رواية عكد الظفيرة للكاتبة زينب جعفر الفصل السابع والثلاثون
هاله ذياااااب!
خليت ايدي بسرعه على حلكي ثابت جسمي بمكانه ماكادره اتحرك
رمله اسم الله شكو بره؟
باوعتلها اريد احجي حسيت الساني انربط بس مامستوعبه هيه ضيكت عيونها تمسح بدموعها
رمله بس لابره
ماحجيت وهيه افتهمت من رده فعلي كامت بسرعه ضاربه على فخذها قوي
رمله يااا يمه
فتحت الباب واني رجليه ماكادرات يشيلني طحت بس اباوع بلممر وگلبي يدك سريع هيه فتحت باب رئيسي تباوع وعاطت
رمله ياااااا ذيااااب ابني يمه وليدي.
طلعت بره تركض وهيه بس بلحجاب من سمعتها حجت هيج راحت روحي مصفر وجهي نزلت جاه بسرعه حاضنه جميله
جاه شكوو؟
مارديت عليها مخليه ايديه على وجهي ابجي قوي طلع فرج واخوانه يتسألون ومامفتهمين شي واني مادري شنو صار بي
بقيت مخليه ايدي على وجهي للحظه رجعتلي ذاكرتي وره سنين، ابويه.
فتحت عيوني بسرعه امسح بدموعي اهلوس بصوت ناصي
هاله لاذياب هذا مونفس ابويه زيحي من بالج عمر زيحي
نوف شنو صاير هاله؟
نزلت راسي ولاباوعتله سندت ايدي على كاعيه اكوم بروحي كوه اريد اطلع اشوفه گلبي يرجف حيل جسمي ماجاي اكدر اوازنه مشيت وحاسه الم قوي نزل على بطني
طلعت للحوش لكيت رمله تضرب على وجها ومغمضه عيونها طايحه بلكاع ماحاسه بلجاي تسوي تضرب ولا تدري ب الالم الداتسوي بوجها عبالك موبوعيها
فرج فوتي يامررره
حشام ذياب خويه ذياااب استغفر الله.
ماردت اكمل اباوع بسياره البيها ذياب بس دموعي ينزلن بسرعه على خدي جسمي كله يهتز من هبطه انفتح الباب اكثر فايت فهد عيونه حمر باجي
هاله فهد خويه ذياب
ماستمعلي راح على جهه مطلع تلفونه يتصل ويفرك بعيونه قوي منطيني ضهره حتى ماشوف دموعه
غدير شنو وين طلقه
فهد فوتي جوه معليج
غدير شلون انام فهد حاجيني شبلاه
حجى بهداد روحه
فهد فوتي بابا نامي لايكعد فراس
هيه سكتت داخله جوه شاف نوف وأشرلها خازرها تدخل مافاتت خايفه.
نوف حباب احجيلي
انفتح الاتصال وضل يحجي ويه الاسعاف
فرج لج فوووووتي انتي
مشيت طالعه امشي على كيفي ردت اشوفه وطلعلي حشام
حشام صدك تحجوووون طالعين دفوووتن فوتتن
فرج ابني رااااح يمووووت خليني امشييي
لكيت رمله مستمره تضرب على وجها قوي موبعقلها وعبالك فاقده فرج عافها هوه وسمير ابنه وحشام و طلع فهد وياهم صايحيله يصعدون ذياب بسياره
فهد اتصلت اسعاف
فرج بربك سنه يلا يجون.
ماخلوني اشوفه فهد بسرعه سد الباب وسمعت صوت سياره شاخطينها
كعدت بلكاع ابجي واشهك قوي
هاله كله من وراي كله
جاه امي بره
ماحجيت لازمه شعري قوي اتلوى بس تجيني فكره افقد ذياب.
جاه شفتها ماردت عفتها فاتحه الباب لكيت واحد من ولد فرج وياها مدنك يحاجيها وهيه تبجي خدودها متزلغات وينزفن دم
جاه اامي جاي تخوفين جميله تدرين بروحج لو لا.
فتحت عيونها منتبه على روحها باوعتلي وعيونها يلمعن من دموعها متشخط يم وجها وجلدها منجرح بشكل يخوف
ماحجت رافعه ايديها مأشرتلي على جميله اتقربت يمها اريد انطي الها وجميله مارادتها دايره وجها حاضنتني قوي ماتريد امي
رمله يمه جميله حبيبتي
ضغطت اقوى عليه تنهدت امسح على راسها
جاه خايفه هسه امشي نصعد مايصير تضلين هنا
احمد دحكتي يلا خاله اسمعي الحجي الطفله ترجف.
امي هزت راسها هوه مد ايده استندت عليه مكومها صفنت ثاني مره امي تفقد حيلها هيج اشوفها بعد موت ابويه
تمشي رايح حيلها ضهرها محدب بس دموعها تجري انداريت الاحمد شفته يباوع للطريق ويزفر نفسه بحسره
جاه احمد اخويه
اندار بسرعه
احمد ها خيتي
جاه ان شاء لله اخوك يطلع بسلامه
احمد مشكوره مشكوره تسلمين
فتت جوه لكيت هاله نفس مكانها بس جسمها يتحرك على كيفه تتلوى بهدوء وتحجي بصوت ناصي تكرر بجمله كله من وراي. حبيبي ذياب.
رغم ماحبها بس حبها الذياب واضح وقوي الدرجه مستعده تخلق مشاكل ويه الكل وتعادينه كلنا بس علمود ذياب مايروح منها او ينقص حبه الها
عفتها فايته لكيتهم كلهم كاعدين مشيت رايحه للشقه ثانيه
جاه ليش الحلوه خايفه
جميله خخلينه نروح للشقه مالتنه ماريد هنا اخاف
جاه همه همات هناك نسيتي
جميله خلي نروح المسره ماريد هنا
جاه هوه غرفتنه يم مسره
ماحجت تنهدت فايته للغرفه لكيت امي كاعده مخليه ايده جوه حنجها صافنه مصفر وجها.
