رواية عكد الظفيرة للكاتبة زينب جعفر الفصل الثالث والثلاثون
جوري ذ، ذياب!
ضليت اباوعله من صدك حاسه بخوف وعبالك هاي نهايتي على ايده!
رجعت اليوره حلكي انعوج ماجاي ابجي ولا مستوعبه انو سمعني واني افكر ضده.
كلمتين حجاها مزيد رعبي منه
ذياب ياهوه تلاكينه؟
مادريت حتى دموعي ناشفات ماينزلن يباوعلي وفاك عيونه على حيلهن من عصبيه وجه عركان وايده من كثر مامكورهن وضاغط عليهن يرجفن حيل اتقرب خطوه مني كاز على سنونه
غمض عيونه بكوه حاجي
ذياب احجي
جوري م. م. م.
عضيت شفتي احاول احجي اخذت نفس مخليه ايدي على گلبي
جوري اهدء والله گلبي كام يوج...
قبل لا اكمل كلامي جراني جيل من اطراف ملابسي مقدمه ب اثنين ايده مقربني اله بنتر قوي الدرجه حسيت بشك ملابسي بين ايده!
ذياب ااااااااحجييي
نزلت راسي ماريد اشوفه وهوه معصب ماريده يضربني صرت اخاف منه من صدك لا ضربه يموتني بيها تمنيت لو عندي ساعه زمن واغير كلشي بلحظه اهتم ب ابوي اكثر ولاا اخلي المرض يعذب جسمه.
ولا الكل يهيني من بعده،
واني افكر بهل كلام انضربت على الحايط صارت ضربه على راسي فتحت حلكي صايرلي الم موتني گبل طحت بلكاع ماسايعتني رجليه اكوم
كام يمشي متقرب يمي رفعت عيوني اشوف رجله عرفته ماراح يكتفي بهل شي
ذياب تخونيني يلنجسه؟
جوري عوفني
ذياب ياهوووووه هذاااااا
مجاوبت باقيه منزله راسي سانده ايدي على كاعيه حتى لا اوكع شافني ماحجيت عاط قوي
ذياب لااااااا!
دفرني برجله على بطني لزمت بطني بسرعه اعيط متفرفحه روحي سحبني من أچتافي صاير فوكاي لازم حنجي قوي خازرني
ذياب موو اني الأنخاااان جورررررري
ضليت احاول ادفعه مني ماكدرت نزلت دمعتي من صدك مغمضه عيوني مأيسه من حياتي هاي
جوري يابويه بطني يابووويه
ذياب وگلبي؟
صرخت ب اعلى صوتي مامتحمله
جوري لك عووووووووفني راح اموت
ضربني راشدي من قوته وجهي انلف للجه ثانيه ححاسه خدي انمل.
ذياب وتعلييييين صوووووتج لچ بلووووه انتي وحك الله بلووووه ليش هيييج جوررري تخونييني
ماتحملت خليت ايدي اثنينهن على وجهي ابجي ضال گلبي ينبض بطيء كلش
والم بطني كل ماله يزيد عبالك سجاجين واحد يدجني عليهن
كام يمشي بلغرفه لازم راسه يفكر شوي ويرجع يتذكر يعيط ب لا ويكسر شي بلغرفه
رفعت نفسي كوه باوعت الرجلي كلها دم رغم ماضربني عليها
نزلت راسي خلصانه روحي اون من وجع.
ذياب شنوو هسااع هاي شنو احسبها حاجينيي اغلااااطج كلهن ساكتلهن لو اريد اربيج انتي شنو تسوييين هيج ابوج مامربيج؟
جوري انته المامتربي
ضرب على المرايه متكسر الكزاز كله
ذياب جورررري
باوعتله ايده كلهن كزاز ناعم صار باقي طاح بلكاع ومنه على رجلي اجه يمي لازم أچتافاتي اثنينهن يحجي وصوته مخنوك
ذياب وحك هاله ماتضلين على ذمتي.
دار وجه واجت عينه على تلفون سحلت روحي بسرعه جارته راد ياخذه مني شمرته على الحايط متكسر نصين
باوعتله لكيته يرجف من عصبيه يريد يضربني
جوري اضربني بعد؟
بسرعه ضربني راشدي ثاني تنهدت غارسه ايدي بفروه راسي مخليه ايدي ثانيه على بطني متألمه نازله دموعي
ذياب لو ما تنحسبين بت عمي حارگچ هين
هساع
ماحجيت جر شعري قوي عطت اريد اوخره ماكو مثبت بيه.
ذياب بس اعرف شلون اربيج وصدكي بالله وحك من خلقج وسواج يابت خالد ماتخلصين من ايدي لا انتي ولاذاك نجس
دار وجه ناحيه التلفون باصق على كام يباوعلي فرك عيونه دايخ راد يوكع وثبت روحه يهز براسه
ذياب بسيطه ياجوري بسيطه
كمت لازمه الكنتور استند عليه اباوع الدم جاي ينزل مني عضيت باطن شفتي ابجي منقهره ضليت اسحل بروحي اريد اروح للحمام.
هوه راح يم تلفون يريد يسوي ويشكله حتى يطلع رقمه اني فتت للحمام مامتحمله دايره وجهي اتقيأ
زاد الم بطني طحت بلكاع جسمي كله يرجف
جوري ماااما
ذياب سويتي خراااااب يابت النجس
باوعتله بسرعه ضايجه لان سب ابوي اندار عليه
ذياب ههساع تسوينه لو تحجيلي رقمه
جوري ابووووي يسوه راسك ياكواااد
رفع حاجبه مشى سريع عليه اني سديت الباب رغم ألم جسمي بس خوفي منه اقوى!
ضليت احرك بقفل الباب قافلته اكثر من مره كام يدك على الباب ويحجي يسب ويفشر على ابوي
ذياب لج زعطووووطه والله افلعج نصين انتي وال الغاااد انعل ابووووكم نجسين خرااابه انتي لچ والله اذا مافطرت گلبج ما اطلع اسمي ذياب
هزيت راسي ممجاوبه راجعه كاعده متچيه على الحايط كارهه نفسي وكارهته حيل
ذياب لو ما ابوج چمچم ماطلعتي بهل نجاسه
مافهمت كلمته بس عرفته بعده يحجي على ابوي
هزيت راسي رافعه صوتي.
جوري اي سب سب بعدد سب رجال ميت
ذياب عسَچ تموتين أنتي!
