رواية لبوة علي للكاتبة كفاية كاظم الفصل الحادي والثلاثون
غزل...
اجة اليوم الامي تتمناه بفارغ الصبر واكيد حيدر يتمناه لهفتة وفرحتة واضحات...
قبل الزفة اجو جماعتة من ورة الغدة دخل حيدر يجهز روحة وجلال وعلاء دخلو وراة لزموة واحد منا واحد منا...
حيدر: ولو مني لاالزگكم بالحايط
علاء: -اجيت ارد الدين حوبي
جلال: -واني اجيت اودعك حووبي ا انطيني معطة
قبل لاتعرس وتصير مرقم...
غزل: دفر حيدر جلال وصلاة مسافة
جلال: -اشتعلت بنار ونفط گوا شگيتني شگ.
علاء: -قاسي اوي على كيفك لازم تصير ريلكس مو متوحش وخصوصا بمثل هيج يووم.
جلال: -حوبي انطية القواعد بين قوسين اليلة...
غزل: -راد يحجي وحيدر سد حلگة بيدة
حيدر: -لا تحجون بالخط العريض منا عالم.
علاء: -احمم يلة خل نسبحك ونطلعلك جلد ثاني جلد جديد مابية دغش.
جلال: -بلكي يصير ابيض
حيدر: -وتالي وياكم
جلال: -يلة مانسبحك بس نلبس وناخذ وياك صور واكتب عليك اليوم اخي وصاحبي راح ينسحل...
حيدر: -دنچب گوا يلا اطلع برا.
غزل: -گامو يصفگون ويصيحون ثنينهم
وحويدر وانطوةةة مررةة يلة حيوو حيوو من غير حمرة محمرة يله حيوو حيوو.
رجو البيت رج دخل واحد گصير صاح بيهم
-: گواو. غير تصيحولي ارگصلكم
حيدر: -عزت ال، غير تستقر مو جاي للملهى انتة
غزل: -ولا جنه سمعة گام يصوفر ودخل بنصهم يهوس وهما يصيحون
عزت: -وحويدر وانطوةةة مررةة يلة حيو حيو من غير حمرة محمرة يله حيوو حيوو.
غزل: -عافاهم وصعد الدرج سواه شبختين ورة شوية التفت جلال مالگة حيدر راح وراة هو وعلاء اسمعهم يدگون بالباب شوية ونزلو واحنة نباوع وميتين ضحك على شكولهم...
جلال: عود گلت اشيل شعر باطة فوك ما اساعده الچلب مايستاهل
علاء: -دشيل شعر باطك راح يصير ضفاير
جلال: -اي مو اني علاء الوصخ
علاء: انت وعشيرتك تروحولي فدوة
جلال: -راح ارگعك بزيج واوديك يم حنش
علاء: -الخايس تروح فدوه لحنش ودمناتة.
غزل: -دفر جلال علاء دفرة من باب الصالة طلعاة للحديقة...
غزل: -شوية وشغلو الديجي على علاتة وبس نسمع الدبچ طلع حيدر الهم وخبصو الدنيا بالهلاهل والصفگات...
صارت الزفة وبدا الرمي خبصو الدنيا وشگد اجت سيارات.
صاح بيهم حيدر.
حيدر: -لا حساس ولا كرامة هسه اني عازمكم مودي عليكم وجاييني كلكم حتى المرة من تشوف هوستكم تبطل ماتجي.
جلال: -مايحتاج عزيمة جم حيدر عدنة هو هل وحيد وتريدنة مانحضر عرسك سودة بوجهج حمديةةة.
غزل: -منعهم حيدر من الرمي وصلنة لبيت خالتها
جانت گاعدة على الكوشة جنها ملاك بالبدلة البيضة
دخل حيدر...
واشتغلت الهلاهل والهوسات دخلت امي وام علاء يهوسن...
بسمة: -يهل القوط ذبو القوط وليدي لبس قاطة وعريسنة جكليتة وحامض حلو باكيتة
ام علاء: والحاكم گال هذا العرس منين
بسمة: وهاي الرادها وهاي التمناها بت الشيخ لابن الشيخ جبناها...
أم علاء: -العب يو لا يولا العب لعبة الشيطان ونخلي الحاكم حيران العب يولا يولا...
شبعن دبچ وهوسات وصارن على صفحة شغلو موسيقى هادئة...
شكلهم وهما يرگصون سلو يجنن هي ناعمة توصل لصدرة وبياضها عاكس سمارة خفت عليهم من العين وخالاتي بس يخوزرن بيها لان ماخذ من بناتهن...
من صارت الزفة تلخبط وضعها صارت ترجف...
امي گالت شي طبيعي من تزوجين تحسين بهذا الشعور امداني هسه اني المن سالت لو ساكتة مو احسن...
الجكليت صار مشامر اجت جكليتة بعيني مردتها مرد گامت تدمع شلون حض عندي...
:
لبوة...
عندما يكون كل شيء على مايرام تأتي عاصفة وتجعل كل من حولنة دمار...
اسعد وقت إلى حولوة الى خوف ورعب رجفة جسمي تشرح الصار البعض يعتقد وضعي طبيعي وخوفي من ليلة الدخلة لهذا غضو بصر عني...
لكن الحقيقه انكسرت فرحتي بلحظة وسبب حالتي هما وصلوني الها...
عقوبات ضرب حرمان كل هذا حصلت علية بابشع الطرق...
لاحد يتفاجأ شلون يصير كل هذا وي طفله هذي الطفلة محد الها محد يدافع عنها من يصير وياها كوارث منو اليسال عليها اب ام اخت اخو محد...
