رواية عكد الظفيرة للكاتبة زينب جعفر الفصل الحادي عشر
جوري: -
انداريت للجهه نايمه حسيت ب أيد خشنه تتلمس خدي عكدت حواجبي منداره للجهه ثانيه
وحسيت بشي يبزز ضربت على خدي قوي مدغدغ خدي
ذياب أشتعلت ارمله
فتحت عيوني بسرعه كايمه فازه على صوته لكيته كاعد مقابيل وجهي لازم راسه خازرني عاكد حواجبه بيده ثانيه جكاره
ذياب عفيه أيد مال خبازات
جوري أليسمعك ايدك ناعمه اشو اخشن من سيم
ضربني راشدي خفيف مبتسم
ذياب تعيبين يول
صفنت منتبه لكيت نفسي بغرفتي
جوري شجابني.
غمز يضحك ضاهرات غمازاته
ذياب انا جبتك ابني
دفعته خازرته كمت بسرعه أريد استوعب
جوري هاي عود صدك؟
تمدد بمكاني شامر الجكاره على نفاضه ومخلي ايدي اثنينهن جوه راسه شابكهن سويه
ذياب شلوني؟
جوري مرررررييض
ذياب بنت ارمله بعد مايعجبج العجب
جوري رررجعنيي البببييتي
غمض عيونه متنهد
ذياب صوتچ بابا
تنرفزت من بروده تقربت شايله العطر اريد اضربه بي وكام بسرعه ساحبه مني ضاربني راشدي
ذياب مو أنطيناچ عين سزز.
لزمت خدي مجتمعه دموعي هو رجع للجربايه يستغفر
جوري لو تستغفر منا الباجر مابريلك ذمه الى اخليهم يذبونك بجهنم
ذياب اي مو الجنه ب أسمچ
جوري الله على الضالم ياحقيررر
مجاوب مغمض عيونه تسلطت ابتسامه على شفايفه ورجع ملامحه طبيعي
مسحت دمعتي رايحه للسطح وسديت الباب لكيتهن اابتسمت راكضه الهن
جوري عطووواتي
حضنتهن مبتسمه والبيضه اجت على ركبتي مدخله نفسها بين شعري ضحكت مدغدغه وخرتها احك بركبتي
جوري دغدغتيني عطوه.
شفت يمهن اكل رفعت راسي لكيت نسر مغمض عيونه ويمه مي
جوري جوعكم الضالم؟
باوعتلهن لكيتهن سمنانات بالاخص عطوه
جوري لاواضح. طلعت انا لمجوعتكم
انفتح باب سطح حاط ايده على بوابه يباوعلي
ذياب اكو احد يحاجي حمامات
مجاوبته الزم براس عطي صافنه بي
ذياب دعوفي راس رجال
جوري معليك
ذياب خوش
راد يسد الباب وبسرعه فتحه ساحبني شايلني
جوري نزززلللني
ذياب جنت شاك بس هساع مستقر على فحصي
باوعتله مامفتهمه
جوري شنو.
ذياب بيج مو بس خيط هبل لا اربع خيوط يول
دفعت صدره خازرته وهو ضحك مدخلني جوه
جوري انتَ مخبل ومرتك المخبله وحصه المخبله
ذياب ككافي السانج
جوري لايمه رجفت
ضحك شامرني على جربايه زحفت اليوره كاشه ملامحي
ذياب انتِ والله بلوه
جوري عمي اني اعترفلك بلوه دعوووفني
ذياب جؤ عاجبني مكسوراتك أبني
كعد يمي باوعتله هازه راسي
جوري شكو
ذياب خلي نتفاهم شبلاج كله هبال
جوري ماريدك كوه
ذياب لااا حمامتي.
ورث جكاره ثانيه اخذ نفس وتقرب يمي ابتعدت خازرته وهو حجه ب أستهزاء يرف بحواجبه
ذياب وريت گلبي عليچ اني ليش ماتحبيني؟
جوري بطل سوالفك هاي
ذياب لاصدك السان طويل عوفي
جوري ماريدك طلكني ذياب
ذياب وطلاك عادي؟
جوري اي عادي
ذياب هين يحجون ب أسمج اذا تم طلاك
جوري ب شر؟
هز راسه ماخذ نفس ثاني من جكاره
جوري عادي اني راح اروح للعماره ماشوفهم بعد
عكد حاجبه صافن
ذياب وأمچ؟
جوري اخر مره سويتوا بيه ماتريدكم بعد.
