رواية لبوة علي للكاتبة كفاية كاظم الفصل الرابع والثلاثون
بسمة: ياهو من صحبانك،؟
حيدر: -حسن خوش ولد خلوق وبيتة وحدة
بسمة: اذا هيج انت تعرف اخلاقة بعد بكيفكم
شدكولون اني ماعندي اشكال
لبوة: بس غزل بعدها صغيرة وجاي تدرس.؟
حيدر: - اني ماكايللها هسه من تخلص سادس و الولد يخليها تدخل جامعة ماعندة اعتراض.
لبوة: -يصير خير نمخمخ السالفه ونرجعلك خبر
حيدر: -وانتي شكو تمخمخمين السالفة...
لبوة: -ايي غير اخت العروس وانت صديق العريس فرجائا لا تدخل.
حيدر: -رهمتها علية زيطة وبعد القرار يمجن اريد الجواب من ارجع
لبوة: -ان شاء الله خير
غزل طفرت من زمان وحيدر طلع خلصت البيدي وصعدت حضرتلة جنطة الصراحة اني ماعرف شيحتاجون بس اكيد تراكات وعطور وادوات الحلاقة ماخليت شي ماخليتة حتى كلنس خليت واكيد كليجة قسمتها وخليتها وي غراضة...
نزلت اسوي العشة...
بسمة: -عوفية يمة اني اسوية
لبوة: -واني شبية لعد
بسمة: -جا ابتليتي بعدج عروس.
لبوة: -شهر العسل وخلص بعد شكو عوفي كلبي اني احب اشتغل
بسمة: -مادريت الله ضاملي وردة واني جنت الطم واي وحدة تعجبني اروح اگول لحيدر عليها واذا ماقبل اسوي فلك بس بعد الله ضاملي وحدة من وحدة
لبوة: -حبيبتي خالة انتي الوردة
ازل: ها كلبي محتاجة شي
لبوة: -اي اريد البهارات ماعرف وين مكانهم
ازل: -هاج ذني اكولج هاي غزل سادة عليها الغرفة ماتقبل تفتحهة مدري شبيها
لبوة: -احتمال تستحي عوفيهة اخلص واشوفها.
وانتي شلونها الدراسة وياج،؟
ازل: متعبة بشكل ماخذة حيلي
لبوة: -تخلص وتصير سوالف واي شي مافاهمتة لو ماينحفظ تعاليلي افهمة الج
ازل: -فدوة لعمرج ماتقصيرين اروح اقرا اقتصاد
لبوة: بالتوفيق عمرري
رحت اشوف غزل شبيها دگيت الباب ماسمعت صوت
حمحمت...
-غزولة عادي ادخل
غزل: -ادخلي عمري
دخلت لگيت الغرفه ضلمة فتحت الضوة شفتهة گاعدة على السرير بس وجهة دم مبينة باچية
رحت گعدت يمهة.
-اي غزولة شلونج.؟
غزل: -زينة.
-اذا زينة ليش وجهج هيج احمر اكيد اكو شي احجي دادة شعندج بيناتنة الحجي مستحيل يخطي عتبة هالغرفة فضفضي اسمعلج...
-ماعندي شي شحجي
-احجي اي شي زين شنو رائيج بخصوص الموضوع الكالة حيدر،؟ وليش هيج تأثرتي من سمعتي الخبرر.؟
-راح احجيلج بس مو تفهمين غير شي
-تمام
-شوفي اني ابد مامخلية بالي راح احب وهيج سالفة مخليتها ببالي حبيت بدون ماانتبه على نفسي بس صدگي ابد ماحاجية وياة وحبي الة من طرف واحد...
لاهو بعمري ولاحاطني بالة يمكن شايفني مثل اختة الصغيرة بس بعد حبيتة غصبن عن نفسي...
بالبداية جنت معجبة بشخصيتة وهيج شي ما بالي احبة واتعلق بية وبعدين كمت افكر بية ادخل لحسابة اشوف صورة ومنشوراتة ارتاح واضحك من وحدي...
كمت كل يوم ادخل اشوف ستورياتة وصورة واذا شفتة مدري شيصير بية حتى مشي كوة امشي
لبوة اني طحت ومحد سمة علية.
لبوة: -اسم الله عليج.
غزل: -والله دائما احاول اطلعة من بالي وانساة بس مو بيدي مااكدر عقلي مايخليني افكر بشي ثاني غيرة كليلي شسوي حتى انساة،؟ احبةةة موبيدي
لبوة: -كلتي من طرف واحد واكبر منج ومعتبرج مثل اختة.؟
غزل: -ايي
لبوة: -وكل ماتشوفينة يعني يتردد النة دائما واكيد من اصدقاء حيدر لان بعمرة ولان اختة يعتبرونج اختهم ومامفكرين بيج عزت وجلال واكيد مو حسن لان خطبج ومافرحتي.
غزل: -شبيج جاي تحللين،!
