رواية عكد الظفيرة للكاتبة زينب جعفر الفصل التاسع
ذياب: -
انفتح الباب دخلت ايديها ترجف فتحت باكيت جكاير مطلع وحده مخليها بين شفايفي مورثها باوعتلها
ذياب شبلاج؟
نوف خالو جوري راحت
ذياب اعرف خلي تروح
نوف معاذ اخذها للعماره حجيت المسره
قاطعتها مأشرلها بيدي ناحيه الباب
ذياب روحي
نوف خالو الله عليك لاتخليها تروح
نترت بيها
ذياب نوففف رررروحي
سكتت طالعه وسدت الباب بقيت وحدي باوعت لحماماتها متنهد.
لزمت حديد الدرج كايم شامر جكاره ودخلت للغرفه اباوع اجت عيني على الكاعيه بيها شوي من دمها النزل من حلكها.
دفعت برجلي باب كنتورها متمدد على جربايه زافر نفسي طلعت تلفوني اباوع للساعه.
ذياب بعد ألج درب طويل.
جوري: -
نعست بس ماكدرت انام خايفه ماجنت متوقعه بيوم اسافر الوحدي وبنص الليل!
مسحت حلكي بيدي مرجعه راسي للتچيه الكشن صافنه على شوارع الضلمه.
معاذ اخويه محتاجه شي؟
جوري لا
معاذ ليش طلعتي هيج بليل؟
جوري معليك
سكت واجت سيطره نصى المسجل واكف اجه شرطي حاط ايده على جام
وين؟
معاذ للعماره
جناسي
طلع معاذ جنسيته منطي الها شافها ورجعها أشرلي شرطي
وانتي
جوري نسيتها
مسافره بدون جنسيه وين صايره؟
معاذ صار عدنه ظرف
انزلوا بلا
جوري وين انزل؟
معاذ سيدي معجلين الله يخليك خلينه نمشي
شنوتصيرلك البنيه
سكت معاذ وشرطي اشر بيده ننزل
معاذ زوجها المقدم ذياب فرج
جوري لاااا.
رفع حاجبه شرطي دار ليوره صايح احد واجه رجال مانتبهت الملامحه ضلمه واكف مسافه حاجاه الشرطي
سيدي هذا يكول زوج البنيه المقدم ذياب
درع المقدم ذياب فرج؟
اي نعم
معاذ بشنو احلفلك طلعتها من بيتهم
رجال شفت ايده بضلمه بيده جكاره اشر للشرطي يروح وهو اتقدم مد راسه باوعت وانتبهت الملامحه نفس رجال لجان ويه ذياب
درع بس لا ام كصايب؟
جوري لااا خلوني اروح
درع وين ترحين؟
جوري بيتي للعماره.
درع اي والله هاي انتي العمارچيه، اوكفوا اخابره
جوري لااا مارييييد
درع صوتج لچ شنو فالته منه
سكتت مستغربه شعرفه
طلع تلفونه داك على رقم
درع ها لك اويلي ويلاه ام كصايب هين، ههههههه امشوا امشوا
باوع لمعاذ منبهه عاكد حاجبه وكاتم ضحكته
درع واسمع لك خلي بالك عليها تره يملص اذاناتك
معاذ حاضر
ضرب على سياره مأشر بيده
درع يلا روحو روحو
مشت سياره وسمعته يحاجي بتلفون
درع ههههه والله قويه ضلت تسافر وحدها وبنصاص ليالي.
رجعت راسي للجام ومرينه بسيطرات وكله نفس الحجي
وين؟
جوري زوجي المقدم ذياب فرج
توكلوا
مشينه وتنهدت متنرفزه
جوري اكو بعد سيطره؟
معاذ لاا ماضن
جوري الحمدلله
دكت الساعه الخمسه الفجر ونهار بده يطلع يلا رفعت عيوني اباوع للافته المكتوبه
ميسان ترحب بكم اهلا بزوائر الكرام
جوري الحمدلله وشكر
تنهدت وعيوني بكوه فاتحتهن من نعاس ثواني وبديت اغفى وافز ماريد انام
لحد ماغفيت وفزيت على صوت سيطره هم ودخلنه
معاذ بيا منطقه؟
جوري.