استغفرت بصوت ناصي طلعت راجعه ادور على مسره ماكو حتى امها رجعت نازله فايته يمهم لكيت حصه تبجي وامينه يبجن ومهى فاقده الوعي مسره ترش على وجها مي
جميله شبيهم ليش كلهم يبجون؟
باوعتلها مدنكه لازمه وجها
جاه كل واحد ملچوم بسالفه
جميله شنو يعني ملچوم؟
اشرت ناحيه گلبها اباوعلها منقهره
جاه ألم هنا
نزلت عينها تباوع ناحيه گلبها رجعت انضارها عليه
جميله من يبجون ملچومين معناها؟
جاه اي حبيبي
جميله جوري اختي جانت ملچومه؟
رفعت اچتافاتي
جاه ماعرف شتكولين انتي
جميله اخر مره شفتها لكيتها تبجي
جاه وين
جميله من ماما ماخلتني اروحلها وهيه بعد راحت
سكتت لكيت مسره جايه ناحيتنه
مسره ها جاه
جاه تخليها يمج
مسره ماضن اكدر دحكي البيت شنو صاير بي
هزيت راسي ماخذه جميله
مسره صبر جاه
انداريتلها هيه اجت تباوع الجميله ابتسمت رغم دموع بعيونها لازمه جميله
مسره امي مشت بغرفه امينه تصلي تدعي الشيخ ذياب تضل كاعده صوبها؟
باوعت الجميله هيه هزت راسها.
جميله امج حبابه
مسره هيه تحبج جثير
اخذت ب ايدها يمشن
جميله شنو يعني جثير
حجت برود فاتحه باب الغرفه
مسره اهواي
هيه فاتت لكيت ام مسره لابسه چادرها الابيض رافعه ايدها تدعي تبجي متلوعه شافت جميله رايحه عليها ابتسمت بكسره حاضنتها
مشيت انضاري عليهم واني اشوفهم شلون محتركه اعصابهم على ذياب
رغم اختي ايام صارت ماكو وماجاننوا هيج مهتمين.
جاه ما اتمنى الشر اله بس اتمنى تعرفون مرده گلبي على اختي وهيه ماكو وانتو تحجون عليها.
درت وجهي طالعه منهم راجعه للغرفه بيها امي لكيتها نفس وضعها
اتقربت كاعده كدامها
جاه شيفيد الندم؟
خطفتلي نضره وجها احمر نزلت راسها
جاه موزين عليج نامي
رمله انام وبنتي ماعرف اذا نايمه براحه لو لا
جاه ايام ضلت هناك ليش ماسويتي هيج؟
رمله جنت اعرف نايمه براحه بس هسه ذياب مايدري بيها وين كسرتني.
جاه جوري ماكسرت احد منكم انتو كسرتوها. تتوقعين جانت تنام براحه وهيه بيت وحدها؟
ماجاوبت تعضعض بشفايفها كاتمه شهكاتها
نزلت راسي احجي بعتاب وغصه
جاه هيه تخاف من ضلمه تذكرين؟ كل ليله تنام بحضن ابوي من شوكت جوري تتحمل هل مسؤليات وسوالف وتنام بوحدها بيت شخص ماثاقه بي ولا منطقه تعرف بيها احد وهيه مكسوره من اهلها اقرب ناس الها ماندري بيها بردانه محتره
اخذت نفس قوي محاوله اهدي بروحي.
جاه صح ذياب يدري هيه ب امان بس هيه تدري انو هيه ب امان؟
رمله كافي جاه
جاه شنو كافي كل تفكيرها هسه مانريدها وحقها اذا كرهتنه كلنا
حجيت وصوتي مخنوك راجفه شفايفي
جاه حسبالج وحده تعوف اهلها وكل اشخاص تعرفهم وتثق بواحد ماعرفته الا بتلفون لو هسه شارررده ماندري بيها وين بسبيل شنوو
اشرت. ب ايدي محترك دمي
جاه بسبيل تخلص من عدنه احننننه مستوعببببه الفكرررره الخليتوهااا بعقلها انتي وذيااااب.
تحركن اجتافاتها تبجي قوي بعكس ايدها ضمت وجها تون
جاه شفتي دموعها وخوفها وهيه داخله جابرها واحد حقيرر لان متفضل عليها بلبيت المكعدها بي بس حتى تشهد ضده وسويتوا وكفتوا ضدهاا مادري شهل تفكير العندكم وهسه متندمين
كمت ماسحه دموعي
جاه الاشوفه انتو ماتحبون جوري وغلطتوا بحقها اهواي، لاتستغربون اذا كرهتنه وماشفتوا منها اثر بعد.
امي بسرعه باوعتلي انطيتها ضهري رايحه الفراشي متمدده مغطيه حتى وجهي غمضت عيوني نازله دمعتي بهدوء سامعه صوت شهكات امي القوت وهيه تردد ب اسم جوري
رمله ياروحي ياحبيبه ابوها ياروحي
ضغطت قوي على جفني مغمضه احاول انام بس بالي وتفكيري كله يم جوري وينها معقوله صدك عافتنه وماتريدنه بعد
اتذكرت عركاتي وياها رغم اصغر مني بس اعقل تتجنب عركات وياايه وشكد جنت اغار منها واريد اضهر حبي الابوي مثل ماهيه تضهره اله.
كلشي خلص وندم بداخلي جوري شكد اتحملت بهل سنين بس محد حس الا من فقدناها مصدكه بحجايه ابويه الجان يكولها
گمرنه مايفقد شمسه الا من تغيب .
مرةة يومين وعمي فرج بين ذياب بلمستشفى وبين يدور على جوري وامي نفس وضعها او كل ماله يزيد تعبها البيت موهادي كله ملجوم بشخص واني بينهم محتاره جميله تبين ملتهيه ب العابها
رغم ادري كلش زين جاي تفتهم كل إلى يصير مجان بيدي شي غير الدعاء وماتقبل فكره جوري ماكو بحياتي...
تلفوني قافلته كل هل ايام ماشايفه لارسايل ولا اتصالات خواتي وزوجي
سالفه ذياب ماعرفنه منو هوه الرامي عليه بس طلق جاي على جام سياره وحده منهن عابره چتفه وفاقد الوعي من الفزه ماعرف تعب.
