رواية لبوة علي للكاتبة كفاية كاظم الفصل الرابع عشر
لبوة...
من بعد خطوبة زينة بديت اجهز لموضوع السفر ما باقيلي شي غير زواجها لازم يكون خلال هالشهر
من بعدها اسافر، زينة لحد الان ما تعرف شي عن الموضوع غير دكتور محمد إلى وافقني الرأي...
-مقتنعة بقرارج
-اكيد
-اخ لبوة اتخيلي راح تعيشين ببلد مختلف بناس غير ناسج مستعدة
-هو ما اريد اعيش وي ناس اعرفها ولا اريد الدرابين المشيت بيها ينعاد الزمن وراجع امشي بيهن من جديد
-الضاهر كارهة المكان.
-حيل الناس العاشرتها كرهتني بكلشي
-قرار موفق
-شكرا الك ما املك غير هالكلمة
-انتي بنتي مايحتاج تحجين شي ولا محتاج تشكريني وبالنسبة لشغلج شلون
-ماعرف اگدر الگة شغل هناك اي شي
-ابن اخوي دكتور بمستشفى اهلي وعندة عيادة يحصلج شغل والمدينة بيها هواي عيادات يشتغلون بيها دكاترة عراقيين.
-يعني احصل وضيفة او شغل
-ندبرلج سهلة اخوي عايش بالخارج من زمان وعندة علاقات وي الكل هناك سهلة لاتهمين.
-عادي مو لازم اشتغل باختصاصي اي شغل المهم ما اگعد واعتمد على نفسي
-بيها الخير سهلة
خلصت من هاي الخطوة الصعبة بفضل الله والناس الطيبة دخلت على حساب زينة طلعت صفحة علاء راسلته گتلة ضروري احچي وياك بموضوع وصيتة ما يحچي لزينة حددت المكان رحت ع وقت...
علاء -صباح الخير
-صباح النور
اردفت بهدوء: -تريد تعرف شنو الموضوع الرايدتك بية
-اكيد واي مساعده اني بالخدمة لا تترددين بشي.
-تسلم ما تقصر، الموضوع متعلق بزواجكم انت وزينة
-زواجنا!
-اي زواجكم الاريدة من عندك تقرب موعد العرس بگد ما تگدر
-ليش؟
-موعد سفري بهذا الشهر فالاريدة من عدك تتزوجون قبل ما اسافر
-ليش انتي راح تسافرين!؟
-اي
-زين ليش ما تخلينها ورى العرس وروحي ويأنه
-فهمت غلط اني ما رايحة سياحة راح استقر بالخارج
-شني شگاعد تحجين انتي؟!
-مثل ما گتلك راح اطلع من العراق ومستحيل افكر ارجع اله ثاني مرة.
-زين ليش أحد غاثج عندج مشكلة وي شخص گولي نگدر نساعدج حتى لو جان الموضوع چبير وخطر
-مشكلتي مالها حل غير الرحيل والابتعاد، فالاطلبه من عندك تقرب موعد العرس واي شي تحتاج اني موجوده
-زينة تدري بيج راح تسافرين؟
-لا ما تعرف ولا راح تعرف إلا بعد زواجكم وانت راح تخبرها بعد ما اسافر طبعاً
-انتي تدرين زينه شگد تحبج و متعلقة بيج وبس تسولف عنج اكيد ماراح تتقبل الموضوع به السهولة.
-اعرف ولهذا السبب قررت اسافر بمثل هيج وقت. زينة ما يكمل يومها بدوني بس هسه راح يختلف كل شي، يومها ما يكتمل بدونك مو بدوني إذا اني رحت انت موجود ما راح تحس بغيابي
-بس علاقتج بيها غير عن علاقتي اني وياها.
- اعرف راح تصيرلها سند وصديق واخ واخت وام واب مو فقط زوج راح تشاركها أدق تفاصيلها راح تسمع الها بتركيز، راح تفرحها وتشاركها فرحها تنسيها وجودي اعرف ما راح تنساني بس الاريده من عندك تاخذ مكاني ما تخليها تحس بفراغ من دوني
-راح تتأذة
-اذا طبقت كلامي ما راح تتأذة اريدك تحافظ عليها وتحن عليها مثل حنان الأهل واكثر، تعرف شي زينة ماتعرف شنو حنان الأهل شنو خوفهم عليها...
