رواية عكد الظفيرة للكاتبة زينب جعفر الفصل الحادي والأربعون
جوري رجف جسمي من ملمس شواربه
ضغطت على ايدي قوي مكورتهن گلبي يدك سريع
ثواني وحسيت كارهته راجع بالي مشهد كل ذكره
بلمحكمه
من حجاهاا مطلكني من عافني سنتين وحدي من اول ضربه انضربت واتهمني دافعه امه من كل لحظه ينلچم گلبي واني اشوفه ويه هاله
من كل لحظه عاط عليه ويطردني.
ماعرف منين اجتني قوه بس حسيت روحي جاي تحترك واني يرجعلي كل ذكريات الماردتهن يرجعن بكل هل سنين دفعته قوي واندفع فاتح عيونه مصدوم.
رحت على غير جهه ارجع اليوره راجعتلي رجفه نازله دمعتي على خدي
ذياب ج...
قبل لايكمل ضربته راشدي على خده ماتحرك راسه بس غمض عيونه كاز على سنونه
ضليت اباوع الانحاء الحمام بخوف ب ايديه اليرجفن حاضنه اچتافي منرعبه من ماضيي
فتح عيونه الحمر يباوعلي بدون مايحجي شي ردت اطلع وجراني لاوي ايدي صرخت متألمه انضرب ضهري على صدره لازمني قوي مخلي وجه.
قريب على راسي وايده ثانيه لازم ايدي الاويها قوي وضاغط عليها يباوعلي فاك عيونه على حيلهن
ذياب تدرين لهساع مامستوعب انتي جدامي!
ماحجيت خايفه منه بس اريد اخلص من قبضته
شبگني اقوى يحجي بنتر وحده عبالك ناسي روحه
ذياب فات وكت جثير واني مامدحك العيونج ليش؟
درت وجهي عليه متگابل وجهي كدام وجه لكيت عيونه مليانه دموع
ذياب تحسبين خسرتي وردتي هيج تفلين وتعوفينه؟
جوري من زمان خسرانه اني.
حط راسه بشعري حاضني ب اثنين ايده ردت ابعده بس ماكدرت مغمض عيونه ويحجي بعتاب وصوته مخنوك بي غصه
ذياب والله انتي اقوى مني بويه كسرتي حيلي وحيل ابوي وحك السواج كسرتيني
حسيت بدمعته نازله على ركبتي استغربت من وضعه
ذياب والله ما استاهل هيج صح غلطت بس موهيج والله موهيج يعني اذيتج اني ب سوالفي وكلامي ليش تسكتين ليش غير تحاجيني غير تاذيني ب افعالج ليش سويتي هيج وعفتيني ليش
جوري وخر مني.
سكت شوي مطيح راسه عليه وخر على طبله صغير كعد عليها متچي راسه على الحايط رموشه واكفات من دموعه باوعلي يبلع بريكه
جوري ليش سبحت مايصير يجي مي على جرحك
ذياب وجرح گلبي؟
جوري ليش تتعامل عبالك احنه جنه واحد يحب ثان...
قبل لا اكمل كام ضارب طاسه قوي بلكاع طالع صوت اتقرب يمي جارني من ملابسي
ذياب ياهوووه حجى ما احبج ياهوووه حاجيني
جوري تصرفاتك.
ذياب اذا سوالفج تور روحي وريشات گمرهم ينفطر گلبي الف مره ويتمرمر على اسمج اريدج بس تجيني
عافني ياخذ نفس بكوه
ذياب اتعاقبت بدوامي من وراااج ماادواام بس تفكيري بيج لو دحكين البيت شلون گلبي ينزاح روحه بس اسويلهم مامهتم السيرتج التفزز شرياني من يحجون بيج
ماحجيت بس باقيه ساكته حط ايده على راسه.
ذياب احجي هساع تحن وتجيني بس سنتين وانتي ماراضيه كرم يحجي وين كاعده شنو احوالج بس الاعرفه زينه وماترضى ادري بيها وب احوالها شنو بعد
جوري احسن هيج
صار صوته بي بحه حاجيها بكوه يأشرلي بيده
ذياب سنتين ومافز گلبج عليه ياعثره؟
ضليت اباوعله صافنه ماعرف شنو اجاوبه نزلت راسي متنهده هامسه
جوري انته الخليتني اكرهك
ذياب ليش هل كرهه بويه؟
جوري ذياب
مسح على عيونه يباوعلي
ذياب حنيته.
ضليت اگلب بعيوني متوتره حكيت حاجبي لازمه يده الباب
جوري ارجع المرتك احسن
درت وجهي فاتحه الباب على كيف وهوه همس
ذياب ابو وجده شيخ
باوعتله بطرف عيني خايفه هوه رفع راسه شعره ينكط مي
ذياب الولد جوه انتي امه؟
جوري طبعاا لا منين احبل؟
ذياب مو غشيم اني ولاحبال العكد يعبرن عليه
جوري ذياب ارجع الشغلك والمرتك احسن معليك بيه
ذياب من عرفت النيتج بعد مشيت الدوامي وحياتي ومرتي
جوري احسن الك هيج
همس ماسح على وجه
ذياب وبنتي.
هزيت راسي ماحاجيه شي
ذياب بس مانزاحيتي من بالي يلحمامه.
جوري يجي يوم تنساني
ذياب مثل مانسيتيني؟
ضل يباوع العيوني منتضر جوابي
جوري گبل لا اروح حجيتلي طالك.
نزل راسه يحركه وعيونه ذبلانه
ذياب جوريه ماطلكتج بس حجي.
قاطعته حاجيه بدون تردد
جوري اي
ذياب شنو اي؟
جوري انساني مثل مانسيتك.
رخت ملامحه صافن اني طلعت ساده الباب لكيت ماكو احد رحت فاتحه الباب على كيفي لكيتهم نايمين كلهم وسليمان بحضن هيله يحرك بحلكه مال مميه ابتسمت ماسحه دموعي ساده الباب
رجعت الغرفه ثانيه داخله كاعده افكر
جوري دوه الخليته هسه كله راح نوب يسبح.
هزيت ايدي مدده رجليه معدله المخده وراي موكفته ومتچيه منتضرته يجي اشوف جرحه لايتلوث باوعت ناحيه جربايتي الجان نايم عليها شامر ملابسه وعلاكه دواه مفتوحه وباكيت جكايره مشمور على جراره بصف جربايه
طكطكت اصابيعي باقيه انتضره بس ما اجه ماحسيت على روحي الا واني باديه اغفى.
