رواية عكد الظفيرة للكاتبة زينب جعفر الفصل التاسع والثلاثون
جوري
فتحت عيوني سامعه صوتهم ناصي يتهامسون وضحكه عسل بصوت عالي فرحانه
الغواش اختفى من عيوني وجهي تعبان وكل حيلي احسه مهدود اباوع بلغرفه نفسها مال مستشفى
بيدي كانونه وحاطين على شعري شال درت وجهي اتنفس بكوه جسمي متكسر حسيت روحي طلعت وهسه رجعتلي.
انتبهوا اني كاعده داروا جسمهم كله عليه يمشون جايين كدامي رجعت راسي عليهم اباوع وشفت خاله هيله بيديها طفل جواهه غطوه كريميه وطالعه ايده صغيره منها.
جوري ابني. خالد
من حجيت الاسم انطعن وجهن واحد يباوع للثاني ب ارتباك رفعت ايدي رغم تعبي بس حسيته كله انزاح من شفته
دنكت خاله هيله مخليته بحضني باوعتله صغيرون ومدبدبه خدوده رافع ايده ونايم قربت ابهامي امشي على خده متذكره ملامحه عكدت حواجبي
مشيت اصبعي على خشمه نفس خشم ابو
همست بالعه ريكي بغصه
جوري يشبه
خاله هيله فهمتني وعسل صافنه بملامحه
عسل وين باوعتيله هيااتج من جبتي بعده مطالعه ملامح وجه الفصعون.
رغم صغير بس مادري حسيت يشبه رفعت ايدي منطيته الخاله هيله
جوري هاج
هيله يايمه فدوه اروحله بس شنو هاج
جوري يعني اخذي
هيله لاحبيبتي هههههه غير ترضعينه
جوري ها؟
هيله هسه هوه جوعان وكلي
مافهمت وهيه أشرتلي
هيله مو علمتج
جوري تعبانه هسه وكلوا اي شي.
عسل اني ثوله وممامسويه سوايتج شنو سالفه جوري
جوري تعبانه والله
هيله يلا مومشكله نامي ههسه وهوه هم نايم من يكعد شربي حليب
جوري اي
ايناس جوري مو توكلينه شي مايصير.
جوري اعرف اعرف شنو تره بابا جايبلي اهواي العاب واني صغيره
هيله جوريه گلبي هاي مولعبه
جوري ادري يعني اركز اكثر لاتخافون
شكران شتركزين شبيج
باوعتلهم امهم خازرتهم هنه راحن وطلعن اني بس اباوع رجعت انضارها عليه مبتسمه
هيله كلنا هيج مانعرف بلبدايه انتي احسن ام
لزمت خدي ماسحه عليه گلبت شفايفها متنهده
هيله راح طلعين احسن مني
جوري لاوين يمج ماعرف شي.
هيله موقصه تعلوم هيه وتعرفين وماتعرفين اكل لبس هذن شغلات سهله وكل بنيه اول ماتصير ام تتعلم شوي شوي بس قصدي على ضروف انتي احسن ام وقويه
درت وجهي على ايدها لازمه خدي وبايستها وخرتها بسرعه بعيونها دموع ابتسمت بايسه راسي
هيله الله ينطيج قوه ويوفقج ويحفضه الج
عدلت عبايتها رادت تطلع وحجيت اني منزله راسي
جوري خاله هيله
اندارتلي رفعت عيوني اباوعلها
جوري اني ما تتقارن ضروفي ب ام شهيد.
كمت معدله كعدتي بكوه حاجيه رغم تعبي
جوري جنت مقرره اسمي ابني على اسم ابوي
بس انتوا ماقصرتوا وذكره
مايلت راسها مامفتهمه حجي الحد مانطقت
جوري راح اسمي ابني على اسم شهيد وحبيب گلبج
بهتت ملامحها ضاربه على خدها قوي حاجيه وصوتها ناصي حيلل ومبحوح صار دموعها نزلن على خدودها
هيله عود صدك ياحبيبه عود صدك!
فرحت على رده فعلهه هازه راسي اكثر من مره
جوري شنو اسمه ابنج
هيله اراي
جوري اراي؟
هيله اي سميناه على الامام على عليه السلام
هزيت راسي مدنكه اباوع الابني صافنه
جوري يلوگله
رفعته مخليته يم وجهي
جوري يشبهني؟
هيله اي شوي بعده مطالعه ملامحه
جوري وين حتى لون بشره لا اني بيضه هوه حنطي مادري قمحي
هيله خاف على شسمه
باوعتلها بسرعه ساكته خليته متنهده دخلت ممرضه تتحمدلي على سلامه شالته مودينه
جوري وين
ممرضه عدنه بعد شغل ويه الحلو
ضليت اباوع هيله رجعت كاعده يمي
هيله لاتخافين بس يتاكدون من صحته.
جوري جا ماتاكدوا قبل شوي
هيله هدي نفسج بنتي شنو سالفه لاتخافين علي
رجعت راسي على المخده تعدل بشالي
هيله ما ادري يمكن مالحكت
جوري على شنو
هيله عمج عبود راح يسجل اسمه
جوري حاجي هسه لو تخابرينه يسجله اراي
هيله وياه الولد اسمه كرم
التفت راسي الها ضايجه
جوري شجاااابه هذاااا شجابببه؟
هيله رخي نفسج حبيبتي بس راد يشوفه
كمت بسرعه لازمه ايدها وگلبي كام يدك سريع
ناسيه الم جسمي كله
جوري وذياب ذياااب موجود؟
هيله ياذياب؟
جوري رجال وياهم اكو بعد لو بس هوه جاي
هيله لاشفته بس هوه
رفعت نفسي اريد اوخر بلكانونه
هيله ولج وين
جوري ابني ماخليهم ياخذووونه ماخليهم
دخلت الممرضه مستغربه
ممرضه شنو صاير؟
شلعت كانونه من ايدي اركض طالعه برا الغرفه والممرضه تصيح وراي وهيله تعدل بعبايتها وتمشي سريع تريد تلحك بيه اني افتر حاسه ضايعه ومتخبله محتركه اعصابي ماريدهم ياخذوونه
هيله لج يمه صلي على محممد.
