رواية وقار الغريب للكاتبة حوراء السعيدي الفصل التاسع والعشرون
اسراء.
من نطق كلامه بأعترافه خلاني بنص صدمتي اجاه اتصال ما أدري
منين عافني وطلع سريع، مسحت وچهي بأيديَّ دخلت الحجيه أمل
وبلسم أخت ظافر بعدها مارايحه طلع ظافر من البيت وهيَّ وگفتلي يم الباب
بلسم: أرتاحيتي هسه بسببج أخوي يطردني.
سكتت عنها ماعندي طاقة للكلام بقت تحچي وتحچي حد ماتعبت
بالساعات واجه رجلها أخذها مارديت عليها بحرف مو خوفاً منها.
بَس التعب إلى بيَّ وطاقتي إلى مستنزفتها وصلتني المرحلة ما إلى خلك أرد على أحد.
دخلت حجية امل بملامح خجل تباوعلي
امل: لا تزعلين جدة مالچ شغل بيها هاي بيها طفكه زايدة
اسراء: بَس هيَّ جانت زينة ليش أتغيرت هسه
امل: ختولي مالج شغل گتلج والله ذنيج خطواتها شحلاتهن ومايدخلن بس هاي عبن مدلله.
هزيت براسي وعقلي بي تساؤلات اهوايَّ دخلت للغرفة
گعدت بيها جابت اكل الحجيه جبرتني اكل أكلت قليل.
ما حبيت اريدها وهيَّ گايمتلي گومه ومامقصرة
ما خليت عقلي ينشغل بكلام ظافر أفكاري چلانت غير عن إلى أباله
يمكن يريد يجرني الشي أو مستعطفني وحچه ذاك الكلام.
مرت ايام ما اطلع من الغرفة إلا من الولد يطلعون
وظافر بعد ما وصل إلى بس أسمعه يسئل بالحجيه
عني وياخذ اخباري منها، بقيت مُستمرة على هذا الوضع
حد ما مليت من حالتي تعبت، تعبت نفسياً الدرجة الليل
كله اگضي ابچي وأعذب بنفسي وما ارتاح مثل النار بگلبي.
حد ما بيوم بالليل نفس حالتي مليت وحدي والحجية تنام من وگت
طلعت برا شفت سياراتهم موجودة اثنينهم اكو بلوكه يم الحايط
گعدت عليها جروح ايديَّ بعدهن ماملتئمات كلش رفعت راسي
للسماء، النجوم طالعة وضوء الطيارة إلى أتصير بالسماء
مثل اليرمش صغير مثل النجوم، نسمات هواء باردة هادئة نزلت دموعي بهدوء ويا.
هسه اني شنو حياتي؟ أخواني وماتوا، أمي ذبتني
ولا درت عني بعد ولا سئلت، گاعدة يم ناس ما أعرفهم.
ولا أعرف أي شي عنهم، شنو نهايتي بهالدنيا بقيت وحيدة.
سمعت أحد يتحمحم رفعت راسي شفته ظافر فتح باب سيارته
گعد بيها گبالي سحب باكيت جكاير أخذ منه وحدة و ورثها
ظافر: گاعدة هين اليوم
اسراء: لازم هم واحد ما ايصير يگعد وحدة
ظافر: يواش يواش
اسراء: هوش أحسن.
رفع راسه يضحك مسحت دموعي بظهر كف أيدي
ومثل المسودنه أبتسمت ويا ضحكته، رجع يتحرش
بالكلام ادري بي يريدني احچي ما ابقى ساكتة.
ظافر: دحگي هين شرأيج نطلع نفتر.
اسراء: هسه إلى يسمعك يگول گاعدين بنص الاسطنبول وتفرفرني بالشوارع.
عجل الاسطنبول من بعدها اخذج الها يولي
اگلك تدري احنه هاي كلمة يولي نگولها لواحد شلون افهمك مثل إلى خيووولي
دحگي يالعثرة
منو عثر؟
هههههههههه صماخج
ايا ابو صماخ ما غيرك عنده صماخ بكبر صماخ الجاموسه.
مهبوله.
طلع حازم باوعلنه هز بأيده، فتح الباب وطلع راح وراه ظافر سده ورجع
الساعة متأخرة وين رايح بهذا الوقت ما أدري
اسراء: شبيه هذا اخوك.
ظافر: لا يچه روحه مفجع
يعني شنو
اگعد أترجم الحضرتج
مشكلتك أحد گالك ترطن عليَّ أنباري واني عمري كله ماطالعة من البصرة.
سحب نفس مصاحبه حسرة
ليش امچ ماچانت تطلعكم
موزين چانت تخليني أداوم.
نزلت راسي ودموعي اخذت مسارها واني أتذكر عيشتي وياها.
احچيلي شلون چنتي عايشة وياها.
رفعت انظاري اله
ليش أتريد تعرف؟
يولي حتى ضحكتج چذبية، افهم الشخص إلى ضحكتو صدك لو چذب
ظافر
هاا يالعثرة
اني شنو نهايتي وياك؟
النهاية إلى أنتِ تخطيها واجبي أنفذها.
صفنت بعيونه نظراته ألي نظرات ماشايفتها قبل من أحد نزلت عيوني للأرض
يعني أنتَ هسه من أشتريتني إذا أريد اروح منا لازم ترجع فلوسك علمود أصير حُره
وين أتريدين أتروحين
ما أدري، ارض الله واسعة.
اتركينه من هالسالفة وسولفيلي عن حياتج قبل
حشاك إلى أسمها أمي ذبت أصيل وأسامة وهم أعمارهم
ماتتجاوز السنتين بأيدي، جنت بعدني صغيرة ما أعرف لهالشغلات.
شلون الشخص يعتني بطفل حتى من يبچون اگعد أبچي وياهم
ما أعرف شلون أسكتهم، وداوم بالمدرسة اني والله شاطرة
بس ظروفي چانت أقوى مني صرت اجيب النجاح بطلاع الروح إلى يهمني اشوف بالشهادة كلمة ناجحة.
من تطلع تبقون وحدكم؟
قبل لا يموت أبوي چان هوَ يمنه بس من مات صرنه
نبقى وحدنا هيَّ تطلع الأيام يله ترجع.
اگفي يعني تبقون وحدكم بالبيت.
هزيت براسي ودموعي شلال تنزل
اي
حسبي الله ونعم الوكيل كملي.
ما يحتاج اطولها عليك، خلتني اني إلى اربيهم واني طفلة
كل شغل البيت لازم اسراء إلى تقوم بي
تهدد بكل
مرة إذا ما أنجح تبطلني من المدرسة
ليش من جنتي ترجعين من المدرسة تبچين
لأن چانت ماتنطي اخواني اكل إلا أني ارجع اطبخ واوكل
لو هيَّ ماموجودة ويبقون وحدهم مرات أنجبر اغيب علمودهم.
ما چنتي تعرفين وين أتروح
لا والله واخاف اسئل وانضرب لأن بس تضوج تذب
حرگتها بيَّ وتضل تدعي علينا وتضرب حد ما نجحت من السادس اعدادي.
كالت بعد ما اتداومين حاولت وحاولت وصلت مرحلة حتى أتوسل بيها اكمل ماقبلت.
أباوعله فرك صدره ويسحب بالنفس
اسراء: شبيك ظافر؟
ظافر: يولي ضيمج ضيم
شوف والله حتى أسلوبي مو من وحدي اني ما أحبه بس مو بيدي
ما اقصد أتجاوز ويبقى صوتي عالي على الرايح والجاي
بَس البيئه إلى عشت بيها ما جانت نظيفة امي كله تغلط وتسب
وتحچي كلام موزين، ومن باعتنا يم مأمون شفت الانكس
واگضي نهاري بالشارع أجدي، وأكثر من مرة تعرضت للتحرش.
من إلى بالشارع وصوتي العالي والساني چانن سلاحي.
