رواية عكد الظفيرة للكاتبة زينب جعفر الفصل التاسع والأربعون
ذياب حرگتيني ب حمرتچ.
بلعت ريكي فاتحه عيوني على حيلهن مصدومه من نوح ومن كلام ذياب
ماحجيت ولاكلمه هوه حط ايده جوه حنجه رامش اكثر من مره بوهن صافن عليه وضايعه علومه
ذياب تضنين عيني مهرفله؟
فهيت هازه راسي
جوري شنو يعني؟
ذياب راد اكضبها عنج
جوري ياهيه ماجاي افتهم شتحجي
ماجاوبني داير وجه ذاب نفسه بحسره
جوري شنو مهرفله؟
ذياب اطلعي فوك
جوري ها
باوعلي رافع حاجبه
ذياب الغرفتج
كمت بسرعه بيدي الشيش تكه.
جوري اي طالعه طالعه
ابتسم تك خد لان حجيت مثله انطيته ضهري ماشيه سريع رايحه الغرفتي ساده الباب
اتنفست براحه نازله عيني على امي كاعده متربعه بحضنها سليمان متچي على ايدها واكف شعره ويباوعلي
جوري امي
رمله ذابه ابنج هنا ورايحه تتمعشگين؟
جوري شمعتشك
رمله شمعتشك شنو ولج؟
انتبهت لازمه وجهي جايتني حراره قويه
جوري شنو اتمشعك
رمله امداج وامده السانج الاعوج اتمشعك نوب البنيه كامت ماتعرف تحجي يحضي.
ضربت على فخذها صايره عصبيه
جوري جنت اكل شوي
رمله دتعاي اخذي ابنج اني راسي طاك من الوجع وفوكاها ابنج يتبجبج عليه
حركت راسي اكثر من مره خايفه ومنخطف لوني مشيت بسرعه كدامها صايره ماخذه سليمان من حضنها
رمله هاي شنيهاي بيدج؟
باوعت للشيش ب ايدي مرجعه انضاري عليها
جوري انا شويتلي
بطرف عينها ضلت تباوعلي مامقتنعه
رمله من شوكت تشوين
جوري جعت ولكيت صدر دجاج بلمجمده فا شويتهن
رمله شلون شغلتي المشوايه.
جوري ها حشام كاعد وساعدني
جرت حجابها تلبسه
رمله نومي ابنج دوخني
جوري خطيه ساكت
رمله ستوه سكت من شافج شوفي دموعه موتني انا اريد انام ارتاح جا تضل عيني علي
جوري هسه انومه
كعدت بفراشي مدده سليمان بحضني جريت كلينسه مخليه فوكاها الشيش بديت اهزهز الابني
جوري امي
دارت وجها تباوعلي
جوري وين رايحه؟
رمله جميله شربت المي كله عبالك بصحراء جنه راح اترس بطل
جوري خوش
رادت تطلع وصفنت
رمله ااختج وين؟
جوري ماعرف لحد هسه ماكو.
رمله اكيد يم نوف صالحتها بسرعه اام راسين
هزت ايدها وراحت نزلت عيني السليمان يباوعلي وساكت بس يحرك ب ايده يمسح على وجه
جوري شبسرعه كعدت وبجيت ها
خليت ايدي جوه ركبته رافعه راسه بايسه خده خفيف
جوري راد احطلك دهن شنوهاي متحسس
رمله
نزلت من درج افرك بعيوني
رمله انا طفل بكد هل بطل يكعدني من نومتي
دخلت للمطبخ تارسه بطل مي ثواني وحسيت بطكطكه طلعت راسي بسرعه من الباب وشفته.
انتبهلي وكف بيده جكايره ولازم ثلث شياش ايده ثانيه على الباب المطل على طرمه ساده
ذياب خالتي
رمله وين جنت؟
ذياب طالع غاد ادخن
رمله هاي شنو بيدك جنت تشوي
حك حاجبه مبتسم بتوتر
ذياب اي جعت وشويت الروحي اكضبي شيش
رمله لاما اشتهي، بس شنو هم جوعان وشويتلك؟
ذياب اي هههههه عجل على شنو شويتلي
رمله ها بلعافيه بلعافيه
ذياب يعافيج
راد يمشي متحمحم مطفي الجكارتين
رمله منو شغلك الشوايه؟
ذياب اني.
رمله مو اكول شفت نعالات بلباب يعني اكو طالع وياك
دار وجه عاكد حواجبه
ذياب اي نار ما اتورت زين بلفحمات وحجيت اله يسويها الي
رمله ياهوه؟
حشام طلع من الحمام شعره مبلل سابح حاط الخاولي على ركبته
ذياب حشام
وكف حشام مامفتهم شي هاز راسه
حشام ها؟
رمله نعيما
حشام نعم الله خاله حبيبتي الله يحفضج
ابتسمتله دايره وجهي الذياب لكيته يأشرله
رمله ذياب ابني
ذياب حنيته
رمله ابو الحنيه اكل تكاتك ونام مبين تعبان يلا حبيبي.
ذياب اي هجست راسي ياذيني
رمله اي نوم العوافي
ذياب حشام اكضب شيش
رمله ذياب لاتوزع شياشه بليالي نام
حشام لا بس يمتى شويتهن مادحكتلك
ذياب بسرعه حط ايده على حلكه يكح قوي دار ضهره صاعد فوك
ذياب تلاكوون الخيرر تلاكووونه.
رمله وانت هم نام شبيك كل شوي سابح
حشام اي ان شاء لله
درت وجهي امشي هوه همس عينه على بطل المي
حشام خاله تردين مي؟
رمله اي ترسته
حشام اكو تلاكين غاد متروسات
رمله لاتسلم بعد ترسته.
ابتسم وفات الغرفته مديت راسي شفت ضرغام بيده تلفون يراسل مبتسم وانسد الباب
رمله جيل اخر وكت.
رحت للباب مطل على طرمه فاتحته وشفت ماكو نعالات هزيت ايدي
رمله من جذبه حتى ماعرف انا مادري اذا اكو نعالات او لا
سديت لازمه راسي
رمله اخخ منج جوررري استغفرالله ربي
صعدت الدرج وعيني دور عليها
رمله وين ولت الثانيه
فرج شراره
ثبتت بمكاني مامنداره ضاغطه قوي على البطل الابيدي
فرج شو كاعده هساع؟ عش؟
كملت صاعده درج.
فرج مو احاجيج
رمله روح نام لاتهيج مشاعركم كلكم مناقصين
فرج تا تحجين؟
مايلت راسي اباوعله لكيت بيده جكاره و رافع راسه يباوعلي
رمله كمت اشك سوالفكم السربتيه كله من هل جكاره
ماسمعني مد راسه صفح
فرج شتهشترين؟
رمله ما اهشتر يابه ما اهشتر روح نام
انرسمت الابتسامه على شفايفه طالع صوت ضحكته
فرج صرت ابوج يول شراره
رمله خوووويه بس نام شجاكم كلكم كاعدين
فرج ياهوه كاعد؟ شو كلهم مسعدين بفراشهم
رمله صير وياهم.
