رواية عكد الظفيرة للكاتبة زينب جعفر الفصل العاشر
ذياب جوري؟
درع ذياب شبلاك مواحاجيك
ماستمعتله موكف سياره فاتح الباب اباوعلها ماشيه رايحه داخله للفرع مالهم سكتت صافن حسيت بطبطبه على چتفي انداريتله لكيته يغمز
درع وين طنيت؟
ذياب طالعه
درع ياهي شكو؟
ذياب هوو اني المسربت اخذها وضليت الليل مانايم بس اريدها توصل
صفن شوي مامفتهمني شمرت جكارتي مشغل سياره شاخطها ماشي سريع
درع وين طحيت بيها؟
مجاوبته عاكد حواجبي اتنفس سريع
درع تمام اهدي ولاتگطع بسياره.
ذياب شهدءءء طالعه بدرب هيج نوب بيدها دخان بنت ارررمله بيدها دخااان
درع انخوك، يول يلا اختها الفصمه بيدها باكيت جم يوم وهمن ترفع جكارتين ويا ابو البارر انا سكران
ذياب سهله
درع ياهي سهله صاحبتي، راح تدعمنه شبلاك، هي وين ماخذنه
ذياب للبغددداااد وين يعنيي؟
درع هدي
درت سكان صفح صاير صوت الهورن من سياره مقابيلنه
درع شكوو ذياب
عطت بي مأشر بيدي
ذياب ماتريييد انزل مناقصصص اني
انصدم فاتح عيونه من صياحي
درع كمل كمل.
استغفرت مكمل سياقه بيد وحده
ذياب كرم
درع من درع لكرم
اشرتله بيدي وانا اباوع للطريق
ذياب طلعلي جكارتين سوه
درع گربلك الهبل ها؟
باوعتله خازره هو تنهد ماخذ باكيتي مطلع اثنين مورثهن اخذتهن منه مخليهن بين شفايفي ماخذ نفس زافره من خشمي الدخان.
مرةة ثلث ساعات ورفع راسه شايف بغداد السلام ترحب بكم
درع بثلث ساعات طيرتنه البغداد ادري متحجيلي ام كصايب شدتلك محرك
ذياب سد حلكك
درع سديناه يابه.
حكيت شاربي منزل جام وشمرتهن جكارتين من جام
ذياب طلعلي جكارتين بعد
درع خلص للباكيت خلص شبلااك اثنين اثنين تموت نفسك
ذياب عاجبني شوي ادخن
درع شوي؟
ذياب انتَ ناوشلي
طلعلي من جيب بنطرونه وحده باوعت للجكاره ورجعت انضاري للطريق
ذياب بابا اثنين
درع ماريد اخلصهن بحلكك هاي وحده وخلص
خلاها بحلكي عفت الستيرن مورثها
ذياب خخره بذوقك موطيبه هاي
درع بدارسين الحار
ذياب اكو واحد ياخذ هيج نكهه
درع وجك مومال نعمه.
ضحكت كاح هاز ايدي
ذياب وحاره نوب
درع قناصي
ذياب غلاته
درع احجيلي
عكدت حاجبي مباوعله ومرجع انضاري
ذياب على شنو؟
درع اام كصايب شلون كمزت على شواربك
جوري: -
دخلت للفرع واكفه يم الباب صافنه
كشيت خشمي اشمشم
جوري هاي مو ريحه الطبرچي
رفعت حاجبي مامفتهمه ونزلته باهته ملامحي
جوري بس لا اجه ياخذني
انداريت اليوره ماشفت اي سياره
جوري هذا عنده حساسيه من المشي موهنا اي بس منين اجت ريحته.
فتحت الباب داخله وسديته على كيفي هدوء وماكو احد
جوري جميله؟، حبيبتي كعدتي؟
رجلي طخت شي باوعت بسرعه ولكيت كارتونه اندومي
جوري شنوهاي نوووب شجاي يصير
شمرت جكاير ذابه شالي ودخلت بسرعه جوهه شفت جميله بيديها جيس اندومي تلعب بي شافتني ابتسمت وركضت جايتني حاضنتني
دنكت مضيكه عيوني مايله راسي
جوري جوجه اكو احد اجه هنا
جميله كل
جوري منو كل
جميله كل عم.
جوري لاعوفي الاكل اكو احد هنا اجه اهوو شلون افهمج باعي داده هنا اكو؟
صفنت شوي وهزت راسها ضربت على فخذي
جوري سهله جاي هناا نوببب شيدوررر
طلعت بره وجميله وراي لازمه جيس الاندومي اخذت جكاره وشغلت جداحه مورثه منها
جوري شنو انتي، ماسويلج اندومي ما اخذ شي منه هل طبرجي
رحت على شجره مالتنه صاعده عليها وكعدت ماخذه نفس من جكاره زفرته وكحيت
جوري شو تخنك هاي موخوش نوعيه.
حسيت بحركه الباب بسرعه شمرت جكاره ليوره بالعه ريكي دخلت امي بيديها علاليك
رمله يايمه ضهر...
سكتت مباوعتلي
رمله دشوف تحولتي الشاذي شجاج بنيتي
جوري شسالفه يوم
رمله معلگه فوك شعندج
جوري اباوع على المناظر الطبيعه
رمله على تلفزيون العطلان لو النقفه المكسره
جوري عدنه زرع هنا
رمله دنزلي انزلي لاأمرمر اعضامج
وخرت شعري ليوره مطنكره ردت انزل وانتبهت للاندومي
رمله هاي شنو، صدك اكو ريحه عطر طيبه
شمشمت اكثر فاكه عيونها.
رمله هذا عطررر رجالي!
جوري لا اميي اصبري
اجتني بسرعه خفت باقيه متصنمه
رمله هذاا منووو الأجه هنااا هااا
مجاوبتها خايفه وجرت رجليه تنزلني صرخت وملابسي جلبت على غصن من شجره بقيت معلكه بشجره
رمله احجيي
جوري ماعرفف والله اجيت ولكيت هيج
رمله انا اعرففف منووو انا اعرف هذا ابو عگال جايينه
جوري لامو عمو فرج هذا
عافتني ودخلت جوه صفنت شوي وانتبهت الوضعي رفست برجلي
جوري ماما نزليني، ماما سويتيني صدك معلگه.
رفست برجلي اكثر وانكسر الغصن صرخت طايحه بلكاع على أيدي
جوري أيييييدي اشتعلواا اهلك
ذياب رجلي تا تحجني يول
درع ااحد جايب سيرتك يمين لو يسار
ذياب يساررر السزز تغلط عليه انا الها سهله يابنت ارمله
درع ماكو بس هي شنو
ذياب يول اعرف بيها هل مصگوعه لسانها بس يبرربرر
درع فوك مانطيناهم اندومي
ذياب هيه هييج شنو اسوي معاجبها وشادتها
درع مافهمت شاده؟
ذياب النون...