ظافر: ماكو شخص يتصرف من حالو لازم اكو شي وراه.
شهگت بدموعي رفعت أيدي ساده حلگي حچيت من بين دموعي
اسراء: حلمي أعيش مثل أي بنيه عايشة حياتها بين عائلتها
حلمي عندي أم تخاف عليَّ من اضوج لو من ابچي وانقهر تسئلني شبيچ
أب يدللني مثل كل اب يدلل بناته كلشي ماشفت
أبوي چان زين ويايَّ وهوَ أصلاً مايگدر ايسوي شي وامي بس تعير بي.
لأن تصرف عليه وعلينا بس والله هوَ معاق شلون يشتغل ما يگدر.
نزل من سيارته كرفص مقابيلي گعد ذب الجكارة
ظافر: يولي كافي تنزلين دموعچ على هالچلبه البربوك
اسراء: اريد اعرف شصار بذاك اليوم ومأمون گتل اخوووواني
نعرف قابل مانعرف انطيني وگت هيَّ هسه ضامه راسها
وحتى مكانها الچان معروف تركته إلا ماتلزم.
نهضت من مكاني من شفته يريد يلزم أيدي مسحت وچهي بأرتباك
اني رايحة انام
يولي ليش تتهربين مني صارلچ فترة.
عضيت شفتي بقهر
أبتعد عني
أنكتمي و روحي نامي الحچي وياج ضايع.
عفته بمكانه دخلت جوا للبيت كبل للغرفة قفلت الباب
بقيت أفتر بالغرفة واكل بأظافري شيريد مني هذا يمكن يچذب
وچذاب مايحبني وين اكو واحد مثله يحب وحدة مثلي هم امها
موزينة ومجداية ولسانها طويل وماتحترم أي أي اكيد يچذب وأباله غاية.
الثاني اليوم طلعت اتخنس بمشيتي كمزني ابو عضلات المنفوخة من وره
حازم: هااااا شوووو تتخنسين.
حطيت أيدي على گلبي هبطني درت عليه
اسراء: شبيكككك
حازم: هههههههه كمزتي
اسراء: المسودن ابو عضلات المنفوخة
احسن من عيونج المكبسلة
ديلا مكبسلة ولا منفوخات
جيره بفرگچ
بفرگك أحسن نوب ضابط فوگاها وينك وين السلك العسكري
أنتَ اهوايَّ عليك تشتغل بعربانه بالتقاطع.
حط ايديَّ على اذاناته بأنزعاج وصاح وهوَ يمشي
وووولكم هاااي منين تطفى طفووها خرب بروحج مووو السان.
دخلت للمطبخ شفت جدة امل تسوي ريوك صبحت عليها.
واكيد مثل عادتها تتلگاني بابتسامة بشوشه مثلها
امل: هم تمالختوا
اسراء: احفادج يتحرشون بيَّ واني فقيرة تدرين بعد.
ضحكت ابتسمت الضحكتها ساعدتها بالريوك نقلته للصالة
وظافر بعده ما گاعد جنه بزر نستله عيني يبقون للظهاري
بس والله مو من عادته يبقى نايم گعدنا وحازم گال
حازم: عجل وين ظافر
امل: نايم بعده
حازم: مو مو عادته، رايح أشوفه.
گام من مكانه راحله أيشوفه بقينه ننتظرهم شويَّ ورجع.
حازم وحدة گعد يباوعلي ومقلص عيونه ناحيتي
ام السان خاف أنتِ مضوجتو
لا وحگ الله مامسويتله شي ليش شكالك مني؟
هوَ ماحچه شي بس گلت خاف أنتِ عجل شبي مطنكر
اشتريله حلويات ويرضى.
رفع أيده يريد يكفخني وصاحت بي جدة امل
امل: شمالكم تكفخون بيهاا ماتستحون
اسراء: اي والله رزليهم وطيحي صبغهم لأن بس يكفخون
بي عبالك جايبيني هنا علمود أصير مكفخه الهم المايستحون
حازم: يتوورط واحد يحچي كلمة ترديها عشرة شنو من بشر أنتِ.
اسراء: طاووس اخبل فدوة شحلاتني.
صارت شبه إبتسامة على وجهه عافني و بدأ ياكل
بلشنا ناكل، مالي نفس الشي واحاول أتأقلم ويا الوضع
حتى لو ظهرت حزني وتعبي شبيدهم عليَّ قررت كلشي اكتمه
بداخلي وما أظهر الهم أي شي من إلى بداخلي عندي غرفتي وأخذ راحتي بيها.
كمل ريوگه وطلع حازم، ساعدت جدة بالتنظيف
گالت راح تروح للبستان عرضت عليَّ اروح وياها ما رحت
طلعت وحدها بقيت وحدي گاعدة بالمطبخ اجت أبالي فكرة.
أسوي الإخواني ثواب، بس شلون اني ماعندي فلوس
وما اگدر اتصرف من وحدي هنا بالنهاية هذا مو بيتي أنقهرت
من شفت نفسي حتى ثواب ما اگدر اثوب الهم.
دخل ظافر للمطبخ يمسح بعيونه مغسل وچهه والمنشفه بأيده من شافني رفع حاجبه
ظافر: صباح الخير
اسراء: صباح النور
وين جدة
راحت للبستان
اها، عجل ولو اتعبج بس خدريلي استكان چاي راسي موتني.
هزيت براسي وگفت أسويله چاي هوَ گعد ساكت
بقيت انتظر يخدر مادرت وچهي ولا باوعتله.
ظافر: البارحة مو گلتيلي نجحتي من السادس
اسراء: أي
شگد معدلج
يفشل
شگد؟
اممم 53
شنوو دافرينج دفرات من السادس
موزين مني ونجحت
هم صدك.
تشرب بس چاي؟
أي ما اريد شي.
صبيته اله وحطيته گدامه ردت أطلع من المطبخ صاح ورايَّ
اسراء
هااا
تعاي اگعدي هين گدامي
ليش علمود تنفتح شهيتك.
لا علمود تنسد أكثر
چاا ما اگعد
تجين لو شلون
أنتَ ليش ماتثبت على لهجة وحدة والله دوختني
شوگت أخذ گلبج وادوخج أكثر
كبرررر المايستحيييي
هههههههههه.
عفته وطلعت امداك ابو راس راسه جنه راس الجاموسه
گعدت بالصالة اگلب بالتلفزيون مابي شي ملل وهم هنا
محد يدخل للثاني مثلاً الجيران كلمن عازل نفسه.
طلع من المطبخ راح الغرفته ورجع بايده محفظته
وگف يم الباب طلع منها مبلغ حطه يم الميز إلى بصف الباب.
ظافر: هذا مبلغ الچ وإذا تحتاجين أكثر گولي
اسراء: شسوي بي اكل واشرب ببلاش
ظافر: يجوز بنفسج شي اشتري وگتلج إذا يلزمج شي احچيلي.
رجع الغرفته رحت للميز اخذتهن باوعتلهن اني ما محتاجه شي
غير اسوي الثواب الاخواني، رحت وراه دگيت الباب فتحه
اسراء: أگدر اسوي بيهن إلى أريده؟
ظافر: اكيد
اسراء: أريد أسوي ثواب الاخواني
ظافر: تدللين.
فرحت رجعت للصالة اجت جدة امل حجيتلها وگالت باجر أنسوي
ليلة جمعة يصادف، الثاني يوم انطيت الخمسين اله
راح اتسوگ بيهن ورجع طبخنا اني وياها وجهزنا كلشي.
وأخذه بالسيارة وزعه للبيوت إلى يمهم والزايد گال راح يوزعه للعوائل المحتاجة
هو صح ثواب بسيط بس چان عندي شي جبير گدرت اسوي الهم.