لبوة: -ايي هيج شي اعتقد عزت مو شخصية جلاللل اكيد جلالل
غزل: -لج فضحتينة لا واحد يسمعج
لبوة: شفتي شلون عرفتة بدون ماتكليلي
غزل: -لو كايلتلي كتلج منو بس انتي تريدين تحللين
لبوة: المهم انسي السالفة اذن جلال مامعبرج ولا يفكر بيج ومعتبرج مثل اختة وانتي تحبينة،؟
غزل: -اي
لبوة: -يعني هو يصيحلج خوية
غزل: -لا
-لعد شلون استنتجي معتبرج مثل اختة
-مادري هيج اشوف نضرتة الي
-زين ملمحة الة عن الموضوع وانج تحبينة وهيج شي.
-لا وين من اشوفة انثول ثول
-عفية وهذا تصرفج ممتاز حتى لاياخذ عليج نضرة مو زينة، زين فهميني ليش تبجين.؟
-لج من كال واحد من صحباني طار كلبي عبالي جلال ومن رجع كال حسن احس عيوني مااشوف بيهن حيل انقهرت حسن اليوم شافني وخطبني وهو ولاشايفنة واني متاكدة عندة حبيبة يسميها حمدية ام اللبن...
- ليس كل مايتمناة المرء يدركة تمشي الرياح بما لا تشتهي السفن...
حبيبتي غزل مو كولشي نريدة يصير مثل ما مخططين اله انسي موضوع الحب مااگولج الحب حرام لا بالعكس الحب لبة الحياة من يكون نضيف.
واحسن مثال حب السيدة خديجة للنبي محمد(ص) وهي اعترفتلة وحب امامنة على للسيدة الزهراء (ع) واكدة من كال اني لا اطيق العيش دون فاطمة.
لعد شگد حبة الها عظيم وهيج كال الحب شي مو بيد الانسان...
بس اني احجي لمصلحتج محد يفيدج غير شهادتج لاجلال ولا غيرة...
بما انج تحبينة ومن طرف واحد فهاي مشكلة ومحد يوگع بيها غيرج صدگيني لو جان يحبج جان إلى راي اخر بس انتي تكولين معتبرج مثل اختة وانتي هم اعتبرية مثل اخوج...
ادري كلامي صعب عليج بس قللي من التفكير بية قللي من مشاهدة ستورياتة وتفاصيل حياتة اهتمي بغير موضوع بما انج مقبلة على السادس فاقري راح تحسين ماعندج وقت وتنشغلين بالدراسة وصدگي بمرور الوقت راح يختفي هالحب وينمحي اذا ما بادلج وماشفتي بعيونة شي تجاهج...
دراستج سندج محد سند لحد بهل دنيا غير الدراسة صح الاهل سند بس يمكن يملون من عدنة ومن مشاكلنة...
اذن منو النة غير الشهادة صح هي ورقة بس تصنع منا نساء ناجحات بالمجتمع طبعاً النساء الناجحات مو الا خريجات وعدهن شهادة لا الناجحات يكون عدهن طموح وهدف فيوصلن للنجاح...
كلنة بالاخير راح ناخذ نصيبنة من الدنيا اذا جان زين ولا شين بس مالازم نعتمد على النصيب لازم نعتمد على انفسنة بدراستنة...
الكدامج لااب ولا ام عدها درست وتعبت لدرجة مااكدر اشرح عنها بالكلام يمكن انتي عندج دفاتر واقلام اشكال والورق تقرين بيه الا اني جنت اقرة بالكارتون وجنت القلم ما اقطة اخاف يخلص هذا الحجي حتى بالجامعه سنين مرت وعدت عفت الحب والاعجاب لاهلة وناسة وابتعدت عنة...
واخيرا بفضل الله وجهادي صرت دكتورة والكل يحسبلي حساب والي دور جبير بالمجتمع مرضى ومراجعين وراتب بيدي خلاني اوفر كل احتياجاتي وكل شي بنفسي اشترية...
وبالاخير اجة الشخص المناسب واخذت نصيبي النتيجة من كل هذا الخرط انو لاتضيعن وقت التفكير بالدراسة بسوللف الحب لان من تخلصين راح تلكين كولشي مجهز ومرتب باحلى صورة وبالنهاية راح ترضين عن النتيجة...
بطلي التفكير بجلال ولاتنزلين دمعتج على شخص ما مخليج بالة واذا هو يحبج راح يطلبج بالحلال واذا معتبرج مثل اختة راح يجي شخص افضل منة ويقدس تفاصيلج...
مالازم نمشي ورة عاطفتنة ومشاعرنة ونخليهة هي تقودنة لا لازم ننطي فرصة لعقلنة هو اليستحق القيادة امسحي دموعج واغسلي وجهج واقري الفاتحة لام البنين بنية تبدين قراية وحسن اذا ماتريدينة عادي. مو مشكلة محد يجبرج على شي...
ادري حجيت هواي وراح تطرديني بس كلامي لمصلحتج اكرر...
غزل: -بالعكس اشكرج بكل حواسي على كلامج الحلو وبعون الله راح ابدي اقرة للسادس واركز بية...