هز راسه يباوع للافتات ودخلنه بقيت ادله على الأفرع
جوري يمك يمك هنا، مسره انطتك فلوس؟
معاذ اي وحته لو مانطت واصلات لعيونج
جوري تسلم
اخذت جنطتي منزلتها وسياره مشت بقيت واكفه اباوع للباب مالته راجعتلي ذكرياتي انا وابويه.
اجتمعن دموعي ولخنكه موته صدري خليت جنطه بلكاع ودكيت الباب
مسحت دمعتي داكه الباب اقوى وأنفتح طالعه امي تلبس بحجابها شافتني وعكدت حواجبها
رمله جوري!
شهكت حاضنتها سريع بقت مصدومه شوي ومدت ايدها لازمتني وايد ثانيه تمسح على راسي
رمله شجاج يمه احجيلي شكو
وخرت مبرطمه امسح بدموعي ويرجعن ينزلن باوعت يمين يسار ودخلتني جوه
رمله فوتي فوتي گلبي
دخلت وهي شالت جنطتي وسدت الباب
دخلت للصاله الاضويه مطفيه بس جاي ضوه شمس خفيف صاير لون غرفتنه اصفر وجميله نايمه بصاله ماكو فرش عرفت امي غاسله الغرفه
بس بنكه مشتغله على الواحد
رمله هسه اجيبلج فراش.
هزيت راسي وهي دخلت للغرفه جايبه وفرشته إلى كعدت عليه نازعه شالي وصايه
رمله شنو يمه ليش هيج باهته گليبي
جوري تعبانه بعدين احجيلج
هزت راسها خايفه عليه وانا تمددت مخليه ايدي جوه راسي ودموعي ينزلن على كيفهن.
راحت للمطبخ نازعه حجابها وجابتلي كلاص مي
رمله لفجر غسلت الغرفه فا شغلت البنكه حته ينشف المي بس لابردانه
رفعت راسي شاربه المي حاسه براحه وامان. يم امي
جوري لابلعكس هنا دفو.
هزت راسها وكعدت مخليه راسي بحضنها
رمله ذياب وياج؟
عضيت شفايفي كاتمه شهكتي متذكره وهزيت راسي
رمله نامي نامي انا اعلمهم بعدين
غمضت عيوني بيدي لازمه من رجليها ونمت براحه. رغم الم جسمي.
بين نايمه ولكاعده حسيت على صوت امي تحجي بتلفون
رمله جاي احجيلج انطيني رجلج شبيج ماتفهمين؟
امينه احنه نسوان وبينه نتفاهم
رمله دمشي لج اتعامل وياج صيحيلي زوجج المصون.
رادت خاله امينه تحجي وامي قاطعتها ضاربه على طبله فزيت مخترعه من قوه ضربه
عاطت امي قوي حته جميله فزت
رمله بننننتيي نايييمه ماريييد اكعدهااا صيييحلي زوججج لايضم راسه
امينه عيب تحجين هيج خلي
قاطعتها امي صايحه تفر بيدها
رمله صييييحيي
رجعت راسي للمخده خايفه من امي ضامه وجهي بلغطوه
فرج يامره ادري احنه غلطانين بس بنتج جوري.
رمله بنتي ماتجيب ااسمها على لسانك اسمع كلمتين هيه لو صدك لعكال براسك حاسبه الف حساب تعال هناا البيتي واليوم!
سدت تلفون وجميله صافنه دفعتها امي
رمله نامي انتي
رجعت جميله مغمضه عيونها وانا مثلت نوم من الخرعه اجت امي يم راسي تمسح على شعري
رمله يابعد روحي نايمه مثل الملاك.
امينه ياا راح تروح
فرج اي
باوعوا اثنينهم النزل من درج
فرج وين ذياب؟
ذياب عندي سالفه هساع اجي
امينه يمه راح تصير بسته وين رايح
مجاوبتها طالع وساد الباب وطلعت ماشي بشارع
رحت البيتهم ومالكيت سياره دكيت الباب شوي وطلعتلي
ها يمه
ذياب معاذ اجه؟
لابعد بس خابرني بدرب هوه
ذياب اي درب شنو راجع رايح
راجع
هزيت راسي حاك حاجبي
ييمه هوه وصل منو
ذياب يلا معه سلامه
الله وياك ابني.