فرج حدري من الدرج شو ادحكلج
رمله شتشوف؟
فرج مادري اضن شعرايه على عيناج
لزمت عيني هوه رفع ايده يأشرلي
فرج هين هين
رمله ههسه معليك بيها ياعيني وذا
فرج لاشلون شو گربي هين
رمله هاي شبيك؟
فرج اريد احاجيج صدك
رمله ادري بسوالفك روح النسوانك فرج
فرج نامن
رمله جا اذا نامن تسرح وتمرح؟
فرج شنو
خليت ايدي على حلكي مستغفره درت وجهي اصعد
فرج فلي فلي اكضبج ب يوم
همست اهز ب ايدي بدون ما اندار فاتحه باب الغرفه
رمله چيرره كون.
جوري ها مماما
رمله وين اختج انتي؟
جوري والله مادري
رمله يجوز تلكيها يم نوف روحي صيحيها
هزت راسها شايله ابنها من حضنها مخليته بفراشه ومغطيته
رمله لا اوكفي
وكفت تباوعلي خزرتها حاطه ايدي على خاصرتي
رمله وين جنتي ولج انتي وشيش مالتج
جوري هنا نومت سليمان
رمله لاقبلها
جوري اشوي
رمله ويامن؟
جوري و، وح، وحدي
رمله ارجعي نامي يم ابنج فاهمه
جوري اصيح جاه
رمله معليج بيها انا اصيحها انتي نامي.
هزت راسها رايحه متمدده وكل شوي تخطف نضره الي
رمله يلا نامي
جوري اتغطى
رمله غمضي عيونج شو مو تفتحين نفس اعور الدجال
جوري لا انام اصلا نعسانه
رمله اي بسرعه
غمضت عيونها مثله نوم فتحت الباب باوعتلها بسرعه فاتحه وحده من عيونها انتبهتلي وغمضتهم قوي
رمله والحسين وابو فاضل اشكج نصين اذا رجلج طلعت بره الغرفه
جوري ليش ماما شكو شمسويه انا
رمله معليج بس خليها بالج بعدج على ذمه اثول ثاني.
ماحجت مفتهمه انا عرفت دارت وجه للجه ثانيه مغطيه راسها
طلعت نازله على كيفي وشفته اتذكرت هوه كاعد
فرج ها شو مانمتي؟
رمله شبيك تحاسبني
نزلت اخر درجه امشي هوه كام جاي كبالي رجعت اليوره بسرعه خازرته
فرج ماحب الحرام ولابمزاجي امشيله
رمله اذا ماتحب وخر من وجهي
فرج شنو؟
رمله شنو؟
فرج يعني اذا احب الحرام اركد جدام عينج؟
رمله موهيج قصدي شبيك احنه شياب تتمشععك شنو
فرج تتمشعك؟
رمله استغفرالله ثولتني ذيج اقصد تتمعشك.
فرج تصنتيلي زين الله يخليج بويه
رمله ما اتزوجك
فرج رايدج بلحلال والله بلحلال
رمله مرت اخوك اني!
فرج الله يرحمه مات واني اكربلج من بعده
ضليت اباوع الوجه حاطه ايدي على حلكي
فرج ها؟
رمله عيب والله عيب الله اكبر عليك فرج الله اكبر
فرج شو صايره متدينه
رمله ججا شنو من يوم يومي الايمان بلساني
فرج اويلي ويلاه يلجمهوريه هيج انتي ومادري؟
حصرتني ضحكه اهز ب ايدي هوه يباوع الايدي ويضحك
رمله والله شيخ بس عليهم.
فرج عجل تردين اصير شيخ صوبج؟ ها
رمله لا كش
مسح على شاربه مضيك عينه مبتسم ماحاجي كلمه
عفته ورجعت صعدت سمعت صوت طبه حجار على الباب سطح
رمله هوى عالي اليوم
دخلت ساده الباب لكيت جوري نايمه على ضهرها مغطيه حتى راسها
رمله ولج ادبسز ماكو نومه الا هيج
طلعت عينها لازمه اطراف البطانيه
جوري ها ماما
رمله وغمه عبالك جثه اسم الله طلعي راسج لاتختنكين شلون تتنفسين
ماحجت رجعت ضامه راسها لزمت راسي جاره الكرسي وكاعده.
رمله هاي ثوله مادري وينها وفرج ماينا...
سكتت منتبه باوعت الجوري تتحرك جوه البطانيه
رمله شجاي تسوين؟
اجت عيني على الكلينسه مالكيت الشيش
كمت صايره كدامها ساحبه البطانيه قويه فزت كايمه
جوري امي شسالفه صدك تحجين
رمله شبيج جنج حراميه تاكلين جوه البطانيه
جوري اريد اكلها شلون يعني
رمله موحجيتلج انطمي نامي
جوري جوعانه
باوعت باقيه تكه وحده
رمله يلا اكليها بسرعه وشمري شيش نامي
جوري اغسل ايدي.
رمله اكسر رجلج انعل رجلج لا ابو ام رجلج اذا طلعتي من الغرفه مستهتره طالعه عينج
جوري ماسويت شي
رمله ادبسز لاتخلين صوتي يطلع ولج داحسه روحج ويه رجال وبنصاص ليالي نوب تشون تكه وين كاعدين بمسلسل تركي ومادري
جوري هوه صاحني والله
رمله وانتي عربانه شيكلج. تركضين وراه نوب حتى هوه جذب من شوووكت يجذب سويتي برجال مخليته بلفجوره طالع بهل برد ونوب يجذب وخايف مني مادري شنو
ماحجت تباوعلي.
رمله اخ من هل ملامح بريئه شكو سالفه زعبله تسويها دنامي نامي انتضر اختج
رجعت كاعده اانتضر مره عشر دقايق وكامت
رمله شبيج
جوري ايدي اغسلها
رمله ماطلعين
جوري اامي هذا حمام
رمله ياا جا ماتولين اذا هنا ياهوه لازمج
جوري انتي
خزرتها وهيه كامت غسلت ورجعت متغطيه
جوري اانتضر وياج
رمله لانامي باجر نرجع للعماره
جوري والله تعبت من سفر
رمله دكعدي وين شايفين السفر احنه اليسمعج دومنه خارج العراق.
جوري انتي ماعندج شي بس انا افتريت اهواي
رمله اذا بنتي دايحه شسويلها؟ شكد ادبسز شلون كدرتي تعوفيني والله لو ما ذياب اموتج
جوري سدي الموضوع حبابه
رمله اسد الموضوع من تنامين وانا هم نعسانه وتدرين بيه من انعس انفجر عليجن والله لو موحتى فرج انزل واكتلها الجاه وين صاررت
ماجاوبت بسرعه نايمه هزيت ايدي متنهده وضليت انتضر...