بدأت الايام تمشي إذا يشوفني يشمر عليَّ كم كلمة
لو ارد عليه ونتمالخ بالكلام لو اغلس عنه وبذني الايام
اكو بنيه تجي يدخلون هيَّ وظافر وحازم اباوعلهم يشتغلون
وكدامهم طن اوراق وملفات وحاسبتين ما ادري شيسون.
طلعت البنيه رحت وره حازم
اسراء: منو هاي البنيه
حازم: شعليج.
هسه شبيك احچيلي واروي فضولي
محامية
الله حبيت شخصيتها، بس شتسوي هنا
بعد بعد كثري اسئله
كبرررر النفسيه.
عفته وحدة إلا بيوم من الايام بالليل اريد انام
اندك الباب فتحته چان ظافر استغربت.
اسراء: خير
ظافر: البسي عبايتج وتعاي ورايَّ
اسراء: ليش
ظافر: اكو ناس يريدون ايشوفونچ.
استغربت أكثر من كلامه
ناس؟ منو
سوي مثل ماگتلچ وتعاي.
سديت الباب عدلت حجابي ولبست عبايتي طلعت شفته واگف
أسمع صوت جدة امل تحچي دخلت للصالة شفت بنيه.
عيونها صغار بس لونهن بُني يجنن وگاعد بصفها رجال
صاحب أنف طويل ك السيف وعيونه شهل اندهشت بألوان عيونهم شگد حلوة.
سلمت عليهم والبنيه تحسها متوترة وايديها يرجفن گلت
خاف جوعانه اسويلها اكل، سئلتها ماقبلت وبدأ الكلام بينه حد
ما صدمتني بصورتي إلى چانت بين ايديها والصدمة الكبرى تگلي اني اختهاا.
دخلت بنص صدمتي أستوعب كلامها شنو اختها
نهضت من مكاني وهيَّ وگفت ويايَّ.
اسراء: يمكن مخربطة اني ماعندي اخوات بس اخوان اثنين وماتوا
وَهج: لا لا بس خلي أفهمج
شتفهميني؟
الصورة شوفيها عدل هاي مو مواليدج.
گلبت الصورة مكتوب عليها اسمي ومو اليدي
اي تاريخ ولادتي هذا
شوفي اني اسمي وَهج، أبوي اسمه أشرف.
مجرد ذكرت الاسم توسعت عيوني باوعت الظافر
اسراء: أشرف نفسه إلى امي تشتغل وياه؟
ظافر: اي.
رجعت اباوع للبنيه دموعها متجمعه بعيونها
اسراء: دخت شنو اختج شنو بنت أشرف.
وَهج: اكو ورقة مكتوب عليها كل اسماء أولاده واسمج وصورتج من ضمنهن
اسراء: مو شرط اكون اختج
وَهج: بَس اني عندي احساس اكو شي يربطنا.
اجه ظافر وگف بصفنا يباوع علينا اثنينا اني من الصدمة
صرت بس اصفن، عجزت اوصف شعوري
ظافر: اسراء
رفعت راسي اله
اسراء: هاا
كلام وَهج صحيح انتن أخوات.
هنا مو بس اني دخلت بهول الصدمة الكل حتى الرجال
الي جاي ويا البنيه إلى اسمها وَهج، رد عليه
عميد الدين: ظافر شتحچي؟
ظافر: چان عندي شك بس اتأكدت منه هالفترة إلى فاتت.
ابتعدت عنهم، ما متقبله أي كلام منهم واي حقيقة ظهرت بالوقت الحالي.
وَهج: أباوعلها بهل اللحضة عيونها جمرت ملامحها بهتت
من كلامي وكلام ظافر، أتقربت الها الزمها صدمتني بردت فعلها
من دفعت أيدي، رجعت لوره تهز راسها برفض
اسراء: گتلچ مشتبهه اني أبوي مو مثل ابوچ ولا أمي مثل أمچ
اني عندي اخوان بس اثنين والله ماعندي غيرهم.
رد عليها ظافر يحاچيها عاطت بي بصوت.
رج المكان
ظافر: اسراء لازم تفهمين كلشي
اسراء: كااافييي يووووميااا مطلعلييي شغلةةة والله تعبتتتتت يوميااا مصدوومةة.
بقيت صافنة بيها ومبينه الأذيه بيها والتعب بملامحها
وَهج: على الأقل أسمعي ما رايده منچ شي اني
اسراء: لا ما أسمع شي گتلكم مااا عندي غيرر اخوان اثنين وماتوووا
ظافر: اسسسرررراء.
رفعت عيونها ودموعها تنزل تباوعله بغضب
اسراء: انتم متفقين عليَّ اني شجابني عليكم.
ظافر: استغفرالله بس أسمعي محد رايد شي منچ شي يولي.
سحبتها جدته حضنتها تهدأ بيها وهيَّ اتهسترت
عميد الدين: خوية أسمعي واحنا نسمع وياچ لا تصعبيها الله يخليج
رجعنا گعدنا وجسمي بعده على نفس الرجفه بدأ ظافر يحچي.
ظافر: رائد ابن نادية، عيسى وَهج صفا أولاد حياة، اسراء بنت مها
كلكم تابعين الأشرف ابوكم ومتزوج امهاتكم بالحلال لو مو بالحرام
بَس هو طبعه خايس فترة ويمل مايثبت على وحدة.
نادية چانت ضحية اله و ورطها من شافها صغيرة
حياة وهمها بالحب وأخذها وبعدين شوفها الجحيم
أما مها ام اسراء ف هااي من زمان تشتغل وياه ومتزوجها
خلفت منه اسراء وطلگها بفترة بعدها خلاها تزوج واحد
واكيد هل الواحد يدري ب اسراء مو بنته بس هم چان بالاول الطمع عامي وقبل ب مهاا.
نهضت اسراء من مكانها تصيح
اسراء: لاااا تحچييييي على أبووووي هيچ هوووو ماچااان هيچ.
ظافر: هااي حقيقة محد يگدر ينكرها چان زين وياچ لأن ساده حلگه بفلووسها ويدرري بكل شغلهااا وعلاقتهااا ب أشرف.
نزلت دموعها بغزارة تارسات ملامحها
فدوة ظافر گول هالشي كله غلط أبوي مو هيچ
اسراء أسمعي كلشي، أصيل وأسامة أخوانج بس من امچ مو من أب وأم أنتِ الوحيدة بينهم بنت أشرف.
ضربت على صدرها بكل شوغه
اسراء: هوووو هم خدعنيييي ليششش ليش.
ما أتحملت ابقى بمكاني.
واني اشوفها هيچ مفرفحه رحت عليها لزمت أيدهاا ودموعي تنزل ويا دموعها
دفعتني بكل ما عندها قوة من صدري وگعت لوره لزمني
عميد الدين فاتح عيونه بصدمة من تصرفها
اسراء: وخرررري عنييي موووو اختج انييي.
بلعت ريگ وگلبي دگاته تنبض بكل قوة ليش تتصرف هيچ
اني هم اختهاا، گومني عميد الدين من مكاني
ضاع الكلام مني وكلشي
يعني اني شمسوية بحياتي واخواني هيچ رائد راح برمشة عين.
عيسى يكرهني وعذبني وهسه اختي ما أتريدني نزلت دموعي بخذلان منهم.
وَهج: هايهيه براحتج مو اختج مو اختج إلى أتريدي اسفة
ازعجتج بهذا الوقت انسي كلشي صار اكرر اعتذاري الچ
والله يرحم أخوانج، طلعت اناشغ بدموعي
و گلبي يأذيني
عميد الدين يصيح وظافر يصيحون ورايَّ ما التفتت الهم
صعدت بالسيارة حطيت ايديَّ على وچهي ابچي بصوت عالي انفتح الباب أسمع أصواتهم
ظافر: ام سَند، لا يصير بخاطرج من اسراء تحتاج وقت تتقبل كلشي.
وهيَّ ما صارلها اهوايَّ من فاقدة اخوانها ومن فترة هم
حاولت تنتحر عليها ضغط من كل الجهات.
