رواية وقار الغريب للكاتبة حوراء السعيدي الفصل السادس والعشرون
وَهج.
لزمه عميد الدين صافن ب اخوه كلشي ما ندري وما فاهمين شي
عميد الدين: شبيك خووويةة شبيهااا ريم.
بلع ريگه وشفايفه صارت بيض
وارث: ريم ماموجودة
الكل دخل بحالة صدمة من كلامه شلون وكيف محد يدري
عميد الدين: وين راحت البنيه دورت بالبيت يمكن بمكان هنا؟
وارث: ماكوو مختفية
لطمت عمتي نجاة على وجها صارخة بصوتها لزمتها باجي نادية
نجاة: رااااحتتتلهمم راحتلهمم برررجليهااا.
دارو عليها عميد الدين و وارث إلى تحسه گوا واگف على رجليَّ
وارث: راحت المنو عمه؟
ردت ودموعها على خدها
نجاة: راحت العمامها چاا وينننن أترووح
عميد الدين: يعني هيَّ گالتلچ لو شنووو دفهميناااا برووووح العزاز.
نجاة: ما گالت شي ما گالت بسسس وين اتروح هم الوحيدين إلى خطرين عليهااا.
عزام: عميد الدين.
مجرد گال جدي هيچ وتناظروا بينهم
بسرعة عميد الدين صفك بأيده وصعد الدرج وهوَ يحچي.
عميد الدين: وارث زيدددد حضروا نفسكم طالعين البابل.
صعدوا وراه البيت دخل أنذار والصدمة معتلية وجوه الكل
معقولة صدك راحت العمامها؟ لو اكو شي ثاني مخفي ما انعرفه.
نزلوا كلهم مبدلين، فتحت عيوني بخوف
من شفت سلاح عميد الدين
جاي يخلي بظهره، ركضت عليه أرجف
وَهج: عميد الدين ليش ماخذ سلاح فدوة لااا اتسوي شي غلط
عميد الدين: نحتاجه إذا صدك طلعت عندهم.
طلعوا هو و وارث وزيد القلق اكل گلوبنا انهد حيلنا من الخوف.
وامها تلوم بنفسها لأن ما انتبهت عليها جر الوقت
ساعة وره ساعة وماكو أي خبر عنهم ولا عن ريم.
عميد الدين.
وصلنا بعد ساعات مرت بين البصرة وبابل نزلنا گدام
المنطقة إلى عايشين بيها أهل ابو ريم عدنان
أباوع الأخوي
واگف گوا، وإذا اكله ابقى مايقتنع دخلنا نمشي احنا الثلاثة
وگفنا گدام أحد البيوت التابعة الهم دگينا الباب ننتظر أحد يطلع النا.
زيد: هيج ومن الله تطلع يمهم اله احررگهم.
عميد الدين: ما نستعجل بالحكم خلينا نفهم بالاول.
أنفتح الباب طلع واحد من عمامهم رجال جبير سلمنا عليه ومتفاجئ بجيتنه
دخلنا جوا بعد ما رحب بينه اباوع للوضع كلشي هادي
ماكو شي يدخل اكو شي غلط لو شي يخليك اتشك ريم يمهم.
حچه الرجال و ولده هم موجودين
اتفضلوا اليوم اشوفكم يمنا
وارث: من الاخير ما اماطل بالموضوع وياكم ريم عندكم؟
شنسوي بيها مو صارت مرتك
وارث: مررررتي مختفيةةة وماكوووو غيرركم اله مصلحههه بهذا الشي.
طفر واحد من ولده يصيح بوجهنا
شمدررررينه بيهااا جاييين علينهههه موو كافييي اخوووي بسببكم بالسجن.
كمز عليه وارث سحبه من قميصه يصيح بوجهه
وارث: بسسبنااا شنووووو مووو انتم بسببكم ماااات
ابووووووهاااا يااا مجرميننن، عبالكم ناسيهااا الكمم وتغررونه بالفصل إلى انطيتوا.
اجه الرجال الجبير يفاككهم انا واگف بمكاني اشاهد
كافي عمي كلمن خذه حقه وحسابه
عميد الدين: عوفونه من كلشي ريم إذا تطلع يمكم وجاي.
تخفون هذا الشي احسبوا نفسكم انتم ووبيوتكم صايرين خفت.
اجه واحد منهم يريد يهجم عليه رافع أيده مترهي يضرب
سحبه أبوه ما خلاه يوصل يمي، سحب زيد وارث
عميد الدين: احنا طالعين هسه بَس خليها ابالكم لووو طلعت يمكم جد جدكم ينسلك ومايفلت منها.
طلعنا منهم حايرين إذا مو عندهم وينها التفتت شفت وارث
لازم راسه ومثبت ايديَّ بالسيارة رحتله لزمته
عميد الدين: خايب لا تموت عندي والضيم يصير ضيمين.
وارث: عميد الدين الواضح مو يمهم ريم إذا ركزت بيهم من سئلناهم ضلوا متفاجئين.
عميد الدين: لاحظت، بس يمكن يمثلون علينه شمدرينه
مانصدك كلشي ظاهر مرات الحقيقة تگدر تنخفي بالتمثيل
زيد: وارث ما اتصلت على جهازها.
ذب حسره وگال
وارث: هذا جهازها عندي ما ماخذته وياها.
شو انطينياه بله.
انطاه وارث الجهاز ضل يگلب بي رحت وگفت يمه أباوعله شيريد أيسوي
عميد الدين: شنو إلى ابالك زيد
زيد: خرب مخليه رمز هسه وين نعرفه احنه.
وارث: شتسوي بالجهاز أنتَ.
مرتك عندها صديقات؟
بس وحدة بالجامعة، ريم منعزلة تروح على گد دوامها
أي صدك ذكرت هاي إلى مرة امها ماتت
تندل بيتهم؟
يمكن لان مرة من المرات وصلناها ويانه اني وريم لبيتهم.
عميد الدين: زيد لا تخليني أفقد عقلي شنسوي بصديقتها
زيد: هم صدك هيَّ اختفت من بيتنا.
باوعت ال وارث يبحوش بالجهاز يريد يفتحه يحاول بي
وارث: گلبي حاسني ريم بخطررر واكو ملعوب انلعب.
هوَ سبب اختفاءها مستحيل تجي برجليها لهنا وللي سبب بموت ابوها.
عميد الدين: خلي نأخذه لابو الأجهزة بلكي يگدر يفتحه بس خاف يفرمته ويروح كلشي
وارث: اوگفوا.
صعدنا بسيارتي الطريق كله يريد يفتحه جزع وهوَ يحاول
وكل ما يفشل يضرب بباب السيارة
عميد الدين: شو ماتجرب اسمك مواليدك يجوز ينفتح
وارث: اييييييي اييييي مووو من محبتهااا اليي تخلييي اسمييي لو مووواليدي.
جرب يُبا شخسران هسه أنتَ.
وصدك جرب بالاول اسمه ماكو ما انفتح رجع جرب كتبت مواليده أنفتح
وارث: انفتحح عميددد وعلى انفتحح
شووف بلكي اكو شي يووصلنا الهاا.