جوري ادريي بي يسويي كلشي علموود صاااحبه النذل يفررررح ادري بي وييين ابني وييين!
ركضن بنات عليه مامفتهمات شي ولامستوعبات شجاي يصيرر وشبيه معصبه
كعدت بلكاع مخليه ايديه على وجهي صاير الم قوي بطني كعدت ابجي جسمي يهتز قوي راجفه
هيله ييمه جوريه موجودين هسه اخابرهم بس اصبري ياروحي
ايناس جوري شجاج
اجت عسل تريد توخر ايديه من وجهي تشوفني واني ضاغطه على وجهي قوي مامهتمه الموجودين اليباوعون منقهره گلبي وممرود.
عسل بس اباوعلج شبيج تبجين احجيلي ابنج موجود
حجيت بصوت ناصي بين شهكاتي واضح بي كسرتي وخوفي ورجفه البيه
جوري اخاف لايسلبوا مني هوه هم اخاف
هيله يمه اذا سجلوا اسمه ماياخذونه بس هدي وكافي عصبيه حبيبتي
ممرضه مو اسمج جوري
شكران اي اسمها جوري
ممرضه ههذا ابنج دحكي
وخرت ايدي بسرعه لافته كل جسمي عيوني دوره لكيت الممرضه ثانيه بعيد شايلته وتغطي بي ركضت ماخذته منها حاضنته قوي مشتمته.
خليت وجهي بوجه نازله دموعي مقدمه شفتي بزعل لا ارادي حركه امسح على راسه شابگته قوي
جوري ياروح امك ياروحها حبيبي وين رحت ها وين اخذوك
دنكت راسي ابوس بعيونه فز كاعد عقد حواجبه متعصب لان مخربه نومته
ابتسمت بنص دموعي تنهدت لحد ماسمعت صوته
عبود مبروك ام سليمان مبروك
بلعت ريكي ضاغطه على سنوني منطعن وجهي انداريتله اباوعله لكيت درع واكف وراه حاط ايده بجيوب بنطرونه ولابس قمصله واكف مباوعلي بتحدي.
حجيت كلمه كلمه وبجديه
جوري هذا ابني واني اسمي ماخلي احد يسمي سليماان مفتهمين!
كرم مثل ما ابنج هوه ابن ذياب
صحت بصوت عالي اهز براسي نافيه حسيت نار وكبت بگلبي بكلامه
جوري اني كل هلل شهوررر وحديي محافظه على صاحبك النذل حتى مايدررري بي موجووود لو للاا
حك حاجبه يباوع للناس تباوعلنه اتقرب
كرم ذياب ابو لاتزيحين هل سالفه بالج
عطت مغمضه عيوني
جوري حجيييييييتلك لااااااااااااا.
عاط الولد فاز هيله بسرعه اجت تريد تاخذه مني حضنته قوي خازرتهم
جوري ذيااااب مو ابوو فااهمين
ممرضه حبيبتي اعصابج تعاي جوهه وهدي الولد موزين عليه هيج ولامستشفى ترضى احد يعلي صوته
جوري وخرررروا مني
عفتهم راجعه للغرفه مخليه طفل وبطني احس سجاجين ويدجوني عليها دنكت عاضه على شفتي متنهده
جوري ماخلي اسمك على رأيهم
كرم شبلاج؟
باوعتله بسرعه فتحت عيوني على حيلهن كمت ضاربته على صدره ردت اطيح وشكران لزمتني.
كرم لاتصيرين هيج مافات وكت جثير من جبتي هل زعطوط
جوري انجبب والله احبسك سجوون انت وصاحبك النذلل المطبرر المجررم اموتكم اذا بس فكرتواا تجون يم ابني امووووتكم
الطفل على صوته بلبجي دخلت الممرضه مراضيه كرم اتقرب اكثر
كرم هين مستشفى لاتعلين صوتج
جوري اطلع واسكت اني
كرم اذا مو بالج الفلوس الجهزتي بيهن ملابس ابنج كلهن من فلوس ذياب
جوري تعاير؟
كرم موووهيج بيج شي انتي؟ احجيلج مايصير تحجين هيج هوه يضل ابو وتدرين مايعرف لحد هساع بسببج ضابط بكلاامج وبحلفاني وماحجيتله
دنك مخلي عيونه بعيوني هامس بحده
كرم الحمدلله الله عوضى ببنيه من مرته.
فهمت عرفت هاله جايبه هزيت راسي رافعه ايدي
جوري يتهنى بيهااا وبمرررته اطلع يلا
كرم مو اني احبج ليش تسوين هيج؟
عسل شنو؟
ماباوعلها ضل بس يباوعلي مايل براسه
كرم لاتصيرين وياي هيج
جوري انته مثله
كرم صاحبي احتمال غلط...
قبل لايكمل قاطعته
جوري احتمال؟
كرم اسمعيني خلي احاجيج وحدنه
عسل ليش؟
هيله ابني مايصير تضلون وحدكم
كرم خيتي هاي شنو هل حجي وياها قبل لاتعرفكم
سكتت خاله هيله اشرتلهم يطلعون عافونه وطلعوا هوه راح وسد الباب اشرلي براسه ناحيه جربايه
كرم اربزي غاد
جوري موبكيفك وين اكعد اكعد
كرم ماتاذيج بطنج؟
اتنهدت رايحه كاعده هوه سكت شوي صافن بلكاع
جوري اي احجي؟ دافع الصاحبك شتريد مثلا حتى واني بعيده غلطانه؟ ماتكفوني شركم؟
كرم ذياب گبل يسأل عليج
سكتت الثواني ورفعت أچتافي
جوري وشسويله
كرم يول احجيلج غير بس عرف بيج زينه اوضاعج وضل ينطيني فلوس بس من اليوم الفات غاد والحد هساع ماسأل عليج ولا يجيب سالفتج او اسمج على السانه
جوري يايوم؟
كرم كل شوي يحاجيني عليج فا حجيتله ماتريد ومحلفتني ب امي ضل كم يوم لحد ماسكت
جوري اي
جر كرسي كاعد يمسح على وجه
كرم هساع ذياب مدحك الحياته ومرته وبنته.