مرات تبقة خفر محد من أهلها يتصل يطمئن عليها أهل بس بالاسم كلمن حاير بروحة للأسف...
- ولهذا السبب تعلقت بيج لان عوضتيتها النقص ودائما تسالين عليها
- يمكن زينة مو بس صديقتي هي اختي مرات أحسها مثل بنتي صح ما بينه فرق بالعمر لكن أحسها طفلة تحتاج لشخص يحتويها يهتم بيها وانت راح تكون هذا الشخص...
أنته انسان محظوظ جدا لان لگيت شريكة مثل زينة راح تشوف بعينك النعمة الرب العالمين.
انطاك إياها وأتذكر النعمه رادلها شكر...
اردفت بهدوء ممزوج بحزن شديد: -
تعرف شي من عرضت عليها فكرة الزواج اول شخص شاركته بالموضوع أو بالأصح كانت منتظرة مني إجابة اي او لا لو حاچية عليك ملاحظه مو حلوة كانت رفضت بدون تردد...
لكن اول ما شفت نظرتك تجاهة اطمنت عليها، ما راح أوصيك عليها لأن هذي صارت مسؤوليتك و اسفة لأن اخذت من وقتك...
اتمنالك السعادة الدائمة والحياة الهادئه والله يوفقكم.
: -واني اتمنالج التوفيق والراحة وان شاءالله تلگين الحياة التناسبج
-شكرا جزيلا
رحت للدوام خلصت وردت اطلع من المستشفى صادفت حيدرا لكن هالمرة استوقفني صوتة من حجة
-اريد احجي وياج بموضوع
رديت باستغراب واني اباوعلة
-بخصوص شنو تحجي وياي؟
-امشي و تعرفين
مشة گدامي استغفرت ورحت وراة كتفت ايديه وأردفت متسائلة
-شتريد؟
-ممكن تبدلين اسلوبج حتى اگدر احجي وياج
-هذا اسلوبي بالاصل، شتريد احجي وياك بالهندي مثلا.
-ليش دائما عصبية الموضوع ينرادلة هدوء
زفرت نفس وركزت بعيونه أردفت
-احجي
بقة صافن بعيوني حاولت أفسر نظراتة ما كانت نظرات اعجاب ولا حب رغم ذلك ما كانت نظرات عادية لكن ما گدرت افسرهن من بعد دقايق كسر الهدوء وحجة بنبرة هادئة مريحة للاذن.
: -اريد من عندج تسمعين الكلام الراح احچية وثقي كل الراح احجية نابع من گلبي ما بية اي جذب
-وليش حتى تچذب!
فرگ وجهة حجة مكمل كلامه بنفس النبرة ويمكن اقل.
- ماادري شلون ابدي بموضوع بهذا الاهمية وحتى لو احجي بية يمكن كلامي تحسينة بية مبالغة...
بس صدكي واعتقدي كلشي صافي ومابية دغش
من نيتي من كلامي اكو هواي شغلات ماكدر اشرحهن الج هسة...
غمضت عيوني بقلة حيلة ردت احجي قاطع كلامي
-جنت اعتقد مشاعري تجاهج حب لكن تأكدت اني ما احبج وانما وصلت مرحلة فاقت مرحلة الحب
عيوني طلعن من محجرهن حجيت بعصبية مكتومة
-شوكت حبيتني!
وشوكت عبرت مرحلة الحب!
الظاهر تأثرت بصديقك علاء احب اگولك شي اني مو زينة ولا اشبها ابدا ولا اشبة اي شخص فحتفظ بكلامك لنفسك
أردف بهدوء تام وعيونة تدور بملامحي
-اذا چانت المعرفة بشهر او سنة أو أكثر ما تاثر على مشاعر الإنسان، الحب مو بالوقت إذا چانت فترة قصيرة لو چانت سنين الحب نظرة وحدة تكفي لبدايتة.
