رواية لبوة علي للكاتبة كفاية كاظم الفصل السادس عشر
لبوة: -طلعت للدوام إلى لعبانة نفسي منه دخلت سمعت شخص يصيح باسمي عفست وجهي طالعة روحي...
-اهوووو هم أنته استغفر الله وتاليها وياك جهاد رحمة لجدك شتريد مو كافي تره روحي لعبانة من الدنيا واهلها لا تزيدها عليه خليني ساكتة لأن مو من مصلحتك.
جهاد: لبوة خليني احچي وياج ولاخر مرة ازعجج
لبوة: شتحچي شتحچي ليش ضل حچي ما حچيته وياك طلعتني من طوري ماكو حچي كل إلى عندي تعرفة فرحمة لأهلك جوز مني.
جهاد: والله العظيم مو مثل ما انتي تتصورين لبوة الله ايخليج بس اسمعيني لآخر مرة
لبوة: اسمعك احچي يله
جهاد: زحمة نحچي هنا، خل نحچي بالحديقة
لبوة بضجر: اوففف عفيه حديقه كل اليريد يحجي گال امشي للحديقه، مشيت وراة انافخ بس هو احسة مستحي متوتر هيج شي
- يله احچي
جهاد: اقدم اعتذاري واسف على الازعاج إلى سببتة الج بس صدگيني كل هذا ماجنت متقصدة بس ردتج تصيرين إلى حاولت وياج بكل الطرق بس ما جبت نتيجة.
لبوة: حجيت بعصبية لا راااح اصيرررر الك ولا لغيرك اني مو سلعة حتى كل اليجي يگول رردتج تصيرين إلى افتهموووو اني مو لاحد اااانيي لنفسي ماراح اصيرررر لاحددد حطوها براسكمممم هاااي
جهاد: اسف لبوة اسف رغم الإهانة الحصلتها من عندج لكن هذا الشي ما غير كميه حبي الج بلعكس زادة وغير طريق حبي تجاهج والله العظيم جانت بالغلط ما جنت متقصد الزمج وانتي تعرفيني اني شنو.
لبوة: والخلاصة من هاي المسلتة شنوو؟
مسح گصتة وحجة مشتت نضرة.
جهاد: مشاعري تجاهت جنت أحسها شي عظيم ما تندمت أبد لأن حبيتج لانج إنسانة مميزه عن الكل
حبيتج بكل حالاتج و.
لبوة: كافي جهاد الله يخليك كافي والله روحي لعبانة من هل موضوع خل اگولك فد شي اني ما كرهتك ابد بس تصرفاتك نفرفزتني ما اگدر احبك أو افكر بيك غير صديق وزميل.
جهاد: اريد منج تنسين كل الحچي القديم ونرجع اصدقاء وواعدج بعد ما افتح هذا الموضوع وياج ابد انسي كلشي وخلينة نبدي صفحة جديدة
لبوة: صفحة جديدة بية مشاعر اصدقاء إخوة
جهاد: هذا المطلوب وواعدج وعد راح انسى مشاعر الحب تجاهج ويشهد ربي منا وجاي راح اعتبرج مثل اختي واليمسج يمسني
لبوة: تدري اني ما محتاجة شي محتاجة هاي الكلمه اختي تمنيت عندي اخ ويگلي هاي الكلمه ما اريد حبيب ولا محتاحة ابد بس محتاجة اخ.
جهاد: ادللي من وراح بعد امللج منها وراح تگولين همزين ما عندي اخوان هههه
لبوة: بالعكس ما امل من هاي الكلمة لو تنگال إلى باليوم الف مرة الإخ ولاخت نعمة چبيرة
جهاد: تدرين اني جنت غبي ما فكرت تصير بيناتنه علاقه إخوة كل همي تصيرين حبيبتي لكن ما فكرت الاخت تكون حبيبة اخوها تدرين اني ما عندي اخوات
لبوة: ابتسمت ودرت وجهي واني هم ما عندي اخوان
جهاد: يعني قبلتي تصيرين اختي.
لبوة: اي بس مو تزعجني ترة اكتلك كتله غسل ولبس وانته بعد تعرفني
جهاد: التوبة التوبة منا ورايح ما ازعجج
ابدا ابدا
لبوة: إن شاءلله خير
من هذا اليوم فعلا جهاد تغيرت تصرفاتة طريقه كلامة حتى نظراتة تجاهي تغيرت، علاقتي بيه تغيرت تماماً صرت اتعامل وياة ونسولف والكل استغرب من التغير الجديد الصار بينه حتى صار من يحچي وياي يگلي خيتي شكد هاي الكلمة تأثر بيه وبنفس الوقت فرحانة بيها...
