رواية وتيرة الأعرج للكاتبة حوراء السعيدي الفصل الثامن والعشرون
غرام.
طبكت حواجبي كأنما احد صفعني صفعة اخر شي اتوقعته بيوم من الايام اهلي يرجعون
مسحت دمعتي إلى نزلت من خدي سحبت نفس لزم ايدي.
كُميل ؛ علوية اذا ما تريدين تشوفينهم هسه اطلع و انطيهم خبر.
بقيت ساكتة الساني انبلع من الموقف اني ليش ما اواجهم؟ مو هم شمروني
و اتبروا مني ليش ما اطلع إلى بگلبي رفعت عيوني يباوع بنظرات تسائل.
غرام: اريد اشوفهم
متأكدة؟
اي.
هز براسه طلعت من المطبخ درت وجهي اسئله و بگلبي حسرة منهم.
منو اجه بالضبط؟
ابوج و عمج و زوج اختج و.
و منو بعد؟
اختج.
ابتسمت بنص وجعي سوزان اختي الجبيرة الماعندي غيرها طلعنا لازم ايدي الي
ترجف شابك اصابع ايده باصابع ايدي يباوعلي بعيونه يطمني بنظراته.
لو الدنيا كلها تصير ضدج و ما تريدج انا روحي إلى تريدج و تضمج ارفعي راسج علوية و خليج دائماً رافعته و ماعاش إلى ينزله و انا بظهرج .
ما گدرت احجي بعدني بنص استغرابي وصدمتي من جية اهلي طلعت مليكة شافتنا واگفين اجت علينا.
مليكة: ها يمة شو واگفين خيركم.
رد عليها كُميل.
كُميل: يمة أهل غرام و اختها هنا.
تغيرت ملامحها و هيَّ تباوع علينا مستغربة من إلى سمعته.
اهلها شني شذكرهم
ما ادري طلبوا يشوفونها.
اتوجهنا الهم و گلبي نبضاته اسرع من خطواتنا غمضت عيوني من وصلت للباب اردد بداخلي اللهم القوة و الصبر .
دخلت رجلي عيوني افترت عليهم مجرد شافوني كلهم وگفوا اييي الدنيا شگد تتغير
وين رجعتني للماضي بهل للحظة چنت اخاف ارد الكلمة على أبوية حتى لو هوَ غلطان
ما اتجرأ بسبب شخصيته و عصبيته، وگف كُميل بجهة ساكت عيوني دارت على البنيه الواگفة اختي سوزان
بايدها طفل نسخة امه طير ذهب ما شفته و لا ادري باخبارها انطته الابوه و عيونها ما انشالت عني مغورگة بدموعها.
لحظات صمت، توتر، هدوء عج بالمكان بس صوت شهگاتما صارت تنسمع اتقدمت إلى تباوعلي بكسرة رفعت ايدها تتلمس بوجهي نزلت دموعها.
سوزان: غرام؟ يا بعد اختج و اتحققت امنيتي و اتكحلت عيوني بشوفتج.
حضنتني بقوا تبچي بصوت مسموع ما مهتمة لأحد بادلتها الحضن بنفس مستوا شعور الاشتياق دموعي تنزل بصمت عكسها.
روحي راحت عليج غرام ما يمر يوم اذا ما فكرت بيج اموت الف موته و ما اعرف.
بشي عنج والله كسرررتوني انتِ و امي عفتني اثنينجن عفتني.
تبچي و كأنما امددين الفاقدته بتابوت وگاعدة تعاتب بي اشبه باللي جان كاتم الوقت طويل
و اليوم اجته الفرصة يظهر هذا البركان من الكتمان، عضيت شفتي اسيطر على نفسي
ابتعدت عنها استداريت للورايَّ واگفين ابوية و عمي استرجعت ذاكرتي الكل لحظة عشتها عندهم
استرجعت ذاكرتي كل الضرب و الاهاين و المسبة إلى صار بحقي و اني مالي ذنب بشي.
زفرت نفس بعمق اختنگت لحد الان مسيطرة على هدوئي اباوع الابوية سيد ياسر ينظرلي بنظرات طاغي عليها الندم.
غرام: اهلاً و سهلاً
ياسر: شلونج بنيتي.
ابتسمت بخفة مقهورة من الكلمة بعد ما اتسميت بمسميات غلط اليوم بنيتي .
بنيتك؟ هسه صرت بنيتك بابا شصار و اجيتوا هسه؟
اردف عمي بنبرة واضحة حقدها اتجاهي.
حبيب: مو گتلك ما نجي لان راح يكبر راسها.
بعد ما جان ملتزم الصمت هنا ما سكت اتقدم اله كُميل رافع حاجبه.
كُميل: اولاً انتَ ببيتها فأحترم ذاتك، ثانياً ما اشوف احد جبركم تجون بنفسكم
اتبريتوا منها گدددام الناس وهيَّ بگد ما عاشت ايام بأمس الحاجة الكُم اليوم هيَّ گدامكم ما محتاجة احد بيكم.
اشر ابوية ال عمي يسكت، سكت و ملامحه المغضبة تباوعلي اتقرب ابوية مني اييييي
شگد تمنيت اذب نفسي بحضنه و اشكيله الدنيا شلعبت بيَّ بس شلون اشكي لواحد
جان احد جروحي بقيت بنفس ثباتي اسمع صوت سوزان تشهگ بدموعها.
ياسر: اجيت طالب منج شي واحد
غرام: اتفضل
ابريني الذمة على كلشي سويته بيج.
نزلت دموعي اكثر ما گدرت اكتم هاي الكسرة بديت بعتابي.
اذا اسامحكم رب العالمين راح يسامحكم على ظلمكم؟ انتم تدرون شنوووو عشته انا؟
تدرون نمت حتى بالشوارع تعرررضت لهواية شغلات، بالوگت إلى لازم تسندوني بي انتم شسويتوا؟
مسحت دموعي رجعت تنزل اكثر. انتم ما ما اهتميتوووووا الب همتكم عااااداتكم.
تقااليدكم فهموووني على شنوووو اسامحكم كسرررتكم شيجبرررها؟ وضفتوها من اتبريتوووا مني.
كل يوم دموعي بعيوووني ما تختفي مجررررد تستذكر مأساااتي وياااكم، بسببكم صررررت
بالشوارع اتعرض الكلشي حتى التحررررش إلى دمررر حياااتي بنص بيتك انييي رجعتتت
اتعررررضله بالشارررع لان ماااعندي احد شوووارع امشي بيهااا وضايعة ماعدي غير.
رحمة الله ووولكم والله جررررعت المُرررر و القهرررر و الضيم و العذذذاب إلى مااا يجرعهن اييي بشرررر، وگعت منهارة ابچي.
