رواية لبوة علي للكاتبة كفاية كاظم الفصل التاسع والعشرون
لبوة...
الخوف ليس وليد اليوم بل هو عائدا لسنوات عجاف كل جرح ينحمي اثرة بمرور الزمن الا الم الجرح يبقى بالروح متلهبآ...
من جنت طفلة جنت اشرد لبيتنة اضم روحي بزاوية الغرفة من خوفي منة يجي هو بكل جبروتة وهيبتة يوكف بالباب ويضحك بكل خباثة كل ضحكة من عندة دليل على قساوة العقاب...
ينزرع الرعب والخوف بداخلي...
انظر اله بعيون متوسلة وكل جسمي يرجف من شر عقابة اطلب الرحمة منة عسى ولعل اكو بگلبة ذرة.
بس للأسف ماكو ولاذرة الحيوانات عدها رحمة اكثر منة...
سنين والوضع مستمر الا ان حدتث نهاية وصار ما يدخل بيتي ابد سنة سنتين عشرة هو مادايس عتبة بابي واليوم دخل ودخل خوف ورعب الماضي بداخلي...
اطرافي يبست من سمعت صوتة داخل بيتي علامات التوتر والخوف الكل يكدر يميزها بسهولة هذا كلة بس سمعت جملتة...
سلطان: -اليوم لبوة هنا.
: ردت ابين عكس البداخلي ومابين الة اني بعدني اخاف من وجودة باوعت لهيئتة نفس الجبروت ونبرة الصوت القاسية ماتغيرن ابد بس شكلة متغير ضعفان وكبران...
سلطان: شني لبوة خو ما زعلانة من عدنة تعذريني بوية ترة مرتي مريضة وملتهي وياها...
لبوة: -صوتي اختفى وحرارتي ارتفعت من كال بوية يتعمد يغثني بهاي الكلمة باوع لحيدر إلى يباوعلة بجمود...
سلم علية بقيت جامدة بس عيوني تباوع على ايد حيدر بيد جلادي...
سلطان: -مبين انته خوش ولد ولبوة مو جي بتنة وامدحلك بيها لا الله يشهد اخلاقها كلها تحجي بيها واريد دير بالك عليها وتحطها بعيونك مثل مااحنة جنة مهتمين بيها...
كلامة كلة مقصود مايحجي شي الا اله غاية غايتة يذكرني باهتمامة وحرصة علية احس اذني نطرشت مااسمع شي.
درت وجهي ومسحت عيوني واني اشهد زواية البيت على تعذيبة هنا من يبسني بالصوندة ويمشي ينگت بدية من بعد ماخلة جسمي ازرگ ويون علية...
درت وجهي وفتت من عندة صاح وراي عفتة ومشيت صوت الضرب بذني اسمع صوت الصوندة من تاكل بجسمي اكل، صعدت بالسيارة واني اعد ارقام وصلت لحد 235 حسيت ايد حاوطتني طفرت من مكاني...
حيدر: -اسم الله شبيج
لبوة: -باوعتلة بذبول ودرت وجهي للجامة حجيت بجمود: مابية شي
حيدر: -جان عمج يحجي وياي بخصوص الخطبة واعتذر لان ما اجة...
لبوة: -ما رديت عليه شغل السياره وطول الطريق ساكتة حيدر يحجي وياي ما علقت ولا رديت ع كلامة عكس من اجينة بس تنناگر...
وصلاني لبيت خالتي ورجع...
طلعت ملابس ودخلت للحمام اكثر من نص ساعة اني جوة المي اتذكر ذيج الايام.
سلطان: احسبي ارقام واذا غلطتي تعيدين من جديد مفهوم
لبوة: مفهوم
هو يضرب واني اعد اوصل ارقام جبيرة الا ان يتعب ويعوفني...
ايام مأساوية بكل معنى الكلمة تتعاقب على شي مامسوية...
احسة يعاقبني على وجودي بالدنيا.
اسمع باب الحمام يندگ...
همس: -لبة ماما تگول خل تطلع صار الغروب ميصير
لبوة: -ماشي
لبست وطلعت لگيت خالتي مقابيلي...
ندى: نعيما لبلب تعاي امشط شعرج
لبوة: -كعدت مقابيلها ولميت ادية لصدري بقت تخلي زيوت لشعري دلك فروة شعري بهدوء.
ندى: -شجاج يمة اشو من طلعتي كلشي مابيج جنج وردة حيدر مسمعج شي لان جنتي عايشة وحدج.؟
لبوة: -تؤ.
ندى: -بس لاتريدين ترجعين مثل قبل عاد شلون صرتي زينة هالفترة شجاج ما تكليلي،؟
لبوة: -ادعيلي اتعدى
ندى: -يمة اني ادعيلج بكل فرض من سمعت بيج
لبوة عوفي كلشي وابدي حياة جديدة مابيها خوف مابيها وحدة عيشي وانسي الراح...
لبوة: -كل ما انسى يتعمدون يذكروني ما يخلوني انسى
ندى: -سوي العكس لبوة بس باجر وتبدي حياتج وي ناس جدد...
والولد مبين هاويج ويحبج ماراح تلگين احسن منة وامة خوش مرة ولاعدهم عايلة جبيرة
بعد شبيج...
لبوة: -خرب واهسي
ندى: -لا تگولين هيج وراج عرس ورادلج طاقة ايجابية فكري بشي حلو...
لبوة: إن شاءلله
رحت صليت ولفيت روحي بالبطانية اجت براسي مقاطع قديمة.