نزلت راسي بالعه ريكي
جوري واريد اكمل دراستي
رفعت راسي اباوعله شفته ساكت قرب جكاره اخذ نفس زافره من خشمه ماحاجي اي شي عرفت الكلام وياه مايفيد
عفته كايمه وجر ايدي مرجعني مكعدني على رجله
جوري شبيك
مد ايده ناحيتي
ذياب خوش
جوري شنو؟
ذياب موتردين نطلك؟ راضي بس بشرط
جوري شنو هوه
سوه حركه المكص رافع حواجبه
ذياب السان طويل ماريد وماطلكج اله تكملين دراستج
جوري حييييل اضل وياك ثلث سنين!
عدل شعري ليورع.
ذياب أربعه. لان هل سنه فاتتج يبه
جوري لاماريد
ذياب عجل شلون تخليني اطلكج تسويلج مكسوره ثانيه يامعثوره؟
جوري أي
ضحك غامني وهاز ايده
ذياب اتكحزي اتكحزي أم راس
جوري علساس انتَ ماعندك راس
ذياب هساع شنو متفاهمين لا؟
جوري بس سنه وحده
باوعلي ورفع حاجبه
جوري اي جا شني كافي سنه وحده وشعليك بدراستي انا احقق حلمي هناك
ذياب مادبريها
جوري ادبرها بكيفك
ذياب وفلوس ملازم وخم وجج؟
جوري وخم شنو
ذياب صخام.
جوري مواتفقنه ستونه بلا السان طويل
راد يحجي وسكت
ذياب مادبريها يبه لاتصيرين ثوله
جوري انا ماحتاج ملازم شبيك كل عمري هيج
ذياب السادس اعدادي مونفس الابتدائي
جوري معليك بيه سنه وحده كافي نبقى سويه
ذياب اذا طلعتي معدل90وفوك اقبل سنه وحده وذا اقل لاوالله
جوري عادي معدل بثمانين؟
ذياب جؤ
مد ايده ناحيتي مثبت نضره عليه
ذياب متفقين يبه؟
قلدته ماده ايدي مصافحته ومبتسمه
جوري متفقين يبه.
ضحك وكام طالع من الغرفه شوي وصفنت افكر
جوري هسه ماما درت؟
فرج يامرره شبلاج بلليل
عدلت سماعه مقربته يم حلكي
رمله بببببنننتيي وييينها
فرج دحكي وحك ربج انا لازم روحي منج بلكوااات لاتخليني افوت سلف يطكونج وماخلي بالي تا احجي وياها مره
رمله تمدد ايدك على مرره ياعديم الزل.
قبل لا اكمل كلامي استغفر متعصب وسداه بوجهي
رمله ياااا شوفف شلوون
ضربت على رجلي قوي اتلوى
رمله يايمه ياجوريه وينج وين رحتي.
باوعت للساعه لكيتها دكت الوحده بليل
رمله وين ادورج هسه ياروحي
كمت مطمنه على جميله نايمه واخذت عبايتي لابستها فاتحه الباب
رمله موجنتي بغرفتج وين رحتي ياحبيبتي
طلعت ساده الباب اباوع للشوارع ضلمه ماكو احد غير كم دراجه يمرن يعبرن من نهايه الفرع
عدلت عبايتي وگلبي يدك سريع وتنفسي مومنتضم حاسه بحرگه قويه ببلعومي بللت شفتي مكمله مشي وماعرف وين اروح بس لأعرفه اريد اشوفها
أجتمعن دموعي اضرب على خدي متزلغات.
رمله يايمه ياجوريه يايمه
دخلت للفرع ثاني ادورها فزيت على صوت جلب موجود بواحد من البيوت طلعت بسرعه أبجي مادري شنو اسوي بضبط
رفعت عيوني للسماء مقربه ايدي امسح بدموعي
رمله سامحني ياخالد سامحني مراح اضيع بنتك صدك
تنهدت منزله راسي مكمله مشي بعيد وعيني دور بلفروع بلكت ولعلى الكاها وردتي الجوري.
مرر الوقت ومرر ومرر وانا بعدني ادورها دخلت واحد من الفروع كاعده على دچه البيت ابجي وايديه يرجفن.
