رواية وتيرة الأعرج للكاتبة حوراء السعيدي الفصل الخامس عشر

رواية وتيرة الأعرج للكاتبة حوراء السعيدي الفصل الخامس عشر

غياهب.
بقى مركز بكل تفاصيل وجهي بدأ يغمض
و يرجع يفتح بعيونه
ما طولت هالحالة أيدي على الجسر حط أيده فوگاها حركتها
أسحبها ضغط عليها بقوا حسيت أصابيعي تكسرت من قوة
الضغطة غمضت عيوني شادة بفستاني بأيدي الثانية
ما أريد أبينله متأذية أردفت من بين أسناني.
غياهب: أيدك شيلهااا للمرة الألف اگلك أقرف من كل لمسة منك.
فتحت عيوني تفكيري بالآثار مداينطي جواب باوع الساعته
إلي لابسها حك طرف خده و سوا حركة بشفايفه.

كأنما يدور بيهم رجع دخلهم الداخل فمه رفع عيونه بعيوني.
أرسلان: دائماً تگعدين وحدج بحديقة بيتكم تبقين الساعات
مغمضة عيونج من ترجعين تفتحيهن تبقين تتلمسين
بهاي الآثار بس ما تطولين بالنظر بيهن.
طبگت حواجبي من كلامه كل إلى شي واحد بس.
تراقبني؟
ذكية تلگفيها و هيَّ طايرة
حلو حلو بيبي
هواية راقبتج و لليوم أراقبج
شالمعنى؟
نرضي فضولنا.
ما جاوبته رجعت للسيارة صعد رجعنا للبيت الطريق كله.

ساكتين صفنت بالشارع داخلة بدوامة أفكار أسبوعين الزواجنا
و أني ما أدري هذا الشخص إلى يريده بالضبط شنو
صحيح عرفت سبب الزواج وسبب تقرب عمر من نيروز
بس يبقى السؤال أنتقام شنو؟ أبوية عمره ما أذى أحد
و لا خوالي أنتقامه من منو، منو السبب بتدميرنا هذا طلعت من أفكاري على صوته.
وصلنا حضرة المحامية أسبوعين وأنتِ يمي.
ما عندي طاقة للكلام وياه نزلت أمشي بدون ما احچي وياه.

شي أريد أسد الباب شهگت من أندفع چان أرسلان سحبني
من أيدي إلى حسيتها أنخلعت عيوني تباوع الباب البيت الداخلي
لا أحد يشوفنا صرنا بالحديقة بمكان ماكو أحد يگدر يلمحنا دنيا ليل.
رفع أيده الرگبتي بخفة بلعت ريگ بهدوء ملامحه شيطانية تخوف حچى و هوَ خازرني.
من احچي ويااااچ جاوووبي لاااا تلبسينيي.
ليش لازم أنتَ نعال علمود ألبسك؟
ألسااانج
راح أدور وراك إلى أن أكشف كلشي يخصك.
خنگني.

أكثر هنا النفس ضاگ گوا أجر النفس ملامحه صارت مابيها ذرة رحمه.
عدوووي العناد غياااهب من تتجاهليني و تعاندين
كلهننن تتعاقبين عليهن و جاي أجمعهن الچ.
أبتعد عني وگعت بالگاع اگح أشهك بالنفس عيوني
متجحظه من تصرفه لو ما عايفني چان متت بين أيديه رفعت راسي اله.
مستحيل أنتَ فعلاً شيطان.
أفرك بصدري أشهگ شهگ أريد النفس و أرتاح رد عليَّ و هوَ يمشي بمستوى واحد.

لا تحشرين نفسج بأشياء أكبر منج أحسن مما نعقد الأتفاق إلى أتفقنا عليه.
أردفت بصوت بصعوبة تطلع مني الأحرف.
عديم الرحمة.
رجع دار وجهه إلى و ملامحه تحولت للتعجب أشر على نفسه رافع حاجبه.
أرسلان: أنا؟
رغم وضعي و إلى صار من شوية و التوتر إلى صابني من تصرفه
بس ما شفت نفسي أنسحبت جاوبته بجواب غاطيته الثقة.
غياهب: أي أنتَ.
هز براسه بتوعد يتوعدلي عيوني تباوع وراه طلع من البيت.

وگفت مستندة بالحائط أمسح بمكان رگبتي مشيت بخطوات
مثقلة مبعثرة جبال على أكتافي ليش مكتوبلي
هل التعب و العذاب المفاتيح بأيدي فتحت الباب دخلت
صارت بوجهي حنين طالعة من المطبخ جفلت بمكاني خفت
لا شافت شي بقت تباوع كأنما حست بتعبي قويت نفسي ما أريد أحد يحس بشي.
حنين: ليش تعبانة هيج رجعتي من وگت صاير شي؟
رفعت جهة شعري مبتسمة.
غياهب: تعبت بالطريق و مارحنا المكان بعيد.

رمقتني بنظرات واضحة بعدم التصديق بس ما ماناقشت
عبرتها صعدت الغرفتي قفلتها گعدت بالگاع مرجعة جسمي
علي الكنتور أعصابي ادمرت و أني متحملة هذا الشيطان
أتمددت بمكاني أكثر شي يتعبني الماضي.
أستفرادها النا حنين مقسوم إلها الضرب بكل مرة
و أني مقسمولي هل الحروق أضعاف من عذابها السبب
چنت أعاندها و ما أحب تتقرب إلى بكل فعل أتسوي يزيد
كرهي إلها هيَّ السبب بالنوبة إلى تجيني نزلت دموعي بأنكسار.

هم يجي يوم و انسى إلى مريت بي شنسى؟
عذابها لو عذاب عمامي حالهم من حالها من أبوية يلتحق الدوامه
و نبقى بين أيديهم قبل لا نطلع ببيت وحدنا ابسط شي
من نريد نروح لمدرستنا ماكو إلى يهتم بلبسنا و لا يمشط
شعرنا و لا بنظافتنا ناخذ أغراضنا و أنروح البيت خالي جابر لو عمران
نسوانهم إلى يقيمن بالواجب بغياب أبوية نتبهذل و ننذل أنهانينا
و أحنا أطفال بسببهم، أنزرعت داخلي هاي الشخصية.

المؤذية النفسي هيج قوة ما اتأذي غير صاحبها
مسحت دموعي إلى تنزل بهدوء عمي العواصف إلى بداخلي.
الثاني يوم گعدت نايمة بنفس مكاني حتى الصلاة فايتتني
جسمي مكسر من نومة الگاع و راسي تريد تنفجر عروگه من الألم
نزلت جوا حنين گاعدة صافنة و أيدها جوا خدها.
غياهب: صباح الخير، صافنة.
ركزت مسمعي ويا نبرة صوتها من أردفت بغصة.
حنين: بعد شگد الزواجج
أتفقنا بعد أسبوعين
يعني أنتِ بعد أسبوعين و تزوجين؟
أي ليش؟ و شبيه صوتج.

رفعت أيديها لزوجها أنفجرت بالبچي خفت من وضعها شبيها اختي گعدت بصفها حاضنتها.
غياهب: شبيج ياروحي.
حضنتني بأيديها بقوة تشهگ بدموعها.
شلون راح أعيش وحدي هنا، شلون راح أفارگج أنتِ كلشي إلى أمي و اختي و صديقتي.
عضيت شفتي أمنع دموعي تنزل عيوني صارن يحرگني من كلامها.
هههههه منو چان يگلي بس تزوجي خلص نخلص منج.
حچت وهيَّ غاصة بالبچي اسم الله عبالك أحد ميت عندها تزيد ما تنقص بدموعها.
والله چنت أشاقة وياج.

