رواية وقار الغريب للكاتبة حوراء السعيدي الفصل الحادي عشر
ريم.
أَلَم، اِكْتِتَامَ (الكتمان)
كل هذهِ الفترة أمر بهذهِ الاشياء مكاني الوحيد الچان يشهد
معاناتي هوَ الحمام، المكان إلى اتحملني واتحمل كل همومي
چنت بكل مرة أظهر انفجاري بداخله بعيدة عن كل شخص ممكن يستعطف حالتي.
الوقت إلى مر ماجنت واعية بي بَس أتذكر كلشي صار
اخر مرة، فتحت عيوني الضوء مخترق ملامحي
طبكت حواجبي بأنزعاج منه، قل الضوء من صار شخص گدامي
ركزت بيّ وارث.
صفنت بي، شجاي ايصير متأكدة ماعندي اي شي اتجاه
هذا الشخص، اني حتى ما اعرف الحب شلون يصير وشلون
تكون مشاعر الإنسان من يحب، اني حالتي كلها بسبب غير اشياء
هوَ ما اله أي علاقة، بَس انقهر على نفسي وحياتي المافاهمة
شي منها نزلت دمعة مني بدون وعي مد أيده يريد يمسحها
بعدت راسي عنه مانعته يتقرب مني.
وارث: ريمه
ريم: لا تحچي شي بمعزة أمك
هز براسه، انفتح الباب دخلوا وَهج وعميد الدين.
گعدت بصفي وَهج لازمه أيدي، الانسانة إلى احسها عندها گلب والدة
بَس بنفس الوقت كلشي دا اتقدمه للناس هيَّ محتاجته بحياتها.
وَهج: شلون صرتي أمي
ريم: زينة
نزلت المستواي باست باطن أيدي مبتسمة
وَهج: خوفتينة عليچ
احس بجسمي ميت مثل الشخص الرامينه
من اعلى الجبال
منتهي كل حيل ماكو حتى الكلمة تطلع مني بصعوبة
ريم: اريد ارجع للبيت
يتأكد الدكتور من حالتچ وهوَ يقرر
ليش شبيَّ اني.
عميد الدين: كل خير ان شاء الله بابا لا تخافين بس نتأكد من وضعچ.
راح وارث جاب الدكتور ورجع سوالي الفحوصات
الروتينية طلعوا وياه الولد يحجون برا ماحچوا شي يمي
رفعت راسي ال وَهج الواگفة اتساعد بيَّ
ليش مايحچون گدامي اكو شي؟
ماكو مو گلنه لا تخافين حبيبتي بَس يمكن طلعوا
علمود تأخذين راحتچ، اطردي الأفكار الموحلوة من عقلچ
مدا اتضمون شي عني
بالنسبة إلى لا
وهم
ما ادري ماحچوا شي هسه نتأكد منهم.
انفتح الباب دخل وارث جايب كرسي وياه باوعتله ورفعت عيوني اله
ريم: شنو هذا
وارث: كرسي
ريم: افهم بَس ليش جايبه
وارث: جسمج تعبان وماتگدرين تمشين فهذا اريح الچ
لا أگدر أمشي وحدي مو بحاجته
ريم ليش تعاندين
اجه عميد الدين شاف هوستنا بقى يسئل حچاله وارث
عميد الدين: أي عوفها براحتها دام گالت تگدر معناها تگدر.
طلعنه من المستشفى كل ما ايريد يتقرب إلى ما اسمحله
وابتعد من شافني رافضه قربه إلى بعد ماوصل يمي.
كله وَهج لازمتني اتساعد بيَّ صعدنا بالسيارة راجعين للبيت
ريم: عميد الدين
التفت إلى لأن هوَ گاعد بالگدام يم وارث
عميد الدين: هاا بنيتي
ريم: اني شبيَّ ليش هيچ صار ويايَّ.
وزع نظراته بين وارث و وَهج
عميد الدين: من نوصل للبيت انسولف انا وياچ يُبا
هزيت راسي بموافقة ملت براسي على كتف وَهج الساكتة وماعلقت بشي
طول الطريق، بين ما وصلنا للبيت هم هيَّ متكفلة بمساعدتي
دخلنا جوا اتلگتني امي حضنتني تبچي وروحها مفرفحة.
نجاة: يمةة بنيتييي شصاررلچ
رفعت ايديَّ حضنتها راسي على صدرها اريد احس
بالامان والحنية ماكو مثل حنية الام ودفو حضنها بحياة الإنسان.
ريم: اني زينة يووم لا اتخافين
نجاة: وينچ زينة تمشين جسد بدون روح
وارث: عمه خليها ترتاح لا تبقن واگفات هنا
اخذتني للداخل والكل منتظرنه
أخذني جدي منها حاضني باسني براسي
عزام: شلون صارت حبيبةة جدهاا
احسن حَبيبي
أجن البنات يتحمدلي بالسلامة هنَّ والباقين گعدت بين جدي وأمي.
دخلت كوثر مرت خالي هادي الثانية ووياها بنتها فرح
سلمت وانضمت للگعدة عميد الدين يباوعلها بطرف عينه
عزام: وارث عميد الدين ماتحچون شبيها البنيه
ليش حالتها هيچ صارت إلى يگلي ماكو شي بيها اكسر ظهره كسسررر
عميد الدين: عنيف مو بيدك
ابتسمت الطريقة كلامه، وبدأ ايسولف بالشي إلى چنت متوقعتة.
عميد الدين: ريم لازم تنعرض الدكتور نفسي وضعها سببه حالتها
النفسية المتأزمة وهذا الكلام گدامها مو وراها لازم تعالج نفسها.
لأن إلى تعرضتله بالاشهر الأخيرة صدمة بعد صدمة احتمال مامتقبلتهن ولا متخطية مواضيعهن
وهذا الشي راح يأثر حتى أعصابها من المحتمل تبقى
ما تگدر تسيطر على أعصابها وتبقى هالحالة تتكرر وتتراود عليها.
ريم: اني ما اريد اروح لأي دكتور
وارث: ليش؟ عاجبج تبقين بهيچ حالة تأذيچ
گلت ما اروح يعنييي ما اررروووح
ريم ليش هل العناد المصلحتچ احنا نحچي قابل شنريد نستفاد
أنتَ لا تدخل بيا خليك بنفسك.
سحبت نفسي من يم جدي وامي ردت اطلع وصلت يم الباب واستداريت اله راجعة.
أنتَ راح تتزوج صح؟
اي؟
طلگني
ما اگدر
لا تگدر مثل ماگدرت تعقد عليَّ تگدر تنهي هذا الزواج هم
رجع بنظراته على جدي الگاعد يشاهد ويستمع الكلامنا
ريم أنتِ تعبانة روحي ارتاحي
وارث اسمعني فدوة
اتفضلي
اني ما اريدك ما اريد ابقى على ذمتك ما اريد ابقى
طرف ثالث بينكم أنتَ وزوجتك هذا الشي عذاب الي
تفهم شنو عذاب، ريحني من هذا الشي منو تقبل زوجها متزوج.
غيرها احچيلك هنا عن زوجتك مو عني بالنسبة إلى أنتَ ما اتهمني.
