رواية لبوة علي للكاتبة كفاية كاظم الفصل السابع والثلاثون
زينة: -
طلعت من البيت اسحل بروحي سحل عود بعدني ماداخلة التاسع اخذني علاء الدكتوره وعمتي راحت وياي على الواهس صلنة وگعدنة ننتظر سرانة اني وعمتي علاء مايدخل يوصلنة ومن نريد نطلع يرجع علينة
العيادة جانت مليانة مراجعين مدنگة والعب بموبايلي دغتني عمتي بكتفي.
-ها عمة شتريدين.؟
-خاب دشوفي ذيج البنية
-يابنية،؟
-خاب ذيج شمالج.
رفعت راسي الها بنية سبحان الخالق وبحضنها طفل عمرة تقريباً ست اشهر ماشاء الله نفس النسخة. هو وامة.
أم علاء: -خايبة هاي الفرخة مو تشبة لبلابة
-اي تنطي شبه
اباوع للبنية فعلاً تشبها دمعت عيوني البذاتة حتى ماتصلت طمنتي عليها گلبي نارر عليها وهي ابد لااتصال لارسالة ماادري ارضها من سماها...
اباوع لطفلها يصرخ وهي حايرة بية تجيبة منا وترجعة منا نزلن دموعي وتسألت بين نفسي لبوة حافضت على طفلها لو سقط.؟
بذيج الفترة اتصلت بغزل گالت حامل وتنزف احتمال جبير سقطت إن شاءالله ربي يحفظ طفلها الهة لبوة روحة من الدنيا الاطفال وانوب يطلع يشبهة ههه
بسيطة يجي يوم ونلتقي والزمها...
گامت عمتي من مكانها وراحت للبنية اخذت ابنها من حضنها صاير وجهة احمرر.
-هذا ابنج ممتون
-شنو خالة ممتون.؟ موتني بس يبچي
-انتم مو تشيلونة ملختوة هسة اشوفة الج اذا ممتون.
گعدت عمتي الكرسي وخلت الطفل بحضنها لزمت رجلية وساوتهن باوعت إلى وحجت وهي تدگ على قدمة من جوة.
-الفرخ الصغير مايصير ينشال ينملخ شفتي رجلية مامتساويات
باوعت لرجلية فعلا بينهن شوية فرق وحدة شوية طويلة بقت عمتي تسويله تمارين اعتقد تدگ على اقدامة وترجع تطبگ ادية سوى لااني فاهمة شي ولا امة والطفل بس يصرخ.
ام علاء: -اريد حضينة وگماط اريد اگمطة مو تعوفينة هيج بعد على المووودين.
انطتها البنية وصارت تلفها علية وشبگتة تشبگ سوتة مثل الدولمة اول مرة اشوف يسون لطفل هيج
اني الصغيرة فانحرمت من هيج مناظر كملتة واخذت ممة صارت تدك علية ورضعتة الطفل شربها ونام سنح.
أم علاء: -هاا امهات الككو شفتي شلون سويتة من يبجي ثاني مرة اخذية لوحدة تعرف مو تعوفينة خطية كاتلتة كتل الله يساعده.
بقت البنية تتشكر من عمتي والطفل غاط بنومة دخلت البنية اجة سراها وبقة الطفل بحضن عمتي باوعتلة يمة مفتح نص عيونة ولونهن اخضر لمست وجهة ونخيت للبوة طفلها سالم طلعت ودخلت وراها...
طلعت ضايجة رزلتني الدكتورة رزالة غسل ولبس لان منعتني من هواي أشياءوجيب علاء اليسمع واليفهم طبعاً اني بية بنوتة حددت جنسها بالمرة الفاتت...
سألتني عمتي گلتلها زينة واني زينة هههه اجة علاء كلبت وجهي علية كون هاي الرزالة هو الماكلها اني شكوو...
وصلت للبيت ورحت اسوي عشة خطيه هند مريضة
وجهالهة حايرة بيهم وسن الورده سويت تبسي عيني تعلمت علمني خو ماابقى اسوي بس اندومي وبيض
كملتة ورحت صعدت لغرفتي ابدل لگيت موبايل علاء على ميز التواليت وعلاء يسبح ويحجي بالموبايل فتحت حلگي شبية تخبل...
علاء: -لكك ضلوعع حيدوري شبيةةة ضايجج سوي مساجج لشواربةة خليةةة يصيرر ريلكسس.