رجعت ردت ادخل للباب سكتت رافع راسي اباوع لواجه غرفتها
ذياب استغفر الله ياربي
فتحت باب سياره صاعد وشغلت سياره طالع بيها بس ل وين؟ ماعرف.
جوري: -
كمت من نومي مطلعه من جنطتي دشداشه بيضه عريضه وبيها ورود خضر ومن ناحيه الخصر من كل جهه بيها خيوط تنشد
اخذتها داخله للحمام فتحت الحنفيه مخليه المي ينزل على طاسه وبديت اسبح فرجت سنوني باصقته وغسلت وجهي شلت شعري كعكه لكيت كم كيتره معلكات اخذت وحده منهن مثبتتها بشعري
ولبست دشداشه باوعت من المرايه لكيت نفسي ضعفاااانه حيللل وجهي باهت كلش درت وجهي بسرعه ماريد اشوف نفسي.
طلعت ورحت للمطبخ شفت امي جاي تطبخ شافتني ابتسمت
رمله شلون صرتي
ضميت ايديه ليوره شابكتهن بعض ومنزله راسي حاجيه بصوت ناصي
جوري زينه
فرشت فرشه على الكاع وكعدت خلت صينيه ام العنب بيها تمن احمر وطلعت من الفرن سمجه
رمله تردين زلاطه بصل
جوري لا
راحت تسوي مي وانا ابتسمت رغم البساطه اله راحه جبيره خلت كدامي صمونتين ردت اكل وتذكرت حماماتي
برطمت مجتمعه دموعي
رمله ها شبيج
جوري حماماتي.
رمله هسه اخابر امينه اخليها توكلهن وفرج يجيبهن وياه
جوري راح يجي؟
رمله اي
جوري ماريد اروح حبابه
رمله لا بس ابوگ عكاله واخلي يروح
هزيت راسي ماكله من سمجه امي مدت ايدها على صفحه من سمجه لتصير بيها دهن اهواي فلستها وخلتها كبالي
رمله اكلي اكلي ضعفوج ياروحي
ماحجيت ماكله وهي طلعت تلفونها
رمله ها امينه
امينه هاحبيبتي
رمله موحبايب احنه باعي لحمامات خلي فرج يجيبهن وهسه وكليهن صمون بس سوي ناعم خلي فوكاه مي.
سمعت طكطكه يمهم وحجت
امينه ها يمه ذياب
ذبيت لگمه من ايدي ضايجه وامي انتبهت وسدت الاتصال
رمله اسمعي هسه تحجيلي كلشي من بدايه لحد وصلتج لهنا!
امينه تريد غده
ذياب لاماريد
دخل للمطبخ ماخذ صمون ومي وبيده علاكه طلع فوك فاتح باب غرفه جوري
اخذت انا هم صمون وصعدت فتحت الباب على كيفي لكيت باب سطح مفتوح وهو كاعد مگابل لحمامات مالاتها ينطيهن صمون واكل من العلاكه هم
ذياب بش بش تعي هين اكلي
شال الحمامه البيضه مبتسمه وصاب شوي مي بيده ثانيه مقربها يم حلك الحمامه تشرب
ابتسمت ساده الباب ونزلت سمعت صوت شخط سياره
امينه يااا بس لاراح
ركضت بره وشفته راح.
امينه الحمامات نسيت احجيله عليهن
جوري
صار المغرب وانا كاعده يم جميله
جوري كبرانه فصعونه
ابتسمت تعضعض بدبدوبها سمعت صوت سيارات وهورنات عكدت حاجبي كايمه فاتحه الشباك باوعت وشفت ست سيارات سود وحده وره ثانيه وبيهن بيض وضرغام مطلع راسه من فتحه جبيره بنص سياره بيده سبحته ويفررفر بيها
جوري يمه بس لاطبرجي وياهم
سديت شباك واجيت يمه امي لكيتها تلبس حجابها
وفتحت الباب
رمله جايب العشيره هذا
جوري ماما وين ندخلهم كلهم.
