رواية عكد الظفيرة للكاتبة زينب جعفر الفصل الثامن والثلاثون
وفزيت على ايد شخص يكعد بيه
باوعت بسرعه مفزوعه وشفتها هيه
جوري شبيج شكو
عسل زعلانه مني
جوري صدك تحجين؟
نزلت راسها بيديها قلم تحك بفروه شعرها
عسل ماعرف بالي يمج
جوري نامي
عسل عندي دراسه
جوري دراسه شنو
رفعتلي اوراق جانت مستنسخه ومكبوسه
عسل هايه
جوري جامعه؟
هزت براسها بمعنى اي درت وجهي مرجعه راسي للمخده
عسل لاتحجين الاحد حبابه
جوري منين تعرفينه؟
عسل من زمان اعرفه
جوري اي وين وشنو ابوج متفق وياه وجابني هنا.
عسل لاوالله اصلا ابوي مايدري ماتباوعين اكلج لاتحجين الاحد
جوري معقوله صدفه؟
عسل لا بس كرم يعرف بابا
جوري اي يعني متفقين
عسل ما ادري والله بس حبابه لاتحجين بشفتي
كمت لازمه راسي مامستوعبه انخدعت حتى منه معقوله كرم اتفق وياه خلا يوكفلي وياخذني البيتهم بس جان درع معصب وهوه عرفه على روحه
جوري ابووج عرف نفسه الكررم شلون تحجيلي هسه يعرفه
عسل اشش صوتج الله يخليج
جوري اصبرري ثانيه شنو تضحكون عليه انتو لو شنو.
عسل والله ماضحك عليج ولاهاي ماعرفج اصلا صدكي وموسى الكاضم
بلعت ريكي متنهده مارايده انقهر رجعت متمدده اتنفس سريع ضايجه
عسل متفقين
جوري شنو البينج وبين درع؟
صار سكوت باوعتلها بطرف عيني شفتها تباوعلي ماتحجي نزلت راسها تحك ب اصبعها
عسل صدك معجبه شوي
جوري تعرفين اسمه درع
عسل اي صاحبه يصيحله هيج.
ضليت اباوعلها عرفته رجعت راسي متغطيه بلبطانيه مارايده اسمع سيرته منقهره لان انضحك عليه مره ثانيه وكل بالي حجي عبود مايعرف كرم
عسل تعرفينه؟
نزلت بطانيه شوي مطلعه عيوني بس
جوري منو
عسل ذياب
ماحجيت هيه مالت راسها رافعه حاجبها
عسل ها؟ انتي حجيتي درع
ضميت عيوني هازه راسي نافيه
جوري لاماعرفه.
عسل هنيالج لو تباوعيله ماشاءالله حلو
ماطلعت راسي من البطانيه ساكته.
عسل شفته كم مره ويه كرم بس مايحبني هههه مادري ليش ومره حجينه سويه موذاك الحجي بس سلمت على وهوه رد السلام بس ماباوع وجان هيج مسوي حواجبه
وخرت البطانيه اباوعلها قلدت ذياب عاكده حواجبها
عسل هيج متفرفح عصبي
جوري انتي تحبينه هوه لو كرم؟
عسل كرم موحب حب
جوري تردين تبوسينه شبيج بنتي؟
عسل اشششش راح يكعدن خواتي
جوري لاعود صدك ملاحضه تسوينه لو لا معقوله ابوج راضي؟
عسل ابوي مايدري
جوري وينطيج گلبج؟
رادت تحجي وسكتت اتنهدت بصوت عالي وكامت شامره اوراقها على جهه متمدده صافنه
جوري عسل انتي بنيه حبابه لاتخربين نفسج بهل سوالف
عسل احس شوي احبه
جوري كرم؟
عسل لاذياب
ضليت اباوعلها الثواني ودرت منطيتها ضهري حاضنه المخده ضليت اهز ب رجلي اكثر من مره ارفعها وانزل القدم افكر
استغفرت بصوت ناصي مغمضه عيوني ماطولت كم دقيقه الا وحسيت بدمعتي على خدي.
ذياب.
فتحت عيوني لكيت جميله كبالي نايمه وحاضنتني ابتسمت تك خد جاعص خدودها بيدي بايسها مغمض عيوني ماخذ نفس قوي ومطول بلبوسه
جميله جاه
باوعتلها اضحك مهتزه اچتافي
ذياب يول يبه هيج شوارب جاه جثيره ها ولچ
رفعت نفسي متنهد لكيت الاضويه مطفيه ومتغطين سادين الباب
فركت عيوني حاط ايدي جوه حنجي صافن
ذياب تاليها احضن زعاطيط ياجوري
كمت منكت بجامتي
ذياب ولو انتي همن زعطوطه، هههههههه.
خليت ايدي بجيوبي خاطف نضره الجميله مكمله نومتها فتحت باب طالع
جميله سيدي
انداريت اباوعلها ذبلانه ملامح وجهي
ذياب روحه بابا
جميله وين رايح
رجعت دخلت للغرفه ساد الباب رحت يمها مدنك كاعد على كب رجليه اباوعلها مبتسم
ذياب ماماشي دحكي هيني صوبج
جميله نام
ذياب تعبان مابيه انام بعد
فتحت عيونها من نعاس ايديها صغار لزمت وجهي
جميله جا التعبان شيسوي غير ينام
ذياب لا يبه
جميله چچا شنو؟
ذياب يدعي حمامته تجي.
جميله ياحمامه؟ عطوه
ذياب هههه تعرفيها عطوه
جميله اي حمامه جوريه اختي
ذياب تحبين جوري؟
جميله اي بس احب جنان اكثر
ذياب ها موخوش حجي
جميله ليش
مديت ايدي وهيه لزمت ب ايدها كامله اصبعي سبابه مبتسمه
ذياب غير تحبين خواتج كلهن
جميله اي احبهن اني بس جنت احب جنان اكثر وحده بيهن لان تهتم بيه
ذياب حجيج مكسر بويه احجي عدل
جميله شبي حجي
ذياب كملي يصكع صكع للميت وحك السواج
مافهمتني فركت عيونها بنعاس.
جميله ههسه ماحب جنان اكثر شي
ذياب عجل؟
جميله شنو
ذياب چچا منو تحبين
جميله ااحبك الك
ذياب هههههه لاهساع خوش حجي
جميله انته احجيلي شنو تحب
ذياب ماعرف
جميله انته هاي مرتك شعرها اصفر
ذياب اصفل هههه اي شعرها اصفل مرتي
جميله وجوريه
ذياب همن مرتي
جميله شدعوه
ذياب حاسدتني عليهن ولج
جميله اهواي
ذياب صدكي ولاوحده فارده مزاجي
جميله ليش شبيها اختي
ذياب واره گلب الحنين
جميله منوه الحنين
ذياب اني يسموني ذيب الحنيه
جميله ها.
