رواية عكد الظفيرة للكاتبة زينب جعفر الفصل الحادي والعشرون
رفعت راسي بسرعه اباوع...
حاس فزه بگلبي صارت
عيوني دور بين نسوان اريد ألمحها
ذياب جوري
مايلت راسي اباوعلهن مامبين وجهن زين
تقدمت يمهن مامتوازن تنفسي
ذياب يبه جوري
درت وجهي وراحن ماعرفت ياهيه منهن
مشيت وراهن وانجريت
درع شبلاك ذياب
ذياب جوري
درع شنو؟
ذياب جورري هيين
درع عجل ماندري هين
ذياب من بين النسوان جورري اكو
درع لاكيتها؟
ذياب لا بس سمعت بت تحاجيهاا تكلها شطبه انتضريني.
درع قناصي بغداد بيها جثير وادم مو بس هي اسمها شطبه
ذياب ماكوو احد هيين اسمه هييج الله يخليك استوعبني لازم نخلي احتمال لأي شغله وسالفه المرتي
درع هدي وحاجيني شنو حجالك الرئيس
ذياب جوري ويه نسوان الغاد
درع جثير نساووين وين تلاكيهاا تزيح العلى وججن؟
ذياب مادري
تنهدت كاعد حاط ايدي على راسي هوه دنك
درع لاتسوي هيج
ذياب راح يصير اسبوع وانا مامدحكلها
درع الرئيس شنو يسوي
ذياب راح يجون مفرزة همن ونحدد محلهم.
درع اي دحك وان شاء لله اليوم نفوتلهم بلشاجور
ماحجيت طلعت جكاره ثانيه مورثها قناع ذبيته بعيد
درع هي عش هيج
ذياب يضوج جيب بس ليضم نص وججي
درع قناعك يضوج عجل انا شنو
ذياب جيبلي درع
مد ايده باوعت يأشرلي فلوس طلعت من جيبي منطي وراح
شوية وباوعت رجال يبيع شفقات كمت رايحله.
كرم شلونك باشا
باوعلي رجال مستغرب
تفضل خويه محتاج شي
كرم أريد قناع شي هيج نص وجه حتى لو مال حجابات جيب
عدنه كب
كرم شنو كب.
طلعلي واحد بني مرسوم عليه مال عسكريه
ههذا هيج ينلبس يضم الحد خشمك عيونك والباقي يطلع
كرم اي جيب
ااخذ علاكه سوده حاطه
الف سعره
انطيته الفين ماخذ العلاكه
كرم انا هم اريد واحد بس غير لون
المن هذا لعد
كرم الصديقي القناص
مال راسه يباوع
هذاك
انداريت شفت ذياب لابس شفقه ومناظر مستطيلات صفر وبيده جكاره يدخن عاكد حواجبه
كرم اي
ماشاءالله ديربالك لايكشفك
كرم شنو
لايعرف انتَ حرامي ههههه.
كرم حراميش خالي غير احنه القانون والجمهوريه
دكالي تحيه يضحك
حي الله الجمهوريه
كرم يحيك
بيني وبينك ماتسويلي واسطه وتسويني
كرم شنو اسويك
ضابط
كرم شكثر معدلك؟
انا عندي بس شهاده سادس ابتدائي
كرم ابتدائي؟
باوعتله رافع حاجبي
كرم شكثر طولك
160
كرم خويه حتى طولك مايساعد يطلعوني بدفرات انا وياك
ههسه ياخويه دمشيها ماتشوف شغلي شلونه مابي لگمه عيش
كرم والله موبيدي خلي بالك غير شغله
طبيه؟
درت وجهي هامس
كرم اهو ولايكعد.
باوعتله مأشر ب ايدي
كرم ناوشلي الجيس والله كريم
يعني تسويني اشتغل بلطب
كرم اخليك تهلهل ياهوه الينجي من الموت
اشو تغلط
كرم دناوشلي ياخويه
انطاني الجيس عفته ورحت الذياب
كرم اخذ
ذياب طولت
كرم انطيت أمل الواحد بشغله
ماجاوب لابس كب فوكاه شفقه مرجعه باوعلي
كرم ادري شنو هاي زت المناظر
ذياب انا ماريد احد يعرفني
كرم ياهوه يعرفك
ذياب هين ال نسيت شنو؟ احتمال يفرون هين
كرم المفرزة ما اجو.
ذياب بلدرب بين ما يجون الرئيس حجى نكعد بيت
كرم يابيت؟
ذياب دزلي العنوان هين
هزيت راسي وهوه فتح تلفونه يگلب بي
كرم شبلاك بس ضايج
ذياب اضحك؟
كرم يابه أحلفلك بالله سالفه وتخلص
ذياب كرم ماتستوعبني ماحب احد يدحكلها مو صوبها ال
كرم وين صاير بيت الحجالك عنه الرئيس
دار تلفون مشوفني
كرم ها
ذياب عرفت وينه
كرم لا اتكحز نسأل احد
مشينه وسألنه لحد مادلونه عليه دخلنه للفرع نمشي
كرم ههساع شلون نعرف همه
ذياب بابهم نلاكي مفتوح.
كرم وليش يول بابهم مفتوح
ذياب وين ادري
باوعنه على جهه لكينه باب مفتوح ولد كاعد اسمر ولابس فانيله تعلاكه بيده هفايه ويهف على روحه
كرم بهذا البرد ويهفي ابن الهفايه
ذياب انا هلطلاعه هفتني
كرم بالي يحجي ذول همه
تقربنه يمه هوه رفع راسه يباوعلنه بيده ثانيه مسواك يحك بيها سنونه
ذياب ول السلام عليكم
مين انتو
كرم اويلي ويلاه يحجي بلمين
ذياب ابوك هين؟
حك راسه صافن
بابا مال انا؟
ذياب لامال عجل شنو
دار وجه يصيح.
باباا، بابااا
رجع انضاره علينه يفر بيده
مين انتو مين؟
ذياب احجي لأبوك ويعرف
فوت فوت بابا
كرم شنفوت يول لاتسويلنه داشر انت فوت واحجي لابوك منتضرينه بدرب هين
بابا انت شو عم تحكي داشر شو
ذياب هذا ههندي لو سوري
كرم مادري
جريت مسواك منه بصفحه ثانيه لزمتها لكيتها مامستعمله حكيت بيها سنوني أشرتله بحواجبي
كرم اتكحز احجي الابوك يلا
صفن عليه جراه ذياب من فانيلته دافره من وره
ذياب دتكحزز.