شلون اساامحكم و انتم عيشتوني الذل و الاهانة فشلتوني گدام الدنيا حتى اميييي راحت و اني ما مودعتهااا انتم السبببب بكلشييي.
سكتوا محد منطيني جواب، رفعت راسي اباوعلهم شگد ما اتعالج لو تمر سنين ما راح انسى
شي اذوني و اذيتهم بعدهااا بنص روحي جرح الاحباب يختلف عن جرح الغريب.
يبقى بداخلك مهما طالت عشت وطالت الحياة حسيت على احد حاوط اكتافي ساندني
رفعت أنظاري بتعب چان كُميل يحارب بنفسه عيونه لامعة بدموعه ابتسم بوجهي گومني همس باذني.
كُميل: گومي علوية گومي كسرتج كسرتي.
وگفت أرجف بطني صارت تأذيني حضنتها بأيدي استجمعت قوتي انطق كلامي.
غرام: ما أسامحكم و لا راح أسامح أحد بيكم و ما أبري الذمة الأحد العشته بسببكم.
خلاني اعيش بنص غابة لو ما لطف الله بيوم من الايام، نتواجه بيوم الحساب و العدالة يم رب العالمين.
التفتت الاختي الوحيدة إلى ما تستحق تتعاقب مني لان ادري بيها شنو وزوجها الواگف بصفها ابتسمت من بين دموعي.
اهلاً و سهلاً بيكم ببيتي و عيوني مفتوحة الكُم بس أنتم.
اسمع صوت عمي بقى يحجي وصار بركان من العصبية ما اهتميتله.
حبيب: الصووووج مناااا اجينااا امشي ابوووو غسان عاجبهاااا تضل مگطوووعة من شجرة.
رجعت اباوعله مبتسمة بفخر والله كلشي حجيته جان شعور واحساس الفخر محاوطني.
غرام: لا ليش مگطوعة من شجرة مو گتلكم عدالة رب العالمين بس الواضح ما فهمتوا
انطاني زوج مستعد يضحي بروحه علمودي بالوگت إلى الكل اتخلى عني و ما وگفلي
چان هوَ الغريب إلى واگفلي بكلشي حتى الغريب جان موقفه يشرف اكثر منكم، انطاني اخوان
ما يقبلون ينحجي عني حرف واحد ويوكفون بوجه كل شخص يمسني بحچاية.
انطاني عائلة كاملة تحبني و تحترمني و ماحسستني بيوم بنقص هذا كله عوض بالنسبة إلى وجبيررر.
طلعوا من بيتنا بدون ما يردون على كلامي الاخير بقوا بس سوزان وزوجها ابتسمت بوجهم
اخذت ابنها اشم بي و ابوسه امنيتي جانت اشوفه من جنت عند اهلي اتحمس اكثر منها من جانت حامل.
يا روح خالتك شنو هالجمال. شنو سميتي؟
سوزان: سيف.
ضحكت فرحانة بيهم اتمعن بتفاصيل ملامحه إلى طالع نسخة امه اتقدم زوجها بكل احترام سلم و الحمدلله ما اتغير و لا خاب ضني بي.
فواز: شلونج خوية
غرام: الحمدلله بخير.
ابتسم منزل عيونه بگد الانكسار والوجع إلى عشته اليوم فرحانة اضعاف شفت اختي
گدامي هيَّ و عائلتها بقيت مبتسمة و اني اشوف نفسي اليوم واجهتهم بدون خوف
بعد ما جنت ما اتجرأ احط عيني بعينهم، اخذت سوزان طلعنا من يمهم كُميل بقى.
يرحب بفواز دخلنا للبيت جوا صار بوجهنا عمر ابتسم ابتسامة هادئة مثله يتسائل بعيونه عن اختي جاوبته بفرح.
غرام: عمر هاي اختي سوزان.
فتح عيونه مصدوم الثواني زادت ابتسامته.
عمر: حياج الله خوية.
سلم عليها و طلع التفتتلي سوزان.
سوزان: منين هذا الولد
ابن اخت زوجي
شو عبالك اخوه
سالفة طويلة بعدين تفهمين بعد عندنا الاعرج ما شايفته
دخيلك ربي انوب الاعرج شنو خطية بس لا اعرج
لا ههههههه لقب
عابتله شهل اللقب.
تعاي ام كُميل جوا.
دخلنا للصالة الجبيرة چانت گاعدة تسبح بسبحتها وگفت من شافتنا.
غرام: خالة هاي اختي سوزان
مليكة: اللهم صلي على محمد وآل محمد عين الباردة يا يمة.
ابتسمت فهمت قصدها بسبب جمالها شگد ما يگولون عني حلوة هيَّ أحلى عيونها زرگ
و من احنا صغار دائماً تبچي تريد عيون خضر ما تحب الزرگ راحت عليها سوزان
تسلم عليها سلام حار مو فاهية مثلي على گولت امي تگول حارة مو باردة و جريئة عكسي.
اني اخجل من خيالي رفعت سيف ابنها ابوس بي ما استغرب ضحكت اكثر من لاحظت لون عيونه مثلي.
غرام: همزين عيونك خضر مثلي علمود امك ما تبقى تنكد علينا.
بقى يضحك بوجهي ما ادري فهمني مادري هيج يضحكلي وخدوده مدنفشات
يخبلن مدبدب گعدنا كلنا فرحانة بيهم خالتي و كُميل ما خلوهم يروحون لان رادوا
يرجعون البيتهم، طلعت مليكة صاحلها عمر ما ادري شيريد فزيت من صفنتي على حضن سوزان تباوعلي ما مصدگة.
سوزان: هسه ارتاح گلبي ورسول الله جنت يوميا انصب عزه بالليل على فواز
غرام: من فترة الفجر گعدت حلمت ب امي و بقيت افكر بيج حتى خفت زوجج مثل اهلي وتغير
لا فواز مو من هالنوع بالعكس اول فترة شگد دور عليج و گال حتى لو لگيتها ما يحجي
شي الاهلي بس بعدين هاي الچلبة إلى شافتج اجت گالت الاهلي وهم شدوا
حزامهم ومن زمان ردت اجيج بس الوضع جان ما يسمح.
نزلت دموعها اكثر بغصه تحچي.
و روح امي من گالوا ذاك العار مات هلهلت بنص بيتنا لان ادري بي اساس دمارج و انتِ مظلومة.
بلعت غصتي من اذكرت ذاك اليوم.
غرام: خطفني وراد يكرر إلى سواه هوَ و وياه واحد.
