رواية بين قلبها وعينيها كبرياء للكاتبة شمس العراقية الفصل الثمانون
ويبقى الإنسان غنياً بعائلته والعائله هي كُل شيء
أسيل أزهار تعبت ما أكدر راح أموت راح أموت أزهار بطني مخلتني لحكيلي أزهار ولج لحكيلي بطني انخبصت وياي وبيدها حكم وداخت وأنثولت كامت تبجي ازهار مو وكتج هسه گمتي تلطمين على?اسي لج روحي راح تطلع بطني تشگگت سجاجين وتكطع بيها.
أزهار ادري أهلي شبيهم مستعجلين على طلعتج وينهم راحوا وخلوني يربي على هالشغل المخربط كعدي على الكرسي بس لما اتصل على امي واحد منهم يجيني.
أسيل كعدت لازمه بطني والوب تملخت وحكم ساكت سگوته ما يعجبني بس أول ما صار صرخ هسه لا بس نايم.!
ازهار وينكم شنو ويني تعالي على جنتج مشيتي وعفتيها وين اخذها البيت وبحضني طفل توه صاير وكومة جهال شلحك كلها تريد مني مو متعاجزه منهم شبيج أنتِ بس اسيل وضعها تعبان تعالوا عليها لو هناس جان لبستي عبايتج طلعتي تركضين دتعالي هسه فضيني عاد ترى لعبتوا نفسي بشغلكم
أسيل كعدت وتباو? ازهار حكم شبي ليش بس نايم
ازهار ها لاتخافين ما بي شيء هسه نسويله فحوصات كامله وأخيراّ اجتي امي
وصال ها شبيها ها ماما أسيل.
ازهار همزين جيتي امشي نوديها ادري من هسه عفتيها وحدها لا جيكناها يم دكتوره لا شيء هسه درينا ولادتها سهله الله سهل الها بس ما يصير هالأهمال وشغلكم المخربط تركع بتركع شصار لو جيتي وياها محد وياها لا اخت لا صخام وأسماء وهديل جيتهن كفالة وجه جايتني بس يتنفضن اسماء عبالك جايه لحفله وأنتِ الثانيه دزيتي وياي كومه جهال شلحك وهي نفسه يرادلها مدارة وعناية وفحص حكم حالته ما عاحبتني.
وصال سكتي هسه غضب الله على لسانج شيسگتج بعد صمي حلگج وأمشي نوديها
أزهار تعالي أخذي حكم حيري بي يم دكتور الاطفال خل يفحصونه ليش هيج ساكت لا يرضع لا جاع لا شي شسالفه واني خل أشوف أسيل اخذها لدكتوره هاي ليش هيج بطنها فد مره توجعها الله يدري شسون بيها أستغفر الله هو صوجنا شكد مخربطين جاهل وبحضنها سيدرا وحامل شمرناها? رجلها وحرنا بعصام هو بالعمليه شراح نسويله أمشي أمشي.
أگولج شبيج انهديتي بيه عبالك اني بنتج مو أمج غضب رشاشه مو لسان يلا راح اخذه لدكتور وعمار راح ياخذ الجهال يم عمتج زينب وسيدرا ما أدري وين اوديها هاي روحها بإسيل
ما تخابرين أمها مسربته ودايحه وهاي المسكينه شتصير توها جايبه وأبنها بحظنها خل شوي تساندنا هالفتره مو بحال نشوف خلقتها بس لضروره أحكام بس هالفتره تفك هالازمه وترجع يمنا.
يا يمه حتى رقمها مقفول ما تجاوب أتصل عليها أبوج ماكو عبالج ما مجوي گلبنا على أسيل.
خابري خالتها تجي مشكلتهم اني مو هينه عليه أبهذل سيدرا ولا متعاجزه منها بس ما أريدها تتبهذل كافي عليها هالبهذله.
دمشي گافي تلغين أمشي نوديها بعدين كعدي حاسبينا أنفتگتي علينا انطيني الولد وأخذيها على الدكتوره تفحصها.
أسيل سندتني ازهار وأخذتني وكفت تسأل واني كعدت أرتاح وخلصت وأجتني دخلتني على دكتوره بلشت فحوصات وهزت?أسها بعدم رضا.
ازهار ها عيني دكتوره خوما بيها شيء
الدكتوره الشغل النظيف بس المريضه هواي متحرگه لازم الها راحه وعنايه، ماما يا دكتوره ولدتج
أسيل ما أعرف أسمها بس ناعمه وصغيرونه قزمه
الدكتوره هاي الدكتوره رهف من أحسن الدكتورات ليش ما دخلتي لغرفه ترتاحين وتأخذين علاج كامل لان حالتج جداً ضعيفه.
أزهار ولادتها جانت سهله وطلعناها
الدكتوره ولادتها سهله تستهانون بوضعها الصحي والله ولادتها سهله ماما هاي بعدين تولد اضرار على المريضه غير دخلونها غرفه ترتاح وتأخذ علاج وتحت أشراف طبيبه
ازهار هي ولدت طبيعي وضعها جان زين والله.
واذا طبيعي ليش الطبيعي سهل مو شك وخياطه وعمليه داخليه وأول طفل والبنيه بنيتها ضعيفه موزين ولدت طبيعي والله سباعيه بيهن ولادتهن طبيعي يحولن عمليه وانتوا الله زراقكم بوحده كاتمه الوجع وساكته باعيها شلون تعصر بروحها.
وهسه دكتوره.
المريضه حيل وضعها تعبان وأنتوا أهلها ما أعرف عيالها ليش هيج متعبينها شُنو هالأهمال ماما ما باوعتي لوجها شوفيها شلون نوميه صفره البنيه مصفره دم يعني الا توكع تكومن تتلاطم وتذبن بلاجن على المستشفى والأطباء ترة عناية الاهل مطلوبه ما بيكم عوفوها بالمستشفى أحنه نهتم بيها وما نقصر وياها.
أسيل حجت وانفعلت بس من تباوعلي تبتسم لي وازهار خطيه ما حجت شيء انطتها ورقه وطلعنا وصاحت ورانا.
الدكتوره اوكفي أنطيني الورقه اني اكملها امشوا وياي.
أسيل مشينا وياها وهي وازهار كملن الأجراءات واجتي الدكتوره ولدتني وكفن يحجن واجتي باستني
الدكتوره رهف ها حبيبتي شلونج هسه أعذرينا ما سألت عنج بس اقربنا مسوين حادث وابوهم مات وانخبصت وياهم خطيه.
ازهار بس لا الحادث العائله أنضربوا ويه سيارة أخواني.
الدكتوره أي والله ابوهم مات ليش هذول أخوانج
اي والله وواحد منهم زوجها ل أسيل.
ياعيني الله يكومهم بالف سلامه والله الحوادث كثرانه يا ستار الله يله أسيل يله حبيبتي أنتِ سباعيه هسه ننطيج علاج ومسكنات وتصيرين زينه.
