رواية عروس الهور الجزء الأول للكاتبة هيلانا الفصل التاسع عشر
: - سهاد،؟
: - أي سهاد، ليش متفاجئة؟ لازم جنتي متوقعة غير شخص؟
تقربت منه وهي تباوعلي، حجيت بحقد: - لو أدري أنتي، فلا أجي. أفضل أموت آخر وحدة بالدنيا ممكن أطلب مساعدتها أنتي.
: - بس أني ما راح أساعدج لسواد عيونج
: - أي، أدري بيج وأعرف نواياج الخبيثة
ضحكت وحجت بمرح: - نعوف الخلافات على جهة ونحجي. أني إلى مصلحة يمج، وأنتي إلج مصلحة يمي. تساعديني وأساعدج، شرايج؟
: - لا، أكيد لا! أني ما أتعاون وي وحدة سافلة مثلج.
: - على كيفج لا يطكَلج عرج.
انداريت أريد أمشي، صار أكبالي يأس يمنعني أطلع. وأكف كلش بالباب.
حجيت بحدة: - وخر! أريد أروح.
سهاد: - تعالي نحجي، لا تصيرن غبية.
: - أهوو، لزكة أنتي! شنو مو داكلج ما أريد أحجي؟
جنت متوقعة أحد غيرج من اجيت
: - صدكي ما تموتين، خاف مكيفة تموتين وترتاحين. لا، راح تبقين تتعذبين شوي شوي، ومو بس أنتي، حتى أختج شجن.
التفتت عليها فاكة عيوني: - ليش شجن؟ شكو؟ شبيج تخبلتي؟ شجن شكو بنص؟
: - تتعاونين وياي، وهالشيء لمصلحتنا اثنينة، أو تتحملين إلى راح يصير ب شجن.
جريت نفس أهدي روحي، أحس هاي الحقيرة كلشي يطلع منها. مسحت على وجهي ورجعت.
وكفت اكبالها وهي ابتسمت.
: - شتريدين مني؟
: - أساعدج غير؟
: - وشلون أثق بيج؟
: - يا شموسة، غير معزتج من معزة رجلي بعد مرت الغالي، وأساعدج.
: - هواي مسلتي، أحجي من الأخير.
: - شوفي هاي مصدكة نفسها! هو أنتي شعدج وتنطيني؟
: - لعد شكو لاحگتني
: - أريد ابني!
: - وأنا شكو بابنج ماخذته منج وما أدري؟
: - رجلج أخذه.
: - شعلية بعلي روحيله لو كدرتچ عليه؟
: - هو من يدري بيج عندي، أكيد راح يرضخ وينطيني ابني.
: - غلطانة. أصلاً هو مو بحالي، وقبلج كتله ينطيج مصطفى وما قبل.
بس ذكرت اسم ابنه، صفنت بوجهي وتنهدت بحسرة.
حسيتها حزينة.
مسحت على وجهها وملامحها غيمت، كالت بحقد.
: - ما خلاني أشوفه، أخذه مني أول ما جبته، حرمني منه.
شمس: - زين ليش؟ ليش ياخذ ولد من أمه؟ معقولة بدون سبب؟ إلا إذا بيج شي خلاه يخاف عليه منج.
سهاد: - هه أنتي بعدج ما تدرين. نصيحة لا تأمنين، على مو بشر، على صخر حجر قطعة باردة من جهنم.
لج أخذه مني حتى ما خلاني أشوفه ولا أشمه.
شفت الموت من جبته وعمليتي جانت خطرة وهو بكل برود شال الولد وانطاه لغيري.
توسلته وبجيت كتله: أني أمه
كال: لا إنسي!
هذا شيسمونه هو هذا بشر
خطية أنتي مسكينة، أشفق عليج والله لأن مصدگة بعلي
شمس: - ما يحتاج خلي شفقتج على نفسج تحتاجينها أكثر.
مديت إيدها لمست طرف شعري وابتسمت وهي تجر نفس: - شمس ما سألتي نفسج ليش على أزوجج؟
دفعت إيدها وخرت عنها وأني أباوع لمكان
كالت وهي واكفة وراي
: - أنتي مو حلوة حتى نكول على جمالج ولا من عائلة جاه ومال. أي صدك، ذكريني أبوج شنو يشتغل.
التفت عليها كملت بضحكة: - موظف بسيط ويادوب راتبه يكفيكم وسيارته يا موديل نسيت. المهم شموسة
علي مزوجج عنده غاية مو محبة بيج.
تتوقعين واحد مثل على ما معتب دولة عليه ما زايرها وشايف أشكال أنواع البنات ينعجب بوحدة مثلج أنتي حتى شعر ما عندج هم شايفة روحج بالمراية أو أكلج صدك ليش نروح أبعيد يمج رغد شوفيها شكد حلوة. اليم على والي يشتغلن وياه بعد أحلى وأنَزك وأقوى من رغد
تتوقعين يعوف كل هل بنات ويلتفلج ولج.
هو أني بقيامتي وجمالي وشخصيتي ومالي وجبتله ولد مثل الورد والسگط طلگني، لعد أنتي شراح يصير بيج مسكينة
: - كملتي،؟
حركت عيونها بسخرية: - ما عندج إحساس
: - معليج هسه كليلي شلون راح نتعاون بلا
: - أنتي جيبيلي عنوان ابني وين عند منو مخليه على وأني هسه أفك الربط عنج
: - ما تفتهمين الحجي أنتي على ما يحجي شيء كدامي عن أهله ولا ابنج ولا أعرف شيء عنهم. شلون أجيبلج عنوان.