رمله شني مدخلتهم شعندي
نزل فرج من سياره لابس عبايته وعگاله وبيده سبحته منزل راسه تقرب يمنه وامي أشرتلي ادخل دخلت جوه مطلعه عيني من بوابه اريد اشوف
رمله وين جايب ذولي محد يدخل بس انته
فرج تددللين يابه ضلوا هين
فتحت امي الباب مأشرتله يدخل وردت الباب داخله وكعدت على قنفه الكدامه شابكه ايديها بعضها تطبطب على رجلها تصعدها وتنزلها القدم على كيف تخوزر ب فرج وهو كعد يفرفر سبحته بيده
همست بصوت ناصي خايفه.
جوري يالله هديها شلون ملگه فرج الأنباري ورمله العمارچيه.
فرج احنه نريد نتفاهم واحجيلج بنتج غ...
رمله اسمععني اسمعني
فرج خلي اكمل الحجي!
رمله اقاطع ونص شنو بابا بنتي ماخذيها فصليه
فرج يامره دحكي واسمعي
رمله جاووبني بنتي ماخذيها فصليه لو اخذتوهاا معززه مكرمه من هل بيت لك ابوها مضاربها انتوا.
اشرت بيدها على من فوك ليجوه.
رمله خلك شنو حته تمدون ايدكم على بنتي وهاي غير سالفه مطلعيها بنصاص الفجوره تسافر محافضات مو محافضه و وحدهاا ومضروبه!
فرج الغلط من بنتج هي طلعت وحدها بلا مانندري
رمله بنتتتي شررردت منكم لك حته حماماته عافتها بس تريد تخلص منكم تدري لو اشتكي عليكم اذبكم بسجووون من اولكم لتاليكم كلي من اجيتني مو انطيتها الك كلت هذا عمها تاليها هيج
فرج عمي بنتج غلطت وصح احنه هم غلطنه بس
رمله شسوت؟
فرج دفعت امينه ترضيها.
رمله حضره جنابك ماكدرت تطلع كامرات لان بنتي واثقه بيها ثقه عمياء ماتسوي هيج شغله
فرج انا عندي دليل هي دفعتها
رمله لاماعندك دليل
فرج لاعنديي دليلل ولاتقاطعين حچيي
رمله اكووووول ماعععندك دليل والله شفتها وراها معناها هي شفته بضبط كاعد تشمرها؟
فرج عجل منو؟
رمله جنتك الاولانيه وطلع لسانك عليها موجاي على بنتي عود لان ماعندها بعدين شنو تعايروها يتيمه لك ترححوولها فدوه من راسكم لساسكم.
فرج ياهوو حاجيلها هيج اهدييي شبلااااج
رمله اسمعني وحك الله هسه لازمه لساني تادب لعندك بلبيت وتسوي واجباتك ك اب للعائله وتراجع الكامرات ولو انت ماسأل لو سأل جان دريت بنتي امك ومرتك وجنتك شريفات حابساتهها ايام وماستحي اكولها مسويتها على روحها لان عايفينها كلي بهل وقت انته وين جنت حضره جنابك؟ لو ابنك لمامفتهم شي واجه وضرب وطلع بطولات
فرج شوكت حابسينها شنو هذا تلفيققق.
رمله مواكلك ماتعرف شي ملتهي تحل قضايا ناس وقضيه بيتك ماحالها
كامت امي فاكه عيونها مأشره بيدها
رمله وابنك مويكلها ازتج لاهلج انا هسه اكلك اطلع برا لا انا ازتك
فرج رررررمممله ساكتلج لان مره
رمله اااطللع! احمدوا ربكم مامسويه شي لحد هسه ترا اجمع نسوان المنطقه والزم ذني ثلاثي اسكطهن
اشرت بيدها ثلاثه اصابع مطلع اخذت نفس وفرج نزل راسه طلع برا وشرايينه شوي ويطكن من عصبيه حته كام مايعرف يتنفس.
