رواية عكد الظفيرة للكاتبة زينب جعفر الفصل الثاني والثلاثون
جوري قابله.
ابتسمت منداره متاكده من قفل الباب واجت يمي كاعده فتحت الورقه مطلعتلي رقم
رمله راح اردلج رقم انتي اكتبي هاج
جوري خليتي بي رصيد؟
رمله اي يلاا بسرعه
نزلت راسي صارت تحجي رقم واني اسجل دكيت بس ماكو رد
رمله ها؟
جوري ماكو محد رد عليه
اخذته مني راجعه دك وهم محد رد
رمله هاي ليش؟
كمت مچتفه ايدي ماشيه اباوع الروحي بلمرايه وكفت الحد ماصارا مقابيلها صافنه رامشه اكثر من مره.
رفعت ايدي متلمسه شعري حمحمت موخرته من كصتي صايره نفس گصه شعر الولد
جوري وأنكصت الكصيبه.
تنهدت حاسه ب ألم خفيف صاير بگلبي كل ماتذكر ظفيرتي الجانت امانه ابويه الله يرحمه
فلاح جوري؟
رمله لاا امها
انداريت بسرعه اباوع الامي تأشرلي اجي تقربت مطفيه الأسبيكر عيوني على الباب خايفه لا احد يسمع صوته
رمله اكعدي واسمعي
جوري لايسمعون
رمله معليج مايسمعون
تنهدت مخليه اذاني على سماعه تلفون وامي تحجي وياه
رمله ها بني فالح.
فلاح فلاح.
رمله اي المهم شلونك شخبارك عساك طيب
فلاح جوري رضت؟
امي بللت شفايفها هازه راسها
رمله اا، اي طبعا قبلت بس مافتهمنه شنو تريد بضبط
فلاح شو اسمع صوتها
رمله اي اي تددلل هاج يمه جوري حاجي
اخذت تلفون من امي وايدي يرعشن خليته على اذني
جوري ه، ها
فلاح رضيتي؟
ضليت اباوع متذكره ذياب بهل كم ثانيه انعاد عليه مشاهد ضربه إلى ضغطت على ملابسي اباوع الامي حاجيه وحلكي يرجف بكوه تطلع من الحروف
جوري أيي.
سمعت صوت تنهيدته براحه وطكطكه صايره ضليت منتضرته يحجي اكل بشفايفي صار صوت جداحه عرفت يدخن هم
فلاح بس ردت سالفه بيني وبينج وبس.
رمله لايمه على بختك اصلا لوما اني ماتقتنع ماتشوف تاخرنه عليك بس اعذرنه حبيبي انتَ صدكني اني وياك ولا احجي كلمه
فلاح ماطول عرفتي ماتكدرين تحجين لان سالفتكم صارت حياه وموت
رمله ا، ا. اي هذا هوه كول شنو تريد من عدنه
جوري لاتحاجي امي هيج.
فزيت على ضربه امي الفخذي تخوزر بيه تأشرلي اسكت
رمله ها ابني
فلاح جوري صدكي اذا سويتي سالفه وحجيتي الذياب حرف امج اموتها
رمله لاشحدها تحجي بس كللنه شنو تريد نسوي
عفتهم جاره ربطه
فلاح ذياب راح نسويله سالفه تعرفينه شكثر عصبي
رمله اي؟
فلاح ناخذ هل شي صالحنا بس بعدين احجيلج كل شغلنه هساع ليل.
قبل لا اسمع كل كلامهم طلعت بره الغرفه ساده الباب لكيت ذياب كاعد على كرسي بلمساحه بين غرف ههوه حاطه بزاويه فاتح كم دكمه من قميصه وجرح صاير بنص صدره احمر طالع شوي دم ومتزلغ جلده
رفع عيونه شافني اني درت وجهي اريد انزل وفزيت على جرته قوي جارني من ايدي
جوري شكووو
ذياب اشششش
ضربني على الحايط صاير كدامي رفعت راسي اباوعله عاكده حواجبي
جوري شبيييك؟
ذياب داويني
جوري عندك مره وهيه داوييك اني شعليه.
ذياب بس اني اريد أنتي
مجاوبته منزله عيوني الصدره مرجعه انضاري عليه لكيته مايل راسه مبتسم
جوري ليش فاتح دكم قميصك
ذياب اتاذيت
جوري الك ثلث غرف ماكدرت تدخل الوحده كاعد هنا يجوز بلا غدير طلعت مو حرام
ذياب منجرح عمري
جوري جرحك اليفوك عليمن فاتح دكم كلهن
رفعت ايدي اسد بدكم قميصه هوه يلف بشواربه اليفوك رافعهن باوعتله لكيته كاتم ضحكته
جوري شبيك؟
ذياب تغارين
جوري على شنو اغار اكلك حراام تشوف جسمك ابني.
ذياب اني ابنك اخ الله
دفعته اريد انزل وسحبني فاتح باب غرفته مفوتني جوه وساده
جوري شنو نوب
ذياب ماداويتيني امي
جوري مو امك امك جوه
ذياب تلعبين عليه؟
رفعت حاجبي هوه ضحك جايب علبه وشمر روحه على جربايه مرجع راسه للمخده
حجى وهوه مغمض عيونه مبتسم تك خد
ذياب يلا
جوري خدامه عندك اني لاتصير بطران
فتح عيونه على كلمتي خزرني اخذت علبه وكعدت يمه مطنكره منزله راسي بدون ماباوعله
ذياب لوماتحجين الله ياجاسم
جوري ليش ماحجي.
ذياب تورين گلبي يبه
جوري جاسم منو؟
سحب ايدي على كيفه جنت لازمه گطن خلاها على مكان جرحه بالع ريكه
ذياب اش كملي
جوري وين تعورت؟
ذياب هاله اذتني
جوري ححل
ذياب ههههههههه لاا تره اتاذيت من شباج
جوري شجابك يم شباك
ذياب دا اسوي هاله حجتلي خارب و...
صفن شوي يأشر بيده خليتله شوي ديتول هامسه
جوري اطرافه
ذياب اي صابتني
جوري متزلغ جلدك
ذياب شنو بيدي يول
جوري شعجب معالجتك هاله
ذياب حامل هيه ماحجيتلها
باوعتله ضاحكه ب استهزاء.
جوري ليش يمه ماتكللها شنو ساحكتك سياره ومادري هوه انشخطت بشباك
ذياب جوريه هاله تحبني جثير يضل بالها عليه ب اصغر السوالف
جوري الله يديم
اخذت لزكه فاتحه وحده منها
ذياب لودحكين ب اول سنين زواجنه كل شوية بشغلي واتصلت
جوري وهسه شنو ملت منك
ذياب لا احاجيها ماحب هيج بس ضلت فا عصبت حيل وتابت
جوري خليتها تلوب بمكانها ها
ذياب اي لان ماحب احاجي نسواني يم اصحابي لو وياي بشغل
جوري ودرع مو عادي؟
ذياب درع گبل احسبه اخويه مو صاحب
جوري وهسه؟ ماتصالحتوا
ذياب شنو عرفج مانحجي احنه؟
جوري هناك بهذاك البيت كتلي
ذياب ها
ردت احطله لزكه لزم ايدي مستغرب ضاحك
ذياب شنوهي ولچ
جوري لزكه
ذياب شنو اسوي بيها لا يبه زتيها
عطت على ضايجه
جوري شني بكيفك بعد فتحتها
ذياب لاتعلين صوتج
جوري خليني احطلك لزكه
ذياب يالزكه يابت لزكه ادري علگتي زتييها ماريدها
جوري عود مسبه هاي لزكه
ذياب زتيها شنو اسوي بيها
جوري وين اذبها.
