رواية ولد الباشا للكاتبة فاطمة الأحمد الفصل الأربعون
رُقيه
دنگت راسي لحظني وابچي، سمعت صوت بريك سياره وگفت بسرعه وبس صوته يدوي بأذني ينادي بكل صوته.
رُقيييييه وينهاااا.
وصل يمي كنبص رفعت راسي شفته ابو گاع
ملامحه ونظرات عيونه كله يرجف بحيث عيونه دمعن يحاول يلزم وجهي رجفة إيده ما تسمح لمني بحظنه ويحچي بصراخ
وگاع: اااندمه والله اااندمه اااذا ما خليييته ينسجن كل عمررره ما اكون ااابن الأشتر.
رفعت ايدي لظهره حظنته أبچي واحچي.
رُقيه: حباب بس رجعني للبيت راسي راسي موتني.
ابتعد ويمسد على شعري من يحچي يرجف بالكلمات.
وگاع: ل لا نروح للمستشفى خاف ضغطچ صعد تعاي تگدرين تمشين اشيلچ؟ احچي لا تبقين ساكته
احنه بيا حال و الاشگراني اردف.
ريكان: خطبت ملاذي بضريح الإمام على عليه السلام إذا زلمة وتحبها من صدگ سوي مثلي.
وگاع: بس جاوبيني تگدرين تمشين، اشيلچ احچي لا تخليني اتسودن اكثر!
ريكان: وتراااب مكه الأخت هم تحبك انتوا تحبون بعض.
وگاع: ياااخي افتهمنااا احبها وتحبني، هاك عاين وحق جدنا السابع ارجف عليها بس اسكت شگد تحچي خويا صگر ألزم نسيبك شبييي
صگر: تااالي وياك ااكحزز مناا.
ريكان: بس چنت انصحه، تمام رايح للسيارة، بالتوفيق يارب منك المال ومنهااا الجهااال.
صگر: اكحز منَّا لا ابتلي بيييك.
باوعت بي ما يشيل عيونه عليَّه.
تشبثت بذراعه وگمت.
رُقيه: اگدر امشي بس راسي موتني صيدلية قريبه منا جيبلي مسكن وجع راس وما اريد شي ثاني ما بيّه شي ضغطي ما صاعد.
بلع ريگ ملامح وجه المتوتر وترني، اشرلي گدامه وهو يحچي بس ما يباوعلي.
لا ما اطمئن هيچي نروح للمستشفى نتأكد.
رُقيه: الصيدلية هم عدهم جهاز قياس الضغط
فتحلي الباب وصعدت تقدم صگر يحچي وياي من الجامه
صگر: عوفكم من كلام ريكو يتشاقه، انتبه عليها تمام.
ريكان: مااا اتشاقه وتراااب مكه، روحي للمستشفى الأخ خل يطمئئئئن
وگاع: ياااخي على راسي على راسي بس امشي
هاي مرته شلون متحملته.
صگر: لا أگُلك ولا تُگلي متورطه وياه
حرك سيارته وگف بصف الرصيف اردف ويا صگر
ريكان: تحلم انطيك لُباب لأبنك لميم تحلم ترسل دريم وما انطيكم بنتي.
وگاع: ما عندي مثل صبرك اعذرني اذا بقيت دقيقه زايده انزل انيمه بصف جدنا السابع.
صگر: روح اتوكل آني اتصرف وياه، و إذا ردت شي خابرني تمام.
باوعلي وابتسم بهدوء اردف.
صگر: نور تسلم عليچ وتگلچ أنتي قويه وراح تتجاوزين الوضع.
كلامه اسعدني و بنفس الوقت وترني كأن يقصدون شي مُعين!
رُقيه: الله يسلمها.
وگاع: احم يسلم الجميع.
صگر: ههه وصلت. انتبه عليها، بأمان الله
رفع الجامه وانطلق بسرعه للمستشفى طول الطريق ساكت واني بالف يا على كاتمه الألم وما أبچي باوعتله وعيوني مليانه دموع حچيت
رُقيه: جسار مو أبويه بس هددني و...
جاوبني بدون لا يباوعلي.
أعرف كلشي لا تحچين وتفكرين ولا تضغطين على علقچ، راح نوصل.
تعرف كلشي. يعني من اعترفتلي ردت تاخذ بثارك مني!
باوعلي بألف يا على ساكت
ثأر شني، شني فورا گمزتي، كافي تفكرين مو زين عليچ.
لا لا جاوب ومثل ما توعدتلي أنه إذا عرفت بينا عداوه تحرگني بناارك
رُقيه لا تخليني اتسودن عليچ، شني احرگچ بناري، كافي تحچين.
اي سكتني سكتني رُقيه كاااافي تحچين رُقيه لا تخليني اتسودن عليج رُقيه هيج رُقيه هييج. ترااا هذا حچيييك حچيييك.
تمام تمااام هذا حچاايتي بس ما اقصدها ماا اقصدها بالمعنى الحرفي!
لا تچذب خووش لا تچذب مقهور عليّه چي ابويه سنين معيشنا بحجيم وتحت التهديد بالقتل!
شااايفتني ناااقص رجوووله وآخذ بثااري من بنيييه شنييي آنه مو ترباات اشتر!
وگف السياااره ما اااجي وياااك وگففف.
تمام اهدي آسف والله آسف بس لا تبچين رُقيه عاينيلي لا تبچين تمام آسف هاي ثالث مره اعتذر تمام لا تبچين.
مسح دموعي بإيد والإيد الثانيه لازم الستيرن يحچي وحاير يباوعلي لو يركز على الطريق.
ابوچ لو چآن چتال أبويه لا سمح الله، هم مستحيل اخذ بثاره من بنيه تفهميني مستحيل! تربات الاشتر آنه، المرأة بعائلة الباشا خاتونه تفهمين شني خاتونه؟
شمدريني، وخر إيدك!
تمام لا تبچين.
درت وجهي للجامه اخذت نفس عميق.
احاول اتمالك نفسي واصير قويه، اردفت.
الأعرفه تصيحون لنسوان وبنات عائلتكم خاتونه.
يعني امرأة عالية المقام والإحترام.
اها تذكرت هذاك اليوم گتلي خاتون لمن هديت مثل الهمج على ابو التكسي.
نظرلي وابتسم بهدوء مسحت دموعي ألم راسي موتني وبس عيوني تدمع، ضلينا دقايق ثنينا ساكتين إلى أن اردف.
راح تصيرين خاتونتي وعلى ذمتي.
عفوا ما سمعت!
راح تصيرين خاتونتي وعلى ذمتي.
شني ما تسمعين أنوب!
تحلم ترسل دريم وما اقبل.
شهل نسخ ولصق من حچي ذاك الما ادري شسمه ريكو ريكا.
المهم ترسل دريم مصايبي فوگ راسي أنوب تجي أنت.
تمام راضي ارسل دريم واشترك، بس شني تقصدين آنه مُصيبه على راسچ شدعوه؟
كافي لا تحچي وياااي راسي موتني.
نايس يا أبن الأشتر صرت مصيبه على راسها. صوچ الگ البصدري يرجف عليها صوچ اشتر الهمچ خلفني للظيم ولشلعان الگلب خلفني عود صياد لأعدائهم الخايسين نايس.
شگد دراما كوين مو گلت رااسي موتني شگد تحچي هذاك ريكو ارحم منك!
باوعلي ويشد إيده على لزمة الستيرن.
تمام آسف أهدي ولا تفكرين بشي لا تتوترين.
حچيك هذا بحد ذاته يوترني شبيك لخاطر جدك السابع! رابع مره تتأسف شعجب شلون!
دنگت راسي واضغط عليه موتني كل شراين دماغي ينبض واحس بنار تطلع من عيني الدموع لا إراديا تنزل وهذا أسلوبه متغير وياي.
رُقيه ارفعي راسچ لا تدنگين هسا نوصل بس رفعي راسچ رُقيه احاچيچ عيُناي بس رفعي راسچ.
رفعت راسي باوعتله
شتريد شبيك! عوفني هيچ احس يخف الألم!
راد يقرب إيده يمسح دموعي ابعدت وجهي
تمام كافي لا تبچين وصلنا للمستشفى وصلنا
ما أبچي هذا من ألم راااسي موووتني.
وگف السيارة و فتحلي الباب نزلت وهو لزم ايدي بقوة ما خلاني اسحب ايدي، يمشي بسرعه وصلنا للطوارئ نادا عليهم.
الدكتوره خلووود وييين.
گالو بالطابق الثاني فورا صعدنا اخذني على نفس الغرفه وعمه الباشا چآن واگف بالممر يم غرفة ابنه، بعدين دخل للغرفه.
الباشا: ها وگاع خير خوما بيها شي؟
عمي...
كأن متردد يحچي گدامي عمه اشرله يطلع وراه
بهل اثناء اجت الدكتوره
تمام بقت يمي تگدر تطلع.
ترك ايدي وطلع، الدكتوره گالت تمددي وفحصت عيوني، ويا معدل نبض القلب، آخر شي قاست ضغطي وما خلتني اشوف شگد فقط گالت.
هم مرتفع لازم تاخذين هاي الأبره وترتاحين بدون توتر.
رُقيه: دكتوره اني مو مريضه ضغط مرتين ارتفع هذا الشي ما يعني اصير اخذ ابر هذا يأزم الوضع وجسمي يتعود.
دخلو هو وعمه الاثنين يحچون.
صيري دكتوره بمكانها خل تستقيل.
رُقيه رجاء لا تتدخلين بمجال غير مجالچ.
انطتني الأبره و خلتلي بلاستر على مكانه و طلعت مبين ضاجت
رُقيه: هساا آني شگلتت أنوب الدكتوره طلعت وأخذت موقف؟
سحب كرسي وگعد بصفي و ابو گاع واگف وراه.