تاكدت ميه بالمية نضرتة تغيرت سبحان الله الغير مشاعر الكرة والحب وحولهن إلى مشاعر إخوة.
تبارك: اگول لبلب شصاير بالدنيا چنها تريد تنگلب
لبوة: والله ما ندري بيا ساعة يصير الانقلاب فخل نحظر انفسنه اله
تبارك: انتي مو جنتي تموتين من جهاد وتشوفين دم سنونج من عنده شغيرج فجأة؟
لبوة: ما يبقى شي على حاله جهاد اعتذر من عندي
وتندم على كل كلمة گالها.
تبارك: والله عجيب امرج بفترة من الفترات ردتي ترتكبين بيه جريمه الحمدلله والشكر
لبوة: الحمدلله والشكر دائما وابدا
تبارك: اگولج شنلبس لعرس زينه الخبلة قرب ما ضله شي
لبوة: ردت احچي واجت زينه مقلصة عيونها
زينة: ولج هاي منو الخبله
تبارك: ها خاب لا مو عليج جنه نحچي على سرحان الخبل نگول نجيبله خبله حتى يتراهمون مو خطيه ضايج وحده
زينة: ها مو اگول عبالي.
لبوة: تبارك رجائا لا تحچين عليه بهل طريقه مو لأن احنه بكامل صحتنه نحچي ونتنمر على الناس ما نعرف شنو الشي المر عليه خلاه يفقد عقله ويوصل لهل حاله...
المفروض من نشوف هيج حالات نحمد الله لأن ما بينه شي وعود هاي انتي دكتورة، درسنا وتعبنة حتى نعالج الناس مو نسويهم مهزله بطريقة كلامنه
تبارك: على كيفج يمه اكلتيني بگشوري هسه شگلت اني بس حبيت اللطف الجو وشبيج نهديتي عليه يكول حبيبج.
زينة: والله حتى حبيبها ما تدافعله هيج
لبوة: اولا حاله انسانيه ثانياً ميأذي أحد ثالثاً واجبي كدكتورة اتقبل كل الحالات واعالجهم مو اسويهم مهزله
زينة: -فدوة اروح لتفكيرج
تبارك: عزاااا دكتور سليم منتظرني الله لا يوفقجن اخرتني الرجال منتظرني من زمان وهسه شگله
زينة: الله لا يوفقج يا حقيرة يا سافله يمته اخرناج شو انتي لازگة تدگين حنك لا تملين ولا تكلين
تبارك: بسيطه اني اعلمج شتسوي الحقيرة.
بس اكمل شغلي بيج خير انتظريني بالحله
زينة: خاب طيرييي
لبوة: على كيفج لا تزحلگين ويروح ينكسر ظهرج
راحت تبارك بقينه اني وزينه
. زينه
زينة: ها گلبي
لبوة: سرحان
زينة: شبيه
لبوة: إذا اني ما موجوده اريدج تنطينه نستله كل يوم وتگليله هاي من لبوة
زينة: ليش انتي وين تريدين تروحين؟
لبوة: شوفي زينه اريد احچي وياج بموضوع بس مو هسه اجليه إلى بس مثل ما گتلج تنطين سرحان نستله كل يوم وتشوفين تعامل الممرضات وياه خطية محد الة وشيريد جيبيله ذمه برگبتج والفلوس من عندي ادفعهن
زينة: والله اليسمعج يگول راح تهاجرين من العراق دشوف هاي غابتلها كم يوم كامت توصي شنو تريدين تستقيلين الظاهر
لبوة: حچيت مغيرة الموضوع اي زنو شوكت تتزوجين
زينة: ها ردت اگولج تعاركنه اني وعلاء
لبوة: على شنو؟
زينة: يريد نزوج بهذا الشهر لو تشوفين شسويت بيه
تزاعلنه ورجع صالحني بس مال العرس يصير بهذا الشهر مسحتيل اوافق
لبوة: وليش حتى ما توافقين! شوفي زينه كل ما كانت فترة الخطوبة طويله صارت مشاكل ولعبان نفس وهواي حالات يمدون الفترة وتنفسخ الخطبه
شلج بهل دوخه ما دام عنده فلوس خلص يجهز كولشي وتزوجو وفضوها احسن واخير
زينة: انتي صدوك تحجين شلحگ ما ضل بس اسبوعين يريد بنهايه الشهر احنه متزوجين.