جنت لابسة بدلة حمرة بيها ورد اخضر وفاتحة شعري شفت بنات يلعبن ومن ضمنهن سمر وبت عمي سلطان بقيت اباوع عليهن من بعيد وهنا مسويات دائرة ومخليات وحدة بالنص ويفترن عليها...
اشرت إلى سمر اجي بقيت بمكاني ماتحركت اجت هي وبنية صغيرة وياها...
سمر: يلة لبوة امشي ويانة تعاي نلعب لعبة العروسة
لبوة: -لا انتن العبن اني ابقة هنا
سمر: -لا لبوه حبابة امشي نلعب وانتي لابسة بدلة وفاتحة شعرج مثل العروسة صايرة.
لبوة: -بس خاف ذني ما يرضن العب وياهن
سمر: -معليج بيهن ما يحجن شي يله تعاي
لبوة: رحت وياها من بعد تردد خلتني سمر بينها وبين بنية كل وحده انطتني ايدها باوعت لايد سمر نضيفة بس ايد البنبة لا.
حكيت راسي و حجت البنية.
: يله الزمي ايدي خل نسوي دويرة يلة شبيج
باوعت لسمر وهزيت راسي.
سمر: يبنات خل نخلي لبوة العروسة شوفن لابسة
بدلة، يلا لبوة راح تصيرين عروسة
فتحن ايديهن المتشابكة دخلت بنصهن وهنا يفترن علية شوية وسكتن والكل تفرق كمت من مكاني اريد اعرف شكو...
اجت سعاد لازمة بتها التبجي.
سعاد: شني ولجن مخليات هاي المسودنة تلعب وياجن وعايفات بتي ما تلعبنها...
سمر: -عمة بس بتج تلعب ويانة.
سعاد: -وينها تلعب وياجن ما تشوفنها شلون تبجي مخليات لبوة المتوحدة وياجن جيرة بفرگچن...
لزمتني من ايدي وطلعتني من الوسط حطت راسهة يم اذني وحجت بمكر وخباثة...
سعاد: -المتوحدة الخبلة ياهو الياخذج تضلين بالشوارع تفترين خبلة...
لاعبالج تصيرين عروسة مثل البنات انتي غير خبلة متوحدة برية محد يحطج بيتة انتي فكر فكرية هههههه...
عود اذا انقهر عليج اخليج خدامة لابني.
: دفعتني من جتفي وكعت بالگاع...
سعاد: ختولي لا تلعبنها وياجن ثاني مرة خلن بنيتي العروسة هاي ماتفيد.
: نكتت ملابسي ورحت للبستان بس صوت العصافير ينسمع كعدت وثنيت رجلي تزلقت من اثر الوگعة...
بقت كلماتها تتردد بذني متوحدة محد يحطج بيتة خبلة فكر فكرريةةة.
:
غزل...
رجعت من امتحان الانگليزي جان اخر امتحان الي
الحمدلله خلصت وخلصت رحلة الخامس لان النجاح مضنون إن شاءلله اعرف بنفسي ناجحة.
بيدي بس الكتب افر بيهن والابتسامة شاكة حلگي منا خلصت ومنا عرس اخوي بقالة يوم واحد...
وصلت لبيتنة الساعة بالوحدة تقريبا امتحاني يبدي من هدعش والگة سيارتين طابگات وحدة بيضة اول مره اشوفها والثانية سيارة جلال اعرفها...
مدري ليش من عرفتة موجود بيتنة صار عندي حماس واحس فرحة يكول مدري منو جاينة.
بلعت ريگي من شفتة طالع من البيت ميت ضحك بقيت صافنة علية وابتسم من وحدي.
اجة سؤال بالي بس لا اني احبة.؟
لا يمة شنو احبة جا هذا شسمية اذا مو حب يمكن اعجاب بس ساعه السودة اذا صدگ حبيتة لان الحب من طرف واحد عذاب...
باوع عليه باستغراب تحركت من مكاني واني اباوع بالكاع فتت من يمة وردت ادخل للبيت صاح علية.
جلال: -وين داخلة ترة الحوش متروس زلم
: باوعتلة بأستغراب وهسة شنو ابقة بالشارع
جلال: -انتظري اروح ادخلهم جوة ومن اجي فوتي.
غزل: -راح جلال واني بقيت بالشارع باوعت لسيارتة وصخة رغم حديثة شبية هذا يخاف عليها من العين صرت مقابيل الجامة واعدل بشالي صاح بية كمزت من مكاني...
جلال: -يله طبي فرغ الحوش.
غزل: -شكراً
رحت كبل للمطبخ لكيت امي تطبخ وازل تسوي زلاطة حضنت امي وهي تطبخ...
بسمة: -ولج لا تحترگين بعدين احضني
غزل: -ما هسة مشتاقتلج
بسمة: جا اني وين جنت بمكة
غزل: -يمة شبيج غير جانت عندي امتحانات وما شايفتج عدل.
بسمة: -عدل لو ميت هههههه
ازل: الله امنة حشاشة
غزل: -حشاشة لو حفافة هههه
ازل: -ماشاء الله النسخة الاصليه للست بسمة
بسمة: اشو تحجينها من ورة خشمج جنة ماعاجبينج
ازل: -لا يابة اذا ماتعجبني منو اليعجبني
بسمة: عفية ببنيتي العاقلة
غزل: يمةةةةة شنو اشو ما كلتيلي جاوبتي لا
بسمة: يا نسيت اي صدگ شلونها الاسئلة.؟
غزل: بيضة والكتابة بالاسود وبالاخير كاتبين لوك لايك مدري شنو.