ذياب ماعرف بيج تعرفين تحجين
جميله غير كبرت
ذياب والله وزين اخذج الفريس؟
جميله لاماحبه
ذياب اخ ياصويلح ليش ماتحبي
جميله يبوگ حلوياتي
ذياب دحكي صباح افلعلج اذنه
جميله همات ماحبه اذا بطل ياخذ حلوياتي
ذياب عجل شنو يضله سالفه حتى ماتحبي؟
جميله مافهمك
ذياب هيج بعدج زعطوطه
جميله موووزعطووطه
اباوعلها عكدت حواجبها صفنت مبتسم
ذياب عش عكدتي النونه؟
جميله موصغيره اني جبيره كبرت اعرف احجي
ذياب عجل اليفلح بلسانه كبر شانه؟
جميله اي
ضحكت قوي وهيه ضايجه
ذياب كملي نومتج بابا
جميله لا سيدي لا
بهتت ملامحي ذاب نفسه بتعب غطيتها مقرب نفسي بايس شعرها
ذياب نامي، ما تخلينها تزيح من بالي
جميله ياهيه؟
ذياب اختج
جميله جوري
ماحجيت كايم مطلع جكاره مخليها بحلكي مشغل جداحه مورثها
باوعتلها ضامه نفسها بلبطانيه مطلعه شوي عيونها تباوعلي
عفتها طالع بره بلحوش ساد الباب دنيا ضلمه وكلها نايمه صاير هوى عالي مشيت رايحله وره شقه دنكت موخر منه شالها.
اباوع للنسر
ذياب حنيت للحمام؟
اخذت نفس قوي من جكاره داير وجهي ذاب دخان
ذياب گلبي عاشگ راعيتهم.
مسحت على شواربي ماخذ شالهاا مشتمه قوي مغمض عيوني رجعته فوك القفص لافه
مخلي فوكاه وصله ثخينه
كمت مدخل القفص مخلي بلممر وساد الباب كعدت بالاستقبال وحدي طلعت تلفوني داخل للصور اگلب بيهن وادخن
جميله سيدي
رفعت عيوني شايفها واكفه بيديها عبايتي الفروه بكوه شايلتها ونصها بلكاع مسحوله تباوعلي مبتسمه وتلهث تعبانه.
جميله بردان جبتلك هايه
ذياب اوف اوف بنيات
ضحكت بكوه تمشي وتسحل بيها بطرف اصبعي طفيت جكاره مخليها على صفحه ماخذ العبايه منها لافها عليها وشايلها مكعدها بحضني
ذياب مانمتي جوريه؟
حضنتني مخليها راسها على صدري
جميله اني جميله
ذياب هوه جميله
جميله حجيت جوريه عمو
ذياب اي ورد جوري انتي
ابتسمت وعيونها نعسانات مسحت على شعرها ب ايدي
ذياب ماتردين امج؟
حركت راسها بنفي
جميله امي ماتحضني اخاف منها
ذياب عش الخوف؟
جميله تبجي وتضرب هيج قوي هنا
ذياب على وجها
جميله اي اخاف لاتضربني
ذياب ههههه لا يبه موهيج بس هيه تعبانه هل ايام موتخافين منها امج هاي
ماحجت اني دخلت للمحادثه فاتح البصمه
ذياب ااحجي ويه جوريه
جميله هاي جوريه؟
ذياب اي تسمعج
تقربت يم تلفون جارته شوي
جميله جوريي مشتاقتلج اهواي اهواي وبوساتي الج
تقربت مشاورها بصوت ناصي هيه غمضت عيونها ضاحكه على ملمس شواربي
ذياب ااحجيلها تجي هين.
جميله تعاي هنا مشتاقتلج جوجه ااني وسيدي
سديت بصمه بسرعه من كالت سيدي واندزت الكرم
طفيت تلفون عاكد حواجبي
ذياب ليش حجيتي اني مشتاقلها
جميله جا موحجيتلي كليلها ترجع
ذياب اي بس ياهوه حجى اني مشتاقلها
جميله بكيفك كلها لاتجي
ذياب غير تجي الج شنو ماتردين اختج
جميله جاه تكول راحت بالالعاب تتونس صح ضايجه منها لان عافتني بس اريدها تجي وبعدين ازاعلها
ذياب هساع بس خلي تجي
جميله ترضاها تروح وماتاخذني للالعاب.
ذياب لا شلون بس تجي نعض شفايفها
جميله ذكرت
ذياب شنو
جميله فراس باسني هنا
ذياب وين باسج السكط
اشرتلي ناحيه عينها
ذياب ها
جميله شنو ها ماحب احد يبوسني اني اضوج
ذياب خل يطير صباح اخربه خراب الج لايضل بالج
جميله اكتله
ذياب اكضبه واطركع ساعته
عدلت كعدتها اباوع الشعرها كصيبه ناعم ومخربط
ذياب تحبين الكصيبه؟
جميله اي بس ماما مامشطتلي
ذياب اني امشطلج
جميله تعرف عمو.
وخرت الگيتره افتح بشعرها متشابك على كيفي عدلته بيدي افتح تشابك بين خصلاتها
جميله ايي
ذياب اسفين يبه
بست شعرها لافحتني عطر شامبو ابتسمت وبديت اظفر خصلاتها مسويهن عد ظفيرة.
هيه نزلت راسها تحرك برجليها على كيف تلوحهن
جميله شعري طويل
ذياب اي بس مونفس البالي
جميله ياهيه
ماحجيت مخلص عكد كصيبتها خليتها صفح شافتها ابتسمت تمددت ومنومها يمي مغطيها بعبايه الفروه
جميله شسمك الحقيقي
ذياب ذياب شنو ماتدرين
جميله لاتذكرت.
رفعت العبايه مغطي حتى راسها مغمض عيوني حاس الم بگلبي
جميله ليش جفنك هيج يتحرك
باوعتلها متنهد
ذياب تعبان
جميله من شنو عمو
ذياب أخ ياحمامه لاچت گلب قناص
نزلت عيني شفتها تثاوب بيدي غمضت على عيونها ساكت شوي وغفت راخيه ايديها اخذت تلفوني ومغطي بجميله اكثر تدفى
فتحته مطلع صوره الجوري ب ابهامي مشيته على شعرها
ذياب وين مشيتي؟ ماتحنين يبه.
طفيت تلفون شامره على جهه گالب اختها للجه ثانيه مخلي صفحه كصيبتها عليه رفعتها بايسها
ضليت اطبطب على چتفها بهدوء صافن بالي تفكيري بلحمامه البعيده.
بعد مرور ثلث اشهر،
جوري كل هل فتره كرم يجي واني ماقبل اطلعله كل ماحجي عبود يريد يستفسر من سبب اتجاهل لو اعوفه واكوم صار مايسألني بس يريدني اطلعله حتى يحاجيني لو يطمن
وبيوم وكفت كدام المرايه صافنه مايله شفتي
جوري هاي ليش هيجي.
رفعت فانيلتي اكثر اباوع البطني كبرانه وصاير يم صرتي شك خفيف بلون بني
جوري يخوف والله
نزلت فانيله منفسه ضايجه فتحت الباب طالعه لكيتها كبالي
جوري ها شبيج
عسل سنه بلحمام موجنتي ماطولين
جوري خليهاا سكته يمعوووده خليها سكته
بيدها فرجه اسنان صفنت مطلعتها من حلكها
عسل ليش ولج
جوري روحي ما احجي ويه كفار قريش.