ضل يفتش بالجهاز وبرامجه وگفت السيارة على جهه
أشوف وضعه اتخربط طبك حواجبه و وجهه انگلب گلاب
عميد الدين: شبيك وارررث؟
زيد: غيررر يحجي شبيك صفنتتتت.
رفع راسه
وارث: منو مناف؟
عميد الدين: مناف منووو شو جيب الجهاز.
خذيته منه
جانت مراسلة بين رقم وبين ريم وهذا الكلب ابن سطعش كلب.
يحچي وياها بكلام مال شخص رايدها ويحاول يقنها تطلك من وارث.
ضرب وارث رجله وصاح
وارث: ذكرررررته هذاااا الدكتور إلى بالجامعة
عميد الدين: تندلون بيته؟
زيد: ايييي اتحرررك عميد الدين نرجع للبصرة
ذبيت الجهاز عليه فريت السيارة وطلعنا راجعين للبصرة
والطريق كله وارث يتحرگن وينافخ بعصبية خفت لا تزيد
الحالة مال الشك إلى عنده وهو جاي يحارب يتخلص منها
وانا بنفسي شخصياً واثق من ريم شنو.
وارث: شنوو هذا نووووب ولكم.
عميد الدين: شبيككك
شوووف الرسائل الجايه من صديقتهاااا.
أخذه زيد يقرأ بيهن
زيد: هلو ريم، اني واگفه قريب على بيتكم جبتلج شغلات عادي تطلعيلي وحبابه لا تجيبين أحد وياج
لأن مناف كابه عنده اليوم واخاف يتعارك ويايَّ بنص الشارع.
عميد الدين: چااا هايهيه انعررفت السالفة ريم عنده
وارث: ثوووووله تبقى ثووووووله السانهااا بسسسس وياااا واررررث.
زيد: شلون تطلع وحدها واحنا كلنا موجودين بالبيت شلون طلعت ومحد شافهاا خرب بروحج ريم على هاي سوايتج.
طلعت روحنا يله وصلنا للبصرة دنيا ليل دخلنا للمنطقة
عميد الدين: هاا زيد وين البيت.
ضل يباوع بالبيوت
زيد: أمشي لگدام بعد.
مشيت لگدام حد ما وگفنا گدام بيت
زيد: اي هذا أتذكر وان شاء الله ذاكرتي ماتخوني.
نزل وارث بسرعة لزمته
عميد الدين: بالهداوة لا تستعجل
وارث: يااا هداوة مرررتي ما ادري وينها ولا شنووو حالهاا.
ميخالف التسرع مرات يندم الإنسان حَبيبي إذا هو حاسب
روحه نجح بخطته، أحنا نسبقه بخطوة ونفلش خطته كلها.
اجه طفل راكب بايسكل، رحت عليه وگفته
عميد الدين: شلونك عمو حَبيبي
زين عمو
الله يحفظك، أگدر اسئلك سؤال
اي عمو
تعرف بيت الدكتور مناف
اي اعرفنه هذا.
أشر بأيده أتجاه الباب مال البيت
حَلو، اطلب منك طلب وأنتَ زلمه ادري بيك كدها
شنو
رايد منك تروح ادگ الباب وتسئلي عنه اريد اعرف موجود بالبيت أو لا
صار عمو هسه رايح.
راح يمشي واحنا وگفنا بجهه خافين أنفسنا نسمع صوته ونباوعله
من وره الشجرة الواگفين بصفها، دك الباب طلعتله بنيه محجبه
ضل يسولف وياها شوي ودخلت ساده الباب اجانه يركض باتجاهنا
عمو ماموجود دكتور مناف تگول طالع
شكراً حَبيبي ماقصرت.
راح الطفل و وارث گوا لازمينه
عميد الدين: ولك البيت بييي بس نسوان مادري بس هالبنيه
شلووون اتريددد ندخله عاطت والتمت الوادم شنووو موقفنه.
وارث: راح اتخبل عميد الدين هيييي وأخوها لعبوووو عليها.
شمدرينه يجوز أخته مالها علاقة لو اكو سبب ثاني
شنسوووييي هسه انييي ما اگدرر گاعد وسااكت
تعبت وانا اگلكم عقولكم شغلوها، خلي يرجع ونراقبه چا شلون نعرف مكانهاا
زيد: لا والحلو يطلع مو هوَ اله انجلط وحگ هو علي
لا واضح هوَ الرسائل ثبتت كلشي.
وارث: عميد الدين لو نفهم من أخته
عميد الدين: ما ادخل عليهااا وهيَّ بس بنيه
وارث: ما أنسوي شي بس نسئلهااا لا تصعبها.
عميد الدين: يجوز يطلع حاط كاميرات ببيته ومن يجي يشوفنه ف مو راهمه اگعدوا وخلونه ننتظر.
گعدنا ننتظر بالسيارة وگوا لازمين وارث يريد يدخل البيتهم
مشكلة اخواني يم النسوان إلى يحبونهن ينعمون
لوره 12 بالليل وهوَ ماكو ما راجع نزلت من السيارة اتصلت
ب أم سَند أدري هسه ضال بالهم وخصوصاً هيَّ تكره هاي السالفة.
عميد الدين: هاا يُبا.
اجاني صوتها تحچي بعصبية
وَهج: وينكم انتم وووينكم طلعتوا وبعد محد عرف شي.
جدي ررراح يوووگف گلبه عليكم ما تغيرون هالسالفة اكرررهااا امووووت منهاا.
هدي يُبا هدي
شهدي ترا انتم كلششش تلعبون بالاعصاب بهاي التصرفات.
سكتت عنها مخليها على راحتها لأن لو ضليت ارد تكبر بالكلام بينه حد ما خلصت گالت
وَهج: شووو ساكت
عميد الدين: انتظرج تكملين ام سَند.
شصار بموضوع ريم امهاا راح تموت عليها.
درت وجهي اباوع الإخواني گاعدين اثنينهم يحچون
ريم ما حاچيه الچ أو الصفا عن دكتور مناف.
راح صوتها الثواني رجع اسمع طبكة الباب يعني اكيد عندها شي تعرفه
شدخله هذا
يعني تعرفي
ريم حجتلي عنه، معترف الها ورايد يتقدم الها بس رافضته
وره زواجها ضل يضايقها بالكلام وتصرفاته.
ريم مو عند عمامها واكو شغلات بجهاز ريم تثبت ريم عند مناف
شنووووو بس شلووون هيَّ چانت داخل البيت
هاي الشلووون جوابها يم ريم هسه احنا گدام بيته ومنتظرين يرجع
خاف ايسويلها شي والله گلبي مامرتاح.
انا ما اريد احچي عليها تضل عزيزة عليه ريم بس تصرفها غلط.
فدوة انتبهوا وارجع طمني لا تخلينه هيچ
أن شاء الله يُبا.
سديته منها رجعت يمهم وين ماصعدت نزل وارث
ما انطه روحه صبر ضل يدگ بالباب حطيت ايدي على عيوني
اسيطر على اعصابي رحت وراه، ما راضي على تصرفه
عميد الدين: الله يهديك ما اگول غيررها.
اجه صوت بنيه ناعم من وره الباب بدون ما اتفتحه
سُرى: منو؟
وارث: السلام عليكم
سُرى: عليكم السلام اتفضل.