نزلت راسي ساكته بس اون من الوجع احرك بوجهي على كيف
وهوه بعده
ذياب كل ما أريد احبج تسوين الف شغله تكرهيني بيچ!
جوري طلكني
ذياب وحك هاله ماخليج ولاتحسبين اطلكج تتفردين ويه الكواد مالج والله اموتكم اثنينكم واحبسكم سجون يازبايل
نومت راسي على كاعيه نازله دموعي متمنيه صدك اموت ولاهيج.
ذياب بسيطه اذا ماسلخكم سلخ يانعجات.
اختفى صوته ضليت بهذا وضعي ماره بلعشر دقايق
واني بس دموعي ينزلن على خدي گلبي مات حسيته تنفسي مامتوازن ولا حيلي يخليني اكوم اعالج روحي وانضفها ولامفتهمه دم الينزل مني شنو
لحظه اندفر الباب قوي برجله فايت للحمام يباوع يدورني ونزل عيونه شافني باهته ملامحه بالع ريكه
رفعت عيوني بكوه شايفته فوكاي رفع رجله مخليها على جهه ثانيه نزلت عيوني منه ضامه وجهي
ذياب راضيه بروحج هساع؟
جوري مكتفيت من حقدك؟
ذياب لا. ماسويتلج شي
بيده جكاره مدخن منها مشتعله موروثه دنك مخلي طرف گطفها بي نار على ركبتي
كمزت اصرخ لزمني مثبتني ضليت اضرب بي اعيط
جوري مااااامااااااا، ابوووويييه
ذياب اششش
انضربت كصتي على كاعيه الحمام زايد ألم بطني ححاسه ماصرت اتنفس وعبالك نبض گلبي بادي شوي شوي يوكف
سكتت مغمضه عيوني هوه شافني هيج وخرها بسرعه مطفيها بطرف اصبعه شامرها يباوع الشعري متملخ بسببه
ذياب جوري.
گلبني على جهه ثانيه ضليت بس اتنفس على كيفي
ومن حلكي بلع ريكه يباوع الملامحي وجهي المصفر
عافني بسرعه طالع من الحمام بقيت لهل وضع كم ثانيه واجه مسوي ابره عدلني يريد ينزعني دشداشتي يغرسها بشفتي بس ماتنزل دلعتها ضيكه
خلى الابره على صفحه شاك دشداشتي بيده قربني اله صرت ماستوعب طاح راسي على صدره اون
ذياب اش مابيج شي
غرس الابره بچتفي ساحبها مخلي دواها يحتل جسمي بجيت باوعلي عاكد حواجبه ومضيك عيونه.
ذياب ماريدج تموتين
شمر الابره عايفني طايحه ماكادر حيلي يساند جسمي وهوه همس يباوع العيوني بكره وحقد
ذياب بس اريدج تنحرگين يابت خالد.
كام دافع الابره برجله يريد يطلع ودار وجه حاجي زافر نفس قوي
ذياب كارهچ صدكي اخر مره هاي اخلصج من الموت
مسح وجه محتركه اعصابه حجاها يهز براسه منزله بقهر
ذياب يخراب گلبي الخلى قناص يعشگ صيدته.
مسحت على عيوني حاجيه بكوه وحلكي يابس
جوري مو ابوي الينسب. يجي يوم ماتلاگيني بي.
ضرب على الباب طالع اني اخذت نفس اباوع الوضعي اجت عيني على جكارته
خليت ايدي على ركبتي لاسعتني قوي غمضت عيوني متاذيه
جوري الله ياخذك ياخره
حسيت بحركه خفت لا اجاني دخلت للحمام شفتها مطمنه ومتفشله من وضعي
مسره جوري
نزلت راسي خجلانه من روحي صارتلي دوخه اتحركت ابجي
مسره شنو صابج؟
جاه
عدلت شالي اشرب بلمي صافنه
جاه هسه هذا منا شلون بنو زخرفه والله حلوه وناعمه
كمت اتلمسها عاوجه حلكي ب اعجاب
جاه والله خوش.
اجتني نوف تركض تلبس بربطتها
نوف جاااااه اتكلللطيي هييين
جاه شكووو!
نوف اطلعي الاختج زررعدي
ركضت صاعده فوك والخوف محتلني مالكيت احد بلغرفه بس باب الحمام ومقفول اتقربت سمعت صوت مي
افتحي الباب
دكيته وفتحت الباب مسره ايديها كلها دم بهتت ملامحي نازله عيوني على طايحه بلكاع مغمى عليها وتنزف.
جاه جورررررري
مسره اششش شيخ ذياب مايرضى احد يدري
جاه شيدررررررون بمصيبته! لج اختي راح تموت.
مسره كااعده هيه جوري حبيبتي تسمعيلي
جوري دم ماعرف
جاه انعل ابو الخايس
مسره جاه الله يخليج لاتسوين سالفه
جاه سدي حلكج انتي كافي حضري المي بينما اجي
ردت اروح ولزمت ايدي جارتها
مسره كااااافييي لج والله تصيرر سالفه اذا فوتيهاا بنص
جاه انتي عرفتي المن اروح؟
مسره اعرف الامج
جاه تخافين تربيكم؟
مسره جاه ابوس ايدج لااا تره اعرف سوالف امج امي گبل وياها وحجتلي
جاه جا عوفي اني اريدها تگلبها.
دفعتها وجوري لزمتني من طرف ملابسي ايدها بيها دم
جوري لاجاه
اخذت ايدها ب اصابيعها بايستها
جاه لا گلبي اعذريني
عفتها وطلعت لكيت هاله كبالي سديت الباب عاكده حواجبي
جاه شنو شبيج؟
هاله شكو ياهوه صوبج
جاه دتتسنطين ياخايسه
هاله اكضبي روحج
دفعتها مطيحتها على باب غرفه غدير فتحت عيوني لازمه بطنها
هاله تردين تمو...
قبل لاتكمل كلامها جريتها من شالها ضاربتها بوجها حتى على بطنها دافرتها.
جاه فرررررحااانه ها جلبه بنت جلب انعل ابوج لابو جابج لابو طفلج لابو الحبلج
هاله لج عووووفييييني شبلااج
حصه دا تسوين؟
برجلي رفعتها دافرتها مطيحتها رادت تحجي حصه وخرتها نازله درج
جاه ااااااممي
حصه لج شبللاااااج انتي هيج تزتيني
جاه اسكتي كافي
حصه اني تحاجيني هيج!