مادري بلوكت بس فزيت من نومي اباوع للغرفه لكيت نهار طالع واكف المطر فركت عيوني كايمه اجت عيني على جربايه مترتبه فراشها موكلش عبالك شلون ماجان وماكو ملابسه علاكه الادويه بلكاع مشموره
جريت غطوه خفيفه لافتها عليه طالعه بره داكه باب الحمام
جوري ذياب
ماوصلني اي صوت فتحته على كيفي ماشفت احد درت كل جسمي رايحه اشوف الممرر لكيت الباب مطل على طرمه مردود طلعت بره الباب رئيسي مسدود وحذائه ماكو همست مچتفه ايدي.
جوري راح
انداريت افوت حسيت بحركه الحمامات باوعتلهن عاكده حواجبي متغير مكان قفصهن رحتلهن مدنكه كاعده كدامهن
جوري شافجن، تذكرت مقطع من اغنيه حجيتها مبتسمه، حن الحمام لهله؟
طبگت ايديه متنهده اباوع ناحيه الباب كمت فايته جوه راجعه للغرفه ساده الباب ذابه شالي ومتمدده على جربايتي مغمضه عيوني ثواني وفتحتهن شامه عطره
نمت صفح طابگه ايديه مخليتهن جوه راسي جايه عيني على باكيت جكايره ناسي على جراره.
جوري بس لا انقهر مني البارحه
لزمت راسي بحيره
جوري راح بسرعه وجرحه يمكن اتلوث
قاطع تفكيري صوت سليمان يبجي بصوت عالي رفعت نفسي ماخذه شالي واحجي بيني وبين روحي
جوري ديلا شنوو كوه اجذب
صفنت بالعه ريكي
جوري هوه جرحني اهواي مايحتاج بعد انقهر على احد وذاك الثاني هم حيره مادري شنو يفكر احبج واحبج
طلعت داخله لكيت هيله تريد تسكت بي
جوري نامي خاله اني اشيله.
فركت عيونها هازه راسها منطيتنيا شلته اهزهز بي على كيفي دايره ضهري اريد اطلع وهيه حجت
هيله ذياب بس لاكاعد؟
باوعت السليمان سكت يباوعلي هزيت راسي نافيه
جوري راح ذياب
هيله شنو وين راح
ماجاوبت راجعه للغرفه بدلت ملابسه وكلهم كعدوا اجن البنات فرحنات رجعت غرفتهن وعسل بس تباوعلي اعرف البالها شنو ضايجه عبالها حاطه عيني على ذياب وهوه مو رجلي رشيت عطر السليمان ملتهيه وياه.
ايناس صح احب غرفتنه بس راحه يم فراش امي غير
باوعتلها مبتسمه
عسل البارحه وين نمتي؟
جوري ليش؟
عسل اكول عطرج على جربايه هايه
جوري صبح تمددت عليها
عسل كدام رجال؟
انداريتلها خازرتها
جوري شبييييج؟
عسل لعد ويين شبيج عصبتي
ايناس لاتضلين تمضرطين رجال راح من صباحيات الله اكيد اتمددت وهوه ماكو
عسل بس وين نامت
شكران لاتلزكين موماما كالت بلغرفه جوانيه نامت
عسل ها اي صح
درت وجهي شايله ابني طلعت لكيت هيله جاي تصب ريوك.
عسل موتزعلين بس اسأل والله نسيت عدنه غرفه جوه
ماجاوبتها رايحه يم هيله
فدوه لالله هاي شنو ملبسته
انطيته الها وهيه ضلت تلعب بي نگلت باقي الاكل وكعدنه نتريك وحجي عبود ضايج بس يسأل ليش راح وليش ماضل وشنو ضاج وشصار بجرحه ويباوعلي اني سويت نفسي موعلي الاسئله بقيت منزله راسي اكل
هيله اليوم سليمان لابس زي ارنوووب
انتبهله حجي عبود يضحك معدل كبوسه ولازم كرون الكبوس
عبود يخبل.
كملنه ريوك وشلناه حجي عبود بدل لكيته يلبس حذائه
جوري وين عمو
عبود ها بنتي راح اروح اشوف عمي
هزيت راسي ردت امشي
عبود جوري
جوري ها
عبود ادعيله
جوري ياهوه؟
عبود عمي مريض بلفراش
جوري الله يشافي شبي
عبود مورمه ايده ورجله وجايته جلطه هسه كعد
جوري خطيه
عبود ماتباوعين خايف على ذياب يضوج او شي
رفعت حاجبي
جوري شدخله؟
عبود كرم كلالي من كبل رادت تصيرله جلطه وموزين على يعصب تعرفين امراض بعد.
ماحجيت عايفته ودخلت هوه راح ضلينه كاعدين كلنا ومطرت خفيف فتحت شباك شايله ابني
جوري تحب المطر؟
بس يحرك ب ايده فرحان مطلعها من حدايد جايه كم قطره مطر على ايده يصرخ قوي ويضحك يباوعلي
ضحكت مطبطبه على ضهره ساده شباك
جوري كافي لاتتمرض حبيبي
كعدته بحضنه صافنه عسل تمشط بشعرها وشكران تكتب
جوري شتكتبين
شكران اريد اسوي كيكه بلبرتقال
جوري سهله
رفعت خشمها مضيكه عيونها كاشه
شكران نننه اني ماعرفلها.
ضحكت اهز ب ايدي باوعت الايناس غافيه على جربايتي دخلت هيله بيديها علاكه
هيله تتردن كرزات
كعدت يمي واجن كلها اشرتلي اكعد ايناس كعدتها ولكيتها خابطه كرزات انواع ضليت اكل
هيله جوريه صايره ماتصلين
فتحت الفستقه ماكلتها
جوري ان شاء التزم
هيله لا ماكو ان شاء لله كولي اكيد
جوري موكلتي نكول ان شاء لله الكلشي لان مانعرف شنو مضمولنه
هيله صح بس صلاه مابيها اختيار بنتي
جوري ان شاء لله
باوعتلي انتبهت هزيت راسي
جوري صار.
هيله عفيه
عسل احجيلنه قصه
هيله ماعندي يمه
شكران جيبي كتاب مال قصص اني اقرالكم
عسل واني اسمع منج انتي زعطوطه
خزرتها ماخذه ابني حاطته بحضنها
هيله عيب تغلطين ماما
عسل ماغلطت
هيله موحلوه هل الفاظ بس اني احجيها
جوري ههههه
انداروالي كلهم يباوعولي ايناس حجت بكوه وتفرك بعيونها بنعاس
ايناس جوريه انتي احجيلنه قصه
جوري ها لا ماعندي
عسل اي قصه
شكران بربوك موتكولين ما اسمع من زعاطيط
هيله يااااا ولجن
شكران ياا صدك هاي امي.
