رواية عكد الظفيرة للكاتبة زينب جعفر الفصل الحادي والثلاثون
يرجف من كلامه حركت بؤبؤ عيني احاول ماباوع الوجه ضغط اكثر متقرب حاجي بهدوء ونتر حاسه بملمس الشفايفه عليه
جوري حنجي
ذياب جورررري! انتي حاجييتي كرررم
اريد اكله ماكدر احجي من ايدك على حنجي بس ماكدرت نزلن دموعي عاف فكي مكور ايده ضارب على الباب عايط
ذياب لچ ليش تورررين گلبي!
كعدت بلكاع بسرعه حاضنه رجليه اشهك تنهد مدنك يباوعلي
ذياب لو ما ادري بيچ زعطوطه ماتفكرين سوالف نجسيين اجنزج هين
جوري ماسويت شي والله.
انفجر بوجهي رافع ايده
ذياب شنوو الماسويتي احجيي اكو شي ضل ماسويتي وعليتي گلبي عل
بجيت اكثر رافعه اصبعي
جوري لاتصيح عليه لاااااتصيح
ذياب وتعلي صوتها يااااااامحممدد اخ
ضل محتار شيسوي ماحسيت اله جر ايدي عاضها كمزت مفرفحه
جوري اييييددي ياااااجلب وخرر
وخر بسرعه خازرني
ذياب ياهوه جلب
جوري انت وامك وابوك والمنطقه انعل ابوكم لابو جابكم عضيييتنيي
كام بسرعه واني ركضت
ذياب تحجين على الديره يول.
جوري جا جلب تعضعض بنصاص الفجوره
ذياب اذا مافجر راسج ماطلع ذياب ابن فرج
جوري نوب يفجررررني يااا
راد يجيني وصعدت على جربايه
جوري رجاءاااا وخر موصغيره حتى تلعب وياي هاي سوالف كبرت اني
ذياب لچ انتي العلمتيني لو اني من يمتى اركض وره زعطوطه انا وشاربي ورتبتي وعگالي
هيچ يصيررر بيه
جوري هوه شصاير بيك شو كله ضيم عليه فوكاها عضيتني
ذياب اني يول تحجيلي جلب يامجلوبه
جوري ابوك المجلوب.
عض شفته يريد يلزمني ركضت للجه ثانيه
ذياب ولچ تعاااااااي راح تهبليني
جوري اانتَ مخبل اني شعليه
عطت جارني من بطني عليه
جوري لا الله يخليك والله ماعيدهااا الله شاهد ومحمد كاتب
ذياب محمد كاتب شنو
جوري عوفني وافهمك شنو يعني
ذياب تردين تلعبين عليه بت حررمله تلعبين على ذيب الديره
جوري والله لاااا بس عوووووفني ياايمه راح ينچلب
عاط كارص بطني
ذياب هممممن حجتهااااااا.
انداريتله جاره راسه شافني وذبلن عيونه عباله غير شي بلع ريكه منزل عيونه الشفايفي
بس نزلت نفسي وعضيته من حنجه قوي
غمض عيونه قوي ضاغط بيده على ضهري وخرت لكيت صايره اثر سنوني على وحمرره طوخ دفعت ايده كايمه منه
ضحكه بشر هوه باوعلي حاط ايده على ناحيه مكان العضيته منه
ذياب ليش هيچ
جوري سن سن وعين عين
ذياب ومن
ضليت صافنه على السانه انفجر بلغلط والفشار
جوري شنوهاي موعيب.
ذياب لچ بت الكلب انعل ابوج لابو امج لچ بل17مره منضرب طلقه ماحاس بالاذيه مثل هاي سنون لو مركبتلج سجاجين من ماخليهن بخيوط راسج ياخيط يابت الخيط
جوري هاي كله على عضه
ذياب وحگ السواج لو تعرفين شنو. اريد اسوي
جوري ماريد اعرف اتهنى خلي بينك وبين نفسك
كام اني خفت رجعت اليوره هوه غير جهته ماشي
ذياب هوه افضل ماتعرفين لان بس تعرفين تتراجفين مثل سعف
فتح جرارته مطلع عصاره وبده يحط يباوعلي عاكد حواجبه.
جوري شبسرعه حضره العصاره
ذياب لان اعرف اكو كلاب
جوري ان، سكتت دايره وجهي
ذياب احجيها شو؟
جوري اكول عيب عليك محشوووم
ذياب ااا هساع صار عيب عليه يول؟
سد العصاره متقرب يمي بلعت ريكي راجعه اليوره
جوري هاي عصاره جروح مو مال عض
ذياب اعرف
بقيت اباوعله متنهده اريده يوكف ماكو انضربت بلحايط وصار كدامي حاط ايده اثنينهن على الحايط مدنك راسه يباوعلي
ذياب هبت تطيب أذه گلبي
جوري شبي گلبك
ذياب متور من زعطوطه.
جوري موزعطوطه اني
ذياب عجل شنو؟
جوري كبرت وراح اصير بالغه
ذياب ههههههههه تضلين زعطوطه بعيوني
اتنرفزت منه درت وجهي ماباوعله
ذياب بعدج تردين تتكحزين ويه ارمله
حجيت بدون ماباوع الوجه عاكده حواجبي
جوري اي
لزم حنجي رافعه مخلي مقابيل وجه
ذياب عش شديتي النونه؟
مجاوبت هوه مال راسه بايس اذني رمشت اكثر من مره متقشعر بدني
ذياب ها يشَطبه؟
جوري ليش تشوفني صغيره
ذياب ماعرف، كل بالي گبل عن الأجرام هساع صار عن شنو ادحكلج.
مافهمت كلامه ايده صارت تمشي على طول ايدي على كيفه مغمض عيونه يهمس
ذياب عقلي يكول زعطوطه دحك السوالفها. وگلبي يكول دحك الجمالها انتَ تريدها.
بلعت ريكي اباوعله فتح عيونه ذبلانات
جوري وعقلك غلب گلبك؟
ذياب ماضن، بس الأعرفه الزغيرونه اتوسطت گلب وعقل الشايب.