ابتعدت مسافة وحجيت متفهمة الوضع حقة كل يومية جاي بس ما عبالي علية بس اكو شي ببالة غير هذا مو من الطبيعي يحجي هذا الكلام بسهولة.
-شوف أنت مو اول شخص حبني لو اعترفلي بمشاعره لكن المشكلة مو بالكلام إلى تگولة المشكلة بيه اني، بعمري ما عرفت شنو حب...
ما اعرف شلون الناس تحب وتكون علاقات وأسر يمكن لان عشت وحدي لكن هذا الشي ما راجعلي ابدا...
-لا تفهمين كلامي غلط.
اردفت بخاطر مكسور وصوت بيه غصة من اباوع بملامحة.
-ابد ما فهمتك غلط ولا فهمت غيرك غلط، جنت ما اختلط بأحد حتى لايجي يوم ويحبني شخص وما اگدر ابادلة الحب ويتاذه بسببي هذا شي ابد مو بيدي رغم اني ما اعرفك بس خل اسولفلك...
غمضت عيوني بقهر أردفت مكملة كلامي واني استرجع ايام مرة مرت علية.
بداية تعييني بهذا المستشفى جان اكو دكتور مرح.
، لطيف، محبوب، اسلوبة راقي جداً ابد ما حاول يزعجني رغم عدم احتكاكي بية أو باي شخص كلامي كان وياهم على گد شغلي صباح الخير ومساء الخير...
ابد ما حجيت وياه كلام شخصي باي موضوع
جريت حسرة وكملت كلامي: -
حبني ما اعرف شلون، عبرلي عن مشاعره بطريقة محترمة جدا كان واضح عليه شكد يحبني والكل يعرف هو يحبني لكن شنو كانت ردة فعلي من اعترفلي...
ما كانت عندي اي رده فعل احجيها الك من الاخير اني إنسانة بدون مشاعر والله جد ماعندي مشاعر
تدري شگد تاذيت واحتقرت نفسي من ردة فعلي حيل اتاذة بسببي حاول وياي بكل الطرق ودز ناس اشكال والوان لكن ما جانت عندي مشاعر تجاهة حاولت احبه بس ما گدرت اكتشفت اني مختلفة جدا
-واني اعشق هالاختلاف
ضحكت باستهزاء هزيت ايدي و أردفت.
-عبالك الشي الحجيته الك شي عادي، لكن للأسف ابد ما جان عادي، انقهرت عليه لأن حيل تغير ما رجع مثل ذاك الإنسان المرح بان الحزن على ملامحة...
تعرف شنو معنى تشوف شخص يدمر بسبب حبة الك ماتعرف ولا راح تعرف محد مجرب شعوري الكل كان مفكر اني انسانه مغرورة ومتكبرة حتى ارفضة...
أمه حجت وياي واخته محد يعرف الاذية التاذيتها بسبب كلامهم انتي وحده انانيه حقيرة استغلالية الخ اشكال الحجي سمعتة...
جنت مفكرة ما عندي مشاعر تجاهة لكن طلعت غلطانه اني ما عندي مشاعر تجاه أي شخص.
جريت حسرة ومسحت وجهي عصرت عيوني إلى انملت دموع أردفت مكملة كلامي: -
تمنيت اكون اني الشخص المرفوض مو الرافض، اخر شي تعب من المحاولات و سافر خارج العراق وأهله شگد سببولي أذية والمشكلة على شي مو بيدي
-تتزوجيني؟
جفلت بمكاني واشتعلت نارر اردفت بعصبيه واني افرفح گبالة.
-ليش اني شجنت احجي، ما اگدر اتعايش وي شخص غير نفسي دائما افضل ابقة وحدي
بشر متعود على الوحدة انت ما تفتهم ولا تعرف شي عن حياتي...
غمضت عيوني وأردفت بهدوء: -
هواي اشياء ما اگدر اشرحها الك اتمنى تفهمني وتقدر وضعي بحياتي ما ردت اجرح شخص بهالطريقة لكن هذا الموضوع ما اگدر اتناقش بيه
- نتزوج على الورق فقط
-وانته شتستفاد؟
-وجودج يكفيني
-انته مخبل ما مقدر الكلام الحچيتة ولا تعرف مخاطرة شنووو.
