رواية عكد الظفيرة للكاتبة زينب جعفر الفصل الثالث
جاه مايريد يشوفچ.
مجاوبت راخيه ايدي على ثوبها نزلت راسي اكثر وعارفه زواجي من اولى شنو
تنهدت وأمينه بس تريد تخلي الوضع طبيعي
أمينه يلا بنيتي يلا لاتضوجين مايفهم هلكثر بالعادات
رفعت راسي مبتسمه مهامني، بس لانقهرت انو بدايتها وهيچ
من شافت ابتسامتي راح لخوف بعيونها وكوموني ونسوان هلهلن اكثر
خلوا طرحه عليه معدلين مكياجي وجاه من جوه جوه ترش عطر
جوري اختنكت شسالفه.
جاه هناك تنگطي من نضافه مو عبالج نفس هنا نجرجر للحمام كوه
جوري ياا شمالني ماعرف
اجن نسوان وحده وحده مبتسمات وبيهن لا سلمت عليهن وأمينه يمي خايفه عليه كل ماتجي وحده تصلي على نبي وتنفخ عليه
لزمت ايدي مشيتني طالعين وهنه وراي يهلهلن واجه وداع اهلي بدال ما احضن امي
رحت لجنان حاضنتها قوي ماتحملت وشهكت ابجي وهي بجت وياي بس تطبطب على ضهري
جنان لاتبجين خرب مكياجج
جوري لاتعوفني حبابات.
جاه نجيج نجيج ولي خلي نخلص منج شوي
باوعتلها بعيوني دموع حمحمت فاتحه حضنها الي
جاه لاتقهريني ماحب لدراما اني
اول ماحجت هيج طاحت دمعتها على خدي كازه على سنونها ماتحب تبجي كدامنه ولاتحب لحزن
جاه جوري اتصلي علينه گلبي نسمعلج دائما حبيبتي انتي
هزيت راسي وجليله حضنتني بستها وباوعتلي امي
رمله ماتحضنين امج؟
بسرعه حضنتها قوي مچلبه بيها حيل
جوري ليش هيج سويتي.
رمله مصلحتج بنتي وديربالج تخلين احد يفك حلكه خوش انتي بنت رمله.
هزيت راسي وجنان عدلت مكياجي
جاه دكافي يمعوده شنيه بواري كلساع فاتحتهن تعبتينه نعدل بيج
ضحكت ماسحه دموعي وهم رشتلي عطر
جوري اهووو
امينه يلا بنيتي نروح؟
جليله الله وياج
سكتت صافنه شوي وهمه استغربوا من هدوئي نزعت كعبي شايله شوي من فستاني
جاه شجاي تسوين؟
ركضت داخله جوه وهنه شهكن عبالهن شردت ركضن وراي شافني رحت للسطح وامي لزمتهن.
رمله حماماتها هم لازم تودعهن.
أمينه ياا سوده عليه
غزاله وگت حمامات شنو هاللمه الفارغة؟
جاه شعليج أمي؟
امي لزمت ايدها وسكتت انتضروني دقايق ونزلتلهم بيدي كارتونه
أمينه ها شنو هاذي يحبيبه؟
جوري من أغراضي
رحت للمطبخ مزرفه كارتونه اكثر من زرف بسجين
طلعت لازمتهن بيدي اباوع عليهم رامشه اكثر من مره وهمه مستغربين على صوت ليطلع من كارتونه اهلي عرفوا شحاطه بلكارتون وفاكين عيونهم مصدومين
جوري نمشي؟
أمينه اي يگلبي ناوشيلي لكارتونه
جوري لاخليها يمي
أمينه لاعمري صدكي بالله محد يگربلهن
جوري ديربالكم عليهن حبابين
أمينه من عيوني يلا نروح
عدلت طرحه مالتي وطلعنه سياره مصفوفه حييل على لباب بسرعه صعدوني وسدوا لباب
ااجاني صوت رجال بسرعه شاخط سياره ماشي
سنه؟
استغفر مشغل جكاره وسياره بارررررررده
وهدوء ماكو غير انفاسه وحركاته.