لبوة: -عمري ماكو شكر بين الاخوات وبكل خطوة راح اكون وياج نضمي وقتج افضل الج، وقت تريدين تحجين اني موجوده...
غزل: -فدوة لعمرج ماتقصرين
لبوة: -العشة راح يستوي انزلي اكلي...
غزل: بس اغسل وجهي وانزل
لبوة: ماشي.
اتصلت بحيدر گال اتعشو اتاخر رحت صبيت العشة ورجعت انضف المطبخ...
البنات راحن يقرن وخالتي نامت من وقت لان خطية كاعدة من الصبح...
اتصلت بحيدر ماكو ميرد بقيت افتر رحت للحديقة تمرجحت شوية رجعت للمطبخ اسوي جكليتية...
الطحين مخلينة بعلبة وسط وفوك بالكاونتر فتحت الخانة وصعدت اريد انزل العلبة رفعت رجلي وبطرف ايدي لزمت العلبة انشلع كلبي شلع الا لزمتها ردت انزلها وتنكلب فوگ راسي الطيحين دمرني دمار شعري صار عبارة عن طحين الكاع انملت...
درت وجهي لاحد يدخل ويشوف هذا المنضر الرائع كمت انكت بروحي باوعت للگاع ركضت جبت مكناسة ومكرفة صرت آلَمً بالطحين...
-صخام الصخمني امداني دمرت الامة اجة يكحلها عماها شلون حض مجير ومخفت.
سمعت صوت ضحك باستهتار طفرت من مكاني ودمعتي بعيني من الفشلة شفت حيدر واگف بالباب
ويضحك بذمة وضمير.
-هايي انت شبيكك تضحك شفت كدامك مسرحية لو شنو...
استمر بالضحك وبقة يمسح بعيونة.
حيدر -هههههههههههههه نعلة على ابليسج كل يومية مسوية عرض جديد هههههههه شوفي شكلج شصار جنج الساحرة الشريرة هههههه
-بسيطه هاي فوگ ماتجي تنكتني من الطحين تضحك عليه بسيطةةةةة حيدرررر
-ههههههههه شطيح الطحين عليج قزوم،؟
-حضي المصخممم اكووو غيرةةة ولاتكول قزوم ثاثي مرة ومحمد اعوفك كاففيييي تنمرررر
متت حركة رجعت الم بالطحين وعيوني غورگت بالدموع شنو من حض عندي.
حيدر: -شعرج اذا غسلتية خليلة خمرة على الاقل يصير عجينة مختمرة مو فطيرر ههههههههههه
لزمت سچينة ورحت يمة طكيت رگبتي حجيت بفحيح: شبيك تضحك عليه ابو ادحام شكوو خير
-شبيج تخبلتي تريدين تكتليني بسجينتج شني،؟!
-شدكول،؟
-امروتج يحانتي استهدي بالرحمن بنيتي انتي.
-تعال لم هاي المهزلة بدال ما تضحكك علية
-لا والله اني شعلية اني المطيح الطحين وتارس الكاع
-لاععع بس اني سويت كل هذا علمودك ردت اسويلك حلاوة جكليتية
-اذا هيج حقج ادللي اني المة بسيطةة
دمعت عيوني جنت احجي بحركة وهو من شافني مااتشاقة سكت راح يلم بالطحين دنگت اخذت المكرفة منة ودموعي صبن: -جيببب اني آلَمًمًمًمً
-شبيج لبة ترة جنت اشاقة وياج.
حضني وبقة ينكت بشعري گمت من عندة ورحت لمراية الطباخ ضحكت على شكلي كولة طحين جني جنية...
حيدر: -هاا شو كمتي تضحكين
-هههههه صدوك جني شبح لو امك شايفتني جان انجلطت لا سامح الله
-اي بس اني لان ابو دحام صاحب الطناطل والجنيات الموضوع صار عندي عادي
-هههههه خل ناخذ صورة تبقى تذكار كل ماانضوج نضحك عليها
: -والله اختراح سينمة مجانية هههه.
اخذنة صورة ورجعت سويت الحلاوة مستحيل اتنازل بعد كل هاي الفوضة وحيدر غسل المواعين
كملتها وخليت عليها فستق صار شكلها يشهي.
حيدر: -ام بيتي النادرة اروحلج فدوه
لبوة: -تروح فدوه لعدوك لاءءء مو هيج العكسس والله
حيدر: -ههههههههه محمود الكويروحلي فدوة
-تعرف اني فاشلة بالردود الحلوة لان مامتعودة على الكلام الحلو
-ولايهمج ريحانتي
-يلة تعاي اسبحج وناكل
-ما اني اسبح شنو طفلة ماعرف
-يلة بوية اسبحي وحدج واني احضرلي شي.
-براحتك حبيبي
باجر الصبح يلتحق ومابدي اعوفة ابد بقينة سهرانين تاخر الوقت كولش صحت بية...
-ناممممم وراك شغل
-خليني اشبع شوف منج
-اخذ صورتي وياك وباوع بيها
-عندي بس ماتفيد اريد من اصفن اتذكر تفاصيل وجهج...
