رواية وتيرة الأعرج للكاتبة حوراء السعيدي الفصل الثالث والخمسون
مسحت وجهي و نسمة أمل ردتلي من شفتها نايمة
و حاطة سيرين بحضنها
حاضنتها مثل الشخص اللي يحتضن و يعتز بشي يخاف احد ياخذه منها
ابتسمت بنص تعبي، ماسوتها و لا راحت عزيزة عيوني، مشيتلهن
علي كيفي خاف يگعدن نمت بصفهن سيرين گاعدة بس ساكتة بدون
ماتبچي، دخلت اصبعي بايدها حطيت راسي يم راسها.
ارسلان: ياروح أبوج.
رفعت عيوني الامها النايمة و التعب بملامحها خذيت سيرين شايلها.
حطيتها بالكاروك مالتها رجعت الها من حست عليَّ فزت من نومتها و اتباوع الايديها تدور على سيرين.
غياهب: وين بنتي؟
ارسلان: حطيتها بكاروكها لا تخافين.
هدأت ملامحها بقت صافنة بوجهي حسيتها شايلة بخاطرها مني حافظ هل الانسانة مثل ما حافظ اسمي.
خاطرج ثكيل عليَّ؟
لا.
جبرتيني احچي ذاك الكلام غياهب ما فكرتي بيَّ؟ شيصير بحالي
من بعدج ما فكرتي ببنتنا شلون تعيش بدونج؟ مو اثنينا فاگدين امهاتنا و لليوم.
نستفقد كلشي منهن شلون انطاج گلبج تاخذين هيج قرار؟
بقت ساكتة لمت رجليها حاضنة بروحها عيونها دارت على سيرين.
غياهب: خفت تعيش شعوري اذا اعوفها خفت تنام كل يوم و بداخلها
حسرة مني، خفت تكرهني خفت بيوم من الايام تكبر و يجي يوم عرسها لو تخرجها و تدور بعيونها عليَّ.
نزلت جابت جهازها ورجعت المكانها ايدها على نفس الرجفة حطت الجهاز
بنصنا مردت بروحي من طلعت صورة لارين و هيَّ تضحك.
شوف شلون ضحكتلي اخر مرة باوعلهاا ارسلان ليش خذوا بنتي مني.
نزلن دموعها.
الاخذها رب العالمين خذاها المكان احسن من المكان الاحنا بي.
رفعت عيونها بدموعها.
ماشبعت منها اني اول مرة احس نفسي بفرحة حقيقية من بعدك ليش دائمًا
فرحتي مكسورة ما تكتمل اني هيج من طفولتي ماشفت فرحة كاملة دائمًا گلبي يلچم.
حضنتها تبچي و تحچي شگد ماتأذيني دموعها بس ما رايدها تكتم
ما ادري اذا غياهب راح تگدر تتخطى هالشي بيوم.
ناز.
گعدت الصبح رحت المليكة واگفة تلبس بشيلتها.
ناز: مليكة شو ما سبحنا سيرين؟
مليكة: سبحتها انا و غرام انتن چنتن ملتهيات.
ها ما ادري.
عفتها و طلعت امشي بالحديقة ذني الايام اللي مرت الناس تجي تعزينا و اتروح
گعدت مقهورة على أخوية و غياهب، رجع اتصل نفس الرقم اللي اتصل بيَّ و اني
ببيت ارسلان مالي خلگه مارديت عليه ظل يتصل و يتصل ما جاوبته خيولي افتح خط ما يجاوب.
رجعت دخلت للبيت و اجت انسام اليوم انسوي ثواب البنت ارسلان و نوزعه
غرام هالمرة حملها كلش مثكلها و مورمة گوا تتحرك، بدوا يطبخون و اني
اساعدهم بالخفايف، غياهب ماتطلع من غرفتها اهلها يجون يدخلون الها
و بنتها ما تفارگها صارت بيها خوفة الحماية شالوهم من بيتنا لان بعد اللي چنا خايفين منه أنتهى.
هم ما قصروا الشي اللي صار مكتوب من رب العالمين بس خطية الولد الي.
ضربه ارسلان بعده بالمستشفى وضعه مو كلش زين لان ضرباته صايرة
براسه كملنا الثواب و وزعناه، دخلت العلوية إلى للغرفة بعد ما كملنا شغلنا
سبحت، گعدت يمي و حسيتها تريد تحچي شي انتظرتها تحچي براحتها بدون ما اضغط عليها الى ان گالت.
غرام: ناز.
ناز: ها ام سراج.
اني فكرت بكلامج.
عرفتها تقصد من گتلها انطي طفلج النيروز و عمر ما ادري شنو چان بعقلي
من حچيت هيج وياها و شلون خليت عاطفتي على اخوية عمر اتصرف هيج تصرف.
علوية اني ا...
قاطعت كلامي و هيَّ تگول.
اسفة بس ما اگدر أنطي أبني صعبة والله فكرت بيها هواية شفت صعب
انطي قطعة مني حتى لو يبقى گدام عيوني ما اگدر اتخيل ابني يگول الغيري
ماما اموت بقهري ورسول الله، اخاف يجي يوم و يعرف نيروز مو امه الجابته
للدنيا و يفكر تفكير غلط بحقي و حق ابوه راح يفكر ما حبيته ماردته و انطيته الغيري.
وگفت و دموعها بعيونها.
ماعندي الگلب القوي اللي يخليني انطي طفلي الغيري اعتذر منج.
ابتسمتلها فاهمة كل كلمة حچتها.
ناز: لا تعتذرين اني اللي اعتذر منج علوية على كلامي قرارج صحيح و فكرتي جانت غلط اتمنى تسامحيني على كلامي.
حضنتني تبچي و دموعي تنزل ويا دموعها على اخواني و الدنيا شلون معذبتهم.
غرام: فاهمتج من حبج الاخوانج حچيتي و طلبتي هالطلب مني مستحيل ابعد اولادي عن عمر و نيروز.
ان شاء الله.
بدأت الايام تمشي و غياهب على نفس وضعها مليكة ما قبلت يرجعون.
البيتهم لان وضعها مو مال تبقى وحدها، ارسلان روحه صارت ببنته الثانية
تعلقة صار قوي الدرجة اقوا من لارين الله يرحمها، اجه يوم الاربعين
مالتها و غياهب أصرت الا تروح للنجف تزور بنتها وافق ارسلان ياخذها و طلبت
منهم اروح وياهم علمود اهتم بسيرين جهزنا اغراضنا و طلعنا للنجف.
اباوع الاخوية و مرته الضحكة أنسلبت منهم و من ملامحهم من يوم الماتت
بنتهم ماضحكوا مثل قبل و لا حتى بابتسامة مزيفة غياهب حتى كلامها قليل.
كد السؤال، بعد مرور من الوقت دخلنا للنجف للمقبرة دافنها ارسلان يم اهلي.
ارسلان: ناز ابقي بالسيارة و بس نكمل نرجع اخلي سيرين يم غياهب و اخذج تزورين اهلي ها شگلتي خوية؟
ناز: هايهية خوية انزلوا.
راح اقفل السيارة.
هزيت براسي بقيت گاعدة بالسيارة و هم راحوا البنتهم باوعت السيرين
ابتسمت الشكلها عيونها لونهن عسليات و شعرها اسود، وجهه دائري و بيضة
ماتشبه اهلهاا و لا يمهم حتى بياضهاا اللي كلنا على ارسلان صارت.
يوم بعد يوم تصير بيضة اكثر بس الشعر مبين على امها.
ناز: اخخخ اخخخ شهالجمال بعد عمتج.
دگ جهازي و هوَ بالجنطة گوا طلعته لان البنيه لازمتها هذا اكيد واحد من
أهلي عوجت حلگي بملل من شفته نفس الرقم والله بيك رزالة غسل ولبس هيج لزگة
ما شايفة دخل أنطي بلوك و أخلص منه، ضربته بلوك و حذفت رقمه
رجعت اناغي البنت اخوية و هيَّ تضحكلي كزكزت عليها احضن بيها و هيَّ تبتسم.
غياهب.
وصلنا القبر بنتي روحي نعصرت عصر بالقهر و الدمار و ها أنا أقول
كل الذكريات تحاصرني، أبحث عنكِ في طيف الأحلام
بأيدي القران
بقى يباوعلي ارسلان متفاجئ بردة فعلي گعدت بهدوء يمها مسحت بأيدي على قبرها التفتت اله.
نقرأ قران بالاول.
هز براسه بقبول فتحت الكتاب اقرأ و الخنگة ببلعومي اقرأ و دموعي تنزل
ما اگدر أنسى اللي شفته كملت و اتصدقت انطيته اله راح هوَ يم أهله و أدري.
بي مسمعه راح يكون يم صوتي و شهگاتي درت بعيوني البنتي الجوا التراب.
عشت بعدچ بروح ميتة، سامحيني ماما سامحيني ما گدرت أحميج و أخلصج.