بسمة: -غسل اي والله فوك ما اسئلج دمشي روحي بدلي وتعاي ساعدينة.
غزل: اوفف جا مجذبة عليج هي الاسئله هيج لونهة اروح ابدل اشرفلي...
رحت كبل للموبايل لزمتة بوستة خطية صار فترة شامرتة فتحتة واجت الاشعارات يمة هلا صوتهن يرد الروح...
بقيت اكلب بية دخلت تلي فايبر انستا خوب الانستا ادمان دزتلي ازل رسالة: -تگول امي خل تجي تساعدنة.
بدلت بسرعة ونزلت ركض: ها يوم طالبتني بالاسم
بسمة: تعاي ساعدينة ادري وين شردتي.
غزل: -ما شاردة بس بدلت واجيت وهسة شسوي
بسمة: -سوي لبن فرغي الطرشي والزلاطة الفواكة هاي السوالف عليج
غزل: حاضر
سويت مثل ماكالتلي امي فرغت الطرشي بكاسات صغار والزلاطة وغسلت الفواكة...
: اكول يوم شنو المناسبة.؟
بسمة: ماكو مناسبة صحبان اخوج اجو يباركولة ويشوفونة شمحتاج خاف ناقصة شي.
غزل: -عبالي صاير فد حدث اي شسويتي ما سويتي ماهي اخر الاخبار.؟
بسمة: -اليوم اخذت مرت اخوج اشتريلها جهاز.
ازل: -ششتريتو.؟
بسمة: -ملابس وغراض وهاي السوالف بس حيل قانعة لاكالت اريد هذا ولاهذا خطية مالكت قياسها وكلش ضاجت...
غزل: -يعني كولشي ما اشترت.!
بسمة: -لا اشترت بس قليل بلكوة اني وام علاء نزل وماكو وهي ابد مامدت ايدها بس تباوع.
ازل: يمة شعجب اخذتي أم علاء وياج.؟
بسمة: -مو شفت لبوة ترتاحلها وتضحك وتسولف وياها عكس خالاتج تضوج من عدهن...
غزل: -يمة الصدگ خالاتي مزعجات ماعدا كم وحدة حبابة
ازل: -لا عاب حلگج.
بسمة: -كافي يمة عيب مايصير تحجن على شخص هو ماموجود يمجن.
ازل: -وشبقى على العرس.؟
بسمة: -مابقى شي باجر نروح نحجز بدلة وصالون وراها العرس الله يتممها على خير
غزل: -إن شاءلله
صبينة الغدة متاخر لان هما جايين متاخرين تغدينة اني وازل رجعت المواعين يمة المطبخ انترس.
ازل: اني اعزلهن الج وانتي اغسلي
غزل: لا والله لا عيني ثنينة نغسلهن
ازل: -مايصير انتي اغسلي واني اشطف.
غزل: -نو نو نو اغسل المواعين بس وانتي تشطفين وتنضيفين المطبخ والجاي تسوينة.
ازل: -ها هية تم
غزل: -كمت الزم الماعون اخذلي بية فرة واشمرة واخلصهن كلهن يمة خلصت طلعت لكيتهم رايحين.
رحت سبحت ونزلت سمعت الباب يندك راحت ازل فتحتة دخل حيدر جايب مرجوحة نصباها بالحديقة
ورجع طلع...
ازل: الله هاي تفيدني اكعد بيها واقرا بس رادلي واحد يدفعني
غزل: -انتي رادلج بس واحد يوكلج ديلة تعاي ادفعج.
كعدت ازل عود ادفع بيها انگلبت على وجهة.
ازل: -اخ يمة ايدي انكسرت
غزل: -دكولي يالله مابيج شي
كومتها ونكتتها خطية كلها تراب شو بلة حركي ايدي
ازل: ؛ شبيج انتي ثولة شلون توكعيني
غزل: -شبيج والله ما ادري جاي ادفعج وانتي وكعتي يجوز ما مجلبة عدل.
ازل: -عبالي انكسرت ايدي انوب وي العرس
غزل: -الحمدلله مابيج شي بس اكولج شعجب جاببها.؟
ازل: -والله ما ادري المهم جاباها بس لاتجلبين بيهة حتى عشة تتعشين بيهة.
غزل: -شفتيني لهل درجة ماشايفة دخل اروح انام بس لا تگعدوني عفية ترة ميتة.
ازل: -فوتي والهوى بضهرج نامي واشبعي نوم
غزل: -رحت ذبيت روحي ميتة كعدت مسطورة وراسي يوجعني صفنت اتذكر حلمي يبوو ديمة وروان جاياتني بالحلم الله اليستر شلون شكول.
شفت الساعة بالثنتين عزاا لحد الان نايمة نزلت للمطبخ اسويلي اكلة ميتة جوع شفت باب الصالة مفتوح مديت الحديقة عبارة عن دخان.
طلعت شفت حيدر كاعد يم المرجوحة ويطحن بالجكاير رحت يمة...
حيدر: - ها غزولة شمگعدج بهل وكت.؟
غزل: -جوعانة نزلت اكل بيك شي.؟
حيدر: تؤ
غزل: -لعد شعدك كاعد.؟
حيدر: مايجيني نوم
غزل: -حيدر مو هواي مدخن كافي لادخن
حيدر: -ادللي هاي اخر وحده شلونها امتحاناتج.؟
غزل: -زينة الحمدلله لبوة شلونها
حيدر: زينة
غزل: -ماضل شي وتنور بيتنة
حيدر: -ان شاء الله محتاجة فلوس شي
غزل: -الله يسلمك ما مقصر ملابس واشترينة
حيدر: -ادللن.