جاه روح من ووووجهي
فلاح والله وريتيني هين
جاه روح ياهوه جابرك تبقى؟
فلاح هساع ياهوه طبگه هذاا
ماحجيت حاضنه اچتافه حاسه نار تاكل بگلبي مقدمه رجليه ناحيه صدري واتنفس سريع
فلاح تكدرين تزتين روحج
جاه وين اذب نفسي؟
فلاح شلون ما اني اسوي يول
جاه تريد تموتني
فلاح ماتموتين هههههه موجدامج اني اي كسر ماصابني
جاه انت عارر قابل كلها مثلك
فلاح السانج
سكتت دايره وجهي لازمه راسي مختنكه
هوه صار كدامي مدنك يباوعلي
فلاح ليش ضجتي؟
جاه من شنو اضوج؟ لا ابد لازم افرح محبوسه هنا.
فلاح موعلى طبگه الباب
باوعت العيونه
جاه چا شنوو؟
فلاح تعرفين كصدي
اجتمعن دموعي ساكته ماجاوبته
فلاح صدك بت هيه
جاه طبك طوب انت ويااهاا شسويلك يعني؟ شبيك كل عقلك عبالك ضايجه لان تخابر
فلاح عجل عش انفعلتي؟
حجيت منهاره و دموعي ينزلن على خدي حارگاتني
جاه من ورهه الباب ماتعرف ب امي انت مااااتعرفف بس تصيييح
كمت من يمه امسح بدموعي
فلاح زين عش هل بجي؟
جاه معليك روح البيتكم
ابتسم صاير كبالي
فلاح تجين وياي؟
جاه لاا روح واني ادك الباب حتى لو اترزلت شسوي بعد
فلاح مزاجي يحجي اضل هين واسولف وياج
ماحجيت ايديه يرجفن ودموعي لا أرادي ينزلن سكت مامفتهم بجي مالتي ولامقتنع انو كل هل انهيار بس لان خايفه من امي. وبذات نفسي ماجنت اعرف ليش بجيت واختنكت.!
فلاح اتگلطي غاد اركدي
باوعتله بطرف عيني لكيته يبلعم بريكه
فلاح اكصد اكعدي
جاه روح فلاح تنتضرك
فلاح دريتي ياهيه؟
جاه لا بس روح
فلاح عجل معليج واكعدي
جاه انت هم معليك بيه.
اتقرب كم خطوه ناحيتي مشيت بسرعه راجعه كاعده حاضنه اچتافه منزل من شالي على جسمي
شويه واجه
جاه راح تضل هيج؟
فلاح شلون ادفيج؟
جاه شعليك بيه روح
نزلت عيني منه احرك بقدم رجليه ارفعها وانزلها سريع متوتره ثواني وفزيت شي دافي على ايدي
باوعتله بسرعه لكيته حاضن ايديه بين ايدي جريتهن بسرعه متكزبره
جاه لاتلزمني
فلاح بردانه حيل انتي
جاه معلومه مادري بيها
فلاح اني مايهمني هل سوالف عادي اكضب ايدج لاتخلين بالج.
جاه واني يهمني انت محرم عليه اصلا حجي وياك ماراضيه عنه بس انت تجبرني لان ابن عمي
فلاح هيج صارت؟
جاه اي روح المرتك ام جهالك
تغيرت ملامحه باقي يباوعلي واني احاول عيوني دور بكل مكان الا على وجه عكسه جان مركز بعيني بثبات
فلاح جاه
همهمت وجراني حيل من طرف ملابسي ناحيته خفت اباوعله عيونه بيهن دموع متحمرات كاز على سنونه
وقبضته كل ماله تزيد عليه يبس دمي خايفه من مزاجه المتقلب فجاءه!
فلاح كل كلمه زتيتها من.
رفع حاجبه مأشر على شفايفي عكدت حواجبي احاول اوخر من قبضته بس جان مشدد عليها بقوه
جاه شبي كلاامي شبيك
راد يحجي وغمض عيونه ساكت الثواني متنهد
هامس بصوت ناصي
فلاح لاتحجين بعد كل كلمه حجيتيها اترجاج
جاه عوفني شبيييك
وخر ايده مني كاعد بلكاع حاط ايده على كبات رجله
جاه موحجييتلك ماقبل تلزمني
فلاح ما كضيتج!
نزل راسه ساكت صار صمت بينه الثواني
جاه منو هايه؟
فلاح مومايهمج؟
جاه اي بس منوو
فلاح تدرين بسالفتي؟
جاه انت وابوك؟
فلاح شكثر لازم احجي موابويه
جاه قابل ابن جيران بطلوا هل سوالف انت واخوانك
فلاح ليش ههههه حتى همه زتو؟
جاه بس كلكم مبينين مريضين ماعدا حشام الله يحفضه وسمير شوي شاخط مومريض احمد حباب هذا بس احس بي رهاب اجتماعي
اتمدد حاط ايده اثنينهن وره ركبته طابكهن
فلاح حلو، حافظتهم
جاه اهواي بقيت هنا اكثر منك يمكن
دار وجه عليه
فلاح انتي شنو ترتيبج بين خواتج؟
جاه الثالثه
فلاح جم بنوات؟
طلعت ايدي مأشرتله.
فلاح تا تغميني ياسكط؟
جاه لا مو غمه احنه خمسه
فلاح ها ماشاءالله شنواسمكم؟
جاه جنان وجليله واني جاه وجوري وجميله
رفع حاجبه وطكاها بضحكه نايم على كاعيه ضام وجه
جاه شبيك تتمضحك اكو واحد يضحك بهل وضع احنه بي
فلاح ليش كلكم بحرف ج؟
جاه اوووهاا يلحرف ج هذا لاتستهان بي اله قصه
فلاح شنو قصته؟
جاه معليك روح حتى ادك الباب يطلعولي
فلاح ماشبعت
جاه منين؟
فلاح احجيلي قصه حرف جيم وياكم
جاه جاي تخليني اتأكد انت مسودن.
فلاح ياهوه حجالج اني مومسودن؟
جاه صح انت مو ادمي
فلاح وهبل جثير ها
جاه اي وتحب جاي
فلاح شهيتيني هساع جاي
جاه كبل شويه شربت
ماجاوبني باقي متمدد يباوع للسماء
جاه قبل شوي جنت عصبي راح تبجي
فلاح انجبي لج شو ابجي زعطوط جدامج
جاه جا شني ماشفت عيونك
فلاح ماحب احد يحجي هيج
جاه يعني صدك متزوج؟
مارد عليه ضليت صافنه احاول اتذكر من حجاياته إلى على ماضيه وماتذكرت هوه جايبلي سيره زواج
لحد ما اتذكرت ذكره وحده.