اذن العقاب مضاعف مرت سنين يابو سنين وصرت اشمئز من عدهم واليوم الاشوفهم بية من بعيد يتخربط وضعي وجسمي يبقى يوجعني...
شنو المغزى من جيتهم ياترى.؟
اكيد واضح حتى يدمرون حياتي ويصير كلامهم واقع...
گعدت ادور نسمات الهوى واناجيها تمر بية باوعت من حولي ذهبي مشمور على الارض بهمجية...
اليوم اكو شخص يشاركني بدماري ويريد سبب لوضعي...
خوفة وقلقة لمساتة الحنونة تضاهي حنين العالم باكملة...
نضرتلة بتوسل واني اطلب منة الهوى اريد اتنفس...
: الهوى حيدر الهوى راح اموت
حيدر: -اسم الله عليج ريحانتي لاتگولين هيج لاتحجين شي وجري نفس بهدوء يلا رياحنتي جري نفس يلا سوي مثلي...
لبوة: لازم وجهي بثنين ادية ويطلب مني اسوي مثلة
غمضت عيوني واني احاول اطبق حركتة مرة مرتين تلاثة بديت اتنفس...
جريت البدلة من ناحية الصدر احسها خانگتني مديت ايدي من ورة احاول افتحها من شافني هيج مد ايدة وراي وفتحها نزلتها من گدام وصرت اتنفس...
صعوبة بتنفسي بقيت اكرر تعليماتة حوالي ربع
ساعة اخذ شهيق وزفير...
حيدر: -صرتي زينه.؟
لبوة: -هزيت راسي باي باوعت بوجهة ونزلت دموعي.
حيدر: -لبة گلبي دموعج تحرگني شبيج تبچين.؟
لبوة: -خربت كولشي انتة تستاهل وحدة احسن مني
شفت شلون خربت فرحتك...
حيدر: -گلتها الج من قبل وارجع اگولها وجودج يكفيني شوفت وجهج تحلي ايامي ريحانتي اذا القدر نصفني وعوضني عن تعبي صدگي عوضني بيج...
لبوة: الكلام الحلو قادر يمحي طعم المرورة المترسخ بداخلنة حضنتة واني ابچي رفع راسي من حضنة وگام يضحك.
حيدر: -ههههههه صرتي الساحرة الشريرة العيون خضر والكحل نازل منها هههه مو منضر خرافي...
لبوة: -گمت من يمة حيلي راد واثر الرجف لسة بعد رحت للمراية باوعت مابية شي كحلتي ماسايلة: جذاب كحلتي اصلية ليش تجذب عليه تگول سالت...
صار وراي وحضني.
حيدر: اي اني جذاب شتسوين للجذاب.؟
لبوة: -فتحت ادية وابتعدت منه: مااسويلة شي اعوفة واروح اسبح رحت طلعت تراك مريح...
حيدر: -ادخل وياج خاف توگعين بالحمام.؟
لبوة: -لا شكراً بس اذا ما رديت اتصرف
دخلت للحمام فليت التسريحة رغم هي بسيطة بس تعبتني بقت البلوسط جلبت بالبروش طلعت لگيتة يطلع ملابس...
: طلع هاي من شعري انطيتة ضهري وسحبها على كيف دارني علية باوعلي بنضرات غريبة ابتعدت منه بسرعه...
: اروح اسبح.
مشيت بسرعه للحمام واعثر بالبدلة وانشمر بالحمام سديت الباب تاكدت منه باوعت لروحي بالمراية صدري كلة طالع وشعري نازل بعشوائية والضهر طالع شلون مانتبهت لروحي.
بس المكياج رغم الصار ابد ماتخربط...
سبحت واني بية طبع اطول مرات ابقى بحدود الساعتين...
خطية كل شوية ودگ الباب عبالة صار بيه شي.
حيدر: لبة انتي زينة،؟
لبوة: -لاتخاف مابية شي
قطرات المي تزيل الهم بس مستحيل تزيل الوجع...
غمضت عيوني والمي ينزل على راسي شريط الذاكرة ماياخذ رائي بشي من وحدة يشتغل...
حليت من المدرسة امشي وحدي على كيف اريد رهف ومازن يمشون قبلي مااريد امشي وياهم...
مسوين مجموعه چبيرة ويضحكون ويتشاقون بينهم...
اليوم سلمو الشهايد شي طبيعي طلعت الاولى وكلعادة اكتفي بإبتسامة بسيطة واسكت اما رهف راسبة باربعة ومازن بكلهن وادهم بواحد...
وصلت للبيت نزعت الچنطة رحت للثلاجة اشرب مي ميتة عطش.
طلعت طاسة باردة مااحس الا انلگفت من ايدي وانرگعت براسي باوعتلها صاحت بالكاع مخسوفة...
احس الدنيا دارت بية منا الشمس ضاربتني ومنا مي ثلج وضربة قوية زين ليش شمسوية.؟
بعدني ما حاچية لف شعري على ايدة ورفعاني احسة تگطع بيدة حطيت ايدي جوة راسي وغمضت عيوني بوجع...
سلطان: -وين شهادتج.؟
لبوة: -هاي بلچنطة والله ماراسبة ناحجة ناجحة يجذبون عليك.
مارد علية اجت رهف طلعت الشهادة وانطتها لابوها
بقت يباوع بيها شمرها بالگاع وضربني راچدي بكل قوتة دارني دير وگعت بالگاع وعيوني غوشن رجع شالني من الگاع ولزگني بالحايط ولف شعري على رگبتي خنگاني بية...