عفته بسرعه طالعه برا الغرفه ساده الباب نزلت راسي اباوع الايدي طالع نقاط صغيره بجسمي من كثر ماكزبرت بطرف ملابسي مسحت على وجهي عركانه
جوري مسودن ومسربت.
مشيت راجعه للغرفه باوعت للساعه تنهدت متمدده حاضنه المخده بقيت لهل وضع وتفكير موتني الحد مابديت اغفى فزيت على حلم
فركت عيوني محتره مرجعه راسي للمخده
جوري حاره لو شنو
خخليت ايدي على وجهي وانه
جوري والله ضوجه
وخرت ايدي صافنه شوي وحسيت بلعبان نفس
جوري شبيه
خليت ايدي على حلكي صافنه حاسه راح اتقيأ تكرمون وفعلا ثواني وضليت اكح كمت بسرعه فاتحه باب الحمام ردت اتقيأ بلمغسله بس مالحكت صار على كاعيه الحمام.
دنكت لازمه بطني حاسه وجع وخرت راجفه جايتني بجيه
جوري بس لابديت اصخن اي استبردت وراح اتمرض. مو وكتهاااا
فتحت المغسله مغسله وجهي وايدي مطبطبه على خدودي ذبيت مي بلحمام وطلعت لازمه بطني رجعت اتمددت وجهي منصفر وباهت
جوري الله ياخذك راح اتمرض شدعوه محافضتك هيج باررررده هاااا
غطيت روحي وجسمي كله حار احسه مرةة ساعتين واني نفس وضعي باقيه امسح بلعرك مالتي ماتحملت وكمت
جوري هسه هوه نام.
لفيت الغطوه عليه فاتحه باب الغرفه وطلعت رايحه الغرفته فتحت الباب وشفته ماكو
جوري عفته شوي راحلهااااا هنه جم ساعه عفتك بيها ابو نسوان
طلعت داكه الباب على غرفته هوه وهاله ماطول ثواني وانفتح الباب طالع يلبس بفانيلته
جوري هها ولك جنت نازع
ذياب محتر ولچ
جوري اني هم محتره
رفع حاجبه يباوعلي نزلت راسي اباوع على روحي وياه
جوري ها
ذياب شنوهاي مگمطه روحج
جوري انجب
عض شفته يريد يجرني رجعت اليوره
جوري وين دخلني.
ذياب فوتي ويه هاله
جوري شعندي تعال الغرفتك
اتقربت على كيفي اشوفها وههوه صافن بيه يضحك
جوري نايمه مو
ذياب اي اني هم گبل شوية نايم بس كعدتيني
رفعت عيوني ساكته
ذياب فوتي
جوري لاا ماحب افوت الهاي غرفه
ذياب غير اضبط بينجن ولجن
جوري شني
ذياب احضن وحده من هين وحده من هين
جوري خخلي احضانك كله الها لاتجييني
ذياب عجل ياهوه جايني؟
انتبهت الروحي باوعتله يضحك يهتزن أچتافه مبينات غمازاته درت وجهي ضايجه ججر ايدي
ذياب ججايج.
سكتت ماحاجيه طلع سد الباب وفتح باب غرفته مفوتني وخر صفح مأشرلي افوت وغمز
عدلت الغطوه على راسي فايته وهوه وراي ساد الباب.
جوري ضوجه
ذياب عجبتني التگميط مالج
جوري اهو ذياب
جر راسي بايسني لافحني عطره
ذياب اي والله دفو مدفيه بت حرمله
جوري شتريد مني
ذياب بردانين دفينه بنارك شوي
جوري مماكو الك غطوه
زحفت اليوره على جربايه متمدده احرك برجليه هوه يباوع الاصابيعي فوت اصابع ايده بين اصابع رجلي
ذياب جسمك حار ابني.
جوري اي محتره
ذياب اني همن
مشى ابهامه على اصبعي صغير متلمس شامه مالتي
ذياب ححلوه شاماتج
جوري عندي اهوايه تريدهن دين
ذياب ههههههه دحكي وين إلى شامه
باوعت منتضره يشوفني اتقرب يمي كاعد بصفي نازع فانيلته اشرلي على شامه بصدره
ذياب دحكتيلها
جوري عندي نفسهاا بس حمره واصغر
ذياب اح هوه انتَ من هين گيمر وشامه حمره
ماتحملت ضحكت هوه لااف ايده عليه
ذياب شو ادحك
جوري شني شتشوف
ذياب شاماتك مو نفسي
جوري هنه نفس شاماتك هذا هوه.
ذياب مرة شيخ ديره وبخيله
جوري اكلك شو مستهتر
ذياب ههههههههه انجبي لج
جوري لاوالله عن شقه مستهتر
ذياب الاحبهم استهتر وياهم
جوري ويه درع هم هيج
ذياب نازعله
جوري ذياااااااااب
ضحك قوي ضارب على فخذه يكح
ذياب والله بلوه صدكت
جوري ايع موحلوو هيج شقه
ذياب عمي اسفين.
سكتنه اثنينه الثواني وتنهدت
ذياب تردين تكه؟
جوري اييي
ذياب بليل صدك جذب ماتكولين لا
جوري مماعندي وقت اني الاكل شوكت مايجي لازم تاكل هاي نعمه.
ذياب صدك اختج جميله دحكتيلها
جوري بلغرفه شبيها
ذياب صايره هل كثر من الاكل ونوم
جوري غغير امي لاتستغرب احنه هم هيج بي تنومنه وتوكلنه حتى موهلكد جنه نضيفين من احنه صغار
ذياب عجل شعرج شلون طويل
جوري جانت جنان تهتم بينه بس من جنان اصغر محد مهتم من هيه كبرت ضلينه وياهها حتى ههي ربتنه امي تسافر وتخلينه عندها واني جنت تعوفني من جنت انفاس
ذياب وامج انفاس وتفر؟
جوري عادي جانت ماطول اسبوع اقل تكوم
ذياب شنو عرفج؟
جوري يسولفولي خواتي جنه نتجمع بليل ونسولف بلغرفه مرات تكعد وتصيح علينه نسوي نفسنه نايمين شوي ونكوم لو اني صدك اغفى
ذياب ههههههه وحماماتج ترضى بيهن؟
جوري ططبعا لا لو تشوف شكد مطيره حيوانات إلى منهن جان عندي بلبل وطيرته بليله ضلمه كعدت صبح ابجي وجان عندي بشه وهم باعته وبجيت وتمرضت بلفراش وابوي يجيبلي غيرهن حتى مره بكتاكيت إلى ماتقبل انطيهن اكل وماتن
ذياب وابوج ضل يجيب
جوري اي لان اني الح علي.