وارث: هاي طلبية للدكتور مناف ونعتذر اتأخرنا بس صار عندنا عطل بالطريق.
ضاع صوتها ورجع
سُرى: بَس اني ما اگدر أفتح الباب الك
وارث: ههههه خوية ترا عندي شغل فوك راسي وين اوديها يعني بهذا الوگت اذا الدكتور موجود خلي يطلع
سُرى: لا والله طالع ماموجود
إذا اروح هسه بعد ما ارجع وهو خبصني عليها.
انتظرني هسه اجي.
زيد: بس لا اتروح تخابره
عميد الدين: ماتاخذون الحجي.
وارث: ماكو كاميرات لو اكو چان شافتني لأن اني جنت اوصل ريم مامعقولة ماشايفتني.
سكتنا من فتحت الباب شويَّ شويَّ لابسه عبايتها بس لمحتنا توسعت عيونها بخوف
سُرى: فدووووة لا اتسووولي شي.
عميد الدين: لا تخافين يُبا بس رايدين نسئلج سؤال وانروح شغلنا مو وياچ.
باوعت للشارع ماكو احد ولا نگدر ندخل جوا الها تبقى بنيه.
وارث: سؤال واحد إذا ماحچيتي الصدك اخلي الشرطة هيَّ أتشوف شغلهاا وحگ على ابن ابي طالب.
سُرى: جايين علمود ريم؟
زيد: ايوووا گدااا طلعتي تفتهميننن
دفعتهم اثنينهم إذا يبقون ما راح نستفاد شي غير يخرعونها.
عميد الدين: شوفي بابا أنتِ بنيه وريم بنيه مثلج
الشغلة الثانية هيَّ صديقتج وتحبج وتعزج احنا شفنا كلشي
من رسائل بينها وبين اخوج ف إذا تعرفين شي احچيلنا
لأن بنيتنه اختفت وعد مني الج محد يتقرب الچ هااا شگلتي يُبا؟
نزلن دموعها تبچي ومبين مجبورة
سُرى: والله اني مالي علاقة هو مناف خطط الكلشي.
شگد حاولت وياه بس اخوي عبالك واحد انهوس بشي
رغم يدري اتزوجت بس ضل مُصر يريدها
وارث: شيرررريدددد وحدددة متزوووجةة
سُرى: انقذوها منه الله يخليكم قبل لا يدمرررهااا
وارث: شنووووو يدمررهااا شتقصدينننن؟
عميد الدين: صوتك راح تطلع الوادم
وارث: احچيي خويةةة مووو طلعتيي روحي
سُرى: مناف مريض نفسي وريم هسه عنده والله العالم شراح أيسوي.
ضل وارث يفرك بوجهه منتهي رفع أيده يأشر عليها.
ادعي من الله ما مسويلهااا شي لان لووو طلع مأذيها بخدش واحد بس
راح تدفعوووون الثمن كلكككككم
عميد الدين: تعرفين مكانه؟
سُرى: لا والله ما اعرفه وحتى جهازي هو خذاه اني والله ما سويت اي شي
خوش حچي ادخلي جوا بابا ولا تفتحين الباب بعد لأحد للصبح الله كريم.
انقذووها لا تخلونهاا بين أيديه والله راح يعذبهااا.
دخلت سدت الباب، وارث گام يشيل روحه ويرگعها بالگاع
وارث: حرررام إذا الزمه اطلع حليب امه
من خشمه هل ال.
عميد الدين: خلي ننتظر هنا الليلة اكيد يرجع البيته.
للفجر شفنه سيارة صفت گدام البيت نزل منها دخل جوا للبيت
وارث: مبين هو هل العارررر
عميد الدين: هايهيه وصلنا مابقى شي
زيد: اگلكم خاف هاي أخته تكرش علينا
لو تريد ما حچت النا ومبينه مجبورة على كلشي وخوفي
مأذي ريم لأن هذا مريض نفسي مثل ماگالت أخته.
الثاني يوم مزروعين قريب يم بيته ماموجود لانوم ولا شي
زيد إذا يريد يقاومله ساعة بعد لا اكثر طفى كلش.
وارث: شنوو نايم المدلول لحد الان
عميد الدين: نازل اجيب ماي نغسل نصحصح
نزلت لمحل قريب
اخذت بطاله ماي ثلاثة على عددنا ورجعت الهم انطيتهم
غسلوا وجوهوهم، الجو شتاء البرد يطك بالعظم للعصر يله طلع من بيته هو حرك وطلع واحنا وراه
وانا امشي بالطريق، خابرت ظافر
عميد الدين: فزعتك أنتَ وحازم رايدهاا.
ريم.
چان الكل مجتمع بالصالة، اريد احچي الوارث عن دكتور مناف.
لأن صار يراسلني خوفي ازداد لا وارث يفهم غلط من اشوف المحادثة
تعارگت ويا سُرى لأن ماخذ رقمي من جهازها حسب كلامها الگالته الي.
اجتني رسالة من رقم سُرى كاتبتلي جايبتلي شغلات
لأن من فترة وصيتها على كم شغلة إذا تطلع تجيبهن إلى بوقتها
ماجان إلى خلك اني اطلع، گالت اني اجيبلج
صعدت فوگ حطيت جهازي
علي الميز لبست بشت ونزلت هم الكل گاعد بالصالة
وهذا اكبر غباء چان مني اطلع وحدي وإجازف هيچ مجازفه.
طلعت للشارع شفت السيارة واگفة بالركن مشيت وصلت
يمها باوعت للسيارة ماكو أحد درت وچهي من الخوف
اتملكني وماكو أحد بالشارع، انحط شي بوچهي خلاني أفقد توازني
ما گدرت افتح عيوني بعد بس أحس بأحد رفعني حطني بالسيارة.
ما ادري شصار بعدها، الوقت إلى مر ما اعرف شگد فتحت عيوني
بنص خرابه هيَّ غرفة بس عبارة عن خرابة هوسة وكلها قذاراة
رفعت راسي للگاعد گبالي وعيوني اتجحظت
دكتور مناف؟
مناف: صح النوم عمري.
راسي مسطور سطر ومن جهة صدمتي بي
ريم: أنتَ؟
نزلت انظاري على نفسي مربطه بحبل وگاعدة على كرسي
گان من مكانه يتقدم الي، شفتي رجفت من الخوف حط عيونه بعيوني.
مناف: ليش اتزوجتي هااا؟ هوَ بشنو احسن مني
ريم: دكتور أنتَ شجاي أتسووويييي.
رفع أيده يريد يلزم وجهي درت وجهي عنه نزلت دموعي
والله ابقى غبية هاي نتائج عدم التفكير والتسرع إلى ياخذه الإنسان.
ريم والله اني حبيتج وردتج اتصيرين الي.
انيييي ما احبك متزوجةةة تفهممم شنوو متزوووجةة أحب زوجيييي.
ماحس غير فر وچهي براشدي شهگت من قوته واذني صارت ترن عليَّ.
لاااا تگوووولين احبه أنتِ ما تحبييييي.
كزيت على أسناني أباوعله بغل وخدي مشتعل نار من ضربته
أحبه وراح ابقى أحبه وما ابددددله بألف رجال هسسسه افتهمتتتت.