جلال: -لكك جنه ثورر هايجج مومال واحدد يحجيي وياة اخاف يزگطني
-حگة معوز حنان سودة علية
-اجيبها اله اذا يريد بس غير يگول
-لك هذاا ماتعجبة هاي الشكولاتتت بعدد جيبلةة روسيةة الا يقتنعع بيهاا
-يمة الحگيلي ولج يمة ولك بوية حيدر والعباس ابو راس الحار مو اني الحجيت علاء هذا
حيدر: -دتعال الا اطلعلك جلد ثاني واسويك روسي.
علاء: خابب انچبب بيش طالبني گوا
حيدر: -علاء بسيطةة اذاا ماشگك نصينن حضرر روحكك الا اطلعك وي ابو جدرر
علاء: -دخيلك كلشيي ولا ابوو جدررر فدوةة حويدرر بداعةة الغاليةةة لاتوديني وياة هذا يسويني مطبگ
حيدر: -انچب نعال لاتجيب الغالية على السانك القذرر
ترة اشنقك بجواريبك وهذا جلال الا اوصلة للشمال بدفرة
جلال: -انييي شعليةةة كل مررة طايح بيهاا خاصرتيي خاست من دفراتكمم شني ماخذينيي فصليةة.
علاء: -شايب وانة بنية وانطوني فصلية اويي جلولة سودة بوجهك حيدر لك ليش تضربها واذا فصلية شنو يعني بعدها صغيرة حبها وداريها
جلال: -اويي عيني فدوه اروحلج اني وحيدور لج احبجججج گلبي مورمم اوففف
حيدر: -انچبووو واحجوو عدلل لا بالبسطال اعبي حلوگم يلا انته ولي ورانة شغلل
علاء: خرررب يومكك حيدرر مو اريدد احجييي عارر تضلل عارر جنك ابو بدرر الحريمة.
زينه: -الله اليستر واحد يصيح على الثاني طلع علاء من الحمام رحت قدمتلة الجاي صاير، ثلج غط اصبعة بية...
-هذا جاي هذا لا مااصدگ ببسي هذا متاكدة جاي
-اي متاكدة حبي واذا تريد سوية غسول للبشرة
-اكول شبيج من طلعتي من الدكتوره كالبة خلقتج عليه
-حقك اذا الدكتوره مسحت بية الگاعع
-شلوننن تمسح بيجج الگاعع وماتگليلي اجيبلها سطلل
-مو وكتك وكت سوالفك الماصخة
-افااا سوالفيي ملصخةة تؤ تؤ ناكرة المعروف.
-دعوف المعروف وگلي اشو حيدر يحجي عادي شنو نسى لبوة
-جا شتريدينة يحجي مگلوبي
-هسة غير يحجي عرفتو شي، عنها
-اي
-صدوكككك
-والله بس الشغلة شوية تتاخر مو هواي
-يعني لبوة راح ترجع
-اي خرب غيرتها مو مرة النسوان تزعل تدير وجها ماتحجي وي الرجال الا هي تطيرر بالسما
-لاتحجي على صاحتيي
-عوفي صاحبتج وشوفي زوجج علاء الوردة
-اهووو هم اجت هاي السوالف التعبانه.
لبوة:
الساعة 7: 44 دقيقة اتمشي بالافر القديمة للمدينة ولازمة بطني الكبرانة اباوع على المناظر والهدوء بمثل هيج افرع وابتسامة مرسومة على وجهي
الجو بارد لابسة جاكيت طويل لافة روحي بية اخذت سندويشة حارة واگلاص جاي وياها اكل وفرحانة بالتغيير الوصلت الة لزمت بطني وخاطبت طفلي وكلني فخر وسعادة.
-حبيب ماما تدشوف ماما شلون تغيرت ههه هذا كولة لخاطرك حتى من تكبر نشتري سوة وماخليك تاكل وحدك بعد كم سنه نجي نفتر هنا...
رن موبايلي مديت ايدي بجيب الجاكيت وطلعتة وهزيت راسي بازعاج فتحت الخط وبقيت ساكتة...