باوعتله رافع حاجبي
ذياب شعليك انتَ
درع هيج صارت يقناصي.
شمرت جكاره من جام مامكملها
ذياب لك هاي ورتني اريد ماي
درع صار ألك ساعات محترك من ام كصايب ومن دارسين اتووررر
ذياب ماي ي مايي خخره بجكارتك
هز ايده منطيني بطل مي اخذته شاربه كله
درع ادري شربته كله شنوهاي ششرب اني
ذياب وصلنه عود اشرب بلمكتب
درع أمريي لالله.
جوري ماما ايييدي
رمله الباب يندك شوفي منو
هزيت ايدي ثانيه كايمه وايدي مامحركتها واجعتني فتحت الباب رفعت عيوني شايفتها
لابسه عبايه مخليه كحل وحمره بنفسجيه وتعلج وبيديها بقچه
جوري شنيهاي ابو لهب طلع من كبره
شلونج حبيبه وخري هيج وخري امج هنا غير
جوري اي جوه منو
دفعتني صفح فايته صفنت وسديت الباب
لج ننننملله تعايي اقراالج حضج
جوري ررررمله مو ننمممللله الله اكبر شسالفتكم ويه اسمهها.
دخلت جوه لكيتها كاعده بصاله وبلكاع تفتح بقجتها اجت امي بيديها شاش ورشاش وسحبت ايدي تاوهت متوجعه
جوري على كيفج ماما
رشت من شاش ولفت شاش بيدي تباوع للمره مبتسمه
رمله شلونج ام كريم
جاوبت لامي وهي تباوع البيتنه
ام كريم زينه زينه. ماغيرتي شي ببيتج
رمله لاشعندي اغير
كعدت امي مقابيلها وانا عدلت الشاش على ايدي سادته هي طلعت اغراض مكسره
جوري ها جامعه البيت كله.
جان بينهن ماعون مكسور او خرز او محابس خلت وصله وشالت الغراض بيديها وطشتهن صفنت عليهن وماما منتضره
رمله ها بشري؟
جوري ولد بنيه؟
ام كريم جاي تشوفين الخزره الخضره هي الطلعت
جوري فضائي؟
ااندارتلي امي شامره مخده خازرتني
رمله اشششش
سكتت مباوعتلهم وهي باوعت لامي وطكتها بضحكه
رمله ها شجاج
ام كريم مباررررك نمله مباررك
جوري رممله
رمله على شنو
ام كريم مراح احجيلج هسه بس المح الج.
رمله جا عليمن جايبتج تشمرين عليه حزازير شني
ام كريم جيبيلي مي وكرزات اي شي هسه واكملج
رمله ماعندي كرزات
ام كريم اليوم شنوغداكم؟
رمله تمن وفاصوليه
ام كريم اي جيبي
كامت امي وهي وجهت انضارها عليه طاكه بعلجها
ام كريم ها جوريه
جوري ها
ام كريم اانتي اتزوجتي حسب ماسمعت؟
جوري اي
ام كريم شعندج هنا زعلانه شنو
جوري مالي خلك لهل سالفه
ام كريم تردين اجيبه الج وحك خرزاتي اربطه ربط
جوري ماريد هوه اريد يوخر مني.
كامت من مكانها متقربه يمي خفت مرجعه راسي على رأسيه القنفه شمت مني وخرت راجعه
ام كريم انتي مسحوره واكو جن
جوري وخبله هم ها
ام كريم مجاي اشاقه صح سحر منفك منج وجن رايح
جوري جا بعد شنو
ام كريم جن بعده يلاحكج موكلش رايح
جوري مداخل بيه جني
طلعت شي من بقجتها بدون متباوعلي حجت
ام كريم صح مداخل بس ضاربج مخليج تنثولين
جوري ديلا علساس شلون عقلي
ام كريم هل موضوع موشقه بنتي كل يوم شغلي سوره البقره.
طلعت بخور ثلث باكيتات وشموع وحرمل
ام كريم هذن كل يوم
جوري ماريدهن انا عاجبني
ام كريم دنجبي فرحانه اكو احد وياج؟ شبيج يبعدج عن رب العالمين واي لحظه صدك يضربج يموتج حمدي ربج هسه
سكتت خايفه من كلامها وذبت علجها باوعت متذكره غدير
ام كريم ليش ماترحين للملا علي
جوري ياملا علي؟
ام كريم مبين من اسمه ملا يطلعلج هذا جن بلمكناسه
جوري ماعرفه
ام كريم امج تعرفه.
اجت امي وانا عفتهن داخله للغرفتي لليل وطلعت شفت امي مطلعه اربع صواني وكل وحده مخليه شمع وبخور وطكطك حرمل على طباخ
جوري شنوهاي سوالف
رمله سدي حلكج ماتعرفين انتي
سكتت ماخذه تفاحه ردت اروح وحجت
رمله حضري نفسج باجر من صبح اخذج
عكدت حاجبي مامفتهمه
جوري وين؟
رمله للملا علي.
استغفرت داخله تمددت على جربايه مخليه تفاحه على جه وصفنت اتذكر كلام ام كريم.
جوري بس هذا جان ناقصني. جن
نمت صفح مغطيه حته وجهي بلغطوه
الصباح،.
فزيت على ضربه براسي
جوري هاي شنوو
رمله كومي كومي يلا يلا
بجيت مرجعه راسي على المخده
رمله كوووومي
جوري مارييييد اروووح
رمله وتردين الجن يضل يكفخ بيج ها
ركعتني براسي لزمت راسي متوجعه
جوري ضربه الجن ولاضربتج رمييله
رمله دكووومي
كمت بكوه غاسله وجهي وطلعت من الحمام لكيت مخليه صايه وشال مالتي وهي لابسه عبايتها
رمله يلا بسرعه
جوري شبسرعه لبستي بببي؟
رمله ولج ديلا راح اركعج
جوري ههوه انا ياهو يجي وركعني صرت مكفخه.
اخذت صايه لابستها وشال لبسته شلون ماجان جرت ايدي مطلعتني
جوري جا وين جميله
رمله عفتها يم جيران
اشرت بيديها التكسي وكف حاجته
رمله ها بيش
خمسه
رمله بعينك شعدنه خمسه الفين كافي
مشت سياره فتحت حلكها
رمله شفتي شلون اهل تكاسي صايرين
جوري امي شسالفه من خمسه للفين
رمله اسكتي انتي
سكتت وكفت تكسي ثاني وهم طكو بلكلام وفازت امي ماخذنه بالفين.