مشيت واعرج اكمز منا ومنا مثل بطريق رغم بطني موهلكد جبيره بس سمنانه حيل صايرلي خدود كبار ورديات ومبينه غمازه خفيفه بخدي
عسل هوه اكثرر وحده تحاجيهاا بهل بيت اني وكل ماهاي حجيتي هل كلمه هسه يشكوووووون
بدون ما اندار وذيل حصان مال شعري يتحرك وياي واصل بدايه چتفي غميتها من جوه
عسل ايا سزز
فتحت باب الصاله جاره شال
هيله يمه هلا
جوري راح امووووت
هيله اسم الله بعدوينج ولابيج شكو.
مثلت البجي ذبت سبحتها وبعيونها الخوف
هيله شجاج گلبي روره
جوري بطني تخوف
هيله شو بلا تعاي
سديت الباب قافلته واجيت يمها كاعده بكوه ماخذه نفس قوي
هيله يااا شنو سالفه بعدج بدايه الاشهر منيلج بطن
جوري شنو منيلي خاله جا هاي شنو
هيله بلا رفعي فانيلتج
جوري يمه ليش
هيله موتيني بلبني شنو هوه
سكتت عاكده حواجبي رفعت حواجبي مشوفتها بطني شافتها ابتسمت طبطبت على بطني سديت بسرعه مستحيه
جوري هيه شنيه.
هيله هههههه طبيعي عمري لان ضعيفه انتي وهم كل حامل يصيرلها هيج اخذيها مني اني جايبه خمس بطون
جوري هنه ثلاثه
هيله وصغيرونه شنو ما الها حساب
تذكرتها ضاحكه
جوري وقتي اكثر شي ويه ايناس وشكران وعسل
انساها
كملت حجيها على كيفها وبكسره
هيله اي وحبيبي ابني شهيد
جوري الله يرحمه
ذبت نفسها متچيه على المخده
هيله ياشهر صرتي ثالث
جوري لا اني من اجيت حامل
هيله ها يعني شكد بضبط؟
صفنت شوي وباوعتلها لكيتها منتضره جواب مني رفعت اجتافي بمعنى مادري
هيله لعد شلون
جوري ماعرف احسب
هيله حتى شهر ماتعرفينه؟
جوري دكتوره اخر مره كلتلي بس نسيت
هيله اي اني ماجنت وياكم لو وياكم ماجان نسيت وحسبتلج
جوري اضن بشهر خامس صرت
هيله ياا صلاواات على محمد.
جانوا كلهم فرحانين بيه وضحكه على وجوهم عسل الحد ههسه مناسيه موقفها بس احاول اذكرها دائما حتى تحس هيله من صدك احن عليه من امي، وبكل هل ثلث اشهر ماعرفت اي خبر عن عائله فرج وشنو صار وياهم
رغم كل ليله يلچمني گلبي ما انر
بس راحه!
كمت متذكره امي ساكته افكر بيها سمعت صوتها
هيله جوري بنتي
جوري ها
عدلت شيلتها مبتسمه
هيله اخلي عمج ياخذج للدكتوره يحجزلج قبلها ونشوف شنو بيج ولد بنيه
جوري لامايحتاج.
هيله لاشلون معقوله ماتردين تعرفين ضناج شنو جنس مالته
ماحجيت عفتها فاتحه الباب وهيه همست بصوت ناصي
هيله بلكت ولد ويذكرني بحبيب روحي
طلعت شفت ايناس كبالي بيديها طاسه فواكه
ايناس تعاي اكلي ولج
جوري لا ماريد
ايناس شعجب شنو ماعجبج اخلي بابا يجيبلج التردينه
انتبهت ماسحه على وجهي
جوري لاعمري هسه شوي واكل
ايناس جوريه بيج شي؟
حركت راسي نافيه هيه ابتسمت لازمه خدي
ايناس يلا شوي وتعاي اكلي.
عافتني فايته جوه يم امها مشيت للحوش ساده الباب فاتحه القفص كاعده يمهن اباوعلهن عطيه وعطي بس
جوري انسى هلي وما انساجن.
حسيت صارتلي غصه غمضت عيوني ماخذه نفس قوي اوازن انفاسي باوعتلهن مبتسمه بكسره طلعت ابنهم امسح على ريشاته
جوري ماتوقعت تصير يتيم مثلي. بس اني عكسك يتيمه اب وانت يتيم ام
زفرت نفسي كايمه مغمضه عيوني محركه الحمامه بيدي الاثنين اكثر من مره وطيرتها فاتحه ايديه
كام ينفش بريشاته طاير بسماء.
ابتسمت اباوعله رحت يم القفص مطلعه الحمام الثاني وهمات طيرته ملوحه ب ايدي بمعنى باي
جوري معه سلامه حبيباتي
درت وجهي نازله دموعي مسحتهن فايته جوه طخيت بيها
شكران ليش طيرتيهن؟
جوري احسن
ردت اروح وجرت ايدي
شكران اوكفي صبر موتحبيهن
جوري ماريد شي يذكرني بلماضي
ماحجت عفتها ماشيه ثواني وحجت بصوت عالي
شكران تتوقعين الانسان يكدر يشرد من الماضي؟
انداريتلها مضيكه عيوني هيه باوعتلي رافعه حاجبها مأشرتلي ناحيه الحوش وتمشي جايه ب اتجاهي
مديت راسي اشوف ولكيت الحمامات بلحوش نازلات ويتمشن فايتات للقفص
طبطبت على چتفي
شكران اذا قدرج الماضي ماتكدرين تغيرينه بنتي
مافهمت مقصد كلامها كله عافتني وراحت للغرفه مشيت طالعتلهن كاعده كبالهن وهنه طلعن من القفص طايرات بحضني
جوري ليش رجعتن؟
حضنت عطي ابجي مبرطمه.
جوري جاي تذكروني بعطوه ماريدكم بعد. ولا اريد اتذكر احد حتى ابوي
نزلت ايدي على بطني
جوري كل ذكره تلچم گلبي. ماريد شي يأذي ابني
غمضت عيوني ضايجه لان غصب جاي يجون بالي
جوري انساهم. يجي يوم انساهم مثل مانسوني
جاه
طلعت وصله غاسلتها زين باوعت للنار حمى طفيته مخليته بطاسه على مي بارد شوي مديت اصبعي متلمسته صاير دافي على حراره قليله.
اخذت الوصله وطاسه طالعه من المطبخ رايحه للاستقبال كاعده يمها معدله البطانيه عليها
هزيتها بجتفها على كيف
جاه امي، ماما
فتحت عيونها بهدوء وبتعب تهمس بصوت ناصي وبون
رمله ها. ها ماما ها
ذبيت الوصله بعكس ايدي رفعت راسها شويه
رمله بردانه
جاه ههسه اسويلج كمادات واغطيج بعد
بلعت ريكها اخذت كلاص مشربتها مي سمعت الباب اندك رجعت راسها مخليه وصله بلطاسه
كمت لابسه شالي فاتحه الباب شفتهم.
عمي فرج جاي بعكاله وشماغه ودشداشته البيضه وعبايته الخفيفه فوكاها بيدها سبحته تلمع وبصفه ذياب ملابس دوامه وشعره مخربط بيده سترته وجه ذبلان وعيونه تعبانات حمر
فرج شنو ولج ماتفوتيني
جاه اجيتو سويه؟
باوع الابنه بطرف عينه وذياب تنهد داير وجه حاك حاجبه
فرج لا زيحي هيج بابا زيحي امج كاعده
وخرت وهوه فات
فرج هذا مي فوتي ججوه
باوعت لكيته جايب صندوك مي وعلاليك فواكه ردت اشيلهن وذياب خزرني حجه وصوته مبحوح.
