رواية عروس الهور الجزء الأول للكاتبة هيلانا الفصل الثاني والثلاثون
إن في رأس ل فردٍ منا شيطاناً يوسوس له. ليضل الطرق الصحيحة.
: -شجن
أبو سعدون الخاطوب مالت مرام اليوم توفة خطيىة صاير ويا حادث داعمتة سيارة وأتوفى
جنت فاتحة الشباك وأباوع على شارع شايلين الجنازة ومسويلة تشيع
تذكرت بابا أني حتى بتشيعة ما جنت موجودة
ما تحملت بجيت وعيوني على تابوت
ومرام وأگفة على بلگونة وتگرز حب وتباوع على
الي يشيعون وكل شوي دكول هذا حلو
ينطلع بي ذاك مو حلو وهذا مزوج وهذا اعزب
المهم نفوس المنطقة كله عد مرام.
التفت عليه وأني أمسح بدموعي كالت بستفهام
: -عليمن تبجين على ابو سعدون وولج لا تبجين الله يرحمه كلنا على هذا طريق وان شاءلله أبن عمج ازاد كبلنة يفحط على هذا الطريق وبعدين الحمدلله مات جان عرس عليه كل يوم والثاني جاي لبوي يدك ناعم يريد يزوجني الله يرحمه ويزوجه حور العين
: -لا ما دا أبجي عليه
: -لعددد عليمن لا دكليلي على عصام ترى هسه اخابرة كبل يجيج صاروخ
قاطعتها بملل وأني أمسح أدموعي.
: -مرام أشبيج ماعندج أبريك شتحجين وبعدين أني دا أبجي على بابا أتذكرتة وبجيت
: -عمو سالم الله يرحمه لا تزعلين حب هي هاي الدنيا ولو ظال عايش جان هسه اني مرت ابوج وامج الثانية
جنت ضايجة وضحكتني شگد نعالة
غميتها وضحكت، رجعت كتلها
: -مرام اريد اكلج شي
: -البس أنعالي وأجيج
: -هههه لج هنا أحجي أوكفي...
هزت راسها ومركزة وياي
: -اسمعي عصام اجاني البارحة
فكت حلكها وكالت: -بالليل
: -ايي
: -وين اجة للبيتكم يعني.
: -لا ولج لغرفتي من شباك
: -وشصاااار حضنه بوسة منا مناك نحرافات تسوفلات
: -افكارج وصخة ما صار شي مجرد حجينة
: -بيش الساعه
: -يمكن بالوحدة مدري الثنتين
: -اااوع دولي جايها بالوحدة وبغرفتها ووحدكم وما صار شي تقنعين منو اني ما اقتنع دوم لو تمرغلين هنا بالگاع
: -والله بس حجينة ترى عصام موؤدب
: -لا وولج مو راحة سافل
: -يعني هو اي سافل صح بس مو هواي شوية
: -شنو شوية عصام مخترع مسلة السفالة.
: - ماخذة عليه نظرة مو حلوة
: -جنه راح يصير ابو اطفالج
: -ما ادري كلشي يصير
: -خوش نروح باجر لسوك نحضر بدلة العرس ونحجز صالون
ضحكت بصوت عالي وهي تتمضحك
: -لا مو هسه
جنه دنسولف ولمحت سيارة بيرس صفنت مركز هذا بيرس ايي هذا أستاذ بيرس بس شعندة هنا
نزل من سيارتة واجة بتجاه بيتنا
جان لابس رسمي وشكلة بيرفكت صحت على مرام
بصدمة: -استاذ بيرس
: -شبي
: -هذاااا
باوعت وين اشر وكالت: -خلة البس انعالي واجيكم التطورات قوية.
عفتها ونزلت ركض وهو دك الباب، ما ادري
صابني شعور غريب بس مو شعوري القديم
لا جان شي مختلف مو حب ولا عجاب جان فضول أستغرب شعندة جاي
فتحت الباب وصارت عيوني بعيونة
ابتسم بتساع و كال
: -السلام عليكم
: -وعليكم السلام اهلا استاذ بيرس
: -سمعت راجعين واجيت الف الحمدلله على سلامتكم
: -الله يسلمك
: -شوكت رجعتوا
: -ما صار أسبوع
: -والله بالي يمكم كل فترة امر منا اكول بلكي رجعتي هسه حلوت بغداد برجعتچ
: -تسلم استاذ.
: -احم شجن مكانج بالشركة بعدة موجود اذا تحبين ترجعين
: -صراحة ما ادري بعدنة ما مستقرين
: -ان شاءلله تستقرين واذا تحتاجين شي اني موجود اي شي لا تتتردين
بهالاثناء ماما اجت وهي دكلي منو على باب شافته طبعاً ماما تعرفة هو جان يعرف بابا وعلاقتهم زينة
سلمت عليه وكالتلة اتفضل عاد هو فات كعد بالصالة رحت حضر جاي
وجاي احضر بالاستكاين وعيوني كل شوي اباوعلة بالصالة يفرك بدي ومتوتر احسه يريد يحجي شي.
