رواية عكد الظفيرة للكاتبة زينب جعفر فصل إضافي
فصل إضافي.
درت نفسي للجهه ثانيه مكمله نومتي متجاهله صوت المنبه
ضل المنبه يدك استغفرت كايمه مطفيته باوعتله ولايمه نايم وحاضن طرف دشداشتي
جوري ذياب، طبررررجي
ولاحس مديت ايدي جاره شاربه فتح عيونه بسرعه فاز.
ذياب ااااخخخ شبلاج يول انهبلتي
ضحكت على لازم شاربه وعاكد حواجبه متأذي
جوري غير تكعد
ذياب عجل هيج يبه
جوري منبهك صرعني هوه اني مانايمه من وره زهراء
فرك عيونه يباوع للساعه
ذياب بعد وكت يبه مادحكين ساعه شكثر.
جوري چا شعليه قابل اني موكته منبهك
ضل لازم راسه نعسان طخيته ب اصبعي
جوري ذياب
ذياب همم
جوري اريد انام حباب كوم لاترجع تنام
ذياب اي نامي
باوعت الزهراء نايمه ورافعه ايديها اليفوك كل ما افتحلها الگماط ترفع ايديها ضحكت وحضنت مخدتي متغطيه
ذياب هوه شكثر ساعه هساع؟
جوري چا مو توك شفتها
ذياب لا مادحكت
باوعتله شفته بكوه فاتح عيونه يرمش كمت فاتحه بطل المي مخليه بيدي شوي ومسحت على وجه
فز موخر وجه
ذياب حماامه.
جوري اكعد شجاك مو جنت قبل بس امشي تفزلي فاك عيونك
ذياب اريد انام والله
جوري والله لوتدري بيك حصوايه تحجي عليه
ذياب هههههه عش تحجي؟
جوري هسه تكلي بس اخذتي الزلمه صار تمبل مال نوم
ضحك اقوى مهتزه أچتافه وخر البطانيه كايم
ذياب اتكحزت حتى ماينحجي عليج
جوري عفيه سباعيتي ابوسن
اخذ ملابسه وعيونه عليه مبتسم وغمازاته مبينات
جوري ماصارلي وكت اكويهن
ذياب موسالفه يبه هساع اني اسويهن.
رجعت راسي للمخده ضليت اغفي تعبانه وارجع افز اباوع الذياب فات حط ملابسه وشغل الأوتي يكوي ملابسه كل شوي خاطف نضره الي
ذياب نامي
جوري رجلي تاذيني
ذياب ماصارت زينه
جوري لا زايد وجعها هم
ذياب اليوم نمشي للدكتوره ودحكلها
جوري امي تكلي من الحمل
اشر ب اصبعه
ذياب هيه زهراء بكثر اصبعي وطركعت ابو ابويه
تحركت ايديها عاكده حواجبها
جوري ذياب بنتك عكدت حواجبها
ذياب تصنتلنه هل بت ها
جوري ايي
ذياب طالعه الامها حراميه.
جوري بطل سوالفك من شوكت اتصنت اني
ذياب لا وين على حجيج مكروده
اشرت ب ايدي ناحيته
جوري اي صدك مكروده اني سوده بوجه العدو
ذياب ايا سزز اني العدو
حصرتني الضحكه ماحاجيه ضميت وجهي بلبطانيه مثله النوم
حسيت بي كام جاي ناحيتي طلع صوت ضحكي خايفه منه ضربني خفيف عضيت طرف بطانيه
ذياب على ياهو عدو يول عثره
جوري محد
صار هدوء ثواني وخرت البطانيه على كيف مطلعه عيوني شفته بوجهي بيده جكارته يدخن رفع ايده الثانيه ناحيتي.
جوري ها يمعوود
شالني بسرعه على ضهره
جوري لالا بطننني
ذياب شنو سالفه صارت زينه
جوري لاوالله بعدها تاذيني
نزلني يوخر شعري من وجهي متقرب لازم خدي بيده البيها جكاره وباسني قوي
ذياب تدرين ليش صاير امشي الدوامي من گفى خشمي واحب النوم
جوري لان يمي
ذياب اي
جوري ههههه شدخل صدك عود
ذياب وحك عيناج. تحسبيني ميت مو نايم
جوري اسم الله عليك يابه ذيابنه.
كحيت اباوع الجكارته انتبه وطفاها رجع يكوي ملابسه خلص وطلع من الغرفه اني رجعت نايمه فزيت على طكطكه
لكيته لابس هدومه وشعره مبلل مشطه اليوره قدم شفته الفوكانيه مشط شواربه ونهاها بعطر
چر سترته الجلد لابسها تقرب يمنه بايس سليمان وباس راسي ساحب باكيت جكايره ضامه بجيبه
جوري لادخن اهوايه
ذياب حارمتني منهن هين خليني اضل شابگهن غاد بشغلي
جوري نسوان هنه وتشبگهن
ذياب لاعيب اني مومهرفل
جوري شني هرفل.
ذياب نامي ترا بس يطلع الضوه تجيج امي
ماحجيت مغمضه عيوني ضحك هوه وطلع راح الدوامه وصح اول من طلع الضوه بساعتين اندك الباب
جوري اهل البيت ماكو
رجع اندك الباب اقوى اتنهدت كايمه ستوني ردت اطلع من الغرفه وكعدت زهراء تبجي بصوت عالي
جوري زهراء والله كدرت السليمان بوحدي وانتي كلنا وماجاي نكدرلج دنامي ياعيني نامي
طبطبت عليها على كيف والباب كام يدكونه اقوى طلعت من الغرفه عايفتها واعرج من رجلي تاذيني.
جريت شالي لابسته وفتحت الباب
لكيتهم كلهم واكفين ابتسمتلهم
جوري لو جايبين العشيره بعد
حصه لايكثر السانج يمصگوعه
امينه بس لانايمه
حصه هل مسعده طبعا نايمه
جوري منيلي رجلي تاذيني
حصه امج رادت تجي هين
جوري اي وينها
باوعت الامينه ومهى حمحمت واشرتلي اتقرب مديت راسي وشاورتني
حصه عمج فرج همن هين ومايريد يدحك الامج
جوري ها عادي بعدين تجيني ادخلوا
غزاله اي نفوت بيت بيتنه.
ابتسمت بكوه وهمه فاتوا سديت الباب واجه سليمان كاعد من نومه
سليمان امه داده يبجي
مهى سليمانوو
شافها وابتسم راحلهم باسوا
غزاله عش هل زرع شنو عدنه
جوري اني احب زرع ليش شبي
غزاله جم يوم والاكيج تبيعين خضره للوادم
جوري موكله خضره بيهم ورد ذياب جابهن
غزاله ذياب لو انتِ المفينه
امينه حبيبتي جوريه لو ضالين بيتنه ماتعبتي هلكثر ماتكدرين عليهم جهال بس انتِ المفروض احد صوبج.