إذا اطلگج معناها ما اتزوجها هذا شرط جدي
باوعت الجدي ونزلت دموعي حچيت بعتاب ويا
جدي كاافيي تدمررر بينا اكثررر ابوووس ايدك
قابلة ياخذني عمام أبوية بس أنهوا هذا الزواج
تعبت منه تعبتوووني
أمي من سمعت كلامي اجتني تحچي بقلق
نجاة: تعوووفينيي ررريم تعوووفين امچ
وارث: عمه مالچ علاقة بكلامها ريم تحچي ماواعية على نفسها بسبب التعب إلى هيَّ بي.
اتنرفزت من كلامه، ما ادري وضعي چان سبب بتلف اعصابي
ريم: اني ماااا اررررريدك افهمم يا بشررر لووو تبقى
اخررر رجااال بالعالم مااا التفتتتت الك ولا اغيررر تفكيررري
عنك، وهسسسه أنتَ راح تبدي حياتك من جديد ويا انسانة
گلبك حااابهاا اعتقنيييي منككك، رجعوووني حررررة هذا الزواج
بمثابة سجن الي، قيدتوووني بي.
وهنا چانت الصدمة ردت فعل وارث من نطق كلامه.
وارث: لوووووو تطلع نخلة برررراسچ طلاااگ مااا اطلگ افتهمتيييي لوووو اعيد كلاميييي
ريم: هههههه ليش هيَّ بكيفك؟
كاافييي الخاطرررر كلمن عنده خاطررر عندچ تعبتتتتت
موووو بسسسس أنتِ تعبتييييي لاااا تظنين عاجبنييي كل هذااا
اييي اييييي اييييي وهذهِ اعترفت بنفسك انهيييي الهذااا الزواج
يااابه مااا اررررريدك تفهمممم شنووووو ما اررريدك.
صرت ارجف من عصبيتي وهوَ فكه يرجف
من عصبيته
ولااا انييي اررريدچ خليهاا ابااالچ.
يعني ما اتطلگ؟
لااا
متأكد وارث؟
أي
أتريد تأخذ حبيبتك على حسابي مو
بلا اتمسلتتت لا تخليني اغلط بالكلام وياچ ريم انييي احترررمچ
هسه يعني ما اتطلگ اخر كلام عندك
مثل ماسمعتي جوابي اول مرة.
عفتهم وطلعت للحمام فتحت ال مي البارد اجيب واذب
علي وچهي علمود اهدأ نفسي، أنتَ جبتها النفسك يا وارث
والله والله وروح ابوية لاخليك تتندم على الساعة
الي رفضت بيها هذا الطلاگ اصبرلي جاييتك
فزيت من أفكاري.
من سمعت صوت وَهج وامي يدگن بالباب نشفت وچهي سحبت نفس طويل وطلعت.
ريم: وينه؟
وَهج: جوا
وصلت يم غرفتي وصحت بصوت عالي علمود يسمعني
ريم: استاذ وارث جايتك اصبررررلي هسسه اجي لا اتروووح
دخلت للغرفة مالتي سحبت ملابس بدلتهن ورشيت عطر
علمود يحسسني بالنظافة، هسه راح اشوفك ريم النتفه
شتسوي دصبرلي اصبرلي اله اخبلك بسس اوگفليييي
ياا ابوووو عقدة، كملت نفسي وطلعت شفت امي و وَهج.
واگفات منتظراتني ضلن متعجبات على التغير إلى صار.
رجعت للصالة وهم بعدهم واگفين هم ضلوا مصفنين ما اهتميت
رحت گعدت بصف جدي ورفعت رجل فوق رجل مبتسمة
وهوَ يباوعلي بتعجب، رفع ايدة يأشرلي عود أنتِ مسوودنة المسوون ماغيرررك
وهنا صدمت الكل بكلامي وطلباتي
ريم: بما انُ ما نتطلگ واني زوجتك ف اسمع كلامي استاذ وارث
وارث: كلام شنو؟ أنتِ يمكن شخطتي.
احتررررم نفسسسك
محترررمهااا
شوف عيني ركزلي ركززز زينن وافتحلي اذنك.
اسمعچ برنسس
اتسووويليي عررررس غصبًا عنك تقبل ماتقبل مو مشكلتي
اي؟
عررررس تحچي بي كل البصرررة سمعتتت زيننن
عدل گعدته صابته صاعقة من كلامي عباله اشاقة وياه
اشو كملي دكتورة
اييي وين وصلنا، اريددد عررس تعادل بينيي وبينن مررتك
ليلة إلى وليلة الهااا زين عينيي؟ واضح اتوقع كلامي.
اباوع ال آدم وعميد الدين حطوا أيديهم وجوهم
يغطون ضحكتهم انحمست حمسس لأن وارث شكله چان يضحك من الصدمة.
وزيد صافن بينا مامستوعب كلامي حقهم قبل نص ساعة چان غير
وارث: ترا زواجنا بَس علمود حمايتچ
ريم: لا عيني لا منو گال علمود حمايتي اني قررت ابقي دائمي
يعنييي راح اصيرررر ضررررره المرررتك الجديدة
أردف آدم مخنوگ بضحكته
آدم: الله يساعدك ياخوية وين ورطت روحك
ريم: خلوووني اكمل كلامي إذا ممكن
طبطب جدي على ظهري فرحان بالكلام
عزام: كملي جدي
ريم: الغرفة إلى سواها عميد الدين وجبتوها هذهِ تبقى إلى والأهم.
تبقى بمكانها ماتطلع من غرفتك، لأن اني الزوجة الأولى
أما هذهِ مررتك الثانية لو تگعدها بالحمام مايهمنيي.
رفع راسه متعجب يباوع الإخوانه
وارث: عميد الدين ماترجع للدكتور اتأكد منه شمنطيها من علاج
ريم: إذا ماموافق على كلامي عندك حل اتطلگني وننهي كلشي
شبيييچ عرسيشش غيررر راااح أخطب البنيةةةة بعدد كم يوووم
شتگووول النااسسس يووووميا عررررس
رفعت ايديَّ بمعنى ما ادري
مشكلتك مو مشكلتي زوجي العزيز.
خااااب حااچووووها اتخبلتتتتت هاااي
احتررررم نفسسسك.
عزام: ريم اتسووويلها عرس ومرتك الثانية اخذها وسافر بيها اتزوج هناك
وارث: جدي صدگ تحچووون انتم
ريم: يله عيني يله حضر نفسك العرسنه ماباقي شي وامي تطلع من عدتها
ارررريد عرررررس من هذا الفخممم كلشييي فخممم.
كوثر: شني الفكر هيچ ايسوي
ابتسمت بنص اعصابي إلى مسيطرة عليها ماتنفجر باوعتلها
ريم: لأن فكرر وماشايفة ف ارريد أشوووف بيهاا شي مررت خالي؟
باوعتلي ماعاجبها وگفت لازمه أيد ب أيد اخفي رجفتي
اني حچيت إلى عندي وبحال ماعجبك شي انطيني خبر ننهي كلشي وموفق بزواجك.
طلعت منهم صايرة عبارة عن كتلة من النار بس دخلت للغرفة
انفتح الباب دخل ورايَّ قفل الباب صاير بركان
ريم: شهل التصرفات الهمجية تدخل بدون استأذان
وارث: هوو اليوم اررريد اصيرررر همجيي
من صدگ
اوووييي عينييي اووويييي استاذ وارث يريد يصيرر همجي
ريم شغيرچ ماچنتي هيچ؟
كلشي من ايدكم انتم.