أدري بيج توأمي وين رايحة اني هنا نفس بغداد يمكم.
رفعت راسها الصاير خرايط.
يعني راح تجين النا
أكيد.
أبتسمت من بين دموعها فرحانة، حنين حيل طفولية و بريئة و هذا الشي إلى مخلي درغام ميت بيها.
حنين: شوگت نجهز العرسج.
زفرت نفس بملل بدون ما أحسسها بشي.
غياهب: شنجهز
هههههههههههه
أدبسزز طالعة عينج
شبيج دا أشاقة بس شنو قابل ما تشترين منهن ويا أغراضج.
دفعتها عني أتصنع العصبية و أني أحارب ما أضحك.
انچبي السانج فالوتي.

هسه دگولي شووگت
ما أدري
شنو ما تدرين باقي أسبوعين الزواجج
أييي يأبه نلحگ قابل اريد أشتري السوگ كله هن كم شغلة
منو يروح ويانا؟
أنشوف خالة وجدان إذا ما تگدر ناخذ خالة جوهرة.
حنين: غياهب
غياهب: عيني
هم تتمنين عندنا أم زينة و تحبنا و تجهز وياج كل هذا.
بلعت غصتي و السؤال خنگني أذه گلبي.
ماكو بنيه ما تتمنى هذا الشي
عدلت گعدتها و تحچي بحزن.

تدرين حتى اني أتمنيت بيوم خطوبتج شگد أنقهرت أتمنيت أمنا تحبنا و تكون ويانا بكل المناسبات.
وگفت أمسح بوجهي إلى شب نار
عادي عندنا أب يسواها صار النا كلشي
بس تبقى عازة الأم عازة
نصيبنا.
بدأت تمشي الأيام و يقترب موعد نهايتي، أنجهز
بتحضيرات الزواج إلى لو بيدي ما أجهز أي شي خالة
وجدان ويانا ما عافتنا مالي خلگ لشي بس بعد يگلك الفاس وگع بالراس.
حنين: خلي ناخذلج من هذا حبابة حبابة.

أباوعلها هاي ملابس نوم بس مو ملابس عادية
و طبيعية فضيحة خزرتها من كل عقلها اني ألبس هيج.
عليمن لابسته بعد دشووووفي شگد فضيحة.
ترا الرجال يحب هيج أشياء
اوععع الچ و ألهم
هسه دخلي ناخذ هذا
لااااا و النبي ما أخذه بعدين شكو دتاخذين هيج أشياء أخذ تراكات نوم اريح باللبس.
يفيدج حياتي
لاااا تخافين مايفيدني.
غمزتلي بخباثة و تلاعب.
أرسلانو الصاك يستاهل
دوخرري هيج الهيلك.

أخذته من أيدها رجعته المكانه هاي العايزة ألبس گدام
صخمان هذا اللبس علمود الله يستر شيصير كملنا كلشي
صارلنا كم يوم نفتر بالايام إلى فاتت اجت أم كُميل و اتأكدت
إذا محتاجين شي أو لا و مبينة طيبة بس هذا صخمان ما أدري طينته منين.
دخلنا للبيت تعبانة ما بقى محل ما دخلني بي و أكيد
شبعت أطنان من الرزايل لأن ما أخذ على ذوقهن.
غياهب: اخخ يأبه رجليَّ صارلچن أيام تفترن بيَّ.
جاوبتني خالتي و هيَّ تعدل بأغراضي.

وجدان: خالاتي غير نجهزج باشياء زينة
هسه أنتن شكو مشتريات مكياج هالگد لا عبالچن أحط منه
بس أيي هاي المرطبات و الغسولات بس الباقي بس أروح هناك أذبهن.
حنين: علموووود أشگججج
أنچبي
لِچ جبتلج كله أصلي و فلوس الرجال طارن كلهن تااالي تذبيهننن
فلوس زايدة عنده شكو بيهااا
جايبهن بتعبه خطية سودة عليَّ يا نسيبي
ابچيله بعد أبچيله.
دزينه أكل توصيل لأن محد بي حيل يطبخ و صل گعدنا ناكل.

أندگ الباب فتحته چانت نيروز باستني سريع و دخلت جوا.
نيروز: الله همزينن أكو أكل لأن جوعانة.
صاحتلها خالتي گعدتها يصفها أندمجنا بالسوالف
و من هالسوالف سوالف زواجي و غصباً عليها نيروز تندمج لأن محذرتها تبين شي.
حنين: اگلج غياهب هيَّ قاعة العرس منفصلة لو مختلطة
غياهب: ما أدري
أتصلي بي و اسئلي
منو تقصدين؟
شبيج أرسلانو
عوفيها بعدين ذني الأيام نازل من دوامه و أكيد راح يجي نتفاهم على كلشي
لا هسه الله عليج.

حطت الجهاز گدامي أستغفرت بداخلي شلون أتصل
و هوَ من ألتحق لليوم يتصل و يراسل بس متجاهلته
ما أجاوبه أنحرجت گدامهن و أنجبرت أتصل ما جاوب
بالمرة الأولى بالثانية جاوبني بصوت فحطان يلهث.
أرسلان: منين طالعة الشمس اليوم.
حكيت وره أذني لازم احچي بأدب گدامهن.
غياهب: شلونك
من الله بخير.
حبيت اسئاك القاعة إلى راح يكون بيها زواجنا منفصلة لو مختلطة.
ما أسمع غير كمزته و نتره بالكلام يحچي بنتر.
شنووو عيني شنو شتفضلتي.

سؤالي واضح؟
بس اوگفي شگلتي منفصلة لو شنو؟
مختلطة
شددد أطشررر عرضك يااااا أرسلان.
نهضت من مكاني مبتعدة عنهن علمود احچي براحتك
و حنين تتغامز وگفت بوجهه احچي وياه.
أدررري شبيك
شنوووو قاعة مختلطة
عوفنا من الغيرة العراقية مالتك هااي.
سكت الثواني ردت أسده و أستوقفني كلامه.
منو گال أغار؟ بس أنتِ مرتي و عرضي شلون أقبلها يشوفونج وأنتِ ببدلة العرس.
اني ما ألبس بدلة يعني تبين شي
حتى لو ما أريد المختلطة
براحتك.

أردفت بصوت مستغرب من جوابي.
شعجب ما عاندتي، عاد عنادج تنضرب بي الأمثال.
لان ما مهتمة للموضوع و ما يشكل أي فرق عندي
جيد.
سديته منه و رجعت الهن حچيتلهن شگال بس اكيد مو كلشي حنين گلبت نفسها تضحك و أيدها على گلبها.
حنين: أخ قلبي الصغير لا يتحمل، ما يتحمل نسيبي أحد يشوف مرته.
دگ جهاز خالتي گالت هذا درغام فتحت خط و فتحت السبيكر لأن بعدنا ناكل و هنا أشتغل الضحك.
درغام: ولچ عمه رااااححح أمووووت.

وجدان: و گرص شبيك ولك
أريد أتزوج.
حنين چانت تاكل بس سمعت كلامه غصت بالاكل مختنگة
صرنا ندگ على ظهرها و هيَّ تدفع بينا وجها انقلب أحمر عاطت بينا.
حنين: خااااب خنگتنيي شبيچن كسرررتن ظهررررري.
نيروز: فوگ ما أنساعدج.
أجه صوت درغام.
درغام: ولكم رقيقة ما تتحمل على كيفكم وياهاااا كسر بأيديكم.
رجعت خالتي تحجي وياه.
وجدان: چا جايني ما تروح الأمك تگللها
درغام: شبيچ عمه شبيچ
وحريشي أدري بسوالفك
عمه أرررريد أتزوج
ما تزوج.