أسيل دخلت الغرفه واثنيهن الدكتورات يمي وفحصني مره ثانيه والممرضات اجني غيرلي خطيه ويضحكن بوجهي
لاتخافين ماكو شيء يخوف بس مجرد فحص نطمئج على وضعج خليج طبيعيه
هزيت?اسي ويضغطن على بطني وقياس حرارة الجسم والضغط وشدوا اليه كانونه وما قصرن يفترن على?أسي.
طفلج وين لعد.
يم جديته أخذته الطبيب يفحصه
حبيبي خوما بي شيء أسم الله
ما يبجي بس ساكت وهادئ
عادي لاتخافين كل الأطفال هيج أو احتمال ما مكمل شهره يحتاج اله خدج هسه هما يشوفون شغلهم لايضل بالج
ان شاء الله انطني علاج كامل وازهار تكمل الطبله والاجراءات وخلصت واجتني والدكتوره تكتب كملت.
الدكتوره يله اسيل ماما كملنا وهسه ترتاحين وعلى العلاج تصيرين أحسن واي شيء يصير عندج تبلغين الممرضات وجع دوخه لعبان نفس تمام حبيبتي وأنتِ ماما أهتمي بتغذيتها كلش زين مبين عليج حبابه وأعذريني قسيت عليج ما جنت أعرف عدكم حادث وضعكم صعب بس انفعلت عليها لان هم خطيه.
أزهار لا عادي دكتوره بالعكس معاملتج ويانا تخبل وما قصرتوا كلكم والله.
الدكتوره حبيبتي هذا واجببنا والله يكوم أخوانج بالف سلامه.
ازهار الله يسلمج
أسيل طلعت وكعدت أزهار تگلب بتلفونها وأندك عالخفيف لان جان مفتوح الباب رافع عزه وازهار ما أنتبهت وهو صافن عليها اخذله صفنه ابن العم احم ازهار لج ازهار وين دلقتي
ازهار ها حبيبي شبيج؟
أسيل أشرتلها رفعت?اسها وشافته صافن عليها خرب بيومه أبتسم الها نظراته ولهان على الأخير صخام متزوجه هذا شبي.
رافع هاا شلونجن
اسيل الحمدلله.
ليش ما رحتن شو وين ما اروح الكاجن مستشفى لو فندق أستراحه هسه ندري أبوج مسؤول وأخوانج ضباط بس هالانفلات مو من صالحكم مستهانين بالوضعيه فدمره تفترن بكيفجن لا صداد لا راد
ازهار أستغفر الله العظيم واتوب اليه
شُنو شايفه كدامج كافر تستغرفين واني علمودكم وعلمود هالأطفال شحارك گلبي ماهو محروك وصاير رماد وأنعل ابوه لابو أهله.
رافع لخاطر الله كافي خايف علينا وحريص كثر الله خيرك بس ماله داعي هالتصرفات يا ابن عمي واخواني موجودين أكيد ما مقصرين
أخلاقج بنت العم على?اسي اني علمودكم ياعيني لان عوائل ضباط واكفه يفترون بالمستشفيات انتن وجهالهن بهذلتهم وياجن والصوج من رجلج المصون جابكم واجه عايفيلي البيت فارغ هاي سالفه بربج وشگو جايات بيش تفيدنا عود يصيرون زينين اني بنفسي اجي اخذجن.
أسيل رافع شو رجعت على هشام هو شعليه خطيه والرجال ما قصر
لعد عليمن ارجع على ازهار لا ما اسويها وهو منو جابگم غير هو وبسيارته لا حمايه لا شيء شُنو هالمخاطره لا سامح الله لو صاير عليكم شيء منو يتحمل المسؤوليه هو يصير جنتل مان هذا مو حجي بهيج وضع مو مال تصرفات رعونيه وقلة فهم
عن اذنك أسيل اني يم الباب.
ً وين تخافين تحجين وياي لو خايفه على مشاعره لا يسمعني شحجي عليه ترى ما خايف أروح أطگهن بوجهه بس لخاطرج لازم لساني عنه.
ما اريد احجي وياك تكدر تتفضل.
لا ما اتفضل الا اطلعجن للبيت يله وشگو متمدده ما تگومين تولين للبيت وأكو اهناك مستشفيات
أسيل مو لان ولادتي أهنا.
رافع لا والله أنتن دبكتن وماكو رجال يردجن أستجلبتن بس اصبرلي منا للعصر ولا وحده تضل گلبتن المستشفى فندق استحليتوها والوضعيه صارت فيطي وأنفلات علني
أسيل ادري بي يحجي يريدها بس تحاجي وهي متجاهلته هي تحجي على التلفون واجه عمار عرفت يمكن ازهار بلغته لان هذا لاطش فدمره
عمار ها ابو الحسن خير.
رافع خير بوجهك ليش لحد الان ما موديهن للبيت شنو هالمهزله جاي نلعب أحنه ليش مستهانين بالوضع عمي كمال ما يفكر ليش مبقيهن فرجة لرايح والجاي ووين امشي الكاهن يفترن مثل الفار والبزون وصارت بلا ملح
عمار على كيفك يابه راحوا عمي فاضل اخذوا الجهال لبيت ومحد ضل بس اسيل وضعها الصحي تعبان
رافع اي وشوكت تطلع وليش ماكو مستشفيات اهناك الا اهنا دبكتن.
عمار يارب منك الصبر.
رافع بس تصي? زينه تأخذهن والا أكولك اني اخذهن ويا ويلها ترجعلي الا اكسر?جلها.
هشام خير
رافع گملت
عمار ماكو شيء أبن العم حامي يرادله تبريد
رافع احجي عدل لا اعدلك فجگ اخليك تحجي مكسر، يله خلي يخلصن وبلغوني اخذهن البيت.
عمار ماشي
أسيل مشه وهشام صافن على عمار نظره أستغراب
هشام شو ماشي شبيك أنتَ.
عمار أريده ينگلع ترة كوه متحمله وهو يتحارش يريد مشكله واني گوه لازم أعصابي عليه لخاطر ابويه وسالفه اكعد بوكسيات واكفه كدام العالم فضاحه هو بدون شيء صرنا سينما.
هشام عوفه يمعود، ها أسيل يابه شلونج
أسيل الله يسلمك الحمدلله
هشام ازهار علنتي البراءه من بنتج ترة شگت صفحتي
أزهار هي ما تريدني وليش ما دزيتها وياهم
هشام وين أدزها غير گلبت المستشفى على?أسي حتى عض عضتني شوفي.
ازهار عزه من تجيها الحاله تتعصب وتنفعل تكوم تعض وهسه وين خليتها
يم عمي وكل شوي لاطشته على?اسه يمعود عمي جيببها ختولي لاتعضك لا معند عوفها تعبتك لان عمي الوحيد الحاس بيه وصفحتي خاست وأحسن من بنته
ما تشوف الوضع شلونه شحس بيك ياعيني
يله هانت اروح أشوفها لاتسويلي سالفه
عود خابرني
أنتِ خابريني
أسيل هشام راح وعمار رن تلفونه
عمار هذا مروان لا يالكعبه نسيته گالي أرجعلي.