جوري مموماكدرلهم بس زهراء بعدها صغيره وانتوا كل يوم تجيني يعني موبوحدي نفس شي ان جنت هناك لو هنا
باوعت المسره جايه وياهم ابتسمتلها وسلمت عليها فتنه جوه وامينه شالت زهراء تسكت بيها هيه ومهى وغزاله لازمه راسها ضايجه
حصه مخليه راس سليمان بحضنها تمسح على شعره
حصه نام عين جدتك نام
سليمان داده مادر
حصه احسبها ساكته زهراء
اني ذبيت شالي شادته على راسي متنهده
حصه عمج فرج يريد يسوي مناسبه
جوري الشنو.
مسره شكران وسمير
جوري چچا هسه تذكرتوا صارلههم جم شهر من اتزوجوا
حصه مو هم جده لان ابو شكران اجه من العمره
جوري حجي عبود
غزاله واحنه شنو العلينه بيهم بس لو استوعب هوه اجه من العمره على شنو هل مناسبه شكثرها
جوري يستاهل حجي عبود وبناته ومرته هم
امينه اي طبعا بنتي بس مومال مناسبه وتعب
صفنت بالي شي حكيت حاجبي
جوري تعزمون امي؟
حصه غزاله حجتله
جوري اي؟
غزاله يكلي اي عجل شلون يعني المره متعبها تجي من العماره هين تعب وحجيتله شنو يحجون الوادم كل يوم مسويين مناسبه هساع اكيد يزتون عيونهم علينه
افتهمت القصد من هل مناسبه. كله حتى يشوف امي
مهى جوررري
فزيت اباوعلهم
جوري ها
مهى حبيبتي البت شربتيها حليب؟
جوري نايمه جانت شلون اشربها
امينه قبل لاتنوميها
جوري ماشربت هيه
غزاله ددحكي.
جوري تعبت تره شنو سالفه موهذا سليمان من اجه خطيه صمون مي اوكله ويه الحمامات مالاتي وساكت الطفل
حصه ياا ياا جوريه شنو سالفه بنتي
جوري اي والله ماتنعوص عليه مثل زهراء
غزاله رب العالمين الشنو يرزقج انتي
جوري شنو؟
امينه غزززاله
غزاله عجل مادحكين موصوب الامومه اصلا
كمت رايحه ناحيه خاله امينه
جوري خاله انطينياها
امينه سمي برحمن بنتي صلوا على نبي
جوري اللهم صل على محمد واله انطيني.
انطتني زهراء وتباوع الغزاله خازرتها وجه ايدي ناحيه الباب
جوري ياريت طلعين غزاله
غزاله شنوو يووول!
حصه جوري!
جوري خاله اطلعي بره
غزاله دحكووون للسانهااا المهبوله
جوري لاتجاوزين اكثر من هيج واطلعي برره
لبست نقابها عايفتنه وطلعت كلهم ضلوا يباوعولي مصدوميين من تصرفي
مسره احنه هم؟
جوري حشاكم
حصه لابعد طلعينه
استغفرت عايفتهم ودخلت الغرفتي حسيت راح انهار منكطع الهوى مني
مهى صابها اكتأب احتمال.
حصه شنو يصيبها مايصير تسوي هل سالفه ويه غزاله
امينه هيه هم جثرتها علليها هل بت
حصه بس تضل تحترم الاكبر منها
ضليت اسمعهم منقهره لزمت راسي واحرك برجلي قوي اريد زهراء تسكت امينه اجت وسدت باب الغرفه مالتي ضلت حصه تحجي عليه
لحد ماختفى صوتها عرفتها راحت وباقيين يفترون صوت مايات انفتح الباب داخله مسره
مسره عادي افوت
جوري فوتي گلبي
ابتسمت فاتحه باب كنتوري طلعت ملابس السليمان
جوري اني هسه ابدله.
مسره لااتفردي هساع انضف سليمانو موصحيح
ابتسم هاز راسه اخذته
جوري خاله امينه ومهى الموجودين مو
مسره اي جده حصه مشت
جوري شجاي يسوون
مسره عمتي تتطبخ وخاله مهى تنضف
جوري رحمه الله والديكم مايحتاج البارحه نضفتلي جاه
مسره جوري حبيبتي احنه اهلج
جوري موعليكم اني على غزاله
مسره صدكي بالله ماردنه تجي هين بس هيه علكت روحها بينه
جوري ادري بيها.
ابتسمت باست راسي وطلعت هيه وسليمان مرةة كم ساعه وزهراء نامت كمت بكوه مبدلتلها وخاله امينه ومهى ومسره راحوا
طلعت لكيت سليمان نايم على قنفه ومتغطي بغطوه زهراء كعدته مرجعته الفراشه ينام وخليت يمه زهراء
باوعت النفسي بلمرايه ملامحي مبين عليها التعب طلعتلي ملابس وسبحت بمي حار ماطولت دقايق وطلعت بالي يم جهال
غطيت شعري بخاولي وانفتح الباب مال صاله فايت شافني وابتسم
ذياب حمامتي.
رحت اعرج حاضنته مسح عليه ب ايده وايده ثانيه تسد الباب
ذياب ابني اليوم مسوي طلابه
جوري حجولك
لزم ايدي مشيني للغرفه كعدني لاف عليه البطانيه
ذياب تجيني كل اخبارك وليدي
جوري ختولي
ذياب عيب بابا
ماحجيت عاكده حواجبي ذب سترته وراح مغسل ومبدل ملابسه اجاني بيده مشط فتح جراره الاولى ومالكه اندارلي
ذياب وينهن
جوري قراصاتي؟
ذياب عجل بشنو اطبگ شعرج
جوري شمدريني بس كتلي وينهن ذنيج بجراره ثانيه خليتهن.
طلع گيتره واجاني كاعد وراي منزل البطانيه من شعري لافها على اچتافي بس
ذياب يلا سولف
جوري ذياب ماحب تحاجيني بصيغه ولد الله يخليك
ذياب متعلم احاجي درع
درت وجهي خازرته ضحك لازم فكي مرجعه
ذياب كصيبه
جوري لاطماطيه
ذياب موبمزاجج كصيبه نسوي
جوري چا المن سألتني يحضي
ذياب شو صاير وكح ولك
جوري انتوا طلعون روح الوااحد ونبي انتوااا
ذياب اشش صوتج زعاطيطج نايمين
جوري ماريدهم اتبريت منهم
ذياب شنو؟
جوري اخذتها من زينب.
ذياب هههههههه عجل سالفه مزاج هيه تريديهم لو لا
جوري امك موتتني
ذياب كافي تضل امي
جوري موعلى خاله امينه
ذياب ادري على غزاله حتى لو احسبها امي
جوري مانه عليه منيه
ذياب مانه شنو تا تحجين
جوري يعني مسويتلي فضل
ذياب اول مره تجي هين بيتنه
جوري وهيج حجت عليه مثل سم كلامها
ذياب يبه يندارولك فدوه كلهم لاتضوج نفسك ابني
جوري تكلي رب العالمين المن رزقج اطفال
ذياب شنو؟
جوري اني كل مره اسكت بس على جهالي حجت وماتحملت.