أستمريت بدموعي و عذابي و ملامتي و عتابي ابچي بصوت عالي من گلبي بقيت ساعة كاملة على هذا الوضع حاضنة قبرها و دموعي ماراضية توگف.
ارسلان: غياهب.
رفعت راسي اله.
غياهب: خلي ناخذها ويانا ارسلان بنتي اكيد تخاف من الظلمة.
رفعني من القبر يمسح بالتراب اللي بملابسي و يتحسر.
ما ايصير اتسوين بنفسج هيج طيرة راحت الرب العالمين.
شلون راح أنساها؟
رفع عيونه بعيوني ضام دموعه عني.
ماننساها للموت.
خذاني من يمها لزمني يمشي بيَّ ويسولف ويايَّ.
ارسلان: گدامنا الحياة عندنا سيرين محتاجتنا و انا محتاجج وانتِ تحتاجيني
لا تفكرين بيوم أعوفج تربي بنيتنا سوا مانقصر بشي وياها بس رايد طلب منچ.
صفنت بعيونه واگفة.
غياهب: أطلب؟
نبدي بأول خطوة هيَّ علاجنا خلينا سوا ايد بايد نحارب كلشي، عهد مني.
الچ ايدي ماتفارگ ايدج بيوم هواي صارت شغلات ماتخطيناها بس دامنا
واحد يسند الثاني راح يجي يوم نتخطى كلشي موافقة بكلامي؟
درت بعيوني الارين طولت بصفنتي بقبرها.
يا ترى راح اگدر أتخطى موتتها للشفتها بعيوني بيوم؟
يجي يوم و نتعايش ويا اوجاعنا.
هزيت براسي رجعنا للسيارة نزلت ناز بعد ما ارسلان فتح الباب راحت
الاهلها زارتهم و رجعوا اخذ سيرين ابوها باسها بخدها.
ارسلان: هاا بابا بنياتي صجتي من عمتج ضوجتج مو.
يباوعلها بنظرات كلها تأمل.
ناز: يااااا اصلاً بس تضحكلي فدوووة.
شمها من رگبتها ورجع انطانياها طلعنا للامام نزور و نرجع للبيت ارسلان
قرر بس نرجع بعد نرجع البيتنا اللي يم أهلي، وصلنا للامام وصانا مانضيع و انطانه نقطة دالة نلتقي بيها.
ارسلان: غياهب اذا شفتيها أزدحام جوا انتظري ناز تزور و بعدين انتِ لا سيرين تختنگ جوا.
غياهب: تمام.
دخلنا للتفتيش و هوَ راح يزور خليت ناز تدخل تزور بالاول و بعدين اني دخلت زرت.
ارسلان: كملت زيارة و طلعت محلف أبو الحسنين و قسمت عليه ببنته ام الخدر زينب
عليهم السلام يبرد گلوبنا و ينطينا الصبر طلعت أمشي ضربتتي نسمة هوا باردة
غمضت عيوني براحة واگف بالنص ساعة لحد ما أجن شفتهن جايات من بعيد
و سيرين ما ادري بشنو ملفوفة باوعت الغياهب اول مرة اشوفها مبتسمة
من بعد كل هالفترة و هيَّ تباوع لبنتها خذيتها منها.
ارسلان: هاي شنو لابسة ولچ بوية.
غياهب: أكو مرة چانت گاعدة و بايدها علك بنتك بقت تسحب و تسحب بي هيَّ شافتها گالت مايرجع ولفتها بي.
اممم طلعتيلي مثل الماما من تريد شي تاخذه.
غياهب: ابتسمت بهدوء الشكلهم رفع راسه گال.
نرجع للبيت لو تتغدن هنا.
خلينا نروح نزور كربلاء.
يجرالج عزيزة عيوني.
ناز: ايييي عفية خلونا نزور كربلاء.
ارسلان: چا خلي نطلع الها و هناك نتغده و نبقى الليلة بيها و باجر نرجع البغداد شگلتن؟
ناز: فددد أموت عليك يا أحلى أخ اروح فدوة الضحكتكم هاي المشتاقتلها.
ضحك على سوالفها طلعنا متوجهين الكربلاء خابر خاله بلغهم مانرجع اليوم
بعد ساعات وصلنا اتغدينا و أجرنا فندق نرتاح، للمغرب زرنا و گعدنا
بين الحرمين بنتي نايمة حاطينها بنصنا، اشوف الكل يحاول يحسن من وضعي.
تجيني ساعات أصفن و أتخيل بنتي بعدها عايشة و اللي صار حلم بس
بعدها اصحى على زماني ونفسي و اشوفها كلها اوهام و احلام بالحقيقة.
بنتي راحت من هالدنيا للابد، ارسلان تعب و لا زال يتعب علمود يطلعني
من وضعي سندني بأصعب أوقاتي بس اني ماگدرت أسويله شي ترك روحه
و جرحه و وگفلي و أهتم إلى و البنته.
أتمنى اگدر أتخطى الماضي و أعيش مرتاحة تعبنا بعد ما عندنا الگلب اللي
يتحمل لزمت ايده رفع راسه يباوعلي بنفس النظرات اللي ماتغيرت بيوم بنفس الحب.
غياهب: أذا أحاول أنجح؟
غمض عيونه متحسر ورجع يباوعلي.
ارسلان: نفشل بالبداية مو مشكلة و النجاح يحتاج أصرار و صبر جاهزة الهذا الشي انتِ؟
خايفة ما أتخطى و أعيش كل عمري بعذاب.
شدد قبضة ايده على ايدي و هوَ يگول.
تخافين و انا يمج يا بعد حيلي.
لا أتعوفني.
رفع راسه للامام العباس عليه السلام و نطق كلامه.
وحگ أبو راس الحار اللي أزلام أتراجفت منه ما أعوفنج للموت.
و منا بدأت رحلتنا بالعلاج و يا ترى راح ننجح؟ لو نفشل بهل الخطوة شنو راح يكون تعويض هالخسارات.
حنين.
ووولكم يبووووو الحگوووني.
أنفتح الباب دخل خالي و درغام يركضون مجرد شافوا منظري ضموا
ضحكتهم و اني اعيط الحسن لازم شعري و يسحل بي مايعوفه رجعت عطت الدمعة بطرف عيني.
حنين: تعالووووا اخذوووا لااا اموووته.
أجه درغام گوا فلت شعري من أيده رفعه شايلة يضحك، لزمت شعري بألم نزلت دموعي.
درغام: ليش بوية ليش هاي يوميا احنا هيج تعت بشعر أمك مو خطية.
كله صووووجك.
چااا انا شكووو؟
انتَ دللته و خليته يستهتر هيج.
سوي زين و ذب بشط.
جابر: ميخالف بابا بعده طفل هسه انتِ عقلج تخلي ويا عقل طفل؟
اييي اييي ظلوا دافعوله و خلوا يستسبع عليَّ.
وگفت امسح دموعي ركضت وره درغام يركض بس يريد يحمي مني.
حنين: ووولك الحسسسن اذا ألزمك الااا اگطععع الصوندة عليك.
مد لسانه يعيب عليه و يتمضحك طلعت خالتي جوهرة من المطبخ شافت هوستنا.
جوهرة: هااا رجع گتلج.
رجعت دموعي تنزل كلهم يعرفون هذا المزنجر الحسن يوميا يگتلني يسحل بشعري حچيت من بين دموعي.
حنين: ايييي و ما يخلوني اگتله و أدبه الصخل.
درغام: لااا تحچين على سمار ابني تروحيله فدوووة.
اذااا الزمك انتَ وووو ابنك اكلكم بسنوووني الصخلان الدبس لووو تموتون ما اتصيرون بيض.
ما ميتين على البياض احنا سمر و نخبل، و علساس هسه انتِ اللي يشوفج يگول كيمر عرب و تعيبين علينا.
علي الاقل ابيض منكم الدبسان.
أخذ ابنه و گعد على جهة رحت گعدت بصفه كبل حط ايده گبال الحسن
عباله صدگ اريد أضربه و اني بس حچي مستحيل أمد ايدي عليه.
حنين: مصدگ اضربه؟
اسف بلائي بس انتِ خبلة كلشي يطلع منج.
درغام.
رفع راسه يباوعلي يضحك.
عيونه.
شو أحسك صاير تحب الحسن أكثر مني ماتدللني مثل قبل من اجه هذا المزنجر الصغير نسيتني.
گلتيلي أحساسج يگلج هيج؟
اي والله صح مو؟
گوووومي جيبي النعال ودگي احساسج بي.
ترررررا صدگ دا احچي.
لا وين اكو هيج بلائي محد يجي بمعزتج شنو الحسن شنو غيره؟ يروحولج فدوة.
لا تهمبل قبل شوية گلت تروحيله فدوة.
أهتز جسمه يضحك و الحسن متشلبة تشلبه على ابوه.
درغام: شلون ورطة هاي.
حنين: يعني صدگ؟ مو درغام اذا صدگ والله الا الم ملابسي و اخابر ابوية يجي ياخذني.