غزل: -فدوه الكلبك ماتقصر اسويلك اكل
حيدر: -اكلي انتي شوية وروح انام
غزل: -تصبح على خير
حيدر: تلاكين الخير
غزل: -رحت سويت اكل وبقيت اكنك النوم طار بقيت للصبح كعدت امي سويتلها ريوگ...
بسمة: -يلة يمة استعجلي هم يلة نروح على برودت الجو
غزل: -انتي ومنو تروحين.؟
بسمة: -بس اني وياها خالتها عدها دوام ماتگدر تجي
غزل: -ها خوش شوية ونزل حيدر تريگ وطلع...
يمة حيدر يمتها يگعد غير باجر عرسة.؟
بسمة: -مادري بس اليوم وراها ياخذ اجازة شهر جم سبوع الله اعلم.
بنياتي اغسلن البيت ورتبن الاستقبال ولو هي مابيها شي بس ميخالف عيدن تنضيفها باليل الحنة مالت الولد...
غزل: -ولبوة تسوي حنة مو.؟
بسمة: -لا ماتسوي
غزل: -يا ليش.!
بسمة: بعد هذا الشي راجعلها تدگول مابية حيل دوخة وراي عرس
غزل: هم صدك حقها
بسمة: -يلة اني راح امشي محتاجات شي.؟
غزل: -بس جيبي وياج سبرية اوكف شعري
بسمة: -وبعد منا منا.
غزل: ؛ ما ادري شوفي ازل خاف تريد شي
بسمة: -عود اذا رادت شي خل تخابرني
غزل: -راحت امي رحت كعدت ازل ورحت قبلها انضف.
:
لبوة...
كعدت من النوم نحلانة مابية احرك ايدي والصلاة فايتتني وراسي ينتگ لزمته بثنين ادية وبقيت ادگ علية.
كافي كافي احلام مو زينة كل يوميةةةةة ماكو بس اني حتى باحلامي ما ارتاح.
سمعت خالتي دگ الباب.
ندى: - ماما لبوة اكعدي راح تتاخرين.؟
لبوة-: يله كعدت ماعندي شي هسة اجهز.
رحت سبحت وبدلت بس كلبي يوجعني وروحي طالعة من خشمي...
سوتلي خالتي ريوگ.
ندى: -يلا تعاي اتريگي
لبوة: -ما اريد
ندى: -مايصير لازم تتريگين
لبوة: -من يوم يومي ما اتريگ واذا تريگت يعني طاگة عندي.
ندى: -مو اني احجي لمصلحتج
لبوة: -والله مااگدر اجبر نفسي على الاكل تعذريني وعاشت ايدج على المخلمة مبينة طيبة...
همس: -صباح الخير يا عروس
لبوة: -صباح النور يا همس
همس: السالفة ماتبشر بخير خليني اسكت
لبوة: تسوين فضل والله.
شجن: -صباح الخير كايز
لبوة: -اجت شجن باستني عطت بيهة من الصبح بوس شهل لعبان النفس ادري بيمن متحلمة
شجن: -هسه سويتلج هي بوسة شبيج نحسة
لبوة: -ياخي مااحب واحد يبوسني تلعب نفسي
شجن: -يا عيني ومنو باجر الراح تتزوج وتگعد على بوسات بوجهة
لبوة: -شبيجن انتن ماتستحن لو المستحة انشال
همس: ليش احنة مجذبين عليج ترة مو بس بوس السالفة داچة حيل.
ندى: -ترة لبوة مو صغيرة وانتن تعلمن بيها بس هي ماتحب تتطرق لهيج مواضيع.
همس: -كولشي يصير يمكن متعرف
شجن: -ترة هاي مواضيع عادية
ندى: -صح بس لان محد ذاكرها كدامها تتحسس منها
لبوة: ؛ افففف يرادلجن گلب شكبراتة
رحت طلعت بالحديقة كعدت بالمرجوحة صافنة بالبعيد حسيت نفسي اندفع باوعت وراي شفتة رضاوي يدفع بية...
رضا: -ادعفج حيل لو هيج احسن
لبوة: -بكيفك
بقة رضاوي يدفع بية شوية واندگ الباب رحت افتحة طلعت خالتي بسمة صبحت علية ورجعت
اخذت جنطتي وتليفوني وطلعت...
اكو احساس غريب بداخلي بس ابد مو زين طول الطريق استغفر...
وصلنة وبقينة نفتر على المحلات بعدني باب المحل باوعت بعيوني وكتلها يلة خالة امشينة...
بسمة: -دخل ندخل جوة نشوف التصاميم يجوز عدهم احلى من ذني...
لبوة: خالة مبين ذوقهم وذوقي ما يتواجد بنفس المكان
: مرحبا تفضلن عيني تعالن شوفن البدلات عندة بعد جوة
بسمة: -اي يمة اللة وايدك عدكم غير ذني
: اي حجية عدنة جوة واكو بعد بالمخزن اذا تحبين تشوفنهن.
لبوة: -احس راح انفجر على ساعة بقة ابو المحل ينزل بدلات ويحجي على التصميم...
: شوفي عيني هذا مفتوح من فوگ وانتي ناعمة مو كلش سمينة تطلعين فد شي
لبوة-: اهاااا
: شوفي هاي كلش كلش ترهملج تبين تقاسيم الجسم وخصوصا الخصر...