جراها من ايدي لازكها بكصتي طحت اليوره من قوه ضغطه على كصتي باوعتلي هوه يضحك
جوري هاي ليش
ذياب ههههههههه
جوري وسم
ذياب بگلبج يول يبه بيج طكه
كمت هوه جراني مكعدني على رجله
جوري شيلها
مد ايده شايلها من كصتي لفاها بيده شامرها على جهه يباوعلي مبتسم رفعت حاجبي هازه راسي
جوري ها
ذياب شطبه تصگعين الميت وحك السواج
گلبت عيوني ردت اكوم ودفعني على المخده
جوري باوع
ذياب باوعت ياحنيه ذياب.
جوري منييللك حنيه منينن منينن نسيت شسويت بيه صبح
جر الغطوه مالته يغطي بيه
ذياب انتَ بلوه يابني ماتكعد راحه قرچ
جوري فرج
ذياب اي فرج ابويه
جوري وخرر
دفعته هوه خزرني فاك عيونه مثبتني يغطي بيه صار شوي من شعري على كصتي
جوري شعري
ذياب وينه حتى مامگرب الوجج
جوري هذا يدغدغني
ب ابهامه وخره على صفحه نزل نفسه حاضن بطني مغمض عيونه
جوري ماريد احجي وياك
ذياب وحك عيناك اضل وياك شمارادو يمنعون.
عرفته جاي يغني كبر حبي وملا گلبي. ضربت على
چتفه
جوري سوالفك مال صغار صدكني
ذياب غير ملاگي الحمامه
جوري شقصدك اني صغيره
ذياب لايبه وين شكثر عمرج. 30؟
جوري هاي عمر مرتك
ذياب عجل وانتي شكثر؟
جوري راح اصير بالغه ان شاءلله
ذياب اخ كبرتي
جوري اي جا تريدني اضل زعطوطه
ضحك مهتزه أچتافه فزيت على بوسته بطني متلمسها على كيفه
ذياب صايرله بطون صغير ابني
كمت بسرعه خايفه هوه استغرب من رده فعلي
ذياب بيج شي يبه؟
جوري ل، لا راح اروح
ذياب وين تتكحزين اتكلطي ماعرف شبلاني متاذي
رجعت لازمه كصته ب ايدي
جوري مصخن؟
سحب ايدي يبوس اصبع اصبع مني يهز براسه نافي
جوري جا شنو يوجعك
ذياب ماعرف هين احس متاذي
اشرلي على ناحيه بطنه بس صفح
جوري خاف لان ماكلت
ذياب كل اكلي بليوم موكامل مو اول مره هي
جوري جا شبيك بعد خاف متسمم
ذياب لا هي لان تعاركنه وشديتي النونه
جوري هههههه شورت بيك
ذياب بعدج ضايجه؟
ماجاوبته ساكته دايره وجهي حسيت ب ايده انلافت حواليه حاط راسه على فخذ رجلي ساحب ايدي غارسها بشواربه
ذياب حمامتي
جوري اريد اروح
ذياب ليش
جوري ماريد احجي وياك
ذياب يبه غلطتي والله
باوعتله ضايجه ردت احجي وحط ايده على حلكي
ذياب هذا هوه اشش لاتشغلين السانج
جوري ررررروح الهاله
ذياب اطلعي
وخرت ايدي من شواربه كايمه عود اخلي خصله من شعري اليوره تذكرت ااني كرعه
جوري واحد مسربت.
باوعلي يضحك طالعات غمازاته بهتت ملامحي صافنه شويه اله وهمهمت دايره وجهي طالعه بره الغرفه ساده الباب
رمله شنو عندج يمه؟
جوري هوه راداني
جرتني من ايدي قوي مفوتتني للغرفه
رمله عوفي لاتجين يمه
جوري والله هوه راداني
رمله حتلو ركعي على راسه خيولي لج مايفيدج اطيح حضج اذا بعد رحتيله
ماحجيت دايره وجهي متمدده لكيت العرضحلجي بعده مشتغله الحلقه تمددت متغطيه حاضنه المخده ثانيه اباوع
جوري كلهم مخابيل.
رمله وانتي وين.
جاه ضوجه كلت اطلع بلطرمه شوي
رمله هسه بهل ليل؟
جاه جااا ضووووجه شسوي
رمله ددولي لا ارجعج الرجلج هسه فوتي يلاا
جاه فايته فاييييته
رمله بسرعه، عيب بنات يطلعن هيج وكت
جاه هوه انتي بهذا عمرج وبعدج تفترين نسيتي ذبانه يا ام جنان
ضربتها خازرتها
رمله أش لج ادبسز ااني جبيره واعرف حدودي ويه المقابييل انتي زعطوطه شعرفج
جاه يازعطووطه صدك جذب امي ترا صرت عشرينيه جاده
رمله امشي لج امشيييي
هزت ايدها ماشيه
رمله وييين؟
جاه اهووووووو اريد اكل شلون يعني
رمله يلا روحي وراها الكاج بغرفتج نايمه
جاه فهمت كافي
رمله جاااااه
عافتني ضايجه رافعه خشمها داخله للمطبخ ماخذه تفاح واني واكفه انتضرها
رمله ها
جاه وانتي شوكت تنامين؟
رمله شعليج بيه بت الخره دصعدي
جانت لابسه شال كاروهات ثخين مخليته على ركبتها اجت يمي مباوعتلي من فوك اليجوه وشامره شال على ضهرها
رمله شهل نضرات ام راس اخر مره تسوين هل حركه.
رجعت عليه عايده الحركه كبل رفعت رجلي مخليه نعالي صاير ب ايدي
رمله جلدجج يححكج بهل لياالللي!
جاه يممممه شجااااااج
رمله امشي ولي يلاا
عافتني صاعده
رمله اصبري وين رايحه
جاه الغرفتج
رمله موانطيتج غرفتي القديمه جوه
جاه بارررده رطوبتها قويه اريد فوك دافيه
رمله ماكو نامي بغرفتج
جاه شذكرج ترا صارلي يومين منخمده يم راسج گبت عندج تتعاركين لو شنو
رمله جااااه
جاه جا شني اريد انام والله موحاله هاي رجعيني الزوجي.
رمله دنيا ليل ناس نايمه روحي نامي
عضت من تفاحه فايته الغرفتي
رمله ولچ، شو مستهترات ذني معقوله هاي تربيتي
زفرت نفسي غامتها كاعده بالأستقبال افكر
رمله لازم ذياب مايشك، شسويله وشلون نطلع من هنا
باوعت للبيت الجبير مطفي گلوباته جريت المخده متچيتها فوك مخده على الحايط بس ملت نفسي حاطه راسي عليها معدله شالي
رمله بس فرج خاف يضوج
صفنت مخليه ايدي على حنجي.