هويت براسي اشهگ مهضومه
وَهج: هم اخوووواني دائماً هيج محدد يريدنيي كلهم يكرهوني بس صفا تحبني.
ظافر: يولي هالطيرة ماتعرف تكره صدگيني بس نفسيتها تعبانة ومو بعقلها
عميد الدين: ظافر انتَ منين تعرف كل هذا ليش ماعندي علم بي
ظافر: گتلك چان مجرد شك من چنت اجي للعراق كل فترة
أشرف يخليني أراقب مها ام اسراء ومرة اجينا اني وياه.
وصارت كم شغلة خلتني اشك عنده شي وياها وهسه من رجعت هنا
بقيت أدور وأدور حد ماوصلت الشخص يعرف مها زين وحچالي كلشي.
عميد الدين: چا الواضح يُبا ماعندك علم أشرف عنده ولد بعد اسمه قصي.
نزلت ايديَّ عيوني مغوشه بسبب دموعي مسحتهن وركزت بكلامهم
تغيرت ملامح ظافر طبك حواجبه بأستغراب
ظافر: قصي؟ يولي منو قصي هذا، أشرف الشريف حطم الرقم القياسي.
عميد الدين: ما أدري فتحنا الأمانة ومنها عرفنه المحروسة.
الجوا أتصير بنت أشرف ولگينه صورة هم الولد ومكتوب بكفه الصورة
اسمه ومواليده وعيونه مثل عيونه احنا بيت عزام
ظافر: شي غريب منو هذا ليش بحياتي ماسامع
عنه رغم جنت ادري بكلشي عن أشرف
ما ادري ظافر وهسه أشرف شارد شوف وينه
احنا صح نجحنه وخليناه يخسر كلشي بس هو طفر منها
عجل شذى شموقعها؟
وَهج: شذى اختفت من يوم دزيت الأبوي الفيديو إلى يثبت علاقة شذى وعيسى
عميد الدين: سؤال وَهج أبالي ماصحتلي فرصة اسئلج عنه.
هو بيوم ما ابوچ ضرب صفا وطلعتي تسجيل شذى وياها واحد
شلون سجلتنا وهو بالمكالمة؟
وَهج: صفا دخلت بغرفتها بيومها واجه الاتصال
ال شذى وذيج الغبية فاتحة مكبر الصوت لأن چانت أتسوي شغلة
وصفا صورت تصوير بعدين احنا لعبنه بي وحولناه التسجيل واضح.
ضلوا يباوعولي هوَ وظافر بذهول
عميد الدين: صدك لو گالوا كيد النساء
ظافر: يول مو عقل خرب بيومچن.
وَهج: حرامات التعب بي، ابوي رجعها اله.
ظافر: مو محبتاً هاي شذى لازمه شي عليه هل جاي أيسوي مثل ما أتريد.
عميد الدين: مو بعيدة
صعد عميد الدين بمكانه ودع ظافر قبل لا ننطلق حاچيته
وَهج: ظافر أنتبه عليها
ظافر: يولي اني بالدفرات حامي روحي منها مچلوبه هااي.
ابتسمت
أتحملها فترة من تتقبلنا اخذها منا.
رفع حاجبه كأنما ماعجبه كلامي
أشر ال عميد الدين
يولي أخذ مرتك من هين يله ماناقصكم اني.
عميد الدين: بنت عمي الشريف يمك ديربالك عليها واكيد نأخذها منا چا شمبقيها يمكم
ظافر: راح اغلط.
اتحركنا من يم بيته وگلبي عاصرني عصر بس حقها هيَّ هم إلى مرت بي مو شي قليل.
اسراء: طلعوا كلهم، واني مامستوعبه أي شي من إلى گالوا ولا مصدگته
رجع ظافر شافني بعدني على وضعيتي حاضننني جدته تهدأ بيَّ
ظافر: يولي اختچ هااي اكو واحد يرفض أخت مثل ام سَند.
ماجاوبته عفتهم طلعت من يمهم رجعت الغرفتي گعدت.
أعصر براسي عصر بكل قوتي يعني شنو اني بنت هذا
أشرف إلى أمي تشتغل وياه يعني أبوي هم موزين مثل امي.
دگ الباب فتحته
ظافر: اطلعي نحچي شبيجج بس ساجنه روحج بالغرفة
اسراء: عوفني وحدي
انجنيتي يولي؟
أنتَ جاي تضحك عليَّ.
باوعلي من فوگ لجوا وقدم فكه لگدام بتلاعب.
أي وشلون بله اضحك عليچ
بسوالفك يوميا شغلة مطلعلي
أنحب الدراما والاكشن مو بيدينا
الله ياخذك.
ما أحس غير لزم فكي قوي دخلني الداخل الغرفة سد الباب.
دفعني على الكنتور ضاغط على أسنانه
لااا تبقين تچفصين
اكرررهك الله ياخذك ويخلصني منك.
فتح عيونه مصدوم من كلامي إلى ماجنت واعيه عليه
اسرررراء شبيچ؟
لوووو اموووت ما أثق بيك أنتَ هم مثلهم.
عافني وطلع گعدت لازمه فگي القندرة أذاني مو أيد حديد
بقيت گاعدة بمكاني الساعة تقريباً افكر شلون اتخلص من كل هذا
إذا هذيچ المرة أنكلفت هالمرة ما راح الكف وحازم بدوامه
صارله كم يوم مانازل، انتظرت ينامون وأمنت على الآخر.
لبست عبايتي حجابي مانازعته ما اخذت اي شي من أغراضي
طلعت أمشي على كيفي لازمه گلبي لا الزم ما اريد أبقى هنا بعد.
فتحت الباب مال البيت الداخلي طلعت لزمت حذائي بأيديَّ
وصلت للباب الخارجي أستداريت ناحية البيت نزلت دموعي
نظرتله نظرات أخيرة وطلعت، أدري بتصرفي مو صح خصوصاً
طلعتي بهيچ وقت بس مستحيل أگدر أطلع بالنهار وهم حوليّ.
مشيت بالأول على الشارع العام بس اتفاجأت من ناسيه الطريق.
باوعت ورايَّ أبتعدت اهوايَّ عن بيت ظافر باوعت للمكان
كله بساتين قررت ادخل بنصهن بلگي الگالي طريق يدليني.
دخلت بنص البساتين أمشي ظلام دامس محتل المكان
مشيت مُستمرة بخطواتي الداخل البستان صرت بنصه
كلشي ما أندل وماكو ضوء غير قليل واكو لبعيد اضويه محطوطه
مشيت بأتجاه المكان إلى بي أضوية وصلت اله گعدت ابچي
من ضياعي، ابچي بعلو صوتي بلعت ريگ
من صار خيال شخص گدامي.
بلعت العافية وكلشي بخوف، أخاف ارفع راسي الله.
ياخذني على هيچ دگه ناقصة شجعت نفسي ورفعت راسي
غمضت عيوني بنفاذ صبر
اسراء: همممم أنتَ
ظافر: الله لا يوفقج حتى النوم سلبتي
من عيوني وين احطچ بعد وترگدين.
هسه انييي مو اتأكد مطموررر شگعدك شلووون لحگتني
لأن اعرف بسوالفج المكسرة قبل سويتيها استغرب إذا ترجعين ماتسوينها
خوش ارجع البيتكم اني ما اريد ارجع ومن أيصير عندي فلوس ارجعلك فلوسك إلى شتريتني بيهن
صبررررررك يا اللهي.
ظافررر عوفني اني ما اريد أرجع.
شمحذرررج انيييي ياااا غضب
لزمني من أيدي ويمشي بيَّ بنص البساتين أصوات داخلها
كافلة تخلي داخلي يرعُب، بس مع كل هذا ما أستسلمت
سكوته أرعبني أكثر، حاولت أسحب أيدي منه ما گدرت أقوا مني قبضته.