هيله لعد ابوج سرسريه لاتصيريين هيج اعتذري منها
شكران اسفين يابه اسفين
هيله يلا احجيلنه
باوعولي ذبيت اكل ب ايدي منكتتها معدله كعدتي
جوري شتحبون قصص؟
شكران اي شي
جوري اني احب احجي هل قصه بلمطر
عسل غردي
سكتت متذكره كلمته حمحمت حاضنه رجليه مرجعه حاجيه القصه وعايده احداثها
جوري هيه قصه ابوي جان يحجيها الي. اكو غيمه هاي بنوته
نامت على بطنها تكرز حب
عسل اي.
جوري جان تحب الهلال ورغم الغيمه حلوه ومعروفه بياضها وبشرتها صافيه وخطاطيب اليجونها بس الهلال ماحباها
ايناس شكد ادبسز ليش ماحباها
اشرت ب ايدي مندمجه
جوري لان سمينه كال اني هلال معضل ومعروف بمثاليتي وضلت الغيمه تبجي
مرر الوكت واني احجيلهم لحد ماوصلت
جوري تعوضت الغيمه بلگمر والهلال راح بعد
شكران والغيمه نست الهلال؟
جوري لا ضلت متذكرته بس تقبلت واقعها وسكتت رغم كل ليله تبجي انو مصار الهلا نصيبها.
ايناس يمه احس سامعه هل قصه
جوري اي بابا جان كبل يسمعها من اهل المنطقه ويحجيلي تقريبا معروفه بس بشخصيات غير
ايناس شلون من اهل منطقه
جوري اهل منطقتنه بلعماره جانوا كل خميس يتجمعون الزلم واحد يحجيلهم قصص وذاك اليشرب جاي وذاك يسولف وذاك المندمج وذاك يضل سهران وذاك جايب اكله وهيج لحد ماتنتهي القصه يسولفون شوي وكل واحد يرجع البيته
عسل الله يرحم ابوج
جوري حبيبه گل.
بعدني مامكمله حجايتي اجت عيني على هيله لكيتها تباوعلي ساكته ابتسمت مأشره ب ايدي
جوري خاف تعبج
شبگت ابني اقوى دايره وجها حاجيه ببرود
هيله لاماتعبني
اندك الباب قوي فزينه
شكران يااا بس لابابا يدك الباب ماسمعناه
راحن يركضن هيله تصيح بيهم يلبسن حجابات
عسل ابوووويه ابوويه
هيله ولج خاف احد غريبب البسن حجابات كلشي يصير
باوعتلها عرفت قصدها على نوح خليت ايدي على راسي اباوع السليمان.
هيله صح اني احبج بس ما ادخل الحياتج بس انصحج واحجيلج وجه نضري
باوعتلها بتردد
هيله يعني هم اكيد انتي تعرفين مصلحتج بس مادري المهم الله يوفقج
جوري ليش تحجين هسه هيج وشلون اني يمكم سنين احسكم اهلي هل لمه تسوه عندي الف كعده وياهم. شلون تكولين ماتدخلين بحياتي
هيله البنيه او اي شخص مايصير احد يدخل بحياته بس ينصح وبس عندي سؤال
هزيت راسي انتضرها تحجي شوي وهمست
هيله الغيمه انتي؟
بهتت ملامحي كم ثانيه وضحكت بتصنع.
جوري ااني سمينه
طبطبت على كرشي ارفع بحواجبي
هيله مغيره بيها انتي
جوري لاا والله ابوي جان يحجيها الي
هيله ههذا هوه الله يرحمه
جوري ويرحم والديج
عسل امي ابويه طاح اتخربط
فزت مخليه سليمان على جربايه راكضه طالعه اني ضل بالي خليت مخدات يم سليمان حتى لايوكع وطلعت وراهم لابسه شالي لكيته بالاستقبال مددينه وجه مصفر مغمض عيونه تعبان
جوري شنو شكو ليش اتخربطت عمو.
كعدت على قنفه هيله لازمه ايده تفرك عليها وتصيح للبنات يجيبن مي جابوله صبت ب ايدها شوي ذابته على وجه وماسحته باقي بلكلاص مشربته اله
شكران عمي بي شي؟
باوع البنته راجف حلكه منعوج ضارب على راسه
عبود مات اخويه مات
هيله لا اله الا الله
ضجت منزله راسي بقى يبجي وهمه يحاجونه يحاولون يهدونه اجت يمي عسل حاجيتها وعرفته اخو من غير ام بس يصيحله عمي لان اكبر منه مشيت راجعه للغرفه لكيت سليمان غافي رافع ايده.
جوري شفت ابني. كل انسان هيج مصيره
باوعت للساعه شفت ب1 ماذن ورايح المؤذن
كمت متوضيه ولابسه چادر ايناس حطيت تربه باديه اصلي مرر الوكت وحجي عبود بعده يبجي على اخو ويضرب على راسه ويرجف
خلصت صلاتي سجدت اتشكر رب العالمين كمت مطلعه اصابيعي عشرتهن وكل اصبع تلث مرات احجي الله اكبر لحد ماوصل عدد 34 والحمدلله وسبحان 33 مره. باوعت لكيت المطر بعده ماواكف درت وجهي للجيس كرزات اجت بالي علاقه هيله ويه بناتها.
جوري سليمان تتوقع شلونه امي ههسه. ناسيتني لو بعده تذكرني؟
كمت لكيته بعده نايم شغلت تلفوني باحثه على قصيده طلعتلي انشوده على اميري ونعم الامير
شغلتها وصار الليل وحجي عبود غفى ودموعه على خده خليت سليمان بلكاع اباوعله تنهدت بقهر رايحه الهيله لكيتها تطبخ
هيله تكدرين تجيبين وصله
جوري مغسوله بره غير
هيله على زاويه شارتهن علمود مطر شوفيها بلكت يابسه.
هزيت راسي طالعه لكيت المطر واكف بس رطوبه حيل عاليه وبارده لبست جاكيتي معدله حجابي ردت اجر وصله وسمعت همسات
انعل ابوك كواد ابن كواد احجي شنو ليش واكف هين مثل الغراب الاعثر
اانت ليش جاي هنا شعندك؟
خليت طبله واكفه عليها اباوع لكيت ذياب فاتح عيونه يخوزر بنوح لازمه من مقدمه ملابسه
ذياب لك كلب شنو العليك انت طررركاعه على راسي ليش هين ابو راسين اترس راسك طلقات
نوح انت ضابط على مركزك موعليه.
رفعه من ملابسه كاز على سنونه
جوري شبييييكم!
فززوا اثنينهم محمحمين ذياب حط ايده بجيوب بنطرونه لابس ستره جلد ونوح لابس قمصله زركه وكبوس
جوري شجابكم انتو الاثنين هاا شجابكم
ذياب هذا الكلب من يمتى دحكيله ويدحكلج؟
نوح اانت طلكتهااا شعليك بيهاا
اندارله ذياب عاض شفايفه يدور على شي يركعه بي
جوري ذيااااااب
ذياب انجبي لج سزز المطيرجيه
جوري وتغللط عليه
اشر ب اصبعه سبابه خازرني
ذياب هذاااا ليش هييييييين!
