رواية وتيرة الأعرج للكاتبة حوراء السعيدي الفصل الحادي والأربعون
غرام.
مرت فترة رؤيا موجودة يمنا أحسها مرة غريبة مرة طبيعية مرات أشوفها تبجي
و ما أفهم السبب الحقيقي و اگول يمكن بسبب وضعها موضوعها صار
يم ارسلان مستلمة و يدور على أبوها و عمامها بس الغريب ارسلان
يگول مدايلاگي اي شي و لا حتى يوصله الهم بهاي الفترة هوَ التحق الدوامه
و ما يجي النا بس بوقت الحاجة لان قراره جان يطلع من البيت و لا يعقد على رؤيا.
غرام: ممكن سؤال
رؤيا: جواب.
انتِ معقولة ماشايفة ابوج و عمامج بكل حياتج
اي والله ما شايفتهم و لا رايحة الهم بكل حياتي.
هزيت براسي مستغربة رجع كُميل من شغله إلى هالفترة دانشوفه قليل
هم بسبب شغله لان عمر مو وياه و الولد إلى وياه عنده ظروف و ما يگدر
يتواجد بكثرة اجاه اتصال و من خلال كلامه عرفت منو المتصل.
كُميل: هاا خالي. اي بالبيت. هااا. خوش أنتظرك.
غلقه وخطف نظره من رؤيا سريعة مرت كم ساعة دخل علينا ارسلان.
الي صارله يومين من نازل من دوامه بس ما اجانا.
ارسلان: السلام عليكم.
رد الكل السلام مليكة يم بيت اختها لان راجعة متخربطة المرة وضعها
تعبان بسبب مرضها و الطفل عبوسي اخذه ارسلان قبل لا يلتحق ل أهله طلعوا
من المستشفى و بوقتها مليكة راحت وياه تسلم عليهم و اتشوف أمه.
ارسلان: شو شووو انطوني ابني مشتاقله.
ضحكت شلته حطيته بحضنه سراج كبران و عافيته الحمدلله احسن من قبل.
حبيبي طالع نسختي اخذه مني رفعه الصدره حاضنه يشم بي يمكن ابني انجعص حاطه على گلبه.
كُميل: ولك خنگته.
ما حاضنه كلش قوي مشتاقله موبيدي بعدين انتَ شلك علاقة انا و ابني لا تدخل.
اكل تبن ابني انا منين اجه أبنك.
غمزله مبتسم.
من يوم إلى سموا العزاز صار ابني.
هز بأيده كُميل گعدنا كلنا و حتى رؤيا ويانا بقى ارسلان يلعب ويا سراج
ويبوس ويشمشم بي بحيث حتى إلى يحاجي مايرد عليه وين يله رفع راسه علينا.
ارسلان: شو ضعفان ليش مريض؟
غرام: لا بالعكس سمنان و كبران
هاا ما ادري بس حسيته ضعفان
لا ما بي شي الحمدلله.
هز راسه مأيد كلامي و دار على رؤيا يا اخي والله نظراته تخليني اشك حتى بروحي و اني مالي علاقة.
ارسلان: شلونج رؤيا؟
رؤيا: الحمدلله.
عندي خبر حلو الج.
بقت تباوع بعيونها علينا بلعت ريگها وجاوبته.
خبر؟ خبر شنو
لگيت أهلج.
بقيت صافنة العدة ثواني و ردت عليه بأستغراب.
أهلي؟
اي و ان شاء الله ذني اليومين يجون ياخذونج بلغتهم بكلشي.
ما شفت
بملامحهت فرحة او يمكن حست راح تطلع من جحيم و تدخل بجحيم ثاني، أستمرت بالصمت الى ان رجع سئلها.
ارسلان: انتِ عندج جهاز؟
بسرعة جاوبته.
رؤيا: لااا ما عندي ليش؟
امممم هيج.
من گد ما عشت هنا و شفت ارسلان و تصرفاته صرت حافظته و متأكدة
هذا سؤاله وراه شي وگف و اخذ سراج متوجه الغرفته و گال.
راح أخذ سراج يمي و انام شوية راسي يأذيني راح ننام بالگاع علموده اريده يمي.
غرام: بس ديربالك عليه حباب.
رفعه باسه بحلگه.
روحي هذا شلون ما أدير بالي عليه.
اخذه و راح بقينا گاعدين التفتت الرؤيا.
غرام: شو ما فرحانة لان لگوا أهلج.
لا فرحانة شلون ما فرحانة بس شوية دافكر شلون راح اتأقلم وياهم و اني بحياتي ما عايشة وياهم.
ان شاء الله يطلعون زينين و تتأقلمين وياهم
ان شاء الله، اني راح أدخل جوا محتاجه شي؟
سلامتج حبيبتي.
نهضت من مكانها بقى كُميل باوعتله يغفي من النعاس مديت ايدي الايده فز طابك حواجبه.
گوم ناس كُميل.
كُميل: اي والله تعبان.
طلع ينام و اني لملمت الصالة مابيها شي بس غراض سراج دامشي
سمعت صوت همسات جاي من غرفة رؤيا إلى گاعدة بيها مشت رجليَّ بخطوات
معدودة وگفت بصف الباب اسمع للهمس بس مدالقط شي او أفهم، مديت ايدي للباب و انفتح جانت هيَّ.
غرام: ويامن تحچين؟
رؤيا: ما فهمت شبيج غرام هههههه شنو ويامن احچي
هيج يمكن داتهيأ من التعب و انعس اخذي راحتج.
عفتها
دخلت الغرفتي بالي بقى يمها ورسول الله متأكدة سمعتها تحجي بس خاف
تحجي بينها وبين نفسها ما اريد اشيل أثمها و أظلمها رفع عيونه ناحيتي.
كُميل: وين جنتي
غرام: رتبت الصالة سريع
تعاي حُضن أسلامي عيناي.
ههههههههههه
تعاي علوية.
نزعت حجابي دفنت نفسي بحضنه و هوَ ساكت بسبب تعبه همست.
كمولة
اممم
تحبني؟
عاشگج علويتي.
حضنته أقوى مبتسمة ردت احچيله إلى سمعته بغرفة رؤيا بس أترددت
غمضت عيوني هم انعس جانت الدنيا ظهر، للعصر گعدت على تحرشاته فتحت عيوني بنعاس.
غرام: ما رايح للشغل
كُميل: الولد اجه للشغل وبقى بمكاني جسمي مكسر من التعب هالفترة.
رجعت حضنته و اني احچي وياه.
بعد أحسن خليك يمي هالفترة صايرة ما أشوفك هواية.
جعصني بحضنه باس راسي.
مدام نواصة
شنو نواصة
من تحجين تنوصين تنوص بحيث اريد اعضج عضة تفوخ گلبي.
ينطيك گلبك؟
لا اتلعبين على الوتر الحساس.
ابتسمت رفعت ايدي متسلله على محياه بهدوء.
عود ليش شكلك هيج.
سحب جكارة يدخن.
شبي شكلي ما عاجبج ام العيون التلمع
لا مو هيج قصدي حبيبي أوف شبيك يعني أقصد ليش سوالفك تضحك
وانتَ شكلك مال واحد أربعة وعشرين ساعة عصبي و مغضب.
صوج ابوي
شعلية أبوك؟
غيررر اشبهه نفس الشكل
صدگ يعني تشبه أبوك انتَ؟
اي. اگلج شو هذا اخذ سراج بعد ما رجعه.
اي خطية عوفه عنده تدري بي متعلق بسراج و ابنك هم يسنح ويتسرسح على ارسلان.
منين يطلبها مثل امه من تسنح بحضني
علساس انتَ ما تسنح و تسرسح.
نزل براسه عض خدي قوي خلاني أرافس باوعتله خازرته.
شلعتتتت خدي
تحرگين گلبي من تسولفين تجرين بالكلمة جر.
ترررا داحجي طبيعي اني هيجج
اگلج.
باوعلي بنظرات تلاعب و ايدي لازمة بيها خدي.
هااا
صايرة ما تلبسيلس احمر
ماااا البسسسه بعدددد.
