رواية لبوة علي للكاتبة كفاية كاظم الفصل الرابع والعشرون
زينة...
مر اسبوع كامل على الحادث ولبوة وضعها ابد ما يبشر بخير رغم إصابتها بسيطة بزندها ماطاخة العضم...
كاعدة بيت خالتها على مدار الأسبوع تاخذ العلاج وتنام واكل بالگوة تاكل نجبرها جبر تاكل شوية
وترجع تنام كلمة وحده ماتحجي ابد صوتها اختفى.
كل يومية أمر عليها وهي على وضعها متمددة لاحس ولانفس وخالتها ابد مامقصرة هي وبناتها الخوف والقلق باين على وجوهن...
تطمنت بداخلي من شفت محبتهن الها لبوة تستاهل واحد يحبها...
محضرة نفسي ومنتضرة عمتي تأخذني الها علاء طالع للدوام طبعاً عمتي من طلعت من المستشفى راحتلها...
-يلا عمة راح نتأخر بسرعة
-يله بس البس جويرباتي هاء اها كملت شعندي أخط الكحيلة يو الحميرة اشو جلحان ملحان.
-لعد ماتخطين شناقصج اشو بعدج شابة تخبلين.
-خاب زوينة لا تضحكين على بهاي سوالفج ويني اخبل اشو جلحة ملحة جني ابو نبعة...
-هههههه جنج نستلة تنگرط مو ملحة بالعكس
-دمشي دمشي تريد تصعد الهرمونات عندي وتصير بالنعل.
-ماشية وراح اسكت
-احسن تسوين فضل اكلج زوينة هاي صاحبتج جنها مصدومة
-شلون؟
-انصدمت من الصار وياها وهسة لاتحجي وبس تصفن
-اكيد الصار مو هين وهي نقطة ضعفها وازعاجها الصوت العالي تخيلي إذا واحد حجة بصوت عالي بالگوة نلزمها مو انوب رمي وعصابة
الله يساعدها ويكون بعونها...
-ذيج الدورة من اني يمهم اجت البنية العدها وليد والمرة الوياها شيعودن الها.
-مرت عمها وبت عمها سمر لبوة كولش تحبهن.
-خوش كون من تحبهن.
زينة: -وصلنه لبيت خالتها فتحتلنة الباب همس سلمنه عليها
همس: -يا كل الهلا بيجن شرفتن
ام علاء: - اغديلج فدوة يمة انتي شسمج
همس: -همس
ام علاء: -خاب عود شني هاي من اسامي دور همس
زينة: -يخبل اسمج بالعكس
أم علاء-فرد نوب سويتيه يخبل خاب يمة طمس
هاي زوينة تجذب عليج لا تصدگينها.
زينة: -اباوع للبنية بلكوه كاتمة ضحكتها ياا عمة اسمها همس مو طمس وتعاي شنو اجذب يمتها اني جذبت
همس: -كولن يالله مصار شي والحجية شتحب
تصيحلي براحتها همس طمس رفس اليعجبها
ام علاء: -حرامات لو عدي ولد جا اخذتج اله مع الوسفة صدك لبلابة شلونها
همس: -والله يا خالة على وضعها مخلصتها نوم هسة امي بلكوة كومتها تسبح...
أم علاء-سودة علية هي تطيح بالفقير الما يأخذ وينطي.
زينة: -دخلنة للصالة استقبلتنه خالتها هي وبتها شجن
كعدنة على القنفات راحت شجن جابت الضيافة وعمتي هي وخالتها بعد صارن صاحبات مندمجات كولش رحت وي البنات...
-اشو لبوة ماكو
شجن: -تسبح
همس: -طولت هواي يمكن صار ساعة يمكن تخربطت لو صار بيها شي
زينة: -رديت بابتسامة حزينة هي طول من تسبح مو فد شي جديد بقينة نسولف اني والبنات شوية وطلعت من الحمام لافة المنشفة على رأسها وايدها لافتها بنايلون...
من شافتني ابتسمت بتعب...