شسووويتلچ انيي؟ هذهِ جزاتي
عندك حل واحد طلگني وينتهي كلشي
وعمام ابوچ إذا اخذوچ مايرحموچ
وين راح يعرفون مطلگين
ماكو شي ينضم
بلعت ريگ بتوتر من شفته بدأ يتقرب ناحيتي
خووش نبقى مثل ماگلت
وطلباتچ وكلامچ إلى حچيتي برا
كلهن اتنفذهنن
لا والله
والله والله.
طفرت منه للجهة الثانية ضحك بخباثة
هذا هيچ قرب ما اتحملتي شلون اتريدين نعيش بغرفة وحدة
عود اتعود
رفع إصبعه يحچي بنبرة تهديد
بسيطة إذا ماخليچ تتندمين على هذهِ سوالفچ.
روووح منااا رووحح عينييي انييي إلى راح اخليك تتندم
سهلة يا برنسس
سد الباب وراك استاذ وارث.
بَس طلع ركضت قفلت الباب، وگلبي نبضاته تتسابق حقيرر سافل
گعدت على السرير جسمي كله يرجف حضنت نفسي
مانعة دموعي تتساقط، كاافي ريم قوي نفسچ مو كله بچي
شمستفادة من البچي هذا بس القهر والأمراض
فتحت الجنطة
مالتي الموجودة بيها بعض من أغراضي طلعت صورة أبوية ما اتحملت نزلت دموعي.
حضنتها الصدري نمت بمكاني، بچيت حد ماحسيت عيوني.
انتهت قبل لا انام فتحت الباب ورجعت غفيت بمكاني بتعب مهدود حيلي بي ما گعدت اله الصبح
أمي گعدتني علمود دوامي، باوعتلي نظرتلي بنظرات قهر
ماحچت شي طلعت من يمي رحت للمراية باوعت النفسي
عيوني منفخة غسلت ورجعت جهزت نفسي للدوام واكيد هسه راح أصبح بوچهه.
شافني زيد غمزلي يضحك
زيد: صباحو زوجة اخي
ريم: صباحو عيني
بقيت واگفة يم الباب انتظر الاستاذ ينزل
نجاة: تعاي اتريگي لا تروحين للدوام على معدة فارغة.
ما أشتهي إذا جعت هناك اكل
وهنَّ البسكتات والعصيرة شني يشبعن
زيد: عمه بنتچ معدتها معدة عصفور
ضل يصنف ويضحك دخل عميد الدين صبح علينا أخذ زيد وطلعوا
هم گال مايريد يتريگ وآدم بعده گاعد يتصفح بجهازة
أكرم عنده خفارة بالمستشفى وبعده ما راجع طگت روحي واني انتظر.
ريم: شنو وارث مايداوم اليوم
سلمى: لا يداوم گعدته بس شو مانزل
حچه آدم وعيونه بالجهاز
آدم: اصعدي اله شوفي زوجج خاف بي شي
هه واني شعليه
غير زوجج
بس بالاسم.
چاا عليمن البارحة خبصتينه
حقي وطالبت بي بيها شي.
صفا: لا مابيها شي زينت العقل إلى سويتي نريد عرس
تعبت نفسيتنا من المشاكل اوووييي شنو هذا
زينب: يله كلها ايام وانعيش هل الأجواء
درت وچهي من شميت عطره، واخيرًا شرف قبل لا نطلع وجه كلامه الجدي
وارث: اني موافق على كلشي جدي ونريمان اخذها واسافر.
قلبت عيوني وطلعت شفت وَهج وأبوها طلعوا بسيارتهم
صعدت ويا وطلعنا للجامعة واكيد كالعادة الطريق.
كله ساكتين اله هوَ يحچي اني ما احچي
وارث: ما الله هداج
ريم: عليمن
تراجعين دكتور
لا
ترجعلج حالة البارحة يتعب گلبچ
مايحتاج ما اريد
زفر نفس بنفاذ صبر
براحتچ.
فتحت ملزمتي ادرس بيها وجهازة كل شويَّ متصل عليّ أحد
ذني اليومين راح أخطب
بالمبارك عيني
والله ما ادري يا ريم
شنو؟
هيچ هيچ بوية كملي مراجعة محاضراتچ
رجعت طامسة بالملزمة
عباله اهتم للموضوع، اني فرحانة الها بَس شنو موقفة.
من يعرف إلى خاطبها شنو هذا الشي الوحيد إلى واجعلي گلبي عليه
شلون راح يتحمل حقيقتها، لو بيدي هسه احچيله كلشي بَس إلى لازمني منطية وعد الجدي.
نزلت الملزمة حطيت ايدي على رجلي وكفي جوا خدي
وارث
هاا ريم
اني ماضايجة منك لأن راح تتزوج ضايجة لأن ماتقبل تطلگني وضايجة عليك
ليش ضايجة عليَّ
صفنت بچفصتي حاولت الزكها وسئلته
احم. هيَّ البنيه تدرس لو شنو
لا مدرسة ويايَّ
يعني كل يوم اتشوفون بعض.
اي بس من بعيد لأن ما احچي وياها اهوايَّ بالمدرسة ما اريد تطلع عليها حچاية وهيّ من النوع إلى تتحسس
اووويييي عينيي اووييييي حسساسة.
شبيچ من البارحة لليوم كله اووي عيني واوييي
كلامي هذا قابل اغيره
چنتي عاقلة ما ادري شخبلچ
شنو احساسك وأنتَ راح تتزوج اثنين
لعبان نفس
اي والله شلون متحمله لو منك انتحر
ردت انتحر أمس
بَس غلط وحرام رب العالمين مايقبل بهذا الشي لأن هوَ مخلي الروح أمانة يمنه
لحضة شيطان.
وصلني للجامعة نزلت ردت اسد الباب اجاني صوته
وارث: انتبهي النفسچ
ريم: مو اني وياك اعداء صرنا واحد راح يعلم الثاني ويندم الثاني
ريم
هاا
كلشي جاي اسوي الخاطر جدي
سديت الباب بدون ما اجاوبه اجت سُرى سلمت عليها.
سُرى: ليش وچهج هيچ تعبان
ريم: مادري يمكن تعب
تعاي يله ندخل متأخرة اليوم راح تبدي محاضرتنه
اخذتني من ايدي دخلنه للقاعة دخل الدكتور واحد مُتعجرف
شايف روحه وخلگه بخشمه همست بيني وبين نفسي
لا هلا
سُرى: شگلتي.
هيچ اسكتي لا هذا يطردنه هسه.
شفتها ضحكت وماعلقت بدأ محاضرته واطرد كلشي من عقلي وتفكيري
من الموضوع يخص دراستي ما اخلي شي يأثر عليها
لأن هذا مستقبلي تعبت بي ما اريد اخسره بسبب مشاكل
ممكن بيوم من الايام تنحل بنص المحاضرة وراسي صدع كلش
لزمته بايدي اباوع ماگدرت اركز أكثر دنگت راسي وسُرى
انخبصت بيَّ فضحتناا، سمعت صوته فوگ راسي.
مناف: خير شكو هنا
سُرى: أستاذ صديقتي ريم تعبت
اهاا، بله اسئليها ماكله لولا.
سئلتني هزيت راسي برفض رجعتله الجواب
مناف: يجوز هبوط صار عندها من الجوع خلوها تاكل شي، اتگدرين اتطلعينها
طلعتني وراحت اشترت بسكت وعصاير وجبرتني اكل
احس نفسي احسن صرت بس راسي بعده
ريم: هذا الاستاذ هم زين منه وطلعني
سُرى: احم اگلچ شي
اخذت العصير اشرب بي واباوعلها
ريم: گولي
باوعت حولينه واتقربت تحچي بصوت ناصي
سُرى: استاذ مناف اخوي
فتحت عيوني مصدوومة صارلنا شگد ندوام ولا گالت.