لبوة: -اذا عاجبتك لهل درجة وتحب تجربها كدرهة وشوف خصرك...
: يعني كل ذني ماعجبنج
لبوة: -تؤ
: ترة هذا الموديل النازل هسة ماكو غيرة واذا تحبين اكو نوع واحد بقة اراويج ياة...
لبوة: -باوعت لعمتي هزت راسها بمعنى اي كلت عيب
من هسة ماسمع كلامها.
: وينهن.؟
: فوگ بالطابق الثاني اذا تحبين تشوفيتهن
لبوة: - صعدت وراة وعمتي بقت جوة ماتگدر لان درج
جانت مثل الصالة وبيها بدلات بقى يعرض عليه البدلات...
: اعتقد هذي البدلة تناسبج كلش
لبوة: -مايعجبني هيج تصميم عندك غير نوعية لو امشي
: اويلي على ذوقج بس اريد اعرف هذا الراح تتزوجينة شلون شكلة
لبوة: -مايخصك عن اذنك.
نزلت جوة طالعة روحي لو زايد بكلمه وحده جا عرفت شغلي وياه...
بسمة: -ها ما اختاريتي بدلة.؟
لبوة: -لا كلهن نفس الشي ابد محلوات
بسمة: -امشي نشوف غيرة
لبوة: -افترينة المحلات كلها ولا بدلة عجبتني كلهن وصخات وملبوسات وتصميمهن قديم...
بسمة: -ها يمة.
لبوة: -ها خالة
بسمة: -وهسه شلون شتلبسين باجر.؟
لبوة: ما ادري خالة رجعيني للبيت بعد مالي واهس
بسمة: -كولي يالله بلكي هسة نلكة بقة جم محل.
لبوة: -رحنة لاخر محلين شفناهن هم مابيهن الدمعه بطرف عيني بس اسمع كلمه وحده انهار كوة مصبرة روحي...
بسمة: -يصير خير لاتضوجين نلگة خو ماطارت البدلات...
لبوة: -لاتهمين ابد ماضايجة
رجعت للبيت بس اريد ادخلي بغرفة ماحاجيت احد
بوجهي للحمام فتحت الدوش فوگ ملابسي ودموعي ضاعن وي المي...
احس گلبي يوجعني روحي مغيمة من الصبح وانوب ما لگيت بدلة وكوافيرة ماكو لحد الان...
ها هية مامقسومة إلى لا عرس ولافرحة مثل العالم.
مثل ماگالت سعاد اني مو مال زواج...
خليت راسي بين رجلية وكمت اشهگ من كل گلبي
حسيت نفسي ضاع نهضت من الگاع باوعت بالمراية وجهي دم وعيوني ورمن من البچي...
بقيت اكثر من ساعة احس باب الحمام راح يتكسر
اريد احجي صوتي ما يطلع من گد البچي...
ندى: -لبوة شنو السالفة كافي ماصارت سبحة هاي بيج شي لو اخليهم يكسرون الباب.
الوو لبوة ولج كلبي انمرد تسمعيني ردي عليه.
لبوة: -هسه اطلع بس جاي انضف جسمي لاتخافين.
ندى: -غير دگولين يمة ضغطي علگ
لبوة: -سمعت خالتي طلعت وطبگت الباب وراها
لفيت المنشفة وطلعت بسرعة.
بدلت وغفلت الغرفة شغلت السبلت على اعلى شي احس حرارة بروحي نار تلهب اريد ابرد...
طلعت بطانية ولفيت روحي بيها ودموعي بعدها تنزل...
اني مو مال زواج شورطني بهاي السالفة گلبي الجلب غدر بية شيصير لو ماشية ورة عقلي كلامهم كہلَة صح اني فكر ومو مال ارتبط...
بين ضجيج الروح وخفايا المجهول هناك كتلة من الالم لم يعرف بوجعها الا التائهون...
تكسير تحطيم ناس ضجة كلام مامفهوم كل هذا گاعد يصير وياي...
شلت راسي ومن الفراش بقيت ادور بالغرفة احس الدنيا تفتر بية الصوت منين يجي راسي راح ينفجر
مشيت ورة الصوت احس نفسي بحلم مادري شگاعد يصير وياي ماحس الا نرگعت بشي صلب خلاني افتح عيوني وارجع لوعيي...
شفت روحي ملزوگة بالحايط لزمت راسي بوجع واتتبهت للباب يتكسر رحت فتحتة وحيلي رايح شفت الكل موجود خالتي وبناتها وحيدر بعدني بالصدمة: شبيكم ليش مجتمعين هنا.؟
ندى: -وين جنتي عبالنة صار بيج شي
لبوة: حضنتني خالتي وهي تبجي: شبيج خالة ليش تبجين.؟!
ندى: حيلي باد خفت لاصاير بيج شي
همس: شنو ماتسمعين ترة الباب كسرناة
لبوة: -جنت نايمه شمدريني بيكم عبالي اتحلم باوعت لحيدر مخطوف لونة: وانته الثاني شبيك.؟
حيدر: -سلامتج مابية غير العافيه
لبوة: -إن شاءلله
ندى: -امشي شوفي الولد شرايد
لبوة: -دخلت لغرفتي ودخل حيدر وراي وسد الباب
باوعتلة بجمود وعيوني گوة مفتحتهن...
حيدر: -شبيج.؟
لبوة: -كولشي مو زين بية
حيدر: اسم الله عليج
لبوة: ؛ لماني لحضنة وضل يمسد بشعري دموعي وحدهن نزلن.