رجع فر وجهي من الجهة الثانية براشدي وچهي اشتعل شعل نزلت دموعي أكثر من قوة الضربات.
لزم فكي بقوة ضاغط عليه.
بعد ما أله وجود هذا الزوج هسه أنتِ المناف
صدگني من راح يعرف بكلشي ماراح يرحمك.
مد أيده يريد يسحب حجابي ضليت أصارع براسي بس ما گدرت اله سحبه وطلع كل شعري ابتسم بحقارة.
شعرج حَلو وكلج حلوة عجبتيني من أول يوم شفتج بيه نعومتج بياضج عيونج كلشي بيج عجبني ريم
كااااافييييي الله ياااخذذك يااا حيووووان.
مد أيده رجع لازمه رگبتي يخنك بيَّ
رجعه لابن خالج ماكووو أنتَ من اليوم صرتي الي.
بنص عذابي نظراتي تباوعله هذهِ مو أفعال شخص عادي
هالانسان مبين مريض من تصرفاته و ملامحه إلى متغيرة
عافني وراح گعد بمكانه مد أيده الجيبه طلع منه كيس صغير
بي حبوب ناعم بلع وحدة توسعت عيوني يتعاطى لو شنو
هذا إلى يأخذه من شافني أباوعله رجع راسه على الكرسي مبتسم.
مناف: لا تخافين مهدئات إذا ما أخذهن اتعذب
ريم: أنتَ مررريض
اي بحبج
سكتت عنه خفت منه لا يسويلي شي وضعه يُرعب.
ضل گاعد ويهز برجله، دخلت ب أفكاري هسه عرفوا اني انخطفت لولا
ياربي خلصني منه ليش دائماً مكتبولي اتعذب
نهض من مكانه وگف گدامي لزم خصلات من شعري يطوي
بيهن على أصبعه جرهن حيل صرخت بفزع من قوة الألم أحس شعري تگطع من العرك.
تزوجيني ريم
لكككك شتزووووج انييييي متزوجةةة
مايحبج زوجج ريم اني اشوفكم من يوصلج للدوام أنتِ مو سعيدة وياه
مااالكككك علاقةةةة شيييي بينييي وبينهه.
رجع يضرب بوجهي أحس شاغت روحي عافني وطلع من المكان.
صرخت وبچيت بصوت عالي محد يسمعني اجزاء وچهي كلها
بقت توجعني من الضرب خشمي ينزف دم نزل على حلگي لعبت نفسي
بقيت سادته لا يدخل الدم بي، دنگت راسي أحاول امسحه بملابسي، رفعت راسي أستنجد بالله يخلصني.
اكو فتحة صغيرة بالمكان چان دنيا ليل واني من النهار هنا
لليل كله گضيته وحدي، جسمي بدأ ينحل لا اكل لا شرب.
الثاني يوم رجع وبأيده علاكه بيها اكل مغير ملابسه گعد گدامي.
مناف: جبتلج اكل حبيبتي اكيد جوعانه
ريم: ما اررريد سم اكله لوحدك
مناف: لا تحچين هيچ
ريم: ماتوقعت سُرى تغدرنيي هيچ
ما الها علاقة ولا قبلت بشي اني جبرتها على كلشي.
اباوعله يضحك مثل المجنون حتى ضحكته خوفتني
رفع أيده بيها لفه حطها گدامي من حرگت روحي وقهري
تفلت بنص وجهه تغيرت ملامحه للملامح المُرعبة عض شفته
نهض من مكانه غسل وجهه ورجع گعد مكمل اكله.
شووووگت اتعووووفنيييي
انسي حياتج إلى چنتي عايشتهااا
أنتَ الواضح چنت نايم وتتحلم لأن يمكن دنيا عصر ف هاي أحلام العصر
مو أحلام العصر حبيبتي واقع هذا لازم تتقبلي
مرررريض نفسييييي وحيوووووان.
شمر الاكل رجعت راسي خايفه منه فتح الحبل إلى رابطني بي
وصوت أنفاسه عاليه بلعت العافية من إلى جاي ايصير
گومني من مكاني أدفع بي مايندفع دفعني وگعت بالأرض.
الأرضية كلها تراب، رفعت راسي اله رغم برودة الجو اله هو وجهه كله مُتعرق.
ثنى رجله گعد يمي لزم وچهي
ريم والله احبج ليش ما تفهميني اني ما اريد أذيج لا تجبريني
الي يحب ما يأذي وأنتَ جاي تأذيني
ليش شسوووويتلج اني
خطفتنييي ضررربتنييي كل هذاااا ومامسوي شييييي
لأن احبج ما اريدج تروحين من ايدي
افهم الله يخليك افهممم انييي مو الك انيي احب شخص ثاني
احبه اكثررررر من روحي ما اتخيلللل نفسي بدووونه.
وگف ضرب الكرسي كسره لميت نفسي بزاوية الغرفة بخوف
اجه هجم عليَّ لزمنيي من شعررري لازمه بكل قوته
بشنووووو احسسسن منيييييي احچييي
احسن منك بهووواي، هو ما بيوم مد أيده عليَّ رغم اچفص ببطنه
واجرحه بالكلام يحترمني حتى لو اتصرف غلط يگعد يفهمنيي
ما يصيح وايصررر همجي مثلك وكافي حنيته ويايَّ يعتبرني
مثل بنته هسه عرفت ليش أحبه هووو حارب علمود ما اتدمرررر موو مثلك جاي تدمرر بيَّ.
بعد ما أصيح عليج ما أمد ايدي اسف اني اسف ريم.
نزلت دموعي بضعف
ليش ما جاي تفهم كلامييييي
نزلت ايدي لزمت بطني توجعني من الوگعه ويمكن اتزلغت
احتار ابچي من مصيبتي لو من وجع جسمي.
نتزوج ونسافر محد يعرف مكانه.
صرخت بوچهه بروح مفرفحه
دا احچيييييي وياااا الحايطططط مدا تفهم شنووووو احچييييي.
سحبني من أيدي يريد يسحب البشت إلى لابسته لزمته
بأيدي بكل ماعندي قوة وحيل
ريم: لااااااا
مناف: انززززعيييييي.
ريم: لااااا اتسووووويييي شييي ابوووس ايدك مناااففففف وحق الله امووووتك بأيدي.
لوه أيدي صرخت بوجع حط أيده على حلگي يمنع صوتي يطلع
ذبني بالأرض صار فوگاي ايديَّ حطيتهن گدام وچهي ورگبتي ابچي بعلو صوتي
لااااااا أتسووويييي شي الله يخليككك عندك اختتتتت فكررررر بيهاااا
اششش.
يريد يجردني من ملابسي مزق إلى من گدام صدري بس أصارع جواه
أصرخ بكل ماعندي من صوت، أوتاري تگطعتت وهو يحاول ينفذ إلى أباله
أندفرررر.
الباب درت وچهي بسرعة أبتسمت بنص دموعي من شفته گدام عيوني
هجم على مناف رفعه من فوگاي سحله للخارج.
وارث: زيددد تعال الزززمه هسسسه جايه لهذا ال اليووووم انعلللل شيب الخلفه.