ذياب شنو وين؟
جاه اشيلهن
ذياب فوتي بابا اني اشيلهن
دخلت واني احجي بيني وبين روحي كلها تحجيلي بابا شسالفه وعمي فرج صاير ماينطاق
كعدت بالاستقبال وذياب شوي واجه محمحم جميله شافته ركضت حاضنته قوي رفعها بيد وحده مخلي راسه بشعرها يشتمه ويبوسه
جميله اشتاقيتلك بابا
فرج بابا شنو؟
ماحجى ذياب كعد بلكاع حاطها بحضنه
ذياب شلونج يبه
جميله زينه اليوم المعلمه روضه كالتلي احسنتِ
ذياب على شنو.
جميله حسبتلها من واحد للعشره بالانكليزي
ذياب شو بلا
جميله ههسه نسيت بس اراجع واحجيلك
رادت تكوم وهوه ضحك جراها مكعدها مره ثانيه شابگها قوي على صدره
ذياب اصدك ب لعثره اني
فرج رمله ماصرتي زينه
جاه ماتكعد بس تهمس قليل وترجع تفقد
باوعلي وتنهد شاف كلاص المي اندارلي خازرني
فرج موحجيتلج شربيها من كاسات الاجيبهن ليش هذا هين
جاه لكيته يمي وشربتها
فرج غلط بابا غلط مايصيرر شنو عرفني مريضه بشنو اانتي يكثر عليها هذا.
جاه شنو سالفه عمو
طلع وصله من مي حار لافها مخليها على كصتها يباوعلها
فرج احل طلايب سوادين وبالي يمج رمله
اخذ ب ايدها يمسح عليها على كيف مغطي على ايدهم بعبايته حتى مانشوف بس شفته غلست ودرت وجهي مو اول مره يسويها
باوعت الذياب يحاجي بجميله ليش ماجابلها هديه
جاه جميله عيب
ذياب لا جاه شبلاج
جاه كنتورها انترس هدايه
ذياب يندارلهن فدوه بس والله تعبان وراح من بالي.
نزلت راسها زعلانه هوه ابتسم ضاهره غمازاته طلع من جيبه علاكه صغيره باوعتله مبتسمه
جميله مانسيت موو
ذياب شلون انسى يبه شو ابوسن
انطته خدها وباسها حكت خدها مدغدغه من شواربه بالاخص هل اخر ايام صايرات ثخان حيل مايزينهن بس لحيته وهم ومرات يخليها تصير خفيفه يلا
اخذته منه فتحتها وشافتها
جميله شنوهاي
طلعها الها سلسله صفره مكتوب عليها جوجه
ذياب ذهب هاي ها
جميله مكتوب جوجه
ذياب اي مو اسمج جميله.
باوعتله ساكته شوي زعلانه واجتمعن دموعها
ذياب بيج شي؟ شنو
جميله جوجه جوري مو اني
جاه جمييييله
باوعتلي وكامت تبجي اشرتلها تكوم
ذياب اربزي يبه تره انتي اسمج جميله ودلعج جوجه
جميله لاا مو اني ذيج جوري انت تحبها اكثر مني.
راد يحاجيها كامت طالعه الغرفتها وتبجي وتشهك غيرانه من جوري وصح ملاحضته دائما يحاول يذكر جوري بجميله مرات يبوسها ويهمس جوري وهيه تزعل ويرجع يراضيها وماينتبه الروحه جانت تكلي اكول غلطانه لحد ماصار هل شي كدامي وصح يكول ماحجيت جوري
بس هوه حجاه.
ابو يباوع الامي متنهد حاط ايده جوه حنجه رجعت انضاري الذياب رافع وحده من رجليه لازم شعره وصافن وجه ضعفان حيل مومثل قبل.
نزلت راسي ساكته وفرج مايحجي ويه ذياب لان مايدور على جوري وياهم ويكله امي تمرضت بسببه
انفتح الباب غرفه مطلعه راسها
جميله زعلانه اني
باوعلها بس ابتسم كام دايخ بكوه مسيطر على طوله يمسح على عيونه ماخذ بيده سلسله شامر العلبه وصل كدامها ودنك كاعد على كب رجله
ذياب ماراح تسامحين الحنين؟
چتفت ايديها بزعل مايله راسها عنه ضحكت عليهم
ذياب ها يبه منا منا ماكو ماراضاه
جميله احلف بعد ماتكول اسمها.
بهتت ملامحه متغيره ملامح وجه كام حاط سلسله على صفحه
جميله وييييييين
ذياب تعبان وانتي تتنعوصين
فرج اششش صوت اشششششش
باوعله ذياب عاض شفته عاكد حواجبه يهدي بروحه دار وجه ماخذ سترته ورايح يلبس بحذائه مدنك هيه ركضت وراه لازمه وجه تراضي بي
جاه تعاي جميله
جميله ليش زعلت والله ما اقصد عادي ادري دلعي جوجه
گلب عيونه بتعب جر راسها بايسهها بكصتها
ذياب بعدين اجي
جميله لا ليش والله ما اقصد.
عافها منطيها ضهرهه بجت شابگه ايديها سويه حجت بتوسل بنص دموعها
جميله سيدي
وكف مايل وجه عاكد حواجبه ما اتحرك ماسح على وجه يستغفر ضرب الباب بلحظه سريعه اندار شايلها رغم مبين معصب ما خافت سكتت رافعه ايدها تمسح بدموعها
ذياب بابا لاتصيرين هيج
جميله شبيه عمو
مد راسه مأشرلي بيده مفاتيح
ذياب جاه خويه راح اخذها
جميله اي عادي
باوعلها خازرها
ذياب اش انتي
سكتت تحرك برجليها اني هزيت راسي هوه طلعها ساد الباب.
فرج مايصير تخلين جميله جثير ويه ذياب
جاه ليش عمي
فرج تعرفين زين ذياب ليش يحب جميله
جاه اي
فرج وجميله تتعلك بي بعد صغيره شنو عرفها
جاه عمي انته حجيت صغيره بعدها شتشوف تريده نفسه وهاي فطره طفل مو غيره من جوري
فرج حتى لو احجيلها سالفه منا منا تفهم غلط تحط عينها على اختها
هزيت راسي كايمه وضايجه من كلامه عباله رحت رفع ايد امي بايسها
فرج شراره
هزت راسها تتلوى على كيفها
رمله ها.
فرج ماتفردين گلبي وتحجيلي اني ياهوه يلا احجي عرفتيني
اخر فتره امي تعبت حيل وتمرضت مالها خلك احد الدرجه اني بنتها اكلها تعرفين ياهوه يوكلج يشربج مي يهتم بيج مرات تحجيلي جنان مرات تغمض عيونها ماتجاوب وحرارتها دائما صاعده وترجف برد
فرج ها رمله شنو بويه
باوعتله عيونها مافاتحتهن كلهن بلعت ريكها مغيره جهه نومه راسها
رمله انته
قرب اذنه يم وجها
فرج اي؟ شنو اسمي
رمله خالد.