-هادي: -الوو لبوة انتي وين اني واگف يم باب الشقة
شربت شوية من الجاي وجاوبت علية: -صباح الخير
-صباح النور عيني حتى نسيتيني اصبح عليج من قلقي دگيت الجرس ماكو اكيد طالعة
-مايحتاج تقلق بثمانية عندي موعد وي الدكتورة
-اعرف لعد اني شكو جاي غير اخذج
-شكراً مايحتاج اندليت الطريق
-كولي غيرها لاتضيعين بعدج جديدة على المكان
-صارلي شهرين صرت عتيگة
-اوففف انتي ماتعتگين كليلي وين انتي حتى اجيج.
-مثل مگلت ميحتاج طالعين اني وادم
-هههه ترة بعده مامعروف ولد لو بنية
-واضح بالنسبةالي جنسة عن اذنك الجاي برد
-على راحتج والموبايل عندج اي شي يصير اتصلي بيه
-تمام
سديت الاتصال وكملت طريقي للعيادة صح شوية بعيدة بس احب اتمشي ضجت من الگعدة وصلت للعيادة وگعدت انتظر تجي الدكتورة بثمانيةونص.
الموعد بقيت افتر بعيوني بالعيادة إن شاءلله بس اولد اجر عيادة اشتغل بيها التفتت ودخلت دكتورة اسراء بابتسامة مزينة وجهة البشوش گمت القي التحية تقدمت بخطوات تجاهي ومدت ايدها صافحتها وهي تسلم بطريقة جداً رائعة...
-اسراء: اهلا وسهلا دكتوره لبوة نورتي
-اهلا بيج شكراً دكتوره
-كالعادة اول مراجع وشلون مراجع ملتزم وينطي طاقة ايجابية.
-المراجع الاول لان بعدج بواهسج وبتركيزج والاتلزام معروفة بية بس مال انطي ايجابية لا هاي مامشهودتلي
-ههههه والله ياعيني انتي متشوفين النشوفة
-نبدي جلستنة
-اكيد ماشاء الله متحمسة مو مثل مااجيتي
-شفت نفسي كولش رتاحيت وتغيرت عندي شغلات هواي
-مثل شنو احب اعرف التغيير.؟
دخلت كعدت على كرسيها واشرلتي اكعد بمكاني
جاوبتها وكلني حماس...
-اول شي كمت اكل بصورة طبيعة اليومم اشتريتت من الشاررع وشي طبيعي مثلي مثل كل واحد يمشي بالشاررع
-بس هيج
-لا ونسيت كولشي بعد ابد ماافكررر بالماضي صار مجرد درس الي
-شستفاديتي من هذا الدرس
-ماامحن ثقتي لاي بشررر واتخطةة واعيشش لنفسي وانسةة اهمم شي النسيانن والسعادة احنة نصنعها لانفسنة السعادة مامتعلقة بشخص
-تقنعيني هسة انتي مافكرتي ولا مرة بالصار.
-فكرت وهواي بس تفكيري بالايام الحلوة الجنت بيها سعيدة ومرتاحة وياة
-شي حلو بس مافكرتي تسألية وتواجهية ليش دمر كولشي حلو بلحظة.!
-لا مااريد احجي وياة ابدد ولا اريد اشوفة اريد ابدي حياة جديدة بيها اني وطفلي تعبت مارتاحيت بطفولتي ولابداية شبابي مابقة بالعمر شي على الاقل انسى لخاطر طفلي...
-حلو تفكيرج وهاي اهم خطوة بماانج ماحجيتي عن علاقتج بزوجج ولاعرفت هواي شغلات عنة سؤال
شلون جان تصرفة وي اهلة وياج.؟
-علاقتة باخواتة وامة تجنن اخواتة مثل بناتة هنا صغار بالعمر وي امة كولش حنون وحتى وياي بس بالفترة الاخيرة حتى امة مايعاملها مثل قبل...
-صار وياة ضرف معين محد منكم سألة شجاي يصير وياك،؟
-مايتفاهم جان احمم دكتورةة ماگتلج قدمت على شغل بكل مكان عيادات مستشفيات حتى بفرن يسون معجنات قدمت ههههه
عضيت شفتي السفلية ودنگت راسي احجي باستعجال وحماس زيادة وماخذة راحتي لابعد درجة
-كملي حمستيني.
-رتبت شقتي وبعد شسويت خل اذكر هيج ماسويت شي بس اتابع مسلسلات كوميدية ومرات اقرة قصص.
رجعت ضهرهة للكرسي وخلت اديها مقابيلها وبقت تصفگ وتهز راسها باعجاب.