سلطان: -شلون تروحين تتوسلين بالمعلمين علمود ينجحونچ.؟
لبوة: -نفسي ضاع حتى ماجاي استوعب كلامة بس اكيد جهالة حاجين علية حجة بصوت ناعم...
سلطان: -استاذ اني ابوي ميت وامي ميتة وعمامي يكتلون بية ومحد يخليني اقرة وتروحين تگعدين بالادارة ومن حضن للحضن والمعلمين يشترولج...
لبوة: مستحيل اسوي هيج شي اذا شخص حجة يحجي وياي اعوفة احس يشفق علية مو اروح احجي للناس واتوسل بيهم...
نفسي انگطع اريد اشتم الهوى اختنگت فتحت عيوني على وسعهن وخليت ايدي على رگبتي اريد افل شعري ماكو قوتي راحت...
غمضت عيوني واستسلمت بيدة ماحس الا نفسي مرگوعة بالحايط بذاك الصوب فقدت الوعي...
وبقيت اسبوع كامل حتى دوام ماداوم حتى من اريد انام احس الهوى ينگطع عني واگعد مختنگة...
اووففف راحت وبقى الوجع ماراح ولاينسي واليوم صار حنين ويحبني وجاي بعرسي شكووو جايني...
سمعت الباب يندگ...
حيدر: -شني السالفة لبة مفعلة وضع الطيران.؟
لبوة: -يلا كملت بس البس ملابسي
لبست تراك البجامة طافرة لون اسود والتشيرت ماروني عريض شوية ينشد من گدام ومثل المحفور وشعري ينگط مي...
حيدر: -بس ادري طفلة شعرج ينگط ماي
لبوة: -هسة انشفة
حيدر: -بابا مايصير اتعلمي وانتي بالحمام لفية بالمنشقة
لبوة: يعجبني هيج
حيدر: -اي شي بية اذية الج يعجبج دستلمي ملابسج تنگعن وتمشين گدام السبلت وراح تنصگعين...
لبوة: -لاتخاف ما انصگع متعودة اخلية ينشف على ضهري...
اني احچي واضحك وهو يحچي بجدية طلع منشفة وصار ينشف بشعري.
: اخ شبيك گطعت شعري
حيدر: -لاتخافين مايتگطع قوي مثل صاحبتة
لبوة: -منو گال صاحبتة قوية.؟
حيدر: -اني اگول
لبوة: -وشمدريك ما تمثل القوة.؟
دارني علية ولزم وجهي بثنين ادية.
حيدر: -بنية عاشت وحيدة واكتفت بنفسها.
درست، اجتهدت، صارت دكتوره مامدت ايدها لشخص حافضت على نفسها.
اجتها تهمة ودخلت محكمة، خطفوها عصابة وعدت كل هذا صار وياها وبعدج تگولين مو قوية اذا هاي مو قوة زين شني القوة برائيج.؟
انتي لبوة من صدگ جنت اروح للمستشفى حتى اشوفج شخصيتج عجيبة شايلة كارزمة تخلي الواحد يفهى...
تمشين بكل شموخ وهدوئج ميزج عن الكل.
لبوة: تدري الكل يكول عني متكبرة مغرورة جنت من افوت اسمعهن ترس اذني يحجن بية بس اني اطنشن...
بس اني ابد ماانضر للناس بنضرة تكبر.
حيدر: -تدرين ليش يحجن عليج لان يحسن نفسهن لا شيء يمج وتصرفج معروف الاسود تكتفي بالسكوت على نباح من حولها...
لبوة: -ابتسمت على كلامة واخذت المشط وخليتة گدامة: يلا مشط شعري
حيدر: هاا بعدنة بالبداية عود
لبوة: -هسة شطلبت منك بس تمشط شعري ما احب امشطو فگتلك نمونة...
حيدر: لا صمونة يلة تعاي چم ريحانة عندي
لبوة: -قبل إلى اسم واحد الكل يسميني لبوة اشو هسة لبلب لبة لبلابة وريحانتي شنو هاي.
گعدت على الميز وهو بقة واكف وراي بقة يمشط بشعري...
حيدر: هذا دلع لاسمج وريحانة لان عيونج خضر بعد شنسويلج فوگ ما اندلعج وين شايفة بنية اسمها لبوة بربج هم سامعة...
لبوة: -لا بس هواي ولد اسمهم اسد وبعد لاتتنمر على اسمي ترة اسمي مميز واني مميزة.
حيدر: -اصل التميز ريحانتي
لبوة: -اضفرة وياك
حيدر: -عوفية مفتوح من تريدين تنامين اضفرية.
لبوة: -عاف شعري مفتوح واخذ ملابسة ودخل للحمام افتريت بالغرفة حيل چبيرة يگول صالة مو غرفة...
بدايتها قنفات وميز بالنص وبلازما وبيها براد صغير وبالنهاية جرباية وكنتور وهاي السوالف بس مرتبة ومصممة بطريقة جديدة كولش حلوه...
مامنتبهة لتصميمها من قبل هاا وبيها مكتب كولش عجبني گلبت شعري صفح و بقيت ادنفس بالكتب والاقلام مخلي كتبي والكتب العندة سوة وحتى الاقلام خالطهن ميزت اقلامي بسرعة...
رحت فتحت الكنتور ملابسي مرتبة بطريقة حلوة ملابس النوم وفساتين المناسبات وحد وملابس البيت بخانة وحد ميحتاج ارتبهن من جديد...
باوعت بملابس النوم كلها وصتني البس بس لو شيصير ما البس واحد منهن حتى ماينعرف شلون ينلبسن بعد ذوق ام علاء شكول عليج خالة كلة خلاعي.