ازهار شيريد منك شكو عايفه وجايني روح امشي شوفه شيريد ومجد وين ليش عايفنه لوحده
عمار أجيت عليجن عرف بإسيل گالي شوفها شلونها وتعالي أخذني الحمام واني اجيت ونسيته انلاصت لك رافَع الا أعضك من گلبك
أسيل اجه مجد يمشي سريع وتصادموا.
مجد لك امشي مروان گلب المستشفى علينا كام يعد النا لك خرب يكول علينا ملاحكين النسوان أمشي الوضع عنده صاي? مزري وهسه تلكي مفاشخ هو والممرضين هو روحه بخشمه ونفسه تلعب أنوب ماكو سبح.
عمار لك بس لا.
مجد دمشي دمشي نروح نشوفه عسى? ما يركعنا بالحايط، خرب هالحادث سقطنا لصفر صرنا بالنعل ما ضلت لا سمعه لا هيبه انوب الله سلط علينا رافع حالف يطلع حرگة ازهار بينا ويغلط علينا كلنا دمشي بس تلوف وأني اضل ادور عليك وتالي الكاك يم اسيل ادري أسيل التك مالتك.
دمشي ولا تضل تلغي وأحترمني لا اطيح حظك
شحجيت اني
أمشي وبله لغوه يله.
أسيل راحوا وباوعت على المغذي خلص وازهار قفلته ودزت على الممرضه كملت باقي العلاج أكولج خوما أبقى هيج وأبني شلون.
ازهار لا للعصر أحتمال يطلعونج وتكتب الج باقي العلاج على شگل حبوب وأبر بالبيت تأخذيهن وغسولات طبيه وعنايه نأخذلج من الصيدليه سهله لاتخافين العلاج قوي بسرعه يشتغل مفعوله.
أسيل الحمدلله بهل الأثناء أجتنا عمتي وأيدها فارغه ها عمه حكم وينه شو مو وياج!
وصال أخذوا مني بالخدج تعاي أزهار أم للسان شگو گايله لمروان وخبلتي عليه خابرني يحجي هاملينها لما هاملينها وهسه أخذها واعوف المستشفى وأمشي والكواد يضل ومتخبل عقل ما ضال بر?أسه يعني ما صب?تي الأ تكوليله مو تشوفين حالي وأخوج عصام حاله بعده شسويلها اني موزين ضال عقل ب?اسي موزين أشوف دربي.
أزهار أني شعليه ما حجيتله والله راسلني حتى ما جاوبته واكيد هذول مجد وعمار لأن هما يمه وما يضمون سالفه قابل ما تعرفين ولدج صح انفعلت عليج بس مو حاسه بيج وحجيت من قهري وأدري بيج محترك گلبج علينا كُىلنا.
أي والله يا يمه انوب گملت بأبن مروان!
أسيل فزيت بخوف شبي أبني عمه فدوه گوليلي أبني شبي.
وصال الدكتور يكول ما مكمل شهره وعنده نقص أوكسجين دخلوا الخدج سوده عليه يمه مروان وين جانت الك والله لو يدري أبنه بالخدج الا يجيني مفر?
أزهار سوده عليه والله من فحصوا گالوا گلشي مابي لاتخافون بس رضعوا أوفف يا عيون عمتك
أسيل يمه أبني عمه وتالي هسه شلون والله تعبت ما كال شيسوي ما ينطي علاج اني انهد حيلي والله
لا عمه هذا شغلهم وهما أع?ف وهسه خليت عمج وهشام يمه يسألون الدكتادره لاتخافين عليه.
اوف يمه وليدي سوده عليه وأجانا مجد
مجد تعاي وياي مروان يريدج ومفول عليج يگول هسه تجيبولي أمي
وصال شبي خبلتوا عليه أكيد وصل خبر أبنه بالخدج
مجد شُنو حكم بالخدج! شجاه لا عليج الله
أي والله يمه اخذوا منا لخدج وأخوك شبي حامي
علمود أسيل يكول منو يمها گتله ازهار يكول وامي وين ويريدج خل تجيني وهو على أسيل تخبل انوب أبنه تهي بهي الا نأكلها محمضه امشي وفكينا من لسانه مكسر ومجبس وما نكدرله.
أسيل راحت هي ومجد سوده عليه أنقهرت عليها مبين عليها التعب گوه تمشي ازهار رجعت كعدت غمضت عيونها بتعب ونامت واجتي عمتي كعدت گوه تأخذ النفس نغزت ازهار لا عمه عوفيها خطيه هسه غفت، ها عمه شيريد منج مروان
وصال حجيتله گلشي ضاج سوده عليه
أسيل شلونه
وصال شلونه زين الحمدلله على كل حال أي يمه أسيل بس تخلصين علاجج توكلي اني موجوده يمه ومروان كال خل تروح ترتاح يومين ثلاثه اذا ما طلعوا اخليهم يجيبونها عليه.
ها هو هيج كال يعني أروح وتالي وسيدرا شلون
اي عمه عيني روحي أسبحي ارتاحي شدي حيلج جيبي غراض وملابس لرجلج تقوي? حيلج داري بنتج امنيها يم خالتها ضبطي أمورج اذا ما طلعوا هل الايام عود رجعي علمود ترضعينه تشوفينه رجلج هو كال خل تروح تعبت گافي تبهذلت.
يلا عمه شيكول مروان اني اسوي ديري بالج عليه عمه
شلون لعد هذا أبن بنيتي وأبن أبني أخلي بعيوني
گامت باستني من عيوني وعيونها مدمعات وحزينات وحيل تعبانه.
أعذريني عمه قصرت وياج ما جنت ام زينه وكلنا نخطأ ونقصر واني غافلت عنج هواي بس أبني حرك گلبي وكسرلي ظهري والله الماي الأشربه مثل السم وأنتِ سباعيه ما ينخاف عليج بس تحتاجين حنيه تقوين نفسج بيها لا اني حنيت عليج ولا مروان يلا إن شاء الله أزمه وتعدي وشدة وتزول وبس نطلع من المستشفى بخير وسلامتهم ونرجع واسويلكم أحلى حفله بسلامتكم.
الله لا يحرمني منج عمه ويگوم عصام بالسلامه لاتخافين عليه عصام قوي وسبع نزلت?أسها تبجي
الله يسمع منج يله بنيتي أني أروح امر على عصام
وارجع على حكم وازهار كعديها خاف تحتاجين شيء
ماشي عمه راحت وأزهار نايمه بتعب كسرت خاطري وبهل الأثناء اجو عمي كمال وهشام عمي نزع سترته وغطاها وباسها من?اسها وهشام صافن عليهم دمعت عيني على المنظر واندار عليه اجه باسني من?اسي فدوه أروحلك عمي.
كمال ها بابا أسيل شلونج زينه أن شاءالله سباعيه أنتِ
أسيل أني كلش زينه بوجودكم
كمال الله يرضى عليج بابا وحكم لاتخافين عليه هسه اني وهشام جنا يم الدكتاره طمنونا عليه وكل طفل يدخل خدج طبيعي الأمر لايضل بالج.