سمع اسم ابويه وراحت ملامحه وخر صافن مامسوي شي
جاه بس لاعود ضاج تره ابوي شبي هذا
مومثل ماتوقعت ماسوه شي بس رجع حاضن ايدها بنص ايديه اثنينهن منزل راسه بايس اصابيعها
فرج كومي ودحكي ياهوه يخليج هين بعد
ضيكت عيوني مامفتهمه كلامه حط ايده على عكاله جاي يم اذنها هامس كلمه وحده
وكام بسرعه محمحم فاتح الباب وطالع.
جاه والله غريبين شبيهم ذول
سديت الباب وراه لكيت علبه بلكاع مشموره اخذتها گالبه شفايفي جوه.
جاه والله حلوه العلبه مال اخلي محابسي. بس يكفي؟
تمددت صافنه
جاه والله ملل هسه طلعنه بيت وحدنه وشنو بس اني افتر قبل نوف ومسره احجي وياهن اتعارك ويه هاله مسويتلي جو الصفيره
هزيت ايدي ضاحكه
جاه بس يللا همزين رجعوا البيتهم يرتاحون
سمعت صوت اشعار باوعت جايه عيني على جهاز موبايل اخذته فاتحته لكيت خلفيه حمامه بحلكها كصيبه طويله بلون بني ويمها نسر بحلكه رتبه
جاه والله عنده سوالف منين جاب هل صوره.
ردت افتحه بس مخليله رمز صفنت جايني فضول اجرب على مواليد اختي بس ماكملت شمرت تلفون
جاه عيب من يجي انطي اله
رحت كاعده يم امي رفعت حاجبي شامه عطرها عباره صار عن عطر عمي فرج
جاه هل رجال جاي يراهق بهل عمر لو شنو
باوعت الامي بايسه خدها موخره الكماده من كصتها
جاه يمه بعدج تحجين جنان؟ اني جاه
ماحجت كمت جايبه بطانيه لخ مغطيتها خليت راسي يم راسها على المخده مغمضه عيوني نايمه.
اول مابديت اغفى اندك الباب فزيت وكمت فاتحته لكيته هوه شايل بيده جميله نزلها مفوتها جوه بيديها جبسين وعصير
جاه ذياب
باوعلي بدون مايحجي
جاه تلفونك نسيته جوه
ذياب ناوشيلياه
رحت ردت اجيبه ودك احد عليه باوعت شفت مكتوب حشام اخويه
انطته اله هوه نصاه ضامه بجيبه وصعد بسياره رايح
سديت الباب اباوعلها تاكل بجبس
جاه انطيني واحد
جميله ما
جريت منها واحد خازرتها
جاه لاتصيرين هيج بخيله
جميله مالتي ليش شبيج.
عفتها فايته جوه اكل منه هيه وراي اجت
جميله اني بردانه
جاه امج باگت بطانياتنه كلهن
جميله جا شلون
باوعتلها ضاحكه رجعتلها جبسها جبت بطانيتها ورحنه يم امي بس على جهه راسها تمددنه حضنت جميله مغطيتها مطبطبه عليها
جاه مرات افكر لو ذاك اليوم مارحت ويه امي جان كدروا وحدهم؟
جميله اي
هزيت ايدي اضحك غطيت راسها مخليتها تنام واني صافنه افكر بيها
جاه وين صرتي جوري. هيج ماحنيتي عليه اني اقلها.
تنهدت حاسه مكسوره كمت مطفيه الاضويه ورجعت نايمه
نوف بربج راضينه بوضعنه هساع
مسره ااندري حبابه لا اريد تلفوني
نوف مايرضى والله شبلاج
حصه شنو بيها الوجج متمرد ترعد
مسره نريد تلفواتنه والله موحاله هاي كم شهر هساع صارلنه
حصه اوووها ام مسرات شنو حبيبتي طالعلج السان ام ربطه اسكتي
نوف عجل صدك اريد تلفوني اني تعبت ملل وين اولي
حصه دحكي زين للباب صوبج يوسع صخول
هاله يوسعج
حصه شنوو ولللج.
عافتنه كايمه اني دفعت برجليه ضايجه
حصه شنو حجت منهوله
مسره منهوله شنو
حصه باوعتلي خازرتني ضاربتني
نوف اخخخ شنووه هيه
حصه جدامج نعمه كلبه لاتسوين هيج
مسره تلفونات شعليها بربج حاجي شيخ فرج
حصه ههي طاكه عنده محسب الف حساب الهاي رميله
نوف احبها خاله رمله اني بس تلفوناتنه شعليها بجوري
حصه اندري من يجي حاجي كليله مو ماتحاجي ابنك ذياب لان مايدحك جوري بيا ديره احنه شنو علينه بهل سالفه
مسره حاجيته
حصه اي انطاج سبب.
مسره يكلي من تصير رمله زينه اردها الكم
وخاله رمله ماتصير زينه الا بنتها
نوف يعني صدك جوري الحد هساع ماكو اكيد صارلها شي ليش ماتحجون للشرطه ولو ماضن يرضون جايين وره ثلث اشهر مادري شكثر
حصه تدرين ب فرج مايرضى كل سالفه تطلع يكول هذن اسرار بيوت محشوم تصير سالفتنه على السان الوادم
مسره والله ويجي احد يزت هل اسرار كلها
حصه اسم الله محشوم محشوم
نوف ياهوه؟
مسره مادري بس يكولون اليحتفظ بشي جثير بلايه سالفه صعبه تنزت بعدين مزرعده صوب الكل
نوف ماكو هيج حجي
حصه يلا اكول الابراهيم ياخذكم يونسكم دحك وين
نوف يا ابراهيم
حصه صاحب كرم، درع صاحب ذياب شبلاكم
نوف منج من شيطان تخلينه نطلع ويه صاحب ذياب غير درع
حصه هوه انتو دحكوله وتعرفون ليش رضيت بس ها تره يدري بسالفه تلفونات
مسره شنو عرفه
حصه فرج هوه حجاله ياخذكم بس محاجي اذا دحكت الجهاز حاجيني
مسره صدك؟ ماتا اصدك.
نوف جده هوه عمي فرج درع عشره سنين ومايرضى
حصه اي
شربت شوي من جاي مدده رجليها باوعتلها ردت احجي وسمعت صوت هورن عالي متكرر اهواي
ابراهيم يلااااااااا بيت انتاااا سوي طلووووع طلوووع البدررر علينااا من ثانييي وداااااع
رجع يدك اقوى
ابراهيم يلااااا سوي طلوع سوي سوي
حصه ها اها اجه
مسره لاواضح شنو
حصه يلا كومن كومن لايفوتلنه بسيارته هين
كمنه بسرعه لابسات ملابسنه ونقاب مسره طلعت تلفون امها ضامته
نوف ها ضميتي.
مسره اي بس ليش تردين تحاجينه
نوف معليج امشي
مسره لاتصيرلي سالفه ويه امي
نوف ولج امشي اذا صارت سالفه ولاكونه زتيها بوججي
مسره اي فدوه راح يتعلكون بيج ويعوفوني غير ننطك اثنينه
ابراهيم لك سوي طلووع سريع
نوف دحكي تمجدنه بلديره
حصه نوف اطلعي زرعدي كعدي ذياب
نوف وهذا صوته شكثرهه
حصه هساع اطلعله ماعليج.