حقج الزلم إلى ما خذته انتِ خذتي و ديربالج تتندمين بيوم لوووو باقي عايش ما اتشرف بي يكون اخ الي
تعذبت هواية سوزان
احجيلي كلشي.
گعدت حجيتلها كلشي من اول ما امي طلعتني من بيتنا مرة تشهگ من الصدمات و مرة تبچي الى ان ختمتها بخبر حملي ابتسمت اشرتلها على بطني.
وهسه قريباً راح تصيرين خالة
جذذذذابة؟
انجبي اني ما اجذب
اييي اييي بس صدگ حااامل؟
اي ورسول الله ببطني نونو منتظرته ينور حياتي.
بعد روحي مُبارك.
باستني فرحانة عيونها تحجي فرحتها نزلت دموعنا اثنينا من ذكرنا امي.
سوزان: بس تجيبين بالسلامة نروح نزورها.
غرام: هووواية.
مو مال تروحين هسه حبيبتي اعتني بطفلج وانتِ حامل هاي جيلان اذا اشوفها اسويهااا وصلتين.
ما تجي بعد حذروها الولد
مبينين كفو هالشباب
اي كلش والله
هم متزوجين؟
بس واحد
لعد ما شفت زوجته
ما موجودين هالفترة
ها يله ان شاء الله انشوفها على الجايات.
اخذت ابنها تناغيله و هوَ يضحكلها هاي متخبلة بي.
سوزان: بعد امك همزين عيونك خضررر مثل خالتك
غرام: لعد شبيها العيون الزرگ متعافية انتِ.
لا الخضر احلى ورسول الله.
ضحكت على كلامها ما تتناقش بهذا الموضوع دخلت مليكة گالت.
مليكة: يمه غرام رجلج يريدج جوا.
مسحت وجهي اكيد ضل باله عليَّ گعدت هيَّ ويا سوزان اني طلعت ادور بعيوني ما موجود رجعت الخالة اسئلها.
غرام: خالة ماموجود
مليكة: يجوز دخل الغرفتكم.
هزيت راسي رحت الغرفتي فتحت الباب شفته واكف يغير بملابسه دخلت سديت الباب دار بجسمه.
بدون تفكير رحتله اركض حضنته بكل قوتي ناسية نفسي حامل هذا طفلي ما ادري شلون ثابت على هل السوالف و الرعونية مالتي.
كُميل: ههههههه شبيج خالي
غرام: داحبك اكثر من قبل.
حاوطني بايديه رفعني على رجليه باس خدي.
ما گتيلي شنو سر هالحب
شگد ما تغيرت اني بس اليوم كلامك ضافلي قوة اكثر
شعندي غير ام العيون التلمع انا
احبك كمولتي
شلون صرتي هسه مرتاحة من واجهتي اهلج؟
اي جنت محتاجة هل المواجهة
اعترفلج بشي غرام
اي.
اتفاجئت بردة فعلج حمدت ربي الف مرة من تعالجتي و الا جانت هالمواجهة صعبة عليج وتأذيج اكثر.
ملت براسي على صدره اسمع الدگات گلبه.
بفضلك
ما سويت شي انتِ بنفسج نجحتي
بس انتَ صاحب الفكرة
المهم تخلصتي من إلى بيج و هذا اهمشي بالنسبة الي
الحمدلله
عفت عمر يم فواز واجيت اشوفج ضل بالي يمج
عرفتك.
دگ جهازه سحبه و اگدر اشوف المتصل جان مكتوب اسم ارسلان رفعت راسي اباوعله ايد لازمني بيها و ايد لازم الجهاز فتح خط و اسمع الكلامهم.
كُميل: موقتها شنو
ارسلان: لا تگلي خربت لحظاتكم
اكل تبن شرايد متصل
خالي عندي بزونة بس تخرمش اعوذ بالله ما عندك حل الها.
ضحكنا اثنينا بدون صوت الواضح ديحجي على غياهب.
حيلللل بيك خالي خليها تخرمش براحتها
چا شوف الصورة إلى وصلتلك.
دخل كُميل فتحها ايد ارسلان كلها متخرمشة و تتجارى دم توسعت عيوني هاي شمسوية بي رد كُميل عليه.
البزازين ما تخرمش الا احد يتحرش بيها شوف شمسويلها.
اجه صوت غياهب تعيط.
غياهب: ارسسسلان الحقيرررر المتناقض افتححح الباب لااااا امووووتك.
اخفت ضحكتنا و اردف خاله بجَدية.
كُميل: ارسلان؟
ارسلان: والله ما سويتلها شي قبل لا تحجي خالي، بس هيَّ صايرة متوحشة بس احاجيها لو اتضوج تبقى تضرب بيَّ و تخرمش باظافرها.
چا عليمن قااافل الباب عليهاا حيووووان.
سكت الثواني اردف بخنگة يهمس يحارب ضحكته.
چا شبيه هيج بايع روحي و افتحلها الباب ما تسمع شتحجي
انتَ سامع ليلى أسكندر شتگول
شتگول؟
يمدوخ بنات الناس اجتك وحدة صكارة تلعبك على الحبلين و گلبك تشعل ناره.
ترجملي خالي شتقصد بكلامك
دروبك خليهن بعيدات عني عاجنك و خابزك انا
تقصد بنت سلطان صكارتي؟ وتلعبني على الحبلين و تراويني نجوم الظهر.
راد يرد وصوت غياهب صار عالي تصيح اكثر يمكن تسمع الكلامه.
غياهب: واخليككك تعضض اصاااابعك ندددم وجه الچوووووب.
عاط بيها ارسلان بصوت عالي مبين زهگان من الوضع.
ارسلان: ولللج كاااافي شگددد تحچيننن.
كُميل: انجب لا تصيح عليهااا لا اطيح حظك
انا و مرتي خليك بحالك خشمك لااا تحشره بينا
الله يطيح حظك ميانة زفرة.
ناز شلونها الباقين شلونهم
كلهم بخير بس ناز البارحة تخربطت.
بسرعة تغيرت نبرة صوته واردف باهتمام.
ليش شبيها؟ صاير شي وياهااا؟
امي ذاكرة اسم عفاف.
صدددددگ تحچووووون انااا شگااااايل
لا تصيح زمال، صارت احسن عمر ما عافها
راح اجي
و غياهب؟
شبيها ما عليها شي
ارسلان لا تعوف البنيه وحدها كلشي يصير
ما يصير شي هسه جاي.
ما خلاه يرد سده بوجهه.
غرام: لو ما گايله احسن
كُميل: ما اگدر امانته هاي لازم يعرف كلشي يخص ناز
انتَ تعرف مكانهم؟
لا و الزهرة بس الاتصال بينا
اووف شوگت يرتاح ويريح البنيه وياه اتبهذلوا.