جوري خوش، المطلوب؟
كرم بس شنو يصير يضل ابنه والمفروض يعرف بي
جوري لااا والله اطلع بليله ضلمه اني وابني اذا حجيتله
عكد حواجبه كايم رافع ايده مأشر
كرم انتي مهبوله لو شنو؟
جوري اتسوودنت وفقدت كل عقلي وبرائتي من شفتكم بطريقي صدك اسويهااا وماعندي مانع فا اسكت احسلك
كرم هل ولد الزعططوط موذنبه تسوين على سوالفج
كمت بسرعه خازرته
جوري سوالفي
كرم اي مو شغله عاديه تاخذين الولد وتفلين
رفعت صوتي فاتحه عيوني على حيلهم.
جوري ابني وبراااحتي خوش بس انبهك اذا حجيتله
كرم جوري لاتحاجيني هيج خويه احترميني شويه
غمضت عيوني ذابه نفسي اهدي ب اعصابي
رجعت اباوعله منصيه صوتي
جوري اعذرني
كرم اعرف لو ما معذوره ماسكت
جوري موتحجيله
باوعلي وايد لازم راسه وايد على خصره متنهد بحيره
كرم الله كريم
جوري اعرف الله كريم موبخيل حاشى للالله بس كلي اي ماكول
كرم يجرالج تردينه
هزيت راسي هوه باوع الابني اجه يمه مدنك كاعد على كبه
كرم سميناه سليمان.
جوري اغيره
باوعلي بطرف عينه ماخذ ب ايد ابني يبوس بيها
كرم وين تعرفين تبدلين يابه خليه سليمان على اسم نبي
جوري اريد اسمي اراي
كرم خلي سليمان اراي اني اسمي
جوري شتسمي؟
كرم ابني مستقبلي
ضحكت بكوه دايره وجهي شابگه ايديه سوه
جوري شسمها
كرم ياهيه؟
باوعتله بللت شفايفي وهمست
جوري بنته
كرم ليش؟
رفعت اچتافي
جوري فضول احسن لاتكول
عدلت كعدتي مخليه ايدي على بطني متاذيه
شوي وحجى
كرم ورد
جوري اسمها ورد؟
كرم اي هوه عاجبه هل اسم.
هزيت راسي وههوه لزم راسه رافع راس ابني على كيفه يبوس بركبته يحرك بخشمه مد ايده الجيبه اني جريت من طبله بطل مي مامنتبه اله
كام بسرعه ينكت ب بنطرونه لازم ركبته يفكر بلحجي وطك اصبعه متذكر
كرم مامشتاكه الامج؟
نزلت راسي ماحاجيه
كرم يلا ماشي اني معه سلامه
جوري الله وياك
فتح الباب طالع زحفت اللطفل اباوعله رافعه حاجبي
جوري سليمان؟
انتبهت بصدر الولد جوه الملابس طالع شي مديت ايدي جارته لكيت حاط خمس خمسينات ضميتهن بصدري متنهده متمدده يمه متغطيه اباوعله لازمه اصابعه
جوري شويه ونطلع، اشوفك الحمامات، راح يحبونك حيل صدكني.
درع
لكيت عسل كبالي تباوعلي درت وجهي منها بسرعه اباوع الابوها مدنك مهموم على جوري ابتسمتله رحت بايس راسه باوعلي وابتسم
عبود رضت؟
درع اي طلعوها من مستشفى
عبود ههوه محضر سياره
درع اودعناكم
حط ايده على راسه مبتسم.
عبود الله وياك ابني حبيبي
صعدت بسياره مشغل مسجل ومعلي اسوق لبست مناظري فاتح تلفوني مطلع صورته
درع موسليمان ضيم ضيم يمصكوع بيك طك بوس
سديت التلفون شامره زدت سرعه رايح البيتهم وصلت للفرع رفعت الجام مطفي سياره فتحت الباب نازل اباوع البيت فرج
درع ماشاءالله گبل كم شهر احترك و اليوم احلى من گبل، مضبوط شيخ فرج مضبوط.
دكيت الباب منطي ضهري حاط ايدي بجيوبي انفتح باب التفت مايل راسي اباوع بطرف عيني ولكيتها هيه لابسه شال اسود وبقيه من شال على عيونها ركزت على شامتها بالع ريكي
درع شلونج
نوف جوري شلونها
درع بخي...
انتبهت حمحمت اكح ذاب مناضري مخليهن بجيبي
درع موحجيت مادري بيها جم شهر صارلج عالكه بسالفه يول وهمن ليش طلعتيلي انتي وين زلم ماموجودين؟
نوف خالو ذياب بلغرفه وحشام نايم والبعد مشوا ويه عمي فرج
درع خالج ذياب كاعد؟
نوف اي
درع بعد لا انتي طلعين مايصير حتى لو تكعدين حشام
نوف مودحكتلك بلكامره انتَ وطلعت
عضيت باطن شفايفي اخفي ابتسامتي هزيت راسي اكح سمعتها تحجي بصوت ناصي
نوف اسم الله
درع امشي احجي الذياب اني هين يطلعلي
نوف فوت جوه للمجلس ماكو احد بي
درع لاخالي ههههههه مايصير احجي الخالج يجيني
نوف مو اذا حجيتله انت هين همن يحجيلي فوتي للمجلس واحجي للبنوات مايطلعن
درع عجل هذا هوه
نوف اي.
وخرت فاتحه الباب وصايره وراه نزلت راسي فايت
درع جدتج شلونها
نوف زينه
درع ديم ديم هانيه
فتحتله باب المجلس وطلعت فايته من جهه المطبخ
درع وين
نوف احجي الخالو ذياب انت اجيت
درع ها اي، زرعدي
نوف
ركضت صاعده فوك لكيت الباب مفتوح مال غرفه هاله
نوف خالو ذياب وين
باوعتلها كاعده تحط عدسه بعينها زفرت نفسها
هاله يعني وين؟ تلاكينه كاعد بره غاد
باوعت الورد تبجي مفرفحه بكاروكها وهيه مامهتمه
نوف بنتج تبجي.