ذبت استكانها وكامت طالعه مسره تعدل بمكان تلفون واني صعدت فاتحه باب غرفته لكيته ماكو وهاله مفتوح باب غرفتها كاعده صافنه بيدها ورقه تقره بيها
رحت الغرفه جوري فاتحه الباب على كيف وشفته نايم على بطنه ضام وجه بلمخده متغطي لحد ضهره وبيده تلفونه مطفي الاضويه
رحت يمه ردت اكعده وسمعت طكطكه خفت راجعه اليوره بسرعه اباوع وگلبي منهبط اانعادت صوت الحركه مره ثانيه باوعت ناحيه السطح لكيت صوت هناك.
اتقربت فاتحه البرده الخفيفه على الباب ماده راسي شفت حمامات جاي ياكلن ومنهن بيضه تفتر تنفش بريشها
ذياب شنو تردين؟
باوعتله بسرعه بالعه ريكي
نوف جده تكول كعدي
ذياب ااحجيلها تعبان يريد ينام
نوف بس هي حجت...
قاطعني عاكد حواجبه
ذياب شنو حجيت؟
هزيت راسي طالعه انداريت اسد الباب واجت عيني بلحايط الكدامي يم كنتور ملزوكه صور حانن بعيده بكوه انتبهت مركزه همست
جاه هاي جوري.
بس عرفت وحده من صور صغار گالبه شعرها مقدمه شفتها بزعل وماخذه صوره وحده منههن ذياب حاط راسه بشعرها وهيه تضحك
بلكاع شامر اوراق شغله ولابتوبه ساده عليهن باكيت جكاير وحده من الاوراق راسم عليها الحمامه
ذياب ماطلعين؟
فزيت على صوته بسرعه سديت الباب نازله اهرول بدرج لاكتني مسره
مسره ها ها ها
نوف يلا امشينه
طلعنه لكيته واكف لابس قميص برتقالي شعره مخربط وملزك
نوف هذا عالك شعره بتفله شنو
ابراهيم انتا بيسوي تاخير تف.
مسره ياعزاا
ابراهيم سوي صعود يلا اش
صعدنه اليوره وههو فتح باب اليكدام مطلع خاولي اصفر
ابراهيم خاولي جد انا ابيض نضيف نضيف
نوف ههههه
ابراهيم اشش انتا ليش بيسوي ضحك واجد
نوف موعليك
نزل راسه مرجع عيونه للخاولي يفرفر بحواجبه
ابراهيم ححلو حلو اسوي ضم عشرين سنه
صعد مخلي خاولي بلكرسي اليمه مكعده وشغل سياره
ابراهيم اانتا بتعرف كلام
نوف شمالنه مانعرف كلام مو تا احجي
ابراهيم اثول واجد هل بني كلاااام مو كلام كلااام.
مافهمته هوه مشى اني ضليت اباوع المسره ودك تلفون
ابراهيم صوت تلفون
مسره لا الله يخليك
نوف ارببزي وانت ياهوه يمك صدك تحجي دكمل دربك كمله ومعليك
ابراهيم جيب تلفون
نوف جديده هاي شنو
ابراهيم اشششششش جيب تلللفون لايسوي حادث موت ويه شطب
نوف شنو شطب
ابراهيم موشطب السان كتير صلع جد انا شطب شجر ماتشوف انتا اعمى اعمى
نوف اني بنيه شبلاك
ابراهيم حتى لو لاتسوي عمي وجيب تلفون
ماقبلت هوه فتح تلفونه يريد يتصل على عمي.
ابراهيم سهل
مسره غمه
ابراهيم اانتا انجب خايس مثل ام انتا واخيس
نوف يااا يحجي على امج
مسره والله اكول الشيخ فررررج تحجي على امي
باوع التلفونه مضيك عيونه
ابراهيم اثول ثاني مايفتح، اندارلنه خازرنه. انجب خره على انتا وانتا لابو انتا يلا اش مابيسوي حن فقر
رفعت راسي ضاربته على راسي بجنطتي
نوف سززز ابوي مييييت
ابراهيم وانت
مسره ماكو ابوي.
ابراهيم والله بيسوي حق على ابو صخام انتا وانتا تف على وجه جربوعيه وعلى شطب ذاك ماكو كلاص ماكو اب يتحمل انتا وانتا وهوه
نوف تا تتزت حجي؟
ابراهيم اسكت امشي ارجع البيت انتاا لابيسوي فر ولابيسوي مشكل
نوف لاا الله يخليك اغنيلك
ابراهيم لايسوي صوت خايس
مسره انتا الخايس
نوف ححباب لاترجعنه ولاتحجي العمي فرج
ابراهيم اشششش مايسوي طلوع انتا بعد اسكت
عطنه على سياره انطبكت على سياره ثانيه باوعلنه رجال
هاااااا يووووول.
ابراهيم غلس باقي مكمل سياقه
نوف الرجال طكيت سيارته
ابراهيم اس ماكو حادث موت
فات سياره رجال منزل جامته يسب بينه وطلع عابرنه
مسره دحك رجال والسانه
ابراهيم ممو على احنا
نوف هوه شنو موعلينه ماكو غيرنه وغير طكينه سيارته
ابراهيم صوت خايس مال انتااا مايسمع يريد عقل باطن انا كلاااااااص مافي مشكل ماافي
فتح تلفونه يدك ضربت على فخذي خايفه ماحسينه الا هورن قوي ردنه ندعم سياره لخ
نوف دحكك ياررررربي.
ابراهيم اشششششش بيسوي زرب انتا
مسره فوك سكط حجيك تزرب علينه
ابراهيم مو ازر، انفتح الاتصال سامعه صوته
درع ها خالي وغالي
ابراهيم كلام
درع ها سياره ولك بس لاصابها شي ترا مال صاحبي يمرغلك
ابراهيم لامافي مشكل سليم بس هذول صوت خايس وره
نوف انجب
سمع صوتنه شوي وحجى بوهم
درع نوف صوتها خايس ولك
درت وجهي مسره تباوعلي
مسره موتردين تحاجينه هساع حاجي
نوف ردت اسأله على جوري موهنا
مسره ليش هيج متعلكه بي صدك مايدري بيها يم.
قاطعتها قبل لاتكمل كلامها
نوف ادري جاه حجتلي ذياب يحاجي على جوري
مسره صدك!
باوعت الابراهيم يشكيله علينه وهوه ساكت بلحظه سريعه سحبت تلفون من ايده
ابراهيم جيببب انعللل ابو انتاااا جيببب
درع عوفهاا
ابراهيم تلفون مال انا
درع شوي وترجعه
طفيت الاسبيكر مخليه جهازه على اذني حاجيه بصوت ناصي
نوف درع
ماجاوبني بسرعه شوي وتنهد
كرم حياج
نوف حباب احجيلي على جوري
كرم كافي
نوف ححباب بس كلي هيه زينه لو لاا.