نزلت من درج معدله شالي اباوع للبيت حاسه بوحشه وعبالك شي مكتوم على صدري طلعت للطرمه لكيت امي كاعده بلكاع وعيونها على الشمس
جاه ماما ليش كاعده هنا
رمله فاگده شمس ابوها.
كل ماريد انقهر على حالها اتذكر صار الجوري واكول تستاهل تحس ب بنتها بس ماريد هل شي يدوم، ماريد جوري تمنعنى منها من صدك!
اانتبهت جميله ماكو من صبح دخلت للمطبخ لكيت مسره تطبخ ساكته
جاه جميله بعدها نايمه
انتبهتلي منداره لكيتها بعدها تبجي مسحت دمعتها مأشرتلي حاجيه وصوتها موطبيعي
مسره بغرفه امينه تلاكينها
جاه خاف عمي فرج هناك
مسره لا لا عمي فرج نام بغرفه غزاله وامينه ويه مهى
مافهمت ليش منايمين بغرفتهم.
جاه جا جميله وحدها
كملت تكصكص ب بصل
مسره مو بس هيه بلغرفه
جاه لعد؟
مجاوبتني عفتها رايحه الغرفه امينه فاتحه الباب وشفتهم...
ذياب نايم على جربايه شابگ جميله على صدره وهيه لافه ايدها على ركبته فاتحه شفايفها نايمه بثگل
مشيت يمهم على كيفي اريد اسحب جميله من حضنه على كيفي ضيك عيونه بسرعه هامس
ذياب جوري.
اجت عيني على ايده الجايه بيها طلقه لافينها بلفاف وشي اسود فوكاه حاطينه بسرعه فزيت راجعه اليوره لكيته كايم عاكد حواجبه
جاه ذياب شلونك
انتبهلي رخه ملامح وجه ب ايده مسح على عيونه بتعب
ذياب الحمدلله
جاه بس اريد اخذها
باوع عليها شوي ورجع انضاره
ذياب لاعوفيها
جاه اصعدها فوك تنام
ذياب عوفيها يبه
ضليت واكفه ماعرف شنو اسوي هوه رجع اتمدد حاضنها مخلي راسه بركبتها يستنشق عطرها
جاه خاف مامرتاح.
ماحجه ولاحرك راسه من ركبتها بس هز راسه نافي مشيت وهوه يلا حجى سامعته
ذياب ياعطر هلي.
فتحت الباب اطلع واباوع بطرف عيني لكيته يبوس بخدودها وهيه عاكده حواجبها ضايجه من شواربه ومكمله نومتها بده يردد بصوت ناصي مغمض عيونه بوهن
ذياب ياعيني وبعد عيني.
جوري
فتحت عيوني ماعرف اني وين توضح نضري انتبهت الواحد واكف كدامي منطيني ضهره
همست بلا وعي
جوري ذياب.
اندار لكيته درع ماسامع شحجيت بس انتبه اجي يمي جار الكرسي كاعد.
كرم صح النوم
فركت عيني اباوعله
جوري ها
كرم ليش ماحجيتيلي
جوري بشنو وين اني
كرم مستشفى ام كصايب زتيتي گلبي بنهر عليج
رفعت راسي هوه كام معدل المخده الوراي راجع كاعد
كرم لو ما حجي عبود ما انتي هين
جوري شصار؟
ماحجى كام شايف المغذي
كرم ضال شوية. اتفردي ارتاحي
جوري ليش اني هنا
كرم اني ال اسألج ليش تسوين هيج بروحج؟
سكتت متذكره شوي شوي بسرعه باوعتله بفزع
جوري حماامتي عطووه
كرم الله يرحمها اشش.
خليت ايدي على حلكي اخذ نفس بكوه رايده ابجي فززني بعيطته
كرم اشش كااااافي موزين عليج شنو هذا البجي
جوري ذكره بابا بابا جابهن الي
كرم اهدي اشششش زيحي من بالج اي شي لاحمامه ولا خراب
بطرف ملابسي جراني متچيني على المخده
دنك يباوعلي
كرم مستوعبه، عينج لاتبجيها
ماكدرت مغمضه عيوني
جوري ماكدر
كرم جوري انتي لاتخلين بالج وحدج
جوري كلهم عافوني
كرم كلامي موعليهم
فتحت عيوني بالعه ريكي اباوعله والخوف بملامحي
جوري شنو قصدك.
كرم انتي روح ثانيه بطنج
احتقن وجهي بس للحظه عرفت هوه عرف هزيت راسي نافيه مخليه ايدي على بطني
جوري اني نزفت
كرم صح بس احمدي ربج وكتها حجي عبود راد يصلي وملاكيج لو فايت الوكت محسوب انتي كاتله ابنج
جوري شكاااتله مكاتلته ماسويت شي
كرم عجل هل حزن شنو؟
سكتت شوي ماحاجيه الغصه محتله بلاعيمي زفرت نفسي هامسه وصوتي مبحوح
جوري ليش ماتعرف حزن عيوني وگلبي؟
رخت ملامحه لازم راسه بحيره
كرم بس هساع شلون اطلعج من هاي سالفه.
جوري ياسالفه
كرم ماريدج تضوجين لو تنقهرين موزين على البطنج تدرين سالفتج ساكطه جثير زعطوط البطنج مادري شنو صايرله
جوري شبي مات
كرم لا بس اذا ضليتي هيج يموت وضعج موزين جوريه وانتي حاسبه هل حزن ياثر بس عليج تره كل فرح حزن اكل خرابه مادري شنوو يصيبه ويحس ويدري بكل شي يمج وصوبج
درت وجهي صافنه وعيوني بيهن دموع خفيفه منتهيه روحي من تعب حاسه اعضامي كلهن متكسرات من وجع وبروده موطبيعيه على اقدام رجلي.
كرم جثير علاجات انطو بس الخاطر البطنج يعيش
كام راد يطلع واندار
كرم ششنو اليفرحج؟
باوعتله هوه مشى كدامي مايل راسه منتضر جوابي
جوري ابوي.