باوعتلها خازرتها
جاه والله اليوم اخلي امي تگلبها كلاب على روسكم ياكلاب، اااامي
فتحت باب طرمه داخله بيدها ملابس جميله هازه راسها
رمله شكو؟
جاه بنتج مدمااااايه فووك من وره رجلهااا الخسيس وهاله تضحك فرحانه ترضين هيج؟
رمله شنو مدمايه؟
هاله الله يدري شنو سوت وهيج طكاها رجلها مابيها شي
جاه والله العظيم اكلج بسنوني اكلي نعل واسكتي والله ادججج بطنج هاي اخليج تزوعين قرد مالج من حلكج
شافتني احجي صدك سكتت ضايجه عاكده حواجبها عافتنه وصعدت
حصه نستوعب سالفه اول شنو صار
رمله ماكو شنو صار ولابطيخ
جاه عفيه
حصه انتي تجثرين نار
جاه اختيي تموووت احسن؟
امي صعدت فوك الغرفه جوري شوي حصه باوعتلي بحيره تهز براسها وصعدت وراها
رمله شنووووهاي
جاه ايي شفتي بعيووونج
رمله فرررررج
نزلت تركض طالع شعرها صاير حجابها اعوج
رمله وييييينه
جاه والله مادري
راحت الغرفه امينه دكدك باب ب اثنين ايديها فتحت الباب امينه فازه
امينه شنو صاير
عافتها رايحه الغرفه ثانيه دكدك ماكو احد دكت على غرفته هوه وغزاله وطلعت
غزاله بيج شي طلعن هبالكم هساع؟
رمله وينه رجلج الخنيث.
جاه امي عمي فرج ماله دخل روحي الرجلها
رمله ااكله يرررربي ابنه وين اكدررر الذاااك اني
غزاله رجال نايم اتكحزن حلو سالفتكم
جاه لج متحملتج اهواي انتن رباعي
جريتها من شعرها فتحت عيونها تريد تضربني وامي دفعتها خازرتها
رمله والله اذا مديتي ايدج على بنتي اكسرها فاهمه
فاتت للغرفه وغزاله تصيح وراها شلون فاتت هيج
رمله فررررج
فرج شنو يامره ليش هل صوت؟
رمله احجيلي بنتي اخذتها دخيله واتزوجتها نفس امينه لو ابوها دازها عليك تتزوجها مثل مهى لو كلتلك اتزوجنيي نفس هاي الثور اليمك
غزاله احتررررمي...
رمله انجبي والله اموتج هنااا والله. انتَ شيخنه عيني احجيلي لو نفس هاله ابوها شمررهاا نفس جلاب احجييي موو طلعت معززه مكرمه من بيت ابوها وخلتك انت المعتبرينك شيخ ديرتهم تجي بنفسك تخطبهااا احجي اي لو لا
فرج اي جوري بنتي ليش هيج هل حجي؟
رمله من فاتت بي وجلابه مالتك فاتتحات حلوكهن وحتى مارجعت بنتي خليت ابنك نفس حراميه بنصاص ليالي يطفر على الغرف وباگها وسكتت على هذا تصرف الخايس لان ابنك واحترمك اني بس وصلت حدها عاد
فرج شنو رمله احجيلي شنو صار
رمله اسمع ابنك يجي تربي وتعلمه انو مايمد ايده مره ثانيه على بنتي لاوالله ازين شاربه واعلمه منو رمله
باوعلها خازرها
فرج مارضاهاااا منج يخسى واحد يجي صوب ابني وهوه ابو فرج.
رمله والله اكسرر ايد التنمد على بنتي وحذرت صدكني احبس ابنك سجوووون وهاي سبحكم
راحت للسبح شامرتهن بلكاع
رمله اخليهن بركبتكم واربطكم اذا عدوووت هل سالفه مره ثانيه لو واحد فك حلكه ويه جوري بت خالد لو اي بنيه من بناتي خلص مو خط احمر جواهن لا والله الف خط
غزاله وذا ماسكتنه؟
جاه المايسده احنه نسده بنعل ونص حلكه
فرج ااحترموا روحكم ك نسوان واطلعوا وأچنن على روحجن
رمله لا اضربنه احنه همات انجب.
غزاله شهكت تباوع الفرج هوه وجه صار احمر من العصبيه دار وجه كوه لازم روحي
جاه حاجي ابنك عمو
فرج اطلعوا على هذا السانكم طبعا رجال ينهبل
رمله هوه انت وابوك مخابيل لو نسيت خلاكم تفترون محافضاااات ي ابو محافضات وحتى ماعرف يربيكم خلا ماكو محنه بين الاخوان واحد انباري وثاني عايش عماره
فرج كافي ررررررمله
رمله لوحاسب روحك شيخ صدك وتحل مشاكل الناس ومسوي نفسك موضع خير...
قبل لاتكمل كلامها نزل ذياب لابس قمصلته شعره مبلل امي شافته هزت ايدها لازمه قمصلته
نزل عيونه رافع حاجبه يباوعلها
ذياب زتي ايدج
امي عافته واكفه كباله
رمله طالع بكل برود وعايف البنيه ذيج جوووه تتلوى صدك تحجيييي!
ماجاوبها متنهد داير وجه يريد يطلع وصل الممر الحوش وامي باوعت الفرج
رمله فرررررج وحك الله اطلع سوالفكم كلهاا هنااا واخلي ابنك يسمعهن واحد واحد
فرج ذيااب!
ذياب وكف كم ثانيه ومال وجه يباوعلنه مخلي ايده بجيوبه
فرج من تحاجيك رمله تسمعلها
ذياب الحجي اليرضى مزاجي اسمعله
فرج مو احااجيك!
حك خشمه مستغفر
رمله عود يستغفر الكافر يلا فوت جوه
ذياب شنو تردين؟
رمله ااهينك
نزل راسه مثبت عيونه عليها خازرها ينتر بنفاذ صبر
ذياب لان مره محترمج
رمله غصبا ماعليك وتحترم بنتي گبل بنت الكلب ذيج فاهم لو لا
هاله كافيييي مايصيرر هيج بكل سالفه حجيتو بيه
جاه انجبي لج خايسه
ذياب كافي.