چذذب.
والله العظيم بَس احنا بالجامعة استاذ وطلابته علاقتنه بالبيت بالنعل صايرين
شوو ماگلتي
هوَ مايقبل يگول هسه بس يعرفون واتنجحين عندي عبالهم اني اساعدچ
تفكيركم جهنمي
اي فشنوو انچبي وبعد لا تحچين على اخوي ترة يخبل بس هنا غير استاذ لازم يبرز شخصيته
بس والله اخوچ حقنة
اسكتي الفاهية
احترررمي نفسچ لا نتزاعل.
ضحكنا اثنينه وبسوالفها غيرتلي جو وبعدها رجعنه مكملين
باقي المحاضرات، خلص الدوام طلعت انتظره يجيني.
بس فاجئني آدم من طبك السيارة ونزل
آدم: هاا زوجة اخي بس كون ما اتأخرت
ريم: لا هسه طلعت بَس ليش أنتَ اجيت
وارث عنده شغلة باجر العقد مالته حددوا
بيها الخير
صعدت وياه، ولد خوالي بحياتي مامتعمقة وياهم بحديث
وفاجئني سؤال آدم خلاني بنص صدمة.
آدم: شوفي ريم أنتَ مو بس بنت عمتنه لا الله شاهد
صرتي اخت غالية علينا حالچ من حال اختي واعتذر على سؤالي بَس لازم اسئلچ
ريم: شكرًا الكلامك، جواب.
حسيته مثل الخجلان شلون يفتح الموضوع بعدها سئل.
آدم: تحبين وارث؟
ريم: شنوو هذا الحچي آدم
مو گتلچ لا تفهميني غلط مجرد سؤال خوية
ما احبه وروح ابوية ما احبه ولا عندي شي اتجاهه
وشوگت لحگت احبه ماصارلي غير كم شهر هنا وإذا
علي قبل أنتَ شاهد جياتي الكم ينعدن على اصابيع ايدي ف ماكو من إلى ابالك.
آدم: الحب من طرف واحد موت الله وكيلچ لا تجربي
ومن اتحسين نفسچ بديتي تنجرفين لهذا الطريق انقذي نفسچ منه.
ريم: شنو مجربه؟ أحسك أي
آدم: اممم
ريم: اااااا، منوو هذهِ
وحدة مادايره عني ولا عن الخلفني
ليش ماتعترفلها
ماتحبني ولا يمي اصلاً واكو اهوايَّ شغلات تمنع أتقرب الها.
ولد خالي طلعوا كلهم واگعين بس ماعندكم حظ
بَس أكرم يفتهم اتزوج بدون حب وخرابيط وجدي اختارها اله
والحمدلله حياته الزوجية ناجحة لأن زينب هم بنت ناس وحبابه
عاد زينب نادرة شخصيتها هنيال أكرم عليها
هسه شنو زوجة اخي الوضع شلونه يمچ.
اله العب اخوك على الحبلين.
سوا نفسه عود عصبي وماراضي على كلامي
احترررمي نفسچ اخوووي هذااا شنوو اتلعبي على الحبلين شنيي قميص
گلناله طلگ لك عيني طلگ ما افتهم خلي يفيده قراره
ضحك يهز براسه درت وجهي للجامه اكيد ما اجه لأن الشغلة
تخص زواجة دام باجر عقدة، إذا ما اطلعلگ گلب ثاني ابو شنوفه.
نزلت للبيت شفتهم كلها مطنكرة عبالك عندهم عزه مو خطوبة
ذبيت جنطتي وملازمي دخلت للمطبخ صبيت اكل إلى ميته جوع دخلت زينب.
زينب: ووولچ زوووجج باچررر خطوبته
ريم: اريد فستان من هذا الفخم اريد اطلع اشگ شگ
هيووو أنتِ عاقلة
بكامل قواي العقلية
دهرر دهرنيي البنيه شخطت
احترررمي نفسچ
كفختني على راسي تحچي محروگ گلبها واني گلبي مثل الجليد
راح تجي على راسچ ضرررره ولچ
هلا بيها دا انشوفها حلوة لا انشوف ذوق الاستاذ وارث
ولچ تخبل تخبل
همزين عاد خطية وحدة من نسوانه شايلة روحها
وشبيچ أنتِ
ملامحي عادية، وناعمة، اكيد هسه هيَّ صاحبة جسم وملامح.
يمةةة راح تموتيني بهذا برودچ
اوووييي عينييي شدعوووة كله وارث شنووفه عليمن اضوج
هزت بايدها وطلعت، الغصة حرگت بلعومي أكلت الي
بالصحن كله غسلته وطلعت، اسمع جدي يگلهم ماتعزمون أحد
بس عائلتنه وعائلة البنيه، چنت واگفة يم المحجر مال الدرج
لازمه ببدايته، كمزت من سمعت شخص ورايَّ يتحمحم درت وچهي شفته ابتعدت.
وارث: ماگدرت اجي دزيتلچ آدم
ريم: مو ذات أهمية، ولو تخلون آدم يوصلني احسن
ليش؟
يوووونس موووو گالب وچهه عبالك اخذنيي غصب
هسه ليش اتصيحين بوية
أشرتله على راسي بكيفي .
عفته واگف ورحت أمشي دخلت وَهج وجها مايتفسر راحت على وارث
وَهج: تگدر تأخذني المكان شغل عميد الدين
وارث: خيرچ خوية
وَهج: لازم احچي وياه
وارث: انطيچ رقمه تخابرينه إذا الموضوع مستعجل
لا لا اني اريد احچي وياه مو اتصال
بَس هناك شغلة كلها زلم شلون اخذچ لو تبقين بين مايرجع.
ما اگدر الله يخليك الموضوع ضروري.
ضل محتار شلون يأخذها گالها خلي اتصل واشوفه خاف ماموجود
طلع يخابره رحتلها وضعها ماعجبني
ريم: شبيچ وَهج ليش وضعچ هيچ مخربط
وَهج: عوفچ مني شلون صرتي أنتِ؟
گدامچ مابيَّ شي
رفعت أيدها اتمسد على خدي
انتبهي النفسچ أمي.
دخل وارث راحت اله تسئل بي
وارث: يگول ممنوع توصل الشغلي هسه اني جاي الها
وَهج: يعني عميد الدين راح يترك شغلة ويجي لهنا
أي
تعبتك ويايَّ
تعبچ راحة خوية، باوعلي ورجع يگلها
علي الأقل أنتِ.
موقف مايستاهل اجه بعينچ مو نفس غيرچ ناكرين المعروف.
ادري بي يقصدني بالكلام، سويت نفسي كلشي ما اسمع
ومتجاهلة الوضعية كلها واباوع بكل شوفة نفس هو عليمن
اسوي هالحركات ما ادري، المهم عندي اقهرره واطلع روحه
بلكي يتراجع بموضوع الطلاگ، راحوا وارث وأمه يشترون الحلقات
ساعة بالكمال ودخل عميد الدين وخطية بملابس الشغل.
عميد الدين: هااا يُباا بيچ شي محتاااجة شيي
وَهج: نگدر نحچي
تعاي.