هوه رفع راسه باقي كاعد عدل منزل راسه يطلع باكيت جكايره من جيبه
جاه ابوك ليش اتبرى منك؟
اتصنم بمكانه مامسوي اي رده فعل
جاه حجيتلي سويت مصيبه انت بس ماحجيتلي شنو هيه بضبط؟
مال راسه يباوعلي
فلاح ليش تردين تعرفين؟
جاه فضول
فلاح كضي. فضولج احسن
كام راح نهايه السطح شامر جكارته بعيد
جاه انا ماحب احد يحاجيني هيج اسلوب
فلاح لا فدوه؟
باوعتله عاكد حواجبه حسيته يستهزاء ضجت وكمت رايحه ناحيه الباب
فلاح تا تسوين؟
جاه معليك.
ردت ادكه ومشه سريع جار ايدي
فلاح بعدني هين تره!
جاه اي روح مامجبوره اتحمل بهل برد وانتي ضال هناا مستمتع تشوفني بردانه بسبيل تشمر بكلامك عليه
فلاح ماحجيت شي جاه
جاه عوف ايدي
انتبه وعافها بسرعه
فلاح اسف
جاه يلا روح
فلاح زعلتي؟
جاه لاا روح وبعد لاتجي
فلاح جاه اسف على حجي والله شبلاج
جاه مو بكدك انا وتحاجيني هيج
فلاح تدرين بعمري كله معتذر مرتين ومن امي
جاه شعليه بيك ماجبرتك تعتذر ولاعاتبتك روح يلا.
فلاح عجل عش ماتردين دحكيلي بعد؟
جاه شسوي بيك ترا انت تجبرني اصعدلك حتى اشوفك نوب فوكاها اكص ايدي اذا ماطلعت متزوج
فلاح تره احسبج صاحبه الي
جاه ماحب هل كلمه شايفني كدامك واتصاحب
فلاح خوش، احسبج بت عمي
باوعتله بطرف عيني لكيته يباوعلي بتوسل ذبلانه عيونه
فلاح لاتضوجين من حجي بويه والله ما اكصد وماضي ومشى مومهم تعرفينه
جاه لامهم مايصير انا احب عمي فرج يجوز مأذي من صدك بسالفه داچه
ضل محتار يباوعلي.
جاه ماراح تحجيلي؟
مرر الوكت وعلى وكفتنه اتنهدت دايره ضهري اريد ادك الباب حسيت على ايده انخلت على الباب
فلاح مره حبيت.
نزلت ايدي استمعله داك گلبي سريع
فلاح ابوي مارضه عليها
بللت شفايفي هامسه مختنكه
جاه ليش؟
فلاح ابوي هساع وكبل يمشي ويه الوادم العندهم سوالف صعبه ورادلها اكثر من شيخ يحلها
ومنهم ابوها الا سالفه موعاديه الاخو وابوي مشى ومشيت وياه بس ابوها وابوي صار بينهم سالفه ثانيه
جاه مثل شنو؟
فلاح بلفلوس. وعله صوتهم حيل عفتهم وطلعت ماحب هل سوالف مادري ودحكت جدامي بت مطلعه عيونها شويه من الباب على راسها شال
كورت ايدي عاضه شفتي ماحاجيه كلمه هوه اتنهد وكمل
فلاح هجست بيها وضليت ادحكلها جثير وهيه كل بالها وعينها على ابوها ترجف
الغصه احتلت بلعومي ماعارفه سبب بس حجيت بكوه
جاه وشلون حاجيتها؟
فلاح دريت بيتهم بضبط وكل يوم اجي ليوم دريت هيه اخر سنه دراسيه الها وهمن بس ادحكلها بعيد بلايه ماگرب صووبها.
وبيوم ماكدرت اصبر رحت وخطبتها بلايه ابوي يدري
جاه ها؟
فلاح اي حبيتها حيل، بس ابوها مارضى الا اهلي يجون و وججي رايح من باله مايدري انا ابوي شيخ فرج
جاه وكلت الابوك وماقبل واتزوجتها مو
فلاح اي. بس الحجي سهل ومزرعد مومثل بوكتها اشهر يلا سويتها
درت كل جسمي عليه رافعه عيني بعينه نازله دمعتي هوه عكد حواجبه مستغرب
ابتسمت بنص دموعي
جاه روحلها
فلاح ماكو
جاه شنو ماكو
مسح على عينه ذاب نفسه بحسره
فلاح اتوفت.
انصدمت فاتحه حلكي
جاه جا منو الخابرتك
فلاح صار إلى بت منها واتوفت بلعمليات والاتصلت امها تضل يم حفيدتها بين ما اجي تمشي البيتهم
جاه وين بيتهم؟
فلاح مو هين بس اتعنى وامشي شنو اسوي
جاه ليش تمشي مافهمت
فلاح بيتي صوب بيتهم
جاه شسمها بنتك؟
سحب طرف شالي مقربه يم خدي ماسح دمعتي انتبهت ماسحتهن داحسه نفسي اكثر على الباب
فلاح مريم العذراء فلاح فرج.
جاه ها.
فلاح على اسم امها عذراء. بس سميتها مريم العذراء حتى احجيلها مريم بس
جاه مافهمت ليش
فلاح ما تنزاح من بالي امها وماريد اتذكرها بكل مره احجي اسم بنتي
سكتنه اثنينه انتبهت العيونه جمر صارن بكوه يحاول ماتنزل دمعته باوعلي شافني صافنه
جاه فلاح
ما نطق بكلمه.
جاه ماعرف احس تغيرت نضرتي عليك
فلاح اناني ومسودن؟
جاه لا، مو اناني
فلاح لا اناني بويه، مني هيه ماتت
جاه انت حيل حباب
رفع راسه بسرعه مصدوم من حجي مالتي
فلاح اني؟
جاه اي
فلاح بروده صابت عقلج لو شنو؟
جاه لا انجب صدك احجي حباب انت بس بعد لاتسوي نفسك مسودن كلشي مابيك اصلا صدك
باوعتله من فوك اليجوه هوه نزل راسه يباوع الروحه وياي
جاه بنسبه إلى اشوفك احلى اخوانك
فلاح ااني!
جاه اي الحقيقه تنكال بس لو تضل ساكت احلى على كوله امي ليش مانخلقتن خرسات تصيرن تخبلن
فلاح ههههههه يابه ويني وين الحلا بس ضرغام يطبگ طبگتين عليه مامدحكه الشگاره؟
جاه جا هيه بشگار؟
فلاح غير امه.
جاه لاعيب بس انت احلى من ضرغام
فلاح رحمه الله والديج خوش جبران خواطر تشترين الخاطر بربع؟
جاه روح البيتكم بنتك تنتضرك
فلاح لو ما حرام ازتلج بوسه هساع
جاه اكلخره ولي
ضحك يرجع اليوره بدون ما اندار شمر بوسه ب ايده غميته لعبانه روحي وانداريت ادك الباب
فزيت على صوت ضربه باوعت بسرعه لكيته نزل
جاه لا اتراجع بكلامي، خبل!