صعدت بسياره وبقيت طريق كله اباوع للجام لحد ماوصلنه نزلت شفت مثل جامع بس صغير حيل جرتني امي مدخلتني باوعت لكيت ناس داخلين بس قليل وشفته لحيته بيضه ولاف حوالينه عكال وكاعد
جرتني امي يمه وكعدتني بلكاع رفعت راسي جايه عيني بعيني ابتسم شايفني
ملا على شلونج بنيتي
عدلت كعدتي مبين عليه توتر
جوري الحمدلله
نزل عيونه بيده سبحته
ملا على احجيلي عن زواجج
جوري ماريدهم سوي شغله تفكني منهم
ملا على اهدي اهدي واحجيلي شسوولج.
تذكرت واجتمعن دموعي رفعت عيوني ميله راسي
جوري كالولي روحي للملا علي
ملا على احجي بنيتي
نزلن دوعي منزله راسي
جوري هو شايب وانا بنيه وانطوني، ضلموني
هز راسه عاكد حواجبه بدون مايباوعلي
ملا على اتهموج بشي مامسويته مو
جوري اي
ملا على بددددوووح يابدوووح
خفت لازمه ايديه مباوعه لامي وهي صافنه لحد مارجال نفخ بوجهي غمضت عيوني صارخه
رمله اشش ماما شبيج
فتحت عيوني منتبه وهو ضغط على شفايفه مبتسم.
ملا على سهله شغلتج روحي وشوفي شراح يصير بيهم
جوري ياهمه؟
رمله ااكو جني ضاربها طلعه منها
ملاعلي مداخل بيها اي جني بس صح شايفته وطاخها خلي تصلي وتسمع ادعيه او تقره قران والله يوفقكم
ابتسمت امي مكومتني وطلعنه
جوري منو بدوح؟
رمله مادري
رجعنه للبيت وغيرت ملابسي ماخذه كارتونه جكاير وشافتني امي
رمله هسه شهل سكط التبيعينه
جوري بلعكس اهواي اكو يحبون جكا...
سكتت متذكرته ضجت صابتلي مي وشربت
رمله ولج بس لاتشربين منه.
جوري حاشه
رمله عفيه يلا روحي
ابتسمت معدله شالي وطلعت رايحه للسوك وكعدت بلكاع بهل شغله اخذ فرصتي اباوع للملابس الغراض الناس لفلوس لاجمعها بيوميتي اشتري منها اكل او شي تسلايه.
اجت عيني على واحد يبيع لفه كص وعنده ثلاجه بيهن ببسي امهات الخمسميه
انتبهت على احد يحاجيني
جوري ها خويه
انطيني باكيت ماستر
هزيت راسي منطيته وطلع الف ونص اخذته وهو راح ابتسمت مباوعه للمحل
جوري اجني ضبط الف لفه وخمسميه ببسي.
عفت كارتونتي ورحت للرجال شوي شايب حجيت مبتسمه منطيته الفلوس
جوري اريد لفه كص وببسي
لفه بالف وربع
جوري ها
يلا خوش انزللج ربع
ابتسمت ومتفشله نزلت راسي وهو سوالي لفه مخليلي طماطه
تتردين طرشي
جوري اي كثرلي عمو
هز راسه مبتسم وحط سداها مخليها بجيس شفاف صغير وطلع من ثلاجه قوطيه ببسي اخذتها ومشيت مطلعه شوي من لفه وفتحت الببسي عضيت من الفه
جوري صدك الاكل هو الحياه.
اخذت بعد عضه واجت عيني على كارتونتي عكدت حاجبي صافنه
جوري منو هذا ليش جاي يم كارتونه
راد يندار بس لمحني مانتبهت الملامحه لابس مناظر وتيشيرت ردان كامل وبي كبوس لابسه وبنطرون اسود
جوري هي ياووولد
بسرعه اول ماسمع صوتي اخذ كارتونه وشرد
جوري كارررتووونتي
ردت اخلي لفتي صفح وخفت لاياخذوها هي هم ركضت وهنه بيدي
جوري تععععااااال.
ركضت اسرع وهو يركض ركضنه اهواي وبعدين دار وجه شوي وشافني بعدني اركض وراهه زاد سرعته يركض
جوري مااا انطيك شي مالتي فااهم تعالل
وكفت متنهد رافع شوي كبوسي انداريت وشفتها بعدها تركض عاكده حواجبها معصبه ضحكت
ذياب ماتعبتي
كملت ركض سريع ودقايق وانداريت هم مالكيتها
ذياب وين فلت
حسيت بطبطبه على چتفي من وره
جوري يلا انطيني كارتونتي ياحرامي
رفعت حواجبي مستغرب شلون اجت وراي مانداريت
جوري انطيني يلا.
بدون مادير وجهي قدمتها الها
جوري هسه شلون الزمها
استغفرت مخليه القوطيه بلكاع واخذت كارتونه بسرعه اخذت قوطيتها راكض
جوري بببببسي جيببببه يا ادبسزز
ضحكت وداخل للفرع باوعت مالكيتها صعدت بسرعه بسياره لازم گلبي اضحك
ذياب تعبتني
درع هساع ماخذني بكل هاي محافضات علمودها
ذياب عجل اروح وحدي
درع شنوعندك رايح بس احجيلي هذا كله حته تبوگها
ذبيت كبوسي نازع مناظر وشربت من الببسي
ذياب اوف تريح الگلب بارررده.
درع الببسي لو فوحت گلبك لان لاكيتها
ذياب يبه ماتهمني هي بس هيج
درع لاواضح يول اريد انام المن ماخذني وياك للعماره
ذياب سد حلكك انته تشتغل يمي
درع خخره بي بعد اليشتغل يمك
شغلت المسجل اضحك واصفكله
درع هساع بلا على شنو فرحان؟
ذياب هيچ مايصير درعي لو شنو
ضحكت مغني اثنينه ويه المسجل
درع نحجيي بنضرات
ذياب والهفه تررووووح
درع مايضل بينه بس السلااام
ذياب والله حررام عيووني حرام
درع ام كصايب عيونك ها
ذياب انجب لك.