ليش؟
كافي الچفصاا إلى چفصتها بسببه نووب أرسلان ذاك اليوم بسمرك بالاحمر اتمنيت الگاع تنشگ و تبلعني.
خيولي يغار لان باقي حديقة
لا تحجي عليه اخوية هذا
راح أغلط عليج و على أخوج.
ديربالك مو انتَ موصيني بالاحترام إلى اهمشي بالعلاقة بين الطرفين.
غيرت رأيي اريد أغلط
لا
گووووومي جيبي أبنج ووولكم ابني خلوووني اشبع منه منيننن طلعلي
ارسلان ساعة السودة إلى خلينا غياهب تسمي.
نزلت وگفت گدام المرايا اباوع النفسي ووجهي اثر العضة بخدي درت وجهي
عليه عيوني مدمعة هسه اذا لاحظوا اصير مضحكة.
هسسه شلوووون أطلع
ليش؟
شووووف خدي
وهسه راح تگلبيها مناحة لان خدج هيج
لعددد تريد اطلع و ارسلان يلزمهااا عليَّ
قبل شوية تگولين اخوية ونفشتي ريشاتج عليَّ.
رجعت لفراشي لفيت روحي بالغطى مطلعة بس راسي.
غرام: انتَ روح جيب أبنك.
نزل يمشي راد يطلع صحت وراه.
وينننن طالع هيج البس الترواكة مال التراك نسيتتت عندنا بنيه.
سحبها لبسها يباوعلي ما عاجبه طلع بقيت نايمة سحبت جهازي شفت سوزان
دازتلي صور الشغلات مشتريتها جاوبتها ورحت للانستا من فترة تابعت ارسلان
دخلت للستوري مالته ضحكت من شفته ناشر صورة تجمعه هوَ و سراج مخلي
علي صدره و ابني نايم، سديت الجهاز بقيت گاعدة.
شو اتأخر الدقائق رجع وبايده سراج گاعد، گعد بصفي بس كُميل يصفن.
هااا صافن كمولة.
من رحت اجيب سراج طلعت گدامي رؤيا من غرفة ارسلان.
باوعتله متفاجئة.
شافتك من شفتهاا طالعة؟
لا ما شافتني و من دخلت الغرفة ارسلان شفت ارسلان نايم و بس سراج گاعد
غريب لعد شوف خلي اگلك اني شنو صار ويايَّ.
باوعلي بأهتمام و تركيز.
كُميل: شنو شفتي؟
غرام: هاي دخلتوا الغرفكم تنامون اني رتبت الصالة و سمعت صوت همسات
جاي من غرفتها بس ما فهمت شنو بالضبط و، كملتله كلشي صار، بس ورسول الله اني متأكدة من إلى سمعته.
بدأ گلبي يلعب منها
ما ادري ليش بس ارسلان سئلها عندج جهاز او لا
لازم أكو شي أباله ما يسئل هيج اسئلة على الفارغ.
التفتنا اثنينا دارت عيونه على مصدر الصوت هذا صوتها؟ جاي من برا
و تبچي بقينا صافنين شديصير؟ حط كُميل سراج بحضني و طلع
كمزت من مكاني حطيته بمكانه لبست حجابي طلعت بقيت مستغربة
بالداشوفه ارسلان واگف ببرود و هيَّ گدامه تبچي، وگفت بصف زوجي أباوع للمسرحية إلى صدمتني وصعقتتي.
ارسلان: مو گلتي ما عندج جهاز منين أجه هذا الجهاز هسه؟
باوعتلي بسرعة و گالت.
رؤيا: غرررام انطتنيااع و گالت ضمي عندج.
توسعت عيوني على كلامها و الجذبة إلى جذبتها.
غرام: ليششش تجذبين شوووگت انطيتج الجهاز اني؟
رفع ايده ارسلان يأشرلي أسكت.
ارسلان: لا تبررين علوية و لا تخسرين حرف واحد انا اعرف الحقيقة بس اريد اسمعها منها.
صرت أرجف من عصبيتي شلون تتجرأ و اتهمني هيج أتهام لزم ايدي كُميل يهدأ بي.
رؤيا احجي الصراحة افضل مما أتعامل وياج غير تعامل.
رؤيا: مو إلى هذا الجهاز.
هز ارسلان راسه بهدوء ودار وجهه فتح اللابتوب مالته ما ادري شيسوي
بي بقى يشتغل الى ان حطه گدامنا على الميز و اتجحظت عيوني من إلى شفته.
ارسلان: انا بعمري ما صرت غبي و لا خليت بشر يضحك عليَّ خليتج ببيتي
وطلعت منه السبب انتِ بنية و طلبتي مساعدة و عيب على شوارب الزلم الي.
تخلي بنيه شابة بالشارع، بس هالشي مو معناه انا ثقيت بيج و لا معناه
ما راح أدور وراج شايفة هذا التصوير گدامج كله انا سويته حطيت كاميرات
بغرفتي و غرفتج لان اجيتي بوگت أشك بي باظافري خصوصاً بعد التهديدات.
الي جاي تجيني ف يا ست رؤيا لعبتج خلصت بكل يوم بالليل أشوفج بعد
ما تخلين الكل ينام تدخلين الغرفتي وتفتشين بيها.
گعد ارسلان حاط رجل على رجل و يحجي ببروده المُعتاد.
-و الجهاز أدري بي عندج من زمان وجاي تتواصلين ويا احد تنطي
معلومات عن كلشي هنا بس مشكلتج ما جاي تحصلين المعلومات إلى تريديها
عني لان ببساطة سابقج بخطوة، هسه خلصن المسرحية عندج شي تحچي؟
أباوعلها مسحت دموعها و أتبدلت من رؤيا إلى دخلت البيتنا الى رؤيا ماليها
الحقد و الغل مو نفسها البنيه البريئة إلى حويناها بييتنا تباوع الارسلان بنظرات تحدي كلها خبث و حقد.
رؤيا: انتَ تسبق بنقطة و اني اسبقك بنقاط.
عض شفته يهز براسه ورجله.
وشلون سبقتيني بنقاط.
گعدت گباله بنفس الگعدة مالته.
أكيد تذكر ابو تراب إلى قبضت عليه انتَ و الضابط درغام.
طبك حواجبه ارسلان بنص ابتسامته.
اي؟ منين تعرفي
اني أصير بنته
يعني أكيد نفس الخيسة، كملي
و لا تفكر وحدي بظهري اخوية
ايضاً نفس الخيسة دام ابوكم ابو نعال شتطلعون انتم قابل.
صارت عيونها على الباب ورجعت الارسلان تباوعله.
اني راح اطلع من هذا الباب بدون ما تصير ذكي ويايَّ و بحال منعتني راح تتاذه انصحك نصيحة ما تمنعني.
هز براسه هزات متتالية ط
كملي كملي.
و لا تفكر حياتك انتَ بس إلى بخطر و مراقبة حتى الضابط درغام و عائلته.
أختفت ضحكته حك طرف حاجبه رافع راسه الها.
شرايدة بالضبط؟
ملف ابوية و تساعدونه يطلع
بيج زيج ايطيرج الباب البيت الخارجي.
رجعت ظهرها لوره بأرتياح.
لا تفرح هواية محضرتلك مفاجئة ثانية حبيبي.
اووه سبرايز قصدج.
گامت مشت باتجاهه مدت أيدها على الجهاز إلى تابع الها بايد ارسلان لازمه.
رؤيا: انطيني أشوفك شي.
انطاها الجهاز بايدها وگفت عيونها تفتر علينا مبتسمة بشر الثواني
حطته بوجه ارسلان إلى مجرد شافه تغيرت كل ملامحه نهض من مكانه عيونه متوسعة كأنما شوفته شي ما متوقعه.
ارسلان: شجاااابكم عليهاااا.
للأسف جماعتنا عبالهم زوجة درغام طلعت الخاتونة طليقتك إلى ماخذينها.
شهگت برعب من دفعها على الحايط خانگها و يحجي و هوَ راص على اسنانه.