- اي اني مخبل بيج ومثل ما گتلج على ورق و ابد ما اتقربلج
-لا تطلعني عن طوري قبل شويه شفت إنسانة لكن إذا استمريت بكلامك راح تشوف الشيطان الرجيم
گدامك، انصحك تعوف هذا الكلام وراح اسوي نفسي ما سمعت
-اتقبل كل حالاتج، النار الثلج، الليل والنهار، النور والظلام، السعادة والكآبة
-مستحييييييل عوف هذا الكلام أنته الراح تتاذه أكثر مني راح تجيب لنفسك الاذية.
-ليش اني هسه ما متاذي؟ گتلج اقبل كلشي منج وجودج يكفيني كلمة منج تكفيني
-ليشششش الا اني ليشششش؟!
-لانج انتي
-لا لاني ما احببب، لاني ما افكررر اكون عائلة، لاني مبتعدددة عن الكلل...
، شوف لا تعب نفسك بوحدة مثلي، سامع من يگولون هذا الف وحده تتمناه جنت شگد استهزء بهاي المقولة واحسها مبالغة...
بس تدري أنته فعلا الف وحده تتمناك لكن اني مو من ضمن الألف...
-واني ما اريد الألف اريدج انتي
حجيت بهدوء كاتمة عصبيتي.
-دائما يعتقد الانسان أن السعادة تكون بالشي الما يگدر يحصل عليه ويضييع الاشياء الجميله واللحضات السعيدة بالتفكير بشي ما راح يكون بيوم من الايام اله...
باوع للگدامك راح تشوف هواي يتمنونك وانتم ما شاء الله سوگكم ماشي وصاير عليه ازدحام.
- بس اني اتمنى شخص واحد وهو انتي
-لا تعب نفسك بالتفكير بية ما راح اصير الك حتى بالأحلام ما اصيررر
-التعب لجل عيونج عبادة.
-لا تتمادة بالكلام من گاعده احجي وياك مراعية مشاعرك كإنسان
-فكري بكلامي زين گتلج على ورق نصير اصدقاء نشارك تفاصيل يومنه تتعودين عليه...
حجيت مقاطعة كلامة وعيوني نارر صارن
-مو اني بهل سجاذه حتى اصدگ شخص يتزوجله وحده بس يباوع على شكلها مو اني مزهرية يااللهي لا اصدق ما تسمعه اذناي...
لا تخليني احجي بتعمق لهنا واكتفي گتلك بأدب واحترام وشرحتلك حالتي وهذا الشي المفروض ما احجية الك يمكن تبث هالشي عني ويمكن مسجل الكلام واهواي احتمالات، لكن عفتهن على صفحة
وحجيتلك حتى لا اجرح مشاعرك
-بهذا كلامج جرحتي روحي مو بس مشاعري...
تدرين مو بيدي، ليش اني ما عرف بهالشي اعرف تفاصيل تفاصيلج لكن ما وصلت لغير هالنتيجة واني راح اكون وياج متفهم حالتج حتى لو ما تتقبليني مو مشكله اهم شي بنفس البيت واشوفج كل يوم
-دخيلك يا على هذا يريد احجي بالخط العريض
راح ارتكب بيه جريمة، لا تحجي هالكلام گدام شخص ترة تصير مهزله والقران...
بربكم انتم مو تموتون على النسوانواكثريتكم مزوج ثنين والبعض يصادق والبعض الآخر يدور زواج متعة وانته جايني نزوح على ورق...
تضحك على عقلي شفتني طفلة مراهقة شنو الجابرك عليه حياتك مهددة الا بوجودي...
اكو اشكالالبنات من ادب اخلاق جمال وانته مابيك شي ينرفض طعلني من بالك واصلا اني شوكت دخلت ابالك ما صارلنه نعرف بعض شهرين تلاثة اربعة من الاخير شووووفف غيرررييي.