لبوة: -هلا بزنو شلونج
زينة: -من طاحت ولجاي اول مرة تحجي رحت حضنتها ودموعي نزلن اي زينة الحقيرة ولا معبرتها
حتى كلمة ماتحجين وياي وتطمنيني عليج...
همست بذني.
لبوة: - اسفة.
ابتعدت عنها ومسحت دموعي باوعت الها شصاير بيها عيونها محاوطها السواد وضعفانة بشكل...
حجيت واني مركزة بعيونها لج مشتاقتلج دادة.
غمضت عيونها وضهرت على وجهة ابتسامه جانبية
همس: -شنو احنة ولا احد معبرنا.
شجن: -دشوفيها تضحك وتسولف ويمنة لا حس
ولانفس مخلصتها بس صفنات
همس: -لعد احنه وزينة حبيبة الكلب
زينة: -بنات لا تغارن رجائا ترة أحنه صديقات من زمان مو اليوم تعرفت عليها
شجن: -صدوك لو كالو من لكه اصحابة نسى احبابة
لبوة: -صح عرفتجن من فترة قصيرة بس كولش
حبيتجن وتمنيت لو ملتقية بيجن من زمان
همس: -هي هي على عنادج على عنادج لبوة تحبنه مو بس انتي تحبج
زينة: -ترى عادي اني ما اغار بالعكس
همس: -مبين.
زينة: -اكيد يبين عمررري شبيجن تسودنتن على كولة علاء
شجن: -اكولج هذا اخو علاء يخبل متزوج لا
زينة: -وين شفتن اخو علاء؟
شجن: -خاب شبيج غير الجاب لبوة من المستشفى
زينة: -ها هذا حيدر مو إخوة صديقة
شجن: -عبالي إخوة لأن يكلة خوية صدوك متزوج
زينة: -لا بس يحب وحدة ويموت عليها يكول علاء يعشقها حجيت الكلام وباوعت للبوة دارت وجهة
شجن: -لا حرامات عاد شلون شخصية.
زينة: -جاي انسولف ودخلت عمتي رافعة العباية لبوة كاعدة على الجرباية فالة شعرها
ام علاء: اغدي سبع فدوات لبلابة كعدتي
خوفتيني عليج خاب دكومي انطيني حبة...
زينة: -ضحكت لبوة وكامت تسلم على عمتي...
ام علاء: -تعاي امشط شعرج
زينة: -لبوة ماكالت لا انطتها المشط وبقت عمتي تمشط بشعرها وهي ساكتة أحسها مرتاحة لعمتي
كولش حتى عمتي كل يومية وكالت اتصلي اطمني عليها.
ام علاء: -شتخلين لشعرج حنة يو صابغتة...
لبوة: - ما مخليتلة شي هو هيج...
ام علاء: -لدالي مخليتلة صبغ بس حلو ومسرسح
اضفرة الج يو ألفة...
لبوة: -اضفرية...
أم علاء: -جا انتي شني تحجين بالاقصاد يو الحجي بفلوس تحجيلج جلمة جلمتين وتسكتين...
زينة: -عمة هي هيج تجاوب على كد السؤال
أم علاء: -جا اني اريدها تسولف وياي عبن اني احترگ دمي عليها...
لبوة: -شسولف؟
ام علاء: -خاب اني من سمعت بيج اخذتج العصابة تمنيت اني بدالج كولي ليش.
لبوة: -ليش.
أم علاء: -كلت هاي الفرخة صارت مثل البمسلسلات كلهن تخطفن عشتي الدور بعد شتريدين...
زينة: -لبوة ملامحة جامدة صار اسبوع كامل حرف مانطقت بس هاي عمتي مصيبة اباوع لبوة تضحك وعمتي منطلقة بالسوالف البنات وحدة تباوع بوجة الثانية ومصدومات...
ام علاء: -خاب لبلابة يكلج حويدر لازمهم دگ رفسات مزوعهم العافية بلكوة مطلعينهم منه وين اليوجعك
ويكلج هذا ابو راس المفشوخ تشاهد على روحة...
زينة: -سرعان ما تغيرت ملامح لبوة.