حصه اانتي موطلعتي فوك شنو جابج
هاله تررره ادررري بسالفه جوري سمعت الحجي بينهم كله
جاه شفتيييي بس تسنط على اختي ماعندها شغل وعمل بس تفتر نفس الحيه
هاله اسسسسكتي تره باب مفتوح شوية وسمعت
جاه خاف اني فتحتي الباب؟
فرج ولكم مامخليلي احتررررام سززز
سكتنه كلنه ضايجين راح فرج ناحيه غرفته وكف يم الباب واندار
فرج ااطلع الاكيكم كلكم كاعدين
رمله ماكعد يم ناس مخبله
عاط بيها قوي مفززنه
فرج رررمله احترمي روحج واكعدي.
ماحجت رايحه كاعده هوه أشر الذياب
ذياب استغفر كعد على قنفه مطلع من باكيته جكاره مورث وامي ترفع برجلها وتنزلها سريع
كعدت حصه خايفه تدعي وفرج طلع لابس دشداشته بيده سبحته يفرفر بيها
جاه كل واحد وحركته
هزيت ايدي كاعده فرج فرفر سبحه على اصبعه محمحم معدل كعدته
فرج اول سالفه تعلون صوتك بهذا البيت مايصير
رمله وبنتي
فرج كافي ررررمله.
رمله فرج لاتعيش دور انت بديوان لو كدامك ذول التفصلهم لاوالله اني مره ومارضى احد ينطي اوامره عليه اني خالد الله يرحمه حبيب گلبي ماحاجي عليه
فرج باوعلها بطرف عينه بنضرات مامفهومه بس خلى امي تسكت دور وجه
رمله حجيت العندي
فرج شنو سالفه صار بين جوري وذياب؟
ذياب ههذا شي بينه اني وياها مارضى احد يف.
قاطعته امي كايمه
رمله ترررييييد تموت بنتي واسكت هسه تحجي.
كاملها بسرعه ذياب خازرها يتقدملها امي بسرعه كعدت وكف كبالها رايحلها
ذياب مارضى احد يسكتني مستوعبه
لزمه عمو من رجله يهدي بيه
فرج اكعد هدي
ذياب يامره
رمله هسه واكفلي شنو تريد
امي رفعت راسها تريد تباوع العيونه ونزلت وجها تباوع الفرج تأشرله يوخر منها
فرج ذياب انت حجيتها مره
ذياب تحترم روحها لاوالله ماخلي بالي هيه مره
رمله ااكعد كافي مره اسوه شواربكم اني
ذياب چمچم من امي يسواج.
باوعتله امي تريد تحجي وتنهدت ضاربه على فخذها
رمله فررررررج تره اعرف انباري
فرج ذياب ابني
رجع ذياب كاعد مخلي عكس ايده على فخذ رجله يدخن يباوع الامي فاك عيونه صايرات حمر باوعت الوجه صدك يخوف هوه معصب عيونه من يخزرهن يفكهم على حيلهن يقجم خشمه ويكز على سنونه
درت وجهي منه اباوع للدرج بالي يم جوري
فرج هاله اطلعي انتي وامي ولاترضون احد يفوت هين
هاله عجل وين
فرج يزيح الغرفته وين يعني؟
هاله عمي فرج لاتحجي على ذياب والله جوري هيه الغلط
رمله فد يوم اكسر راسج بلمزهريه اليمج
فرج جؤ جؤ جؤ امشي بابا يلا
اجه حشام كام فرج متنهد فاتح باب ديوان مأشرلنه نفوت فات ذياب اول واحد يدخن وامي وراه تغمغم شافها فرج باوعلها يستغفر
فرج اذا دحكلج صدكي ماخلصج اني
رمله اموتكم
ردت افوت حجى
فرج لابابا ضلي هين
رمله ببنتي تفوووت
فرج يلا.
فتت وهاله مدت راسها گبل عمي فرج سد الباب كعد على قنفه ضليت اباوع للديوان مصدومه شلون جبير وبنائه حلو وفخم حاطين ثريات كبار ذهبيه ذياب كعد مطفي جكارته ب اصبعه وشمرها بنفاضه
رمله يطلك بنتي اخر شي اكوله
فرج موهيج تنحل شغلات
رمله بنتي اطلكهاااا ماخليهااا وفنه يحجي هذا
ذياب رمله
امي باوعتله مايله راسها تنتضره هوه ثبت عيونه عليها
ذياب محسوب عگد الظفيرة هين كل عگد ورأي اني راعيهم.
رمله ببنتي مو فصليه ذياب.
ذياب المره ب أسمي اني مو حسبان طفل وماعرف اتعامل وياها البت غلطت
رمله وبشنو غلطت؟
ذياب معليج شي بينه اني وياها حجيت
رمله لك بنتييي تننزفف صدك تحجيي ابوهااا عدلل روحك ذياب
ذياب اني معدل عدلي روحج اول
ضربت على فخذها متنرفزه من بروده باوعت الفرج وهوه ضايج شابك ايده سويه
ذياب طلع جكارتين طبگ مورثهن همات ضليت اباوع شكد يدخن
رمله قابل بهل شي؟
فرج اني ماعندي حجي ويه احد مايحترم ديوان وصدكي رمله لو ما مره وحك الله لو صرتي زلمه ماتدرين شنو اسوي
رمله شنو تسوي بلاا؟
فرج سالفتج صايره گبل بس ويه حريمه بالسوالف فردت مزاجي وذياب سواليها دمه بطوله وحك لا اله الا الله مارضى ب احد مايحترم ديوان
رمله هسه شمسويه مامحترمه
فرج اسكتي بابا شبلاج؟
سكتت امي متنهده
فرج ذياب ابني تصير سوالف بين كل اثنين بس مو سالفه هاي تطكها.
ذياب ابويه انتَ جبير بعيني وحجيت شي بيني وبين مرتي مارضى احد يفوت روحه بهاي سالفه احترمو هل كلام
كام فرج فرك عيونه يكح
رمله شفته حتى الك مايحترررمك ولايسمع كلامك جاهل
ذياب مو اني الينحجالي هل حجي
رمله لا انت
فتح الباب يريد يطلع لكينه هاله واكفه
هاله والله محشومه كاعده بين زلم وانتي ماتدرين بسوالف بنتج حتى
ذياب هاله
هاله تره بنتج تحاجي رجال محرررم عليها يا ام شرف والعلم اتكحزيلها ربيها اول واتوسطي بين زلم.
ذياب هااااااله!
