رواية وتيرة الأعرج للكاتبة حوراء السعيدي الفصل الحادي والثلاثون
نيروز.
صافنة بأفكاري و عيوني تراقب الطلاب إلى تمشي اجه السائق صعدت
وياه راجعة للبيت الجو لعبان نفس اجواء صيف وبوخة دخلت للبيت لگيت خالة
ام رسول تصير اخت عمتي جوهرة ام درغام سلمت عليها نسخة من اخلاقها و طيبتها.
ام رسول: بعد عمري نواريز شلونج ماما
نيروز: الحمدلله خالة انتِ شلونج البنات شلونهم
نحمد لله.
أبتسمت بوجهه أترخصت منهن هيَّ و أمي دخلت الغرفتي و طبعاً بهيج جو.
ما ترهم بس تغير ملابسك لازم تسبح لان ما ترتاح اخذت ملابسب دخلت سبحت
وطلعت ما مشطته عفته ينشف لفيته بالمنشفة اريد اروح اگعد يمهن أحب سوالف ام رسول.
طلعت يمهن گعدت و تسولف صفنت جدي سالم شيحس من يكره هيج ناس ينحطن على الجرح يطيب التفتت الب ابتسمت بوجهه.
ام رسول: شلونها دراستج
نيروز: والله يا خالة ماشية
الله يوفقج ماما حبيبتي
يوفق الجميع.
حسيت نفسي جعت رحت للمطبخ حميت الاكل و صبيته امي مسوية.
مطبك دجاج صبيت بصحن وفوگاه زلاطة خبط بس المهم الطعم حتى
لو خبط طلعت امشي اريد اروح للغرفة و استوقفني حديث ام رسول الامي.
ام رسول: ام نيروزه احنا أهل ونعرف بعض من سنين
نادين: و النعم منج ام رسول اخت غالية انتِ.
اذا ماعندكم مشكلة انا رايده نيروز الرسول ابني الجبير.
اللگمة وگفت ببلعومي لا اني البالعتها و لا اني إلى ذابتها بقيت اسمع الكلامهن ردت عليها امي بتفاجئ.
نيروز بنتي؟
اي حبيبة.
بس نيروز بعدها تدرس ام رسول.
ماكو مشكلة خيه شتدرين بينا احنا الحمدلله اولادي كلهم مكملين و بناتي
هم تزوجن وهنَّ يدرسن لا تخافون من هل الناحية ورسول كلش عاجبته اخلاق نيروز.
والله ما أدري فاجئتيني بكلامج يجي ابوها و انشوف البنيه الله كريم.
رجعت الغرفتي بايدي صحني أفتر بي بلعت اللگمة و اني أضرب صفنات
منين طلعلي هذا رسول حتى مشايفته غير كم مرة.
و ما ننكر هوَ خوش ولد بس وضعي مو مال زواج و من الصدمة و الثول.
الي صابني كتبت رسالة اريد ادزها الحنين اندزت للعلوية و على حظي
الفكر شافتها بسرعة عبالك نايمة بالبرنامج بسرعة اتصلت جاوبتها.
غرام: شنو هذا الخبر نيروز شنو نخطبتي؟
نيروز: لعد شبيه؟ و محد يخطبني
لا ما أقصد هيج بس عود صدگ جاينج خطابة.
أي ابن خالة درغام
سوده عليَّ يا خوية يااا عمر
عمررر شعلية
و راح توافقين؟
ما أدري هوَخوش ولد
وعمرررر
شبيج حياتي اني و عمر انتهينا و جانت صداقة بينا و معروف هدفها شنو.
لا والله مو هيَّ بكيفج تنتهي ماكو شي أنتهى.
غرام انتِ تعرفين كلشي شنو تغشمين بروحج
ادري ورسول الله بكلشي
لعد ما يحتاج نفتح الماضي كلشي يخص عمر صار ماضي و نسيته
اي واضح صحيح واضح من اتصالج ونبرة صوتج إلى جانت تسئل بخوف عنه
اني اتصلت علمود مليكة
لا تجذبين و علمود عمر هم ليش تضمين حبج اله
ما يستاهل هالحب.
بالعكس نيروز عمر شخص حباب صح غلط بس لو تعرفين شگد متندم.
علي إلى سواه وياج تدرين بخطوبة غياهب و ارسلان من رجعنه لگيناه منتهي
متمرض بسبب قهره ويهلوس باسمج، گلبه طيب و حتى افعال ارسلان ما قابل
بيها و تدرين هوَ وگف ضد اخوه وراح حچى كلشي للعم سلطان ولِچ والله
من ينجاب اسمج عيونه تلمع مكالمتج بذاك اليوم خلت الابتسامة من الاذن للاذن.
شنو الفائدة إلى سواه صعب عليَّ.
تحسرت وهيَّ تگول.
غلط عمر زين وانتِ زين بس گولي غياهب و ارسلان شلون اذيتج مو بگد أذية غياهب حايرة ورسول الله كل ما افكر شلون راح تنتهي بينهم
غياهب و أعرفها ماراح تبقى وياه لو يصير علاجها ما راح تريده.
بس هوَ يحبها
الحب وحدة ما يكفي.
الله كريم هسه شنو راح تسوين
علي شنو؟
خايبة على هذا رسول مادري شسمه إلى كتبتي اسمه بالرسالة
گتلج ما أدري
عمت عيني عليك يا خوية يا عمر.
عضيت شفتي ضامة ضحكتي شگد فطيرة هالبنيه.
ههههههه شبيج علوية.
شوفي ورسول الله اني عمر عزيز على گلبي.
أنتهى كلشي عمر أستغلني و كسر الثقة إلى بينا و هوَ يدري اني بشنو
مريت من تجربة فاشلة بالماضي وجان صعب عليَّ أتخطى و تعبت حيل يله
گدرت اتخلص من كل هذا رجع هوَ يصدمني بشي أقوى.
كلنا بشر و نغلط هوَ غلط وياج و اخذ جزاته من التعب حنيّ عليه و كافي.
غرام حتى لو رجعت علاقتي بي ما فكرتي ب أهلي و عمي سلطان ودرغام.
الي يعرفونهم متخيلة يخلونا ننجمع اني وياه؟ والله يستر اذا عرفوا بسالفتي ويا عمر.
صح كلامج بس راح يدمر اذا وافقتي بهذا الزواج
هوَ اختار هذا الطريق و كل واحد بينا مشى بطريقة من زمان كل واحد بينا اختار حياته
لا توافقين حبابة.