شترررريد منييي عوووفنييي ما اريد ارجع.
ألتفت إلى نص ألتفات ومكمل بالمشي.
مستعجله على موتچ
وگفت ثابته معاندة بمكاني، يحاول يمشي بيَّ بَس ثبتت نفسي اقوا دار خازرني
وووتااالي وووياااچ.
اني ما اصدگ بيك أنتَ أبالك شي شنو هالصدف من فترة تعترفلي تحبني واليوم يطلع عندي اخت واب اكووو شي أبالك.
أتقربت اله أنفاسي العالية تشهد كل نفس اجره شنو وراه عيوني تتحدا عيونه
اسراء: حتى أنتَ ضحكت عليَّ، غشيتني كلكم الزلم نفس الشي
ظافر: لاا تحچين كلام تتندمين عليه.
ضغط على أيدي الثواني نسيت نفسي اني وين وشنو
المنتظرني، غرگت بنظراته، گلبي صار طير حليق وهوَ أيشوفه
ومن هنا أعلنت الحرب
ما بين قلبي وعقلي.
مَن سينتصر في النهاية هذا القلب أم العقل؟
ريم.
وصلني زيد للدوام وارث سحب نفسه من كلشي من يوم إلى أطلگنا
دخلت للجامعة صاحت ورايَّ مثل كل يوم سحبت نفس
و وگفت بمكاني اجت يمي تحچي ويايَّ
سُرى: ليش ما جاي تسمعين مني
ريم: أسمع؟ شنو أسمع اخوچ اجه يدمرني لو ما لطف رب العالمين.
نزلت دموعها انقهرت عليها مابينت هذا الشي بقيت ثابته على موقفي
سُرى: والله هوَ حبچ صدك
ريم: مووو حب هذا مررض يسموه إذا هو مريض.
شخص مثله شلون راح يفهم شنو الحب
سُرى: انتم سجنتوا هسه زين واني منو إلى وماعندي غيره أدمر حتى مستقبله.
هو جابها النفسه
احچي ويا زوجج وجدج يطلعونه والله ندخله مستشفى يتعالج بس لا تبقينه بالسجن راح يدمر
عمامي كم مرة يروحون الجدج بهالفترة وما يقبل بالموضوع
ريم فدوة لا تكسريني هيچ اني ما عندي أحد غيره.
بقيت اباوعلها هيَّ صدك ما عندها أحد غيره أهلها متوفين
وحتى خطوبتها ما صارت لأن امها اتوفت بوقتها.
ريم: ما ادري خليني افكر واحچي ويا اهلي.
عفتها ورحت
اكمل طريقي مشى الدوام طبيعي مثل كل يوم
كل ما أشوفها گلبي يقهرني عليها متبهذله چانت وحقها
وحدتنا إذا ماكو الها أحد تتبهذل وحظها يطيح
كمل الدوام طلعت شفت وارث الجاي هالمرة مو زيد
صعدت وياه بدون ما احچي شي وهوَ هم ساكت
الفترة إلى فاتت خلتني اهوايَّ أراجع نفسي واغلاطي
بس شنو الفائدة خسرنا بعض بسبب اخطائي وشكوكنا
البداية إلى جنت منتظرتها قبل بأيدي حطمتها.
طلعت من أفكاري على صوته
وارث: شلونه دوامج
ريم: زين
هز براسه عيونه بالطريق، وصلنا للبيت قبل لا أنزل فتحت وياه موضوع الدكتور مناف.
ريم: اگدر احچي وياك بموضوع
وارث: أتفضلي
ريم: صار فترة سُرى اخت دكتور مناف تحاول تحجي ويايَّ
بَس اصدها، اليوم ما گدرت وحچيت وياها
اي بوية شتريد منچ.
خفت اكمل بس چان هادئ ويايَّ
طلبت أسحب الشكوى عن الدكتور مناف أتريد تعالج اخوها تگول راح يدمر بالسجن.
بكيفج.
استغربت من ردت فعله الباردة ماتصورته راح يتعامل ويا الموضوع هيچ
بكيفي؟
أي، ذاك جدي وروحي احچيله شي خاص بيچ
تمام شكراً الك لأن انطيتني من وقتك.
نزلت منه مختنگة دخلت للبيت بدلت ملابسي غسلت دخلت
للمطبخ زينب گاعدة توكل ب رحيق والحمل هم لاعب بيها.
زينب: هلا ريمه الغده بس صبي حميته قبل شوي.
هزيت راسي صبيت إلى بصحن گعدت يمها اكل ساكتة باوعتلي.
زينب: شبيچ
ريم: ما بيَّ شي، صح عيد ميلاد رحيق جزه ما گدرتي أتسويلها.
زينب: يله فدوة، خيه هو منين نلحك انسوي من المصايب
ريم: شنو وضع آدم
وضعه سيئ كلش لأن جسمه يريد جرعات وگالب المستشفى گلاب
جسمه أتعود على المخدرات، الله لا يوفق إلى كان السبب
تدرين قبل ما جان أبالي عندي خال اسمه أشرف حتى
من أعد خوالي ما أعده وياهم لأن مشايفته مثلهم ولا حاجيه وياه.
دمر بناته الله لا يوفقه ودمر آدم هسه.
سكتت أفكر شكد چنت بنعمه من ابوي عايش وما بيوم جرحني.
بكلمة لو رفع صوته عليَّ لو يمد أيده ويضربني
دخلت امي باستني براسي
نجاة: شلونه دوامج بنيتي
ريم: مثل كل يوم ماما، خذتي علاجج
نجاة: اي.
دخل وارث للمطبخ صب ماي يشرب بدون
ما يباوعلي
باوع الرحيق ابتسم راح عليها شالها يبوس بيها
وارث: صايرة ماتنشافين عمو مثل هلال العيد انشوفج بالصدف.
ضلت رحيق تباوعله ضربته على كتفه تضحك
رحيق: عمو مو اجيتك الصبح وانطيتني الف ليش تچذب.
اي هسه ذكرت عبالي هم تدورين كرامة وماتخليني أشوفج.
زينب گامت من مكانها ضامه أبتسامتها وامي ساكتة
نجاة: ياا عمه سوده عليَّ شني هذا شيب طالع بشعرك.
من امي گالت هيچ باوعت عليه التقت عيوني بعيونه مانزلت عيوني
رفعت نظراتي على شعره طالع بي و واضح وبلحيته هم.
وارث: اي عمه شيبنا
نجاة: شنيي من كبرك وتشيب
وارث: مو شرط اكو كبار بالعمر بس ماكو شيب عندهم
طبع بوسه قوية بخد رحيق، ذكرته من باسني بخدي.
طلع من المطبخ باوعت الرحيق شو هاي مدتلي السانها تعيب عليَّ.
ريم: عابت هل اللسان شبيچ
رحيق: عمو باسني ويحبني الي
ريم: هههههههه وإذا
رحيق: يحبني.
ضحكت على سوالفها كملت اكل غسلت اخذت ملازمي طلعت
للحديقة ادرس، طلعت صفا لازمه سَند گعدوا بالجهه الثانية صفا تخابر.
كملت اجت يمي
صفا: ما انتبهت عليج أنتِ هنا
ريم: شلون صرتي.
أردفت بغصه مختنگة
صفا: شلوني واني محبوبي جاي يتعذب وفوگاها ما يباوع بوچهي ولا يريدني.
ريم: صفصف لأن بعده مريض بس يتعالج يرجع مثل قبل
والله يا ريم جاي اموت من أتذكر شلون چان وشلون صار
وَهج هنا
لا طلعت ويا رونق وعميد الدين وجدي راح اله للمستشفى
وگال بعد محد يوصله إلا حالته تتحسن.
الله كريم ينحل كلشي أن شاء الله
أن شاء الله، اعوفج ادرسين
راحت گعدت يم سَند، طلعت يمها باجي نادية گعدت يمها
حضنتها وتحچي وياها، تحتار عليمن تنقهر على نفسك لو على مصايب الباقين.