رمله سد الباب ورااك
فرج حته بابكم مكسر بابا ضرغام باجر غيره الهم
رمله معليك من بابنه
فرج موالج لاخويه
رمله اخووك ميت هسه فا يلي بلبيت انا وبكيفي انا ماريد
فرج اشو موعلى مزاچچ
عمو فرج لزم لباب وامي لزمته خازرته تجر بي
رمله عوف الباب
ضرغام بويه امشي عوفه
راحوا وسدت الباب نازعه حجابها كاعده على قنفه
رمله اانككطع تنفسي هاي شنيهاي راح وعطره بعده موجود شسالفه
اجيت أشرتلي للمطبخ
رمله جوريه مي مي جوريه.
هزيت راسي ورحت جبتلها مي
جوري ماما عيب مال سالفه ازت
رمله سدي حلكج انتي
سكتت ماخذه لكلاص منها ودخلت الغرفتي متنهده فتحت جنطه اغير دشداشه انتبهت لشي مدحوس
عكدت حواجبي مطلعته
جوري شنوهاي تلفون، شجابه هنا
شغلته جديد ومشحون وبي رصيد وبس رقم واحد موجود مسمي نفسه سيدي
جوري لاوحاط رقمه
طلعت اباوع للبرامج منزلي فيس وكم لعبه دخلت.
للأستوديو لكيت كم صوره للحمامه وصوره إلى وانا نايمه وصوره من جنت سكرانه حاضنته وبايسه شاربه فتحت عيوني بسرعه طالعه
جوري هاي شنو منين جابهن
بلعت ريكي داخله للمازنجر اكو رساله وحده كاتب
ذياب صور حولتهن من موبايلي لموبايلج حمامتي.
انتبهت رساله قبل يوم العصر، معناها قبل العركه
دخلت لحسابه منزل صوره الرتبته وصوره مطلع ايده بيها جكارتين طبگ
وفيديو مخلي لأغنيه كبر حبي وملا گلبي.
جوري حقير، وخبل اكو واحد يتابع روحه
طلعت من الفيس داخله للاستوديو اريد احذف صور واجاني اشعار من الفيس حاط منشور جديد
جوري لافوكاها يخلي منشورات ولا ضايج عليه. طبعا مايضوج عنده لمدفيته بحضناها
دخلت للأشعار منزله قبل ثلث ثواني صوره للحمامات مالاتي كاعد ياكلن وهو يمهن بس مبينه رجلي مددهن وبيده جكاره كاتب جوه
عگد ظفيرچ يلعب بالأيد يحجي عن لعبچ وعديد.
جوري شقصده هذا انا لعوبه. قابل بس انا عندي ظفيره.
قربت صوره لحماماتي مجتمعه دموعي
جوري عفتجن بيد الضالم ياروحي انتن.
تنهدت شامره التلفون متمدده صافنه على شباك جايني ضوه الگمر
كمت فاتحه شعري واخذت تلفون مشغله اغنيه كبر حبي وملا گلبي وبديت اظفر شعري ظفيره فرنسيه.
بعد مرور تسع أشهر.
ذياب: -
نمت على بطني ضارب على المخده من صوت تلفون
رفعت راسي فاتح الأتصال مغمض عيوني منعس
ذياب ها
درع نكول واحد بشغل زرعدت شغلت لسانك
ذياب اكو مطي يدك هساع
درع دنزلي قناصي انزلي
فركت عيوني مرجع راسي للمخده
درع قناااااص انننههض مابببك
ذياب شبلاك ماتنام
درع ياهو نايم هساع ماتحجيلي ساعه تسعه
ذياب اي ليل
درع دكوم كوم خليني ادحك الحلوه لجبتها
ذياب ههههههه كلب تريد تصعدلها ها
درع اي طبعا اريد اصير اول صاعدين.
رفعت شعري ليوره
ذياب جايك
درع لاتتاخر
ذياب دنجب لك
درع أييي يادرع راح زمنك من ام گصايب لاكت عينك
ذياب بعدك انته
قلد صوت البنيه
درع دنزلي حبيبي
ضحكت ساده بوجه كمت غاسل وجهي طلعت لابس جاكيت نيلي مشط شعري ليوره باوعت للميز لازمه ب اصبعي صاير تراب عليه
ذياب استغفر الله راد الها تنضيف
مشطت شواربي ورحت للسطح شامر من الاكل للحمامات ونسر جعصته بيدي قوي حاط مي يلا انطيته اله هيج يكدر ياكله.