غير ابوج يطگلها أصبع ما يصدگ بسرعة يجيج اسرع من الطائرات الامريكية.
لعد گول تحبني أكثر لو المزنجر الصغير؟
انتِ أكيد بدون منافس.
داحس دا اتسلك إلى تسليك.
عاط بصوت.
راااح أنعللل أبو أحساسج اليوم.
احترررم نفسك.
ضحكت خالتي.
جوهرة: طلعت روحها ولك يمة.
درغام: چاا وين أكو وحدة تغار من أبنها تعاي فهميها هاي ام نص عقل.
نهضت من مكاني لزمت المقعد ضربته بي.
لوووو تموووت اليوم ما انام بالغرفة.
چااا وين تنامين بالسطح؟
مااااالك علاقة خوووش.
اي خوش.
رحت گعدت يم خالة أخزر بي زحفلي الحسن يريد يگوم و يوگع حد ماوصلي لزم بملابسي.
الحسن: مما.
حنين: روح زعلانة منك لا مما و لا مادري شنو خلي أبوك يفيدك.
صاح بيَّ درغام.
درغام: ولللچ طفللل.
انتَ أسكت.
جابر: أسكت عنها لا تخابر سلطان و على گولتك يطگلها اصبع.
دگ جهاز خالي رفعة يضحك.
شنو حسه گلبه نحچي عليه.
فتح المكالمة و فتح الصوت كلنا نسمع الكلامه.
سلطان: رجلي حكتني گلت ماكو غيركم انتَ و أبنك تگصون بيَّ.
حچى درغام من مكانه.
درغام: ليش احنااا نگدر نحچي حچاية وحدة عليك بنتك مررررررتي ما تقبل.
رجع ابوية يجاوبه متحلفله.
اذا ما گصيت إلسانك و أخليك كلمة مرررتي ماتگولهااا سهلة.
چاااا غيرررر هاااي مرررتي ام الحسسن.
جابر: ههههههههه يا طلابة الماتخلص.
سلطان: اليوم مسوي عزيمة معزومين يمي گلت أخابركم أعزمكم.
درغام: بس احنا لو عازم غيرنا سلطان.
انتم و أهل ارسلان و غياهب و ارسلان و بيت عمران.
بقوا يسولفون وياه و الحسن بعده يباوعلي يريدني اتقربله كسر گلبي.
كبر شگد قشمر و مضحكة اني شلته حاضنته الگلبي ابوس بي ضحك وجهه.
حنين: الدبس شما اتسوي احبك ابني حبيبي.
اجه صوت درغام من ورايَّ بعد ما سدوا من ابوية.
درغام: هاا اتصالحتوا.
اي لعد نبقى متزاعلين؟ و تكيفلها انتَ تبقى تشمت بينا.
چا قبل شوية منو الچانت تبجي و تصيح؟
اني.
همزين تعترفين.
قلبت عيوني بقيت گاعدة العب ويا الحسن للعصر جهزنا نفسنا علمود انروح البيت.
اهلي غياهب و ارسلان بدوا ياخذون جلسات ر اول جلسة چانت صعبة
ارسلان وضعه بي ايجابية اكثر من اختي السبب هوَ ديحارب علمود
يتشافى بس اختي داتواجه صعوبة و باقين ننتظر عندنا امل يجي يوم من الايام لعل تگدر تتخطى.
سبحت و سبحت الحسن بدلتله نفس الألوان اللي لابسها درغام بنطلون
كحلي و قميص ابيض هم صح مزنجرين بس حلوين، طلعت مكياجي
گعدت براحة گدام مرايتي ارسم بملامحي.
درغام: لااا تلطخين هواية حنين.
حنين: خفيف حبيبي.
هاااي كل مرة تگولين هيج و تالي تطلعين حاطة كيلو.
ابو الحسن لا تحمى زايد.
رفع حاجبه عود ضاج سحب العطر من ورايَّ شالني بگرصة بخصري كمزت من مكاني.
اوووييي شبيك؟
يمج انا؟ ليش تتبلين عليَّ.
اي اي صح.
وگف غرگ روحه بالعطر و راح للحسن يحطله هم اباوعلهم من المراية گعد
يلبسه بحذائه و هذا يسحل بشعر ابوه و درغام يضحك السوالفه، طلعت اكسسواراتي
اخذ منها اسوار اريد اسيطر عليه و البسه ما اگدر رفعت راسي.
حنين: درغام تعال ساعدني بلبسه.
نزل الحسن بالگاع لان مابي امان لا يوگع اجه يلبسنياه وگف و كل شوية
گارصني بأيدي و يگلي بدون قصد ادري بي متقصد بالاخير ما تحملت.
حنين: وررررمت ايديَّ ياااااا.
درغام: هيَّ گرصة تعزينها عليَّ.
شنو رأيك اگرصك و جرب الوجع.
رد عليَّ و هوَ بعده يلبسني ماطلع اسوار عبالك افتتاح الاندلس.
لا ما اريد گرصة اذا عندج غير شي ليش لا.
عرفته شيقصد سحبت ايدي بعد ماكملها و دفعته اكمل تجهيز نفسي اجه ورايَّ.
شو غلستي؟
علي شنو؟
ما اتشكرتيني.
شكراً.
لا ما اقبل هيج انا.
لعد شتريد؟
تعرفين شريد.
اتأخرت على بيت أهلي.
عفته و رحت اطلع حذائي ضامة ضحكتي صاح ورايَّ.
درغام: انعلللل ابوووج.
حنين: اوصل الابوية و احچي گدامه هيج.
يسويني وصلتين غير.
لعد بطولاتك بس وراه تعال شيل الحسن.
چا ما تشيلي انتِ؟
انتَ أبوه اتوقع.
و انتِ امه أتوقع.
يميل الك أكثر.
لااا تجذبين.
اووووف درغااام دخذه عود من نصعد اخذه منك.
اخذه و طلعنا خالتي و خالي منتظرينا مجهزين نفسهم طلعنا سوا اتفقنا كلنا
نروح بسيارة وحدة بس صعدنا حطه بحضني اتوجهنا البيت اهلي.
چان مشغل اغنية بالسيارة و الاغنية بيها مقطع سزز و درغام مندمج بيها بسرعة خالي طفاها و كفخه.
جابر: شنووو هاي ولك؟
درغام: اغنية يابه.
من طاح حظك و حظ هيج اغاني.
ظل خالي يرزل بي غطت وجهي بالحسن ميتة ضحك و اني اسمع يرزل.
و درغام يگله حاضر و بعد ما اشغلها، وصلنا البيت اهلي چانت سيارات مسطرة
يمكن اهل ارسلان و سيارة خالي عمران، نزلنا دگينا الباب طلع النا رماد
كبل اخذ مني الحسن ما ادري منين نزلت هالمحبة هوَ بس يتنمر عليه.
رماد: لكككك هلا خالوووو.
ابتسمت بس والله مو بيدي منظر رماد و الحسن يضحكني هذا ابيض
و هذا اسمر ابني يطلع صخل يم رماد دخلنا جوا جان الكل موجود بس.
غياهب و ارسلان ماكو يمكن بعدهم، وگفت العلوية و اكيد بعبايتها اللي ماتستغني عنها بوجود اي رجال.
غرام: يا هلا ب أم الحسن.
سلمت عليها و على ناز و نيروز و مليكة سلمنا على الكل گعدنا ابوية فاتح
الصالة الجبيرة اتجمعنا بيها، رماد التهى ويا الحسن و سراج بصفه سبحان الله هالولد شگد نسخة امه.
كُميل: شو غياهب و ارسلان اتأخروا؟
سلطان: هسه يجون لان چانت عندهم جلسة هل اتأخروا.
باوعت للعلوية هذا شهرها خطية هالمرة حملها مو مثل سراج.
حنين: غرام صايرة عبالك برميل مي.
ناز: خالي بس ايشوفها صاح اجه البطريق.
غرام: مو استلمتني مامصدگة شوگت اخلص من هذا الثكل موتني.
انتِ هم عملية مو؟
اي.
نيروز: هالمرة من يطلعونج حلفي الخال محد يدخلج لا تچفصين مثل عملية سراج ههههههههه.
ردت غرام وجهه ولع بالخجل.
غرام: يبووو لا تذكروني لعبت لعب بيومها ماظلت سره ما فتحتها.
ناز: حنين ابوج شگد نازركي فدوة.
ضحكنا اني و البنات.
حنين: ها نازو زحفتي على ابوية لِچ.
والله نازك و يخبل شوفي حتى خوالج نازوكيين.
نيروز: هيووو شبيج اثكلي شو تزحفين على أبهاتنا.
هسه شگلت اني شدعوة عيني و هم مثل ابوية.
غيرت الحديث العلوية من سئلت.
غرام: شنو وضع غياهب؟
حنين: دياخذون جلسات و على الله يحتاج وقت مو بسهولة.
ناز: هم اقوياء واثقة راح ينجحون و يتجاوزون هل الاشياء بس تحتاج وقت مثل ماگالت حنين.