باوعتله لازمه بطنها
هاله انت ماتحاجيها لان مره بس اني مره واحط نفسي وياها
رمله بنتي اشرف منج لو نسيتي ماضيج يا عليمن ابوج دحسج الهم لان من حضن رجال الرجال
فرج ررررررررمللله
كامت رافعه سبابتها
رمله انخلقت معززه مكرمه واتزوجت معززه مكرمه وخلفت وبناتي معززات مكرمات ماخلي كم جلب يفك حلكه وياهم مفهوم
عافتهم ودفعت هاله طالعه
فرج ذياب صح هل حجي؟
عافه ذياب طالع اني طلعت وسديت الباب لكيت هاله كبالي بسرعه ضربتها على عينها صرخت عفتها طالعه فوك سريع
فتت لكيت جاي يخلون جوري على جربايه
جاه گلبي جوريه
سديت الباب قافلته رحتلها لكيت نوف ومسره مسبحاتها ملبسينها دشداشه عريضه برتقالي فاتح حيل وشعرها مفتوح قصيره كذلتها صايره على كصتها
مسره هساع نسوي شعرها
كعدت يمها ماخذها ايدها ابوسها
جاه شلون صرتي
جوري بطني توجعني تعبانه
جاه ياروحي انتي.
تمددت زافره نفسها براحه
جاه مبدلين جرجف ومعدلين غرفه
نوف اي اني
جاه تسلمين نوف ومسره شكرا اهواي
مسره لاعلى شنو جوري اختنه
جابت عطر راشتلها رادت تخلي على ركبتها وانلسعت جوري فازه متاذيه
جاه شنو شكو؟
جوري متعوره منا لا تخليلي بس هنا
جاه ليش شبيها ركبتج
درت وجها وشفت جرح دويره صاير احمر حيل متزلغ من جلدها ضليت صافنه صايرتلي غصه همست
جاه بشنو هاي
جوري جكاره حركني
جاه انحرگ كلبه ان شاء لله.
اتقربت بايسه ركبتها اباوعلها نازله دموعي عليها
جاه يدرون بيج
جوري شنو؟
خليت ايدي على بطنها هزت راسها لا
جوري ماريد هل بطني
نوف شبلاها بطنج؟
جوري ها
نوف سمعت بطني
جوري جوعانه
نوف اندارلج فدوه هساع اطبخلج
جوري لا تعبانه راح انام شوي بعدين اكل
مسره ماتردين اسوي شعرج؟
جوري هوه هلكدوده ولادي عوفي هيج
مسره يصگع صگع عليج
صفنت عليها شوي مامجاوبتها دايره وجها زافره نفسها
كمت غطيتها امسح على شعرها بستها وطفيت ضوه طالعين.
ضليت افكر صدك جوري محاجيه احد رجال غريب معقوله؟، لو جاي تجذب
تنهدت نازله شفت حشام كاعد شافني حمحم بسرعه كام منزل راسه اني درت وجهي وفتت للغرفه ساده الباب
جاه اانام فوك يم امي، لا الكاها تحجي مالي خلكها هنا هدوء احسن
تمددت صافنه افكر
جاه ليش هنا يستنقصونه دائما؟
بلعت ريكي هازه ايدي مخليتها على عيوني...
مرن اسبوع كامل وجوري مانزلت من غرفتها ولاذياب يصعدلها محد شايف ثاني بس يدز نوف ومسره بيده ادويه.
اما هاله سالفه جوري حاجت غريب حتى فارس كلتله وبمره شفتها كاعده ويه نسوان الديره تحجيلهن
جاه شنو تسويين؟
هاله دحكي هاي اختها
ام كريم استغفر الله ربي الله يبعد عنه هيج وادم
جاه ااطلعن برررره حقيراااات شهل مهزله هاي
هاله نسوان اني مستقبلتهن بلمجلس شنو بمزاجج طلعيهن
جاه ااطلعن لاوالله هسه اكول العمو فرج اخلي يكتلج كدامهن يلاا بره يلااااا ناقصين مطايه احنه فوك صخام العندج جايبتلنه ذني.
ام كريم محشوم عليج ياهاله
هاله لااصبري حبيبتي معليج بيها تحجي من يمها هي
حجت وحده من نسوان تأشرلهن يكومن
ااني عايفه الاكل على نار يتور وهي زعطوطه تطلع بينه
جاه ديلا بلا روحي شوفي اكلج والتهي بعائلتج لاتفوتين نفسج بسوالف الناس الثانيين فاهمه توبي لالله
خلي اختج توب اول شكثر محشوم تحاجي زلمه غريب
ذياب هاله!
فزت خايفه ابتسمت مايله وجهي شفته واكف بلممرر بس مايباوع عاكد حواجبه
هنه عدلن نقابهن وطلعن بسرعه.
هاله هلا بتاج راسي
ذياب اطلعي فوك
هاله ذ. ذياب ماحجيتلهن مو اني
ذياب شنو حجيت؟
باوعتلي ضايجه اني بطرف عيني باوعتلهن ضاحكه ب استهزاء عاط بيها
ذياب يلااا
طلعت بسرعه فوك هوه مدلي علاكه
ذياب كاعده؟
جاه منيه
ذياب ياهوه يعني غير اختج؟
توترت هازه راسي نافيه
جاه نايمه والله
رفع حاجبه مستغرب من توتري منه ابتسمت
ذياب اكضبي هذا
عافني وصعد فوك فتحت العلاكه شفته جايبلها اندومي ابتسمت تك خد
جاه اشو احبهم سويه وماحبهم.
سديت العلاكه فتحت باب غرفتي داخله مخليه العلاكه لكيت فارس كاعد بغرفتي
جاه ها ولك شتسوي هنا
فارس اشش
جاه شني ولك
فارس همن اسمي فراس
جاه جا مو اكو يصيحولك فارس
ماجاوبني فاتح بطل لبن مالته شارب وسداه يتنوطح
جاه تره لبن موعرك شبيك
باوعلي متربع معدل كعدته
فارس اني احب
جاه فدوه لالله
فارس ليش تضحكين؟
جاه لان جاي تمضرط
فارس تره عمري سبعه!
جاه هوه انتَ نزعت حفاضتك؟
فارس شبلاااااج ياحفاضه.
جاه ههههههههه بلا احجيلي معاناتك يلا
فارس ههذا شنو
جاه وين
فارس جيس
جاه علاااكه اسمها
فارس هساع شنو بي
جاه اندومي
فارس اريد
جاه انجب عمك ذياب مايقبل
فارس شنو دراج؟
جاه ردت انطيك گبل بس نوف كالت
فارس لاتصدكين حجيها
جاه لا اشو اصدك
فارس خلي صوبج همن ماحبه
جاه ولاتحبه بعد احسن
فارس بس واحد
جاه ماااكو فارس شنيه مال اختي لاتصير هيج عندك كومه حلويات
فارس اريد اندومي
جاه اانجب سوالف زعاطيط هاي
فارس اني زعطوط.