جاي اكلب بيهن حسيتة وراي من عطرة: شبيك فززتني على ساعه انچلط من وراك...
حيدر: -ماتنجلطين لاتخافين.
لبوة: -واكف وراي ويگلب بقمصان النوم احس وجهي جمر اريد امشي صاير وراي...
حيدر: -الاحمر كلش عجبني ماتلبسينة.
لبوة: - بلعت ريگ ودرت وجهي عنة وحجيت
مو مرتاحة بهذا التراك
حيدر: -جربية ماتخسرين شي بس اشوفة عليج
لبوة: -احتاريت شرد علية لو ضاربني طلقة ولاحاچي هذا الكلام مت بدمي حاولت اتملص منة بس فشلت
: مو هسة اريد اصلي
حيدر: -ها خوش ذكرتيني
لبوة: -لبست ازار الصلاة وهو فرش سجادتين اله والي.
بدا قبلي صليت وراة واحس غصة بگلبي.
صرت حالي حال بلاع الموس.
بقة يرتل بطريقة هادئة ومريحة للاذن كمل صلاة وبدا يقرا قران بصوت عذب تعجبت على صوتة ما شاء الله مثل قراء القرآن نبرتة تخبل.
بقيت استمع لترتيلة واردد وراة عيوني لا اراديا انملن بالدموع.
شوية واندگ الباب اني مخلصة بس هو يقرا رحت افتحة سمعتة صدق بصوت عالي ورمغني بنضرة حادة.
گام فتح الباب ودخل شايل صينية يمكن مال عشر أشخاص بقة يفرغ الاكل على الميز...
نزعت الازار ورتبت شعري ورحت يمة ماسويت شي بس اباوع علية...
انواع الاكل تكة كباب گص دجاج مشوي كامل الفواكة الحلويات العصاير المقبلات وبعد اكلات ماعرف اسمائهن.
: منو راح يجي هنا.؟
حيدر-: منو برائيج.؟
لبوة: -مدري انت گول ضحك وحك راسة...
حيدر: -اكعدي اكلي فطير
لبوة: صدوك تحجي هذا الاكل كولة بس النة.!
حيدر: اذا تحبين اعزم علية ديمة وروان وجلال خطية ضال وجهة املح والكوافيرة.
لبوة: -من گال الكوافيرة غمز صرت مقابيلة ولزمتة من صدرة لويت التراك حجيت مقلصة عيوني.
: شمعنى الكوافيرة مو واحد ثاني.؟
حيدر: -الصراحة ماادري گبل اجت بالي
لبوة: -گول خاف عندك علاقه بيها قديمه جديدة اني گلبي يلعب من گلتلي ما حاب من قبل مخمختها براسي عدل گلت معقولة رجال شارف على الاربعين وما مسوي علاقات وتجارب سابقة...
حيدر: -جاوبني بمثل اسلوبي هم لزمني من التشيرت ولواة: اي وانتي شگلتي بعد ماسويتيني اربعيني
لبوة: -گلت هذا واحد جذاب شخصيه ورتبة وفلوس اقل شي مزوج تلث اربع خمس مرات بالمتعة.
حيدر: -صار عليج العقاب مضاعف اولا تهمتيني عندي علاقة بالكوافيرة الصاگة وثانيأ اتهمتيني بتجارب سابقة وثالثا گلتي عني چذاب ورابعآ سويتيني مزوج خمس مرات متعة واني شفتج ماشفت المتعة.
لبوة: -لا تضل تحسب براسي انطيني دليل وتطلع برائتك.
حيدر: -قبل الاكل بعد الاكل تريدين الدليل
لبوة: -وشمعنى قبل الاكل لو بعدة
حيدر: -قبل الاكل يصير الدليل اكثر اقناعآ لان بعدك بجوعتك
لبوة: -نيتك وصخة وراح تتحاسب لان گلت على البنية صاكة.
حيدر: -حاسبيني لبة
لبوة: -صعدت على رجلية وبقيت افرك بيهن بقوة عود اوجعة...
حيدر: -اي هي هاي عقوبتج تؤتؤ طلعتي بس صيت
لبوة: -خوش ورة العشة تشوف العقوبة
حيدر: -منتضرج ريحانتي
لبوة: -دعوف الفانيلة
حيدر: عوفيني واعوفج.
لبوة: -خزرتة وعفتة ونزلت اكل بس شاكل حرام شهل تبذير يعني مايصير يجيبون اكل لنفرين...
: تدري على هذا الاكل كون اجيب ام علاء والله تسوي جو
حيدر: -وابو علاء مو خطية جا تعوفينة وحدة وجيبي علاء وياة.
لبوة: وزينة العشق
حيدر: -اي ليش لا
لبوة: -اباوعلة صدوك ضاج بلگوة كتمت ضحكتي اكلت شويه وكمت.
حيدر: -وين يابة.؟
لبوة: وين اغسل.
حيدر: -شكلتي حتى تغسلين لاتصيرين فاهية وتخليني اغير نضرتي بيج ارجعي اكليي.
لبوة: مامتعودة اكل باليل اصلا مرات اكل العصر حتى مااتعشة.
حيدر: -هذا الحچي صار قديم من اليوم تاكلين ماعون ونص وهسة ارجعي اكلي.
لبوة: -شعبت لو اريد اكل قابل مستحية منك
حيدر: -فديت المايستحي
لبوة: -رحت غسلت وصاح علية
حيدر: -صيري گبالي خل اكمل اكلي
لبوة: -ماناقشتة گعدت مقابيلة ياكل شوية ويباوع علية واني ساعة العب بشعري لو اباوع بالغرفة...