رمله وينج حبيبتي وينج
مسحت دمعتي وماتحملت شهكت ضميت وجهي ب أيديه الاثنين ابجي
حسيت بخطوات رجلين قريبه
اانت تشوف يلي اني اشوفه؟
وخرت ايدي اباوع لكيت اثنين زلم واكفين بكوه فاتحين عيونهم يباوعولي عدلت عبايتي خايفه
واحد منهم حجه ماد اصبعه يأشر ناحيتي مضيك عيونه
هاي مونفس المره الدخلت وياها البنيه ضربتك صاحبي؟
كمت ارجع اليوره وهمه تقربوا ثاني باوعلي زين هز راسه
ااممم شفتها دخلت لهل بيت وحته المره دخلت.
رمله شنووو شفتهاا ياههوو دازكم عليه
اشششششش ولاصوتت تعاي
رجعت اليوره خايفه خازرتهم
رمله وحك على اضربه يلي يتتقربببب ياهوو دازكم فرررج هاا ماتتستحون تضربون مره
واحد منهم ضحك بيده بطل شرب منه مخلصه
اممم فرج ههههه لاتخافين احنه نريح اكثر منه
رجعت اليوره ماكو شي يمه بس شفت حصوايه صغيره شلتها وضربتها عليهم
رمله قذررررين
عفتهم اريد اركض وبسرعه جروا عبايتي صرخت الزم بحجابي ارجف
رمله يامطايه انا بكدد امكم.
واحد منهم تقرب دفعته اصرخ
اييي لادفعييين
ضربوني راشدي شردت بسرعه حاسه گلبي صار صغير من ضعف نبض مالتي
ويين رايحه
طلعت من الفرع سريع واحد منهم جر ايدي
رمله عوففف ايدي لك ماتستحي
ههسه علينه طالعه بهل وقت شتردين مثلا
رمله اضرب واحد خرره مثلك
لكيت يمي خشبه رجعت اليوره همه تقربوا بكوه يفتحون بعيونهم
عرمه حلو
جريت خشبه ضاربته بيها من قوه ضربتي انكسرت على راسه
لك كلب امك العرمه
ثاني باوع الصديقه
تضرببيين صاحححببي.
انداريت امشي متفشله بلا عبايه وفتحت عيوني على حيلهن حاسه بضربه كزاز على راسي
لزمت راسي اباوع لأيدي ترجف لكيت دم فتحت عيوني بكوه وثواني اله واني طايحه بلكاع على بطني جاي تراب على عيوني
واحد منهم تقرب دايس عليه نزلت دمعتي هامهسه بصوتي المهدود حيله
رمله جوري
ماردت افقد الوعي بس بوقتها كم ثانيه وماحسيت بشي، الضلام.
جوري
بقيت كاعده خايفه على امي وافكر احاجي ذياب او لا
جوري بس هسه امي عبالها نايمه اخليها صبح؟
رفعت راسي اباوع للساعه
جوري بثلاثه اله ربع اذا حاجيتها ههسه تنهبط اكثر
تنهدت متمدده على جربايه مخليه ايديه اثنيهن جوه راسي طابكتهن شوي وتثاوبت مخليه ايدي
جوري هذا شنطاني وخلاني هيج انعس
درت وجهي للجهه ثانيه مغمضه عيوني وفعلا نمت ماحاسه بشي ماكعدت اله على ضوه شمس داخل من بوابه السطح.
كمت فاركه بعيوني بكوه فاتحتهن دخلت للحمام مغلسه وجهي ونشفته بلخاولي باوعت الروحي بلمرايه لكيت شوي عيوني منتفخات من نوم وطالعتلي حبايه شوي وتصير بنص كصتي
جوري يعجبني ملامح الهنود
شلت شعري كعكه ثبتتها بدون ربطه وطلعت ساده باب الحمام
جوري والله ملل شسوي
باوعت للساعه لكيتها بالاربعه ونص
جوري ياعزا صار العصر وانا نايمه.
استغربت ماحسيت ب احد يكعدني كمت فاتحه بوابه سطح لكيتهن جاي يطيرن بعيد ويرجعن ضحكت واكفه بطرف الحديد اباوعلهن
جوري ايا مشششتهتررات صايرات طيرن بدون ماطيرجن اني
انداريت بسرعه على صوت اليده رحت بسرعه فاتحه الباب ولكيتها كدامي واكفه ومنزله راسها
جوري مسره
مسره ترضين افوت؟
سكتت شوي افكر وتنهدت فاتحه الباب اكثر
جوري هلا بيج
ابتسمت داخله وكعدت على طارف جربايه تباوعلي سديت الباب وكعدت يمها.