راحله زيد
أخذه منه وهو رجع عليَّ عميد الدين من شاف وضعي وملابسي
نصها متمزقه طلع مابقى اجاني يركض حضني بلهفه
ضميت وچهي بصدره ابچي بصوت مسموع وجسمي يرجف من الرعُب إلى عشته.
وارث: ولچ شسويتي بيَّ اخخ منچ ياريم.
حضنته أكثر مچلبه بي أردفت من بين دموعي
ريم: خفت ما تجي خفت ماتعرف انخطفت
راح احاسبج على هذا غلطج بَس مو هسه كافي، بوية لا تبچين.
عدل ملابسي لفني بالبشت گومني من مكاني راح جاب حجابي
المشمور حطه على كتفه، نكث شعري من التراب ورفعه لبسانياه
وارث: تعاي ويايَّ
لزمني من أيدي طلعنا من المكان ما أشوف غير عميد الدين
لازم مناف ساحله سحللل ماتحزر الضربه منين تجي شمره على زيد يكمل بي واجانه.
عميد الدين: هااا بابا.
وارث: عميد الدين خليك يمهااا خلي اشوف شغلي ويا هذا النذل
عميد الدين: راح يوصلون ظافر وأخوه وارث أنتبه.
مارد عليه عافنه وراح استلمه من زيد وگف گدامي عميد الدين
مانعني اشوف شي بس أسمع أصواتهم.
عميد الدين: ما اگدر اگله ما ايسوي شي لان بالنهاية مرته إلى أنخطفت.
نزلت راسي اناشغ بدموعي كرهانه نفسي وكرهانه كل غباء بذر مني
وگفن سيارات مال جنود وسيارة شخص عادي ما اعرفهم.
اول مرة اشوفهم ركض الضابط ملت براسي أباوعله لزم وارث يحچي وياه و وارث فاقد مناف ما أتشوف شي منه بس الدم.
ظافر: يولي يحفاد عزام ما انطيتوا روحكم فنتك بين مانوصل
عميد الدين: إذا أنتَ واخوك سنة يله توصلون وهالكلب ضل يلعب بكيفه.
وهم يحچون اجه وارث اول مرة أشوفه بهالحالة مصرفن الردانات
وعيونه بگصته صاير بركان لزمني من أيدي أخذني من يمهم.
وارث: ظافر لو باقي للصبح شدعوة عليك ابن الغربية چاا احنا عليمن ردناك.
ضحك هذا إلى اسمه ظافر بس ما يباوع عليَّ
ظافر: يولي انتم لو احاسبكم على الشغلة إلى چنت أسويها اخلي طشاركم ما اله والي.
هز بأيده وارث فتح باب السيارة صعدني بيها ودار على عميد الدين موجه كلامه اله
وارث: عميد الدين راح ارجع للبيت انتم كملوا الباقي
عميد الدين: بالسلامة خوية.
باوعت للجنود أخذوا مناف صعدوا والضابط إلى وياهم يحچي ويا عميد الدين.
طلعنا من يمهم لميت رجليه الصدري ابچي بوجع.
وارث: شكوووو ليششش تبچين مسووويلج شيييي هل ابنننن الزنااااا
ريم: مقهورة وارث
يا بعد هلي، من شنو مقهورة
سُرى الصديقة الوحيدة إلى جانت عندي هيج اتسوووي بيَّ
هذا النذل جابررها ومخووفهااا
چانت تگدررر تحچيلييي هووو مريض نفسي.
شمدريچ بي مريض؟
من تصرفاته شووف شسوا بيَّ شبعني ضرب الحيوووووان.
ريم أنتِ غلطتيييي
نزلت عيوني هزيت براسي
اي أعترف بغلطي.
ولچ شنوووووو ماكوووو زلم اتطلعيننن وحدددچ شلووون طلعتييي والبيت متروووس نااسسس.
ليشششش تصيححح هسسسه
فووووگ شينهاااا گوووواة عينهاااا بسيطة يااا ررريم.
بچيت بصوت اصيح
لاااا تهددد ادرررييي غلطتتت بسس لا تصيحح واتهددد.
سكت عني ينافخ بعصبية أسمعه يهمس
وارث: إذا سكري ارتفع وانجلط ف هو من سبابيج
ريم: شگلتتت.
ضرب الستيرن
وارث: ماااا گلتتتت شيييي مااا گلتتتت رريم
خنست منه اول مرة هيج أشوفه ومو بعيدة هسه إذا لزمني.
يگطعني تگطع ويطلع قهر گلبه بيَّ ضميت راسي بين رجليَّ
دموعي تنزل بهدوء من أتذكر هذا الحيوان شلون راد يعتدي عليَّ
طول الطريق بس شهگاتي مسموعه مارفعت راسي اله لمن وصلنا البيت جدي.
خجلانه من منظري شلون راح ايشوفوني هيج
فتح الباب مدلي
أيده لزم أيدي نزلني عدل ملابسي وحجابي
وارث: أدخلي مرفوعة الراس برنسس .
دخلت وياه وأيده بأيدي لازمها أول ما دخلنا اتلگتنا امي
اجتني تركض حضنتني تبچي، هيَّ تبچي واني ابچي.
نجاة: يمهههه يابنيتييي يااا بعددد روحي ليشش ولچ ليشش وگفتي گلوووبنه
ريم: اسفة يوووم والله ما أعيددهاا بعدد اسفة.
ضلت تعاتب بيَّ وتبچي و على عتابها صوت بچيي يعلى ما ينصى
حضنني البنات وجدي اخذتني امي الحضنها حاضنتني و وارث يحچي كلشي الجدي شلون وصلوا المناف وشلون راقبوا.
باوعلي جدي وهالمرة حچه بنبرة حاده غير عن إلى متعودة عليها
عزام: غلطططط منچ تطلعيننن وحدچ.
نزلت راسي مهضومه ومقهورة بس استاهل هذا إلى مايفكر عدل
وارث: احم. يله جدي اخر مرة هاي ريم عاقلة بعد ماتغلط
هيج غلط وتنتبه بالجايات وسبحانه المايغلط
گام من مكانه أخذني من أمي
وارث: عمه من رخصتج بس خليها ترتاح ريم تعبانة.
ماحچت شي امي أخذني صعد بي للغرفة جسمي يون عليَّ
بصعوبة صعدت الدرج دخلت للغرفة.
أول مادخلت أنسد الباب وانسحبت الحضنه حاضني بكل قوة
رجع لزم وچهي يبوس بي ببوسات عشوائيه حضن وچهي.
وارث: يمكن لو ما لاگيج اليوم چان وگف گلبي.
نزلت راسي بخجل من تصرفه
ريم: اريد اروح للحمام.
أبتعد عني وگف گدام الميز ساكت ينزع بالخاتم مالته والساعة
اوكي كملي علمود ادخل وراچ
فتحت كنتوري اخذت ملابسي وطلعت للحمام دخلت
سبحت ولعبانه نفسي باوعت الوچهي بس اثار الضرب
وكله يوجعني، سبحت طولت بالحمام كملت ورجعت للغرفة أخذ ملابسه وراح هم يسبح.
گعدت بمكاني صافنه بكلشي صار، إلى صار اليوم هوَ درس إلي.