الباشا: شلون صرتي.؟
بلعت ريگ وفرضت سؤالي.
رُقيه: عمو انت تدري آني منو وبت منو؟
وگاع: لا نايم ورجليه بالشمس.
الباشا: اعتذر منها و اطلع بره.
وگاع: تمام عمي ما چنت اقصد شي.
الباشا: اعتذر منها مثل الآوادم.
وگاع: آسف يَگلبي آسف عيُناي.
الباشا: اطلع بره ابن الهمج.
حك طرف اذنه وطلع من الغرفه ضل يباوعلي من النافذة الزجاجية اللي بالباب.
الباشا نظرله وحچا.
الباشا: نُسخه من أبوه، كُل حچيه طگ بطگ.
رجع باوعلي بإبتسامه هاديه، اردف.
رُقيه مو ولد الباشا الياخذون بثارهم من بنيه.
هذا ابن الأشتر تربات ازلمه واخو معدل ما يغدر الخويه.
رُقيه: الله يحفظهم ألك.
عايني بنتي ما عدنه شي وياچ ولا ويا خواتچ
علي گولة أبن الهمج. ما نايمين ورجلينا بالشمس.
رُقيه: حاشاك عمو.
شگد انسان طيب بس يبتسم بهدوء ويهز راسه
ندري بكلشي من الألف إلى الياء حتى ندري ولد نَصار متعاونين ويا عمهم هاشم، ضد جسار.
رُقيه: اگدر اساعد بشي؟
حتى إذا تگدرين احنه ما ندخل الخاتونات بهذا الموضوع.
رُقيه: عمو بكلامك هذا دا تخجلني يعني.
بنتي گتلچ واعيده. بنات هاشم وجسار مالهن ذنب. لا عدنه مشكله ويا بنت جسار اللي هيه بتراء ولا عدنه مشكله ويا خواتچ وسن و وَدق.
رُقيه: ما اعرف شحچي والله.
لا تحچين شي ولا تفكرين بشي.
رُقيه: زين سؤال واحد، أبويه اللي هو هاشم صديقك؟
سكت ثواني بعدها اردف
سامعة المثل اللي يگول عدو عدوك صديقك؟
رُقيه: اها افتهمت.
اي عفيه عليچ تلگفيها وهيّ طايره.
سكتنا ثنينا شويه وگام تقرب مسد على شعري بحنية لا إراديا عيوني دمعو، اول مره احس بحنية الأب.
خليچ قوية بنتي انتي گدها. شحچيت ليش تبچين!
حچيت وآني امسح دموعي وهذاك يباوعلي من الباب.
رُقيه: ما أبچي ما أبچي
ابتسم اكيد ما يصدگني مبين أبچي، تحمدلي عالسلامة وطلع شويه بقى يحچي ويا ابو گاع
بعدها راح ما ادري وين لكن بهل اثناء دخل أبن الأشتر على گولته.
وگاع: ليش تبچين؟
رفعت ظهري گعدت، جاوبته، آني من افكر بكلام الباشا وكمية الحنان بحچيه لا إراديا دموعي تنزل.
رُقيه: ما ابچي ما أبچي هذا ليش مو أبويه آني شگد فُگره لخاطر جدك السابع.
ضل صافن عليّه ثواني وتقرب من السرير
يباوعلي بنظرات حنونه.
انتي مو فُگره، رُقيه عاينيلي انتي مو فُگره! گولي ليش؟
ليشش؟
عبن آنه حبيتچ أكو حظ أكبر من هيچي؟
يعني تخيلي أبن الأشتر حابچ ومستعد يوگف هاشم وجسار على تك رجل لخاطر خاتونته ام الميانات ويا األأمة!
وحب على لفاطمه!
وحب على لفاطمه!
رجعني للبيت قبل لا علقي ينفجر من كمية الأحداث إلى مرت عليَّه. شبيك صافن شمنتظر احظنك ابوسك واگمزلك. شنوو صافنن
ماكو شي ماكو شي حالتچ خاصه خليني ساكت ومتحمل.
شنو حالتي خاصه بعدين ترا ما جبرتك تسكت وتتحمل، هسا اصعد تكسي وارجع للبيت شكرا على كل حال.
مشيت للباب واحس راسي ثگيل.
وهذا وراي يحچي.
اخر مره صعدتي بتكسي شصار لا تخليني اعيد السيناريو.
ما اتناقش وياك لأن انت راسك راس ثور وما تفهم.
رُقيه احچي عدل وياي لا تجفصين ببطني.
انداريتله عزا هذا سمعني مو چنت بس افكر!
سمعتني؟
ضل يتقدم خطوة وآني أتراجع إلى أن صار الحايط بظهري.
راسي راس ثور وما افهم!
چنت افكر بيها ما حچيت.
أنتي تفكيرچ اسوء من لسانچ اليحچي.
تمام وخر بدون تجاوز الحدود ويايه.
ماكو حدود بينا.
نَعمم!
حك طرف حاجبه وابتعد فتحلي الباب.
امشي اوصلچ تذكرت عندي شغله ما كملتها.
يگول ماكو حدود بينا بكيفك خوما بكيفك آني اعلمك حدودك.
وخر انطيني مجال.
عبرته وطلعت من الغرفه سمعته يجي وراي ويحچي.
رقرق گلبي لا تجفصين ببطني.
خررا بگلبك شبييك تحاچيني هييج.
ااووففف شهل بلوه يااا الله يااا علي.
يا حُسين يا أبا الفضل ياا عباس دخيلك.
مغثه مغثه دخلت للمصعد وقفلت الباب اجبرته ينزل بالمصعد الثاني، طلعنا بنفس الوقت واجا گدامي.
اريد اطيح حظچ الگاعد!
طيح الله صبغك اكحز من وجهي.
عبرته وطلعت من المستشفى احس وجع راسي
خف بشكل كبير، وصلنا للسيارة وفتحلي الباب.
الانكونده صارت ببغاء تردد حچايات انباريه
شبسرعه تعلمتي منه!
انكونده بعينك شهل ميانه منو گال اسمحلك!
رگع الباب وصعد شد الحزام السيارة مشت مسافه وهذا نظرلي اردف.
شدي الحزام.
مايحتاج.
شدي الحزام.
ما يحتاج شگد تلح!
آنه اشدلچ الحزام خل نعبر من الإشارة.
لا تمام هاي راح أشد الحزام ابقى بمكانك ضمن حدودك.
يريدله حُجه حتى يصير ادبسز وياي هو اصلا ادبسز بهيئه محترمه.
آنه أدبسز بهيئة محترمه!
خنست الأحسن ما أشد وياه خل يوصلني.
صحيح أدبسز مرات بس مرات محترم على الأقل هو أهون من ذولاك المخابيل ناجي وانس.
رُقيه احس گلبي تورم!
باوعتله على نيتي گتله.
ليش شلون يعني تحسه تضخم وليش!؟
انسي الموضوع انسي الموضوع تمام انسي انسي، كافي تفكرين كافي تحچين تمام.
رجعت راسي للكشن احاول أهدى لأن فعلآ لمن اكون هاديه راسي يخف الألم منه، يبدو غفيت
لأن فزيت على لمسة إيده على خدي.
هاي شتسوووي!
شبيچ تتكهربين مني شسويت! گومي وصلنا لبيتكم الخايس.
گعدت باوعت بالمنطقة خاف واحد منهم يطلع بوجهنا.
رُقيه: ناجي لو يشوفك يشگك شگ
وگاع: انزلي خل تعدي على خير.
رُقيه: مو مال تحذير.
وگاع: لا تحذريني حذري ولد عمامچ النعوله
بغلاة خواتچ نزلي، انزلي لا ابتلي بأبو أبو هاشم ونسل القنادر العدكم.
نزلت ورگعت باب السيارة بقوة صاح وراي.
وگاع: كااااديلاك مو عررربانة ناااجي النجسس
ما وگف دقيقه فورا راح، دخلت للحديقه مال البيت، شفت سيارة هاشم بالگراج والزلم اللي
موجودين كلهم وياه.
رُقيه: يعني رجع!
اندگ الباب الرئيسي والحارس راح فتحها وناداني.
آنسه لازم تجين.
رحت للباب شفته ابو گاع واگف وجنطتي بإيده
باوعت بي ورجعت باوعت بالحديقة المليانه زلم هاشم. ، مدلي الجنطه اردف.
وگاع: بيچ شي؟
رُقيه: هاشم رجع!
وگاع: ندري وهو يدري وصلتچ ماكو داعي تخافين.
اخذت الجنطه منه وما ادري شحچي لأن ما افهم الجاي يصير!
رُقيه: مو خايفه من شي بس ما عندي اي فكره انتوا شجاي تسون وشجاي تخططون!
وگاع: ألچ الصافي لا تفكرين بشي.
رُقيه: شنو ألي الصافي! وين تولي جاوبني!
صعد سيارته وراح! شنو ألي الصافي وما افكر!
وگفت محتاره انطي خبر للضابط لو ما انطي
او احتمال يدري بكل شي وكلهم يمثلون علينا!
دخلت للبيت الكل مجتمع بالصاله الچبيره
و هاشم گاعد يدخن، خليت ايدي على خشمي وتقدمت.
وَدق: وين رحتي ضل بالي يمچ
وسن چانت أقرب مني هدت عليّه تتفحصني بقلق وتحچي.
وَسن: شنووو هذا الدم على قميصچ شنوو هذا من وين مجروحه ااحچي، إيدچ شبيها هاي البلاستر شنو!
سُعاد: ولچ احچي مو خلص گلبييي منكم خلص احچييي بنتتل
باوعت مكان الابره الدكتوره خلتلي بلاستر
وَدق توها تنتبه على قطرات الدم الموجودة على قميصي، دم من إيد أنس لمن صوبو عليه!