أسيل أن شاء الله
كمال يله أني اروح
أسيل الله وياك عمي راح وهشام كعد بصفها نغزها بكتفها
هشام حبي.
أسيل حاول وياها هي قافله وتملمت بسترة عمي حضنتها ونامت وهو يضحك على شگلها مثل الطفله تعصر بروحها ضل يتأملها وهي نايمه واني أباوعلهم
هشام شكد صارلها من نامت
أسيل مو هواي.
أزهار شكد تحجون شُنو هالازعاج
هشام أي مو أحنه بالفندق ترى بعدنا بالمستشفى
أسيل كعدت ولبست سترت عمي
أزهار غزل وين
هشام يم مجد طلع يشتريلها والوحيد ما تعضه وتسكت عنده وهي الممنونه.
هو حبيب الاطفال يحبونه لان يلبي رغباتهم ومصالحهم، هشام?أسي يوجعني أريد چاي تكدر تجيبلي
هشام أي ليش لأ، تدللي.
أسيل راح وهي لازمه?اسها واجه جايب بسكت وچاي وعصائر وياه ونساتل كعدوا يأكلون هو وياها وجابتلي هم أكلت وبس أختنكت بيهن تذكرت حكم
واجتي الدكتوره وهشام سجل خروج
أزهار أكثر صفه أحبها بي مو أبو نسوان
أسيل أي مبين عليه حيل عاقل ربي يحفظه الج
أزهار حبيبي ويحفظلج حكم وابوه ترة هم عاقل ومكتفي بيج.
أسيل اي الحمدلله وضلت يمي خطيه وبالليل هشام جاب العشه ومجد شايل غزل أزهار رادت منها تجي حاضنه خالها وزعلانه من امها وتالي
راحوا وراحت وياهم.
وتعشينا وعمتي يم أبني حكم وأزهار راحت شافتها لكت هشام يمها يوكل بيها واجتني تسولفلي بس مع ذلك گلبي مثل النار وخلص هالليل رغم التعب بس ما يجيني النوم البال مو صافي.
للصبح اجتنا الدكتوره
أزهار ها دكتورتنا الحلوه يمتى تطلع جنتنا.
الدكتوره تكدر تطلع عادي وراح أكتبلها على علاج وأبر أخذوا الها وتلتزم بي ما بيها الأ العافيه وأهم شيء العنايه والتغذيه وأنتبهي لنفسك عليك العافيه
أسيل الله يعافيج طلعت وازهار وراها وأجتني ها نمشي.
أزهار اي بس امشي ادخلج الحمام وأغيرلج
أسيل لا اني
شو أنتِ ما تسكتين وينج أنتِ تعاي
خطيه ساعدتني واكو دشداشه جديده من راحت جابتلي جايبتها لبستني وكملت وطلعت كعدت وهي تحجي على التلفون واجتي ها.
بلغتهم هسه يجينا هشام ونمشي.
تمام واجه هشام جايب جاي وكعك وقشطه وصمون كعدنا أكلنا واجه عمار
عمار هشام يلا حبيبي أتوكل الوالد يريدك يكول ما أكدر بدونه خل يجي واني كفلني اوصلهن وارجع
هشام ماشي حبيبي بس سواقتك أمانه هاي توها جايبه وحركه والسرعه مو زين عليها خطيه أنتبه
لا توصي حريص الغالي يله أمشن
طلعنا وراه نمشي
هسه أشوف امي وأرجعلجن لان تروح ويانا بس وأسيا تبقى.
وكفنا ننتظر عمتي وعمار واجانا رافع يهف خرب أجه سليمه.
ازهار هذا اله يريدني انهد بي يلا يسكت ابن الحلو
أسيل يمعوده عوفي سكتي لأيجيج هشام
لا خل أبرد گلبي بي ابن الخوش رجال الا اخلي يزاكط
سكتي يمعوده ستري علينا هذا لسانه لسان دلاله
أنتِ حيري بنفسج شُنو شطلعت صارت حياتنا برعايه رافع افندي والله يالله شون سالفه خل أبرد دودته واحاجي.
رافع يلا ما خلصتن تمضيكن هنا وهنا قابل بس الزقجه جابت وقحط مستشفيات بس لا شلون تفاركن الحبايب والحلوه توها راجعه لرجلها ما تهنت بشهر العسل.
أزهار شوف سگتت إلك بما فيه الكفايه وساگتين ألك بابا وأخواني لأن أبن عمهم ويخافون من العيب والفضايح بس بالقرأن هسه اطلعلك بفضيحه اخلي رتبتك تقرا عليها السلام وأعوف أخلاقي وتربيتي على صفحه وأصيرلك مروان النسخه المحدثه واعدلك بالنظيف لهذا زيح من طريقي لا أشوفك المحد شافه
تسدين حلگج لا أگس?لچ سنونج واخليهن بحلگچ شفتيلج شوفه بظهرج رجال أنعل يومج على هل اللسان العندج والحمدالله خلصت منج.
يبوه جنت أبجي ماصرت من قسمتك حرامات اسكت لك بس خل يكوم على حيله مروان اخليك شلون تحجي هيج ويه مرته وتكول عليها زقجه
لا أنتِ ولا عشره من أخوأنج يخوفوني.
أمشي من كدامي وبيك خير سجل موقف مال أوادم مو بس مشاكل جان أستحيت على شواربك تركض ورانا وأسترن نفسجن عبالك مصاليخ مو مستورين ولابسين عبينا.
أسيل تحجي ومهدود حيلها ومتعصبه واني اركص بحواجبي متشمته بي وبرزاله الاكلها وهو ساكت يمكن خطيه مصدوم ما جان متأمل هالرزاله الحلوه من أزهار وجان يصدمني.
زقجه أفندي مو اجي أنعنع عظامج لا عبالج صرتي مره وتزوجتي مروان تره بعدج أسيل التبوك نبك من الشجره وتكمز هنا وهنا ما خليتي شار? يعتب عليج وما خلت واحد ما فشخت رأسه
أي دير بالك لعد لا تحصلك مني فشخه
والله يالله ما ضلت عليه بيس القناني اتصادم وياها.
عابت هالجهره.
تره اطك عليك واخلص المستشفى من شرك عافنا وهو يدردم وازهار متشفيه برزالته واجانا عمار ها وين عمتي حكم يجي ويانا
عمار لا وين يجي بس أمي هسه بس ترضعه
أسيل امانه اخذني اشوفه
أمشي عمي والله تأخرنا
مشينا وياه للخدج لكيت عمتي ترضعه يمه گلبي لبست ملابس ودخلت عليها واخذته منها يمه وليدي يمه حبيبي أبني حكم اني ماما تشرفت بمعرفتك حبيبي شلونك زين.
وصال ولج شمفهمه.
لا عمه هذا حكم يفهم عليه مو ماما اي يفهم شوفي يبجي هاي أشاره اوي ماما اني راح اروح وانت واوا لاتخاف بابا يمك وبيبي وجدو وعمو عمامك وعمتوا أسيا بسته من خشمه خشم أبوه
وكوه اخذوا مني واني ابجي وطلعت وعمتي غيرت?أيها عمه ليش ما تروحين ويانا.