: - مو هسه أنطيج وقت وبهذا الوقت عندج فرصة تقربي من على خلي يثق بيج واسحبي الكلام منه
ضحكت حيل وكعدت على الكرسي بعد ما دخلنا غرفة جانت هيكل وكله مرايات.
وعلب أدوية بيها سائل لونه أحمر وأبر وألعاب كلش هواي، المنظر يرهب ويخوف.
رجعت عيوني عليها
: - خوش حجي. وأنا خلال هل فترة أتخبل هههههه.
: - راح أسويلج حرز ما أفك الربط عنج ضمان إلي. ومجرد ما ترجعيلي مصطفى اعتبري الربط انفك عنج
: - مو مال ثقة أنتي.
: - وغلاة ابني وما عندي شي أعز منه وأني كلشي دسوي علموده.
: - على إذا عرف راح يزعل أني راح أخون بي هيج
وأني أصلا ماعرف سبب الخلاف بينكم يجوز هو على حق ليش أساعدج ضدة
: -فكري بنفسج يا غبية بدل ما تفكرين بعلي
و على لو يحبج جان ساعدج وعالجج من الأول. هو جان عنده القدرة يعالج بس خلاج عليلة حتى يسيطر عليج وياخذج من أهلج وتبقين دوم بحاجته.
بلعت ريكي غصيت من سمعت كلامها. أحس صدك هو ليش ما ساعدني ليش ما طبت وبقيت هيج؟
هي جانت تفتر وجابت كتاب وعلبة دوة وشعر. لافتة بوصلة بيضة عليها كتابات ورموز غريبة.
كالت بضحكة: - هذا شعرج ودمج. أني سويتلج ربط دم بيهم راح أنطيج مهلة جيبيلي ابني وإلا صدكيني...
آخذ شعرج وأحرگة ودمج أدفنه بالنجف. وهيج رسمي تتخبلين وما يفيدج لا على ولا غير علي.
مستحيل! شكد أحاول أثبت وأبين قوتي بس من داخلي منهارة والخوف محتلني وهاي المرأة كلش تخوف.
كملت وهي تخلي الشعر بطاسة ستيل
صايرة سودة من كثر الحرك.
: - بالمناسبة سمش تحرر تعرفي مو؟
لحظة صمت أستوعب الاسم شهكت بخوف
: - سمش،!
: - هذا قرينج يحلوة والله صراحة ما جان عندي نية أحرره بعد ما رجلج سجنه. تذكرين القبر على هناك سجنه بس أنا حررته شفتي شلون أحبج؟
فزيت من مكاني وضربته راشدي.
رجعت ليورة خطوة مبتسمة. وايدهة على خدهة وأيأس لزمني قيد حرگتي
جان ضخم وطويل ايدية وجعني من لزمتة حسيته كسر أضلوعي وكل هذا ماكدر يسيطر على
حركتي أحس نار وشبت بضلوعي اني ما شايفة هيج حقارة وحقد تأذي غيرهه وتستمتع بهالشيء.
: - الله ينتقم منج يا حيوانة! لج ما تخافين من الله مو هم إلج يوم مو السحار نهايته مساوية والله مادامج هيج سحارة وحقيرة ما راح تشوفين ابنج. رب العالمين راح يحرمج من كلشي وتبقين وحيدة طول عمرج هو هذا مصير الناس المثلج.
أنا حتى لو ما تعالجت حتى لو متت المهم عندي ناس تحبني من ذاتها مو مثلج تتوسلين المحبة.
الله ياخذج وعساج دوم تبقين محرومة من ابنج إن شاء الله على ما ينطيج إياه وأني ما راح أساعدج وشسوين سوي وأكثر من هذا شعندج طلعي!
: - قوية والله طالع لسانج
ما حجيت بقيت أتحرك بعشوائية اريد هذا الحايط يعوفني وما هدني لحد ما هية أشرتلة
تحررت من قبضته الهث وكلبي نار ميتة
دموت الله ينتقم منهم
مسحت على وجهي وأفتر بالغرفة. أريد أمشي بس هذا الحايط ما يخليني
واكف إلى بالباب ما يخليني أطلع.
سهاد: - شوفي شمس ترا قرينج عدائي وراح يجيج على هيئة كل شخص تعرفي وما تكدرين تميزين
وراح تموتين موت بطيء داحجيلج عن المخاطر بس أنتي بكيفج من واجبي أنصحج يا ضرتي شفتي شلون أنا ضرة حبابة؟
ما حسيت غير أياس نشمر من يم الباب على وجهه أجتة ضربة من ورة
فكيت عيوني بصدمة
وهي حجت: - عصام
رد عليها بجمود بعد ما خلا سلاحة براس أياس
: -أشلونج أم مصطفى أن شاءلله بخير،؟
رجعت خطوة طخيت ميز المراية الوراي القديم وعيوني على سهاد نصگرت
بين عليها التوتر والخوف كلش ولا جنهة مساع
ترعد عليه
بهل أثناء فات علي
وهذا اخر شيء أتوقعة يصير
هنا حتى أني خفت
أجيت لهل مكان بدون علمة
هسه يتخبل عليه بس والله كله من أيدة أني شعلية هو الحقير خلاني أوصل هل مرحلة
سهاد: - ش، شجابك شدلاك على مكاني
باوعتلي بحقد: -غدرتي بيه يا ب
قاطعهة وهو يمشي بتجاهي واني جامدة بمكاني
: -كلبي جابني سهاد.