رمله مايدري، شعليه بي اني اهم شي بنتي اليوم شسوه بيها ابو راس من وراه فاتت المستشفى
فزيت على صوت باب غرفه امينه وفرج لكيته هوه طالع لابس دشداشه ملحيه يفرك بعيونه
عدلت كعدتي شابكه ايديه سويه اندار وشافني ابتسم متقرب
فرج كاعده
رمله اي
فرج ليش مانمتي يشراره
رمله شسوي بعد. حمحمت معدله شالي
ليش كعدت
فرج ردت مي بس امينه ماتارسه جثير هين
رفع ايده لازم كلاص هزيت راسي اكثر من مره واضح عليه توتر وتردد.
فرج هساع ليل نامي
رمله اي هسه شوي واكوم انام
فرج تردين شي؟
رفعت راسي مبتسمه
رمله سلامتك
بهتت ملامحه مستغرب مني
فرج ضحكتي
رمله شني
فرج راح اشرب مي وانام
خليت مخده بحضني
رمله تصبح على خير
دارلي ضهره سمعته هامس بصوت ناصي
فرج أنتي الخير.
نزلت راسي اضحك خليت بطرف من شيلتي على حلكي واهز ب ايدي ثانيه
طلعت تلفوني اباوع الرقم فلاح زافره نفسي بحيره
رمله والله حيره، بيت فرج مانعرف خيركم من شركم.
كمت وراه فايته للمطبخ شفته منزل راسه مدنك يترس بلكلاص مي
رمله فرج
فرج أمري
رمله جعت
اندارلي يشرب بلمي ويباوعلي نزلت راسي موخره وجهي للجه ثانيه اباوع
فرج اكو مال ثواب
رمله ضل
فرج اي جثير حتى حجيت المهى نناوشه البيت حميد
رمله ممنو هذا
فرج رجال فقير عنده اهل وزعاطيط
رمله ها يعني اكل شويه
فرج من تترس بطنج زيحي المحله
رمله وينه.
حط الكلاص على صفحه متقرب فاتح ال مجمده ومطلع جدريه سليكون ملت راسي اباوع وشفت تمن وعلى لحم
فرج اكضبي
رمله كول الزمي
فرج احاجيج جنوبي؟
رمله اي
فرج چا كضي جدريه
ضحكت هوه هم نزل راسه
رمله بارد
فرج موسالفه اوري الج
اخذه مني فاتح بوابه مطلع جدريه ثانيه وخلاه بي شغل نار وحطاه مخلي شوي مي بده يحمه جر خاشوكه يگلب بي
رمله تاكل وياي
فرج لا ماحب اكل هساع.
سكتت كاعده هوه انتضر ينشف وطفى نار جر ماعون طولاني گالب جدريه صابلي
فرج هني ومري شراره
رمله عيب لايسمعك احد شنو شكبرني وتصيحلي شراره
ضحك وصار صوت رعيد
رمله عندكم اهواي امطار
فرج ديرتنه تحب المي
رمله ينزل عندكم ثلج؟
فرج شنو تكولين انتي
رمله اكول اي
راد يحجي وحجت
غزاله شنو تحجون؟
جاه
عضيت من تفاحه صافنه جميله نايمه
جاه اانتي مخلصه حياتج نوم
مشيت وبلغلط دست على جيس رفعته وشفته جلاتين
جاه امي تنطيج منوم ها.
هزيت ايدي مطلعه من جلاتين اثنين ماكله
جاه مال جهال مايأثر عليه
اخذت بعد وحده فاتحه شباك صافنه على شوارع لكيتها تمطر دنكت متچيه على حايط
جاه والله حلوه منطقتهم
اكلت جلاتينيه ثالثه عاضه من تفاحه
جاه هاي عود صدك سياره تفتر هسه شنو سالفه ماينامون
وكفت سياره مقابيل باب بيت رفعت حاجبي بالعه ريكي
جاه هذا ليش وكف
طاحت كم نقطه مطر على ايدي رفعت راسي لكيت شاب نزل ماركزت على ملامحه لان بعيد بس بيده سلاح.
جاه هذا شايل بندقيه لو شنو عزا
عضيت من تفاحه عضه جبيره مامتحركه من مكاني وجه السلاح على بيت عرفت يريد يرمي البيت! ضليت متصنمه بمكاني خايفه
جاه شجاي يسوي هذا ابو سلاح راح يموتنه
جاي يدور سلاح مغمض وحده من عيونه وانتبهلي متثبت گلبي ضل ينبض قوي هوه مال راسه رافع حاجبه مستغرب
نزل سلاحه يباوعلي عاكد حواجبه لابس قبوط اسود اني درت نفسي متچيه على الحايط صدري يصعد وينزل اتنفس سريع خايفه.
خليت ايدي على گلبي جاره من برده لافتها على راسي مقدمه راسي اباوع وشفته على سكف سياره مخلي ايد ماده وثانيه جوه حنجه صافن على مكان شباكي
جاه ههذا مخبل لو شنو
ضليت اباوعله خزرته هوه ماسوه رده فعل بوجه بس عاكد حواجبه رفع نفسه فاتح باب سياره شمر سلاحه ورجع صعد شاخط سياره قوي طافر مي المطر من وراه
جاه منو هذا؟
وخرت البرده ساده شباك جريت شال امي لابسته فتحت الباب وفزيت لكيتهم كبالي
جاه ولك عبالي تشاكي شكعدك.
فراس عمي حشام يريدج
جاه نعم؟
جوري ليش شيريد منها
جاه انتي ليش كاعده
جوري ملااانه
جاه دولي نامي لج راح تنگلب بينه نامي نامي خلي نشبع نوم شويه
جوري ليش امي سوت سوايتهااا
جاه ياسوايه؟
جوري اندري وينها امج
جاه ججوه بالاستقبال
راحت ماده راسها اجتني هازه راسها نافيه
جوري ماكو
جاه ياا بس لا ابو سلاح اخذها
جوري ياهوه هذا
جاه شتردين انتي
جوري عندي سؤال
جاه جوري دخيلج هاي بس انتي اسألتج الفجر
جوري اهو
جاه احجي.
باوعت الفراس لزمته كارصه خدوده
جاه روح كله هسه اجي
جوري وين رايح عيب شنو تشوفين رجال هسه وامج كاعده تموتنه
جاه ججا شمدريني شيريد
جوري كول العمك حشام ماعدنه نسوان تلاگي زلم هسه عيب ابني عيب
فراس ابني؟
جوري دروح كله وهذا هوه
جاه لا كله هسه تجي
فراس امشي بكلام جاه اني
جوري طابوكه عليها وعليك
جاه موكدامج اني هي سزز
جوري عفيه هل بيت ماكووو احد يحتررررمني
جاه هسه علساس اني يحترموني امج هانتنه.