خايف يطيح بايدين ابوها ينهي والله
علي شوفتي بذاك اليوم عمو سلطان ماراح يسكتله.
بقو ساكت خايف من ارسلان منهم و عليهم، طلعنا هوَ رجع يم الزلم و اني يم اختي
مر الوقت ناسية كلشي ويا اختي للعصر راحوا انطتني رقمها ما بقالي احد غيرها الوحيدة الي
بقتلي من ريحة امي وراهم بساعة دخل علينا ارسلان ملامحها كلها قلق بدون سلام گال.
ارسلان: ويننن ناز؟
مليكة: من فلك صااابك حتى سلام ماكوو
وووگت سلام ويننن اختي؟
رديت عليه اطمنه وجهه مخطوف لونه.
غرام: بغرفتها نايمة.
بدون ما ايرد اتوجه الها دخل طلع كُميل گال.
كُميل: ارسلان اجه سمعت صوته لو مشتبه
غرام: اي دخل الاخته.
بقينا ننتظره يطلع، عمر ماموجود طلع العصر للمعرض كُميل ماطلع رفعت راسي على صوته يحجي ويا امه.
كُميل: هسه ليش البجي يمه مو هذا شفتي گدامج مابي شي
مليكة: ليمتى يبقى هيج
الى ان يرجعله عقله شبيدنا يعني.
صفنت ارسلان ما تعب من هذا الوضع؟ بس مشاكل و ماكو راحة و لا سلام لحياته
انفتح الباب غرفة ناز طلع يفرگ بعيونه حمر بدون ما يحجي اتمدد على رجل مليكة صوته مبحوح مختنگ.
ارسلان: مليكة تعبان
مليكة: كلشي من ايدك
تعبي يهد جبال.
انقهرت على كلامه إلى يسمع نبرة صوته لا ارادياً يستعطف حالته ما ادري الواحد
يلومه لو يوگف وياه بقت مليكة تسولف وياه تمسد على شعره و هوَ مغمض عيونه.
غياهب.
مثل العادة يطلع ما يرجع الا بالليل و باوقات اجازته يبقى مكابلني و مرات يطلع ما اسئل
گعدت من النوم بعد ليلة من الانهيار باوعت بالصالة گاعد مرجع راسه على الحايط مغمض عيونه وگفت متخوصرة.
غياهب: نايم لو گاعد.
مارد عليَّ عوجت حلگي بملل.
من نامت عليك طابوكة.
بسرد رد وهوَ بنفس وضعيته.
ارسلان: طابوكة براسج
اذا گاعد ليش ماتحجي؟
يعجبني.
دطيررر
واجي بحضنج
نام عزيزي نتم الواضح قلة النوم مأثرة على عقلك.
چا تعاي نوميني.
بالساني الحجي.
باوعلي بتك عين وگف گدامي اشرتله بحواجبي.
خير؟
شيلي ايدج
وشعليك بايدي.
قوس شفايفه بخبث مثل عادته ينرفزني بهل الحركة.
شكلج طالع مغري
شهللل الجذببب شوووف كفشتييي وين الاغراء بالموضوع.
اتقرب اكثر رجعت لوره رافعه اصبعي اهدد بي.
اذا اتسوي شي اكسر راسك.
نظراته مو راحة مثله.
غياهب: هيييي وين جاي راح انضرب بالحايط
ارسلان: هوَ هذا المطلوب
ادبسززز مو بيدك
هاي اخلاق محامية هسه
و لا اخلاق ضابط.
انلطشت بالحايط داطفر على الجهة الثانية حصرني حاط ايديه من الجهتين.
وخرررر شبيك
هسه شمسوي انا
ايععععع وخررر.
رفع ايده يريد يلزم وجهي دفعتها خازرته.
انتِ تدرين بمزاجي البارد ادمر غرورج و اكسر خشمج الرافعته هذا.
لا بله
لا تستهزئين شمحذرج.
ارسلان
حيلي
صخمااان
الله يصخمج
تدري اني ما اخاف منك
امممم
حلو لعد لا تبقى تتعامل ويايَّ بأساليب الخوف و الرعب مالتك هاي لان اني انسانة.
عمري عشر سنوات و شفت اول فلم رعب بحياتي و ما نسيته لليوم ف ما تهزني انتَ.
طبك حواجبه كأنما يفكر بشي.
ويامن شفتي؟
ميخصك.
رجعت ملامحه طبيعية رفع ايده لعيوني يتلمس برموشي يباوعلهن بتركيز.
اگلج غياهب
نعم
هسه ذني رموشج صدگ لو لزگ
شنو لزگ شبيك ابني
شو كلش اطوال
اني و حنين هيج رموشنا طوال و كثيفة
خاف لزگ و تضحكين عليَّ اوگفي بلا اتأكد.
ما احس غير شلع من رموشي خلاني اكمز صرخت بي بصوت مدمعة.
ووولك شدتسوووووي.
شو ذني طلعن لزگيات.
لعدددد چذبياااات يالمسوووودن.
غمزلي دازلي بوسة بالهوا مبتسم.
سيوف رموشها صوبتني بگلبي
دفرته برجلي برجله بكل قوتي لزم رجله خازرني ما اكتفيت و لا اهتميت و لا خفت منه جان مدنگ رجعت نطيته دفرة بنص ظهره صاح.
ارسلان: راح انعللللل والديج
غياهب: أشك حلگك ادبسززز.
عفته واگف لازم ظهره خازرني دخلت للحمام غسلت وجهي باوعت العيني إلى شلع من رموشها الحقير.
نشفت وجهي و طلعت بعده واگف بمكانه لازم ظهره باوعتله بحقد قلدت حركته قوست شفايفي اتشمت بي.
غياهب: خطية
ارسلان: راح اجيج.
علمود تنگتل گتله اقوا من إلى نگتلتها قبل شوية.
فوصة مو بيدج
الي يعيش وياك شيصير مثلاً
ابو عمامة
اي مو تعلمه على الصلاة و الصوم، واذا تگول فوصة بعد أسوي شي يأذيك
فووووصة فوووووصة.
اتقربت اله بهدوء مبتسمة بخفة لزمت ايده امشي اصابيعي بهدوء عليها سويت حركة بشعري علساس أنثوية مادري شحس.
لا تتحرشين
أوف موبيدي جمالك ما يتقاوم.
لم شفته الداخل فمه كاتم ضحكته
شنو مصيبتج الجديدة
مصيبة تخبل وداعتك الما احلف بيها جذب.
جريت ايده باظافري توسعت عيوني رجعت ارص عليهاا اكثر صارت تنزف گوا سحبها مني لازمها يباوعلي بتعجب.
توحشت الفرخة.