حط ايده بجيبه متنهد وهز راسه
كرم صار
مافهمت شنو معنى كلمته وين ياخذني يموتني؟ طلع ومرةة ساعات واني وحدي مخليه ايدي بيها كانونه على بطني مقربتها ماسحه خفيف
جوري اذيتك ياگلبي. اسفه ياروح امك
حسيت بغرابه بكلامي رغم طالع من كل گلبي نزلت عيوني بايسه ايدي.
جوري موذنبك اليصير. صدك ماخليك تعيش العشته
خليت ايدي على وجهي نازلات دموعي اريد اكدر مايطلع صوت شهكتي
جوري لاا ما اوعدك، بعدك بطني وصار حياتك صعبه وموتك سهل وبسببي
انفتح الباب فايت حجي عبود شافني يباوعلي والحزن بعيونه صار كدامي ماد ايده جار راسي بايسه
عبود اسف بنتي
جوري لاعلى شنو بلعكس شكرا اهواي وانته سامحني تعبتكم
عبود لاتعب ولاشي بلعكس مرتي فاير دمها عليج بس تريد اخبارج
جوري كلها زينه.
عبود الله يخليج ديربالج على روحج اذا موالخاطرج الخاطر البطنج
هزيت راسي هوه طلع ولكيت كرم يحاجي اتصال صاير عصبي انسد الباب ضاله وحدي مرةة دقايق وفات بيده ادويه
درع يلا اطلعج
عدلت شالي كايمه بكوه اجاني الم قوي ماكدرت كعدت بسرعه مغمضه عيوني
كرم شبلاج
كبل لا احجي طلع بسرعه صايح ممرضه اجت فحصتني ماعرف شحاجته وهوه بس يلزم براسه ححسيت وضعي موتمام وبيه شي بس يحاول مايبينه إلى اجاني وجايب عربانه.
باوعتله وابتسمت بتعب ماكادره اضحك
جوري شنوهاي
كرم ااطلعي يلا ام كصايب
جوري لا استحي كدام الكل وكاعده بهاي
كرم ليش شنو بيها؟
جوري ماعرف ماريد
كرم ترا حاسبج زعطوطه
باوعتله ضايجه
جوري شسويلك وخر يلا
كرم خلي بالج عادي يمي ازتج هين ماستحرم منج
زفرت نفسي بصوت عالي ضحك واني استندت على طرف جربايه كاعده بلعربانه
كام يمشي بيه مبتسم
كرم زعطوطه وتفر سلف ديره فر بكصيبه تسكت اكبر عگل
رجفت حلكي شابكه ايدي سويه.
كرم فوك ماشعرلج على شنو جهزتي البزبوز
جوري تذكرت كصايبي لاتشعرلي
كرم انتي صلعه موعليج موعليج
بجيت من صدك مخليه ايدي على وجهي اشهك
ابراهيم يلا مافي مشكل جد مال انا صلع ميه ميه
يلمع مثل ملمع حذاء سوق مال برا
باوعت فازه على صوته ويحجي منطلق وكلشي مامفتهمه منه
جوري شجابك انته
ابراهيم انتاا بيسوي حادث وانا مابيدري
جوري درررع
كرم خالي وغالي
جوري هذا لسانه يفلت والله يحجي الذياب
كرم لامايحجي ماخلي يدحك الذياب.
ابراهيم ليش هاذا الكلام انا يريد يسوي دحك شوف المقدم المعصب
جوري درع جاي تسمعه
كرم يول معليج بي غير يترسه تفال اذا دحكله ذياب
ابراهيم منو يسوي تفل على انا
كرم المقدم
ابراهيم ليش هاذا الكلام؟
كرم بيسويلك موت نفس ماسوه صويلح
سكت بالع ريكه معدل رباط قاطه
جوري هاي شلابس
ابراهيم عجب انتا؟
جوري اي حلو
كرم دحك الزمايل ياربي
جوري انته وين ماخذ انا
كرم لاتسوين نفسه انجبي
ابراهيم انتااا لايسوي تقليد انا اصل وباكي بصل.
طلعني كرم فاتح باب سيارته لكيت حجي عبود بسيارته كاعد
عبود هها عمي وين
كرم اخذها بشغله
جوري ارجع ويه حجي عبود
كرم موتردين ابوج؟
سكتت مامفتهمه
جوري اي؟
عبود جوري بنتي ترجعيلنه بس هسه روحي وياه
جوري وين؟
ماستمعولي ماشي بيه ورافع ايده مسلم على حجي عبود
كرم يلا اطلعي
جوري وين ماخذذني
كرم دحكين الابوج
جوري شبيك وين اكدر اشوفه
كرم غمه، دطلعي ومعليج
جوري منو انته وحتى اثق بيك
كرم درع من القب يول وتعرفيني شنو.
جوري والقبك صاحبك الخبل امشي ولو من حياتي
ابراهيم اااااااشششششششششش
فزيت اباوعله
ابراهيم انتا لايسوي كتير كلام اصعد بلا منازع
جوري انته شبيك مو اكوم اركعك بكله
كرم كافي اثنينكم اطلعوا يلا
استغفرت كايمه من العربانه كوه صاعده بطارف راد يصعد ابراهيم وكرم جراه من رباطه
كرم وين خالي غااد اطلع
ابراهيم وين
كرم يمي تكعد شبلاك
ابراهيم انتا بيسوي موت اناا وخررر وخرررر.
عافه يهز ب ايده وصعد راح ابراهيم يركض يريد يصعد وكرم شغل سياره شاخطها
جوري شنوهاي
كرم صدره اهتز يضحك يباوع من المرايه على ابراهيم وهوه يركض يريد يلحك بينه
كرم ولك ههههههههه
ابراهيم انعللل ابو انتاا لابو انتاااا لك سرببب بي لاتسوي هذا كلاااام
جوري خطيه شبيك
وكف سياره وهوه صعد غام كرم
كرم على ياهوه ولك
ابراهيم على وجه خايس مال انتا تفووو
كرم هههههههههههه ليش هيج
ابراهيم سوي سوق لا اسوقك بلي.