جوري اي شلونج انت ونوف؟
مسره الحمدلله
هزيت راسي ساكته
مسره مسامحتنه؟
جوري لا
مسره ليش
جوري شنو ليش؟ حجيتن شنو صارلي؟
مسره ردنه نحجي صدكي
جوري راح يصيرلكم سنه؟
مسره مو بعد كلنا الحجي مايغير شي بس اجيتي انتي
جوري شنو الفايده وبلعكس جابني غصب ماريد اجي اني
مسره جوري صدكي سالفه موبهاي سهوله
جوري بس تضيعون حقي لان بكل سهوله ها؟
مسره جوري
جوري كافي سدي سالفه مالي خلك
مسره تنزلين
جوري اگابل منو حصه؟
مسره لا احنه البنات انسولف
هزيت راسي نافيه وهي طلعت ساده الباب وراها باوعت للساعه
جوري لازم اكول لامي تاخرت حيل
كمت مطلعه دشداشه نيليه ساده نوعيه القماش ليلزك على جسم واخذت شال اسود لفيته هيج طالع شوي من شعري وخليت مسكاره وشوي كحل ورشيت عطر
اخذت ايلانير مسويتلي شامه صغيره جوه شفتي صغيره ضحكت هازه ايدي وسديت باب السطح وطلعت من الغرفه انزل من درج
جوري اتمكيج وامي من صدك راح الكاها يم شرطه تصيح.
اول مانزلت جانوا كاعدين ومنهم الثلاثي كلها وجهت الانضار عليه
وكفت على نهايه مسويه نفسي اعلج وجذب ماكو شي بحلكي
حصه فرج مايرضى احد ياكل علكه هين
جوري وشعليه؟
حصه زتي للعلكه
جوري دسكتي مني
هاله لاهلا ولاحياج
باوعت صفح وشفت درع وذياب بطرمه يتناقشون
جوري ذياب سمعتها
حصه مووهي الحجت اني
جوري هههههه شبيجن تخافن من ضله
اندارن وشافنه ماكو خزرني راجعات وهاله تستغفر وتحفر بلشجر
جوري اي استغفروا ياهو اجه واستغفر براسي.
انفتح الباب غرفه امينه وطلع منه فرج لابس عكاله وعبايته شفته ورحتله شافني ونزل راسه عاكد حواجبه عرفت ضايج مني
جوري عمو كلت لامي اني هنا؟
حصه نوب امها ماتعرف
فرج اي اتصلت
جوري الحمدلله
عافني وطلع يحاجي بذياب وذياب صاير عصبي ودرع رافع ايده يحاجي
جوري جاي يتعاركون ذول لو شنو
ذياب فتح الباب داخل يمشي سريع وايدي يرجفن من عصبيه شرايينه واضحه حيلل حته بكصته وخرت بسرعه من درج وهو صعد داخل الغرفته وساد باب القوي.
هاله يمه حبيبي
قلدت عليها انوص بصوتي
جوري يمه حبيبي
حصه تعي لج مصكوعه اخذي سوي شجر
جوري دمشي لچ
فكت حلكها تريد تكوم صعدت بسرعه فوك اباوع لهاله داخله الغرفته وعايفه الباب مردود شوي مديت عيوني اباوع ماشفته هو بس هيه واكفه يم قنفه
هاله حبيبي بيك شي احجيلي
ذياب اطلعي
رادت تحجي عاط بيها قوي حته انا فزيت لازمه گلبي
ذياب ااااطلعي!
اجت سريع فاتحه الباب شافتني وراحت نازله ردت اروح الغرفتي ووكفت راجعه.
جوري شبي ليش لهدرجه معصب
من مسافه المفتوح بيها الباب دخلت على كيفي الغرفته شفته كاعد على القنفه مخلي ايده على عيونه وايدي يرجفن وبيده ثانيه وهي ترجف بيها جكارتين ياخذ نفس منهن ويزفره
مشافني تقربت كاعده يمه ولزمت اطراف ايده فز مباوعلي زفر نفسه
ذياب اتكحزي بابا لاتخليني ارفع صوتي عليج انتي هم
جوري وذا ماريد اروح
خزرني عيونه حمر كاز على سنونه
ذياب اتكححزي جوري
جوري ترا رمله هم تصيح عليه فا متعوده وماروح.