طلعت وفتحت الباب عليها شفتها جاي تمشط ابتسمت متقرب لازم وجها
هاله راح تطلع
ذياب اي لل
هاله ههههه خطيه لاتغلط علي
غمضت عيوني متقرب اريد ابوسها وهي فرحت مغمضه عيونها لثانيه وهمست
هاله سيدي
فتحت عيوني بسرعه موخر منها متذكرها.
هاله شنو؟
ذياب منتضرني كرم لازم اروحله
عفتها وطلعت بسرعه ساد الباب ونزلت
حصه ها يمه الكامرات صارلي شكثر احجيلك سويهن تا ادحك للناس بشارع
ذياب ان شاء لله
فرج وليش من راحت جوري خربن كامرات.
حصه موكتلك لحمامه مالتها عطلتهن غير ذياب. طلعهن هين راحت وشرها ضل هين
ذياب ماصار شي. رايح اني
امينه يمه ماتريد تاكل ويانه بسكت
ذياب لاعافيه
طلعتله لكيته كاعد بلكاع متربع
ذياب يول لايدوسونك عبالهم مطبه
درع شنوسالفتك تمشط كصايبك
ذياب ماعندي كصايب لك
درع لامزين مزين خوش
ذياب اتكحز يلا
درع وين حاطها
ذياب غاد صفح
خليت ايديه بجيبوبي نتمشى وشافها
درع اووويلي ويلااه
ذياب تخبل ها
درع من هين اوف اوف.
ذياب لزكت عليها الجمهوريه
درع اويلي على الجمهوريه
ضحكت متذكرها هوه كمبص مطلع تلفونه
درع خلي اخذلها صوره للجمهوريه وها اها احلى نشر.
(الصوره الحقيقيه لسيارة ذياب، على كوله جوري اويلي على الجمهوريه).
ذياب دحكلي
درع ها مقدم ومؤخر
ذياب بلا سوالف فارغه اريد انام
درع شنوسالفتك مخلصها نوم دمشي خلي اشربك احلى جاي على حسابك
جر ايدي وصعدنه بسياره سقتها
درع شغللنله تكييف حاره
ذياب وين لحر شو هم مادري شلونك
درع دشغله شغله
شغلته حاط ايدي على راسي
درع شلونها عطوه
ذياب ههههه زينه
طبكت يم ابو جاي نازليين اخذت استكانيين
ذياب نروح البغداد موتتاخر على شغل همن
اخذ الاستكان مني شارب مطلع صوت شرب
درع لايابه
ذياب: -.
رحت المكتبي كاعد فاتح السبيكر
ذياب ها درع نسد المهمه اليوم قبل لايخابرونه مره ثانيه لو نوگفها
درع لاسيدي مانوگفها
ورثت جكاره ماخذ ملفات فركت عيوني منتبه الهن ملف ملف انفتح الباب داخل بيده الورق
سيدي وصلتنا مكالمه من مديرية الأمن يكولون عدكم مهمة جديدة ولازم تراجعون الموقع اليوم الصبح
سديت الملف مضيگ عيوني ماخذ نفس من جكاره
ذياب وين هالموقع؟
بالعماره
درع اووويلي ووويلاه العماره
استغفرت ساد الأتصال بوجه.
أشرت للملازم وطلع رجع خابرني
درع هي ليش سديته
ذياب سيدنه النقيب شوكت تجي موحجيتلك لاتتاخر
درع شبلاك عصبت
ذياب زرعد هين تعال
درع هها تريد نفذ المهمه؟
سديته بوجه شامر التلفون وصار الصبح وطلعنه
متوجهين للعماره
لبس مناظره يباوعلي مبتسم
درع قناصي
ذياب ها
درع احجيلي شعورك.
كورت ايدي ضاربه على بطنه خازره وهو يضحك بقينه نراجع الموقع لمده ساعات وطلعت الشمس وگبل الظهر جانت المهمة بالعمارة خالصة، الوفد كله رجع للمديرية، انا وكرم بقينه
مديت إيدي اطفي جكاره
ذياب يلا درع، خلي نروح
هو ضحك وهو يركب سلاحه
درع سيدي ما قصرت اليوم، خل نكافح روحنا بجولة.