روحن انتن ودزلي ملابس هاي أسيا تعبانه ما بيها وتبقى يم عصام واعوف الطفل عليها ما تكدر تعوف رجلها روحن انتن ديرن بالجن على الجهال وازهار جهال اخوج عينج عليهم زينب خابرتني كرم متخبل ما مخلي مزهريه ما لاطشها بالكاع خل يلطشهن كلهن فدوه اله بس لا يتأذى.
ازهار ماشي
عمار يله نمشي ازهار سترة الوالد عيني
ازهار بيها ريحته تجنن هاك اخذها اله.
وصال لاتنسن غراض وملابس لمروان اريد اغسله تخبل عليه يكول خست عباله الحادث بالسوالف يدورلي سبح وكشخه بطران عليه
أزهار وعصام وأسيا.
وصال أي وخابريها شوفي شتجبين الها لان هي متكفله بي.
أزهار خلي أشوفهم قبل لا نمشي أسيل هم شفتي عصام
أسيل لا والله
عمار يمعودات خل نمشي اريد ارجع ترى طولتنها عليه وهاي أكيد تشوف عصام أخذني لمروان لقاء العشاق شيفضنا من هالطلابه.
وصال أي اخذها اله ليش لعد، يله امشن وياي يله يمه اسيل ما عليج منه هذا صار مثل رافع
عمار اني يمه أني مثل رافع وسفه عليج والله زعلت
وصال ولك وين
عمار بالجنهم اروح اسوي حادث وتخلصين مني
وصال يم اسم الله اتفل من حلگك تردون تموتني شو تعال اتشاقه وياك ولك شبيك ما تتحمل شقه من امك من فدوه لصماخك عيوني أنتوا عندي كل واحد منكم يسوى الدنيا وما بيها.
أسيل أخذته تبوس بي وهو حاضنها ويشم بريحتها والكل يباعون عليهم وازهار صافنه عليهم ومبتسمه ومشينا وصلنا لغرفة عصام دخلنا وعصام عاكد الحاجب جنه أستاذ ابو الرياضيات وأسيا كاعده عاقله مثل تلاميذ المدرسه سلمت وتقربت الف الحمدلله على سلامتك أبو ك?م گوه حجه
عصام عيني أسوله الله يسلمج
أسيا ها حبيبتي شلونج شلون صرتي حكم شلونه.
أسيل كامت باستني وتسأل بحنيه وشكلها يقهر وجهه مدمر صاير خريطه شكد حلوه هي حتى وهي لاطمه على وجهه لايك الها عبالك لوحه وملونه
عصام تعاي كوميني
أسيا وين تگوم عيني الدكتور ما يقبل
بعصبيه وأني شعليه بالدكتور أمشي تعاي گوميني
علي كيفك لاتعصب أعصابك ياعيني موزين عليك
أعصب واكسر حلكج هم شو تعاي شگد فاهيه
أسيل عصب وكام يصيح عليها ثولها وعمتي أشرتلنا.
وصال روحن خل أتفاهم وياه لان يتعارك هو وياها فدمره روحه بخشمه من الوجع البي سوده عليه.
عصام وتالي وياج تعاي من هالصفحه منا اخ الله لج على كيفج مجرمه أنتِ على كيفج أخ الله خرب حظي على هالوجع أخ الله ولج يمه.
أسيل طلعنا وخطيه وضعه يمرد الگلب راسه كله ملفوف بشاش ورجليه اثنيهن لافيهن وايده معلگه برگبته وصدره كله ملفوف بشاش وجهه مدمر جروح وكدمات بس بعده عصام القوي العصبي وربي يكومه بالسلامه ونفرح بطوله.
نمشي بالممر وگلبي معصور شلون راح أفارق أعزاز گلبي روحي ممروده وصلنا وصوته طالع من الغرفه والممرضات يتضاحكن واكفات بعد مسافه ويباوعن عالغرفه دخلنا اني وازهار لكيته متمالخ هو ومجد ومعصب ويحجي عليه.
مروان لك والله أنتوا أنذال ما تستحون ملاحكلي ملاك وزينب وبعد وبعد أختم المستشفى على أيدك سافل وساقط لك أخ غير أني مكرم وخانتني رجلي الا أضربك دفره على هالخلقه وشبيها شهد تبصبص على هاي وهاي ما تستحي مو? أساس تحبها ومخلت نفسك عليها أمشوا خطبولياها.
أسيل ها عيني شبيك وياه
مروان أنتِ أطلعي منها خليني اني ويه هالساقطين الشلاتيه إلى ما يستحون يباوعون للممرضات فضحونا.
مجد أزهار بشرفج وديني لشماعيه بس خلصيني منه صار بيه مرض نفسي من وراه اذا اعطس يكلي ليش عطست والله حرام اذا مباوع على وحده أصلاً ملاك هي رادت يوزر أنستا علمود تابعني هي حبابه واني أستحيت افشلها وانطيته إلها مو شرط علاقات حب وسوالف مثل ما يفكر الأخ وتفكيره راح بعيد.
مروان أي مو من أگولك ساقط بس خل يجي ابويه الا اطلعكم منا بالجلاليق أنتِ وهذا الجامعي ابو المثاليات ابو الطالبات الحمدالله الله جمعني بيكم حته أعرف خيستكم طلعت ما ضاله طالبه تعتب عليه ما منسق وياها الشريف.
عمار أستغفر الله مروان صدك تحجي انت شاخط رسمي ماكو هيج قابليه عندك عمي اني بالباب خلصن وداعيتجن ولحگني.
أزهار سوالفكم ما تخلص عمار أني هم جايه وياك أسيل لا تتأخرين.
مجد أني هم أخذوني راح وياكم أذا أضل يم هذا أنجلط
أسيل طلعوا وسدو الباب ورحت يمه عالسرير شبيك حبيبي أعصابك عليهم لازمهم اكس مربع
مروان أسيل شصير تعبت والله لا بيه اتحرك متكسر وكاعد ولا أنتِ يمي هو اني بالدوام ما متحمل روحي بس أريد ارجع للبيت واشوفكم نوب هنا لا أنتِ ولا سيدرا والله طگت روحي وأنتِ هسه راح تروحين وتعوفيني.
خلص ما أروح بس لا تضوج حبيبي.
لا لازم تروحين يروح يصير بيج شيء وين انطي وجهي لا روحي البيت وأرتاحي عوفج مني ما بيه شيء مسوي حادث أكعد وأتحمل لما أصير زين
أشتاقلك ما بيه اصبر اني هسه بعدني يمك روحي
انسحنت شلون أفارقك وبعيده عنك حاجيني شلون
شو كومي قفلي الباب وتعاي يمي
ليش حبيبي
أنعل يومه لحبيبج لأتصيرين غشيمه تحرگي.