بده يضفرلي شعري واني ايديه يرجفن من عصبيه بكوه اموازنه انفاسي انتبه واستغفر حط كصيبتي صفح حاضن اچتافي
ذياب شديتي النونه
باوعتله مجتمعات دموعي
جوري مختنكه ذياب
نمت على صدره هوه شبگني
ذياب تردين اطلعج؟
جوري لاا
ذياب شنو تردين اكل احجيلي
جوري ماريد اكل
ذياب نلعب؟
جوري شنلعب
ذياب ختيلان هههههه
جوري لا رجلي تاذيني ماكدر اتحرك اهواي
ذياب عجل شنو تردين
رفعت اچتافي بمعنى مادري
ذياب بوسه؟
جوري مستهتر.
ذياب ياهوه صبح يحجيلي ابوس
جوري صدكت روحك
وخرت منه مباوعه الكصيبتي هوه غمض عيونه يشمها
جوري صاير تشمشم بشعري
ذياب نفس ابطال قصص تقريهن
جوري ههههههههه بس اني ماسابحه بشامبو نونو
ذياب عطره يصگع صگع هذا
جوري خلي نقلدهم
ذياب عجل احنه مو كتبنه قصتنه
جوري اي صح
وخر مني متمدد زافر نفسه بتعب
جوري ذياب ابوك شبي
ذياب حتى ابويه
جوري شبيك تحسسني كارهه اهلك.
ذياب موهيج يبه بس كبل تسكتين وبس تحجين بيه وهساع عالكتلي بيهم عوفيهم يبه عوفيهم
جوري همه جاي يغلطون
فتح عيونه يباوعلي عاكد حواجبه
ذياب ليش شنو بي ابوي؟
جوري ككل يوم دك وركص
ذياب هههههه عوفي للزلمه وذا سوه مناسبات
جوري شعدنه صدك جذب حتى خاله امينه حجت اتفه الاشياء يسوي هسه صح حجي عبود يستاهل بس مو الهل درجه مناسبه شكبرها مايحتاج
رجع غمض عيونه اتقربت يمه احجي يم اذنه.
جوري اني ماحجيت هيج كدام خاله غزاله كلت يستاهل وهوه صدك يستاهل بس صح كلامهم تره مايحتاج افتهمتني ذياب
ذياب مفتهمج
وخرت صافنه
جوري اي، وادري ب نيته شنو
ذياب شنو؟
جوري علمود امي تجي ويشوفها تره هم اخاف على امي من طريق بين العماره والانبار طويل ولاسامح الله كلشي يصير ومنطقتنه من نوع يحجون اذا يشوفون مره تطب وتطلع من كيفها
ضحك قوي وحاط ايده يكح
جوري عليمن تضحك
ذياب شنو تحجين علمود امج.
جوري ايي ابوك يحب امي ومنعجب بيها ماتشوف يسوي هل سوالف مال مراهقين حتى انت مامسويها وياي ولو انت شايب
جان يضحك من حجيت هيج ضاج يهز ب ايده
ذياب ويني وين شيب
جوري چچا شني شكد عمرك
ذياب بعدني شاب بنتي
جوري خرب حضي
ذياب هههههههه كافي انجبي
جوري لاصدك خلي يعوف امي بحالها
ذياب أمج عش تجي هين اذا ماتحب
جوري غير ابوك يلزكلها والا هوه اليوديها ويجيبها
ذياب عيب هل حجايه جوريه اهجدي.
كام وكمت وراه راح للمطبخ فاتح كاسه مي يشرب
جوري چا جذبت اني عوفوهاا للمره بحالهاا حاجي ابوك موصغير هوه نوب تزعل اذا كلت لازكلها
صفنت شوي وتذكرت
جوري وبيببيتك هم شبيها
ذياب وبيبيتي؟ شنو بيبيتي موبيبيتج لو غلطان سيدتي؟
جوري هههههه لاسيدي ماغلطان بس من هل يوم ماعتبرها بيبيتي لو اكلك من اول يوم انولدت ما اعتبرها بيبيتي اصلا ماجنت اعرفكم ميتين عايشين فجأه طلعتوا بحياتي
ذياب شبلاجج؟
جوري تحجي عليه ودافع الخاله غزاله
ذياب طلعتي خالتج غزاله من وتحجين خاله دحجي غزاله وبس
جوري انت هم صاف وياها موو
ذياب لااا يبه لاااا بس اسكتي وحك عيناج ميت تعب
جوري كلكم ماتحبوني
ذياب صدك صايبج كتاب
جوري ياكتاب
ذياب اكصد اكتأب
جوري مابيه شي والله مابيه شي ومحمد مابيه شي
فتح عيونه يباوعلي وعبالك مخبله كدامه
جوري ذياب صدك تحجي مابيه شي!
ذياب ياههوه حجه بيج شي
جوري موستوك تكول بيه اكتأب.
ذياب يبه گربي هين اقره على راسج
جوري ياا دروح شتقره اليسمعك سيد
ذياب ولاتچني الا سيد
جوري اي سيد هوه اليقره على راس
ذياب لاتعلكين بسيد
سكتت متذكره ضحكت
جوري لاماقصد الحبيته واني صغيره
ذياب جوررري
جوري شحجينه شنو
ذياب اسكتي كافي بويه
فتح المجمده مطلع همبركر
ذياب تاكلين همبركر؟
ماجاوبته مچتفه ايديه تنهد فاتح جيس ومطلع طاوه
جوري همبركرايه مالتي گليها بزيت
ذياب موصحي
جوري اني ماحبها ناشفه
ذياب صار.
جوري منو الحجالك عني ها
ذياب لا اله الا الله
جوري ااحجي كول يلا كول منو الحجالك اكيد كلولك مرتك ام السان
ذياب يا يابه من السانج
جوري شبيه اقصد شبي
ذياب يسلم عليج
جوري لاتستهزاء اهلك بس يحجون عليه
ذياب موخطيه فقيره انتِ
جوري شوف شوف صاف وياهم
ذياب يبه ويااااج والله وياااج وحك ريشات گمرهم وياااااج اذن لو شنووو
جوري چا شنو تكلي الساني
ذياب درع السانه هل طول مو انتِ يبه
جوري شايفني زعطوطه وتقشمرني شبيك ذياب.
ذياب استغفرالله
اجه اشعار مديت راسي هوه يباوعلي
ذياب ها دحكتي
جوري صاحبك يكلك تعال
ذياب اي نطلع بيته
جوري شعندك بيته للرجال
ذياب نربز بلمجلس شنو عدنه يعني
جوري وتعوفني؟
باوعلي فاتح عيونه طاكه روحه
ذياب كافي جوري
عفته فايته للغرفه نازلات دموعي على خدي جبت جنطتي مخليه بيها كم دشداشه لابسه صايه وحجابي
خليت بلعربانه سليمان وزهراء گمطتها ودحستها يمه
سليمان اممه ماليدها
جوري انجب هاي اختك خليها.
فتحت الباب طالعه مطنكره حس بينه وطلع راسه من باب المطبخ رافع حاجبه هاز راسه
ذياب وين؟
درت وجهي ممجاوبه
ذياب جوري
جوري خليني اررروح
ذياب وين تولين
جوري اني اولي!