اذا تتأذه شعره وحدة منها موووتكم على ايدي مو ايد غيري.
عيونها طلعت
لبرا و هوَ خانگها ركض عليه كُميل يسحبها من جوا ايده گوا طلعها عايشة
من ايده وگعن بالگاع لازمة رگبتها تكح و تضحك مو طبيعية هل الانسانة نزل ارسلان المستواها.
ارسلان: تريدون تلعبون مو؟ سهلة تدللون اذا ما كسرت ظهوركم ما اتسمى الاعرج.
رفع سلاحه بوجها شهگت للمرة الثانية من خوفي ورعبي دگات گلبي
من الخوف احسها صارت براسي رفع جهازه ما ادري خابر منو بلغه يجي سده رجع عيونه عليها.
جنيتي على نفسج هسه راح ادز النفس المكان إلى بي ابوج و ما أوصيج تونسي ونسة العمر هناك.
مدت رجليها طول ورجعت ظهرها على الحايط.
اذا تسجني هالحلوة إلى عندنا تصير بالهوا.
قوس شفايفة بطريقة استهزاء.
للاسف انتم الظاهر ما تعرفون خطفتوا منو هل الحلوة إلى تحجين عنها.
تلعبكم على تك رجل و اكيد الماخذها اخوج الله يعينه على ما ابتلاه.
بصق عليها بقرف وبقى گاعد گبالها يخزر بيها مدخن بعصبيته.
غرام: ليش دمرتي نفسج و دخلتي روحج بهيج شغل وانتِ بنيه بعدج صغيرة
ابوج مجرم اكيد و لازم يتعاقب شلون دتحاربين علمود شخص مجرم و راح اتأذون ناس و انتم ما راح تحصلون شي.
رؤيا: ماااالج علاقة انتِ خلليج برووووحج.
عجيب هالبشر نص ساعة و اندگ باب البيت.
ارسلان: علوية من رخصتج ادخلي جوا صاحبي اجه.
هزيت براسي
دخلت جوا بس بقيت فاتحة الباب شوية اشوف شنو إلى راح يصير
مايشوفوني بس اني اشوفهم دخل ولد ما اعرفه و لا شايفته.
ارسلان: تعال مُجاهد.
بسرعة الولد من شافها عقج وجهه.
مُجاهد: أهووو هم مرة
مُجاهد اسمعني زين ذوله هيَّ وجماعتها خاطفين غياهب.
باوعله متفاجئ و استحل الأستغراب ملامحه.
غياهب؟ غياهب غيررر مسافرة شجابهاا الهم.
ما ادري هذا إلى راح يوگف عقلي هيَّ مسافرة شجابهاا لهنا وشلووون وصلولها
خلي ناخذ هالسعلوة و أنشوف الوضع.
لا تطلعون من هذا الباب اكو باب ثاني اخذها منه لان متأكد جماعتها جاي يراقبون بيتي
اي مثل ما گلت خليتهم ينتظرون بهذا الجانب جنت داري اكو مصيبة
و ادري مراقب رجعوا يراقبونك بس انا اجيت بسيارتي
عاشت ايدك اخذوها و هاي جهازها يمي راح يبقى خلي اشوف بلگي نگدر نحدد شي من خلاله.
درغام لازم ننطي خبر ارسلان.
انا اخابره و أفهمه.
خذوا رؤيا وطلع من الباب الثاني ارسلان وياه لزمت راسي غياهب عندهم
خايفة يأذوها لان هيَّ من النوع إلى ما تسكت يا خوفي اذا عرفوا رؤيا صارت بقبضة القانون شراح يسون.
ارسلان: طلعوا مُجاهد و جماعته خذوها عقلي صار يم غياهب ذولة نكسين
يسون كلشي رجعت للبيت بعد ما اتأكدت ماكو احد لاحگ مُجاهد اتصلت بدرغام
ما يجاوبني ادربي بي حااقد عليَّ بس مو وگتها ضروري يجاوب رحت الخالي.
ارسلان: خالي انطيني جهازك.
انطانياه بدون ما يحجي شي اتصلت عليه مرتين جاوبني.
تررررررا مو وگت تبيع ثكللل براسي.
درغام: خير شرايد؟
منو يمك
العائلة
أطلع من يمهم.
وگفت انتظره يطلع من يمهم رجعلي صوته.
درغام: هاا ارسلان
درغام حياتك و حياة عائلتك بخطر
اي ادري بس شمدريك انتَ؟
گعدت من شفت النفس صار مو طبيعي من اخر عملية خصعتلها مارتاحيت بيها. حجتيله مختصر عن كلشي.
شنووووو شتحجي انتَ غياااهب شجابهااا يمهم.
ما ادري هاي بنت الكلب شوفتني صورة الها يمهم ورابطينها
بسسس عمي سلطان حذرهااا ما تدخل بغداد لان عنده علم بحياتنا
بخطر و مراقين و انا حتى حنيم منعتها من الدوام هالفترة.
ما ادري المهم انا رايح للمركز تعال هناك بس انتبه منهم
جايك.
سديته منه رجعت الجهاز الخالي.
ارسلان: خالي طالع للمركز انا انتَ ابقى هنا لا تعوف العلوية و سراج وحدهم
دير بالك ارسلان.
ما راح يگتلوني هالمرة هم براسهم هدف ثاني و لا تخاف انا مخلي سيارة من جماعتنا ورايَّ بدون لا ينتبهون.
طلعت من البيت صعدت بسيارتي لمحتهم من بعيد يفترون ركزت بيها ذولي
جماعتي اتوجهت للمركز و كلي خوف عليها خايف لا بسبب عنادها يسولها
شي موووو ادري بيها ما تسكت، وصلت سئلت عن رؤيا گالوا قافلة تحجي شي.
انطيتهم الجهاز يشوفون لعل نوصل الشي من خلال الاتصالات إلى بينها.
و بين الرقم الموجود بجهازها ضلينا نشتغل انا و جماعتنا على هذا الموضوع
احنا بهاي الفترة اماكن شغلنا كلها تغيرت، دخل درغام و بعيونه قلق.
درغام: شصاررر ويااكم.
ارسلان: جاي نحاول نحدد المكان إلى هم بي
ولددد الكلب، عمي گالهااا لاااا ترجعين بسسس تعاااند و اتسوووي إلى بررراسها.
الغلط منكم المفروض تنطوها خبر
اذا گنالها راح يزيد أصرارها ترجع انتَ ما تعرف غياهب.
درت وجهي منطي ظهره همست بالكلام بيني وبين نفسي.
هه انا الما اعرفها
شگلت؟
ما گلت شي؟
دخل مجاهد النا لعبانه نفسه.
مجاهد: ما ترضى تحجي شي
ارسلان: لا اتعب نفسك عوفها هسه و ما اتوقع تعرف مكانهم لان إلى يربطهم فقط اتصالات.
ما صلتوا الشي؟
بعد الولد جاي يشتغلون.
غياهب.
رفعت راسي باوعتله بقرف حجيت بنبرة استهزاء.
غياهب: بس لا عزرائيل و ما ادري بيك بيبي.
ابتعد قليل عني وگف بطولة رفعت حاجبي خازرته مد ايده الفكي ضاغط عليه قوي.
نقطة ضعف درغام.
صفنت بكلامه معنى كلامه هذا شغلته ويا درغام بس ليش اني؟
شعندك ويا درغام؟
هوَ يدري كلش زين قيصير شيريد بالضبط
شگد خطية انتَ.
قهقهه بضحكة مليانة خبث.
ليش مدام
انتَ تعرف اني منو؟
زوجة درغام.
رفعت راسي اضحك اغطي صدمتي من إلى داسمعه بس والله ضحكت من گلبي على غبائه هوَ و جماعته.
اني؟ زوجة درغام استغفرالله.
طبك حواجبه ما فاهم عليَّ.
يااا غبي يااا أثول اني مو زوجة درغام اني التوأم مالتهااا لعد شگد اغبياء واصل.