رفعت طرحه مالتي شوي اباوع ماشفت اي احد موجود بس انا وياه خفت بالعه ريكي ومنزله راسي.
جوري منو انته؟
ذياب أستلم، كالوا تجيبلك جاهل وراها جابوها هي جاهله
مافهمته بس خفت منه اول مره رجال يحاجيني بنتر و واضح معصب وطاكه روحه
بللت شفايفي حاطه ايديه شوي راجعه ليوره وناحيه جام حاضنه اچتافي بردانه شوي رفعت طرحه حته اشوف من جام بدون مايشوف ملامحي ولا اشوف ملامحه.
درت وجهي اكثر ليوره اباوع لسيارات ورانه و مشغلين اغاني عاليه وبيهم لكاعدين على جام سياره ويركصون
ضحكت مخليه ساعد ايدي على شفايفي.
انتبه من مرايه انو كاعد اباوعللهم ورافعه شوي طرحه بس مشايفني لان دايره وجهي حيل واني ميلت راسي اكثر اريد اباوع
وفزيت على عيطه منه
ذياب نزللي لخرره
نزلتها بسرعه راجعه لازمه اييديه قوي وفاتحه عيوني وحلكي مصدومه من صرخته
شوي شوي دموعي بدن ينزلن عضيت شفتي ماريد شهكاتي يطلع صوتهن وعباله ضعيفه
خليت راسي على جام اتنفس بگوهه مسحت دموعي باوعت لايدي تلوصت مسكاره وكحل رجعتها لثوبي وادمر هو همات.
همست نازله دموعي اكثر
جوري امداني
بقيت ثابته بمكاني لان اعرف حركه زايده الوصها اكثر بروده محتله جسمي حجيت بييني وبين نفسي
جوري مايبررد هذا؟ وشعنده هو ليوصلني. زوجي لهدرجه هامل عايفني بيد هذا. حته خاله أمينه عافتني.
مرةة دقايق طوووويله واحنه بعدنه نمشي وانا جسمي صگع من برد ضلت سنوني وحده تطك بثانيه احرك بيدي حيل احاول اخليهن يحترن واخليهن على خدودي وارجع اسوي لحركه.
قررت اكله لان بروده اكلت جسمي احس رفعت شوي من طرحه مالتي شفته من وره بعده يدخن وحده
صفنت شوي اريد اشوف ملامحه وهو گبل رفع عيونه مباوعلي من لمرايه
اول ماشفت عيونه وحواجبه لعاگدهن بسرعه نزلت طرحه حاسه گلبي يدك قوي بالعه رييكي وزايد رجف مالتي.
شغل بلمسجل معلي صوت على اخر شي ويه بروده سياره وعطره رجالي لمالي سياره كام يحجي ويه لأغنيه لمشغلها وب اصابعه يضرب خفيف على لستيرن.
يسألوني وشكول أني، اكولهم حبي بجاني
ولو مجروح اصبر لروح، گلبي لجرحته وياك
ينسى جروحه علمته، حرت ولحيرتني انت
ضعت ولضيعتني انت.
غمضت عيوني غفيانه بتعب رغم بروده وعلو صوت لأغنيه ودخان جكارته من غير قوه عطره ليجبر واحد يستنشفه بدال لهوى.
ضليت كلساع افز بردانه وارجف همست بين لغافيه ولكاعده
جوري بابا، بردانه، ب. بارده هنا اخذني يمك.
رفع عيونه سامع هلوسه صوتي باوع وراه شافهم يمشون سريع اي قله بسرعه يصير حادث طفى تبريد وداس برجله زايد سرعه وعايد لأغنيه بس منصي صوت
تقريبا ضيعهم و وكف على صفحه مباوعلها متنهد ونازل فاتح لباب ليمها
طاح بسرعه راسها ولزمه رجعه ولكبوس هم
طرحتها انرفعت شوي طالعه شفايفها بس
رجع راسها وعينه عليها تقرب اكثر ساحب عبايته مغطيها بيها
باوعلها عاكد حواجبه قرب ايده لازم حنجها بعكس اصابعه
ضرغام ذياب عش طبگت؟
اول ماسمع صوته من بعيد نزل كبوس اكثر ضام كلشي من وجها
ذياب ماكو شي.