ذياب عجل ب هي ليالي تفرين تردين
جوري طلعني
ذياب ها خوش
جوري لابطلت ماريد اطلع
ذياب يبه شبلاج بس احجيلي شصابج
جوري مابيه شي استون همبركرات؟
ذياب اي
هزيت راسي رحت للصاله خليت عربانه على جهه وكعدت على قنفه شوي واجه مسويهن لفات ويباوعلي صفح
جوري شبيك.
ذياب گلبي ماغدا الچ
جوري شني
ذياب مامرتاحلج
جوري عليش
ذياب مازتيتي شالج؟
جوري ها، ستوني كعدت غير
ذياب بابا سليمان اطلع اربز هين
سليمان رفعله ايده هوه شاله مكعده على جهه انطاه لفته
ذياب يلا بابا اكل
جوري شغللنه بيلي علوش
ذياب بيلي علوش ياههي هاي
جوري اقصد بيلي ايليش مادري ايلش المهم شغلي اغنيه حزينه
ضحك قوي مدنك لازم كبات رجله
جوري شسالفه مانغلط بلحجي
ذياب لج بابا لوتدري بيج بيلي علوش تلطم.
جوري شغللي اغنيه حزيييينه ذياب
ذياب زتي هل شال
جوري ماذبه اريد اضل لابسته
ذياب تردين تفلين ولج!
جوري وين اروح مثلا؟
ذياب شنو دراني هل راس المصگوع بشنو يفكر
جوري ماعندي احد
ذياب زتي شالج جوري
جوري تره موجاهله اني شبيك
دك تلفونه استغفر وكام على جهه رد اخذت لفه اكل بيها واباوعله واخوزر خلص اتصال واندارلي
ذياب صاحبي
جوري كثرانات صحبه العندك
ذياب وصاحبات
جوري شنو!
ذياب اخخ لودحكين ال ام شعر احمر بووووويه.
ضرب على فخذه اني فكيت عيوني على حيلهن بالعه ريكي
جوري ياهيه هاي
ذياب تحسبينها كناررري كنااااااري
جوري وين اكو كناري شعره احمر
ذياب من جمالها ماتتوصفها الحروف
ضليت اوتوت ولگمه حسيتها وكفت بلعومي
جوري ها، وين لكيتها هاي ها وين لكيتها
حك حاجب مضيك عيونه
ذياب بلواجب
جوري هاي بس انت الواجب مالتك بدال مايضم ضباط ضاملك كناري؟
ذياب يبه موصوبنه طبعاا لا من طلعت دحكتلها بلغلط
جوري بلغلط ها
ذياب اخخ بس
جوري وتتحسر؟
ماجاوبني مبتسم تك خد مكمل ياكل عضيت من لگمتي عضه جبيره هوه انصدم
ذياب عمي انتِ الذيب على هاي العضه
واني امضغ حجيت بقهر.
جوري عساااني وافترس هل عائله كلها
ذياب ياعائله؟
جوري عائله الكنارررري
ذياب ها هههه
سكتت اكل بس اريد اخلص لفتي كل عضه اكلها عبالك جمره بزردومي فزيت على ايده تتلمس شفتي
ذياب صگعتي الحلوه
جوري لاغير عفنه الجمال كله للكناري
رجع اليوره يضحك مهتزه اچتافه قلدت اهز بچتافي.
جوري ههاهاهااهاههااه، عليمن هل ضحك
ذياب شبلاك عصبت سيدي؟
جريت ايده مخليه للفتي بيها
جوري انطيها الهااا
اخذت زهراء ورحت للغرفه هوه حجه بصوت عالي
ذياب المن؟
جوري اام شعفه الحمره
فتت للغرفه ساده الباب باجيه نزلن دموعي على خد زهراء خليتها بفراشها مخليه ايدي على وجهي اشهك
شويه وانفتح الباب انداريت بسرعه متمدده مخليه المخده صغيره على وجهي اتقرب يمي
ذياب صدكتي؟
ماجاوبته صار هدوء عرفت يريد يجر المخده مني ضغطت قوي عليها فجأه راد يسحبها وماتحركت ضليت لازكه بيها
ذياب تبجين؟
جوري على شنو ابجي عليك؟ تهي بهي
ذياب هساع صرنه مانعجب؟
حركت راسي نافيه فتح شالي مخلي راسه يبوس بيه دفعته
جوري وخر روحلها
ذياب انت الكناري والحمام والعصافير لك لباب گلبي ابوسنك
جوري ايع روح الصاحبك بوسه
ذياب هههههه
طبطب على چتفي وكام بدل ملابسه
ذياب سليمان اطلعه وياي.
ماحجيت هوه اخذه وطلعوا وخرت المخده مني اجت عيني على المرايه وجهي احمر منطعن كله دموع خدودي مسحت على وجهي وكمت لابسه شالي مره لخ
جوري خلي يفيدك شقاك، ادري بيك ماتشاقه ابو نسوان كناري هوه هذا ذوقك
شلت زهراء وطلعت بيدي جنطتي الصغيره مخليه بيها كم غرض مشيت رايحتلهم ورجلي كل ما الها تزيد بل ألم
دخلت للفرع واصله للبيت دكيت الباب منتضره ومحد فتح دكيته اقوى وسمعت صوته
ضرغام هلاا حياااكم حياااكم.
انفتح الباب وعكد حواجبه شافني رمشت اكثر من مره شاهكه
ضرغام مرة اخوي
جوري وخر هيج منين اجيت مرة اخوك اني طليقته تمام
دفعته وفتت الجوه هوه ضل مستغرب سد الباب وفات وياي
فرج ياهلااا بزهوره وامها عش ماجبتي سليمان هم
جوري ههلا بيك عمو هلابيك
غزاله شو جايه
جوري شعليج؟
فرج جوري
غزاله دحك السانها فرج دحك
جوري اختي ماجايه
فرج لا شنو صاير بيكم شي؟
جوري لا، عمو خلي بنتي يم خاله امينه
فرج وانتي
جوري وين بيبي حصه
فرج بلغرفه.
مسره جوريه
باوعتلها مبتسمه وفتت جوه ادردم عليهم بصوت ناصي دخلت غرفه حصه ساده الباب لكيتها تقره قرأن وحاطه صوره ابوي يمها
شافتني وفزت
حصه انعثرتي ان شاء لله
جوري تره بعد ماحبج وابوگ منج صوره ابويه
حصه تعاي هين شبلاج
كعدت يمها مطنكره وحاصرتني بجيه
حصه احجيلي جوريه
ماتحملت شهكت بصوت عالي منهاره
حصه يااا يااا انزت حضك بشط ياذياب
شبگتني طبطب على ضهري
حصه شنو طكاج؟ يول ما اتحجين
جوري خاني
حصه ياا ماصبر شنو
جوري المن.
حصه شلون دريتي اله بت ثانيه
جوري هوه حجالي ويصيحلها كناري
عوجت حلكها تهز ب ايدها حطتها على راسها
حصه مادحكين ابو انتي شنو تضنين بالابن عجل
جوري صح كلامج خاينين بس اني مانطي امي العمي فرج
حصه شنو
جوري ها
حصه اني اكصد على نسوانه ثلاثه
جوري عبالي على امي
حصه ااندري بي هههههه
ذبيت حجابي وصايتي وتمددت على جهه كامت هيه فاتحه البطانيه وغطتني بيها
جوري ثخينه
حصه اي ادفي.