الغباء مرحلة عندكم جماعتك ما شافوا جنطة سفري؟
بسرعة عاط بصوته الخشن باسم واحد اسمه مازن دخل واحد من ذوله إلى خطفوني.
قيصر: هااااي منو الجايبهااا؟
مازن: زوجة الضابط درغام.
ما اشوفه غير شاله بصفعه فرك وجهه فر.
انييييي شگتلكم مووو گتلكم تررراقبون بيت درررغام مووو بيت أهل مررررته
و احنا سوينا مثل ما گلتلنا خليت سيارة يم بيته و سيارة يم اهل مرته.
رجع شاله بصفعة ثانية.
ولكم قنااااادر هااااي اختهااا جايبينهااا موووو مرته.
بقى صافن بي رقصت حواجبي بشماته اله طرده خارج المكان وذاك
مصدوم و هذا يفتر على راسي اعصابه فايرة.
هيوووو افتح رجليَّ اختنگت
مو گاعدة ببيت الخلفج تتأمرين
كلكم خلگ حثالة شجابكم الأهلي.
سدددددي حلگج حيووووانة لاااا اگص السااانج.
شلون رجفت من الخوف بيبي ريلاكس لتضربك سكتة قلبية.
عافني و طلع تغيرت.
ملامحي للجَدية معنى السووا حياة درغام بخطر ويريدون ياخذون حنين يلون
ذراعه بيها و يخلونه يسوي إلى يريدوا بس مستحيل درغام يخضع الناس مثلهم.
بقيت الوقت وحدي محد رجع دخل ما ادري شگد رجع دخل هذا الي
اسمه قيصر گعد گبالي دخل وياه واحد جايب اكل حطه گدامه و طلع.
غياهب: سممم سسسم و زقنبوت.
قيصير: أشكرج
تدلل بالخدمة عود هوَ عنده أخلاق
خليج عاقلة و لا تعمين على روحج ترا مالي خلگ نك النسوان.
دكلللل تبن حشى نعمة الله إلى گدامك بيك خير افتح الحبل الرابطني بي وشوف شسوي.
فتح العلاكه إلى بيها اكل و يحجي صوته كلش خشن شگد ما درغام صوته خشن هذا اخشن من صوته.
گلج خلگ بنيه شتسوين يعني
هسه انتَ سوي مثل ما گتلك وشوف هل الخلگ بنيه شتسوي.
مارد وگعد يتسمم ياكل احس اختنگت من الرباط قوي دخل هذا الاسمه مازن يباوعلي.
غياهب: عيوووونك ولك حيووووان لا افكسهنن الك.
دار وجهه دنك شاور هذا قيصر ما ادري شگاله و طلع كمل اكل ورجع
عليَّ اتفاجئت من فتح الرباط اتنفست بعمق جنت مختنگة.
قيصر: أنشوف شتسوين.
بعده مدنك نزل يفك الرباط من رجليَّ اول ما فتحه دفرته بنص صدره
رجع مرتد لوره لزم صدره يضحك بألم كبر كل هالضخامة مابيك خير.
هاي كل قوتج
لا عندي الاقوى هاي مقبلات.
اوف عجبتيني بصراحة.
درت بعيوني اكو عمود مخلي بالزاويا ركضت عليه لزمته بايديَّ جان بعده.
بالگاع رجعت عليه دگ ضرب وين إلى توجع بس جان اقوى مني سحبه مني وگعن بالگاع.
لا تصيرين شاطرة زيادة
انشوف.
لزم فگي قوي يباوع بعيوني لزگته براشدي بنص خلقته و هوَ تخبل رجع ايدي لوره ظهري ضاغط عليها حيل.
لعبتي بإعداداتج.
دفعني و طلع قفل الباب من جهته الثاني يوم اني وحدي گضيت الليل
كله گاعدة عبالي رجع سحبت العمود إلى بالگاع رفعته اريد أضرب.
بس هنا انشل الساني و اتجحظت عيوني من شفت اثنين دخلوا و لازمين ارسلان بايديهم دفعوا للداخل و قفلوا الباب.
غياهب: انتَ؟
وگف يعدل بملابسة وينكث بيهن إلى صارن كلهن تراب رفع راسه ناحيتي يباوع المنظري.
ارسلان: هاااي تاليتي أخلي الناس تخطفني قصد علمود أوصل يمج.
دسكت أسكت شجااابك هنا
أجيت علمودج يحيلي .
استغفرلله ارسلان ترا اعصابي تلفانة مالب خلگ هالسوالف.
نصي صوتج.
اجه يمشي باتجاهي لحد ما وصل يمي يباوع بعيوني اي اي والله عيونه بيهن فرحة.
ليش رجعتي؟
اشتاقيت الاهلي يعني ليش رجعت هذا هم سؤال.
اممم بس؟
ايي
جيد
جداً.
رفع ايده حاطها فوگ راسي مثبتها بالحايط بدون ما يطخني و الايد الثانية وره ظهره.
تقنعيني ما اشتاقيتيلي حضرة المحامية؟
ايعععع و منو انتَ و أشتاقلك.
نزل أيده و أشر بأصبعه ناحية گلبي.
انا المتربع هنا
خف علينا باتمان
اخخخخ غياهب اخخخ
اخخخ ارسلان اخخخ
شمسويلج؟
ناقصك تطلعلي بس بالمركة بعد
غير انتِ فوصة و جاي تتكلبين عليَّ
اذا اني فوصة انتَ واحد مسودن
مسودن بحبج.
دفعته بايدي قالبة عيوني مشيت خطوة اتسللت ايدي لبطني دفعني على الحايط خزرته راصة على أحرف كلامي.
دازينة تنقذني لوووو تحصر بيَّ أدبسززز.
والله ما غيرج الادبسززز الفوصة العرمة ام المصايب.
احترم نفسك لا أطگك بالگاع.
غمزلي.
شو طگيني بالگاع عاد انا اموت بلمسة منج
منحرف و ادبسزز مو بيدك.
ابتعد عني و گلبي دگاته مسموعة شجابه هذا و شعرفه نخطفت ماتوقعت ارجع التقي بي بعد كل هالاشهر.
غياهب: شجابك هنا؟
ارسلان: ما يخصج
نفسية
مثلج.
انفتح الباب كمزت من مكاني و هوَ واگف بمكانه دخل قيصير و وياه ثلاثة
من جماعته ايدي على گلبي شراح يسون و ليش داخل و هم وياه.
قيصر: منوريني حضرة الضابط و طليقته ردت أستضيف وياكم درغام بس ما صارت الفرصة.
ارسلان: ان شاء الله ما تبقى بنفسك.
أشر الجماعته اتقدموا اثنين علينا لزموا ارسلان گعدوا على الكرسي
وربطوا و واحد لزمني اجاه الثاني ساعده هم ربطوني و ابتعدوا عنه.
غياهب: تففف عليك ياااا خسيس.
خزرني ارسلان اسكت، ما أحس غير بحرارة نزلت على خدي ضربني.
ارسلان: اذا مااااا كسرت أيدك ابن القندررة.
طلعوا كلهم تاركينا احنا الاثنين بقيت ساكتة ازفر نفس بعصبية.
ارتاحيتي هسه؟
أسكت ترا مالي خلگ
غياهب لا تحجين شي ابقي ساكتة.
والله و لا اسكت و انعللل والديهم.
ولچ أصبري بس أصبري الولد محاوطين المكان
گوووول والله
والله بس السانج الزمي
اوووي أسكت صوتك شگد مزعج.
دنكت و شعري غطى على وجهي كاتمة ضحكتي بسيطة اذا ما خبلتك
انتَ و وياهم، بقينا على هذا الوضع الوقت باوعتله عيونه متمركزة عليَّ.
اگلك يعني هسه احنا عود مخطوفين
لا جاي يشاقون ويانا بيج دفررررة
حتى انتَ بيك دفرة
بس اهم شي ما تدفرين بفد اماكن معينة لان مشهودلج ما شاء الله.
ترررا ضجت يلاا طلعوووني منا.