ام علاء: -والله خطية حويدر يكلج همزين ما طكته جلطة من سمع بيج عدهم تسودن عليج...
لبوة: - على اذنكم نعست اريد انام...
ام علاء: -جا أنتي شني ما تشبعين نوم مو جنتي نايمة يو لا.
همس: -اي والله خالة هستوها كعدت حتى ريوگ ما متريگة تگعد من النوم ترجع تنام وهيج مگضيتها...
أم علاء: -ادري بيج ماتنامين بس هاي حجة دروحن سولنة رويگ انة متريگة من الصبح وهسة جعت خلينة نتريگ أنه ولبلابة...
لبوة: -بالعافية اني شبعانة...
أم علاء: -خاب مو هية بكيفج شبعانة تهي بهي ديله روحن سون الريوگ وانتي تعاي راويني غراضج اريد اشوف ذوقج...
زينة: -رحنة نسوي ريوگ وبقت عمتي ولبوة اعرف عمتي عدها حجي مو تايها...
ام علاء: -اي لبلابة شبيج وي روحج سولفي لا تضلين ساكتة...
لبوة: -ما بيه شي
أم علاء: -هذا الحجي مو علية أحد مسويلج شي
لبوة: -ابد.
أم علاء: -جا كليلي شبيج هاي مو حالة أنه ادري بيج لبوة بعد من اسمج شني خفتي من الطلقة تره هي بزندج وهسة انتي زينة جا شبيج بعد...
لبوة: -تعبانة الصار مو هين شخص انقتل والثاني على حافة الموت لو ميت شنو دوري بالحياة...
ام علاء: -عوفي هذا الحجي انتي كلبج رهيف هو مجرم ومات وحويدر عرج ما يطگة بعد شبيج.
لبوة: -هي مو بالحجي المنضر بعدة براسي.
ام علاء: -دعوفي هذا الحجي وتعاي نشوف البنيات ونتريگ.
شجن: -ها خالة شفتي غراضها
ام علاء: -شفتهن يخبلن ذوقها حلو بعد من اريد
اشتري دشاديش نروح انة وياها عبن ذوقها يسودن يخلي ابو علاء يفتر وراي...
شجن: -ليش خالة هسة ما يفتر وراج
ام علاء: -منين گاضيها فواتح لابس عبايتة ومطفح للوادم من الفاتحة للعرس.
همس: -خالة حضج هذا بعد
زينة: -يكولون أن الجميلات ليس لديهن حض...
ام علاء: -فدوه لجنتي خوش تعرف تحجي
زينة: -اعجبج عمة...
ام علاء: -سولي مخلمةوياجن
شجن: -سويت خالة...
ام علاء: -خوش بنيات انتن بعد لبوة بت خالتجن طلعتن عليها...
شجن: -ليش مو هي طلعت علينة
أم علاء: -غير هي اكبر منجن
شجن: -هم صح
همس: -وهذا احلى ريوگ لاحلى خالة
أم علاء: -تعبتج وياي هميسة
همس: -ادللي شكم ام علاء عدنة
ام علاء: -يلة تعالن اكلن والما تاكل تسولفنة سالفة وانتي لبلابة يله اكعدي كدامي...
زينة: -سوينة ريوك وعمتي تجيب وتحط كدام لبوة اكلي من هذا ومن ذاك وهي منطيتها على مايها...
همست شجن بصوت ناصي...
شجن: -اكولج هاي عمتج شسوت للبت خلتها تاكل ولج سبوع كامل بلكوة تاكللها لگمة...
زينة: -لج بعدج ما شايفة شي هاي عمتي تسلب الحرامية...
شجن: -بعد كل يومية خليها تجي
أم علاء: -اكول شبيجن تبسبسن خلنة نسمع حديثجن المهم سولفنة وياجن.
زينة: -ها عمة هاي شجن تكول اول مرة يصير عندي واهس على الاكل كلتلها ليش كالت عمتج سوتلي واهس روحها حلوة...
أم علاء: -لدالي غير سالفة عدجن وانتي لبلابة اكلي جبن وزيتون يسون طاقة.