للحاضر و للمستقبل، نشفت شعري ومشطته سحبت بطانية
غطيت روحي بيها اتمددت بمكاني التعب يدك بجسمي وروحي.
غمضت عيوني من سمعت الباب أنفتح، سويت نفسي نايمة
أحس ما اريد احچي شي أريد بس أغمض
وارث: ريم نمتي؟
ماجاوبته اسمع تحركاته فتحت فتحه من البطانية أباوعله
يمشي بهدوء وشيسوي يسوي بهدوء عن لا اگعد بالاخير
وگع العطر عض شفته وباوعلي بس بقيت مثل ما اني.
كمل واجه اتمدد بمكانه ومبين لا هوَ ولا زيد ولا عميد الدين نايمين.
لزم جهازه ما ادري شيكتب بالاخير ضل يغفي نام والجهاز بأيده
شلت الغطى من راسي مديت أيدي سحبت الجهاز منه على كيفي
باوعت ماكو غطى ثاني ومابيَّ اجيب غطى ثاني غطيته ويايَّ.
باوعت للجهاز يحچي ويا واحد ما اعرفه سديته ورجعته المكانه
غفيت واني اباوعله، بقينه نايمين حد ما اندگ الباب گام هوَ فتحه اسمع بس الصوت
صفا: اسفة يمكن ازعجتكم بس العشاء كمل انزلوا اكلوا.
وارث: ريم نايمه واني ما أشتهي هسه من نگعد احنا ناكل خوية رحم الله والديج.
رجع المكانه، نبض گلبي من مشى أصبعه على وچهي وشفتي ونزله الرگبتي
بقيت جامدة بدون اي ردت فعل من دفن راسه برگبتي سحب نفس طويل منها وأبتعد.
خفت لا يكشفني گاعدة بقيت أمثل النوم بس النومة كلها طارت
من تصرفه، درت وچهي للجهة الثانية علمود أخذ راحتي
لأن حتى النفس صرت أستصعبه اتنفسه هذا صاير ياخذ.
راحته بكيفه عباله لأن تعبانه اسكتله خلي اطيب وبسيطة.
كل هذا احچي بگلبي عليه ومرن كم ساعة واني نفس الشي
ساعة احجي عليه ساعة أحبه ساعة تجي أبالي احداث
الي صارت ومناف وأفعاله، حد ماگعد گعدني علمود ناكل نزلنا جوا
أمشي واتطوطح عبالك ماخذه بطل من آدم عابتله والله البيت فاهي بدونه كبسولة.
صفا.
مر أسبوع كلشي طبيعي وريم وضعها بدأ يتحسن
دخل أبوي راجع من السفر مستعيد كل نشاطه و وچهه مبتسم گعد بكل أريحه.
أشرف: شلونچن بابا
رفعت حاجبي من أسلوبه منه من الشيطان
صفا: شنو أحد گايلك تجي اطيب خاطرنه بكلمة حلوة.
أشرف: لا ليش بابا انتن بناتي.
أباوع ال وَهج أبتسمت بخفه مستهزئه بكلامه كملت اكل ابنها
واخذته وطلعت بدون ما ترد عليه، ردت أطلع وراها أستوقفني صوته.
أشرف: صفااا
درت وجهي بملل
صفا: نعم
تعاي أگعدي بابا.
قلصت عيوني أباوعله مامرتاحتله لازم عنده شي وإلا مايذكرنه
رجعت گعدت بمكاني أشرتله براسي
شكوو؟
بدون مقدمات فتح الجهاز حطه گدامي انصعقت
بالي جاي أشوفه هذا فيديو ال آدم بالمستشفى
رفعت راسي اله بعدم فهم واحاول اخلي نفسي طبيعية
صفا: شنو معنى هذا التصرف
أشرف: أدري بي يحبچ، بَس هالشي مايناسبني بابا هل الإنسان مو من مستوانه.
ليش أنتَ شنو مستواك إلى تتفاخر بي؟
أنتبهي الكلامج بابا.
گمت من مكاني أسوي نفسي مامهتمة لأي كلام منه
ولد عنده مشاعر ورفضتهنن لأن ماعندي شي وياااه
وانسد الموضوع ف لا تحاول تدخله بالنص.
تمام معناها أخلي جماعتي أيشوفون شغلهم وياه.
بلعت ريگ أحاول أوازن بنفسي
شغل شنووو؟
حابه أتشوفين؟
هزيت براسي رجع يقلب بجهازه وحط فيديو الشخص جاي يتعذب
وبالمكان اجهزه كهربائية يعذبونه بيها أرتعش جسمي ب رهبة.
مسحت وجهي ايديَّ ترجف شسوي يا ربي
أشرف: أحذرج تنطين خير لأحد لأن الوحيد إلى راح يتأذه آدم
صفا: شترررريد أنتَ؟
تزوجين ابن أحد رجال الأعمال إلى عندي معرفة بيهم.
لأن شغلي بدأ يتأثر بسبب الخسائر إلى خسرتها اخر أشهر وإذا يبقى الوضع هيچ شغلي ينتهي.
واتريد تستخدمني مثل ما أستخدمت وَهج
شگلتي هسه بابا
لااااا والف لاااا ما أوافق بهذا الشي وآدم لووو تتأذه شعره منه عميد الدين يحرگم حرگ
وگف بكل شموخ ولا كأنما كلامي اله تأثير عليه
أشرف: أيصير خبر العميد الدين منا، وَهج تخسر سَند منا والقرار الچ
طلع تاركني بنص حيرتي وصدمتي ركضت للسنك غسلت.
وچهي دموعي صارت تنزل ويا الماي شسوي هسه شسوي
إذا ما أوافق يتأذه آدم، وإذا احچي وَهج تخسر ابنها.
مر الليل واني بأفكاري دخلت وَهج تباوعلي بغرابه
وكل تفكيرها وضعي هذا بسبب آدم
وَهج: شبيچ صفا شو ماعاجبتني امي
صفا: راسي يوجعني
وراسچ يخليج تبچين
اي غير ألم
صفااا باوعيلي.
اتهربت من نظراتها لزمت وچهي تباوعلي بتركيز رفعت حاجبها.
ممكن تفهميني شبيچ؟ كله علمود آدم إذا علمودة من يرجع وايشوفچ هيج راح يضوج.
لا شبيچ وَهج عوفيني وحدي تعبانة
اهااا، ومن شوگت أنتِ ما أتريدين وَهج يمچ
غصيت بدموعي حضنتها وهيَّ أنفعلت بس أتريد تعرف شبيَّ.
وَهج: سودا عليَّ يا أمي، احچيلي شبيچ
صفا: بس مختنگة ماكو شي
شلون مابيج شي شوفي حالتچ احجيلي يله لا تضمين عليَّ
وَهج اني كلش احبج والله
يا روحي واني احبچ بنيتي
واتأكدي إذا بيوم سويت شي كله علمودچ
ما فهمت شي مثل شنو؟
أبتسمت وأبتعدت عنها امسح بدموعي أطرد الشك من راسها.
هههههههه يعني ما ادري بس يمكن بالمستقبل أسوي شي علمودج
امممم اني ما اريد اتسوين شي يكفي تبقين بخير.