كملت الجاي والباب أندك اكيد مرام ما اخذها صبر واجت لازم تحضر بموقع الحدث
رحت فتحتة وأني ادرم على مرام
شهكت من شفت كدامي على وعصام
حجيت برتباك: -نسيبي هلا بيك
كرص خدي وكال: -هلاوالله شجونة
عبرني وفات وعصام فات وراة غمزلي وحجة
: -شلونة الصاك
يالله راح تصير مشكلة صرت كدامة مانعتة يفوت
كتلة بتوتر
: -لابس أسود اليوم
: -منسق وي حظي الگواد
: -بس ترى حلو وياك
: -وأنتِ هم حلوة وياي بس وخري أفوت.
ستحيت رجعت كتلة وأني أفرك بدية متوترة
: -أحم عصام ما يصير تفوت
: -هااا أنوب
: -اييي
: -شنيييي وحد من علي
: -مو على نسيبنة فهو واحد من العائلة أنت غريب
حجة بعدم أهتمام: -أنة هم نسيبكم أن شاءلله بالقريب وهسة وخري خالي
حجيت بنفس نبرة: -لا خالي ما يصير ونبي تدخل
: -خالي ما تنجبين شني ما أدخل أطيح حظج ترة مالة داعي الدلع هذا
: -عصام روح حباب گمت أحسك كابوس.
كال بسخرية: -لا من امتحان من ربچ يشوفچ تنجحين وتصيرين مرتي لو ترسبين وتفوتچ الفرصة الذهبية
ما أنطاني مجال أحجي عبرني وفات جريت نفس عميق وحسبت من الواحد للخمسة ودعيت الله ماتصير مشكلة وفتت
اول ما فتت خزرني عصام عود فوتي جوة
مشيت للمطبخ وهو اجة اخذ الجاي
ويعض شفته متحلف بيه شبي شو حيل ماخذ راحته عبالك زوجته والله
مايصير هيج نوب خوفني وين اشرد.
فتحت الباب على نص أباوع منه وبيرس منطلق بالكلام وي على بس عصام ما عاجبه يباوعلة بطرف عينة ملامحه محتدة
وعلي كاعد بصف ماما وهي تسولف ويا وتضحك لاحظت علاقة ماما بعلي متغيرة
وهي ماما حيل متغيرة ماعرف شكوو وشنو هالتغير المفاجئ
بيرس: - مادام الكل موجود، أخذ نفس عميق باوع على ماما وبعدين على على وكمل بأدب
: - أني اريد أطلب إيد الانسة شجن حتى اجيب الوالدة اذا أخذت موافقة مبدئية منكم
فكيت عيوني بصدمة أباوعلهم.
لحظة صمت مطبق
بس صوت خاشوگة على ديخوط بستگانة
چان الصوت الوحيد اللي دا ينسمع
گلبي يدك مليون دكة بالثانية شنو يخطبني
قبل لا أي واحد يحچي كلمة
عصام گام من مكانه بسرعة عيونه چانت دا تشتعل غضب بس حاول يسيطر على روحه وگال بصوت عالي بس بيه نبرة مصطنعة من الهدوء
عصام: -شنو، تطلب إيد منو؟
رد بابتسامة مهذبة بس بيها شوية توتر.
: -إيد الآنسة شجن أني معجب بيها من زمان وأريد أتقدم الها بشكل رسمي وبمأنو الكل موجود وأنتم هم أخوتها أطلبها منكم بالحلال
منو أخوي عصام.؟ يالله راح يموتة قبل لا يحجي عصام على أشرلة يسگت
رجع گعد على عصابة وقابض على جف أيدة
يريد ينفجر كوة مصبر روحة
ماما كالتلة: - رأي رايي على هو لازم يوافق تدري هو بمثابت أبني وهي اختة فهو المسؤول.
صدمتني صدمة عمري شنو هالتطور الخطير وشنو سر العلاقة المفاجئ بينهم مو جانت تگرهه وما تريدة
اليوم عبارة عن صدمات ونبي
حجة عصام من يمه متنرفز: -لا لا لا شنو هالحچي ما عدنا بنات للزواج
علي خزرة وهو كاتم ضحكتة ومبين يعرف شكو التفت على بيرس كالة بحترام وود
: -والله أنت خوش ولد أبن حمولة وأكيد ما نلگة احسن منك بس شجن بعدها صغيره على الزواج
وأريد أسفرهم للخارج بالايام الجاية
بالمختصر أنرفض بنزاگة.
عصام بتسم ابتسامة انتصار يباوع لبيرس بنظرة شفت مو كتلك
عصام: - اي بالضبط
بقى يباوعلهم مستغرب بس ما حجة
خطية حسيتة ضاج
بس خيولي وين جان حتى لو همة موافقين أني ما أوافق
بقى شوي يحجون وهو مبين كوة دا يحجي
أخذلة شوية
وأنوب أسترخص منهم وگام وعلى وعصام طلعوا ويا لباب
رحت أباوع من غرفتي وخرت البردة حتى أشوف
هو سلم على علي
ومد أيدة يطالس عصام
بس هذا السافل مدلة طرف أصابعة بستحقار ولا يستحي اعرفه والله.