همس: -منو يكول خالة
أم علاء جا ما تشوفين بل مسلسلات التركية من الصبح ياكلن زيتون حتى يشبهن لبلابة عينن...
زينة: -اي والله صدوك...
أم علاء: -عدكم تلفزيون يو لا
شجن: -اي خالة عدنه بالصالة
ام علاء: -يله يلبلابة كومي نشوفلنة مسلسل
زينة: -وآني اجي وياجن
شجن: -وآني هم
همس: -لا بله لعد من يغسل المواعين
أم علاء: -كلجن ضلن بالمطبخ اغسلن مواعين وتعالن يلا كدامي وانتي زوينة روحي وياهن على الواهس.
زينة: -رحنة للمطبخ شجن غسلت المواعين واحنة
وياها على الواهس رجعنا للصالة ابتسمت على المنظر عمتي فاتحة حلكها منسجمة وي الفلم لآخر درجة ولبوة مبتسمة...
بقينه يمها ل12 بيتهم فارغ بس البنات بيه خالتها عدها دوام شوية وطلعت ورجلها موضف وابنها هم بالدوام...
اتصل علاء سلمنه على البنات وطلعنه وصلنة للبيت
صعدت اطلع ملابس لعلاء يسبح رحت بدلت وخليتله ملابس فتحت الباب جاي اطلع طلع بوجهي يحرك بحواجبة.
علاء: -ها زنزن وين نازلة
زينة: -اسوي غدة
علاء: -ماشاء الله تعرفين طبخين صايرة
زينة: -ها لا مو هنة طابخات بس اروح اساعدهن
علاء: -ليش ماتساعديني
زينة: -ليش انت محتاج شي سحبني اله وحجة بخفوت
علاء: -مشتاقلج
زينة: -لا خل انزل مو وقتك بعدين بعدين
علاء: -ترى نتيج وصخة واني نيتي نضيفة كلش انتي وين تفكرين واني وين
زينة: -ليش شجانت نيتك
علاء: -ضهري وراسي موتاتني كلت تسويلي مساج بلكي يروح الوجع...
زينة: -هسة انت روح أسبح وتغدة وبعدين اسويلك مساج
علاء: -بعد بيتي دكتورة روحي صارت تفهم علية
زينة: -اسويلك مساج بس
علاء: -وهسة نطيني تصبارة وروحي
زينة: -ما تخلص سوالفك
علاء: -يا سوالف هو اني شفت شحصلت اشو رجال مظلوم محروم...
مو كتلج راح تسوينه شهر بصل دشوفي حالي هذا حال رجال متزوج جديد واصل عندة الجفاف لآخر مرحلة خطرة...
زينة: -ياا اسكت فضحتنة انوب سويتها عليك بصل سهلة تهون.
علاء: -تهون من نشتغل على إنتاج جاسر.
زينة: -انوب جاسر هذا الاسم انقرض من زمن جدي
علاء: -يعني انتي مامعارضه الفكرة معارضة بس الاسم
زينة: -yes وهسة اريد انزل
علاء: -انطيني حلگ وانزلي
زينة: -دباع الفظ
علاء: -دباع الحلگ
زينة: -نزلت جوة اساعد البنات صبيت لعلاء اكل وصعدت فوگ الصينية شايلتها بثنين ادية خليتها بيد وحدة وايد الثانية فتحت بيها الباب بعدني ما دخلت وفلتت من ايدي...
جمدت بمكاني احس حرارة تطلع من وجهي طلع علاء من الحمام لاف المنشفة بقة يباوع إلى باستغراب حكيت راسي بفشلة...
باوع للگاع المرگ بصفحة والتمن بصفحة اباوعلة كاتم ضحكتة ويحك بركبتة حجيت بتوتر...
عثرت وكعت من ايدي هسة ألمها بعده ماحاجي نزلت جبت وصلة مسح وسطل ومكرفة...
الدمعة بعيني اليكلي شبيج ابجي صعدت اريد المهن حضني من ورة وحط راسة برگبتي حجيت بفشلة.
