مو مال عركات هذا مال ينحط بجامه من گدما بريء ولطيف مو مال عركات احسه ناعم كلش. ابتسم ابتسامه متوتره بوجهي واردف.
يَاسر: احم ههه ههه اروح اتفاهم ويا الشباب وارجع.
گام وياهم مشو كم خطوه تقريبا عبرو ثلاث طاولات.
وياسر مُحاط بيهم فجأة لزم واحد و رگع راسه بوحده من الطاولات
أريم: وااات ذاا هيييل مااان
اجا الثاني يضربه بس هو دفره وضربه بوكس الأول گام وهذا رجع رگع راسه بالطاولة عافه وراح للثالث كسر الكرسي على ظهره.
أريم: برريييء ولطييف وناااعم
كل هذا والناس بزاويه وآني متصنمه بمكاني لزم كرسي وكسرها على رأس الرابع وصار ينزف ركضتله.
أريم: موو گللللت علييك لللطيييف وبرررئي شهههل صدمه هااي ول مااات مااات اطلبو Ambulans. يلاااا.
اجا گومني ويجرني وراها شال الموبايل خلاه بإيدي
يَاسر: لازم نمشي راح يلحگونا
فتح المحفظه طلع شدة دولارات عدد فوگ العشر ورقات ونادا واحد كأنه معارف و مو اول مره هيج يصير.
يَاسر: آتش آآتش، هذا التعويض تعال شيله.
الزلم بأرضهم وبعدهم بحيلهم گام واحد طلع سلاح وهذا تخبل لزم إيدي ويركض وآني اركض وراه.
أريم: شنننني سااالفتكممم عوددد گلللت لطييف بريييء بس يااا حييف طلللعت تررربييية المُختتتل
نركض بأفرع إزمير وما ندري وين نروح
أريم: رررجعني للميناء، رررجعني يااا مجنووون
اي اي مجانينه مجانينه.
أريم: شنهواااا. ياا ررربيي
لازم إيدي ونركض فجأة وگف بفرع قديم
وما بي ناس نظرت گدامنا اثنين واگفين انداريت
ورايه شفت اثنين هم
أريم: انلاصت والله ااانلاصت.
هجموا واحد يضرب الثاني بس هذوله اربعه وهو واحد.
يَاسر: اااريم اااهرربي هذاا مو اااماان
أريم: ااااي يصيرررر رجااال مثللل هذاااك المُختتتل اااضررربه اضررربه.
والله ااانتي قشمررر كثيررر بس ما عندك حظظ
أريم: ااابن المجنونننه عليييمن تگول قشمررررر
هديت عليه اضربه والزلم وگفو للحظات مستغربين
يَاسر: اااريم çlgn deli. ليش تضررربني
گام وضرب واحد بيهم وگع من طوله مُغمى عليه
بقو ثلاثه اثنين لازمينه و واحد يضربه.
آنا بس واگفه ادگ واللطم المنطقه معزوله وماكو احد ولا اعرف احجي كلمه تركيه شلون، شهگت لمن سحب مسدسه و راد يصوب على ياسر
أريم: عزاا ولك راااح يقتتتلك سوووي شيي
او اااني اتدخل ااانطييك دررس بالقتال والله!
يَاسر: أريم اهربي ااهربي
أريم: جبااان والله تعلللم من معلمتك.
اندارلي ابو المسدس دفرته بركبته من ورا فورا ضعفت قوته و وگع مكنبص، دفرت إيده دست عليه وأخذت السلاح تراجعت خطوات.
أريم: هبيبي كم تو إراك حتى تتعلم المرجله على أصوله.
؟
؟
؟
أريم: هاي شبيكم اخذتو صفنة ابو صابر؟
عوفو ياسر يمان او افجر راسكم!
محد فاهم لغتي حتى ياسر مصدوم من رد فعلي
اول مره اصوب على هدف حي ضغطت الزناد والرصاصه اجت بكتفه ابتعد يون ويصرخ بقو ثنين واحد گدامي والثاني لازم ياسر
يَاسر: أريم أريم مش لعب وهزاار جيبي المسدس
آني اتصرف
أريم: والله هذا لعبنا ولا تگول إستهتار.