ذياب والحمامات
جوري الحمامات بابا جان رايح الديالى وشافهن موحجيتلك مره يحب يسافر المهم لاكاهن كال اتذكرتج بيهن بالاخص البيضه وجاب ولد وياها وخلفن صارن بيضه ورصاصيه وبني
ذياب تحبين ابوج حيل
جوري اي ماشبعت منه
ذياب شنو تحبين بعد
جوري احب الحمامه احب الكصيبه احب لون بني همات احب لون اخضر لان جان لون بابا المفضل واحب يوم الخميس لان بابا يحب هذا اليوم احب اكل مشويات واسهر احب احد نفس جوي
ذياب جوج؟
جوري اي يعني مثل تصرفاتي مايكلي غبيه شنوهاي عيب عندك امي اذا اسوي تصرفات اشاقه او اضحك على شي تكلي تافه لاتصيرين غبيه لاتصيرين ثوله تريدني مثلها
باوعتله ذابتله بسمار
جوري وماحب احد يكلي زعطوطه علمود تصرف بدر مني بعاطفه
ذياب خوش بسمار ها
ضحكت متقربه يم صدره اشمه عاجبني عطره وخرت بسرعه حتى ماينتبه رغم ماعارفه ليش سويت هيج
جوري ذياب شهيتني
ذياب شنو
جوري تكه
ذياب هههههههه تردين هساع.
جوري لاغيرت رأيي اشتهيت غير اكله
كمت عايفته جراني طحت على بطنه رفعت راسي اباوعله
جوري ها
ذياب دنيا ليل موزين هساع تاكلين
جوري اسوييلي لفه جوعانه
ذياب لفه شنو
جوري خبز وجبن وعاجبني وياها طرشي وفلفل حار
ذياب هاي صدك؟ شنوهاي
جوري مامجربها تخبلللل اعشكهااا
ذياب موزين هساع تاكلين طرشي بنتي نامي
جوري جوعانه ماكدر
ذياب لا بطنج تاذيج تضل
ردت احجي جراني منومني لاف ايده عليه انداريت مخليه وجهي بصدره اخذ نفس قوي.
ذياب تا تسوين؟
جوري اتنفس
ذياب هههههههه
عكدت حواجبي باوعتله
جوري شبيك؟
ذياب من يمتى تحبين عطري
جوري ماشامته بس غير جاعصني مجبوره
وخر ايده مغمض عيونه
ذياب عفتج
ضليت باقيه نفس وضعي حسيت ب ضحكه صارت على شفايفه ضجت ضاربته على بطنه دايره وجهي للجه ثانيه نايمه
ذياب الحمام بده يعشگ اضن
جوري الحمامه ماتحب القناص.
ذياب أخ ليش؟
جوري يصيدها القناص
ذياب تخافين يول لا اصيدج؟
مجاوبته مغمضه عيوني اتقرب يشم شعري حسيت ألم بطني مره ثانيه غمضت جفني اقوى اقنع نفسي ماكو ألم
مامره دقايق وماتحملت كمت بسرعه فايته للحمام اتقيىء
ذياب شكو شبلاج؟
مجاوبته مغسله وغاسله الحمام سريع طالعه بكوه فاتحه عيوني تعبانه لازمه بطني
جوري ماعرف بطني موتتني
ذياب بس لاوكتها؟
جوري مافهمت؟
باوعتله وهوه رفع حاجبه مال راسه فهمته وضربته
جوري لا معليك نام
تمددت اسمع صوت ضحكاته اجه يمي يفرك على كيفه البطني.
ذياب تاذيج هساع
جوري جا شنو ايدك دوه مثلا
ذياب عفيه السان
نمت على ضهري مغمضه عيوني باس خدي حاط راسه على چتفي وايده على بطني لازمها يفرك عليها بهدوء اسمعه يقره ايه الكرسي عليها
خلص وطبطب عليها
ذياب هساع تصير زينه
سكتت ماحاجيه فاتحه عيوني اباوع الغمازته بالعه ريكي ههوه مغمض مايدري بيه حجى
ذياب جوري الولاده يعني زينه؟ بالي يم هاله
لو ارمله حتى الولاده تكدرلها هههههه ها.
فتح تك عين وشافني فتح عيونه اثنينهن عاكد حواجبه مستغرب اني رجعت راسي للمخده مسويه نفسي نايمه
ذياب بيج شي ول يبه؟
جوري همم لا نام
ذياب شو دحكيلي شنوصابج ولج
باوعتله هوه عاصر حنجي منجعصه شفايفي
جوري شبيه
ذياب ليش دحكيلي
جوري حرام؟
ذياب اي بفلوس
غميته جر ايدي عاض اصبعي طنكرت رايحه بعيد عنه.
الصباح،
جوري اتحركت فاركه عيوني لزمت مكان وشفت ماكو استغربت رافعه راسي شفته ماكو كمت صافنه
جوري ووووييينك.
مشيت اكثر انتبهت شامر فانيلته على طرف جربايه وسله مالته. طالع منها كم ملبس بطريقه عشوائيه مخربطه
اخذت فانيلته شامتها جانت نضيفه بيها نفس العطر حضنتها ماخذه نفس قوي ماحسيت الا اندك انفتح الباب فايته
هاله تا تسوين هين؟
وخرت فانيله وره ضهري رافعه حاجبي
جوري انتي شجابج لج؟
هاله معليج
جوري وهمات معليج بيه
هاله لاتهبلييني شنو ليش هين انتِ هاا
جوري تره هوه هم رجلي؟
هاله مو رررجلج كلج خلك صغيررره شنو تعرفين بزواج انتي
سكتت منقهره رغم ماتاثرت بس ماعرف شبيه ضلت تصيح تريدني اطلع عفتها طالعه ودفعتني
جوري شبييييييج!