اريد انضف ماتشوف المجزرة حجة بخفوت...
علاء: -عوفيها اني المهن
زينة: -لا اني المهن انت شكو داراني علية وباسني بشفتي حجة وهو يمسح على خدي
علاء: -شبيج تريدين تبجين
زينة: -لا مو هيج بس خليني المهن وبعدين نحجي لأن منضرهن مو حلو لميتهن وردت اطلع.
علاء: -نزليهن وصعدي مو تتاخرين
زينة: -اسويلك اكل
علاء: -لا مااشتهي العصر عود اكل
زينة: -تمام نزلت جوة واني بداخلي اريد اغم روحي على هل ثول الشايلتة هسة إذا راد اكل شسويلة.
هو اني شعرف غير الاندومي خرب حضي النايم بالطين...
رحت صعدت لكيتة نايم على بنطة رحت اسويلة مساج وهو يلعب موبايلة...
علاء: -لبوة شلونها
زينة: -الحمد الله احسن من قبل
علاء: -تاكل تسولف لو بعدها على وضعها
زينة: -اليوم امك خلتها تاكل وتحجي...
اشوفة يكتب ويحجي مديت راسي اشوفة بيمن يراسل شفته كاتب اي زينة احسن من قبل...
باوعت للصفحة واحد لابس اسود و شفقة سودة ومدنك راسة والجكارة بحلكة ركزت بيها زين هذا حيدر رجع علاء سألني...
علاء: -حبيبي أيدها هم توجعها
زينة: -كول لحيدر لايخاف عليها بنيتنة قوية...
دار وجهة علية وحجة...
علاء: -هذا مو حيدر لا عبالج
زينة: -اي اعرف مو حيدر لا عبالك...
قفل الموبايل وجرني عليه اندك الباب ضحكت واشرت بعيونة للباب عاد هو حجة كلمة وأسد حلگة بيدي...
رحت فتحت الباب واني اضحك.
ام علاء: -خو ماعدم شي.
زينة-: لا ماعادنه شي تفضلي
أم علاء: -ها ولك عليوي انطيني رقم صاحبك المفلوك
علاء: -يا صاحب يا مفلوك هذا هلو هلو اليوم اسوي الدم لركاب امي وصحباني...
أم علاء: -لا تروح لترابي اريد رقم حويدر احجي وياه يو حرام
علاء: -لا والله مو حرام اصلا حتى هو معجب بيج من زمان بس يستحي يكلج.
أم علاء: دنطيني رقمة وشوف زوينة
علاء: والله يا يمة كل مااريد اشوفها وانتي جفتي
أم علاء: -اجي بالوقت الصح أنقذها منك بعد شتريد
الفرخة.
علاء: -لا اصلا هي تكيف على جفتاتج
زينة: -هما يسولفون واني مبتسمة اخذت عمتي رقم حيدر وطلعت مدري شتسوي بيه...
رمش بعيونه وبوز شفتة.
علاء: -ضهري راسي موتني يا بويه يا يابة اخخ
زينة: -اعرف بسوالفة مابية شي بس يدور
رومانسيات.
انت خليك بمكاني
الصار بيه يصير بيك...
بنص نهر لازم تعبرة
وتلتفت ماتلكة اديك
إنه هذا الصار بيه
بنص نهر عافتني ادية...
لبوة...
هناك اماني تغوص في وسط الظلام الا تطلع الشمس على هذه الاماني يوماً ما...
هناك روح غائرة هناك ليالي جائرة ما السبيل للنجاة يا ترى...
كاعدة بالمرجوحة الساعة بالثنتين باليل بنص الحديقة والهوى عالي الجو حلو باليل...
رجعت شوية ليورة لليوم المشئوم اليوم الحطم كولشي وبقيت مثل غصن مكسور وباقي بالشجرة
مصيرة مجهول يا اما تحن علية الشجرة وتضمة الها يا اما ينزل ومصيرة معروف...
اكو غصة بداخلي مااعرف شوكت تروح رجفة تسري بروحي من اذكر الأحداث الصارت وياي...