ضليت ادك ومحد يفتح مرر الوكت واني البرد كصاني كص
جاه لاياربي بس لا اضل هنا للصبح.
دكيت ب اثنين ايديه قوي وسمعت طبطبه وخرت ايديه بسرعه خايفه وفرحانه بنفس الوكت لان راح اطلع ولان راح اترزل
جاه دخيلك ربي احس اجاني مغص
انفتح الباب ولكيته حشام اتنهدت براحه
جاه والله لو ما حرام ازتلك بوسه هساع
حشام شنو؟
صفنت منتبه الكلامي هفيت على روحي ضاحكه بفشله
جاه اشاقه والله فرج اجيت صدك ابوك شريف وانت ابن فرج
حشام شنو تسوين هساع هين؟
جاه طلعت اشم هوى بس زعطوط فراس سداه عليه وضليت شكد ادكدك ومحد يسمعني شوف عيني شوف حتى بجيت
انتبه العيني مبتسم بهدوء
حشام لايصيبج مرض خويه فوتي مزرعده وادفي بفراشج
جاه فدوه الگلبك حشام والله عزيز عليه انت لان اكول الوحيد الحباب بينهم
نزل راسه فرحان
حشام تسلمين خيتي على العين وعلى الراس انتي
جاه يلا اروح اني لاتجيني امي.
مشيت بسرعه ناحيه الغرفه فاتحه الباب لكيت امي مخليه راسها على الكرسي وجسمها متچي على الميز غافيه وجوري نايمه هيه وسليمان
جاه همزين نايمين، شنو امي اكعدها لا
ضليت محتاره رحت الفراشي متمدده هيه راد يوكع راسها وفزت تباوع للغرفه شافتني
جاه يمه كعدت
ضميت وجهي بسرعه خايفه
رمله ها اجيتي
صوتها مال نعسانه موبوعيها كامل وخرت البطانيه اباوعلها
جاه اي
رمله ادري جايبه حراميه قبل شوي اختج وهسه انتي
جاه مافهمت ماما.
رمله عساج لافهمتي انخمدي كسرتيني بهل كعده على كرسه اتكسرت ضلوعج
كامت متمدده بفراشها متغطيه ونايمه تنهدت براحه
جاه دعوه ولا كتله
درت وجهي للجهه ثانيه مغمضه عيوني انام وتذكرت فلاح
جاه ممسربت، الله يهون على گلبه
بلعت ريكي
جاه ااني ليش بجيت؟ معقوله هيج انا حساسه ومادري بروحي والله وطلعت رقيقه
نمت ومرةة الايام ومارحنه للعماره نوح وجوري تم طلاكهم وكله عمي فرج يروح وياها ماتسولف شي ترجع تنام وابنها عليه.
فلاح بعد ماشفته ونوف تصالحنا انا ويااها بس جوري ماتصالحت وياها، وامي ضلت مصره تريد تروح للعماره بس بكل مره تصير مشكله بينها وبين عمي فرج وتضل مجبوره
الدرجه توصل بي يقفل بيبان علينه ومايخلي احد يطلع الا بيوم سمعنه خبر جان كفيل يهدم جوري.
جوري شنو من خضره انضفها
حصه دحكي نضفي الكرفس والنعناع
جوري والريحان؟
حصه لا لاتنضفيهن كلهن ماياكلون وتضل
جوري خخو انوع من كل وحده منهم شوي
حصه سوي الكرفس ونعناع يمصگوعه.
جوري احب ريحان انا
حصه سوي ريحان وبس
جوري ماتردون فجل؟ طيب اعصر على ليمون انا واكله
حصه احجي اريد اسويها كلها
جوري اي
حصه سوي بس اذا ضلت اشوي على اذانج بصل
لزمت اذني ضايجه اخذت سجين وصينيه وعلاكه الخضره طلعت بلمرجوحه لافه حجابي اكثر من لفه
جوري كون مثل ذاك اليوم
اتنهدت منزله راسي انضف بلخضره وكل بالي وتفكيري من اكعد على مرجوحه ويطب ذياب جاي من دوامه
جوري اليوم يرجع لو باجر هوه.
اتنهدت افكر انتبهت اكو من الكرفس صايرلها صفار واني مخليتها طلعتها بسرعه شالعه نصها مبقيه الخضار وخليتها على جهه ثانيه من صينيه
مرر الوكت واني انتضر وكل شوي اخطف نضره على الباب الحد مانفتح ابتسمت فازه اباوع
بس طلع موهوه.
فرج موبعده انتي
جوري اي
فرج عجل غير تلبسين نقابج بنتي
جوري ولد عمي هنا عادي
فرج مايصير يمعثوره
جوري مثل اخواني ولابسه حجابي ما اكدر افتر بنقابي وانت عمو ماجاي تخلينه نرجع للعماره.
فرج من ذياب البسي
جوري شمعنى عمو
فرج لاتحجين جثير حجيت مايصير واعرف بنيات بينكم
سكتت هوه طب جوه شمرت السجين عاكده حواجبي
جوري ماطولك هيج فلا اقبل تزوج امي
خليت الخضره على جهه وكمت صاعده فوك لكيت امي طالعه من الحمام سابحه اخذت الخميره تحط الشعرها
رمله شبيج مطنكره؟
جوري اريد ارجع للعماره
رمله عمج غير مايقبل ماتشوفينه لازك.
جوري امي من شوكت انتي شخص يمشي كلمته عليج؟ اشو حتى ابويه الله يرحمه ماجان يتحكم بيج مثله. شسالفته مايصير هيج واني بعده يريدني اللبس نقاب حتى محد يشوفني وهوه بيته عشرين زلمه
امي سكتت مقتنعه بكلامي درت وجهي شايله ابني
رمله هذا هوه باجر الفجر نطلع ومحد على بينه
جوري اي
عافتني وخلت شال على راسها نازله جوه اجت عيني على تلفوني جاي اشعار من نوح.
خليت ابني بلكاع لازمه تلفوني شفته من برده شاشه رساله من بعيد مكتوب
نوح اريد احجي وياج بشي ضروري
دخلت للمحادثه كاتبه
جوري شنوه، ترا طلكنه نوح
نوح بس الاخر مره الله يخليج
قبل لا اكمل قرايه رساله دك خفت بسرعه سديت الاتصال
جوري شترييد لااا دك اهلي يمي
نوح والله ضروري موضوع
جوري مايهمني نوح!
نوح حتى لو على موتي؟
سكتت صافنه للمحادثه هوه رجع كتب
نوح اتذكري بيوم الانخطفتي جنه اصدقاء على الاقل الخاطر ذيج الايام.
جوري صرت محرم عليه مايصير تسمع صوتي ولاتشوفني
نوح انا الاحجي بداعت سليمان اقبلي
احتاريت وهوه رجع دك رحت على صفحه بنهايه الغرفه مجاوبه على اتصاله
نوح شلونج.