جوري حبجي راحت قوطيتي
حاجاني واحد شايب
شبيج بنيتي
جوري باگوني
هسه اجيب الحرامي هنا وين راح هو كليلي
جوري ستوك جايني شربها وراح
شنو هيه
جوري قوطيه ببسي
هز ايده ماشي
جوري معاااجبه نوب، ترااا جبتها بتعب كصتي
استغفرت باجيه مشيت عاضه من لفه
جوري والله مايصير هيج منين طلعلي هذا الحقير
رفعت راسي للسماء داعيه
جوري يارب كون كسر بيده او يحترك
ذياب جكاره
درع همين
طلعتله من جيبي
ذياب اخذته منها.
ضحك وطلعلي وحده ورثها وانطانياها بلغلط طخت ايدي شمرتها بسرعه
ذياب جؤ جؤ جؤ
درع شنو احتركت؟
اخذتها ماخذ نفس منها
ذياب اي
درع عجل موكل مره اانته الطفيها بيدك
ذياب اندري اشو وجعتني هل مره
طلعت نفس من حلكي فاتح عيوني
ذياب هاي العثره حاطه عيونها عليها
درع ههههههه الها شور العمارجيه
ذياب والله بلوه هل بنيه
اخذت نفس ثاني عاكد حواجبي ومضيك عيوني مشغل سياره وماشي
ذياب بس خوش جكاره، اضن أحلوت لان بلبوگات
درع هههههههه.
رمله دباع غيررر تشيل ملابسهاا ادري شنو زعطوطه
شلتهن شامرتهن على صفحه طلعت للمطبخ صافنه
رمله عفيه الغده والله يحير شسوي هسه
فتحت باب الكاونتر مطلعه جدريتين خليتهن على السينك فاتحه الفريز مطلعه مركه سبانغ
رمله اضن ماتحبها هل مركه جوري، ديلا تاكلها غصبا
سديت الفريز فاتحه الجيس وخليتها بجدريه صوت طكطكه
رمله احس ناسيه شي اني، شنو هوه
صفنت شوي وتذكرت
رمله صدك جميله نسيتها. شني هاي صوت وننننن.
لبست شالي طالعه للطرمه فكيت حلكي
فرج يلا بويه من هين هين يلا
رمله شجاي يصيررر
فرج فوتي انتي ماعليج
قلدت عليه كاشه ملامحي
رمله شنووو مااااعليه وماااعليه شجاي تسوي
فرج باب اخوي وبمزاجي
رمله ومنو انطاك القبول ياشيخ؟
فرج مزاجي
رمله مزاجك ها
باوعت للولد كاعد ويشتغل بلباب
رمله هذا باب المرححوووم محد يغيره
فرج الله يرحمه
رمله ويرجمك
فرج يامرررره
رمله انته اسمممع شيل چويلاتك وروح ماعنده باب يتصلح.
فرج فووووتي جوه لاتحااجين الزلمه
رمله شعليك انته وانته كوووم يلاا
فرج ضللل كمل شغلك وانتي فوتي
رمله جاي اكلك كووووم
راد يكوم الرجال وضغط على چتفه فرج خازره
فرج كمل شغلللك بابااا
رمله لك كووووم غير بابي
فرج ماعليك منها كمل كمل
رمله ماعليه مني هااا!
مجاوبني والرجال بعده يكمل شغله
رمله سههله حذرتك بس انت سمعت كلامه.
دخلت جوه ماخذه المكرافه بيها وصخ رحت للحمام مطلعه سطل وترسته مي وخليت الوصخ بداخله هزيت سطل شوي وطلعت بره
رمله ماتوخررون ها
شمرت سطليه عليهم جاي حته على الشيخ
كام رجال بسرعه ممصدوم وكله وصخ
وكم خضره صاير على كصته
رمله شفت سويتك باكه كرفس
حجه رجال معصب
شنوووووهاي
رمله ااخذ ادووااتك وروحح يلاااا
فرج يامممرررره
هزيت ايدي مدخله سطل
رمله لاتجي يم بابي خوش.
فتح عيونه صاير عصبي كاز على سنونه خفت سديت الباب بسرعه داخله اركض جوه
فرج وحك عگالي مهههببببوله
زفر نفسه ماشي يوخر بشغر ولخضره من ملابسه
فرج ادحكله مات اخويه الله يرحمه حنكه اذا جدام وجج ومكرب صوبج اربعه وعشرين ساعه
طلعت من الفرع استغفر وانتبهت رافع عيوني شايفهم
ذياب ابويه
فرج ذياب؟
درع شيخ فرج
فرج شنو عندكم هين؟
ذياب ااحنه، عدنه شسمها مهمه
فرج اشو ملابس لبس دوامك
حك حاجبه هاز راسه.
ذياب اي خلصتها من البارحه فا كلنا انا ودرع نطلع شوي هين
فرج ها اي
ذياب يبه وانته شنو عندك
فرج اني صارلي كعده
ذياب كعده؟ شو ماكو احد وياك
فرج اي موكعده موذول لكتلك عليهم مره بلعماره موخلصت سالفتهم ورادوني على الغده وهم مو حيل فلوس عندهم فا اجيت بس اني
ذياب ها تمام
درع شيخنه ليش عليك ماي؟
همست بصوت ناصي ضاحك
فرج راسك شكثره على شنو هل تركيز
درع ماسمعت شيخنخ شحجيت؟
فرج اكول حاره هين فا زتيت على مي
ذياب زتيت مي!
فرج اي حاره حاره راح اروح اني
ذياب الله وياك
صعدت بسيارتي وشاخطها
فرج انا يصيرلي هيج سهله والله لو ما مره ادفنج وانتي عدله
باوعت على چتفي لكيت خضره شمرتها منزل جام ورجعت صعدته مشغل تبريد
فرج استغفرالله ياربي استغفرالله
جوري: -
بدت تغرب وانا مجمعه خمس الاف اخذتهن ومشيت بكارتونتي اباوع للمحلات شفت محل يبيع بتيته مسويها جبس ويبيعونها بجياسه عاديه
جوري اريد جيس.
هز رجال راسه وانطيته فلوس رجعلي الباقي واخذت الجبس جان حار ومتروس بهار
اكلت وحده ماشيه بطريقي
جوري شكد طيب وماما تكلي ليش تبيعين هل سكط
باوعت للجكاير مبتسمه اخذت باكيت بايسته ومرجعته
اكلت وحده ثانيه مكمله طريقي للبيت فاتت من يمي دراجه صوتها عالي
جوري وسم شهل صوت
كملت مشي ودخلت للفرع وضلام بده يملي السماء رفعت راسي اباوع للگمر
جوري لو عايشه بلفضاء مو احسن اطير هناك.