-ما اگدر اتقبل إنسانة غيرج روحي بيج طاريج ما يروح من بالي
-ليش تريد تخبلننني تحسسني جنت بعلاقه وياك من سنين ومتعود عليه واعدتك ازوجك ونكون عائلة، بابه أنته بيك شي متأكدة مو صاحي
-ليش طاريج يخلي واحد صاحي
-لا اله الا الله ربي رررررحمتك
- وحگ لبوة حيدر مسوية إعصار بگلبي وروحي
- شوف وحگ اسد الزهرة ما افيدنك وخلي گلبك بعيد عن ناري لأن راح يحترگ ويصير رماد
-تفيديني وگليبي بيدج احرگية كسريه سوي إلى يعجبج بية.
-ما أفيددددك راح اسببلك اذيه اااانت ماااا تفتهممم شي
-الاذية التجي منج نعمة ينرادلها شكر
حجيت بهدوء ونار بداخلي وعيوني غورگت بالدموع
-شوف لو اني مو بحالتي ووضعي هذا لو كنت غير إنسانة يمكن اني ابادرك ما انتظرك، لا يغرك شكلي يمكن عيوني حلوة يمكن عندي نسبة من الجمال لكن شنو فايدتة...
: -منو گال شكلج يهمني اني حبيت روحج
: -ليش أنته شتعرف عن ررررروحي!؟
: -اتعرف شعندي قابل.
-لاتتعرف ولا اتعرررف البية مكفيني ررروح مني مااا افيدددك ااااني انساااانة مررريضة اااافتهمتتتت
-تتعالجين
-ماااا اتعااالج مااا اتعاااالج ررروح شوووف غيري
صرت ارجف من العصبية صرت نار ماحجة شي من شاف حالتي جريت حسره ومسحت وجهي بقوة وحجيت: -
ميخالف مسالت شهر وينحل كلشي راح تلگه افضل حل خلال هالشهر.
أسفه لأن حجيت وياك بهالطريقة بس مو قصدي الإساءة ابد بس أنته عصبتني وخليتني احجي...
اتمنى الك التوفيق وأن شاء الله تلگة الإنسانة التناسبك وتكون عائلة سعيدة.
حجيتها ومشيت احس الدم يفور براسي حسسني بينه علاقة قديمة كأن يعرفني من زمان، ورغم ذلك انقهرت ما اعرف على شنو...
كان كلامة مابيه دغش كان صادق بكل كلمة گالها رغم ذلك حسيت بكلامة نوع من الغموض.
بهاي اللحظة تمنيت حالي حال الناس احب مو بس انحب لكن ما اگدر ملامسة اي شخص شلون اتزوج هذا الموضوع بالذات ما مفكرة بية ولا راح يجي يوم افكر بية...
رجعت للبيت توجهت للايلام لكن سرعان ما تراجعت گلبي يقودني باتجاها وعقلي يذكرني بقراري ولازم ابتعد عنه بدأ الصراع بينهم وكأن رجلية أنهت الشجار بينهم اخذتني لمكان مجهول، امشي ما اعرف وين بالضبط ضايعة ماعرف شريد وشحجي ليش كل هذا الاختلاف مشيت مسافة بدون وعي...
حسيت بشعور مار عليه من قبل اي اعرف هذا الشعور واعرف هذا المكان رفعت راسي شفته نفسه مكان تعذيبي النفسي أو ما يسمونة تأديبي غرفة معزولة ماكو يمهة بيوت أردفت
: - هاي الخطوة ما قبل الأخير لازم اخطيها واخلص
دائما جنت اخاف وتلعب نفسي من هذا المكان ابقى
اعيط بعلو صوتي، نفسي ينگطع روحي تحترگ من يجيبوني لهذا المكان...
أكثر مكان اكرها واخاف منه، بس لازم أواجه خوفي، مشيت بخطوات بطيئة باتجاه الغرفه.
عفست وجهي لعبانة روحي...
كانت عبارة عن غرفة محترگ شي بداخلها اثار الدخان على جدرانها المتأكلة فتحت الباب بايد ترجف ماكو نسمة هوة حتى شباك ما بيها بلحظة رجعت للماضي...
صوت نفسي عالي وكأني انسان يصارع حتى يشتم
الهوى ارتفعت درجة حرارتي روحي لهبت نار مرت لقطات من شريط الذاكرة...