كرم ما ادري مو كل مره تخابرين واحجيلج ماعرف اثر منها
نوف لاتخليني اسويها واجيك
كرم وين تجين بويه وين
نوف احجيلي بس إلى ماكول الاحد
كرم زيحيها من بالج
نوف يعني تعرف مكانها
ماحجى صارت طكطكه يمه عرفته دا يورث جكاره
نوف عوف دخان وحاجيني
كرم ماعوفه واحاجيج
نوف حباب يلا. نصيت صوتي هامسه بتوسل. ياعيني
كرم تردين اخوج يطكني من جديد؟
نوف لاحباب يلا احجيلي حتى بعد اعوفك وما اخابر واور گلبك
كرم اخخ انتي تورين الگلب.
نوف اي يلا احجيلي
كرم يول كوه كاضب روحي منج اجني
نوف شنو؟
حمحم مبعد تلفون
كرم ضلي هيج مو الى تعرفين جوري وين
نوف بس كلي تعرف وين كاعده
كرم لاتصيرين اغمه لو ماعرف كاعدين اني وذياب هيج
نوف يعني تعرف؟
كرم لا اله الا الله
نوف اريد اجيك
كرم ولج يامصگوعه وين تجيني تردين تسويلج سالفه
نوف عجل احجيلي
كرم تا اخليج تستوعبين بس شنو اسوي ثوله ماشاءالله
ابراهيم انتا خلص رصيد انا
فزيت على صوته يصيح ماد راسه
كرم طلع السكط.
ابراهيم جيب. كرم انتا مايدري بذول واحد اثنين ثلاثه جاب تلفونات
مسره ييمه ياهوه ثالثنه؟
رفعت اجتافاتي بمعنى مادري
ابراهيم اليوم يسوي شحم وتكه هههههه
درع انجب لك لاتحجي الاحد ترا افلع اذانك
سداه بوجه كرم يباوعلنه معصب
ابراهيم جربوع صيح على انا بسبب انتا والخايس يمك
وكفنه لكينه شرطه نزلت راسي
ليش صندوك سيارتك هيج؟
ابراهيم شنو بي سيد انتا
ششو بلا انزل نشوف
ابراهيم اني وكت مافي خلي افوت.
شرطي اندار رافع حاجبه للصندوك ضليت اباوع المسره خايفه ابراهيم طلع راسه من جام يباوع فاتح حلكه وساد وحده من عيونه يباوعلهم
مسره د دحكي الجدامج راح يمجدنه والله
نوف هوه مو بس سالفه يسوي سوالف
فتحوا الصندوك وطلع منه كامز عطت خايفه شرطه وخروا على جهه مصدومين
ابراهيم لك ابن الكواد انتا ليش حاط روحك كلب ابن الكلب
حسن ابوي بيسوي ونس وياك
مسره ياهوووه هذا
ابراهيم اشش هذا ابن مال انا مايسوي شغل
جوري.
مره كم يوم ورحت للعياده اني وحجي عبود ضليت كاعده منتضره وكل وكت صافنه اتذكر كلشي احس گلبي يتفطر مجاي انساهم رغم كارهتهم بس مادري ليش دومهم بالي.
فزيت على صوته
عبود يلا بنتي
جوري شنو
عبود وصل سرانه يلاا
فتت لكيت دكتوره تحجي ويه وحده حجتلي شنو اريد ضليت ماعرف احجي
ها مماما شنو بيج؟
جوري بس اريد اعرف الجنس بيبي واحواله
المريضه ابتسمت كارصه خدي
فدوه الحلكج تحجين بلبيبي.
دكتوره هنه جيل الالفينات ناعمات وحجيهن حلو
ضليت متصنمه خايفه وحدي اشرتلي اتمدد رحت وتمددت وگلبي يدك سريع حاسه بشعور غريب بين الخوف والفرحه والوحشه.
سمعت دكتوره خلصت كلامها واجت منزله كمامتها مبتسمه
دكتوره شنو تتوقعين ياحلوه
ماحجيت بس انفاسي ماتوازنت رفعت ملابسي مخليه ماده على جهاز وبدت تفحصني غمضت عيوني بالعه ريكي حسيت برجفه گلبي من همست
بنوع الجنين
دكتوره مبروك ياصغيرونه راح يجيج فصعون يشبه ابو.
جوري ولد؟
دكتوره ههههه اي عمري بس ماشاءالله صحته تخبل طالعلي بوضوح
جوري شلون اعرف اني بيا شهر
انطتني كلينس امسح الماده وكمت انزل بملابسي
دكتوره اتذكرتج انتي جوري عبود
جوري لا جوري خالد
رفعت حاجبها مستغربه انتبهت ضاحكه ب تصنع
جوري اشاقه
ابتسمت
دكتوره ماما انتي بعدلج اسبوع ضبط وتفوتين بشهر الخامس
جوري وشوكت اجيب
دكتوره الله كريم بعدين نحدد
هزيت راسي ردت اروح وحجت
دكتوره احجي الابو يلحك على يلحك لايزرعد بنصيبه.
ماحجيت ولا انداريت بقيت ساكته وطلعت شافني حجي عبود مبتسم
عبود ها شلونه طفل
جوري تعرف احواله لو جنسه
عبود ااحواله اهم
جوري الحمدلله تكول شفته بوضوح اضن سمين ماعرف شنو
ضحك رايح الخوف من عيونه
عبود الحمدلله يارب وبطنج شنو ولد بنيه
جوري راح اكلك بس موتحجيلهم گبل هناك
عبود اي يلا
همست بصوت ناصي
جوري ولد
زادت ابتسامته لازم راسه
عبود اروحله فدوه وره فدوه ياروحي يمه يجي ولد يايابه يابويه.
فرحت الفرحته طلعنه اجو مجموعه ولد هوه لزم ايدي مخليني على جه ثانيه بهتت ملامحي متذكره ابوي
ذبيت نفسي وهوه وكف كدام محل ملابس
عبود تشترين شي للجاهل
جوري لااا طبعا لا موهسه
عبود ليش تجهيز
جوري لاعمو
عبود اشتريلج شي اخذي هاي دشداشه حلوه
جوري ماريد والله عندي
عبود ككافي اخذيها
جوري والله ماريد
عبود ماعجبتج شوفيلج وحده ثانيه ياهيه تعجبج اخذيها
جوري والله لاا.
ماستمعلي ماخذ ثوب بني مشجر على خطوط وكصته مالته مدرجه دلعتها مثلثه
عبود بيش هاي خويه
باوعله رجال مأشرله بيده عشره
جوري ماريد
عبود ياهيه تردينها الرصاصيه ذيج؟
جوري عمو حباب لا
عبود اختاري بنتي اختاري
جوري يلا هايه
اخذها إلى ححاطينها بعلاكه مشينه ولزم ايدي معبرني شارع سيارات رحنه للرصيف موكف سياره على جهه فتحها وصعدت اليوره هوه ساق راجعين للبيت.
كل طريق اباوع للسماء على طيور والحمامات فتنه للفرع نازليين وشفته موكف سياره لابس مناضره ومتچي على سيارته
جوري شجابه هذا
عبود حاجي بنتي مايصير هيج همن يطمن
مجاوبته حجي عبود طفى سياره نازل اني بقيت بسياره مانازله اجه داك على جام مكور ايده
ماباوعت دايره وجهي للجهه ثانيه مچتفه ايديه وعاكده حواجبي ضايجه منه
كرم ام كصايب
مارديت علي
كرم كضيتج لج ثلث اشهر مرغلتني هين بالي يمج صدكي
دك على جام اقوى
كرم جوري.