سد لباب راجع صاعد مشغلها ومزيد سرعه حاك حاجبه
ذياب هي من أولها وصخنتي عليه.
هز راسه اكثر من مره نافذ صبره محاول يوصل للبيت ب اقصى سرعه...
جوري: -
فزيت على دفو جريتها اكثر مغطيه وجهي عقدت حواجبي شامه بيها عطر رجالي
عطست بسرعه وهو يستغفر فكيت عيوني ماشوف بس شي ابيض
جوري ماااما
ذياب عديتي عالعشيره كلها شسالفتچ بابا؟
تذكرت متنهده وكورت لعبايه رفعتها شوي وشمرت عبايته بلكشن ليمه
بدون ماحجي شي وهو باوع لعبايته عض باطن شفته
دقايق و وكفت سياره وصار صوت دك من بعيد وبده يتقرب رفعت شوي من طرحه لكيته من وره يلبس بلعبايه فوك ملابسه مطفي چكارته
نزلت راسي عنه حاسه بحراره جسمي
ذياب راح أنزلچ عينچ ماريدها تدحگ لبشر ولا ترفعين كبوسج جنهج حراميه
مجاوبت وهو طلع من چكمچه مناظر سود لبسهن باوع من مرايه
ذياب خوش ياعثره انتي.
هزيت راسي وهو نزل اجاني فتح لباب ونزلني وبسرعه حسيت بعبايته مخليها تحاوطني ححاط ايده على چتفي.
ركزت على حذائه وعرفته هوه نفسه ذياب زوجي.
ضرغام ضلللع من ضلووعنه ليوووم معرس
كلهم بدو يهوسون وراه ويدبجون قوي على لكاع وبيدهم اسلحه واحد بيهم رمى خفت وهو حس
ذياب اشش اني يمچ مايطيچ شي
رجفت ايدي ودخلني جوه مأشر لخاله امينه واخذتني تلاگتني لنسوان بيهن يهلهلن وبيهن ساكتات يصفكن وبيهن لمطنكرات.
مهى جنتنة حديقة والورد بيها، خذها الغزال ومفتخر بيها!
صعدوني فوك وانا بكوه افتح عيوني خايفه واحس ثگل بجسمي
ماعرف وين مشوني بضبط بس لاعرفه اريد اوصل لغرفتي
دخلوني جوه مبتسمات ونسوان تباركلي بس ابتسمت
ننريد ندحگلها امينه
امينه جنتي لحلوه موهسه تشوفونها باجر عود يلا طلعن طلعن
جرجرتهن وهنه يلحن يردن يشوفن وجهي بكوه طلعتهن ساده لباب وشالت لكبوس مني فكت عيونها
امينه يايمه شنوهاي.
رفعت عيوني بثگل جفني احس راح اطفي اخذت نفس بكوه وهي راحت بيدها كلينسه بللتها ومسحتلي مكياجي
جوري راح اوكع من طولي خاله
امينه يايمه شبلاج متحجيلي
لزمت وجهي ولطمت على خدودها
حرارتج عاليه حييل
فتحت شعري وثوبي منزعتني ضليت بداخليه وهي لافت عليه غطوه
ههسه اجيج اجيب جنطتج خوش حبيبتي لاتفتحين لباب لاحد
مجاوبتها الوب من حراره جسمي وحاسه بروده بنفس لوقت
جوري بارده باررده.
ضلت محتاره وخلت غطوه ثانيه حته على شعري نزلت راسي مضموم وجهي وهي طلعت
تمددت مخليه لغطوه شوي منها على خشمي حاسه بروده قويه بي ضليت مغمضه عيوني لحد مانفتح لباب بهدوء وهوسه صوتهم بعيد
بقيت مغمضه عيوني ارجف من بروده حسيت ب أيد خشنه لزمت كصتي ضميت اكثر وجهي بلغطوهه
ذياب نووووف
فزيت على صوته متجمد جسمي وباقيه مغطيه وجهي خايفه من صوته شوي واجه صوت بنيه
نوف ها خالو
ذياب حرارتها طالعه اهتمي بيها وعالجيها.