مرت من گدامي طفله صغيره مشدودة من شعرها تصرخ بصوت عالي حتى يعوفونها لزمت شعري بالم صوت انينها من الجوع صوت نفسها العالي صورتها وهي خايفة من صوت الكلاب التنبح خارج
ظلام المكان الما ينعرف منه الليل من النهار صوت مناجاتها بكلمة وحده ياعلي
حسيت روحها تنسحب ع بطيء كنت متفرج على.
هالقطات رحت گعدت بمكانها، دموعي بدت تتناثر على وجنتي نفسي انگطع فليت الشال ادور على الهوى ما اكو اريد اطلع ما اگدر رجليه ما تتحرك صحت بصوت عالي
: -يا على الغوث الغوث
دائما استنجد بالامام على بكل محنة بكل شدة من جنت طفلة ولهذا اليوم استعين بية من شر البرية اختنگت روحي راحت وحلقت بلحظة فتحت عيوني لگيت روحي خارج الغرفة درت وجهي اباوع باتجاهة شلون دخلت الها؟!
شلون اجيت برجلي لهذا المكان؟!
الجنت اشوف الموت من اوصل لهنا، أدركت بهاي اللحظة اجتازيت خوفي منها وگدرت اواجهة...
انتهت هاي الخطوة بقت خطوة أخيرة واصعب خطوة، خطوة تكسر الظهر تغيير كولشي بحياتي يمكن اعيش بدون روح لاخر يوم إلى من اخطي هاي الخطوة الرب وحدة يرحم بحالي وتخلصني من وهواسي وتمحي اثار التعب المتجمعة بروحي من سنين.
مسحت وجهي وعدلت شالي رجعت للبيت اسحل بروحي بوجهي للحمام اغسل القذارة بس مستحيل ينغسل وينمحي احساسي القديم.
روحي توجعني اريد شي يعالجها غمضت عيوني بتعب ما اكو غير صوت باسم حل لهلوجع شغلت
بتليفوني قصيدة اله: -
علحنان احباب گلبي عودوني
ينفذ شعندي صبر لو ما يجوني
اگضي ليلي بالسهر آنا وضنوني
عيوني ذبلت والدمع جرح جفوني
من جسدها.
وي الحبايب سافرت روحي
لو أعدها يصعب عليه حسابها اجروحي
جفوني وشضل بدية.
ودعوني واني انتظرهم ليلي ونهاري
حيروني طول سفرهم والدمع جاري
خبرهم مارد علية.
--------------
غزل...
گاعدة اگلب بالموبايل اجتني اشعارات متتالية فتحت الاشعارات وهنا جانت صدمة حياتي رجف جسمي واني اشوف صور إلى اني ولد ما يبين شكلة وجانت الصور بوضعيات جريئة وحركات تلعب النفس...
جمدت بمكاني وحالتي تخربطت منين وصلت هاي الصور! ومنو الدزهن إلى وشيريد مني؟!
گلبت الصور ذني كلهن صوري ماخذتهم بملابس البيت منين اجن بقيت مصدومة لا أخذ ولا انطي اريد استوعب اني بحلم لو بعلم شوية واندز مسج طفر الموبايل من ايدي دنگت اخذتة بديني الترجف فتحته وجان مكتوب بية.
ما ردت اوصل وياج لهاي المرحلة بس عنادج وصلج لهنا
انتي لو شايفة شريد منج مو احسن الج من هاي المهزلة
بس تسوين حركة غبية انشرهن ومنو يدري بيهم مفبركات اليشوفهن يگول حقيقية
ما اسوي شي غير تجين للمكان الاگلج عليه.
بس احجي وياج وروحي بدربج
بس تخبرين أحد انشر والله صيري عاقلة ونفذي كلامي
ماادري منين اجاني الذكاء بسرعة سويت سكرين للمحادثة شوية وانحذفت المحادثه وانمسح الحساب بقيت مصدونة وحايرة منو وشنو وليش الا اني لطمت على رجلي هسة شسوي أخبر حيدر لو اسكت دخيلك يا ابو الحسن استرني وخلصني بيها علية مراسلة مصادقة اشو كلشي ماكو اروح بدربي وارجع بدربي.