نزلت دمعتي بقهر و تعب.
عمر حتى ما معترفلي يحبني ما اتوضح شي الا بعد ما انتهى كلشي بس ما سمعت شي منه. عوفينا هسه من الموضوع هذا شلونه البيبي مالتج.
الحمدلله باجز اروح للسونار اشوف جنس الطفل.
شنو حابة يجيج
امم ماكو فرق المهم أتمام الخلقة و الصحة بس احساسي يگلي يجيني ولد
لعد دام احساسج هيج أحساس الام ميخيب تستاهلين كل الخير والله على إلى شفتي بحياتج
الج بالمثل.
ماكو أخبار عن أبنكم و بنتنا
ارسلان يتصل و يختفي ويرجع يتصل من غير رقم و هيج باقي الوضع حتى وضع مليكة مايدري بي لحد الان.
انفتح الباب دخلت امي گعدت گبالي.
نادين: ويامن تحجين نيروزه.
نيروز: ماما هاي العلوية غرام
سلميلي عليها گليلها ان شاء الله باجر جايننهم زيارة نتحمد بالسلامة الأم كُميل
ها غرام سمعتي باجر اهلي جايينكم
غرام: اي سمعت هلا بيهم بداعت امج و أبوج تعاي انتِ هم
لا شعندي جاية
بداعتي تعاي عليج موسى الكاظم
هههههههههه شبيج مابقى واحد ما حلفتيني بي.
بقت تضحك حجينا شوية وسديته امي لازالت گاعدة بمكانها تمددت بفراشي جسمي مكسر و انعس.
نيروز: ها الروسية صافنة
نادين: ها ماما.
صافنة تفكرين بزوجج
لا شغلة أبالي أفكر بيها.
سكتت بعد ما حچت شي و حتى ما فتحت موضوع ام رسول بقت ساكتة و اني غلست.
طلعت واني دخلت بنوبة نوم من التعب، فزيت على شي أنذب على وجهي كمزت
من مكاني اسمع صوت ضحك ورايَّ درت بجسمي جان رماد وبايده
كلاص ال مي نزلت هجمت عليه شبعته تكفخ و احجي بعصبية.
نيروز: انتَ ماااا أتووووب
رماد: شبيهاا سندريلا ازعجناها.
شبيكككك يعنييي وواحد نااايم و تعبان وحظه طااايح من الدوام تجي فوگ ضيمه تسوووي هلسوووالف
أحب أتحرش بالحلوات.
غميته بنص وجهه بكف ايدي.
هيَّ تلام حنين من تگلك ابو النسوان
ختولي هاااي
انچب لااااا تحچي عليهااا
اني أحب غياهب أكثر
لان صكارتك.
ما أهتم الكلامي ورجع يشغل اغاني ويرگص عطت بصوت اريد امي تسمع.
اطللعععع برررررا مامااا تعاااي اخذي ابنج.
دخلت امي تتسائل.
نادين: هم تعاركتوا
نيروز: نايمة و ذب عليَّ مي تقبليها؟
نزعت نعالها بدون ما تحجي ولزمته سلك على ظهره.
ماااا تغير سوالفك وولك رماااد ورررمت گلبي
رماد: يعني الواحد ماااا يشاقة بهذا البيت شبيكم نفسيااات.
سحلته من الغرفة نومتي طارت من وراه گعدت و طنكورة النوم بيَّ راسلت حنين ماعندها نت.
الثاني يوم داومت ر من رجعت گلت خلي اروح ويا أهلي و عمر ما يتقربلي
و لا يحاول يحچي ويايَّ من اروحلهم و هالشي مطمني بدلت وطلعت وياهم بنص الطريق انفتح موضوع غياهب.
نادين: عمران شعجب زوج غياهب ما بقاها يم أهله بنية شابة بعمرها موزين تبقى وحدها.
رد عليها ابوية.
عمران: هوَ ومرته.
سكتت امي كل إلى ابالهم ارسلان دوامه بغير مكان و اخذ غياهب وياه علساس
بحكم شغله لان ما يگدر يروح ويرجع وصلنا البيت اهله نزلنا صفنت
بالسيارات الموجودة من ضمنهن سيارة عمر مو بالشغل او يمكن غرام انطتهم
خبر جايينهم طلعلنا الخال يرحب بينا دخلنا جوا اجتنا غرام الحمل زايدها.
حلاوة ما ادري اذا اكو هيج بالنسبة للحوامل بس حسيت الحمل زايد من جمالها
لابسة فستان حوامل لونه بلون عيونها سلمت علينا گعدنا و جها يضحك فرحانة.
غرام: همزين اجيتي.
أبتسمت الكلامها.
نيروز: هاي شلون الخال يخليج تطلعين
هههههه ليش
صايرة تخبلين شو اول مرة اشوف حامل تحلو هيج
يوووه خجلت
هههههههههه.
جرت السوالف بينا مأجله روحتها للسونار على باجر وامي و مليكة يسولفن اجت غرام مقدمتلنا الضيافة وگفت ما گعدت.
غرام: نيروز گومي أشوفج ترتيب غرفتي الجديدة إلى اشتريتها.
هزيت براسي اترخصنا طلعت وياها اباوع البيتهم بتدقيق تصميمه حلو و كلشي مرتب بي.
نيروز: ناز موجودة
غرام: اي بس نايمة لان جاي تتعب هالفترة بسبب العلاج
ها خطية الله يشافيها.
دنمشي وگفت بنص الطريق باوعتلها.
هاا؟
وللج وللج نسيت احط ضيافة ال كُميل
اي عادي ما صار شي تعاي اني وياج نحطها.
لزمتني من كتفي دفعتني بخفة و هيَّ تگول.
لا لا انتِ روحي گدامي الغرفتي ما أطول هسه أجيج
خاف زوجج يجي
لا وين غير گاعد ويا ابوج
لا تتأخرين.
رجعت للمطبخ و اني كملت طريقي الغرفتها كل تفكيري نفسها غرفتهم القديمة
دخلت للغرفة طبكت حواجبي بأستغراب باللي گدامي هاي صورة عمر شجابها
هنا درت بوجهي أستفقد الغرفة كمزت بمكاني ايدي على گلبي من سمعت صوته.
عمر: نورتي الغرفة ست نيروز.