هزت راسها اكثر من مره وهو طلع برا هي اجت تريد توخر لغطوه ضغطت اكثر ماريدها توخر
نوف الجو گلب عليچ ومرضتي
مجاوبت قاطعه عن عالم ليمي ب أكمله مافتحت عيوني اله بشويش حاسه بهدوءءء عميق حاوط لمكان لكاعده بي
جوري وين اني
كمت لازمه راسي متوجعه فركت عيوني اباوع للغرفه لضلمه محد بيها غيري تذكرت وعطست حطيت ايدي ماسحه وكمت ناحيه لمرايه
اتلزم بوجهي مختفيه اي حراره مني تعجبت هامسه
جوري شصار؟، موجنت مريضه.
انداريت بسرعه خايفه اباوع للباب انفتح ودخلت اخذت نفس مرتاحه
أمينه كعدتي گلبي
هزيت راسي مبتسمه ولخوف واضح بعيوني او توتر
تقربت يمي لازمه خدي
أمينه لاتخافين واحنه هنا كلنا أهلج
جوري انا، انا جانت حرارتي مرتفعه
أمينه اي وانا عالجتج
جوري شلون؟
أمينه عوفيج من هل اسأله وروحي اسبحي وارتاحي شوي
ابتسمت وحضنتها استغربت مثل شهكت فرحانه
جوري شكرا خاله
ايدها ترجف حسيتها قربتهن لازمتني قوي.
أمينه يبعد روحي جوريه صيحيلي ماما
اختفت ابتسامه ماحب القب هل لقب ماما او بابا لأيي شخص رغم امي عندها مشدات ويايه الا انو مكانها بگلبي محد يجي يملكه غيرها.
مجاوبتها وهي عافتني طالعه باوعت بعيوني بلكاع ادور على جنطتي
جوري مجابوهن؟
دورت عليهن مالكيتها رحت للحمام وجان اكو برنص ثلاثه نسائي واثنين رجالي.
سديت لباب نازعه ملابسي وشعري من اصله مفتوح جان ضوه لحمام قوي وانتبهت لوجهي موكل. مكياجي ماسحينه وملطخ حته حمرتي
جوري هاي عود اول يوم وهيج طحت بلفراش واضح الايام لباقيه شنو
تقربت وشفت دوش فتحته وكمزت بعيد
جوري هاي ليش هييج باررررد!
سديته مباوعه لحنفيتين لباقيات فاتحتهن وصار جوه هو ليصب مي حار
جوري هاي شلون
استغفرت محاوله واغم بروحي لحد مصار لمي زين
جوري اهلهل؟
دخلت جوه لمي مغمضه عيوني مبتسمه ااخذت من كل نوع شامبو اغسل شعري قوي ماعرف بس دوش حسيته يخلي احساس حلو
جوري بعد كل يوم اسبح شو يونس هذا
رفعت راسي اضحك الزم بلمي وصابون مالتهم بسرعه يصير رغوه واهوايه غسلت وسديته مباوعه للمرايه صاير عليها بخار
نفخت عليها بحلكي وراسمه قلب متقربه بايسه مخلي طبع شفايفي عليها.
لبست لبرنص لافه شعري بخاولي فتحت لباب وشفت رجال واكف بنهايه لغرفه منطيني ضهره ويباوع للشباك حس بحركتي واندار
ضميت روحي سريع وره لباب سامعه صوت جداحه عرفت راح يورث جكاره
جوري دور وجهك
ضحك ضحكه بصوته لخشن عبست ملامحي اعيب علي
ذياب لاتخافين لو تبقين اخر بنيه بهل كاع مادحگلج
مجاوبته وهو طلع نفسه فاتح شباك داير
ذياب اجيت احجي وياج واروح
جوري شنو ههو لحجي.