كمل وكام يشيل بالاكل اجيت اشيل وياة...
حيدر: -لبة گلبي عوفيهن اني اشيلهن.
لبوة: -ماصار شي...
اخذ الصينية وطلع واني رحت يم المراية امشط شعري و اخذتني الصفنة رحت للبعيد...
حسيت علية مطاوقني بادية نزل راسة لرگبتي ميلت راسي بانزعاج هو مو انزعاج بس ماحب واحد يلزمني وخصوصا هيج مكان غمضت عيوني مامرتاحة لحركاتة همس بذني...
حيدر: -ها لبة.؟
لبوة: -عرفتة شيريد بلعت ريگ واحس جسمي صار يرچف مستحيل مااگدر نفسي ماتتقبل هيج قرب...
: انت مو گلت مااجبرچ على شي
حيدر: -ومنو گال اني راح اجبرچ براحتج بالوقت اليعجبج...
لبوة: صدوك.؟
حيدر: -چا مچذب عليج
لبوة: -بلعت ريگ واحس حرارة تطلع من جسمي من الفشلة يعني حقة بس اني هم حقي وگايلتله من قبل ماگدر اتقبل بس اكيد احس نفسي منعتة من هواي اشياء...
دموعي نزلن حارات يچون گلبي اني مو اعاني من الوساس ابد بس مرات احس نفسي تنطبق علية اعراضة ومرات لا...
احب التدقيق والنضافة الزايدة وماحب واحد يلزمني بدون مايگلي بس من قريت وبحثت عن هذا المرض حسيت تصرفاتي نقطة بوسط بحر مقارنة بالمصابين بس ماانكر عندي اعراضة...
دارني علية خليت ادية على وجهي وگمت ابچي من كل كلبي وهو يحاول يسكت بية...
حيدر: -هسة غير تگلي عليمن تبچي.؟
لبوة: -كتلك عوفني لاتتزوجني بس انت ماسمعت
حيدر: وهسه صار من ماسمعت.؟
لبوة: -صار هواي حرمتك من هواي اشياء لاعرس مثل الناس لا زفة بيها خير وحتى حقك ماتگدر تاخذة
حيدر: -هسة اني شاكيلج لاتفسرين بكيفج.
اني حتى عرس ماردت اسوي بس خساير ودوخة راس وبالنسبة لحقي ترة ماطايرة واني منطيج وعد.
لبوة: -گرص خدي وحجة يضحك.
حيدر: -تذكرين من گتلج نزوج على ورق وانتي فضحتيني طلعتي لسانج شطولة علية واني رجال فقير الا شوية التمت الناس علية...
لبوة: -اذكر كتلك انتو وحدة وماتكفيكم تروحون للمتعة وانت جايني على الورق.
حيدر: -هههههه زيطة ضوجتيني بوكتها
لبوة: تستاهل
حيدر: عمي اني كلشي استاهل بس اسكتي
لبوة: -حسيت خشمي وعيوني وهو يضحك عليه
ضربتة على كتفة: لاتضحك علية گرصني من خشمي
ومشة گعد على القنفة...
رحت للمراية شفت شكلي يبوو حواجبي حمر وعيوني وخشمي شسويلهن هسة...
رحت گعدت يمة لگيتة يلعب بموبايلة مديت راسي اشوف شيتابع ضربني على راسي.
حيدر: -اكو خصوصية احترمي
لبوة: -هسة اني سويت بس ردت اشوف شتابع قحط
حيدر: اي قحط
لبوة: -لا والله باوعتلة مقلصة عيوني وبعدين حجيت بحماس خل نتعرف على بعض
حيدر: -اي مو احنة مخطوبين ونتعرف
لبوة: -عادي شبيك احنة من انخطبنة ماسولفنة هسة نسولف يعني مثلا احجيلي الشغلات التحبها والتكرهها وهيج.
حيدر: -نبدي بيج
لبوة: -احم نبدي اولآ مااحب اكل من المطاعم ولااحب اشرب عصائر طبيعية وهيج شي افضل الجاهز.
مااحب الازدحامات والضجة والاماكن الضيگة يعني احب المكان مفتوح يدخلة الهوى من كل مكان واكثر شي احب الاماكن الطبيعية إلى يكون بيها زرع وهيج.
اسبح هواي باليوم اكثر من تلث مرات واذا اطلع من ارجع بوجهي للحمام ومرات اطول بالسبح...
مااحب واحد يلزم كتبي غراضي بصورة عامة اتخبل احسهن أشياء خاصة بية طبعاً من عداك مااقصدك بس اكو ناس وصخة...
مااحب احجي هواي احب استمع للمقابل باردة بس مو معناها مو مهتمة بحديث المقابل بالعكس...
احب الهدوء اعشقة وشغلة اخيرة ماحب ابين حبي للمقابل يعني من احب شخص ما راح اكولة احبك اموت عليك ومن هذا الكلام احب احتفظ بهذا الشعور...
يله اجة دورك.
حيدر: -مايحتاج احجي اكو بيناتنة شغلات مشتركة والباقي تعرفينة بعدين
لبوة: -غشاش خليتني احجي عن نفسي وانت غلست
حيدر: -دعوفي هذا الحجي وخل نتابع فلم.