سهاد: -صدكتك اذا مفكر تكدر تسويلي شيء ترا شمس حياتها بحياتي
وكف يمي وهي اكبالة: - أكلي تبن وأحجي عدل وفكي الربط عنها
سهاد: -اريد أبني مقابل حياة شمس
علي: -بس هيج،؟
: -ايي والله يلا على رجعلي أبني
: -مو تدللين
جان طلع صورت طفل بعدة بالگماط يمكن عمرة بالاشهر وهو حاضنه
شگ الصورة وأنطة صورت الطفل ل سهاد
: - هاج مصطفى
جان عاطت حيل: -تضحكككك علية شنووو، هو ابتسم ويعلج.
حجت بعصبية: -والله ياااااعلي اذا ما تنطيني مصطفى
علي: -شسوين.؟
تنهدت بضجر وكالت بهدوء وهي تحاول تسايرة
سهاد: -اريد أحجي وياك وحدنة
فتلت عيونهه علينا عصام لازم أياس ومخلي المسدس على راسة
واني واكفة وعلى جان يتصرف برود وهو يفتر بالغرفة ويكلب بالاغراض الموجودة
ولا كأنة اكو شيء الوضع الهادئ يمه
وأعتقد تريد تحجي شيء بس مو كدامنة
: -شنهي هاذا
شال بطل كزاز بي سائل أحمر. خزرتة هيه.
وكالت: -علي بداعة امك امشي نحجي برا مو كلبي طك
عاف البيدة وأجة عليها لزمهة من شعرها القصير وهي صرخت
: -فكي ربط عنها لا تخليني أطيح حظج
: -أنطيني أبني
: -يعني ما تفگينة
ردت بتحدي: -لا
سحب أسلاحة من خصرة وهي كله كامت ترجف وعيونهه صارت على سلاح همس بجمود
: -أسگتج وأدفنج وحق محمد صيري ادمية وجري عدل
: -عادي أكتلني. شمس هم تموت وياي انت بعد ماتگدر تسويلهة شيء واذا مو أني أسوي التحضير علمودهة ماراح ينفك الربط.
غمض عيونة ووخر السلاح عنها كالها بهدوء، بعد ما باوعلي: -أنطي الج يلا فكي الربط عنها
: -شنو إلى يضمن ما تتراجع بحجايتك
: -ليش يا يوم على ال هاشم يتراجع بكلامة
تنهدت بحسرة وتقربت مني كالت بأمر: -أكعدي
رفعت عيوني لعلي هز راسة بمعنى سوي إلى دكلج علية
ركعت على رجلية وادية بحضني أفرك بصابيعي بخوف ورهبة ومشاعر غريبة غزتني
جابت سبع شمعات شعلتهن يمي وجابت سبع أبر خلتهن يم كل شمعة أبرة.
وفتحت كتاب مجلد بجلاد أسود وكعدت أكبالي والكتاب بحضنهة
أني ميتة من الرعبة بس وجود على مطمنئي وهو واكف على جهة يباوعلنة وكلما أباوعلة
يطمنئي بنظرات عيونة ويگلي أبقي هادئة
جابت العلبة الجانت مخلية بيه دمي ورشتهة على ورقة بنص الكتاب وبدت تقرأ
أول ما بلشت تقرأ صارت ضجة وحويسة قوية بالغرفة يمنه
جنت أحس أكو أنفاس يمي حرارة أنفاسهم يم أذاني
غمضت عيوني مرعوبة أخاف أشوفهم.
وهي صوته جان دا يعلى شوي شوي ركزت وياها وهي دكول
ارجع لما كنت بين ظلالك انطمر بين العظام لا ترجع إلا بإذن من خالقك يا من تفك السلاسل يا من تعقد الظلا أربطك وأسجنك باسم من لا اسم له
بقت تكرر وتردد أسماء غريبة عجيبة ما معروفة
جنت أسمع صوت يمي مثل أنين الطفل وصرخات غريبة بدت تعلى وي صوتهة كلما تزداد
صوتهم همه هم يزداد
أحس روحي بدت تخوة ورجلية ما أحس بيهن زحفت من مكاني اريد أكوم أختنگت الهوء.
ماكو بالغرفة، و على أجاني نحنى عليه لازمني
رفعت عيونة اله: -فدوة عوفني اختنكت خلا أطلع برا هواء ماكو هواء، على راح أموت فدوة نفسي ديضيك
: -صبري خلصنة
: -لا لا هاي دا تموتني هي راح تموتني مو تعالجني دا أموت على وخرر
أدفع بي اريد أزحف لباب لان رجلية خملن وثكلن ماكدر أكوم بس هو مقيدني بحضنة
گمت أشوفهم گدامي أشكالهم تفزع غريبة ترعب
فتحت عيوني على وسعهن.
وأني أباوعلهم شلون يجيبون شعر مگصوص وملابس مگصوصة وقطع مگصوصة مال بدلة عرس
ويخلونهن بحضن سهاد وهيج بثواني يختفون
وهي تقرأ ضميت وجهي بحضن علي
الساني أنعگد ماكدريت اردد أسم الله ولا أذكر اي اسم من اسماء اهل البيت حتى سورة الفاتحة أحسهه نمحت من عقلي
سمعتها أخر شيء دكول لعلي: -وفيت بوعدي أجة دورك.