لبوة: -بقة گاعد للصبح لبس بدلتة وجهز نفسة حضنتة ودموعي بعيوني ماردت ابچي گدامة.
-راح اشتاقلك هواييي
-شگد هواي
-اكبر من الدنيا
-هههه واني احبچ بگد مصايب العراق وحسرات ولدة
النشامة...
-يعني اني اكثر.
-اكيد اني لان مصايب العراق اكبر من الدنيا
لبوة: -تمالكت نفسي وبينت الوضع طبيعي ودعنة اخواتة وامة طلعت وراة خالتي رشت مي هاي عادة كل مايروح ترش وراة من زمان...
صعدت لغرفتي ودموعي نزلن الموضوع مو عادي ابد من ناحية راح اشتاقلة ومن ناحية اخاف عليه الرب يحمية ويحمي الجميع...
رحت اقرا قران وهديتة لشهداء العراق اجو بالي.
حضرنة لرمضان حيدر قبل لايلتحق تسوگ مسواگ شهر كامل ماخلة شي ماجابة...
رحت الهي نفسي بالطبخ سويت حلويات لان باجر رمضان...
اجة رمضان ومرت ايامة الفضيلة علينة هاي السنة فرق جبير عن القبلها ا جنت اطبخ على گدي وماكو اي جو مجرد صايمة ومرات ابقى بدون سحور هواي صارت بية مال ابقى بدون فطور...
بس السنة تختلف اطبخ اكثر من اكلة ونجتمع اني والبنات وخالتي ومن نشتغل نتعاون سوة كل وحده تسوي شي حلوة اجواء رمضان بس ناقصها حبيبي.
مرت الايام بدون مانحس بيها اليوم تسعطعش برمضان وفاة الامام ولابسين اسود تحس اكو غصة بالگلب...
اليوم ابو اليتامة ذهب بجوار ربة الكريم منو الهاي اليتامة من بعدة اليوم تبكي علية الارض والسماء
الحزن غيم بگلوب شيعتة وموالينة...
الحزن عم بكل مكان گعدت من الصبح وخالتي جايبةةالمسواگ قبل يوم طبخت الثواب على نار هادئة للعصر استوى وخالتي وزعتة قبل الفطور على المنطقه...
فطرنة ورحنة نكمل شغلنة خالتي مشغلة محاضرة.
اجيت اباوع وياهة دموعي نزلت لا ارادي احس گلبي غيم دعيت لحيدر طول بروحتة صعدت اتصل بية.
دگيت هواي مجاوب عفتة ورحت اشغل نفسي عن الافكار المسمومة بقراءة القرآن بقيت اتمعن بكلام الله وصلت للسورة الارددها دائماً وهي سورة الضحى كولش احسها قريبة على گلبي تحسها تصبيرة لكل مضلوم وحيد ويتم قللت من سرعتي وان اقرا بكلماتها...
بسم الله الرحمن الرحيم.
وَلضُّحَى (1) وَلَّيلِ إِذَا سَجَى (2) مَا وَدَّعَكَ رَبُّكَ وَمَا قَلَى (3) وَلَلأخِرَةُ خَير لَّكَ مِنَ لأُولَى (4) وَلَسَوفَ يُعطِيكَ رَبُّكَ فَتَرضَى (5) أَلَم يَجِدكَ يَتِيما فََاوَى (6) وَوَجَدَكَ ضَالّا فَهَدَى (7) وَوَجَدَكَ عَائِلا فَأَغنَى (8) فَأَمَّا ليَتِيمَ فَلَا تَقهَر (9) وَأَمَّا لسَّائِلَ فَلَا تَنهَر (10) وَأَمَّا بِنِعمَةِ رَبِّكَ فَحَدِّث (11)...
تصدقت ورن موبايلي ابتسمت ورحت اجاوب خليتة على اذني وفتحت خط بقيت ساكتة طبعاً هاي الفترة رجعت لهدوئي القديم...
حيدر: الوو ريحانتي تسمعيني
لبوة: -نزلن دموعي من گال ريحانتي غيرت نبرة صوتي: هاا يروحي اسمعك شلونج يابة
-الحمدلله وانتي طمنيني شلونج
-زينه
-الاهل شلونهم
-يسلمون عليك
-اي سولفي شبية صوتج
-مابية شي صوتك تعبان
-كلش منا صيام ومنا واجب واصيح على هذا وذاك
-شتاكل شتشرب،؟
-كل ماتصل بيج تسئلين هذا السؤال ترة اكو اكل وطباخين وكل يوم شكل لاتهتمين
-يمتهة تنزل مو طولت
-بعد يحانتي بعد
-شگد بعد مو كافي بس انتة موجود
-شنسوي مو جديدة علية هلشغلة تكبرين وتتعودين
-اوففف شكبر حيدر شكبر ماتدري كل يوم احضر كولشي وانتضر تنزل وكل يوم ماكو...
-لاتضوجين كلشي ولاقزومتي تضوج وين انطي وجهي.