لبوة: اسبوعين فترة كولش كافيه تجهزين بيه نفسج وانتي گلتي هو مجهز الغرفة والغراض يعني باقي بس انتي وشيرادلج هي ملابس شو حتى جسمج مسويته ليزر حتى ما تعبين بعد شبيج تلطمين جنج مجاديه باب الكاظم
زينة: يعني هاهيه اگله تمام
لبوة: اي ههه تدرين ليش احبج واستمرت علاقتي بيج لان من اگولج شي ما تناقشيني گبل توافقين
زينة: ياييي يعني انتي تحبيني!
لبوة: صدوك تحجين صارلنه سنين صديقات واخوات بنفس الوقت وتعرفين البير وغطاه وتگليلي ما احبج
زينة: لا مو هيج بس انتي ولا مرة گلتيلي احبج
لبوة: مو إذا ما گتلج يعني ما احبج طبعي ما أبين حبي بالكلام أثبته بالافعال
زينة: والنعم منج والله انتي أكثر شخص كفو مر بحياتي وثبتيلي شگد تعزيني واني مهمه بالنسبه الج
لبوة: زينه گلبي عوفي هاي السوالف ما احب اتطرقلها اي شلونه علاء وياج.
زينة: عليوي اخ منه لو تشوفين السانه شيغرد
ولج اموت بدمي من يحجي اكله بعدنه على البر ضب السانك يگول ما أكدر اسيطر عليه
لبوة: ههههه هما كلهم هيج الساناتهم متبريه منهم ولج هذا مبين خبل وانتي خبله حيل متوالمين راح تصيرون الثنائي المرح
زينة: خاب لا يسمعج يعلگنا اني وياج بالبنكة
لبوة: خاب هيه وين ضلت بنكات بعد كله سبالت
ومكيفات حب قلبي.
زينة: هم صدوك.
بقينه اني وزينه نحجي خلص الدوام ورجعت للبيت بس هالمرة ما گدرت اتحمل طگ كلبي بوجهي رحت لإيلام بعدني على مسافة سمعت صوته اخذت نفس مكملة طريقي كل خطوة اخطيها صوته يعله حس بوجودي اول ما شفته احس روحي ردت مثل المفارگ عزيز عليه...
ركضت حضنته قوي وما زال يطلع اصوات عاليه كأنه يعاتب بيه على غيابي مسحت على شعرة محاولة أهدىء...
-إيلامي كافي يروحي لاتحرگ گلبي فوگ ضيمي لا تزيدني ضيم والله مو بيدي اريد اتعود على ما اشوفك كل يوم ما امشط شعرك...
كافي تعبت الماضي دمر الحاضر وراح ويحرگ مستقبلي ما اگدر ابقى هنا بعد تعبت كل مكان إلى بيه ذكرة تكسر گلبي كل ما اريد انسى الاماكن ترجعني انت تعرف شصار وياي الوحيد الشهدت على انكساري وخوفي الوحيد البجيت يمه لحد ما غفيت الوحيد إلى لعبنه اني وياه الوحيد الما عافاني وبقه وياي...
تعرف أنته شنو بالنسبة إلى أنته كل ما املك الوحيد إلى أحسه حزنان وياي إيلام ما اگدر روحي توجعني الماضي جاي ينعاد تعرف الليل ما انامه وحتى لو ردت انام الكوابيس ما تعوفني العشته بالماضي ملاحگني حتى بأحلامي شسوي گلي...
اريد ارتاح اعيش حالي حال العالم كافي عمري الراح اريد الحگ على الجاي لاتزعل ولا تضوج لاني ما موجوده يمك أنته بگلبي وين ما روح أنته وياي
بكل مكان وبكل زمان روحي معلگه بيك...
راح اسافر يمكن ارجع ويمكن لا خلي شي بالك اني مو خاينه تذكر من گتلك اليعوف الثاني هو خاين بس اني مجبورة اعوف صديق طفولتي أنته مو بس صديقي أنته شاركتني بكل أحزاني لأن ما عندي شي اسمه فرح...
ضحكت ومسحت دموعي كملت بگلب محروگ.
-تذكر من جنت اطلع من الاوائل واجيب النتيجة واجي ضايجة والدمعة بطرف عيني لأن محد سوالي احتفال مثل الجهال محد من اهلي فرح بيه ونطاني هديه اجي اسولفلك تبقى تصهل رغم ما افتهم لغتك بس احسك تفرحلي وبنفس الوقت تشجعني حتى واهس تسويلي...