ماحجيت وهيه ضلت كاعده يم راسي فتحت كصيبتي وصارت تمسح على شعري
حصه كصيبتج مومضبوطه
جوري ذياب سوااها هوه يظفر اعوج
حصه موكصده يحجي خاف
جوري شنو؟
حصه يتساير وياچ احتمال موصدك حجاها
جوري لا اكيد طالعتله نسوان
تنهدت وسكتت ضلت بنص ساعه هيج وصلني اشعار نزلت البرده شفته منه
ذياب وين موليه يول
ماجاوبت دخلت للمحادثه شفته يكتب
ذياب لاتفطرين گلبي جوريه يبه
جوري بيبي
حصه ها عيني
جوري زهراء ابقيها يم خاله امينه امان؟
حصه اي أمني بيها اكثر من روحج
رجع اندز اشعار منه
ذياب بسيطه جايج.
عرفته عرف اني بيتهم سديت تلفوني بسرعه خايفه
جوري عرف درى
حصه ياهوه
جوري ذياب درى اني هنا شلون
حصه عجل وين تفلين غير هين تجين
جوري يجوز بشارع بقيت شعرفه
حصه يا غمه غير حاجيتي
جوري ماحاجيته هوه الراسل بس وعرف ماجاوبته اني بس شفت رسايل
حصه بلتاوساب يطلع اني حجتلي مسره شلون اعرف اذا احد دحك الرسالتي
صفنت مستوعبه غميت روحي منداره مغطيه حتى راسي.
جوري اذا اجه كلوله نايمه
حصه يا يمصگوعه معليه اني انتي وزلمتج اتحاجوا
عضيت اصبعي وهيه عافتني طلعت بقيت على اعصابي متمدده ومتغطيه اندك الباب حسيت انحبس دمي بعروگي
ذياب جده
شافني بس اني دخل بسرعه ساد الباب وقافله زلغت خدي اعضعض بشفايفي وكل ما إلى اضغط بطراف البطانيه عليه
ذياب تزاعلنا من وراهم وجايه صوبهم نايمه
ماجاوبته وخر البطانيه جارها قوي نزل شعري على وجهي وخره بيده يباوعلي مهمهم
جوري ماتعاركنا عليهم.
ذياب حتى على ابوي حجيتي شلج بيها هاي
جوري اني زعلت من الكناري
ذياب بابا مايصير تطلعين هيج بلايه مادري بيج فرضا لاسامح الله صابكم شي وين ازت وججي اني
جوري عود زته للكناري
ذياب ماحجيتها صدك شبلاج شنو عندي غيرج
جوري ذياب خط حدود بينه رجاءاا احترم وروح
ذياب تصغرين عقلج يول
جوري اي صغرته
ذياب افا افا مو اكول انتي ام عقل الجبير
جوري لاتلبخ روح ههذا هوه كلشي بينه انتهى
اندار اليوره
ذياب اني قفلت الباب مو.
كمت بسرعه خازرته
جوري ررروح الكناريك شكو جايني مو مانعجب احنه
ذياب الله يلعن حرمله تعاي هين
جوري عوف امي شبييك
ذياب غغير احبها عمتي
جوري چچا تحبها تلعنها
اجه يمي جارني بحضنه
ذياب امشي البيتنه
جوري ماريد اريد ابقى اليوم وباجر وعكبه هنا انام
انتبه الجنطتي هز ايده ضاحك
ذياب وملابسج هم جايبتهن
جوري اي شحسبالك
ذياب اي شكو بيها اني هم انام هين
جوري لا ايع روح شسوي بيك.
راد يحجي واندك الباب اختفت الابتسامه من وجه أشرتله بعيوني للباب يكوم يفتحه
ذياب اليوم انام هين صوبببج
جوري عود خوش
فتح الباب لكى حصه ضربته خفيف بلعكازه
حصه هيج تزتوني بره
لزم ركبته مبتسم
ذياب لا بس ردت احاجيها
حصه ابوك يريد يحاجيك
عافنه وطلع هيه سدت الباب واني ركضت بسرعه قافله الباب
حصه يااا ياا مو رجلج تاذيج
خليت ايدي على رجلي متاذيه
جوري اوخخخ
حصه هساع اذتج سبحان الله
جوري صدك توجعني تره
حصه عش قفلتي الباب.
جوري ماريده يفوت موتفتحينه بيبي
هزت ايدها متمدده تنام واني هم تغطيت
حصه تنامين بضلمه؟
جوري موكلش ضلمه خليلي ضوه خفيف
هزت راسها وطفت الاضويه كلها ضليت فاكه عيوني
جوري جا وين ضوه الخفيف
حصه الغاد
رفعت راسي اباوع
جوري وينه؟
اشرتلي على دكمه ثلاجتها الصغيره قصدها على نقطه ضوه مال دكمه هزيت ايدي منداره للجهه ثانيه
حصه لاتلوحين بيدج نامي
جوري زهراء نايمه؟
حصه اي بس رجلج ماينام اضن
جوري شعليه بي
حصه غير زلمتج.
ماجاوبتها وهيه نامت ستوني بديت اغفى واجاني اشعار استغفرت فاتحه تلفوني لكيته منه
جوري شترييد
ذياب تنامين يبه؟
جوري اييييييييي
ذياب وجعي، مارايح من بالج شي؟
جوري لا
ذياب بنتج تريدج
جوري بنتي نايمه
ذياب اكو فراش بعد اذا تردين
جوري لاماريد تسلم
ذياب تره ناسيه زلمتج انتي
جوري مامتزوجه اخي
ذياب اخخ راح من بالج عشرتنه وبوساتج الي
جوري يااا منيلي بوسات شو ماتعرف تحجي
ذياب تعاي اخذي رجلج
جوري ماريده اتبريت منك.
شافها وماجاوب اني سديت تلفوني صافنه بسكف اندز اشعار ثاني
ذياب كاعده؟
جوري اذا ضليت تحاجيني مانام
ذياب عجل راح اضل اغرد
جوري احضرك
ذياب لاتصير مهرفل ابني
جوري روح للكناري
ذياب مو اسب الكناري يول منيلي اني شو بس حمامتي
جوري خاف مامكفيتك
ذياب غير بكثر اصبعي ومكفيه عيوني وراسي وگلبي احبج يمصگوعه احبج
جوري ماكو كناري
ذياب بس انت بلگلب وحك عيناك بس انت
جوري خوش
ذياب راح تفكين الباب الحبيبج وابو زعاطيطج مو.
جوري امممم، نووو
دقايق ودز بصمه نصيت صوت كلش وقربتها الاذني سمعته يكول بصوت ناصي وهامس
ذياب العن ححررررمله
ضحكت وطفيت تلفوني نمت كعدت الصبح مراسله جاه اجت هيه وفلاح وبطنها كبرانه اكثر...