غيررررر تقبلللل
ياهيه هيَّ.
حنين وضعها كله أتخربط و وجها أنحمس حمس درغام يعني سكتته خالتي.
ولك المزنجر عوفنه من الأغاني
بلگي تدخليلي طبابة خير.
باوعت خالتي ال حنين مبتسمة.
شو ما گتلنا ياهيه هاي إلى مسويتك مسودن بحبها
ربتلي علة بگلبي يا عمة.
غمزت نيروز الحنين إلى عبالك أتشنجت لا حركة و لا كلمة أنلصمت لصم.
نيروز: أبن العم أن شاء الله تنال إلى أبالك.
غطيت وجهي غاصة بالضحك من گال.

درغام: اخخخ گلبي ما أتريدني الفاااهيةة.
وجدان: يله عمة لا تضوج إلى ما يريدنا ما نريدة
أشوفلك دكتورة من ذني الجدد يخبلن عندنا.
صدگ؟
أييي ولك
لا خيولن أريدهااا هيَّ
فلك صابك مو ماتريدك تبقى لازگ بيها شني.
لزگة علچ الله و كيلج ما أعوووفها.
چا هنيالها عمي وين تلگى هيج واحد
غير تفتهم المطية.
هنا تغيرت ملامح اختي و تحولت للغضب و كأنما تتوعدله
بكلشي حچاه هزيت براسي أضحك أتمنى يحصل عليها.

درغام: فلك صااابج وجدان خلصتي رصيدي
وجدان: و صخونه چا ما عندك
لا ماكو و يله عمي روحي منا شني ما تستحين تتصلين على ولد العالم
خايب ولي المزنجر.
ضحك و ودعها سد الخط و رجعت خالتي تشمر بالبسامير على حنين إلى ضاع صوتها.
أختفت ضحكتنا من دخل أبوية بس ينفض نفض بغضبة
و عيونه تجدح گعد بدون ما يحچي حرف واحد و لا سلام
و لا كلام الأستغراب أحتل ملامحنا عفت كلشي رحت اله.
غياهب: خيرك بابا.
سلطان: عبد حرگ كل محلاتي.

أتجحظت عيوني.
شنووووو
من الصبح خابروني و كاميرات الشارع لاگطة منه بس واضح عرفته هذا عبد
وشصار هسه
قدمت بلاغ بي بس هالگلب ويننن يروح مني.
وجدان: بالمال و لا بأحد بيكم عيوني سلطان.
رفع عيونه يباوعلها.
سلطان: مااا مهتم لأن حرگ المحلات بس هذا صار يتطاول بأفعاله و لازم أوگفه عند حده.
أنقهرت بداخلي على تعب أبوية هذا كله من تعبه چان يضم
من رتبه من سنين ولم نفسه و أشترى هالمحلات.

لأن ما أخذ الفلس من جدي حتى حصته تنازل منها الله
ينتقم منك يا عبد يومنا كله خرب بهذا الخبر و أبوية ما يتحاچى
عبارة عن بركان من العصبية راحت خالتي
و نيروز
بقينا أحنا گاعدين ننتظر خبر عن هذا السافل.
الثاني يوم أجه الخبر لازمينا معقولة بهاي السرعة؟
و هوَ كل هالفترة مختفي طلع أبوية للمركز ردت أروح وياه
ما قبل بقيت ساكتة كلها أگدر أجادلها و أعاندها إلا هوَ للعصر كلش رجع.
غياهب: هاا بابا.

سلطان: أنلزم هل الخسيس و هم طلعت عليه شكاوي و شغلات غير قانونية و هل المرة حتى أهله ما يخلصونه.
يعني خلصنا منه؟
أبتسم بوجهي هز براسه.
ان شاء الله.
زفرت نفس براحة دخلة بدوامة صدمة من گال.
حضرن نفسجن باجر
ليش شنو أكو.
توزعت نظراته بيني و بين حنين.
نروح تخطب وجدان.
بقينا وحدة تباوع بوجه الثانية صافنين بس ما ننكر أحتلنا خيط فرح بسبب كلامه.
حنين: عليك الله؟ مداتشاقة
سلطان: لا بابا.

تركنا و دخل الغرفته بدون ما يشرح تفاصيل الموضوع
أستغربت شعجب زين معقولة خالتي توافق و جدي سالم
لليل گعدت سحبت كتاب أقرأ بي لبست نظراتي مندمجة
و بأيدي گلاص بي گهوة دگ جهازي شفته هذا إلى ما يتسمى فتحت خط.
غياهب: نعم عيني
أرسلان: شلونج عيني
من الله بخير بس من عبادة لا
شگد حموضة.
فوت لالنظيف بلا زحمه لأن مشغولة
شعندج مستعجلة
أقرأ كتاب و مندمجة باجوائي أجيت أنتَ خربته.
أردفت بصوت مغلف بحقارة و خباثة.

أنصحج تتعودين على هذا الشي كلشي بحياتج راح يتغير.
و هنا مشكلتي من يحچي بهذا الشكل يدب الرعب بداخلي.
خوش شرايد متصل
أفتحي كاميرا
دطيررر
ترا أنتَ ما متملكني و تمشيني على مزاجك
أفتحي ال
لووووووو تموووووت لووووو تنجلطط
بسيطة كثر حسابج.
طبك الخط بوجهي ذبيت الجهاز مامهتمة عباله
من الزمني من الأيد إلى توجع يبقى يتحكم بيَّ راح ألعب بيك
مثل ما لعبت ويايَّ يا أرسلان الأعرج الثواني مرت أجت رسالة كاتب بيك سمبتيك .

صفنت شنو معنى هالكلمة رحت أبحث عليها طلع معاني
هواية و بغير لغات بالأسباني و بالفرنسي معناها
چان بالفرنسي صاحبة الجسم الرشيق
و بالأسباني
معناها لطيف أو جميل، ربطت كلمته عرفته يقصد المعنى
الفرنسي اوعع شگد طايح الحظ هذا الرجال رجعت نمت و أني احجي عليه الهيلك.
أجه اليوم و الموعد إلى أبوية أتفق بي ويانا جهزنا نفسنا
طلع كاشخ و كله نشاط طلعنا البيت جدي ما أريد أدخله.

و لا أعتب بابهم بس خالتي و أبوية يستاهلون همستلي حنين.
حنين: دا أحس أكو شي غريب غياهب
غياهب: نفسج بس للأسف ما فاهمة شي شصار و هيج أبوية قرر هذا القرار المفاجئ
و شتگولين غويهبة خالتي توافق
أندري.
وصلنا الهم وگفنا دگ الباب أبوية بقينا منتظرين
بين ما أنفتح چان جدي سالم ملامحه بانت عليها الأستغراب و التفاجئ بجيتنا.
سلطان: السلام عليكم عمي.
رد السلام و هوَ يتفحصنا بعيونه
سالم: عليكم السلام أتفضلوا؟

سحبت نفس بعمق أكره هذا البيت لأن كله حقد و خباثة
هوَ و إلى بي دخلنا جوا رحبت بينا بيبي هيلة إلى ما أدري
أبقى محافظة على معزتها لو تنزل من عيني بسبب الماضي
و إلى سووا ويا أبوية، حضنتنا اني و حنين تبوس
بينا دخلنا گعدنا بس لا خالتي ولا إلى أسمها امي.
سالم: شني شعجب دايسين بساطنا مو من عوايدكم.
سلطان: أن شاء الله كل خير عمي.
طلعت زمُرد على آخر حباية و الشعر طالع من الحجاب.

اني مو محجبة بس عندي فكرة الحجاب إذا لبسته أحترمه و أقدسه
كأنما شي مقدس بس هذا الشي ما شفته عندها دخلت خالتي سلمت علينا.
وجدان: شعجب
غياهب: أبوية عنده موضوع وياكم.
زمُرد تخزر بعيونها أتجاهنا رجعت ظهري لوره ما مهتمة النظراتها
أشتدد تركيزنا ويا صوت أبوية و عيونه أتجاه خالتي.
سلطان: من سنين أرتكبت خطأ و خسرت مو فقط شخص
واحد خسرت حتى نفسي بس الله رحمني بهل التوأم.