درت بكل جسمي چان واگف وره الباب رمشت بعيوني شديصير؟
نيروز: عمر شتسوي هنا؟
غرفتي هاي
شنو غرفتك مو اتذكر غرفة خالك وغرام
خالي اخذ غرفتي و انا اخذت غرفته
ها اسفة لعد دخلت بالغلط.
مشيت باتجاه الباب ارجف اريد اطلع حط ايده على الباذ مانعني اطلع.
ها؟
نگدر نحجي
ماكو بينا حچي علمود نحچي بي
لا أكو على الاقل أنطي فرصة للكلام نيروز
شتريد عمر؟
اريدج.
زادت دگات گلبي بس سيطرت على نفسي قبضت ايدي اهدأ بنفسي رجع گال.
عمر: صدگ راح تتزوجين؟
نيروز: ها غرام وصلتلك.
لا سمعت من خلال مكالمتجن وجبرتها تحجيلي الموضوع
المطلوب؟
عيونه نابع منها الغضب بس غاطي بهدوئه.
راح توافقين؟
يمكن.
لااااا تستفزيني
ليش منو انتَ و أستفزك؟
لا تنتقمين بهاي الطريقة نيروز.
عدلت شعري مسحت وجهي اباوعله.
انتَ بنفسك خليت طريقنا مشتق وكل واحد بينا راح بطريق مو هذا الي
ردته موووو جناابك استغليتني و مو خلصت مصلحتك نهيت كلشي.
نظرلي بنظرات ندم بس شتنفع؟
غلطة
لعد أتحمل عواقب هالغلطة.
أتحمل كل عواقبها بس لا تتزوجين
اوف اخي شعليك
لا تگولين اخي مو اخوج انا.
أباوعله يمكن يحارب بنفسه وواگف على رجليه منتهي نظراته تتوسلي
رجعت ظهري على الحايط و الغصة احتلت أوتاري.
نيروز: عن شنو تحب أسولفلك عن الليالي إلى نمتها ودموعي بعيوني؟
لو عن گلبي إلى حرگته عن شنو عمر؟ انتَ الشخص إلى ثقيت بي و غدر بيَّ ثقيت بيك
بالوگت إلى ما عندي أحد أثق بي خليتني ارجع أعيش الحياة
و أشوفها شگد حلوة.
اتغابيت و حبيتك من طرف واحد شمدريني بيك تخذلني؟ و تطلع نيتك
الغدر بسببك وصلت مرحلة كرهت نفسي بيها لان حسيت نفسي لعبة تتلاعب
بيها شنو جوابك الي؟ راح تگلي أنجبرت تمام اجي وياك حقكم بكلشي امكم
و أبوكم ماتوا و اختكم تمرضت وخسرت شبابها بس اجدادي السبب لا اني و لااااا غياااهب النا ذنب.
صارت عيوني على أحد التحفيات الموجودة تقدمت لزمتها رفعتها بوجهه دموعي نزلت.
اذا اكسرها هسه راح تگدر ترجعها مثل قبل؟ راح ترجع تصبها
مثل صبابتها القديمة و ما يبقى اي أثر بيها؟ ههه لا طبعاً الشي
من ينكسر ما يرجع مثل قبل و هذا حال گلبي وياك.
درت وجهي عنه أختنگت أكثر رجعت محررة سيل الدموع على خدي
بصمت حتى لو احبه ما اگدر ارجعه الحياتي و أهين نفسي بأسم الحب مسحت
دموعي سحبت نفس درت وجهي عليه واگف نفس وگفته دمارات جبينه برزت.
عمر: حقج بكلشي و يمكن صدگ ما أستاهلج لان غشيتج بيوم مو الايام.
صفن بعيوني رجع اردف بنبرة كلام وجعت گلبي بصوته المخنوگ.
وعد رجال الج ماراح تلمحيني بعد طالع من كل حياتج الله يوفقج بحياتج
اتمنى إلى تصيرين من نصيبه يعوضج عن كلشي تستاهلين كل الخير.
فتح الباب و هوَ يحارب بنفسه و بدموعه أشرلي.
أتفضلي أعتذر على تصرفي إلى سويته هسه بس چان بنفسي احجي واتفاهم وياج.
نيروز: الله يوفقك.
طلعت من يمه صارت بوجهي غرام مجرد شافت حالتي و دموعي إلى رجعت
تنزل اخذتني من ايدي الغرفتها اختنگت و النفس ضاگ بصدري، گعدت بصفي.
غرام: اسفة بس هوَ طلب هذا الشي و أصر عليه.
بچيت أكثر أضرب على گلبي.
نيروز: ياريت لوووو ما شايفته يارريت.
حضنتني تهداأ بيَّ بس شيهداأ واني گلبي ميت بي.
فدوة كافي تبجين نيروزه.
شسوي مداگدر أنسى اتمنى أفقد ذاكرتي و ارتاح من كل هالعذاب
أنطي فرصة.
فررررصة شنووو داگلج و لا مرة گالي احبج على شنووو انطي فرصة
و منو راح يخلينااا ننجمع اهلي ماراح يسمحون بهيج شي طريقناا مستحيللل.
ماكو شي مستحيل عند رب العالمين يله كافي هسه امسحي دموعج
اذا الله قاسمكم البعض صدگيني لو كل الناس تصير ضدكم راح تنجمعون
الثقة معدومة بينا
ترجع مع الايام شوفي اني منو چان يصدگ اگدر ارجع اعيش طبيعي
لو أحب شخص و اخلي يتقرب إلى بعد إلى صار ويايَّ.
الخال مو مثل عمر الوضع يختلف علوية زوجج ما اخذلج مثل ما خذلني عمر.
وگفت أمسح بدموعي لا امي اتلاحظني و أتشك بشي طلبت من غرام مكياج
اعدل وجهي إلى انگلب حطيت و تقريباً خفيت ما مبين باچية كلش بس إلى يركز حيل ضحكت غرام.
انتِ طبقتي كلام دني إلى ينهارن وبعدين يگعدن يحطن مكياج.
القوة تطلب علمود نكمل بحياتنا.
كملنا وطلعنا راجعين يم امي و مليكة باوعتلي امي بأستغراب.
نادين: شبيها عيونج ماما.
نيروز: حطيت هذا شسمه اييي حطيت مسكارة من غرام بس يمكن ما ناسبتني عيوني صارت تحركني.