ذياب شنو عدنه ضاليين مادحك شمسهم تحرگ
درع خلي نروح قناصي نرووح
ذياب هين حاره حيل
درع احب شمس
مجاوبته مأشرله يصعد بسياره.
مشينه سوا بالسوك الناس تمشي رايحة جاية، أصوات اليبيعون تعلى ريحة خبز تنور وگهوة تغري الواحد
بيت الزدحام صفنت على حمامات يطيرن
درع ها قناصي، شبيك؟ علگت؟
ضحكت مورث جكاره لخ
ذياب لا، بس، تعجبني هالمدينة بيها وجوه ما تنسى.
درع اوكف خلي نشتري شي من هين
طبگت صفح نازل اانتبهت لبنيه صغيره منداره تبيع بيديها اندومي
ابتسمت رايح يمها داغها خفيف على چتف
اندارت شافتني ابتسمت
ذياب شكثر سعر الاندومي
جيس بربع.
ذياب انطينياهن كلهن
كارتونه كلها؟
ذياب اي
طلعت محفظتي منطيها ميه الف
هاي اكثر من سعرهن بهواي
ذياب عادي يبه اخذي
اخذت مبتسمه منطيتني كارتونه انداريت لازم كارتونه وشفته كبالي يباوعلي رافع حاجبه
درع شنو هاي قناص
ذياب شلك دخل
فتحت باب سياره الوراني مصعده وساده
ذياب دحكلنه شي نشتري بعد
درع من شوكت تاكل اندومي انته
ذياب من اليوم شعليك اتكحز غاد يلا.
شمرت جكاره بلكاع دايس عليها برجلي قوي ورحت يلي يبيعون شفقات اخذت سوده عليها خط ذهبي ودرع اخذ بيضه
درع حلوه
ذياب جؤ
درع ازوول عليك ذبابه
ضربته على چتفه خازره وهو ضحك
حاجيت بايع ثاني
ذياب هذا شنو
حلاوه شعريه
ذياب اريد منها اثنين
هز راسه صابلي اخذنه ماكلين اتچيت على عربايه لاف قدم رجلي ليوره اكل وهو اجه يمي ياكل
درع خوش حلاوه ها
ذياب لاموهلكثر
درع هوه غير نفذت عليها
ذياب هههههههه ماكو هين بسيسه
درع ماضن.
جاي ادور وجهي واجت عيني على المره الواكفه تحجي ويه اليبيع ميلت راسي حاس شايف ملامحها
درع عجبتك؟
ذياب كلب موهيج بس اضن مدحلكها قبل
درع يمكن وحده من نسواني
ذياب ماعرف
درع دحك شون تهز بيدها للبايع راح طكه ههههه
رمله وحك ماعرف منو اريد هاي فانيله لك بنتي كلتلي تريد هذا لون زمبردي
حجيه شني زمبردي
درع زمبردي ههههههه
ذياب هاي بس لاهيه
درع ياهي؟
ذياب اتكحز نروح
جريت ايده وصعدنه بسياره شغلتها راجع ليوره.
درع ابو شرب شلونه
ذياب زين
درع احجيلك دحك
ذياب ها
درع طولت ومارايح للحمام
ذياب هههههه هساع ادحكلك على صفحة وانزل
درع اي موبصحراء احنه مادحك هين شكثر ناس
سكتت شوي وابتسمت مشغل سياره
ذياب هساع يبه
درع وين
ذياب مالك دخل
نوف: -
مديت راسي وشفت ضرغام كاعد بطرمه يهز برجله
خليت شال ورحت يمه
نوف شلونك ابن لعم
ضرغام حياج فوفه اكعدي
جر كرسي مخلي بعيد عنه وكعدت طلعت مسره لازمه صوندده
ضرغام هها لچ دمعايه
مسره اني.
ضرغام محد اكو غير...