نيروز: المروا بي صعب مو سهل تجاوزه الله يكون بعونهم على مصيبتهم إلى خلتني اگول الحمدلله على ما أخذ مني.
بقوا البنات يسولفون اسمع الهن و حالي من حالهن اتمنى يتخطون
و يعيشون طبيعي صارلهم اشهر يتعالجون بس لو اختي اتساعد نفسها
اكثر اندگ الباب طلع درغام يفتحه، رجع و ودخل وياه ارسلان الشايل بنته
ملبسيها اوتفت ابيض و طوق ابيض شعرها اسود يخبل كزكزت عليها.
وگفنا كلنا نسلم عليهم وصلت النا غياهب الهدوء الصاير عندها اكثر
من قبل ابتسمت النا احنا الواگفات، سلمت على البنات حضنتها همست عيوني مدمعة.
حنين: مشتاقتلج.
حضنتني بحضنها الحنون و الدافي.
غياهب: صغيرونتي شلونج؟
اصير بخير من انتِ بخير.
گعدت بصفي و ناز خبصتنا اتريد بنت اخوها و تستحي تروح تاخذها من درغام اللي اخذها من ابوها.
درغام: بوية الحسن هاي مريتك بالمستقبل.
ارسلان: ما ننطي.
وين تلگى أحسن من أبني جمال و أخلاق و رجولة.
رماد: شوگت لحگ يصير رجال وينه وين الرجولة غير بعدكم تشتروله حفاضات.
الكل ضحك و غياهب تبتسم بهدوء ذابتها على الصامت.
كُميل: أعذرنا بتنا النا يعني سراج منتظر سيرين اكيد اله.
عمر: ظلوا يوزعون بكيفهم.
ارسلان: عوفهم يحلمون شباب و من حقهم.
اجه سراج يباوع الارسلان.
سراج: اليد ثيلي.
شددد.
كُميل: بوية تعال لا تجيك كفخة تايهه من ابوها.
نهضت غياهب من مكانها اخذت سيرين من درغام.
غياهب: سيلي تبقى يم ماما و بابا عوفوا بنتي بحالها.
گعدت
بصف ارسلان اللي يباوعلها مبتسم الها و البنته لزم ايد بنته يبوس بيها.
سلطان: ارسلان لا تاخذون من عنده الواضح من هسه اكثر مني بغيرته مبين.
درغام: ابني گدهاااا مثل ابووووه، هسسه بنتك وين؟ صارت ببيتي و مررررررتي.
هز ابوية راسه بيأس و جزع.
ساعة السودة الناسبتك بيها و سلمتك بنتي.
وين تلگى نسيب مثلي سلطان ومحمد ماتلگى و تعااال اگلك حتى لو
ما انطيتني ما اخلي واحد ياخذهااا هذا امه داعية عليه غيررر.
باوع عمر النيروز غمزلها يضحك.
عمر: احم. الواضح انتم عائلتكم عندها غيره على بناتها قوية الدرجة حتى من ازواجهن.
عمران: اي عمي چاا شعندنا غيرهن.
رماد: الياخذ منه لازم يتحمل كلشي هاي القوانين البنات مدللة و احنا الولد.
شابعين نعل حشاكم خوب امي كل ما احجيلي حجاية صاحت ناوشوني النعال و عمتي جوهرة نفس الحالة.
درغام: اي ومحمد امي شگد گتلتني بالنعال و تملص باذاناتي.
جوهرة: چاا يمة اذكر طفولتك شيبتني بيها راعي مشاكل انتَ حتى لو السالفة مو يمك تدخل روحك بيها.
حنين: و حالياً و الواضح ابنه طالع عليه ان شاء الله اخذ طريقتج.
بقت تبجي بنت غياهب طلعت بيها برا يمكن للحديقة طلع وراها ارسلان بقينا.
گاعدين لو واحد يحشش على الثاني لو رماد شابع رزايل من اهله علمود
دراسته هو طالب جامعي صار و مامهتم السادس طلع روحهم يلا طلع منه.
غياهب.
اخذت بنتي و طلعت للحديقة بيها تبچي أحاول أسكتها ما أتسكت سحبت نفس اهدأ بنفسي.
هاا ماما يلا يلا ماكو شي حبيبتي انتِ.
أجه ارسلان يمشي سريع صايرة روحه بيها.
ارسلان: شبيها غياهب؟
ما ادري بس يمكن لان هوسة جوا انزعجت سندريلا متعلمة على الهدوء.
شو انطينياها.
اخذها يحاول يسكتها يرفع بيها لفوگ وينزلها لازمها بثبات.
ارسلان: ياروح بابا بنيتي منو البچاج انعللل والديه.
دار وجهه عليَّ.
يعني ادري محد بچاها و من وحدها بس هم ما اقبل بنيتي احد يبچيها.
اممم.
نزلها حضنها الصدره يسكت بيها نزلت عيوني من نظراته الصارت اتجاهي.
جلسة اليوم تعبتج؟
كل جلسة اتعب و استصعب الكلام بيها.
مطلوب التحمل و الصبر و الا الانسان ما ينجح بدونهن.
گعدت على المرجوحة اللي بحديقة اهلي من ايامنا مسويها حطيت راسي على الحديدة نزلت دموعي مقهورة.
ارسلان أخاف ما أطيب؟ أخاف وضعي يأثر على بنتي.
اتقدم إلى وگف لزم حنكي بايده و ايد لازم سيلي بيها.
انتِ غياهب القوية اللي تحملت المايتحمل المضحية ماكو شي صعب
عليج راح تنجحين مقل كل مرة و خلي ايمانج بالله قوي.
شهگت بدموعي.
ضعيفة والله ضعيفة.
لو ضعيفة ما تحملتي كل هذا، و القوي قوي بأيمانه و انتِ تدرين بكل هذا ما يحتاج اعلمج و احجيلج.
مسحت دموعي و نار بصدري مختنگة مدا احس بمساعدة نفسي الذاتي مو بيدي رفعت راسي اله.
تحضني ويا سيلي؟
تعاي.
اخذني ضامني الحضنه غمضت عيوني براحة اماني من بعد ابوية.
ام سيرين
اممم.
شفتلج محامي تشتغلين وياه.
رفعت راسي اله متفاجئة.
صدگ ارسلان؟
هز براسه.
اي عزيزة عيوني.
بس ما حجيتلي شي.
سبرايز.
زين شلون و سيلي بعدها صغيرة؟
من نرجع للبيت نتناقش بهذا الشي و عندي حچي وياج.
تمام عيوني.
تعاي نرجع يم الجماعة عيب عفناهم و طلعنا.
هل الفصعونة تدلل من هسه.
دار وجهه يباوعلها.
يحلالها الدلال.
ابتسمت رجعنا يمهم چانوا دا ينقلون بالاكل ردت اخذها منه ما قبل گعد
حاطها بحضنه و سراج يباوعله مطنكر انتبه عليه ارسلان تحمحم و فتحله ايده الثانية.
ارسلان: تعال بابا تعال.
ما صدگ گاله هيج كبل ركضله گعد على رجله بالجهة الثانية مد ايده سراج يتلمس بخدود سيرين.
غرام: ماما سراج ديربالك.
رد عليها ارسلان و هوَ يباوعلهم.
ارسلان: عوفي علوية.
غياهب: شوگت عمليتج غرام؟
غرام: ذني الايام.
بالسلامة ان شاء الله.
گعد الكل ناكل جمعة عائلي اللي يحبها گلبي كل الناس الاحبهم موجودين
كملنا اكل و حنين گالت تسوي الچاي و الكل يگلها لا تحرگينه و هيَّ تگول تعلمت.
درغام: مُجاهد صارله يومين مختفي عن الساحة خلي اتصل اشوفه.
اتصل بي مرة ما جاوبه رجع كرر الاتصال اكثر من مرة جاوب.
وينك ضلعي صارلي شگد اتصل ناسيني شو.
تغيرت ملامح درغام و باوع الارسلان رجع گاله.
وين انتَ؟
ما ادري شنو جاوبه مُجاهد.
هسه راح أجيك.
سد الاتصال و وگف.
درغام: هذا رايح البيت رجل امه يگول رايح يجيب امه و اخته.
ارسلان: انتظر اجي وياك.
گام ارسلان اجه حط سيلي بحضني و همس.
دير بالج عليها.
لا يظل بالك.
گام خالي جابر هم گالهم اروح وياكم طلعوا هم الثلاثة رايحيله، اجت حنين جايبة الچاي بقت تباوع الاماكنهم.
حنين: لعد وين الباقين؟
رماد: شردوا من چايج خافوا على روحهم.
سلطان: مُجاهد رايح البيت امه و لحگوا لايسوي شي غلط.
و شكو رايحلها غير هيَّ گالتله بعد لا تجي؟
غياهب: اكيد اكو شي و الا ما يروح.
قدمت الچاي شرب خالي عمران وصاح لعبانة روحه.
عمران: خاااب حنين خالي شنو هذا الچاي صدگ جذب.