-النتيجة حلوة طريقة كلامج مختلفة عن باقي الجلسات
-شلون يعني،؟
-اول مااجيتي جنت اسحب الكلام سحب يادوب اجمع كم كلمة منج وحتى من تحجين احس گوة عنج واليوم الفرق واضح تحجين بدون سؤال
-اي صح ادهم جان يگلي تحجين بالاقساط ههه.
-البعض راح يعتبرج مامهتمة بية وبكلامة
-هواي صايرة والاحظ هالشي بس هذا طبعي مااحجي هواي مختصر مفيد انطي موقصدي اقلل من المقابل او مامهتمة بية
-وزوجج جان متفهم طبعج.
دائما من تفتح موضوع عن حيدر اتجاهل ماحب احجي بية بالموزين حيدر عيشني فوگ الغيم مانكر هالشي وبلحظة وگعت وتكسرت اكو شي بداخلي متنافض تجاهة زينة وشينة مرات احب اشوفة واسمع اخبارة وصوتة يتردد بذني من يگلي ريحانتي عيوني فضحتني ومن ردت احجي العبرة خنكتني.
اسراء: -اطلقي دموعج لاتحاولين تحبسينهم ابد.
جانن دموعي منتظرة اشارة انطلقن وبغزارة خليت ادية على وجهي وصرت ابچي باستهتار بعد نوبة بكاء مدتها طويلة مسحت وجهي رفعت راسي الها جانت منتظرة مني احجي حمحمت وحجيت...
-اذكر من طلب نتزوج جنت مامستوعبة كلامة وصرت عصبية علية وهو قابلني بهدوء طلب نتزوج على ورق لان مقدر وضعي وحتى من زوجنة ابد ماجبرني على شي الا ان تعودت علية وحبيتة واني البادرت وماانكر حاول يغيرني ان اكل واكسر هوسي الزايد بالنضافة واصير مثلة ودائما جان يگلي انتي مميزة
-شلون جانت بداية علاقتكم.؟
-حلوة
-برأيج منو جان يحب الثاني اكثر.؟
-كل واحد بينة يحب بطريقتة هو يعبر عنة بالكلام والاهتمام ويوضحة اما اني حبي بداخلي يبين علية احبة بس الحقيقة اني اعشقة.
-وحتى هسة بعدج تعشقينة.؟
-من اتذكر ذيج الفترة الاذاني بيها اكرهة وكلماتة بذني بقت مترددة من يعيرني بوحدتي وانو اني مالي احد بهل الدنيا حيل اكرها واحقد علية
ومن اتذكر ايامنة الحلوة انتعش اهتمامة الزايد بية صح علاقتنة اشهر بس جنت احسها قصة حب عضيمة تابعة لسنين...
-صارت وياج تگعدين تبررين مواقفة الموزينة وياج
-هوايي مرات اگعد افكر بشكلة وطريقة كلامة مختلفة جداً عن حيدر الارتبطت بية ماينطي اله شبة ابد احسة شيطان شكلة يخوف
صرت اتذكر الصار ومعدتي گلبت كمت من مكاني مزعوجة خليت ايدي على حلگي وطلعت للحمام ورة فترة الا رجعت كملت جلستي ساعة ابچي وساعة اضحك وجانت هاي سابع جلسة الي...
اتذكر من اجيت الهة جنت بالعالم الموازي داخلة بأنهيار تام بحيث كرهت روحي ادخل للحمام ابقى افرگ بجسمي الان ان يصير احمررر اريد امسح لمساتة واثارة من اصعب الفترات العشتها عيوني ماتنشف ابد الحمدلله عدت وتجاوزتها يمكن لو باقية جان اني هسة بمصحة عقلية...
طلعت قريب عن العيادة وتفكيري بعالم ثاني التفتت لمصدر صوت السيارة...
هادي: -اصعدي خل اوصلج
كملت طريقي وحجيت بهدوء: -ميحتاج اني اروح.
-يمعودة مو زين عليج وعلى الطفل بعدج بالبداية
-رجائا لاتركز وياي واذا اقرر شي ماتراجع گلت احب امشي
-براحتج بس كلت اوصلج بطريقي
-شكراً
-انتي مخلصتها علية شكراً ماشكرا
-الواجب هذا
تبعدت مسافة ودخلت بفرع ماريد اطوخ علاقتي بية للامانة من اجيت ولحد الان ماخلوني ابد بس اني اريد اعتمد على نفسي مااريد اتعود على الناس.