صوبت الثاني هم على كتفه ابتعد وياسر تحرر.
هجم على اخر واحد دگ بوكسات
أريم: عفيييه تررربيييتي.
نظرلي وهز راسه سحب المسدس من إيدي
وصوبه ببطنه
يَاسر: هذا لعبنا ولا تگول استهتار.
خله المسدس بظهره وعبر على الجثه حرفيا جنت بحالة صدمه شلون طلع على حقيقته هذا مثل ذاك المثل العراقي اخو حرفياً.
وگف گدامي يلبس ساعته إلى انفتحت ووگعت وعيونه 180 درجه تدور بالمكان.
يَاسر: يلا لازم تمشي. أريم لازم تمشي
هزني من كتافي نترت ايده.
أريم: ولكم اااانتو شنووو من بشررر مااافيااا مااافيااا
يَاسر: إييت Türk mafyas. امشي هسا يجي الشرطه.
لزم أيدي ونركض بعكس الإتجاه طلع تلفونه واتصل جان يحجي
يَاسر: أبيل اللحگني رجال بيت مالك هجموا عليَّه
وأريم وياي، جنا نشرب قهوة اي اي اجت وياي، شنوو ok ok. كيف تحجي هييج!، بس اوف القشمر طلعت تعرف تستخدم مسدس.
وگف ولزگ الموبايل بأذني حتى اسمعه
ااابن القندره ااابن النعاال شلون تطلع وياها.
وين مكااانك خل اااجييك وين مكاانك.
ابعدها ويتسائل
يَاسر: وش گال ترجمي؟
أريم: شنو گال؟ ، اي گال شلون شلون ما عازمها على الغدا ليش بس گهوه. و گال وين مكانك
خل اجيكم. دقيقه انت ما تفهم عراقي وآني جاي اترجم العراقي للعراقي وات هابن؟
يَاسر: ما افهم بعض الكلمات اللي صعبه
يمشي سريع وآني وراه ما جاوبته مر عشر دقايق واحنا نمشي فجأة وگف سيارته أمامنا. بنص الفرع.
نزل منها وعيونه عليّه يفر الجداحه أشر لياسر.
أبيل: وخر ابني وخر
ابتعد ياسر واجا وگف گدامي
أبيل: گلنالج وين انتظرينا؟
أريم: لسنّ تو مي خل افهمك!
لاا تحجين حرف گلنالج انتظررينا بالمكتب
شعننندج ويااا يَاااسر؟
أريم: عزمني على گهوه و قبلت! انت شكو حارگ دمك؟
تقدم خطوه يحجي بأعصاب
انتي شكوو براسج شكوو تعرفين منو هذاا إلى طاالعه وياااه؟
أريم: عاين أبيل ما اسمحلك هيج تحاجيني
شني طالعه وياه اوك طلعت بس من باب التواضع
خوما أرفض عزيمته؟
فرك وجه بثنين إيديه وحجه بوجهي عيونه تجدح نار
أبيل: ياسر يمان مُهدد بالقتل مُهدد شلون تطلعين ويا؟
أريم: المفروض تكتبون على جبينكم فلان بينا مُستهدف. شمدريني ياسر مستهدف؟
أبيل: لا انتي صددگ لسانج ما ينحمل وگتت إستهزاائج؟
أريم: دكااافي كاافي على اااساس انت اااحسن منه قبببل ساعاات نااس مصبحييين عليييك بالرصاااص دگ مُلاحقااات دگ مطارداات.
شهللل عيييششه شلوون عااايش ااانت ماافياا ياابه انت رجل ماافياا متعووود تقتللل يوميه قتل قتل
چآن ينظرلي وساكت درت وجهي ياسر واگف بعيد
رجعت أنظاري ما لگيته جان صاعد بالسياره دگ هورن مرتين.
تفضلي خاتون.
اخذت نفس عميق ومشيت فتحت الباب صعدت
قفل البواب واستغربت بس ما علقت مشت السيارة شويه واردف بهدوء.