فات جوه شوي واجه ابو لابس دشداشته قصيره وبجامه ملحيه شعره مخربط هم اسمر حيل يتنفس كوه
مين انتو
ذياب نزل كب ماخذ اخر نفس وشمرها للجكاره
ذياب أتگلط
اشو
استغفر مأشر بيده يتقرب قرب اذنه فاتح حلكه
بيدي سديت حلكه
كرم ادري على شنو فاتحه
ذياب الرئيس مو حاجاك؟
وخر من ذياب مبتسم يهز براسه
ااي اي مقدم ذيابو
ذياب ذياب ماكو و
فوتوا فوتوا
دفر الباب برجله اقوى مبتسم وداخل
درع ذيابو
ذياب أنلصم.
ذياب دنك شوي فايت وانا وراه نزعنه احذيتنه نباوع للمكان
حط ايده على حلكه يكح ويحمحم
ذياب احم احم
باوعلنه رجال حاط شال على ركبته
فوت فوت يارجال أيينتا
كعدنه متربعين رجال باوع الذياب مبتسم
هي ذبهاااا مقدم ذببهاا
ذياب شنو
أشرله على شفقته ومناظره ذب مناظره والكب باقي بس بلشفقه
ذياب ان شاء لله مانضوجك
لامافي مشكل مافي
اني ذبيت على وجهي هم متنهد ذياب أتچى على الحايط رفع رجله يم صدره
شنو أسم مال انتو الاثنين.
ذياب ذياب
ها أي انتا صح حافظ اسم مال انتا بس راح من بالي لان في مشكل هوون مشكلل كبير برأس ابن مال انا
درع أسمي كرم
اوو هياكم هياكم انا اسم ماال انا ابراهيم وابن توك توك شفته بعيونك الاثنين هذا ابن مال انا اسمه حسن
درع الله يحفضكم
كعد يمنه يباوع الذياب ضرب على فخذه ذياب استغفر موخر فخذه
ذياب ول يبه
ابراهيم اسم الله حول انتا رجل هل كبر
درع اانا همن عندي رجل هل كبر
ابراهيم اي ماشاءلله ماشاءلله ماشاءلله.
درع ههههه بالي يكول مشله مشله
مسح عيونه
ذياب أنلصم درع لايصنت ويكحزنه غاد بيته
طبگ ايده يباوعلنه
ابراهيم اانا اسف اخوان
درع لاا ليش
ابراهيم اكل مافي اكلناه كلو
ذياب هني ومري يبه
درع مانريد اكل بس نضل هين
ابراهيم شكرا شكرا
قلدته مسوي نفس حركته
درع انتَ سكرا سكرا
باوعلي ذياب خازرني ضحكت اكح قوي
راد يحجي هوه ودخلت مره تشبه ابراهيم بس لابسه حجاب ولازمه الولد حسن من فانيلته جارته.
اانا كلاصص انا يسوي تبري من ابن مال انتا
درع اويلي ويلاه سينما
اندارلها عاكد حواجبه
ابراهيم انت لايسوي مشكل هنا في ناس
فكينه عيونه على زيجها
الك والهم
درع رحمه الله والديج
باوعتلي مخليه ايدها على خصرها
انت تقبل بهل مشكل؟
درع مشكليش
ججرت حسن اقوى
ابن مال انتاا مايسوي شغلل انا تعبب
ابراهيم ابببن مال انا مايسوي شغل
مموبكيف انتاا لازم يسوي شغل
كاملها فاك عيونه
ابراهيم انت تصيح بوجه انا؟
ضربها راشدي فز ذياب يباوع.
ذياب شكو؟
باوعتله مرته لازمه خدها
اانت تزرب انا؟
ذياب منو زرب؟
درع ضرب هوه ضربها
انداريتله لكيته مصدوم
درع شنو نمت؟
ابراهيم اانت يرفع صوت على انا
ونصص ابن انا يسوي شغل
ابراهيم اشووو ابن مال انا مايسوي شغل ترى
صفن شوي وطلع من جيبه مسدس
درع ااخخخ انخووووك
ذياب هااا هااا هدوو وارببزووا محلكم
ابراهيم اليوم ينهي حياه ابن انتا وانا
كاملهم ذياب صاير سداد بينهم
ذياب لاصلي على محمد هدي
ابراهيم لاا اشو اليوم اله ينهي.
درع هوه انتَ منتهي اصلا مخلص الاكسباير
انتا تزرب انا انعلل ابو انتا لابو انا
ذياب لاكله ولا الوالد
رفع بجامته موصلها الصرته
درع شبلااه هذااا
ابراهيم انته تنعل ابو انا
عافهم ذياب ماشي بكوه لازم راسه
درع اكضبي شبلاج
باوعنه بسرعه الذياب لازم الحايط يريد يطيح
درع ذياب؟
ماجاوب منزل راسه يتنفس بكوه ثواني وطاح بلكاع على راسه
درع قناصص.
جوري: -
براء انتضريني شطبه
سمعتها بس مانداريت باقيه لازمه گلبي ارجف وامشي بكوه على كعب رجلي
انجريت بسرعه باوعت خايفه
براء مو احاجيج
جوري خخوفتيني
براء ليش راح اعضج
جوري شتردين
براء نوح يريدج اني شكو
جوري وينه
براء اندري
عافتني ومشت هزيت ايدي منداره اباوع شفت واحد مثلم واكف يباوع الواحد كاعد حاط ايده على راسي ومنزله مامبين شي من وجه
جوري سالفه حراميه كثرانين
نوح شطبه
فزيت مستغفره.
جوري شبيكم شسالفه راح تصيرلي فزه من وراكم
نوح اريد احاججيج
جوري بشنو
نوح اليوم خلي بالج لاياخذونج
جوري وين بس لاللحقير ذاك
نوح صالح دحكتيله؟
جوري اي
نوح اليوم مالازم تفلين وتتكحزين صوبه
جوري شنو بيدي اصلا متقذره من هل سالفه بس والله تعبت احس ماكو امل بعد
راد يحجي واحد من رجال رجع خازرنه
ههيياا اذهبوا
جوري اذهب عمي اذهب
مشيت احاول اسرع ويه بنات اوصل
وهوه وراي انتبهت عكدت حواجبي
جوري هاي شلابس
نوح غير نفسكم.