هاله اذا انتي هيج زينه اخذيها سكتيها
سكتت فايته ماخذتها من الكاروك اباوعلها ضعيفه وبيضه عيونها بيهن لون خفيف بنيات بس فاتحات لابسه بلوز فضي يلمع بي ورود وكب مشجر همات بي ورود وبجامه ثخينه كريميه عليها خط بلون وردي مكتوب بالانكليزي بيبي فتاه بيدها اسوارات ذهب
شبگتها ابوس بيها
نوف دوده شبلاج تتبجين ها ولج گلبي
هاله اطلعي بيها لاضلين هين.
گلبت عيوني ماشيه ردت اطلع وكفت اباوع للبنيه بعدها تبجي وعلى شكل وحمه بني صاير بشكل دويره جاي على حاجبها وطرف عينها اليسره
بست عينها منداره الهاله
نوف اذا انتي گبل ضال بالج لاذياب. مايتقبل سرج
باوعتلي رافعه حاجبها
نوف ذياب عاشگها وانتي ماراضيه بشكل بنتج
هاله دطلعي اطلعي تحبين بنتي اكثر مني فرضا؟
ماحجيت عايفتها اباوع الورد كبرانه شوي راح يدخل عمرها خمس اشهر اجت عيني على غرفه جوري من قبل اربع اشهر وهيه مقفوله ومحد داخللها.
لكيت باب سطح يم غرفه زايده مفتوح بابها بس مردود مافاتح كامل رحت ماده راسي اباوع وشفته كاعد على مرجوحه منطي ضهره لابس بجامته وبلوزه سود دا يورث جكارته بيده تلفونه يگلب بي
ويمه مسجل مشغل اغنيه سمعته يهمس يردد ويه الاغنيه.
ذياب والعشره ماتهون الا على ابن الحرام، ياطير يامسافر اله وصله هذا الكلام ميت حبيبك كله
والليله ابد ماينام.
اتقربت يمه جايه سمع صوت بجي ورد طفى تلفونه ماد ايده ساد مسجل التفت مباوعلي عاكد حواجبه انتبهلي ورخت ملامحه
ذياب ورد
نوف اشتاقت الابوها بس تبجي
كام شايلها مستنشق عطرها بقوه مغمض عيونه
ذياب اخخ ورد اخخ
نوف صاحبك طك الباب اجه
شبگ ورد قوي ايده على ضهرها يحاجيني وملتهي بيها.
ذياب خلي فراس يحجيله يفوت للمجلس
نوف فراس نايم بغرفه امه وابو اني حجيتله
باوعلي بطرف عينه ضايج
ذياب ياهوه حجالج طلعيله؟
نوف ماكو احد
ذياب روحي كعدي سكط حشام
نوف اي هساع
كعد على مرجوحه مخلي بنته بحضنه يباوعلها هيه سكتت بحضنه بس تحرك ب ايديها صغيره ماتكدر تكعد حاط ايده وره ضهرها وخر ايده رادت تطيح اليوره رجع ايده.
يضحك بصوت عالي مهتزه اچتافه عصر فكها ب ايده رافعه بايس حلكها هيه تحرك براسها مغمضه عيونها ماحابه ملمس شواربه
ذياب ماتحبين شوارب ابوج يول ها
ابتسمت باوعت صفح اجت عيني على قفص جبير مال حمامات لكيت ضاله كم وحده
نوف خالو
ذياب جرحه
نوف االحمامات مو جبت جثير وينهن صارن موجثير
ذياب اي السكط ابراهيم ياخذ
نوف يااا اخذهن كلهن
ذياب هههههه لابيهن ماريدهن ف اناوشهن الصحباني بدوام شنو اسوي بيهن ماعرف ليش جبتهن.
كام منطيني بنته
ذياب اكضبي
نوف راح اخليها جوه بغرفه حشام واكعده يمشي بالغرفه ثانيه لان جاه راح تجي
ذياب ماتكعدون انتو بلغرفه ثانيه؟
نوف غرفتهم مابيها بروده جثير مادحك اثنينهن نايمين بيها حشام وضرغام
ذياب تمام بس حاجي يطلع مو يفوت
نوف اي
دار ضهره يريد يروح وكف مندارلي ماسح على شواربه
نوف هها خالو تريد شي
ذياب ام جاه شلونه؟
نوف احسن صارت بس بعدها تعبانه
ذياب وجميله تجي ويه اختها؟
نوف اي.
هز راسه طالع ونازل درج رجعت الغرفه هاله ماخذه الكاروك
هاله ها ها وين
نوف معليج يالئيمه
هاله ايااا سزز اذا ما احجي الخالج على السااانج
عفتها نازله اباوع الورد واضحك
نوف نضحك على امج
نزلتها جوه فايته الغرفه حشام لكيته نايم على بطنه باقي بلداخليه وشورت وشعره رطب سابح
نوف هذا بس يسبح
خليت كاروك يمه حاطتها بيها جريت ايده لكيته لابس ساعه خليتها على كاروك
نوف حشاام، حشااااام اكعععدددد
فتح عيونه يباوعلي.
حشام ها نونه
نوف اكعد يحجيلك خالو ذياب ولاتجي للغرفه اني وجاه نكعد هين وهمن خلي بالك على ورد بس اسوي اكل واكعد فراس يجيب حلويات اجهزهن من اجي امشي الغرفه ثانيه لو شسمه دحك اذا دحكت اجت اطلع مزرعد وعيونك جوه
ردت اطلع وانداريت لكيته مغمض عيونه
نوف حشااااام سمعتني
رفع راسه يفرك بعيونه فاز على صوتي
حشام شنو غاليتي؟
نوف شنو حجيت اني
حشام هها اي اطلع ذياب يحجي
نوف اي وخلي بالك على ورد
حشام تم.
هزيت راسي مبتسمه هوه رجع راسه مغمض عيونه وبيده لازم كاروك يحرك بي طلعت اكعد ب فراس.