باوعلي منتبهلي
ضرغام اي صح نوفه اكو
مسره وين باجيه يمك
ضرغام دحكي عيونها مومال تريد تبجي
نوف امم
ضرغام شلونج شلون دراستج
نوف من وين إلى دراسه
ضرغام اي صح موهساع جايج يجي كم شهر دحكيلي فرحانه بيها؟
نوف لا
ضرغام ادري كلنا مانحب المدرسه بس علمود وضيفه اخر مره نجحتي مو
نوف لاطحت ب ثلاثه
ضرغام اههمم غمه كون ادري بيج كسولي
نوف ضرررررغااااام
ضرغام صيري نفس مسره
مسره شبيه اني سمعت اسمي.
نوف بخير سالفتج
ضرغام جذابه بشر
صفن شوي وشاف بزونه كام يركض وراها غميت روحي هامسه
نوف هساع وجك حلو شخصيتك شبلاها مهبوله، غمه تغمني نوب احبه.
درع ادري شنو وين رايحين
ذياب دسكت
عفت سكان مشغل تبريد ورافع جامات وصلت يم الفرع بس مادخلتله وكفت سياره اباوعله هوه عاكد حواجبه مامفتهم
درع شنو
ذياب دنزل روح غاد لهذا البيت ا عندهم
درع اعرفهم يعرفوني مزرعد فايت واسويها
ذياب هههههههه لك فوت ماعليك
درع ادري تريد يطكوني
ذياب لايمي
درع دروح
ذياب دمشي لك انزل راح بالك يم منو تشتغل
درع هوه حضي خلاني اشتغل يمك
ذياب دنزل يلا
نزل رايح الباب نزلت جام مأشرله.
ذياب هين هين
درع هذا؟
ذياب اي عفيه ظريف انتَ
هز ايده وانا لغميته دك الباب عليهم رفعت جام مباوع ومحد فتح دك مره ثانيه وثالثه كسر الباب
ذياب ادري ياعثره شنو هل نوم
نزلت جام
ذياب تعال تعال هو الباب مكسر لاتكسره اكثر
راد يجي وانفتح الباب بسرعه درت وجهي مباوع ناسي الحلف لحلفته براس هاله.
طلعت بنيه صغيره بكوه تمشي تباوع للدرع
درع شنوهاي الفصمه
بيديها باكيت جكاير فارغ تعضعض بي.
درع لاحلو دخن نوب دناوشيلي بلا ادحك نوعيه
ذياب درع تعال
درع لك دخن أبو صخره
مديت ايدي ماخذ كارتون الاندومي ونزلت جاي يمها انطيتها الكارتونه وهي صافنه طفله مامفتهمه شي
ذياب شنو اسمج؟ جميله؟
هزت راسها خايفه ضحك جار ايدها بايس خدها وعضيته طكتها بجيه
درع اادري لايطلعون اهلها شبلاك تعضعض
عفتها ماسح خدها منطيها الاندومي اخذته وركضت داخله جوه سديت الباب اضحك مخلي ايدي بجيوبي
درع هذا بس لابيت ام كصايب؟
ذياب ماعليك اتكحز نروح
درع دخل اروح للحمام
ذياب دمشي لك وين فايتلهم
درع لعبت عليه مواحجيلك راح زمني من دحكتلها
ذياب وين اصلا ماريد ادحكلها
درع عجل شنوعندك يم بابهم؟ تجذب سيدي
ذياب لاعلمود كارتون الاندومي
راد يحجي وجريته مخلي ساكت صعدنه بسياره رافع جامات وقافل بيبان
ذياب انا حلفت لهاله مادحك لعيونها بعد.
درع حيل وافي بلوعد
ذياب ليش هساع دحكتلها؟
درع لا
ذياب اي هذا هوه كثر اندومي وناوشته الهم.
درع ناوشت الكارتونه كلها
مجاوبته مشغل سياره طلعت جكارتين طبك عاكد حواجبي وانا اشوف كلشي يخصها يسكتني وماعرف اجاوب.
درع بسالفه واحد من الملفات
دست ماشي عابر فرعهم اخذت نفس من جكاره وزافر النفس من خشمي رافع راسي
ذياب شبلاهن؟
لزمت سكان مباوع من جام نوب انتبهت عاكد حاجبي داير وجهي شايفها مباوع لعيونها لمنزلتهن وبيدها كارتونه بيهن جكاير.
ذياب جوري.