جوري ههههه
وخر النقاب من وجه يباوعلي مبتسم
جوري رجععه لايشوفونك
نزل راسه مرجع النقاب ودخلونه البيت ستوني ردت ادخل وانداريت على صريخ مره
جوري شكو؟
خميسه رادت تشرد ولزموها
جوري بلكت ناس تشك ويجونهم
ضليت مركزه عليهم رجال كام يهز براسه ولازمها قوي مثبتها دفعها مفوتها وفتت انا هم مايلت راسي اباوع لكيت زلمه جاي يمه
خخير شكو؟
حاجاه رجال من جماعه صالح يهز براسه يحاول يحجي بغدادي
ياخويه جايبتلنه العار النه.
استغفر الله حاجيها على كيفك فهمها
هز براسه وذاك رجال راح
جوري شكد حقير
انتبهلي رفع حواجبه
اذهبي يامره
دخلت جوه لكيت نسوان كاعدات بقيت صافنه وحده منهن تأشرلي اكعد يمها عرفت هذا نوح رحت بسرعه كاعده
نوح ها شبلاج
جوري ماريد ابقى هنا الله يخليك
نوح شنو ب أيدي ياشطبتي
جوري والله مختنكه
نوح مي؟
جوري لا
رفعنه راسنه نباوع على رجال دخل
اين العارر
جوري بس لايضربها
نوح اي
نزلت راسي حاسه هلكت ماكدر بعد ابقى هنا.
غمضت عيوني ضامه وجهي بين رجليه رافعتهن ناحيه صدري اتنفس على كيفي
جوري شنو اسوي؟، اموت روحي واخلص منهم؟
اخر شي اجه بالي وره المعاناه الموت.!
عضيت شفتي مارافعه وجهي سامعه صوت المره وهي تتعذب جوه ايد الخنيث هذا!
ابراهيم أسكب اسكب
درع شگسب
حسن ذب مي على وجه بابا
درع من وين صار ابوك
ابراهيم قرب طاسه مي اخذت شوي بيدي شامره على وجه ذياب
ابراهيم ها بس لاسوى موت
درع لا بس تعبان هوه
باوعتله وهوه حط ايده على عيونه.
درع نام
ذياب لاجوري
درع المفرزه بعدها ماواصله من يوصلون اكعد هساع تعبان ارتاح شوية
ذياب ماكدر
درع لايجون ودوخ بنص شغلنه نام
ماجاوبني نايم على چتفه انطيته ايدي
درع احسبني شطبه ونام
ابتسم وتعب واضح بملامحه بلع ريكه مغمض عيونه
ذياب خلي بالك مو تعوفني نايم
درع اي همن ماكدر امشي شغل بلياك
كح ماد ايده يم جيبه مطلع سبحه حمره خلاها على صدره متنهد
ابراهيم انا بيسوي دمع دمع على مقدم
انداريتله مبتسم.
حسن بابا انا بيروح حتى مقدم ينام على راحه
خزره هامس
ابراهيم اانجب كلاص اكعد
اندار المرته يأشرلها بيده
ابراهيم انت سوى مشكل بكد راس انتا وموت مقدم
درع اسم الله
انت انجب انت سوى المشكل
درع عوفو مشكل كرزات الزلمه خل ينام دخيلكم
ابراهيم كلاص كلام كلاص حجي
درع اي كلاص
ابراهيم كلام
درع ادري فهمت ماحجي
ابراهيم لاا موحجي كلام كلام
درع كلام؟
حسن انتا اسم كلام
درع كررررررررم يا كلام
ذياب جؤ جؤ جؤ.
درع بس رجال يناام لاتكعدوونه اربزواا بمحلكم
مرته راحت وابنه طلع بقى هوه تمدد حاط ايده على كصته يتنهد
ابراهيم حياه انتا صعب كتير
درع اي والله تعبان
ابراهيم انا بيحسد انتا
درع شلون راح اتفل علي
ابراهيم انتاا يحصل فلوس كتيرر
درع هوه بس ذياب لان ملاگي راد يجثرون راتبي
ابراهيم مقدم انا ينقهر علي
درع اي ادعي.
قاطع كلامي رافع راسه يخوزر باوعت لكيت مرته واكفه بعيد تغمغم بي.
ابراهيم اانتاا ررروح من هووون ررووح راح يسوي طلاك من انتا واحد اثنين اثلاثه
درع اهدء اهدء
ابراهيم اانتا عمر شكد شكد؟
درع ماحب هل سوالف
ابراهيم عمر انتا؟
درع اي ليش مخلي بالك يم عمري
ابراهيم شوف شوف
باوعت وين يأشر على صوره واحد بي يشبهم بس سمين
درع ماشاء الله يشبه انتا كثير واجدد
ابراهيم ايييي ابو بابا مال انا
درع اي مو اكول بس هوه ماخذ بلعرض
ساحكينه شنو.
اندار ذياب للجه ثانيه عاكد حواجبه نايم سكتت ومرر الوقت الحد ماندك الباب
ابراهيم اانا افتح
كام شوي واجاني يمشي سريع
ابراهيم هذا يكول احنه مفرز نريد المقدم.
نوف: -
دخلت للمطبخ صافنه تنهدت امسح وجهي
نوف شسوي اكل
فتحت الثلاجه اباوع شفت خضروات ولحم باقي
طلعته ماخذه جدر غاسلته وخليت لحم شغلت طباخ حاطه زيت شوي فوكاه
اخذت بصلايه اقطعها هي وطماطه اخلي فوك لحم
نوف ضرغام ماكو
عضيت باطن شفتي متنهده اخذت فلفلايه خضره ردت اكصها نص تعور اصبعي
ذبيتها بسرعه متأذيه
نوف هذا ناكصني
رحت للحنفيه مغسله عاكده حواجبي سمعت صوت الباب انفتح
ضرغام نونه؟
بلعت ريكي مامجاوبه سديت حنفيه ماخذه خاشوكه احرك بجدر
ضرغام نوف
بديت اكل بشفايفي متجاهلته مختنكه من حرگه عيوني حاسه دموعي ينزلن
ذب ساعته شامرها على جربايه وفات للمطبخ
ضرغام مواحاجيج ماسمعتي
هم ماحجيت فاتحه باب الكاونتر مطلعه ملح وكركم رشيت شوي بيدي فزيت حاسه ايده محاوطتني
ضرغام شلونج
نوف بخير
مال راسه بايس شعري
ضرغام ضايجه من شي بويه؟
نوف لا شنو سالفه.