-شكممم مرةة كتلك لاتگووول قزززمةةة حيدررر خليني هادئة وعاقلة انيي مو صغيره وتكليي قززمة شكم مررة محذرتك هاا
-شسوي قابل مجذب عليج انتي قزمة طولج ماصاعد المية والخمسين هههه
-حيدرررر هذا اسمةةة تنمررر ميصيررر تحجي على شي الله خالقةةة انيي قصيررة القامةة مو قزمةة
واني هم يوم اتنمرت على طولك لا فاذن مالك حق
رفعت الجلسة لا للنقاشش.
-هههههه بوياااا طلع لسانج لسان دلالة
-لاتضحك
-احبج من تصيرين عصبية وتناقشين.
-عفية عليك غثني
-انعل والدية اليغث يحانتي
-ترة جاي تسب نفسك
-لاوين اني اغث بالعكس اني اونسج
-هم صح
-شفتي اعترفتي اني خوش ولد واونس
-اي يابة جا قابل مجذبة تغير من جوي
-شحضرتي للعيد،؟
-بعد وقت يا عيد
-ماضل شي بقن عشر
لبوة: -يحجي ويمشي واصوات عالية يمة واحد دگ التحية گال سي وسكت: -جاي تمشي موو
-اي عمري المكان صار هوسة
-ليش من اتصل ماتجاوب والله انشلع گلبي
-لا كلشي ولا كلبج غير عندي شغل ومن خلصت گبل اتصلت بيج.
-اوففف مشتاقة
-المن
-لابو دحام
-حتى اني اشتاق لام دحام العصبية بس اندسهة وصرخت مووو هيججج
-ههههههه هاي ام دحام مبينة عصابچية لاتندگ بيهة
-شسولفلج هاي ام دحام فلك معبة بتنك مرة انخطفت وتگضلج واحد من العصابة مكسرة راسة تكسر مسوية بيه هشاشة...
-اي وبعد سولفلي عنهة
-مرة كضت كرايبنة نتفتها تنتف ومرة لزمت السچينة على رجلهة رادت دچة
-عزاااا لك هاي خطرة كولش.
-جا مرة ضربت زميلهة الدكتور ورادو يفصلوهة بس هو الحروس مارفع شكوة ضدهة
-يابوية يا يابة صدوك تحجي معقولة هاي تمشي على الگاع بعدهة لك حيدر خفت لاتطلعلي
-لج اني بكل حلم تطلعلي انتي شتحجين
-سودة علية وتالي شتسوي من تگعد متحلم بيها
-اگوم بدون مااغسل وجهي
-لو اني منك ارفع بيهة شكوة بلكي يخلونهة بزنزانة وترتاح منها والناس تمارس حياتهة بدون خوف وقلق
-مايحتاج سجن هي قزمة احبسهة بجيبي واخرط عليهة الخراطة.
-هااا بدينة يلا بعدد مااحجي وياكككك
-يمعودة لاتسدين الموبايل انتي شعليج بيها
لبوة: -كمت من مكاني ورحت يم المراية اخط بعيوني وهو يحجي وياي...
-ماتحجين زلاطية
-اتذكر هاي الكلمة كالها الك علاء وكتلة اذا عدتهة اشگك شگ
-هاا
-ايي
-شكاعدة تسوين
-ارسم بعيوني
-شني هنا لوحة وترسمين بيهن
-اي
-واكيد خليتي كحل اخضر
-اي
-وجعيي بلة صوريهن وصوري وجهج فرد نوب اخذي صورة كاملة
-ما ما ما
-وجعا وجعا وجعا
-بسيطه مادزلك روح.
-اذا مادزيتيلي غير بعد مااتصل بيج ولاارد على مكالماتج
-ماتسويها
-وشوارب جلولة وجواريب علاء اسويها.
-خوش صدگتك
-وهسة شني
-عود خوش اكشخ ودزلك بس اكمل
-ماشي انتظرج وهسة دزو علية
-روح عمري باي
سديت الاتصال رتبت شكلي ماخليت مكياج بس الكحل وملابسي حلوة ومرتبة اخذت صورة على المراية وفيديوات العب بشعري واضحك بلگي يرجع.
مرت الايام وحتى الاتصال مايجاوب علية صرت اتگلب علية وين الا يتصل واني نايمة اليوم صار على التحاقة خمسة وعشرين يوم وخالتي عدهة الوضع عادي متعودة...
-خالة شنو السالفه مو هواي تاخر هي مو خمسطعش بخمسطعس
بسمة: -مو سوة يمة كل يومية براي هما ولاتخافين مرات يبقى شهر كامل واكثرر
-شهررر عجيب ادري بس هو موجود ماكو خلصت الزلم.
-يحتاجونهم اكثر شي لاتخافين ترة هذا عمر مو بس اليوم خلي الموضوع طبيعي ترة كلشي ماتحصلين حتى صحتج تفكير وقلق ماصار هيج
-شسوي والله موبيدي اخاف علية واني ماجنت مفكرة هيج شغلة
غزل: -بعد شيريد اخونة لبوتنة هيج تحبة
ازل: -اي والله حقج اني بعد فلا اتزوج واحد بالجيش مابية حيل انتظر وين رحت وشسويت دماررر
-فدوة لحلگج بعد اذا شفت بنية تريد تزوج عسكري لو بصنف الجيش اعيط بيهة عيطة اوصلها لليابان.