جوري احسن مني على الاقل هذا زعطوط احترمج
ماحسينه اله عفط باوعتله مدنكه
جوري بربك هذا اقوى زيج عندك؟
فراس تردين اقوى
جوري جؤؤؤ عفطتك من كثر ماقويه عبالي شاجور عمك ذياب
ضربت على چتفه مأشرتله
جوري شوف الزيج على أصوله ابني
جاه شوصايره تحجين بالابني ومذكر؟
ماحسيت اله خلت ايدها على حلكها جاره زيج
جوري ها سمعت
ذياب جورررري!
فتحت عيونها على حيلهن مامنداره فراس شافه راح ركض لزمه بسرعه من اذانه
جاه يمه لگفه.
ذياب شنو السويته يول ها
فراس عمو والله اخر مره
ذياب اورر اذانك تسمعني على فحم اوررهن اذا سويتها بعد
فراس والله لا ماسويها
اباوع الفراس حصرته البجيه يحجي وصوته مخنوك اندار على جوري اني ضميت نفسي گبل جوه ساده باب الغرفه
جوري جاه
ذياب شنو هاي سوالف؟
جوري بلغلط طلع من حلكي
مادري شصار بس سمعت شهكتها
جوري لااا
ذياب افلعه الحلكج اذا سويتيها بعد مستوعبه
جوري اي وخرر امي جوه
ذياب افلعج انتي وحرمله بت كلب.
جوري ماسمحكلللك تكلي بت كللببب ذياااب ابويه
ذياب موعلى ابوج على امج
جوري انتَ كلت كلب وحتى لو امي ماقبلل
ذياب فوتي للغرفه
جوري ماريد روح اصلا ماحجي وياك من صبح
ذياب لچ لوچتي گلبي شنو هاي سوالف
جوري شمسويه؟
ذياب لا ابدد بس تچررين زيج وطيرين طيوره
علي البال ماخذ مطيرجيه
جوري وين حماماتي حتى مشايفتهن
ذياب اكصو للسانج اذا سويتي هل سالفه مره ثانيه.
اتقربت اكثر اريد اسمعها شنو تحجي بس ماكو هوه شوي وحجه منصي صوته اكثر
ذياب يبه هل سوالف غلط لاطشرين گلبي
جوري ولي انت وكلبك
ذياب جورري
جوري اي شنو حسره احجي كلمه بهل بيت كلها تحجي عليه والله مايصيرر هيج وخر
ذياب فوتي للغرفه
جوري مارييد
فتحت الباب شوي لكيته حاضنها ومدنك مخلي وجه مقابيل وجها مضيك عيونه مبتسم ضايعه علومه
ذياب اريدج فوتي
جوري ماحبك وخر الا اسجنك
ذياب وبعد؟
جوري وذا حاجيتني بعد اموتك.
ذياب اخ يبه ابني يموتني
باوعتله عيونها كلهن دموع حمر ذبلن عيونه مال راسه بايس دمعتها على خدها دفعته مايندفع ضحك
هي وخرت عافته وراحت نزلت ضل يباوعلها لازم ركبته متنهد
جاه اشوفها البنيه صايره تحجي ب ابني وابني طلعت متعلمه من المقدم ذياب
ههو نزل وراها اني سديت الباب كاعده على كاعيه صافنه شوي
جاه هذا صدك يريدني؟
كمت فتحت الباب نزلت لكيت هدوء
جاه وينهم شو اختفو.
انفتح باب الحمام طالع شعره ينگط مي لايف خاولي على ركبته شافني ونزل راسه
جاه حشام
وكف بالع ريكه مارافع راسه
حشام هلا خيتي
جاه ردتني؟
حشام اي
نزل راسه اكثر مخلي ايده بجيب دشداشته مطلع گيتره مالتي بنيه
حشام اكضبي
مد ايده يمي
جاه ياا هاي مالتي اكول وين ضاعت
حشام لاكيتها بلحوش وفراس حجى الج.
ابتسمت مقربه ايدي ماخذه الگيتره طخت اصابيعي باطن ايده حسيت برعشه صارتله وخر ايده بسرعه لازم الخاولي من جهتين يلف بي على ركبته دايرلي ضهره
حشام تردين شي خويه جاه
جاه لاتسلم حشام
هز راسه فايت الغرفه لكيت ذياب فات من باب المطل على طرمه يكح مچتف ايده ولازم سويج
جاه بس لاشمر جوري بره
وكف يم باب المطبخ ضل يحجي مادري ويه منو عفته وصعدت فوك راجعه للغرفه لكيت جميله كايمه
جاه ها حبيبتي كعدتي
جميله جه مي.
جاه اي هسه ياروحي
لكيت امي مخليه بطل مي يم راسها فتحته لازمتها مشربتها على كيفي سديته
جاه راح ترجعين تنامين
جميله امم
جاه ادري اصحاب الكهف ماسوو سوايتج
اتمددت واني نمت يمها اتغطينه زينه حاضنتها
اجه بالي حشام صفنت ماعرف شنو احس بللت شفايفي مغمضه عيوني گبل فتحتهن متذكره رجال لابس قبوط اسود بيده جان سلاح
جاه شنو راد يسوي، ومنو هذا؟
تنهدت جاره تلفوني فاتحه صوره شاشه لكيت رساله من رجلي كاتب ترجعين للبيت لو اتصرف وياج غير تصرف
ضجت من كلامه قفلت تلفوني شامرته زفرت نفسي بحسره مغمضه عيوني نايمه.
حشام ها ضرغام
ضرغام هم تزت مي ادري مايضل بالك تتمرض
حشام مناعتي ماكو يوصللها من نعالات
اخذت نفس من جكاره هاز ايدي اباوع من شباك
ضرغام ااني وين مناعتي
حشام لان ماماكل نعالات
ضرغام كواد لاتصير هيج
حشام ههههههه احجيلك اتصنت
ضرغام ها.
حشام تعرف نسوان حجيه رمله؟
ضرغام لا بس جوري
حشام ها موخوش حجي
ضرغام ليش ولك
حشام هيج نام
ضرغام ام مسره نايمه؟
حشام اي
هزيت راسي قدمت ايدي ناحيه نفاضه مطفي جكاره متمدد ومتغطي
ضرغام بارده حيل
حشام عجل زاتهن عليك شنو
حركت بطانيات معدلهن
ضرغام هنه اربعه
حشام اني وحده ودحك شكثر خفتها
ضرغام نام نام
درت صفح مغمض عيوني افكر بمسره.
جوري
حسيت بطكطكه گبل خليت جرجف على راسي منطيه ضهري جهه على الباب انفتح الباب فايت وساده.
غمضت عيوني مسويه نفسي نايمه احاول اوازن نفسي اتقرب اكثر شميت عطره
صار هدوء ثواني وجر جرجف مني قوي سديت جفني قوي فازه
ذياب ليش ضاله هين؟
ضليت مسويه نفسي نايمه لافحني انفاسه حاره انكتمت انفاسي متوتره
ذياب مو ماتحبين حصه يول شو نايمه صوبها وزاته الحنين.
ذياب ترديني انام صوبج؟
ماجاوبت باقيه مغمضه حسيت بشواربه على جلدي
ضل يحرك بشواربه عليه مبزبزني ضجت عاكده حواجبي اريد احك وجهي.