أكثر حدث اثر بيه من انقتل شخص بسببي اي اني السبب في موت انسان مهما يكون سي او زين يبقى انسان...
هو بالذات ساعدني اي نعم رغم هو الخاطف بس ما خلة أحد يقترب مني والا هما نضراتهم تخوف وقذرة
كل شوية مطلع شخص لو متعارك وياه...
لقطة من يرافس برجلية وروحة تطلع كدامي بقت محفورة براسي كل شوية تمر بالي، يعني ملك الموت جان موجود بهذا المكان إلى اني بيه.
بس هو أخذ الشخص الغلط الشخص التمنى وجودة هو اني المفروض ياخذني الي...
ينعصر كلبي كل مااذكر شخص ثاني إلى هو حيدر جان راح يموت وهم اني السبب...
جان مقنص علية حسيت باحساس يمكن اول مرة احس بيه مكدرت افسرة صحت بصوت عالي احس الاوتار الصوتية تگطعت...
القوة اجتني بالوقت الصح جانت الطلقة متجهة
ناحية كلبة لولا رصدي السريع الها اجت بزندي.
من اتخيل هاي الرصاصة جايه بية وصايرله شي
شنو موقفي شلون إلى عين اواجة اهلة شعور
يزيدني سوء...
علي طول الوقت نضراتة ما فارقتني كل ما اغمض عيوني تجي بالي وخصوصا من تصاوبت حار شيسوي نسيت إصابتي ركزت وياه عيونة صايرات دم والقلق ماخذ دور جبير...
لزمني من زندي ضغط علية وايدية ترجف حتى صوتة يرجف لزم وجهي وهو يحاول يحجي بس مكدر...
شألني ومشة بيه واني بس عيوني يرمشن فقدت القوة لدرجة ايدي مكدرت احركها غمضت عيوني وانفاسة الدافية بوجهي بعدها صرت اشوف الدنيا بيضة...
كعدت واني اصرخ حيدررر لاااا.
باوعت كدامي لگيته موجود ب مابية شي ابتسملي بتعب تنفست براحة و غمضت عيوني هم ونزاح عني من شفتة مابية شي...
حسيت وجع يسري بجسمي ايدي مكدرت احركها احس بلوكة مخلينها على زندي...
رجعت فتحت عيوني لكيت الكل موجود زين شبسرعة اجو يمكن جان موجودين بس اني منتبهت...
الكل يحجي وياي بس اني مااسمع شي ولا أكدر احجي بلعومي يوجعني احس الاوتار تكطعت...
انطوني إبرة سكنت عليها ماعرف شكد بقيت بالمستشفى وبعدها طلعت...
اخذتني خالتي لبيتها كضيتها نوم اكو شريط
وي علاجي ينم ينوخذ منه حباية ورة العشة كمت اشربة بكل وقت اريد انام وانسى كولشي...
تعودت علية إذا مااشرب منه حتى كوابيس تجيني
احلامي جانت ناقصة اكشن اليوم كملت عصابة مسدسات رمي دم صرت مانام طبيعي الشريط خلص
ونوم مايجيني باجر اجيب واحد ثالث...
تنهدت بقهر واني اباوع بارجاء الحديقة الهدوء يخوف صرت اخاف من الهدوء صرت اخاف ابقى وحدي خليت الهتفون بذني وغمضت واني اهتز.
كعدت مخروعة من الحلم الشفتة تعوذت من الشيطان ونزعت الهتفون من اذني مسحت دموعي النزلن من الهول ودخلت جوة يم البنات...
اباوعلهن غاطات بسابع نومة صح عدهم غرف هواي بس هنة ينامن يمي...
حلو الاهتمام اول مرة احس نفسي مهمة لهل درجة جنت اكول إذا اموت منو اليبجي علية منو اليسويلي ثواب...
بس من بعد هذا الوقف عرفت اكو أشخاص تحبني
شفت الخوف بعيون الكل...
من جنت صغيرة احسب أصابعي واكول إذا لكيت ناس تحبني بكدهم فاني محضوظة...