أحد گلج أرجعي ليش ما خذيتي كلام ابوج بكلشي تمشين بكلامه
بس من گالج لا ترجعين فعلتي وضعية العناد لشوگت تبقين تعاندين غياهب عنادج جاي يضرج.
درت وجهي عنه ما أدري ليش تحسست من كلامه غصتي أخترقت بلعومي
هم ما يعرفون شگد مشتاقة الهم و احس بحياتي فارغة بدونهم صح
تغيرت من نفسيتي هناك بس ما جنت مرتاحة بالكامل بدونهم.
ارسلان: غياهب؟
رديت عليه بدون لا اباوعله.
غياهب: اممم.
مابيَّ خليك بنفسك.
رفعنا راسنا على صوت الباب من انفتح دخل قيصر وبايدة جهاز حطه گبال ارسلان
انفتحت الشاشة جانت غرفة نوم فارغة مابيها غير سرير واحد باوعله ارسلان.
ارسلان: شنو هاي؟
ابتسم ذاك بخيث وقذارة حط ايده على الكرسي الگاعد عليه ارسلان.
قيصر: هسه تعرف.
تركه و أتقرب باتجاهي فتح الرباط گومني من الكرسي لزمني بقوا من ايدي نزلت نظراته القذرة على جسمي.
صحيح مو جسم مثالي بس بنفس الوقت شخصيتج مُغرية.
اتشخصت.
عيونه ارسلان عليه صارت تطلع شرار من غصبه.
ارسلان: أدفنك بأيدي قسماً بالله.
ما رد عليه اخذني يسحل بي ارسلان عيونه نطت حمر يصيح طلعني
من المكان إلى جنا بي صوته واصل إلى و هوَ يتوعدله.
غياهب: هيووو وين ماخذني؟
مارد و لا انطاني جواب وصلنا يم باب ما ادري هل هيَّ غرفة لو مخزن
فتح الباب دفعني بيها وگعت بالگاع رفعت راسي ناحيته عيوني جمرت نزل المستواية يباوعلي.
قيصر: شنو رأيج نتونس؟
تفلت بوجهه.
تخسى.
مسح وجهه و هوَ يتوعدلب سحبني من ايدي شمرني على السرير بلعت
ريگ بخوف من شفته راح قفل الباب اتقرب راجع إلى شمر نفسه عليَّ صرخت بألم.
غياهب: حيوووووان.
مد ايده القميصي يريد يفتح الدكم مالته دفرتلي برجلي ما أبتعد ثكيل
ضخم جانت ضخامته مُبالغة بيها رجعت دفرته أقوى ابتعد لازم مكان الضربة
عيوني مفتوحة ارجف من الموقف إلى صرت بي گلبي راح يطلع رجع هجم.
عليَّ مثبت ايديَّ بايده و ايده الثانية لازم رجلي بيها يقسى بلمساته صرخت هل المرة.
و اني داتذكر ماضيي طلعت صرخة نابعة من قلبي شگت صدري نزلت
دموعي و اني احارب جوا جسده و لمساته تقسى على جسمي.
لحظات
هيَّ و أعتلى صوت الرصاص بالمكان حچيت من بين دموعي مختنگة أتصارع وياه.
ماااا راح يخليك عاااايش راااح يكسرررك.
قيصير: ما أخليج بنفسي.
رجع يحاول يريد ياخذ إلى يريده أتصارع ويا الموت مو ويا انسان قوتي.
ما تكفيني يريد يغرس راسه برگبتي أندفر الباب بكل قوة نزلت دموعي اكثر
بغزارة و روح مُميتة و اني أشوفه واگف و سلاحه بايده عيونه خابطة
دم هجم عليه رفعه مني گعدت حاضنه نفسي ارجف ضربة موگعة بالگاع لزم أيده يباوعله بجنون وغضب.
ارسلان: گتلك أيدك أكسرررررها.
بين الثانية و الثانية الاخرى إلى تتبعها شهگت من كسر أيده طالع صوت الكسر
هجم عليه دگ ضرب خلى دمه يتجاره منه دخل درغام يركض صارت.
عيونه عليَّ ركض ناحيتي لزمني دموعي تشرح كل وضعي.
درغام: غياهب باوعيلي سوووالج شي هاالكلبب.
هزيت براسي لا گومني من مكاني طلعني من يمهم و ارسلان دخله مجاهد اسمعه يگله.
مجاهد: راح يموت ارسلان بين ايديك عوووفه لا تدخل روحك بمصيبة.
طلعني درغام من خارج المكان كله السيارات و الجنود تارسة المكان درغام
ضامني بحضنه عن عيون الكل ادري حرام بس جان وضعي مايسمح اعين نفسي صعدني بالسيارة يباوعلي بقهر.
درغام: هسه اجيج لا تخافين يمج انا يا بعد اخوج.
سد الباب مال السيارة غطيت وجهي ابچي بصوت ليش لازم اعيش
هالشغلات بقيت على هالوضع واتسائل ليش اعيش هيج اشياء بحياتي
نزلت ايديَّ عن وجهي ودموعي بعيوني على صوت الصياح باوعت من الجامة
الجنود و مجاهد لازمين درغام و ارسلان يريدون يهجمون على قيصر متخبلين.
طلعوا قيصر جنازة من كمية الضرب إلى اخذها من ارسلان، انفتح الباب.
من الجهة الثانية كل إلى ابالي درغام رجع، جان ارسلان دخل الداخل السيارة
باوعت الدرغام مجرد شافه راد يجي لزمه مجاهد مانعه، لزم ايدي سحبتها منه.
غياهب: حرام تلزمني.
رفع ايده لعيونه يعصر بيهن وصوت انفاسه العالية مسموع و وضعه
يحجي حالته دار بعيونه قابلته نظراتي عيونه لمعت ويا دموعي إلى دتنزل طول بنظراته
بس ساكت ما حچى شي نزل من السيارة بقت عيوني تبارع وراه صار گدامه.
ارسلان ما ادري شهمسله و كمل طريقه صعد باحد السيارات، اجه درغام
صعد حط جنطتي بصفي ملت براسي على الجامة مسحت دموعب اتوجهنا للبيت.
و كل ما ادور بعيوني اشوف درغام يباوعلي بنظرات حزينة، نزلت الجامة
غمضت عيوني و الهوا القوي يضرب بوجهي النسمات الباردة تضرب
بيَّ أختنگت بالنفس الى ان وصلنا بيتنا فتح الباب رجليَّ ميتات منتهي جسمي.
درغام: ها غياهب؟
سحبت نفس گوا قويت روحي نزلت لازمة الباب بقيت واگفة الدقائق أستعيد قوتي همست بصوتي المبحوح.
غياهب: اهلي يعرفون عن إلى صار؟
لا محد يدري بس هسه اكيد راح يعرفون
لا تحجي شي
ما ايصير غياهب.
سديت الباب قبل لا ادخل للبيت لمحت سيارة و بيها ارسلان واگفة دگ الباب
درغام انفتح الباب ابوية فتحه بملامح طبيعية بس تغيرت و هوَ ايشوفني گدامه.
سلطان: غياهب؟
ما اتحملت اكثر اوگف وگعت بين ايدين ابوية انفجرت بالبچي معلگة روحي برگبته ضامة وجهي اشهگ بدموعي.
اسم الله بابا، ووولك درغااام شبيهاااا.
درغام: خلي ندخل جوا و نحجي عمي.
ما اگدر أمشي لزموني هوَ و درغام يمشون بيَّ دخلوني الداخل البيت
مجرد شافتني خالتي لطمت على خدها بخوف جانت يمهم حنين اختي تبسمرن
بمكانها حطوني بالصالة مغمضة عيوني حدث الماضي و حدث اليوم صارن.
يترددن بذاكرتي لعبت نفسي من روحي حسيت بنفسي اتلوثت بالقذارة.
حنين.
بقيت صافنة من شكل غياهب أدري بدرغام مهدد و حتى منعني من دوامي
و بلغ أبوية بس ما توقعت إلى صاير و لا فكرت مجرد فكرة كلنا ندري بيها
مسافرة و حتى من رادت تجي ابوية منعها و ضامنين غياهب ما ترجع ما تكسر
كلمة ابوية حطها ايوية بحضنه يباوعلها بخوف و تسائل عن حالتها صيح بوجه درغام.