ذياب زين من نامت البلوه بمزاجي اتگرب شواربي مشتاقلهن
صار صوته ناصي يهمس ذايب
ذياب وحك السواج مشتاقلهن
درت وجهي مخليه ايدي على مكان يبزبزني من شواربه كام سمعت صوت باب انسد كمت بسرعه احك بوجهي
ذياب حمامتي ماتلعب عليه ابني
باوعتله مخترعه من صدمه غميته عض شفته جايني بسرعه يكرص خدودي
جوري ايييييي خدودي
ذياب بطونك ابوسه
جوري ماعندي كرش
حط ايده على بطني مايل راسه
ذياب شو ادحك.
دفعت ايده خازرته ضحك منومني وحاضني من وره
جوري موووتني نوب تعصر قوي
ذياب برتقال
جوري هههه يحشش
عدل غطوه مغطيني
ذياب ولك من وين جبته
جوري جرجف بيبي حصه
حط راسه بشعري مغمض عيونه
ذياب هساع صارت بيبي
جوري احسن منك
ذياب اني ماسحرتك. جبتك ب غير شي
جوري ذياب مصدكني همه سحروني؟
سكت شوي يتلمس اصابع ايدي
جوري بعدك مامصدك
ذياب نامي
جوري ليش تشوفني دائما غلط
ذياب ياهوه حجى هيج؟
جوري افعالك
ذياب وهذا شي حلو؟
جوري لا موحلو اني مغلطانه ولاجذبت
ذياب بس اني ادحكله حلو
جوري ليش؟
طبع بوسه على حنجي ضامني اكثر
ذياب راضي سوالفج غلط بس ميت بيچ.
صفنت ماعرف مامفتهمه كلامه
جوري ما افتهمك اني
ذياب محد يفهم القناص.
جوري اني هم اشوف سوالفك غلط
ذياب طلعين مثلي وميته بيه؟
درت وجهي اباوعله محتاره همهم منتضر جوابي عض باطن شفته متنهد اجت عيني على غمازته.
رفعت راسي بايسه مكان غمازته باقيه كم ثواني مرجعه راسي للمخده اباوع العيونه المغمضهن ويبلعم
جوري مادري
درت وجهي عنه حاطه ايدي على عيوني انام
ذياب جوريه
ماحجيت اجه يم اذني هامسها مخلي جسمي يكزبر من نبرته
ذياب عاشگچ اني وحك ريشات گمرهم.
جوري صبح كلت كارهج. موحب هذا
ذياب ماريدج تغلطين، جوري وحك لا اله الا الله اول مره گلبي يرجف على مره.
ماجاوبته منقهره مامفتهمه مشاعره لزم حنجي دايره عليه ابهامه يحركه عليه بهدوء يحجي يم اذني
ذياب رتبتي طشار يم عيناچ.
فتحت عيوني نازله دمعتي حسيت بشفايفه على عيوني بايسهن
ذياب سألتيني مره على الاعز من شاربي
طخ خشمه ب خشمي منزل ايده على ركبتي
ذياب أنتِ الاعز منهن يبه،
نزل عيونه يباوع الأيديه شايف جسمي شلون مكزبر تنهد لاف ايده ثانيه عليه مقربني اكثر نايم...
الصباح
حصه ياااا طررركاااعه صابتني كون شنووهاي.
كمت بسرعه فازه ادور
جوري شنووو شكو وينه
حصه غاااد نايم
انداريت شفته فاتح تك عين يضحك ويهز ب ايده راجع مغمض ححاط ايده على عيونه
جوري فززتيني هوه هيج
كرزت من الحب شامرته على جه
حصه عجل شنو تحجين عليه عيني لاگتكم شنو كلت جن
رجعت متمدده كامت تأشرلنه ب ايدها
حصه يلاا يمتى هل نوم اكعدوو شنوهاي
جوري نعساااانه
حصه محد حجالكم تكعدون هين صدك ليش نايمين بمجلسي
جوري ولاتكعد منين اجه مجلس.
وخر ايده ذياب يخوزر بيه سكتت دايره وجهي
حصه يا ام السااان ساكته عنج صدكي بالله اريد اكلج بسنوني
ضربت على البطانيه نافخه
جوري ضلت عليج
عافتنه طالعه من الغرفه انداريت الذياب بس مغمض مبين كاعد
جوري شبي وجهك اصفر؟
فتح عيونه يكح قوي ضليت اباوعله صافنه ويه كحاته حضن بطني مخلي راسه
جوري تستغل الفرص
ذياب هههههه
جوري لاصدك شبيك تعبان؟
ذياب اي
جوري بس لادفرتك واني نايمه
ذياب عجل مودفره هي تلعب ب احوالي.
جوري لاصايره البابا الله يرحمه بلغلط دفرته على بطنه وجان ماماكل فا ركض اتقيأ
ذياب ادحك تحجيلي ارمله ماترضى تنامين يم ابوج طلعتي جاكي شان من يروح باالج وتنامين
جوري صصدك ارمله وينها
ذياب ارمله؟
جوري ها
ذياب حجيتي ارمله؟ مو تصححين الاسم امج
جوري لاكلت رمله
ذياب لا ارمله حتى انتي حجيتيها بعد
جوري من وراك اربعه وعشرين ساعه مگابلتك صرت اخذ بحجيك
ذياب والله شكثر سعيد بكلامج
جوري اكلك والله بيك شي
ذياب هوه تعبان.
جوري مصخن؟
ذياب لا بس تعبان
كمت فايته الحمام حصه رفعت شعري وانتبهت مضيكه عيوني اتقربت لكيت على جهه اكو دم
جوري ذيااااب
ذياب حنيته
جوري هاي اكو دم مالمن بيبيتك تتكتل بناس ومادري
سكت شوي وشفته وكف يم باب حاط ايده رفع حاجبه منتبه
ذياب لا هيج هساع ازت مي
جوري مالمن دم؟
ماجاوبني اتقرب ماخذ دوش موخره من مكانه ورشرش ضليت صافنه اباوعله حتى من واكف مثل مدنك رجع الدوش ساده راد يطلع وكفت كباله لازمته من صدره.
جوري ذياب
ذياب حنيته
رفعت راسي اباوع العيونه هوه هم رفع راسه
جوري شنو بيك؟
ذياب ماصايبني شي بس اليله فاتت طلع من حلكي دم وبلايه ضوه فا مانضفت المكان زين
جوري ليش طلع من حلكك دم؟
ذياب اتكحزي اكلي
جوري كافي الكدامك موصغيره ذيااب احجيلي شبيك
ابتسم بايس راسي
ذياب تعبان شوية ياروحه الذياب
ضليت صافنه مامقتنعه عافني وطلع من الحمام طلعت وراه لكيته يشيل بلفراش ويسفط الجرجف
جوري روح للمستشفى سوي فحص.