بقيت افتر بين المحلات شفت الفراولة ماتحملت رحت اشتريت ردت اكل بدون غسل اشتريت مي وغسلتهن بالشارع وگمت مااتحمل النساوة دمرتني كل شويه مشتهية شي لو بيدي مااجيب بس خطيه خاف تطلع بالطفل اكلت نص كيلو عدل الله اليستر راح اصير دبة فعلا وزني زايد كولش وبطني جبيرة مو مال حمل اشهر اليشوفني يکول بالسادس واني بعدني حتى الرابع ماداخلته...
رجعت لشقتي اول مادخلت تذكرت بيتي من جنت ارجع نفس الهدوء بس هلمرة اكو طفل داخلي يسمع كلامي احسة مهتم لحديثي اگعد ساعات احجي وياة واضحك لو اطلع قصص اسولف علية هههه لعد وين اروح على الاقل ضناي يسمعني.
ذبيت الجاكيت وعلگتة رحت غسلت ورجعت اسوي غدة بين مااني احضر رن الجرس عفت البيدي ورحت اشوف منو باوعت من العين شفتها عبير اعرفكم عليها بنت اخو دكتور محمد وهادي يصير اخوهة عايشن بالخارج ومستقرين تماماً من شغل وكولشي.
رحت جبت شال خاف هادي جاي وياهم فتحت الباب
واستقبلتها بإبتسامة...
-تفضلي حبيبتي زارتنا البركة
-شكراً حبيبي شلونج اليوم
-الحمدلله تمام.
-دومج حبيبي اليوم كولش قلقت عليج من كالي هادي طالعة من البيت
-مايحتاج القلق اكيد اطلع قابل ابقى بالبيت هم احتاج شي
-بعدج جديدة ياعيني غير نخاف عليج تضيعين وانتي وصية عمو من تريدين تطلعين اتصلي بهادي لو بية ناخذج
-ماتقصرون لاتخافين حفضت الطرقات الاحتاج امر منهن
-اووو شهل ريحة التخليك تجوع
-مسوية حميسة لحم تعالي نشوفها
مشيت للمطبخ وكمت اكلب بالطبخة وهي تباوعلي
-شوكت تستوي مو جعت اريدد اضوگ.
-اصبري امي مابقة شي
انطيتها الخاشوگة بقت تگلب بيها ورحت طلعت
ليمون سويتة اقراص وفلفل حار صاير روحي بالحرارة والحموضة الصراحة روحي بالاكل كولة حتى بالبصل مامخلية اكل اكثر من تلث وجبات باليوم يمكن هذا اتجاة يلتجأ الة بعض الناس حتى يخلصون من حزنهم وتفكيرهم الزايد قاطع تفكيري عبير من حجت...
-هم راجعتي الدكتورة.؟
-لاوالله من طمنتني على وضعي وصحة الجنين بعد مارحت
-ميصير لازم كل شهر تسوين فحوصات.
-ميحتاج خل اكمل الرابع واروح
-لحد الان ممكملة الرابع وهيج بطنج.!
-بعدني ممكملة الثالث أسبوعين وادخل بالرابع
-تحجين صدوك بطنج مو مال شهر ثالث مبينة سابع
-اوفف شسوي يمكن هذا من الاكل هذا نصة سمن اعتقد
-زين شكالتلچ الدكتورة من رحتي.؟
-مافهمت شي بس انو الطفل بخير وبعدة عايش اوففف لاتذكريني بذاك اليوم من الخوف حسيت راح يغمى علية عبالي سقطت اشكد حجت بس بالي ابد مو يمها...
-عدت على خير بس راجعيها ضروري.
-الصراحة ماحبيتها اريد اشوف وحده عراقية
اجفص بطنها وتتحملني
-هههه العراقين يتحملون وين
-عوفي العراقيين وتعالي اكلي
نزلت الطاوة وخليتها بصينة ونزلت بالگاع كعدنا ناكل
وي اسألت عبير...
-موتدخل بس احب اعرف شوكت تطلبين الطلاق.؟
-الله كريم
-من يوم يومة كريم يعني شنو ماناوية تنفصلين
-عوفي هذا الموضوع مو وقتة
-لعد يمتة وقتة من تجيبين ويكبر ابنج وبعدين تبقين طول عمرج باسمة وهو يعيش حياتة.