ماجاوبت ساكته يسمع بس صوت انفاسي اتنهد
نوح اني موزين جوري، احتمال افقد حياتي
همست بصوت ناصي وعيني كل شوي تباوع اليوره لا احد يفوت و يسمعني
جوري ليش؟
نوح اني مريض ومن زمان هم
جوري شنو مرضك
نوح مرض خبيث
جوري شنو؟
نوح والله العظيم العباس كفيل بكل كلمه اكولها.
جوري ديربالك تجذب
نوح حجيت والله العظيم ماجذب
انقهرت حاسه نغزه بگلبي.
جوري من شوكت؟
نوح سبع اشهر هيج
جوري سبع اشهر وماكايلي! وخليتني اتزوجك!
نوح لان احبج وردت اخلص اخر ايامي وياج هنه جم سنه
جوري ماجاي افتهم وين بضبط مرضك
نوح بلمعده
سكتت متذكره قبل يكلي معدتي تاذيني ماحجيت مجتمعات دموعي حاسه الهوى صار حار حواليه.
نوح اعتذر منج اهواي والله تصرفاتي وصدك حتى امي ماجنت متوقع تتاذين مني هيج رغم كل نيتي وياج والله بس الخير اقدمه الج
جوري ما الك علاج؟
سكت الثواني وذب نفسه بحسره
نوح دا اشرب ادويه
جوري راح تموت؟
نوح ماعرف، يمكن اي
عضيت شفتي ضاغطه على دشداشتي
جوري سامحني نوح
نوح انا الاريد منج تسامحيني المن اتصلت لعد
جوري امك مبريه ذمه، وانت لا صح اخر مره مشكله بس والله قريب عليه وصديق
يمكن ماحبيتك ك حب بس حبيتك ك صديق.
مانطق وسمعت شهكاته
جوري نوح
نوح ههههههه تسلمين
جوري تبجي؟
نوح لاضحكت بس يلا اريد اروح ماكدر اكمل كلامي هسه مختنك احسني لو تردين اخلص كل كلامي هسه. ومادك بعد
فهمت انقهر من حجي...
عدلت شالي ذابه نفسي بحسره اهمس
جوري بعدين موهسه نتحاجه
اخذت بطرف شال امسح العرك من على ركبتي ابلع بريكي هوه راد يجاوبني وفزيت على نترته حاجي كلمه كلمه بعصبيه
ذياب تحاجين ياهوه ولچ؟
انداريت بسرعه فاتحه عيني على حيلهن الخوف اتسلطني متصمه مامتحركه حسيت انشل حلكي هوه ضل يتقرب ناحيتي عيونه دم مكور ايده البيها سجين.
خفت اكثر من السجينه رجعت اليوره ضامه روحي كلش
جوري ذياب لا
مقدمه ملابسي فرها ب ايده مكورها يباوعلي وشرايينه بارزه بشكل واضح معصب
ذياب ياهوه هذاااا
جوري ن، نوح
ذياب غرامات من جديد
اجتمعن دموعي احرك براسي لا
جوري والله لاا هوه خابر اخر مره يكلي مريض.
انهار ذاب سجينه من ايده لازم راسي ب اثنين ايده خازرني
ذياب ويريد يتكسرر همن لو شنوو بعد لج معلييييج بي معللليييييج لج انتي ليش تفوتين روحج بهل سوالف ليش تورين گلبي هيج ليش هااا
جوري ذياب والله ماقبلت اني
ذياب بس اتصلتي علي!
جوري هوه مو اني الله يخليك والله ماعندي شي هسه امسح رقمه بس وخر الطفل خاف
ماهتم السليمان بس كل همه شلون خابرته عصر فكي قوي غمضت عيني شايغه روحي مخلي ايدي ب قبضه ايده عاصرهن قوي.
ذياب احجيلي تضلين ب اغلاااطج هاي لووو شنو
ماحجيت شاهكه ابجي متاذيه من ايدي ضغط اقوى يباوع الوجهي محتركه روحه
ذياب عش ترجفين گلبي عليج هيج يول تردين تموتيني؟
جوري اي، يدي راح اموت
فك قبضته مني طحت بلكاع بسرعه لازمه اصابيعي وسليمان يبجي بصوت عالي
نوف شكو
ذياب راح بسرعه ساد الباب وقافله راجعلي كاعد يمي حاط ايده على ركبتي جارني من شعري يم وجه
ذياب احجيلي ياهوه بگلبج جوري.
ماجاوبته فاتحه حلكي رايحه انفاسي صاير ألم بگلبي من الخوف والاذه
عاط جار البرده قوي موكعها صحت راجعه اليوره ضامه نفسي على الحايط اتقدم يمي
ذياب احجي!
جوري محد وخررر الله ياخذذذك
ردت اكوم اشرد منه وسحب ايدي موكعني عليه ايده على خصري ضاغط قوي عبالك يتصرف موبوعيه
ذياب احجي ياهوه اني لو هوه
جوري الولد فرررفح لاتصيرر حقيرر وخر
ذياب والله اجنزج هييين اااحجي.
ماحجيت كارههته لان رجع التصرفاته وعصبيته جر وجهي ب ايده ناحيه وجه طاخ خشمي ب خشمه يحجي رايحه روحه
ذياب يلاا يبه
باوعتله نازله دموعي كرر كلمته ضامني اكثر بحضنه اجت عيني السليمان صار يبجي بدون صوت خايف ونوف وجاه وامينه يدكن على الباب قوي
امينه ذياب حبيبي هساع اجيت شصابك ياروحي
حجيت بتعب
جوري يردونك.
ذياب اني اريدج الج
جوري لاتكرهني بيك عوف هل سوالف
ذياب جاوبيني
جوري محد وخر.
ردت اكوم وماخلاني شبگني بقوه ضام راسه بشعري
ذياب تغلطين ويتور گلبي، كلهن ينزتن جدام عينج ليش هيج تسوين وترجفيني؟
جوري گلبي كام ياذيني وخر
ذياب جوري وحك السواج...
خفف قبضته عليه مخلي وجهي مقابيل وجه حجه وملامحه بردت رغم النار جواه
ذياب ماريد انذل اكثر من هيج، احجي ياهوه بگلبج
جوري تنذل؟
ذياب كل هذا موبعينج؟ حجيتي احبك مره بس اني حجيتلج الف مره! ومناسيه
صرت حتى يجي بالي انتي تسوين بيه هيج كله ثار.
جوري انتقام؟
ذياب اي، تموتيني الف موته وطلعين روحي وترجعيني الج بهمسه
جوري مابينه شي وخر
رخت ملامحه عايفني كايم رحت بسرعه حاضنه سليمان اسكت بي باوعت الابو
واكف وبملابسه مال دوام بعيونه دموع يفرك على راسه ضاحك ب استهزاء
دار ضهره يريد يروح
جوري ذياب لاتسوي بروحك هيج
ذياب لو گلبي يضل عاشكج ويحسبج من ذهب ما اسمعله بعد
جوري نوح والله كتله حبيتك ك صديق مو حب
وكف مايل راسه يباوعلي يضحك
ذياب تردين انذل بعد؟
جوري ليش حاسب حبك مذله
ذياب عجل شنو تسميهاا هاي هاااا، من يمتى ارررجف على بت!