لا تگول فرخة هييي
شسويتي بايدي؟
يطبك عرج علمود ما تندك بيَّ بيبي هذا تحذير الك اني ما اخلي حقي يروح بالمي.
ما اشوف غير اجاني مثل الثور الهايج لزمني من ايدي سحبني الداخل الغرفة
شمرني على الفراش صار فوگايَّ ايده على حلكي يباوعلي بنظرات غضب.
ارسلان: و لا اني إلى اخلي حقي يضيع.
وگفت الدنيا عندي خفت ايسوي الشي إلى ابالي بس لا هوَ ما يصير نذل لهل الدرجة شال ايده
من حلگي بعدني جواه دفعته بايدي بكل ما عندي حيل اريد اگوم رجع سحبني المكاني مقيد ايديَّ.
شدتسوي؟
اخذ حقي مثلج قابل بس انتِ شاطرة وتاخذين حقج
لا والله.
وداعت عبدلله.
وخررررر لااا تتخبل ما ناقصة خبال زايد منك.
رفع اصابعه الاثنين يأشرلي.
عندج خيارين الاول ابوسج اما الثاني تنامين بحضنس وانتِ بكيفج و الج حق الاختيار.
و اذا ما اختاريت و لا واحد.
قدم شفته السفلية.
اسويهن اثنينهن غصب
تررررررا اني تلللعب نفسي منككك.
تغيرت ملامحه و لانت.
عادي انا ما تلعب نفسي منج.
مووووو كافي كلشي بالغصب و الا جبارر
اختاري غياهب انعس ما نايم
انطمر لعد.
مو قبل لا اخذ حقي منج بس اوگفي هسه اجيج.
زفرت نفس براحة من شفته طلع من الغرفة بس قفلهت بسرعة نهضت من مكاني ايدي
علي گلبي إلى داحسه راح يوگف اسمعه يخابر اتقربت و من خلال الحديث و اجربته عرفته
خاله صرت احجي و اغلط عليه الى ان عاط بيَّ سكتت الثواني جذب مسمعي صوت
عياطه ويا خاله و گاله راح اجي مارجع دخل بس سمعت صوت طبكة الباب هسه شلون اطلع و موَ قابل الباب عليَّ.
جوعانة اوف رجعت نمت بمكاني بقيت على هذا الوضع انام و اگعد و هوَ ما راجع گعدت
صافنة من الملل و الخنگة إلى حسيتها صرخت بصوت بس اريد ارتاح رجعت نمت
ما ادري شگد نمت فزيت على صوت تكسير وگفت وره الباب اتصنت للصوت
ايدي على گلبي هذا صوت ارسلان يحجي بصوت عالي و يكسر.
ارسلان: لشوووگت هلللل العذذذاب لشووگت.
بقيت مترددة احجي وياه لو اسگت و ما ادخل بس شصاير و هيج حالته صارت الاسئلة.
تتردد بعقلي رجعت المكاني گاعدة و اسمع كل شوية كاسر شي انفتح الباب بلعت ريگ
وكف بطوله نزلت عيوني على ايده إلى لازم بيها حديدة شيريد ايسوي هذا؟
ينظرلي بغضب و حقد غمض عيونه همس شي بينه وبين نفس ما التقطته اتقرب بخطوات
الي وعيوني بقت على إلى بايده كلشي اتوقع من هذا الشخص إلى قلع اظفري و عذبني
علي البطيئ بأفعاله اتفاجئت من تركها موگعها نزع قميصه اتقرب بخطوات گعد بصفي يباوع بعيوني عيونه دم شكلهن يخوف.
ارسلان: گومي اطلعي برا
غياهب: ليش؟
بدون اسئله.
طلعت من يمه سديت الباب وگفت بمكاني هوَ اني شمبقيني وياه؟ لحد الان كلشي انكشف
بعد من شنو خايفة هايهية اني لازم اطلع منا بقائي وياه سببه مجهول لان بيوم ما انكشف
كلشي گال الابوية اني مو غبي اتزوجها بس علمود انتقامي مرت الساعات و اني افكرر و اخطط بعقلي
شلون اطلع منا بس لازم اتأكد منه نايم اذا لكفني ماراح يرحمني فتحت الباد بهدوء شفته.
نايم وايده على عيونه دخلت على اطراف اصابعي علمود ما يحس سحبت جنطتي على كيفي
حضنتها الصدري و ابلع بريگي طلعت من الغرفة ذبيت نفس، يله غياهب اليوم اتخلصي منه.
حتى لو ما تعرفين انتِ وين لازم اكو نقطة دالة بدلت ملابسي سريع و حتى النفس
گاطعته طلعت امشي بحذر الدنيا ليل المنطقة دامسة بظلامها إلى يهمني واريده اخلص
من هل الانسان باوعت عيوني اكو شارعين واحد من اليمين واحد من جهة اليسار ما اندل شي.
احنا وين بالضبط بحياتي مداخلة هيج مناطق مشيت بخطوات صرت بنص الشارعين ماكو
بيوت قليلة دخلت بالشارع إلى على اليمين امشي و اتلفت ظلام محتل المكان ماعندي شي اشوف بي.
عثرت بشي مبينة بلوكة بالشارع گعدت بالگاع لازمة رجلي بألم قربت ايديَّ لعيوني دم بيها
رجعت وگفت امشي مكملة طريقي بايدي جنطتي صوت الچلاب إلى مسموع بالساعة
الكاملة امشي و أدور على نقطة دالة ماكووو شي عقلي كاد ينفجررر.
أمشي وأحس ب نبضات گلبي صارت سريعة واني دا أشوفه بسيارته گدامي
واگف صارت عيوني تتلفت ماكو أحد المكان إلى أحنا بي كأنما صحراء نزل من سيارته وبدأ يتقدم
ب أتجاهي بلعت ريگي بخوف، لأول مرة بحياتي هيچ أخاف واني دا أشوفه صار مقابيلي
وما يفصلنا إلا القليل. غمضت عيوني بقوة و أجاني صوت ضحكته فززت
كلشي بيَّ، شرس مُندمج مَن الخبث و الذكاء.
أردف بنبرة مُتعالية بالتعجرف.
جحيمج للأبد راح يبقى وراج مَن المستحيل الچ مهرب مني شگد ما چنتي ذكية، ذكائچ لا شيء گدامي يا سمراء ذأت عينان سوداء.
أنتَ شتريد؟
صار يتقرب أكثر حد ما أنفاسه صارت تضرب بوچهي، همس ب استفزاز
كلشي
نجوم السماء أقربلك
رجعت بخطوات لوره، لكن بحركة سريعة سحبني ناحيته، لزم أيدي رجعها وره ظهري ضاغط عليها ب إسَتحكام.