جاه جا شعندك تحب؟
فارس ليش جوري موتحب وتاكل اندومي
جاه شتحب ماتحب عمك
فارس رجال الثاني
جاه انجب لك شهل حجي؟
فارس ها
جاه ولي اطلع هسه اكول العمك يشلع اذاناتك
فارس لاجاه اسف
عفته فاتحه الباب
جاه اطلع
فارس اسف والله
جاه امشي ولي
كام طالع ضايج مني لكيت امي كبالي طالعه من الحمام بيديها سله
جاه يمه شنوهاي
رمله مملابس شريهن بسرعه يلا حتى نصب ناكل
جاه شدعوه هلكد ملابس
رمله ججا شسوي كلها تذب بالاخص جوري.
جاه لاقبل جوري تنزف انتي هيج
رمله جميله جاهله وتذب اهواي كلساع توصخ نفسها
جاه جميله وين خطيه مخلصتها لو نوم لو تباوع ب ايبادها
رمله ديلاا المي ينكط بلكاااع
جاه فهمت فهمت
اخذتهن معدله شالي ردت اطلع وشفت ضرغام كاعد مفتوحه باب غرفته ركضت سريع مطلعه الملابس ورجعتله داكه الباب شافني وابتسم
ضرغام فوتي اختي فوتي يابه
فتت وشفت حشام يقره قرأن رفع راسه شافني ونزله بالع ريكه.
جاه جوري عندها ابره اليوم تكدر تضربها الها
ضرغام والله دحكي بعينج صدكي ماكدر ازيح رجلي غاد
جاه جا شلون تختنك يصيرلها تشنج
ضرغام ذياب يعرف
نزلت راسي رافعه اچتافاتي
جاه ماتريد
ضرغام ها زين تكدر تجي هيه هين؟
جاه اشوفها واردلك خبر
ضرغام هذا هوه لان والله رجلي تاذيني
جاه شبيها
ضرغام هين انزاحت
جاه يبو كبك ها
ضرغام اي
جاه صارتلي مره توجع حيلل حقك.
سمعت حشام يحمحم عاكد حواجبه باوعت الانحاء الغرفه مطفين الاضويه مبقين بس شباك مفتوح
جاه يلا اروح اني
ضرغام الله وياج بت العم
ابتسمت وطلعت ساده الباب لكيت جميله جاي تنزل من درج وراها هاله تباوعلها ركضت جريت جميله بسرعه شايلتها
جاه ها كعدتي حبيبتي
جميله جوعانه
مشيت بجميله خاطفه نضره الهاله رجعت الغرفتها
جاه عود صدك بس لاتريد تدفعها من درج.
جريت راس جميله بايسته اباوع شعرها شلون ثخين وقصير الركبتها مفتوح صاير على وجها
نزلتها بلكاع امشيها
جاه يلا امشينه
جميله جوري
جاه لا انطيج اكل
فتت للمطبخ فاتحه الثلاجه اباوع افكر اخذت خياره كاصتها بنص ب ايدي طاكتها وانطيتها نصف رجعت نصف ثاني للثلاجه سادتها مشيت طالعه بيها للحوش
جميله بارده
جاه اندري شو ثلاجتهم تجمد احنه جاي تخلي يحتر
باوعتلي مامفتهمه كلامي
جاه ااكلي اكلي هفي عليها.
جريت كرسي رافعتها مخليتها تكعد وبديت اشر الهدوم
جاه خوش طالعه شمس
جريت الحبل ماخذه بلوزها
جاه هذاا بلوز منوو
كرطت من الخياره مبتسمه
جميله مالتي مال مال ميكي هذا جاه
جاه اي عيون جاه
رحت للطارف شاره شال امي وانسحبت من ايدي قوي ردت اعيط وانحطت كلينسه على وجهي انضربت على حايط بسرعه باوعت وشفته الملثم نفسه.
فلاح اشش
وخر الكلينسه مني على كيفه لازم چتفي قوي باوعت الايده لابس چفوف سود ثخان رجعت انضاري عليه.
حجيت بكوه طالعه حروف من حلكي
جاه منو
فلاح مسودن؟
جاه لك شبيك وخرر
رجع ايده على حلكي گالب عيونه دايرني مخلي ضهري مضروب بصدره
فلاح موحجيت اش؟ ليش هل صوت بنات رمله كلهن هيج صوتهن
باوعت الجميله اجت خايفه ترجف ردت ادفعه ماكدرت
فلاح احجي الجوري ادري شنوصار ولاتخلي بالها اعوفها مستوعبه؟ اني اطشرهم بس ساعه تسعه ليل طلعي من بيت انتي وامج وجوري.
حركت بؤبؤ عيني اباوعله مجتمعات دموعي لكيته يباوع الوجهي قريب عليه مال راسه رافع حواجبه
فلاح مستوعبه لو لا
هزيت راسي اكثر من مره ابتسم تك خد رافع عينه المقدمه شعري طالعه من حجاب مد ايده جاره على كيف منزله
فلاح خلي بالج ترا فاسد وماكضب روحي اني
عافني شهكت ماخذه نفس قوي انداريتله لكيته مشى بلممرر وره البيت حط ايده على اطراف الحايط رافع روحه صاعد وكف على اطراف الحايط مندارلي.
عدل لثامه مأشرلي ب اصابعه محركهن بمعنى باي
وكمز عطت راجعه اليوره
جاه يمه شجاي يصير
باوعت جميله تبجي بدون صوت استغفرت شايلتها ماسحه دموعها
جاه لعبه هاي لعبه ولج حقج اني راح ابجي منين اجه هذا نوب
رفعت ملابسي شامتهن لكيت عطره صاير بيه لعبت نفسي فايته جوه مامكمله الملابس صار الليل ونسيت كل كلامه بس ضال بالي شكله وخوفي منه وافكر منو ههو؟
خليت جميله ايبادها كعدتها لافه عليها غطوه
جاه ححبيبتي اكل واجيج خوش.