هاله عوفي الزلمه كافيي انفررردتي وحسبتي ألچ اني حامل جوري هل بيت مايريدج بعد الجابوج اله ماصار الج وصار الي
درت وجهي مامجاوبتها فتحت باب غرفتي جريت ربطه لابستها وغسلت ونزلت اباوع الايدي يرجفن من قهر كلامها
ذياب صباح الخير
باوعتله واشد بربطه خازرته.
ذياب شبلاج تخوزرين
جوري تف
ذياب شنووووو
عفته راكضه بسرعه فايته للاستقبال شفت شيخ فرج كاعد يمه صينيه كيمر جبيره وحاط صمونات يسوي لفات وينطي الهم
جوري عمووو فرج
فرج ههلا بماشا اتگلطي اكعدي اكلي
كعدت يمه حاطه ايديه اثنينهن بحضني
فرج تحبين كيمر
جوري اي طيب اهواي هوه
فرج اي احطلج اني لو انتي تحطين
سمير عجل يابه موحجيتلك اريد احطلي كيمر ومارضيت
فرج اش
بعناده اخذت صمونه حاطتلي اهواي كيمر
ضرغام احح هذا كله تاكلينه.
جوري اي
لفيتها اعض منها
فرج اكضبي عسل
فتحت لفتي وهوه حطالي عسل كعدت وراه متچيه اكل
رمله تردين جاي؟
جوري لا
شويه ونزل من درج لابس دشداشه سوده وعگال بيده ساعته وسبحه وتلفونه شايلهن وبطرف جيب دشداشته معلك اكثر من مفتاح شايل عنهن المداليات
عدلت كعدتي اباوعله شامه عطره رغم بعيد
امينه ههلا ب ابن شيخ
فرج ها ذياب وين
نزل ماخذ ايد بايسها باوعلنه حاط ايده بجيبه
ذياب عندي طلعه جبتلكم الغراض طبخ
مهى الله يحفضك حبيبي.
ذياب ويحفضج امي
مدار وجه ولاباوعلي مشى يريد يطلع ونزلت هاله بسرعه بيدها كاسه مي مفتوحه
هاله اشرب تاج راسي
ذياب لاشربت
هاله لا لالاا اشرب
سكت يباوعلها مأشرلها توخر بس بقت مايله راسها تريده يشرب تنهد ماخذه منها شاربه كلها بشربه وحده منطي الها شاورته مبتسمه
هوه هم ابتسم محمحم وطلع واني كاعده اكل واباوعلهم
رمله جورررري
فزيت على صوتها مفهيه
جوري ها
رمله اختج تبجي روحي سكتيها.
باوعتلهم لكيتهم كلهم يباوعولي خليت لفتي على صفحه كايمه
جوري وينها
رمله شني وينها بغرفتي ماتسمعين صوتها
جوري وين غرفتج
رمله ياااا شجاج انثولتي
عضيت شفتي متفشله اكثر كدامهم شغلت عقلي مستوعبه ومشيت رايحه للغرفه جايبتها يمها
جوري ماتسكت
رمله شبسرعه سكتيها
فرج سكتيها انتي رمله
باوعت الفرج ضايجه ونزلت راسها ساحبه جميله مخليتها بحضنها همات تريد تنومنها
جوري كافي تنوميهاا خليها كاعده
رمله شعليج مموماتسكتيها هذا هوه.
تنهدت دايره وجهي لكيت نوف تاشرلي اجي يمها رحت كعدت
جوري ها
نوف خخالو ذياب مايحجي وياي دحكتي
جوري ليش
نوف اليله فاتت حجى عليه لان حاجيت صاحبه
جوري ها اي صدك اجاني اني هم
نوف طكاج؟
جوري لا بس عصر فكي
تنهدت كاعده
نوف ماحب يضوج مني ومن وراج هساع مايحجي وياي
جوري شبيج ترا انتي مراسلته من قبل؟
نوف على شنو؟
جوري انتي حاجيتي علمود تسألينه على ذياب
نوف ها اي بس.
جوري لابس ولاهاي كافي كلساع واحد مرزلني الله يخليج كافي عود اني اصالحكم
نوف راح نطبخ
جوري المن؟
نوف عمي فرج يحب يسوي ثواب
جوري ها شراح طبخون
نوف تمن ودجاج
باوعت بره شفت غدير وجاه يحركن بجدر جبير
جوري جا شجاي يسون
نوف حليب همن حابين محلبي بس مانوزعه ويه تمن ودجاج لا بليل فارس يفر على بيوتهم ويناوشلهم
هزيت راسي وهيه كامت مغسله ايدها وبدوا شوي شوي يتجمعون يطبخون رحت يمهم اباوع اخذت خاشوكه شاربه شوي من الحليب.
جوري طيب
فرج تحبينه
جوري موهلكد بس مشتهيته
فرج اصبري
ججاب من كلاصات بلاستيك ماد ايده صابلي وجر مني خاشوكه
فرج اشربي هيج
كعدت على صفحه اشرب صافنه عليهن يشتغلن شفت ساره تباوعلي ضايجه راحت مشاوره غدير وهم باوعتلي
جوري استلم حجت عليه
غدير حاجتها هيه رجعت المكانها اني تجاهلتهن مخليه كاسه على صفحه وكمت
جوري بشنو اساعدكم
امينه خلي يخلص الحليب من نبرده نبدي بدجاج
جوري شسوي؟
امينه اكو ذن غاد ترسيهن حليب.