حيدر: -مادگليلي شبيج.؟
لبوة: -ماحجيت شي بس ابچي لزم راسي بثنين ادية ومسح دموعي بيدة باوعت لوجهة تعبان...
حيدر: -ريحانتي انحسدتي شبيج سولفي ليش هيج وضعج...
لبوة: -بدلة ما لكيت للعرس ولاكوافيرة مااريد اروح للصالون تلعب نفسي منة...
حيدر: وانتي علمود البدلة هيج مسوية بروحج
لبوة حاجيني كولي احد مسمعج كلمة احد غاثج...
كتلج اني اهلج وناسج تريدين ابو اني موجود كولي شتريدين من ابوج.
تريدين ام توكف وياج اعوف كلشي واجي وياج بس لاتسوين هيج بروحج ترة انتي جاي تعذبيني...
لبوة: -مو قصدي والله مااقصد ائذيك اريد ابعدك عن اذيتي بكل مااگدر...
حيدر: -لبوة تحجين صدگ الاذية التجي من عندج رادلها شكر انتي تفتهمين علية ترة كلامي واضح وصريح...
دشوفي شكلج صاير بية ليش هاي عيونج الحلوه مذبلتهن ليش لبوة ليش هيج تسوين بروحج...
علمود بدلة وصالون طزززز بالبدلة والمكياج ولج اانتي باسوء حالاتج تثيرين اعجابي عسما اخذج بكفشتج ما يهمني اليهمني تصيرين بيتي.
انتي لو طالبة من عندي مااسوي عرس مارفضتلج طلب انعل ابو العرس اهم شي عندي انتي...
لبوة: -ماجاي يضبط شي وياي حيدر محد يفهمني مو اليوم من زمان محد فهمني لادوخ راسك وياي بس تاذي نفسك لا اكثر...
حط ايدة على گصتي وحجة...
حيدر: -احجي براحتج عاذرج لان ماجاي تعرفين تحجين بسبب الصخونة امشي وياي اغسل وجهج...
لبوة: -اخذني من ايدي للحمام غسل وجهي وادية وجاب منشفة نشف وجهي.
حيدر: -شلون سابحة وگاعدة على السبلت عقلج وين مضروبة عين اني اعرف جان السانج اطول من قندرة بوش وهسة بالگوة تتنفسين...
لبوة: -لا تغلط وعوف السبلت...
حيدر: -مو هية بكيفج كلبي ها اها طفيتة تعاي امشط شعرج
لبوة: ما اريد عوفة
حيدر: -مو بكيفج تمشين على خر اذانج
لبوة: -مااحب هاي الجمله لاتعيدها مرة ثانية
حيدر: ادللي وبعد
لبوة: -ما اريد شي. راح يدور بالجرارات طلع المشط وجاب علبة سيروم الوجة ومعطر واحد للشعر.
حيدر: -يلا تعاي امشطج
لبوة: گعد بالگاع وفتح رجلية بقيت بمكاني اباوعلة.
حيدر: رادلج عزيمة ولج تعاي وراي شغل شلعتي گلبي...
لبوة: -بس ذني ما ينخلن للشعر
حيدر: -هسة دتعاي
لبوة: -رحت كعدت بين رجلية وضميت ادية لصدري
لاتخلي من ذني بس العلبة الخضرة للشعر
حيدر: -صار
لبوة: -خلة زيت الشعري وبقة يفرك بالفروة
حيدر: شعرج حلو بس احسج مامهتمة بية
لبوة: -ترة نضيف كل يومية اغسلة هاي اذا مو مرتين لو تلاثة باليوم.
حيدر: ههههه بالنضافة وين اكو منج تاخذين رقم واحد وتكسرين العشيرة اني اقصد ماتحبينة هيج ليش تمشطينة من تسبحين.
لبوة: -مابية حيل
حيدر: -من حيلي على حيلج يبعد حيلي
لبوة: -حيدر ليش تحبني شمسويتلك اني.؟
حيدر: -وانتي ليش تريدين تعرفين عوفية سر بعدين تكتشفينة.
لبوة: -تدري مرات انتبه لطريقة كلامي وياك حيل جافة لا حبيبي ولاحياتي ومن هاي السوالف احس كلامي يجرح وأنت عندك عادي لو تمثل كلامي ما يجرحك،؟
حيدر: -اني رجال ما ادور غزل اريد وحده مثلج تطفر بالوجة.
لبوة: هيج
حيدر: -اي هيج عندج شك
لبوة: تؤ
حيدر: -ابقى على كعدتج شوية واجي
لبوة: -طلع وبقيت الف بشعري على اصبعي وافتحة
شوية ورجع رفعت راسي الة بيدة علاليگ هواي.
حيدر: -شگيتي گلبي بگعدتج هاي
لبوة: -انتبهت لنفسي مابية شي ولابسة تراك طويل
: ترة كعدتي مابيهة شي
حيدر: -لا بيها هواي معاني
لبوة: -شلون،؟
حيدر: - تضيعيني من هيج تكعدين هاي ادل للوحدة.
والاكتفاء بالنفس وبعد بيها شرح.
لبوة: -شنو صاير تفسر حالات
حيدر: -علم النفس ريحانتي.
لبوة: -شنو هذا الجايبة...
حيدر: تكملة غراضج تشوفينهن.؟
لبوة: -بكيفك بس اذا ما عجبني اوزعهن.
حيدر: -وزعي مو هي بكيفج غير اني جايبهن الج على ذوقي.