جنت غاطة بنوم عميق وجسم خفيف وأول مرة أحس ماكو ضيگة ولا ثگل على صدري
فتحت عيوني شفته مرتكي على الشباك ويباوع على الجو فاتح الشباك على نص
بقيت أباوعله ما أدري شنو وراه شضام عليه
وين يريد يوصل
ما جاي أكسب ثقته ولا يحجيلي حرف عن حياته
التفت ابتسم من شافني كاعدة إجه يمي تمدد بصفي واتكى على إيده
: -بعد روحي شلون صرتي
غطيت وجهي بالحاف ما رديت
تنهد وكال: -شمس.
ما نسيت كلامة من جنت أبجي وهو يگلي يومج أحسه هظمني
رد وخر الغطة: - حبيبي
وخرت الحاف بعصبية ودفعت أدي
أستعدلت بكعدتي وهو يباوعلي منتظرني أحجي مع أن منظري يوحي أني راح أتعارك
بس بجيت لا أرداي شگد رخيصة دمعتي صايرة
: -تعبت أني وكلشي مريت بي وراح أمر بي والله اعلم شنو منتظرني بعد كله بسببك وبذمتك كل لحظة رعب وخوف دا اعيشة دخلت حياتي وعميت الخراب بيهه جنت مرتاحة قبل لا اعرفك
: -هسه أنت شبيچ تبجين يوجعچ شيء.
ضربت على صدرة بدية ضحك ولزمهن
: -مقهورة منك كتلك راح أموت كتلي هذا يومج
مسح أدموعي بصبعة
: -تبجين على هاي
همست وأني عيوني مدمعة
: -كسرت بخاطري حسيت نفسي وحيدة عفت أهلي والتجت الك وتالي دكلي يومج
: -جانت خطة يعني معقولة أشوفج تتعذبين كدامي وضل أباوعلج
: -بس كل إلى دايصير لي بسببك
: -أدري
: -شگد صلف وتجاوبني بعد ادمرت من وراك تبهذلت
ضحك وحجة: - ركبتي سدادة بس كولي أعوضج
: - أنت مو كلت تحبني
هز راسه ب إي.
: - زين عرفني على أهلك ما عندك أمك أخوات عائلة ليش ما تعرفني عليهم
: -أعرفج والزهرة بس مو هسه
: -زين شنو السبب
كعد وحط المخدة بحضنه واتكى إيده عليها
: -الوالدة ما راضية على زواجي
: -ليش
: -أنتي بت عدوي شلون ترضى
: -لعد ابنها ليش تزوجني
: -مو أكلنا خرا وكتلج أحبج
: -أحسك تضحك عليه
: -يابة والعباس أحبج
مسحت أدموعي بس العبرة متكسرة بصوتي
: -لعد أني ممرتاحة دوم أحسك ما تحبني وتضحك عليه ممرتاحتلك.
: -ياهو كالج أضحك عليج سهاد
: -إي
: -وأنتي ياهو يجي يلعب بعقلج
: -بس هي كلامها صح أنت ما تقبل تعرفني على أهلك
: -أستغفر الله لحي بعد لحي
: -إيي ألح لو تعرفني على أهلك لو ترجعني لأهلي وأطلگني لأن تعبت بعد ما أتحمل
: -فدوة أروحلج بس استچني وأنة أعرفج عليهم لاحكة على مغثة بس مو تجيني تتبجبجين أمك وأمك بالعباس أحطچ وأكتلچ مو كاتلة نفسج ماشي يصير خير
: -وبعد.!
: -جا شتردين بعد أعوف الكعبة وأصلي بتجاهج.
: -لا أقصد أريد تحجيلي عن شغلك هم وشنو سويتلي وعن عداوتك وي أهلي اريد أعرف كلشي على كلشي
گام من جرباية وهو يعدل بقميصة وكف يم المراية مشط شعرة واني عيوني وراه
كال: -شمس
: -ها
: -أنجبي
: -راح أرجع أبجي
: -أبجي أبجي
: -يعني أبجي
: -أبجي يا عيني البجي يقوي النظر
باوعلي نظرة أخيرة و عافني وطلع الازرك الدايح.
رغد.
ثاني يوم جنت بالمكتب بصالة الاجتماعات يم على أني وعزيز دانتناقش على المناقصة لازم ناخذها من أزاد
بهل أثناء قاطعتنة السكرتيرة وهي تفوت
باوعلهة علي. كالت
-: أستاذ علي
: -شكو
: -عمك أبو زوجتك هنا وكال يريد يشوفك
: -دخلي
أجينة نطلع لمينة الاوراق بس هو كال أبقوا
دخل أبو شمس
سلم وكعد وهو كالهم جبولنة جاي
عود على أساس أني وعزيز مركزين دنتناقش
بس أني مخلية بالي وياهم
كال بهدوء
: - علي
: -أسمعك.؟
: -أنت تعرف ليش جاي اليوم
: -لا والله أسمع منك
: -لازم أطلك شمس بنتي
: -هذا أمر لو طلب.؟
: -أعتبىرة رجاء أبوي وأني عمك وأجيتك طلع بنتي على صفحة وأقتص مني عادي أني غلطان وأعترف بس شمس ماله ذنب ومو رجولة منك أدخلهه بينه
بيك زود اخذ حگك مني ما أكلك لا للي يعجبك سوي
: - جيد معترف بذنبك
: -أني ما أخاف ولا أنكر شيء سويتة بس كتلك
شمس ماعليها لازم ترجعه الي
رد بجمود عليه وهو يحرك القلم بيدة
: -خايف
: -شني.