باوعت تاشرلي على اربع سطلات على صفحه اخذتهن بلمكص اكصكص اطراف جياسه حليب واخليهن حاطه مي وشكر واخلط اجت يمي مسره تساعدني
مسره حطيت اكل للحمامات
جوري تسلمين اهواااي سوسي
ابتسمت منزله راسي تساعدني خلصت واحد ومسره اثننين اجت هاله تريد تاخذ سطله واتقصدت شمرته عليه كلهم ضلوا يباوعون بقيت افرك بعيوني مسره مسحت عيوني بطرف شيلتها
غزاله يلا ماصار شي.
باوعتلها شفتها تريد تاخذ سطل ثاني باوعتلهم كلهم يباوعولي تفشلت كارطه اظفري مجتمعات دموعي
مسره ممشي جوري مشي
تجاهلتها شلت السطله اريد اذبها عليها وفات ذياب مغير ملابسه لابس مال دوامه شفته ردت اذبه بسرعه عليها بس مالحكت بخطوتين اتقرب لازم ايدي
ذياب شببللااااج!
باوعتله ابجي احجي ومحترك دمي
جوري ذبببته عليه هناااااا الجلبه انعل ابوجج
ذياب اشش اسكتي وفوتن اثنينجن
باوعت الهاله واكفه وره ضهره ساكته صايره عصبيه.
ذياب يلا
جوري لاتصرررخ عليه مررتك هيه الغلطاانه
ذياب تردين تمجدييناا يول اكثرر من هيج فوووتي!
كزيت على سنوني رافعه راسي اباوع العيونه الفاتحهن على حيلهن عاكد حواجبه هزيت راسي اكثر من مره
عفت سطله دايره وجهي وبلحظه سريعه اخذتها موجهتها ناحيته
مهى لچ لاااااااااا
شمرت سطله عليه هوه غمض عيونه داير وجه مدمره بدلته بلحليب ركضن نسوان على مصدومات يمسحن بطرف ملابسهن على بدلته.
هوه فتح عيونه مامهتملهم بس يباوعلي فكه يرجف من كثر ماضاغط عليه مكور ايده خازرني
درت وجهي فايته بسرعه راكضه خطفت نضره سريعه اليوره وشفت عيونه تلحگني.
صعدت فوك خايفه باوعت النفسي مدمره عطت شامره عطري على المرايه صاير فطر بيها
جوري ياهوهه اجه وحجى عليه وههسه يجينيي ينطيني محااااضرررره عن تصرفاتي مال زعاطيط
ذبيت ملابسي كلها فايته للحمام بدون ماسد الباب ذبيت على روحي مي.
طلعت فاتحه كنتور اخذت دشداشه ردت البسها ولعبت نفسي بسرعه ركضت متقيأ بلحمام حاسه احشائي فايته بيهن سجاجين من كثر ما ألم بطني قوي
رفعت راسي كاشه ملامحي وانفتح الباب بسرعه فايت طلعت راسي بره وشفته هوه شافني وسد باب الحمام عيونه حمر
تنهدت راجعه مدخله روحي للحمام اريد اسد الباب ودفره
جوري شكو لاااا
خليت دشداشه عليه خايفه هوه اتقدم يمي منزل راسه
ذياب شنو هذا سويتي؟
جوري اااطلع.
ذياب جوري! والله ماخلي بالي انتي زعطوطه احجي
باوعتله ضايجه رجعت منزله راسي اللبس بدشداشتي
جوري ممرتك اتقصدت تذب عليه الحليب بس اني حضي من كثر ماحلوو مافتت انتَ الا من ردت اخذ حقي
ذياب حجتلللج صارر بلغلط
جوري شنوو بلغللط صدكتهاااا؟
ذياب وهمن اذا مامصدكهاا تلعبييين بالنعمه يول وجداااام الوادم طكينهااا
جوري ليش تكلي طكينهااا تحسسني اني الاريد مشاكل
ذياب لان هاله اعرفهاااا گبل لا اعرفج جوريي ماتسوي سوالف ذن.
ضجت ممجاوبته عفته راجعه للحمام اغسل بلحمام غاسله حلگي وايد اغسل وايد على بطني ترجف من الألم وقهر.
ذياب مو احاجيج
جوري عوفني مصارت عررركه وفشلتني كدامهم حالك حااال امي هذا هوه
ذياب گبل حطتني ويه امهااا
شمرت الفرجه بييدي مندارتله
جوري شترررررريييييد؟ هااا
ذياب لاتعلييين صوتج اجنزج ومحممد
جوري هوه هذا الفالحيين بي ياهوه اجه وحجى وضرب
حصه هدو صلوا على نبي
باوعت لكيتها رغم وره الباب جاي تسمع صوتنه.
جوري عوود عاااازل شنوو سويييت كدامهم ترزلني وهسه همات كدااامهم شتريد مني
ذياب جوري لادحكين شكثر كاض روحي منج حتى ماطكج
ردت احجي انو يضربني عادي بس ماكدرت بجيت تمددت دايره وجهي رغم شاف دموعي بس هم تمنيت مشايفهن والغصه خانگه بلعومي وصدري
ذياب صدكي ما تااصبر السوالفج كاررررهج.
باوعتله ماسحه دموعي
جوري شترررريد هسه تضربني لو تضل تصيح بعد كدامهم وطلع بطولاتك عليه ااااحجي؟
ذياب اريد بالج تردينه العقلج وتچنين.
جوري اطلع بره
ذياب لچ صدك تححجيين!
خفت من منضره تقرب يمي لازم راسي قوي عطت وايد ثانيه خلاها حلكي
ذياب اااااااششش
رمله لك ذيااااااااب عووووفففف بنتتي
ذياب وحك السواج أطلكج اسكتي مني اذا ماتكدرين تكضين سوالفج اني اربيج يابت خالد
دفعته شايله مزهريه وراكعتها بلكاع
جوري تخسى على شاربك تربيني واني بنته فاهم
كور ايده يباوعلي يتقرب على كيفه
جوري اطلع برررره كافي اخذت حقهااا منها وزايد.
رفعت سبابتي بوجه حاجيه وجسمي يفور من عصبيه
جوري أططللللع ذيااااابب!