مشينه بطريق واني ماعرف وين رايحين غمضت عيوني تعبانه ونمت بين نايمه والكاعده حسيت بروده قويه جايتني
ابراهيم بارررده طفي هذا
كرم هاي ماتزت بروده شبلاك تدفئه
ابراهيم ادري دددفه سوي طفي
كرم استغفر الله ياربي
صار صوت رنه سياره فتحت عيوني على كيفي نعسانه لكيت واكفين بسيطره
واحد واكف شاف درع دكاله تحيه
سيدي
كرم شلونه شغل
بخير
كرم يلا معه سلامه
حياك حياك.
رجعت مكمله نومتي تاجيه راسي على الجام وب ايدي حاضنه اجتافاتي بردانه
طك سن ب سن عندي راجف جسمي حس
كرم مرة اخوي، مررة اخوي...
ابراهيم شطبببب انتااا شطب
جوري ها
كرم بردانه خويه
ماحجيت بس افرك بعيوني اجاه اتصال شافه ونصاه
كرم دحكي بگرباج ستره ادفي بيها
جوري لاماريد
كرم ليش العناد
ابراهيم تريد رباط وقاط انا
كرم اربطه بيك. مرة اخوي اسمعي الكلام
جوري ماريد
كرم وبطنج؟ تره بردان تلاكينه.
اتذكرت باوعت لكيت ستره جلد سوده اخذتها خليتها عل ناحيه بطني مغطيه وياها صدري واجتافي درت وجهي مغمضه عيوني اكمل نومتي وشميت عطره
فتحت عيوني بسرعه منزله راسي خفيف اشمها اقوى عارفتها اله بلعت ريكي
كملت نومتي شابكه ايديه قوي حاسه بشعور غريب
بداخلها من فرو صاير ادفيت بطني بس رجليه بردن حسيتهن صارن ثلج
رفعت رجليه طابكتهن سويه داحسه نفسي بزاويه سياره رافعه بستره اكثر ادفه بيها راجعه غافيه.
ماحسيت بلوقت بس فزيت من حلمي الجان نفس مشهد يوم زواجي منه ونفس الموقف بردت بسياره وغطاني بفروته العبايه شيوخ.
كرم مرة اخوي
باوعتله بسرعه منتبه راجعه الواقعي
كرم وصلنه
باوعت مستغربه تترابه انتبهت وسيارات تمر صاير غروب نزلت راسي لكيت جسمي متكزبر كله من حلم شفته رغم مدفيه وخرت الستره مال ذياب على جهه نازله بكوه
كرم على راحتج شوي شوي
جوري وين احنه؟
كرم اجينه الابوج
جوري شلون يعني؟
كرم اتكلطي وراي.
سد الباب وابراهيم مبين ستوه كاعد من نومه
مشيت وراه وكرم بيده سطل مي
ضليت اشوف المكان لكيته كبور بللت شفايفي منزله راسي مفتهمه حاسه الم بگلبي صار وما اضن اكدر الزم روحي اذا شفت كبره
كرم اشرلي اصير وراه صرت وراه واجه رجال ضل يحاجي ويسأله على الكبور العرفته هوه دفان عشيرتنه
مشانه وبعيد وكبور اهواي ضليت احاول ما دوس عليهن من كثر ماهنه بكل مكان موجودات وحصره كبر بصف كبر
ابراهيم زينه محميد، سميره جواد.
كرم لاتحجي الاسماء شبلاك
ابراهيم انا بيسوي تعلم تهجي حرف حرف
كرم بس انته تتعلم على الكبور
هز ايده بغم ب كرم ضليت اباوع على كبور شهداء
وافكر شنو الاذه الاجاهم قبل لايموتون الروح عزيزه خوفهم والوجع بجسدهم شنو الفكروا بي احبابهم منو منهم جانت اله امنيه وماحققها منو حقق امنيه اله بس ما اتهنى لان استشهد
ابراهيم احمد. هذا شهيد سوه موت، فاطمه شهيد هذا مثل انتا
جوري انا شهيده
ابراهيم هذا اسمه غزاله.
باوعت بسرعه للكبر لكيتها ميته بدايه الالفينات
كرم امشوا
مشينه وراه وكفنه يم حصره دفان أشر على كبر بنص الهوسه الكبور الحوالينه اهواي وهوه بنصهم قريته اسمه مكتوب من فوك
خالد.
انمرد گلبي مشيت حاسه للحظه ضعت ماداريه بلكل بس اريد اوصله جانت حصره كلش فتت بكوه متربه كل ملابسي جان على كبره طابوك اصعد صعدت وصرت واكفه كدامه اباوع
همست بخنكه بكوه طالع صوتي
مبتسمه بكسره طايحه دمعتي على كبره
جوري ابويه.
دنكت حاضنه الكبر بقيت دقايق طويله هيج اجاني درع يحاجيني اوخر نروح ماستمعتله بس ابجي على كبره منتهيه روحي ضليت فوك نص ساعه مرتخيه ايدي على كبره
كرم يلا جوري
دنك محرك طرف ملابسي
كرم جوري، جوررري استغفر الله
فتح من المي موخرني وراش على وجهي كشيت ملامحي فاتحه عيوني ذبلانات
كرم كومي كومي
جوري باباا
كرم اششش يلا كومي.
ماقبلت ابجي قوي اريد اضل يمه ضل يسحب بيه قوي حتى لزمني من اجتافاتي بس يريد يوخرني واني محتركه اعصابي حسيت اتسودنت ماريد اوخر منه باقيه شابگه الكبر
ماكدرت وخرني بعيد عنه عطت
جوري يياااااابه ياااابه
كرم اشش كافي
جوري ضلمت عيوني بعدك ابويه ضلمت عيوووني ليش عفتني ليش
سحبني يعدل بشالي واني مامهتمه المنضري ععيوني اتورمن من قهر وبجي ضربت على فخذي
جوري چا وين حجيك يابه موكلت ماعوفج.