غزل -ههههههه لاتبالغن شبيهم واذا يلتحقون وين المشكله بس انتي رجلج ملتحق نسوان العراق ثلثهن رجولتهن بالجيش
لبوة: -كل وحدة وشخصيتهة اكو نسوان ماتهتم تنام وتشرب شي عادي ناسيتة بس من يجي تذكرة وتقوم بواجبة واكو العكس...
لج ادرين من انصب الاكل يجي بالي اكل لا زين شكل من انام هسه هو نايمة لو عنده شغل وميت تعب بكل شغله اسويهة اذكرة اوفففف.
ازل: -يجي گلبي لاتهتمين تعودي على الوضع علما تخلص هاي المهزلة وبعدهة يستقر بالمحافظة...
لبوة: -الله يسمع من حلگج
اتصلت بية ماكو دزيتلة مسج راح اروح لخالتي لبست وبقيت مترددة والله زمن جنت اطلع محافظات بدون ماگول لاحد وهسه لخالتي مااطلع.
رحت انضف غرفتي رغم نضيفة بس شسوي وين اروح وخلال هاي الفترة من الملل نضفت البيت للعيد لان مابقة شي هالايام احس نفسي مختنگة قرب العيد وقربت ذكرياتي الحلوة وياه...
كل شوية اختنگ من وحدي وينگطع نفسي حالتي ابد مو تمام احلام مو زينة تعب خمول اسد غرفتي واشبع بچي واليسألني اكلهم اشتاقيت لحيدر...
طلعت ماشت امي ودموعي نزلن بكل يوم يزيد احتياجي الهم رغم تزوجت وصرت عد عيال بس احتاج اهلي احجي وياهم رجعتها لمكانهة واخذت
ملابس دخلت اسبح...
كم تستغرق وقتا للنسيان،؟
اتريد الجواب.؟
نعم.
عندما تعمر جميع البلدان.
وهل تعمر جميع البنيان.!
بالطبع لا
اذن.؟
اتقني التخطي.
التخطي شي ضروري للانسان لازم اتخطى كل شي ولازال الشي الوحيد اليريحني ويزيل جزء من همي المي طلعت لافة المنشفة على جسمي وحدة لافة بيها شعري رحت للمراية عيوني دم اوفف رحت اطلع ملابس نثرت الكنتور نثر كولشي مايعجبني او الاصح اخبث وي نفسي...
-هذا يطلعني ضعيفة حيللل مااريدةةة وهذا جنة فستان فيفي عبده مال رقاصاتتت منحرفففف
شوف شنو هذاااا جنة مال عجايززز ذوق خايسس اريددد ملابسس جديدةةة مااريدددد ذني...
حيدر: -ادللي حضري روحج والعصر ورة الفطور اخذج بس لاتضوجين
لبوة: -انصدمت من الصوت درت وجهي وافرك بعيوني كلهن دمو شفت حيدر مرتچي على الباب بملابسة رحت اركض واشمر روحي بحضنة احس شي ناقصني بغيابة عيوني ورمن واني ابچي...
حيدر: -لاتبچين يروحي كافي
-اشتاقيتلك هواييي
-مو بگدي يحانة مو بگدي
-شصاير بيك ليش هيج متغيرر
-اني ماگاعد وتغيرت الا انتي شبيج شصاير وياج لبوة ليش هيج ضعفانةة
-ماضعفانة نضرك خربان.
-مو هو شربتت ويخرب
-ههه لابس لان تعبان روح اسبح احسك كولش تعبان
-اي والله راح اموتت تعب
-سودة بوجهم ان شاء الله
-عليمن ولج تدعين
-على اعدائك شبيك
-عبالي
لبوة: -طلعتلة ملابس وراح يسبح ولايگول حيدر شكل ثاني متغير مية وثمانين درجة ضعفان بشكل وهالات سود جوة عيونة شخص ينطي شبة لحيدر.
طلع من الحمام خليتة يرتاح لان گوة واكف على طولة عفتة وردت انزل.
حيدر: -وين لبلابة
-ارتاح راح انزل جوة.
-ارتاح بوجودج يحانتي تعاي لحضني خليني ارتوي
-ترة صايمينننن
-منحرفة هسة اني گايل بس انتي تفكيرج وصخ
لبوة: -مرت الايام بوجود حيدر كولش حلوه ويشاقي ويضحك بس لاحضت عندة الام براسة ويحجي وهو نايم ومن اسئلة يكول تعبان...
عفتة يشتغل بالحاسبة ونزلت اسوي كليجة بقة للعيد يوم واحد والبنات خطيه ملتهيات بالدراسة غزل دخلت دورات للسادس وازل ورة العيد امتحاناتها...
رحت اسوي وحدي كملت العجينة وسويت الحشو وبقيت اسوي وحدي اسوي دوائر بقة الطبع وهواي شغلات الساعة عبرت الثنعش بس اني كاعدة...