-الكل يعيش حياتة بس مو الكل يرتاح بيهة
-افهم من كلامج ماناوية تنفصلين وراح تبقين
حارمتة من ابنة ليش تكبرين الاحداث وتخلين الرجال يتعلق بيج زيادة من اولها واطلبي الطلاق وخلي كولشي ينتهي ويكمل طريقة وانتي هم
-كملي اكلج راح يبرد ويصير موطيب
-اوففف شلون بيج تشلعين الگلب ماتنطين كلمة واضحة
-احسن.
غلست عن الموضوع التريد توصلة مرات اقطع حديث لان اعرف وين راح يوصل اكيد هادي موصيها تسألني كملت اكلها وطلعت ضايجة رحت عزلت المطبخ وشغلت التليفون بقيت اكلب بالقنوات واحجي بنتر...
-ماكو شي بية خيررر
گمت طفيت التلفزيون ودموعي نزلت احس غصة بگلبي اخخ: -حيدر شسويت ليش نهيت كولشي حلو ليش خليتني احبك وامتلكتي صرت اشوفك ملاذي وبالاخير صرت جلادي حالك حال البقية ليششش بسس فهمنييي ليششش بعدنييي احبككك.
-وبنفسس الوقتتت اكرهكك كلماتكك تردد بذنيي ريحانتي وضحكاتكك السخيفةة من تضحكك على وحدتييي وتعيررنيي ليششش.؟
انهاريت بالبچي اصرخ بصوت عالي گعدت بالگاع ممددة خليت راسي على القنفة ودموعي تنزل عضيت اصبعي حيل طلع الدم الا عفتة ماحسيت بالوجع ابدد كلبي يوجعني واكره نفسي من اشتاقلة صار حيدر الحب والحرب بالنسبة إلى اكرهة وماانكر بعدني احبة...
بعدني ماتجاوزتة ولا تجاوزت شي الة اكعد ساعات ابچي حتى اني مافتهم نفسي شريد زين لو اني احبة ليش ابتعدت عنة كل هاي المسافة،؟
اوفف ماردت اعيش طول عمري يعاملني بهذا اسلوبة نفضت الافكار المؤدية الية اخذتلي ملابس ودخلت للحمام...
باوعت بالمراية عيوني مورمة وصايرة دمم اوفف اخذت المشط وحيلي بايد مددت بالگاع وارتجيت على القنفة اخذت بيدي سيروم وخليته لشعري امشط بية مايتمشط حقة اذا امشطة مرة وحدة بالاسبوع اوفف صايرة تلعب نفسي منه كل مااريد امشطة يجي على بالي حيدر چان هو يمشطة طول ماموجود ومرات الفة ومن يجي اخلية يمشطة الي
مسحت دموعي بعنف وضربت روحي راچدي اعتقد صار بعقلي شي شمرت المشط وصحت بصوت عالي.
: -ليشش. ابچيي علية ليششش اشتاقلةة واحسس بالذنب تجاهةة موو يستاهللل الصارر بيةة ليشش گلبي يوجعني من اتذكرررة شهلل حقاررة كافيي
اريدد انسى لبوةة ماحصلت شي بس العنف من اقرب الناسس خليي الجوو يحلالهمم مااريدهممم.
رحت جبت المشط ودموعي تنزل مشطت شعري احسة تگطع خليتة على جتفي طولان كولش ويتعب واني روحي صايرة بخشمي كل شوية بجو ضفرتة وجبت المگص حددت نصة وبعدين تراجعت شمرت المگص طفر بعيد ردت اخلي عطر شميتة وعفتة احس تصرفاتي تصرفات اطفال من يخبثون احس جاي اخبث وي نفسي...
رحت نمت وگعدت بالتسعة باليل بوجهي للمطبخ سويت اكل وشغلت مسلسل اكل واضحك طلع بية لقطة البطل صاير حنين كمت طفيت التلفزيون واني ادردم.
-امداكم الجذابين تفوو صايرين رومانسيين من الزم المخرج اشلع بلاعمية بالبلايس وارجع اجيب واير بية كهرباء واخلي الشعواط يطلع من اذنة.
ماگلتلكم صايرة روحي بريحة الشعواط من گعدت بالشقة صرت شوية زينة والدكتورة گالت اشتغلي وابتعدي عن التفكير.
رحت غسلت الشقة وحتى الحايط غسلتة بالمي والكهرباء مشتعلة النقطة طگت واني من كل عقلي مغمضة عيوني واشتم ريحة الشعواط متخبلة رسمي اخير شي گلت لاتحترگ الشقة وين اولي لبست بشت وصحت لهادي طفة الكهرباء وشوية اجو سووها إلى بس شنو الريحة اسبوع بالبيت نايمة ههه طلعت من خشمي...