وَدق: رُقيه وين رحتي جاوبي وگفتي گلوبنا هذا الدم المن.
وگفت بعيد عنه ما اريد اشم ريحة الجگاره وهو ساكت ما يحچي بس يباوعلي بهدوء وگدامه ملف!
رُقيه: ما بيّه شي.
هاشم: انس مالك هذا دم انس مالك اللي چآن.
رايد ياخذ بثار عائلته منچ ليش ما بيچ شي!
وَسن: ثأر شنو!
وَدق: يبدو تعرف شي ما نعرفه ممكن تتفضل تحچيييي!
هاشم: بنية ابوها بس راشدي ما اخذتي تفضلي.
وَدق: لا حول ولا قوة الا بالله العلي العظيم فهمووني رُقيه شبييچ ساااكته.
هاشم طفى الجگاره وشال الملف تقدم بإتجاهي وريحة الجگاره تجي وياه وتصير أقرب مني، ما بيه حيل اشمها وينهد حيلي بسببه تراجعت خطوه اردفت. مخليه إيدي گدامه.
رُقيه: ابقى بعيد ريحة الجگاره تخنگني.
تغير ملامح وجه وصار شبه حزين اردف بنبرة هادئه.
هاشم: ها تمام ما اقترب، امچ هم چانت تعاني من نفس الحاله. المهم هذا ملف.
رُقيه: ملف شنو.؟
أشر بحواجبه أخذته وشفته.
رُقيه: استقاله من شغلي!
هاشم: بعد ماكو شغل بشركة ولد الباشا.
رُقيه: وقعت عقدين شلون ينطون استقاله بسهولة، لعد والبنود المذكوره!
كلامي خلاه يستغرب
هاشم: شني وقعتي عقدين! ماكو هيجي حچي.
هو عقد واحد، الأشتر وقع عليها وانطاچ استقالة بدون إجراءات البنود المذكوره.
رُقيه: متأكده عقدين هياته هسا اشوفك.
وابن الأشتر موقع عليها مو بس من مجلس الإدارة
دورت بالملف ماكو غير ورقتين من عقد التوضيف عليهن توقيعي وتوقيع ابو گاع.
هاشم: أمي الغالية.
سُعاد فورا گامت وراحت على غرفتها.
هاشم: نراضيها فيما بعد، بنية أبوها.
وَدق: عفوا. تحچي وياي؟
تقرب منها وهي كل اسلوبها نتر راد يحظنها لكن نترت إيده وابتعدت وگفت وراي.
وَدق: خليك بعيد عنا نعرف كلش زين أنت شنو من إنسان وشنو مسوي بهذاك!
هاشم: ههاههاهها، بويا أحبچ على هل شجاعة التملكيها، وسن شايفه اختچ واگفه بوجه هاشم.
وَسن: أي داد شايفه. I can see. هايه مو وسن وتستلطفك بسهولة هاي وَدق فخليك بعيد عنها!
عافتنا وطلعت برا البيت مبين ضايجه!
آني هم عفت هاشم وصعدت ويا اختي للغرفه.
گعدت وهي تجي وتروح گدامي.
وَدق: ماا احبه مااا احبه يعني شلون اتقبله هذا هذا عادي عنده يضحي بينا مثل ما سوا ب نائل.
رُقيه: محد يتقبله بس اگعدي راسي داخ منچ.
وَدق: عوفچ من كلشي! نائل وناجي وين وداهم؟
جسار وين راح هذوله ليش يخافون من هاشم هيجي! ليش من يرجع الكل بح يختفي!
رُقيه: توچ حجيتي السبب وليش ما نتقبله.
لأن هو وراه ناس ناس ذولاك اللي يلبسون قباء مدري شنو المهم بس اريد اسبح واجي انام، هذا الملف فر عقلي.
شمرت الملف على مكتبي، رحت سبحت وطلعت مبدله چانت بعدها بغرفتي گاعده وسارحه بإفكارها، تمددت بفراشي احاول اصفي ذهني ما اريد وجع راسي يرجعلي. تقربت خلت راسها يم راسي ولزمت إيدي.
وَدق: ليش بعد باچر ما نزور الإمام على عليه السلام حيل مخنوگه من البيت.
تذكرت كلام الاشگراني، باوعت بيها.
ونيمتها على إيدي ألعب بشعرها.
رُقيه: ما أدري إذا الله راد نروح ليش ما نروح.
وَدق: بس ادعي أحفاد جابر جربوع ما يطلعون بوجهنا.
رُقيه: بس لا تجيبين طاريهم بله.
وَدق: خل يولون مابيهم صاحي كلهم ملبوسين.
أريم
عاينت الساعة 1: 50 بعد الظهر الكل نازل
للكفتيريا، دخلت للمصعد والأكل اللي جهزته أمي جبته وياي.
أريم: المصعد صاير بطيء ينرادله دهن.
اصلا ما متوتره بس دا احاول اضيع وقت
اخذت نفس عميق وطلعت امشي بإتجاه غرفته.
أريم: احچي نفس الكلام اللي تدربتي عليه في حال گال خيلچ بعيده. أوكي بسم الله.
دگيت الباب وفتحته بإبتسامه تسليكيه احچي دُفعة وحده. لكن الصدمه!
أريم: كييفك شو اخباررك شنييي هاااي ليش نااازع.
درت وجهي وهو واگف يلبس التيشيرت
أبيل: ولچ ااانتي شچااابچ هااا شجااابچ.
أريم: حظظظي الفُگررر لييش گااايم ولييشش تبدل وييين ترووح چفييينا شررر مصااايبك.
أبيل: لا يا ستي ما مجبور اجاوبچ
آنه طالع بعد ما ابقى دقيقه وحده، صار بيّه توحد هنا
راد يعبر بصفي لزمت إيده، لابس تيشيرت أسود نص ردن بهل شتا! وگف عاينلي ورخى ملامحه.
أبيل: شني جايبه وياچ وليش جايه لوحدچ وشلون تطلعين من البيت!؟
أريم: ياخي ما مجبور اجاوبك.
فار دمه لمن عاملته بالمثل!
خلى إيده على إصابته متألم، اردف.
أبيل: أولا آنه مو اخووچ ثاانيا ثوله ما تفهمين ليش طالعه إذا لحگوچ واذوچ؟
أريم: انت تحميني منهم واثقه بيك.
أبيل: لا يااا ستي لا تثقين بيّه
أريم: كبرت بعيني والله.
أبيل: كون عزاي بعينچ تشوفيه
ولچ فهمينيي شني طيينتچ أنتي مو گلت خليچ بعيدا عني موو گلت لا تثقين بيّه!
ابتسمت بسليك عناد بي ما بينت انزعاجي
أريم: أنت مُكلف بحمايتي.
أبيل: بيرفكت شني شايفتني سترة ضد الرصاص لو درع بشري؟
أريم: لا بس فكره حلوه.
تقدم خطوة بوجهي عود أتراجع، اردف
أبيل: أريم! خليچ بعيدا.
تقدمت خطوة بتحدي اردفت.
أريم: أبيل رجلي على رجلك.
أبيل: ما يمشي الحال هيچي!
أريم: نركبله تايرات ويطير مو بس يمشي.
عيونه بعيوني ويحچي
أبيل: تحشيش سيء جدا. خلي بيني وبينچ مسافه!
ابتعد خطوة وسكت عاندت وتقدمت خطوة.
أريم: عوفك من حچي عزوزه انت مو مغناطيس المصايب.
أبيل: لا ياا على يااا ضرغام
أريم: لا ياا على يااا ضرغام.
أبيل: لا تخليني اتسودن عليچ شني تحچين مثلي!
ما جاوبته فقط ابتسمت وسديت الباب
رحت خليت الأكل عالميز وگعدت عالتُخم الموجود.
أريم: شوف ماما شني طابختلك.
أبيل: أريم! ليش ما تستوعبين حجم الخطر؟
أريم: شگد حجمه؟ mini لو XXL؟
عاط بصوت عالي بحيث تاذى من جرحه.
أبيل: شاااايفه الموضوع يضحك وماااال تحشيييش.
عفت الخاشوگه وبقيت ساكته هسا لو احچي حچايه أگوم أبچي.
أبيل: احچي ردي جاوبي بوجهي حششي ليش ساكته، حقچ بنيه تدور على الأكشن والإثارة اااكيد تكون مستهتره وما تدرك حجم الخطرر.
بلعت ريگ اخذت نفس عميق ورفعت راسي نظرتله، اردفت بهدوء.
أريم: گتلك واثقه بيك ليش تخذلني مثل بابا.
أبيل: أريم، أريم!
تقدم بإتجاهي وآني دمعه تنزل من طرف عيني ما اريد امسحها ويحس عليّه.
گعد بصفي عالتُخم، لكن ابتعدت شويه وهو
ينظرلي بحيره، اردف بهدوء.
أبيل: عاينيلي، تمام لا تعاينيلي.
مُجرد التفكير في مسألة اكون سبب بإذائچ ياخذ نص حيلي فشلون اخذلچ مثل ابوچ.
راد اجاوبه لكن بقيت ساكته هسا إذا نطقت
ما اسكت وفوگاها أبچي گدامه.
أبيل: بيرفكت صرتي تتبعين الصمت العقابي
أريم اختچ حچت الصح آنه مثل المغناطيس كلها تلحگني أنوب اذا چنتي وياي
تروحين عالخالي بلاش.
أريم: حرامات استغل موتي بشي طريقه ليش عالخالي بلاش.
أبيل: اسكتي!
ضليت دايره وجهي وهو رجع يحچي.
أبيل: ما مستعد أكون قريب منچ هذا أفضل لسلامتچ
عاينتله وعيوني يغوشن من الدموع
فقط كررت القَول.
أريم: گتلك واثقه بيك ليش تخذلني مثل بابا!