ما انسى ولا أنكر عشرين سنة من عمري گضيتها وياك لولا الناس الوصخة الدمرت حياتي لكنت افضل حياه عشتها بوجودك يبعد روحي روحك ايلامي البطل مو تزعل اروحلك فدوة...
طول ما اني احچي وياه هو ساكت ومركز عيوني بعيوني اليشوفني اني وياه بهذا المنظر يقشعر بدنه شلون من جنه صغار اكو افلام كارتون البطل عنده حيوان مفضل مشاركهم كولشي إيلام هيج...
اباوع لعيونه مليانات دموع ما تحملت نزلن دموعي ودموعة حضنته وبقيت ابچي على افراگه اخذت فترة على الوضع شميته حيل ابتعدت مخابرة الملا
يجي ياخذه للمزرعة...
الملا من زمان معتني بية وخاصة من دخلت كلية بكلشي هو من اكل من شرب من يتمرض ومرات يطلع بيه يفتر.
فترة دراستي هو المعتني بيه وصيته عليه لأن بوكتها درست اقسام داخليه لأن ماكو كلية قريبه يمنه جانت حيل بعيده فاظطريت ادرس اقسام.
من توضفت سجلت للملا راتب شهري لأن معتني بيه وبنفس الوقت الملا حالتهم الماديه مو تمام خلفته بنات ابنه هستوة بالمتوسطة...
شويه واجه حسيته ضايج صعد إيلام بسياره حمل أردفت: -ملا خير أحسك ضايج
-اي والله يابنيتي مثل ما تدرين متعود عليه شلون راح افارگه
-شسوي مو بيدي واحسن اله علاقل مو وحده يمه خيول ويدربونه احسن ما باقي وحده حتى مشي ما يمشي مسافه طويله هناك افضل اله يطلعون قدراته علاقل يحس نفسه بمجتمعه واني ما دايمتله وانته الله يسلمك ويخليك ما قصرت شما احجي واگول كولشي قليل بحقك.
-شسويت وياج هذا اقل شي أقدمه الج فوگ ما شايلتني شيل لولاج الحچيه هسه بخبر كان
-تستاهل ماي العين الوصف قليل بحقك معروفك ما أنساه ابد
-شسويت يا بويه وهيج تحجين
-سويت الما يسووه أهل جنت انام واني مامنه على إيلام لأن يمك وانته تعرف شنو إيلام عندي
-لا ما انسه إيلام هدية على الغالي الله يرحمه
-ليش ابوي ميت ما اصدگ احسة عايش.
-ليش بويه هيج تسوين بروحج ابوج مات من عمرج ثمن سنوات ليش لحد هسه ما تصدگين الصار ابوج ميت
-شلون مات وهو گال انتظريني شويه وارجع! شلون مات واني ماشفت جنازته!
شلون مات واني لحد هذا اليوم ما واگفه على گبرة؟ شلون مات وهو بعده شاب! بس گلي شلون اصدگ موته واني ما شفت شي يدل على موته...
جنت طفله وگالي انتظريني وبقيت انتظر ولحد هذا اليوم افز من النوم عبالي اجه شلون اصدگ هو مات وعافني وحدي ما متقبله فكرة اني يتيمه شلوننن شلون اصدگ
-اخ يابويه شفتي من دنيتج وهيج محترگ كلبچ ابوج الله يرحمه بيوم طالع للشغل وجاي واحد سكران ضرب سيارة ابوج وابوج راد يخلص روحه داير سيارته ودعم سيارة ثانيه صاحب السيارة مات وابوج هم مات...
وبوگتها جسمه متكسر لن السيارة متعطرة تعطر يادوب كدرو يطلعونه وعمامج گالو من المستشفى ونروح اندفنه خافو على امهم لا يصير بيها شي...
وبعدنه ما جايين من الدفنه اجو أهل الولد الابوج دعمه اجو متحامين علينه وصارت بوگتها هوسه شكبرها وشگدها الوادم عافت فاتحة ابوج والتهو شلون يسكتون أهل الولد لأن همه ناس معروفة ويخوفون فوگ ما ابوج ميت يريدون حگ ابنهم...
وابوگتها ما سوو فاتحة جمعو فلوس والعشيرة جمعت وياهم وانطوها لاهل الولد وعمامج باعو گاع ابوج حتى يسددون الفلوس وهذا على مات لا تشيع ولافاتحة مثل الناس سواله...
حگج يا بنيتي ما تصدگين لا شفتي فاتحته ولا شفتي جنازته...