أخ منچ أولريش صلافتچ
مَن الطفولة.
أتوقفت عن الحركة، بعد ما چنت أحاول أخلص نفسي منه و أتلاوه وياه باوعتله
ب نظرات غاطيها الأستغراب معنى كلامه هذا هوَ يعرفني مَن الطفولة منو هذا إلى هيئته هيئة شيطان وليس أنسان .
نطقت ب تلعثم.
منو أنتَ؟
أردف بجوابه و على ثُغره أبتسامة شيطانية
الاعرج شيطان صغير.
رجعت بذاكرتي من جان يراسلني برقم مجهول مرة من المرات كتبلي أولريش طبكت حواجبي بقمة أستغرابي.
غياهب: متأكدة انتَ تعرفني من الطفولة هذا الاسم مو الكل يعرفني بي وهسه دتگول من الطفولة معناها تعرفني واني طفلة؟
ارسلان: ذكائج يعجبني بس الحجي مو هنا.
سحبني من ايدي للسيارة صعدني بيها شمر الجنطة لوره صعد يباوعلي بنظرات متوعدلي
بيها تاركة كلشي وعقلي اتوقف بنقطة وحدة معقولة يعرفني من الطفولة بس منو؟
الطريق كله ساكتة و هدوئه ما مرتاحتله ما بعد الهدوء عاصفة عصرت مخي اريد اتذكر شي.
مداتذكر احساسي يگلي شايفته بسسس ويننن وينننن ان شاء الله مو نفسه فزيت من افكاري من انفتح الباب.
انزلي.
نزلت گدامه ضايعة ما داربط وين شايفته او اتذكره ما همني حتى عقاب فعلتي دخلت
گدامه سد الباب درت وجهي اتجحظت عيوني من سحب اقسام بسلاحه.
ارسلان: شنووووووو فكررررتي اناااا غبي الهااااي الدرجة؟ لووووو فكرتي
ذكائج يغلللب ذكااائي انتِ بجحيم الاعرج ماااااا الج مهرررررب.
غياهب: ارسلان انتَ منين تعرفني مداذكر بطفولتي شايفتك؟ منو انتَ فهمنيييي.
بدون اي مقدمات حط السلاح براسي غمضت عيوني.
شسوووويلج هسسه اگتلللج هنااااا شسووويي.
اردفت ببرود عكس نار گلبي.
جاوب على سؤالي بعدها موتني.
ما اجاووووب و اقررررب حاايط رگعي ررراسج بي ورررجلج اذا عتبت الباب بعددد تنكسررر.
تركني وبعقلي علامة استفهام ركضت وره لزمته من ايده حجيت مم بين اسناني عيوني جمرت.
اني ما امشي بمزاجك شوگت مااا تحجي لازم ابقى اسمعلك و من اسئلك ما تنطيني جووواب
المطلوب؟
جاوب على سؤالي
متأكدة تريدين تسمعين حقيقة هذا الموضوع.
صفنت بوجهه شديقصد لا مستحيل يكون نفس إلى ابالي هزيت براسي وانطيته جواب بتحدي.
اي اريد اسمع هالحقيقة.
تعاي اگعدي.
مرتاحة هيج.
عااط بي.
اگعدددي
وعرج گتلة مرتاحة.
توسعت عيوني رافضة المنظر إلى گدامها رفضت عقلي يصدگ إلى ديشوفه مد ايده.
الجيبه مطلع القراصة إلى جانت عندي ركضت عليه اريد اخذها رفعها لفوگ اردفت بعصبية.
منوووو سمحللك تاخذهاااا
سبرايز حضرة المحامية
انطينياهااااا.
اتخبلللت عقلي فقدته دموعي نزلت بجنون من گال.
مو قصتنا كلها مرتبطة بيها.
باوعتله بنظرات عدم فهم.
غياهب: ما فهمت؟
ارسلان: تعرفين صاحب القراصة
لااااا
تذكرين شكله.
نزلت دموعي اكثر اختنگت هزيت براسي.
مو كلش اتذكر ملامحه
امممم.
دخل للغرفة ما اعرف شيسوي واگفة مسطورة من إلى ديصير طلع منها بايده صورة
صغيرة رفعها بوجهي اخذتها منه ايدي ترجف غمضت عيوني وارجع افتحهن عيوني غوشت عصرتهن رفعت راسي اله.
شايفته ايييي شايفته بس هالشخص مداذكر وينه.
اتقرب خطوات ناحيته عيونه نظراتها تگلي اتذكري.
اتذكري غياهب الج الوقت كله.
مسحت وجهي بايدي مسحت جبيني المتعرق والله شايفته اتذكري غياهب غمضت.
عيوني رجعت بذاك اليوم استرجع ذاكرتي ضغطت على نفسي اقسى ضغط فتحت عيوني بسرعة شفته يباوعلي صافن بوجهي.
اييي ايييي نفسه هوَ والله نفسه
امممم
منين تعررفه ليش هالصورة عندك و شنووو ربطك وياااه.
ركزي بالصورة عدل ملامحه بشنو اتذكرج او تشبهي باحد.
رجعت اباوعلها مو جبير نفسه ما شفته بطفولتي ركزت على رسمة الحاجب و العيون رجفت
ايديَّ من ربطت هذا الشي بملامح ارسلان بلعت ريگ رفعت عيوني صارت نظراتي تتنقل.
بين شخصية هذا الشخص وبين ارسلان شهگت راجعة لوره اهز راسي برفض ما متقبلة هيج حقيقة اردفت بتلعثم.
لا مستحيل
الصدف حضرة المحامية
لااااااا لااااا مستحيللل انتَ تكوووون نفسك لاااااا تخبلللني گووول لاااااا مو انتَ إلى انطيتنياهااا.
شهگت بدموعي ماريده ماريد يكون نفسه اتقرب ناحيتي بخطوات بس نظراته نظرات
انتصار عكسي وجهه بوجهي اختلطت انفاسي بانفاسه اردف بهمس.
ما تخيلت بيوم من الايام تطلعين نفسها إلى شفتها من سنين طويلة .
رفع ايده إلى بيها القراصة گلبي راح يوگف جسمي انتهى دموعي تنزل بصمت
من قوة صدمتي مداستوعب هوَ نفسه ابتسامة مرسومة على ثغرة حطها بشعري.
منج و صرت أحب الصدف و أومن بيها .
لزم حنكي و اني تحت تأثير صدمتي رمشت بهدوء.
نفسج إلى بيوم من الايام گالت الواحد ضايع ما احجي ويا الغريب ورد عليها ما غريب.