وخرت ايده مطلعه قبق من خانه جوانيه ردت اخلي على جدريه وجراني ذاب القبق من اييدي
ضرغام بيج شي
نوف لا
ضرغام دحكيلي شو
نزلت راسي اكثر وهوه رفعه بيده شاف دموعي
ضرغام ليش نونه زعلانه؟
نوف مازعلانه منو حجالك مرتك زعطوطه؟
ضرغام ههههه ليش بس زعاطيط يزعلون
نوف أي
ضرغام يابه احجيلي على شنو رافعه خشمج
نوف وين رافعته
ضرغام لاصدك احجي ماعرفج وتردين تكحزيهن علي؟
نوف تا اكص بصل
لزم وجهي بايس عيوني وخر ابتسمت مجامله.
دايره ضهري مخليه القبق على جدريه
ضرغام دحكتي للرساله ها؟
تصنمت ماعرف شنو اسوي بقيت منداره منطيته ضهري
تقرب لازم أچتافاتي
ضرغام نونه اضن تعرفين شنو سالفتنه انا وياج
نزلت راسي حاجيه بغصه
نوف أعرف
ضرغام سوالفي وياج مال اخوان وتعرفين زين قببل لانتزوج انا احجي هيج
هزيت راسي ماكادره احجي
ضرغام شنو اسوي بحياتي وشغلي ماتفوتين بي ولاتعرفين الى اذا حجيتلج انا تمام؟
نزلت راسي احرك بجدريه على كيف
ضرغام انا احب نوف.
ضغطت بيدي ثانيه على ملابسي عاضه شفتي
ضرغام يعني ماريد تخلين بالج اي سوالف حب ماكدر صدكيني موبيدي
حجيت شفايفي يرجفن
نوف عادي
ضرغام اذا دحكين سوالفي وياج تخليج تحبيني حاجيني حتى اعوفهن وتصير علاقتنه رسميه
هزيت راسي نافيه ابتسم متنهد تقرب بايس شعري من وره
ضرغام احبچ جثير ننونه
عافني وطلع نزلت راسي ابجي عفت خاشوكه مخليه ايديه على وجهي شاهكه.
وخرت ايدي اباوع خايفه لايسمعني اخذت نفس قوي اهفي على عيوني ماتحملت كعدت بلكاع زايده بجي
كمت شايله شعري اليوره مرجعته لازمه الخاشوكه مكمله طبخ
نوف طابوكه تصيب روؤسكم يارب
مسحت دموعي شاهكه
ضرغام نونه ملابس اريد
باوعت الباب الحمام
نوف خلي تجي سسس تجيبهن تفررح
تنهدت منصيه النار مطلعه ملابس وانطيتهن اله مررة دقايق صبيت الاكل كاعده بلكاع طلع من الحمام ينشف شعره وفز شافني
ضرغام ادري شبلاج رابزه هين.
باوعتله بيدي سجين اكصكص خيار
اكلت وحده مأشره بسجين
نوف اتكلط اكل
ضرغام هههههه شو معصبه
ماجاوبت اكل كعد گبالي شامر الخاولي على قنفه
ضرغام اليوم جهزي نفسج نطلع
رفعت راسي بسرعه اباوعله
نوف وين
ضرغام المحل تحبينه
صفنت شوي افكر وهوه اخذ من الخبز مغمس بلحميسه ماكل رجع انضاره عليه
ضرغام عرفتي؟
نوف مطعم؟
ضرغام لا
نوف يم نهرر؟
اجه اشعار بتلفونه أشرلي اجيبه رحت جبته فتحه
يباوع
ضرغام عفيه
نوف ها
ضرغام عرفتي صح.
ابتسمت هوه ابتسم بس مو إلى بتلفون كتب ب اصبعه صغير ودز رساله نزلت راسي مكمله اكلي
ضرغام نونه بعدين
مضغت لگمه رافعه أچتافاتي مامفتهمه
نوف شنو؟
ضرغام بعدين اخذج للنهر
فهمت هزيت راسي باهته ملامحي اخذت خياره عاضتها
ضرغام جهزيلي ملابسي
نوف هساع؟
ضرغام لا نص ساعه هيج عندي طلعه
ماحجيت كايمه من اكلي مانتبهلي مركز بتلفون تنهدت داخله الغرفتي كاعده اخذت تلفوني أگلب بي لكيت حساب خالو ذياب ناشر ستوري.
فتت لكيته مخلي صوره لابس كب اسود وشفقه بس مبين عيونه ذبلانات حاط صوت
ربما. لن نلتقي! ربما لم اودعك. لكن لن أنساك
انتِ ذاكرتي.
مافهمت المقصد حاط ايده على راسه وبيده سبحه حمره تنهدت مراسلته
نوف خالو شلونك
اندزت بس ماشافها طلعت من حسابه لكيت طالعلي بالأقتراحات حسابين متابعه من هذا الحساب انا و واحد اسمه درع ومخلي ايموجي صقر
نوف خالو بحسابه هذا مايتابع الوياه بشغله.
دخلت الحسابه لكيته ماناشر غير صوره وحده لابس ستره رصاصيه ومناظر سود مستطيلات وبيده جكاره شواربه ثخان حيل سود وعاكد حواجبه مدخل ايده ثانيه بجيب سترته
وكاتب جوه بخط اسود
اني گهوة ومشتهات شيوخ مايكدر يهز فنجاني الملطلط.
ضحكت هازه ايدي ردت اطلع من حسابه وانتبهت على عدد المتابعهم انصدمت دخلت وشفتهن كلهن نسوان فكيت عيوني
نوف عزا العزاه هاي شنو زلم كلها هيج
طلعت من حسابه ضايجه.