سحبت جهازي دخلت على الانستا اقلب بي من الملل والتعب
خذت ريست من الدراسة مامتابعة بس الولد والبنات وچانت سُرى ولغيتها منها
قررت بعد مستحيل ارجع واصادق أحد بحياتي ما ادري المشكلة مني ما اعرف اختار لو المشكلة بالي اصادقهم.
دخلت على حساب وارث ماحاط شي بس صورتين
منشورات بحسابه، شمرت الجهاز رجعت الدراستي
للمغرب كملت دخل جدي راجع من المستشفى سلمت عليه.
چان تعبان ومقهور على آدم وصفا من تسئلهم يگلولها خليها على الله.
رجعوا عميد الدين و وَهج و رونق ما ادري وين چانوا
دخلوا يم جدي بغرفته يحجون ساعدت زينب بالعشاء
صبيناه ما اكلت لأن العصر اكلت كملوا غسلت المواعين و الكل
النجمه بالصالة مثل العادة عميد الدين طلع
ال آدم باقي يمه بس زيد لأن وارث سكره مامستقر
وجدي طالب منه يرجع للبيت، دخلت بنت أكرم رحيق بأيدها علاگه إلى للغرفة.
رحيق: هااچ عمه
ريم: شنو هذا حبيبتي.
عمو دزها الچ
عمو؟ يا عمو
وارث.
الي اني؟
أي ويگول خلي تاكلهن عندها دراسة.
حطتهن يمي وطلعت تركض من المطبخ.
اخذتها فتحتها كل الشغلات إلى احبهن جايبهن
فتحت باب الغرفة شفته جاي يصعد الغرفته ردت احچي
بَس ماعندي شي احچي سديت الباب رجعت گعدت فتحتهن اكلت منهن
إذا هيچ مهتم ليش يتجاهل وجودي لو هم صار ابو كرامة مثلي.
لليل كلش طلعت من غرفتي شفت جدي گاعد يصلي
بقيت گاعدة منتظرته بين مايكمل، كمل أتصدق باوعلي أبتسم.
وگف يسفط بالسجادة مالته حطها بجهه
عزام: ريمه گاعدة
ريم: أي حَبيبي اريد احچي وياك بموضوع
خير ان شاء الله تعاي.
گعد رحت گعدت بصفه
عزام: محتاجة شي
ريم: لا سلامتك بس رايدتك بموضوع
أي بنيتي سولفي أسمعنچ
بخصوص دكتور مناف
شبيه
بديت أسولفله عن سُرى وطلبها واتناقشت وياه بالموضوع.
عزام: هم عمامه هم طلبوا هذا الشي وما چانوا يدرون بمرضه
ريم: بكيفك جدو أنتَ، ما ادري اگول بلكي من يتعالج يگدر يأسس حياة جديدة.
خليني ادرس الموضوع بعقلي والله كريم
براحتك.
ريمه
هاا جدو
أن شاء الله مامخليه ابالچ تطلعين منا
لا باقيه يم أمي
باس راسي وطلع، أتمددت بالصالة النوم طاير من عيوني
بين التفكير القاتل النعاس غلبني غفيت وحدي
فزيت
علي صوت الاذان مال الفجر أتوضيت وصليت
بقيت گاعدة
علمود دوامي إذا انام بعد لو ما ادري شيصير ما أگعد.
عبالي زيد راجع بالليل بس هم ماراجع أخذني وارث بطريقة للدوام
ريم: شلون صار سكرك
وارث: طبيعي.
سكتت متنرفزة من أسلوبه نزلتي يم الجامعة رگعت الباب بقوا
ومشيت هم نفس كل يوم محاضرة بعد محاضرة
سُرى شافتني اجت سئلت حجيتلها كلام جدي.
بالرجعة راسي موتني وايديَّ صارت بيهن رجفه
وگف السيارة يباوعلي بقلق
وارث: شبيچ ريم
ريم: أريد مي.
عبر على السايد الثاني جاب مي حط أيده وره راسي يشربني.
شبيچ يأذيج شي ماكله أنتِ؟
لا مامتريگه
ليششش
ما أشتهي
لازم تفكرين وراچ دراسة وتاكلين.
رجعنا للبيت صاح على امي.
وارث: عمه خليها تاكل تخربطت بالطريق
اخذتني امي تغسل بوجهي وتسئل شبيه ما اگدر احچي شي
خلتني اكل غصب عني، وهوَ مگابلني.
حد ما صرت زينة سمعت صوت باوعت الزينب
زينب: جابوا آدم من المستشفى اليوم
ريم: وشنو وضعه
خليها سكتة
أنقهرت على وضعه طلعت اريد أشوفه بس جدي مايقبل أحد يشوفه
و وَهج لازمه صفا إلى بس دموعها تنزل بتعب
عميد الدين: جدي آدم لازم يتعالج بالمستشفى مانگدر نبقي هنا
عزام: خلي يطيب من جروحه.
يوم ضل يجر يوم بكل يوم آدم ينتهي قافلين الباب عليه
يخافون أيسوي شي، وارث خبلني بأهتمامه المُبطن
وتجاهله إلى موتني طگت روحي حد ما بيوم تعبت من تعامله
عبالي من نطلگ أرتاح بس أكتشفت العكس شفته دخل بسيارته
راجع ما أدري منين، اول ما دخل اتلگوا سَند و رحيق ضلوا يسولفون وياه.
راد يصعد صحت وراه
ريم: وارث
وارث: هلا
ريم: أنتَ وين أتريد توصل؟
وارث: وضحي.
كلامي واضح وتعرف شدا اقصد على شنو هذا الاهتمام واحنا انتهى كلشي بينه
ما مهتم اعاملج مثل ما اعامل أي شخص.
طلعت رونق شافتنه واگفين ماحچت ولا أدخلت
كملت طريقها صاعدة فوگ
ريم: لا تقدم شي إلى بعد
وارث: ميخالف
لا تختبر صبرري شبيك وارث
والله تحيرين.
أتقربت اله وبلعومي احتقن بخنگتي
الله يخليك لا تعذبني.
عض شفته بغضب
هو منو معذب منو يا برنسس مو كلشي أنتِ ردتي مو هذا إلى ردتي
أي.
چااا بعد شطلبيني، والله تعبتيني حرت شسوي وياج.
نزلت دموعي بهدوء
اسفة
عليمن
لأن انطيتك الحبوب ذاك اليوم ماچانت عندي فكرة عن إلى سويته.
ذب حسرة وهو يتفحص ملامح وجهي
ذبلانه برنسس، چاا هيچ الفراگ يتعب ليش خليتينا نوصل لهالمراحل.
مو بيدي
أنتِ حتى ماتعبتي نفسج تنطيني فرصة
ونريمان
نريمان أنتهت إلى كشفته چان تعلق مو حب والتعلق يأذي أكثر
أنتِ ما وگفتي ويايَّ علمود اگدر اتخطر و لا سمعتي مني.
وكل تصرفاتج جانت مُتسرعة أتجاهي غلطان اني؟ بهذا الكلام
لا صحيح
مسح وچهه يتأفأف نزل ايدي يباوعلي بتعب
شنو أتريدينه هسه.
ما أريد شي بس لا تعذبني بالجاي أتسوي.
مامتقرب الج ما امسوي شي عليمن تتعذبين
فزينا كلنا على صوت آدم إلى يلوع الگلب أتلوع صعد
وارث يركض اله وعميد الدين وزيد صعدوا هم يركضون
صعدنا وراهم الباب مفتوح يريدون يلزمونه مايگدرون هم ثلاثة وهوَ واحد
وگوا لازمي يصيح صياح منتهي ماكو شي بالغرفة مامكسرة.
صفا.