ذياب ماصايبني شي شبلاج يبه شكثر احجي؟
جوري ترا دم هذاا موزين
ذياب اذا صارت مره ثانيه امشي للدكتور لايضل بالج
جوري جيبلي اندومي
ذياب صار
لزم أچتافي ساحب شال من حصه مخلي عليه شاده من كدام مثل ربطه
ذياب ماشا
جوري هههههه هم انتَ تكول ماشا
ذياب ليش ياهوه حاجيلج گبلي
جوري نوف وكتلها خالج الدب
ذياب دحك صلافه يول
حضن من ناحيه ضلوعي مشيني نطلع
جوري احس اريد ابره
ذياب استغفر الله ياربي.
جوري شنو شحجيتلك ماريد اكبسل بس شوي عرك وابره
ذياب كافي يبه هساع احد يتصنت يحجي تربيه ذياب هاي
جوري وصدك هاي تربيتك
ذياب طاح حظ تربيتي اذا هيج
جوري اي والله
ذياب بلوه ياعثره على هل السان
طلعنه شفناهم مخلين ريوك وهاله كاعده شافتنه وضاجت هوه حس عليها اني رحت كاعده يم عمو فرج وهوه بدال مايكعد يم ابو كعد يم هاله مخلي بصفه نوف
سكتت ماخذه طماطه اكل منها اباوعلهم شفته شوارها هيه باوعتله وابتسمت منزله راسها.
كمت بسرعه فايته للمطبخ
فرج شنو جوريه
جوري عطشانه
نوف ههذا مي جوري
مارديت عليها صابتلي بكلاص ضامه نفسي على صفحه ضليت بلمطبخ صافنه بهاي علاقه
من بابها هيه مرته ومن بابها صايرتلي مشاعر اله
حجيت بصوت مخنوك
جوري ااني احبه؟
نزلت راسي ماخذه نفس قوي اريد تروح غصتي
جوري مكانج موهنا جوري.
مديت راسي اباوع شفتهم كلهم يضحكون سويه وعينهم على بطن هاله ذياب مبتسم يحط ايده عليها مقرب راسها بايسه.
جوري هاله احسن مني. كلهم يحبوها ويحترموها بهذا البيت
شربت من المي نازلات دموعي
جوري صح راد يتنازل برتبته علمودي بس مايشوفني اذا صارت كدامه هاله. حقه يمكن لان صارله وياه سنين طويله
خليت ايدي على راسي متوجعه من هل افكار
جوري شنو اسوي ياربي
رفعت عيوني اليفوك راجفه ايدي خليت الكلاص بسرعه على جهه طالعه بره بلحوش لكيت مخلين مرجوحه جديده
جوري هاي للزعاطيط.
كعدت عليها راجعتلي ذكريات ابوي ضليت اباوع ساكته وسؤال اليجيني لو ابوي موجود اني هنا؟
اضل محتاره بعلاقه ماعرف شنو مصيرها
صدك اني اذيه عليهم
لو صدك ذياب جاي يحبني؟
جوري مايحبني هوه، لو يحبني مايصيح عليه كدامهم
غيرت كعدتي مدده رجليه باقيه مرجوحه تهتز على كيفها
جوري ليش ارجف من يصير يمي، لو كلماته عاديه يخليني اسكت.
بنص صفنتي طلع لابس هدومه مال دوام جاي يلبس بسترته جلد سوده وراه هاله دار وجه شاف ماكو احد جر وجها بايسها
درت وجهي بسرعه عاضه باطن شفتي منقهره راح ناحيه الباب يريد يفتحه دنك يعدل حذائه وانتبهلي
ذياب كاعده هين العثره
مجاوبته دايره وجهي مچتفه ايديه تقرب يمي مدنك يباوعلي باوعتله بطرف عيني
جوري شبيك
ذياب شو تزعلين من وحدج؟
جوري منو كال زعلانه.
قرب اصابيعه على حواجبي فاتح العكده منهن انتبهت مرخيه ملامحي معدله حجابي
ذياب هل مره خفر راح تفوتج ايام بلايه
جوري بعد احسن ارتاح شويه مليت منك
ضحك لازم خدودي جاعصهن بيده بايسني
جوري ليش بستني
ذياب لان أنتي مرتي.
ضليت اباوعله مامفتهمه شلون گلبه ينطي يحب اثنين؟ دار ضهره يريد يروح ونطقت
جوري مثل ماگلبك واحد فا راح تحب وحده
وكف مال راسه عاكد حواجبه يباوعلي
جوري مو اثنين ذياب.
طلع باكيت جكاير مخليها بين شفايفه مورثها ماخذ نفس زافره
ذياب الله كريم
جوري شنو الله كريم؟
اندارلي جاي يمي بلعت ريكي كايمه اعدل بكعدتي اباوعله
ذياب اذا مشيت الدوامي هساع تشتاقيلي؟
جوري لا
ذياب عجل احب هاله
رفعت حواجبي باهته ملامحي ضحك ماخذها بشقه عافني وطلع جريت نعال من بلكاع شامرته على الباب طالع صوت
جوري حقيرررر!
بطرف شال عضيته قوي مكوره ايدي ضاغطه قوي
جاه يمه شبيج تعضعضين.
جوري هم ضحك عليه بكلاااامه اني غبييييه
جاه ياهوه فراس؟ موحجيتله يشتريلي والله مايضحك عليه وينه
اندارت وطلع حشام كبل لايف عكاله على راسه شافها ونزل عيونه محمحم
فتح باب وطلع اني ضليت ضايجه حاسه كل بداخلي منهار
جاه هذا كلساع يطلع بوجهي
جوري ديربااالج تحبينه
جاه ايع شني ولج ترا متزوجه شحب منه
جوري خيولي خيولوووون ولد فررررج كلهم حقيرين
كمت فايته جوه طلعت هاله گبالي نزلت عيوني اباوع البطنها
حصه لاتحطين عينج.
جوري شنو؟
حصه صلي على نبي ماصدكنه يصيرلنه هل طفل
ردت احجي رافعه سباباتي وسكتت متنهده عفتهم مجتمعات دموعي صعدت الغرفتي ساده الباب
خليت ايدي على بطني منزله راسي
جوري بس اني هم حامل!
رحت يم المرايه اباوع صوره ابوي معلگتها صغيره
اخذتها فاتحه باب سطح لكيت مسره مخليه اكل للحمامات
كعدت متنهده متچيه على الحايط
جوري بكلشي صار مو الي
مسحت دموعي احاجي صوره.
جوري حماماتي مو إلى زوجي مو إلى حتى الحمل هذا ماحس بي ومجاي استوعبه ماردت حياتي هيج
جوري انسلب مني كلشي من فتت الهاي عائله. تعودت اتددلل والاولى بكلشي بس من متت انتَ صرت بكلشي ثانيه
انفتح الباب لكيت رمله كبالي سدت الباب جايه يمي نزلت راسي امسح بدموعي
رمله شبيج؟
جوري مابيه فلاونزه شوي
رمله سالفه فلاح بطلتها
جوري ليش؟
رمله فرج خلانه بيته مايصير اغدره عيب على مود كم فلس
جوري هاا حلو سالفه صار بيها فرج.