نوف الله يزيح هيج زلم عن كل بنيه
سديت تلفوني مباوعه للساعه مرةة كم دقيقه فتحت الباب طالعه شفت ضرغام هوه شايل الصينيه غده ومبدل واكف مقابيل الميز يمشط شعره شافني ابتسم
ضرغام نونه اكثر شي تحبي شنو
نوف ذهب
ضرغام تمام
رش عطر ورشالي منه كحيت ضاربته
نوف اختنكتت
ضرغام هذا غالي
نوف وذا وذا
عافني راح لبس حذائه صفنت على تكشخ مالته وجر سبحته طالع ساد الباب درت وجهي
نوف شنو يسوي ذنب اهم شي سبحه.
هزيت اييدي شامره الخاولي على جربايته وانا تمددت
نوف ملل
سمعت صوت اشعار من تلفوني كمت ماخذته شفت طلب صداقه من درع
نوف ناكصه هذا اني
دخلت لحسابه حاضرته وذبيت تلفوني
متمدده...
درع ااخخخ اضنن گلبي أنسحك
ذياب لك تعال هييييين
ضم تلفونه رايحله...
رمله
فتحت باب اباوع
رمله بناتي هم بذاتات مايكولن نجي الامهن بالاخص جوريه لاتخابر لاتسأل
ردت اسد الباب وسمعت
فرج شراره.
بقيت موخره راسي ضايجه فتحت باب شويه ماده وجهي اباوع لكيته واكف مبتسم ذاب عگاله باقي بس بدشداشه بيضه وسبحه زرگه ومحبس
باوعتله من الفوك اليجوه مصدومه
رمله هاي شني
فرج شني؟
رمله منك من شيطان ذاب العگال
فرج وذا
رمله لاشلووون ذبيته
فرج لازكه بصمغ شنو مازته عجل
رمله لامايصير
فرج شنو سالفه اضل كل عمري لابسه
رمله غير شيخ
فرج عجلل اضللل بي
رمله اي جا شنو
فرج لا اله الا الله
رمله شبيك عصبت
فرج تهبلين المايتهبل
رمله فرج.
باوعلي يمسح على شواربه
فرج احجي
رمله تعال عندي وياك كلام
حمحم جايني فات للطرمه سديت الباب باوعت لكيته يريد يدخل جوه
رمله وييين
فرج ها
رمله بطرررمه هنا نحجي
فرج استغفر الله
رمله اي جاا شنوو بيتي مكشف احد شافك شيكولون
فرج ماخلي باالي حجي الوادم
رمله دخلي احاجيك
فرج احجي
رمله موعيب عليك حاط عينك على ام سمج
رفع حواجبه مصدوم
فرج شنو؟
رمله اي تره عيب حيللل انا اكول ماخذ ثلاثه ومكفيي جذب ماحجيت هيج الياخذ ثلاثه كادر ياخذ رابع...
قاطعني عايط مفززني
فرج هيييي كتيتيهن كلهن شنو هذاا الحجي؟
رمله ايي وهيه متونسه
فرج ووولچ صدك تحجيين؟
رمله ههسه شحجينه
فرج ععيبب والله عيبب
فتح باب البيت طالع
رمله يااا انتضرر شببيك
فرج مرره شكثر عمرج وهيج تحجين وسوالفج
رمله ليش شبيه؟
فرج سوالف زعاطيط.
سكتت منقهره هوه راح البيتهم اندار يريد يسد الباب شاف دمعتي نزلت وكف منتبه يريد يشوفني سديت الباب بوجه داخله جوهه لكيت جميله تاكل برتقال
رمله انا تالي عمري اصير جاهله
كعدت مخليه شيله على وجهي
رمله شو صدكت روحي راح ابجي
هزيت ايدي غامه ناحيه الطرمه
شلت جميله مغسلتلها وبدلت ملابسها
رمله بنتي ماشاءالله كبرانه شنو رأيج اشمرج بطريق اخواتج هم
ضحكت بايستها كعدت اباوعلها
رمله ملل تنامين؟ ولو الوكت مومال نومه.
اندك الباب كمت فاتحه الباب على كيف شفته هوه بس داير ضهره ابتسمت محمحمه مخليه شيله
رمله ها
فرج ضجتي من حجيي؟
رمله شيخنه الله يخليك اعرفك تعرفني حتى اتحسس منك
فرج شنو؟
رمله ماتحسس من كلام الغريبين لان موعزيزين عليه
فرج انا غريب؟
رمله جا شني؟
سكت ماحاجي هز راسه
فرج يلا
رمله معه سلامه
فرج الله ويا...
انتبه ماسح عيونه
فرج معه سلامه خلي بالج على نفسج
رمله اعرف ادير بالي على روحي لايضل بالك.
ماحجى فايت وسد الباب سديت الباب انا هم وصار الليل تعشيت لفه جبن ونومت جميله تمددت صافنه
رمله مماكو سالفه واجت، الى اعرف تحب ام سمج لا
ذبيت شيلتي مغطيه جميله
رمله رجال صايرله شي موبعقله
تنهدت مغمضه عيوني ونمت.
الصباح...
فزيت الصبح باوعت للساعه لكيتها داكه سبعه ونص كمت للمطبخ فتحت الحنفيه مغسله وجهي وجريت عبايتي
لبستها طلعت مميه مسويتها سريع اخذت جميله شايلتها وطلعت باوعت البابه مسدود.
رمله كون الحك على ابو عطور
دكيت الباب على جنان فتحت الباب شعرها مخربط
رمله هاي عود المعدله
جنان شنو ماما
رمله ادري شعرج هيج شنو
جنان دوام هوه وبسبعه ونص جايتني
رمله شوف الادبسز دخذي اختج اخذيها
انطيتها الها ساده الباب عنها ومشيت سريع لكيته ستوه طالع
رمله جنيوه تكلي دوام دشوفي هذاا شوفي اخر كشخه
درت وجهي انتضره يروح باوعت لكيت ماكو مشيت نهايه الفرع وشفته وكف تكسي
رمله ألكفك ألكفك.
مديت ايدي اريد اوكف تكسي وانفتح باب بيت جيرانه مطلع دراجه العاديه سوده
رمله اجيت والله جابك
هها ام جنان شلونج
رمله مو وكته جيب ذبانه
ذبانه
أشرتله على دراجته
شسوين بيها خاله
رمله دنطيني مفاتيح وسلملي على امك
ماستوعب انطاني المفاتيح عدلت عبايتي صاعده مشغله دراجه
تعرفين تسوقين؟
رمله اي معليك
خخاله انا بيمن اروح
رمله اكو تكاسي وانطيك كروتهن
ماحجه شغلتها زايده سرعه عليها امشي بيها
رمله جايييتك فرررج
درت ماشيه.