ضل ساكت وعيونه تعاينلي بترجي، قربت الأكل منه وگمت.
أريم: بالعافيه عليك، اخذ راحتك و هيچي خليك بعيد آني أدبر روحي، مو مشكله الأكشن والإثارة مستمره وياك او بلياك، واعرف استخدم السلاح مو بحاجتك.
مشيت خطوتين وگام جرني من ذراعي خلاني.
ارتطم بصدره هلگد قربين من بعض عيونه تناظر
يُمنى وَ يُسرا، اردف.
أبيل: چذابه تحبين الأكشن والإثارة فقط وياي.
أريم: لا مو صح.
أبيل: وتشوفيني سترة ضد الرصاص.
أريم: لا مو صح.
أبيل: وانتي تثقين بيّه وتأمنين على روحچ وياي.
تلامس خدي من التوتر غمضت عيوني وحچي
أريم: لا آني بعد ما احتاج خدماتك.
أبيل: شني خدمات بله انچبي. ونعيش الأكشن
بروح رياضيه ونغني خلو اللي يغير مننا ييجي ويعمل زينا!
أريم: لا بعد ما أحب الاكشن والإثارة وياك.
أبيل: لا تخليني ادير لتر بانزين علينا ونخلص.
أريم: يااخي ديرر لتر بااانزين بقت عليناااا.
سد حگلي بإيده ويحچي بهدوء حذر.
أبيل: اتكهرب من كلمة يااخي اتكهرب
أريم: يااخي...
غمض عيونه وما نزل إيده تقرب خلى جبينه على جبيني يحچي.
أبيل: بيرفكت بنت الدرهم، بكلمة وحده تخليني
اتسودن عليچ، هسا وين اوديچ شلون احميچ؟
نزل إيده وكل اطرافي ترجف من قُربه اردفت.
أريم: احم ما ادري مشكلتك.
لزم إيدي بقوة يشد عليه، لكن وسعن عيوننا لمن انفتح الباب ودخل يصيح بصوت عالي
ولك هااااا قشمرررر...
نظرناله چآن واگف بالباب وصافن علينا، ابتعدنا
كلمن بجهة، أبيل صاح بي.
أبيل: شجااابك؟
يَاسر: مازا كاد ان يحددث!
أريم: لا شيء لا شيء فهمتنا غلط.
أبيل: ياا ستي خل يفهم غلط ليش تبرريله!
واانت شجاابك؟
ابتسم شلون يتخطى بسرعه، تقدم حظنه واردف
يَاسر: الحمدلله على سلامتك برو.
شبيك برو زيارة مريض، شو أخبارك أريم.
أبيل: احچي وياي لا تحچي وياها، أريم طلعي برا سمعتهم ينادوچ.
يَاسر: برو مافي احد برا!
أريم: برو آني طالعه.
يَاسر: أبيل جاوبها تحچي وياك.
أبيل: لااااا ما تحچي وياي تحچي ويااك
ثنينهم ومنتظرين احچي، آني فقط ابتسمت بتسليك وطلعت من الغرفه. ، أبيل لحگني برا الغرفه إيده على إصابته واردف.
أبيل: اوگفي عاينيلي.
أريم: عاينتلك احچي.
أبيل: منو بالمستشفى؟ ويامن ترجعين؟
أريم: هدآم جابني ارجع وياه.
أبيل: أي بيرفكت، آنه اليوم اطلع من المستشفى عود بالبيت اشوفچ.
أريم: تمام.
درت وجهي ومشيت للمصعد اردف وراي.
أبيل: انتبهي على نفسچ. ولا تصعدين ويا ذيل ابوچ ماجد
أريم: تمااام تمام.
ما انداريتله كملت طريقي للمصعد واحاول
اكتم الضحكه.
دخلت واختاريت نزول قبل لا ينسد المصعد خلى رجله بالباب انصدمت ليش لحگني. والصدمه كلامه قبل لا يسحب رجله وينزل المصعد.
أبيل: ، Seni seviyorum ء.
أريم: هااءء شگال، عزااا افتتح، نزل المصعدد شهل دگه النااااقصه عزااا شگااال ولك ااافتتتتتح.
ضليت اضرب وادفر الباب
أريم: خرررب انه خرررب اانه شهل دگه الناااقصه ليشش هييچييي هذاا البشررر مو مثل العالم والناس.
افتر حوالين نفسي وراسي مسطور
أريم: سيني سيي يورم! يعني أحبچ بالتركي يعني أحبچ عزااا.
نزل المصعد للطابق الأول طلعت وهدآم صار بوجهي وآني ايدي على خدي صافنه.
هدآم: اجيت وراچ ليش تأخرتي، امشي.
أريم: سيني سيي يورم.
هدآم: بن چوك سيي يورم، خلصيني أريما امشي تأخرت على شغلي.
مشيت وراه واحاول اكون طبيعيه
أريم: خليچ ريلاكس واثگلي.
اندارلي، اردف.
هدآم: شني صاير وياچ اليوم!
أريم: سدئني بزات نفسي مش عارفه.
هدآم: انغث من تحچين مثل أبيل حاروگه انغث.
أريم: خليك ريلاكس برو.
هدآم: أريم امشي گدامي لا اخبزچ بالحايط
سكتت بعد ما حچيت اصلا رجعلي الصفنات
طول الطريق اتذكر كلامنا سويه واخر كلمتين الگالهن گدام المصعد.
سيرا
صارت الساعه 4 العصر! هم طلع بس هل
مره وَتن وياه هذوله عدهم شي يخططوله
شديت شعري ولبست الكبوس الصوفي
اخذت التلفون خليته بجيبي ونزلت ركض وراهم
شفته طلعو بسيارة وَتن ركضت للحارس.
سيرا: عماد تاخذني وتلحگ سيارة وتن
لا يا آنسه ما أگدر، ماجد تعال وصل الآنسه.
سيرا: لااا عوف ماجد المهندس ما اطلع وياه.
ليش سيرا خاتون بشني ضوجتچ؟
سيرا: كلّك على بعضك مغثه اختفي من وجهي.
لا حول ولا قوة الا بالله العلي العظيم عاااصم تعال وصلها.
اجا عاصم يطلع بعمر ابو وگعه شاب حباب
و أمين بمأنه عمو اشتور جايبه راد يفتحلي الباب
سبقته وصعدت تحت أنظار ماجد اللي مغثوث مني. نظرلي من الجامه اردف
وين اوصلچ سيرا خاتون.
سيرا: عصوم ألحگ سيارة وَتن هسا طلعت بس أسرع شويه.
حرك السياره وطلع بسرعه هم زين يسوگ بسعره دقايق ولحگ سيارتهم صارت گدامنا.
سيرا: عفيييه بس ابقى مسافة بينا وبينهم ما اريدهم يشوفونا.
هز راسه وابتسم. تجاهلته وكمل يلحگ سيارتهم
يا آنسه، رايحين على بيت المزرعه.
سيرا: كمل وراهم لا توگف.
وصلو لبيت المزرعة الحارس فتح الباب ودخلت السياره للگراج، نزلت من السياره
سيرا: انت ارجع للبيت واذا احد سألك تگله
طلعت ويا وَتن.
ويامن ترجعين خل انتظرچ.
حچيت مع ابتسامه تسليك
سيرا: عصوم راجعه ويا وَتن.
اها تمام علمود الچذبه تبين صدگ
سيرا: نعم شگلت!
عن اذنچ سيرا خاتون عن اذنچ.
سديت الباب وهذا راح بدون لا يوگف دقيقة.
سيرا: العمى شگد صلف العمى.
مشيت للبيت الحارس گام ورحب بيّه
راد ينطي خبر انه اجيت وگفته.
سيرا: لاا ماكو داعي همه يدرون اجيت وراهم
ماكو داعي ارجع لمكانك.
عزا انوب ينطيهم خبر، اخذت نسخه من مفاتيح البيت وتقدمت فتحت الباب الرئيسي ودخلت
مالگيتهم افتريت بالصاله بهدوء
سيرا: وين خاتلين هذوله.
عفت المفتاح عالميز وتقدمت بإتجاه ممر يؤدي إلى الغرفه إلى شبه منفصله عن البيت.
كلما اتقرب أصواتهم تصير أقرب وگفت بالباب
چآن مفتوح شويه منه.
انصدمت من الجاي اشوفه معقوله!
صار مثلهم دفعت الباب بهدوء ودخلت بهل اثناء وتن بدل المخزن وانطاه
وَتان: يلا Again. بس اوگف عدل وركز على الهدف.
إيمار: بس لا تصدگ بروحك، كافي تتأمر.
وَتان: ول خااالي وين التأمُر دا اعلمك.
إيمار: تمام تمام اسكت خل اعرف اركز
صوب قريب على الهدف وراد يصوب مره ثانيه
دخلت اصفقله.
سيرا: براااووو براااووو قربت على الهدددف براااووو من لزمة گيتار وفرچة رسم، إلى لزمة مُسدس...
وتن نظرلي والثاني بقى بمكانه ما اندارلي، لا بل أكمل تصويب حول الهدف واخر رصاصة اجت بنص الهدف.
وَتان: أنتي شجابچ!
سيرا: كله منننك كله منك ااانت شجابك لهناا وليش تعلمه هاا؟
وَتان: سيرا اطلعي برا بعدين نحچي.
سيرا: لاا ما نحچيي وخرر.
عبرته ورحت وگفت يم إيمار لزمت ذراعه درته ناحيتي.
سيرا: شايف وضعك شايف وين واصل شايل مسدس وتريد تتعلم لييش؟
وخر ايدي، اردف
إيمار: وتن أخذها واطلع، لا تقلق عرفت جميع الخطوات الباقي سهل.
وَتان: سيرا تعاي نطلع واحچيلچ.