تنهد فاتح باب اليكدام مدد راسه خزرته
جوري شبييك
كرم ععش ماتحاجيني؟
جوري معناها ماريد يلا روح
كرم افاا راح من بالج العشرره بينه
جوري مماكو عشره روح
كرم وبيت المرجوحه على حجيج
تذكرت متبرده ملامحي
كرم يلا انزلي عندي حجايتين وياج
جوري شنو هنه
كرم بعدج ماخذه نضره موخوش على سالفه غاد
جوري ياهيه منهن؟
كرم اني وعسل
جوري طز بيكم شعليه ولو عيب كاعد بيت رجال وتسوي هل افعال المحرمه بس موعليها
كرم عجل شنو؟
جوري ضحكت عليه وطلعت تعرف حجي عبود
سكت يمسح بشواربه
كرم دنزلي شو
جوري مارييييييد لاتلح
كرم عجل ماطركعتي على حجي عبود شو بس عليه
جوري لان هاي سوالفك اصلا مادري شوكت اتفقت ويااه واني الغبيه مافكرت شلون احد ياخذني بلاش وكل عقلي مصدكه تمثيليه صارت كبالي هوه يعرف على روحه وانته مسوي نفسك عصبي طلعتوااا مو بس صاحبك جذاب وانت ممثل لا حتى اليعرفونكم ويعودولكم
كرم هساع انزلي احجيلي
جوري شتريد احجي؟
كرم زعطوط ذياب ولد لو بنيه؟
جوري جاي كل هل طريق حتى تعرف ولد لو بنيه البطني
كرم اي؟
جوري مماكووو وذا اعرف حاجي حجايه الذياب والله العظيم...
قاطعني رافع مقدمه حواجبه
كرم اششش حجيتلج ماحاجي الاحد ولا احجي
جوري اي وخر يلا اريد انزل
كرم ولد لو بنيه؟
باوعتله حاده عيوني بعصبيه فتحت الباب نازله
كرم ااااحجيي
بلعت ريكي واكفه انداريتله
جوري عوفوني بحالي والبطني مو ابن ذياب ابني الي!
مشيت اريد اافتح باب البيت وسمعته حجه
كرم يعني سليمان.
نزلت راسي متوتره شلون مانتبهت مره لخ مانداريت ولاسويت شي فاتحه الباب داخله هوه يصفك فرحاان
كرم الله يااااربيي سليمااان ابن ذيبوو والله فايته هل خبرررر والله
سديت الباب بوجه ضايجه رحت كعدت يم القفص فاتحته وطلعن الحمامات
جوري شفتي؟ ليش هيج مانتبه الكلامي معقوله اني غبيه لو همه اذكياء زايد
هزيت ايدي.
جوري يا اذكياء مهبولين، انتبهت معدله حجي، مخابيلل شنو مهبولين من شوكت احجي بلهجتهم
كمت لازمه راسي حسيته كام يوجعني فتت ولكيت هيله كبالي
هيله ها حبيبتي؟
جوري ولد
ضحكت وايناس هلهلت جرتني حاضنتني قوي
وفعلا مرةة الايام وذياب واهلي مايدرون ب خبر إلى ولايدرون ب الحمل مالتي ولا اعرف اخبارهم.
صرت اتعود على هيله ومرات اتوجع من بطني انام يمها تقره عليه ايات قرأنيه وسور لو داعيه وحجي عبود صدك رجال حنون يحب بناته رغم ضجت منه من حركته وجذبته بس ضل مايدخل بيه ومخليني براحتي شوكت ماشوف درع
درع من شافني ماريده يجي صار بس يدز فلوس وانجبر اخذهن لان استحي منهم يصرفون اهواي عليه و ياخذ اخباري من حجي عبود وبمره اندك الباب
جنت لابسه شالي وثوب ابيض من ناحيه ردان بي فتحات بطول وجنت بشهري التاسع.
مسحت على ريشات عطي وكمت بكوه مستنده بلحايط
جوري منوو
ما اجاني رد فتحت الباب وشفت السياره مالته شخطت طالعه برا الفرع باوعت جايه شمس على عيوني خليت ايدي على كصتي
جوري شبي هذا
دورت بلمكان ماحاط شي نزلت راسي ولكيت علاكه مشدوده بنفسجيه لزمت الحدايد مدنكه بكوه جارتها
رفعت نفسي متنفسه بكوه فايته وساده الباب مشيت داخله جان دنيا ضهر وكلهم نايمين.
كعدت على جربايه صافنه قربت العلاكه مغمضه عيوني شامه عطرها گبل عرفته
جوري عطره.
بللت شفتي بتوتر متكزبر جسمي فتحت العلاكه لكيتها فروته العبايه اتلمستها مامستوعب
جوري ليش جايبيها مافهمت
دفعتها بعيد عني متمدده ساكته وعقلي يحوم رجعت باوعت للعبايه مالته جريتها استنشق بعطره حيل شبگتها على صدري حيل
جوري ليش هيج يسوي ويذكرني بي.
باوعت بلعلاكه لكيت محطوط صوره طلعتها جان بيها هوه وكرم ذياب شعره نازل على كصته ومبين على ملامحه تعب بيده سلاح ولابس ملابس دوامه
وكرم لابس قمصلته وبوت وحاط راسه على چتف ذياب
استوعبت وردت اشكها ماتنشك جعصتها شامرتها على جه
جوري اي يعني شسويله شكو دازهن هذا
باوعت بلعلاكه ماكو شي ردت اشمرها. انتبهت ورقه صغيره ملزوكه بلعلاكه بتيب درتها اشوف مكتوب بخط عريض ومجرجر بلحروف
أدعيله شطبه.
ماسويت صافنه شمرتها وكمت اتمشى داخله للمطبخ
جوري ادعيله دخلي ادعي الروحي اول
اخذت كم ورقه خس غاسلتهن اكل بيهن
جوري شبي يعني مثلا، لو هم جذبه منهم. ناس جذابه.
دحست الخسايه كلها بحلكي افكر
جوري خاف صدك بي شي، طبه مرض يستاهل
هزيت ايدي راجعه للغرفه مرجعه الفروه بلعلاكه ضامتها جوه جربايه تمددت متغطيه معدله مخده فتحت عيوني ولكيت صوره كبالي متعقجه
اخذتها فاتحتها اباوعله عاكده حواجبي
جوري اكرهك ذياب.
ضميت الصوره بين ايدي نايمه ماحاسه بلوكت فزيت على الم قوي بطني
كمت بسرعه راجفه ايدي لازمه بطني
جوري خاله، خاااااله، حجييي عبووووود
اجوني بسرعه وعسل تركض ولگمه بحلكها
عسل شكو
حجي عبود ههههههه مووو كتلكم دكتوررره كالت موعدهااا اليوم لو باجرر
جوري يامووووعددد بطنييي مووووتني!
صفك حاجي بفرحه
حجي عبود راح يجي سليمان.
لزمت بطني اتنفس بكوه غمضت عيوني صارخه قوي
جوري ياااا بووويه.