لبوة: وكون كمية الرعب البية فضيعة
حيدر: -متعودة تابعين هيج افلام.؟
لبوة: -لا منين اخاف مااتابع هيج مسلسلات
حيدر: -افاا لبوة تخاف ماتوقعتها
لبوة: -غير وحدي بالبيت تخيل تابعت رعب ويجي الجني يسحلني منو اليطلعني منه
حيدر: -ابو دحام صدگ خطر هذا لج شغلتة بس بليل
لبوة: -منو ابو دحام.؟
حيدر: -گدامج
لبوة: اعتقد هذا لقب الجني انته شكو.؟
حيدر: -هذا لقبي ابو دحام
لبوة: -يعني انتة مثل الجني.!
حيدر: -يي شغلي اكثر شي باليل
لبوة: -لاتباوعلي هيج ترة اكوم اخاف يلة طلع فلم بسرعة...
حيدر: صار
لبوة: -طلع حيدر فلم وراح جاب كرزات وحلويات وعصاير ومشروبات وبقينة نتابع المكان هدوء بس صوت الفلم...
اباوع منسجمة وجان يطفر الجني على الشاشة صرخت صرخة عبالي طفر علينة...
حيدر: -فضحتينة شبيج.؟
لبوة: -عبالي طفر علينة
حيدر: -لاتخافين اني يمج
لبوة: رجعنة نتابع واني ميتة خوف اول مره اشوف رعب بحياتي كلها مشايفة...
هو بس الموسيقى عالم ثاني كولة دم وضلام وحدة شعرها طايح على وجهة تكتل بالناس وتسحل للجني...
زحفت يم حيدر وجلبت بية من ورة وهو مندمج ويضحك يگول مشهد رومانسي...
كمت امسح بالعرگ وماكو ضفرت شعري وكمت اباوع بالغرفة صار الجو يخوف دغيتة بكتفة.
: نعست خل نام
حيدر: -نكملة ونام
لبوة: لا هسة كوم انام حباب طفية يلا
حيدر: -بس مشهد واحد هذا احلى مشهد بالفلم
نشوفة ونام.
لبوة: -بقيت اباوع وياة بس رعب رعب يمكن هذا الفلم رقم واحد بالرعب...
طلع مشهد طاح گلبي بالگاع رحت ارگض للفراش جان منثور علية ورد ومرتبات بية كلمات مدري رسم نكتة ولفيت روحي ما بية حيل روحي رايحة...
شويه واسمعة يضحك يم راسي...
حيدر: -بالنهار لبوة وباليل كتكوت ههههه لج انتي ردتي رعب قابل جابرج علية...
لبوة: -سحب الغطة مني واني مچلبة بية: ما ما روح شوف غيرة.
حيدر: -ماعدنة غيرة احنة ناس على گدنة ماعدنة غراض هواي...
لبوة: -سحبة مني واتغطة شوية وسحبني علية جعصني: شبيك جعصتني جعص راح اموت عوفني مو هيج
حيدر: -اس نريد نام هو شني المو هيج انتي بعدج ما شايفة شي نامي نامي.
لبوة: -هو اريد انام بس وخر مني اريد اتنفس مااگدر.
عافاني وراح بنهاية الجرباية سحبت الغطة منه عفتة على النص ولفيت راسي اريد انام بس مااگدر
اتذكر الجنية تسحب بالناس للجني وهو گاعد ع الكرسي.
التفتت لحيدر جنة نام رحت عبرت من فوگة وصرت بوجهة ندستة على كيف وحجيت بهمس: حيدر والله الجنية راح تسحبني للجني.
حيدر: -وهسة شسويلج
لبوة: -ابقة گاعد خاطر من يجي الجني يسحبك ويعوفني
حيدر: -وحتى لو بقيت گاعد مايسحبني لان اني من فئتهم شگد شايف منهم وحتى يسلمون علية بالليل ومرة عزموني ورحت چا ليش يسموني ابو دحام.
لبوة: -شبيك ليش تخوف بية خليني انام
حيدر: -چا گاضج ماتنامين.
لبوة: -اخاف فتح ادية دخلت بحضنة حضني وصحت بية: -هم رجع خنگني هسة شلون اتگلب بس گلي
حيدر: -انتي الاجيتيني مو اني
لبوة: -اي صح بس لاتخنگني ايدك ثگيلة بس اني اجلب بيك انتة عوفني.
حيدر: -اللهم طولج ياروح
لبوة: -چلبت بية من التراك وكل شوية مشهد الطفر بوبجهي يتكرر اخذت ادية وخليتهن فوگي وشلت رجلة وخليتها فوگي...
حيدر: -استغفرالله نريد نام شلون بيج
لبوة: -اي والله حتى اني اريد انام بس اليوم وباجر مااتقربلك...
سكت واني كل شوية منزلة ايدة ورة شوية ارجعها وانزل رجلة وارجعها طلعت روحة.
حيدر: -امداني الف مرة صوچي طلعتلج فلم رعب عبالي متوحشة ماتخافين التوبة احتگ محمود الگوا...
لبوة: -حيدر والله اني احبك بس لا تزعل اسكت اسكت بس اليوم.
حيدر: -مااحجي شي هذا الچني گوا يريد يهيجني بنص الليل.
لبوة: -طلعت روحة من خشمة الا نمت بس ابد ممرتاحة...
بين هدوء الليل هناك ذكريات تحوم...
افتريت بالشارع گعدت طالعة روحي رحت للبيت دورت بالغراض طلعت بوجهي ماشة.
ابتسمت وخليتها على خشمي بيها عطرين امي وابوي...
هاي الماشة جانت لامي وجنت دائما اشوفها عد والدي انمزج عطرهم سوة وهي الشي الوحيد الباقي الهم...
كولشي يخصهم وزعوة مابقو ولاقطعة.
مشيت فرحانة كل شوية اطلعها اشمها وارجعها بجيبي اخاف لايروح عطرها...