ضحكت على سوالفه وحركاته كمت قفلت الباب ورجعت مدلي أيده حضنته ويبوس بوجهي يباوع بعيوني لازم أيديه يبوس بيهن وأني أبجي عليه
دافيه دافيه كلشي بيج دافي يدل عالحنيه أحبج يربج أحبج ديري بالج على روحج لخاطري.
شفتي ترجف عيوني نترسن دمع يربي شلون أفارقه واني هسه روحي ماتت واني اودعه حضنته بكل قوتي كأنوا اريد أخزن منه بريتي وأضمه بروحي باوعت بعيونه مروان أنت أب لروحي أنت كلشي بالدنيا إلى ما يترس فراغك بشر انت روحي الحنينه
يله روحي وديري بالج على جهالنا
ماشي منتظرتك باسني من گصتي ودعته وبگلبي نار فتحت الباب وطلعت أبجي باوعوا اليه وأزهار تقربت حضنتني ومشينا ومجد باو? النا وبگلبه حسره.
مجد هم راح أرجعله شيفضها على?أسسي
أزهار أتحملوا أعصابه تعبانه الله يساعده غير من وجعه وضيم گلبه يرجع عليكم وهو ما يحب الغلط ويحجي عليكم يله أمشي يمه ودير بالك عليه يله مع السلامه خل أشوف هشام يجيبلي غزل.
أسيل راسلته وطلعنا وصادفنا هشام جاب غزل وعمار خابر على السايق يجينا وهما وكفوا يحجون بينهم
هشام أكول عمار رافع بلندي ما سمعت صوته
عمار مو بردت دودته راحن النسوان.
يابه غير لازم أخلاقي بجيس مشكك ما اركعه وأفلش ملامح وجهه
يمعود هشام دير بالك لا تتصادم وياه تره ننفضح
هو منو مگلبه نافخ نفسه ويهوبز علينا
عوفه لا عليك بي صُدك أبويه هشام دير بالك عليه
بعيوني أخذته قست ضغطه وخليتله مغذي ورحت على هذا ابن مروان خطيه مخليله كانونه وجهه مورم وجهه أمه.
لا تحجي الكاع محظوره
لا فدوه راسه مربع?أس ابوه
ولك اسكت الكاع محظوره لا تزعل.
سكتنا اكول ورى ما طلعتوا أجتي وحده أسمها فوزيه ولزمتلك عمتي وعمتي ما صدكت عيد وجاها دك لطم طلعت قهر أسيا بفوزيه خطيه تالي تشابكن ويبجن وعمتي حضنت أسيا ودك بجي ورافع انزعج من الوضع تدري بي يتخبل من جمعة النسوان راد ياخذله فره بيهن وشافني افتر يمهن جني مكوك وفلت يمكن يخاف مو بله.
اي اي يخاف لك هذا من ابو ما يخاف تريده يخاف منك.
أي مو ادري بي كح عوره بس ما أدري ليش ساكت هما حتّى الممرضين اخذولهم فره رزاله بعمتي تالي اخذتهن للغرفه يكعدن يصفطن حجي وأني ما گلت باطل رحت جبتلهن جاي وشافني عمي يگولي هشام والله أنت خبيث
هههه أنت? گلبي
أعجبك حبيبي
??أسي يله اجتي السياره نتوكل
هشام أستلمي بنتج مخلتني تگول جلب ومستجلب
أزهار تعاي ماما تعبت سوده عليه هسه أعصابها صاي?ه فول وتطلع قهرها بيه ليكدام يله ودعي بابا.
هشام باي بابا مع السلامه ديروا بالكم عمار دام سايق مو أنت تسوق وصيهم يديرون بالهم
عمار لا يابه ما يحتاج توصيات على حادث عصام ومروان وهالوضعيه نمشي عالبيض.
أسيل طبگت السياره حكوميه وعاليه ومضلله بيها السايق وأثنين وياه وصعدنا وهشام انطه غزل
ل ازهار وكف يحجي ويه السايق يوصي وعمار انبطح خطيه مبين عليه التعب وغزل گبل نامت وشغلوا واني خليت?اسي وبگلبي نار ومشت السياره مشينا وعفت وراي حبيبي وأبني...
أسيا من بعد رسائل مرام واني دايخه وأفكاري ترطن ب?اسي بالشر وعقلي لازم أحجي وياه وأفهم منه مو مال أضل ساكته وهو يروح عادي وما يعرف أني عندي علم ويأخذ راحته بالزايد لا هذا مو حل لازم أسوي شيء وأمنعه.
راحت ازهار الله وياها وهو زعلان ما يحجي وياي.
كلت خل أرضي بالأول لأن أني الغلطانه بحقه وأعرف تدخلت بشيء هو ما راضي عنه وهو المسؤول عنه وبعدين أحاول أستفسر منه عن روحة أربيل وتأكد من كلام مرام صدك لو كذب.
أنتظرته يجي وأحجي وياه لان طلع برى وطول كمت دزيتله رساله وينك شو تأخرت شافها وما رد عليه رجعت أتصلت ورفضني وأتصلت ضل يرفض أخر شيء غلق التلفون خلاني أشيط من القهر وين وسمعت صوت سيارته وكفت أنتظره ودخل بدون ما يباوعلي نزع ملابسه وشمرهن بالكاع بعصبيه
مو بالعاده تشمر ملابسك بالكاع ما رد عليه مشه الحمام وگفت بصدره عصام لازم نحجي
عصام نحجي بشنو.
أسيا أعرف بيك زعلان مني بس اللي صا? من صالحكم وصالح أختك رجعت لطليقها وجمعت أب وبنته ولميت شمل عائله، اظن ما غلطت غلط جبير يخليك تضل زعلان مني.
أذا أنتِ بنفسج ما شايفه نفسج غلطانه بعد شگو جايتني ونحجي ما ضل حجي ينحجي بعد
لا نحجي لعد نضل هيج
وخري أريد أسبح
ما أوخر الا نحجي
داگولج وخري
منعته ودفعني ليش ادفعني شسويت هيج تعاملني هالمعامله منك
بعدني ما معاملج وهيج تحاجيني لو اركعج بالقندره جان أشسويتي.
ليش شتريد تسوي كام يصيح بعلو صوته
أسيا ولي عن وجهي لا أطلع قهري گله بيج والعباس أبو فاضل اطلعج منا بجنازه فگي عني
ماشي عصام لهل الدرجه يعني اطلعني منا بجنازه
عافني ودخل الحمام يسبح شلت ملابسه ورحت جبت الجهال نومتهم ولكيته كاعد يگلب بتلفونه نمت وانطيته ظهري وعفته كاعد بس مقهوره منه وتذكرت كلام مرام معقوله يسسويها لا مستحيل ليش مستحيل رجال يبزع ويمل ويروح يغير أجواء
عزه يمه غير أموته.