الثاني يوم عميد الدين راح ال آدم هو أكرم ايشوفونه
رجعوا السعادة ماليه وجوهم وگعدوا ايسولفون
عميد الدين: آدم يسلم عليكم، والحمدلله جاي يسوي كلشي مثل مايطلبون منه فترة ويرجعلنا متعافي من كلشي.
ابتسمت بنفس سعادته على كلامه فرحت لأن جاي يتجاوب وياهم.
رغم الصعوبات إلى يواجهها بالعلاج بس اقلتاً جاي يحاول مامستسلم
وهنا مر شهر كامل أبوي بكل اسبوع يجي يهدد يستغل
عدم وجود وَهج بالشغل ويجي للبيت يفرفحني بكلامه.
أشرف: صااارلچ شهرررر تفكرررين اريد جواب
صفا: ما اتخاف الله؟ ما تگول ذني بناتي من لحمي
ودمي شلوون اذبهن هاي الذبه خلي موقف واحد حلو بينه.
نتر بيَّ.
كاافييي من هذا الكلام ماعندي وقت أسمعه
الناس منتظرين كلمة وخليها أبالج اگدر من هسه أخليهم.
حتى علاج آدم يغيرونه وينتكس كل وضعه بأيدچ كلشي.
بچيت بشوغه واني وأتوسله بس مافاد اي شي من توسلاتي
ولا ودموعي ماهزه شي، وگفت گباله حقد البشرية أتجمع بداخلي بهاي اللحضة
صفا: موافقة على هذا الزواج، بَس خليها أبالك ما مبري الذمه
لا دنيا ولا أخرة هاي صارن اثنين ذمة وَهج برگبتك وهسه ذمتي
أدعي من رب العالمين يشوفني يوم بيك وحگ شوغة الگلب هاي إلى تركتها بداخلي
ماراح اسامحك لو دخولك للجنه يتوقف على مسامحتي.
وهاي هم صارت اثنين عليك مني ومن وَهج راح تتحاسب
اقسى العقاب على ظلمك هذا، خصيمتك يوم الحساب
ما أهتم لأي حرف من حروف كلامي طلع فرحان بالموافقة.
اجه اليوم إلى راح يجون بي الناس أهل الولد النا واتم الخطوبة وأبوي انطى الخبر للكل
خلاهم تحت صدمة باوعلي عميد الدين بنظرات عتاب
سحبتني وَهج من ايدي دخلتني للغرفة صايرة كتلة من العصبية ضربت وجها بكل قوتها تصرخ بوجهي.
وَهج: اتخبلتيييييييي بسسسس گليلييييي ولچ انييييي
الشنووووو ضحيتتتتت ليشششش وافقتييي
صفا: لا تدخلين بقراري وَهج.
حضنتني تبچي
هددج مو؟ جنت حااسةةة راح أيسوي شي جنت ادري
راح يضرب ضربته مثل كل مرة، احجيلي صفا احچيلي بشنووو هددچ
انيي دائماً جان يهددني بيچ وب ابني ويساوم بيَّ أنتِ بشنووو ساوومچ هالمرة.
راح يجون الناس لازم أجهز نفسي
وآدم؟ تكسرينه بهالبساطة؟
بلعت غصتي ودموعي اخذت مسارها
ما انطيته وعد الشي.
گااالچ انتظرينييي وما استبعدها چان عنده أحساس راح تلچمي.
كاافي وَهج
شنووووو الكاافيييي شنووووو احچيليي فهمينيي سببب قبووولچ
لهذا الزواج ولچ أنتِ تدرريننن إلى راح تتزوجينه من أي نوووع
راح يكوون مثل بشاررر النكسسسس
يجوز يطلع زين
شلون ينجمعن الزين ويا الشين، أشرف والزين بعمرهم مايجتمعون.
سكتت عنها سحبت فستان عمياوي رجعت تتوسل احچيلها
واني ادري بس احچي راح يتعقد كلشي أسمع الصوت شهگاتها.
الشگت گلبي بس مو بيدي والله اتمنى يجي يوم ويفهمون.
لزمت وچهي تحچي بكل جديه ودموعها تجري
وَهج: أسمعي زين يا صفا، باللحضة إلى تنطين بيها
موافقتج للسيد على هذا الزواج تنسين عندچ اخت اسمها وَهج تمام أمي؟
واني متأكدة هو مهددج بشي خطر مو شي عادي وتگدرين بسهولة تحچينه.
سامحيني
بَس احجيلي بشنو بالضبط هددچ ريحي گلبي
إذا احچي شنو الفائدة
بَس احجيلي بشنو هددوچ لاا تخليني اتخبل هسسه صفصف
بيج وب آدم
آدم؟ ليش شعليه.
يعرف ب آدم يحبني ومصورلي مقطع من نص المستشفى هددني بي
إذا ما أوافق راح يدمره عنده أشخاص هناك ايساعدونه
شنو إلى يمنعچ تحچين ال عميد الدين
إذا احچي راح يأذونج ب سَند.
هههه ليش هم كافين شرهم عني كل فترة يجون يهددوني بي شنو الجديد.
أبتعدت عني تهز بأيدها وبأيدها الثانية تمسح دموعها
يله يله حظري نفسج الخطوبتج عيني.
عافتني وطلعت بقيت بقمة أستغرابي من ردت فعلها.
جهزت نفسي البنات ولا وحدة وصلت إلى اخذن موقف.
مني زعلانات جهزت نفسي وحدي ودموعي مابطلت
إذا عباله بهذا الزواج راح اخلي مرتاح
ف غلطان
إذا ماسودت وجهك اني مو بنت الخدامة.
كملت وطلعت شفت الكل گالبه وجوها وزعلانه مني
وَهج اختفت ما ادري وين رحت الريم الواگفه راجعه من دوامها
صفا: ما شفتي وَهج ريم
ريم: لا
شبيچ هيچ تحچين
سلامتچ حبيبتي مبروك مقدماً للخطوبة اني ماراح اگدر احظرها عندي دراسة.
عافتني وراحت غمضت عيوني الزم اعصابي نزلت وَهج.
من فوگ مبدله وكاشخة خلتني اصفن وسَند نفس الحالة
صفا: راح تحضرين خطوبتي؟
وَهج: اكيد اختي الوحيدة شلون ما احظر خطوبتها
الكل راح يحظر هالخطوبة اليوم إلى راح تتسولف بالتاريخ.
عفتها ما ادري تستهزأ ما ادري شبيها گعدت بالصالة
مر وگت وگالوا أهل النعال العريس وصلوا دخلت نسوان من جهتهم
أنجبرن باجي نادية وسلمى يرحبن بيهم ونوب هااي وَهج
ما ادري شنو إلى بعقلها رحبت بيهم والضحكة شاگه الحلك.
شوي واجن البنات هم مبدلات حتى ريم إلى گالت ما احظر نزلت مبدله
چانت الخطوبة بين عائلتنه وعائلتهم ورا شوي طلبني
أبوي گال لازم يعقدون گلبي صار بي خفقان وتفكيري ب آدم
شنو موقفه من يعرف، باوعت ال وَهج صافنة بيَّ وعيونها تلمع بدموعها.