سيرا: ماا اطلع وخر إيدك. وانت إيمار المُسالم إيمااار الرساام إيمااار العازف وين وديتهم شلون تلزم هذا اللي يسلب الأرواح شلون تتعلم عليه.
ضل ساكت ويبدل المخزن اجيت گدامه.
احچي وبألف يا على منصيه صوتي ومتمالكه روحي.
سيرا: أبوك اللي هو عمي الغالي بالمستشفى
سوا بيك اختبار وگال نجح بعدما شردت حظرتك من الشباك هو ديسحبك لنفس القااع اللي أبيل غارگ بي يخليك تصير مثل أبيل وعزام وهدام وهذاا وتان، .
وَتان: عند الحاجه لا أكثر.
سيرا: بله لااا تحچي.
إيمار: وَتن وخرها من گدامي.
سيرا: إياااك تقترب وَتن. عاينلي عاين بعيوني من شوگت صرت تحب تشيل سلاح وتتعلم عليه.
احنه هذاك اليوم مو علمناهم درس بچم مضرب ليش حتى تشيل مسدس وهيچي شوف هيچي واگف تتدرب.
وَتان: سيراا تعاي هناا كاافي تحچييين.
سيرا: ااانت ااانچب كله مننننك.
فجأة إيمار لزم ذراعي قربني من وجهه عيونه
تجدح نار ويحچي بصراخ.
الحياة ماااا چانت عاااادله وياااي اخذوو اامي وروحي منني تفهمييين شنييي يعنييي روحي تفهمييين شني يعنييي تعييشي يتيييمه لاااا أب چآن وياي ولا أمم اامي اخذووها مني وابويه حرمني من نفسه!
سيرا: إ إيمار بس!
ماكو بس وهسا بعد 19 سنه اكتشف امي عايشه ومأسورة يم رجال أله عداوه ويا الأوتاد الثلاثه ولييش ماا ندري هيچي قرر ينتقم عن طريييق اامي و تعاال إيمار ااادفع الثَمن ادفع الثَمن ثمن عداااوة عمامك وابوك.
لزمت إيده البيها مسدس وخليت اصبعي وياه على الزناد رفعت إيده وهو توتر يحاول يمنعني.
سيرا لا تتهورين سيرا شيلي إيدچ هذا مو لعب جهال.
سيرا: اي لعب كُبار خل نلعب شكو بيها يبدو حلو شعور ضغط الزناد بدم بارد.
مسح دموعي بالإيد الثانيه ومستمر يحاول يفلت إيدي.
لا تسوين هيچي سيرا لا تخليني اتسودن عليچ
اسحبي إيدچ خاف تتأذين وَتن وييين صاافن تعااال اسحبها.
تراجع للباب اردف.
وَتان: حلها بروحك تسطفل.
عافنا وطلع رگع الباب وراه.
سيرا: شفت شلون عافك.
ما انصدمت بقت عليه؟
يحاول يسحب إيده لكن ما سمحتله ورفعت المسدس ويا إيده خليته براسي وهو يصرخ.
متسووودنه لااا تسويين هيچي غبييه غبييه
المخزززن مليااان.
سيرا: يلا يلا تشجع خل اكون اول هدف تصوب عليه بدم بارد.
لا تخليني افقد عليچ جيبيهااااااا.
نزل إيدي ووجه المسدس على الهدف ضغطنا زناد سويه وضل يصوب لحدما فرغ المخزن وگعها تحت رجليه، نزل إيدي وسحبني لحظنه بقوة.
ليش تخليني افقد اعصابي عليچ ليشش.
سيرا: جبااان ااانت جباان ما گدرت تصوب عليّه.
اش انچبي، آنه مو جبان بس الهدف غالي.
ابتعدت عنه، شجاي يصير شلون هيجي حظنه.
مد إيده عدل الكبوس الصوفي، اردف.
مجرد أتعلمت على استخدامه ما اشيله وياي.
سيرا: لا تچذب خوش لا تچذب!
وليش اچذب دا أگُلچ ما اشيله وياي.
سيرا: وخر من وجهي صرت اكرهك.
لاااء لييش قلبي تحطم.
گلب عيونه تدنى شال المسدس والمخزن الخالي ركبها وشمرها عالكرسي.
بيومين تعلمت عليها.
بطل انت بطل.
لزم إيدي ما خلاني امشي.
سيرا طرگاعه لا تصيرين أنتي والدنيا عليَّه.
اصفگلك.؟ ها اصفگلك الچان يلزم گيتار وفرچه صاير يلزم مسدس!
وصاير يلزم إيدچ وصاير يفكر بيچ.
لا تمسلت خوش لا تمسلت وابقى بمكانك.
وصاير...
سكت وما كمل، عاينت الربطه مال شعري بإيده
سيرا: وصاير ما تستحي!
سحبت إيدي وتراجعت للباب طلعت وهو يلحگني ويضحك بهدوء، وَتن چآن گاعد بالصاله يلعب FIFA 2022. گعدت بصفه وأخذت joystick. صرت اللعب وياه بنفس الفريق الملكي.
نظرتله ماخذ موقف مني، إيمار گعد بعيد وضل يعاينلي. ، ركزت على وَتن البصفي عود متجاهلني.
سيرا: زعلان الأسمر ما يُگلي مرحبا.
ماريد أكثر غير كلمة مرحبا، زعلان الاسمر ما يُگلي مرحبا.
وَتان: لا تلعبين وياي، غيري على برشلونة
سيرا: العاشقون لا يُغيرون من يعشقون اطلاااقاً
إيمار: شويه هدي...
سيرا: ريال مدريد اقصد. المهم شعليك ليش ابررلك دير وجهك
عاينت وَتن ولا معبرنا حصل ضربة جزاء وصحت بصوت عالي.
سيرا: ضرررربة جزاااء آني اضرب هسا اطلع كرستيانو رونالدو اللي بداخلي ألا أسوي احتفالية كالما كالما بس وخرر عوف الطوبة عوفها عوفها
وَتان: ماكو ما تلعين اني أحصلها وانتي تلعبيها مستحيل ابقي بعيد
صارت عركه بيناتنا من صدگ!
واختلفنا منو يضرب ركلة الجزاء.
سيرا: اااسمعني اسمعني ااسمعنيي ااسمعنيي
اخر مره لعبنا انت ضييعت ركلة الجزاء هل مره آني ألعبها.
وَتان: مااكو ما تلعبييها اااصلا گومي منااااا ما احچي وياااچ أنتي ما تحترميني گووومي.
سيرا: هناا البروووبلم اانت ااانت مصاحبنا
ولا كرامة في الرفقه.
إيمار: هي العبارة تگول لا كرامة في الحب لو غلطان؟
سيرا: انت لا تتدخل خوش.
إيمار: انچبي ولا تغلطي آنه مو وتن!
وَتان: ليش تگللها انچبي ما اسمحلك.
إيمار: أبني أنت اضرب الجزاء ولا تتدخل.
سيرا: ول هييييو عليييمن تحچيي وَتن واابو وَتن خطووط حُمرر عندييي.
گام وفاير دمه يحچي. أما وتن شبه عاجبه الوضع.
إيمار: شني يعني وَتن و ابو وتن خطوط حُمرر خاف تقصدين هنود حُمرر؟
سيرا: لاااا تغلط خووش لا تغلطط.
إيمار: ما غلطان خوش ما غلطان
سيرا: لا غلطت عليهم تتقصدون تغلطوون على عزاز گلبييي بس لااا عبالكم ااسكت.
وَتان: خجلتيني والله سامحتچ سيرو.
گام وتان يبتسم اعرفه يرضى بهل طريقه لكن هذا الواگف ما فاهم شي ومثل الثور ينفعل.
تقدم راد نتصافح مثل المعتاد لكن إيمار صار بيناتنا يعاين بينا.
إيمار: وخر ابني شني ناوي تاخذها بالأحظان!
وَتان: وانت شني غاثك ايدچ سيرو.
سيرا: عفوا ممكن لا تجي بنص أكثر شخصين اعداء واصدقاء بين بعضهم!؟
مو طبيعي، مديت ايدي تصافحنا بطريقه مُميزه
و واحد يطبطب على كتف الثاني تحت أنظار إيمار اللي فاير دمه.
سيرا: صافي يا لبن؟
وَتان: قشطه. المره الجايه ما اتساهل.
إيمار: خلصتو؟
سيرا: شتريد؟
وَتان: صدگ شتريد؟
إيمار: جهنم جهنم، وخر من وجهي ابن الهمج
سيرا: براا الحديقه على إيدك اليسار موجود لتر بانزين يوديك لجهننم. ابو الملاهي
وَتان: اء احم احم شني صار بالغرفه؟
سيرا: اگعد واللعب لا اكسر ال joystick على راسك شني يصير شدينا شعر بعض وطلعنا شني منتظر؟
وَتان: ما ادري ربما حبني واحبك؟
نضرتله بطرف عين
سيرا: بالقرآن ازاعلك احچي عدل ويااي.
عزاا وَدق هم تحچي نفس الحچي ماكو شي من هذا الكلام خوش انوب هذا ابو الملاهي مو ستايلي.
عيونه على الشاشه ويحچي وياي.
وَتان: شلونها علاقتچ بيها گلتيلها تعرفين هي بنت منو؟
سيرا: لا بعدني يعني ماخذه موقف بيني وبين نفسي، عود ليش ما حچتلي ما معقوله كل هاي السنين صديقات وما حچتلي!
وَتان: يمكن خافت تخسرچ.
سيرا: وَتون عاينلي بربك.
وَتان: شني ليش ترفعين حواجبچ؟
سيرا: توم صار يحب جيري.
وَتان: من شوكت؟
اجته لحظة إدراك وفهم مقصد كلامي نظرلي وگام
وَتان: لا مو هيچي.