درع
دنكت لازم تلفوني وانفتح الباب يباوع الجكارتي
ذياب بيتي ودخن كواد
ضحكت وكمت بطرف جكاره گطف طفيتها ب اصبعه وهوه ولاهمه يضحك متعود
درع شلون صرت؟
ذياب الحمدلله
تنهد كاعد على قنفه
درع لاتجذب عليه بعدك موزين
ذياب لازين زين لايضل بالك
غمض عيونه حاط عكس ايده على عيونه اني فتحت تلفون مطلع صوره
درع بش بش
ذياب ابن السكط بزازين هين.
وخر ايده يباوع وانتبه للتلفون
ذياب ياهوه هذا
درع ححلو؟
ذياب شو ادحك اتكلط جهاز
انطيته تلفون هوه رفع رجله مخليها على قنفه وبيده مقرب صوره على وجه طفل شويه وابتسم
ذياب ابنك؟
درع اي وحده من حبيباتي حوامل
ذياب هههههههه كلب بس والله حلو منفوش
درع منفوش شنو
ذياب سمين مال عض
درع لاصدك مو ابني بس لاصدكت
ذياب منك اي اصدك
درع افا هيج دحكلي قناص.
انطاني تلفون جار مخده مخليها ومتمدد رافع رجليه اثنينهن على طرف قنفه ومخلي وحده فوك ثانيه
درع هذا ابن صاحبي
ذياب الله يحفضه
درع تدري شنو اسمه
ذياب شنو
درع سليمان
باوعلي مبتسم تك خد
ذياب اخذو اسمي فكرتك هاي ها يول
درع لا يابه هوه سماه معليه اني
ذياب على حجي سكط صاحبك سليمان بن ذياب اصل وباكي بصل
درع ههههههههه هذا ابراااهيم
ذياب مايجي؟
درع بغداد هساع هوه بس طبعا يجي
ذياب يمتى
درع ماعرف ماحاجاني
ذياب شو بلا جهازك.
انطيته التلفون
درع مو تحاجي صاحباتي
ذياب دناوشيني ياخراتك
فتحه مطلع صوره الطفل مره ثانيه ويمسح على شواربه
ذياب صغيرون هذا
درع اي مافايته الوكت يوم هيج
ذياب ماشاءالله
مسح على تلفونه بجهه خدوده ومبتسم عيونه باطنيات مضيكهن وصافن بصوره
درع اخلي يناوشه الك
ذياب ههههههه هبت
درع اااا تريده
ذياب لايبه عندي ورد ما ابدلها
درع ورد سبقت سليمان بترغول گلبك
ذياب عجل شلون يبه الحبيبه هايه الحبيبه هين اسمها.
يأشر على گلبه وانفتح الباب فايته جميله مسويه شعرها كصايب ولابسه فستان اصفر بي فتحه من ناحيه جتف
ذياب يول هلا
جميله سيدي
درع ها جوجه
مانتبهتلي رايحه الذياب حاضنته من ركبته قوي هوه يضحك شابگها
ذياب يول صلوخ اليوم مطلعتلنه زريرات ماكو حشمه
جميله بس مناا
خزرها يضمضم
ذياب عيب عيب
كرم اول مره ادحك حضر سحك وبلواقع مو بلمواقع لج جميله
اجتني حاضنتني كعدتها بحضني
كرم ياصف صرتي
جميله بصف الحايط.
ضحكت اباوع الذياب يضحك ولازم شعره يرتب بي بيده
كرم تحبين المدرسات
ذياب يول معلمات سحكتها للمتوسطه
كرم اي نفس شي
جميله اي احبهن
كرم هل بت شاطره تطلع
ذياب ان شاء لله
كامت راجعه كاعده بحضن ذياب
ذياب اختج جاه جابتج
جميله قابل منو
ضل ساكت يباوعلها لزم كصايبها
ذياب مو تكصيهن
جميله اي
ردت اتحرك وانضربت رجلي بطبله
كرم اخخخ فرررج ابوك زات هين طابوك وماعرف
باوعت الذياب بعيونها الخوف مبرطمه
جميله صارلك شي سيدي
ضحك ذياب قوي.
لاگلبي
درع صدك لو حجاها ابراهيم تفووو مادحكين اني المتاذي سيدج مثل الحصين كل اذه مايصيبه.
جاه
جميله وين ترحين
جاه نوف حجت اروح الغرفه حشام نكعد هنا
جميله واني
جاه يمنه تكعدين
جميله لاراح اروح الذياب
نزل فراس ستوه كاعد من نوم شعره مخربط ويفرك بعيونه شافنه وابتسم محمحم يعدل بشعره بيده
فراس شلونج جميله.
گلبت عيونها ممجاوبه راحت للمطبخ وشافت نوف سألتها على ذياب وراحت اني فتت للغرفه حشام ماشفت احد بس كاروك بي ورد كعدت يمها ثواني وهزيت الكاروك مبتسمه واباوعله عيوني مليانه دموع حاسه بكسره وفرحه نفس الوكت جنت متمنيه هل طفل بحضن احد غير.
حسيت بدمعتي على خدي مسحتها وكمت اعدل بشالي مشيت ناحيه شباك موخره برده تول اباوع للشوارع ثواني وطفت سديت برده رايحه يم كاروك
جاه شعجب طفت ها.
بهتت ملامحي على صوت باب الغرفه انسد سامعه صوت خطوات احد
التفتت بسرعه وشفته حشام غاسل وجه حاط شماغه على ركبته رمش اكثر من مره مامستوعب
حشام جاه؟
كمت بسرعه منزله راسي
جاه اعذرني خويه نوف حجت اجي هنا مادري بيك انته موجود همات
حشام ها لا اني اعتذر فتت
عبالي راح يطلع فتح الباب مخلي مردود وراح فاتح كنتوره يدور على دشداشه وكل شوي ملتفت يباوعلي
حشام اربززي محلج خويه اخذي راحتج بيت بيتج.
رجعت كاعده اباوع الورد التشوه صاير عبالك وحمه على وجها انقهرت عليها اتقربت بايستها كارصه خدودها خفيف
جاه شلونج عمري ود انتي اسممج ود لو ورد ها شهل حلاوه
عدلت بشعرها رفعت راسي جايه عييني للمرايه لكيته يباوعلي ويمسح على لحيته بلعت ريكي متوتره
جاه خويه خاف تريد تبدل اطلع؟
حشام شنو ابدل جاه شنو ابدل
جاه ملابسك
حشام ها لا بس تا ادحك وين مخلين العكال
جاه خوش.