سلطان: شبيهااااا درغاااام؟
درغام: هذولة ولد الكلب عبالهم حنين و خاطفينها.
همسن غياهب بصوتها التعبان و المنتهي.
غياهب: أريد أسبح
وجدان: اي خالاتي.
أخذتها خالتي لزمتها رحت وياها لازمتها من الجهة الثانية و هيَّ تمشي بجسد
ميت ردت ادخل وياها ما قبلت نزلت خالتي الهم جوا لان صعدنا للحمام
الي فوگ بقيت گاعدة يم باب الحمام شفتها طولت نزلت جوا يمهم وصلت
الاخر باية و سمعت صوت درغام يحجي الابوية.
درغام: حاول يعتدي عليها.
عاط ابوية بصوت رج البيت رج بصوته.
سلطان: يعتددددي عليهااااا؟
راح يتعاقب عمي.
بقوا يحجون و ابوية انفعل يريد يروح للمركز و درغام گوا لازمة بالاخير
تخربط بسبب سكره وگع عندنا بصعوبة سيطرنا عليه رجعت فوگ عقلي مسطور
اختي سافرت تتخطى هالشغلات بس ترجع وينعاد عليها الأقسى انفتح الباب
مال الحمام طلعت وجهه احمر و عيونها نفس الحالة بقيت واگفة بمكاني
اتقدكت إلى تبلعم منتهية منتهية سودة عليَّ نزلت دموعها.
غياهب: تعاي الحضني.
بدون ما احجي حضنتها نزلت دموعي بصمت ويا دموعها
حنين: اشتاقيتلج غياهب و احتاجيتج يمي.
رجعتلج صغيرونتي.
بقينا حاضنين بعض و اثنينا دموعنا متسللة خدنا ابتعدت مبتسمة بتعب.
كافي شنو هاي صايرة شگد ابچي.
غياهب انتِ زينة؟
اممم اي زينة، تمشطيلي شعري؟
اي تعاي.
اخذتها من ايدها دخلنا الغرفتها گعدت گدامي أمشط بشعرها بينما هيَّ
ما نطقت بحرف حاولت ما احجي بموضوع الخطف.
حنين: ليش ما تجاوبين على اتصالاتي و رسائلي
غياهب: احتاجيت أنعزل بنفسي
و ارتاحيتي؟
يمكن
بعد لا تعوفيني.
هزت براسها اريد احجيلها عن حملي بس ما ادري اذا الوقت مناسب
او لا بقيت ساكتة اريدها ترتاح و صوت ابوية العالي يحجي بعصبية واصل النا.
حنين نزلي الابوية گليله مابيَّ شي ما سوالي شي ذاك الحيوان
درغام يمة و حتى سكره صعد محترگ گلبه
خلي انزله.
رادت تنزل ماخليتها.
غياهب بابا متعصب و هسه راح يگلج ليش رجعتي و اني گايلج حتى لو ترجعين أطلعي للشمال.
لعد ليش ما گلتولي الوصع يمكم هيج؟
ابوية گال ما راح تتحمل وترجع و عباله ماراح تكسرين كلمته والله لو اتشوفين
درغام خانگني خنگ طلعة ماكو من البيت بس هنا الاهلي و هوَ يجي
ياخذني و يرجعني بس هم ذوله شگد أغبياء عبالهم انتِ اني.
خيولون.
دارت وجها عليَّ تفرك باصابع ايدها كأنما تريد تحجي رفعت راسها.
شفت ارسلان
وين شفتي؟
بالمكان الجانوا خاطفيني بي.
بدأت تحجيلي عن لقائهم ساعة تحسها تحجي عنه بحب ساعة بحقد وكره وزعل لزمت ايدها بهدوء.
حنين: تريدي انتِ غياهب؟
غياهب: لا خيولي
عوفي المكابرة هسه الحديث ديدور بينا اني وياج.
مدا اگدر أنسى أي شي سوا و لا اگدر انساه تعبت عقلي و گلبي
الحرب هاي تعبتني حنين شردت منا علمود ما أفكر بي و لا بشي يخصه
تالي الاگي نفسي من اصفن كل صفناتي بي.
-خاب لعد شگد تحبي و هيج مكابرة
خيولي.
ههههههه اي خيولي هايهية.
أندگ الباب مال الغرفة چان درغام دخل باوعلها.
درغام: شلون صرتي خوية
غياهب: احسن لا تكبرون الموضوع.
ولچ شنكبر جنتي بنص الموت ويا واحد مجرم خطر
خيولي والله گتلته گتله بالعمود و انطيته كم دفرة وشبعته تفالات
وكفووو بنت ابوج.
جر الطبلة گعد گبالنا معدتي خبطت من عطره صحت بي.
حنين: مووووو گتلك لااااا تحط هالعطرررر.
درغام: استغفرالله عمي شو حاچي اختج تررا مو كل حامل تصير هيج.
عفتهم ابتعدت گعدت بعيدة عنهم حاطة ايدي على خشمي لعبانة نفسي باوعتلي غياهب بنظرات عدم فهم.
غياهب: شبيكم و من شوگت تلعب نفسج من عطره مو جنتي من تروحيلهم تخلصين عطورته.
سكتت لان يمكن ما انتبهت الدرغام من گال حامل.
درغام: احم. غياهب ليش ما تدرين انتِ
بشنو؟
اختج حامل مني.
طكها بضحكة قوية و غياهب ضحكت بهدوء.
احترم نفسك و گوا حامل ترا اني مو ابوية.
نهضت من مكانها اجتني فرحانة تكمز ناسية كل وجعها.
غياهب: الله الله راح أصير خالة.
اني ودرغام مبتسمين على تغيرها إلى صار من سمعت الخبر حضنتني تبوس بيَّ.
الف مبروك حبيبتي و توأم روحي.
الله يبارك بيج.
گعدنا احنا الثلاثة شوية وطردت درغام گتلني بعطره طردته بعيد عني
و هوَ يتوعدلي بس التغيير إلى صار بحالة غياهب فاجئنا مجرد سمعت
خبر حملي ضلت اسولف اشتريله هيج و اذا ولد هيج اشتري و اذا بنيه اشتريلها
هيج و هيج بحيث اني الحامل مافرحت مثلها و لا خططت.
بليلتها بقيت يم اهلي علمودها و درغام حذرته يرجع يتعطر الثاني يوم
ابوية عاتب غياهب لان رجعت بس بدون ما يقسى عليها ذبح فده السلامتها
عزم خوالي، گعدنا اني و البنات دخل رماد يهز اكتافه و لابس سماعات گعد يمنا نزعهن.
رماد: هااا العجايز ما عدا غياهب لا.
نيروز: شالمعنى غياهب لا
أحبهااااا.
غمته نيروز بايدها و هوَ رجع الغمة الها.
غياهب: يااا نيروز
خيوووولي هالمزعج
لا هذا رمودي لا تحجين عليه.
رماد دز الغياهب بوسة بالهوا كتمت ضحكتي مجرد تخيلت ارسلان اذا ايشوفه يدزلها بوسات يموت بقهره.
رماد: و تگلي ليش تحبهااا دشوووف كلامهااا عسل مثلها.
بقى يتناكر ويا نيروز كمل منها دار عليَّ.
شووف هاي بعدها جديدة على الحمل صارت جنهاا عجوز و بس نايمة.
حنين: شووو دوووولي
دولي لووو سريع نياهاهاااهااي.
شگد تافة
مثلج.
طلع من يمنا بقينا احنا البنات دارت غياهب على نيروز الصايرة اعصاب و ما تتحاچى ونفسيتها متأزمة.
غياهب: شبيج نيروزه اخوج ديشاقة قابل متعرفين اطباعه.
نيروز: بالاشهر إلى فاتت اجه ارسلان مرة ثانية وحچى ويا ابوية و هم رفض
هوَ عمر رجع من سفره لو بعده
لا بعد.