حنين: شبيه خالي؟
بول بعير خفيف كلش.
عمر و الخال نزلوا روسهم ضامين ضحكتهم صدگ هو خفيف.
سلطان: شنووو سالفتج بابا حتى الچاي ماتعرفين اسوينه.
والله اعرف اسوي چاي بس شو هذا طلع خفيف اكيد الصوج من الچاي مالتكم موزين مشترينه.
اييي اييي من الچاي بابا.
محد شربه راحت خالتي وجدان سوت جديد و جابته، مليكة تگلها عادي
تتعودين و تتعلمين و هيَّ غير تسكت لا طبعاً زايدة ماناقصة ماتقبل احد.
يحجي على الچاي مالتها و خالي عمران نصب عليها يگلها شتشربين
درغام من يريد چاي بول بعير و يخلي الكل يفطس ضحك.
درغام: بس كون نلحگ لا أيسوي شي.
ارسلان: من خابرته شگالك؟
گال رايح الهم بالطريق.
شنو اللي تغير هيَّ امه مو نهتها وياه ذاك اليوم؟
ما ادري خوية هسه نوصل و نفهم.
جابر: خلي اخابره بلكي افهم منه و اخلي مايدخل الهم وحدة.
خابرة ابو درغام رد عليه ظل يحجي وياه و يفهم بي مايدخل الهم وحدة و ينتظرنا سده منه.
هايهية راح ينتظرنا.
ارسلان: ما گالك السبب؟
جابر: يگول زوجها مهددها علساس.
دخلنا للمنطقة إلى بيها امه شفناه واگف بسيارته ببداية لفرع شافنا نزل منها.
مُجاهد: هاي كلكم جايين شعندكم.
رد عليه درغام.
درغام: انچب جاي وحدك لو ما مخابرك ما تحجي.
مجرد اخذ امي و اختي و هايهية فضت وراحت.
ارسلان: شتفض خوية؟ ذيج المرة ردت اتشوفها و علگت بينكم مو هسه جاي تاخذهن من نص بيته.
جابر: فهمنا بابا ليش جبرها و بشنو مهددها؟
مُجاهد: أي عمي صار. هذا النكس حشاكم مهدد امي اذا ماتگطع علاقتها
بيَّ يزوج اختي لواحد مثل طينته، امي انجبرت توافق و الا يطبق كلامه
و انا خليت اختي تدزلي دليل عليه الا اشگ حلگه اذا يحجي.
ارسلان: و شنو الدليل؟
طلع جهازه فتح صوتيات مسجلة و امه ورجلها يتعاركون بسبب التهديد و الموضوع كله خارطينه و مسجل.
مُجاهد: اختي ما گدرت تسجل بجهازها لان المطي يفتش بي و برامجها فاتحهن.
يمها بس صديقتها مساعدتها بيومها راحت الهم و هناك صايرة العركة و مسجلة كلشي.
درغام: ذكية.
جابر: هسه ندخل نحچي وياه بهدوء و نتفاهم ما اقتنع نشوف شغلنا
وياه و ما نطلع الا امك و اختك وياك بس كون أمك ماتخرب الوضع.
مُجاهد: وصلت خبر الزهراء اختي بيد صديقتها تفهم امي على كلشص علمود ماتخليني بموقف يفشل مثل قبل.
ضربه درغام على ظهره يغمزله.
درغام: صاير تحچي ويا النسوان ضلعي ماعرفتك مو علساس تكره النسوان.
مُجاهد: شمسوي وياها بنيه جاي تساعدني لا اكثر ماعندي شي وياها.
غمزله مرة ثانية يگله.
ادري بيك ماعندك شي وياها انتَ عقلك يم البحر الازرق.
خزره مُجاهد و يحاول يتلافى الموضوع و يسده اللي فهمته يحجي عن بنيه بالالغاز
غلست عنهم لان مُجاهد ظل يباوعلي منحرج مشينا للبيت دگينا الباب طلع النا ابنه احمد.
احمد: هاا خير جايين النا اليوم؟
جابر: ابوك موجود.
دسلموا بالاول.
من يكون گدامنا رجال كفو نسلم عليه ابني، هسه ادخل جوا صيحلنا ابوك.
شتقصد ماكو رجال كفووو لعد شنووو گدامك اني؟
لزمته من چتفه ضاغط عليه.
ارسلان: ليش اتسويها تطواله صيحلنا جناب الوالد و فضها ماعندنا وقت.
عافنا و دخل جوا رجع گال.
احمد: ابوي ماموجود.
ضحك مُجاهد.
مُجاهد: گول ما يريد يطلع ليش خايف حبيبي.
من شنو خايف لا تلح گتلك ما موجود.
راد يدخل مُجاهد لزمه ابو درغام.
جابر: اهدأ بابا مو من اخلاقنا ندخل بهل الطريقة على بيوت الناس
تعتبر دوسة البيتهم و يطلبون الحگ منه و احنا نريد الحگ ويانا مو ضدنا.
مُجاهد: ووالكفلل زينب اذا مايطلع اسوي شي مايخطر على البال خلي يطلععععع احسله.
احمد: لاااا تكمززز.
طلع مُجاهد التسجيل من جهازه حطه بوجهه و هذا وجهه صار اصفرر.
هسه شنو يطلع لو اوصله للشرطة و هم يتصرفون و ها اثارب الضرب بزهراء.
موجودة خيااااس عبالكم ما ادري تضربووون بيهااا اخيسكم تخيسسس بالسجون.
كبل دخل جوا باوعناله مستغربين من كلامه بخصوص اخته.
درغام: ضرب؟ جاي يضربون اختك.
مُجاهد: اي هوَ و أبوه الخنث.
جابر: سهلة.
انفتح الباب طلع منه ابو احمد زوج امه باوع المُجاهد: ابو احمد: شعنددك جاااي.
مُجاهد: مشتااقلك غيررر.
الزبدة؟
جابر: كلامك وياي خلي.
ابو احمد: منو انتَ؟
تگدر تگول بمثابة ابوه.
شرايدين.
ماكو اتفضلوا؟
ظل يباوع الابنه رجع گال.
اتفضلوا.
دخلنا كلنا و مُجاهد يمشي بزود عناد بيهم، گعدنا كلنا ساكتين خلينا الكلام
الابو درغام لان هوَ الجبير و يتصرف أوعى و احسن نبقى شباب و عندنا عصبية.
جابر: شوف خوية بدون لا نلف و لا ندور و لا و جر من الاخير خلي ام مُجاهد و بنيتها يجهزن روحهن و يجن ويانا.
ابو احمد: شتحچي انتَ هذا تمسللت يسمووه.
كمز درغام يريد يحجي و أشرله ابوه يسكت رجع المكانه يخزر بي.
جابر: الكل هنا يدري بأم مُجاهد تحت الضغط طردت ابنها.
كلام فارغ هذا منين جايبي جايين تسطرون بي.
أشر ابو درغام المُجاهد يسلمه التسجيل سلمه و شغله و هذا وجهه كام ينطي الوان
و الواضح ابنه گايله بس جاي يثولها ويانا.
هسه انتَ سمعت كلشي ماكو مجال للأنكار اذا ماتريد مشاكل و الفضايح خلي كلشي يتم بهدوء.
بقى ساكت الثواني گال.
المطلوب؟
ام مُجاهد و زهراء.
زهرررراء بنتي بياااا حق تاخذوهااا.
صح كلامك بنتك، بس البنيه المفروص نحافظ عليها لان هيَّ جوهرة ثمينة
اما انتَ بنتك تعنف بيها وضاغط عليها شايف القانون شيسوي بيك اذا تقدمت شكوى ضدك؟
اخذوا ام مُجاهد بس بنتي ما انطيها.
مُجاهد ؛ گدامك خيار واحد وانتَ بكفك، اولاً امي تطلگهاا وانتَ الممنون
هاي منتهين منها، النقطة الثانية اللي بيها الخيار، اما زهراء تروح ويايَّ
لا تتگرب النا و لا نتگرب الك، اما تخليني اخذ الستجيل و ابلغهم بالجاي اتسوي.
وياها بداخل بيتك و تسيس و تخيس بالسجرن و بكيفك بعدد يااا حجي ابو احمد.
ظل صافن بوجهه مُجاهد، طلعت جكارة ادخن بيها و عيوني عليهم عم المكان بالهدوء
انفتح الباب دخلت ام مُجاهد و وراها بنية شابة مبين العيون بعيون البنيه
ماخذه ذيال امها هجم عليهن احمد طفر مُجاهد سحله دفعه عنهن.
مُجاهد: صاير رجال حمودة تريد تاكل نفس الگتله إلى انگتلتها.
ابو احمد: يا گتله؟
خلي ابنك يحچيلك شلون انكتل بنص الكهوة.
ووولك هذااا شجاي يمسللت احمد؟
احمد: يجذب يابه مو گتلك صار حادث ويايَّ.
مُجاهد: قشمر وين اكو حادث اثاره مثل اثار اللي خليتهن الك.