طلعوا برا بالحديقة، رحت اباوعلهم من شباك المطبخ
والله مو فضول بَس احسهم حلوين ويا بعض
جبت كرسي وگعدت اباوع.
بالبداية چان الحديث هادئ ولو ما اسمع شي منهم بَس
من ملامحهم وحركاتهم، الثواني اتغير كلشي و وَ قبضت
أيدها ضربت على صدرها متخبلة وتبچي
و عميد الدين
يريدها يهدأها يأشرلها تهدأ بَس هيّ متخبلة دخلت امي
بسرعة طفرت من مكاني ضلت تباوعلي بشك طگيتها
سرعة 180 للغرفة ابدل ضل بالي يمهم وشبيها وَهج هيچ حالتها.
باجر جمعة ماكو دوام عندي رحت الصفا گاعدة وحدها
ولابسة سماعات بأذنها يمها سَند إلى ماتعوفه ولا ثانية إذا امه ماموجودة
سحبت منها السماعات رادت تصيح من شافتني ضحكت
صفا: عبالي المُتنمر اجيت اهلهل عليه
ريم: لا تحچين على ابن خالي
صفا: من شوگت نزلت عليچ المحنه
ريم: بالجديد
عدلت گعدتها تباوعلي رافعه حاجبها.
باجر تروحين بالخطوبة
اي
عزززززا عود صدگ
شنو إلى يمنع ما اروح
ما ادري بَس خاف تضوجين
إذا اتريدون اهز خصر هم الهم.
رفعت أيدها حطته على جبيني ومثل إلى تقيس بحرارتي
شو مامصخنه
أحد گال مصخنه
چاا شلون تحچين هيچ
احسكم اهوايَّ بالغتوا، الموضوع عادي عندي.
چذابه بدااخلج راح تمووتيننن راح تطگينن
بعدين ريم انتِ
الوحيدة إلى تعرفين سر هالبنيه ليش ماتحچين الوارث
منطيه كلمة الجدي، ثانياً مثل ماگال جدي خلي بنفسه
يكشف كلشي، لأن صدگيني من راح نحچي ماراح يصدگنا
اتقربت گعدت بصفها حطيت جهازها بأيدها
اكو مسلسل يعني هو قديم بس احبه
شسمه.
بائعة الورد
بحثت باليوتيوب گعدنا اثنينه انشاهدة مندمجين بي
هو يحچي عن بنية فقيرة وتشتغل تبيع ورد چان من مسلسلاتي المفضلة.
مر وقت ورجعوا وارث وأمه مشترين الحلقات وجايبيلي هم وحدة
انطتنياها باجي سلمى لبستها فيت على اصبعي نزعتها
رجعتها بالعلبة مالتها ضميتها، ومشتري ملابس جدد اله
دخلت وَهج إلى ما ادري شصار وياها بعد اخذت ابنها
وطلعت، گضت الليل كله بغرفتها ولا طلعت حتى الاكل أخذته صفا الها.
الثاني يوم بدأت هوسة الخطبة والكل يجهز بنفسه امي ماقبلت اتروح
رحت للبنات يجهزن بنفسهن سحبتني وَهج الوضعها راجع طبيعي
وَهج: أرتب وچهج؟
ريم: لا ما اريد بس ساعديني بلبسي
اخذتني من ايدي وبقت تقلب بملابسي إلى أن طلعت فستان
الي هم أسود لليوم لابسه أسود، مستصعبة اذبه رغم الحزن مو باللبس.
وَهج: شوفي اني خوش احط ميك اب احترافية بهالشغلات
خليني بس أرتب وچهج ما اخلي مبين طبيعي.
ريم: عيب وَهج هسه يگولون ابوها ماصارله اهوايَّ من ميت وجايه ملطخه
منووو إلى يگول اشگ حلگه الچ وهم شعليهم ابوچ لووو ابوهم
كلنا انموت والحزن فاهمينه غلط وگتلچ ما اخلي يبين بس اغطي ملامحچ التعبانة.
سحبتني من ايدي وراحت طلعت جابت جنطتها
واني مو كلش اعرف بهذهِ السوالف كل ما تطلع شي اسئلها عن اسمه والشنو نستخدمة
هسه هذا شنو
اسمه كونسيلر
شيسوي هذا
يخفي العيوب
أنتِ شلون اتعلمتي.
سهلة الجهاز كلشي يعلمچ من چنت بالخارج محبوسة
واضوج وملل اگعد اطلع شغلات واسوي اكتشافات.
كملتلي باوعت النفسي انبهرت بالنتيجة كلشي طبيعي ولا عبالك حاطه شي
وحتى وچهي صار احسن من قبل اتشكرتها ورحت ابدل
لبست الفستان إلى اختارته إلى وَهج لبست شال وياه
اخذت جنطة وياه، وطلعت الكل مجتمع بَس وَهج وصفا بعدهن ماطالعات
عزام: يله جدي اتأخرنا وينكم
ضحكت على بنت أكرم لازمه أيد سَند إلى طالع يخبل ملبسته وَهج قاط.
أكرم: شبيچ باباتي گتلتي روحچ ندري بي حلو
زينب: تربيتك هذهِ أكرم لا تحچي
غمزلها خلاها تخجل وماترفع عيونها بعد
اموت بالحلوات
خلاها تشرد من المكان كله اتلاشت ضحكتي من شفت وارث
نازل ومجهز نفسه كاشخ كشخة الخطوبة وراه عميد الدين
الي مايقل عنه بالأناقة والكشخة، بلعت ريگ بتوتر.
ويا نزولهم طلعن البنات، طالعات شي ثاني لابسات فوگ
فساتينهن بشتات لأن تجي ضيقة على الجسم بقى عميد الدين صافن بيهن.
رغم هنّ مكياجهن خفيف وبسيط بس منطيهن جمال خاص.
وَهج: نعتذر على التأخير
عزام: يله نتوكل
طلعوا كلهم قبل لا اطلع لزمتني امي
نجاة: لا اتروحين
ريم: خليچ مطمئنه يووم
بست راسها وطلعت وراهم جانوا خوالي الباقين هم موجودين
الشارع انترس بينا خالي سعدون وعائلته وخالي هادي وكوثر واولادها.
اتوزعنا بالسيارات وآدم يمشي ويصيح
آدم: دخيلكككك ربيييي راح انجلططط
عزام: شبيك ولك
جدي بروح ابوك خليني بضيمي.
أسكت الوادم منتظرتنه بالشارع وياهم شيوخ لا تفشلنا
شيوخ نص ردن ذوله.
راح جدي ووياه عميد الدين ووارث وأكرم طلعوا گدامنا
ويا الناس إلى راح يروحون للخطبة المشية مال الزلم
واحنا اتوزعنه اني والبنات بين سيارة آدم وزيد
صعدت ويا وَهج وصفا ويا آدم وزينب ونادية وسلمى ويا زيد
الباقيات نسوان خوالي ولدهن اخذوهن.
صفا: اني ماحابه اروح لا عبالكم مرتاحة
آدم: چااا هذا ماتريدين تروحين وهيچ لاعبه بروحچ لو حابه شتسوين.
صفا: هم حچه المُتنمر
آدم: ام خشه
وَهج: عليكم الله اسكتوا
رحيق وسَند بالگدام يكمزون وهو حتى ممشتغل لا اغاني ولا شي.