بس ضل شي واحد گبرة تدگدرين تروحين تشوفينه روحي زوريه وانتي الوحيده اله اوكفي على گبرة بلكي تحسين بموته وتقتنعين بعد راح ما منه جيه.
اسمع كلامة ودموعي تنزل بغزارة دكات گلبي تخفق بجنون اول مرة اسمع شصار وي ابوي دائما احاول ابتعد عن هذا الموضوع لان ما اريد اصدگ هو ميت بقيت على الامل يرجع ابد ما حسبته ميت حسبته مسافر غايب ولابد يرجع يوم...
مسحت وجهي وحجيت بصوت مبحوح.
-اروح لگبرة ليش هو وين صاير
-برمله على نايمين عمت عيني ياخويه ياعلي جان صويحبي ابو طول الحلو كلشي ما شاف من دنيته...
حب امج مات عليها حارب الدنيا واخذاها بس ما تهنئ بيها ماتت بعز شبابها وضل يبچي دم عليها هذا مچانه شلون يبچي اتذكره مثل الجاهل ولا يگول زلمه مشورب موت امچ هد حيله هد والله يحبه ما طول راح وراها.
-واني منو إلى ليش عافاني.
-بويه الموت مع بكيف واحد وانتي الج الله لو ابوچ لحد هسه عايش روحه تتعلعل على افراگ امج تدرين ابوج سبع سنين لا اكله اكل ولا نومه نوم سبع سنين وهو كل شهر يروح للنجف يجمع چم فلس ويروح عبالج نساها ابوج مات من ماتت امج...
جان يسولفلي ينفطر گلبي عليه الله رحمه وجمعه بيها المفروض ما تضوجين لأن ابوج لو هسه عايش چا شبع ضيم وأمراض الدنيا كلها بيه...
اتذكر من ماتت امج صارت عندة جلطة وصار بيه خفقان وكومه أمراض ادعيلهم بالرحمه والمغفره
-هو شبيدي غير ادعيلهم واقرة الهم قرآن بس بعد عندي امل يجي اااخخ هيج ابوي يحب امي الله يساعد گلبي لأن حبي اله أكثر من حبه لامي
-زوري گبرة وارتاحي
-ان شاء الله احاول قبل لا اسافر بيوم او يومين
-وين راح تروحين؟!
-گاع الله واسعه اريد اخلص من هل جحيم
-الله يوفقج ويكون بعونج وين ما رحتي ما تلكلين غير الراحة.
-الله يحفظك ويسمع من عندك شگد محتاجه هاي الدعوة
-الله وياج وما راح يعوفج بس گولي يا الله
-يا الله
صعدت وي ايلام ورة طول الطريق حاضنته وابچي ابچي على السمعته لو على فراگه وكفت السيارة مسحت دموعي ونزلت گدام مزرعه چبيرة اجه شخص يجي عمرة بالاربعين سلم على الملأ...
وأخذ إيلام ودخل للمزرعة دخلت وراهم تعجبت ما شاء الله تخبل مو مزرعه كلها خضار وبيها اسطبلات هواي وخيول ما شاء الله الوان واشكال كبار وصغار المكان يفتح النفس...
وبيه شباب يدربون اخذوة خلوة باسطبل چبير بيه خمس خيول وهو انطلق وياهم كأنه يتعرف عليهم حاوطوة داير مدايرة اسمع بس صوتهم عالي...
شويه واجه شخص أخذ واحد منهم يدرب بيه ورجع أخذه شفته شلون منسجم وياهم ومنطلق بنشاط اباوع شلون يدربه اول مرة اشوف هيج جنت امتطيه مسافه أخذه بالبستان لأن المكان مو حيل چبير مثل هذا...
المكان بيه هواي اشخاص أكثرهم شباب يدربون كله خياله لمحت شخص بس لاهو لا ياربي درت وجهي ما أريده ينتبه إلى مشيت مسافه وصاح باسمي...
زينه...
اليوم عقد المحكمة گعدت من الصبح واكفه يم الكنتور اختار ملابس طلعت بنطرون كابوي وقميص أبيض لبستهم ماعجبني بقيت البس وانزع...
تذكرت لبوة تگول الفستان أرتب وانزك وفعلا هي أكثر لبسها فساتين طلعت فستان لونه فيروزي يصير كلوش من جوة صيفي الجو بدأ يحر واحنه بالبصرة ويمكم الحساب نسقت وياه شال وايت وحذاء كعب وايت وجنطة كذلك خليت مكياج خفيف كولش...