جابر: المهم بابا خلونا نفضها اتركونا من هاي الاحاديث.
گام مُجاهد الامه سلم عليها بس سلام واحد شايل بخاطره وگف گدامهن حاميهن وره ظهره.
راح اطلع من الباب هذا وزلمة اللي يفك حلگه لو ايسوي شي.
دار على امه وجه سؤاله الها.
مُجاهد: يمة.
ام مُجاهد: ها يمة.
تطلگين؟ ما أجبرج بس اذا هالمرة فضلتي هالرجل صدگيني أعتبره ميتة.
أطلگ يمة دامك عرفت كلشي.
ابتسم فرحان و رجع گال الابو احمد.
الطلاگ باجر و تطلگ برضاتك حبيبي و ضربة الاختب نتحاسب عليه لا عبالك ناسي الك و الابنك.
خذه امه و اخته وطلعوا وگفنا احنا قبل لا نطلع گال عمي جابر.
جابر: الرجال المايصير خيمة على عرضه يطم روحه افضله أودعناكم.
طلعنا من يمهم فرحانين الصاحبنه بعدني اتذكر ذاك اليوم شلون چان حاله، اجه علينا يتشكر من أبو درغام.
مُجاهد: ممنون منك عمي ما أنسالك وگفتك هاي.
جابر: ماسويت شي يابه و انتَ ابني حالك من حال درغام.
سلم علينا و رجع السيارته رجعنا احنا البيت عمي سلطان لگيت غياهب متصلة مرتين دزيت رسالة الها راجعين.
درغام: بوية ماتصير شيخ و محمد تحلها بنفس الساعة.
جابر: هههههههههه ولك شيخيش.
هسه حليتها بساعة وحدة و ماخليت لا الاب و لا الابن يفكون حلگهم.
عبن عندنا دليل ضدهم لو ماكو چان أستقووا و ظلوا ثابتين على موقفهم الباطل.
وصلنا الاهل غياهب دخلنا و حچالهم كلشي.
ارسلان: چاا وين أهلي.
غياهب: رجعوا للبيت.
وين سيرين؟
نامت قبل شوية صعدتها فوگ.
غياهب.
راح صعد الها أجاني أحساس ارسلان ماعاد يثق بوجود بنته يمي يبقى
دائماً خايف صعدت وراه فتحت الباب چان گاعد بصفه يمشي بأصبعه على وجها.
ارسلان: ها حضرة المحامية لحگتيني.
ايتسمت مجاملة گعدت من الجهة الثانية اباوعلهم.
ارسلان.
رفع عيونه الي.
حيلي.
رجعت خصلة من شعري وره اذني بتوتر و ايدي بدأت الرجفة تاخذها انتبه
عليَّ طبك حواجبه ترك سيرين و اجه يمي لزم ايدي بايده حاضنها.
ليش ترجفين هيج؟
اگدر اسئلك شي و تجاوبني بصدق ارسلان؟
اجاوبج و عيونج بس أهدي.
انتَ صرت ما تثق تخلي سيلي يمي؟ او تخاف تبقى يمي و ما اعتني بيها و اتروح مثل ما احت لاري...
رفع اصبعه على شفتي ما سمحلي اكمل كلامي.
سويت شي يزعجج او يحسسج بهيج شي؟
دموعي اخذت مسارها حضن وجهي يمسح بدموعي.
تغسلني هالدموع بنيتي فهميني شبيج؟
طلع من الغرفة بقيت وحدي أصارع بعذابي الدقائق رجع بايده كلاص
مي شربني يمسح على ظهري بهدوء و عيونه انملت قلق.
تسولفيلي؟
هزيت راسي اي دموعي بعيوني راح سد الباب ورجع حضن ايديَّ بين ايديه.
اسمعج.
تعبانة.
ريته بيَّ و لا بيج.
اخاف اعوف سيرين وحدها اخاف يصير شي الها و ما احافظ عليها مثل اختها.
هز براسه بمعنى كملي.
ارسلان لارين مدا اتروح من بالي مستحيل يمر يوم اذا ماذاكرتي تعيد بذاك المشهد روحي تحترگ حرگ من اتذكر موتتها.
سحبت ايديَّ غطيت وجهي اشهگ حضني الصدره ضميت وجهي برگبته ابچي بلوعة و هوَ ساكت.
زين ليش گلتي تحسين ما أثق بيج؟ شنو اللي بذر مني.
تحسست لا اكثر اعرف مو قصدك.
شلون بلااا.
من تبقى تسئل عنها بأستمرار اگول شنو ما ايثق بيَّ؟ لو تروح ورايَّ تتأكد.
يعني هذا الشي جاي يغثج؟
اسفة مو بيدي والله وضعي ديخليني هيج أفكر.
تعاي تعاي.
اتمددت بصف سيلي حطني بحضنه يمسح بدموعي جر انفسي مبتسم.
خاف تغارين من بنتج.
من سيلي؟
اممم.
لا والله العظيم بس تعبانة و هل الاشياء داتصير بسبب التعب ما ادري ارسلان ما ادري.
خوش اسمعيني غياهب، انا صح مهتم السيلي و اخاف عليها اكون صريح.
وياج بعد الحادث الصار و الخسرناه خوفي صار مو بس على بنتي
حتى عليج ما عندي اعز منجن غير اخواني.
ذب حسرة ورجع يكمل كلامه.
حقي اخاف انا الخاسرة موش بهين.
فاهمتك.
لا تفهميني غلط بيوم تدرين بي الاحبه لو يطلب روحي اقدمها اله ما بالج اذا بنتي؟
اعز من روحي هاي اريد اعوض طفولتي و الانحرمت منه ما اريدها تكبر
و بنفسها شي و لا بحسرة هل الاشياء الشغلات اللي تتقدم من الاهل ما ينمحي ذكرها تبقى بگلبك و عقلك.
نهضت من مكاني رجع سحبني ضمني بحضنه.
وين رايحة مو جاي نسولف؟
ارسلان؟
ضوه عيوني.
ليش ماتخليني عند اهلي بين اكمل علاجي راح تتعب ويايَّ بتفكيري المتناقض.
تعب و منج يا محلاه.
دا احچي صدگ؟
حتى انا، قابل بيج بكل حالاتج و عيوبج حشاج من العيب.
بس اني مداساعد نفسي بالعلاج مثلك انتَ متمسك بالتفائل اما اني متروسة عذاب
و مدا انجح بشي مرت كم جلسة ماكو اي تحسن انتَ احسن مني رغم الاذية اللي.
دتواجهه بالعلاج بس مستمر و حتى تتمرض و استمريت.
يجي يوم و اتساعدين روحج واثق بيج.
اخاف ابقى العمر كله هيج.
قابل بيج هم.
لا تجاملني.
ما اجاملج.
اذا ابقى مريضة دائماً تبقى تحبني؟
للموت هالگلب ما يدگ بس الچ.
ابتسمت الكلامه گعدت سيلي رفعها من مكانها حطها بنصنا.
ارسلان: أدري شهل الترافة الشايلها جنج امج بالخطوبة اگلها ليش ملمسج ترف تظل تقصف بيَّ.
غياهب: ههههههه وين رجعتنا.
لو بيوم خطوبتنا الاولى اجيتي تگطعين نسلي.
غير انتَ واحد وگح.
شتگول حنين؟
مگرودة يا اني.
ضحك اخذها يبوس بيها و هيَّ من هسه مبينة تدلع.
ارسلان: غياهب بنتج راح تطلع فد وحدة خشمها يابس بس تنگط انوثة.
هسه خشمها يابس بيها باب و جواب قابل امها و ابوها منو؟ بس الانوثة منين تورثها اشو اني ادافر مثل الثور.
الحمدلله تعرفين بروحج.
اريدها تاخذ حنيتك.
أكو وحدة هم حنونة بس ماتظهر حنيتها بس بالمناسبات.
اممم.
عرفتيها مو؟
اي ههههه.
بحيث چنت من اتمرض لو انجرح اول وحدة الگاها تهتم بيَّ.
بس والله جنت أكرهك.
حب العظماء حبنا ما بعد الكره عشق.
لا بلة.
ما اغشج انا بس اعترفي بذاك اليوم شجنتي تسوين من تمرضن و نزعتيني قميصي.
ترررا سويتلك كمادات والله.
غمزلي بتلاعب و يحجي بنبرة خبيثة.
ما باوعتيلي ما صفنتي بيَّ اعترفي الحجي بينا ما افضحج.
لازم هاي سوالفك مسويها قبل؟
بووية رجال صريح انا من تنامين اگضي الليل صافن بيج اتلمس برموشج الچنهن.
سعفة و من اضوج منج اگول هسه مال الزمها و اگتلها و اطلع ضيم گلبي بيها.
اگلك شي؟
گولي.
عقلي يگلي غياهب ما اخذتي حقج منه بالكامل لو معذبته بعد.
اختفت ابتسامته و ظل يباوعلي و اني من كل عقلي احچي.