: -خايف على بتك
: -اي طبعا وماريدهة تتدفع ذنب مو ذنبها
: -اي خاف
: -شني هسه
: - أنة ما أرجع شيء، أخذتة
: -أخر، كلام هذا
هز راسة، وابو شمس، كام من مكانة أنطاة نظرة عصبية وكالة بنبرة تهديد
: -حجيت وياك مثل الاوادم بس ظاهر أنت مو أدمي
حضر نفسك لجاي
: -شنهي هسه لازم أخاف
: -لا لا تخاف بس الحذر واجب
وأني اريد بتي تتطلك مو تترمل
: -تهددني بمكتبي.؟
: -ما مهددك بس نبهتك خاف ناوي تلحك أخوتك وأبوك.
: -شوف لأن أنة محترم ورجال أخاف الله ماگمت كسرت أسنونك وسگتت عنك بمزاجي وراح أمشيه الك هالمرة مرة ثانية فكرة ثانيتين بس ثانيتين مو أكثر قبل لا تجي تدري مابيه حيل أخذ بتك ل النجف تشعلك بخور وماي ورد فستجن واكعد
: -الله كريم الايام بينة وشمس ما تبقى عندك لو أعرف أدفعي عمري المهم بتي
: - بتك مرتاحة يمي. على العموم
تكدر تاخذ راحتك
خلة ومشة وعلى رجع ظهرة على الكرسي وغمض عيونة بتفكير
أحسة محتار.
وراها طلعت من المكتب أني وعزيز بطريقنا
للفندق
جنت أمشي بهمة وعزيز أبرد من ثلج يمشي
بهدوء وراي ولابس
رسمي وأول دكمة من قميصة مفتوحة محسسني رايحين حفلة
مو داخلين مناقصة وي أعدائنا
راح يموتني
فايل المناقصة بإيدي التفتلة
: - عزيز! شنو هالهدوء؟ راح نتاخر!
جان يلبس بساعتة رفع راسة وكال
: - آني إذا أركض مثلج راح نخسر المناقصة قبل ما نبدي
: -لو جايبة عصام مو أحسن منك يالبارد
: -أستغفر الله
: -مو بلا.
أنطاني، نظرة وصعد بسيارة. صعدت بصفة
وأني أكلب بالاوراق
مسافة الطريق وصلنة لهناك مشيت بتجاه
الاستعلامات
باوعتلي الموظفة بستفهام بعد ما وكفنة يمهة
: -مرحبا إحنا عدنا موعد بصالة الاجتماعات باسم شركة أمجاد
ردت بابتسامة: -إي مضبوط الاجتماع بالطابق الرابع تفضلوا. صالة 213
كالهة عزيز بهيام بعد ماأرتكة على عكسة
: -يا طابق
ردت ببتسامة هادية وهو يباوعلها
: -الرابع
: -ويا قاعة
: -213
حجيت بحدة وكرصته من أيدة: -عزيززز.
عزيز: -تاكدي خاف أكو غلط
كلبت صفحات الجدول وحجت بثقة
: -لا هذا يا مثل ما مثبت هنا
رغد: -تمام شكرا أمشي عزيز
عزيز: -يصير هذا جمال يشتغل بالاستعلامات
هي بس تبتسم وأني أنداريت وسحبتة
: -دمشي شعليك بيه هسه وكتك
دخلنة المصعد وهو يعدل بالرباط
: -أكلج هذا الحبل خنگني
: -اي صح أنت وين متعود على الرقي والرباط والقاط وهو أقوى شيء عندك تلبس سترة جلد وتذبح الوادم
: -شنهي ذابح أهلج
ضحكت وحجيت.
: -اكلك صدك ما ستحيت على نفسك من تتغزل بالموظفة
تنرفز ونزع الرباط وشمرة: -لا اله الا الله مغازل أختج ومادري شعليج
نفتح الباب مشيت قبلة للقاعة
– قاعة الاجتماعات
لگينة زهراء كاعدة وازاد وأستاذ جابر
صارت عيونهم علينا أول ما دخلنة
كعدنة وأزاد أبتسم
: - توقعت تجون بس مو بهالسرعة.
رغد: - إنت دائماً تتوقع بس عمره الواقع ما ناسب توقعاتك
أستاذ جابر حجة بصوت رسمي
: - نبدي أخوان
عزيز: -اي بسم الله
زهراء: -جاهزين.
جابر: -عدنا ثلاث عروض عرض شركة أمجاد
وعرض شركتكم أنوار وثالث عرض متحفظ عليه
زهراء: -هو مو متحفظ بس أكيد أقل منّا قيمة.
بلشنا الاجتماع تقريبا بنص الاجتماع أزاد أتعذر وطلع كال عندة شغل بقت بس زهراء
وبعد ما قدمت أكثر من عرض أقوى من عروضهم
گدرنة ناخذ المناقصة
طلعنة وعزيز يدردم ما عاجبة والله حلفت مرة لخ أجيب عصام وياي.
شجن:
طلعت من البيت دا أريد أروح لشمس
بعدني بالشارع أريد تكسي وطبگت كدامي سيارة أزاد
نزل جامة وصاح: - ليش واكفة بالشارع
: -أريد تكسي
: -اوصلج وين رايدة
ما كدرت أگوله لأختي فكتله: - رايحة للسوگ
: -الطريق بعيد أصعدي
: -ما أريد أتعبك
: -نمونة شني صعدي
انداريت وصعدت بصفه مشينا مسافة ونسولف سوالف عادية لحد ما سألني على شمس
أزاد: -شمس شخبارها
شجن: - الحمد لله زينة
أزاد: -مرتاحة
شجن: - إي مرتاحة.