رمش عليه علاء طلعت لگيته بالباب هو وبابا يسولفون صبحت عليهم وطلعنا گاعده يمه بالصدر اباوعلة شلون يسوق لا والمشكلة ساكت اول مرة اشوفة بهذا الوضع دائما يشاقي ويضحك حچيت كاسرة الصمت: -اگول حبي شبيك ضايج
علاء: منو يگول متوهمة گلبي اصلا فرحان
والدنيا ما واسعتني
زينة: -مبين الفرح عليك كولشش واضح الظاهر تندمت لان بعد ماكو مجال للرجعة ترة عادي ما صار شينگدر ننهي كولشي.
علاء: -بابا انتي شبيج منين جبتي هذا الخرط شني تألفين من يمج شني متندم شني ماكو رجعة
شفتيني زعطوط حتى مالي راي
زينة: -لا مو هيج قصدي بس لان ضايج يعني احنه رايحين نعقد وانته گالب وجهج
علاء: -بعد گلبي زنو اعذريني بس ذولة ولد الگ، من الصبح سمموني باخبارهم لانعل ابوهم ما يگولون واحد راح يعرس عوفوة بحالة بس صخمان موجود لا وفوگ كل هذا حيدر طالعنه صفح
زينة: -لا تضوج حبيبي نخلص و الشغل.
ما يخلص شسوي بعد شغلكم هذا بس
ما گلتلي حيدر شبيه
علاء: -شبيه يلعب شاطي باطي انوب وي الروس الكبار ما يحسب حساب لاهلة لروحة شكو مهمة خطرة تلگينه ماخذها يتعمد يجيب الاذيه لروحة
زينة: -هو انتو كل شغلكم صعب وخطر
علاء: -امنا بالله بس بالمعقول اكو قضايا صعبه نشوف بيها خطورة ما نأخذها هسه إذا ما نخاف على رواحتنا نخاف على اهلنا إذا صار بينه شي شيصير بحالهم
زينة: -وانته هسه كل هلضوجة والعصبية علمود هاي.
علاء: -شلون ما يتحرگ دمي عليه صح حيدر سبع ما ينخاف عليه بس بعد صاحبي وأخوي علاقتنه صارلها هواي مو اليوم شلون ما تريديني اقلق
عليه واضوج
زينة: -لعد شگد محضوظ لأن عنده صديق مثلك يحبه ويخاف عليه
علاء: -اني المحظوظ بيه وابوس الصدفة الوسخة العرفتني عليه
زينة: -ههههه وصخة شنو من صدفة هاي
علاء: -هسه شلون انتي ولبوة من جمعتجن ذيج الصدفة الحلوة تنگط حلاوة
زينة: -خزرته ودرت وجهي وحچيت. تجنننننن احلى صدفة.
علاء: -بس اكيد مو احلى من الصدفة الجمعتنا اني
وياج
زينة: -يا صدفة هاي شو صارت بنص الزلگ دكتورة ممكن تشوفين صاحبي
علاء: -وانتي ماشاء الله عليج ها لا ها ها گضيتيها على بش بش يبووو اذكرج لو نسيتيها
زينة: -عفيه استوحي لا تذكرني بنفسي اني هيج دائما اجفص
علاء: -هو اني شطيح حظي غير التجفيص مالتج بدي اگرطج شو بله باوعيلي
زينة: -باوعت
علاء: -هلو هلو هاي شمخليه بوجهج شنهاي الحمرة يله گلبي امسحيها گدامي.
زينة: -لا حباب والله ما خليت هواي اصلا
ما يبين
علاء: -مايبين شنو دباوعي اليشوف شكلج يسيح
امسحيه لا امسحة الج
زينة: -اخذت كلنس بقيت امسح بيه ومبرطمة
من صدك زعلت
علاء: -اعدلي شفتج لا اجي امعطها الج ترة ما يهمني طريق هسه اطبگ على صفحة
زينة: -لا لا عدلتها
علاء: - امسحيها عدل خرب بمحمود الگ...
شو بله باوعيلي لا ديري وجهج لا تباوعيلي لا أسويها واعرس عليج اليوم.
زينة: -غطيت وجهي بيدي مستحية من كلامة اليخرخر نذالة وصلنا المحكمة عقدنا صرت مرته بالقانون والشرع لازم ايدي ويمشي اباوعله والإبتسامة على وجهي يا الله هم جمال وهم روح حلوة. همست بصوت ناصي
- يعني هسه صرت باسمك
علاء: -صرتي بروحي مو باسمي
زينة: -علاء
علاء: -يروحلج فدوه هل گ
زينة: -احبك أنته وغمازاتك.