غير الشيطان ضحكت ببرائه و عيونها السود تضحك ويا شفايفها كلمة الشيطان انحفرت بگلبه من ذاك اليوم.
ابتعد عني يمسح على شعره وجبينه متعرق سئلته بنص ضياعي.
چنت تعرف اني نفسها؟
هز راسه.
لا ما چنت اعرفج انتِ نفسها
لعد شلون عرفتني شلون شفتني قبل
بعدين تسمعين باقي الحكاية.
نزلتها من شعري بهدوء دموعي لا زالت مُستمرة گلبي شگد يعز هل الذكرى كل هالسنين.
وحدة من امنياتي التقي بصاحبها صاحبها إلى حتى بصلاتي اذكرى تاليته طلع عايش
ويايَّ و ما أعرفه گد حبي ومعزتي اليوم كرهتها بگد كرهي للشخص الواگف گدامي شمرتها
بالگاع سحگت عليها و گلبي اتگطع لاشلاء عينه صارت عليها تغيرت ملامحه
اسحگ عليها بقوا برزت دمارات ايده وهوَ عيونه عليها و على حذائي.
غياهب: ذكرى منك ما اريدها بگد معزتي الها صرت اكرها بگد كرهي الك وراح.
اسحگك مثل ما سحگتها هسه و ما تلوي ذراعي و اذكرك بهذا الحجي.
حنين.
رفعت راسي استغربت من شفت ابوية إلى گدامي مفعلة وضعية الاستغباء علمود ما احسسه يعرف بشي.
حنين: بابا؟
سلطان: شلونج بابا
تمام بس شتسوي هنا
اجيت اشوف بنتي بيها شي؟
ها لا بابا هلا بيك.
اخذته و نزلنا جوا گعدنا اشوفه ما مامرتاج حتى وجهه تعبان مو مثل قبل.
شلونه شغلج
زين حبيبي
رحت الخالتج گالوا عندها عملية و تتأخر گلت اجب اشوف بنتي.
زين سويت لان مدنشوفك ما ادري شنو إلى شاغلك لهل الدرجة.
ما انطاني جواب شرب مي إلى گدامه.
شلونها علاقتج بخطيبج
متفاهمين
انا واثق ب درغام
لعد و ارسلان؟
نظرلي بأستغراب من كلامي.
شبيه ارسلان
واثق منه او لا
موضوعنا عنج بابا حبيبتي مو عن غير اشخاص من الشي يخصج لا تربطي ويا غيرج.
تمام بابا اعتذر
اذا تشوفين كلامي غريب ف اعرفي اكو شي
شنو مناسبة هذا الكلام
شتعرفين عن علاقة اختج وزوجها.
ما أعرف شي لان غياهب مو من النوع إلى تحچي خصوصياتها الزوجية.
خير ان شاء الله.
بقى يسئل اسئلة مركزة عن علاقتي بدرغام و ما استبعد صارت عندة ازمة ثقة وخوف بعد
الي صار ويا غياهب بكل جواب يتأكد من جوابي اذا فعلاً داحجي الصدگ او با نهض من مكانه يريد يروح.
حنين: بابا
سلطان: نظر عيني
مشتاقة الاختي.
اخذ اغراضه إلى گدامه مبتسم ابتسامة خفيفة رد بصوت واضح كلش العبرة خانگته.
و انا مشتاقلها
ليش ما انشوفها؟
ما نگدر بابا.
بس ليش؟
ما موجودة اختج مسافرة ويا زوجها.
صفنت الجوابه شگد بعد لازم يبقون يجذبون عليَّ داتاذه و انهضم من هاي افعالهم.
مسافرة؟ شو ما عندنا علم شوگت سافرت
من فترة بلغتني.
يحجي بس ما يخلي عيونه بعيوني باس راسي وطلع گعدت بمكاني نزلت دموعي شيصير
لو تحجيلي كلشي مو تكره الجذب ليش هسه دتجذب اجت انوار گعدت تباوعلي بقلق من وضعي.
انوار: شبيج عمري حنين ليش تبجين.
غطيت وجهي ابچي.
تعبانة انوار.
اسم الله عليج من التعب شبيج احجيلي دالاحظج هل الفترة هذا وضعج.
نزلت ايديَّ من وجهي سحبت كلنكس مسحت دموعي إلى مجرد يذكرن اختي يرجعن ينزلن و الجذب إلى ديجذبوا اذيته اذية ثانية.
شوفي ما اعوفج اليوم دحجي فتيتي گلبي ام الضحكة الحلوة ما ادري ام روح الحلوة على گولت نسيبج.
نزلت دموعي اكثر و اني استذكر كلامه ويايَّ وتفاصيل هل الاشياء.
ماكو شي انوار بس تعبانة هل الفترة ضغط بحياتي و احس استنزفت طاقتي وهسه طلعتها بالبجي
حبابة حنين اذا اكو شي اگدر اساعدج بي احجيلي.
يكفي كلمتج الطيبة و سؤالج.
الرجال إلى چان گاعد وياج منو
بابا
هههههه ماشاء الله بعده و لا مبين عليه
ازوجج ابوية
خوب انتِ منو احجي عنه گلتي ازوجياه.
غير اريدلج واحد يستر عليج.
ولا تگعد صايرة تتسترين على العالم
كلي خير و بركة.
ضحكنا اثنينت و اني امسح دموعي انوار بنيه حبابة و طيبة من اهل الله بس صدگ
مو كل البشر مرتاح كل شخص اله قسمة من شلعان الگلب رجعنا الشغلنا
المدير صاير
متشدد بشكل حتى الموظفين بدوا يكرهون الدوام بسببه دنصعد الدرج
و انوار طلعت گدامي لان درغام اتصل وگفت بنص الدرج احجي وياه.
درغام: هلا بلائي
حنين: هلا بيك.
شبيه صوتج
شبيه
ليش باچية ابوية.
مجرد گال هالكلمات رجعت دموعي تنزل.
ابوية چان هنا و من سئلته عن غياهب جذب عليَّ.
حنين انتِ ليش تأذين نفسج اكثر بسؤال تعرفين جوابه تجبرينا يجذب عليج من تسئلي وتأذين نفسج اكثر.
عبالي من راح اسئله راح يحچيلي الصدگ بس خيب ضني
ليش اجه
چان رايح الخالتي بس جانت بالعمليات و اجاني و بقى يسئل عن علاقتنا
جنت ادري وحاس راح يسئل هالشي.
انتَ وين
اخذت امي الخالتي مريضة
سلامتها
كافي بچي مو تدرين گلبي ينمرد ويا دموعج.
مداگدر اتعذب و اني اتخيل ارسلان يعذب اختي اكثر من العذاب إلى شافته وياه
ما يگدر يأذيها
لشوگت اصبر دوروووها.