هز راسه وجر حسرة انكسر خاطري عليه
بس ما حجيت لازم ينسى والوكت كفيل بالنسيان
انتبهت هذا مو شارع السوگ التفتله: -وين رايح أزاد هذا مو طريق السوگ
أزاد: - راح نطلع على حولي ومناك نلف على السوگ أقرب وهم شارع مو عدل طسات
شجن: - باع لو تنزلني آخذ تكسي ليش أتعب نفسك
أزاد: - ماكو تعب وصلنا
مشينا مسافة طويلة بشارع الحولي لحد ما لف ووكف كدام بيت
ضيقت عيوني بستغراب
: -انزلي عندي وياج موضوع
: -أزاد.
: -اشبيج شجن انزلي خويه
بلعت ريگي ونزلت مشيت وراه بعدني ما وصلت الباب شفت عساف طلع من البيت مكشر
رجعت خطوة على السيارة وكتله بحدة
: - ليش جبتني لهنا وأخوك العار شعنده
عساف: -العار جاي يشوفج
رجعت ركضة چنت أريد أنهزم بس إيده صارت أسرع لزمني بقوة ضغط على جتافي شدني حجابي طاح
عساف: - أجيتي برجليج يا حلوة والله زمان
شجن: - ولك خنزير شيل إيدك عني.
كمت أضربه أعضه بس ماكو فايدة لافني بين إيدي وأزاد أشرله يدخلني جوه
دخلني سحل لغرفة من الغرف وربط إيديه گعدني على الكرسي وأنا أصرخ وأصيح بصوت عالي
طلع عساف ورجع جايب مخدر عرفته من رشه على الباشگيرة بيده وخلاه على وجهي.
جنت بالمطبخ دسوي جاي وشفت على فات
سلم وصعد للغرفة شوي ونزل
حضر كوبين وأخذ الجاي من الطباخ صبة
: -أسويلك عشة
: -لا تعشيت
: -وين
: -وي عصام بالمطعم
: -أحسه شريجتي عصام حتى عشة تتعشى ويا وتعوفني
أبتسم بطرف شفتة كتلة بتسأل
: -هي ليش حررتة
: -منو
: -سمش
: -حتى تعرف أخبارج
: -يعني شلون أخباري تعرفها.
: -القرين ملازم للإنسان ويدري شنو يحب شنو يكره شنو ينوي يسوي وحتى أشياء ما تحجينها تفكرين بيها هم يدري بيها وهي سوت استحضار سيطرت عليه أنة أدري راح تدري بالعركة بينا وتستغلها وأدري بيها محررته من فترة أسبوعين هيج وخليتهة تشتغل على راحتها
: -شلون دريت
: -مو شغلج بعدين أسولفلج
: -زين على شنو الدليل العملي أو الديني على كلامك
: -تجارب شخصية.
: - بس القرين هو الشيطان الملازم للإنسان إلى يوسوس عليه يعني إذا ابتعد الإنسان عن ذكر الله الله يسلط عليه شيطانا يصير له قرين يغويه ويضلله أنا هيج أعرف
: -صح كلامج بس كتلج تجارب شخصية
: -وتجاربك بالسحر وشمس المعارف
: -لا سالفة طويلة هاي المهم أريدج تصلين وتلتزمين بالاذكار
: -بس أنا أصلي أقرا قرآن ليش نسيت البارحة حتى شلون أبدي بالفاتحة ليش صار صوتي مو صوتي وتعبت وبسرعة فقدت وجسمي خمل.
: -مو كل صلاة تصعد ولا كل آية تنقرا تنفهم أنتي من داخلج إيمانج ضعيف لو إيمانج قوي سيطرتي عليه
بس كل ما جان إيمانج ضعيف يقوى ويسيطر عليج
وتضعفين بعد أكثر
: -شراح نسوي أحس اليوم مرتاحة أحس كلبي مطمئن ما أريد ترجع تنباك مني هالراحة
: -تصلين تلتزمين بالأذكار وخير إن شاء الله
: -زين وسهاد
: -شبيه
: -بعد ما تتعرض الي
: -طبعا
: -أنطيت مصطفى الهة
: -لا
: -لعد مو كلت ما ترجع بحجايتك شلون شسويت.
: -اي ما تراجعت خليتها تشوفة ورجعت أخذتة
: -بس خطية ليش حارمهة هي تبقى أم
: -مو خطية
: -شنو السبب المقنع إلى يخليك تحرم ام من ابنها ال.
جنا دنسولف بالمطبخ والباب اندفع قوي فزيت بسرعة وانداريت
وهو كال: -اسم الله
جان هواء عالي والباب مفتوح ونطبك راح قفله ورجع جريت نفس وحجيت بضوجة
: -بعدني أخاف
: -لزم إيدي وباسهن وضمني بحضنه
: -اشش على كيفج اهدي ماكو شي بعد
: -والله
: -إي والله
: -ما كاعد تسايرني
: -لا.