الجو صنطة هسة مال امشي بالشارع بس خاف تخطفني عصابة هنا الجو مو امان هواي حالات خطف زين وين اروح خليت ايدي على بطني.
-هايمة ضايج ادري والله حتى اني بس شسوي كولة من ورة ابوك حتى الچلب احسن منة على الاقل وفي ابو دحام المخبل يمة تسمع ابوك مخبل.
احس اجتني رفسة بطني خرب غيرتك تدافع لابوك وانت بعدك ماشايفة.
-من هسه تحترم نفسك ولاترفس افتهمت ترة ابوك جان يضربني وحبسني بدون سبب لاتدافعلة ترة اطلعهن منك بسيطة من هسه اكولك ترة كوة متحملة روحي فصير حباب ولاتخبث وتعاند بس تعصبني الزمك املص اذاناتك منو اليطلعك مني ابوك البربو.
عايش بالعراق العضيم لايدري بيك ولايشوفك وراح يتزوج ويصير عندة جهال اوفف
شنووو يتزوج هي بكيفة راسة جاي بالطول بسيطة شايف اذا يتزوج الا اصير رئيسة مافيا هنا وادزلة عصابة تخطفة وتعذبة واني اشرف عليهم بنفسي جا شعبالك امك سهلة...
لايمة اتشاقة وياك جذب خيولي بعد اني عفتة واني متاكدة مايتزوج لان محد تقبل بية بس روان جنها قندرة بوش ههههه هايمة شفت اني شلون حبابة.
اصلا انت محظوظ بية يلا ولك خل نام باچر وراي شغل تصبح على خير ولاتاخذ نضرة علية ترة اني خوش بنيه ههههه...
خلصت حديثي وي طفلي هذا الحجي كل يومية استمر لساعات بالكلام احس يستمع إلى ويضحك وياي ههه واللة عندي سوالف متبدلة اطباعي كولش
رحت نمت وقتت المنبة...
گعدت صليت الصبح وميتة جوع شسالفتي وي الاكل فلوسي راح تخلص بس على الاكل رحت سويت شي خفيف وعزلت الشقة وطلعت اريد اغير الشقة اشوف اقل سعر من هاي ومناك ادور على شغل...
باوعت بالمراية اسم الله الرحمن حواجبي صايرات طبگ وكل واحد شطولة والشعر تارس وجهي ادري رجال من اجيت ولجاي ابد مامسوية وجهي رتبت وجهي ونضفتة خليتلة سيروم صار يلمع خليت شوية حمرة وخليت لخدودي اي هيج مو جني ام دحام من صدوك...
كملت وطلعت بالسبعة الجو يسوي واهس للمشي تحس نفسك جاي تباوع مسلسل بنات وشباب يركضون من الصبح لو مو حامل جا هم ركضت وياهم على الواهس إن شاءلله بس اجيب ارتب وقتي واهتم بنفسي.
كعدت على المصطبات الموجودة بالشارع وطلعت جارتي السورية مرة جبيرة بالعمر عايشة وحدها رحت اسألها على ايجار الشقق الموجودة بالمدينة
كمت من مكاني وهي من شافتني اجتني.
-يااهلين بجارتي كيفك شو اخبار البيبي
-الحمدلله تمام انتي شلونج.
-منيحين عم ناكل ونشرب احسن من كثير ناس ماعم تلئة مكان تعئد فية
-اي والله صدوك الحمدلله
-حدا يابنتي يطلع بهل جو البارد مابتخافي على صحتك انتي والبطنك
-لاخالة الجو حلو مو بارد طلعت اشوف شغل وهاا صدوك اريد اسئلج على ايجار الشقق اكو هنا اقل من هذا السعر
-اكيد كل منطئة والها سعر محدد مثلا في الحارات تكون الاسعار اقل بس هنيك مافي امان تلائي المجرمين والي بيتاجرو بالاعضاء والمخدرات
-اسم الله.