رمله شقصدج ولج؟
جوري ماقصد شي عوفوني بحالي
فزيت على جرتها إلى من ملابسي
رمله موووتحجيين الاحد بسالفه فلاح فاهمه
جوري شبيييييج ليش هيج جريتيني
ضربتني راشدي سكتت اعضعض بشفايفي اريد اهدء
رمله اخر مره ترفعين صوتج زماله
ماحجيت اباوع الحماماتي
رمله طايحه حظ
جوري روحي الفرررج روحيله
رمله ااكليخره ادبسز ادري شنو قصدج بس تنجبين
جوري شنووووو قصدي هاااا ابوي ميييت وكاعدتلي بحضااان اخو.
رفعتني من ملابسي سامعه صوت شك عطت دافعتني على نهايه حدايد مطله على طرمه
درت وجهي خايفه لاتوكعني
رمله اشمرررج هنا واموتج كافي شفت منج غيررر القهر كاعده هنااا حتى مايذلج ويكرعوج زايد انتي وهذااا رجلج بس تصدكين حقه ذياب
رجعت انضاري عليها عيوني حمر من قهر
رمله هاله وين وانتي وين بنيه عاقله وحملت بس انتي شبيدي عليج دومج حضج زفت من جايبه ركه ولاجايبتج.
عافتني نزلت راسي ابجي بهدوء اندارت هيه تمشي وشافت صوره ابوي بلكاع
رمله ابوج الكلساع تتتبجبجيله هوه مارادج نسيتي راد يزوجن قبل لايموووت
جوري لا
رمله شنوو لاا بكيفج حتى هوه مجان طايقجن ولا يريدجن ببنات شنشوف منهن غير الدوخه راس
كعدت بلكاع منزله راسي متذكره راجعلي اول مشهد التقوا بي فرج وخالد صح راد يزوجنه الواحد من زلم العند فرج.
ضليت صافنه شلون مامستوعبه هل شي حتى ابوي؟
رمله لارجلج يريدج ولاابوج مرضتنه وفگرتنه الحد مامات وهسه دور اجه عليه والادبسز تحاجيني هيج لج لوما اني يدوسون عليج دوس نسيتي من تفترين محافضااات لان طردوج واجيتيني تبجين ماماا طررردوني
اباوعلها شلون تعايرني ماحجيت باقي جسمي يرجف قوي مثل سعف والم گلبي كل ماله يزيد
عافتني وراحت طلعت ساده الباب
كمت ماشيه على كيفي باهته ملامحي حاسه گلبي مات مامتحمله اليصيرلي
صعدت على جربايه واكفه متنهده.
جوري امك وحياتها هيج، نوب اجيب جهال واضلمهم وياي
نزلت راسي مخليه ايدي على بطني اخذ نفس قوي حتى يخف الم گلبي بس لا. جاي يزيد الوجع اكثر واكثر
كمزت من جربايه على كاع ضليت اعيد بل حركه حتى انزف ومرةة اكثر من نص ساعه واني على هذا وضعي كلام امي بالي حرف حرف
طحت على بطني غمضت عيوني صايرلي وجع قوي محتل بطني كمت بكوه ارجف راجعه مطيحه نفسي
ضليت بلكاع عركانه رفعت بؤبؤ عيوني على سكف فاتحه حلكي اتنفس بكوه.
جوري ضلم هذا، موذنبي اعيش هيج
نوف
سويت الخضره مخليتها على صفحه ردت اطلع وهوه فات شافني ونزل راسه
ضرغام نونه شلونج
مجاوبته عابره صفح لكيت غدير كاعده هيه وهاله يكصكصن دجاج
هاله دحكتي االزلمه راح من هين هيه طلعت الغرفتها مزرعده
نوف ياهي؟
هاله اكو غيرها المسمومه جوري مادحكتي شلون حاطه عينها على بطني
نوف عيب هل حجي
ساره كافي توكفين صوبها
غدير عوفنها بعدها صغيره
هاله ياصغيره صدك تحجين عمرها 18!
نوف شغل بينه مكفي مانريد جوري وهيه تعبانه
هاله واني الحامل موتعبانه؟
حكيت حاجبي كاعده وياهن
نوف خلص هاله
حصه هاله اكصو للسانج اذا حجيتي على جوري
هاله انتي حجيه هم تلعبين على واحد كبل شوي حجيتي عليها
حصه حفيدتي واحاجيها بمزاجي بس مارضى تحجين عليها ولاينزاح من بالج ننسيت شنو سويتي
باوعت الهاله اصفر وجه سكتت كايمه شوي وغسلت صاعده فوك
هاله احنه موخدامين يمج
جوري انجبي عوفيني بحالي
هاله ليش نايمه هين؟
جوري معليج معلييييييكم شنو سالفتكم
هاله لاتعلين صوتج لج
جوري عفيه صوتي كافي اطلعي بره
نوف بنات شجاجن
هاله تترضيها تعلي صوتها عليه
نوف معليج بيهاا هاله هساع شنو جابج هين
جوري اثنينجن اطلعن بره
هاله دحكتي على بال بيت الخلفوهااا
جوري يابه والامام على واصله الراسي الزمج اكطعج تكطع
هاله اي تردين تموتين طفل بطني يامسمومه
نوف محشوم منجن هل كلام
جوري والله اخلي كلامهااا صدك واكتل زعطوطج كافييييي اطلعواااا.
بسرعه هاله هجمت على جوري جارتها من شعرها
جوري لاااا راسي
نوف عوفيهاااا هاله شبلااااج
هاله والله ماخليهاااا والله
ضليت اريد اوخر بيهن ماكو طلعت اعيط من بدايه درج اريدهم يجون
نوف دحكوااا تعاررركن
حصه هاي ماتوب من سوالفها
حصه ومسره وساره بسرعه صعدن نزلت خايفه ادور على خاله امينه اندك الباب حمام
رمله شكوو ولج؟
نوف هاله وجوري تعارركن
رمله مايطلعن عررركتهن اله بسبحتيي هسه جايتهن اطيح حضهن اثنينهن.
عفتها تحجي راجعه صاعده لكيت حصه تريد توخر هاله من جوري ماكو مچلبه بشعرها قوي رغم شعرها قصير بس لازمته حيل وجوري تعيط تصيح راسي جرح راسي.
حصه عوفيهاااا
ماستمعتلها هاله جرتها بيبي حصه تضرب بيها وتدفع بيها
حصه لج مواحجيلج عوفيها شبلااااج مهبوله
ساره لاااا هاله حامل
حصه عجل طلع سوادينهاا على البت اتكحزن بره
هاله والله اطكج واطكها
نوف ياعزا عود صدك شبلاج؟
جوري والله افجررررركم
حصه ولج اكعديي انتي ثانيه.
شردت جوري دافره باب غرفه ذياب رحنه كلنا وراها خايفين طلعت من جراره مكتبه سلاح رافعته
جوري تراا بغداد كلشي تعلمت والله هسه اموتكم
حصه ولجن گلبي بعد ماكدر شنوهاي مهبولاااااااات
نسوان ذياب مهبولاااات
جوري انتو مخابيل انعل ابوكم لابو خلفكم على هيج عقل جايف عليكم تف عليك واحد واحد
ساره اسسسكتي سزز
وجهت سلاح عليها خازرتها
جوري والله ارميج
ساره جده دحكيلهاا سويلها شي تريد تموتنه.