شدي الحزام.
أريم: ما يحتاج
شدي الحزام. أريم.
انداريتله بكامل جسمي طگ گلبي من أوامره.
أريم: شني يعني هل تأمر ما صار يومين اعرفك
أريم سوي هيج اريم كذا أريم كذا. ول خااالي بعدك ما تعرف اااريم لا تذب ميانه ترا اشوفك وجهي الثاني.
ضل ساكت ما علق بدل الگير و دعس بانزين
وبدت السياره تطير بينا من سُرعتها
أريم: آدري سباق ويا الهوا خومااا سباااق خفف السررعه يمةةة.
لازمه روحي بالكشن وكل مسافه يمشيها يدعس بريك يشمرني عالدشبول ويرجع يزيد السرعه طفح الكيل ساكت وما يجاوب مديت ايدي للحزام بألف يا على شديت الحزام وضربت ضربات مُتتاليه على كتفه
أريم: شدييت الحزام وعلى شدديت الحزاام خفف السررعه حفيد الهمج حفيييد الهمجججج
شويه شويه السرعه رجعت طبيعيه نظرلي و ابتسم
أبيل: عفيييه تربيتي هيج اسمعي الكلام.
أريم: روووح سلللمتك بإيييد ااالله رووح.
الطريق كله محروگه دمي من هذا المُستفز القاهرني اسلوبه اسلوب مُختلين وعلي.
ال بتراء
من ساعه واصلين العتبه الحسينية
علي سَند راح يصلي ويا الزلم و آني ويا النسوان، وصاني ما ابتعد و گال نلتقي عند باب على الأكبر من نخلص الصلاة، حتى نزور الإمام الحسين عليه السلام. هزيتله راسي، وراح ضل يلتفت وراه يشوفني، ضليت انظرله لحدما اختفى بين الزوار المليونيه مئات آلاف مجتمعين
بتراء: ما ادري بعد هذا اليوم شراح يصير بس فعلآ.
طلعت إنسان ماكو منك أو يمكن آني اول مره اصادف انسان مؤمن يخاف الله.
آني هم سئلت الناس عن مكان الصلاة لأن هاي ثاني زيارة إلى بعد 15 سنه، رحت توضيت و اخذت تُربه من مكان الصلاة وگفت اصلي بخشوع ويا النساوين أكثر من ربع ساعة طولنا كملت اخر سجود ودعيت اول شي اللتقي بذاك المقنع اذا اللتقيت بي وحجيتله المعلومات يگدر يوصلني لخواتي. دقايق وآني ادعي ودموعي تنزل الله ينجيني من قوم الفُجار من قوم الضالمين.
سلمت وگمت، لبست الكمامة امشي واردد اسم مولاى أمير المؤمنين.
بتراء: على يا سَند، على يا سَند
اللتفت بين الزوار ما ادري وين الطريق إلى يودي لباب على الأكبر سئلت وحده من النسوان
بتراء: خاله اريد اوصل لباب على الأكبر وين؟
--: بنتي مناك.
أشرت بإيدها للإتجاه تشكرت منها و رحت ازدحام وما شاء الله الزياره مليونيه بألف يا على اعبر وآني گلبي يدگ دمام اخاف شخص يطخني اخاف واحد من نَسل الفُجار يطلعلي وين انطي وجهي اذا لگفوني. كملت طريقي وتقريبا وصلت وشفت على سَند تعرفت عليه رغم متلثم بالشماخ. لكن وگفت بمكاني متصنمه وآني اشوف جاسر بين الزوار
بتراء: دخيلك يا على سَند دخيلك يا على س.
خطيت چم خطوه ما اگدر أتراجع مُحاطه بالزوار من كل الإتجاهات، رفعت العبايه على راسي وجاسر
كلما جاي يقترب صار امامي مُباشرةً بلعت ريگ درت وجهي همست.
بتراء: على يا سَند.