جاه فلاح لو جايبين ويانه مريم العذراء
فلاح ماتحب الوادم
جاه لايصير بيها رهاب اجتماعي يمعود طلعها
فلاح ههههههه لاهيه مزاجها هيج مودحكين اطلعها بس سالفه كرايب وبيت جدها ماتحب جثير
هزيت راسي هوه طبطب على بطني ابتسمت اباوعله.
جاه احنه قررنه اذا صارتلنه بنيه شنو نسميها
فلاح اي
جاه بس اذا ولد مادري محتاره فلاح
فلاح جاي
جاه وين جاي
فلاح لا ابنه نسمي جاي
بهتت ملامحي اباوعله
جاه نعم؟
فلاح هههههههه اي حلو چاي هذا رمز تعبيري الحبي للچاي
جاه فلاح حبيبي اسكت
دخنله جكاره طابگ سياره على جهه
فلاح بمزاجج بعد
جاه اكيد اذا ضليت على مزاجك اتخبل رسمي
ضحك ونزلنه دكينه الباب وطلع فراس لابس دشداشه وشماغ وعكال
فلاح مسترجل الحفيد.
طبينه جوه لكيت جوري كاعده بلمطبخ كدامها ماعون طماطه تاكل منه وذياب مگابلها يحاجيها بصوت ناصي
جوري حجيتلك ماا
ذياب يول وين موصدك حجيتها خلي نرجع شببلاج
جاه شنو
انتبهوولي ذياب كام بسرعه متحمحم طلع من المطبخ بدون مايسلم عليه حتى هيه كامت بكوه حاضنتني
جوري عرفتي شنو بطنج
جاه ماشاءالله عليج متحمسه للجنس طفل اكثر مني
جوري اي غير اعرف هوه لو ولد لو بنيه
جاه شكرا، حسبالي اختيار ثالث فضائي على ابو.
ضحكت منطيتني من طماطه
جوري تردين
جاه لا يمعوده اكو احد ياكل طماطه هيج
اكلت منها وتمطك
جوري حامضه
جاه شكران وين
جوري ها صدك شو ما الها حس
جاه نوف ما اجت
جوري لا جم يوم ويلتمون كلهم
جاه ليش
جوري عمج مسوي مناسبه الابو شكران
جاه عليمن
جوري لان اجه من العمره بس كايل الذياب عاديه مو ذيج ذيج الجبيره
هزيت راسي وفاتت شكران سلمنه عليها
جوري اي شلونه سمير وياج
شكران الحمدلله
جوري شسوالج من مفاجأة خلي اكول الذياب.
شكران جابلي حلويات
جوري ياا امداج كل يوم هاي لازم عودي
جاه لاموزين كل يوم حلويات
سمعت صوته يصيحني من بعيد
فلاح جاه
رحتله بسرعه مبتسمه شفته شايل زهراء
فلاح دحكيها شكثر حلووه ناخذها الابنه
جاه امها جوري
فلاح غير اختج
جاه تبلي راسي ماتنطي هاي
فلاح احجيلها
انداريتلها لكيتها لازمه شكران وتسولف وتاكل بطماطه
جاه جوريه
جوري ها عيني
جاه اذا ناخذ بنتج الابنه تقبلين
جوري لاماحبيتها منج جاه
جاه شني.
جوري بنيتي دحكيلها ولو مادري وينها بس تخبل اخذ ابنج راسه مجعمر
جاه هسه انتي شفتي
جوري ماننطي مايطلع بجمال بتنه صدك جذب اني انطي الج تهي بهي
فلاح شنو نسبنه مايعجب
رفعت حواجبها مصدومه ضحكت اباوعلها
جوري لاعمي نفرش احنه
جاه نتشرف
جوري نشرف احنه بس والله اهواي يردوها يعني شسوي الله يعوضكم
شكران بالاحسن
جوري اانجبي لج ماكو احسن من بنتي زهوره الزهاهير
فلاح عمي زتيلها بنتها مانريدها ماتنوجد مثلا.
انطيته الجوري وهيه اخذتها خازرتنه
جوري اي ماتنوجد زهوره هايه
ضحكت عليهم جاره الكرسي وكاعده مرةة الايام واحنه ضالين سويه ونوف اجت قليل وراحت صار يوم المناسبه واجو اهل شكران كلهم وعمي فرج راح للعماره حتى بس يجيب امي حضرنه نفسنه بشكل بسيط
وعيوني دائما تجي على جوري وذياب يحاجيها مره من مرات سمعته يكلها بعد مانشاقه بس ارضي
عرفت مزعلها.
لبست فستان نيلي وحجاب جرجيت ونزلت لكيت فلاح بيده تلفونه يگلب وبحضنه سليمان لابس دشداشه وشماغ ومناضر
جاه اوف هاي شنو ولك سليمان شهل كشخه
باوعلي وابتسم منزل مناظره فلاح اخذ نفس قوي من جكارته يباوعلي
فلاح عيونك عذابي وبلواي
كتمت ابتسامتي كاعده يمه لزم بطني يمسح عليها ب أبهامه خفيف.
صار الليل وكلها اجت جوري ضلت تاذيها رجلهاا بقت مددتها ولابسه شالها رحتلها مطلعه من جنطتي حمره احمر طوخ خليلتها
جوري وكتها ولج.
جاه ملل يمعوده خليني امكيجج
جوري خايبه اني بيا حال
حطيتلها كحل واضح وزودت بلحمره دفعتني دايره وجها
جوري كافي يمعوده لايجيني طبرجي
جاه بس شامه
ضحكت ضاغطه بلسانها من جوه فوك شفتها مرتفعه صارت خليت من ايلاينر نقطه صارت مثل شامه وحده فوك شفتها وثانيه خليتها جوه عينها
اندك الباب فايت فراس
جاه ها فصعون
فراس خاله عمو فلاح يريدج بره
باوعتلي جوري تضحك
جوري يلا روحي
جاه بعد شامه
جوري ولج رجلي تاذيني ياشامه امشي.
فراس بلحوش الغاد هوه
كمت طلعت بلحوش الوراني مالكيت احد وضلمه
جاه فلاح؟
ردت افوت وانجرت ايدي مندفعه على الحايط رفعت عيوني وشفته
جاه ها فوفه
فلاح يافوفه وين لايگلي هل لقب
لزمت شواربه لافتهن على كيف هوه ابتسم متقرب لافحتني انفاسه الحاره باس خدي
فلاح مشتاقلج
جوري اجه سليمان بيده علاكه حلويات شبگته بايسته
جوري منو جابلك ذني
سليمان بابا
رفعته مخليته بحضني
سليمان بيج اواه
جوري اي حبيبي ماما رجلي تاذيني.
فزيت بشي ينحط على كصتي رفعت بؤبؤ عيوني ولكيته يشد بشماغه عليه مبتسم
نزلت عينه وشاف مكياجي اختفت ابتسامته رافع حاجبه دنگت بسرعه اتحمحم وسمعته يهمس
ذياب ناوشي الزعطوط الامج وامشي للمجلس
جوري ليش شكو
ماجاوبني مطلع من جيبه چفيته السوده وهز راسه بمعنى يلا
جوري امي بعدها ماجايه
سحب سليمان مأشرله بره انتبهت يأشر على امي جايه ويحاجنها نسوان وهيه مبتسمه
جوري رجلي تاذيني.