صدگ تحچين.
اي ما سويتلك شي بس خليتك تعض اصابعك ندم، و تبچي، و تتمرض و تضعف، و اطلگت منك، و ابتعدت عنك و اتجاهلتك ماسويت شي ترا؟
هه لا ابدا الله يحفظج كلشييي ماسويتييي چا شتريدين اكثر.
نرجع الايام الاكشن شتگول؟
اگعدي عاقلة صرتي ام ماقصرتي ترا انتِ.
اشتاقيت الايام الاكشن من اتجاهلك و تركض ورايَّ و ناقصك تطلعلي بس بالاكل.
ايام الذل الله يرحمها.
هاا؟
اشاقة شبيج؟
جبوري صلف.
غير تموتين بالجبوري.
اجه صوت ابوية من جوا يصيح النا گعدنا اثنينا.
غياهب: اغسل و انزل وراك.
ارسلان: لا غسلس وتعاي انتظرج.
طلعت للحمام الفوگ غسلت مسحت وجهي ركزت بنفسي مو نفس غياهب
بالماضي لارين اخذت حيز مني و من حياتي، طلعت شفتع واگف ينتظرني.
ببداية الدرج ابتسمت منظره يخبل و هوَ شايل بنته و اثنينهم لابس ابيض
نزلنا جوا خوالي بعدهم موجودين ظل ابوية يباوعلي مبتسم سحبت نفس بعمق.
درغام: خذيتوا غفة شنو؟
ارسلان: لا تدخل رجاءً.
شلونك زين.
اسئل عنك عزيز گلبي.
ضحك درغام كأنما يستذكر شي.
اول ماشفتك گتلي هالجملة تذكر؟
اي من اجيت للمركز الك باول يوم.
ايام أنتقامك.
عض شفته ارسلان مبتسم خجلان و ندمان من تصرفاته اللي چان يسويها قبل.
اتفاجئنا من اندگ الباب راح رماد فتحه و دخلت زوجة مجيد بقى الكل صافن حچت وهيَّ تتوسل.
ام ثائر: داخله عليكم ابنييي رجعوووا ابوووس ايديكم.
رفعت حاجبي اباوعلها طلعت من مكاني ما احب التقي باحد من هالعائلة
گعدت بالحديقة اسمعها تبچي و تتوسل بيهم يطلعون ثائر من السجن
اجت حنين يمي گالبه خلقتها وبأيدها ابنها تمشي وياه بهدوء تمشي بي لازمته گعدت بصفي.
حنين: كون ما يطلعونه الحيوان هذا.
غياهب: شگالولها؟
خالي يگلها مو بكيفنا هوَ مشترك ويا سالم وساعده و هم رافعين عليه قضية
أبتزاز من راد ينشر صوري إلى مسويهن بفبركة.
خالي متكفل بيهم خلي ابنها بالسجن وياخذ جزاته.
دوده بعد تريده يرجعلها نص الليالي و يمشي صفح شارب.
طلعت من الباب تبجي بس شافتنا اجت باتجاهنا وگفت تباوعلنا بحقد ورفعت ايديها تدعي.
ام ثائر: عساچن ما تشوفن الراحة بحياتجن دمرررتن حياتنا الله ينتقم منچن.
ياوعتلها ببرود.
غياهب: الدعوة ترد الصاحبها ديربالج.
تركت حنين ابنها يمي و گامتلها ادفع تصيح.
حنين: وبكللل صلااافة فوگاهااا تدعيننن اني منج اطم راسي طمام
الطمكم عاارات ما ايصيرلكم اي جارة واحدد سكيررر گاضيهااا ويااا بنات
الليل ليل و نهاررر، يساااعد بمجرررم بسببه خسرررنا بنت اختي و هسه
جاااية تدعين علينااا؟ عساهاااا الدعوة ترد الج ووولي منا.
طلعوا ابوية و خوالي و درغام على صوتهن الصار عالي بس ارسلان ما طلع لزم ابوية حنين.
سلطان: شكو هنا؟
حنين: تدددعي علينااا الماتخااف الله.
خزرت مرت مجيد حنين و اشرلها ابوية باتجاه الباب.
سلطان: اتفضلي ارجعي البيتج و خافي الله عندج بنات هم الله يستر عليهن.
طلعت و هيَّ تدعي علينا و تغلط و حنين عيونها صارت بكصتها تريد بس
تهجم عليها و لازميها ابوية گعدها بمكانها ما تحملت هنا ما تحملت.
حسيتها فقدت اخر ذرة من صبرها صارت تبچي و تحچي بصوت عالي.
حنين: ليشش هيچ يحجووون علينااا و يدعون احنااا شنوو شفنا من خوالنا
و عمامنااا بس اريد افهم من الصغرر عذبونا و هسه من كبرنااا عذبونا
شيريدوون منه مووو كافي اللي خسرناه بسببهم.
سلطان: كافي بابا لا تهتمين رب العالمين ما يستجاب الدعوة الظارة بحق المظلوم.
حضنها ابوية و هيَّ انفجرت بالبچي كله كتمان هذا.
رماد: يحظي چاا احنا زلم مانگدرر نمد ايديناا عليهاا انتن شبيجن الزمهاا و انومهاا هنا و بالنعااال اسلوگهااا.
خزره خالي جابر.
جابر: عمران سكت أبنك.
رد خالي عمران ببرود.
عمران: ما حچى الا الصح.
مسحت دموعها حنين و كأنما رماد انطاها أشارة وگفت طبيعية بدأت تسحب بروحها بهدوء باتجاه الباب صحت وراها.
غياهب: حنين وين رايحة؟
ما انشوف غير طگتها بركضة ودارت وجها تضحك بنص دموعها.
حنين: رااح اسلوگها بالنعال و اجي.
رماد هز اكتافه و يطگ اصبع.
رماد: هلا هلا راح اتصير عركة نسوان الضحك راح يصير بفلس.
ركضوا
وراها ابوية و درغام رماد يمشي و يهزز بروحه هززز ما ادري الواحد
يضحك لو يضوج هم بيت مجيد مو كلش بعيدين عنا ما اسمع غير صوت الصريخ
ترس الشارع حتى ارسلان طلع من جوا هوَ و خالاتي انطيت الحسن الخالة جوهرة.
وطلعت امشي بالشارع اني و خوالي ما انشوف غير حنين نايمة فوگ.
مرت مجيد ونازعة النعال و تگتللل بيهاا حطيت ايدي على حلگي هاي سوتها
صدگ؟ ورماد واگف يم روسهن يضرب ايد بايد و يرگص ويهز بأكتافه يضحك.
عمران: ولك شني هاي جابر سوتها صدگ.
يريدون يشلعونها من فوگاها ماكو و رماد يصيح.
رماد: اييي ايييي وللج حنينن حيللل حيلل.
مرت مجيد صريخها خلى الناس تطلع من بيوتها گوا سحبوا حنين منها.
حنين: بيجج خيرررر چااان عرررفتي تربين عوووفوني.
عاط بيها ابوية بعصبية ما قابل بتصرفها.
سلطان: كاااافي حنيننن.
خنست من ابوية عاط بيها و درغام يخزر بيها هم ما قابل لان احسهم
اتفشلوا گدام الناس من طلعت وشافت هالمنظر عفتهم رجعت للبيت اهز بايدي ببرود
فلا كسرت خاطري و اهتميت، ارسلان گاعد وبصفه الحسن و سيلي بحضنه رحتلهم مبتسمة.
ارسلان: ام الحسن تبرد الگلب.
غياهب: الناس كلها طلعت و راح تاخذ المقسوم برزايل من ابوية ودرغام.
هيَّ ليش راحت وراها.
لان بقت تدعي علينا دعاوي موزينة.
چا تستاهل طبهاا مررض.
دخلوا لازمين حنين بس ابوية صاير اعصاب اجه رماد گعد يمنا.
رماد: هسه لو مخلينهاا تادبهاا بعد.
غياهب: ابوية شبيه؟
يگللها فضحتينا گدام الناس بهذا تصرفج.
و مثل ما اتوقعت رزلها.
سلطان: تصررررفج غلللط حنيننن.
حنين: ليش غلط؟ هيَّ دخلت البيتنا ما گدرت اسويلها شي لان بنص بيتنا
بس من طلعت إلى الحق اسوي اللي اريده و اذا اشوفها بعد هم اگتلهاا.
حنينننن؟
بابا شنو تدافعلها؟
ما ادافعلها بس عجيتج الفضيحة اللي صارت؟
بصراحة ميهمني المهم فوخت گلبي بيها.
أجت گعدت يمنا و بوجها علامات النصر حطت رجل على رجل واخذت ابنها گعدته بحضنها.
حنين: للك مامااا فاتتك الگتلة اللي امك انطتهااا للتس ام ثئوري ابو اللوري.
هز ابوية ايده بعجز منها و خوالي يهدون بي دخل الكوا جوا ودرغام انضم النا بالگعدة بس احنا بقينا بالحديقة.