جوري شعليييك صدك جذب
نوح جوريه جبتلج هايه
باوعنه اني وذياب لكيته جايب ورد ذياب رفع حاجبه يضحك ب استهزاء
ذياب هلااووو هلااااوووووو
جوري نوح رروح مو وكتك
ذياب شيررررررروح لج اليوم
سكت يدور بلكاع لكالى طابوكه شمرها على نوح عطت
جوري لااا صدك تحجيي عوفه
ذياب لك كلب امشي ولي الامك اانتَ وهذاا البراسك مسوي روحك هاني رمزي
نوح ااحترم نفسك وروح مناا جوري ماتريد تشوفك.
راد يجاوبه وانتبه هوه لابس سكارف على ركبته جراه لافه يخنكه
ذياب امووووتك هساع اموتك ابن ذبانه
خفت طالعه بسرعه بره احاول افاكك بيهم اندار كل جسمه عليه رافع ايده يهز بيها
ذياب لج طالعه هييييج
جوري ششتررررييد شعليك بيه شعليك
عض اصبعه قوي يباوعلي انداريت النوح
جوري نوح حباب مو وكت هسه تحجي
نوح صاير شي
باوعت الذياب لكيته يعضعض بشفايفه فاك حيل كل عيونه على نوح مكور ايده
جوري حجي عبود اخو مات
همس.
ذياب اسمع موتك وحك ريشات گمرهم
جوري ذياب الله يخليك لاتحاجي نوح
ذياب مگرررن جدااامج تحاجين زلمه ماتعرفينه وبكثر اصبع رجلي
ماحسيت الا نوح ضربه على وجه ضليت واكفه مصدومه
جوري الله يخليكم لا شبيكم والله ابجي
نوح ااحترمتك اهواي
ذياب جراه ضاربه بوكس على وجه
ذياب لك ال اني طكني اطلع حليب امك من خشمك االيوم
نوح راد يضربه صرت بينهم
جوري ككاااااافي والله مايصيير هيج
ذياب اانتي فووووتي جوووه.
جوري شبيك نسيت احنه طلكنه ما الك كلمه عليه
ذياب خخرره بيج وبي
باوعت النوح بتوسل احجي بصوت ناصي
جوري روح حباب والله مخبل هذا
بعده راد يحجي ذياب اخذ وروده راكعها براسه
ذياب سكط
جوري شبييييك تضربه
اتقرب يباوعلي
ذياب صوووتج
نوح عوفهاااا معليك بيهها
ذياب انته امشي الاهلك الا اعرف اسكطك شلون
انداريت النوح هوه شافني وسكت عن ذياب
نوح خاف يسويلج شي
جوري ممايسوي ماخلي بس روح حباب بعدين والله نحجي.
هوه خطف نضره الذياب وذياب طلع من خصره سلاحه ساحب اقسام
ذياب اترسهن بوجك وحك السوااك
جوري لااا الله يخليك
باوعلي ورجع انضاره النوح يأشرله يروح وهوه راح اني ردت افوت ماحسيت الا انجريت قوي مدخلني وساد الباب
جوري شبيييي...
حط ايده على حلكي يمشي واني ارجع اليوره انضربت بلحايط صايره حركه بقفص الحمامات
ذياب اششش.
ضليت اباوعله خايفه دنك راسه لافحني انفاسه الحاره بلعت ريكي ب ايده ثانيه بيها سلاح نزلها طاخ جسمي فزيت داحسه روحي اكثر بلحايط صايبتني رجفه
ذياب هذا التزامطين بي؟
ماكدرت احجي طخ خشمه ب خشمي ماكدرت اجمتعن دموعي من الخوف والارتباك
انتبه الدمعتي نزلت على خدي وخر ايده على كيف ماسح دمعتي
جوري روح
ذياب ما اجيت عليج يبه
جوري لعد
ذياب سليمان
انغز گلبي بسرعه حجيت بهجوم
جوري مما الك ابن عندي تحلم.
ذياب ما الج حق بابا ابني هذا
جوري متاااخذه حجيييت ولاتشوفه ابد ابني هذا
ماستمعلي رايح مشيت وراه
جوري ويييييين
دك باب وفتحته هيله تباوع مستغربه شافتنه
هيله ها يمه ذياب
ذياب اريد افوت
هزت راسها رايحه تكول للبنات دخلت ردت اسد باب بسرعه هوه حط ايده
جوري والله متااخذ ابنيي والله
ماحجى ولاكلمه ب ايد وحده ضم سلاحه مطلع جكارته ومورثها مضيك عيونه
جوري تسسمعنيي متاااااخذه
باوعلي موخر جكاره زافر الدخان ويحجي.
ذياب صوتج لايعلى مستوعبه
جوري روحح ولي
ذياب انجبي لج
اريد اسده ماكدر هيله طلعت تباوع هوه شافها ودفع الباب صرخت متألمه متعوره ب ايدي من طرف حديده باب هوه باوع الايدي ومشى فايت ركضت وراه يباوع الحجي عبود نايم
جوري والله متاااخذه
ذياب وينه ابني
هيله شصاير يمه
باوعت للاستقبال سليمان ماكو عرفته بلغرفه ردت اروح وهوه سبقني رايح دخلت وراه ساده الباب وقافلته باوعلي بطرف عينه
ذياب موعيب؟
جوري خطوه وحده ويه ابني ماكووو ماكووو خوش ابن فرررج
ماستمعلي دنك على جربايه متمدد على بطنه محاوط سليمان يباوع التفاصيل وجه ساكت
ذياب ليش ماحجيتيلي
جوري لان ادري بيك خبيث وحقير تاخذه مثل ماجاي تسوي هسه
ما رد طيح راسه بركبه سليمان يبوس بي مغمض عيونه حاضنه انتبهت على ايده ترجف يقدم شفايفه يحاول مايخلي شواربه تبزبزه
جريت كرسي كاعده كباله
جوري ماتاخذه مني
ذياب ماعندي حجي وياج وحده غبيه وماتعرف شنو تسوي.
انقهرت محترك دمي
جوري اانت الغبي وابوك امشي بررررره
كام عاصر فكي عيونه حمر متبهذل وضعه
ذياب سنتييييين مااادري ب ابني صدك تحجيييين
جوري لاتصييييح رجااال نايم واخو ميت احترم شوي
عافني لزمت فكي متوجعه صدري يصعد وينزل حاصرتني البجيه هوه رجع حاضنه قوي شايله ب ايده
ذياب حبيب ابوك وروح گلبه
ضل حاضنه قوي يمسح على بهدوء
ذياب روح گلبي انتَ
جوري روح ذيااب
حطاه بحضنه يتلمس شعره عصر خدوده على كيف بايسهن
جوري كافي عوفه.