هسه شبي لو مسلم على رجال وما مفشلة
خطية هو لم ايدة وبعدين ودع على ومشة
بقيت عيوني عليهم على مرتكي على سيارتة ويحجي وي عصام
وهذا يباوعلة صفح نوب گفخة على راسة
وذاك ضحك وهو رجع على بيت
حسيت علاقتهم مو مجرد أصدقاء تحسهم
أخوة بحيث عصام شگد جان عصبي
بس مجرد ما على كالة أكعد وسكت كعد مثل
العاقل ههههه
خوش بعد اذا سوالي شي أهددة بنسيبي
وخلة أنزل.
أشوف شگو وليش على رجع وهم أسأل ماما شنو هالتطور الخطير بعلاقتها هي وعلى شكوو صايرين دهن ودبس
كون شمس تشوفهم اليوم شلون كاعدين جانت طارت من الفرحة خطية جانت تتمنى تشوف هالگعدة وهالعلاقة بين بابا وعلى بس بابا أتوفى خلاص
تنهدت بحزن ونزلت جوة. وكفت يم درج
شفت ماما جايبة جنطة أصغيرة
أنطتها لعلي
نهال: -هاي الجنطة بيها كلشي يخص القضية كل شي يخص حقك منهم.
أخذ الجنطة منه ملامحه چانت جادة رجعت كالتلة بصوت مخنوك وعيون مدمعة
وهي تلزم أيدة بقوة
: -شجن وشمس أمانة برگبتك دير بالك عليهن أني أني أثق بيك وأعرف راح تاخذ حقك منهم وحقنا كلنا
هز راسه وضغط على إيد أمي وكالها
: -بطن عيني
شنو هاي الأمانة شنو كاعد يصير. وقبل لا يمشي
أنطها مبايل وكالها شمس مشتاقتلكم تريد تحجي وياكم
طبعاً ماما تشكرت منه وهو خلة ومشة
وأني بسرعة رحت لماما لازم أسالها وأعرف شكو.
: -شمس
چنت توني گاعدة من النوم أحس جسمي مكسر من التعب رغم ما مسوية شي
بس يمكن نفسيتي مأثرة عليّة رحت گدام المراية اللي چانت معلگة على الحايط
أباوع على وجهي الشاحب عيوني چانت حمرة من قلة النوم ومن التفكير
تأكدت الإنسان يزهر ويورد من يكون مرتاح
ويذبل وينتكس من يگوم يهم ويفكر
وهالشي ينعكس على وجهه. حاولت أعدل شعري المنكوش وباوعت على وجهي، مليان تعب.
نزلت عيوني على جسمي سمنانة وصايرتلي بطن أصغيرونة معقولة أني سمنانة
بس أكيد أسمن اذا مگضيتها أكل ونوم وعلى يعلف عليه سمچ وأطيور
بس دا أخاف وتوتر وأقلق المفروض أضعف المفروض أصير عود گصب مو أسمن
چنت دا أفرك بطني بتفكير أحاول أستوعب اللي دا أشوفه
انفتح باب الغرفة ودخل على وشكله هادي كالعادة رفع إيده شايل بيها موبايل أسود جديد وأجه باتجاهي
علي: -جبتلچ هذا
أخذتة من إيده بدون ما أحچي گال.
: -بيي خط تگدرين تخابرين أهلچ
صارلي شگد ما سمعت صوتهم ولا حسيت بوجودهم. أحس بالكلمات دا تختنگ بصدري
باوعلي نظرة أخيرة وبعدين طلع من الغرفة
عايفني وحدي
رجعت گعدت على طرف الجرباية الموبايل بيدي. أخذت نفس عميق
أحاول أسيطر على رجفة إيدي طلعت لوحة الأرقام مخلي رقمة ورقم شجن بس
طلعت رقم شجن وضغطت على زر الاتصال أحس بگلبي دا يدگ رنة، رنتين، ثلاثة
وسمعت صوت شجن على الخط وهي دگول
ألو بقيت ساكتة.
آخر مرة تعاركت وياي واتهمتني بموت بابا
گالتلي أنتِ السبب ويمكن فعلاً أني السبب
شجن: -منو على الخط
جريت نفس وگتلها: -أني شمس
حچت بصوت مليان لهفة: -شمس حبيبتي ش...
قبل لا تگمل گتلها
: -أنطيني ماما أريد أحچي وياها
ما أريد أحجي وي شجن هي بخير هاهيه أني شايلة بگلبي عليها
ما حچت شي أنطتني ماما أول ما سمعت صوتي بجت چنت كلش مشتاقة أسمع صوتها
حجينة هواي وعاتبتني هواي لأن رحت يم على وعفتهم بصعب ظرف.
هي ما تدري بوساف العار جان خاطفني
وقبل لا تسد الخط گالت
: -خلي على يجيبچ النا أريد أحچيلچ موضوع مهم
شمس: -تمام بس شنو الموضوع ما تكدرين تحچين هسه وأني هم أگول لعلي حتى أجيكم عود
أم شمس: -لا يا أمي أبد مو مال مخابرة تعالي يمي وعندي أغراض تاخذيهن يمج ضمان إلچ ولأختچ
شمس: -ماما خوفتيني شكو
: -ماكو شي ماماتي بس أريد أأمن حياتچن ما أريد عيني تظل مفتوحة عليچن من أموت.