رمله صبح. وهيج سيارات
درتها داخله للسوك
رمله وللكمم وخررووو
داروا بسرعه انا خفت اريد اوكفها ماعرفت
رمله مو اكو شي اسمه سكاان وييينه
درته فايته بنصهم بلغلط دست على خضره حجيه مخليتهن بلكاع جواهن وصله
ياااا شنيهاي
رمله استغفر الله استغفر الله
عفت اليدات خايفه
رمله فرررج
لاكيته كبالي يشتري سمج فكيت عيوني عليهم
فرج ها ها شنوو
رمله وعلى ادعمكم
لزم يدات دراجه يريد يوكفها صار تاير على رجله منجرح
فرج وين هذااا.
رمله لج انتي شنو عندج يمه ماتعرفين بي متزوج ثلاثه
لزم سويج وطفاها تنهد خزرت المره هوه مال وجه يباوعلي
فرج شنو هاي سوالف؟
انتبهتله بالعه ريكي ننزلت راسي ضايجه
فرج احجيي
اانتبهت الرجله طالع منها دم
اشرت ب ايدي من بعيد
رمله رجلك
فرج مالج دخل برجلي لو صابها كسرر عاديي بس المره ردتي تموتينها
ماحجيت متفشله كلها تباوع باوعتله هامسه
رمله راح ترزلني كدامهم
فرج انزلي گلبي انزلي
نزلت ماحاجيه شي دفع دراجه معتذر منها.
فرج سامحينه
لاعادي مسموحه منك
خزرتها باوعلي فاك عيونه درت وجهي
فرج مال منو هاي
رمله كريم
فرج ياكريم
رمله ابن ام كريم
مشاني موكف تكسي وصعدنه بقيت بطريق ساكته
باوعت الرجله منقهره
رمله فرج
حجى بصوت ناصي
فرج أشش
ماحجيت الحد ماوصلنه نزلت داخله للبيت سريع وهوه دخل دافع الباب وسداه
فرج فوتي
رمله بعدين ألقي محاضرتك اريد انام
فرج رررمله
رمله لاتكولل رملله كول يامررره
ذب عگاله خفت راجعه اليوره
رمله شكووو.
فرج وحك الله افلعج لادحكييلي هيج ماحسب حساب انتي مررره
رمله شبيك فرج
فرج شنو شبيه؟ مادحكييين شنو سويتي يول
رمله ردت الحكك بس
فرج سوالفج صدك مال صغارر ولابلبال جثيرر عمررج
رمله مابيهن شي سوالفي ومعليك بيه
فرج وفرري بديره بمزاجج هاا؟
ماحجيت فايته جوه كاعده فات وراي رافع ابهامه منبهني
فرج دحكي
رمله مارريييد حياتي وبكيفيي انا موووزينه عوفووني خلص
فرج وانتي معايفتني
رمله منوو كال اجيت علمودك؟
سوه صوته ينوص عود يقلدني
فرج بسس ردتت الحكك
رمله انا احجي هيج
فرج سمعي سالفه بعد وحك الله هساع اعقد عليج اخذج للانبار
رمله موبكيفك
فرج سويي سالفه بعد والله كريم
رمله اذا انت رجال هم كلامك هذا مايمشي عليه
فرج انتي سوي بعد سالفه وندحك ياهوه كلامه يمشي
رمله شبيك شيخنه شبيك شتزوج؟
فرج عجلل؟
رمله ام سمج تحبك اخذها
فرج هوه حتى سمج تا اجيبه الج وفوتي خشمج بنص
رمله يلوووف سالفه
فرج وحك الله سمجات الج.
رمله هاي بس انتَ سمجاتك بصباحيات تجيبهن
فرج غير تسويهن غده وهمن بلعشره اطلع للانبار
رمله راح تروح
فرج اي
كعد على قنفه متنهد
رمله انت موشيخ وناس تسمع كلامك
فرج اي
رمله بس هل مره اسمع كلامي وانسى سالفه زواج
فرج تددللين
رمله شدلل، رجلك تاذيك
فرج شوية
رمله اعذرني
فرج عاذريج
حط ايده على راسه متنهد
رمله صدك ماتحب ام سمج
فرج لا اله الا الله
رمله لا بس سؤال خطيه المره مبين المره تحبك
فرج لان اخذت سمج حبيتها وحبتني؟
رمله ماعرف
فرج عيب رمله
ماجاوبت عفته فايته للمطبخ صبيت مي بكلاص وديته اله
رمله هاك
اخذه شاربه كله وخلاه يمه
فرج هي انا هين وهيج سوالفج
رمله شمسويه عجيب!
فرج ترضين احد يسحك رجليج؟ ويطير رزقج
رمله بلغلط والله مامتقصده
فرج لامتقصده لان محد حاجاج تسوين هل سالفه
رمله اعوضها
فرج بلخمسميه؟
گلبت عيوني ضايجه
فرج رمله ليش ماتجين وياي
رمله وين بس لا انبار؟
فرج اي راح يفرحن بيچ.
جوري
صار الليل واحنه مامفتهمين شي من يومنه غير العذاب شدوو عيونه بوصل ومشونه مره ثانيه بس يامكان ماعرف...
اول ماوصلنه شالوا الوصل من بنات الى انا بعدهم يمشون بيه
جوري وين اني
لاتتدخلين
سكتت وگلبي يدك سريع الحد مابده اصوات بنات يصير بعيد!
انفتح الباب وكفت مامكمله مشي ستوني ردت احجي واندفعت قوي داخله طايحه بلكاع وانسد سامعه صوت قفل.
شميت ريحه نرگيله ودخان وبيها مزيج ريحه ابد موطيبه رجفت ايدي معدله كعدتي بالعه ريكي
فزيت بسرعه على ايد تجر الوصله انداريت للجهه ثانيه اسمع صوت ضحك واحد جر الوصله من عيوني قوي وشفت كبل مقابيلي ملابس
صالح ها ياحلوه
رجفت مركزه بلملابس لكيت بجامه سوده وفانيله عسكريه عليهن دم شكيت من بجامه اله
بس دعيت بگلبي لا لزمتها بكوه وايديه اريدهن يثبتن ماكو تنفسي صار مامتوازن شميت عطرها عرفت! هاي الذياب.