و خلاني أعيش علمودهن و أحلى ما رزقني رب العالمين أعتبرهن هدية ربي
اليوم أنا جاي و راجع أصححه هذا الخطأ.
عيونه تلمع حب و عشق الخالتي صدمهم بطلبه
لا شنو صدمهم؟ خلاهم ينسطرون سطر من گال بكل ثقة.
سلطان: وجدان.
باوعت خالتي بوجه أهلها و رجعت نظراتها اله.
وجدان: أتفضل
جاي اليوم و طالبج للزواج تقبلين؟
عم الهدوء بگعدتنا نظراتي صارت تتفحص ملامحها
الكل وردات فعلهم صارت وجوهم ما تتفسر خصوصاً خالتي وگف جدي.

سالم: شنييي شتحچي أنتَ سلطان.
سلطان: ما جاي أطلبها منك هل المرة جاي أقدملها عرض الزواج الها هيَّ.
انا ما موافق.
أبتسم أبوية أبتسامة جانبية رفع براسه الجدي إلى راح ينفجر و أردف.
هالمرة أخذها غصباً عليكم رضيتوا ما رضيتوا أقرب حايط أرگعوا روسكم بي.
ما چان أبالنا انُ كل هذا هو تخطيط من قبل أبوية علمود
يوصل الغايته و هنا عرف يلعبها صح، هجمت زمُرد ناحية
خالتي طفرت من مكاني مانعتها صرت بالنص عاطت بوجهي.

زمُرد: وخرررري أنتِ.
غياهب: خليج بعيدة أفضل، أنسان يريد يرجع إلى خسره شنو مشكلتكم؟
عاطت بصوت رج المكان رج.
والله ثم والله وجدان أذبج بأيديَّ و ما أخليج تاااخذينه.
بقيت مصدومة فاتحة حلگي بسبب كلامها.
عجيب شخص ما تقبلج و لا حبج شكووو هيج لازگة بي.
سحبتني خالتي من بينهن حطتني وراها و هيَّ تقدمت ناحيتهاا.
وجدان: ما أدري شي عن الموضوع بس كلامج هذا بكل مرة تثبتين حقدج و حقيقتج شنو.

بس هنا صار شي غير متوقع هجمت زمُرد على خالتي
و لا عبالك أنسانه عبالك وحش وهجم جرتهااا من حجابها
و هيَّ تغلط و أتسب الدنبوس شخط رگبة خالتي أتدخل
أبوية سحب زمُرد بدفعة وحدة أنضربت بالحايط
و لزم خالتي إلى رگبتها صارت تجري دم حچى بخوف عليها.
سلطان: وجدان أنتِ زينة؟ أخذج للمستشفى.
أرفت بصعوبة خالتي.
وجدان: لا لا ما يحتاج بس شجاي يصير.
همسلها بصوت ناصي و لأن قريبة منهم گدر مسمعي يلتقط جوابه.
هسه تفهمين كلشي.

رجع وگف بطوله طلع جهازه ما أدري شنو إلى سواه
و رجعه الجيبه غالقة تقدم بأتجاها مرجع أيديه لوره ظهره.
سلطان: أيي زمُرد أسمعج شنو مشگلتج.
حچت بتوسل.
زمُرد: لا تتزوجها و تحرگ گلبي بداعت بناتك.
بس أنتم من سنين حرگتوا گلبين گلبي و گلبها.
أنا حبيتك الك سلطان كلشي سويته علموووودك.
أتقرب أكثر عليها و هنا صدمها بكلامه.
و إلى يحب يحاول يگتل إلى يحبه؟
صارت أتمتم بكلامها و الكل صافن ما فاهم شي.

من كلام أبوية و شنو مقصد كلامه ما عداي لان فهمت و عندي علم.
وجدان: فهمنااا سلطان ترا مجاي نفهم شي منكم.
أشرلها على زمُرد.
خلي أختج تحجي لكم شلون حاولت تگتلني و شلون هددت أبن أخووها.
رجعت أنظار خالتي المصدومة عليها.
وجدان: زمُرد صحيح إلى جاي يحچي سلطان؟
تنكر؟ لا طبعاً رجعت عاطت بصوتها وتعترف.
زمُرد: أييييي صح و أگتلج الج هم و أگتل كل واحد
يجمعكم سوا أددفعععع كلشي بعمررررري.

و ما أخليكم سوووووا فهمتييي وجداااان.
رمشت بثكل من الموقف إلى صار و أني أشوف خالتي
فرت وجها بكف ما صدر غير صوت شهگتهاا حنين
أيدها على حلگها و عيونها غرگانة بدموعها.
وجدان: ولج أنتِ شنوووو من بشرررر مجرمة أنتِ مجررررمة حررررامات أنتِ أختي.
أتحرك جدي يريد يهجم على خالتي و أستوقفه صوت أبوية.
سلطان: ديررربالك هل المرة الأيد إلى تنمد عليهااااا تنكسر وداعت بنااااتي
سالم: هجمتوووا بيتي الله يهجممم بيووووتكم.

غياهب: ديلا عاااد أنتم شلونكم دوعتكم الباب المطبخ ما توووصل.
زمُرد: ردت اگتله بذاك اليوم و مستعدة أرجع أمووووته
و ما أخلي يصيررر الچ و شحلاته ياااخذ وحدة
أمهااا مغتصبينهااا و خلقتج من هذا الأغتصاب.
سلطان: ولججج زمُررررد
قهقهت بخبث و أردفت.
خطية احچولها ليش ضامين عليها بس يله لا أتعبون روحكم هسه أختها تحچيلها كلشي.
طلعت من يمنا و أحنا بقينا جامدين بأماكنا أكو من أفتهم و أكو لا داخل بحالة صدمة.

وجدان: هاي شجاي تحچي.
مالحگ أبوية يرد عليها و رجعت زمُرد بأيدها أوراق أردفت حنين و عيونها عليهن.
حنين: شنو هاي الأوراق؟
ولو ساكتة أحسن إلها و لا الجرح إلى أنجرحته.
زمُرد: أعذريني بس منو أنتِ بيهن غياهب لو حنين ما أعرف أميزجن.
غمضت عيوني جاوبتها حنين بغصه و خيبة.
حنين: حنين
خوش وخري هيج هسه خلي أكمل كلامي.
دفعتها
بأيدها و رجعت تحچي هل ياترى هل الإنسانة بكامل عقلها؟

زمُرد: الدفتر إلى جابه عمران الج دفتر سلطان
إلي من زمان من شبابه يكتب بي اشيائه الخاصة و أسراره
و ما چان يرضى واحد يتقربله سواها البخت و جابه الهل بيت
من عمران سلمه الچ و أنتِ تخافين الله لأن أمانة عود
ضميتي بس گدرت أخذه و أخذ الاوراق إلى راح تزيد كسرتج.
لزمت جبيني المفروض خالتي ما تعرف بهاي الطريقة
حطت الأوراق بأيد خالتي نفسها الأوراق إلى أنفقدن
من دفتر أبوية بالحادث راحت گعدت فرحانة بخذلان أختها.