: -اسم الله عليچ ماما يا روحي من عمري على عمرچ لا تحچين هيچ وتخوفيني
أحس كلامها مبطن وأكو شي غريب كاعد يصير
سديت الخط بعد ما أكدت عليها لازم أروحلها
فگلت أنزل أحچي وي على يأخذني الها فنزلت جوة لگيتة گاعد على طاولة المطبخ
يشرب چاي هادي كالعادة وطبعاً يشرب چاي هواي لأن نهار كله يدخن گتلة
: - علي
رفع راسه يباوعلي بنظرة حلوة عاض باطن خده گال
: -هلأأأ بحيلي.
شگد لوتي ضايجة منه أني ماتأثر بهاي السوالف البارحه عافني وما أجة
وكفت گدامة وحچيت باستفهام
: -وين چنت من أمس هسه إلا إجيت؟
علي: -تحققين وياي مدام
شمس: -أييي دا أحقق وين چنت
علي: - چا لا تحققين
دگيت رجلي بالگاع بعصبية.
: -گتلك وين چنت ليش ما تجاوب
علي: -ميخصچ مرتي
شمس: -ميخصني هااا. تمام الله كريم
حجة بنبرة مستفزة: -ونعم بالله بس شبالچ
شمس: -ميخصك رجلي
گام من مكانه، تقدم بقيت بمكاني أباوعله بتحدي حجة بهمس.
علي: -أشش أش حبيبي لا تعصب ياولد
شمس: -لا دگلي حبيبي مو حبيبتك أني
رفع حاجبه وابتسم ابتسامة خبيثة.
: -هم صدگ أنة رجلچ
شمس: -ولا رجلي
علي: -چا والمقبلات البينة شنية ثواب
شگد ساقط وحقير وخرت مبتعدة عنه وهو يضحك المستفز
شمس: - دروح يا مقبلات
تحرك طالع مدري وين راح يديح وگال
: -أمشي ولي رايح
فكيت حلگي هذا دا يگولي ولي
صحت وراة بحقد
: -لا دددگلي وللييي على أموووتك والله
أخذ سترتة من تعلاگة دا يلبسها وگال.
علي: -يلا چا نكلعي
أستفزني كلش بس رديت عليه ببرود عود على أساس ما مهتمة لعد شسوي
شمس: -تعرف ما أعاتبك هو إلى يلبس قميص وردي يتعاتب و صدگ وين اكو شاب يلبس قميص وردي وأحمر من العهد العثماني
طگها ضحكة ورجع عليّة تقرب مني عيونه دا تلمع بخبث حجة بصوت مليان سخرية
علي: -قميص وردي مو؟ زين وين اكو بنية تجي تتحرش وتنام بحضني نص الليل وتدور حضن دافي؟
شمس: -حتى جذبتك الله گالبها شوكت إجيت حبيبي العكس أنت تجي وبعدين أني عايشة وياك مو حقي أخاف وحاطني هنا وحدي شي طبيعي أنام بحضنك حتى شنو ما أخاف يعني مو ميتة عليك وثالث شي انام بكيفي غصبا عليك غير رجلي سور الليل
علي: -ااايابة، يعني الخوف يخليچ تنامين بحضني؟ هاي نظرية جديدة لازم أسجلها باسمچ
تقرب أكثر وهو يسحبني من وسطي لحظنه حجة بهمس
علي: -چا وبوساتي هم من الخوف لو شني رايچ.
شمس: -كله من الخوف أبو مصطفى
علي: -والي صار الب...
حطيت أيدي على حلگه خازرتة ضحك وعضها
: -اااااموتتك كافي شگد ما تستحي
ضحك بصوت عالي ضحكة مليانة استمتاع ومشة باتجاه باب الصالة
علي: -جري عدل لا أربيچ من أرجع
شمس: -أوي خفت لا لا أبو مصطفى مو أخاف
طلع يضحك شگد خبيث ولا يتأثر
ضوجني ومشة أبو قميص وردي حتى نسأني موضوعي.
ظليت وحدي للعصر، سويت عشة ونظفت البيت ورحت سبحت وطلعت لازمة المشط
أمشط بشعري. تقربت من تلفزيون اريد أشغلة أنعكست صورتي بي
صفنت على نفسي فاكة عيوني شگلي كلش مرعب وجهي أسود وعيوني أكبار.
رجعت خطوات مبتعدة مسحت على وجهي وسميت بسم الله ورجعت على مراية بالمطبخ
معلگة أخذتلي نظرة ماكو شي شگلي
طبيعي رجعت على درج والمشط بيدي
مابية شي هاي اكيد هيج خيالي والتلفزيون
اصلا طافي فيعكس صورة مظلمة هيج.
صعدت للغرفة دورت مبايلي حتى أخابر علي
بس ما لگيتة أني متاكدة مخليتة هنا
وين راح.
أحساس غريب رافگني خفت أبقى بالبيت فلبست شال وطلعت كعدت برة وحدي ما اريد أدخل جوة
أنتظر على لحد ما يجي...