شغل آدم مولود مو اغنية ورحيق ذبت لحم الراگوصه
بس دگلها الخشبة بعد ماتلزم، وهوَ يطك اصبع ويگلها
آدم: اي اي بعد عمچ
صفا اتصور بيهم وَهج تباوعلهم تضحك آدم يدندن ويا المولود.
غيرة يا عباس راية يانوماس
بيك تزهي المرجلة، هسه تشهد كربلة
بيك تزهي المرجلة بگد الزلم
رايتك زلمة وخذت منك عزم.
أنتَ أية عاطفة بيك منبوع الوفه
وجودك ماينقاس، رايةةة ياعباس غيرة يانوماس
صفا: عززززا اتموووووت هالقصيدة
ضلوا الطريق كله يركصون عليها لحد ماوصلنه البيت البنيه طفاها آدم
نزلنا والزلم ترست الشارع أهلها استقبلونه
آدم: راسچن بالگاع لا ترفعنه بسررعة أدخلن
صفا: يعني شنو نخلي روسنه بقنادرنه
آدم: خررررب ادخلللننن شوووفن الزلم.
جرتها وَهج ودخلنا اتفاجئنا بكمية الناس الموجودة.
ببيت البنيه بحيث ما الك محط رجل وكوثر ومرت سعدون
عجن الدنيا بالهلاهل وادري بكوثر عناد بيَّ اتسوي هيچ
رحبوا بينا أهلها ذاك الترحيب إلى ينحچي بي نزعن البنات البشتات
وَهج صاحبة طول وجسمها مفصل بالفستان شعرها كيرلي
بطريقة حلوة مو أور وصفا هم ماتقل عنها بجمالها.
ثواني دخلت البنيه إلى راح يعقد عليها وارث بقيت صافنه
بجمالها بالأحرى اني والبنات كلنا صفنه بيها
صفا: هسه عرفت وارث ليش راد ينتحر شووف جمالها.
وَهج: احم. وإذا كل شخص جميل بطريقة تميزه عن غيرة لا تعظمن كلشي
شفتها گرصت صفا وأشرتلها عليَّ گعدت بالمكان إلى مجهزي الها والوارث.
بعيد عن كلشي البنيه چانت بقمة الجمال شنو جسم شنو ملامح
قدموا ضيافة النا ما گدرت اكل شي بعدها فززوا گلبي من گالوا راح يعقدون
اخذتها امها واختها لأن تشبها وطلعت ام وارث وياهن
احس النفس ضاگ بصدري وزينب تتحرگن من القهر
زينب: هاچ ماي راح تموتين يحظي.
شربتني وجسمي ما ادري شصار بي كب نار حتى النسوان بقن يباوعلي.
اجت وحدة من طرف العروس تباوعلي بأستغراب
سئلت البنات إذا بيَّ شي والبنات سدن السالفة
ورا دقائق
اعتلت الهلاهل بالبيت يعني عقدوا صارت مرته طفرت دمعة مني
مسحت دمعتي لا احد يحس بشي ابتسمت من دخلوا العروس
والهلاهل اشتغلت بقيت بمكاني گاعدة شويَّ ودخل وارث
ماتحملت طلعت من المكان كله وگفت بنص ساحة بيتهم أيدي على گلبي واحچي ويا نفسي.
اهدئي ريم هوو مو الچ ومن البداية چان واضح وياچ
لا اتسوين هيچ لااا اتدمرررين نفسچ سمعت صوت وَهج ورايَّ
وَهج: ريم
حضنتها اناشغ
مو گنالج لا تجين أنتِ عاندتي
نار بگلبي
نرجع للبيت؟
لا لا
ابتعدت عنها، اكو مغسلة غسلت بيها ورجعت دخلت جوا
ويا دخولي باسها براسها لازم أيدها والفرحة بعيونه وينظرلها بكل حُب وهيام.
وَهج.
الوضع چان صعب من جهه وارث إلى لازم ايد الإنسانة إلى يحبها.
ومن جهه ريم إلى ما ادري حيرتني بوضعها ماصدگنا تخلص
الحفلة ونرجع للبيت، عيونها ما انشالت عنهم مانگدر نلوم وارث
ولا نگدر نلوم ريم تحتار ويامن توگف الاغاني معتليه المكان
خلصت الحفلة بالويلاه وگلبي خايف عليها لا تتخربط مثل اخر مرة.
رجعنا للبيت طول الطريق مانطقت بحرف بس وصلنه
للبيت دخلت جوا بعد ما طلعت بس إلى صار بعدين فاجئ الكل
لليل ابو البنيه إلى خاطبها وارث خابر يرعد رعد بالكلام.
وجدي ساكت يسمع اله، اثاري طلعت بنته حاچيتلهم
وارث عاقد عليَّ، وهم رفضوا رفض قاطع تستمر هالخطوبة
إذا يبقى وارث مخليني على ذمته من صدگ هنا وجعني گلبي على وارث.
وارث: بنتهممم مووووافقة هممم شكوووو
عزام: حلها أنتَ
وارث: شنووووو احلهاااا انيييي چااا مووو أنتَ وررررطتنييي بكلشيييي
عزام: سويت إلى عليَّ ورحت خطبتهااا الك چاا شمدرينييي
هممم مايدروووونننن، موووو گلت حليتها بخصوص رررريمممم.
البنيه مووووافقة وهذااا الشيبي اليي يهمنييي
أكرم: نروح نحاچيهم ماقدررونه هايهيه شنوو توگف حياتك على بنيه.
ومر يوم بعد يوم وجر اسبوع كامل جدي وعمامي ووارث
راحو الاهلها مرتين ماقدروهم ولا اقتنعوا وواحد من عمامها
متجاوز بكلامه ويا جدي ورجع جدي متخبل منهم
عزام: هااييييييي البنيه بعدددد لوووو يصوغوهااا
بذذهببببب ماتدخلللل بيتييييي ولااا اررريدهااا
واتريددد انتحررررر طبككككك مررررضضض أنتَ الييي تخسررر.
ووولك اناااا حجييييي عزززززام واحدد زعطوووط يكمزوز عليَّ
ولك انا الوادم تهابنييييي وررجااال بخييتتت هيچ يصيرررر وياي.
گعد وارث ضايع أيده على راسه ضايع
وارث: لااا تگلووليي عوووفها
عميد الدين: ولك هم سادة اخذنالهم وشيوخ ينحلف براسهم
وما قدروا شلون أتريد تأخذ بنتهمم
ضرب الطبله برجله
وارث: وهيييييي شعليهااااا إذا اهلهااا مايقدروووون
كافيييي لهنااا، هايهيههه خلووونييي اطلگ رريممم وينتهي كلشيي.
عزام: افصم راسك عن جسمك إذا اتسويهاا.
هادي: بوية چا إذا هو مايريدها شني تجبره
رفع جدي عكازته بوچهه
عزام: اخرررر واحد يحچي أنتَ، هذوووله اولادي مووو اولادك
انا الربيتتتتت وتعبتتتت بيهممم ديربالك تحچي يااا هادي
سكت عمي هادي وعاف المكان وطلع ضايج من أسلوب جدي وياه
ورجعت مرت ايام ووارث يروح هوَ وأبوه وعمي سعدون
يحچون وياهم ونفس الكلام قافلين أما يطلگ ريم ويتزوج بنتهم.
أما يطلگ بنتهم وينتهي كلشي، جدي رفض رفض قاطع يرجع يروح الهم
ريم مانسمع الها اي صوت تجي من دوامها تعتكف وحدها تدرس
وبَس بوقت الاكل تطلع تاكل وترجع.