رفعت نفسي وطبعت بوسة على خده عگف وجهه وحجه
: -دخنت يا الكعبة
: -شبيك
: -ما بيه شيء بس شوية طابة بنصي وتسوين حركات ب ومن أكلج أنام وياج تشردين ما بيه شي جا شبيه أنا انتهيت اشتعلوا أهيلتچ
: -وخرت من حضنه أضحك تعال أننام أني نعسانة
ضحك بتعب وفرك وجهه صعدنا وهو مخلي إيده على متني وضامني لصدره
: -أنام لو تلبسين مشگگ وليلة نسويها دسمة
: -دسمة شنو شعدنا قوزي وبعدين ما عندي مشگگ
خاف قصدك أبو الفتحة من الفخذ.
: -هز راسه ب إي
: -حجيت بمرح مو هسه
-: جا شوكت من أموت
: -إي من تموت ألبسها وأجي على كبرك
: -أنعل أبوج ليلة
: -أهوو على عوف بابا حتى لو تكره لا تحجي عليه كدامي
دك موبايله وأنا مشيت للحمام فرجيت أسناني
ولبست المشگگ على گولة رجلي الأزرك
طلعت للغرفة شفته قفل الخط وإجه يتحرك شافني وكف أخذله صفنة عليه أعتقد سوالي فحص عام بعيونه حتى خجلني
عود على أساس أنا استحييت خليت إيدي على وجهي وهو إجاني مثل البرق مستعجل.
حضني لا والله مو حضن كسر ضلوعي
: - هو هيج كسرت ضلوعي شبيك عنيف
: -شلون طيحان حظ حلو ليلة بس لازم أمشي
: -ما افتهمت وين رايح مو لبسته إلك
: -بعد روحي راجع راجع مو تنامين انتظريني شغلة نص ساعة وأرجع ألفج بحضني أسمط أبو أبوج ليلة
: -علي حباب عوف بابا
: -أحاول
تقرب خلى بوسة على طرف شفتي وكال بهيام
: -تردين الروح والزهرة
: -ديلا روح بس مو تتأخر أعوفك وأنام.
خلى ومشى وأنا نزلت جوه بالصالة فتحت التلفزيون كلت أكمل فلمي بين ما يجيء
أخذتلي شوية ورجعت صعدت للغرفة
كلت خاف تجيء رغد عيب تشوفني هيج
ولو هي هم دايحة ما أشوفها هواي اذا على موجود هي تتبخر بس اذا هو داح هي تتواجد.
فزيت وفتحت عيوني باوعت للجهة الشباك دنيا الليل
فتلت عيوني بالمكان وأني أشوف نفسي مربوطة بحبل بغرفة ويمي شخص هم مربوط ومخلين كيس براسه ما عرفت منو
والغرفة مليانة صناديك بيها أسلحة وطحين أبيض أكياس هواي
مرت ساعتين والباب انفتح دخل أزاد وراه عساف أباوع لهم بحقد شكد كرهتهم
ولا توقعت أزاد تطلع منه هاي الشينة
ابتسم بخبث ووكف كدامي وخر لاصق من حلگي
أخذت نفس وحلگي يوجعني جر الكرسي وكعد كبالي كال.
: -شلونج بت عمي
-عارات بين ولد العم أنتم ليش خطفتني احجي والله بابا من يدري راح تصير مشكلة
طكها ضحكة وحجه بريحية: -تعرفين هذا منو
باوعت وين ما أشر على الشخص إلى مربوط على الكرسي
كام وكف على حيله وأشر لعساف يوخر الكيس الأسود من راسه
أول ما وخره رجف گلبي وأنا أشوفه يا الله هذا بيرس وجهه صاير ألوان ومورم من كثر ما ضاربي
: -بيرس
حجه عساف بشماتة: - إي بيرس جبتلج حبيبج
هزيت راسي ما مصدكة ودموعي صبت.
: -أزاد شبيك أنا بت عمكم ليش خاطفيني وأستاذ بيرس ليش هيج مسوين بيه
: -لزمني عساف من شعري حيل نحنيت بوجع
: -أستاذ بيرس لا صدك ك حبيبج هذا القندرة
أزاد: - وخر إيدك عنها لا تنسى تظل بت عمنه
تقرب أزاد ومسح دموعي ركز بعيوني بعد ما طلع سلاحه: - عندي إلج عرض حلو
بقيت مفهية بوجهه
: -خابري على وكليله أنتي واكعة بورطة وذبيلج جم دمعة خلي يجي لهنا.
: -لا شتحجي أنت لا تدخلني بمشاكلكم أنا شعلية فدوة أزاد فكني ورجعني لأهلي
: -ماكو رجعة سوي الكتلج عليه وترجعين سالمة أنتي وبيرسج
: -ما أكدر
: -بيرس يموت
شهكت بدموع: - شنو ليش يعني شنو يموت هو شعلي
: -كدامج حلين يا على يا بيرس
: - لا تحطني بين نارين أني ما أكدر أسوي هيج بأختي ورجلها
: -لا تكدرين سهلة طلعي موبايلج وخابري ما يراد إله بجي ورجيف شكو أحسن ما يموت أستاذج ها شكلتي
: -لا ما أسويها.
التفت على عساف ما أشوف غير عساف طلع سلاحه وطك بيرس طلقة برجله خلاه يرفس وشادين حلگه ورابطي بقى يرفس بمكانه والدم ترس ملابسه
صرخت وأنا مفرفحة لزمني من أكتافي وضغط حيل راص سنونه
: -تخابرين لو أحطه ب بلوعة بيرسج
هزيت راسي ودموعي ترست وجهي
: -إي إي أخابرة والله
: -ورد شجونة ورد تفهمين
طلع موبايلي من جنطتي ومدة إلى أخذته وإيديه ترجف وأشهك طلعت رقم على أني عندي رقم على لأن هو مرة خابرني.