ضحك بصوت عالي وطلعن.
-بعد منا ورايح ما تضحك گدام ياهو الجاي تمام.
علاء: -شني حتى التمام منج تنگرط تمام يبعد العافيه تحبينهن
زينة: -منو هنه.
اشر على خدة
علاء: -غمازاتي
زينة: -هههه اول شي جذبني بيك غمازاتك تذكر من ضحكت وطلعن شگن گلبي شگ
علاء: -هههههه ولج منين متعلمه هذا الحچي ترة احنه نحچيه من تگولينه ابدي اگرطج واخليج بمعدتي ولا اخلي واحد يشوفج ويسمع فهاوتج
زينة: -ههههه هسه أنته ما لگيت مكان آمن تضمني بيه الا بمعدتك شلون غزل حتى نفسي لعبت.
علاء: -ترة ازعل تقلدين على غزلي لا ما اسمحلج حضرة الدكتورة زعولت يلا بعد ما احچي
زينة: -ههههههه شوف شكلك شصار جنك طفل ينگرط گرط
علاء: -تعاي اگرطيني مسموحلج كلي
زينة: -حسيت بنفسي جفصت احس اشتعلت نار
من الخجل نضراتة جريئه
علاء: -سبع فدوات اروح لليجفص ويرجع يستحي
اتعودي من هسه ماضل شي ونعرس
-----------
سالم: سيدي الك غايه بسوايتك هاي
حيدر: ابني اني ما اسوي شي اذا مو بيه غايه
سالم: والله جني افتهمت خطتك سيدي.
حيدر: اي بله شني الخطه برأيك؟
سالم: بعلانك عن الخطة نصبتلهم فخ
حيدر: فخ
سالم: سيدي اني تعجبت من أعلنت عن الخطة بس بعدين گلت هذا حيدر داهيه راح يطيحهم برجله
حيدر: ههههه يعجبني تفكيرك
سالم: سيدي يعني هاي الخطة الاعلناها ما نفذ منها شي بس شكل حتى يلتهون بيها واحنه بالوقت نفسه نفذ الخطة الأصلية على راحتنه ونكبسهم بيها
حيدر: نسويلهم سوبريزززز يحلويننن
سالم: هههههه سيدي اني محظوظ لأن اشتغل وياك.
حيدر: انت ذكي لأن بس الاذكياء يشتغلون وياي
وهسه اريدك تشوف اخر التحريات وين وصلو الولد.
سالم: سيدي وشغلة العصابه التفتر ع البيوت
حيدر: انلزمو ليش ما سمعت
سالم: لا والله سيدي مو جنت ماخذ إجازة بس شبسرعة انلزمو!
حيدر: اغبياء مايفكرون عبالهم تايهه ماكو قانون مستغببيين الوضع
سالم: سيدي بس محمود ما لزمنه عليه شي.
حيدر: محمود ذكي وإذا فعلا هو يشتغل لصالحهم فالمعلومات اليوصلها الهم تكون بطريقة مابيها خطر على شغله
سالم: بس احنه ما عدنه ولو دليل واحد ياكد على محمود اليسرب معلومات
حيدر: ما يحتاج دليل الا نتأكد، هسه هذا مو شغلنا
شغلنا نفذه بدون ما تفشل الخطة مفهووم
مناف: احترامي سيديييي
حيدر: ادخل وانت سالم شوف شغلك
سالم: احترامي سيدي
طگيت رگبتي ورجعت ضهري الكرسي.
حيدر: اي مناف شحصلت من معلومات.
مناف: سيدي المعلومات التسر خاطرك
حيدر: ليش أنته تعرف شني اليسر خاطري
مناف: ها لا سيدي بس اكيد المعلومات الجبتهن الك تسر خاطرك حاليا تفضل سيدي شوفهن
اخذت الملفات من ايدة وصرت اگلب بيهن.
حيدر: والله أنته كفو هاي المعلومات الجن ما تعرفهن ولا تحاول تطلعهن
مناف: سيدي الشياطين حالياً كامت تاخذ افكار
من عندي
حيدر: اريدك دوم هيج تك تاك تك تاك انسدت
دفاتر الزبالة ونفتح دفاتر جديدة.