طلعت تلفوني بسرعه داكه على خالو ذياب شوي وفتح الاتصال بدون ماحجي فتحت الأسبيكر
جوري صافنين بوجهي شكووو ولو يلا
هاله دزتي السلاح واتكلطي والله اربيج
جوري تترره ثلث سنين يم زوجج متربيه المسووودن والله اررميج صدكي اخذت خبالاته
ذياب ااخ يبه سووني مهبول
فزو كلهم على صوته خايفين عبالهم اجه
حصه هاي من وين صوته
ذياب صاير ليش هيج؟
نوف خخالو تعاركن وحده طكت الثانيه
هاله ذياب والله هيه.
ذياب ححرف واحد ماسمع كافي كل وحده الغرفتها تره والله انعل ابو الخفر اجيجن اربيجن اثنينجن
جوري ربي روحك اول
باوعنالها كلن خازرينها سمعنه صوت تنهيدته
ذياب والله وريتي گلبي ابني اصبر اجيك اول يوم وهيج طلعت عضلاتك
جوري ياعضلااات مررررتك كتلتني
ذياب عجل مو حامل
جوري هيه عجل صحيح ياعجل يابت العجل
هاله اسسسسسكتي
حصه هساع شنو عرفتي تحجيلج عجل ماتعرف كلامنه
ذياب وحك السواكم راح ابدل الدرب واجيكم ككافي.
سكتن جوري ذبت سلاح طالعه بره هاله رادت تلزمها وحصه وخرتها خازرتها
حصه ععوفيهااا للبت
هاله خلي يجي ذياب وسهله
جوري مررة ايام وامي كل عاده رزلتني مانزلت ولاعرفت شنو يصير جوه ضليت بغرفتي انتضر ذياب بس ماريده يجي
نمت على بطني ااحرك بشحفوره اصبعي
جوري خلاني بحيره انعديت منه المسربت هسه اريده يجي ومارييد
كمت فاتحه باب سطح صافنه على الحمامات
خليت ايديه على المحجر طايره الحمامه البيضه جايه على چتفي.
جوري ها، شلونج. والله وكت شهور تمر وصار عندي عادي اشوفكم او لا
طلعت نوف تركض بيدها تلفونها فرحانه فتحت الباب وفوت سياره الحكومه مخليها بلحوش
جوري اجه
ردت افوت جوه بس انداريت اباوعله نزل من سياره ضعفان وشعره مخربط وجه اصفر بكوه مبتسم النوف هيه حضنته تحاجي
هوه لاف ايده على چتفها فايت بيها جوه
ضليت كاعده بغرفتي مرة يومين وهوه ماكو الحد مابيوم بليل
مسره وهذا اكل
جوري ججاي اتعبج حيل
مسره لاتحجين هيج اطكج ها.
ابتسمت هيه باستني
جوري مسره
اندارتلي معدله ربطتها
مسره ها عيني
جوري ذياب موجود؟
مسره اي جوه جاي يتعشى هوه وهاله والعائله كريمه
جوري تمام
مسره اكله تردينه؟
جوري لالا ماريد منه شي
هزت راسها رايحه كمت يم صينيه لكيت حاطين كباب
جوري هم لحم شنو سالفه موهيج
عضيت من كباب متنهده اخذت نص شيش مخليه للحمامات
جوري اكلن اليوم اكله دسمه اكلجن مخلص.
فتحت جيس اكلهم لكيت بس جم وحده همات ذبيته يمهن ياكلن كمت راجعه اباوع الروحي بلمرايه
صايرلي هالات وسمنانه
جوري احس خشمي كبران
رحت للكنتور مطلعه دشداشه رصاصيه مخططه بنفسجي دخلت للحمام فاتحه الدوش مديت ايدي لكيت المي حار سبحت وطلعت غارسه ايدي بفروه شعري احركها
شعري طولان شوي صايرتلي كذله طلعت مكص كاصه منه مرجعته قصير ليش سويت هيج ماعرف
اتمددت صافنه احرك برجليه على كيف مرة ساعات وصار الليل والاكثريه نام.
طلعت رايحه الغرفه امي فاتحه الباب لكيتها نايمه وتشوخر جاه حاضنه جميله ونايمات
جوري ابوي مات من وره صوت شخيرج
جريت التلفون من يمها مطلعه رقم فلاح لكيتها مسميته اخو ذياب وابن فرج
جوري بعد اكتبي عشيرته
رجعت الغرفتي متصله على فلاح ماجاوبني تنهدت
ماشيه ناحيه الميز سمعت اليده باب تتحرك بسرعه ضميت تلفون بجراره
انداريت ولكيته هوه فات وسد الباب لابس تيشيرت سمائي وبجامه سوده بارم شواربه رافعهن اليفوك
جوري ذياب؟
جر ايدي دافعني على الحايط
ضليت بمكاني انفاسي مامتوازنه وعيني على مكان جراره ضال بالي لا يدك تلفون هوه ب ابهامه ضل يتلمس طول ايدي مغمض عيونه يشم شعري
ذياب القناص مشتاق الصيدته.
رجفت متكزبر جسمي مامخليه عيوني بعيونه باس خدي قوي مخليني مغمضه لازمه چتفه
ثواني ودخت محتره فز گلبي من سمعت صوت تلفون باوعلي يضحك
ذياب من شغل، هساع شوية واجيج.
هزيت راسي اكثر من مره ب ايدي ترجف مسحت فوك شفتي عافني وطلع ركضت على تلفون مطلعته من جراره وشفت الاتصال الأريده جايني.
فتحت الأتصال مخليته على اذني
جوري فلاح
فلاح جوري هههههه لاحكتي روحج واتصلتي
جوري اريد اشوفك
فلاح بسيطه. امج عافت سالفه؟
جوري اي بس اني اريد هيه كالت سديها
فلاح حاجيها تره فلاح مهبول اذيهاا موحجيتلها ماتنزاح هل سالفه
جوري اول مره منكم تعترفون انتو مخابيل وامي لاتفوتها بلسالفه المهم اني صح؟
فلاح حيل صح بس لاتحجي
جوري هيه وصتني ماحجي
فلاح وين على حجيج اشوفج؟
جوري ماعرف انتَ فكر اني ذياب مايخليني اطلع على اي شي مو بسرعه يرضى
فلاح اعرف بي. نحجي بالاتصال؟
جوري تمام بس موهسه لان راح يجي
فلاح خوش ست جوري
اسمع يمه صوت هوى عالي ويحجي ويجر بلحروف مستمتع لان راضيه بسالفه
فلاح تشهدين ضد ذياب
جوري قابله ب أي شي بس فهمني بعدين وبلكت اطلعلي سالفه حتى اطلع واشوفك
فلاح اجيج اكدر اطفر للشباج.
جوري لاااا ذياب يدخل فجاءه عليه اذا شافك تصيرلي مشكله صدكني بعدين نرتب الوضع على راحتنه
فتحت عيوني على حيلهن سامعه صوت انفاسه طايح تلفون من ايدي انداريت وشفته مكور ايده
خازرني متغيره ملامحه لغضب
همست والحروف بكوه طلعت من حلكي
جوري ذ، ذياب!