دكيت عليه وفتح خط أجاني صوتة
: -ها عيني شجن
: -علي أختي يمك
: -لا تردين أنطيج ياها
: -لا لا بس اريد أحجي وياك ولا تحسس أختي او دگلهة اني أحجي وياك
جنت أحجي وأبجي حسيت نفسي نذلة من حسيت بخوفة عليه كالي بهتمام
: -أشبيج تبجين منو وياج
: -تگدر تجيء أني محتاجتك وأكعة بمشكلة
: -جايج وين أنتي
أنطيتة العنوان وقفلت الخط گمت أبجي بالزايد
وازاد صفگلي
: -ورد بت عمي هسه أنعالج مديرج.
سحلوا بيرس، وهو يون لصالة وعساف شد رجلة بشأل وماسوالة اي شي ثاني
وخلا ازاد بالغرفة الثانية وقفل الباب ومسح الدم من الارضية ونضفها
مرت ساعتين ونص تقريبا وسمعت صوت سيارة برا
عساف أجة طاير
ولبد ورة الباب وازاد صاير بصف الكنتور وأسلاحة بيدة منتظر طبت علي
ثواني وسمعت صوتة يصيح. شجن، وينج
ماكدر أحجي مخليلي لاصق على حلگي حسيت بخطواتة قربت من الباب
فات وسلاحة بيدة شافني وأندهش كال بصدمة
: -شجنن.
دموعي فرن وترسن وجهي ترس عيوني على ازاد منتظرة على حرگة وعلى عساف
وهو ما شافهم كبل أجاني
بسرعة و أسلاحة بيدة
فتح الحبل برجلية وگام وگف على حيلة ديوخر
لاصق من حلگي ويفك أدية يريد
بعدة ديفگني وأني أشرلة بعيوني على ازاد صار وراه
ووجهه السلاح عليه
ثواني جانت ثواني معدودة وصوت طلقة أخترق مسامعي
ظل واكف لحظة عيونه توسّعت كإنه ماستوعب شنو صار
بعدين بصوت مخنوگ كال
: - ااااخ،!
نزل على ركبة إيده چانت تتخبط بالهوا يدور
شيء يلزمة
وإيده الثانية راحت على ظهرهة حطهة على مكان الضربة دمة ملة سترتة دينزف
جان يريد يلتفت يشوف منو وراه
بس طاح
علي جهة يم الكرسي
حاول يگعد بس الألم قوي أخذة صارت أعيونة على أسلاحة يريد يلوحة جان قريب عليه
بس أزاد أخذة بسرعة وهو يضحك بشماتة متلذذ
بالانجاز مالتة
فرفحت وكمت احرك بنفسي بالكرسي اريد أوصلة
و ازاد تقدم
لزمني من فگي بعد ما وخر لاصق.
: -يلا بت عمي عدج مهمة أخيرة اريدج تخابرين عزيز وعصام يفزعون للاخوهم
: -عوفني الله لا ينطيك العافية ازاد انت مو بشر حيوان وخنزيرررر
وجهه السلاح على على وهو طايح وكلي بامر
: -تخابرين لو احط الثانية براسة
شهكت حيل وجسمي كله يرجف: -ماعندي والله ماعندي أرقامهم بس بسسس رغد
: -خابريه تجي
: -لا فدوة ازاد الله عليك عوفني ماكدر بعد
فدوة راح يموت علي
ضربني راشدي وعاط بيه: -كتلج خابريهة.
: -أفتحلي أدية خلا أشوف على أسعفة وأخابرهة
فدوة لا يموت من النزيف اذا مات اختي هم تموت
ما صارت كلت هيج وهو تخبل ضربني راشدي ثاني بگفة أيدة على حلگي: -أكفرر بببببيج هسهههه اكفرررر سدددي حلگج
طلع مبايلي واني عيوني على علي. خابر رغد بمبايلي بس ما جاوبت هواي دك وماكو رد
كال ل عساف.
: -عساف صح ساسهم نجس ال هاشم بس أنصير أحسن منه أسعفه هو وهالكو أشر على بيرس الفاقد بالغرفة.
عساف: -جا بلا الزمت وكالوا انت الگاتل
ازاد: -طلقة تايهه كلهم
عساف: -ولك ازاد اخافن انسجن
ازاد: - أشمرهم يم الباب وأفلت
هز راسة وتعاونون أثنينهم شالوا على للسيارة وراها
شالوا بيرس هم خلوا بالجنطة
وأني فك أدية مفجوعة أبجي لزمني قبل لا أصعد
السيارة كالي بتهديد
: -شوفي لج حرف واحد اذا نطقتي ما تلومين الا نفسج صار معلوم
جنت أناشغ وأبجي أباوع بعيونة بفزع: -خليتني أغدر بأاختي ورجلهة شلون أحط عيني بعينها.
: -ما راح تدري لا تشيلين هم وراح أسفركم
هاليومين
: -ش. ش. نو
: -أصعدي يلا
صعدت وبيدي حجابي مخليته على ظهر على وين ما جانت طلقة مستقرة جان ينزف
وبعدنة ما متحرگين وازاد خابر معرف منو
كالة: -تمت المهمة هسه راح ينشغلون ونكدر ناخذهة
لا تشيل هم كلشي حاسب الة أحساب بالمليم
سد الخط وكال ل عساف: -وصلهم وأرجع عدنة بعد شغل
شگد خسيس وعديم رجولة.