دخلت للمكتب راسي يريد ينفجر من الضغط ذبيت الملف
الي بايدي لازمه راسي رفعته من انفتح الباب دخل ابوي سد الباب وراه
گعد مقابيلي بكل جبروت وخلاني افقد عقلي بكلامه.
أشرف: بشار يريد ايشوف ابنه
وَهج: بيا حق
أشرف: أبوه مثل ما أنتِ أمه
لااا تقارن بينيييي وبينه بابا.
ترا بشار ماراضي عن إسقاط القضية إلى صارت بَس أبوه جبره
شدخلنييي انييي شدخلنيييي بينههه اتفاق موووو مشكلتييي الباقيي.
گام من مكانه هجم عليَّ لزم شعري من وره الحجاب
صوتچ لاااا تعلينههه گدااميييي لااا ادوووسچ دووووس
مااا ايشووووفه لووو تطلععع عيوووونه
اخليهمم يرجعوووون يفتحووون القضية وتدريننن بيهم
بكل سهوووولة ياخذووون أبنچ منچ
دفعني وگعت على الكرسي انضرب جبيني بالحافه.
صرخت بألم أحس شاغت روحي من الوجع اندفر الباب مال المكتب.
اتجحظت عيوني من شفته عميد الدين وزع نظراته عليَّ
لزم ابوي دفعه على الحااايط رفع أيده يريددد يضررربه بس أتمالك نفسه
عميد الدين: أشرررف اهوايَّ لعبتتتتت
أشرف: رجعت دخلت نفسك بشي مايخصك
عميد الدين: انا الله خلقني علمود ادخل نفسي بالمايخصنييي
أشرف: شررايدد؟
رايد اكسررر راسك أنتَ واليييي وررراك
لا تلعب بالنار عميد الدين.
النار هذهِ راح تحرگك ااالكككك وبسسس وهسسه عميد الدين
رجع وراااح يشووووفكم النارر الحقيقية
ابتعد عنه ودخل عيسى بدون اي مقدمات وجه ضررربة
العميد الدين صارت فوگ من حاجبه نزف گوم عميد الدين
رجع الضربة ضربتين ال عيسى گام عيسى هم ضرربة وصاروا
واحد يضرررب بالثانييي اتمالخوووا بينهم
ابوي يصيح وهم فاقدين دخلوا الأمن مال الشركة
بعدوهم عن بعض وواحد يهدد بالثانييي.
عميد الدين: خاايبببب ويااامن ورررطت رووحكك وياااامننننن
عيسى: شوفني عرض أكتافك بررررا
باوع عميد الدين يريد شي دفع الأمن وركض على الكرسي
شمرة على عيسى ورجع نام فوگاه ودگ ضرررب يريدون
يرفعووونه منه مايگدررون خررردلهم تخرردل
وَهج: عميد الدين فدووة كاافيييي.
من سمع صوتي باوعلي بنظرات اتخوف من يمي خفت منه
دفعهم عنه وطلع من الشركة طلعوا الأمن راد يهجم عليا عيسى وگف بالنص ابوي مانعه.
عيسى: ال أنتَ گتيله يجييييي موووو اليوووم اشررررب من دمچ
وَهج: انجب لك انجب صايرلييي رجال بيك خيرر
موو ضرربك وسحلك بنص شررركتك چان بررزت روحك عليّ
واحددد ماگدرتووووله والله يا الله وجاي هسه تستسبع يمييي دوووولييييي.
اخذت جنطتي وطلعت من الشركة خليت السائق يرجعني للبيت
وصلني شفت شذى بالمطبخ ذبيت الجنطه بالغرفة ورجعت الها
دخلت بهدوء واگفه تسوي النفسها زقوم عصير
شذى: هاا راجعه من وگت
وَهج: من اشتياقي الچ.
رفعت حاجبها مامقتنعه بكلامي ابتسمت تستهزأ.
من شوگت صايرة تشتاقيلي
من يوم إلى حرگتي ابني بي اشتياقي زاد الچ
اتخربط وضعها وگع منها الكلاص
شنووووو
بدون تمثيل اني اعرف أنتِ إلى حرگتي سَند.
موو اني شجابنييي يم سَند نادية إلى چانت تحمي بال مي
شذااهن مامليتيي من التمثيل
رحت للسنك فتحت ال ماي الحار واحچي وياها وهيّ عيونها على الماي
مو كل شغلة اتصير تذبينها براسي وَهج زودتيها
اليوم نصفي الحساب بينا.
رادت تشرد ركضت گدامها قفلت الباب مال المطبخ
اتخبلتي؟ وَهج
من زمان مخبلة منو گالچ عاقلة اني.
دفعتها مرجعتها والخوف اعتلى ملامحها
وَهج: شوفي اني ما راح أذيچ بس أنتِ إلى راح تأذين نفسچ
اخذت ال ماي الحار حطيته گدامها دفعتها مگعدتها
سحبت السچينه قيدتها بيها من خليتها على رگبتها هدفي اخوفها
ابني شسوووالچ هاااا؟
مووووانييي گتلچ
حديت لسچينه بمنطقة رگبتها صرخت صرخة رجت البيت بيها.
و على أثرها صاروا يدگون بباب المطبخ يريدون افتحه.
باجي نادية: شبيچ شذى
شذى: و وَهج اتررريد تموووتنييي
وَهج: چذابةةة
نزلت راسي اهمس بصوت خافت تجنبًا لا ايسمعون
إذا هسه ما اتسوين إلى اريدة فضيحتچ اليوم كلها تعرفهاا
ياا فضيحةة شتحچين أنتِ؟
باجي نادية: وَهج لااا تتخبليننن افتحييي الباب
وَهج: لااا تدخليننن باجي
رجعت اكمل ويا شذى غمزتلها
اي ست شذى شلونها العلاقة بينچ أنتِ وعيسى
وجها انقلب اصفر من سؤالي
ما فهمت.
لا فاهمتني بس تستغبين، بس راح احچي بلغة امثالچ
شبيچ أنتِ شتخرررطيننننن
اممم الظاهر ابوي مامكفيچ رحتي الابنه
شگد ضجت من نفسي من حچيت بالطريقة المقرفة
بَس انجبرت علمود اوصللها الفكرة.
شذى: مافهمت شدا تحچين
وَهج: لا هيچ صارت ماسخه مو حچينا بلغة القذارة مالتچ معقولة مافهمتي
شذى: تلفيق منچ هذا اتريدين اتسوين كلشي بس علمود ابوچ تخرب علاقته بيَّ
وَهج: فددد قندرة مهمة بحياتي انتم واهتم الكم، عندي دليل.
شفتچ ويا عيسى، تذكرين من كم ليلة من رحتيله الغرفته لوو اتحبين اذكرج.
بلعت ريگها بتوتر، ابتعدت عنها گعدت گبالها وهم بعدهم مستمرين يدگون بالباب
عندي دليل لا عبالچ حچي فارغ
گمت من مكاني قبل لا افتح الباب گتلها
وَهج: انتظريني بغرفتچ هسه جاييتچ
فتحت الباب والكل واگف جدي ونادية وسلمى والبنات
عزام: شبيچ جدددي شكووو قافلة الباب.
طلعت متجاهلتهم ماحچيت وياهم بعده گلبي شايل بخاطرة منهم.