زمُرد: أقريهن وجدان أقريهن و شوفي حقيقة أمج.
وجدان: أنتِ شتحچين حقيقة أمي شنوووو أمي هيلة.
لا والله خيه هيلة مو أمج دقري أقري الاوراق و شوفي أمج منو بالضبط.
نظرلي أبوية بنظرات مليانة حيرة من الموقف بس بعد
فات الأوان لزمت خالتي الأوراق تفتحهن تقرأ بيهن وقفها صوت أبوية.
سلطان: أوووگفي وجدان لا تقرين شي هسه.
وجدان: ليش خلي أشوف هاي المسمومة شتحچي.
أنتظري أكو شي مهم هسه لازم أنسوي
شنو سلطان؟

ما أنطاها جواب طلع جهازه و هنا الصدمة مسجل كلشي
من كلام صار و اعترافات زمُرد بالكامل وجها بدأ يتلون
بألوان الصدمة، التوتر، الخوف، شلون گدر يخطط
كل هذا و گدر يتقدم عليها و أخذ الدليل هذا القوي.
سلطان: كلشي سويته بس حتى أخلي زمُرد تعترف بكلشي
لأن أدري بيها من تسمع أريد أتزوج وجدان هنا راح أتسوي كلشي
علمود تمتع هذا الزواج و بذاك اليوم چنت رايد أفضحكم
بس زمُرد فعلتها خربت كلشي و من ذاك اليوم أفكر شلون و ليش.

بس رماد خدمني من حچالي كلشي الشاهد على زمُرد وتهديداتها.
صاحت وهيَّ بمكانها دموعها بعيونها ناكرة كل كلامها.
زمُرد: لاااااا كلشي جذبببب لاااا تصدگووون
سلطان: بنفسج أعترفتي ماكو أحد جبرج.
أندگ باب البيت و صارت هوسة و أصوات عالية ما مفتهمين شي باوعلي.
سلطان: غياهب أخذي أختج و خالتج دخلن جوا يله بابا بدون أي نقاش.
رجع باوع البيبي هيلة إلى حالها حال الضيم.

عمه لزمي زمُرد لبسيها زين أجوا يأخذونها لازم تاخذ جزاتها.
باوعتلها بعتب شيصير لو چنتي أم صالحة؟ شيصير
لو مامخلية الحقد، الغيرة، الأنانية يدمرنج يمكن حتى
لو منفصلين هيَّ و أبوية بس معاملتها زينة ويانا
چان من المستحيل بيوم من الأيام نوصل للي وصلناله
أشرت الحنين تجي يمي ندخل جوا أما خالتي وضعها بحث آخر
شلون راح تتقبل فكرة أمها أخذتها ودخلنا الغرفتها عفت.

حنين تحچي وياها و أني وگفت يم الباب فتحت فتحة صغيرة أباوع للي ديصير.
دخلوا مجموعة شرطة صار أبوية يسولف وياهم و يفهمهم گوم يا جدي سالم أهجم عليه و يغلط و يسب.
سالم: وولك عرررضك هاااي شلووون تدخلهااا للسجووون ياااا سگط.
سلطان: كل انسان ياخذ جزاته و هاي جزات أفعالها و لازم تتعاقب.
بقى يغلط دخلوا خوالي و عمامي كلها ألتمت حتى جدي عياش
صارت الهوسة هنا بينهم الكل لام أبوية و حچى عليه.

ما عدا خالي جابر. الواگف ما أتدخل و خالي عمران ما موجود.
أجت خالتي رادت تطلع لزمتها من أيدها.
غياهب: وين رايحة خالة
وجدان: أريددد زمُرد تحچيلي شنو هاي الأوراق
مو بابا گالج راح يفهمج كلشي.
سكتت و گوا لازمتها كل شوية و گايلة أريد أطلع مرت نص ساعة
علي نفس الهوسة و العياط على أبوية و كلهم ضده و ماعندهم
غير سمعتنا و شرفنا و منا و أنتهت شي اسمه زمُرد من حياتنا.

أخذوها و طلعوا أنفتح الباب چان أبوية من العصبية بارزة دمارات إلى بجبينه.
سلطان: تعالن ورايَّ.
طلعنا لازمين خالتي كلها موجودة گاعدة و وجوهم
ما يگصها السيف وگف بنص المكان الگاعدين بي
لزم الأوراق اخذها من خالتي و رفعها گدامهم.
أحد بيكم يعرف شنو ذني الأوراق.
الكل صارت علامات أستفهام عندهم ذبهن گدامهم و دار الخالتي الواگفة.
سلطان: وجدان و حگ كل لوعة شفتها بهل السنين.

ما تركتج برضاي جنت مجبورررر على كلشي أنجبررررت
بس علمود اگدررر أحميج من هل النااااس إلى همكم نفسهم أهلنااا.
بقت تباوع بعيونها بالوجوه ما فاهمة شي حطيت
أيدي على گلبي من ردت فعلها شلون راح تكون.
وجدان: إذا ممكن أحد يوضحلي لأن ما فهمت
كل شخص يحجي شي فهمووووني شلعتوا گلبي.
وجدان خلي گلبج قوي
احچي وريح گلبي.
ذب حسرة و هوَ ينطيها الصدمة.
كلام زمُرد صحيح هيلة مو أمج.
صارت شبه أبتسامة على وجها أبتسامة صدمة نهضت.

من مكانها بس ما متوازنة وگفت بوصفها لازمتها تأشر بأيدها برفض.
ش، شتحچي أنتَ.
و هنا بدأ أبوية يحچيلها و يحچي الكل شخص
موجود كلشي شلون بدأت الحكاية و شلون أنتهت شلون
ساووموا و جبروه و مثل ما أتوقعت الصدمة أعتلت وجوه الكل
عفت الكل و عيوني أتثبتت على خالتي إلى أتبسمرت بمكانها فاتحة عيونها بعدم تصديق.
سلطان: وجدان و غلات بناتي و راس بناتي ما ردت أكسرج
بيوم بس نلزمت من الأيد التوجعني أنضحك عليَّ كل هالسنين.

وجدان: يعني أنا أمي ميتة؟ أنا مو بنت هيلة يعني هذا السبب
إلي محد رادني بي بس جابر و عمران أحتووني بس ليششششش.
صرخت كلمة ليش من أعماق قلبها وگفت گدام جدي بدأت تعاتبه بأنكسار.
بعمرك ما حبيبتني بوية و لا حسستني بحنان الأب دائماً
چنت فاگدته و أتمناه بروح منك ما شفت يوم راحة وياكم
حياتي وياكم عبارة عن أهاين، ذلة، گتل، مسبات شتم.
مسحت دموعها بأيديها تبچي من كل گلبها و صوتها يرجف رجعت تكمل ظ.

هديتوا حيلي من الصغر خليتوا كسرة بداخلي ما تنسى.
دموعها تنزل بغزارة دمعتي نزلت ويا أثر جملتها إلى گالتها.
علي الأقل چنت تگدر تعتبرني وحدة صدگ يتيمة
و أهلها بايعينها يمكن چنن تگدر تعاملني برحمة و لا هل
المر إلى جرعته منكم شحچي عن ضيمكم عذابك و گتلاتك
إلي بالقايش تخلي جسمي يون عليَّ الليل كله لو احچي
عن دراستي وحرابتك إلى بيها تلزم كتبي و أتشگگهن و تخلي.

عيوني تنام و دموعي بيهن لو عليمن احچي بالضبط حاچينييي.
رجعت بخطوات البيبي هيلة وگفت.
وانتِ يمه جنت أكولن و أستغرب من سكوتج هذا رغم
كلشي تعرضتله ما بيوم فگيتي حلكچ
و حچيتي
بكلمة وحدة ودافعتي عني و هم خليتي هل الشي براسي
و أفكر ليش أمي مو مثل الأمهات ما تدافع عني چا أنا
مو بنتها أثاريني مو منج مو بنت بطنج مصيبتي مصيبة.
وگعت بالگاع مستندة على أيديها، مستحيل اگدر أنسى.