هزت راسها واني باوعت الدشداشتي البستها بنهار جريتها راجعه اشمها
جاه عطر ثابت، شنو غالي؟
تنهدت سامعه صوت اشعار تلفوني اخذته فاتحته لكيتها من زوجي
باجر جايج للانبار
جاه يجيني ابو راس
سديت تلفون شامرته وفتحت باب الغرفه طالعه لكيتهم صابيين عشى وكاعدين
حصه اتكلطي اكلي
جاه اي هسه
نوف سوتلي مجال وكعدت
جاه حشام عادي خبز
هز راسه بدون مايباوعلي طلع ثلث گرص خبز مخليهن يمي
مسره اني اليوم خبزت
اكلت منه مبتسمه.
جاه عاشت ايدج
مسره عافيه. ضرغام ماياكل؟
نوف گبل باوعتلها اكلت حسيتها ضاجت
جاه بيج شي؟
نوف لا
بدينه ناكل وسمعنه صوت طكطكه گبل باوعت لكيت جوري لابسه ربطه ورديه شادتها من كدام مطلعه كذلتها على كصتها وفستان ربع ردان بي زخرفه ورد ناعم بلون وردي وفستان لونه كريمي
ابتسمت هيه بدت تنزل كلهم باوعولها
اجت عيني على ذياب جان مسويله لفه يريد ياكلها بلغلط اجت عينه عليها وصفن
ذب لفته منزل عيونه كايم
نوف اكلي.
حجت صوتها مبحوح
جوري لاماريد عافيه
راحت تمشي بيديها علاكه ادويتها تريد تروح الغرفه ضرغام وذياب على المطبخ صارو نفس طريق هيه ضلت منزله راسها فاتحه الباب داخله
اباوعله يباوعلها الحد ماسدت الباب حمحم فايت مغسل ابتسمت دايره وجهي الهاله لكيتها تاكل بلخضره وتباوع
جاه صخله
اندارتلي گبل
فرج شنو؟
جاه اكول اليوم فارس جان فاتح الباب وشفت صخله فاتت تركض
فرج هههههه اي نعجات جثير هين البيت الغاد من سلفنه راعي.
نزلت راسي اهمس
جاه جا مايربي الحيوانات الهنا ويحصل اجر
كمت رايحه الغرفه ضرغام لكيتها ماده ايده هوه يسوي ابره
جاه جا انتي ربطه وكذله ونص ردان
جوري كذلتي ماتصعد تنزل
رفعت حاجبي اضحك
جوري والله عبالك منتله
جاه ونص ردان
جوري هوه اخويه وراح يضربني ابره يضربني بيه حيل كلساع ارفع وانزل
ضرغام ههههههه صح
باوعت حشام فات راد يسد الباب بس صفن شوي ماعرف وين وماسداه كعد رحت على صفحه كاعده ولمحت ذياب واكف بعيد يباوع.
رافع اردانات دشداشته يمسح على شواربه وصافن بجوري.
غمضت عيونها متوجعه ضربها ابره وخلص شمرها كامت معدله ردانها
جوري تسلم تعبتك
ضرغام ماكو تعب ماشا
ضحكت اباوعلها هيه طلعت واني وراها شفنه ذياب كاعد على اول درجه يلعب بتلفون خطف نضره سريعه شافنه وكام ماخذ نفس من جكارته
فاتت جوري صاعده واني رحت الغرفتي ناسيه كلام فلاح...
صار الليل كلش واني نمت ماطولت كم ساعه واسمع صريخ!
توقعت بحلمي بس كحيت مختنكه من شي فتحت عيوني شفت يضربون على بيبان وعياط قوي صفنت لكيت عياط حصه! منهن
طلعت بسرعه مفزوعه لكيت البيت جاي يحترك
بقيت صافنه مصدومه من هل لقطه كلها طلعت وذياب وسمير يردون يطفون نار مايكدرون من كثر ماهيه عاليه ومصدرها جاي من غرفه غزاله وفرج.
فرج لك ابني شنووووو تسوي اطلعع ماتنزااااح نار هيييج
ذياب اانعللل ابووووووهم والله اطشر روؤسهم بسيطه العثرررين.
ضليت خايفه مادري شسوي انجريت قوي مطلعيني
حشام يلاااا وييييين ضاله
جاه ليش تعيييط عليه شنووو شصايررر
حشام مادحكيييين احترررررركنه تردين تموتين روحج؟
جاه اختي اميي وينهنننن
حشام برررررههه تلاكيهم اطلعي
طلعت بسرعه لكيت امي وجوري حضنتهم قوي متنفسه براحه
جاه امي شصار
رمله والله مادري حبيبتي تعاي هنا اكعدن اثنينجن
جوري حمااااماااتي
رمله لج وكت حمامااااات انتي.
جريتها مكعدتها على دجه وهيه عينها على سطح غرفتها تباوع من بعيد جيران كلها ملتمه وذياب طلع متصخم خده وبيده تلفونه يخابر ويعيط ويتووعد
حشام طلع لابس عگاله مخلي على حلكه يحجي بتلفونه
حشام اسعاااااففف شنو سالفه على شنو خابرررناك مثلا انريد تمن وبتيته
راح يركض يدلي على مكان واني درت وجهي الجوري تتلوى تريد حماماتها
جوري راااح يحتررركن
جاه شبيدنه حبيبتي.
حضنتها هيه تبجي تكرط ب اظفرها خايفه تنهدت كمت ماشيه نوف لكيتها ترجف
جاه هدي ان شاء لله ماكو شي
نوف اهلي اهلي
جاه يا اهلج؟ موميتين؟
ماجوبت بس ترجف تنهدت امسح على راسها
جاه يلا ياعيني كافي حبيبتي كلنا هذا طريق نموت
يمه شنو صار
جاه خاله احترك بيتنه
ياااا بيت فرررج!
جاه اي شنسوي بعد، نوف تعاي اكعدي هناك يمنه اني وجوري
سحبتها نمشي منداره لكيت جوري ماكو!
جاه لاااااا بس لاسوتها.
مشيت ادورها ماكو وماكو احد يم بيت جاي يحترك اكثر واكثر ذياب منطي ضهره وحشام اجه ساد تلفونه
جاه جوري حشااام وينهاا جوري
حشام مو كبل شوي صوبج كاعده؟
جاه ماكوو بس لاراحت الحماماتهااا فاتتت جوه جووري
اندار ذياب بسرعه سامعنه سد تلفونه جاي
ذياب شنو بيها شي جوري؟
جاه جوري ماكوو قبل شوي كاعده هنا تكلي حماماتي تريد تفوت جوه كتلها، تنهدت احاول اركز بلحجي، كتلها لاتفوتين حاجيت نوف رجعت مالكيتهااا.