تهرب وراح للحديقه، لحگته وشفتهم واگفين
سيرا: وَتان جاوب على سؤالي من شوكت ها؟
وَتان: ماكو شي من هذا الكلام
إيمار: اختنگت من الوضع خلونا نرجع!
سيرا: وَتن يا ويلك تزعلني وتزعلها.
وَتان: شبيج ليش تحسسيني اواعدها واحبها وتحبني، انتي اصلا مخلية خُطة براسچ علمود هيچي زرعتي فكرة زواجنا براس امي.
إيمار: تفضلو اشرحولي قبل ابتلي بيكم.
سيرا: ابتلي بينا خل اشوف ابتلي.
وَتان: تفضلو شگو الفانيله.
بله ااانچب لا نبتلي بيييك
وَتان: أعصابكم هسا ثنينكم صرتو عليَّه.
امشوا نرجع للبيت صارت 6 المغرب.
عفتهم وفورا رحت صعدت بالسياره دخلوه ثنينهم سألو بنفس اللحظه.
منو جابچ؟
سيرا: عاصم جابني وگتله ارجع وياكم احنه گدامهم طالعين سويه. مو تلوصون السالفه.
إيمار: الچذبه تقصدين.
سيرا: استقر سفير الصدق والمصداقية.
وَتان: تمام هدو شويه، سيرا كافي لحيتي.
ضل ساكت يعاين من الجامه، اردفت.
سيرا: ما لحيت خوش ما لحيت انت حولت انسان طبيعي مُسالم إلى انسان مُسلح مستوعب؟
وَتان: الجميع يُدرك ما يفعل فليش تلحين إيمار مو طفل، بعدين تعاي ابو الملاهي شني يعنيلچ هو فد واحد تگولين عنه ابو الملاهي.
هذا ابو الملاهي شني يعنيلچ.
إيمار: منو ابو الملاهي!
وَتان: انت انت مُلقب ب ابو الملاهي سيرا هيجي تناديك لكن بظهرك.
إيمار:؟
سيرا: صوچي افكر بمصلحتكم بعد اليوم يطبكم طوب.
درت وجهي للجامه وبعد ما حچيت وياهم
خليها تعدي.
ال بتراء
چنا كلنا ملتمين بالصاله بعد العشا
بعد ربع ساعة أدهم گام گال يروح للمكتب مالته
وعلي سند لحگه گال يحچي بموضوع.
باوعت ماما يقين تشاهد الفلم
بتراء: احس نعسانه تصبحي على خير ماما يقين.
گمت طلعت قبل لا تجاوبني فورا تقربت من المكتب سمعت صوت على سَند يصيح.
شتريد اانت شتريد منهااا جسار يگلك اقتلها تجي تقتلها ليش ما تعتقهااا لييش.
ههاههاهها لا صدگ ماخذه عقلك هل ملعونه.
اسمعني والله العظيم لو تحاول تأذيها لو تنطيها من ذاك السم بأي طريقة چانت أنسى انك أبويه واتصرف غير تصرف وياك!
حسيته راح يطلع فورا ركضت للطابق الثاني على غرفتي، دخلت وبدلت لبست تراك نوم، طفيت الأضويه.
وخرت اللحاف وتمددت سويت روحي نايمه لحظات وانفتح باب الغرفه دخل بهدوء ضل يستغفر الله ومبين حيل معصب من ابوه.
ضليت مثل ما آني سمعت صوت الكنتور يمكن راح يبدل چم دقيقة واجا تمدد وراي، تقرب إيده حاوطت خصري سحبني لحظنه وخلى راسه بشعري يجر نفس ويهمس.
أخذ اختي مني بس ما اسمحله ياخذچ ما اسمحله.
حُبه وخوفه من خسارتي خلاني اعيد ترتيب أفكاري لو عرف متواصله ويا جاسر شراح يصير!
لو المفتاح اللي وياي شسوي بي وشنو هذا السر اللي على سَند ضامه عليَّه.
أفكار كثيرا براسي وما اعرف شلون اتصرف.
وإذا اتعاون ويا جاسر على سَند راح يكرهني
واحتمال بعد ما يثق بيّه.
اخذت نفس عميق وانداريتله استغرب مني عباله صدگ نايمه
تمثلين عليَّه يا محتالة!
لا چنت راح اغفى، سَندي ممكن سؤال؟
باس جبيني و اردف.
احچي حبيبي.
ضام عليَّه شي؟
ضل ساكت وانتظر الجواب تلامس خصلات شعري، و صدمني بصراحته، اردف.
اي ضام عليچ موضوع مهم من يجي وقته احچيلچ.
هذا الموضوع راح يفرقنا وخايف تحچيه؟
بس الموت يفرقني عنچ.
ليش صريح وياي وما چذبت؟
لأن أحبچ.
حظنته بقوة واحس البچيه ببلعومي چنت راح اتصرف تصرف غبي واخضع لوسواس الشيطان
مستحيل اساعد بعد كلام على سَند اصبر عليه هو يحچيلي بنفسه وما يهمني، شي ثاني.
بيچ شي؟
لا بس احسني أحبك كثيرا.
تحسين أنچ تحبيني كثيرا يعني ما متأكد
لا متأكده بس خانني التعبير يعني احبك كثيرا.
اتسودن من تگولين خانني التعبير.
منا وجاي ابطل ما احچيها وتضل تصرفاتي بلا تبرير.
اتسودن ألها معناين، الأول من كمية الحب نحچيها و الثانيه من كمية المغثه نحچيها.
گول انسحل مو اتسودن، انت تنسحل ومسحول بيّه.
شني انسحل بيچ بويه شهل كلام. ولا تگولين خانني التعبير اطيح حظچ.
تمام لا تبالغ خانني التعبير.
أنتي ليش صلفه وما تخافين؟
والله ما تخوفني هيچي احسك كيوت.
شني كيوت تعاي شديلي فيونكه مو احسن!
تذكرت صورة البارحه مخليه ايموجي الفيونكه على شعرك.
لاا عاد صارت بلا ملح. ، اانتي مو مال عيني وأغاتي.
عزاا تعال لا تبتعد اتشاقه شبيك.
اتشاقه حبيبي اتشاقه.
حظنته بقوة ما خليته يبتعد رغم أسلوبه الهادئ وياي إلى أنه مرات ينفعل من صدگ ويعصب.
فعلا گلبي ارتاح وگدرت اخذ قراري بس يصير الصبح اشمر المفتاح وخل يولي جاسر.
وَسن
وصلت للكورنيش ساعه 11 بالليل
نزلت وشفت سيارتهم واگفه مشيت بإتجاههم
دگيت الجامه وفتحولي الباب نزل راح گعد ورا وآني گعدت گدام باوعت بي.
وَسن: تحچي صدگ انت!
قرب راسه بين المقعدين يحچي.
نَائل: يعني شوفي حالته مبين يحبها.
وَسن: تدخين وشرب يعع، لو تموت ما اسمحلك تاخذ اختي!
ناجي: انچبي من غير شي رايد ابتلي بجسااار الگواد وبأبوچ الحيوان.
نَائل: ماي براذر يعني زحمه، لو رقيه اختي چآن تفلت على هيچي عريس يتقدملها.
ناجي: ااانت انچب اكبرر بلاير اانت أكبر بلاير.
نَائل: لا آني مو بلاير احس من صدگ حابب ذيچ
النچره.
وَسن: نَائل حُبي طابخ طبخه ما ادري عنها؟
نَائل: لا ما اعرف اطبخ تعرفين تلفين دولمه؟
ناجي: انچبوو لخاطر الله.
نَائل: تماام بدون ذكر اسماء
وَسن: ok لا تحچي تمام.
آني ونائل نباوع ببعض ونباوع بناجي اللي حالته حاله عود صدگ!
وَسن: دكافي عاد النسوان ما تبچي مثلك شبييك.
نَائل: يحبها يحبها.
وَسن: ومنو گال يحبها عمي اختي اجت گالت حبني؟
نَائل: لا ما گالت اخويه اثول گلبه حنيّن.
وَسن: على طاري ابو الگلب الطيب جاسر وينه!
نَائل: زوجج الغثيث بالنجف البارحه ساعدناه
شبيچ تخوزرين خل احچي
وَسن: احچي كمل.
نَائل: كتب رسالة لبتوره وانطاني مفتاح گال تاخذونها لغرفتها.
وَسن: محتوى الرساله!
نَائل: گال يحب بتراء وقريبا يطلقچ.
سكتت اباوعله.
نَائل: مزحة نوفمبر.
وَسن: اتغدى بي قبل لا يتعشى بيّه، احچي شنو كتبلها؟
نَائل: منو يگدرلچ المهم، الصراحه نسيت
لوسي شني چآن كاتب؟، لوسيفر نتعذر عن الإساءة شني چآن كاتب فضني.
وَسن: قرينك مدري شيطانك خل يفضني!
نَائل: يگول خل تعتذر مني.
ناجي: اطلعو براااا عوفني لوحدي.
وَسن: يوووه دروووح اشمر روحك بالشططط وفضنييي اختي ما تصيرلك لو تروح مكه وتتوب.
فتحت الباب ونزلت من السياره، نائل طلع وراي صار يتمشى بصفي.
نَائل: شگره مو تزعلين خل يولون جاسر وناجي
شبيچ مو على بعضچ.
وگفنا نباوع بالشط ونحچي.
وَسن: داد راجع وما جايب بنتي وياه!
نَائل: على شني ناوي!
وَسن: على شنو غير يريد يسلمها لذولاك
وبالمقابل يزداد أرقامه البنكيه والنفوذ
نَائل: أللعن جابر إذا يسوي بيها مثل ما سوا بيّه.