عبرته وكتافنا تلامست اردف
جاسر: آسف أختي ما چنت منتبه
جان واگف وآني مشيت بس هزيت راسي كملت السير بإتجاه اول ما وصلت نزل لثآم
علي سَند: آني.
بتراء: اي عرفتك من بعيد شد لثامك الجان لاحگك عبرني قبل شويه.
موسع عيونه و صار ينظر حواليه.
علي سَند: جاسر؟
بتراء: اي
علي سَند: شلون تگولين اي وانتي ما تعرفيه؟
بتراء: أنت توك گلت اسمه.
علي سَند: امشي براء.
راد يطلع وما يدخل
بتراء: اجينا هنا حتى نزور وما اطلع اذا ما زرت الإمام الحسين عليه السلام.
ضل حاير شنو يتصرف اتصل على أصدقائه.
علي سَند: ابو وگعه دير بالك جاسر جان عند باب على الأكبر، اي چا وين تروح أمانه عندي. احلها احمي نفسي واحميها أنت بس فض سالفة ذولاك وخليك منتبه. إذا گدرت احتجز الزلم او أخذهم للبصره نتعامل وياهم، سلام.
شد لثامه و أشر امشي گدامي
خطيت خطواتي وصرت گدامه امشي وهو يمنع الناس تطخني بعد مُعاناة من الإزدحام وصلنا للضريح. دعينا جميع الادعيه سويه كملنا الزيارة.
وحسيت روحي تجددت بهل زيارة اخذت نفس عميق ونزلت راسي ما اريد احد يشوف الدموع بعيوني بهل لحظه تذكرت أمي المرحومه لمن زرت وياها بعمر ال6. سنوات، وگف فوك راسي وجنت بوضع السجود
بتراء تبچين؟
بلعت الغصه عيوني تروح يُمنى و يُسرى صوته مؤلوف عليه وهاي نُقطه النُقطه الثانيه اول مره
نلتقي وهو مرتين يناديني بأسمي معقوله يعرفني
او متعاون ويا جاسر. إحتمال چذب عليَّه وگال عداوه إحتمال يريد يسلمني لجاسر گمت بسرعه.
عدلت الكمامة وخليت العبايه على راسي مشيت بدون لا انظرله او اجاوب
آسف والله و حگ العباس غلطت بالأسماء
براء بتراء قريبات من بعض براء دقيقه وين تمشين وحدج.
چآن ورايه وآني اعبر الزوار أبچي ومحتاره وين انطي وجهي اذا طلع صدك غدار من غير شي ثقتي بالبشر معدومه
اوگفي بس فهميني شبيج.؟
وصلت للباب طلعت وهو وراي من الإزدحام ما يلحگ اردف بصوت عالي.
وحگ العباس ااذا رحتي بعد ما نلتقي ولا تشوفين وجهي، بعد هاااي هيه مجازاتي.؟
وگفت بمكاني نفس الكلام تكرر براسي
اذا رحت ما نلتقي بعد بتراء.
اذا رحت ما نلتقي بعد بتراء.
غمضت عيوني ودموعي تنزل رفعت راسي للسما
بتراء: المُقنع يا ررب إلهي نجيني من قوم الضالمين
مسحت عيوني اخذت نفس ورا الثاني حتى ارجع طبيعيه انداريتله وچان ورايه
علي سَند: باچيه؟ وليش؟
بتراء: مكان مقدس وديني طبيعي جدآ نتأثر.
علي سَند: من اخطائت واناديتج بتراء جان غلط مني وحگ العباس مو متقصد.
بتراء: منو هي بتراء حتى هيج تلفض اسمها؟
سكت ينظرلي، هزيت راسي
بتراء: تمام سؤال شخصي وما يحقلي اعرف جوابه.
درت وجهي مشيت وهو ورايه.
بتراء. هي بنيه على حد علمي مكسوره.
بتراء: هه لا ما اعتقد ملاحظ أسمها؟
اي بتراء.
وگفت نظرتله
بتراء: اي بتراء ومعناه. تبتر كل من يتدنالها.
اعتقادك غلط.
علي سَند: رُبما نعم و رُبما لا.
نظراته تغيرت وجان ينظر ورانه.