أتوقع خالي يريد عمر بنفسه يواجهه لذلك مدايقتنع
اوووف غياااهب منتهيةة اني والله ابوية لليوم ما يحجي ويايَّ عذبنييي تجاااهله.
صدگ تحجين؟
نزلت دموعها أصعب شي على الانسان من يتلقى التجاهل من الناس المقربة عليه.
نيروز: ما يحجي ويايَّ و اذا اگعد ويا بنفس المكان يگوم منه داتعذب من هالتصرفات و من تجاهله.
حضنتها غياهب تهدأ بيها.
غياهب: لا تبجين اني راح أجرب هم احجي وياه و اخلي ابوية يحجي وياه
اخاف يتعصب
خلي يتعصب يعني صح غلطتي بس لشوگت تبقون هيج وهالمبالغة بالعقاب.
نهضت غياهب من مكانها و طلعت يمكن راحتله هوَ حقه بس زودها احس
بالعقاب حتى عتاب ما عاتبها و هيَّ عايشة بعذاب نفسي طول هل الاشهر.
ماكو مثل ابوية فعلاً سند النا و يتأذه قبل أذيتنا.
غياهب.
صحت الخالي علمود احجي وياه طلعنا للحديقة احاجي بهدوء.
عمران: هاا خالي محتاجة شي
اريد احجي وياك بخصوص نيروز.
قاطع حديثنا و جوابه صوت حهازه و المتصل رفع راسه گال.
هذا ارسلان.
بقيت ساكتة فتح الخط عليه بقيت استمع.
عليكم السلام اي موجود بس بيت سلطان انا. طالعلك يم الباب.
سده منه و گال.
عمران: يگول اريد احجي وياك و و ما اگدر اخلي يدخل هنا تدرين ابوج.
غياهب: اي زين سويت خالي راح انتظرك هنا اطلعله انتَ.
راد يطلع اجع ابوية.
سلطان: وين رايح عمران؟
عمران: ارسلان واگف برا يريد يحجي وياي
چا ليش طالع برا خلي يتفضل هنا.
بسرعة باوعتله مبحلقة عيوني متفاجئة معقولة ابوية يحجي هيج؟ شنو
هل الغيير طلع خالي يشوف ارسلان حضني ابوية باس راسي.
سلطان: شلونها اميرتي.
أبتسمتله.
غياهب: الحمدلله، بعدك زعلان مني.
لا بابا ما زعلان بس ماردتج ترجعين لان الوضع خطر و الحمدلله هسه أنحل كلشي.
أنفتح الباب الخارجي ونبض گلبي الشوفته دخل بطوله لابس قميص
ابيض و بنطلون قماش اسود الساعة بمعصمه أجوا باتجاهنا مد ايده سلم
علي أبوية و المفاجئة ابوية رد عليه السلام و المصافحة، ماحچى ويايَّ بس سلم بس نظراته اكلتني.
سلطان: خلونا ندخل جوا ليش واگفين هنا.
ارسلان: لا ما يحتاج تسلم عم، ، أقصد أستاذ سلطان.
بقيت واگفة مسطورة شهل التغيرات الصدمتني بأبوية صاير يستلطف
ارسلان ويطيقه بعد ما جان يفضل ايشوف ملك الموت و لا أيشوفه.
ارسلان: ابو نيروز اجيت احجي وياك بنفس الموضوع بعدني على امل تقبل.
عمران: بس انا گتلك قراري أتوقع.
و انا گتلك العقاب انا أستحقه اخوي ماله علاقة انا بنفسي لعبت بعقله و خليته يسوي هالغلط.
هوَ وينه أخوك حتى ما شوفني وجهة مكسورة عينه شنو
عمر مسافر و ذني الايام راجع و ما عنده علم بشي.
بنتي ما ازوجها اريدها تكمل دراسات.
اذا رادت تدرس بعد ماكو مشكلة إلى تريده هيَّ يتنفذ.
مُصر يعني؟
اي اخوي يستاهلها و هيَّ تستاهله راح يحطها بعيونه
بشرط.
باوعناله شنو شرطه؟ و على شنو ديقصد بس عرف شلون يرجع حق نيروز و مكانتها.
ارسلان: شنو الشرط؟
عمران: عمر يعتذر من بنتي گدام الكل.
ابتسم ارسلان فرحان.
سهلة ابو نيروز إلى تريده أعتبره تم
خير ان شاء الله
يعني هسه اعتبر هذا كلامك موافقة للخطوبة.
لازم اخذ رأي بنتي بالاول.
أي من حقكم يابه اخذوا راحتكم و اخوي ذني الايام راجع ان شاء الله.
ابتسمت بسعادة و اخيراً وافق خالي بعد تعب صارت عيونه بعيونه ابتسمتله
لان جان گد الكلمة إلى انطاها إلى من گال راح يجمعهم و متأكدة هوَ حاول
اكثر من مرتين بس يمكن نيرود ماعندها علم.
بقت بنفسي اسئله عن ناز ياترى اتحسن وضعها ولهيج راح يرجعون
او لا بس ما گدرت سلم على ابوية و على خالي طلع من البيت و الفرحة.
غامرة گلبه و ملامحه، ركضت گدامهم للبيت شفت نيروز گاعدة و درغام حاط
حنين بصفه مطوقها بايده يسولف وياها و اختي تدلل عليه رحت النيروز صحت بيهاا.
غياهب: لججج نيروووز.
باوعتلي بضياع و حنين ودرغام رفعوا عيونهم عليَّ بس والله موبيدي فرحانة الهم.
نيروز: هاا غياهب
خااالي وافق وافق
درغام: على شنو وافق؟
درت وجهي اله مبتسمة ما عبالي درغام ما عنده فكرة عن موضوع نيروز و عمر أشرتلي حنين بعيونها بمعنى لا تحجين.
عليمن وافق شبيج سكتي خوية.
هاا؟
دخلوا ابوية و خالي شافونا واگفين و درغام يسئل.
عمران: شبيكم؟
درغام: شمدريني دخلت غياهب تكمز تگول وافق خالي عليمن موافق انتَ عمي؟
حطيت ايدي على وجهي خاف يعرف و يتخبل علينا هم أخذوا خالي
و ابوية گالوله عندنا موضوع وياك طلعوا كلهم اجتني حنين تگرص بايدي مبتسمة.
حنين: لا تگليلي خالي وافق على عمر.
لِچ اييييي چان ارسلان هناااا و خاالي ما وافق الا بعد ما شرط عليه عمر يعتذر من نيروز گدام الكل.
رادت تكمز لزمتها ملحگه عليها.
غياهب: حااامل حاامل انتِ لاتنسين روحج
هااا اييي شو نسيت من الفرحة.
اثنينا باوعنه النيروز الواگفة مصدومة.
نيروز: شتحجون انتم ابوية وافق وافق؟
غياهب: اي والله وافق راح تصيرون البعض انتِ و عموره الهادئ.
نزلت
دموعها تضحك وتبجي احتارت شتسوي من فرحتها عفتها يم حنين.
يضحكن فرحانات طلعت اريد اشوف درغام شصار وياه هسه اكيد راح يصير
بخاطره هم مريت من يم الصالة و اسمع اصواتهم و فعلاً مثل ما اتوقعت كبت بينهم.
غرام.
راح ارسلان يحجي ويا ابو نيروز گال لازم قبل لا يرجع عمر ذني الايام
اخذ الموافقة من ابوها ارسلان تعب وهوَ يقنع بابوها كم مرة بمرة راحله
ويرجع محصل الرفض مليكة اليوم ترجع من اختها دخل ارسلان فرحان
ابتسمت على ابتسامته المزينة ثغره وجان وياه كُميل.
غرام: بشروا.
ارسلان: وافق.
ضحكت فرحانة يستاهل عمر بيومها خابرناه بس هم مابينه شي گالوا نخليها مفاجئة اله وناز ماتقبل تحجي ويا احد وعمر مايحجي السبب لمن ارسلان رزله.