ذياب جوري شنوهاي صدك تحجين كرايبنه يفوتون تره
جوري هسه هيه حمره ياعيني
قرب الچفيه يمي
ذياب اتمسحيها لو اني اعرف شلون امسحها
اخذتها منه
جوري ناشفه
راح شوي واجه سد الباب جايب وياه بطل مي حط بيها واني مسحت
جوري ها
ذياب بعد بعد
مسحت اقوى كل وجهي
جوري ها
اشرلي بيده بمعنى بعد فركتها على وجهي قوي
حجيت طاكه روحي
جوري هااا
ابتسم كارص انفي
ذياب هيج احلى طبعا
جوري اي صدكتك.
ذياب وحك عيناج احلى شو بلا دحكيلي اخخ گلبي شنوهذا جمالج
ضربته على صدره خفيف اضحك هوه سحب ايدي بايسها قوي وانفتح الباب فز طفر بسرعه بعيد عني
جوري ههههههه هذا سليمان
بيد وحده شاله بدايه ملابسه
ذياب هيج تفوت ابني الحلو
سليمان ججوعان
ذياب والجيس الاكل بكثر راس عمك اكلتها كلها شنو
اخذت عصاره صرت ادهن رجلي وذياب شاور سليمان
جوري شتحاجي الولد
اجاني سليمان مبتسم مأشرلي ادنك مديت راسي وحجه بصوت ناصي.
سليمان بابا يحبج واااااي
باوعت الذياب ضاربته قوي على چتفه
جوري استحي
ذياب غير ايد
جوري والله متكسره انا
ذياب عمي ماشاءالله ماشاءالله
جوري ههههههه ايي انت جنك صبوره لوح لوح ماشاءالله لوح
رفع ايده عاصرها مبين عضلاته
ذياب دحكي العضله دحكي
ضربت عليها
جوري اوف اوف مموعضلات ضيم
صاحوله باس راسي وطلع وياه سليمان بقيت بوحدي لحد مافاتت مره جنت منزله راسي مامنتبه
جوري
رفعت راسي وشفتها بهتت ملامحي
همست بصوت ناصي.
خاله ام نوح.!
كعدت يمي تفرك ب ايدها وعيونها كل شوي بره عبالك خايفه احد يشوفها يمي
جوري ش، شنو شكو؟
ام نوح نوح موزين بنتي
جوري شعليه بي خاله لايشوفج احد بعد اتزوجت اني
ام نوح اسمعيني.
نوف سولفت ويه مسره واجت عيني على جوري ردت اروحلها بس صوبها مره تحاجيها
نوف ياهي المره صوب جوريه؟
مسره ماعرف دحكي غاد
نوف هها
اشرتلي باوعت ولكيت هاله جايه عازمتها غزاله ضعفانه كلش ومالابسه عدساتها ولابسه مستور منزله راسها
مسره نسلم عليها؟
نوف اي
جريتها ورحنالها شافتنه وابتسمت شبگناها قوي
نوف شلونج هيله
هاله الحمدلله حبيباتي وانتوا شلونه زواجكم
ردينه اثنينه. الحمدلله.
سحبتها غزاله للغرفه واحنه ضلينه كاعدين شويه ودك عليه كرم جاوبته
كرم فرج موحجه مناسبه عاديه شنوهاي خالي انفطر راسي
نوف اذا تكول نمشي للبيت لااا
كرم هااااااااا؟
نوف ااحجيلك اذا تكول نمشي للبيت لاااا
ماسمعني وعدت اكثر من مره لحد ماسمع
كرم عجل تضلين هييين شنو
نوف لاشويه نضل اكثر
كرم شويه واكثر؟
نوف ههههههه اي
كرم لاموهساع كبل شوي اجيتي دحكي للساعه من تصير ونص نروح تمام
نوف صار درعي
كرم يتسرسحلج
ذياب ياهوه يتسرسح.
كرم ذياب فوت اذنح بعد بجهازي لو احجيلك اخذه اكضب
ذياب اي جيب ما احجي لا ابني سليمان اخذ تلفون عمك درع واصلخه بتفله بدربك
درع خوش تعلوم، وهذا مصدك جايني يول اكحز الابوك
نوف ههههههه
درع مويروح من بالج الووووكت الووووكت
ذياب دخليهااا
درع ااهووو
سداه للاتصال ضليت اباوع الهاله بس خالتها تحجي وهيه منزله راسها طكطك ب اصابيعها
جوري
صار الليل وكلها راحت واني عقلي افتر من كلامها اخذت جهالي وصعدت بسياره صافنه.
ذياب شلون صارت رجلج حبيبي، جوري
جوري هها
ذياب رجلج
جوري اي احسن شوي
ذياب اخذج للدكتور باجر
جوري لا
ذياب بيج شي؟
جوري لا.
ذياب وجج مصفر
ماحجيت هوه ساق ماخذنه للبيت وصلنه ونزلت بوحدي هوه نزل الجهال فايتين وسد الباب رحت بسرعه للغرفه مبدله ملابسي هوه دخل شمر سلاحه على الميز فاتح دكم قميصه
ذياب امج راح تضل هل ليله بيت اهلي مو
جوري ها
ذياب شنو احد ضوجج غاد؟
هزيت راسي نافيه اباوعله بفهاوه تقرب يمي متلمس كصتي.
جوري مامصخنه انا
ذياب عجل شنو بيج؟
ماجاوبته متمدده افكر هوه بدل ملابسه وغطاني متمدد يمي رفع تلفونه موقت المنبه مالته
جوري ذياب
حط ايده اثنينهن جوه راسه نايم ب اتجاهي يباوعلي منتضرني احجي رمشت اكثر من مره ماحاجيه
مد ايده يتلمس خدي نازل على ركبتي
ذياب احجي
جوري اني احبك
ذياب اني هم احبج وعاشگ هواج
اتقربت شابگته قوي باس شعري مغمض عيونه
جوري سيدي
ذياب ها يصگعه صارت بيها سالفه سيدي
جوري خايفه.
فتح عيونه مستغرب منزل راسه
ذياب من شنو يبه؟
جوري جهالي اخاف عليهم
ذياب احنه صوبهم مايصيبهم شي
جوري وذا احد دعى عليهم
ذياب ياهوه داعي عليهم؟
جوري هيج
ضميت راسي بحضنه وايديه يرجفن حس عليه رفع ايدي بايسها ونام هوه بس اني مانمت ضليت طول الليل افكر بكلام ام نوح
وشلون تحجيلي دعت على جهالي بمقام الامام الكاضم عليه السلام اذا بقيت هل امنيه بنفس ابنها المريض.
غفيت شوي والخوف على جهالي بدمي فزيت صبح مخروعه على بجي سليمان قوي
رحتله مهروله لازمته قوي
جوري شكو يمه شكو حبيبي انت شجاك
سليمان اوااه
ضليت اخذ ايده اباوع ورجله
جوري وين احجيلي وين
بجيت بسرعه ارجف شبگته ههوه يبجي وبس يكلي اواه
اخذت تلفوني داكه على ذياب ومايرد صرخت شامرته رجعت شابگته السليمان
جوري ككلي شنو اليوجعك ابني حبيبي وين ها گلبي انت.