عاط بوجهي رجعت اليوره بالعه ريكي شوي وتقدمت يمه الزم بيده
جوري شبيك هيج معصب شكو
ذياب لا اله الا الله
جوري محمد رسول الله فهمنه احجيلي
عافني وكام طفى الأضويه مبقى بس واحد ازرك وتمدد على جربايته مرجع ايده على عيونه ويشرب بجكاير
كمت سديت الباب ورحت للباكيت مالته ماخذه وحده مورثتها واجيت يمه كاعده داحسه ثالثه بين اصابيعه
وخر ايده من عيونه يباوعلي
جوري اشرب هاي هم
ذياب اريد انام يبه.
جوري وين اكو واحد ينام يشرب هلكد جكاير شبيك مولهدرجه
اخذ نفس منهن ثلاثتهن فكيت عيوني متعجبه على حبه للجكاير
ذياب احبه
جوري يخنك تره انا اخذ نفسين واطفيها
ماسوه اي رد فعل بملامحه بس عاكد حواجبه عضيت باطن شفتي ماعرف شسويله قربت ايدي على حواجبه معدلتهن ساحبه جكاره ثالثه منه مخليتها بين شفايفي
جوري ذياب
ذياب حنيه گلبه يبه
هزيت بشفايفي شامره جكاره
جوري غير يكعد منيلك حنيه.
حسيت ب ضحكه صارت على شفايفه اخذ نفس من جكاير يباوعلي ورافع مقدمه حواجبه
ذياب اني موحنين؟
ابتسمت هازه راسي نافيه وهو زفر نفس بوجهي ضحكت اكح
جوري كافي اختنكت طفيهن
ذياب اني خادم للطيبين
مد ايده صفح شامرهن بنفاضه ودار نفسه نايم على بطنه حاضن المخده
جوري ذياب
همس ب اممم بدون مايحجي ومغمض عيونه
جوري شلون فتت من شباك
طبطبت على ضهره مرجعه انضاري عليه
جوري وضهرك شكبره
ذياب بحك ربج هذا شباج؟
جوري اي ماما سوته.
ذياب اكول يول كل ضني باب
جوري لاتتنمرر مبين شباك
ذياب وين اكو شباج مستطيل
جوري أندري
ذياب صح مساحته شكثرها بس بطول ضيك جرح ضهري اضن
جوري صدك؟
ذياب ماعرف مدحكت ضهري
لزمت فانيلته رافعتها هو سكت باوعت ولكيت صدك صاير جرح ودم عليه شوي بس يابس
جوري اي منجرح
ذياب بس لاطالع دم
جوري اي ويابس
ذياب هساع اسبح ويروح
جوري لا شنو خلي اداوي
ذياب ههههههه وين كاعد متكليلي هو جرح عادي
جوري لااتععااند الطبرجي.
ذياب راح تخليني صدك ارفعلي طبر
جوري اكعد لانوب تنرگني بي
اندار نايم على ضهره يباوعلي يضحك اچتافه يهتزن قربت اصبعي ااحرك بغمازته
جوري هنيالك عندك غمازات
ذياب حلالج غمازات وصاحبه
جوري كوم خلي اداويك
ذياب شنو خايفه علي؟
جوري اي
نزل راسه غامز
ذياب المصكوعه كولي ملل واريد افوتلي وكت
جوري راد تشتغل بعلم النفس
مجاوب كايم كاعد كمت انا فاتحه باب الغرفه
جوري مووتتحرك هسه اجي.
اخذ من نفاضه وحده منهن مشتعله واخذ نفس زافره من خشمه
ذياب أنتضرچ حمامتي.
ابتسمت طالعه وسديت الباب نزلت وحده منهن صاحتني ماعرفت منو بس بسرعه اخذت ديتول وطاسه صغيره لكيت غدير جاي تغسل بلخضره
غدير هها جوريه
جوري ها
اخذت شوي مي وقبل لاتحجي عفتها صاعده سريع فوك فاتحه باب غرفتي ماخذه باكيت الكلينس ورحتله داخله لكيته نازع فانيلته منزل راسه يگلب بتلفون ويدخن
خليتهن على الجربايه وسديت الباب اجيت وراه كاعده.
جوري نبدي
ذياب والله تفلين النيه ابدي يبه ابدي
مافهمته اخذت شوي مي بيدي امسح على جرح مالته
جوري جسمك حار
فرك عيونه يباوع بتلفون
ذياب والله؟
جوري والله اضن صخنت لان عصبت
مجاوب خليت شوي ديتول وكلينس عليها امسح صار نضيف شوي وسمعته يهمس
ذياب أنعل ابوك الكواد
جوري هاي عليمن
ذياب هيچ يبه
ضيكت عيوني ساكته ممجاوبه شوي وشمر تليفون
ذياب ولدد ال
جوري شكو ذياب
ذياب خلصتي؟
جوري اي
ذياب ناوشيلي شي قميص
جوري ماكو كنتور.