عمر: ولك ارسلان موهيَّ تحسنت ما اگلك على الاخير لان انطاها علاجات
لازم تستمر بيهن كم شهر بعدها ماراح تحتاج الشي وتتحسن على الاخير
بس هيَّ تگول اريدهم يشوفوني من ارجع الهم ذني الايام.
ارسلان: والله مشتاقلها على الاقل بس خلي اشوفها حتى لو من بعيد گلبي ميت عليها
راح تنصدم هاي اختك طلع السانها اطول منها
انجب لا تحجي عليها هيج.
ضلوا يسولفون وكلنا متشوقين انشوفها بالجديد وهيج مرت ايام واحنه
ننتظرهم وقبل يوم من رجوعهم خابر ابو نيروز انطى الموافقة الكاملة
وگال تشرفونا بأي وقت، ومليكة تمشي وتهلهل من سمعت.
چا ما تگلولي يوم الالك
كُميل: غاسلين ايدنا
أشكرك على هل المعنويات
عفواً
اخذ سراج يلاعب بي.
مليكة: بعد روحي يمة عمير راح تصير الك محبوبتك
ارسلان: طبعاً هذا العزيز عمير چا ارسلان المكرود.
گلكم واحد.
واضح عود.
راحت گعدت بصفه وجرته من اذنه.
تغار من اخوك
يابه ما أغار اكو واحد يغار من اخوه.
باسته مليكة بشعره وهوَ ضحك احس ارسلان مستفقد الدلال والاهتمام الكامل
ويمكن مرات بالشقة يحجي بس احسه صدگ بس يگول اشاقة
أجه اليوم إلى يوصلون بي عمر والبنات كلنا متحمسين راح كُميل يجيبهم.
من المطار ما سمح ال ارسلان يروح رغم حاول بس كله انا اروح وارسلان
لازم الباب متوتر واحنا متوترين وياه سمعت صوت السيارة كلنا واگفين
بساحة البيت وعيونه تدور على ناز، دخلت انسام اول وحدة وعيونها تلمع فرح
سلمت علينا وراحت لولدها تحضن بيهم دخل كُميل وراها گلوبنا رادت توگف على مادخلت جميلتنا.
دخلت ناز بس التغير مو طبيعي إلى بيها لا غير لابسة فستان لونه ازرق بلونه.
عيونها وشعرها إلى لونه مُميز قاصته لحد اكتافها صارت عيوني على
ارسلان يباوعلها ودموعه تنزل بدون وعي عيونها تدور عليه مجرد شافته اجته
تركض مثل الطفلة ذبت روحها بحضنه نزلت دموعي واني داشوف منظرهم وهوَ تحسه مامصدگ رجعتله احسن من قبل.
يااا بوية بنيتي
هيَّ تبچي و هوَ يبچي وياها رفعها من الارض يفر بيها بنص الساحة
مثل الطفلة وهيَّ تضحك دموعها على وجناتها نزلها اجت مليكة حضنتها.
و اثنينهن يبجن دموع هواية جانت بهذا اليوم بس هالدموع فرح تختلف
عن إلى قبلها اتقدم عمر عيونه تلمع بفرحته اخذ سراج مني.
عمر: هاي شنو ولك كبران.
صارت گدامي ناز توتري مو طبيعي لان اول مرة اشوفها بهيج وضع وشخصية جديدة حضنتها دموعي على خدي.
غرام: حبيبتي الف الحمدلله.
ناز: هههههه عيونه صارت تمطر.
ضحكنا كلنا على كلامها راحت ال عمر تاخذ منه سراج.
انطينيااه عمررر انطينياااه شبيك مشايف بيبي.
باوعلها عمر يضحك أشر الارسلان الواگف وعيونه ما مصدگة إلى ديشوفه حقه محد جان يصدگ ترجع النا هيج.
عمر: هااااك شوف اللسان.
خذت منه سراج تخلي الواحد غصب عنه يكزكز عليها مليانة انوثة بحركاتها.
ناز: شگد حلو ياربي.
دخلنا جوا فرحتنا بهل اليوم اتسجلت بالتاريخ من بعد معاناة رجع هالبيت
بداخله الفرح دخلت ناز و عيونها كأنما تدور على شي دارت على ارسلان.
بس ما حجت شي اكتفت بالابتسامة، جرت السوالف صبينا الغدة گعدنا كلنا
نتغده سوا نار گاعدة بصف ارسلان وتسولف وياه و كا ماتسكت يگلها ارجعي سوافي خلي اشبع من صوتج و سوالفج.
كُميل: يله جهزوا نفسكم ذني اليومين عندنا خطبة.
انسام: خطبة منو؟
عمر.
رفع راسه عمر طابك حواجبه.
عمر: ما اريد اتزوج انا
ارسلان: بالاول اعرف منو العروس ليش تسبق الاحداث
هسه تطلع وحدة من گرايب مليكة و هاي سوالف مليكة ماكو غيرها.
مليكة: حرامات التعب بيك يا عمير تحجي عليَّ عمت عينك المسربت.
مليكة من كل عقلج اخذ وحدة من گرايبج
غرام: لا البنيه مو من أقارب مليكة.
عمر: چاا منين؟ بعدين تعالوا انتم منو گاللكم تتصرفون من كيفكم اناااا ما اريد اتزوج.
ارسلان: واذا العروس نيروز؟
أحتل الصمت المكان و الگعدة بعد ما جان عمر يحجي بعصبية و ما طايق الموضوع كله.
عمر: بلا شقة سخيف
مشاقي وياك قبل بهيج مواضيع
چا شني تگلي نيروز؟
نهض من مكانه ارسلان وگف گباله ربت على كتفه.
الغلط إلى غلطته بسببي صححته هسه انتَ تگدر تاخذها و تعيش بسعادة وياها.
بقى عمر صافن ما مستوعب و لا مصدگ إلى جاي يسمعه حقه لان اي
امل ماجان أكو و لا متوقع يرجع يلاگي هيج خبر فرك وجهه يضحك بعدم تصديق.
عمر: ارسلان بروح امي تحجي صدگ؟
اي روح امي الطيبة صارت هواي سوالف من سافرت.
سوالف شنو؟
گعدوا بدأ يسولفله كلشي صار بهل الفترة و فهمه بشرط ابوها إلى حطه و جان جواب عمر.
عمر: بس أعتذار؟ ولك لو انطيها عمري كله اذا يريد بس تسامحني اعتذر گدام الدنيا كلها مو بس گدام أهلها.
ارسلان: هايهية عكب باجر رايحين مشية نخطبها من ابوها و اهلها و الله يقدم إلى بي الخير.
وگفت ناز ترگص بايدها تضحك.
ناز: راح يصير عندنا عرس.
هيَّ حتى حجايتها هادئة مثلها گاموا ارسلان و عمر حضنوها و عيونهم.
تحجي فرحتهم و سعادتهم باختهم و شفائها.
وطبعاً هنا عندنا يوم واحد حرگونا حرگ و تواصلي صار ويا غياهب
اتواصلت ويايَّ گالت الحفلة ايسونها ببيت خالها گالت بس الاقارب انطيتها
خبر احنا بس عائلتنه ارسلان مايريد احد من الاقارب يگول يبقن يذبن بسمهن
علي البنات و يعكرن الاجواء، طلعنا نشتري فساتين اني و البنات و اني رايده
مال محجبات طلعت روحي يله لگيت واحد عجبني لونه كريمي و مطعم بالبيج.
ناز اخذت فستان لونه ذهبي و اسود بتصميم مرتب و انسام اخذت بنفسجي
و عمر حرگناا حرگ لان هوَ إلى اخذنا وصلنا للبيت و راح للولد منتظري
يشتري قاط الخطوبة يم ابو المحل عفت ابني يم مليكة هوَ و جهال انسام
هسه يمكم مخبلين المرة بس قابل وين نبقيهم دخلوا البنات گدامي قبل لا
ادخل اندگ الباب أشرتلهن يدخلن گدامي بعدني بعبايتي مشيت افتح الباب
فتحته بقيت واگفة متبسمرة بمكاني من إلى گدامي.