هذا الموقف و أني أشوف كسرة أعز أنسانة على گلبي بهذا الحال.
وجدان: و بالاخير ما كفاكم كلشي چنتوا تسووونه
حاربتوني بالإنسان إلى هويته شتگولوووون الربكم بيووووم الحساب.
وگفت على حيلها بس تحسها گوا واگفة على رجليها دخلت
الغرفتها سدت الباب درت وجهي أمسح بدموعي طبكت
حواجبي حنين ماموجودة وينها؟ هسه چانت هنا
ردت احچي بس أستوقف لساني المنظر إلى گدامي.
حنين واگفة يم الباب و عيونها دم دم حالهن من البچي.

و بأيدها خشبة تجي رفيعة هاي شداتسوي أختي؟
ما أنشوفهاا غير هجمت كبل أتجاه جدي أنطته الضربة الأولى
و الثانية عگاله وگع شگد أنقهرت من إلى صار بس
من شفت حنين شلون نزلت بي فوخت گلبي.
حنين: الله يااااخذك دمرررررت حياااتنا أنتَ و بنتكككك اليوووم محددد يخلصك منيييي.
يريدون يرفعوهااا عنه ماكو نزلت بي دگ ضرب فتحت حلگي
من شفت أبوية گاعد و ما تحركله ساكن يباوعلهم ببرود
گوا لزمها خالي جابر سحبها من نصهم فد بردت گلبي.

چان يستاهل أخذوا جدي و هم يتهددون علينا
يمكن للمستشفى لأن حنين طلعت دم منه.
جابر: حنين بابا شنوووو هذا التصرررف.
أردفت و هيَّ فحطانة نزلت دموعهااا.

حنين: كلناااا مارتاحينااا بسببه دمروووا حياتناااا خلوونا كل يوووم بالليل نحط روووسنا على المخدة و ألف تفكير و سؤال براسنااا خلوناااا ننام بغصتناا خلووونا ننام و أحنا نتمنى نعيش حياة مثل أي بشررر، وانتَ خااالي ليشششش تدافعله تذكررر شسوووا وياااك بالماضي و شلووون يحاربك بدرغام و شلوووون بكل مرة يلوووع گلبك على أبنك لووو نسيت شلووون حارب خالة جوهرة و ما يسميهااا غيرررري بنت الخبازة.

گام وگف أبوية برزانته و هيبته خفت يرزلها گدامهم
و تنجرح لأن أدري بيها شگد حساسة تقدم إلها وگف
گبالها رافع حاجبه و ملامحه كلها مغضبة.
سلطان: حنيننن.
باوعتلي بنظرات خوف و لا چنها إلى قبل شوية كسرت الرجال دخلت دمه بطوله.
حنين: هاا بابا.
بقى يباوعلها الثواني بنفس الملامح و بعدها أتغيرت قبل جبينها.
عشتي ما ضاعت تربيتي بيجن.
أنرسمت أبتسامة بوجها.
يعني ما زعلت من إلى سويته
لا.

بقوا عمامي يحجون على تصرف حنين و ما قابلين
علي أنها ما محترمة و شلون تضرب رجال بعمره
أبوية أنطاهم الأذن الطرشة أنفتح الباب و سكتوا من خالتي
طلعت بأيدها جنطتها معنى هذا الشي بعد ما ألها أي گعدة هنا.
وجدان: جابر
جابر: هاا خوية
تستقبلني ببيتك
البيت و أصحابه جوا أيدج بعد أخوج.
دخلت گعدت يم أمها هيلة سحبت أيدها قبلتها و دموعها على خدها.
وجدان: تبقين أمي إلى أحبها أدري بيج ما عندج كلمة.

ويا أبوي و چان مستقوي عليج عليج بس أعذريني البيت بعد ما إلى گعدة بي.
حضنتها و اثنينهن يبچن سحبت نفسها خالتي بروح رايحة
أخذت جنطتها و طلعت من هذا البيت و چان أفضل
قرار تاخذه خالتي من طلعت من هذا المستنقع مال هذا البيت.

وينه؟
بغرفة التحقيق
وليشش هوَ
هوَ طلب هذا الشي.
رحت أمشي الغرفة التحقيق ما قبلت يكون هوَ إلى يحقق
لأن ما يرحم بالتحقيق فتحت الباب دخلت أباوع للمجرم
مكسر تكسير أدور بالغرفة عليه وينه هذا شفته واگف بزاوية.
درغام: أرسلان؟
أرسلان: أتفضل
شلاعب هنااا
چاا شتريد أحضنه بالأحضان
بسس مووو هيچ لااااا تنسى القوانين
خدوش لا أكثر.
طلع و خلاني صافن مكسرة تكسير و يگلي خدوش
صحت للجنود ياخذونه ما لازم بموت بعد نحتاجه.

رحت عليه دخلت عليه بدون ما أدگ الباب ينشف بأيديه مغسلهن.
تدرررري بنفسك مجرررم بالتحقيق أنتَ.
شغلناا هذا.
چا أنتَ مطيح حضه و مكسره شلون تريده يحچي الباقي.
ما يموت لا تخاف اخذت منه معلومات و بعد لازم أرجع أحقق وياه.
لااااا أنتَ بعد لا تدخل خلي مُجاهك يدخل و يحقق أو انا
أنا بديت بيها خليني أكملها
أرسلان يمكن بالجايات يموت بين أيديك.
راد يصير شاطر براسي و أخذ المقسوم
المهم أنتَ لا تدخله بعد
أدخل.

خوش أنتَ تتحمل كلشي يصير
ميخالف
هايهية
ذني اليومين لازم أكمل تحقيق وياه لأن باقي يومين و أنزل.
شگد بعد الزواجك
خمس أيام
هاا بيها الخير أن شاء الله
راح تجي بعرسي
وين أجي غير ماخذ بتنا
هم صدگ
شوگت تحچيلي قصة لقبك الاعرج
اذا تحب هسه.
يحچي بهدوء و ببرود.
درغام: بعد أحسن سولف.
من أتوفوا أهلي صار برگبتي أخوان چنت طالب بعدني و تدري الحياة من تقسي تقسي.
الله يرحمهم و لو تدخل مني بس شلون ماتوا؟

تغيرت ملامحه و هوَ يباوعلي أستغربت من نظراته عيونه خبط لونهن
تعرف الجواب بعدين.
هزيت براسي ما فاهم مغزى كلامه.
براحتك.
أكملك سالفة الاسم صديقي. خوالي عندهم خير بس
ما أحب أخذ من أحك علمود ما يجي يوم و أحد يعيرني
و أبو النفس العزيزة ياكل تراب و لا أحد يگله سويتلك هيج و أنطيتك هيج
أي والله يا خوية صح كلامك.
أشتغلت وين ماكو شغلة أذب روحي بيها أشتغلت عمالة
أشتغلت أبيع علاليك بالسوگ، أبيع چاي، كل شغلة أشتغلتها.

ما خليت شي يعتب عليَّ بالاخير أشتغلت ويا نجار و بيوم
صار حادث ويايَّ بالشغل و رجلي اتأذت صرت أمشي و أعرج
ومنها گاموا يصيحولي الأعرجو بقى ثابت عليَّ
هذا اللقب و من دخلت مجال شغلي بالسلك العسكري
أستغليت هذا الاسم و طبقته بعدة مهمات و أتنافست
ويا أخطر العصابات و المجرمين و لليوم أغلبهم يتنافسون
يريدون يعرفون منو هذا الأعرج ما يعرفون اسمي الكامل.
فعلاً لقبك يثير الفضول تدري أول ما سمعتك لقبك گلت أعرج؟

الأكثرية هيج
بس واضح متعوب بطفولتك
التعب، المعاناة، الظروف، تخلق منك شخصية ثانية.
معاناها اگدر اگلك مطمن على غياهب دامها بأمانة رجال مثلك.
وگف بأيده ملف.
أن شاء الله.
طلع بقيت گاعد أفكر بقصة هذا لقبه أكثر اللي بالسلك العسكري
عندهم ألقاب، أتصلت على غياهب ما تجاوب مو من عادتها
رجعت ضميت جهازي و طلعت صار بوجهي جندي.
درغام: هاا أمير
سيدي اگدر أخذ من وقتك
تعال.
دخلنا المكاني الخاص رفعت راسي اباوعله حاير.