الحلو يريد يعيش فوك تعال يمي انا اعيشك بجنه
صفنت منداره على صوت لكيت اثنين واكفين واحد منهم متچي على سياره
ردت احجي بس ماكو احد غيرنه مجاوبت ماشيه سريع اريد اطلع واحد منهم أشر للثاني واجه ركض جرراني من ايدي
جوري لك كلب وخررر
لاتغلطين لج
ضربني راشدي صرخت عالي ككامزه دافرته برجلي
طاح بلكاع وليغاد صار عصبي
شلون تضربين صاحبي.
عفتهم راكضه سريع خايفه وگلبي يدك سريع بديت ادخل فروع عشوائيه حته بس اخلص منهم لحد ماندريت وماشفت احد
جوري الحمدلله
رجعت على فرع ثاني ومابقى شي اوصل للبيت اجتمعن دموعي صايرتلي فزه بگلبي نزلت راسي عاضه مكمله مشي
سمعت صوت هورن انداريت وشفته صفنت صارلي تسع اشهر مشايفته كزيت سنوني كارهته درت وجهي سريع
ذياب طالعه هساع تورين گلبي يول؟
مجاوبته وهو يمشي بسيارته على كيف نزل جام اكثر يحاجيني ماد راسه يباوعلي.
ذياب موووواحاججيج!
وكفت خازرته فاتحه ايديه
جوري شتررريد
ذياب وجج ماريد ادحكله بدرب
جوري اررررجع بحضان حبيبتك ومراح تشوفني شعندك جاي هنااا
ذياب سالللفتي مو ويه درب
درت مكمله مشي رافعه وجهي مقلده عليه
جوري جاا شنو مشكلتك شيخنه؟
ذياب مشكله انتي ماريد احد يدحكلج
جوري لاتخاف محد مدحكلي
ذياب لچ شنوهل برووود مركزه على ساعه
كزيت سنوني عاضه لساني قووي مغمضه عيوني متنرفزه فتحت عيوني ماخذه نفس عميق هامسه بصوت ناصي.
جوري جوري اهدي
كملت مشي وهو بعده يمشي سياره
ذياب اذااا احد گربلج هساع وين تفللين متكليلي
مجاوبت رجع حجه طابك اصابعه
ذياب باباا ليش ماتفهمين
جوري اي مافهم بس انته تفهم
ذياب سالفه جكاير عوفيها لاوالله اكسرهن واكسر ايدج
مجاوبته وكف سياره نازل جايني لوه ايدي ضاربني بلحايط وجيس جبس طاح بلكاع
جوري شبيييييك
ذياب هاي سوالف عوفيييها
جوري وانته هم عوففف
عكد حاجبه ميل راسه
ذياب شنو اعوف؟
جوري مسوي نفسك تغار عليه اذا ماتذكر اذكرك انا رجعت للعماره وحدي! وووووحدي
سكت ودفعته مدنكه لازمه جيس الم بتيته مالتي ولكيتها مدمره تراب تنهدت ضايجه وكمت خازرته ماشيه داخله للفرع مالتنه
باوعتله وهو بعده نفس الوكفه بس يباوعلي درت وجهي ماشيه ودخلت البيتنه ساده الباب قوي
رمله يمعوووده على كيفج ويه الباب هو مكسر
نزعت حذائي مخليه كارتونه على جهه ودخلت جوه لكيتها كاعده تباوع بلتلفزيون
رمله شبيج ضايجه؟
جوري جوعانه
رمله امداج عبالي شي جوه سويت حميسه سويلج لفه واكليها
دخلت للمطبخ مطلعه خبزه كامله وخاشوكه اخذت من حميسه خليتها بلخبزه لافتها وعاضه منها صافنه
جوري الله يحرك گلبك مثل ماحركت گلبي
كعدت يم امي ساكته ومبرطمه باوعتلي وهزت ايدها
رمله شبيج بس طنكرين
جوري مماما ابووو عطورر اكره
رمله فرج؟ اي والله انا هم
جوري لاشدخل مو الاب القصد الابن
رمله لا والله الاب هو المصيبه الكبرى.
جوري ماما شو مسامعه بيهم من قبل فجاءه كلتولي هذا عمج
رمله ساعه مصخمه من كنالج
جوري اي والله
رمله دسدي موضوعهم ماتفرجيلي رجليه يوجعني
تمددت ماده رجليه
جوري اعذريني هل مره لان احتاج احد يفرجلي
رمله شبيها رجلج؟
جوري من الركض
رمله وشعندج راكضه
صفنت متذكره لاخذ القوطيه ولتحرشوا بيه باوعتلها لكيتها منتضره جوابي عاكده حواجبها
جوري لا مو شفت عربانه تبيع كعك وركضت وراها
رمله صدك جذب امداج.
سكتت دايره وجهي صافنه شوي وفكرت باوعت لامي مستغربه
جوري ماما شلون عمي دليمي وابوي عمارجي
رمله ثول حته ثول دليم عشيره وعماره محافضه
جوري ااعرف بس ليش بعيدين
رمله فهمتج اعرف ماتعرفين تحجين
عدلت كعدتها مأشرتلي
رمله روحي انا جبت عنب غسلي وجيبي هنا ناكله
جوري لاعندي لفه
رمله وانا اريد اكل عنب امشي كوم
هزيت راسي كايمه وطلعت العنب غاسلته وخليته بمصفي جواه طاسه وجبته گلبته
رمله هاي بعد بي شوي طين
جوري جم وحده عادي.
رمله امددداج اكول ليش كفخج ذياب دجيبي كلينس
جبتلها كاعده وهي تمسح وتاكل
رمله باعي حصه جانت متزوجه واحد
جوري اي
رمله جابت ابوج الله يرحمه واثنين بنات بس ماتن
جوري اي الله يرحمهن بس ليش
رمله وحده تمرضت وجبيره اصلا وثانيه بحادث
جوري اي وعمو فرج
رمله مات رجل حصه وتزوجت واحد ثاني جابت خمسه ومنهم فرج
جوري اي اتذكر واحد منهم جان عنده خطوبه البنته رحتلهم
رمله اي همه كلهم هناك
جوري مايحبون بابا؟
رمله لايحبونه بالاخص فرج جان قريب على ابوج بس حصه صارتلها عركه ويه ابوج فا اجه هنا للعماره
جوري شنو العركه؟
رمله الورث متسجل ب اسم خالد وهي رادت ينطيها منه
جوري ومانطاها
رمله موهيج راد ينطيها بس من سمع علمود سحوره ماقبل
جوري من زمان تسوي سحر!
رمله لتزوجته جان متزوج بعدها بسر ومن عرفت رادت تسويلها سحر
جوري وبعدين.