بكوه سيطرت على حيلي ماشيه على كيفي وعيوني على كبره
جوري اثاريك اول من عفتني وعلعلت گلبي الرهيف
ابراهيم كلاص بابا كلاص
ضليت احجي واشهك
جوري خلي يرجعلي اريده بس خلي يرجعلي
كرم كلنا على هذا درب
صاروا يمشون بيه سريع مبعديني عن كبره واني بس اندار حاسه اضلاعي وجعني اكثر
ماعرف وين رحنه وكف كرم على واحد من الكبور يقره عليه رافع ايده
ابراهيم منو هاذا
خلص الفاتحه ماسح وجه
كرم صاحبي شهيد.
ابراهيم جؤ جؤ جؤ خلي اسوي قرايه علي
كرم مجلس هوه
اتقرب ابراهيم يهز براسه
ابراهيم ككلنا هيج صح كلام انته كلام يابني انسان وين السان انتا وين رجلين انتا وين شعر انتا
كرم ابن، لاتخلي الساني يسكط عليك شنو تشمت بي بعد اخوك
ابراهيم فوكاها
كرم هوه شنو فوكااها دمشي امشي
ابراهيم طركاعه على انتا
كام كرم يريد يلزمه وهوه ركض يغمغم بي باوعتلهم
ابراهيم انتا سكط
كرم انته السكط امشي لك
جوري شبيكم.
كرم امشونه وانتي شبلاج تتبجبجين على شنو جبتج هين غير تفرحين تندمت جثير. هساع
ماحجيت مدنكه هوه حط بحلكه جكاره مورثها وطلعنه
ابراهيم اريد يسوي قرايه على كبر جد انا
كرم اشتعل كبره
ابراهيم انجب كلام
كرم اامشي صاحبي شهيد وتحجيله وين السانك اليسمعك بلوكت ذاك واكف ويه جنانوه راسك وراس الخلفك
ابراهيم انتا، والله اصبر لانا
كرم امشي لك مانمشي الجدك مادري ياهوه خلي نولي احسن النه.
ابراهيم ااحترمك الخاتر كبر ذني واحد اثنين ثلاثه
كرم اسكت اذا طلعتلك سواديني لاكبور ولا ابوهم يوكفوني من تسكيطك
ابراهيم ياغضب
كرم هاي حجايه ذياب
ابراهيم المقدم يعرف باع باع انتا غضب
كرم خنيث
ابراهيم جربوع
كرم جربوع شنو؟
جوري كافييي ترااا اعوفكم وامشي
كرم انجبي انتي امشي جدامي يلا يلا اثنينكم
مشينه ابراهيم جر جكاره كرم من حلكه ويركض طالعين كرم لحگه بسرعه لزمه لاف رباطه على ركبته.
فكيت عيوني ماكدرت ضحكت هذا صار وجه احمر
ابراهيم كلام كلااام
كرم انعل ابوك لابو ابوي
جوري كافي رجال اختنك
عافه يريد ياخذ جكاره ماخلاه مخليها بحلكه
ابراهيم اف موجكار ضيم ضيم
يهزهز بحواجبه ضحكت على حركاته هوه عدل رباطه ويدخن بجكاره ماتحمل واختنك
كرم سم
ابراهيم بگلب انتا
ضحكت امسح بدموعي باوعت لكيت كرم يخزر بيه سكتت ومشينه للسياره فتحها وصعد منفس اني رجعت اليوره صاعده.
مشينه وصار الليل اني لبست الستره سادتها جبيره عليه بس مدفيتني كلش رفعتها مخليه منها شوي على وجهي اباوع من جام
وكرم يسوق ويخوزر ب ابراهيم وذاك متچي على الكشن لابس مناضره سود وفاتح ايده يضحك ويدخن لان مخلي كرم يعصب
اجاه اتصال بسرعه فتحه بدون مايشوف الاسم عاكد حواجبه حاجي منفس
كرم هاااااا
مادري منو حاجاه سكت محمحم حاك حاجبه
مرجع صوته الطبيعي
كرم ها محتاجه شي خويه.
ابراهيم مد راسه يم اذنه كرم خزره دافع راسه قوي على جام
جوري يااا
ابراهيم انعل ابو انتا لابو ابو انتا ترضى ازرب انتا
اشرله يسكت
كرم صاحبي بعدين نحجي، ليش ماتكدر، باوعلنه نصى صوته مكمل كلمته، ماتكدرين
اني درت وجهي اباوع من جام وملابسي كله متربه من الكبور وانطبع بيه عطره من ستره
كرم هساع ماكدر بمزاجج تردين بليل؟
ابراهيم انتا شنو بيلعب بليل ها
فك عيونه مباوعله مصدوم.
كرم دحكي شوي واحاجيج. ماعرف شي عن سالفتها، فردي بالج. لا ماكو وماعرف عنها اثر واحد
سد الاتصال شامره باوعتله
جوري هاي نوف؟
سكت شوي وحجى
كرم اي
ابراهيم ياكنفه
كرم طركاعه القنفه على راسك
ابراهيم وراس انتا بس منو هايه
ماحاجاه مشينه طريق هيج
كرم مرة اخوي
جوري ااحجيلي ب اسمي احسن
كرم ممايصيير هيج
جوري شنو؟
كرم على الابسط اريح بالهم عنج صدكي ميتين بلياج
جوري شعرفك ميتين؟
كرم امشيلهم وادحك وسالفه صارت ضليت يمهم.
جوري ياسالفه؟
كرم ذي، غير كلامه مامكمل كلمته، يعني اعرف شنو عندهم بس ماحجي وين انتي بس احجيلهم بخير
جوري لاا سوي نفسك ماتدري بمكاني وذممتك
كرم وامج؟
باوعت همست رافعه چتفي
جوري شبيها؟
كرم شنو تضنين وضعها؟
جوري ممابيهم شي وشيسون لاتصدك كلهم جذابين واولهم
رفع عيونه يباوع بلمرايه اشرتله على ستره ذياب افتهم متنهد
رجعت انضاري للطريق فاتحه شوي من ستره شامه ملابسي ضال عطره بيه.
جاه.