سديته منه محترگة حررگ مكملة طريقي ما ادري شلون رجعت لوره بس اريد الزم بالدرج
مالحگت امنع نفسي من الوگعة مالحگت و اني اوگع لوره الوگعة صارت على وجهي
خليت ايديَّ حامية وجهي لا ينضرب عيوني غوشت اخر شي سمعته صوت انوار تصرخ.
صحيت على نفسي على الم فضيع ما ينحمل بايدي وراسي نزلت دموعي.
انوار: لا تتحركين حنين راح ناخذج نسويلج اشعة.
راح امووووت اخخخ.
اخذوني للاشعة وطلع عندي كسر چبسوها وروحي فرفحت انتهيت انطوني مسكن رجعت
فتحت عيوني شفت ابوية ودرغام و خالتي وام درغام موجودين و الالم هل مرة براسي قوي.
سلطان: سلامتج يا بابا سلامتج
ايدي بابا راسي
بيَّ ولا بيج نظر عيني
لا ان شاء الله بدرغام و لا بيك
درغام: شبيج حنيني شو گالبة عليَّ.
حنين: كللله من وراك خليتني احجي وياك واني بنص الدرج.
چا انا شمدريني انتِ بنص الدرج
بچيت اكثر خازرته.
اطللع برررا
خاف ما تقبلين
سلطان: اطلعع برا درغام
درغام: ولكم چاااا انا شلي غرررض و محمد ما ادري بيها واگفة على الدرج
ميخالف بابا اطلع خليها تهدأ وتعال.
ومحمد فلااا اطللععع وانتِ انكسرررتي مووو صوجي صوج فهااووتج.
حنين: ولكم طلعوووووا.
گوا طلعته امه من الغرفة وابوية يبوس بايدي الثانية، ابتسمت اعترف من اتمرض.
اتدلل زايد و اتعاير اكثر من اللازم بس مو بيدي احب الدلال.
سلطان: عيب تطردين خطيبج
حنين: ما اگدر اطلع حركة الالم باحد بيكم طلعتها بي
لا بنيتي عيب هسه تلگي ضاج
ويضوج فدوة إلى شكو بيها.
ضحك ابوية كفختني خالتي بخفة على راسي و هوَ منا يأذيني من الوگعة.
اخخخ راسي
وجدان: ما تبطلين هل العيارة الزايدة إلى عندج
بس انتِ كاشفتني
وابن اخوي شعليه
ادلل عليه
جوهرة: مكرود يا يمة يا درغام.
حنين: شكووو هسه كلكم تبچوله ترررا اني المريضة.
صارت الرزايل تتراگع طلعوني للبيت اتصل خالي يطمن عني خالتي جوهرة ودرغام بسيارته
وصلنا للبيت عيوني تدور عليه اختنگت من ماشفته موجود معقولة زعل و راح لليل كله
ما گدرت انام گعدت بغرفتي ابجي وحدي انفتح الباب مسحت دموعي و اني منزله راسي
هذا بابا اكيد اجه يطمن عني رفعت راسي زادت ابتسامتي من شفته درغام.
حنين: ابو جلطة؟
درغام: ام چفصة.
دخل سد الباب گعد بصفي طفر عليها صحت بي.
كسررررت چربايتي
اجيبلج غيرهت تعزينها عليَّ
شلون دخلت منو فتحلك الباب
ابوج
جذاب
و الله شبيج
شلون دخلك
طلع روحي من الساعة ب 12 اتلوك ما يرضى
وبعدين شصار ودخلك.
ضحك بصوت اموت على الغمازات إلى عنده من يضحك ابتسمت وياه.
غلق جهازه بس ما استسلمت صرت اتصل على جهاز عمتي اخر شي فتح خط عاط بي ورزلاني گتله بس نص ساعة اشوفها و اروح.
حضنت ايده اضحك.
اووووي كزكززت.
شوووفي شمتحمل علمودج وانتِ تطردين بيَّ.
نمت على رجله مبتسمة.
مو جنت متوجعة وطلعتها بيك
خطية انا حنين
شبيك خطية
ابوج ساحلني حسرة اجيج يبقى واگفلي مثل الحرس و لا يگلك مرتي عبالك صاحبها وانتِ مطيحة حظي
الي يحب بنات سلطان مو بس هنَّ يتحملهن حتى يتحمل ابوهن.
مشى ايده على شعري.
ابوج حيل متعلق بيجن
وادري بي هسه گلبه يعذب بي لان مد ايده على غياهب
ما شفتي من طلعنا من بيت ارسلان شصار بي.
بقيت ساكتة مجرد حس راح تنزل دموعي غير الموضوع.
درغام: جوعانة حبيبي
حنين: اي
گومي ننزل اسويلج اكل
بهل الوگت
اي
وبابا
تلگينه لازم حراسه بالصالة گاعد.
نزلنا جوا جسمي زين بس ايدي إلى اتاذت وشوية راسي و مثل ما گال ابوية گاعد
بالصالة و مبين ينعس بس يحارب نعاسه وگف بس شافنا خزر درغام الضام ضحكته.
سلطان: شووو اتأخرت صارن 35 دقيقة مو 30 دقيقة.
درغام: اي عمي هاي الخمسة هدية
ديلا البيتكم.
اعذرني بس بعد لازم ابقى زوجتي جوعانة واريد اسويلها اكل
خايب ما تولي البيتكم زوجته الوسخ مصدگ روحك.
گعدت على القنفة متوجعة بس خربانة ضحك عليهم شلون يتناكرون.
عمي ما مرجية منك هاي تطرد بيَّ.
ولك الدنيا راح تصير الفجررر
عادي شكو بيها اولاً بيت عمي ثانياً اهل زوجتي الحبيبة.
ولي البيتكم
مااا اولي الا اسويلهاا اكل طيرررتي جوعانة.
هوَ گال هيج لو ابوية تخبل شبعة دفران وتكفخ دخله للمظبخ لان گال طيرتي اثنينهم سووا.
اكل لان ابوية هم جوعان كملوا الاكل جابوا مسوين بيض وطماطة وبتيته خالطينهن
سوا و چاي بس كملنا اكل طلعه بابا گوا من البيت وذاك ما يسكت يدزلي بوسة بالهوا
ويشيش ابوية، الثاني يوم ماكو دوام بسبب حالتي خالتي و ابوية طلعوا الدواماتهم
اندگ الباب طلعت اعرج من رجلي كل تفكيري واحد من خوالي فتحت الباب مبتسمة
اختفت ابتسامتي من شفت إلى گدامي نزع نظاراته مبتسم.
ارسلان: شلونها ام روح الحلوة؟