رمله المره ثانيه خافت وعندها بنيه جان اخذتها وشردوا بليله ضلمه وزوج حصه ثاني هم مات وسجل الورث ب اسم فرج وحسب ماعرفت من خطبه انو فرج راح يسجل الورث لجهاله بس اكثريه او حاكمهم او يمكن هم كلهم اله
جوري المن
رمله الذياب رجلج
جوري زين المره ليش شردت ومره كلتلي امينه يعرفون جنوبي.
رمله صح من كبر فرج واتزوج اجه عاش هنا بلعماره وهم انتقلنه كلنا للبغداد بس صار خلاف بين فرج وخالد وذاك رجع للانبار وابوج رجع للعماره وبقوا سنين هيج
جوري على شنو تعاركوا نوب؟
رمله ابوج ولو استغفر الله الله يرحمه حب وحده بنت جيران وفرج بوقتها هم حباها
جوري ياااعود صدك! ابويه
رمله اي شعبالك ملاك هوه
جوري وبعدين
رمله بعدين واحد منهم كال للثاني وثاني كال شنيي انتهه تحببهاا انا احبها وطاطاطا
جوري طاطاطا
رمله اي.
جوري وبعدين منو اخذها
رمله ولا واحد اتزوجت واحد من غير محافضه اضن بصراوي
جوري احسن
رمله اي وسالفه المره ليش شردت من وره حصه چلبت بيها لحد ماشردتها
جوري شكد خبيثه حصه
اول ماحجيت هيج امي عطست
رمله اي هاي بشهاده
جوري هسه ياترى وين هيه وبنتها
رمله ماعرف بس اختفوا محد يعرف شي عنهم
جوري شسمها؟
رمله كفايه وبنتها ازهار.
مضغت اخر لگمه من حلكي وكمت عايفتها ورحت داخله الغرفتي طفيت الاضويه مشغله بس واحد وخفيف حيل هوه باقي شوي ويعطل بس عاجبني لان يخلي اضاءه خفيفه بس اشوف المكان زين
اخذت منشفه جبيره وحده ثانيه صغيره ودخلت للحمام سبحت غسلت شعري زين انداريت للمرايه اباوع ناحيه چتفي ولكيت اثر صاير احمر من واحد من ذولي جراني وايدي حمره من ذياب
جوري قذرين.
طلعت من الحمام داخله للغرفه انشف بشعري بلخاولي الاخضر ذبيته اباوع الروحي من المرايه سمنانه وراجعتلي الخدود وصايرلي كرش صغير حيل ابتسمت مبقيه شعري مفتوح ذبيت منشفه من جسمي ولبست دشداشه عريضه وقصيره بيضه وعليها خطوط خفيفه بنفسجي
جوري شحلاتني ابوس ابوس
تقربت يم المرايه بايسه روحي فزيت على صوت باوعت ناحيه شباك لكيته مفتوح وبرده تطير
جوري الهوى هل ايام حيل عالي.
مشيت ناحيه شباك وشفت ايده بسرعه طفر داخل للغرفه صرخت وحط ايده على حلكي جارني مضروبه بلحايط
ذياب أششش
رفعت عيوني اباوعله العيونه المبطنات صايرتلي رجفه بجسمي من الفزه
قرب وجه يمي مخلي خشمي يطخ بخشمه لافحتني انفاسه
ذياب راح اكحز ايدي غاد ماريد اي صوت تمام شطبتي؟
مجاوبت ضاغطه على دشداشتي قوي وهو وخر ايده من شفايفي على كيف
جوري روح
هز راسه نافي
ذياب جؤؤ
استغفرت اريد ادفعه مايندفع
جوري مريض انتَ.
مجاوب موخر ايده ثانيه من الحايط ودفعته رايحه بعيد منه انداريت خازرته
جوري لاعبالك تخوفني والله اصرخ واخلي امي تجي
تقدم كم خطوه جاي بتجاهي رجعت ليوره رافعه اصبعي سبابه منبهته
جوري اي خطوه بعد وعلى اصيح
ضحك كاعد على فراشي قابض رجليه ومخلي ايده عليهن يباوعلي
ذياب حطي الشال نروح
جوري ماروووح...
انتبهت منصيه صوتي
جوري مارروح لايي مكان واطلع ههسه
ذياب يلا ابو محمد منتضرنه
جوري منو هذا نوب.
ذياب اكحزي حطي شال وماعليج
جوري مارووووح واطلع يلا
نكت ايده كايم
ذياب اي بعد جريت عدل وياج وعرفت ماراح تلاكيني بالاحترام
جوري ماطولك تعرف شوفني عرض چتافك وروح
تقدم يمي حاك حاجبه
ذياب أشوفج عرض چتافي ليش لا
بحركه سريعه راد يلزمني انداريت شارده وجراني مضروب ضهري بصدره بيد وحده رفعني صاير راسي بركبته
جوري وخررر وعلى اصييييح.
بكل برود طلع من جيبه چفيه وخلاها على حلكي صرخت أرفس بي قوي وهو لزمني اقوى مثبتني يهمس يم اذني
ذياب اش اش هساع تنامين احلى نومه شطبتي.
دقايق وماكدرت اقاوم متنفسه بچفيه وطحت بيده باوعلي مبتسم تقرب باس ركبتي
ذياب أحلام سعيده حمامتي
بيد ثانيه شال رجليه ورجعني للفراش ملبسني شال اسود وفتح شباك شالني من كدام بيد وحده
وطلع من شباك وسداه
مررر الوقت وانا ماعارفه شي شراح يسوي او وين ماخذني.
فزيت على انفاس حاره باوعت وشفته هو يبوس بخدي دفعته وخر يضحك
جوري حقيررر
ذياب وحرامي؟
جوري وطبرجي
ذياب بنت ارمله شنو مدحكتلي بيدي طبر والوف بي
زحفت ليوره كاشه ملامحي امسح بخدي شافني مبتسم هاز ايده وطلع من جيبه جكاره مخليها بين شفايفه مورثها اخذ نفس رافع راسه ليفوك وطلع نفس من حلكه
رجع انضاره عليه
ذياب عجبتج الأجواء؟
جوري يابطيخ
عدلت شالي كايمه وانتبهت للمكان انا بي
جوري جايبني القارب
كام جاي يمي.
ذياب دحكي غاد يول
ميلت راسي وهو ميله وياي يباوعلي خزرته دافعته
جوري اجواء موحلوه مثلك رجعني للبيت
ذياب افاا لايسمعج ابو محمد
جوري منو هذا نوب
ذياب ابو القارب
جوري يبووووووو
ضحك رايح من نهايه لازم الخشبات يحرك بيهن باوعلي يضحك ويغمز
ذياب تعي هين صوبي
جوري انجب وهسه ترجعني اكيد ماما عرفت انا ماكو راح تلطمم وتجيب شرطه هم
ذياب ارمله عنيفه
جوري ررررررمله
مجاوبني داير وجه ياخذ نفس من جكاره ويحرك بلخشبات.