اأباوعلهم شلون لازمينه وروحي فرفحت وياه
نوموه بالسرير
حد ما هدأ طلعوا بقيت يمه ماقبلت أطلع سدت الباب وَهج
گعدت بصف راسه، رفع عيونه شافني حط راسه على رجلي
حاضن بطني بأيديه وجسمه منتهي.
صفا: آدم الخاطري أرجع أتعالج
آدم: اشش
جاي تتعذب فكر بنفسك ليش تبقى هيچ تعذب بنفسك وتعذبني وياك
تعوفيني إذا ما أتعالج
لا لا، بس أريدك تتعالج ترجع مثل قبل.
رفع راسه يباوعلي عيونه صايرة حمر خفت من منظرهن.
بس ما أگدر احسسه بهذا الشي رفع أيده الظهري خلاني اتمدد بالكامل
أيده صارت تمشي على وجهي بهدوء
آدم: شمبقيچ ويا واحد مثلي
صفا: اني احبك وأنتَ هم وراح تتعالج.
ما أريد ارجع أتعالج، العلاج يأذيني قبل تحملته علمودچ
هسه هم راح تتحمله علمودي.
نزل نظراته على شفايفي أتقرب بهدوء باسني بالبداية
بعدين شهگت من القسوة إلى صارت عنده ضربت على صدره
يبتعد نزلت دموعي، أبتعد وگف لازم راسه.
رفعت أيدي الشفتي تجري دم سحبت كلنس أمسح بيها
رغم كل الاذيه بس هالشي ماخلاني ارخي أيدي منه وهو بهيچ وضع
وكل إلى صارله بسببي اني، ابوي انتقم مني ب آدم علمود يعذبني.
نهضت من مكاني لزمته دفعني عنه
آدم: اطلعييي برررا
صفا: حياتي آدم تعال نسولف شوي.
أخذته من أيده گعدته على السرير ونبضي بلعومي من تصرفاته.
آدم: إذا تبقين هنا أذيج
حضنت وچهه بست جبينه
صفا: اني حبيبتك صفا ما تگدر تأذيني.
نزلت دموعه بضعف حضني الصدره.
آدم: أذيج هسه أذيتج ما اگدر اتحكم بنفسي
صفا: لا ما اذيتني بس أنتَ بوستك معوقه.
باثناء ما جاي احچي وياه رجع جسمه يرجف مو طبيعي
وعيونه صارت حركتهن مو طبيعية حضنته اهدأ بي
آدم اهدأ اهدأ
بقيت الوقت احچي وياه حد مارجع هدأ لازم أگدر أثر عليه ويتعالج.
احم. آدم سؤال
اممم
أباوعله فاتح عيونه گوا خليته يتمدد بمكانه علمود يرتاح
گعدت يم راسه لازمه أيده واني والله وضعه خلاني اتمنى الموت ولا شايفته.
شتحب أيصير عندنه بنيه لو ولد حلو مثلك
بنيه تشبهچ مثل ضحكتچ.
أبتسمت الكلامه بقيت احچي وياه بشغلات يحبها يرتاح الها حد ماغفى
نزلت جوا تلگاني الكل باجي سلمى حال الضيم حالها.
عزام: شلون صار آدم
صفا: نام بس مو مال يبقى هيچ جاي يتعذب على البطيئ.
راد جدي يحچي ودگ جهاز عميد الدين فتح خط وضل يسمع
للكلام من المتصل بالبداية چان طبيعي يهز براسه بس بالاخير
تغيرت كل ملامحه، سد الخط ويباوع بوجوهنا.
وَهج: خير عميد الدين صاير شي؟
عميد الدين: أشرف لاگين سيارته على طريق الشمال وهناك صاير
حادث وياه والسيارة وكلشي بيها محترگ الجثة ما گادرين يتعرفون عليها لأن الوجه محترك وراح يسون تحاليل علمود يتأكدون.
بقى الكل مصدوم، طلعوا الولد وجدي ايشوفون الخبر
وَهج بَس صافنه بالوجوه، إلا أني ما ادري ليش ماعندي
ردت فعل قوية اتجاه الموضوع رغم هوَ ابوي بس مو أي أب
وره ساعة خابر عميد الدين وأكد الخبر صح أشرف انتهى مات.
جدي رفض رفض قاطع يسويله فاتحه ببيته يگول
ما اسوي فاتحه لمجرم بنص بيتي، الفاتحة صارت يم بيت عمي سعدون
محد وصل للفاتحة غير عماتي ناهدة و نجاة حتى الولد ولا واحد وصل لهناك
اجه عمي سعدون يحچي ويا جدي لأن الناس باقيه تسئل عنه.
عزام: كمل عذرك وسدهاا
سعدون: بوية فشل من الوادم
ضرب جدي عكارزته بعصبية وصوته صار يرج البيت رج هو گلبه هم محترگ
اسبك واسب الووووادم وياااك.
أفعال أبوي ما خلت شخص يستعطف عليه احنا بناته اتقبلنه
الوضع طبيعي بگد مالچم گلوبنه ودموعنا إلى نزلت كلها ماچانت
علموده نزلت لأن ماحصلنا أب زين بحياتنا وكل ظلمنا من عنده.
كملت أيام الفاتحة اجت عمتي ناهدة هاده علينا وگفت
تعد وتصف علينا غلط وسب وكلام غير لائق بحقنا
ناهدة: العبننننن بعدددد بكيفجننن بنات الخدامة
محد ردت عليها ردها عميد الدين وطلعت راجعه البيت عمي سعدون.
صعدت اشوف آدم، چان گاعد ويوم بعد يوم حالته تسوء
حضنته نزلت دموعي متأذيه من كلشي
آدم: تبچين على ابوچ
صفا: ما ادري آدم أتمنى تارك ولو ذكرى وحدة حلوة
منه نذكره بيها ماترك وراه غير كل ذكرى سيئه
لمني بحضنه رغم تعبه يمسح بدموعي
آدم: يمكن اني من أبوي يموت هم مثلج ما ابچي عليه ابچي
لأن ماچان عادل ويانه انقهر من أتذكر شلون چان يعذبني
يمكن احقد عليه أكثر لأن بسببه مشيت بالدرب الغلط.
والله هو وعيسى عذبونه اهوايَّ عذبونه عذاب الكافر
خصوصاً من وَهج اطلگت لعبوا بيها لعب عيسى يدخل
وياه حديدة لو خشبه ما يطلع إلا وهو عاوج الحديدة لو كاسر الخشبة
من هاي أفعالهم گلوبنه خشنت عليهم.
أصيرلج كلهم يا بعد كلهم أنتِ
شلون آدم شلون وأنتَ هم أتريد تعوفني
ما أعوفچ
أتعالچ، خليني أرجع أعيش بالدنيا وأيدي بأيدك خليني
اضحك ضحكة من كل گلبي خليني اكون عائلة واعيش بسعادة وياك.
من حقنا نبني حياة سعيدة النا إذا تحبني اتحمل هالمرة وأرجع أتعالج.
ضل ساكت و وضعه يرعبك من اتشوفه جسمه هزيل
عيونه تعبانه ومال شخص مُدمن تجي ساعات يتخبل بيها وساعات
يهدأ بيها ساعات بعقله ساعات لا عاش بالتناقض كل هالفترة.
آدم: اسوي كلشي علمودچ
صفا: تتعالج؟
أتحمل أمشي على الجمر الخاطرج
رفعت راسي اله دموعي تنزل مامصدگة
موافق تتعالج؟
أسوي كلشي علمودج
خاف أتغير رأيك آدم
لا
نهضت من حضنه سحبني مرجعني الحضنه رفع أيدي.
الي لابسه بيها الحلقة باس أصبعي إلى لابسه بي الحلقة مثل ماسوا بالخطوبة.
آدم: انتظريني دائماً اشگد ما أبتعد عنچ لا تنزعينها
صفا: راح ابقى دائماً منتظرتك بس أرجعلي بخير كلشي ما اريد بعد.