ابتسمت وصرت اعد باصابيعي زينة وتبارك وخالتي همس، شجن، سمر، فاطمة، زمرد، دكتور محمد ابد ماعافني وجاني للبيت يطمن علية بقة واحد يمكن حيدر اي حيدر العاشر...
رجعت لمكاني واني احاول انام مثلت النوم بس مكدرت...
رحت اشوف غراضي صارت الجنطة بوجهي دمعت عيوني تذكرت شلون حضرتها واشتريت الغراض لو ماالصار هسة اني بعيدة عن الكل...
((وعسى أن تكرهوا شيء وهو خير لكم))
ثاني يوم اجت زينه وعمتها شما احجي واصفها مااوفي حقها ماصارلها اسبوع من تزوجت وهي ابد ما عافتني هي وعمتها حتى تسوي واهس احب سوالفها ولو هي كلها تنحب...
بقن يمنة للضهر ومشن شوية تغيرت من نفسيتي
للعصر اجت خالتي ردت اروح للمزرعة بس خالتي ماقبلت اول مرة امشي بكيف أحد حيل رفضت روحتي...
بعد اني سكتت عيب من عدها شفتها قافلة لثاني يوم خالتي بالدوام بس البنات موجودات اريد انام
مااكدر وحتى باليل منمت ابد...
اخذت الشريط كلت اجيب مثلة رحت بدلت ملكيت البنات شفت رضاوي بستة وكتلة راح اروح شوية واجي ماتاخر...
طبعاً خالتي موصية البنات مايخلني اطلع ابد بس اني مامتعودة اكعد بالبيت جنت مخلصتها بالدوام.
طلعت للصيدلية اخذت شريطين ومناك رحت لايلام
بس هلمرة صعدت وي رجال جبير مبين فقير وعلى باب الله...
فلا اتوب رحت للمزرعة جوها يخبل برودة المكان تزيح الطاقة السلبية صوت الأحصنة نغمة موسيقية
رائعة...
بقيت اتمشى على كيف مستمتعة بالجو ومشتاقة ليلام حسيت نفسي انجريت من ايدي السالمة...
عقجت حواجبي بتعجب وخرت ايدة وحجيت بعصبية: -ديربالك تلزمني مرة ثانية مو اخذك الواهس.
حيدر: -لا والله انتي الاخذج الواهس على العصابات والخطف.
لبوة: -دحترم نفسك شنو أخذني الواهس.
حجة كاز على سنونة...
حيدر: -شلون تطلعين من البيت وحدج اني مو محذرهم مايخلونج تطلعين المن طالعة يا فلكي الاسود.
لبوة: -لا بلة شنو تريدون تحبسوني وانت شعليك بيه
اطلع ما اطلع خلص كولشي وانتهى بوقتة
حيدر: -لا ماخلص كلشي بالعكس راح ينعاد كلشي انتي ماتخافين على روحج هاي ادري بيها من زمان بس لاتصيرين مستهترة لهل درجة انتي عبالج طلعتي سلامات وعدت ولج بوية شكو واحد رافسة حيدر يدور عليج يريد ينتقم مني...
عبالج بس ذولة اني عندي ميت عدو وكل واحد راسة مصلبخ تصلبخ هسة لو رجعو خطفوج مرة ثانية اني شحصل بس الحجي علية من تتاذين بسببي وين انطي وجهي...
لبوة: -وهسة انت شنو مراقبني.
حيدر: -مخلي ناس تراقبج ومناة ورايح ماتطلعين افتهمتي
لبوة: -لا والله مو هي بكيفك
حيدر: -لا يابة بكيفج لبوة رحمة لحنش بطلي عنادج مشي عليج اسد الزهرة...
لبوة: -بس اني اجيت اشوف إيلام.
حيدر: -لاتطلعين وحدج تريدين الأحداث تنعاد وهلمرة الله أعلم شيصير انتي نايمة ورجليج بالشمس بعد انتي صرتي باسمي وحتى الما يعرفج عرفج حياتج مهددة بالخطر افتهمي...