شبيك أمير صاير شي
لا سيدي ماكو شي بس إذا تسمحالي رايد أجازة و حتى لو تگطعون من راتبي.
شگد رايد
بس أربع أيام و إذا تريد أداوم أضعاف دوامي بس أرجع
أمم و ليش هيج تريد هاي الإجازة.
أبتسم ابتسامة حقيقية.
سيدي مرتي على أبواب ولادة ورأيد يمها لأن هذا رزق النا رب العالمين يرزقنا بيهم
شنو راح يجيك
توأم.
أبتسمت من گال توأم ذكرت غياهب و حنين.
أعتبر طلبك تم بس أربع أيام لأن ما اگدر أنطيك.

أكثر تدري بطبيعة شغلنا و شلون الشغل فوگ روسنا.
هايهية سيدي مشكور منك، الله يفرح گلبك مثل
ما فرحت گلبي جنت متررد ما تقبل لا شغلنا مزدحم هالفترة.
ان شاء الله بالسلامة.
تشكر مني للمرة الثانية و طلع، هواية هيج حالات
أكو إلى مرته على أبواب ولادة أكو إلى زواجه لو خطوبته
لو أمه و أبوه مرضى و مشكلة الأجايز هنا صعبة بسبب
شغلنا بحيث إلى ينزل البيته يتمنى يگضيها بس نايم.

لأن هنا حتى نوم ما تشبع تناملك كم ساعة ترخي وتهدأ عقلك ييهن.
أنفتح الباب دخل مُجاهد.
مجاهد: هااا عضيد
درغام: بشرني.
صارلي فترة مكلفة بموضوع إلى صوب حنين لأن ما ناسي.
يا خوية عجزت أوصل الشي
شنو السالفة مُجاهد ضابط لو
و الكفل زينب من گتلي لليوم أدور ماكو و لا طرف خيط يوصلنا الشي
مبين إلى سواها ماخذ أحتياطه و ما مخلي أثر وراه
عقله عبقري
يجي يوم و ينعرف ماكو شي يبقى مضموم.

وانتَ گلتها يجي يوم و ينكشف. صدگ اگلك على يگول راح يخطب.
رخت أعصابي اباوعله.
ليش هوَ شوگت قرر يتزوج
هسه بالجديد
و منو المستورة
وحدة وياه بالدوام گال الأسبوع إلى يجي يجوز خطوبته
بيها الخير
وانتَ شوگت مو چنها سالفتك طولت.
درغام: والله ما أدري يا خوية البنيه ما رايدتني ما اگدر أجبرها و لا اگدر أعوفها و باقي بحيرة.
مُجاهد: لادرغام ديربالك بيوم تجبرها على حبك لو عليك راح تكرهك و أغسل ايدك من شي أسمه حب منها.

لا ضلعي شجبرها وين عايشين أحنا، اريدها تبادلني كلشي.
سؤال
جواب
انتَ عود صدگ تحبها من الصغر
مو من الصغر كلش بس أول ما شفت عيونها السود
إلي بسواد الليل أنرزعت بعقلي هل البنيه و ما طلعت بعد
بس من بدأت تكبر و أنا أكبر مو بس أحبها صرت مخبل بيها.
رجعت ظهري لوره منطلق أسولف وياه.
واصل مرحلة بحبها أخاف عليها من نسمة الهوا لو مرت
أدوس على نفسي و راحتي بس علمودها المهم
عندي أشوف ضحكتها و عيونها ما تنزل دمعة منهن.

ما يصير تحبني بمكانها
شگد
و إذا أجه غيرك يخطبها و هيَّ و أفقت شتسوي بهاي الحالة.
شتمسلت أنتَ شنو غيري ياخذها
اذا ما حبتك و سعادتها ويا غيرك
أعتبروا سبع الهورة مات.
ضحك ودار ربت على كتفي ضاغط عليه.
انتَ سبع الهورة اسمه على مُسمى كلنا شادين ظهرنا بيك لا تنكسر ربك شكاتب يصير
و النعم بالله.
بقيت وحدي گاعد ساعات أفكر خاف صدگ يسويها القدر
وغيري تصير من نصيبه الفكرة أذتني و حرگت روحي.

شلون لو صارت صدگ طلعت غسلت وجهي
و رجعت
الشغلي طارد هالفكرة من عقلي و لا متمني أتعرض لهيج موقف.

غرام.
واگفة فرحانة يم خالتي تعلمني بالطبخ شتگلي
أسوي التفتت إلها أضحك.
غرام: اليوم راح ياكلون من أيديَّ
مليكة: شفتي شلون سهل يا يمة عليمن خفتي
مو لأن ما أعرف أطبخ خفت أخربه
كلشي من أيدج طيب و أگص لسانه إلى يحچي عليج.
طلعنا أني وياها من المطبخ دخل عمر صارله هل فترة
يشتغل ويا كُميل بمعرض السيارات مالته و أكيد
لازم يقابل المقابلة بأبتسامته الهادئة و كلامه.
عمر: الله يساعدجن
غرام: يساعد بختك.

وگف بصف مليكة حاضنها يبوس بيها و هيَّ تضحك.
شلونج مرت خالي
الحمدلله.
تدرون جوعان و من جوعب عفت خالي ورايَّ
و أجيت أركض للبيت. ملوكة شطابخلتنا اليوم.
باوعتلي و أبتسمت.
مليكة: ما طبخت شي
عمر: لا بروح أبوج لا تگوليهاا
و حريشي خليني أكمل تگطم بالحجي
أسف كملي.
مرت خالك اليوم طبخت النا.
صفن بوجهي يحارب ما يضحك بالاخير گال.
عمر: علوية خو ما نهايتنا بالمستشفى اليوم.
ضربته مليكة.

مليكة: عمت عينك طبخهاا شحلاته هسه تضوكونه و تشوفون.
عمر: أشاقة شبيج مليكة صايرة ما تحبيني شو.
بقى يتلاطف وياها و يضحكون دخل كُميل بقى يحچي عليه لأن أجه قبله.
كُميل: يمه هم خابركم اليوم أرسلان؟
مليكة: لا شماله
ماكو شي بس اتصلت عليه ما يجاوب گلت أشوف إذا مخابركم
ولك احچي خاااف بي شي و تضمضم
و الزهرة و حزام الحمزة ما بي شي تورررطت سئلت.
عفتهم دخلت الغرفتنا طلعت ملابس اله يبقى زوجي.

رغم ما يقبل اسوي هيج أشياء أفكر شلون أرد زيناته ويايَّ
درت وجهي كمزت من شفته ورايّ! شلون دخل بدون ما أحس بي.
غرام: شسمه حضرتلك ملابس
كُميل: أنا مو گايلج ما مجبورة على هذا الشي
لا عادي ما مسوية شي والله.
حچى بهدوء وترني.
شبيج؟
اني؟
أي أنتِ
شسمه ما بيَّ شي
چااا شمالج راح روحج تذيه.
بلعت ريگ من قربنا و هوَ حاصرني بالكنتور
روح أسبح
ليش انا وسخ شتقصدين.