وَسن: ما ادري اريد بنتي هو راح يحرمني منها
نَائل: تمام أهدي تنحل آني اتدخل وما اسمحله. بعدين AXR وياها يدير باله عليها.
وَسن: هو بنفسه يحتاج شخص يدير باله عليه
صاير فد مره عدائي وما يتحاچى وكله بسبب هاشم.
نَائل: تدرين شني مرات افكر.
باوع بالسما غمض عيونه اردف وكأن الكلمات نابع من گلبه.
نَائل: مرات افكر لو إيد تنمد ألنا وتطلعنا من الظلمات إلى النور قابل شراح يصير؟
وَسن: نائل حالتك ميؤسه منها.
نظرلي بضجر.
نَائل: مو چنت اتأمل ملاك بهيئة انسانه وهيچي وجهها يضوي ضوي تلزم إيدي وتطلعني من قعر الجحيم العايش بي.
وَسن: ههه بس لا وَدق.
نَائل: وَدق وين تضوي ضوي كلها نمش.
بعدين ما عندي شي وياها بس احب اغثها.
ضربته بوكس على خصره.
وَسن: لا تحچي عليها اطيح حظك.
نَائل: يا حظظظ حظي هراا اريد ملاكي اريد اطلع من قعرر الجحيم يا عاالم.
وَسن: صووتك مگررن صووتك.
نَائل: ماكو احد ساعه 12 كلهم نايمين.
هذا ناجي، ناااجي. و لاااااا نااااجي
نظرت وراي شفت ناجي فوگ عالجسر واگف خلف السياج، نَائل ركضله وآني ألحگهم.
نَائل: ناااجي خويا تسووودنت نااااجي.
شمر روحه بالشط ونائل لحگه شمر روحه وراه وآني على ضفاض الشاطئ اناديهم.
وَسن: دخيلك يا الله نَااااائل نَااااائل وين صرررت طلع ااخوك نَااااائل.
رفع إيده من تحت الماي سوا OK. وأخذت نفس بالراحه شويه صار فوگ الماي لازم ناجي ويسحبه وياه وصل للشط وركضتله.
وَسن: متسووودن شلون تشمر روحك وراااه.
نَائل: چآ غير اخويه، نااجي نااجي تسمعني لو شابع ماي وسمچ.
ناجي: اسمعك يا ليش تذب روحك وراي.
گعد وصار يگح ونائل يمسح على ظهره.
نَائل: شهل دراما لايف شني بس لا واصل مرحلة ومن الحب ما قتل!
ناجي: شنيي لااا ولك راسي صار ثگيل وگلت اللعب ويا الموت لعبة الحظ.
نَائل: مع الأسف الشديد حظك الهرا فجأة تذكر يگعد من سُباته. گوم وياي. كله من تحت راس اختچ الفُگر امدااها خوش.
أخذه للسيارة وصعد يسوگ وگفت يم الباب
نزل الجامه
نَائل: راح أخذه للبيت أنتي لا تضلين واگفه لوحدچ ارجعي.
وَسن: راجعه لا يضل بالك انتبهله هذا فاقد.
مسحت على شعره كله ماي
وَسن: سد الجامه وانتبه على نفسك لا تمرض ما ناقصني هموم.
ابتسم ورفع الجامه ضليت اباوعله لحدما راح
رجعت گعدت عالشط شراح يصير بينا بعدما ننهي جسار!
ال عزّهَ
صار الصبح و اجت اللحظه المُنتظره
اخذت نفس عميق قفلت الجنطه نزلته من الچربايه و عزام گاعد يوقع على أوراق نقل ملكية حصصه بالشركه على أسم إيمار.
عزّهَ: الكاميره اللي اخذناه من جسار خليته بالصاله وابويه وصل قبل ساعه، گتله موضوع مهم وهسا العائلة كلها منتظرتنا تحت الكل يريد يعرف الموضوع!
عزام: جيد جدا.
عزّهَ: عزام.
رحت گعدت بصفه لزمت إيده احاول ما أبچي
عزّهَ: آني وياك لآخر نفس بس انت متأكد!
عزام: متأكد و راح تكون نهاية البدايه.
عزّهَ: خايفة على عمو أيهم عنده ضغط خاف يصير بي شي.
عزام: ما يصيبه شي هو قوي قوي ويتحمل.
ما يخلي عينه بعيني اعرفه من داخله خايف على الرجال إلى رباه، گام وترك القلم شال الملف.
وراح تركه بالقاصه. ورجع يمي مد إيده تقربت لزمته.
عزام: جاهزه.
عزّهَ: جاهزه.
عاف سويچ سيارته عالميز ما أخذها
وطلعنا من الغرفه، ويا كل درج انزله أگول يا الله.
ثبت اقدامنا، وگفنا عند باب الصاله والكل يعاين بينا.
أبيل هم البارحه بالليل رجع للبيت عمي اشتر گاعد بصف عمي أيهم، اما بابا گاعد بجهة والبقيه كلهم ملتمين. عيونهم على ايدينا المتشابكه
الباشا: تعال ابني احچيلي هل موضوع اللي بسببه جمعت بيها العائلة هلگد مهمه؟!
سجى هم طلعت من غرفتها وبإيدها جنطه عافته يم الدرج و اجت وگفت ويانه
الأدهم: عزام ممكن تشرحلي الموضوع!؟
وين رايح ولازم إيد بنتي.
عزام: تقصد إيد مرتي. عمي، أو لحظة احنه مو گرايب بالدم انت ابو مرتي لا أكثر.
گلبي صار بي خفقان ابويه أصفر لونه عمامي
گامو، واحد يعاين بالثاني.
هدآم: شگاعد تمسلت.
وگاع: روح نام ما صاحي.
هِلال: اسكتوا خل افهم، عزام عزام شني تحچي شهل كلام اخويا أنت شبيك تحچي هيچي.
البقيه كلهم ساكتين حتى هدهده ساكته
عمي ايهم يعرف مو ابنه بس ما يعرف ابن منو!
گعد بهدوء وعمي الأشتر وياه ما عافه اما ابويه.
بقى واگف يريد يفهم.
الأدهم: جبتيني من الصبح حتى اسمع تمسلت زوجج فهميني عزّهَ فهمييني.
ترك إيدي وتقدم كنبص گدام عمو ايهم
عزام: سنين متحمل مسؤلية ابن مو ابنك
ربيته وكبرته على إيدك وعلمته. واليوم من حقك تعرف هذا الأبن هو ابن منو.
ابويه اجاني لزمني من ذراعي
وما سمح خواتي وامي يتدخلن
الأدهم: عزّهَ زوجج المحترم شگاعد يحچيي.
وخرت إيده انظر لعيونه، اردفت.
عزّهَ: شوف بعينك طمعك وجشعك بالفلوس وين ودانا وشراح يصير بيكم.
دار وجه لعزام اللي اردف وايده تحظن إيد عمو.
عزام: الربيته كل هاي السنين نفسه ابن هذاك
الدمر عائلتك واخذ روحك أسيرة.
أبيل: ولك شجاااااي تحچي.
إيمار: ابن منو وليش هسا تحچيلنا!
هدآم: عزّهَ شهل مهززززله.
عزام: جسار جابر المياحي، هو چآن عاقد على سجى قبل لا تتزوجها. او تمثلون هاي الكذبه انتوا اصلا ما متزوجين ولا چنت تنام بنفس الغرفه ويا امي اعرف كلشي سجى حچتلي وجسار حچالي حتى ناهد تعرف.
هِلال: عزاااام لاا بابا شسووويت.
ضربه راشدي من قوته صوته يدوي بالقصر
هلال كنبصت تبچي وتريد تلزم وجه، گام وتراجع للباب وگف وياي لزم إيدي واردف بصراخ.
عزام: هذاا الوااااگف گداااامك من نَسل الفُجار الچاااان يحاااربهم، طلع منننهم منننهم وهسا ارجعلهم ااارجع للرجااال للرجااال اللي ااخوك غدرررك وچان وياه بشراااكه من 2005 لحددد هاااي اللحظه.
الأدهم: شگاااعد تمسسسلت مو صحييح لا تحاااول تلبيييي رغباااتت ااابوك المجرررم.
عزام: عمي عمي او شريك أبي الحقيقي.
حفلة - - - - بفندق ال--- يوم وقعت على تسليم 25 من املاكك لجسار بالمقابل اخذت إدارة شركة الشحن. وين التمسلت لا تخليني انسى انك ابو مرتي!
هدآم: شتريد ااانت تريد تدمر الاخوه الثلاثه.
إيمار هد عليه لزمه من ياخته يحچي وعيونه تلمع بالدموع.
إيمار: ل جهنم كلشي صار ويصير.
بس أمي شني مصيرها ااابوك حرررمني من اامي ااامي شني مصييرها منو يرجعهااا إلى منو منووو.
سيرا: أبيل وگف اخووك إيمااار عموو اشتررر تدخل ليش سااكت.
دفع إيمار بعيد واشر على ابويه.
عزام: هذاا هذاا الرجال اللي تگول عليه عمك
ايده بإيد جسار لحد هاي اللحظه وراح يوصلكم فيديو واحد فقط شوفوه وقررو اذا راح يبقى هذا البييت مثل ما چااان لو ينهددد على راسكم بسببه هوو الدمر الأخوه وغدر بيكم.
هِلال: اخويا أنت ليش تكسرني هيچي
عزام: خلص خلص ماكو شي اسمه اخوچ
آنه عندي اخت وحده وهي بتراء ماكو غيرها
هي اللي چانت ضحية عداوة ابويا وابوچ چانت مأسورة ويا امچ. بس قريبا ارجعها.
الأدهم: ادمرك ااانت واختتتك ااحرگ گلبها
علي التحبببهم سوااايتك ما تمر مرور الكرام.