لبوة-: بدا يطلع ويراويني قطعة قطعة ذوقة وحده احلى من الثانية تراكات ودشاديش وفساتين طلعة وشغل ومناسبات كومة وكلهن قياسي انرسمت ابتسامة على وجهي.
حيدر: ؛ عجبنج.؟
لبوة: يي ذوقك يخبل حتى احلى من ذوقي
حيدر: -شوفي شكد تعبت وافتريت وما احصل هدية
شي شييايتين.
لبوة: ليش مو دجاجتين مو احسن
حيدر: -شگول عليك يلبالي تعاي شوفي ذهبج
لبوة: طلعاة من العلبة يبهر على نزاكتة وجمالة حيل حلو ونازك ماعرف وين يلگة هيج شغلات: حلو عاشت ايدك
حيدر: - عود انتي مقتنعة بروحج.!
لبوة: -ليش.؟
حيدر: -وين اكو ذهب ويلبس ذهب
لبوة: -هم صح
حيدر: -وهسة ماكو كرامية لاتصيرين بخيلة فرد مرة.
لبوة: -ادلل شتريد من اكرامية.؟
حيدر: -اه ماتعرفين معقولة.؟!
لبوة: -لاتطلعها لروحي كول ترة تاخر الوقت هسة شيكولون.
حيدر: -مايكولون شي مرتي وباجر عرسنة
لبوة: -يرفع بحواجبة وياشر على شفتة
: شبية حلگك ملتهب لو مطگگ.؟
.
حيدر: إن شاءلله تطكك كلبك يلبالي اي مطگگ تعاي بوسية ويطيب
لبوة: -شلك بهاي السوالف دشوف شكلي صاير بية حتى تلعب نفسي من اباوع بالمراية.
حيدر: -عود انتي تحجين صدوك لو تشاقين.؟
لبوة: -لا ليش الجذب دشوف عيوني حمر وخشمي احمر وجهي يگول غاطتة بجدر فلفل حار
حيدر: -هذا مال گرط بس انتي ماتعرفين هاي السوالف عود جبيرة المثلج هسه خبرة.
لبوة: -اكون خبرة بشي مفيد يفيدني ويفيد الناس مو هاي السوالف المشلتحة
حيدر: -لاتغلسين يلة بوسيني حتى اخذج تشوفين البدلة.
لبوة: -صدوك حجزتلي بدلة
حيدر: اي بس بوسي وفضيهة يلة ماضل وكت
لبوة: ما ماگدر والله شبيك افتهم
حيدر: -ترة هي بوسة سطحية ما رايدين شي ثاني.
لبوة: -اعرف بس ما اگدر
حيدر: تلعب نفسج من عندي مو
لبوة: -لا ابد لو انتة وصخ مستحيل اقبل بيك بس انتة ماتفهمني مو هيج
حيدر: -خلص مااريدن بطلت
لبوة: -شفتة زعل من صدوك بس ابد ماتلعب نفسي منة بالعكس هو نضيف كولش لزمتة من ايدة كعدتة.
كعدت على ركبي حتى اصير بطولة لزمت راسة وخليت ايدي على عيونة ودنگت بستة بطرف شفتة وخرت راسي من عندة...
رجعني علية واخذني بقبلة طويله...
وخر راسي من عندة وطفرت من يمة لزمت العلاليك واني ارجف رحت احطهن بالكنتور وازحلگ واطيح على ضهري حسيتة انخسف...
حيدر: -اسم الله شجاج بيج شي
لبوة: لا مابية بس كومني
حيدر: -خوما تاذيتي
لبوة: ؛ تؤ
حيدر: -خوش يلة بسرعه البسي الفستان الاخضر.
لبوة: -تمام
حيدر: -لا لا تلبسينة يبرز لون عيونج البسي الاسود
لبوة: -تمام
حيدر: لا لا تلبسين الاسود يبرز بشرتج ويسويج تبرجين برج.
لبوة: -وتالي.؟
حيدر: البسي الاحمر لا لا كلشي ولا الاحمر يجيب الشبهة هذا مو مال طلعة ابد.
لبوة: راح اروح بالتراك وافضها.
حيدر: -اي ابقي بالتراك والبسي علية جبة سودة بيضة احسن وشالها وياها.
لبوة: -اي مو اني حجية اطلع خل البس
حيدر: -كاضج ماتلبسين مو عندج حمام
لبوة: يعني شلون اطلع ملابس اطلع عيب
حيدر: -ذمة بركبتج اذا لبستي شي حلو
لبوة: -يا لعد شلبس شبيك رايح تجدي بية.
حيدر: -حقج انتي ماشايفة الناس شلون تباوعلج وهل هيج تحجين.
لبوة: اوففف راح البس اقدم شي عندي تمام بس فضها خزرني وطلع طلعت فستان مدري شلونة حتى لونة باهت جهزت نفسي وطلعت بقى يخزر بية...
: ها ترة ما كاشخة هذا الفستان من زمن جدك
حيدر: -مبين من زمن جدي احمم ديلا امشي
لبوة: اگولك اشو ماعاجبك
حيدر: لا بوية عاجبني كلششش بس غير تمشين
لبوة: -عبالي
حيدر: -وبعد شناقصج.؟
لبوة: -كوافيرة بس عفية كون نضيفة.
حيدر: صار.
لبوة: حيدر جاي تفهمني ترة والله اني مو متكبرة وشايفة نفسي بس هذا طبع بية ما اگدر اغيرة لازم اركز بادق التفاصيل لان هي راح تلمس بشرتي.