علي سَند: براء لازم نرجع للفندق هذوله صارو بالصحن.
اجيت اندار لزم أيدي وهمس
إلهي إنك غفورٌ رحيم.
مشى بخطوات اشبه بالركض بين الزوار وآني
سكتت بعد ما حجيت ولا گتله آني بتراء إلى تعرفها
خل اشوف شنو قصته و إذا چآن گد الثقه احجيله.
علي سَند: براء ثقي بيّه
انظرله وهو يمشي مستعجل ويجرني وياه شلون حس بيه ما اثق بي؟
بتراء: الثقه ما تنطلب تنزرع واذا نبتت تكبر وتثمر.
انفاسه سريعه و گوه يحجي.
علي سَند: شني سالفتج انت وهذني الحِكم مالاتج
مو وگتج وحگ العباس. امشي وخفي رجليج
طلعنا من العتبه الحسينية وصلنا مكان للسيارات استغربت، احنه طلعنا من الفندق مشايه السيارة شجابها هنا. فتح الباب واردف
علي سَند: اصعدي بسرعه.
بتراء: ت تمام شبيك ترا ابتعدنا وما يلحگونا.
صعدت وشديت حزام هو كذالك. شغل السياره
علي سَند: الليله هم نبقى بالفندق بعدها باچر الصبح نرجع على النجف.
بتراء: ليش مو البصره؟
شغل السيارة وانطلق مُسرع
علي سَند: بيتج بالبصره؟
بتراء: تسوي روحك ناسي؟ گتلك ما عندي بيت
چا شعندج تسألين عن البصره؟
سكتت شجاوب هو بس محافظتين اعرفهن بغداد و البصره.
بتراء: عبالي بيتك بالبصره لأن تحجي مثل لهجتهم.
بيت عمامي بالبصره آنا بيتي بالنجف الأشرف.
سكتت بعد ما اريد يشك أكثر من غير شي ما واثقه بيهم لا جنس هابيل ولا جنس قابيل.
هِلال
راسي احسه نصين أكابر ما اريد ابجي بس مابيه غصب عني دموعي تنزل طول الطريق ما ادري وين اتوجه إلا لمن حسيت روحي متوقفه عند نُقطة البدايه. قبل 30 عام. نزلت من السياره وطبگت الباب خطيت خطواتي صرت واگفه أمام القصر.
نضرت للبوابة إلى قبل سنتين اجيت زرته مغيرينها
مشيت للباب ودگيت لحظات و الحارس فتحلي الباب
هِلال: yi günler ممكن أدخل؟
ابتسم بعده نفس الحارس القديم، اردف بالتركي.
أهلا آنسه اكيد تفضلي.
فتح الباب على وسعه و دخلت بالباب وگفت اخذت نفس عميق و دگيف باب البيت الثاني بعد البوابه.
تأخروا حتى فتحولي ومن انفتح الباب انهدشت بيّه
هِلال؟
ابتسمت وحظنتها
هِلال: اي اي هلال
ابتعدت تمسد على شعري وعيونها تلمع بالدمع صاحت
Amcamn kars هلااال جاايه
زوجة خالي أرغد دخلتني للبيت وبالصاله جانت واگفه ما مصدگه جيتي ركضتلها، هي ابتسامه وهي دمعه مشاعري اخطلتت سويه حظنا سوا.
هِلال: Büyükanne.
بينار: هِلال بنتي حبيبتي.
ابعدتني تبوس بوجهي وبشعري ودموعها ما وگفو
اتابع ملامح وجهها بين عليها الكبر بعد عمر 77
اخذتني وگعدنا نظرت لصورة المرحوم جدي نضال ونظرتلها. بست ايدها وحجيت
هِلال: بيج ريحة أمي ربي يحظج الي
مسحت دموعها وباست خدي للمره العاشره او اكثر بدون ملل وحجت.
بينار: انتي بيج ريحة امج سنتين وآني محرومه من بنتي ومن ريحتها.
ثنينا دموعنا تنزل ونحجي.