ذياب تدرين شنو الاجراءات ويه الام تسوي هيج؟
جوري مايهمني
اخذت ابني من حضنه كايمه بعيد
ذياب من سالفتج هاي اكدر اخذ ابني منج
بهتت ملامحي مندارتله
ذياب وبالاكثر مخليه زلمه خنيث ويه ابني وابو مايدري بوجوده
جوري واهل الاجراءات يعرفون ابو شنوو وشسوه ب امه؟
ذياب محد حجى الامه تفل من محلهاا وتكعد هين ويه وادم ماتعرفهم
جوري ابني مايروح المكان
كام واكف يتمشى ناحيتي بهدوء وبؤبؤ عينه مثبتهن عليه.
جوري ابني مايررررروح المكااان
ذياب موبمزاجج اجه وكتي اشبع منه
جوري والله لاااا والله ماقبل
ضليت اشهك نازلات دموعي اهز براسي نافيه واني ارجع انلوت رجلي طايحه بلكاع
ذياب الجاااهل
ضليت لازمته قوي اني طايحه على ايدي
جوري متاااخذه مني والله متاخذه اموتك احركم افجررركم بس تفكرون تاخذونه
ذياب هدي
رجعت اليوره ازحف ابجي واشهك قوي
جوري ماااااررررريد عووف ابني.
اندك الباب واني ارجف مامتوازنه انفاسي راجع گلبي يوجعني خليت ايدي على گلبي فاتحه حلكي مختنكه سليمان ضل يبجي مفرفح خايف ومامفتهم شي
جر ابني قوي مني مخلي بلكاع واني احس راح افقد من كثر ما اعصابي احتركت جراني مخليني بحضنه وراسي على صدره
ذياب بس اليوم باجر اجيبه الج هدي بويه شنو صابج
كتم على حلكي ماخذ ايدي يضغط عليها
ذياب على راحتج اتنفسي يبه
جوري ابني
ذياب ما اخذه هذا هوه شبلاج.
هزيت راسي ابلع بريكي ب ايده شبگني من ضهري ومقربني اله صار راسي بركبته
ذياب يلا اتنفسي بهدوء
استغل فرصه مطيح شالي من راسي شابگني قوي بايس چتفي
ذياب ععش هل رجيف؟
اريد اوخره ماكدر حسيت دخت اكثر من شميت عطره القوي انغمضن عيوني شبه فاقده ب ايده خلاها على جهه گلبي ماسح
ذياب ما اخذه تمام
ماكدرت اجاوبه شالني رافعني منومني على جربايه طلع من جيبه چفيته يمسح على وجهي بهدوء
ذياب هدي ونامي.
ردت اكوم وماكدرت مامرهه دقايق وفقدت ماحاسه على شي فزيت بليل لكيتهم نايمين ومطفين الاضويه فركت عيوني صافنه مامستوعبه شي وناسيه كلشي
كمت فاتحه الباب البيت اضلم لكيت حجي عبود نايم بمكانه وداحس روحه كلش بلقنفه مغطينه يمه هيله
استغربت سليمان ماكو صفنت راجعلي مشهد ذياب جان موجود! ركضت للغرفه فاتحه الباب واشوف سليمان ماكو
عرفت اخذه صرخت طايحه بلكاع.
جاه
امي كعدت متنهده
فرج ههين يمنه مو احسن الكم.
رمله لا اريد ارجع البيتي كافي اكلنه وهذا هوه
فرج دنيا ليل وين بويه ناموا اليوم هين
رمله تعبانه ماكدر
اندار كاعد يمها يحاجيها بصوت ناصي وامي منزله راسها صافنه وكل بالها مويمه
فرج بعدها بالج
رمله بنتي شلون انساها
زحفت اليوره متچيه على الحايط اگلب بتلفوني وصلني اشعارين لكيت بلواتساب فتت ولكيتهن من زوجي
اطلكج ماخليج على ذمتي
جاه مميته عليك اني.
جاااه والله ماطلكج وارجعج البيتج لج جم سنه مشايفج مشتاقلج والله بس دليني مكانكم
جاه ماناسيني؟
شلون انساج والله احبج ومن هلكد ما اشتاقلج جاي اعصب بس اريدج تجين ليش هيج تعذبيني
ماجاوبت محتاره طلعت وصلني اشعار من رقم رفعت حاجبي مستغربه
جاه منو هذا
مكتوب ليش هساع كاعده؟
عكدت حواجبي فايته الملفه الشخصي حاط صوره جسمه لابس قميص اسود ورافع اردانات بيده ساعه سوده مايل راسه ماطالع وجه بس فكه وشفايفه بحلكه جكاره.
جاه منو؟
امشي نامي
جاه منوو شبييك ياهوه انته ماتفهم عربي؟
يول صگعه شعليج؟
جاه غير اعرف منو مراسلني شنو سالفه
معليج دنامي نامي
فتت ردت احضره ودز رساله
اذا طكيتيني بلوك اشيب الخلفوج سزز
جاه لهجتك
اي؟ اشتغل محقق كونان؟
جاه انتَ منو
علكن الباتري شنو
ماجاوبت مطفيه تلفوني لكيت حشام طلع من الحمام سابح
جاه هذا شسالفته ويه سبح.
ب ايده حرك على شعره منكط مي لايف خاولي على ركبته مامنتبه احنه كاعدين دخل الغرفته راد يسد الباب وشافني اباوعله درت وجهي بسرعه
شويه وخطفت نضره بطرف عيني لكيته بعده واكف انرسمت على ملامحه ابتسامه وعاف الباب مردود
اجاني صوت اشعار فتحته
تسمونها مرجوحه
جاه ششني؟
المرجوحه حلوه الفوك
جاه شعرفك اكو مرجوحه فوك
بيتنه هساع اني كاعد بيها واحاجيج ويه جاي اوف
جاه منو انت؟
موفلعتي دكافي.
فكيت عيوني على السانه زفر سديته بسرعه اباوع فوك كمت طالعه فوك لكيت باب سطح مردود فتحته فايته كعدت على مرجوحه اباوع للزرع والحمامات بلقفص بيهن نايمات وبيهن يهشن بريشهن
باوعت من فوك واني احرك على نفسي بلمرجوحه مبتسمه
جاه حلوه هنا
فلاح حيل حلوه.
فزيت منداره بسرعه لكيته واكف متچي على الحايط لايف رجل على رجل ومضيك عيونه عاكد حواجبه بيده كوب بلاستيكي بي جاي ويشرب نازل شعره على كصته لابس قبوطه الاسود وايده ثانيه بجيبه
جاه هذاا انت المطي
فلاح عجل ابوي
جاه ضحكت عليه وجبتني هنا
فلاح ايا بت الخرابه ماحجيتلج اتكلطي وتعاي هين انتي اجيتي
جاه انت ابن الخرابه
فلاح اادري
جاه اطلع لايشوفونك
فلاح يابه عادي شنو راح اكلهم.