اجه يمي يشوفني بشعره
ذياب دحكي رجال مشيب اني وزعطوطه تلعب ب حالي!
جوري ابنك يخاف
ذياب عجل خليني بعيد منه
فتح قفل الباب وراد يفتحه حجيت
جوري ذياب
غمض عينه قابض على يده الباب قوي
ذياب شتردين بعد
جوري اني احبك
اندار كل جسمه عليه بسرعه نزلت راسي كايمه شايله سليمان اطبطب على ضهره.
جوري بس اكو تصرفات الك ماحبها تجبرني اجذب عليك واكلك ماحبك
باوعتله بطرف عينه لكيته ساكت وملامحه بارده ومثل صدمه اله دنك وطلع من الغرفه لكيت جاه ونوف دخلن بسرعه
جاه شصار؟
ماحجيت متنهده وثاني يوم صبح طلعنه للعماره مرةة الايام واطلكت جاه من رجلها وصرنه كاعدين بلبيت ننتضر تخلص العده
جاه خيه ماتحسبيلي شو نسيت شكد صارلي
جوري ثول اني احسبهن يوم يوم حتى اطلع من هل سجن
جاه صح ضوجه
جوري جليله وجنان ماراح يجن؟
جاه جليله البارحه اجت رجلها يمكن مايقبل بس جنان لا تجي
لزمت تلفوني داخله بقائمه المحضورين شفت حساب نوح وذياب شلت الحضر من ذياب متنهده
لكيته حاط حاله فتت عليها مصور رايح الدوامه يفر بلستيرن ويمه كرم ماد ايده مطلع جكارته ومشغلين اغنيه طكن جيلات البرنو والهاون ثار...
بنص الفيديو وگلب الكامره عليه مطلع وجه لابس مناظره صفر
ذياب هبت موصل وديالى يببه مووووصل وديالى، وجنوب العماره
ضحكت طالعه من الحاله مالته.
رفعت راسي بسرعه سامعه دكه الباب راحت جاه فاتحته وطلعت جنان خليت ابني موكفته على الكرسي ورحت سلمت عليها
جنان يابعد عيني ونضرها شلونجن بلعده البيت
جاه حيوانات عبالك محبوسين وامج تتشمت احسها بس تفتر وماتقبل نطلع اكلها عمي حتى جواريب ابوي الله يرحمه البسهن براسي واطلع ماتقبل
ضحكت واجاني صوت اشعار فتحته وشفته من الطبرجي
ذياب ملز بيج
رفعت حاجبي مامفتهمه
جوري شنو يعني
ذياب اسألي امج. اودعناكم.
بقيت كاعده جنان تحجي كلمه وجاه تسولفلها ب الف كلمه وسليمان كل شوي يطيح وارجع. اوكفه على الكرسي حتى تتقوه رجلي
ضليت احوس انتضر امي ترجع لحد ما اجت بيديها علاليك جبتلها مي بسرعه هيه ذبت شالها تعبانه
رمله فرغي الغراض كل واحد بمكانه ولاشوفج راجعه حاطه الطمامه بسله هنا لا خليها بجيس وبلمجمده
جوري امي
باوعتلي بتعب هازه راسها
رمله ها
جوري شنو يعني لزه
عدلت نضراتها تباوعلي فاكه عينها
رمله شنو ولج
جوري مسبه؟
جاه لابوسه يعني
رمله منو حجاها الج
جوري شفتها بلفيديو منشور
جاه هيه بوسه
رمله لا
سكتت نزلت راسي رايحه بسرعه وخلصت ايام العده إلى بس جاه ضلت بقيت وياها ماطلع لحد ماهيه هم خلصت وكل ايامنه عاديه ناكل ونشتغل
ذياب مايراسلني بس اشوف يحط حالات يتقصد بيهن ذكره من عدنه انا صرت هم احط حالات ومره خليت صورتي منومه سليمان يمي وطالع بس وجهي نصه من خشمي وشفايفي.
نشرتها مخليه اغنيه نانسي ماطولت كم دقيقه وطلعلي شافها كمزت بسرعه اعضعض بشفايفي خايفه
جاه دخيلك ربي طب بيج جني خوما جني
جوري اششش نامي انتي
غمتني ماكله من التفاحه
جاه هاي جليله جنها خدعتني ادري بس هيه الماسك مالتها مايبس راح يصيرله نص ساعه صدك جذب
بقيت اباوع للتلفون وماكتبلي شي بس شافها طلعت من البرنامج متنهده متمدده شوي مرةة ب ساعه ونص يلا وصلني اشعار دخلت ولكيته منه
ذياب بت حرمله اتوريت تره.
ضحكت اجت عيني الجاه لكيتها صافنه على رافعه حاجبها
جاه المن ضحكه شاكه حلكج؟
رفعت اجتافي خافيه ابتسامتي
جوري وين ضحكه
جاه لا ابد، فلك الفلكج اكص ايدي اذا ماطلعتي حتى راكصتله
جوري يااا المن
جاه ادبسز مو اكول الامي دعوفي رجال بحاله موتي وهوه هناك متگسب بدوامه
جوري شمسويتله
جاه مو ادخل اشوف شمصخمه بلحالات واتساب هاي تاليتج شكدودج حابتلج الجيل عاشگين واتساب.
جوري اهووو. موعليه تره بس نشرت ابني ومامبين مني شي هوه وجهي ونصه ماشايف وجهي قابل
جاه وشعرج؟
جوري لا استغفرالله ماطالع
غمتني وكامت رجعت عيوني للمحادثه لكيته راد على الحاله مره لخ
ذياب بيدج صرت مراهق كصايب ولعبت فلك بهل شايب.
جوري شو ماتستحي وين مركز اصلا شعري ماطالع بصوره
ذياب بس ادري بيج مسويه كصايب
لزمت كصايبي مبتسمه
جوري وين انت؟
ذياب بدوامي مشتول حال حالي وانتي جثرتيها عليه فدوه الربج.
جوري ترا سليمان المبين ليش مركز بيه ومامركز ب ابنك
ذياب عين السليمان وعين وگلب الامه.
ضحكت قوي طالع صوت ضحكتي انتبهت الروحي متحمحمه مجاوبت طالعه من المحادثه...
ومرر اسبوع وذياب ماحط حاله ولايطلع متصل ضل بالي على بس ماراسلته وبيوم عرفت متصاوب ب ايده.
ضل گلبي يرجف انهاريت وجبرت اهلي يطلعون بهل ليله للانبار، من عرف عمي فرج احد جابنه عصب عليه وكل شوي يخابر الامي يحجي ويعيط
رمله هاي 12ممره تتصل كافي.