مر وقت هواي وحتى الاذان أذن وما فتت جوة أصلي خوفي تغلب عليه للاسف جان أقوى من أيماني
ريچي ناشف، ليش على أتاخر ما يجي
ومبايلي ماكو
فززني صوت التلفزيون من أشتغل جان على نشىرة أخبارية
ما أخذني صبر رحت ركض للحماية إلى مخليهم.
علي جانوا طابگين مسافة شوي عن البيت
أول ما شأفوني جاية بتجاهم مرعوبة نزلوا
وكفت يمهم ادية ترجف كالي واحد منهم
: -خير مداام شمس اكو شي
: -اي اي اكوو شي بالبيت ماادري شنو
جان همة سحبوا أسلاحهم ومشوا بسرعة للبيت
رحت وراهم فاتوا قبلي
جان كلشي هدوء حتى تلفزيون طافي
وكلشي ماكو همة دوروا البيت
مالكوا اي شي حجة واحد بيهم بعد مااخذلة فرة بكل البيت
: -مدام شمس ماكو شي.
مسحت على وجهي مرعوبة وكعدت بالكاع ادية ترجف وهمة الاثنين بعدهم يمي
كتلهم بخوف: -أبقوا يمي بين ما يجي على أني خايفة
هزوا راسهم وبقوا وأگفين خطية
واحد واكف بالباب والثاني واكف باب المطبخ الخارجي
وعيونهم رادار شگلهم جامد وجوهم حادة
كله سمعنا وطاعن ينفذون
مر وقت هواي وعلى بعد ما جاي وهمة على وكفتهم يفترون ما كعدو حسيت خطية
كتلهم حتى يرحون يرتاحون بس ما قبلوا
لحد ما اصريت عليهم اني زينة الا مشوا.
صعدت للغرفة كعدت على جرباية ولفيت نفسي بالبطانية مغمضة عيوني
ولامة رجلية لصدري ومنزلة راسي عليهن أسمع همسات وضحك بقيت مغمضة وأردد بأسماء الله
حسيت بيد على متني هنا كل ذرة شجاعة وايمان عندي تبخرت صرخت وطفرت من مكاني
راجعة ليورة لزمني من ايدي وهو يكلي بقلق
: -شمس اشبببيج
: -وخررر ياااااالله وخرررر عني لااااا تلزمني
ضربتة على صدرة واني اريد أبعدة عني
بس سيطر عليه وهو يثبت أدية ضاغط عليهن.
جنت أتنفس بسرعة وعيوني أدور بالغرفة
ماكو صوت هدوؤء بس صوت أنفاسي اللاهثة
عيوني راحت عليه شفت الخوف بعيونة اي شفت الخوف للاول مرة أشوفة هيج خايف ومبين عليه متوتر
سحبني لحضنة بدون ما يسألني شي وكنما
دا يعرف شنو بيه حضني حيل ضميت وجهه بصدرة أبجي وهو ساكت هادي بشكل خوفني بزايد
وخرت من حضنة أمسح بدموعي. رجعت راسي على المخدة وتغطيت.
نام وراي حاضني أيدة على وسطي بقيت ساكتة بس ما جاي أكدر أمنع ادموعي إلى جاي تهمل مثل المطر
حجيت بصوت يرجف وعيوني على الشباك
دنيا الليل: -أني خايفة
: -يمچ أنة
: -أنت مو دوم يمي
: -لا دوم أن شاءلله
: -اليوم شفت شي شي مو حلو حسيت اكو شي
: -أدري
التفت عليه رفعت عيوني المدمعىة بعيونة مسح أدموعي بطرف أصبعه وهمس
: -لا تبجين
: -كلة من وراك أبجي
: -الله يطيح حظي
: -أنت منين تدري
: -سالفة طويلة هاي.
: -أحجيلي ماعدنة شي ولليل طويل ريحني على ريح بالي وأحجي ليش تخليني أتصرف وحدي
سكت وطلع جكارتة يريد يدخن أخذتهة من أيدة تنهد
: -علي
: -يبعد عيني
: -أحجيلي
: -والله أخاف عليچ
: -ما أثق
: -وداعة مصطفى
: -من شنو
: -من بنية حلوة مثلچ بس تأذيچ
شهگت ورجف كلبي. أباوعلة أستعدل بگعدتة متربع واخذ الجكارة من أيدي ورثها وأخذ نفس منها
كعدت أكبالة عيوني بعيونة جان يباوعلي بضياع
مثل واحد خايف يفقد شخص يحبة.
نظراتة حيرتني وخوفتني. مسحت على وجهي أهدي نفسي وأحاول أفهم وأسحب الكلام منه
لزمت جف أيدة بعيون كله رجاء: -أحجي على وميخالف نعدي الايام كله سوا شاركني لعد هي الحياة الزوجية مو مشاركة أنتِ ليش ما تشاركني أسرارك
هز راسة ب لا باوعتلة بحقد قرب مني أبتعدت
توة يريد يحجي سحبت مبايلة يمي على بطانية
وهفيتة بالكاع وعطت بي
: -ااااكرررهك اااكرهك مخللليني على عمة عيوني
راح أتخبل وأنت مو راضي تحجي.