انداريت وشفت طاوله عليها اكل اخذت كرزات بيدي رايحه من نهايه اكل بيهن اباوع للنهر دجله وحاط على القارب اضويه صفر
جوري رجعني
ذياب ناوشيلي كم وحده
جوري مالاتي ذني هناك اكو واخذ
كام كارص خشمي
ذياب بخيله
تقرب يمي ياكل لوز
ذياب على شنو شاد النونه ابني
جوري شبيك تتصرف وعبالك بينه علاقه؟
مجاوب كاعد مكمل يشرب جكاير
جوري ررررجعني هسه
ذياب صوتج يبه
جوري ولك لاتخبلللني كارررهتك وعلى كاررهتك.
ماجاوبني هم ولسانه مخلي على جه يسار من باطن شفته بادي يعصب
جوري هسه ترجعني والله اذب روحي منا
ذياب اسكتي مااخذتج هين حتى نتعارك
جوري اانت مخبلل لو مرييض احجيليي
عاف خشبات كايم صاير عصبي دفعني على نهايه القارب كعدت خايفه لايوكعني وهو نزل المستواي رافع حاجبه
ذياب رغم ماغلطانه اجيت اصالح.
سكته ضاربته راشدي
جوري وبعععده يكول غلطاااانه بعدهه
دفعته مايوخر مغمض عيونه مبينات شرايينه ضاغط قوي من عصبيه.
جوري اذا تشووفني غلطااانه رووووح ليش لازكلي
ذياب يعني دفعتي امي وتحجيين مغلطااانه ححيل
جوري لك مووو انا الدفعتهااا مواناا اذا ماتعرف شي لاتحجي من يمك
وخرته كايمه دار يباوعلي بدون مايتحرك
جوري واذا هاي ماتعرفف شنو الحقيقه فا انت هم غلطاان لان عفتني اروح بوووحدي وبنصاص ليالي افتر انا ورجال غريبب محافضاتت ماخفت عليه ومن غير تسع اشهر ماسا...
قاطعني كايم جارني من ملابسي.
ذياب اااناا من ماقبل احد يلللمحج موو تفلين محافضات
جوري والسويته شنوو؟
ذياب الفهمج اول مافلت سيارتج انا الخليت كررم يروح ألچ واله هوو موهاي مهمته
جوري واو اكو فرق
ذياب طبعاا من فتي للعماره يلا حط واحد غيره وفل!
عافني عدلت ملابسي عاكده حواجبي كاعده وهو صبله ببسي بكلاص برشفه وحده شربها كلها وشمر الكلاص كاسره فزيت دايره وجهي
جوري مريض
ذياب سدي حلكج كافي
سكتت اطبطب بقدم رجلي
جوري رجعني لأمي.
باوعلي خازرني سديت حلكي وبقينه هيج دار وجه هوه منطيني ضهره طابك جكارتين سوه يهدي بنفسه ويزفر دخان من خشمه
ذياب وريتي گلبي ليش هيچ
جوري محد كلك تجيني
باوعلي فاك عيونه رفعت حواجبي هازه راسي
جوري ها؟
ذياب انتي ماعندج شوية ندم عليه
جوري منو كال ندامنه بكد شعر راسي
رفع حاجبه على استهزائي سويت ملامحي جديه مكمله كلامي
جوري بس لان قابلتك حبيبي
كام دافر كرسي يمه
جوري ترا قارب مومالتك تكسر بي
ذياب ولامالتج حته تدخلين.
سكتت وهو كام دايرلي ضهره شوي وطيح جكاره من ايده لازم گلبه
ذياب جوري
جوري شكو بعد درجعني شسالفه
باوعتله شفته يفرك على ناحيه گلبه عاكد حاجبه
جوري شبيك؟
ذياب گلبي جوري گلبي
كمت خايفه بالعه ريكي
جوري شبي؟
ذياب موحجيتلج وريتي گلبي ليش هيج اهخ
جوري جاي تستهزاء مو
طاح بلكاع على رجليه ماخذ نفس عميق فتحت عيوني متوتره
جوري للك شبيييك بطل هل حركاات جاهل انتَ.
طاح على راسه متمدد بلقارب مغمض عيونه صرخت جايه يمه اضرب على وجه
جوري هايي عووود صدك شبيييي
خليت ايدي يم خشمه شفته مايتنفس ضربت على خدي
جوري ياييمه ماتموووت اله يمي كوووم
كمت ماخذه بطل المي وذبيته عليه ماسوه اي تعبير وجه كعدت يمه احرك بي
جوري ذياب لاتموت هنا حباب موهناا
صفنت ماعرف ياجه الگلب
جوري هو اليسار...
باوعت لايدي وعرفت جه اليسار خليت راسي على گلبه وحسيت ب ايده على راسي يمسح على كيف.
ذياب عجل بنرويج اموتن؟
كمت بسرعه ضاربه چتفه وهو طكاها بضحكه قويه مهتزه أچتافه
جوري حقيرر عساك صدك متت
ذياب ههههههههه ليش هيچ گلبج عنيف ها
راد يمد ايده يكرصني دفعتها كايمه
جوري جاااهل ومريض
ذياب وحرامي.
جوري رررجعني البيتي راح اتخبل منك
كعدت على جهه واجه يمي بيده جكارته خله ايده وراي باوعت مرجعه انضاري عليه خازرته
جوري شبييك
ذياب سالفه شغل مادحكتي تبيعين اله جكاير
جوري شعليك.
طخ ايدي بطرف جكاير جريت ايدي بسرعه متوجعه محتركه
ذياب السانج يبه
جوري وخرر شكد مكرووهه
حرك حواجبه بس من كدام ومضيك عيونه مقرب جكاره
ذياب بلا ندحك لعبج بتوريث
دفعتها خازرته ردت اوخر وجر ايدي مرجعني
ذياب يلا
مخلي جكاره بين شفايفي اخذت نفس زافرته بوجه غمض عيونه يضحك مبينات غمازاته
وخرت ايده وكمت بعيد
باوعت بنهر من بعيد وشفت سواد وشي ابيض مامبين شنو بس خفت
جوري ذياب.