جهزوني واخذتني وَهج وباجي نادية علمود العقد
گعدوني بمكاني وَهج واگفة بصفي أباوع الرجلها تهتز
وأدري ب اختي دام عندها هالحركة معناها منتظرة شي بفارغ الصبر.
اختنگت أكثر من السيد صار يعقد النا دموعي تنزل بغزارة
اسفة آدم، وصل السيد لأخذ الموافقة
من الطرفين
ضل يسئل بيَّ ما نطيت جوابي لا بالأولى ولا بالثانية
مو لأن اكو هيج عادات بس مستصعبة انطق الموافقة وأصير الغير شخص
بهالحضة أتمنيت يصير شي واختفي من الوجود ولا اكون بهذا الموقف.
رجع يكرر السيد كلامه بلعت ريگ ودمعتي نزلت بهدوء
تحرگت شفايفي أريد انطق واندفر الباب علينا
بسرعة رفعت راسي من سمعت صوته.
صفك أيد بأيد ويطك أصبع صوته رج المكان رج
آدم: لاااا عاد هيچ مامقبووووولة عمي أشررف شنيييي
اتزووززج العزيزة بغيابييي لا وحگ العباس مامقبووولة.
ضليت صافنة مامستوعبة هذا شلون طلع من المستشفى
دخل وراه عميد الدين رفعت راسي ال وَهج مبتسمة والفخر طالع من خشمها
ابوي وجهه انخطف لونه
وهذا النعال إلى يريد يصير زوجي طابگ حواجبه ويباوع على آدم.
اتقدم ناحيتي آدم يباوعلي بعتاب ولازم نفسه گوا وجهه محتقن.
وگف گدامه العريس باوعله آدم من فوگ لجوا
إذا ممكن بدون مشاكل خطيبتي راح اتصير وزوجتي وبس يكمل العقد اخذها منا.
رفع عيونه آدم للسگف يعضعص بشفته دار وچهه ل عميد الدين.
آدم: شو هذا كيوت كلش يمكن من جماعة ماما غطيني.
دفع الواگف كدامنه واخذني من وراه
آدم: إذا رجلج خطت خطوة ثقي وأعتقدي أرجعج النقطة
الصفر بگلبي، وأدوس عليه لاااا اتسوينهااا.
بچيت بضعف بسبب وضعي وموقفي منو راح
راح يفهمني.
هوَ بكف صار، وهم بكف آخر أردفت بصوت مبحوح
صفا: لازم ينتهي كلشي.
رج صوته داخل المكان إلى أحنه بي لازم فكي
وأيده ترجف
تلعبين عليَّ؟، اتريدين تكسريني؟
هزيت براسي أنفي كلامه والي يفكر بي
آدم: چاا شنووو معنى تصررررفج هذا
صفا: أعتذر.
شهگت من شفته رفع السلاح حطه ب راسي
الكل واگف مصدوم بفعلته
أتقرب الناحيتي همس ب أذني بنبرة حرگت روحي حرك
لعبتيها صح خليتيني مهووس بيچ وهسه أتريدين تنهيني.
تحرگت شفايفي ارد مالحگت انطق الحرف واني أنصعق
بسماع صوت الطلقة الطلعت، أحتل الجمود جسمي من شفته وگع گدامي بدمه.
رمشت بثكل بعيوني من شفت العريس إلى مصوب آدم
ركض أبوه العريس أخذ منه السلاح آدم اتصوب برجله
آدم: ووووحگ العباسسسس دخلللل الززززمككككك أوووويلي.
سحلو الولد من أبوه أكرم وزيد وعميد الدين اجه ال آدم أيشوفه
والأصوات أتعالت مال الهوسةةة.
عميد الدين: خدش خدش ماكووو شي بسس ليشش هيچ ينزززف.
أكررررم تعاااال هنااااا، رفع راسه للموجودين وهو يگول، وانتم اليوووووم انعل أبهاتكم.
عيوني غوشت گعدت بمكاني لازمتني وَهج الناس الزلم إلى برا
أتريد تدخل ما يخلوونهم عميد الدين حصر الولد ونام عليه دك گتل يريدون يلززمونه مايگدرووون لعبب بيهم لعبببب.
جدي راضي بكلشي جاي أيصير. سحبوا عميد گوا من فوگاه
عميد الدين: يله سيددد يله احنا اليوووم عندناا خطبةةةة اكيد ما نأجلهاا.
عاط بي أبوووويييي.
أشرف: خطبةةةة شنووووو
عميد الدين: خطبة اخوووووي وبنتك عميي حَبيبي ابو مررتييي.
آدم: وحگ العباس ما اتحرررك منا إلا وصايرة حلالي وزلمه إلى يعاررررض ودامنييي ابن عمهاا ارريدد اصيرر همجييي ابن همجيي واگلككم انييي نااهي على صفااا.
طلعوا الكل ضايجين وصارت مشاحنات بالكلام وعميد الدين
يأشر للولد بمعنى حسابك بعدين
أكرم گعد يعالج برجل آدم واني بعدني مامستوعبة كلشي صار.
آدم: اخخخ رجلييي على كيفك مووو سمطت ابووو أبوووويييي
أشرف: ماااا اقبل بهذا الشييييي صفااا وموافقة بهذا الزواج
أنتَ بيااا حق تخررب كلشييي وشلون طلعت من المستشفى
شلووون سمحووولك وأنتَ مرريض.
أكرم يريد آدم يثبت ماكو يتهدد على أبوي
اتقدمت وَهج الأبوي وصدمته بكلامها
وَهج: أي شغل بعد ماكو بينا من هاللحضة كل تهديداتك انقلبت عليك.
دفع وَهج من گدامه ورج بصوته أتقدم إلى وصار بالنص عميد الدين.
عميد الدين: الخطبة أتصيررر غصباً على أكبر شارررب هنا حشه جدي طبعاً
آدم وصفا اثنينهم واحد يريد الثاني شنو إلى يمنع مايصيرون البعض
أشرف: صفاااا ما أتررريده هيَّ حچتها بلسانهااا.
رفع آدم راسه يباوعلي
صفا: چنت اضحك عليك، مثل ما عبالك ضحكت علينه ونفذت تخطيطاتك.
توسعت عيون أبوي مشيت بالكعب مالتي لازمه إلى فوك راسي
گعدت بصف المُتنمر أباوعله بخوف الرجله.
صفا: آدم
آدم: يا بعد الروح.
صفا: ام خشه تريدك وكشفت نفسها واگعه بيك مثل ما واگع بيها تقبل تتزوجها؟
آدم: اويلي عليج يمه لا هيچ ما اتحمل صفا وحگ العباس لو ادري من زمان مخلي مهددچ
راد يهجم ابوي عليَّ و لزمه عميد الدين
من صدره
دنگ راسه عميد الدين همسله بكلام محد يسمعه غيره
هوَ وياه خله وجه أبوي يصير كركم من الصدمة.
وويا كلامهم رجع أنفتح الباب واخر شخص نتوقع أنشوفه گدامنا
الكل دخل بحالة صدمة ورهبة من الواگفة گدامنا نزعت نظاراتها.
أبتسمت بكل جمالية ورقه وأردفت بصوتها إلى أميزها ببحتها الجنوبية.
رونق: السلام عليكم حبايب.