حضن وچهي يبوس بي بهدوء يخاف يأذيني
راح أصيرلج مأمنچ وأمانچ
أنتظرك.
نزلت جوا انطي خبر الجدي وال عميد الدين چانوا گاعدين
حجيتلهم فرحوا بالخبر عميد الدين گال
عميد الدين: راح أشوف الدكتور مالته وإذا كلشي تمام من باجر أخذه.
حضنت وَهج إلى الهدوء ساكنها من وفاة أبوي ما ادري شبيها.
بليلتها ماعفته وحدة بقيت الليل كله يمه حد الصبح دموعي
مانشفت آدم طفل بريئ اتلوث بحقد الكارهين دفع ثمن
ما اله ذنب بي، اساسه زوجة أب ظالمه وأب ظالم ماعرف يحتوي ولا يحتوي أخوانه.
جهزت أغراضه وسبح بدل اثار الجروح مال التعذيب بعدها بجسمه
وحتى وگفته مامتوازنه من غير الضعف العام إلى صاب جسمه قبل لا يطلع گال
آدم: اريد شال من شالاتچ وأترسي من عطرج.
نزلت جوا اخذت شال ترسته من عطري وشهگتي بصدري صعدت اله حطيته اله بالجنطه
ورجعت نزلت وياه لازمه أيده ودعوا الكل طلعوا هوَ وعميد الدين
الي رتب كلشي اله هناك طلعوا من الباب وعيوني وراهم
ما أدري هالمرة شگد العلاج راح يأخذه مني.
مسحت دموعي لازم ابقى قوية علموده شفته ياخذ القوة مني
من الكتمان إلى كتمته هالفترة راسي دمرني نمت بحضن وَهج بتعب
وَهج: أتحملي مثل ما أتحملتي ذيج الفترة.
صفا: أتحمل بس يرجع متعافي لو يگلولي سنة قابلة
أن شاء الله امي.
اجه سَند صعد فوگانه
سَند: ماما
وَهج: قرة عيني
سَند: احبچ انتِ وصفصف
ضحكنا أثنينه مو ولد مصيبة غصباً عنج يخلق معزته بداخلچ.
رفعت شعري اباوعله هوَ وأمه شلون واحد واحد يباوع للثاني
بكل حُب عبالك عشاق وهو يبوس بخدها
صفا: وَهج سؤال عليج الله جاوبي
وَهج: شنو
ذاك اليوم بالمطبخ شصار بينچ أنتِ وعميد الدين
اهووو بعدچ ماناسيه
لا السالفة تاكل براسي.
ضحكت وگعدت رجعت ظهرها على تاج السرير
وَهج: سَند ماما روح ألعب يم باجي جايبتلك شغلات تحبها.
هذا ماصدك گبل طلع يركض الملصحچي.
صفا: سولفي
وَهج: هو ما أدري شلون احچي، بعدين تعالي أنتِ بيا حال وهيچ تسئلين
شسوي انسي نفسي اموت من قهري إذا بس أفكر
هم حقج
سولفي.
بيوم خطوبتكم دخلت للمطبخ ريگي يبس من الاكشن إلى صار.
اخذت كلاص ماي أشرب درت شفت عميد الدين واگف أبتسمت اله
لأن هو ساعدني من حچيتله عن كلشي وراح جاب آدم.
اتقدمت اله مديت أيدي اصافحه مع ابتسامة
وَهج: شكراً عميد الدين لأن لولاك ماگدرت أسوي كل هذا.
اتفاجئت عاف ايدي وراح صب كلاص عصير وگف يشرب بي
عميد الدين: هذا شكر ناشف ام سَند
ايبااه چاا شتريد يالعُمدة
الخير ومامدت أيده وبكيفج بعد.
ماخذت كلامه بجديه عبالي يضحك مثل كل مرة ردت اطلع
أعترض طريقي فاتحلي أيدي بحلقت عيوني
يااا عميد الدين
وداعت اليااا
يعني شتريد أسوي اعزمك عزيمة ها شگلت.
فد نمونه هو اكل يا ما ماكل سمسم تطبخ اطيب من المطاعم.
ملت براسي اضحك
زين گول شتريد غير نعرف
تعاي أتقربي.
أتقربت ناحيته، قدم خده الي
بوسي
لا والله وماخذ راحتك عُمدة
بكيفچ بعد إذا تريدين تشكريني هذا نوع الشكر إلى أريده.
هزيت أيدي اضحك رجعت أشرب ماي من خجلي من طلبه
ردت اطلع رجع سحبني حاوط خصري
تعبت يله جبت آدم استاهلها
ترررا اخوك يحب اختي واحنا جمعناهم
اي واني استاهل مكأفأة.
ما ادري شبيه الله ذب عليَّ ضحك يمكن لان مامتعودة عليه هيچ.
هزيت براسي أتقربت أريد أبوسه هوَ عباله أريد اسويله شي
ف من اتحرك صارت البوسه بين شفته وخده بقيت جامدة بمكاني
وفاتحه عيوني من إلى صار دفعته مني وطلعت
من المطبخ وجهي مشتعل نار وهوَ يضحك ورايَّ.
صفا: أباوع ال وَهج اتسولف الموقف حدودها صارت حمر
من الخجل تسولف بدون ما تحط عيونها بعيوني أبتسمت.
وَهج: هذا كلشي صار بس هوَ خبيث من طلع أيسوي بنفسه مايدري بشي
صفا: ياريت تبقون ويا بعض.
أتلاشت أبتسامتها ونهضت من مكانها
وَهج: ما أتوقع لان معروفة النهاية وهسه أشرف انتهى
صفا: وَهج موتت أبوي كلش يقشعر الها البدن استغفرالله
تفكيري يگلي احترك بجهنم الدنيا قبل الآخرة
(قالَ أَمّا مَن ظَلَمَ فَسَوفَ نُعَذِّبُهُ ثُمَّ يُرَدُّ إِلى رَبِّهِ فَيُعَذِّبُهُ عَذابًا نُكرًا).
أحنا كلشي خططناله نفذناه وجانت الخطة أشرف يتسلم
للقانون محد يلوث نفسه بدمه بس
رب العالمين فدوة الاسمه يعرف العدل وأخذ وراح ياخذ حق كل مظلوم.
حق رائد ويحيى أنوخذن بخسارته وچانن اكو كم شغلة
بأسمه بالقانون يشتغلهن بهاي الفترة اني ورونق وعميد الدين
بعناهن وفلوسهن أشترينه بيهن قطع اراضي وراح ينبنن
جوامع ثواب الرائد وأمي، أما الباقي اتبرعنا بي للمحتاجين.
شركاته فلسن مصانعه كلشي كلشي الاشرف أنداس وانحرگت ورقته.
وگتلج أغلبها مو قانونية اتصادرت من قبل القانون
بقت شغلة وحدة وحالياً جاري البحث عنها
صفا: شنو؟
تريد تحجي و دخل سَند
سَند: ماما جدو عزام يريدج يگول هيَّ وخاله صفا يلبسون حجابات ويجون.
رفعت حواجبها وَهج بعدم فهم لبسنه حجاباتنا وطلعنا
دخلنا للصالة بقينه واگفين مستغربين من إلى گدامنا
شخص شگد ما اگول عنه جميل الشكل اقصر عيونه نسخة
من عيون عميد الدين وإخوانه تقريباً مايلات لعيون رائد.
وگف بأناقته وفخامتها، وَهج بقت متبسمرة بمكانها وتباوع الرونق
الي مثل حالتها بينما اني كلشي مافاهمه ومنو هذا بالضبط وشنو أساسه بحياتنا راح يكون.
وگف جدي أشر ناحيته بأيده
عزام: اخوچن قصي
أردف بنبرة رزنه مُشابهه بنبرة عميد الدين
قصي: مَرحبا. !
دار نظري على المرأة الگاعدة ومن لبسها وكلشي بيها عرفتها من أي طبقة.