هزت براسها
يمكن لو وحدنا جان ركزت بس لان طالعين نص ساعة واجه الخال گال
ابو نيروز يگول يله سلمنا عليهم وطلعنا طلعت من البيت باوعتله واگف بصف
خاله و ابوية يحجي وياهم ما رفع راسه و لا داره ما باوعلي و لا حتى بنظره و منا أدركت معنى كلامه.
الاعرج.
أسوء عدو للانسان الذكريات خصوصاً من تكون ذكريات سيئة و مشاهد.
نحفرت بعقلك مو الطفولة الهذا يومك الدنيا من تقسي على بني ادم بكل مرة اشوفنها
تقسي اكثر ويايَّ حقدي يتضاعف على سالم و عياش عبن اشوف المسؤؤلية جبيرة
وره وفاة امي عفاف مليكة رفضت نبقى بالعمارة اهلها من بغداد اجينا البغداد
سكنه بيها ديرة غير عن ديرتك ناسها غير عن ناسك خذينا بيت گعدنا بي بس چانت من فلوسهم.
ما عندي المبلغ إلى يساعد چنت بكل مرة أحس گعدتي ثكيلة بس وين أمن اخواني.
من اطلع اشتغل بالعمارة چانت مليكة تجي تبقى يمهم ببيتنا و لا الايد تقبل
تمد ايدها الاحد وتاخذ الفلس اذا مو بتعبي احس بروحي بيَّ نقص، ناز عرضناها
لاكثر من دكتور و بكل مرة ما نحصل شي اعزها معزة خاصة لان نسخة
من امي عفاف بشكلها، عمر هدوئه ضحكته نسخة ابوي حسين، انسام ماخذه
طيبتهم و حنيتهم عشت لأجلهم تعبت بيهم مثل تعب الام إلى تربي وليداتها.
مابقى شغل مادخلت نفسي بي. صارت الصدفة و شفت هل التوأم المتميزات.
عن باقي البنات بشكلهن و شعرهن ترتيب لبسهن وحدة منهن هادئة حتى بضحكتها
لو ضحكتها اما الثانية تحسها بيها رعونية بحركاتها (حنين) من اشوفهن بگد
ضيمي و تعبي مالي خلگ ابتسم بس شوفتهن تخليني ابتسم لا ارادياً مرات
من ارجع اسمع هاي الرعنة تصيح للهادئ بأسم أولريش ، كبرت و كملت دراستي.
و دخلت بهذا المجال لأجل غاية وحدة بديت بالبحث عن سالم و عياش يجوز.
حتى لو افقد الذاكرة انساها كلها الا هل الاثنين بسببهم الجأ للنوم شارد
من واقعي المر إلى اعيشه بكل يوم بس ماكو فائدة اغمض عيوني يمشي گدامي
شريط ذكريات الماضي كلها.
تعبت و انا ادور عليهم و لگيتهم بيوم من الايام عرفت موجودين هنا ببغداد
گدرت احصل معلومات خصوصاً بعد مادخلت عمر بمخططاتي و جان يسحب
كلام من نيروز إلى و لا مرة ذكرت خلافهم ويا اجدادها هنا تركيزي صار على سالم و عياش.
و اولادهم عرفت شعندهم من احفاد سلطان عنده توأم بنات تفكيري
چان يگلي اي هاي صيدة قوية بس ردت اوصل الهدفي من الحقد إلى بداخلي
شملت الكل واحد ما مهتم منو إلى مذنب و مو الما مذنب شفت المحامية غياهب سلطان
بالمرحلة الاولى عيوني ما انشالت عنها جانت واگفة تحجي ويا طالبة مثلها
شخصيتها جذبتني ما احب النسوان الضعيفة لان سهل ينكسرن بس القوية تتحداك.
بكلشي ما تنطيك مجال تكسرها بسهولة، ثكيلة حتى بمشيتها و حركاتها منا و انطبعت بعقلي.
النيه معروفة الشنو وصرت اخطط واخطط ثلاث سنوات اراقب بيها بس بهاي الثلاث سنوات
خسرت نفسي بيها من حبيتها، من بديت بكل خطوة بلغني عمر اكو خلاف بين العائلتين
بس ما صدگته لان ادري بي حبها النيروز بس يحارب بنفسه حاله من حالي انتقامي
وحقدي جانن اقوى على إلى شفته مليكة خالي عمر حاولوا اكثر من مرة يمنعوني.
اكمل بهذا الطريق بس ما غيروا شي عمر گدر خالي إلى ينجي من هل الانتقام
وبعده و عرفت باخوي حبها للبنيه بس انانيتي ماقبلت تستعطف احد بكل مرة اشوف سالم و عياش.
يصير كلشي عشته گدامي عيوني راقبت غياهب اكثر من شعر راسي
كل ما انزل من دوامي اگضي الليل مگابل بيتها و متأكد ماكو كاميرات چنت
أطفر من سياج بيتهم واختل بمكان اباوعلها من تگعد وحدها و تضل تباوع.
بايديها اشوفها من يجي احد تتغير و تغطبهن و تگعد تمثل الانسان الطبيعي
مثل كل مرة واگف أراقبها طلعت اختها التوأم فز گلبي و بقيت جامد بمكاني
من صاحتلها بأسم أولريش بقيت صافن و انا ارجع بذاكرتي للطفلة إلى شفتها
من سنين طويلة نكرت أفكاري و رفضت تكون نفسها رغم توأم بس اعتبرت هذا الشي صدفة.
بديت أدخل حياتهم بتسلسل حچيت وياها بشخصية مجهولة و حيرتها عجبني.
العب باعصابها أنثى الجوزاء تعجبني شخصيتها شگد ما هادئة و حنينه
الا غضبها قوي و ما ادري ليش چنت أسلتذ بغضبها، اصابة حنين جانت بالغلط
لان ردت أوصللهم رسالة منا بديت العب وياهم كلهم جبرتها على الزواج مني
و جنت مستعد أدمر شغل درغام اذا رفضت هذا الزواج بس ادري بيها راح تخاطر
و ما تقبل اختها تتزوجني، چانت انانية مني اتزوجتها و أذيتها بس ما استفاديت.
شي كل ضني من أذيهم ارتاح بس جنت اتعذب و انا اشوف الاذية إلى اسويها
اكره نفسي اكره اليوم إلى عرفت بي كل هالناس، اسرح بعيونها إلى ما اشوف
بيهن غير نظرات الكره اتجاهي رافض كل مشاعري اتجاها زواجي منها
ردتها بس تصير إلى مو بس علمود علمود انتقامي انا ردت هل الانسانة تصير
ملكي، صدمتي الاكبر جانت من عرفت هيَّ صاحبة القراصة إلى شفتها بالطفولة ما گدرت احچي و لا اگلها انا نفسه اتقصدت اسئلها تذكر شكله.