-لسا مابتعرفي شو عم بيصير، هنيك كل يوم في شرطة تطاوق المنطئة فما انصحك فيها يابنتي وانتي وحدانية
-لا بعد بطلت السعر كولش مناسب بس اني صاعد عندي الاقتصاد هالايام
-ماالتيلي شو شغلك
-بالعراق جنت اشتغل دكتورة بمستشفى بس هنا كولشي ماكو
-ياحرام طب لي مابئيتي على شغلك فلعراء
-الضروف ونفسيتي جانت ماتسمح ابقى هناك
-الله بيكون بعونك يابنتي لسى بعدك مالئيتي شغل.
-اي والله بعدني هنا المستشفيات ماينطون وضائف بس لابن بلدهم
-اكو في عرائيين بيشتغلو هون
-اي بس قليل وبمستشفيات اهلية
-طيب تشتغلي بعيادة مع دكتور
-سكرتيرة لا ماارهم من دكتورة الى سكرتيرة والله هسة لو ابيع جاي بالشوارع عاععع فكرة حلوة ابيع جاي مهيل بين مااجمعلي جم فلس وافتح عيادة هههه
-هههه والله يابنتي انتي روحك حلوة وطموحة بيعجبني هيك بنات بس انا مائلت تشتغلي سكرتيرة
-اهاا لعد.
-في دكتور كمان عرائي صار الو هون زمان فتح عيادة كبيرة ومحتاج دكاترة اكيد
-الله وايدج وين صاير
- جنب محلات الحلويات ازا بتعرفيهن
-هاا هذا المحل الجبير يسون كولة كيك
-اي هو بالفرع المئابل
-رحمه والديج هيج الله واهل البيت والگة شغل
-إن شاءلله يابنتي وانا لوما عندي شغل لكنت اخزتك بيدي لعندو
-فدوه لكلبج لاحبيبتي اني اروح مايحتاج
-موفئة
-شكراً عيني والج هم
(ها ولچن شلوني بالسوري خو ما جفصت ).
راحت الحجية بطريقها واني رحت كلني حماس اني متاكده الگة شغل يناسبني رحت اتمشى رن موبايلي يبوو هم هادي طبعاً ماگلتلكم هادي دكتور تنهدت وفتحت الخط: -الوو
-ها لبوة انتي وين هم طالعة
-اي والله
-خوما محتاجة شي
-تسلم مشكور
-العفو يابة صدوگ شوكت عندج وقت فارغ
-ليش
-اريد احجي وياج بموضوع
-ماعتقد فراغي يناسبك لان عندك شغل
-ماعليج بس كولي شوكت
-اذا عندك شي احجي بالموبايل عادي
-لو ترهم جان حجيت.
-اهاا بالاربعة العصر يم المصطبات مقابل الشقة
-تمام اخذي راحتج
-شكراً
كملت طريقي لعيادة الوصفتها إلى جارتي وصلت لمحل الحلويات سئلت ودلوني عليها طبعاً هنا الاكثرية تحجي انگليزي فشي حلو تفتهمهم ويفتهمونك رحت للعيادة ماشاءالله شكبراتها مجمع هذا دخلت سلمت على السكرتيرة.
-تفضلي مدام شلون نگدر نخدمج
-اني دكتورة ومحتاجة شغل سمعت محتاجين كادر
-اي صح بس الدكتور بعدة ماجاي من يجي تكدرين تحجين وياة
-شكراً
-العفو.
طلعت برا انتظر ماحب الخنگة رحت لمحل الحلويات وطاحت عيني على الكيك غصبن عليه اشتري من اشوف الاكل جني ماماكلة ابدد اشتريت قطعة وكعدت بالشارع اكل.
-ها يمة راح تخليني عله الحديدة ولك كافي كل ماشفت شي وردت ادري حتى الفلوس الضامتهن للولادة راح اخلصهن على الاكل شبيك يامامة استقر
عوف الاكل الموني راح يخلص...
اكل واحجي ادري منو الياكل اباوع للناس رايحه راجعة شفت شخص مقابيلي واحس الاكل وكف بلعومي صرت اگح قوي مستحيل هو شجابة هنا همزين مامنتبة ماناقصني سويت الكيكة لگمة وحده
ودخلت بسرعه للعيادة گعدت انتضر الدكتور ادري يمتها يجي...
شوية ودخل شخص كامت السكرتيرة.
-صباح الخير
-صباح النور دكتور نورت
-بنوركم.
التفتت علية وانصدم واني انصدمت لان هو صاحب العيادة يعني راح اشتغل عندة بقة صافن بوجهي دقايق باوع لبطني وحجة متفاجأ.
-لبوةةة.