اجه كاعد يمي بلمرجوحه باوعلي بطرف عيونه ويشرب بجاي
فلاح تردين جاي؟
ضربته على چتفه هوه رفع حاجبه انصدم
جاه ااطلع بررااا ادبسزز
فلاح بيت الخلفوج بت ام زلم
جاه امك ام زلم
فلاح ههوه نفسه الزلمه سكط معلكات بي
جاه والله احجي العمو فرج ررروح
اتمدد متنهد يهز برجله
فلاح اش لا تاذين راسي
جاه ولك روح يامصخم ررروح اذا لزمونه يموتونه صدك مسووودن انتَ
فلاح هيه مرجوحه ومسكطه شنو مسوي شبلاج؟
جاه ولك داخل البيييتهم عيب عيب.
فلاح غير ابنهم
جاه يا ابنهم انت جلبهم يمعووود روح
فتح عيونه طلع سلاحه بسرعه موجه عليه
فلاح ههي على ياهوه الحجي؟
جاه موعليك بس روح
فلاح اكضبي السانج احسن
جاه نسوانهم لايجون
فلاح مماميت عليهن مدحكلهن كلهن
ضم سلاحه يباوع الملابسي اني ردت اكوم جر ايدي
جاه والله اعييييييط شببييك لاتلزمني
فلاح دتعاي
جراني مكعدني مفوت ايده بجيبي مطلع علج
فلاح هذا من وين جبتي
جاه مالتي
فلاح اش
فتحه ماكله وبده يعلج يباوعلي هز راسه.
فلاح ها؟
جاه ماتستحي ماعندك اخلاق؟
رفع اجتافه بمعنى ماعندي ضليت مصدومه مخليه ايدي على وجهي نفخ نفاخه بلعلج وطكاها يضحك
فلاح مماعندج بوبي
جاه انت موجود مايحتاج
فلاح اندار فدوه تزتين بلحجي بمزاجج ها
جاه اريد ادخل جوه الحسين عليك لاتجي بعد ولاتراسلني هدني
فلاح كاضبج اني بيج شي؟
جاه لا لازكلي
ماحجى صافن بسماء
جاه شحجيت اسمك؟
فلاح
جاه فلاح روح
كام فجاءه اني فزيت دار ضهره ماشي
جاه شراح تسوي
فلاح موتردين امشي؟
جاه اي يلا وبعد لاتجي اني احاجيك لان اعتبرك ابني
باوعلي مايل وجه مبتسم تك خد
فلاح ابنج؟
جاه اكبر منك اني
فلاح دحكين هاي
اشر على عضل ايده
فلاح ها؟
جاه شبيها
فلاح بكثرج
جاه دنجب روح يلا ابني اني مره متزوجه مالي خلك سوالف زعاطيط ذني وسايكو
هز ايده يضحك يمشي وسمعته همس
فلاح سوتني زعطوط القنبص
جاه قنبص شنوو.
ماحجى لازم بنهايه الحايط گالب روحه فتحت عيوني خايفه لازمه گلبي خطفلي نضره يضحك بطريقه غريبه نافخ وخر ايده طايح
جاه ياعزا راح الرجال
ركضت رايحه اباوع ماده راسي لكيته طايح بلكاع يحرك ب ايده قوي شايطه روحه
جاه ديربالك منا كامرات
فلاح اعرف اعرف بس فوتي موتيني
عفته هازه ايدي غامته شافني واشرلي بايده بمعنى يسبني دخلت جوه نزلت لكيت ذياب موجود ستوه داخل وماد راسه رافع حاجبه
جاه ها ذياب شلونك
باوعلي مبتسم.
ذياب الحمدلله وانتي
جاه شنو ليش تباوع مناك
ذياب لاسمعت صوت راح اطلع فوك
سد الباب انتبهت شايل شي بيده طولاني ومغطي بجرجف
فرج سلم؟
ذياب هساع فتت
رمله شلونك
ذياب الحمدلله بخير وانتي؟
هزت راسها دايره وجها هوه بسرعه صعد الغرفته مو ويه هاله لاغيرها ثانيه بس بوحده وسد الباب سامعه صوت مفاتيح ينقفلن.
مر الوكت وفرشولنه انام لكيت امي مطلعه صورتنه اني واخواتي من جنه صغار تمسح على جهه طالعه بيها جوري هيه وكصايبها صغار وتبجي
انتبهتلي ذبت نفسها بحسره قويه مخليتها يم راسها
جاه هيه زينه ذياب يكول
رمله ادري امي بس بنتي مشتاقتلها
ماعرفت شنو احجي صح غلطوا وياها بس ماتوقعت راح تعوفنه هيج
تمددت وامي نزلن دموعها تباوعلي وتحجي بصوتها المبحوح
رمله ما اشتاقت الامها؟ ما رف گلبها عليه؟ هيج اذيتها اني
جاه الله كريم.
رمله كل يوم اصبر روحي بس سنين مرت وهيه ماكو لشوكت يضل گلبي متلوع عليها؟
جاه مثل ما باقي خواتي بلعماره تعرفين مكانهن وصارلج اهواي مشايفتهن جوري هم
رمله ماعرف مكانها. بس يكلولي زينه
جاه وشنو الفرق كلهن بناتج مجاي تشوفيهن
رمله راح ارجعها. وارجع للعماره بعد
جاه وين تتواصلين وياها
رمله راح تجي ادري بيها اني امها واحس.
تمددت مغمضه عيوني اول مابديت اغفى فزيت على صوت تلفوني فتحته لكيته اتصال ضجت كل بالي من فلاح لكيته من ذياب
جاه شعجب؟
فتحت الاتصال حاجيه بصوت ناصي
جاه الو؟
ذياب ااطلعي فوك
سد الاتصال استغربت ماردت اروح ومترردده لحد ماحسيت الا برجليه صاعده طالعه فتحت الباب لكيته كاعد يم سله جان لازمها ب ايده بس موخر الجرجف مامبين شنو بي لان بعيده
جاه ها خويه
اشرلي اتقرب اجيت هازه راسي ب استغراب
جاه شنو شكو؟
انتبهت لكيت طفل موجود بسله
جاه شنوهاي
ماحجى بس يباوع للطفل لازم ايده يبوس بيها بقيت صافنه لحد مارجعتلي ذاكرتي للسنين فاتحه حلكي بصدمه مامتاكده اذا هوه او لا
جاه هذا، ش...
اريد احجي حسيت حلكي انشل
جاه شسمه، ه. ه، وه؟
مايحجي بس يتامل بي شاله مخلي بحضنه يستنشق عطره كعدت كدامه مجتمعات دموعي
جاه ا. ابن جوري!