بس طمنتني من گالت ما تذكره كلش، رايدها من كل عقل وروح بس حقدي
يمنعني عنها تخليني انفر منها من تگول تلعب نفسي منك هالكلمة تخليني اعيش دمار كامل ويا نفسي.
ابتعد عنها بس بالليل ارجعلها اضم وجهي بشعرها بدون لا أتحس ماچنت أدري
طلعت كاشفتني و تسمع فضفضتي بكل مرة وضيم گلبي. اليوم ضامها
عن الكل اخاف اي اخاف ياخذونها مني و انحرم منها ادري بيها راح تعوفني.
بأقرب فرصة، أريد أذيهم اريد اخذ انتقامي منهم كلهم بس من اوصل الهم شي
يمنعني اكثر من مرة نويت على اذيتهم بس بداخلي انمنع بس سالم و عياش
ما يهزون مشاعري من أذيهم أذيت عياش و دمرته و سالم جان جاي دوره الا هيَّ
و الباقين من اتقرب الهم اريد أذيهم اعيش بتناقض وتعب.
طفيت الجكارة طالع من ذكريات الماضي و افكاري على فتحة الباب
مال الحمام طلعت منه شعرها مخليته صفح تنشف بي صفنت بيها حافظ بيها كل شبر يا عمي.
من الذِي أوهم الناس بأن التفاصَيل الصغيرة صغيرة.
رفعت حاجبها تباوعلي بنظراتها المعروفة.
غياهب: خير بيبي
ارسلان: سلامتج
لعد شكو تباوعلي
مُعجب
ايعع هاي الناقصة.
سحبت الحاسبة مالتي اشتغل بيها دخلت جوا الغرفة شهر اقل و كلشي يخلص ويصير ذكرى.
غياهب.
وگفت أمشط ضايجة من شعري شلع گلبي بالتمشيط بسبب طوله لزمت
المشط وطلعت الدمعة بطرف عيني وگفت يم الباب گاعد يشتغل و گدامه هاي الاوراق ترددت بطلبي بس طلبته
ارسلان.
جاوبني و عيونه بحاسبته.
حيلي
تمشطلي؟
رفع راسه بهدوء بملامح تفاجئ من طلبي.
شنو.
حكيت وره اذني.
اذا تعرف يعني
أي أعرف.
رفعت المشط اهدد بي.
راح أخليك تمشطلي بس أكسرك اذا تسوي شي ثاني.
لم شفته الداخل فمه يضمضم بابتسامته.
ادري شمتزوج مرة لو رجال بس تدفرين و تكسرين
هسسسسه شگلللت
تعاي.
بقيت اباوعله مقلصة عيوني مامرتاحتله.
لا اوگف بطلت ما اريد ما احب أتنازل بشي راجعة امشط وحدي.
اممم بس هالشي مابي تنازل مساعدة نعتبره اذا تحبين
ما اريد حتى مساعدتك بيبي.
گعدت گباله فتحت شعري جهتين و امشط بي مبرطمة بزعل وشفتي
ترجف عليمن ما أدري بين ماكملت سويت ضفيرة شريت المنشفة على الباب درت بكل جسمي عليه اسئله.
غياهب: ارسلان
ارسلان: گولي عزيزة عيوني
صليت؟
اي
عبالي بعدك لان اني اتاخرت على الصلاة جنت احس نفسي لعبانة من روحي ودخلت سبحت.
ابتسم يباوعلي بأرتياح أردف.
أنظف مَن كل حياتي انتِ .
اتجاهلت كلامه ماريد شي يأثر عليَّ.
اگلك ارسلان
گليلي يا حيل ارسلان
انتَ ليش تصلي.
طبك حواجبه.
شنو هالسؤال.
أكو ناس مقسومين قسمين مو ناحية الصلاة أريد أعرف من أي نوع انتَ
شلون يعني قسمين
يعني أكو قسم يصلون على مبدأ العبادة و أكو قسم يصلي على مبدأ العادة.
عدل گعدته مندمج بالحديث ويايَّ.
اممم حَلو كملي.
العبادة تكون عبارة عن التقرب لله بكل حب و خالية من انُ رب العالمين.
اذا منصلي يعذبنا ونخاف هالشي ما يتواجد بهذا القسم الانسان من گد عبادته
الرب العالمين يضوج اذا فاته فرض من الصلاة و يحس يومه بي نقص
و ما مرتاح هنا راح يكون عنده عبادة رب العالمين أهم من كلشي.
خوش حجي و القسم الثاني.
الي تكون عادة مثل الاكل و الشرب إلى بيومنا يعني مايشرب ال مي الا من يعطش
و ما ياكل بس من يحس بالجوع و على هذا الاساس ماشي بعض الناس.
و بس من يحس بأحتياج رب العالمين يلجأ اله و من ينطي و يحققله
الي يريده يرجع يگطعها و من يريد شي ثاني يرجع الرب العالمين
يلوگلج تصيرين استاذة بالحوزة وتصيرين شيخة غياهب
هسه جاوبني انتَ من أي نوع
ما يخصج.
خزرته بدون ما ارد عليه يا خباثته و أستفزازه انتظرت شعري ينشف
و أتوضة بقيت گاعدة ايدي جوا خدي أباوعله رفع عيونه شافني صافنة بي
ادري بروحي حلو لا تباوعين هيج
لا بس داگول شلون اتحملت شخص مثلك.
هم صدگ أهنيج على تحملج وصبرج
شراح أتسوي بهذا الشهر؟
نار.
طبكت حواجبه ما مفتهمة كلامه.
نار شنو
ما يخصج.
صحت بصوت بي.
اهلللي لاااا تتقرب الهممم
أعصابج
أقسم بالله أموووتك بايددي محذرتك قبللل.
طلع جكاره يورث بيها و يستفزني ببروده.
ارسلان: گومي صلي
غياهب: ما يخصك.
دخلت اتوضيت ورجعت أصلي وگفت نغزات بگلبي ما بطلت كملت صلاتي
بقيت على مصلايتي ساجدة ادعي ربي يحفظ أهلي و ما يخلي هالشخص.