نمت بس گوه من الأفكار السكنت?أسسي كعدت حلمانه من حلم أعوذ بالله منه وصدري كاتم ومخنوگه لان عدنا عرس والعرس عرس عصام متزوج عليه وحده ثانيه! مسحت وجهي ولزمت گلبي بالگوه أخذ نفس باوعتله نايم من قهري ردت أخنگه بالمخده بس تمالگت أعصابي وكمت اتوضيت وأستغفرت ربي وصليت وكعد هو شافني مثل مستغرب شبيه كاعده بهل الوقت أصلي منين نزل عليه الأيمان يباوعلي بنظرات أعوذ بالله عبالك شايف كدامه جني مو أسيا فشلني بنظراته.
شلت سجادتي وتمددت بصفه خرب والله مشتاقتله أنداريت عليه مخنوگه وگلبي يوجعني ومنظر العرس گبالي لابس قاط وعروسته صغيرونه جنها فاره ومروان اخ فحم گلبي منه يركص بالنص عبالك هو العريس والقهر عصام فرحان ومتونس واني وجه الطاوه أباوعلهم من الشباك واني صافنه عليه نزلت دمعتي أريده يأخذني بحضنه ويگولي خلص يابه رضيت تعاي يمي باوعلي وانطاني ظهره مال الزمك دفرات وين اليوجعك على هالزعل هذا اليسمعك ويشوفك يگول مرجعه أختك للكواد مو أبو بنتها.
عصام أسسيا أنجبي لا اكوم افرك حلگج واكسرج والله انطمري بفراشج حتىّ وگت النوم ترطنين فوك?أسسي
أسيا عفته بعد ما حجيت وياه لأن الظاهر ما يريدني حتى صوتي صار يسبب اله أزعاج وضل زعلان بس وياي أما الباقين يحجي وياهم بس هم وجهه مطنگر يعني بحدود الا أني قافل حتى الحدود عليه وماكو بينا أي كلام.
وصدفه وأحنه كاعدين عرفت يرحون ل أربيل عمي دزهم واني دايخه ومنا هو زعلان ومنا رسائل مرام لا السالفه صُدك ماطول ما يقبل يرضيني أذن يريد يجدد الملكيه وينتعش بوحده غيري يمه گلبي شلون ينطينك گلبك تلمس جسم غير جسمي اي ينطي ليش ما ينطي دام عادي عنده وزعلان ولا هامه أسيا گلشي عادي
ويجوز حتى يكونون متفقين بينهم ولفوا السالفه على عمي بحجة شغل يطفرون لمعارض أربيل وسوالفهم المكسره.
وتمالخنا اني وعمتي بالكلام ما أخذت منها لا حق ولا باطل ودخلت الغرفتي والشيطان نكز ب?اسي ولكيت مرام دازتلي رساله
مرام ها أسيا أشسويتي
أسيا ما سويت شيء كاعده وساكته وهم متردده لان عصام ما عنده هاي السوالف ما أظن يسويها وهو مو صغير يندفع من?افع ويمشي بدروب تعبانه
خل اتأكد بالأول رسلتها ما أدري گلبي ما مرتاح ساعه أي ساعه لأ!
أسيا شبيج وبعدين وين أكو رجال ما عنده دروب بهل الوگت تلكيهم كلهم نفس الخيسه ومسوين نفسهم أنبياء وأحنه الغشمه مثلي ومثلج مصدگين والماي يعبر من جوه رجلينا.
والله وغلاتج ماكو واحد شريف كلهم كواويد ويسقطون على نسوانهم? خيانات ونسوان وملاهي ودروب المعارض صاي?ه ماكو أسهل منه.
لا يابه.
بكيفج لاتصدكين بس فتحي تلفونه وشوفي المحادثات شُنو حاجي هو ورافع وتعاي عاتبيني واني حذرتج لان ما اريد رجلج ينجرف ويه رجلي ويطيح حظج كدامج يكوم يراسل ويخابر وأنتِ تنركعين بالقندره وتسكتين ليش من اولها تضعين اله حد وتمنعينه أحسن ما تصيرين مثلي ضليت ساكته ضليت ساكته لما هسه صار ما يهتملي يطلع ويتونس ولا يدبر بال وحتى صور ومحادثات يبقي لان يعرفني گلبي ميت ناحيته وما يهمني أما أنتِ لا الوضع جديد عليج نقذي رجلج وزواجج من الخراب.
ماشي
يا غشيمه تحرگي شمنتظره لاتصيرين مضحكه لنسوان مثلي رجلها راح ياخذ عليها مره ولطشن بيه كل العيوب طلعن رافع ملاك ومنزل واني الغلط بيه ليش لان سگتت وخزنت قهره وسوالفه وضيمه بگلبي لاتصيرين مثلي أسسيا لاتصيرين غبيه.
عفت التلفون وكعدت أنتظره وسمعت صوت الباب أجه دخل وباوعلي ومشه خله تلفونه عالشحن
أنطيني تلفونك! باوعلي بنظرة أستغرب ورفع حاجبه
عصام شتسوين بتلفوني
أسيا شسوي بي قابل أشوفه
شتشوفين.
شو طولتها عليه أنطيني تلفونك وخلص
ً نتر لاتتنرين بوجهي هالطبع الخايس يجري بدمج ما تبطلينه
ماشي عيني أي حبيبي ممكن تنطيني تلفونك
أي هيج بإسلوب محترم مو أسلوب خايس وانطيج تلفوني بس خير شعندج ما گلتيلي ششوفين علمود على هل الأساس أنطي الج
أشوف أخر إنجازاتك المشرفه باوعلي بتركيز وتقرب عليه أكثر
خير يا طير رجع ركبج الشيطان شعندج من سالفه
أتحفينا بيها بله خل نولع الجو لأن شكلج مشتاقه للاكشن.
الأكشن أنت مشتاقله مو أني من رافگت رافع وصرت واحد مثله تماماً ترجع متأخر وما يهمك اني زعلت أو رضيت ومن رجعت أختك أنت ما تحاجيني بس هسه عرفت السبب وواضح عليك من تريد تروح لمعارض أربيل تجدد الملكيه عبالك ما أعرفك.
حلو حبيبي أنتِ وحده تموتين بالأثاره أعرفج ممثله بارعه مال أفلام أكشن تعاي لج منين طلعتيلي بهل السالفه شُنو صرت مثل رافع شُنو معارض أربيل وتجديد ملكيه خير يابه وشتعرفين عني أحجيلي بله خل نسمع.
أفتح تلفونك بالأول
ما أفتحه
لا تفتحه
لا ما أفتحه تلفوني وشيء خاص بيه ليش أفتحه ما الج گوه عليه وبعدين ما حجيتلي شعندج!
غمزلي وأخذت نفس بقلة صبر وهو قريب عليه يهمك تعرف شعندي مو
گلش يهمني.
رايح تركب نسوان سوالفكم الساقطه أنت ورافع كلها عندي واذا ما تفتحلي تلفونك هسه اروح على عمي وأكوله لزمني من شعري ولوه ركبتني.
جديده هاي مال تركب نسوان منو معلمج عليها أدبسزز يا شريفه حشت برأسج وأنت مثل الطلي مديتي?اسج إلها ها
وأشرف منكم
لج حاجيني عدل لا أقضي عليج لاتحاجيني بالشرف وتمسيني بحجايه لا ابتلي بيج امعطج ركبتج والله.