فرج غيررر المصگوووعه البصوج موتتني ناوشيني السايق بلا
رمله هم تكله ديربالك عليهم دكافي لايشمرنه هنا بجوله مل رجال
فرج دناوشيني احجيلج
استغفرت امي منطيته للسايق وهم حاجاه يدير باله وضلينه بهل الحال لحد ماوصلنه طلعت بسرعه اليفوك لكيت باب غرفته مردود دكيته
جوري ذياب
امينه موهين
جوري جا وينه
امينه يم صاحبه راح يضل
جوري وايده
امينه دسلمي عليه بالاول حبيبه
حضنتها بايستها اكثر من مره فتحت عيونها مصدومه.
جوري ها ليش يضل هناك
امينه لاتخلين بالج بعدين يرجع
امي جرتني مفوتتني للغرفه شفنه عمي فرج كبالنه
فرج ها يول اسكطج هين هساع.
ماحجيت طابه جوه ضل يحجي ويه امي وبقينه يومين وهوه ماكو بيوم الصبح بدلت السليمان ونزلت لابسه حجابي اكثريتهم ماكو بيهم بشغل وبيهم نايمين وبيهم كاعدين بلغرفه وبيهم البنات ينضفن ويسولفن بينهن شفت امينه نزلت من غرفه ذياب بيدها مواد تنضيف سليمان لزم طرف دشداشتها شافته وجرت وجه بايسته اني الخوف بگلبي ورجفه بجسمي بلعت ريكي حاطه كصيبتي صفح
امينه اركدي غاد
حجيت خالص صبري
جوري وينه
رفعت حاجبها تباوعلي مستغربه.
امينه عش هل حجي هساع؟
جوري حبابه احجيلي شلون صارت اصابته ما أتشافى
رفعت ابني هامسه بصوت مخنوك وبتوسل
جوري ابنه اشتاگله.
ذياب وامه؟
درت كل جسمي بسرعه سامعه صوته شفته بملابس دوام شعره مزينه لابس مناظره وبيده سترته نزلت عيني على رتبته البچتفه
طيف ابتسامه لا أرادي انرسم على شفايفي ردت اروحله وساره اجت سريع جاره سليمان من ايدي منطيته الابو
ساره مشتاقلك هوه حيل مو صح سليمانو.
ضليت واكفه ماعندي حجه حتى اروحله هوه باس سليمان
امينه ايده تاذي ليش ناوشتي ب ايده
ذياب لاعادي، ام سليمان شلونج
جوري الحمدلله انت شلون صارت ايدك
ذياب ااحسن شويه
امينه عجل يمه ليش بملابسك مال دوام
ذياب غاد لبست ملابس كرم بس من اجيت هين لبست ذني بوكتها بيهن
امينه موحجيت الابوك يجيبلك مملابس وحجى اشتريله
ذياب اي، بس ماحبيت لونهن
امينه ياا على لون
ذياب برتقالي من يمتى اللبس هيج لون
ساره غدي شكثر اكره هل لون.
اني عفتهم وفتت جوه بلمطبخ مطلعه كاسه مي شاربه منها
ذياب ما اشتاقيتلي ابني
درت وجهي اباوعله مبتسمه عيني على غمازته اجه كبالي واكف مدنك راسه صافن بيه
ذياب ها ياحلو ياكصايبك مشيبتني
ردت احجي وفاتت ساره ذياب وخر متحمحم اني فركت اذني طالعه بسرعه من المطبخ ناسيه كاسه المي مالتي
كعدت بصاله هوه طلع بيده سليمان وايد ثانيه كاسه المي يشرب منهاا.
للضهر صبينه غده خلصوا وطلع ذياب وابو ماشفته لليل فزيت من نومي لكيت سليمان نايم بحضن امي وجميله وجاه تلفونها مفتوح. وغافيه
كمت معدله شعري رحت طفيت تلفون جاه جايه عيني على الساعه 1: 33.
لكيت ملابسي على جهه محضرتهن
جوري عود ردت اسبح وعبرني النوم
شغلت ضوه الحمام طابه سبحت وطلعت عايفه شعري مفتوح
فتحت الباب لكيتهم مطفين الاضويه باقي كم واحد خافتات لونهن نزلت
جوري احسني جوعانه. شنو جان عشاهم.
فتت للمطبخ ادور بجرارات
جوري ماعدهم اندومي
طلعت ردت اعبر المجلس وانتبهت الباب الثانوي اله من زاويه القريبه مفتوح دخلت للمجلس ضلمه اجت عيني على الكاعد على جهه فاتح دكم قميصه الأسود ويمه هيتر ايد بيها جكارتين طبگ وايد بيها لفه صغيره
كباله طاوه بيها طماطه حمس جان فاتح حلكه يريد ياكل من شافني اتصنم ذابها من ايده وكام
ذياب شطبه.
وخرت خصلات شعري وره اذني ابلع بريكي مامتوازنه انفاسي
جوري كمل اكلك بلعافيه.
صار كدامي واني اندحست بلحايط اضغط على ملابسي توتر محتلني مد ايده راد الباب يهمس بصوت ناصي حتى لايكعدهم
وعينه ذبلانه على شعري المبلل
ذياب ياحلاة كصيبتج من تنظفر ب أيدي.
عرفت شيريد طيف ابتسامه خفيف انرسم على شفايفي هوه دنك ماخذ نفس قوي شام شعري راجفه ايده.
وخرته بسرعه خايفه ردت اطلع وجر ايدي
ذياب بس اظفرها.
جوري لا كمل اكلك.
ماستمعلي جارني ردت اوخره وماكدرت خخلاني اكعد ورجله اثنينهن على بطني محاصرهن وقابض عليهن
ذياب لايضل بالج احسبج بنتي
جوري كلاواتك واني صغيره بطلهن وخررر
ذياب اشش صوتج اتمجدنه
سكتت ضايجه هوه بده يظفرلي ومرةة اكثر من نصف ساعه وهوه بعده محتار بيهن
جوري ماتعرف كوه
ذياب اش لاتخربين تركيزي
خلاها إلى صفح باوعت مثل عوجه سكتت اروح
ذياب حمامه القناص
جوري ها
ذياب ماكدر بعد، اريدج صوبي وحلالي.
فهمت قصده خفيت ابتسامتي صاعده فوك للغرفه فرحانه جريت بطل امي اشرب مي شفت بي شويه خليت حجابي على راسي نازله مره لخ
دخلت وشفته بلمطبخ يحجي بيده كاسه مي يشرب بيها
ذياب شويه واطلع من هين اجي البيتج.
اتخبلت حسيت نترت فاتحه عيني
جوري هاي شنو؟
دار كل جسمه عليه منصدم جان على طرف كاونتر كلاص كزاز شلته وشمرته متكسر بلكاع
جوري ياااهيه تجي البييتهااا!