ذياب حاط جم ملبس غاد
كمت للحمام مالته مغلسه ايدي وطلعت للسله اخذت قميص نيلي مثل لون ملابسي
انطيته اله خلاه يمه راد يتمدد ولزمته
جوري شكوو نام على بطنك
ذياب استغفرالله
جوري ادري شبيكم ياهو شافني استغفر ادري منو اني جتال الحسين سلام الله عليه
نام على بطنه ضايج نزلت راسي مخليته كبال وجه باوعلي وتنهد
ذياب اتكحزي يبه بكوه مهدي اعصابي
جوري شنو اتعاركت ويه درعك
ذياب شنو دراج؟
جوري شفتكم تتجادلون.
جر اذني غمضت عيوني متوجعه
جوري اذني
ذياب تصنتين يول؟
جوري لاوالله من بعيد
عاف اذني لزمتها امسح عليها صايره حاره من كرصته
جوري احجيلك شعر؟
ذياب انتي جلدج يحجج لو شنو
جوري هاي كلمه امي رجاءاا لاتخمطها بس هي تكول يحكج
مجاوب مغمض عيونه وجكاره بعدها بيده ردت اخذها وضغط قوي ب اصابيعه
جوري عفيه ايد دجيبها
ذياب شلج دخل بيها يبه
جوري عميتنه بدخانه
اخذتها منه بلكوه شامرتها
جوري أسمع حبيبي أسمع.
حمحمت لازمه وجه مخليته ينتبه عليه يباوعلي
جوري باوع شكلك كول تسعه
ذياب ناكصج اني
جوري لاحباب يلا
تنهد مندار ومخلي ايده جوه راسه يباوعلي
جوري ياورده وبعطرها تهون آلامي
باوعتله فرك عيونه حاجي بكوه
ذياب تسعه
جوري وبضحكتك يصفه جرح أيامي
ذياب تسعه
جوري أنت الهوى والدوه وبلسم أعضامي
حجه بنفاذ صبر
ذياب تسعه
جوري من شفتك نسيت دنيا وآلامي
ذياب تسعه
جوري اي ورأيك بكلامي
ذياب تسعه
جوري لزكت خلصته اكلك رأيك
ذياب يلعب النفس.
جوري موصوجك صوجي اني احجيلك
ذياب اتكحزي من يمي اتكحززي
جوري شني اتكحزي كول كومي
شال المخده ركضت بعيد خازرته
جوري تضربني يالطبرجي
شمرها عليه وخرت صفح
جوري ما أجتيي
كام سريع وراي ضحكت شارده ولزمني من وره شايلني بيد وحده
ذياب يول عثره ليش تورين گلب الحنين
جوري منيييلك حنين عمي انا الحنينه
ضحك ذابني على قنفه صاير فوكاي
ذياب تلعبين؟
جوري شنو
راد يحجي وأندكت الباب كام ماخذ قميص لابسه وفتحه طلعت نوف.
نوف خخالو بيبي حصه ماعرف شبلاها طاحت
ذياب همن سوالفها لو صدك
نوف لاوالله
وخرها نازل ويدكم بقميصه عاكد حواجبه نزلت وراه وصاحلي
ذياب الموبايل والمحفظه شطبه
هزيت راسي داخله اخذت موبايله ومحفظته دورتها ولكيتها على المكتب اخذتهن وانطيتهن اله شالها وطلع وعمي فرج وراه
امينه يايمه راحت
هاله كله من وراج
جوري خابب دوررحي كون تلحكيها واخلص منكم
مهى ععيب جوري.
مجاوبتها داخله للمطبخ سويتلي لفن جبن واخذت كم كاسه مي وخياره طكيتها بيدي بنص وصعدت فوك بقيت بغرفتي وصار الليل وذياب ماكو
جوري هاي صدك ماتت؟ يلا بعد احسن
فتحت الكنتور وخرت كم ملبس صفح وشفت اكو ملابس جديده
جوري هاي شوكت اشو مانتبهت الهن
ااخذت واحد منهن لكيتهن تراك رفعت حاجبي مستغربه وضحكت جان مثل موديل الكوري ناعم ولون وردي وهم عريض
جوري شعرفه احب الملابس العريضه.