هِلال: صارت هوايا مشاكل من آخر مره اجينا آنا وإيمار
بينار: أبيل وينه؟ ليش ما يزورني وإيمار وين؟ هذا الأسبوع ما جاني ليش؟
نظرتلها شلون احجيلها أنه إيمار راجع للعراق احتمال تنجلط من هذا الخبر روحهم ببعض كل أسبوع جان يزورها.
هِلال: إيماار؟ بينااري هذا طلع سفره برا تركيه من يرجع يزورج.
بينار: أبيل ليش ما يزورني؟ هو بخير صحته شلون؟
ليش ما يزورني هو يعرف اني احبه؟ يعرف احبه؟
حظنتها ومرت خالي واگفه بعيد بس تتحسر علينا
ابتعدت امسح دموعي واهز راسي نعم
بينار: وينه ما يزورني؟
هِلال: حبيبتي عنده شغل يمين عظيم ما يلحگ بس بس هسا اتصل عليه خل يحجي وياج.؟
بينار: اي اي اتصلي.
طلعت موبايلي واتصلت مكالمة فيديو لحظات وجاوب جان بالسياره و أريم وياه ثنينهم ينظرون لبعض
أبيل: هلال وينج؟
هِلال: أبيل مفاجأة.
وجهت الكامره عليها وبعدها رجعته عليه تفاهمنا بالنظرات و أريم تشاهد بصمت.
أبيل: شلونج بينار؟
ما فهمت عليه بس هزت راسهه وتمسح بدموعهه
اردفت بالتركي وأبيل گلب عالتركي يحجي وياها
بينار: أبيل يا روحي شلونك؟
بنص الخير انتي شلونج؟ بينار.
بينار: مشتاقه الك ولأخوك شوگت تجون عندي.؟
اسف ما عندي مجال.
هِلال: أبيل.
نجي بس بعدما نخلص الشغل.
بينار: طيب ليش ما گلت متزوج؟
گمزت أريم كأنها لگفت كلمه
أريم: لا لا يووك يوك والله يمين عظيم يوك
أبيل: بينار إيت إيت ما گتلج هاي چنتج.
أريم: يكذذب والله يمين عظيم يوك.
گامت تضحك على سوالفهم
بينار: هِلال مرت اخوج حلوه أبيل يستاهل هيج وحده حلوه.
أريم: يا عمري انتي گوزالم انتي تشكُرلير
أتفق وياج أتفق.
أبيل: اذا ما فاهمه شي لا تگرگرين
هِلال: أبيل أبيل
هزيتله حواجبي وگلب عيونه اردفت حبوبه
بينار: أبيل جيب مرتك وتعال؟
أبيل: ما تگدر ما تگدر بأيي لحظه تولد وتوني مرجعها من المستشفى عود گالت ألم ولاده بس طلع چذب بچذب.
أريم ما فاهمه كلمه وحبوبه بينار تهز راسها وتباركله اما آنا اريد استوعب هذا اخويا لو آلة تأليف وتلفيق.
أريم: حبيت اسمج عمه. خاله خاله اقصد
افكس عينك لا تنظرلي هيجي
أبيل: بينار مشغول بغير وقت نحجي
بينار: أبيل أبيل تعالو زوروني
قبل لا يسمعها قفل الخط
بينار: ما سمعني؟
هلال: سمعج بس انقطع الاتصال شبكه ماكو
خليت راسي على كتفها هيج ضليت ربع ساعة ومرت خالي أرغد جابت الضيافه بعدها نادت بنتها
آييداا.
دخلت بنتها الجميله شعر أشگر وعيون رماديه
ملامحهه قريبه على أمي گمت حظنتها ابتعدت انظرللها
هِلال: آيداا ما شاء الله صايره تخبلين.
بنيه بعمر سيرا او أصغر
آيدا: Akm انتي هم چووك گوزال
انسمع صوتهم الأب والابن راجعين سوا.
دخلو وما چانو دريانين بيه اردف ابن خالي
Anne عدنه ضيوف؟ سيارة منو واگفه برا
دخل قبل ابوه وشافني
طارق: هِلال. اهلا وسهلا.