ذياب دحگي، موضوع لعگد بايعه اني ولا اريد اتدنالج اصلا مافكر اتدنا لجاهله
جوري جا شعندك جاي؟
ذياب يبه اريد اوضحلج انه مايجي يوم ويصير هل زواج حقيقي هاي لمة فارغة ومؤقتة وبيدي ازتج لأهلج
مجاوبت وسمعت صوت حذائه متقرب يم باب
ذياب ولا اريد بشر يدري بحجينه هذا مفهوم؟
جوري مفهوم
فتحت باب شوي اريد اشوفه بس هم منطي ضهره يباوع على جربايه جانوا مخلين ملابس نوم ماجنت منتبه الهن لزمهن بطرف اصبعه يضحك.
ذياب حتى جسمج ما بعد، شلون الزم شي ماخلص نموو؟
ضحك اقوه طالع وساد لباب عصرت بيدي على لباب فاتحه عيوني يلي بلحظه صارن حمر منقههرهه من كلامه
طلعت بسرعه لازمه ثوب نوم لبنفسجي منقهره شككته بيدي ابجي
جوري ححقيرررر
شمرته كاعده اتنفس قوي
جوري اناا اصلا لمااررييدك وبعد حجيك كرررهتك!
لكره جان بنسبه إلى شي موحلو وشعور صعب مو أيي شخص اكررهه بس هل شخص من صدك كرهته واحنه ب أول لقاء النه ومشايفه وجه اصلا ولا هو!
لزمت راسي متنهده وايديه يرجفن كمت شامره لخاولي ومشغله ضوه اباوع للغرفه لا أرادي صارت الابتسامه على وجهي
جوري من صدك ححلوه
شهكت ماسحه دموعي انتبه لتفاصيل لغرفه اكثر جبيرره وسكفها عالي بي ثريه شكلها غريب بس تلمع وجبيره بوسط غرفه معلگينها ذهبيه
لبردات ثخان سوود وسجاده اثخن مختلط بين الاسود فحمي وذهبي جربايه نضيفه ومرتبه وتچيه مالتها مسحوبه من فوك.
درت وجهي وشفت طبله شفافه عليها مزهريه بيها ورد احمر غااامق وحته كنتوري اسود بي نقاط عشوائيه ذهبيه
جوري هل غرفه عباره عن اسود وذهبي
كمت مباوعه من شباك لمطل على برا ابتسمت على لمنظر اهواي زلم يفرفرون بسبح واحد لازم ايد ثانيه وبنصهم واحد يغني
جوري لحد هسه ماخلص احتفالهم؟
سديت برده فاتحه لكنتور مطلعه دشداشه ناعمه من اطراف لچف ايد عليها ريش ومن جوه هم لونها وردي.
رحت للميز ماخذه دهن شعر حاطه لشعري ومشطته سويته ظفيره و وكفت من لحركه حاسه بطكطكه
درت وجهي عاقده حواجبي كمت احاول اتبع صوت طكطكه لحد ماشفت كارتونه.
ضرغام ها جسرت گلبها
اخذ نفس من جكارته زافره بنفس عمييق وباوع لضرغام
ذياب أحسن خلي تكرهني
ضرغام لتكره شي صعب ياخويه
ذياب لاتدوخ نفسك بهالأسئله وامشي
ضرغام انطيتها لكارتونه؟
ذياب خليتهن صفح هساع تشوفهن
ضرغام ههههههه جايبه لحمامات مالاتها
ضحك ضاهره غمازته وهز بيده لبيها جكاره
ذياب مصگوعه هل بت امشي وبعد لاتگرب صوب غرفتها
ضرغام مانگرب يمها قناصي
نزلوا من درج داخليين للصاله
أمينه ها يمه صحيت؟
ذياب اي فوك.
باوع لهاله لتكصكص بصل ودموعها ينزلن
ذياب مادنيت الها ولاتحجين لأحد فاهمه؟
باوعتله فرحانه تريد تحضنه وابتعد خازرها مأشرلها على اهله
هاله تاج راسي انته
مجاوبها مطفي جكارته وطالع ويه زلم
غزاله من هساع ومرضت معثوره وفگر هل بت
أمينه منو حجى مرضت؟
غزاله عجل شبلاها فردت
باوعتلها غامزه وهي فكت عيونها
غزاله شقصدج امينه
امينه خلي اروح لجنتي حبيبتي جايتج
غزاله لج هاله يهل صگعه
هاله يمه مامگربلها لاتخافين
غزاله منو حجالج.