تچيت راسي على خشبه طرف جربايه منتضره نوف هوه ويفتر يدور ويباوع بطرف عيونه ومنزل راسه مستحي
ضحكت اهز ب ايدي على خجل مالته
همست عاضه طرف اصبعي صغير
جاه ما اضن يدري اني مزوجه.
رفعت صوتي محاجيته
جاه ليش اسمك حشام؟
وكف بسرعه لازم شماغه ب اثنين ايده يحركه على ركبته على كيف مبتسم ماحاط عيونه بعيوني
حشام اهلي بعد
جاه دارس؟
حشام محامي بس مامكمل جامعه
جاه ليش
حشام تعبت كلت ارتاح هل سنتين واقدم
جاه يعني شكد عمرك؟
حشام 23
جاه بعدك صغير بس فايتك كم سنه
حشام صح ابوي سجلني متاخر وعدت بالابتدائيه هم
جاه اهم شي النهايه محامي
ابتسم طالعات سنونه
حشام تحجين عليه صغير
جاه مو احجي عليك صدك صغير
حشام ليش شكثر ضنيتي؟
باوعتله وهوه اتقدم خطوه ناحيتي
جاه ثلاثيني او نهايه عشرين
حشام وانتي شكثر؟
جاه عشرينيه
حشام انتي همن زعطوطه
جاه هه هه ه مااتضحك
حشام ههههه
اخذ عكاله وفتح الباب لكى بوجه نوف رفع حاجبه مايل راسه
حشام من يمتى هين؟
نوف هيني اجيت شنو سالفه يمتى حاررر حارر الاكل اريد افوت زيح زيح
فاتتت جايه يمي هوه طلع وسد الباب
جاه شنو امسويه اكل؟
كعدت لكيتها طابخه اندومي رفعت حاجبي مستغربه
جاه مو خالج مايقبل؟
نوف اي بس من حجيتيلي تردينه حجيتله
ضحكت ب غرور
جاه وقبل
نوف ههههههه لااا همن مارضى بس همن حجيتله بس جوري
بهتت ملامحه على اسمها هيه انطتني جطل
نوف اكلي
جاه وشحجه من كتيله وجوري؟
نوف ماحجى شي بس سوه حواجبه هيج
باوعتلها عكدتهن
جاه ليش؟
نوف ماعرف بوكتها تا يشرب جكاير ماحجى الثواني و حجالي دحكي اني دحكتله لان بوكتها ردت امشي حجالي اجيبه الج غير وكت
جاه ها بس مافهمت
نوف ااني همن ماعرف ليش رضى
اكلت من الاندومي اباوع الورد
جاه هاي شنو الورد الحاطينه الها
نوف هاي ورد الياسمين وهين ورد الجوري ذياب جابه الها تحب الورد
جاه ورد بسس گلبي باوعيلي ولج
نوف ماعرفتي شي عن اختج؟
هزيت راسي نافيه فتحت جبوسه اكل منهن صافنه.
نوف خالو ذياب اضن يعرف وين هيه او طبعا
جاه هيج رأيج
نوف اي صدكي بس ماعرف ليش ساكت اضن لان مطمن انو ب امان بس ليش مايجيبها طولت جثير
جاه انتي ملاحضه تحاجين روحج
نوف ههههههه مو شكثر اسأله بالي
جاه اكلي
نوف شنو حجيتو انتي وشسمه
باوعتلها لكيتها تغمز رفعت حاجبي مامفتهمه
جاه عليمن شسمه
نوف حشااام ياهوه هين كبل شويه
جاه صوتج ادبسزز شهرتينه بس. سألت وذا
نوف ما اقتنعت
جاه ططبج طوب نسيتي متزوجه
نوف موتردين تتطلكين.
جاه هاي بس اني طلاكي سنه كامله
نوف اخر رساله شنو حجالج بيها
جاه يجي
نوف والله ازامط ب ذياف يخاف
جاه اازامط شنو
نوف واضح معناها
جاه عود اتفاخر بي؟
نوف اي هيج
جاه جا ذياب اخويه عمي شنيه
نوف ابن عمج
جاه اي صح انتو كرايبي
ضحكت وغمتني فتحت الباب فايته مسره ضيكه عيونها تباوعلنه
مسره تاكلون بدوني خاينين
سدت باب كاعده وضلينه كلنا نسولف وكل شوي ونذكر جوري ماطولت لكيت امي متصله عليه ودعتهن وطلعت داكه باب المجلس.
فتحه ذياب
ذياب هها يبه تردين جميله؟
هزيت راسي واخذتها
ذياب خلي حشام يوصلج
جاه لاميحتاج دنيا نهار بعده
ذياب حتى لو يبه مايصير وحدج
جاه لاعاديي قريب بيتنه عليكم
ما اقتنع بس عفته وطلعت ماخذه جميله هيه تنطي بوسات بلهوى هوه جراها بايس خدها وشافطه هيه تضحك ضليت فاكه عيوني مصدومه من بوسته
جميله باي سيدي
اشرلها بيده بمعنى باي ومبتسم ضاهره غمازاته
ذياب بايات يبعد سيدج وهله.
درت وجهي متمشيه
جاه الله يساعد جوريه گبل.
طلعت مشيت مبتعده من البيت عطت من انجريت من ايدي مضروبه على الحايط باوعت منهبط گلبي مامتوازن انفاسي وشفته كبالي
جاه شكو شترييد؟
فلاح حليانه يول لو عيوني بيها شي؟
جاه احول وخر يلاا ترا اصيح
ضحك صافن بعيوني خزرته وانضرب باوع خازر جميله
جميله وخر من اختي ذبانه
فلاح زعطوطه ومصگوعه قرج
جاه منين طلعت؟
ماحجى بحلكه جكاره فكه عريض زفر نفس بوجهي ماشي راجع اليوره حاط ايده بجيوبه لابس شفقته.