صرت كل يوميه قبل لا انام اشم ريحتها واغفة عليها كل ما ضوج اخذها وياي...
جنت گاعدة وحدي بالاستقبال وهي بيدي اباوع لتصميمها ما احس الا انخطفت من ايدي.
رفعت راسي شفتها بيد سعاد كمت ورفعت رجلية حتى اخذها من عدها: جيبيها هاي مالت امي يلة انطينياها...
سبت امي واحس نار بية جريتها من ايدها وعضيتها خلت الماشة بصدرها ولزمتني نتفت شعري تنتف...
لوت ايدي بقوة احس العضم طگ ماعافتني الا من سمعت صوت طگت ايدي...
لزمتني من رگبتي بثنين اديها وهي تسب تخنگني لحد ماتشوفني طگگت عيوني ترخي اديها.
ارجع اتنفس شوية وترجع تخنگني من جديد الا ان انتهي عافتني ومشت.
مرت الايام وايدي موتتني من الوجع لا ليلي ليل ولا نهاري نهار بقت اسبوع كامل الا ان ادهم شافني وگال لامة اخذتني صبت ايدي.
ومن ذاك اليوم فقدت اخر ذكرة منهم بابشع طريقة.
گعدت على اثر راچديات على خدي.
صرت اصارع اشتم الهوى والعرگ يكت مني اسمع صوت شخص بس مااميز ماعرف شگد مر وقت الا انتضم نفسي حسيت على روحي حيدر لازم ادية...
موقف ما اتمناة لعدوي مت من المستحة تركت ادية ونزلت ادور على الماشة جانت بيدي قبل لا اسبح.
حيدر: -شدورين،؟
لبوة: -جانت هنا ماشة وين راحت.؟
راح ورجع قدمها الي.
حيدر: -قصدج هاي.
لبوة: -اخذتها من ايدة بلعت ريگ واخذتها اشتم بيها بعدهي بيها عطرهم نزلت دموعي رفعت التشيرت ومسحت وجهي اخذتها ضميتها وي ذهبي...
باوعت عليه اكيد مستغرب بس ما سئلني يمكن عرف انحرج وماعرف شجاوب باوعت لنفسي انگط عرگ ركبتي وجهي امسح بيهن وماكو يگول جنت بمعركة والله اليعلم شحاجية حجيت بتوتر.
: روح نام تاخر الوقت.؟
درت وجهي ميت خجل اخذت ملابس ودخلت للحمام جسمي صاير لزج اكرة نفسي من اعرگ...
:.
-غزل: -گعدت الصبح نضفت البيت يگول صايرة بية مجزرة ازل راح تسوي وي امي ريوگ...
خلصت ورحت للمطبخ لگيت امي مسوية صينية مامخلية شي يعتب عليها والابتسامة شاگة حلگها...
بسمة: هلا بالنادرة ام البيت تعاي احبچ
غزل: -بقيت فاكة حلگي اجت باستني يمة هاي امي لو مبدلينها...
صارت بالتسعة والباب اندگ راحت امي تفتحه واسمع ذاك الصوت.
ازل: -اكيد يتخيلي مستحيل
غزل: لا مو مستحيل اني هم اسمع.
شوية ودخلن خالاتي وبالمقدمة ديمة وروان مخلية مكياج طن والبس عينك ولا تشوف ضيگ بشكل يگول عدها عرض ازياء.
ديمة: اجينة نعتذر من حيدر ومرتة احنة غلطنة بحقة وبعد هو ابنة خو يبقى زعلان علينة.
روان: عمة اني جنت اشاقة وياها وحتى من حجيتها بضحك بس هي كبرتها وخلت عليهة بهارات على العموم اجيت اعتذر منها...
غزل: راحن كعدن والوضع طبيعي اخذت امي الصينية وصعدت الهم...
:.
لبوة: -من بعد الصار حيل ستحيت شنو معنى حالتي هاي بالنسبة اله تنهدت بقهر.
رخت اختاريت فستان من هو الجابهن إلى تصميمة كولش عجبني بينصل مابية شي سادة لونة كريمي وفوگاة بشت اغمق بشوية مطرز من كل الجوانب بقيتة من انزل البسة.
لبست وياه كلادة طويلة واكتفيت بسوار الجابة
اهتز الموبايل دليل على قدوم مسج فتحتة غزل مراسلتني كاتبتلي مباركة وكاتبة روان وديمة جوة.
بسيطة اني اعرف شلون اغثهن...
خليت فونديشن وطلعت بالتليفون وحدة تمكيج بقيا اباوع عليها...
حواجبي مايحتاج ارسمهن بس خليتلهن مسكارة وعدلتهن خطيت عيوني بكحل اخضر طلع فد شي خليت ضلال مناسب بقة الايلاينر بقيت شگد اعيد بالمقطع.
درت وجهي لحيدر هستوة طالع من الحمام لاف المنشفة شعرة يقطر مي نشفاه و باوع علية بيدي الايلاينر ابتسم واجة يمي اخذاة من ايدي...
حيدر: -ديري وجهج الي
لبوة: -واذا خربتة.؟
حيدر: -عاقبيني واذا سويتة مضبوط كافئيني.
لبوة: -تمام غمضت عيوني وهو يرسم
حيدر: -افتحي عيونج
لبوة: -فتحت عيوني متحضرتلة ردت اكول هاا خرب.
سكتت من شفتة جايبة بلمضبوط نفس رسم الماكيرة
باوعتلة بتفاجا عدل قميصة بفخر.
حيدر: -احمم المكافأة
لبوة: -التفت للباب اليندگ راح فتحة واني خليت روج وردي وتحسة مائل للككوي...