هاله ذياب حجالي بس حجى ماحجي لاحد
غزاله يا اغمه يضحك عليج عجل شعندها لهساع منازله وهو جان يمها؟
صفنت شوي ماكله لبصله وغمتها امها
هاله غدي هي كليتها
غزاله دروحي كملي شغلچ
هاله اني اصدگ بحجي ذياب
غزاله دمشي امشي، نوف تعي هين
نوف ها
غزاله تصنتي ذياب شحجى وي مرته؟
نوف ياهي منهن
غزاله لفوك
نوف لا
غزاله عجل أكحزي
عافتها ماشيه وهي بقت تلوب تباوع على درج اخذت كلاص مي وصعدت متقربه يم لغرفه حاطه اذنها
غزاله مايحجن؟
تقربت اكثر وطخت مزهريه لزمتها بسرعه لاطمه على وجها وماشيه سريع نازله جوه
نوف تا تصنتين؟
غزاله أتخسين والله
مجاوبتها وهي نزلت.
جوري شبيج صفنتي
أمينه انتضري
كامت فاتحه لباب ومشافت احد
جوري شكو؟
أمينه عبالي غزاله تصنت همزين خليت ذياب يجيبلج باب عازل
جوري باب عازل؟
أمينه اي لو تشغلين ديجي بعلو صوته محد يسمع
جوري ليش لغرفه اكثريتها لون اسود وذهبي
أمينه ذياب يحب هل لونين
گلبت عيوني متنهده ولازمه حمامه مالتي
امينه على بختج امي جايبه حماماتج وياج
جوري احبهن
امينه على حضج وره هاي برده تلكين بوابه هو سطح بس تقريبا صغير ومطل على طرمتنه.
جوري لهجتكم تشبه لهجتي
امينه اي تقريبا بس انا احاجيج اكثر شي على لهجتج حته تفهميني
جوري ااكو اختلاف
امينه بسيط اكو مفردات صعبه عليج شوي انا وفرج، ابو زلمتج من بغداد وعشنه بجنوب هم فا نعرف لهجه وذياب يعرف هم لان جان صغير وعاش هناك
جوري هو صح عمي؟
امينه اي بس ضروف وتفارگوا ناس راحت للانبار وناس للعماره
جوري صراحه مسامعه بيكم
هزت راسها مبتسمه حاسه شوي توترت
جوري بلا انطيني كلمات منكم.
أمينه ممم، أواشك يابت بين ماناوشلج اكل جثير
جوري بس فهمت اكل
امينه هههههه يعني اصبري يابنيه بين ماجيبلج اكل اهوايه
ضحكت منزله راسي
امينه يلا راح اروح اجيبلج اكل
جوري اي عفيه جوعانه
امينه اي تددللين جوجو
ضحكت وهي طلعت ب اصبعي لزمت راس لحمامه
جوري حبيتيها مثلي لأمينه؟
رجعت لحمامه مخليتها على الارضيه وكمت موخره لبرده وشفت لبوابه مقفوله فتحتها على كيف وباوعت سطح بطول اضلم ونضيف
امينه ياعزاا.
بسرعه انداريت لكيتها تباوع على لحمامه صاعده على لثريه وامينه شالت شحاطتها تريد تشمرها على لحمامه
جوري لاا هسه اضمهن
امينه اي يمه لاطيح لثريه
جوري عطووه تعاي
أمينه عطووه؟
باوعت للحمامه واجت على چتفي رجعتهن بلكارتونه وخليتهن بسطح
جوري اكو صمون؟
امينه اي جبتلج اربعه
اخذت وحده قاسمتها نص وماخذه لمي دخلت للسطح افتفته الهن صابه مي عليهن وبدن ياكل طلعت ساده باب سطح.