مناف: الحمدلله سيدي باشرنا من إنهاء
هاي المهمة
حيدر: أعلن التنفيذ حالا، والسرية؟
مناف: مهمتنا سيدي
حيدر: عفية عليك يا بطل تگدر تطلع
مناف: احترامي سيدي
حيدر: كملت كم شغله وطلعت لاگاني جلولة يتلوگ اعرفة من شكلة
جلال: هلا بالظلع الما ينشلع من الدنگه للدنگه
حيدر: هلا بسورها ونورها لا تتلوگ زيادة گول شعندك
جلال: خاب حويدر اديه گامت توجعني من ورة هذا الگو، دگيت عليه دگ المطي وما يحچي
حيدر: ربع ساعة والحگني.
دخلت اشوف شغلي وي هل زبايل لاذمة ولا ضمير حصلت على الاريدة طلعت صار بوجهي جلال داخل
حيدر: الحباب گام يغرد اسمع تغريداته
جلال: مو من عوايدك كل مرة الصوت يوصل الاخر
الدنيا
حيدر: التغيير حلو وتعرفني ما ابقى على طريقه وحدة لازم يصير تغيير، قبل لا اطلع عندك شغله اخلصها الك بدربي
جلال: بعد گلبي ابوس شواربك شعرة شعرة
حيدر: لعبت روحي بعد لا تحجي لا ادفرك اوصلك للشيشان
جلال: لا عليك العباس
حيدر: سطرك يا گو...
رجعت للبيت تعبان.
بسمه: الله يساعدك يمه اصبلك غدة
حيدر: ويساعدج حجيه صبيلي بين ما أسبح
بسمة: صار من عيوني
حيدر: تسلم عيونج يلغاليه.
سبحت ونزلت جوة عندي جم شغلة بالموبايل
بسمة: الحجية عازمتنا على العشة
حيدر: أن شاء الله خير شني مناسبة العزيمة
بسمة: تريد تشوفنا
حيدر: تشوفنا! والله عرفت سوالفها ما تزوج البگدك زوجو ولدهم وانته بعدك البنات كلها عرست بعد ياهي الترضة بيك تعرفيني بسوالفها.
بسمة: غير يمة تحجي لمصلحتك وانته طولتها
ما صارت هاي أنته وحيدي واريد افرح بيك اريد اشوف احفادي قبل لا اموت وتضل بنفسي شوفتهم
حيدر: عمرج طويل بسومة تشوفينهم وتملين من عدهم
بسمه: احطهم بوسط عيني شتحجي أنته شني امل من عدهم بس يا يمه ما صارت هاي عندك وحده بالك گلي عليها اروح اخطبها الك عندك مواصفات ابالك هم گلي معقولة ما عجبتك وحده لحد الان حتى بالعقل ما تدخل هاي.
حيدر: ادعيلي الله يفتحها بوجهي ويصير البالي
بسمه: الله يهديك وتشوف بت الحلال التسر
گلبك وخاطرك
حيدر: امين هسه اني رايح تحضرو العصر
اخذكم
بسمه: شو ما اكلت
حيدر: شبعت عاشت ايدج
بسمه: بالعافيه
حيدر: الله يعافيج يلا اني طالع محتاجة شي
بسمه: سلامتك يمه الله وياك
حيدر: طلعت اشوف مهرة صار اسبوع ما شايفها لانعل ابو الشغل اليمنعي من شوفتها...
وصلت للمزرعة رحت عليها بعد گلبي تعرفني
اخذتها وگامت تصهل بيه...
چنت دائما أترددلهذا المكان ترتاح نفسيتي بهذا المنظر اول ما توظفت اشتريت المهرة جانت صغيرة من شتريتها طلعتلها اسم المهرة وگمت أتردد اجي الها أحسها تفهمني بعد مهرة...
طبعاً عندي عشق للخيول من زمان وركوب الخيل من الأشياء التريحني وتفتح نفسيتي.
-ها يلمهرة تعبتي افااا عليج بس يلا أخذي استراحةشوية
: -الله يساعدهم
-ويساعدك اغاتي
-اشو ماكو غايب
-مثل ماتعرف شغل
-اليوم المهرة جايها نفر جديد اذا تريد تتعرف
عليه.
حيدر: ها يلمهرة تريدين تتعرفين على النفر الجديد
هههه عليمن طالعة ولج ما علمتج هيج اثگلي شويه
يله تعاي نشوف سعيد الحظ الراح يسكن يمج مشيت للاسطبل البيه مهرة اخخ يلبية اعرف شبيج...
ما اعرف
شنو اليرضيك وارضيك
ولا اعرف
عليش اگطعت بيه.