عزام: أفرح أفرح بعد ماكو شي اسمه
الأوتاد الثلاثه ارتاح ادهم باشا ااارتاح و، اشوفك بقصر جسار بمأنه معزوم بعد يومين.
هِلال تمسح على ايد ابوها وسيرا وياها تنطيه ماي، أريم تقربت مني وتبچي.
أريم: اختاريتي عزام وتخليتي عنا!
عزّهَ: عزام خل نمشي.
الأدهم: وييين ويييين بنننتي ما تجي وياااك طلگهاااا بهل لللحظه يلاااا.
عزام: والله بنتك مشمئزه منك لا تخليني
اكشف جميع الأوراق خليني محترم الزاد والملح.
راد يهد على عزام لكن عمي ايهم صاح بي.
الباشا: إياااك.
الأدهم: عفيييه صدگتت بچذذذب ااابن الحرااام هذااا صددددگت بي.
الباشا: اااادهم.
گامت ناهد ولزمت ابويه من جاكيته تصرخ عليه.
ناهد: عزاااام مو ااابن حرااام موو ااابن حرااام
تفهممم مو اابن حراام يا حييف التعب بيك
ما اسئتلك من گلت عليك أدهم الدرهم. روح من وجهي ولا تخليييني اااشوفك رووح.
ابتعد عن ناهد واجا لزم ذراعي وعزام لازم
إيدي.
الأدهم: مستحييييل اعوفچ تروووحين وياااه.
عزام: نزل ايدك نزل إيدك لا اتصرف تصرف يهينك.
الأدهم: ولك ااابن شلون هييجي تحاااچييني بنتيييي ما انطيك يااها بنتي تتركها وتطلگهااا بهل للحظه. وتروح وين ما تروح تولي.
سجى: تسوي فضل والله. خلصني من بنتك
عزام: ااااسكتي لا تدخلييين.
نزلت إيده وتراجعت. ورا كتف عزام، اردفت.
عزّهَ: تنسى عندك بنت اسمها عزّهَ
ما يشرفني اكون بنت لرجال غدار وطماع بفلوس اخوته، بعدين شترجى منك وانت مخاوي جسار
شبكت ايدي بإيده وهمست گوه كاتمه البچيه.
عزّهَ: خل نطلع كافي هيچي.
عاين بيهم لآخر مره وعمي اشتر ضل ساكت لأول مره ما يتدخل، عمو ايهم گاعد وهلال محاوطه كتافه تبچي، أبيل وإيمار ويا باقي الشباب ساكتين بأمر من عمو اشتر او كانو تدخلو أكثر.
ناهد اجت وگفت گدامه وعزام باس ايدها
همس بأذنها الكلام اللي گاله البارحه بالليل
عزام: الباشا بأمانتچ. والقاصه بيها أوراق نقل ملكية حصصي والسيارة كلهن على أسم إيمار.
ناهد: تمام روح وما عليك بشي.
الأدهم: شگااعد تحچيييي اااطلع من هذااا البييت اااطلع.
ابتعد ولزم إيدي نظر لأبويه اردف بهدوء حذر.
عزام: لا تستعجل طالعين طالعين وانت هم طالع خوما اعوفك تلعب على الباشا من بعدي؟
الأدهم: اااطلع ااابن اااطلع تريييد توگع الأخوة بين بعضهممم.
ضحك بإستهزاء وطلعنا من الصاله
المساعدات چانن منزلات الجنطنا اخذناهن وطلعنا من البيت السيارة چانت واصله بالباب الخارجي، جسار دزها. سجى صعدت بالخلف وعزام طلب السويچ.
عزام: انطيني السويچ وارجع بتكسي.
بس السيد.
عزام: يلاااا
اخذ السويچ و صعدنا حرك بسرعه ما بقى دقيقه زايده، اول ما طلعنا من المنطقه اتصل على صاحبه.
عزام: ترسل الفيديو للكل.
قفل الخط ومن شافني أبچي مد إيده يمسح دموعي بالوقت اللي دموعه تنزل وعيونه صايره مثل الدم.
عزام: لا تبچين كلشي ينحل كلشي ينحل
كل شخص له إيد راح يدفع الثَمن.
سجى: عادت المياه لمجاريها چآن لازم من زمان هيجي يصير.
عزّهَ: تعود لمجاريها بس ما تعود صالحة للشُرب!
عزام: لا تحچين وياها وكأنها ما موجوده تجاهليها خل تعرف قدر نفسها ذليلة جسار.
ما اگدر اجادله بخصوص امه ولا أسلوبه اللفضي وياها، بعد نص ساعة وصلنا لقصر جسار ونزلت بسرعه ورا عزام اللي خطواته اشبه بالركض
دخل للقصر وآني وراه
سمعنا صوت جسار وضحكته يرج القصر رج
رحنا للصاله شفناه گاعد رجل على رجل يدخن.
ويشاهد على شاشة التلفزيون تسجيل مباشر من بيتنا ومن خلال الكاميره اللي احنه زرعناها.
الكل گاعد وابويه يجي ويروح يحجي ويحلف!
عزام: ان شااااء الله ارتاااح گلبك هاي وگعتهم بين بعض والادهم انكشف والاخوه يفترقون.
جسار: ههاههاهها بس اگعد وشاهد القادم الأحداث مولعه.
ماكو كلمة تصف هذا البشر! عزام بلش يكسر اثاث القصر تكسر وهذا گاعد يشاهد ويضحك فرحان بخراب بيت الباشا.
جسار: هههاهها لوما امك عزيزه وغاليه على قلبي چآن نزلت خبر عاجل
(بيت الباشا أنهار بعدما اكتشف ان زوجته اللتي ليست زوجته تخونه ولديها ابن من عدوه. )
سجى: جسار! كافي ما تشوف عزام شيسوي!
جسار: خل يكسر خله، نجيب اثاث جديد هو بفلس خل يكسر، عوفيه وتعاي.
بكل حقاره راحتله گعدت بصفه وخلت راسها
علي كتفه، دورت على مزهرية شلته وشمرتها بكل قوتي على التلفزيون كسرت الشاشه
جسار: بنت الدرهم خربتي الفلم علينا.
عزّهَ: بعدك ما شفت شي بعد راح اخرب عيشتك اخليها اسوء من الجهنم الحمره.
طلعت للصاله بس الرُكام موجود صعدت للطابق الثاني كذلك مدمره وما مخلي شي صاحي، شفته واگف بالبرنده، رحت بإتجاه
لزمت إيده، اندارلي وحظنته.
هِلال
كلمن گاعد بجهة وعمو أدهم يجي ويروح ويحلف يحلف چذب ما يخاف الله يحلف چذب.
الأدهم: أيهم والله العظيم جسار خلانه بمؤامرة
خدعنها كلنا وهدفه يدمرنا هدفه يفرقنا.
الأشتر: والله يا خويه ماكو مخادع غيرك.
الأدهم: اشتر اسكت اسكت.
وگاع والبقيه رادو يحجون او على الاقل يخففون التوتر عمو اشتر اردف.
الأشتر: شبابنا الطيبه لحد يتدخل اخوان بيناتنا!
الدرهم من يوم يومه يحچيها اشتر الزم لسانك واشتر ألزم لسانك كاااافي عاااد بعد مااا ألزم لسااني.
الأدهم: شني يعني كلكم مصدددگيين جسار وتكذبووني.
الأشتر: لا عيني لا مصدگ نفسي اانه بنفسييي
مدور ورااك بنفسييي كااشف صفقاااتك
بسس مخليك على مآيَك وخل اشوف تاليك
وهااي چااانت تاااليييك.
اجتنا إشعار جماعي كلها طلعت تلفونها
ودخلنا للإشعار، الصدمه فيديو مدته دقيقه.
يوثق جميع صفقاتهم المشتركه بين ادهم وجسار. أبويه ضل ساكت عمي الأشتر گام وطلع
شويه ورجع شايل القصر الزجاجي والسلاحف
بيها دخل وهو يبتسم ابتسامه مخذوله.
الأشتر: شبابنا وشاباتنا وكل سُكان بيت الباشا
اقدملكم قصر الجسار هو وكل نسله الخايسين
وهذا عمكم وابوكم ادهم الدرهم وياهم كذلك.
تفضل مبروك يا غالي.
شمرها بكل قوته تحت رجلين عمو أدهم المجسم تفلش والسلاحف محتميه بقوقعتها.
الأشتر: هااااك تفضل لملم جماااعتك الخااايسه يا خويه لملمهم.
گعد ومدنگ ما يدري شني يحچي الفيديو اثبت چذبه، هدآم ساكت وما شال عيونه عني.
اما ابويه ف كالعادة ما حچآ شي
هِلال: بابا احچي شي ليش ساكت.
الأشتر: عوفيه هو ما يحچي مثل العاده
يخاف يأذي اخوه بحچايه وأخوه يغدره علناً
أنوب ويا جسار، ولك شلون شلون گدرت شهل
قابليه العنددك اخوووتك چناا ااخووتك!
گامت هُدهُده وراحت گعدت بصف ابويه.
سيرا و وَتن شالو السلاحف ودوها برا البيت
وهنا حچت هُدهُده.
ناهد: بعد دقيقه وحده ما تبقى بهذا البيت
لا انت ابني ولا آنه أمك!
الأدهم: يمه شهل كلام اسمعيني على الأقل
افهميني، اشتر انت احچي وياها هي تسمع منك.
الأشتر: آمل عيني جيبي علاج أمي.
عمااااد جهز سيارة السيد أدهم راح يرجع لبيته.
دخلت سيرا للصاله وجايبه ماي لأبويه
وهنا عمي ادهم گام وعاط بي.
الأدهم: اااطلع واااخذ عائلتي وياااي ما اااعوفهم بهذاا البيت بعددد.
وگع گلاص الماي من إيدها وعيونها مليانه دموع. كلهم انتبهولها وإيمار گام!