فتح عيونه يباوع للبيت لزم راسه
ذياب جوررررري
مشى سريع يريد يفوت
هاله عوفهاااا هيه عنيييده وين فايت ماتفوت
حصه وييييين تريد تفووت!
ماجاوبها منزل راسه بحيره عركان وصدره يصعد وينزل سريع من سرعه انفاسه مكور ايده يرجفن شرايينه بارزات بشكل مخيف مفتوحه دكم دشداشته
غزاله حبيبي اسمع كلامهاا شنو ترييد تيتم ابنك وهوه بعده بطن امه على حساب وحده صغيره.
قبل لاتكمل كلامها لف شماغه على وجه ومتوجه يفوت جوه كلنا عطنه عليه فاتحين عيونه
هاله ذيااااااب
اندارلنه خازرنه عيونه حمر بيهن دموعه
همس بصوت مخنوك ونتر
ذياب مرتي.
دار ضهره وفات جوه البيت هاله ضلت تعيط تريد تفوت وراه لزمها حشام عاكد حواجبه
حشام اشش خويه كافي
هاله رررررجلللللي فاااااااات الجوررري لاااااا!
جاه ييمه شجايي يصيرر.
هاله ولكمم سويتواا بينه الله من وين جابكم علينه يااحررررااااميه اخذتوا رجلي مني هساع تردون تموتونه
ضجت صرت عصبيه ردت اروحلها حشام باوعلي
حشام خويه صدك تحجين وكت سالفه تسوونه هساع الوادم جدامنه!
سكتت رايحه يم البيت اباوع خايفه كلنا اتقربنه وفرج بس صافن وههوه يشوف تعبه سنين
جاي يروح كدام عيونه بدقايق بسيطه.
جوري
فتت للغرفه بسرعه سطح اكح مختنكه جريت قفص النسر مخليتهن
جوري اجيتجن اجيتجن حبيباتي انتن.
باوعت جايه عيوني على درج لكيت نار دا تصعد وتلتهم كلشي.
بقت حمامه البيضه ماكفى شلتها بيدي ساده قفص ماخذتهن ردت اطلع لكيت باب منسد
جوري لااااااا ليش
دكدكته قوي خايفه گلبي انعصر بللت شفايفي احاول افتح الباب واكح قوي مختنكه
رحت للحمامه البيضه داحستها كوهه ويه باقي الحمامات وشلت القفص حاضنته خايفه ارجع اليوره
جوري بابا تريدني وراح تاخذني يمك؟، بس ماردت هيج والله اخاف.
نزلن دموعي ب طرف ملابسي مسحت عيوني اكح مختنكه درت وجهي اريد اتنفس ماكو صار مكان عباره عن ريحه غاز ودخانه قويه بدت تملي الغرفه حتى
حضنت قفص قوي ابجي فاتحه حلكي اريد اتنفس كمت راكضه للسطح اباوع شفتهم كلهم واكفين يباوعون للباب منتضرين احد عطت عليهم محد سمعني!
جوري ماكدر اشمر روحي مناا اموت والله وانتن هم تموتن
نزلن دموعي مخليه عكس ايدي على وجهي كاعده بلكاع اشهك متبطىء تنفسي.
فزيت على صوت دفعه باب فات ذياب مخلي شماغ على وجه لافه اجاني يلزمني متاكد مني
ذياب جوريه بابا صابج شي
جوري مختنكه راح احتررك
ذياب تتلوع روحي ولا ادحكلج محتركه يبه.
جراني واني بيدي القفص بكوه شايلته ثكيل
طاح من اناره معلكيها بسكف للكاع محتركه بدت تطلع صوت لان كهربائيه
جوري ماكدر افوت نار على درج هاي وجاي تصعد
ضل يباوع محتار اخذ القفص مني شامره طايح بلكاع عطت
جوري لاااااا
ذياب اششش.
شالني ورفع دشداشته الحد كب رجله
ذياب سدي عيونج
غمضت خايفه مچلبه ب طرف دشداشته مشى سمعت صوت نار هابه خفت اكثر ضاغطه عليه
طلع صوت متوجع كاتم على حلكه ماخذ نفس
فتحت عيوني مامفتهمه شي نزلني
ذياب اكضبي وزرعدي برا يلا بويه
اخذت قفص مامصدكه وصلت ركضت بلممرر مطل وراها على الحوش مندارتله وشفت رجله متزلغات صاير عليهن نار
جوري ذياااااب رجليك!
ذب شماغه يحاول يطفي نار على رجله ضليت واكفه متصنمه مامتوقعه صارله هيج واذه روحه علمودي.
ذياب ااطلعي يبه
ماستمعت اله بس صافنه لاف شماغه على رجله طافيه نار هوه دنك مغمض عيونه قوي عايط متأذي
ذياب وچ شطبه اطلعي
درت وجهي عايفته ماشيه على كيفي واكفه بطرمه على صفحه شوي وطلع وراي وجه ذبلان رايح لونه
دايخ
جوري ذياب
اجه يمي لازمني متاكد مابيه شي
ذياب اصبري اناوشلج عبايه.
راح طلع يعرج ورجليه يرجفن ضليت اباوعله جلده متزلغ بالاخص صفحه كدام برجله يسره طالع حتى لحمه درت وجهي لعبانه نفسي
هاله حبيبي ذيااااب
حصه يمه ررررجللك
جاه جوررري وينها
ذياب خخويه حشام عبايه بسرعه
هز راسه ماخذ واحد من جيران وجابها لافها عليه مغطي شعري
رفعت عيني اباوعله لكيت روحه رايحه بكوه واكف
جوري وجعك يدك بلعضم
ذياب اصبر من اذيتج.
ماحجيت هوه طلعني جرتني جاه حاضنتني قوي امي عرفتها راح تجي ترزلني.
رمله لججج رررردتي تموتين روحج علمود ذني حمامات
حضنت القفص جارتني جاه على صفحه كعدت مخليه القفص يمي منزله راسي
جاه ليش هيج سويتي
جوري حماماتي يموتن؟
جاه شلفايده احترك ذياب
ماحجيت رافعه راسي اباوع وشفت واحد ملثم واكف على صفحه يباوعلي مأشرلي اكوم
انتبهت العيونه وعرفته
جوري فلاح.
كمت متوجه ناحيته اباوعله هوه نزل الثامه مبتسم.