ردت أكوم جرني وكعدني بحضنة حط راسي على صدرة ولف أدي على وسطي
حجة بهدوء: -أطيني عطوة لباجر أنروح لنجف ومن نرجع أحجيلج
: -أجذب عليه
: -لا وعيونچ
: -والله كرهتك
: -والله أنة أحبچ أنة أتحرگلچ لا أرادي كلشي بية يريدج أخاف عليج تتتأذين أدري بنفسي ورطتچ وأخذتچ بذنب غيرج بس وداعة أمي متندم ولو يرجع بيه الوگت ما أخليچ أبالي أبد.
حجيت راصة أسنوني: -لا تبقى هيج وياي لأن كل يوم دا يتكون شعور مو حلو الك أخاف يجي يوم وأكرهك ويخرب كلشي خليك صريح وياي فدوة علي
غمضت عيوني حيل وهو گام وخر عني أخذ مبايلة من الگاع أنمرد كتلة بتشفي حقود
: -تستاهل وحتى سيارتك أكسرها
شالة بيدة وأبتسم شوي: - فدوة الج المبايل وصاحبة يلا نامي وأرتاحي
رجعت أتغطيت وعيوني علية لمة وخلا على الميز وفات للحمام يسبح
عفتة ونمت وحدي ويا بأجر اذا ما كلي.
شي أتركة وأروح للاهلي هذا أخر حل تعبني.
: -رغد
: -تغيرتي رغد
: -بعدك ما شفت شي ازاد
: -وحبنة. نسيتي شلون جنت أحبچ؟
: -نسيت أشلون موتت أخوية
: -خاين
: -خاين گتلي بعد كلشي صار عندك وجه تحچي؟
: -ما أنكر. بس عقاب الخاين الموت
: -ما وگفت بعينك من موتتتة
: -بس چنت مضطر چنت بين نارين أنتي وضميري إلى ذبحته بيدي كافي لا تفتحين دفاتر قديمة أحنا ولد اليوم.
: -لا تحچيلي عالضمير أنت منيلك ضمير ولك أديدك ملطخة بدم الناس حتى عمك ما سلم من شرك وبعت بنات عمك حتى أبن الزنا ما سوا سوايتك
رگعني راشدي وكعني من الكرسي عاط بيه مثل المسودن وهو يصيح
: -هووو جببببررررني عمي چان راح يسلم راسي للمخابرات چان ناوي يبوگني غدر ويسوي صفقات وره ظهري چنت مجبور أسبقة وأطعنة، لو ما طعنته چان متت أني حتى أبوي لو يفكر يطعن بيه هم أكتلة.
: -روح أسلّم نفسك أعترف بكلشي روح ولف حبل مشنقتك بإيدك لأن ماكو عقاب ينظفك مثل موتك وأنت نادمان، مرة وحدة صير رجال
لزم فگي وحجة بفحيح شيطاني
: -مااااطلع رجال اذاا ما ندمتج على كل كلمة
: - رجال.؟ ترى أنت من زمان فقدت رجولتك
: -ررررغد
: -شنو ذكرتك بخسيتك جنت ناسيها
جاب كرسية زحفة وكعد أكبالي شراين وجهه بارزة من كثر العصبية
: -اي مخططكم أنتِ وابن هاشم شنو.
: -والله قديم من كثر ما قديم تنكت اتراب يا مخطط ابن هاشم هسه بمرحلة تنفيذ المخطط من زمان أنتهى
حك لحيتة مضيق عيونة كتلة بسخرية
: -علي أشتغلكم على بارد وذني ايامك معدودات
مكسور خاطري عليك نايم وماتدري شكو لك زارعين عناصرهم بينكم وما حاسين ههه ومحاميتك زهورة هم تقشمرت اننت هسه مو بمرحلة تهديد لو تفكر صح المفروض تشىرد بدل ما تورط نفسك وتورط اخونك بدون ذنب وتجرهم لمستنقعك الوصخ
: -منو همة أنتِ تعرفيهم.
: -لا ما أعرفهم واذا أعرفهم هم ما اكلك نزرعو بكل مكان حتى بيتك ما سلم أنت حالياً محاصر
وكل خطوة تخطيتها وكل صفقات السلاح والمخدرات مرصودة
رص سنونة بكرهه: -وبعددد كملي شعدج بعد
: -مممم ما اعرف هذا إلى أعرفه
گفخني راشدي مرة ثانية ورفعني من شعري
تفلت بوجهه مسح وجهه بيدة متقزز وعافني وطلع.
: -شمس
كاعدين نتريك بس أني ما دا أكل بس. هو متلهفة أروح لنجف وأفهم شكو كالي
: -أتريگي
: -ما أريد
شرب جاي ومبايلة دك طبعاً عندة أثنين وهذا الثاني لان ذاك أني فلشتة البارحة ماادري اذا صلحة
: -ها عيني لا مأأكدر أجي اليوم رايح لنجف على بأجر، عطلات لليدة وأضح كلش
قغل الخط وعيوني علية وأطگطك بصابعي حجة متنرفز: -گسرتيهم يول
: -بگيفي أصابعي وحرة بيهن
: -أكليخرا
: -أحترم نفسك.