انفتح الباب قوي فايته حصه وامينه ومهى وغدير شايله فارس واكفه خايفه وامي اجت عليه وجاه حضنتني
حصه يلا كافي حبيبي حفيدي
جوري ككولي الحفيييدج خلي يعووووفني وطلعوااا بره مووتوووني الله ياخذكم
ذياب دحكي وحك لا اله الا الله كلمه وحده ماخلي بالي حتى انتي مره جدامي
حصه للاااااا ذياب هذا هوه سكتت اسكتي بنتي اسكتي
رمله اطلعوااا.
ذياب گبل باوع الامي خازرها امي سكتت راجعتلي حصه وامينه بكوه يردون يجرجرونه وهوه عيونه يرجفن عليه يباوعلي ويريد يفترسني من كثر مامعصب
امينه يلا ابني نكمل شغلنه ثواب الجدك
جروا شوي شوي يتوسلون بي وطلعوا خطفلي نضره كاز على سنونه واني اصلا اباوعله وجهي باهت اصفر
رمله هذا الدافعيله شفتي شلون منگلب حتى اخاف احجي وياه لايضربني اني نوب
جاه جوري اهدي شوي وارتاحي هسه اجيبلج مي
جوري ماما.
رمله ها باعي مايمششي عندي هل كلاااام كافي
نصت صوتتها تحاجيني
رمله فلاح دواه الذياب!
لزمت بكوه ايد اختي وغدير فاتت وراها مسره ونوف
غدير تصير صدكي وهوه هم تعبان
رمله خلي ينجب موهيج جا ماطلع سوادينه على مرته ذيج
مسره حقكم والله بس لان دحك الجوري تريد تلعب بالنعمه حرام
جاه كبر الموضوع نفس رجلي الطلكته
نوف اسم الله
جاه شنو اسم الله باعي وجهاا للبنيه مصفر
رايحه صايره هلكدودها
جوري جاه.
جاه ها حبيبتي ارتاحي هسه ادز واحد من زعاطيط يجيبولج م...
قبل لاتكمل كلامها طحت من ايدهم سامعه صوتهم عايطين
رمله يااااا يمه بنتي
جاه عزااا
نوف جورري
فزيت على طبطبات الوجهي فتحت عيوني
لكيت نفسي بلمستشفى ركزت اكثر حاطيلي مغذي
جاه جوري
حركت راسي ماكادره اتحرك حاسه بشفايفي يابسات بس اهز براسي اسمعها وهيه تردد ب اسمي
جاه انتي حامل، جوريه
باوعتلها وهيه مسحت على وجهي متنهده.
جاه ماكلت الاحد بس خايفه لا دكتوره همات تحجي
جوري اريد مي
جاه هاي وين تحجين
درت وجهي باجيه
جوري جوعانه
جاه ياا فلك هاي ام
لزمت حنجي تفر بي يمين ويسار
جاه لاعمي ماصدك ذبي الولد ينضلم
جوري اببببني
جاه يااا باع هاي صدك تره اجذب
دكتوره وين اهل مريضه؟
جاه جا خيه موكدامج اني وعبايتي طالعتلج بزي باتمان
دكتوره مبارك بنتي بنتكم حامل
جاه نعم؟
جوري ابببني
جاه اصبري يا ابن خاله اقصد دكتوره شنو ابن منو ابن منو.
دكتوره متزوجه لو لا؟
جاه اي متزو...
دكتوره عجل شنو بعد؟
باوعتلي فاكه عيونها اني كمت وانفتح الباب فايته امي وامينه مايلت راسي مستوعبه شنو صار
جوري لا الله يخليكم
دكتوره بيج شي امي؟
جوري مارييد
دكتوره شنو ماتردينه صدك تحجين هاي نعمه!
رمله شنو ماتريده؟
باوعت بسرعه الدكتوره اشرلها ماتحجي متوسله
جاه دكتوره هذا ههوه كافي
دكتوره توقيع؟
جاه وين اوقعلج
دكتوره رجلها اليوقع بنتي شنو من وين جايين؟
امينه بس هساع شوي ونوقع.
جاه زوجها ما اجه شلون يعني شبيج هيج مسويتنه شنو منين جاييين عيب دكتوره
دكتوره عجل ابوها؟
جاه ابوها ميت هيج ارتاحيتي من استنقصتينه
نزلت راسي متنهده مامستوعبه الحجته دكتوره
دكتوره اخوها امها
جاه ماعندهااا اخوو يعني شنو الفرق اخوها اختهاا ليش هيج
رمله اني اوقع امها
دكتوره الاوراق بره بيد الممرضه تلاكينها
امي هزت راسها وامينه واكفه تباوعلي اني درت وجهي منهم
امينه جوريه حبيبتي
جوري كافي مالي خلك
جاه اعذريها خاله.
امينه رجعت اليوره هازه راسها وتفرك ب ايدها متنهده
امينه طلعون
رمله المغذي يخلص ونطلعها
ماحجت وامي طلعت توقع اني ضليت صافنه باوعت الجاه خلت ايدها على بطني صافنه وترجع عيونها الملامحي
جاه ماجاي اصدك بلكلام هذا
باوعتلها متوتره خايفه شلت ايدها دافعتها
جوري ولاتصدكين لان مايصير هيج لو على جثتي!
امينه يمه لاتضوجين من ذياب والله هو تعبان وصدكي راح يراضيج
مجاوبتها اباوع للمغذي لازمته اهز بي
جوري ماخلص
جاه لاضل شوي.
انتضرت بدقايق. وامي اجت خلص المغذي وشالوا مني كمت معدله حجابي وجاه انطتني نقاب
جوري شسوي بي؟
جاه رجلج مايريد احد على كولتهم يدحكلج
دفعت ايدها هازه ايدي ماشيه
جوري بطران المسربت تره لوماكرعتي اذبه للحجاب
اامينه لايمه الله يخليج لاتسوون سالفه ثانيه
جوري شمدرييي هوه قابل جاي وياي
عفتهم بدون ماسمع الكلامهم طالعه بره المستشفى باوعت بسيارات
جوري اجيتوا تكسي؟
انداريتلهم شفتهم يباوعون وراي على جهه يسار.