امي اخذتني نازلين للشقه ثانيه فتنه وشفنه كاعد يصبون اكل
جاه ليش جبتينه
رادت تحجي وماكدرت رايح صوتها لكيت عمي فرج كبالنه لابس دشداشه بدون عكاله وشماغ
فرج حياكم حياكم اكعدوا
امي ضلت واكفه متنهده اجه يمها يحاجيها بصوت ناصي سمعته
فرج شراره عش هيج تسوين بروحج
ماحاجته منزله راسها دنك عيونه عليها
فرج اريد احاجيج ب شي بس لاتاذين روحج
حجت بكوه صوتها مبحوح كلش
رمله شنوه. بنتي
فرج يفرحج صدكي
رمله لكيتوها.
فرج هساع اكلي والله كريم نحجي
رمله ماريد احجيلي حباب
فرج ماحجي اذا متاكلين دحكي شلون متلاچ وضعج
باوعت الامي صدك ضعفانه حيل وملامحها واضح عليها تعب وجها كله متزلغ واحمر مال شخط اضافيرها وبجه خدها صاير احمر من كثر ضرب
فرج دحكي شنو صاير بيج
باوعت لكيت نسوانه ثلاثتهن يباوعن وحصه امه تخوزر فكيت عيوني على فرج لزم ايدها رافع شوي من ردانها
فرج هاي شنوو
امي سحبت ايدها مالها خلك هوه سحب ايدها
حصه فرررج.
فرج شنو بيها ايدج رمله ليش هيج
انتبهت الايد امي مورمه صاير على زراك من ناحيه ساعد ايدها
رمله مابيه وخر
فرج مسرررره
جاه ماما شبيها ايدج
فرج اانتي مو يمهااا شنو ما اخذتي بالج
ضجت لان رزلني ضليت ساكته اجت مسره حاجاها جيب علبه الادويه مشاها على كيفه
فرج اتكلطي هين اربزي يلا
امي مشت كاعده بمقدمه سفره كل مره هوه مكان فرج حصه ضلت تباوع مصدومه
هوه كعد يمها يباوع الايدها اجت مسره منطيته العلبه ضل يدور بلعصارات.
فرج انتي الا تشغلين بالي عليج يلا تنفردين ها
ضليت مامستوعبه حسيته نسى احنه هنا وجاي يحجي من كيفه طلع عصاره يحطلها امي كشت ايدها
فرج ناوشيني شراره
امي جانت حاطه ايدها ثانيه على وجها اول ماسمعت باوعتله فاكه عيونها كلهم انصدموا ضرغام جان ياكل بلخيار طاحت من حلكه يباوع الابو مامستوعب
غزاله شنوووو فررررج
باوع مستوعب الحجاه حمحم عاكد حواجبه
فرج هاي سوايتج شراره
مهى فرج صدك هاي؟
فرج شبلاجن شكو؟
امينه محرم تگربلها
فرج سالفه خراببه شنو تحجييين مادحكين ايدهاااا ماعندكم انسانيه انتو؟
سكتنه وكلها تخوزر وناس مامقتنعه بحجيه هوه ضل حاير بيها وامي بس تضمضم بوجها متفشله من تصرفاته
رمله هذا هوه كافي فرج
فرج ععيونه الج عيونه
باوع الحشام خازره ضربه على ضهره
حشام ها يابه شكو
فرج مو صح عيونه الها
حشام اي خاله وحبيبتنه حياج اكلي
فرج ابن الكلب حبيبتك شنو
مهى هيج حجاهاا صدك جذب فرج
فرج اكعدو اكلو اكعدوو ممابيكم خير.
كعدنه كلنا اني اجيت واكفه يم امي هوه اندار يباوعلي ماكل طماطيه
فرج ها ولج
جاه اكعد يم امي
فرج حارس فوك راسها زيحي زيحي اربزي المحلج
لكيتهم كلهم يباوعون تفشلت راجعه المكاني اجت يمي نوف عركانه
جاه شبيج عركانه
نوف ها. لامابيه
هزيت راسي مديت ايدي اخذ خبز لكيت مسره تصب راجعه للمطبخ وضرغام عيونه عليها شكيت بينهم شي شوي وحمحم كام
فرج وين
ضرغام ههساع ااجي حاب اكل زيتونات
اخذ فرج زيتون ماكل منه
فرج عجل هذا صخول امك.
ضرغام ها؟
فرج اجني بمحلك اكعد يلا اكعد
حصه ذياب ماكو
جاه اخذ جميله
انفتح الباب فايت شايل بيده جميله وهيه فرحانه بيدي علاكه خضره جبيره لابس قبوط اسود ومشتريلها قمصله حمره
ذياب السلام عليكم
فرج اكعد حياك
ذياب لا ماريد
هاله وين مشيتوا
ماجاوبها ولاباوعلها دنك منزل جميله رايح يريد يفوت الغرفه امينه وجميله جرت ايده
جميله سيدي
باوعلها مبتسم ضاهره غمازته
ذياب حنيته
جميله اريد اكل
ذياب اكلي
جميله اكل وياي.
ضلينه نباوع توقعنه يرفض مثل كل مره بس قبل حط علاكتها على جهه وهيه لازمه ايده فرحانه مامصدكه احد يهتم بيها
حصه ادنت وكعد ذياب متربع هيه اجت وكعدت بحضنه طاخه ايده غمض عيونه متوجع
حصه لج لااا دحكي كربتي الايده
جميله صفنت خايفه هوه عدل كعدتها مخليها تتچي على ايده
ذياب اتفردي بمزاجج يبه
جميله ايدك بيها اوا
ذياب لا اكلي يلا شنو تردين.
يحاجيها بصوت ناصي اني بس اباوعلهم صاير يوكلها ويبوسها ترفع حواجبها تضحك متبزبزه من شواربه
لزمت وجه
جميله طالعتلك لحيه
حصه وين عرفتي
جميله غير لزمت وجه
حصه ههههه شو بلا اتكلطي ابوسج
جرت وجها بايسته وخرت مبتسمه
حصه افيش نفس نعومتها وعطر اخيتج جوري
بهتت ملامحنه كلنا هيه سكتت منزله راسها تاكل امي عافت الاكل وكامت فرج استغفر لازم راسه
فرج بس لو اعرف هل البت وين.