: -فدوة لخشمج اليابس من صبح ضاربة بوز عليه
: -مو حقير
تأفف وعاف الجاي: -شلون تريدني أشگ حلگها
خليت وگمت وگفت على مراية أعدل بحجابي وهو هم گام التفت عليه كتلة
: -حجابي مرتب طالعة حلوة؟
: -حلوة
هيج كالها من ورة خشمة أجة يريد يطلع صحت ورة
: -ما عندك غير هالحجاية تعبت نفسك
تنهد وحط أيدة على خصرة أخذلي نظرة وحجة
: -تموتين والعباس أصلا لو مو حلوة أخذج غير جمالج شگني شگ
لميت حلگي ما أريد أضحك وهو راح يشغل سيارتة.
لميت المطبخ ورتبتة وغسلت الاستكاين
واخذت جنطتي وطلعت لگيتة يخابر وصاير نار ويحجي بطاري رغد ما عرفت شگو
من وصلتة قفل الخط ومشة للسيارتة مسرع صحت ورة
: -عليي وووين رايح
: -صار عندي شغل ساعة وأرجع
: -سااااعة شنو مو متفقين من البارحة صعبة تأجل شغلك اليوم لو تغرك السفن مالتك
نتر بيه بعصبية: -لتلحين شمس مو وگتج
: -طبعاً ما عندك وقت إلى دوم مو وكتي.
خلة ومشة ما أهتم رجعت جوة مخنوگة ونهظمت كلش دائما شغلة أهم مني المستجلب الازرك.
: -شجن
عود نزلت حتى أحجي وي أمي أجيت كعدت بصفها جان نترت بيه
: -أنت شلون وياااج، شعدج وي عصام
ارتبگت كتلهة مسوية روحي مصدومة عود
: - أني. مااا عندي شي ماما بس أنطيتة الجاي
: -عليمن أضحگين ولج مو شعري أبيض
سگتت ما حجيت شي بس مگشرة بوجهة كالت
: -أني تركت القرار لعلي وهو رفضة أنتي خوما ابالج
الرجال
: -لا ماما شسوي بي خوش سوة على من رفضة
باوعتلي بشك: -مو خالية يمة بنيتي وأعرفج.
حجيت أغير الموضوع لان ظاهر راح شاگة بشي
واكيد أشك اذا عصام ماخذ راحتة
لو بيدة هو يرفض بيرس همزين على موجود ورفض
لو هو جان ماما طيحت حظي وكالت عندج علاقة بي
: - ماما أريد أسال
: -شنو
: -شعجب علاقتج متحسنة بعلي مو جنتي ما تردي
تنهدت بضوجة وكالت: -بس تجي أختج أحجيلچن
كلت خلة أنتظر شمس ما دام تجي وهم بلكي نصالح
أني وياها لان مبينة زعلانة مني
بالليل أجتني مرام وطبعا ما مصدگة أني رفضت أستاذ بيرس تحجي متفاجئ.
: -شلون رفضتي ابو قاط الرسمي
: -مو أني على رفضة والصراحة لو سأليني هم أرفضة
: -قهرني خطية تلگي مكيف على جيتج وتالي طب أنرفض شلون مزموز حلو لو خاطبني شمالة
: -هذا هو. خلص ماكو مشاعر الة بعد
: -اي عيني عصام أخذ مكانة
تنهدت بملل وخرت شعري على جهة حجيت وأني العب بطرف البطانية
: -أني أخاف أحب
: -على شنو تخافين شنو الحب عوعو
: -لا بس ماكو نهاية بس تعلق
: -بعد أبالج تصرفات أستاذج.
هزيت راسي كالت بسخرية: -شوفي من لبستي ونسيتي أجاج من جنتي كاتلة نفسج عليه ولا تحرگلج خطوة
: -المهم خيولي بس ما أريد عيد نفس السنياريو وي عصام
: -عصام راح يجيج ويخطبج ذولة شغلهم حار بحار ولد الناصريه قابل استاذج الفاهي توة متفطن
: -ما أريد أتامل خاف كلشي يصير وهواي عوائق.
: -مع احترامي الج لا تخربجين أنتم بأدين صح وثاني شي والكعبة إلى يحبچ لو الاف الحواجز لو حياطين بينكم ياخذج ياخذج والباقي جذب وهفيتي بهفيتي
تنهدت بحيرة وهي گامت فتحت كنتوري أدور بي
لحد ما طشرت كل ملابسي
أخذت فستان فضيحة طبعاً هذا مو إلى هذا لشمس
لان هي جانت شوي طالعة من طريق
تجيب هيج ملابس مو بابا يمنعها تلبسها برة فتلبسها بالغرفة المهم ما تخلي شي بنفسها.
أباوع على مرام لبستة بي فتحه من جوة وصاعدة وي الفخد كلش ومن ورة ظهرة مثلث
: -هاااا اخبل؟
: -اي يخبل عليج طالعة أميرة
ركزت على مراية ونفخت بضجر
: -بس أميري ماكو
: -أصبري يجوز أحصان ما عندة
هزت راسها بضحكة وكامت تريد تتطلع صحت عليها فاكة حلكي
: -شنووو راح أطلعين هيج
: -ايي لعد شبيها
: -ولججج عيب امداج جسمج كلة طالع
: -لعد واذا طالع شنو أنتهگت شرف الامة جسمي وأني حرة بي ااااوي شنو عيب.