لبوة: -خوش
حيدر هو شني الخوش
لبوة: -بعد مااطلع بس كم يوم على ماتهيد الامور مو عبالك خايفة على نفسي بس خايفه لا احد يتأذى بسببي.
ردت امشي جر الجيزدان من ايدي بقوة فتحاه وطلع الحبوب حجة وهو رافعهن...
حيدر: -شني ذني.
لبوة: -جيبهن هذا علاجي رجعهن احسلك
حيدر: -علاج مو يا علاج هذا لج انيي غبي تضحكين علية هذا منيم يخليج ماتحسين بشي.
لبوة: -وانت شعليك بيه ليش تحسسني جاي اتعاطة مخدرات
حيدر: -ليش هذا مو خطر لج سألت علية خطر هذا خطر تعرفين شني خطر عبالج بس المخدرات خطرة هذا هم بيه خطورة تدرين هذا شوكت ينوخذ منه حباية وحدة بس.
من يصير الم فضيع وانتي تشربينة بكل وقت انتي دكتورة وتعرفين كلش زين شني تأثيرة.
تريدين تموتين بس لو ادري ليش تحركين كلبي ليش.
لبوة: -يمتها حارگة كلبك اني
حيدر: -من شفتج وشفايني حاركة كلبي لبوة راح اطلب من عندج بس مو بصفتي حيدر بصفتي صديقج بعد ماتشربين من ذني الحبوب دشوفي شصاير بيج تريدين تموتين...
لبوة: -خلص وعد بعد مااشرب منهن
حيدر: -ولا تطلعين من البيت
لبوة: -مااكدر انطيك وعد مرات يطگن عندي وانسى
حيدر: -من شفتج وشفتيني هنه طاگات عندج...
لبوة: -مو لهل درجة.
حيدر: -اخخخخ بوية واكثر ديلا امشي شوفي إيلام
لبوة: -رحت ليلام مكدرت امتطية بسبب ايدي بقيت يمة شوية ورجعت وياة صعدت ليورة رفع حاجب وحجة...
حيدر: -شني اشتغل سايق عندج
لبوة: -هاي صارت قديمة عاجبك توصلني اهلا وسهلا
ماعاجبك ارجع وحدي صعدت ليورة وهو اسمعة يحجي...
اول ما وصلت لكيت خالتي منتضرتني بالباب وجهة اصفر عبالها صار بيه شي لان تاخرت واني مامخبرة أحد...
اعتذرت من عدها وكتلها حيدر وصلني عاد هي سكت بس بعدها زعلانة...
غزل.
قربت امتحانات نهاية الكورس فرغت وقتي كلة للقراية وخاصة الإنكليزي اني مو زينة بيه...
كعدت من الصبح اقرا سويت ريوك لحيدر اكل شوية وطلع والله انقهر علية شصاير بيه حيل متغير من انخطفت لبوة ولجاي...
شفت الخوف بعيونة عليها ومن دز امي عليهم ماخلة سؤال ماسالها شلونها تاكل تشرب تاخذ أدوية شكلها متغير واني فاكة حلكي علية معقولة تطلع حبيبتة...
هي لو مو حبيبتة يخطفونها بعد شيريد إذا صارت من نصيبة لبوة أحسها عاقلة وهادئة كولش...
الساعة بالتسعة اندگ الباب رحت فتحتها اجو ونسوان اخوالي وبناتهم سلمت عليهن ودخلن...
اتصلت امي بحيدر يجيب غدة وياه واحنه سوينة خفايفيات...
اباوع لروان صعدت فوگ شوية ونزلت ورة الاذان اجة حيدر الابتسامه شاگة حلگة اول مرة اشوفة مبتسم هيج سلم عليهن وصعد فوگ...
اني حاطة بالي وي روان اشوفها تحوس شوية وصعدت فوگ اخذت فرة ورحت صعدت وراها.
دورت بالممر ماكو دورت بالغرف ملكيتها شفت غرفة حيدر شوية مفتوحة...
مديت راسي وأشوف منظر كزبر جلدي احس صخنت
معقولة صدوك الجاي اشوفة...