باوعت الذياب مسوي نفسه مامهتم صدره يصعد وينزل سريع من انفاسه صارت مامتوازنه شوي وماتحمل كوم جميله
ذياب ااكلي حلوياتج
فتح باب غرفته نازع قبوط مالته شامره متمدد على جربايه متنهد مخلي ايده السليمه على عيونه اختي راحت وراه تجرجر بعلاكتها كوه
جميله سيدي، سيييدي مو احاجيك
ما وخر ايده يبلعم بريكه اكثر من مره راحت يمه صاعده على جربايه نايمه على صدره تريد توخر ايده
جميله ممواحاجيك شبيك علاكه قويه اسحلها الي.
سييدي
وخر ايده عيونه ذبلانات يباوعلها
ذياب تنامين؟
جميله اي
مد ايده جوه ايديها جارها بسرعه منومها يمه حاضنها حاط وجه بطنها وهيه حاضنه راسه تمسح على شعره
جميله نام نام ماما نام
ذياب ههههه. حنينه انتي ها
جميله فراس خاف ياكل حلوياتي
ذياب افلع اذاناته
سكتت وهوه هم كمنه نشيل المواعين وغسلناهن اخذت نضره سريعه لكيتها مرتخيه ايديها على نايمه هوه باقي ضاغط عليها شابكها قوي وعبالك راح تشرد منه.
رفعت حاجبي مامفتهمه الكلمه وليش خلاها تحجيله هل كلمه همستها ب استغراب
جاه سيدي؟
فوتت العلاكه بلغرفه واتنهدت جايه يمهم فتحت الغطوه شامرتها عليهم ردت اطلع وشفت هاله واكفه تباوع
جاه نايم
هاله اختج مرتين نامت يمه وخلته ينام، كل هل ايام ماينام
باوعتلي عيونها بيهن دموع عفتها وطلعت هيه سدت الباب.
جوري
وصلنه وابراهيم وكفله كرم تكسي وراح نزل كرم يريد يتاكد اكثر فتنه جوه
جوري ارجع البيتك
كرم اششش
جوري ليش تقلده ب اسلوبك؟
باوعلي مبتسم
كرم ياهوه
گلبت عيوني فايته جوه كعد بصاله لكيت ايناس محميه جاي شافتني وابتسمت
ايناس ابوي كال اجيتو
جوري اي خطيه كل شوي يدك يطمن
ايناس ضل بالنه عليج يمعوده تعاي ابوسج
ابتسمت بستها ضليت واكفه اباوعلها تحط شكر
جوري اهواي هذا
ايناس غير شكر
جوري بس چيله وحده زلم يشربون.
ايناس شعرفج؟
سكتت وهي انطته إلى اخذته وعيني على الأستكان خاف يوكع فتحت الباب على كيفي صايرين كدامي لكيتها حاضنته تريد تبوسه وهوه عاكد حواجبه منزل راسه يحاول يبعدها
طاحت الصينيه مني بسرعه باوعلي دافعها وكايم يحمحم
عطت خازرتهم
جوري شنووووهايي!
عسل عافتني بسرعه راحت هوه لزم وجه ضايج
جوري ستوك فتت وهيج
كرم مامسوي شي مادحكين هيه اجت شبلاج.
جوري عيب عيب يجوز ابوهاا الدخل شنوهايي صدك تحجوون وشوكت عرفتها وعرفتك حتى كبل اجتمعتوواا ستوني عفتك والله ستوني
كرم تدريه بيه اجي هين
جوري تعرفها؟
ماحجى ماخذ تلفونه ضامه بجيبه رايح يطلع
جوري مو احاجيك
ماجاوب طلع برا تفلت وراه فايته جوه فاير دمي قهر دخلت للغرفه شفتها ماكو فتحت الغرفه ثانيه لكيتها كاعده تكرط ب اضافيرها بخوف خزرتها وسديت الباب كاعده على جربايه نازعه حجابي
جوري ضيم الوادم مايخلص.
ضليت دقايق هيج واجت امهم وباقي الاخوات سلموا عليه واتحمدولي على سلامه ماكدرت احاجيهم بس ابتسم وقهري كله على امها الحنينه هيج بنتها ماتوقعتها منها ومادريت شلون عرفته؟
ابوهم راد يفوت يسلم عليه لبست شال وماطول طلع راح وماقبلت اكل رجعتلي ذاكرتي على الحمامات تنهدت بقهر بنص صفنتي افكر بيهم
عدلت شالي متنهده درت وجهي ولكيتها كاعده شابگه صوره على صدرها وتبجي بحرگه اعصاب تتلوى
جوري عليمن تبجي.
شكران اخوي. سكتت شوي وحجت برود، الشهيد.
سمعت صوته وكامت ماسحه دموعها مخليه صوره على طرف جربايه طالعه برا الغرفه اخذني فضولي اشوف صوره قربت راسي اباوع
رجعت اليوره بسرعه بفزع خايفه اول ماعرفت منو هوه.
جوري هذاا هوه
شكران ياهوه شبيج؟
باوعتلها صافنه اتذكر ملامحه اكثر وصح اتذكرت بيوم الطحت بلحوش ويمي الحمامه عطوه ميته ماعرفت حقيقه او حلم بس شفته واكف كبالي.
شكران جوري
جوري ها
شكران وين شايفه اخوي.
جوري مشايفته شبهته ب احد
هزت راسها كايمه
شكران عسل بارده هناك تعاي هنا شعندج
عسل هسه شوي واجي
هزت ايدها رادت تطلع وباوعتلي
شكران متاكلين
جوري لاتسلمين
هيه طلعت واني لزمت راسي اريد اتذكر اكثر حاسه الم براسي بس اتذكر شفت هيج ملامح شنو جان حقيقه لو حلم وليش شفته
خفت من هل بيت بس مجرد احساس شفت شخص ميت!
انفتح الباب طالعه عسل شفتها ودرت وجهي معدله المخده مسويه نفسي اريد انام
عسل جوري.
ماجاوبتهها هيه سكتت ضليت اتگلب لحد ماغفيت صدك ونص الليل گلبت على جهه ثانيه نايمه متحمله بلحمامات حركت راسي منقهره
فزيت على ايد شخص يكعد بيه...