ذياب اي، هذا روح من گلبي
خليت ايدي على حلكي ماعرف شنو اسوي بس دموعي ينصبن على خدودي.
جاه والله هوه والله فدوه خليني الزمه حباب
بلع ريكه رافعه منطيناه شلته حاضنته اله عطر اطفال بس عطر ذياب القوي طاغي عليه بسته من خده نازله دمعتي على رمشه عكد حواجبه ضايج مغمض عيونه نايم
جاه ياحلو، ياعافيه انتَ. جوريه جنت بحضنها ياروحي
حضنته شاهكه
جاه جنت بحضن اختي ياحبيب خالتك.
ضليت شابگته متخيلته جوريه حسيت راح انهار رجعته الابو كايمه بسرعه امسح بدموعي گلبي يرجف مثل سعفه احساس غريب حسيت اختي هنا شعور موطبيعي ااختي سنين مشايفتها اليوم لازمه ابنها
جوريه الجانت تفتر هيه وكصايبها صغيرونه صارت ام.
بين شهكاتي ودموعي همست مبتسمه
جاه يشبهك
ضحك مدد ابهامه على حواجبه لان عاكدهن هوه
ذياب يشد النونه نفس امه.
جاه ذياب والله حرام
باوعلي باهته ملامحه
ذياب ها؟
جاه امي متلوع گلبها والله مشتاقيلها يحفضك الله بجاه محمد واهل بيته بس خليني انشوفها بس على الاقل دلينه مكانها والله مانكدر
نزل راسه ذاب نفسه
ذياب ماترضى
جاه موزعلانه منك انت جا احنه شنو ذنبنه اني ماسويتلها شي متاكده تريد تشوفني حباب خليها تشوفني او على الاقل حسابها اتواصل وياها
ذياب اي ماتريد دحكلي اصلا كارهتني وهساع ادري كرهتني جثير بس مشتاك الابني
مافهمته معدله كعدتي.
جاه شلون يعني تدري بمكانها غير بعدها ماخذه بخاطرها علينه؟
ذياب عرفت بيها بدون ماتدري مابالها راح دحكلي بس دريت وين كاعده
جاه ااخذني الها
ذياب ان شاء لله
جاه عليك الله!
ذياب اي بس هساع لاتحجين الاحد سوي نفسج مادحكتي الشي ولاسمعتي شي ولاحجيتلج امشي نامي بمحلج والله كريم
هزيت راسي سحبت ايده بايستها
جاه شسمه؟
حجى ب ابتسامه ملهوف
ذياب سليمان
كمت طالعه لكيت ساره واكفه
ساره ششنو عندج بلغرفه؟
ماعرفت شنو اجاوبها مسحت دموعي ونزلت بسرعه راجعه الغرفتي متمدده ومتغطيه ماكادره انام من الفرحه.
رايح من بالي البلوه الراح تصير.
جوري ضلت هيله حاضنتني واني عيوني حمر من بجي البجيته كل دمعه تنزل مني حاره بحرگه گلبي
هيله يلا يايمه طلع الصبح وبعدج تبجين
ايناس غير ابنها يا امي
هيله يم ابو صدكي حجالي مايخلي يمه بس ليله وكال اجيبه
باوعتله حاجيه وصوتي رااايح مبحوح كلش
جوري جذاب
عسل ذياب رجلج؟
رجعت راسي على هيله ابجي
عسل ليش جذبتي وتكليلي ماعرفه
شكران خابرت على من تلفون ابوي ماجاوب
زدت بجي مخليه ايديه. على وجهي مرر الوكت واني هيج حجوا يردون ينصبون فاتحه لعم حجي عبود بدو يحضرون من صبح جانت ساعه السته صبح
صاحولي ماردت اروح واجت ايناس تجرجر بيه
ايناس ساعدينه شوي
جوري ععوفيني
ايناس ددباع صوتج رايح شبيج والله يرجعه اذا مارجعه موتيني كتل.
ما جاوبتها موخره ايدي منها اخذت شال لافته عليه شلون ماجان طالع شعري من بدايه جرتني قوي مكومتني
ايناس يلا حبيبتي صدكي يرجعلج سالم غانم
طلعتني بطرمه شكران حطتلي طبله وكعدت مخليه ايدي جوه حنجي صافنه بالي كله يم ابني هنه يغسلن بلجدوره يحضرن للطبخ
هيله جيبي القوري جبير بلكاونتر باب ثاني
هزت راسها شكران راكضه جوه
عسل مو احاجيج
فزيت اباوع
عسل كافي كومي ويانه
جوري مابيه حيل.
استغفرت كاعده يمي فاتحه الحنفيه لازمه صونده
عسل هسه يكوم ابوي ويخابره هم لا تضلين خايفه
ماحجيت همه بقوا يفترون بشتغلون واني نفس وضعي ابوهم كام مابي حيل ردت احاجي بس وضعه اسوء من حالي ماحاجيناه طلع بره فاتح الباب جاي كم واحد من كرايبهم يردون يسون الچادر ينصبونه واني باقيه بكعدتي ذبلانه عيوني بس دموعي ينزلن بهدوء گلبي لاچمني قوي ماذيني.
ماسمعت على صوت هورنات انتبهت على دغه عسل إلى تأشرلي درت وجهي اباوع وشفت ذياب بسياره مانتبهتله كل بالي المخلي بحضنه مطلع راسه من جامه سليمان
جوري سليمااان
ركضت طالعه بسرعه ماهامني زلم البره رحت ناحيه سياره ذياب فك عيونه يخوزر فتح الباب بسرعه نازل اخذت الولد من ايده حاضنته
جوري حبيب گلبي
ذياب شعرج طالع بويه
بقيت حاضنه سليمان احاجي
جوري ليش عفتني ها حبيبي ليش موتتني عليك.
استغفر نازع الفروه مالته لافها عليه مغطي حتى على راسه باوعتله عيني جمر كلهم دموع ونضراتي اله كلهن حقد وكره
ههوه صفن بعيوني يباوع بوهن ضايعه علومه يبلعم بريكه
جوري روح
ذياب لا اجيت اسوي الواجب واساعد حجي عبود
درت كل جسمي فايته جوه نزعت الفروه مالته شفت طفل ابن واحد من كرايب دزيته يرجعها الذياب
خاله ياهوه ذياب
جوري ياهوه غثيث هوه ذياب
صفن رافع حاجبه بللت شفتي.