حسيت تسودنت مجاي استوعب الجاي يصيرلي صرخت عالي اضرب الطم على وجهي
عووفووني عووفوووني!
نزلت راسي ابجي بحرگه حاسه گلبي راح يوكف ينبض
قهرتوني راد يموتني بس راح قببلي بلغلط
ضحك يحك بشعره باوعتله جسمي يرجف كازه على سنوني لكيت كل يمه كاعدين يضحكون وياهه
ومزينين شواربهم بس مخلين لحيتهم طويله
انداريت كارهه نفسي حيل جاي اشوف شلون اترخص كدام ذولي! بيهم المستهزاء على موته وبيهم يباوعولي بشهوه.
كمت امشي سريع بس اعرج من رجلي واحد منهم جراني صرخت متقززه يلزموني
حيوواااان وخرررر
صار عصبي بسرعه ضربني بوكس على عيني حسيتها طفت من قوه ضربه!
بجيت اشهك جروني بسرعه صرخت اضرب على الباب
صالح ماتگربنالج لان زباله من زبايل ذياب انتي
باوعتله ارجف
جوري حسبي الله ونعم الوكيل الله ياخذكم ياكلاب
واحد منهم جراني قوي من راسي بسرعه لزمت الحجاب حتى لايطلع شعري اريد ادففعه ماكو قوي.
بجيت اشهك قوي مااستوعب الجاي يصيرلي للحظه صار طلق قوي عطت همه عافوني بسرعه يباوعون من شباك
صالح شصاررر؟
يامولاي اقتحمووناا اقتحموونااا
ركضت سريع ردت اطلع ولزمني
صالح تعااااييي
جوري لك وخررررر
ردت ادفعه مايوخر بجيت الطم صرت ماعرف شنو جاي اسوي بس اريد اخلص منهم
جوري ذيااااااااب
عطت اقوى رايح صوتي
جوري ذياااااااب
طحت بلكاع وهمه يتراكضون
جوري الله ياخذكم الله ياخذكم.
كحيت قوي لعبانه روحي نزلت راسي ابجي بطني توجعني قوي...
درع ما اضن جوري هين
ذياب درع لا
درع راح افوت نتأكد
درت وجهي فايت للبيت يرجفن ايديه مابيه اكمل طحت بلكاع نازله دمعتي
ذياب وين صرتي هديتي حيلي
سجدت ضام وجهي ابجي!
رفعت راسي بالع ريكي اريد اكوم ماكدر تعبان حيل
حسن مقدم
باوعتله شفته واكف كبالي مديت ايدي
ذياب أعيني اكوم.
تقرب يريد يكومني مايكدر خليت ايدي على الحايط بكوه كايم منزل راسي حاس الحراره احتلن جسمي كله فركت عيوني قوي اباوع كدامي ولكيتها كدامي واكفه مسويه ظفيره ولابسه فانيلتي وبجامتي
جوري سيدي
ماستوعبت ارمش اكثر من مره لكيتها موجوده تقربت يمها واختفى اثرها
ذياب وينها، جوري
حسن ياجوري؟
باوعتله مستغفر مشيت بكوه داخل للمطبخ فتحت الحنفيه اغسل وجهي رفعت راسي لكيت مقابيلي مرايه عيونه صايرات حمر حيل وحده منهن مورمه ششوي توضيت
وحمحمت ساد الحنفيه ورحت راجع المكاني واكف مستقيم اريد ابدي اصلي وماكدرت طحت بلكاع
حسن مقدمم بابااا شو في انته
اشرت ب ايدي يروح كعدت ضارب على راسي قوي
ذياب شبلاااانيي
مسحت كصتي راجع اريد اكوم وماكدرت بقيت كاعد بادي اصلي
ذياب الله اكبر
جوري.
كمت امشي وبطني احس سجاجين جاي ينزرف بيها حسيت شي نزل رجفت لازمه فخذ رجلي لكيت دم خفت زايد دكات گلبي
ركضت لملابس ذياب حاضنتهن
جوري مابي شي مابي شي يريد بس ينقذني
خليت راسي بملابسه مستنشقتهن ابجي
جوري الله يخليك لاتعوفني موتكول اشفق عليج لان يتيمه ساعدني اكوم هل مره وبعد ماتشوفني حباب
باوعت اليوره لكيت هوسه وناس تنضرب طلقات بس مسدسهم صامت! بس بلبدايه رموا بمسدس عادي ومافهمت الفكره من هيج شي.
ولاعرفت ذول شنو ينقذونه لو مثلهم او اقذر منهم؟..
كمت ماشيه ارجف خايفه كلهم ملثمين لابسيين اسود ركضت اريد اروح بعيد وانجريت قوي صرخت عالي مامتحمله بعد
درع اشششش هذااا اني
رفعت راسي اباوع سامعه صوته وشفته هوه
جوري درررع
درع يابه ام كصايب سويتي بينه موتينه بلياج
جوري ذياب درع ذياب
درع اهدي اهديي لاترجفين هيج موزين
جوري ذياب صايرله شي؟
درع لايابه هاي تكنيكاتي وهمتهم
جوري وينه اريده.
درع اويلي ويلاه جبت راسين بلحرام
جوري ذياب وين
درع ضلي هين اصفي حساباتي واجيج تمام؟
هزيت راسي اكثر من مره هوه باوع الايدي شاف رجفه صايرتلي
درع يابه لاترجفين خلصت سالفه
جوري وديني الذياب
درع ياطلابه ذياب وهوه يريدج عمي بس ازت نجسين ذول واشبعوا حتى جيبولنه سليمانات مو واحد
ماجاوبت مامفتهمه بوقتها ماستوعب شي بس الامل راجعلي وفرحه ماليتني من شفت درع وعرفت ذياب عايش.
حضنت ملابسه ورجفه مافاركتني هوه نزل من درج رامي اكثر من واحد ضميت وجهي خايفه ماريد اشوف المنظر!
صار صوت رمي اقوى وشرطه صرخت ابجي
نوح شطبه
رفعت راسي شفته كدامي ابتسم جاييني وخرت منه شارده راكضه نازله الدرج ماعرف وين اروح
درع ويييين
ماستمعتله طلعت برا المكان لاكوني شرطه جارييني قوي من ايدي صرخت اريدهم يعوفوني
شنو وين شارده؟
جوري عوفوني
ااجا صوت بالاسلكي
درع عوفوها.