بأنتقامه يأذيهم نزلت دموعي ذبيت تعبي و اني اشكي الربي عن همومي
و ألم روحي رفعت نفسي اشهگ بدموعي بقيت گاعدة مختلية بنفسي
ويا ربي كملت مسحت وجهي طلعت شفته ماموجود درت وجهي جان طالع من الحمام سابح.
ارسلان: تقبل الله حضرة المحامية
غياهب: من الجميع.
دخل للبيت ما ادري شيسوي راح أموت من خنگة هالبيت محبوسة بي الثواني طلع و ملامحه تتسائل قبل لسانه.
غياهب ليش تكرهين خالج مجيد؟
رجف جسمي خوفاً و ضاقت انفاسي شمعرفه أكرهه؟ بلعت ريگ أتهرب من نظراته إلى مخترقتني.
شجاب هذا السؤال أبالك؟
حسيت بي صار گدامي يباوعلي بنظرات شك.
ليش توتري هيج غياهب؟
منين داجيب هذا الكلام انتَ اي توتر ما متوترة و لا شي.
لا تجذبين اكو شي ضامته.
دفعته من صدره اصرخ بوجهه مجرد ذكرت كلشي انتهيت، أتدمرت، زاد عذابي.
شعليككك انتَ شعليككك ليششش تذكروووني بالماااضي.
اجتني النوبة وگعت بين أيديه حطني بحضنه يمسح على وجهي.
أهدي.
نزلت دموعي و اني اتذكز الماضي مال مجيد الكلب، انهاريت بهل للحظة
بدموعي اتخبل ارسلان من شاف وضعي شالني بين ايديه للحمام يغسل
بوجهي ورجفة أيده تحجي خوفه دخلني للغرفة ورجفتي بيَّ شهگت النفس اختفى
صدري يصير اعلى من وجهي بس اريد التقط الهوا أحتار شيسوي بقى
يسب بنفسه لان سئلني، مرت ساعات بين ما گدرت ارجع الوضعي.
الطبيعي بس الخدر لا زال بجسمي فتحت عيوني شفت نفسي بحضنه
عيونه صافنة بيَّ رمشت بهدوء صفنت بعيونه بمثل صفناته.
شلون صرتي
ليش سئلت عن مجيد؟
احسه مسويلج شي و هالگد واضح كرهه بعيونج.
بقيت بحضنه رفعت ايديَّ شابكتها ببعض اسيطر على نفسي نزلت دموعي بصمت شدني الحضنة أكثر و هوَ يگول.
من غسلني هالدموع شبيج يحيلس ليش تبچين .
اردفت بصوت مُرتجف.
ما عندي ذكرى حلوة بالطفولة بس أبوية.
رفع ايده يمسح بدموعي واصابعه تتلمس بخدي.
شسوالج خالج غياهب احجيلي لا تبقين كاتمة.
رفعت نظراتي اله حچيت مختنگة.
ما تلعب نفسي منك عبث
لان تكرهيني تلعب نفسج مني أدري.
هزيت راسي برفض ضربت وجهي بكل قوتي لزم ايديَّ يسيطر عليَّ ابچي بصوت عالي.
غياااهب بنيتي أهدي أبوس ايدج ليش جااي تأذين بنفسج هيج.
سحبت ايديَّ من وجهي بس ما اگدر افتح عيوني كل ذكرياتي انعادت غصيت بدموعي متعذبة اون ونين.
ارسلان: كااافي خيوووولي لاااا تفكرين.
حچيت بنص ونيني و بأنهيار دموعي تنزل بغزارة.
غياهب: أكره أحد يلمسني لان اتذكرررررر لمسساااااته.
أتوقفت حركته و ايده رخت مني صفن بوجهي يبلعم.
لمساته؟
مجيد. م. مجيد چان من يشرفني يضل يتلمس بجسمي اني والله
چنت صغيرة ما أفهم شنو إلى ديسوي اني مو سيئة.
شهگت بدموع أكثر.
من چنت عند عمامي عايشين چان يجي هناك و يصيحني يضل يسوي هالشي بدون ما أحد يشوف.
خفت من عيونه إلى أنگلبت حمر رد بهدوء عكس ملامحه.
كملي غياهب.
ضميت وجهي بصدره أرجف.
ما جنت واعية و لا أفهم بس چنت اضوج من يسوي هيج خفت احجي
و مل يصدگوني لان هوَ يگلي محد يصدگج و اموتج صرت اكره احد يلزمني بهيج لمسات اكره قرب بني ادم كله.
ملخت روحي تملخ منتهية من اتذكر كل لمساته القذرة و هذا جان اول فلم رعب اشوفه
بحياتي ضمني الحضنه حاضني بقوا ساكت دفنت وجهي برگبته اشهگ وغاصة بدموعي.
غياهب: تعبتوني كلكم تعبتوني تعبت من كلشي.
مارد جواب الثواني همس بكلمات التقطتها.
ارسلان: الحمدلله يا ربي الف مرة ما غلطت ذاك الغلط.
بقيت معلگة نفسي برگبته و وضعي المُزري مُستمر الى ان تعبت بعد ما
عندي حيل إلى أقاوم بي تمددت و هوَ حاضني على گلبه مد ايده يمسح بعيوني.
والله لاخذلج حگج منه وحگ هالدموع.
ما اگدر احجي تعبت غمضت عيوني و ايده تمسد على شعري مرة ومرة تمسح.
بدموعي إلى تنزل و هاي چانت أول مرة اسمح هذا القرب يدوم بينا و ما أعترض
سحبت نفس منه طويل اول مرة احس بالامان الفاقدته من فترة و اني بحضنه اليوم.
ارسلان: روحي أحترگت ويا روحها و هيَّ تحجي اخر شي توقعته هل النذل
يطلع مسوي هيج وياها و هوَ خالها غفت و الشهگة بصدرها صفنت بيها شگد
تمنيت هذا القرب برضاتها بس ما تمنيت سببه يكون بهيج حالة سحبت نفسي
منها طلعت وگفت عقل ماكو براسي ردت اطلع بس خفت لا تگعد.
و هيَّ بهيج
وضع بقيت الليل كله گاعد افكر هسه اجه دورك مجيد تتعاقب گعدت گبالها
بين ما صار الصبح فتحت عيونها المنتهيات من البچي لزمت راسها.
غياهب: راسي اوف احسه يريد ينفجر
ارسلان: ليش بي عبوة و ينفجر
ما تضحك
أدري، گومي غسلي و أتريگي و أنطيج علاج.