حيدر: هاا بوية شگاعدة تسوين
-مثل متشوف جاي اسوي بحلاوة العيد الكليجة
-منو يكول حلاوة العيد الكليجة
-امم لعد
-انتي حلاوة العيد
-هههه وانتة شكر الجاي تعرف الكليجة ماترهم اذا مو جاي
-تبقين فاشلة بالردود الحلوة لاتحاولين
-يااا فوگ مااغازلك جا شبية الشكر مو حلو
-لا عمي يخبل بس اسكتي
-سكتت.
-شني بكيفج تسكتين اريد اسمع صوتج الحلو
-ادلل احمم اعزائي وعزيزاتي نقدم لكم عرض من داخل منزل سيادة الضابط حيدرا الملقب ابو دحام سيادة النقيب ماهي اخر التطورات وايضا عرفنة على روتينك في هذه الايام،؟
-نعم عزيزتي لاشي جديد الله وكيلج مخلصها بوس
ماكو شي جديد
-هااا ها سيادتك برنامجنة تابعة عوائل لاتصير منحرف.
-عقلج بية شي عزيزتي ماكو شي بكلامي يدعو للانحراف والدليل گاعد بالمطبخ واسوي كليجة العيد لمحبيني والخطار اليزورني
-اللهم بارك وزيد العراق مثل هكذا نماذج التواضع واضح سيادتك من جلستك زين سيادتك ممكن تحجي عن مقادير الكليجة،؟
-المقادير سهلة ومتوفرة بكل بيت عراقي والي هي
طحين من امريكا وشكر من الباكستان وهيل من افريقيا والحلقوم من خدود يحانتي
-احمممم.
-وو و الهذا مدري شسمة نعم الشي الاخير المتبقي هو التمر التمر عراقي بحت من البصرة الفيحاء.
-شكرا لحضرتك واعتذر لانني اخذت من وقتك الثمين
-بدال ماتعتذرين تعاي بوسيني بوسة ام الطگتين
-الى اللقاء نلتقي في مكان اخر ومع شخصية اخرى تصبحون على الف خير مع السلامه...
هاا شلوني مو خوش اقدم،؟
-والله ترهمين مذيعة خوش اداء والناس تلتم عليج مثل الذبان هذا اليلزم قميصج وهذا اليعدل السماعة.
وهذا اليكلج ممكن اطلع اسلم على اهلي.
-يعع كافي بطلت بطلت بس اسكت
بقينة اني وياة نسوي كليجة يباوعلي يشوفني شلون اسوي ويرجع يسوي ومن اريد اطبع ينفتحن بيدي.
--ها شنوو خربتهنننن كلهنن انفتحنن
-ذني انتي سويتيهن اني شفتج شوفي حتى بيهن تمر واني اسوي بس حلقوم
-لأ والله
-وداعت عبدالله
-بعد لاتسوي دوائر تعال اطبع
-اي ليش لا نطبع نطبع.
لبوة: -سوينة الكليجة كلها اني وياة بين ضحكة وبين صياح وعياط وبين سوالفة المنحرفة زين والكليحة مااحتركت ههه...
اليوم اول ايام العيد گعدت من الصبح سبحت ولبست قفطان من الاشتريتهن بجهازي سحبت شعري وخليت مكياج خفيف...
عفتة نايم ونزلت جوة استحي اعايد خالتي والبنات ابد ممتعودة جنت اخلص ايام العيد بالمستشفى الله دبرها وعايدتهم رحت اسوي ريوگ كملتة وصعدت لكيتة يشتغل بالمكتب مالتة ويدندن بصوت مسموع...
حيدر: -صغيرة جنت وانتة صغيرون
وحبنة بدة بنضرات العيون
كالو ترة ذولة يحبون
من الصغر لما يكبرون
مثل نجمة والگمر كبر حبنة وازدهر لعيونك حبيبي تبدي دروب السفر
لبوة: -بقيت بمكاني واسمعلة وهو منطلق وصل لمقطع حافضتة كملت وياة...
عالجرف اگعدنة ليالي
ذاك النهر والنخل عالي
تغيرنة واكبرنة يغالي
ضل النهر والنخل عالي
-ابوس اليغني
-تعال اتريگ
-امم هو هيج يلة تعاي.
جان هذا اخر يوم حلو النة والايام المرت علينة كلها مشاكل يشك بكولشي حتى لو لگاني اضحك وحدي يضل يحقق شبيج تضحكين ويخبصني خبص...
عصبي بشكل بس احاجية كلمة وحدة ينتر بية واذا يريد شي ياخذه بدون مايگلي تحاجينة ورحت للمطبخ اسوي غدة اجة حضني من ورة وخلة راسة برگبتي ويدري بية كولش زين ماحب هاي الحركة...
-مو هنا لايدخل واحد عيب من البنات
-مرتي بايكج اصعدي للغرفة
-شنو السالفة كافيي ماتشبع
-تؤؤ
-استغفر الله.