جوري اسأل وين ذياب هوه طويل وعنده شوارب هيج بدون لحيه
عافني وراح اني رجعت جوه باقيه ويه ابني شربته مي و وكلته ردت انومه وهيله اخذته
هيله وين متفح من نوم هياته خلي يمي مشتاقتله
تبوس بيها وراحت اني مسحت دموعي مرتاح گلبي بس ضاله خايفه من فكره لاياخذه مره ثانيه شربت مي
طلعت اشتغل وياهم لكيت عسل تباوعلي وتحوس
عسل باوعتيله؟
عدلت شالي متنهده شامره العلاكه
جوري ليش اشوفه مثلا؟
ماحجت اني درت وجهي ولكيت كبالي نوح لابس قميصه الاصفر فاتح ومدنك بيده چفجير يحرك بتمن بجدريه الجبيره
خطف نضره سريعه ابتسمت بس ماسوه شي دار وجه عكدت حواجبي ماده راسي اشوف ليش ضايج ولكيت ذياب كاعد كباله حاط رجل على رجل ولابس فروته وشاد على راسه شماغه
بيده جكارتين طبگ لابس مناضره سود وطالع من جيب دشداشته مبين سلاحه مخلي بحضنه سليمان وهوه وسليمان نفس الملابس هم ملبسه دشداشه ومناضر
جوري شجاي يسويله الخبيث.
رفع ايده يحاجي بنوح طلعتلهم اخوزر وصلت كدامه جاره منه چفچير وموجهته ناحيته
جوري موتكول اجيت اساعد حجي عبود هاك الزم انت اطبخ الولد معلي
رفع حاجبه ماسح على شواربه بلعت ريكي وهو كام بسرعه رجعت اليوره فازه انتبهت انرسمت على شفايفه ضحكه ضاهره غمازته
ذياب اكضب يول عثره عش ما كضب؟
نوح ابتسم كاعد على صفحه اني فتت جوه وافتر وكل شوي الكى ذياب يشمر شي على نوح
نوح صدك تحجي؟
ذياب يبه بلغللط شنو سالفه استرجل ولاتتبجبج
نوح ششمرت عليه جدريه وين بلغلط
هز ايده معدل مناضره
ذياب خنيث
ككام نوح اني ماكدرت اشرتله من باب يكعد كعد وهوه بكوه مصبر روحه صاير عصبي
جوري ذياب مايكعد الا يريد يتعارك وياه نوح
ذب جفجير واجاني
ذياب ناوشيني ابني
جوري عووووفه
ذياب لاتصيرين
جوري شنو؟
سكتت مغير سالفه
ذياب ذول زتيتهم غاد يسون الفاتحه
عبود ليش ابني غير هنا
ذياب عجل جدام نسوان غير يطبخن
عبود نسد الباب.
ذياب اذا العثره ماتجني بمحلها واكفه هين دحك
جوري معليك بيه غثي...
باوعت النوح ضاج وكام خخليت سليمان بلكاع رحت وراه ذياب استغل فرصه شايل ابنه ويباوعلنه
جوري لاتروح
نوح ليش تحاجينه اهواي؟
جوري ماتشوفه هوه
نوح جوري ماتحمل هيج اني مايصير وربي
جوري اكعد حباب
استغفر وكعد لكيته فتح عيونه يباوع وراي انداريت لكيت ذياب لازم ايد سليمان رافعها ويغمغم ب نوح ويضحك.
بس شافني اباوعله حمحم دار وجه منطي سليمان الهيله وحاجاها ب شي وفات جوه رحت وراه لكيته يشرب مي
خزرته على سوالفه الجاي يسويهن هوه مامنتبه منطيني ضهره ويگلب بتلفونه وبحلكه جكارتين طبگ جريت ايده اسحبه ومانجر بسرعه اندار عاكد حواجبه
شافني اجرجر بي ورخه نفسه ساحب روحه دخلته للغرفه وسديت الباب واكفه اباوعله حاطه ايديه على خصري
مسح على شواربه مبتسم مبينات غمازته منزل مناضره شويه
ذياب يول موعيب هين تتحارشين؟
جوري شجاي تسوي ليش هيج
ذياب شنو مسوي يبه؟
جوري افتهم احنه مطلكين عوف نوح عيب هل سوالف والله
برد وجه يباوعلي
ذياب كل عقلج حاسبه روحنه مطلكين؟
جوري ايي ههذا هوه كلشي انتهى كافي تلحكني وتسوي هاي سوالف
فزيت ساحبني مضروبه بلباب ذاب مناضره عاكد حواجبه حاط ايده
ذياب لج انتي كلج غلط ومدا تحسبين الروحج شنو تسوين دا ازيح من بالي عشتي هين وحبلتي وجبتي واني مادري وهساع تردين واحد خنيثث يربي ابني واني بعيد عنه.
جوري مو ابببنك وماكتلك لان تعرف شنو سويت انت خليتني ماحسبلك اي قدر وكارهتك ماريد اشوفك والغريب التحجي عنه ابنك يحبه ومتعود على اكثر منك كل صوج صوجك
سكت ضاغط على سنونه همس بحده
ذياب جورري
جوري سليمان يحب نوح اكثر منك لان من هوه صغير ويشوف نوح كباله مايشوفك الك وبسببك يعني من يكبر سليمان يقتنع نوح ابو مو انت
رفع ايده عايط
ذياب جورريي!
ماتحركت مني شعرايه بس اباوعله.
جوري كارهتك حيل ولا اني احبك ولا ابنك يحبك لاتسوي هذن سوالف وتريد ترجعنه ب احلامك. واعيد نوح التكول عليه غريب احسن منك ب الف مره
فتحت الباب خاطفتله نضره هامسه
جوري كلك واحد مريض نفسي واني وابني مامجبورين نتحملك
طلعت بره وياهم مكمله طبخ دنكت اشغل نار وكلهم فزوا على صوت الباب انركع قوي طالع ذياب
عبود ها ذيا.
ماكمل وذياب طالع مشغل سيارته شاخطها قوي ماشي
هيله شنو صار؟
غلست على موضوع مغيرته.
جوري وين جيس شعريه؟
اشرتلي وهيه مهبوطه بديت احمسها وماكدرت متاذيه من گلبي فتت جوه وهمه كملوا يطبخون صاحوني بس مارحت ااخذت ابني منومته ذابه مناضره مشتريهم ابو بلكاع
تمددت مغمضه عيوني نايمه ماحاسه بلوكت لحد مافزيت بليل لكيتها ساعه تسعه بس الكل نايم شغلت تلفوني اگلب بي ونوح مراسلني ماجاوبته ولافتت للمحادثه طفيته شامرته.
مرةة الايام واجه يوم سابع وحجي عبود بس يسأل على ذياب وهوه ماكو جنه كاعدين اني وشكران نضف الخضره ودخل حجي عبود يحاجي هيله بصوت ناصي سامعتهم
فز گلبي من كال
عبود جايه اتصال كايليله ما الها نفس، ميته
درت جسمي كله فاتحه عيوني مصدومه.