كمت اسلم على عمتي باركتلي ونزلت باوعت للصينة اشكال واني شلوني بالريوگ اكلت شويه وهو شگد حجة علية بس يرزل بية...
انتظرتة يكمل حتى احجي وياة...
گام يطلع ملابس واني رحت وراة دار وجهة إلى واني كمت اشبك باصابعي من التوتر باسني بزدني وحجة.
حيدر: -احجي ريحانتي
لبوة: -البارحة
حيدر: شبية البارحة.!؟
لبوة: -شوف مرات اتحلم من اتذكر شي صار وياي
قديم احجيلك كولشي بس مو هسة ولا تستغرب من حالتي.
مسح على خدي وحجة.
حيدر: -ولا يهمج ابد حيدر من اهل الروح ويمتة ماتريدين تحجين اني موجود...
شني هاي عيونج الكافر اذا شافهن يدخل للاسلام.
لبوة: -مو لهل درجة
حيدر: -ما اسمحلج تحجين زيطة.
لبوة: -ردت اكولة شنو زيطة واخذ شفايفي. ابتعد عني وحجة...
حيدر: -عندي الج هدية.؟
لبوة: -بلة طلع من الميز علبة فتحة وطلع فيزة إلى والة.
حيدر: -شهر العسل راح نخلصة بالبوسنة والهرسك باجر نسافر إن شاءلله
لبوة: -حيل فرحت من گال نسافر بس الصراحه ماسامعة بالبوسنة بس اكيد حلوة ابتسمت وحضنتة
: خوش هدية
حيدر: -وتدرين منو اليروح ويانة.؟
لبوة: -منو،؟
حيدر: علاء ومرتة.
لبوة: هههه خوش خبر خطية احنة خربنة عليهم شهر العسل
حيدر: -انتي خربتية عليهم اني شكو
لبوة: -لا والله واني وين اعرف العصابة كل واحد راسة مصلبخ.
حيدر: الله اليعلم
لبوة: -ضربتة على زندة
حيدر: على كيفج زيطة تريديلج كتلة حتى توبين
لبوة: -خوفتني
حيدر: -ترة اني اخوف من زمان بس انتي زيطة مايفيد وياج شي...
اشو ما كافئتيني من رسمت عيونج لا من راويتج الهدية كلشي ماكو...
لبوة: -غمضت عيوني علنص اتذكرت روان طوقتة بديني اريد اوصلة ماكو رفعني صرت بطولة.
باوعت بعيونة وميلت راسي طبعت بوسات على رگبتة خليت اثر بية...
حيدر: -احب اعامل بالمثل.
لبوة: -باوعتلة باستغراب ميل راسة على ركبتي...
شوية وعافني رحت شفتها زرگة درت وجهي شفتة يبدل گبل درت وجهي عنة صرت العب بالمكياج والعطور لبست البشت وعدلت الحمرة ومشطت شعري وگلبتة.
التفتتلة لابس دشداشة بيضة وسبتحة باليد گلب شعرة ورجع رش عطر.
لزمت ايدة ونزلنة لازگة بية شفتهن گاعدات بالصالة سلمنة عليهن واجن باركن النة...
باوعت وحدة لرگبتي وحجت...
حوراء: -شني هاي خالة ماكل البت اكل على كيفك
عذراء: خية عوفيهم بعدهم عرسان
لبوة: -گلبت شعري للجهة البيها الاثر شگد سخيفات
لاحساس ولاكرامة شترجة منهن...
اباوع للهاي الفگر تباوع لرگبت حيدر اني عمدة سويتها ندستة واشرتلة لا يشوفونهة اصدقائة رمغني بخزرة وعدل ياختة...
رادن يعتذرن من حيدر اتصلو علية عافاهن وطلع...
روان: اي لبوة ترة مصار شي واعتذرت منج
لبوة: گعدت على القنفة بصف عمتي وخليت رجل فوگ رجل: ميحتاج تعتذرين حبيبي اخذتي عقوبتج
گامن يخزرن بية ويباوعلي من فوگ ليجوة...
حوراء: -اي شلونه حيدر وياج شعجب مخليج تمشين
لبوة: -اعتقد مايخصج ولاتدخلين بشي مالج بية عيب
ديمة: -وهسه هي شكالتلج ترى اي عروس يسالونهة هذا السؤال.
لبوة: اذا تحبين تسمعين الجواب زوجي بنتج وخلي تجاوبج...
روان: -بعدني صغيرة مو مثلج راح دخلين بالتلاثين
لبوة: شفتي هاي اني وهيج لعد انتي يمكن دخلين بالاربعين
ديمة: -وليش عيني شفتيها ناقصة ايد رجل د
لبوة: -مو الا ناقصة مو ايد لو رجل النقص نقص العقل عزيزتي...
روان: -الحمدلله مانازعة ملابسي وافتر بالشوارع
لبوة: تؤ تؤ تؤ جايات تباركن لو تعاركن،؟
عذراء: -لايمة نبارك الكم بس السوالف سالفة تجر سالفة...
لبوة: شوية بقيت يمهن واستاذنت من عمتي وصعدت لغرفتي ادري بيهن مو وجهة نعمة ولو ابقى يسالن اسالة اتفة من هيج...
اتصلت بخالتي بقيت احجي وياها وي البنات...
شوية وسمعت صوت حيدر يحجي بصوت عالي
لبست شال ونزلت اشوف شكو...
شفتة يحجي وي رجال جبير وياه مرة بس معرفت منو صاح علية الرجال...
: تعاي بوية اسلم عليج.