ضليت الوب رايحة جاية شسوي هسه والله افضل حل بهيج وقت انام عسى ولعل من اگعد افكر بشي زين وبراسة خير...
نمت نومة طويلة گعدتني امي للاكل اكلت شويه وگمت دخلت لغرفتي وسديت الباب بقيت افكر أخبر حيدر اكيد راح يصدگني هو اخوي ويعرف اني شنو مربيني على ايدة ويعرف اني منو...
انتظرتة ل 12 وهو ماكو لثاني يوم ما لگيتة طالع گلت افضل شي ما اروح للمدرسة بلة لاگاني لو صار بية شي يمكن عصابة تخطفني يمة اسم الله.
دخيلك ربي.
ما داومت للمدرسة انحبست بغرفتي انفتحت الباب وطفرت من مكاني دخلت امي لغرفتي.
-ها ولج غزالة شبيج
-هاا مابية شي
-اليوم غايبة شكو
-عندي امتحان باجر اريد اقرا
-جا مايصير كل ماعندج امتحان تغيبين وتروح عليج دروسج خاف ترسبين
-لا يمة عادي الصف كله غايب لان الامتحان صعب حيل
-ها خوش يلة اقري زين
طلعت من الغرفة تنفست براحة بس گلبي مجمر بقيت على وضعي لليل وصلتني مسجات من حساب جديد.
بأجر اخر مهلة الج.
انت شتريد مني اعرفك تعرفني
ما اعرفج بس شعدنة قابل نتعرف على الحلوين
بس گلي أنته منو اعرفك شي؟
الدخلتي بيتي بالغلط هذا اني
وشنو يعني واذا دخلت لبيتكم ابتليت من دخلت بيتكم بالغلط خو ما ابتليت
دخلتي بگلبي مو بالبيت يا بعد گلبووو
أنت شگد نذل منين جبت صوري
ليش يحلو لا تتجاوزين مو اني اكبر منج بهواي
عدك موضوع وياي احجيه هسه شتريد مني.
لو من البداية صايرة حبابة چا تفاهمت وياج بس هسه نوو يحلوو كلشي اختلف يلا بلا لغوة زايدة بأجر اخر فرصة الج لحگي على روحج
ردت اكتب انحذف الحساب انتظرت حيدر يجي واحجيلة الساعة 11: 30 وهو ماكو ردت اصعد شفته اجه رحت باتجاهه اردف بتعب
-شلونها غزالة
-ها اي زينه
-شعندج گاعدة بهيج وقت
حجيت بارتباك واني العب باصابعي: -اريد احجي وياك
-ميت من التعب اجلي الموضوع لغير يوم وعلى تعبااان عيوني ما اشوف بيهن.
ردت احجي صعد لغرفته نزلت دموعي خليت ايدي على وحهي وصرت ابجي بحرگة هسة وين اروح شسوي المن اگول دخلت لغرفتي حضنت المخده وگمت ابجي خافية شهگاتي حتى اخوي ما عنده وقت يسمع مشاكلي المن احجي ابطل من المدرسة شلون وحتى لو بطلت الصور شلون بيهن يمكن ينشرهن واخوي يصير علج بحلوگ العالم من وراي...
حيل انهضمت محد احجي وياة غسلت وجهي وگعدت اگلب بالموبايل وصوت شهگاتي عاليه ماگدرت اخفيهن دخلت على الانستا طلع بوجهي حساب جلال دخلت علية شفتة نشط نفضت الفكرة من راسي مستحيل اروح للعالم الغربة شلون بس ماعندي حل باجر اخر يوم إلى بين ماافهمهم السالفة هذا الچلب ناشرهن.
گلت خل اگله هو مو گال بس يحاجيج ثاني مرة انطيني خبر لا مستحيل شلون اگلة هسه شيگول عني بس شسوي ماعندي غير حل اوفف ربي سهلها يا مسهل الامور يارب...
منو اليندل حزن گلبي وأغنيلة
منو يسولفلي وأبچيلة!