هي خلت صينيه وطلعت كعدت وشفت مسويين كباب ولفتين حاطتلي كص وببسي اخذت لفه كص ماكلتها
شوي واندك لباب بقيت صافنه انتضر يفوتون
بس محد دخل
جوري منو
نوف انا افوت؟
جوري جا ماتفوتين عادي حبيبي
دخلت باوعتلي مبتسمه وكعدت يمي
نوف صح انتي تعبانه بس جينا نتعرف عليج
عقدت حواجبي مستغربه ومبتسمه
جوري جينا؟
نوف اي مسره فوتي
دخلت مبتسمه وكعدت يمي بنيه حلوه وسمره لابسه شال وعيونها كبار وشفايفها ممتلئه وشوي عضمها خشن.
جوري شلونجن
جاوبني اثنينهن فرحانات بخير لحمدلله
هزيت راسي وقدمتلهن من الاكل بلبدايه مستحيات بس شوي وبدن ياخذن ياكلن
مسره انتي احسن من هاله
نوف مسررره
جوري هاله منو؟
نوف احنه هين كومه عشرين نفر والله مادري ماجعدتهم بس هيج اضن
مسره عددنه 22نفر
جوري ماشاءالله كلكم بهذا لبيت؟
نوف جبير بيتنا وعدنا غرف گوام بس الكبيرة لعمو فرج وخالو ذياب
هزيت راسي مكمله اكل وماعدنه سالفه نفتحها وهنه مستحيات وبس ياكلن ويباوعلي.
نوف شلونچ هساع؟
جوري ااحسن
مسره راح نروح مشكورة على اللفة
جوري لامابينه عمري
طلعن ودننيت صينيه متمدده على جربايه صافنه شلون راح اتعامل وياهم؟
جوري امي وين ذبيتيني.
غمضت عيوني حاسه بتعب وغفيت.
الصباح، 6: 51.
فزيت صافنه على لغرفه متنهده
كمت رايحه ناحيه سطح فاتحه لباب رفعت راسي للسماء مبتسمه
جوري صباح الخير بابا.
دزيتله بوسه بلهوى ومتأيقنه يشوفني مشيت شوي كاعده متربعه كدام كارتونه.
فتحتها وطلعن لحمامات هنه بدن يمشي على لكاعيه وانا مبتسمه على اخر ذكره من ابويه. هنه جانن...
جوري مفجوعات ماكلات صمونه كلها، بس حقجن بدون اكل نهار كله سامحني حبيباتي
رجعتهن بلكارتونه طالعه من سطح فتحت لكنتور اخذت دشداشه حمره عريضه ومن ناحيه لخصر صايره على خصري وبيها خيوط سود من ناحيه صدر
وهاي فصال امي اكثريه دشاديشي امي تسويهن بعد خياطه.
اخذتها لابستها ورحت للمرايه فاتحه شعري مسويه ظفيرتين صغار ومرجعتهن ليوره مثبتتهن بفلونكه سوده.
اخذت كارتونه ونزلت جوه مالكيت احد دورت بعيوني ولكيت بوابه تطل على طرمه طلعت مبتسمه
جوري طرمه جبيره بعد ديحن براحتجن ها
فتحت كارتونه وهنه طارن ماعده لبيضه لزمتها بيدي هازتها اكثر من مره بشويش وشمرتها طايره بسماء
ابتسمت اباوع على لحمامات غمضت عيوني افرفر بخصله من شعري
جوري حرت شلبسله باجر اني يالون...
أي لون ألبسه يكولي خجلان
شلون أوگف گباله وحالي شي يكون؟
الله بعينه جمع، ل الألوان
درت وجهي مكمله الاغنيه مبتسمه
شيجيب باجر وأصبر شلون؟
فتحت عيوني باهته ملامحي شايفته گبالي يباوعلي نزلت راسي بالعه ريكي واجت لحمامه واكفه على چتفي
تقرب جاي يمي رفعت عيوني اباوعله عاگد حواجبه جر شماغ مالته مخلي عليه ضام شعري
ذياب لاتفرين هين بلاحجاب خوش ياشطبة.
خليت عيوني بعيونه عارفه صوته...