اخذت جميله وامشي سريع اريد اوصل للبيت انداريت لكيته يمشي وداير وجه يباوعلي شافني وخر جكارته من حلكه مطلع من جيبه سلاح مأشره عليه وغامز
بلعت ريكي خايفه خاتله بفرع مديت راسي وشفته ماكو مختفي اثره رحت البيتنه داخله
جوري
رجعت ولكيت نوح واكف بلباب
جوري نوح!
نوح شطبه
ابتسمت رايحه يمه بكوه ماشيه وبيدي ابني حجي عبود وبناته نزلوا مستغربين وهيله لازمتني مافاهمه شي
جوري شجابك شعرفك اني هنا
نوح اليحب يضل وراج.
جوري لاصدك شجابك
نوح حاجيت صاحب النقيب وكدر يجيبلي موقعج كتله حبيبتي وضايعه واريد اخطبها
جوري يانقيب ياصاحب؟
نوح نقيب كرم وصاحبه وياه بس لهجته غريبه
جوري بس لا الضابط المقدم
نوح لا موضابط اصلا موعراقي مبين
جوري صدك هيج؟
هيله منو انته شنو شلقصه؟
جوري صديق قديم
هيله من شوكت بنات الهن اصدقاء فوتي جوه تعبانه انتي
نوح بس احاجيها
هيله جوريه فوتي ماما
اشرتله بعدين هوه هز راسه بتفهم وفات خليته على جربايه حاضنته.
عسل هذا تلفون كرم كال انطي الج
جوري ماريده
ماحجت تريد تروح اجت عيني على ورقه معقوجه بيها هوه وذياب اتذكرت وكمت رافعه راسي بسرعه
شكران صحتج ولاعبالك وحده ستوها جايبه
عسل ضربت ابره
جوري وين توجعني حيل بس جيبي التلفون
عسل موماتردينه
اشرتلها تجيبه جابته اخذته فاتحته لكيته حاط حسابه عرفت دخلت مراسلته
جوري ليش مخلي عبايه ذياب وكاتب ادعيله؟
دزيت رساله راجعه مغطيه الولد كعد يبجي دخلت هيله معلمتني شلون ارضعه مرر الوقت وبالي يم نوح منقهره علي
جوري هل رجال حضه نفس حضي
اجاني اشعار فتحت التلفون لكيت مكتوب
ياهيه انتي؟
ردت اكتب جوري وادزها بس وكفت صافنه افكر معقوله مسويلي حساب ومايعرفه؟ بلعت ريكي متنهده ماممجاوبه شمرت تلفون على صفحه واني ماعرف الدز رساله ههوه لو البالي.
درع ماكافي دحك للزلمه
ذياب هل زعطوط يصكع صكع
درع راح تحط عينك.
ذياب لا انجب بس حلو ماشاءالله
انطيته تلفونه مخلي ايدي على وجهي
ذياب صلاه مقبوله يبه
درع منا ومنكم
ذياب تصلي وتحاجي بلنسوان وين لاكيها ها تيهت الملائكه شنو تسجلك
درع وين محاجي نسوان
رفعت ايدي خازره
ذياب ترا كبرت ماكافي هل سوالف؟
درع شبلاك مامحاجي هيه عسل وعفته وتدري شكثر وياها اني
ذياب عجل هي ياههيه
درع ياهيه يمكن هنه يراسلن مايكدرن بدوني
ضحكت وهوه فات للرسايل حك حاجبه
درع ها هايه مو صاحبتي
ذياب عجل جدايه.
ماجاوبني مخلي تلفون بجيبه ماخذ سبحتي ضربته خازره
ذياب ناوشني
درع صارت الي
ذياب سكط ابن سكط
جوري مرةة السنه كامله واني كل يوم اتعلم شي جديد الابني وهيله مساعدتني اهواي وتعلقت بي كلش وماتتعب منه رغم شكد نحس واتعلم على الحضن بس ماتتعاجز اله وتخلي مرات الكااها غافيه وهوه بحضنها كاعد.
ونوح علاقتي بي صارت اقوى وحباب حيل ساعدني اتونس شوي بذني الايام وخلى بالي فكره اكمل خارجي بس جنت اخاف من مصاريف ماتكفي وابني تعلق ب نوح هم
الدرجه نوح اجر بيت قريب علينه حتى بس يجي يشوفه ويشوفني.
بيوم جنت مكعدهه سليمان بحضني انطي اكل للحمامات
جوري ماما حبيبي شوكت تتعود تكعد عدل شبيك اعوج
باوعلي ضايج عاكد حواجبه متفتح لونه وصاير ابيض وكل مايكبر وكل مانتبه الملامحه اتذكر ابو.
جوري ها شنو عصبت شو تفتتهمني ها فصعون
خليت بيده اكل للحمامات هوه عود يشمرهن عليهن طاحن كلهن على ثوبي ضحكت اهز ب ايدي
ااندك الباب كمت بسرعه فاتحته معدله ربطتي وشفته ابتسمت
نوح جوريه
جوري شلونك
نوح الحمدلله وانتي. ادخل؟
جوري ااي طبعا
فات واني سديت الباب لكيت بيده ورد ابتسمت اباوعله
جوري هاي شنو المن
نوح ورد الجوري
ضحكت ماخذتهن منه هوه كعد متربع يم الحمامات
نوح حاجيهم اجيت
جوري البنات موهنا
نوح لعد وين.
جوري بدراستهن وجبيره تسوك
نوح الله يوفقهن
ردت اجاوبه واجت عيني على هيله من بعيد واكفه تباوع النوح وتخزر تضوج من يجي وماتقبل اروحله
كعدت بعيد عنه وسليمان زحف اله هوه ضحك شايله مخلي بحضنه
نوح شلونك حبيبي
اني ضليت صافنه ماعندي سالفه
نوح ها شنو كلتي
جوري ها على شنو؟
نوح دراستج؟
جوري تدري بيه جاي الهي نفسي اتعلم اغرررز ابرر بزز
ضحك يباوعلي
نوح بس سالفه تضربين ناس ابر لو تقيسين ضغط او سكر ماتوكل خبز دراستج اهم.