گامت من مكانها ما حجيت شي بخصوص البارحة جهزت الها الاكل دخلت للمطبخ تباوعلي على وجهه ابتسامة خفيفة
اليوم شو تسويلي ريوگ
غير مرتي
صدقة لله.
وگفت بصفي تسوي بالچاي ساكتة وجهه كله تعب من البارحة ماحجيت شي بس هيَّ فتحته لمن گالت.
كلشي البارحة صار اتمنى تنساه
تمام
شاطر ابني تريد چاي
لا اريد أطلع
واضح ما نايم
اممم
بكيفك بعد.
عفتها بالمظبخ بدلت ومتحلف المجيد ناويها اليوم عليه قبل لا اطلع صحت يصوت.
غياهب انا طالع انتبهي النفسج.
ما ردت
عليَّ طلعت قفلت الباب لان أدري بسوالفها ركبت سيارتي وطلعت من
المنطقة حطيت خط جديد اتصلت برقم خالي من زمان ما حاجي وياه.
كُميل: ارسلان
ارسلان: أحساسك ما يخيب
أبن الطحال وين مختفي انتَ.
بهل الدنيا شنو الاخبار
زينين نسئل عنك.
اسمع صوت همس ناعم عرفتها مرته بس تگله گله على مليكة.
اممم شبيها مرتك تگلك گله على مليكة شبيها؟
ذاك اليوم صارت حادث بالبيت و امي اتأذت
ما فهمت حادث شنو؟
حريق.
بسرعة وگفت السيارة على جهة.
حريق؟ أحد اتأذه خالي احجي
لا تصير زمال محد اتأذه مو گتلك بس مليكة
وناز؟
ما بيها شي لا تخاف.
جاي تحچي صدگ لو تضم عني انطيني العلوية احجي وياها
وولك لااا تصير زمال من اگول و الزهرة مابيها شي بس صدگ بالبداية تخربطت بس هسه احسن و امس هم احسن
خالي ديرو بالكم على إلى بالبيت شكوووو مخليلي زلم اثنين بالبيت مو گايللكم اذا يطلع واحد الثاني يبقى
كافي لا تلغي قدر و صار.
مليكة أكيد احسن؟
اي
تگدر تجيني
وين؟
بالاول گوم من مرتك خليني احجي براحتي حاطه راسها بنص الجهاز.
أنتظر.
راح صوته بعدين رجع.
ها ارسلان گول.
اريد اجيب شخص
شخص؟ منو
مجيد ابن سالم
شتسوي بيَّ
نجيبه و تعرف بعدين
احچي بالاول شعندك وياه.
خالي رحمة الابوك شگددد تلح
الله يطيح حظك
هسه تجي لووو لا
أشتعلت عشيرتك جاي.
سديته منه دزيتله المكان زفزت نفس اذا ما زوعتك العافية يا مجيد صعدت
بسيارتي متوجه للمكان وصلت بقيت واگف الى ان وصل خالي صف بسيارتي بصفي نزلت الجامة.
ارسلان: ها خال مشتاقين
كُميل: الجذب يمشي بدمك.
وانتَ ما محلفني مشتاقلك.
انجب انجب و فضهااا شعندك ويا مجيد
تعال أصعد ويايَّ.
نزل من سيارته صعد يمي.
غرد بعد خالك شعندك.
بقيت ساكت حاير احجيله السبب او لا بس خالي أمن بي ما يطلع السر الأحد لأي بشر.
خالي شنو رأيك بالناس إلى تتحرش بالاطفال المحرمة عليها
اشباه الرجال ذوله و نفسيات نكسة قذرة
مجيد من هذا النوع.
باوعلي مستغرب من الموضوع.
شلون.
حجيتله كلشي صار ويا غياهب و مثل ما توقعت ردت فعله خصوصاً حالة العلوية بيها شبه الحالة غياهب.
كُميل: وين نلاگي هالحيوان.
ما راح نروحله هيج راح نروح على أساس شغل دينه و معبودة الفلوس
يبيع حتى أهله علمود الفلوس راح نضحك عليه و نگله ندخل شراكة بنفس الشغل ك عرض ونغري بالفلوس.
خوش حجي توكل.
حركت سيارتي اتوجهنا المكان شغله يشتغل بأحد المصطلحات عنده معمل خاص بي.
ارسلان من ناخذه شتسويله
أطلع ضيمي بي
غياهب تدري؟
لا و لا راح تدري، الزبدة لا انتَ تحجي الاحد و لا انا.
وصلنا للمعمل مالته نزلت ابتسمت تك خد سرعان ما اجت ابالي فكرة.
ارسلان: خالي غيرت الخطة
كُميل: ابن القندرة لا تبقى تلعب
اسمعني انتَ بحكم شغلك راح تروحله تگله قررت اغير شغلي ورايد نصيحتك و
هل السوالف تلزگهن و انا راح أنتظرك بمكان ال تعرفه اكيد علساس
هذا أبالك تسوي مكان الشغلك الجديد و تجيبه و تجي و ديربالك تطلع وياه
وحدك لا بالاول انطي مكان يجي ياخذك منه بس خليك قريب منه علمود خاف.
يصير شي ما يگولون انتَ اخر واحد طلعت وياه بس سلمه إلى و مالك علاقة بعد.
يعني مرتي تطلگ و انا بالسجن
يله خالي لا تصعبها.
دخل خالي بعد ما شرحتله كلشي من خطة رسمتها، رحت للمكان إلى اتفقنا عليه
بقيت گاعد بي ساعتين ضبط و سمعت طبكة باب سيارة انفتح الباب
دخلوا اثنينهم خالي و مجيد جاي برجلي للموت اهلاً و سهلاً بس شافني تغيرت ملامحه
مجيد: انتَ مو نفسك نسيب سلطان
ارسلان: نعم.
هاا هههههه انا ادري هذا الرجال الخير خالك بس ما توقعت اشوفك هنا
مع الاسف انا الاعرج اتوقعوا كلشي مني العب الناس على تك رجل.
صفن بكلماتي مشيت باتجاهه وگفت گباله دمي فاير من اتذكر كلام غياهب
و روحها الحارگها فوگاها ابن سالم خاف قبل عليه نقطة هسه نقطتين
صارن لزمته من ياخته نومته ببوكس بنص وجهه لزم خشمه فاتح عيونه ما مصدك الهجمة إلى اجته.
مجيد: شجااااااي يصيرررر.
ارسلان: شبيك مقبلات ضيافة هاي بعدنا ما مسوين شي.