باوعتله وشفته كاعد بسياره بيده جكاره يدخن ويباوعلي عاكد عيونه
خزرته وهوه وخر جكارته زافر الداخن من خشمه
جوري اني حامل من هذا المسربت
غميته فك عيونه منتبه للغمه مرد جكاره بيده مرد شامرها من جام اليمه
ذياب ولا تچني
جوري صدكني ماتوب منك
امينه يلا خلي نطلع
صعدت اليوره وياي رمله وجاه واليكدام امه سدينه الباب هوه شغل سياره ماشي سريع
درت وجهي اباوع من الجام
امينه جوري عاجبها ليمون اخضر.
لزم بريك قوي مندار كل جسمه علينه
ذياب ليش عاجبها
نصيت صوتي اكرص ب اختي
جوري ككليله شنو عاجبها
جاه لج راح تفضحين روحج انتي
ذياب ليش عاجبها؟
امينه شنو ليش عاجبها غير همن مريضه ويحتاجلها عصير ليمون
ذياب ها
رجع مشغل سياره لابس مناظره
جوري دباع لابس مناظر شمسييه ودنيا ليل هذا صاحي
جاه اشششش
رمله شبيجن تتهامسن
ماحجيت دايره وجهي شوي وكفنه كدام محل فواكه هوه نزل قافل سياره.
رفعت عيوني اباوع للفواكه عضيت شفتي عيوني دور على انواع الفواكه
جوري والله مال منكه بهل برد هيه موسمها بشتاء هذا ابو المحل مننين جابها
ضليت اباوع للمنكه ماحسيت الا ذياب لزم اثنين حاطهن بعلاكه باوعت بلغلط للتفاح مرجعه انضاري لليمون
جاب علاكتين فاتحهن يحط ليمون وعلاكه ثانيه تفاح هوه يخلي وينطي لابو محل يوزن بسرعه ابو المحل شداهن اله صاير مضبوط الوزن.
طلع من المحل معدل مناظره درت وجهي حتى مايشوفني اباوعله مانتبهت للفاكه اباوعلها رجع للمحل ماخذ علاكه وحط استوعبت جاي يحط عرنوص جابهن وخلاهن بصندوك اليوره وصعد منكت ايده ساد الباب
عدل مناظره يسوي بلمرايه صغيره متنهد وشغل سياره ضليت اباوع من جام ناسيه حتى كلام دكتوره من كثر مامصدكته
حسيت بخشمي صار بارد مسحته ب ايدي حاطه ايديه بحضني هوه جر اثنين كلينسات منطيهن الأمينه
امينه ناوشي حبيبه
جوري ششنوهاي.
امينه شنو
كرصتني جاه تحجي بهمس
جاه شنو شنوهاي شبيج كلينس
اخذت الكلينس باوعت للمرايه شفته يعدل مناظره هزيت ايدي امسح خشمي
جوري يبصبص جوه المرايه المسربت
انقهرت امسح بخشمي قوي
جاه شلعي بعد شنيه هيه
جوري لج يبصبص
جاه ياهوه متحرش
جوري لا هذا الگبالي مال الله يزين شاربه
جاه استغفر الله هسه هاي هم دعوه
جوري موههو اعز شي عنده شاربه
جاه جا شلون يتزينين
جوري اندري كليله يذب مناظر
جاه شعليه خلي فوكااها يراضيج.
جوري ماريده وماريد مراضاته ولا اريد ابنه خلي ياخذه
جاه بعده ابنج بس راس وكمتي تحجين هيج
جوري لج بس لاصدك اني بطني هذا
جاه اي صدك جا جذب بس اني مامستوعبه رغم كلها حبلت وجابت من اخواتي بس انتي مايلوكلج
جوري ماريده والله
جاه سليماااان راح يجي ههههههههه
ضربتها خازرتها امي باوعتلنه تريد تحجي اشرنه الها تسكت بس شوي هزت ب ايدها بمعنى اصبرولي تنهدنه دايرين وجوهنه.
وكف سياره ونزلت قبلهم فاتحه الباب داخله شفتهم كاعدين ياكلون
حصه اتكلطي اكلي جوري
تجاهلتها ردت اصعد وسمعت صوته
فرج جوررري
انداريتله شفته يأشر اجي اكعد ماحجيت نازله
رمله جوري تعبانه
فرج وتعبان يتغذى من صبح بلا اكل
تقربت كاعده فزيت شايلني من اجتافي معدل كعدتي
فرج يلا هيج
فات ذياب بيده العلاليك شافني كاعده يم ابو ضل صافن شوي واجه كعد يمي بس اليوره هوه متچي على الحايط
فرج اكل
ذياب لاعافيه
دنك فرج يفلسلي لحم.
جوري عمو انتو بس تاكلون لحم
ضحك يباوع الذياب بطرف عيني باوعت شفت ذياب يگلب بتلفونه مبتسم حك حاجبه محمحم مرجع ملامحه طبيعي
فرج ااكلي هذا مال ثواب ولان جثير خلو بلعشى همن
جوري ماريد تعبت من لحم
فرج تعبتي شنو
جوري اريد منكه معصور عليها ليمون
فرج هساع تردين
رجعت شوي اليوره وطخيت بفخذ رجل ذياب ضليت بكعدتي ماراجعه زايد باوعت العمي فرج هازه راسي
ذياب بلمطبخ موجود
توترت منه ردت اكوم وجراني عمي فرج مكعدني.
ذياب رفع عيونه من تلفون يباوع الايده عليه ذب حسره مرجع انضاره
فرج نوف بابا سويلياها التريده هبت تطلع همن حامل ههههههه عصفورين بلهدف
غزاله حتى بهاي تريد تسوي مثل بت اختي
جوري سدي حلكج ماحامل تره
فرج جؤ جؤ جوري
جوري ماسمعتها
فرج اني احاجيها هدي اتكلطي ابوسج
كام ذياب بسرعه شامر تلفونه يكح
امينه يمه اسم الله ابني.