جوري ليش ماتوكل خبز كل يوم جايني مره اغرزلهم ابره وبالاخص العجايز على سكر خو ضغط يالله صغار كبار خطيه
نوح اي وانتي تفرحين ناس تتمرض
جوري يااا جا موجاي اكول خطيه
نوح كملي سادس وصيري دكتوره
جوري لامارريييد اسم الله
نوح شحاجيلج شنو سالفه
جوري ماحب دكتواره تعب تعب
نوح لان تعب لو لان
باوعتله هاز راسي اريده يحجي لان شنو هوه غمز وضحك
جوري اي صدك مادبرها رادله معدل عالي
نوح دبريها دبرريها
ردت احجي
هيله جورررررري.
هوه ضحك منزل راسه فاهم
جوري ماتخلينه سويه ابد
نوح ادري بيها ماتحبني
جوري لااا انجب لاتكول هيج
نوح غير صدك تضوج مني بس شسوي علمودج اني اجي
جوري تتسلم اهواي خوخه
نوح ططيرتي ابو الهيبه ههههههه
ابتسمت وكمت اشد بربطتي اكثر معدلتها رحتلها
جوري ها هيلاتي
هيله تعاي باعي اريدج تسوين خضره موكتلج احسن ما ملتهيه وياه
جوري سويتها
هيله وين؟
جوري هاي شنو على سينك ومنكعتها
اندارت شافت هزت راسها.
هيله تعاي جربي التمن احسه مامستوي
جرت ايدي موكلتني بيدها شوي
هيله ها طيب؟
جوري اي يخبل مناقصه شي
هيله لا لا مستوي؟
جوري اي والله مستوي
نوح جوري
هيله شتريد منها؟
نوح الولد
فتحت حلكي رايحه بسرعه شايله سليمان
جوري ليش ماما ليش حبيبي تقيأت على عمو نوح
نوح عادي فدوه اله بس اريد اغسل
جريت خاولي مالته امسح حلك سليمان
جوري اي ذيج منا مغسله يم الحمام.
هز راسه راح يغسل خليت سليمان بلكاع رايحه النوح فاتحه المغسله جاره شوي من قميصه بدون ماطخه
جوري ههسه امسحه الك اسفه والله هوه هيج لان ياكل اهواي ومعدته ماتتحمل
نوح عادي كل جهال هيج
مسحت وابتسمت اخذت خاولي ماسحه عليها مرجعته وساده الحنفيه
جوري هسه ينشف
هيله جورررررررريه
انصدمت من عيطتها انداريت لكيتها مخليه ايديها اثنينها على خصرها تخزر بيه
جوري شنو؟
هيله اببببنج راااح يكتل الحمامات.
باوعت السليمان يجرجر بريشات عطي ركضت ماخذتهن منه مرجعتههن بلقفص
جوري لاماما حباب لاتسويلي هوسه شبيك
هيله جاهل مايعرف لازم تضلين يمه وشيلي تراا راح تمطر بدايه شتاء احنه
جوري صار صار
تنهدت شايلته هوه يجرجر بربطتي رحت النوح
جوري اعذرني بس هوسه وشوف ماترضى وسليمان منا
نوح اتفهمج جوريه اتفهمج حبيبتي
هزيت راسي مبتسمه هوه طبطب على خد سليمان بايسه باوع العيوني نزلت راسي بسرعه
نوح في امان الله
جوري الله وياك.
اخذت ب ايد سليمان الصغيره ماشريله ب باي هوه ابتسم وطلع ساد الباب اتنهدت فايته جوه وصار الليل جنه كاعدين نتعشى كلنا وهيله توكل بسليمان وهوه يلعب بلخواشيك
هيله عسل كومي بدت تمطر جنها
عسل امي ستوها رعدت شنو سالفه
هيله وتنتضرين يتبللن شبيج كومي
عبود جوريه هاج
مسويلي لفه كبه وغمسها بطاوه بيها طمامه محموسه ولاچعه اخذتها ماكله منها.
راحت عسل مدخله الملابس وشلنه الاكل مغسلين كل واحد راح المكانه وهيله اخذت ابني يمها ينام اني غيرت ملابسي لابسه دشداشه لون اخضر طوخ
بيها دلعه فتحت شعري مشطته
رشيت عطر اباوع الروحي بلمرايه ابتسمت عايده حركتي من واني صغيره بايسه المرايه
طلعت متمدده براحه
شكران ماينطوها عطله باع المطر قوي صار
عسل نغيب شعدنه مثلا
شكران وين نكدر بنتي.
عفتهن يتناكرن ودرت وجهي مغطيه حتى راسي نايمه صاير نومي خفيف وكل شوي افز خايفه على سليمان واتذكر هوه يم هيله
فزيت الفجر على صوت دكه باوعت ماكو شي وضلمه صوت رعيد قوي والبنات كلهن نايمات
جوري عفيه شوكت انام براحه
اجت عيني على تلفون مفتوح اخذته لكيت اشعار اتصال من درع
جوري لاصدك داك عليه هسه شيريد؟
دخلت للمحادثه لكيته دازلي خمس رسايل يريدني اجاوب وحده منهن قريتهن كاتب اني بسياره جاي افتحي الباب.
جوري صصدك يحجي هذا وين جاي! وهسه معقوله
فزيت على دكه الباب قويه كمت بسرعه خايفه لايكعدون حطيت شالي الاسود وطلعت اباوع كلهم نايمين فتحت الباب على هيله لكيتها نايمه وبحضنها سليمان
رجع اندك الباب اقوى مشيت سريع طالعه والمطر تزخها قوي ورعيد اقوى منه يفز الگلب
جوري والله ماكدر اعبر شنوهاي
استغفرت وركضت سريع نازل المطر عليه خليت ايدي وفتحت الباب شفت درع واكف وسانده عليه ايده ملطخه بدم ومتبللين من المطر.
ضليت صافنه مامستوعبه شفته وره كل مده هسه هوه كدامي همست وصوتي مخنوك بكوه حاجيه اسمه.
ضلمه ودرب عاثور ليله شته وغيم
روحي اشتهت ملگاك عتتني الك عت.