دخل خالي ومن شافني ثنينا تلاشت الأبتسامه على وجوهنا
أرغد: بنتي هلال؟
ابتسمت ل طارق و گعدت بمكاني ما جاوبت خالي
مستحيل انسى إلى سوو بأمي حتى إذا تندمو وسمى بنته على أسم امي. لحظات ودخلوا عائلة خالي دامير مرته وابنه ويا ثلاث بنات.
يبدو اليوم مجتمعين العائله كلهم دامير بيته بوحد اما أرغد عايش ببيت جدي.
دامير: السلام عليكم.
الكل جاوبه وآني هم جاوبت بس بصوت ناصي السلام لله ومن الآداب نجاوب. من شافني اجا گدامي يطلع عمره بعمر أبويا. مد ايده حتى أگوم واحظنه او اسلم عليه أي شي.
دامير: هِلال جانم تعاي يم خالج.
نظرتله ونظرت لخالي أرغد.
هِلال: بينار حبيبتي ايدج ابوسه
بست ايدها حظنتها وابتعدت
هِلال: لازم امشي الوقت صار عصرية.
هزت راسها وتعرف السبب. گمت وأخذت موبايلي.
مريت بصف مرته إلى بودها تشرب من دمي اما بناتها حبابات ابتسمت الهن وابنه بعمر إيمار
نفس ملامح ابوه. وصلت للباب ناداني
دامير: امج المرحومه ما سامحتني من اعتذرت منها قبل 20، سنه على الأقل انتي ابريلي الذمه
وسامحيني هلال.
أرغد: بنت الغاليه وگلبج طيب
انداريت الهم
هِلال: بنت الغاليه؟ هه هه، آيدا ألف مبروك قبولج بالجامعه فرحتلج. بينار حبيبتي بأمانة الله وحفظه.
فتحت الباب ومشيت بسرعه جنت اسمع خوالي يحجون بصوت عالي وبندم عفتهم وصعدت سيارة هدآم فورا لبيت أبيل.
وَدق
دخلت رقيه للغرفه وضعها مو تمام حجينا شويه بالي صار وثنينا مصدومات من وساخة وسن البومه
صار المغرب وهي نزلت تشوف حبوبه آني هم مليت من الدراسه سفطت الكتب وشمرتهن على الرف. رحت اخذت موبايلي من الشحن تمددت ودخلت لحسابي الانستغرام لگيت هوايا متابعات
دورت من بينهم لگيت حسابه متابعني تابعته وفكرت.
وَدق: حتى يفكر روحه مسيطر؟ يحلم
لغيت المتابعه دز رسالة بالطلبات.
ردي المتابعه!
رديت المتابعه بس هم فكرت بيها
وَدق: انت ياهو حتى تتأمر عليَّه؟
لغيت المتابعه ورجعت تابعته. دز صوره بسرعه دخلت شفته صوره من الشارع إلى امام غرفتي
وَدق: عزااا العزاك هاذ شلون واصل لحد باب بيتي!؟ مو أعداء شلون يا ربي مجاي استوعب
گمت افتر دز رساله ثانيه
اللغي المتابعه مره ثانيه وحق جدنا السابع اطبلكم مُداهمه!
دخلت مراسه وياه
من الآخر؟
-- وَدق انتي منو؟ ليش مو مرتاحلج؟
ليش انت منو حتى ترتاحلي ما تگلي شنو سالفتك؟ عندك فراغ وتريد تخلصه براسي؟
-- آنا معروف منو بس انتي مجهوله لا اسم جابر موجود ولا الجابر انتي منو؟ وليش مصادقه بنات عائلتي؟
يبدون انت فعلا فارغ باوع لك
-- اتصل كام و اعاين خوش؟ خل اشوف العيون من تجاوب هم تچذب مثل لسانج؟
ما جاوبت الرساله فورا اتصل عدلت شعري تجهزت وفتحت الكام ضل ينضرلي بعدها اردف
وَتان: وَد.