كمت مره لخ جاره تلفوني اريد ادك عليه لكيت متكسر شاشته رجعت خابرته ومايجاوب اكثر من مره دكيت يلا رد
ذياب ها حمامه
جوري وييييينك مو اادك علييييك يعمي المن خليتلي تلفون هااا ليش ماتجاوبني
ذياب شكو شنو صاير؟ شببلاج
جوري تعال بسررعه ابنك ماعرف شبي بس يبجي
ذياب وين اكدر بلواجب
عطت قوي منهاره...
جوري ابنك مرررريض ذياااااااااب
ذياب اشششش اصبريلي.
سد الاتصال ضليت منتضره مرةة كم ساعه وسليمان زاد بلبجي وكعد اخته وياه ضليت اضرب على فخذي الخوف بدمي
انفتح الباب داخل
ذياب وينه
جوري ليش ماجاوبتني من اول مره
راح السليمان يحاجي
ذياب وين متاذي بويه
جوري اخذه دكتورر شي ابني ماريده يتمرض مارييد
ذياب هساع اخذه شبلاج تعلين صوتج؟
كعدت ابجي لازمه راسي هوه اخذ سليمان وراح طلع تلفونه متصل على احد دقايق واندك الباب خليت شالي وفتحته لكيتها نوف جايه
نوف شنو بيج عمري.
فاتت وسديت الباب ضليت كاعده على قنفه اتلوى اريد بس سليمان يصير زين
هيه حست بيه ماريد احجي ضلت تسكت زهراء وسوتلي عصير برتقال رادت تحاجيني بس حسيت انغفلت عن كلشي بس اريد اعرف اخبار سليمان
صار الليل ونوف اجه عليها درع باستني وراحت واجه ذياب فتحت باب بسرعه
جوري ها شبي ابني
ذياب يبه ماخذ برد طكيناه ب ابره وصار زين مو صح سليمان حبيبي
جان شايله بيده فنكر ياكل هز براسه جريته قوي شامته.
فات ذياب وسد الباب راح يغسل ويبدل ملابسه اني نومته السليمان وغطيته رحت للغرفه شفته يلعب بزهراء
ذياب بابا زوزه شنوهذا خشم مدور
جوري ذياب
باوعلي مبتسم
ذياب روحه
جوري اريد اروح البغداد بس هل مره
عكد حواجبه مستغرب
ذياب عش؟
جوري بلمناسبه سويتوها شفت ام نوح
تغيرت ملامحه كايم خازرني
ذياب اي؟
جوري تكول ابني مريض وبنفسه يشوفج اخر مره
ذياب انتي مهبوله لووو شنووو؟
جوري ماريييد اشوفه بس هيه كالت ادعي على جهالج.
ذياب وشنووو هيه مثلا تحسبين ياهيه دعت استجاب دعائها
جوري ابني اليوم اتمرض ذياب
ذياب بيج شي بابااا هوه برد ماخذ شبلاه مثلا
اهتز جسمي خايفه
جوري ماريد اجازف بيهم اخاف والله اخاف خلي يشوفني
لزم راسه مستغفر يحاول يهدي بروحه وايديه يرجفن شهكت لازمه ايده متوسله
جوري حباب اخرر مرره خليني اروح
رفسني قوي خازرني وكع گلبي ساكته اجه كبالي حاجي بصوت ناصي
ذياب مستوعبه شنو تردين مني؟
جوري تقبل تدعي على جهالنه.
ذياب خلي تدعيي واني ادعي على ابنهااا السكط ششنووو يدحك المره متزوجه لج شبلااااج
ضل يصيح عليه بجيت مخليه ايديه على وجهي
ذياب ليش تفطرين گلبي انتي تردين تموتيني
حجيت بغصه
جوري اخاف على جهالي والله
ضل يباوعلي مكور ايده شويه وغمض عيونه متنفس على كيفه
جوري حباب
ضرب المرايه قوي متكسره فزيت مخليه ايدي على گلبي عافني وطلع رافس الباب
ضليت بمكاني صار الصبح هوه فات للغرفه عيونه حمر
جوري مانمت.
ماجاوبني ولاباوعلي فتح كنتوره مطلع ملابسه لابسهن رحت بسرعه كباله
جوري ذياب والله الخوف بگلبي لوتسمع كلامها تدعي عبالك من كل گلبها واخاف على ضناي انا
تكلي شديت الرايه بحضره مال الامام الكاضم
ذياب زيحي جوري
جوري ليش ماتفهمني
ذياب لا روحي يدحكلج بمزاجه هل واني اشدلي كرووون وأچني صوبج هااا هيج احسن؟
سكتت منزله راسي
جوري ههوه شايفني قبل.
ذياب لوبيدي ما اخلي اي بشر يدحكلج بس صغيرره وهبلتيني كل شوي مسويتلج سالفه وحتى
اتقرب يمي كلش اندحست بلكنتور لزم فكي بقوه خازرني
ذياب حتى ال ذااااك غسلت ايدي بدمه يلا ارتاحيت تدرين ليش، لان ارهابي ودحكلج وصارت نفسه بيج موتته بيدي
ضل گلبي يدك قوي اباوعله
ذياب اذا مامات بمرضه نوح اني اموته لو انعدم ماهتم بس اموت كل واحد يهوااج غيري انخلقتي الذياب مستوعبه
جوري وضناي.
ذياب سليمان احمي بعين وزهراء بعين وأنتِ كل شريان بجسمي يحميج ويريدج اله
جوري دعواتها خوفتني
ذياب مو كل احد يدعي تستجاب دعواته وهم تنرد الها يبه لان تا تدعي على اطفال بس لان منحرك على ابنها
قرب ابهامه ماسح دمعتي مد راسه اكثر غمضت عيني وباس مكان رموشي
ذياب ياروحه الذياب أنتِ. زيحي كلامها من بالج ولاتورين دمي عليج
ماحجيت هوه لبس هدوم دوامه وخطفلي اخر نضره وراح صار الضهر واجه استغربت جاي من وكت.
جوري ححسبالك اشرد
ذياب لا، نمشي
جوري وين؟
ذياب البغداد؟
جوري عود اشوف ن...
حط ايده على حلكي قبل لا اكمل كلامي هاز راسه نافي
ذياب لايبه ياسكط، ازورج الامام الكاضم عليه السلام
ابتسمت جهزت نفسي بسرعه وطلعنه وكفنه بيت جاه خلينه جهال عندهم واتوجهنا البغداد مقام الامام اشتره هوه من وحده من البسطيات رايه خضره
لزم ايدي وباسها فتنه جوه وزرنه طلعت لكيته كاعد على جهه منتضرني ابتسمت واجيت يمه كاعده
جوري وين رايه.
ذياب شديتها. تنحفضون إلى ان شاء لله
ب ايده مسح على خدي مايلت راسي بايسه ايده
ذياب ياروح الروح أنتِ.