-احسج ماتريديني
-منين تجيب هالحجي بس انت مامنتبه لنفسك وتصرفاتك حيدر ترة بسرعه اضوج كلامك ينفزني
-اسف
-هو انت اجفص بطني وارجع اعتذر
-تعبان لبوة تعبان ماتفهميني
-شسوي ياعيني ماتنطي لنفسك مجال حتى بالبيت تشتغل
-شغلي متعب وانت ماتنطيني على مايي
-شلون ماانطيك على مايك حيدر ملاحظ نفسك صاير عصبي زيادة وعلى شغلات تافهة
-من زمان عصبي مو اليوم
-ماجنت هيج انسى الشغل من تدخل البيت لاتخلط بينهن.
-يمكن مليتي مني وكمتي تشوفيني عصبي وتطلعين سوالف
-شنوو هالحجي اكو وحده تمل من زوجهة وابو بيتها حيدر واعي على نفسك شتحجي.!
-تعبان لبه تعبان اصعدي فوگ
-وهذا الشي يريحك مو كولشي لازم ناخذة بهلطريقة عوف هذا الشي غلط كل شوية وگلت تعبان للغرفة ميصير اگعد سولفلي شبيك شنو المضوجك شكاعد تحس ونلگة طريقة ومتاكدة راح ترتاح...
-مايفيد لبوة اصعديي.
لبوة: -وگفت الدمعه بطرف عيني ابد ماياخذ رائي بشي يلح بالموضوع ويريد بكل وقت وحتى ماياخذ موافقتي بكيفة كولش جاي يصير بخاطري علية...
حيدر: -شكالت ازل بخصوص الموضوع الگلت عليه.؟
-غزل الخطبوهة مو ازل،!
-هاا اي مو اسمائهن تتشابة
-اسمائهن تتشابة لو انتة ناسي
-ماانسة شي يحانتي
-متريد تريد تدرس وبس
-ها خوش يلة بدلي خاطر نروح لاخوالي الحجية مريضة...
لبوة: -رحت بدلت وجهزت نفسي نزلت لگيت الكل متحضر لو تضل علية مستحيل اروح بس بعد عيب من خالتي يبقون اهلها...
حيدر: -وشدعوة مخلية هيج مكياج
لبوة: -مكياج يامكياج التحجي علية
حيدر: لبوة من الاخير اغسلي وجهج وتعاي
لبوة: -بس اني مامخلية مكياج
حيدر: -جا هذااا شتسمينةةةة
بسمة: -يمة على كيفك البت وجهة طبيعي هي حلوة وبشرتها بيضة بعد يامكياج
حيدر: -يمة انتي ماتعرفين وماتشوفين وجهة يلمع لمع روحي اغسلي.
لبوة: -احس بداخلي براكين مشتعلة مامخلية مكياج بس هو يخبث ويريد يمشي كلمتة بالغصب.
-حبيبي ماتريدني اروح مو مشكلة لاتخترق عذر
انتو روحو واني اروح لخالتي مصار شي
حيدر: -لا اشو تغسلين وجهج وتروحين ويانة
لبوة: -شنوو غصب
-شتريدين تعتبرينها اعتبريها
-يعني غصب عني اشو ما اروح
-مو هي بكيفج
-لا بكيفج
-لبوةةة تجريننن عدللل لااطيححح حضججج
-شنو تطيح حضي شمسوية لان گلت مااروح حيدرر بدل اسلوبك ياعيني.
-اسلوبي هذا عاجبججج عاجبجج ماعاجبج ارگع راسج بالحايط وانعل والديج
لبوة: احس دخان گام يطلع من عيوني من سب اهلي هما شجابهم بالنص واني شمسوية فرت فور
-ليشششش تسبب اهليي شعليهمممم ميتيننن صارلهمم سنيننن تطلعهم من كبرهممم ليششش شمسويننن
-لان ماتو وماربوج تحترمين رجلج وتصيحين بوجهة وتردين لسانج لسان گحا.
لبوة: -بلعت ريگي بالم واحس عيوني صارن شرار كولشي تخيليت وتوقعت بس مال حيدر يغلط على اهلي ويشك بتربيتي مامفكرة بيهة بابشع احلامي...
صرت ارجف من العصبية وهو يحجيها بكل برود رديت عليه برود قاتل.
-اني مامترباية موو خلص بعد ماتشوف وجهي ولاتتعامل وي تربيتي...
عفتة وطلعت بالشارع صايرة بركان لزمني من خصري صحت بصوتت عالي نابع من گلبي...
-عوفنيييييييي مستحيللللل ابقىىىى وياكككك لحضةةةةة.
بسمة-: شجاكممم يمةة استهدو بالرحمن عين وماصلت على النبي ولك حويدر عوف البت شبيك تسودنت
-لحدددد يدخلللل انيي ومرتييييي ماتسمع الكلاممم
طايحةةة الحظظظ
لبوة: -اخذني واني اضرب بية وافح نار شمرني بالغرفة وسد الباب علية بقيت، اكسر، بالباب...
-افتححححح الباببببب.