وَدق: وَدق اسمي. احجي شتريد؟ شنو سالفتك وياي؟ او ويانه اني و اختي؟
گومي گعدي خل اشوف چهرتچ عدل
وَدق: اانت شگددد ما تستحييي شلون هيج تحاجيني بكل صلااافه.
اندك الباب وثنينا ننظر لبعض
اختج؟
وَدق: ما ادري لا توها طالعه دقيقه اشوف. بس لا تحجي حرف راح اعوف الإتصال هيج.
عفت الكاميرا على السقف و رحت للباب اول ما فتحته رفع راسه والبطل بإيده
نَائل: آني م مو وحش م مو وحش وَدق.
وَدق: ش شتوي هناا اطلع برا اااطلع براا لا اخزيييك گداام امة محمد.
دفعني ودخل سد الباب برجله قفلها يخطي خطواته ويحجي بلسان ثگيل.
نَائل: ما م مااا اااسمح مااا اااسمح هي هييج تحجين
ودد منو هذاا
درت وجهي للموبايل وتن يصييح وهذا يشرب ويأشر على الموبايل
نَائل: ه هااا صرتي گ ته؟ تحجيين وياااه بوووجووودي بحياااتج
ووود اااحجي شجاااي يصير
وَدق: آ ااطلع برا برا اااطلع براا.
دفعته من صدره و كسر البطل صرخت وكتم صوتي بإيده وهذا ينادي بأسمي
ووود وَدق فهميني منووو هذاا اااجيج للغررفه والله وَدق اااحجي ودق ااالوو
عضيت أيدي واجيت ابتعد واركض للموبايل لزمني من القميص شگگها
نَائل: العوج ماا العوج يشووفج شنو يگدر ي يسووي ن نَسل الفُجار ال الليله يطلع قهررره وظيييم السنيين ب بييج بييج.
أتراجع للچربايه واحجي راح من بالي المكالمه مفتوحه.
وَدق: اانت مو صاااحي لا تصيير حيوااان ر رررقيه.
رررقيه.
ودددق والله العظيم اااجيج بس خااف تصييرلج مشكله فهمييني منو هذااا اخ ااخوووج؟ ااالوو ودق جااوبني
لزمني من متوني شمرني على الچربايه والموبايل بصف رأسي بسررعه شلته احجي وابجي
وَدق: ووووتن ااالحگني بدااااعة امك اللحگني االلحگننني
اخذ الموبايل ورگعها بالحايط و.
ال بتراء
وصلنا للفندق والوقت بال7: 30 المسا
دخلت على غُرفتي وهو على غرفته دقايق ودگ الباب رحت فتحت
علي سَند: نسيت اگلج جنسيتج وين؟
بتراء: جنسيتي؟ اي ضاعت.
ضاعت شلون براء! جنسيه هاي مو منديل وضاع وينه خاف نحتاجه بطريق كربلاء النجف.
بتراء: ضاعت مني وآني اهرب من ذولاك الناس يعني اكيد ما تقصدت اضيعه.
علي سَند: انطيني اسمج الكامل وآنا احلها بهل ليلة.
بتراء: شلون يعني؟ تزورها؟
علي سَند: اكيد لاا عندي أصدقاء ومعارف يمشولي المعامله، اسمج الكامل؟
بتراء: براء حيدر الكرار.
علي سَند: براء حيدر الكرار.
هز راسه وهو ينطق الاسم الوهمي
علي سَند: تمام محلوله اذا ردت شي ادگ دگتين وانتي افتحي الباب اوك؟
بتراء: تمام، شكرا على كل حال.
ابتسم بهدوء و رجع على غرفته وآني هم سديت الباب مرت اقل من دقيقتين واندگ الباب دگتين
رحت بسرعه فتحته وحجيت
بتراء: ها ليش رجعت
تلاشت ابتسامتي بلعت ريگي تراجعت خطوه.
وهو يتقدم خطوه صوتي انكتم
جاسر: بتراء بتراء بتراء
اجيت اركض للباب لزمني من خصري وبس صرخه وحده طلعت مني
عليييي سَنننددددد.