: -والله على هاي سوالفج أبصملج بالعشرة عزيز ما ياخذج ترة همة متشددين على لبس لو موجودة بعرس شمس جان شفتي شلون على لفها لف بالعباء حتى ما يطلع منها شي وعصام أنتي شفتي لعد عزيز وحد همة كلهم نفس الصنف
: -ميخالف من نزوج حتى بالبيت البس جدار وأفتر
اذا يريد بس هسه لا
: -أشك أهدومي من ورة تفكيرج
: -اووع دولي. رجعت حجت بجدية: -ما تخلينة نروح للكشافة سوة
: -شنسوي
: -نشوف حضنة ومنو عريس المستقبل.
: -ما لي خلك وما أحب أسوالف الشعوذة
: -اي كلبي مو ضمانة عصام شسوين بالكشافة
: -وانتي ان شاءلله هم تضمنين عزيز
: -اااوف ما أشوفن. هيج گامشتني العنوسة وحق الحسين تموت عليه
: -لا ولج تفائلي خير
: -مو خاف تزوجين وضل اني غير الطم واحلها يا ابو الحسن أفطس
: -هسه أني أزوجت غير هالمكابلتج
گامت تتگميج على مراية وكالت: -عندي أحساس هاي السنة نزوج أثنينة بس أحساس مو أكثر.
: -كلشي بيد الله لا تهمين هسه منو باقي عايش لباجر
: -اااوع يالططوة، هسه شنو أنروح باجر الصبح
: -مو خاف تعرف أمي عرفت تگفخني
: -ولج محد يعرف ونبي نشوف حضنة
: -ما أمن بهالسوالف هو الكاتبة ربج يصير
: -اي بس هم ما يمنع نشوف شكو ماكو مجرد نتسلى
يلة لا تصيرين نفسية
: -تمام أفكر عود
ضحكت. وهي نزعت الفستان خلتة بالعلاگة وأخذتة مادري وين تلبسة مال حفلات ههه
ثاني يوم رحت وي ماما لسوك وغلست على.
مرام هي مال كشافة بهل زلك
جنت دا أمشي وي ماما
والسوك يعج بالحياة أصوات الناس والهوسة الأجواء حلوة من زمان مفتقدتها
ماما چانت دا تباوع على المخضر تاخذ الطماطة اللي شكلها أحمر وناضجة أكو هواي أعزالة
وابو المخضر هو يخلي وهي
ماتقبل الا تلگط بيدها
وأني جنت مستمتعة أباوع على ناس وأتنفس ويي حياتنا هنااا
ما أدري شلون جنة عايشين هناك. طبعاً ما أشتريت شي لان ما لكيت شي حلو يلفت نظري.
مجرد أتونست شوي بالطلعة. التفت على ماما وهي دكلي: -ماما شجن شيلي علاگة الباذنجان بمكاني
: -ايي ماما جيبهااا
أخذتها لان هي شايلة هواي غراض. أثناء ما نتسوك شفت رجال عيونة عليه
ومن أنتبه يدير وجهه يسوي نفسه يعامل
درت وجهي كلت يجوز متوهمة
فتنة لمحل ملابس ما أشترينة بس دا نكلب
ومن طلعنة همة نفسة واكف يم البسطية يشتري
تلتفت مرة ثانية حاولت أتأكد كلت لماما
: - ماما شفتي هذاك الرجال اللي واگف يم بسطة.
أندارت بسرعة تباوع باتجاه اللي أشرت علية
: -يا رجال؟ هذا اللي لابس قميص أزرك شبي
: -ما أدري، بس أحس عيونه دا تباوع علينا من أول ما فتنة لسوك
: -لا يا أمي هو السوك هوسه واليوم جمعة وكله تسوك وكلنا نشتري منا لو مباوع جان لاحظتة يلة حبيبتي أمشي گدامي
شلت العلاگة ومشيت وأني ادردم وأقنعها
: -ونبي يباوع أني متاكدة
حجت بضحكة: - تباوع عليج ألناس لأن حلوة.
والناس تحب تباوع على الحلوين لا تفكرين هواي بعدج ما أجيبج وياي
أدري بيها ماخذة الموضوع بضحك بس أني ما أرتاحيت أبد خلة أرجع للبيت وأخابر عصام أكلة
رجعنة للبيت، خليت ماما ترتب بالمسواك وأني صعدت للغرفة
وخرت البردة وباوعت للشارع شفتة نفسة كاعد يم دكانة كبال بيت مرام
ونبي عرفتة يراقبنة بس ماما ما قتنعت
طلعت مبايل وخليت رقم عصام
دكيت مرتين بس ما فتح خط كلت بلكي
لبعد شوي يرجع هو يخابرني لان ما مرتاحة.
بقيت أباوعلة من الشباك لحد ما أجت سيارة سودة عالية طبگت يمة ونزل منها أثنين شباب
أشرلهم على بيت مرام وبيتنا هو أحنا جيران
كلش وعلى الشارع صايرين
خفت يالله شگاعد يصير رجعت دكيت على عصام مرة ثانية بس ماكو وين ولة هذا شجاة بوكت العازة يتبخر بس يعرف يجيني نص الليل من الشباك وهسه ماكو.