دخلت للغرفة فتحت جنطتي طلعت جهازي
ودخلت
علي الفيديو إلى بي قذارتهم، بذاك اليوم شكيت بيها
راح اتروحله وخططنا اني وصفا لازم يصير عندنا دليل ضدهم
لأن مستحيل إذا بيوم حچينا راح يصدگون بينا
بوقتها ذبيت جهازي سايلنت واظطريت ابقي للصبح بغرفته
بعد ماخليته بمكان أمن مايگدرون يشوفونه أو يحسون بي.
وصورلي كلشي أريده الثاني يوم اخذت الجهاز
واحتفظت بالفيديو لعدة نسخ ممكن كلشي يصير.
صعدت الها شفتها بغرفتها صاعدة أتريد اتمووت من خووفها
حطيته گدامها وجها انطعن وهيَّ اتشوف قذارتها
وهسه اتأكدتي وَهج ماتحچي شي اذا ما دليلها بأيدها
شرايدة مني
اني راح انزل انتظر نص ساعة واريد اسمع صوتچ المفرفح
مثل صوت ابني الفرفح بذاك اليوم.
ما فهمت
تحرگين نفسچ مثل ما ابنييي حرررگتي لا وداعت عيووون سَند
هذا الفيديو يوصل الحجي أشرف وهم يعرف شيصرف وياچ أنتِ وابنه
مستحيل شلوووون احرگ نفسيي.
برراحتچ اني نازلة، الچ نص ساعة ثقي واعتقدي
كلامي وتهديدي مو فارغ لأن ببساطة
وَهج أفعال مو فقط كلام .
عفتها ونزلت جوا والكل يسئل شصاير مانطيت جواب الأحد
گعدت يمهم ووارث گاعد يقنع بجدي علمود سالفته
عيوني على الساعة، انتظرها ماكملت حتى النص ساعة
واسمع صوتها رج البيت رج عضيت شفتي اخفي ابتسامتي
كلهم راحوا الها يركضون بقيت گاعدة بمكاني دخلت صفا
تهز بخصرها على الصامت لأن من حچيتلها عن عيسى وشذى.
اخذتلها ايام يله استوعبت كلامي وصدگته.
صفا: هههههههههه يمةةة بطنيييي صلختت رووحهااا مثل ماصلختتتت سَند
باوعت للباب لا احد يسمع شي
وَهج: صوتچ
اجت تبوس براسي وبخدودي عبالك ربحانة فد جائزة ثمينة
تستاهلينن البووووسات مووو البوووسة وحق الله
ولچ اگعدي لا يجون ويشوفونه
طلع وارث وباجي نادية اخذوها للمستشفى هسه ارتاح گلبي من اخذت حق ابني منها.
لليل رجعوا لافين أيدها ومعالجينها وأبوي وعيسى گتلوا.
روحهم علمود يعرفون شلون هيچ صار وياها
عيسى: منوووو سوووا هيچ وياچ بسس احچييي
باوعتلي بنظرات مغلفه بحقد وداخلها خوف
شذى: اني اني بدون ما انتبه چنت اسوي اكل الي
أشرف: وليششش أنتِ اتسوووين
عزام: أحد گلك عندنه خدم هنا.
دخل زيد ملامحه ماتتفسر أتقرب ال جدي
زيد: جدي اكو ناس برا يريدونك أنتَ وعمي أشرف
عزام: ياهم ذووله الناس
باوعلي زيد وگال
زيد: يگول اني ابو سَند.
طلعوا الكل جدي وأبوي وعيسى والولد بس عميد الدين ماموجود.
استوطن القلق داخلي ليش هذا جاي هنا طلعت
مديت راسي من الباب وإذا اشوف أكثر من سيارة
صفت بالباب الرئيسي، باب الشارع مفتوح على كبره
بدوا يدخلوا وياهم ناس كلهم من طبقتهم العالية
رجعت للداخل سحبت جهازي ارجف ادور رقمه عيوني أنعمت
وجسمي يرجف مثل السعفه خايفة لا ابوي يرجع يغدر بيَّ
اتصلت أريده بس يجاوبنييي وينككك جاوووب الله يخليك فتح خط.
وَهج: اجووووا عميددد الديننن راح ياخذوون ابنييي منيييي الحگنيييي
عميد الدين: جايج.
سديته منه لزمتني صفا أتريدني الزم نفسي
ريم إلى صايرة
نادرًا اشوفها دخلت مجرد شافت حالتي ركضت تصبلي ماي
ريم: لا تخافين هسه العُمدة يحلهاا
ماكو دقائق والأصوات اتعالت يمكن چان قريب من البيت
طلعت وگفت قريبة من الديوان مالت بيت جدي واسمع الكلامهم.
بشار: يا عالم ابني من حقي أشوووفة.
عميد الدين: من أمه تسمح بهذا الشي عود بذيچ الساعة اتشووفة
وأنتَ منوووو
تاااج راسك حَبيبي.
عزام: شنوو هل المهززلةةة
سمعت صوت الباشا أتدخل بالحديث
الباشا: حجي عزام أنتَ رجال خير وماترضى بالظلم
حفيدنا من سنين ماشايفينه وهسه رايدين انشوفه ماجايين نأخذه
لأن الطفل بهذا العمر اكيد محتاج أمه
عزام: القرار بيد أمه
الباشا: بَس وَهج رافضه ابني ايشوف أبنه
عاط بشار ويحچي بنبرة تهديد.
بشار: لاااا تخلووونييي اتصررف غيررر تصرررف.
ماتحملت عدلت حجابي باوعت النفسي ملابسي مابيهن شي
سحبت نفس بعمق، يمكن ماراح يقبلون على تصرفي بس ابني بحياتي خط احمر
فتحت الباب مال الديوان ودخلت الكل أنظاره أتوجهت إلي.
اجاني عميد الدين ثاير بغضبه كز على أسنانه
شتسوين هنا ماتشوووفين هالزلم
علساس من نطلع اتشوفنه نسوان شنو هالعقليات
أتقدمت لگدام جدي مبين ماراضي على هذا دخولي.
بَس سكت والولد نفس الحالة يمكن الشي الوحيد إلى لاحظته هنا
لا جدي ولا ولد عمي هادي عندهم مصطلح تقليل احترام
من المرأة ولا عندهم هذا يصير وهذا مايصير بس أكو شغلات عندهم ممنوعة لمصلحة الشخص.
وَهج: أخليك اتشوف أبنك بشرط وهذا الشرط إذا مانفذته بأحلامك اتشووفة
بشار: شرط شنو
توقع تعهد وگدام الكل أبني ماتتقربله فقط بأذن مني
ماا اووووقع شييي، بَس ابقي ابنچ يمچ بحالة وحدة واعتبري اتفاق بينا
شنو؟
وجه نظراته على الكل واتقرب إلى يباوع بنص باطن عيوني
إذا اتريدين ابنچ يبقى يمچ عندچ خيارين
أما ترجعين إلى أما.
أما شنو؟
أما تبقين طول عمرچ ماتتزوجين وإذا بيوم قررتي تتزوجين ابني يرجع إلي.
بقيت ساكتة وصافنة بكلامه، اني من اطلگت منه لليوم
ما فكرت بيوم اتزوج شخص انطيت عمري فداء الابني
مشاعري هنا اتلخبطت بين القلق والخوف والمصائب المجهولة المنتظرتني.
بَس شلون لو هسه عرفوا الصدمة الكبرى والسر إلى ضامته كل هل الفترة
الي هوَ زواجي من عميد الدين بالسر .