درغام: اذا بيوم انگتلت بجريمة اعرفوا حنين الگاتلتني لا اتعبون نفسكم بتحقيق الجريمة.
حنين: ديربالك مني برائتي الطاغية أنزعها من توصل حدها.
ظلوا يضحكون و هيَّ نافخة روحها عليهم رجعنا البيتنا و هم گالوا فد شوية
و يرجعون، نومت بنتي و غيرت ملابسي اتمددت بمكاني عقلي تعب
من التفكير و القلق الصايبني ارسلان عفته يشتغل بحاسبته، الثاني
يوم الصبح گعدت على صوته يسولف ويا سيرين.
ارسلان: هسه تگعد امج ترزلنا.
وهيَّ تناغي ترفع برجليها و تنزلهن عود تلعب تثاوبت اتمغط بمكاني.
غياهب: صباح الخير عيوني.
ارسلان: صباحج عافية حبيبتي گعدناج.
انتَ و بنتك ما تهدئون شنو؟
گعد بصفي باس خدي.
نتريگ اليوم عندي جلسة.
أتحب أروح وياك؟
لا ماله داعي غياهب خليج يم بنتج.
البارحة ما اتناقشنا بخصوص موضوع الشغل گتلي من نرجع نسولف.
هاا اي نسيت لان صار عندي شغل و بقيت سهران من اجيت لگيتج نايمة.
لزمت ايده العب باصابيع ايده و أفر باصبعي على حلقة زواجنا اللي لابسها.
اممم نسولف هسه اذا عندك وقت.
نسوي ريوگ و انسولف گومي غسلي گدامي.
طلعت غسلت و نزلت گدامه للمطبخ اسوي اكل نزل من فوگ وگف بصفي
يساعدني استغربت ما نزل سيلي مو من عادته.
غياهب: شعجب ما نزلتها وياك.
ارسلان: تلعب، تدفر مثلج.
انتَ كل ما دفرت گلتلي مثلج.
امم اسمعيني.
رفعت راسي مركزه وياه.
اذا على سيرين من انا موجود تبقى يمي و اذا ما موجود لا تحتارين
نخليها يم بيت اهلي البنات كملن دراسة وگعدن و ناز هم موجودة.
ذكرت بنتي اللي فقدتها و اني بذاك الييت مسحت جبيني بتوتر و جسمي صارت بي رجفة انتبه عليَّ.
ارسلان: شبيج ترجفين؟
غياهب: ارسلان غيرت رأيي ما اريد اشتغل هسه خلي سيلي تكبر بعد و ابلش شغل.
باوعلي بنظرات كلها استفهام.
ليش؟
ما اگدر اعوف بنتي هسه اذا ممكن تتفهمني.
ليش من گتلج نخليها يم اهلي غيرتي رأيج جنتي فرحانة راح تشتغلين.
وگعت السچينة مني بسبب الرجفة الصابتني گعدني و حتى النفس الضاگ أحسه غسل وجهي و دموعي نزلت.
علي كيفج.
ما اريد الشغل هسه فدوة ارسلان.
هايهية خيولي بس اهدأي.
بقيت على هذا الوضع الى ان استقرت حالتي ماقبل ارجع اكمل وياه ريوگ
وگف هوَ يكمل بي غمضت عيوني مرجعة راسي، ذاك اليوم مدايروح
من ذاكرتي صوت صرختها و هيَّ تحترگ طوت الطلقة إلى طلع الدم الي
شفته عبارة عن بحر من الدم شهگتها اللي طلعت و عيونها اللي ذبلت.
بلعومي حرگني حرگ من غصتي شهگت ايدي على حلگي غطيت وجهي
ابچي بصوت عالي ما اگدر انسى شي ساعة كاملة مرت و اني بنفس وضعي ارسلان
جتى صوت حركته اختفى، نزلت ايديَّ عيوني مغوشة بدموعي شفته
واگف يباوعلي لون عيونه متغير عن لونهن الطبيعي.
ارسلان: ارتاحيتي؟
غصيت بدموعي احچي.
شرتاح شررررتاح دامووووت اني مداتروح من بااالي بنتي.
اجه گعد ثاني ركبته گبالي.
و لا انا نسيتها بيوم لو مر يوم و هيَّ مو ابالي، انتِ شفتيها و هيَّ تموت
گدامج انا حضنتها بدمها. دفنتها بايدي، ارحمي بنفسج غياهب و ارحميني
وياج مو هين عليَّ اشوفج بهل الحالة و مابيدي شي اسوي.
رفع شعري بايده سوالي كباية لان شافني مضايقة منه صب الچاي حط
الريوگ گدامي سحب صمونة قسمها بالنص حطلي بيها كيمر ويا عسل حطها بايدي شال گلاص الچاي حطه گدامي.
يله بابا اكلي.
گعدنا ناكل ساكتين احس بعيونه مراقبتني بس ما اگدر ارفع عيوني، كمل ريوگ وگام من مكانه.
ارسلان: اتأخر انا لا تنتظريني على الغدة.
هزيت براسي صعد يبدل ملابسه ماكملت النص اللي انطانياه كلت قليل مالي
نفس بس الچاي شربته اريد راسي يتعدل نزل و عطره سابقه دخل بايده سيرين حطها بحضني.
ارسلان: سيرين تگول اشتاقيت الماما غياهب.
ابتسمت بتعب بستها براسها.
غياهب: ياروح ماما انتِ.
باسني براسي اخذ اغراضه و طلع بقينا اني و بنتي گاعدين الحماية
شالهم ارسلان بعد ماله داعي و الخطر انتهى ويا خسارة من المستحيل تتعوض
بيوم من الايام لو اخلف عشر بنات لارين ماراح انساها بيوم، باوعت على
بيتي صح انظف بس بدون خلگ ماعاجبني طلعت من المطبخ حطيت بنتي على القنفة.
رفعت شعري لان رجع انفتح و لبست طوق شايل الشعر الزايد لان شعري گصة
شعره مو متساوية، نزعت سيلي ملابسها سبحتها ارسلان مامبقي شي.
ما جايبه الها من غسولات و شامبوا خاصة بالاطفال، كملتها لفيتها بالمنشفة طلعت اشم بيها.
اوووفيش شهل الريحة التخبل و الطيبة.
صعدت بيها الغرفتنا علمود ابدللها طلعت الها اوتفت لونه ازرق هيَّ بيضة يلوگ
الها كلشي لبستهياه هذا من ضمن الهداية الجابوها عمر و نيروز، رفعتها ابوس بيها.
هسه نياتي طلع نظيف و حلو.
حطيتها بمكانها بديت ارتب بغرفتي ارسلان صاير مرتب مايشمر بالملابس.
مثل قبل لان يترزل و اخذ طبيعتي و حطيت سلة گتله اذا عندك شي وسخ
اشمره بيها و النظيف ترجعه المكانه، طلعت للمخزن هيَّ غرفة بس سويناها
مخزن احط بيها الفراشات و الشغلات الزايدة لان غرفتي تصميم تركي
مو مال تنحط بيها فراشات اخذت فرشة جديدة للچرباية، رجعت شلت المفروشة و نزعت المخاد من الوجوه مالتها.
فرشت الجديدة جبت المكناسة الكهربائية كنست الغرفة كملت رشيت معطر.
جو بس مو قوي علمود بنتي خففت الاضوية الغرفة صارت راحة نفسية
اخذت السلة إلى بيها الملابس الوسخة دخلت للحمام حطيتهن بالغسالة
اكو كم قطعة من ملابس ارسلان ما يقبل ينغسلن بالغسالة يگول تخربهن غسلتهن بايدي.
عفت الغسالة تغسل ورجعت اكمل شغل بباقي البيت هم تعزيلة و كنس
و مسح الاثاث احس هلكت بس اريد اطلع هالطاقة السلبيك بالشغل
تعبت من البجي ما مستفادة بس اقهر بنفسي و بارسلان، كملت كلشي طبخت.
الغدة كملته هم گلت انتظره صح هو گال اتأخر بس اجرب انتظر هو اليوم جلسته يم نورس.
شفت سيلي نايمة خلي استغل الوضع و اسبح، اخذت ملابسي و دخلت اسبح
عندي مقشرات و غسولات گعدت اعتني بنفسي و كل شوية اتصنت
السيلي خاف گعدت و تبچي، الحمدلله كملت و هيَّ ما گاعدة وگفت انشف
بشعري بعدني ماطالعة من الحمام و جمدت بمكاني من سمعت صوت تكسير؟
طلعت اركض من الحمام بدون ما الف شعري لابسة ملابسي بسرعة بالحمام.
الصوت ديجي من جوا وگفت بنص الدرج هذا ارسلان؟ گلبي أحسه
نبضه صار براسي من الخوف و الرعب نزلت اركص لزمته من ايده دفعني بقوة شهگت.
ارسلان: عووووفينييي.
بلعت ريگ من حالته عيونه دم حمر سرت رجفة خوف باطرافي من وضعه شصاير؟