نزعت دشداشه لابسه التراك وفتحت شعري مشطته وغسلت وجهي باوعت اكو كريمات كلهن ماستخدمهن اخذت واحد بلبرتقال مخليه منه وعطر الخوخ رشيت
باوعت للجربايه صافنه
جوري هاي فرشه صارلها اهواي
وخرت المخدات مطلعتهن من الوجوه مالتهن وشلت الفراش
جوري جؤؤ موعيب بلا ملابس
فتحت الخانه ثانيه اباوع للفرشات كلهن هدايه مال عرس اخذت لونها كريمي على برتقالي وهي الفرشتها الفرشه بسرعه صارت بس المخدات ضوجني
جوري هيه شني فوتيي.
جريتها اجعص بيها وصارت سديتها اضرب عليها بيدي لحد مصارت عدله
كمت اباوع رافعه حاجبي
جوري معدله جوري
رشيت معطر وشغلت سبلت شلت الهوسه معدلتها وطفيت الأضويه بس بقيت الصفر
وطفرت على جربايه
جوري اويليي عليج يلجمهورريه
ضحكت حاضنه المخده الثانيه مستنشقه العطور ودقايق غفيت...
ذياب: -
دكيت الهورن طلعت نوف فاتحه الباب دخلت السياره وعمي نزل حصه لازمها انا كبل فتحت البوابه اليوره ماخذ ملفات ومعاملات
سديت الباب قافل السياره ودخلت جوه لكيت البيت هدوء والوقت متاخر بس كاعدين
هاله ها حبيبي انتضرتك
ذياب جوري نامت؟
هاله ماعرف امشي نطلع فوك
هزيت راسي وصعدنه باوعت ععلى غرفه جوري ودخلت الغرفه هاله شامر تلفوني على الميز افتح بدكم قميصي
هاله اليوم تعبت حييل
ذياب اي والله.
هاله شكالك دكتور عليها
ذياب بس ضغظها صاعد
هاله اكيد غير من وره جوري
باوعتلها عاكد حاجبه مايل راسي
ذياب ليش شبلاها جوري؟
هاله هي ضلت تجاوبها لحد مارفعت ضغظها
ضحكت هاز ايدي متمدد على جربايه
هاله ليش تضحك
ذياب بلوه هل بنيه
هاله من صدك بلوه ماعرف على شنو رجعتها
ذياب يابه ماتطول سنه وتروح
هاله وين
ذياب بس تخلص الرابع ونطلك
هاله ليش موهساع شنو معنى وره سنه يلا تتكحز
فركت عيوني بتعب انداريت للجهه ثانيه.
ذياب عندي شغل وتعبان ونعسان
هاله تريد انطيك حبوب؟
ذياب شربت ومانفع تعبان حيل
هاله نام شوية واكعدك
ذياب ماكدر بويه كومه شغل وماضال جم يوم وانزل الدوامي
هاله مونزلت قبل جم يوم
ذياب هي هيج بويه
هاله شنوهاي مايصير هيج
ذياب هههههه غير شغلنه اي وكت لازم نروح
هاله موحلو هيج
ذياب غير بعد زلمتج ضابط
ابتسمت متقربه تبوس بيه
هاله واحلى ضابط
ضحكت كايم لازم عيوني المرايه صارت كدامي وانتبهت عيوني حمر صايرات.
كمت ناحيه الملفات والمعاملات ماخذهن واحد واحد بادي اشتغل بيهن دقايق وانداريت شفت هاله نامت
لزمت راسي حاسه راح ينفجر بقيت اشتغل لحد مادكت الساعه بالاربعه ونص الفجر
ذياب استغفر الله ياربي
ضميت الملفات والمعاملات كلهن واخذت باكيت الجكاير طالع من الغرفه داخل الغرفتها وساد الباب
شبه الغرفه ضلمه بس على جهتين من جربايه ضوه اصفر كعدت على جهه ثانيه يم ضوه بلكاع ناحيه السطح ورثت الجكاره شفتها وكمت.
زفرت الدخان مباوعلها نايمه وشعرها صاير على وجها كمت ناحيتها جار ايد وحده منها مكومها من نومها
فتحت عيونها مامستوعبه صافنه ضحكت اوخر بشعرها وره اذنها ولزمت خدودها بايسهن
ذياب گومي عندي شغل وما أريد انام
جوري ها
ذياب سولفي لاتخليني انام
كعدت بلكاع وهي صافنه تفرك بعيونها
ذياب تعي هين يبه
مجاوبت صافنه ماعرف وين كمت شايله من بطنها ومخليه بلكاع كدامي
ذياب يلا غردي
جوري شنو احجي
ذياب بكيفج يبه.