لا لا مو هيج أوف ما أقصد هيج رسول الله بس غير أجيت من شغلك و تعبان.
تحركت أمشي رجع سحبني بأيده من بطني شهگت.
كُميل: شبيچ
انتَ شبيك شنو هالتصرفات؟
ثبت نظراته بعمق نظراتي.
غرام
هااا
تقبلين تصيرين مرتي الآخر العمر.
بس.
ما سمحلي أكمل كلامي حط أصبعه على شفايفي
سكتني قرب وجهه لوجهي طخ أنفه ب أنفي أحس بنفسي
أنحطيت بمي حار من الحرارة إلى حسيتها دگات گلبي
صرت ما أسيطر عليهن يمه راح ينغمى عليَّ.

هههههههههه شبيج خالي ترجفين راح تطيحين بين أيديَّ.
أباوعله مغمض عيونه و يحچي مقيدني بأيديه أردفت بصوت يرجف.
أروح أصب الأكل
أمي تصبه
نروح نتغده أكيد جوووعان أيييي جوعان
لا مو جوعان
زين روح أرتاح
مرتاح.
عضيت شفتي ساكتة راح ابچي أبتعد عني قليل يباوع بوجهي
بس ما اگدر أحط عيوني بعيونه بقت أنظاري تفتر بأنحاء الغرفة.
راح تموت الفرخة
أبتعد عني أتنفست براحة بدون ما يحجي أخذ ملابسه.

و طلع للحمام وگفت أهفي على وجهي شبيه ليش هيج أتصرف؟
من يوم إلى شفته ما مسوي تصرف غلط ويايَّ وگفت گدام
المراية أباوع الوجهي صاير قطعة دم والرجفة بعدها
بيَّ سمعت خالتي صاحت طلعت بسرعة الها.
گعدنا بالغدة ناكل بس ما رفعت راسي أتهرب من نظراته ما رفعت راسي إلا لمن عمر گال.
عمر: والله عاشت ايدج خوش طبخ
غرام: الف عافية.
بينما هوَ أبداً ما علق رغم أول مرة أطبخ الهم كملنا.

و غسلت المواعين أتذكرت إلى صار بالغرفة هسه شلون
أدخل أحسن شي أبقى بالصالة گاعدة كملت ورحت للصالة
ماكو أحد بيها كلمن بغرفته گعدت وحدي أصفن
أنفتح الباب طلع منها باوع للبيت و رجع باوعلي.
كُميل: شتسوين گاعدة وحدج
غرام: هسه كملت شغلي
تعاي أدخلي
لا لا هنا مرتاحة
تعاي خالي شبيج طافرة متر.
عدلت حجابي منزله عيوني أشرلي.
ادخلي.
بدون ما احچي شي دخلت شفت فراشه بالگاع.

لأن خلص الأسبوع إلى متفقين عليه بقيت واگفة اكل بشفتي صاح بيَّ.
راح تگطميهااا شبيج
شنو
شفتج؟ هسه تغديتي شوگت لحگتي تجوعين.
بسرعة غيرت الموضوع.
غرام: كُميل
كُميل: عيناي
شوگت گعدت العشاير ويا عمامي
بس يكمل عرس أرسلان
يعني بعد بالقانون ما اگدر أسوي شي
ما عندنا أثبات عندج شي بجسمج يثبت؟
فتحت عيوني على سؤاله رفع أيده موقف نيتي.
لا تفهمين غلط بس لا أثار لا فحص طبي يفيد.

لأن مرت أشهر على حادثتج و گتلج يسقطون القضية من يعرفون أنتِ متزوجة.
هزيت براسي بقهر أتمددت بمكاني أجاني صوته.
كُميل: غرام
غرام: هااا.
من تاخذين الأمان و بعد ماكو شخص يتعرضلج شراح تسوين
أرجع أكمل دراستي.
حط أيده جوا رأسه وصافن ناحيتي.
أيي وبعد
ونطلگ.
طفر من مكانه عيونه صارت بگصته طفر يمي للچرباية گعد قريب مني.
أحناااا شحچيناااا
شحچيناا؟
أنا ما أطلگج
بس أحنا ما چان هيج أتفاقنا
أييي و هسه غيرت رأيي لأن كلشي تغير.

و بله شنو إلى تغير
كلشي
الك حق تتزوج و تعيش حياتك
ليش وين المانع بهذا الشي
المانع ماكو وحدة تقبل تتزوج شخص متزوج
شنو إلى أتريدي أنتِ
من ينحل كلشي كلمن أيشوف حياته
بس إذا دروا مطلگين راح يرجعون عليج.
بهتت ملامحي بخيبة.
شلون يعني
يعني من راح أتصير الگعدة و أخليهم يتعهدون
ما يتقربون النا لأن أنتِ مرتي و محسوبة عليَّ و بأسمي
بس من تفكين هذا الرابط بعد منو يگدر يوگفهم لأن تطلعين من ذمتي.

خنست ساكتة و مختنگة من الوضع دمعت عيوني
يعني شنو أبقى طول عمري وياه هيج ما راح يگدر
يكمل حياته و ماكو مرة تقبل بهيج وضع.
شسوي كُميل اني والله ما أريد أخربلك حياتك
شتخربين حياتي شبيج علوية؟ ليش دائماً تذبين الذنب عليج
زين أنتَ ما تتزوج
متزوج انا.
مسحت دموعي اباوعله بكل غباء سئلته.
متزوج منو؟
عض أصبعه و يحچي.
متزووووج عميرررر غيررر متزوجج
شمدريني عبالي نفس إلى أبالي
أريد احچي وياج بموضوع بس خايف تتحسسين منه.

لا احچي.
حك لحيته بخفة.
اذا ما عندج أعتراض يصير نراجعج يم دكتور نفسي
دكتور نفسي؟
أشرحلج الوضع وأنتِ بكيفج.
هزيت راسي بقبول و بدأ يشرح.
الدكتور النفسي مو بس للناس إلى أكو مشاكل بعقلهم
مثل ما الناس مفكرة أو عندها ها الفكرة الدكتور النفسي
يساعد هواية حالات صعبة تتشافى على أيده أكو شغلات
ما نگدر نحچيها لأحد و لا نشاركها بس يم الدكتور
راح تحچي كلشي بدون أي تقيد و طبعاً بطريقته راح يخليك تحچي براحتك.

بالبداية الوضع أنشوفه صعب بس بعدين راح تشوفين
من تمارسين الجلسات إلى يحددها أنتِ كلج راح تتغيرينو
وأنتِ بسببج إلى صارلج والعشتي أنبت بيج شخصية ضعيفة
تخافين من ضلج تكتمين بداخلج هواية أمور و متأكد
إذا وافقتي راح تتغيرين للأحسن غرام.
أخاف احچي.
منين تخافين بالعكس راح ترتاحين و يمكن أكو شغلات
تستحين تحجينها إلى أو الغيري يم الدكتور راح ترتاحين
و أنتِ تحچيله كل إنسان بالحياة يحتاج هذا الشي.
ما فهمت؟

يعني حتى الإنسان الطبيعي بعض الأحيان يحتاج هذا الشي لأن الأكثرية بينا الكتمان يتغلب عليهم
أني اريد دكتورة مو دكتور
يعني موافقة أنتِ
اذا هذا الشي يحسن مني ف أحاول.
أبتسم بوجهي أندگ الباب نزل بفتحه غطيت نفسي بالغطى
و دموعي على خدي أتوقفن من سمعت عمر يحچي بهمس.
عمر: خالي جيلان هنااا
كُميل: وين هنا؟
ببيتنا يعني وين رجعت من السفر.
مسحت دموعي بهدوء و أني أسمع هذا الاسم منو جيلان؟

رفعت الغطى من أختفى صوت عمر باوعت بعيوني للباب
كُميل لازال واگف و كل ملامحه تغيرت للأستغراب و التفاجئ.