دارلي ماخذ نفس مخلي ايده على نهايه قارب ومتچي على ايده
ذياب هساع صرت ذياب؟
جوري رجعني حباب اكو جني هنا
ذياب وين؟
مديت ايدي مأشرتله هو باوع ورجع عيونه عليه
جوري وبي ابيض اضن جني لابس دشداشه
ذياب اي مطهرينه.
ضحك قوي هاز ايده مطفي جكاره ب أصبعه وكام
ذياب تردين تفلين؟
هزيت راسي أبتسم لازم وجهي بايس خدي مغمض عيونه دفعته خازرته
جوري شبيييييييك
ذياب أمشينه
جوري بنص نهر وين نمشي
ضحك حاك حاجبه وغمز
ذياب نسبح
جوري لابلا.
ذياب اي والله حلوه سالفه تره نجي انا ودرع نسبح
جوري هنا
ذياب هين لا ماسابح
جوري ذياب
ذياب حمامتي
جوري ليش هيج تصرف؟
ذياب شنو؟
جوري ماريدك بعد روح
ذياب ولا احبك بعد روح ماشيلك وسط عيني
عطت من شالني بيد وحده
ذياب بس بگلبي والروح
جوري نززللني
ذياب أشششش
عضيت ضهره ضحك بدل مايتوجع وراح مطلع چفيه وماخذ رشاش يرش
جوري شجاي تسوي؟
ذياب احضرلچ اكله
جوري ماريد طبخاتك
ذياب شبلاها ايدج؟
جوري معليك منها
ذياب منو كاسرها ارمله؟
جوري لا وهم مامكسوره بس توجعني شوي
شال چفيه بيده
ذياب سلامتك سلامتك يبه
نزلني بلكاع باوعتله هو ابتسم ولزم حنجي قوي مخلي وصله غمضت عيوني رافسته ضغط اقوه على حنجي فتحت عيوني اباوعله لكيته مبتسم
وويردد ب أغنيه سامعته واصل للمقطع
ذياب يچمره عيني من تهل.
شوي شوي بديت افقد الوعي، ولحد ماضلام عمى عيوني.
حسيت بروده قويه جايتني ماعرفت وين بس رجعت وسمعت صوته
ذياب زرررعد بابا شبلاك طنيت.
درع لك بابا انا بسنه كلها بثلث مرات افل للعماره من وراك فليت ثلث ايام بنفس الاسبوع
ذياب سد حلكك فوك ماخليك تسوق سيارتي
اندارلي مقرب راسه بايس كصتي مغطيني اكثر بلقاط مالته مجان لابسه ماعرف منين جابه
فتحت عيوني على كيف منتبه
جوري انا وين
درع بگلبه
ذياب انجب انتَ وكمل سياقتك
انداريت وانتبهت
جوري مماما
ذياب يم المركز شرطه ان شاءلله
جوري يااااحررراميه
درع اام كصايب هدي علينه احنه القانون بابا
جوري انجب لك.
ذياب عاش حلكج
درع شلون راح افرر سياره واخلينا كلنا نفوت للجنه نفرات
دفرت ذياب اخزر بي
جوري وللللك وييين ماخخذنيي
ذياب صووووووتج
درع غمه تغمممني اذا بعد اشتغل يمك
جوري اانتتته دورررر سيارره هيج
درع وااادعععمكمم ووووعننننننن
جوري ولككك نزللللنييي
ذياب يبببببه اااااششششششش
اجت عيني على القوطيه البنص جريتها بسرعه وكرم لزم البريك عباله راح احركه
درع لا اله الا الله
جوري هاي موقوطيتي
ذياب بس انتي ألج هاي قوطيه قابل.
درع غير هي ام كصايب
جوري هاي قوطيتي وللك انته نزززللني
درع بدى تجاوز ذياب اسحبها من كصايبها
كمت جاره درع من شعره
درع عميي حتى رتببه اعوووفهااا خرره بيه لان اشتغلت يمك
جراني ذياب خازرني باوعتله صارخه
جوري عووووووفني
تقرب يم وجهي فاتح عيونه صارخ وياي
ذياب لااااتعيطيييييين
درع عمي وينن رشاشش رشرشهااا راح ادعععمكممم.
نوف ها حلو
انداريت لابسه دشداشه صفره مخصره وبيها فراشات سود
مسره اي حيل حلو
اخذت كلاده ذهب لابستها ومسره تباوع مبتسمه
نوف عمو جابها إلى الله يحفضه
حسيت اجتمعن دموعها
مسره امين
كمت لازمه ايديها
نوف مسره عمري اي شي من غرفتي تردينه اخذي
مسره لاماريد شنواسوي بيهن هههه بلعافيه عليج
هزيت راسي مبتسمه وصعدنه الغرفه ذياب دكينه الباب ومحد طلع
مسره ماكو اضن
نوف مايكعد بلبيت صاير شنو سالفته.
ردنه نروح واجت عينه على غرفه جوري تنهدت ونزلت جوه طلع عمو فرج من الحمام ينشف شعره بخاولي صغير
امينه نعيما
حجينه كلنه نفس لكلمه عاكد حواجبه مبين معصب
فرج نعم الله عليكم
غزاله ساعه ونص حمام شنو عندك
فرج ماعليج مالي خلكم
حصه ياا يايمه شبلاك
فرج اريد انام
مهى اضبطلك فراشك تنام ابو ذياب
غزاله اضبطله فراشه بغرفتي
فرج لاهين ولاغاد انام هين هيييييين
جر مخده متمدد مخليه عاكس ايده على وجه مغمض عيونه.
صفنه كلنا مامفتهمين سبب عصبيته دقايق بسيطه وأنفتح باب مال طرمه
امينه اي الحمدلله اجه ذياب والله فات الوكت حيل
حصه ليش وين راح؟
فرج بالعماره
حصه شلون تدري
فرج غير لاگيته
فتح عيونه داير على جهه ثانيه محمحم
فرج يعني قابل لاكيته غير ابو وادري
حصه اي مو اكول وشنو عنده بلعماره
راد عمو يجاوب وسكتنه كلنا على شهكه خاله امينه
نوف شكو؟
غزاله شبلاج؟
كمنه كلنا مباوعين وشفنه ذياب داخل وشايل بيده جوري مغمي عليها.
بقينه ساكتين مصدومين دخلها بوسطنه ماشي بيها وصعد الدرج
فرج هي شنو؟
حصه ليشش جببتهاا!
بدون مايندار بس ميل وجه قليل حجه عايط بينه مخلينه كلنا مخلوسين ساكتين
ذياب وحگ الله اليتگرب صوبهاا اشل عيونه واطرده بره هوه وغراضه فاهمين.
صعد بيها داخل الغرفتها وماندار رجع رجله اليوره ساد الباب.