سكتت ماعرف ليش ضحكت وبديت اشتغل باوعتلها لكيته غافيه مخليه راسها على تأچيه الجربايه عطت بيها
ذياب يااشطبه
فزت تباوعلي عاكده حواجبها
ذياب اكعد أبني
جوري اكو واحد يشتغل هسه
ذياب اي ذياب الفرج.
جوري كون الفرج ياخذكم واخلص
ذياب السانج سزز
مجاوبتني صافنه بالأوراق بعدها مامستوعبه نزيتها بقلمي
جوري أييي
ذياب شنولابسه ولچ
جوري غير انتَ جبتهن
ابتسمت ابتسامه جانبيه منزل راسي اباوع للمعامله
ذياب شتكولين انتِ
جوري اانتَ.
ذياب عجبنج؟
جوري اي
اخذت الكلاص المي شاربه منه ورجعته توخر بشعرها شوي وأجت يمي تباوع على الاوراق وياي
جوري هاي شنو
ذياب ماتعرفينهن بويه
شفت صوره احد اخذتها ضاحكه
جوري هذا منو
سحبتها منها خازرها
ذياب عوفي يبه
ماحجت شي ساكته ذبيت القلم وجريتها مكعدها بحضني كارص خدها وايدي محاوطتها رفعت راسها تباوعلي
جوري شكو
ذياب شنو مسويه ياعثره؟
جوري شمسويه والله مامسويه شي
ذياب وحصه؟
جوري شبيها
ذياب وصلني خبر رافعه ضغطها.
جوري جذابه لكتها من الله تتمرض حته تذبها براسي
ضحكت مشدد على حضنه اشتم بعطر شعرها وخرت مباوعلها ماخذ نفس من جكاره
ذياب يعني انتَ حباب وليدي
جوري اي بريئه سيدي
ابتسمت بايس خدها مغمض عيوني وخرت امسح ب اصبعي عليه
ذياب مشتاگلها من حلكج يول
جوري سيدي؟
هزيت راسي مقرب جكاره يم شفايفها اخذت نفس وزفرته عليه
جوري ليش عيونك ذبلانات
ذياب سيدج لو تعرفينه شكثر تعبان
جوري شفت حصه تعبتك بس اني انتضرتك
ذياب والله؟
جوري والله.
ذياب ليش انتضرتي يول
جوري موكلت تلعبني فا انتضرتك
ذياب عجل ياهوه لدحكتله نايم؟
جوري لامو انت كلت تلعبني فا انتضرتك وحتى لهيت نفسي عدلت الغرفه بس غلبني النووووم
ذياب انا سامع غلبني الشوق
جوري المن اشتاق
ذياب افاا ابو الحنيه ميستاهل اشتياق؟
هزت راسها نافيه
جوري جؤؤ
طبطبت على بطنها مباوعلها
ذياب شوصايرلج كرووش ولچ
وخرت ايدي خازرتني
جوري ماكوووو.
ضحكت مهتزه أچتافي ماخذ النفس من جكاره وشمرتها على ورقه مطفيها ب أصبعي
جوري ذياب
ذياب حنيته
جوري ليش يصيحولك ابو سليمان
ذياب بحجيكم على فريخاتي
جوري منيلك فريخات
ذياب المستقبليين شطبتي
جوري ليش ماتسمي عز حته يصيحولك ابو العز
ذياب جؤ. العز بعروگي اكثر من الدم.
جوري لاهذا ك اسم ابن
ذياب سليمان احسن
جوري وشدلعه سوسو؟
ذياب اشتتعلت ارمله اذا هيج احجيلو.
سكتت وانا بقيت اشتغل بالاوراق بيد وثانيه لازمهها شوي وخلت راسها بركبتي باوعتلها لكيتها غافيه ابتسمت ابوس بخدها
حسيت ب شي أنشمر على بوابه السطح رفعت حاجبي ممباوع للساعه بسته وربع الصبح
ذبيت القلم شايل جوري مخليها على صفحه وطكه صارت مره ثانيه
فتحت الباب قبل لا اطلع شفت بلحصوه ورقه اخذتها فاتحها وشفت مكتوب حاجيني
رفعت حاجبي جاعص الورقه بيدي متقدم كم خطوه وشفته معاذ.