رفعت راسي الخالي واگف حاط ايديه بجيوبه يباوعله بأشمئزاز.
خالي راقب المكان بين ما اكمل شغلي
طلع بقيت بس انا ويا مجيد.
وولكم بيت سالم شاربين حليب شنو؟ سوووالفكم سوووالف ولد الزنى كووووا.
سحلته گعدته على الكرسي الموجود ربطته دفرته برجلي بنص صدره طاح لوره رجعت رفعته بالكرسي لزمت فكه.
فهمني بس شنووووو چان أحسااااسك وانتَ تسووويي وياااا طفلة القذارررة.
شتحچي انتَ.
رجعت نومته ببوكس بنص عينه يمكن راحت انطفت عينه بس العار يبقى عار.
لاااااا تغشممم بروووحك سوالفناااا ذني و كلهن مطگطگهن الله وكيلك لاااااا تلعب بذيلللك.
فتحت ايديه الرابطهن سحلته لزگته شامرة على الحايط خانگه.
شلووون أنطاااااك گلبك تلززم و تتلمس طفللللة و مووووو اي طفلة بنت اختك ياااااا حيووووان.
نمت عليه ما أشوف بعيوني قبضت ايدي ما تهمني الضربة صارت وين تجي.
اضرررب بي فاقد و إلى يخليني ازيد الخوف البارحة بعيونها ورجفتهاا
عقل ما بقى بالررراي دمه گام يتطفر رفعت اصابعة أكسر بيهن بدون ما يهتز
مني شي صوته ترس المكان عفته اكو عمود سحبته طحت بي عليه الى ان انكسر بالنص كسرته بي ذبيته.
بياااااا ايددددد جنت تلزمهااااااا.
ما يگدر يحجي من إلى صار بي دفرته گالبه بايديه سحبت وحده من ايديه
بدون أي تردد و تفكير كسرتها عاط بصوت رج المكان على اثر صوته.
المتعذب ويا جسده دخل خالي طگ أصبع.
كُميل: تمنيت غسان العار يطيح هيج بايدي قبل لا يموت مثل الجلب الا اطلع حيف علويتي بي.
العلوية نيمت طلقة بمخه هناك منتظره الاكثر
هسه هذا شراح اتسوي وياه
ننتظر الليل بافي شغلة وحدة و ينذب باب بيته مثل الجلب.
خاف يحجي و يگول احنا إلى سوينه بي هيج شوف شسويت بي ارسلان مجررررررم انتَ.
طلعت وصلة امسح بيها ايدي.
شيحجي شبيك خالي غير يفضح روحه.
مسيطر عقلة يفر الاذن بس لو ما سوالفك المكسرة.
يا سوالف خال
انتقامك
اممم.
سكتت ما جاوبته لليل كلش سحبنا مجيد حطيناه بالسيارة و طلعنا
اطبق الفكرة إلى ابالي و گفنا گبال المعمل مالته اكو حارس يحرس بالليل.
خالي شوف شغلك و بس اشغله للحارس بدون لا تأذي رجال جبير بس طفي الكاميرات و احذف كلشي منها
اله الله إلى يطيح بايدك.
نزلت بقيت گاعد منتظره درت وجهي شفته يفتح بعيونه و يسدهن تفلت.
عليه بقيت بالنص ساعة منتظر خالي الى ان وصلت رسالة منه كاتبلي.
كُميل: كلشي تم.
نزلت فتحت الباب سحلته لازم ايده المكسورة ويسحل بروحه بالمشي.
الاعرج: اليوم أخلي النواعي اتهلهل ببيوتكم
حطيته گدامي بنص المعمل شغلت الكاميرا مال الجهاز گباله وگفت بصف الجهاز أشرتله.
ارسلان: غرد
مجيد: لا تحرگ المعمل
المعمل لو روحك؟
بقى ساكت يتلاوه ويا ألم عذابه.
روحي
أعترف بكل قذارتك.
بعد ضغط وقوة بدأ يعترف بكل قذارته و المصيبة الاكبر زمُرد أمها چانت
تدري حسب كلامه بدأ يحجي شلون جان ياخذ غياهب ويسوي افعاله
القذرة غمضت عيوني جمرت شفته سكت عطت بي.
كمللللل ياااااا سگططط.
رجع يحجي كل معناتها وياه شلون تتوسله شلون يهدد بيها ويخوف بيها وهيَّ طفلة.
و تقنعني بس غياهب؟ مسوي هذا الشي وياها
لا.
ذبيت حسرة جنت حاس مو بس هيَّ إلى يمشي بهيج طريق تكون ضحاياه اكثر من شخص.
كمل مستقبل منو مدمره.
رفض يحجي رجعت اعذب بي الا ان گال.
تعرضت الطفلة قريبة مو شغلي
أعتديت عليها اعتداء كامل؟ و طفلة،؟
أي والله موب.
ركضت عليه راجع نهيته صار يكح دم.
كافي لهنا هسه اشوف شغلي وياك حتى گتلك حلال انتَ جنت مخلي أبالي شي بس بعد كلامك هذا تغير كلشي.
طلعت من المعمل قفلته المفاتيح ماخذهن من عنده عنده نسخ ما ادري خالي
وين صار وشسوا بالحارس عبرت باتجاه سيارتي فتحتها طلعت النفط الي.
عندي رجعت للمعمل نايم نومة الچلاب، بديت اذبه على الشغل مالته شگد
سافل و حقير انا و اناني بس ما وصلت الحقارتهم و سفالتهم رشيت
المعمل باماكن رجعت عليه وگفت على راسه ذبيت ماتبقى من النفط عليه.
ارسلان: الحرام ما يدوم و المجرم إلى مثلك حرام يعيش اكثر، ثانياً اتفل
علي رجولتكم ولو هيَّ وينها الرجولة النسوان ارجل منكم و احسن ياااا عارات.
رفع راسه گوا يحجي.
محيد: شتريد اخذ بس لااا تموتني.
أذا أخليك عايش أصير زبالة حالي من حالك.
نزلت عليه لزمته من فكه عاصره عصر بايدي نزلت دموعه.
ارسلان: هذا حگ غياهب و حگ الطفلة إلى دمرتها و حگ كل بنيه تقرب الها
مشيت بأتجاه الباب ما عندي ذرة تردد بالراح أسوي وگفت طلعت الجداحة
شغلتها اباوعله شمرتها بنص المعمل و گلبي محترگ مثل هالنار.