انطته مي واني ابتسمت متقربه العمو فرج مخليته لازم وجهي يبوس بخدي باوعت الذياب فاك عيونه على حيلهن يشرب بلمي كله شربه وحده
حط الكلاص قوي ماسح كصته راجع متمدد رافع رجله الثانيه يهز بيها اكثر من مره رافعها ومنزلها
ذياب ه. هاله يبه ناوشيني العبايه
هزت راسها كايمه جايبتها اله لبسها معدلها ونوف انطتني ماعون مكصكصه المنكه وعاصره اليمون ومخليتلي كم ليمونه مكصوصه راشه عليهن ملح.
رجعت اليوره متچيه على المخده ثانيه بصف ذياب اكل مسحت على شفايفي صافنه انداريت شفته يباوعلي يبلع بريكه
حجيت بيني وبين نفسي
جوري كام يمطك يريد ياكل
اكلت وحده ثانيه دايره ضهري حتى مايشوفني
جوري هذا ماعون الي
ااجت عيني على جاه تاشرلي احط الماعون بنصنه تنهدت خليته بنص بس هوه ماهتم ضل كل شويه يصب مي ويشرب اخذت نص ليمونه ماكلتها هيه وكشرتها
ساره لاااا موهيج
جوري معليييج اني احب هيج اكلها.
غزاله شنو سالفتج انتي ليش عاجبج الحامض؟
فرج يابه بمزاجها بنتي اندار فدوه الهاي الخدود
حصه شنوووو ياهوه يندارررر فدوه!
اخذ ايدي كدامهم بايسها رفع عيونه مبتسم ضحكت خجلانه
هاله عمو صدك تحجي؟
فرج وذا بت اخوي وابوسها
ذياب يبه
فرج ها؟
باوعتله شفته ضايج باوعلي أشرلي أتچي على المخده
سويت نفسي ماشفته عرف غلست على جر ايدي من جوه وخرتها ولزمها يجعص بيها توجعت وزحفت اليوره متچيه ساكته
ذياب اطلعي الغرفتج
جوري معليك بيه.
ضغط اقوى على ايدي
ذياب جوري.
جوري عوف ايدي توجعني كامت شبيك انتَ؟
هاله ذياب راح اطلع فوك
باوعلها اشرلها مبتسم ورجع انضاره عليه عايف ايدي
ذياب فات الوكت اتكحزي نامي
جوري ذياب
باوع العيوني مايل راسه
جوري روح المرتك كافي
بهتت ملامحه ضايج من كلامي دفع ايدي وكام تنهدت ماخذه رشيف منكه ثانيه ماكلته هوه وگشره حاسه حرگه بگلبي
ساره اكو احد ياكل هيج؟
رفعت راسي اباوع الهاله صعدت فوك وذياب وراها على نص درج اندارتله مبتسمه حط ايده على بطنها صاعدين مايلت راسي اشوفهم يم باب الغرفه باسته
درت وجهي بسرعه منقهره اول مره گلبي يفز هيچ بلعت ريكي منزله راسي صدري يصعد وينزل سريع
جاه جوري انطيني شوي
باوعتلها الهث راجفه ايديه
جوري ها
جاه شبيج؟
عفتها راكضه طالعه فوك ابجي فتت الغرفتي ساده الباب ضامه وجهي بلمخده شاهكه منهاره
جوري شببييييييه.
لزمت گلبي رايحه للسطح احاول افتح الباب ماينفتح ضربته قوي صارخه
جوري اااافففففتح
بكوه فتحته طالعه بره جاييني هوى كلش بارد طايرات الحمامات من وراي غمضت عيوني مستنشقه نفس قوي
مديت ايدي ناحيه حجابي جارته حاسات بنسمات الهوى منغرزه بين فروه شعري وخصلات شعري القصيره جايه على كصتي
جوري كافي كرهتك.
عضيت شفتي متذكره كلامه بنهار وهوه يكول كارهني ويهددني بطلاك
فتحت عيوني صافنه على السماء.
جوري اشوفك تربيه خالد يابن فرج.
اجت الحمامه البيضه تفتر حواليه واكفه على چتفي باوعتلها حاضنتها مجتمعات دموعي بس اتخيل اليصير بينهم وقذارتهم.
جوري لااا مابجي علي
شلت الحمامه اباوع الوجها
جوري اعرف اني طرف الثاني، بس ذلوني اهواي وسامحت اهواي كافي الهنا وبس
رفعت راسي ماخذه قراري
جوري هانوني اهواي ومو بت خالد تنهان وتنداس مشاعرها.
خليت باب السطح مفتوح فايته جوه ذابه الصايه لكيت تلفزيون على تراب كمت ب وصله الطبله مسحته وشغلته طلعت القناه على العراق مطلعين مسلسل العرضحلجي
جوري شهل مسلسل شو اسمه صعب
كعدت على طرف جربايه اباوع واشتغلت اغنيته ضليت اسمعلها مفتهمه كلماتها
مو بس حزن ودموع بلدنيا اكو خير لوما طمع هل ناس كل هذا ميصير عندي امل بناس واترجى بيهم
بيت الفرح نملي ايدي ب ايديهم.
باجر شمسنا تعود والغيمه تنزاح ثوب الحزن نطوي ونبدله ب أفراح مو بس فرح ينراد لا راحه البال
من تخسر الحبوك شيفيد المال كلمن غلط وياك ومبجي ليلك
جوري يندم على السوى باجر يجيلك.
ابتسمت على اغنيه وطلعت حلقه من المسلسل ضاهر بيها قاسم الملاك تمددت اباوع بنص الحلقه وطلعوا وحده من جنتهم مايصير عندها جاهل
استوعبت مخليه ايدي على بطني صافنه
جوري اني بطني طفل! حامل
ضليت صافنه مامصدكه انو هل شي صار صدك وصرت ام!
انفتح الباب عليه باوعت بسرعه لكيت امي كبالي بيدها تلفون و الورقه سدت الباب مايله راسها
رمله رضيتي لا؟
بلعت ريكي مغمضه عيوني الثواني وحجيت بثقه بدون تردد
جوري قابله.