عاف ايدي مشيت سريع اباوع للشوارع ناس بيهم طالعين يباوعون مامفتهمين سالفه شنو
دورت بعيوني اريد اشوفه ماكو
جوري وينك
بلعت ريكي امسح على ناحيه گلبي
جوري ذياب
مشيت داخله بين فروع سنطه كل من ساد بابه بهذا الفرع بس ولد صغير بيده طوبه يشمرها ويلزمها
شافني انا رجعت اليوره خايفه
حسن انت شو في؟
مارديت مغيره اتجاهه طريقي اريد ارجع تذكرت ذوليج كعدت بلكاع ابجي
تقدم طفل يمي شامر طوبته ومدنك يباوعلي
حسن انتا.
باوعتله زاحفه اليوره
جوري وخر
حسن انا مايلزم بس كول شنو تريد
جوري ذياب
حسن ذياب
رفع راسه كاش ملامحه يحك بشعره
حسن انا سامع اسم التقوله انتاا بس ماعرف وينو وينو
ماجاوبت منزله راسي امسح على فانيله ذياب ساكته قربتها يم شفايفي بايستها
حسن انت تقصد المقدم؟
عفته كايمه راجعه منين ماجيت الولد يمشي وياي
حسن انت تقصد المقدم الفخذ مال رجل هوه هل كبر
جوري روحلي يم شرطه كلهم اريد درع
حسن لالا انا مايسوي مشكل.
كرطت اظفري راجعه داخله للفرع
حسن انت بيسوي دوخ لأنا
ماجاوبته ماشيه
حسن انت تريد بشر
جوري اي ذياب
حسن في مقدم
جوري شنو مقدم
حسن مقدم ذيابو
انداريتله مامفتهمه
حسن صح
جوري مقدم شنوو؟
حسن رتب ضابط هدف انا
عفته رايحه يم بيت كاعده وملابسي مدمره تراب هوه اجه وراي
مرر الوقت وانا كاعده شوي وأجاني درع يدخن
انتبهلي فاتح عيونه
درع هاي شبلاج
جوري اريد ذياب
درع حسن موحجيتلك اخذها شبلاك انت ثاني.
حسن انا لي كتير بفهم هيداا بس مبيفهم مبيفهم
درع اتكحزي موجود بلبيت الغاد
اشرلي على بيت بابه مفتوح كمت بسرعه راكضه حسن راد يجي وراي ولزمه درع جاره خازره
درع لك وين هاا ابوك وامك بكوه سويتلهم موعد يطلعون حتى يجيبون ذولي سليمان
حسن ضحك ودرع شاله على ضههره ماشي بي بعيد انا فتت بسرعه لكيته كبالي ساجد يصلي رفع راسه وتصنم شايفني
ابتسمت باقيه بمكاني وجسمي ماراحت من الرجفه
جوري ذياب.
بقى مامستوعب بس يباوعلي مايرمش مشيت بسرعه يمه كاعده باوعتله هوه اندار
جوري بعدك زعلان مني
كرطت اظفري راجعه اليوره شهكت على جرته حاضني قوي حسيت للحظه اندحست بين ضلوعه!
جوري راح اموت
ذياب حمامتي
ضغط اقوى مخلي راسه بركبتي حاسه بدموعه
حاوطت ركبته حاسه ب أمان من صدك رغم جنت افكر ذياب مشكله حياتي، بس كل مشكله تصيرلي اروحله.
وخر مني لازم وجهي يباوع التفاصيل ملامحي
ذياب ماناسي ضحكة عينچ بملگاي.
ابتسمت هوه مال راسه بايسني طاح حجابي تلمس شعري يرجعه اليوره فرحان
ذياب رديتي روحي وحگ عيناچ رديتي
جوري ضربوني
ذياب اكسرهم ألچ ولج.
سكت مايعرف شيحجي شالني حاضني اقوى
ذياب حمامتي رجعتلي
لزم ايديه مدمرات تراب كام يبوس بيهن مغمض عيونه وكل بوسه يهمس
ذياب يابعد روحي، ياعيوني وحنيني. هايم بيچ اني هايم
جوري ايدي مدمرات
باسهن اقوى سامعه صوت البوسه
ذياب اندارلهن فدوه
تنفست براحه هوه باوعلي عيونه ذبلانات.
ذياب عش ترجفين يبه؟
جوري خايفه
ذياب وحك الله اطيرلج روؤسهم
ماجاوبت امسح على عيوني تعبانات
ذياب تردين اسبحج؟
جوري لاتعبانه
ذياب اغطيج بعيوني
ابتسمت بكوه حاسه راح افقد الوعي جراني مخليه راسي على صدره وسد رجلي عليه مسح على شعري
ذياب نامي ياروحي نامي
مرر وقت وهوه يمسح على راسي رجفه بجسمي خفت بديت اغفى وهمس
ذياب گربولج؟
جوري لا بس ضربوني
ذياب سهله. نامي شطبتي
باس شعري وانا غفيت...
جانت اول نومه ب أمان بس كوابيسي ماضن تنتهي بسهوله!
فزيت لكيت نفسي نايمه على الفراش متغطيه بشال جديد وغطوه فوكاي
جوري ذياب
خفت كايمه بسرعه ادور بلبيت
جوري ذياب وينك
طلعتلي مره سمره
انتي كع...
قبل لاتكمل ركضت طالعه خايفه ادور عليه
جوري ذيااب لاتعوففني وييينك
كرطت اظفري عيوني دور بلمكان خليت ايديه على اذاناتي اتنفس سريع
جوري ذياااااب
طلعت المره وراي خايفه ركضت ماعرف وين اروح
لاتسوووي مشكل بهلل ليللل.
مشيت اسرع ادور وكفت لامحه شي ضغطت على ملابسي خايفه اندار بس انداريت اباوع
وشفت بيت متروك من شباك جبير بس بي حدايد مصبوغات ابيض تقدمت وانتبهت ذياب لابس كب اسود ويمه درع وشخصين بعد يضحكون
نزلت راسي فاكه عيوني مصدومه على الروؤس بلكاع ومن بينهم راس الضربني!
درع ضحك فاتح تلفونه يريد ياخذ صوره وانا صرخت كلهم التفتوا عليه اولهم ذياب شافني وعكد حواجبه.