حيدر: -مفتهمج كلبي وين التكبر بالموضوع
لبوة: مادري احس جاي تاخذون هاي النضرة علية تدري حيل ضجت على امك اليوم خطيه تعبتها وياي هسة تاخذ نضرة علية
حيدر: بالعكس امي ضايجة عليج وتفكر بيج
لبوة: -امك محبوبة بسرعه حبيتها ودخلت بگلبي
حيدر: -واني.؟
لبوة: -شبيك انته.؟
حيدر: -انتي فد وحده، اذا سالتج سؤال ترجعين تسالينة الي
لبوة: -غير افهم السؤال وبعدين اجاوبك هااا افتهمت
حيدر: شفتهمتي.؟!
لبوة: -يعني قصدك بسرعة حبيتك ودخلت كلبي
احب اگولك لا.
حيدر: -ليش يابة لا.؟
لبوة: شوف اني من اشوف شخص مو گبل انضرلة نضرة اعجاب مو بالي هيج سوالف والفترة التقيت بيك مستحيل انضرلك او افكر بيك وبعدين فكرت بالسفر وطبقت الفكرة ونويت اسافر. فما بالي هيج سوالف.
حيدر: ابوسهم للعصابة الخطفوج لومو همة هسة انتي مدري بيا گاع
لبوة: -ليش انته جنت تعرف راح اسافر.؟
حيدر: ؛ اعرف كلشي عنج بس مابالي بهاي السرعة
لبوة: -تدري اكثر شي اثر بية موضوع سفري جنت ناوية اعيش حياة جديدة حيل ضجت وكرهت الدنيا
من التقى...
حيدر: اليختارة النة رب العالمين هو القرار المناسب «وٌعٌسِے آنِ تٌکْرهّوٌ شُيَء وٌهّوٌ خِيَر لَکْمً»
لبوة: -فعلا الحمدلله على كل حال.
اخذاني لمحل كولش جبير بية انواع البدلات وكلهن لون ابيض سلم على الولد واني بقيت اگلب بالبدلات
شوية وجاب الولد بدلة بيضة يعرض بيها كدامي...
حيدر: -شوفيهة وانطي رائيج
لبوة: -اخذتها من الولد وبقيت اگلب بيها نزاكة نزاكة بكل معنى الكلمة مامبالغ بيها وحجمها مو جبير نفس باقي البدلات تحسها ناعمة...
: البدلة جديدة اول وحدة انتي راح تلبسها
لبوة: -فعلا جديدة هستوهة مفتوحة باوعت لحيدر بابتسامة وهو بادلني...
حيدر: -عجبتج.؟
لبوة: -عاشت ايدك ذوقك يجننن شكراً
حيدر: تدلل ريحانتي
لبوة: اخذها الولد جهزها النة وجابها
حيدر: بعد كلايد من هاي السوالف تشترين.؟
لبوة: لا شكرا عندي
حيدر: دمشي ام الشكر فاهية
لبوة: -خزرتة وهو يضحك واخيرا بقت بس الكوافيرة إن شاءلله تدبر رجع بية والابتسامة تارسة وجهي...
حيدر: -ادفع عمري فدة بس اشوفج تضحكين.
لبوة: سكتت ماعرف ارد درت وجهي للجامة رجعت باوعت عليه وحجيت: اذا اسكت معناة ماعندي كلام مناسب للرد على كلامك الحلو.
حيدر: -ادري بيج تعلميني انتي مو مال رومانسيات انتي مال عرك وطلايب
لبوة: -اتعلم بمرور الوقت
حيدر: -ترة حوصلتي تطگ بسرعة اتعلمي
لبوة: -إن شاءلله
حيدر: -نمشي نشوف مطعم نضيف نتعشة
لبوة: -لا والله ماريد ابد غير مرة اگولك تسوي حنة مو.؟
حيدر: شلون مااسوي غير الگ العندي يشهروني
لبوة: -غير يحبونك.
حيدر: -شيحبون مني هيفاء وهبي اني حتى يحبوني
لبوة: -ههه يحبوك يحبوك
وصلنة واني طايرة من الفرح موقصة بدلة ابد بس لان حيدر ماعافاني واهتم بية وجابالي الشي الاريدة...
حيدر: الكوافيرة اني اجيبها لاتهتمين باجر الصبح يمج.
لبوة: -تسلم ماتقصر. المشكله ماعرف اعبر عن شكري الة اريد جملة بيها خير ماكو نزل البدلة ودخلها وراح.
شافن البنات البدلة وخالتي...
همس: لك شوف الذوق.
شجن: شراح تطلع عليج البسيها خل نشوفها عليج حبابة
ندى: مايصير تلبسها هسة عود باجر شوفنها
لبوة: -اخذتها للغرفة ورتبتها بالكنتور لگيت محفضتة واكعة وي البدلة فتحتها بيها فلوس وهويتة رحت اتصل بية موبايلي طافي شحن خليتة على الشحن
ورحت رتبت غراضي وسويت تنضيف للبشرة وماسكات...
ورة ساعة اتصلت بية مايرد مرة مرتين ثالث مره فتح الخط طلع صوت بنية تگول.
لاتتصلين الفكر بت الفگر همزين مامات حيدر من وراج سوة حادث وطلع من الموت باعجوبة لو بيج خير عوفية لان وجهج فگررر...
احس رجلية يبسن كولشي ولا حيدر شلون فرحلنة بية بس هذا هم حضي بس لاصار بية شي...
وگع الموبايل من ايدي وگعت من طولي.