عوفني تريد تلوف السالفه عليه علمود تطلع نفسك منها وترضي نفسك وغرورك والله أعرفك تعلمني بيك دائماً تقلب الطاوله عليه وتطلعني غلطانه بس هالمره كلشي عندي واذا أنتَ صادق وياي أفتح تلفونك، دفعني ولزمت شعري متوجعه ورجع گال.
شوفي لج أكدر هسه الزمج أنعنع عظامج وأخليج تزحفين وتزوعين العافيه على هذا أسلوبج الطايح حظه بس أعرفج ما يفيد وياج الضرب ولا أسلوبي هذا بس أنتِ وحده ما تحمدين ربج ومشتريه المشاكل وتردين نتعارك واني روحي ما طايقها أتعارك
أخذ تلفونه وعافني أحترك بنار كعدت افور من القهر أفور وأنتظرته هواي ما أجه وحاولت أنام ما كدرت منين يجيني النوم ووصلني مسج فتحته مرام.
مرام عصام يمنا وصُدك باجر يرحون ل أربيل گرة عيننا خيتي والله ما يفيد وياهم الزلم حسبي الله عليهم خليهم بس يا خوفي يلحگنا مرض الأيدز منهم ومن قذارتهم لج حتى أطفالنا ينعدون منهم وصخام حتى علاج ماكو ما يرهمله لا طب ولا علاج وهالم?ض كثران أعوذ بالله منه لان يجي من العلاقات المحرمه.
ما جاوبتها عفت التلفون بس متت خوف يمه گلبي أيدز سمعانه بي بس عمري ما خليته? بالي معقوله.
لا لا مستحيل لازم أمنعه وما أخلي يروح لا أنوب صُدك رافع النس يضحك على عقله ويجره بهذا الدرب حتى لو هو ما عنده بس الصاحب ساحب يسحبه وانوب يضوك بيهن ويتعلم وتعاي أسيا عصام كلما يزعل منج يشيل?أسه ويروح الهن يتونس خرب حظي على هالسالفه هسه وينه غير لو يجي والله أطينه وما اخلي يروح أسويها نجف على?أسه.
أنتظرته تالي مأخذتني الغفوه ومن التعب والتفكير المفرط ولا أدري بنفسي غير للفجر يله كعدت لكيته نايم، ضليت كاعده ومر الوقت ورن المنبه وكعد شافني كاعده ما حجه شيء دخل الحمام وگفتله باب الحمام طلع ينشف وجهه شعندك سابح من الصبح
عصام وأنتِ شعليج بيه
أسيا شُنو شعليه بيك ليش أني شُنو موقعي من حياتك جاريه مربيه اطفالك خدامه الك گولي ياهي منهن
زوجه واكلان من الصبح ما أريد.
لا بله عافني وطلع ملابس يلبس ويباوعلي بنظرات غريبه للحظات ظنيت بي مشتاقلي! ويريد يراضيني
ورجع جاوبني
وجعة جدي شعندج من الصباحيات مفحمه!
وين جنت الليل كله يم رافع مو اي اكيد يمه تتفقون على الروحه والنسوان هم ومن الصبح سبح ونشاط وترشش عطورات بعد وبعد هذا كله لست الحسن المنتظرتك تجدد ملكيتك يمها.
أنتِ وحده تريدين هجمان بيتج وما تعرفين شلون فه الافضل أعوفج وما اخلي عقلي ويه وحده فارغه مثلج.
ها هسه أني صرت فارغه أي عيني ليش لا فارغه ونص من مخليه عقلي وراك علمود لا يلحكك مرض الأيدز على أقل اني أفكر بنفسي بإطفالي لايلحگنا مرض وننعدي من عندك حتى علاج ما اله لان جاي من حرام منك من تروح تمارس سقوطيتك وياهن بمعارض أربيل.
والله من أنعل يومج وأنعل أهاليتج واحد واحد لج من الله يأخذج ويخلصني من نگدج ونگج وسوالفج الما تخلص وعقلج الصغير وبسرعه ينضحك عليج بس أبقي هيج أبقي عار أعررفج عار وأكص أيدي اذا تلحكين النسوان ويصي? ب?اسج خير.
أني ما ب?اسي خير من شفتك ولاحگتك من أمداني
شدخل هاي بهاي شو كمتي تجفصين.
لا والله أني عار وفعلاُ عار لان حبيتك وخابصه نفسي عليك ومحتركه بنار كله علمودك.
هو شگو لخاطر الله شبيج ترى مولي بشغل هذا عقلج الوسخ نظفي لخاطر الاسلام نظفي
ما أنظفه رجلي وأحبك وأخاف عليك وعلى نفسي وعلى أطفالي
محد گايلج لاتخافين بس مولي بشغل يا أسلام بشغل وتالي وياج نضل هيج احنه بس متعاركين علمود سوالفج الطايح حظها يوميه طالعتلي بسالفه
أذا صدك تحبني وحبنا اله قيمة عندك ما تروح
مو اني جاهل أمشي بگلمتج وأفكارج الوسخه النايمه بعقلج الأجرب ما أروح يابه دتطيري.
عافني وكف يلبس ساعته وشال تلفونه وسلاحه ومشه لجهال باسهم واني طلعت وگفت بوجهه ما تروح والله ما أخليك تروح
أسيا أمشي عن طريقي أريد اولي تأخرت.
ما تروح گتلك ما تروح
صوتج فضحتينا صوتج رايح بشغل وين رايح قابل بيا لغه أحجيلج علمود تتفهمين عليه أمشي ولي عن وجهي دامج ما تعرفيني اني شُنو شگو عايشه وياي وخايفه? نفسج مني.
طلع وعافني وباوعت الجهال نايمين ورجعت الغرفه ابجي ومقهوره من عنده بجيت هواي الا طگيت وأنفتح الباب رفعت?أسي لكيته واكف يباوعلي.
تعاي نتراضى ما يهون عليه أروح وأعوفج زعلانه
كذاب والله تريد تراضيني علمود تأخذ راحتك وياهن
ليش مو مأخذ?احتي وياج عندي حوريه شسوي بالمزابل رب الحلو.
لاتروح
ما أكدر مو بكيفي رايحين بشغل
گمت وصلت لعنده أذا نتراضى ما تروح احجي ويه عمي وفهمه وكنسل الروحه قابل تصعب عليك.
أنتِ تالي وياج ما تفهميني ما تعرفين أني شُنو صارلج عمر وياي ما حفظتيني ما كافي عاد ياعيني
لا ما أفهم وأعرفك أنت شُنو أنت أبو نسوان
أي أبو نسوان أرتاحيتي بردت دودتج ورايح الهن
عافني وركع الباب وراه واني صرت نار عليه وفتحت الباب وصحت وراه عندت الا ت?وح ل معارض أربيل وأني أعرف ليش تريد ت?وح، بس أنتَ نكرت وأذا البالي صا? يا عصام عساك روحه بلة رجعه حشى گلب مروان عساك لا رجعت.
ضل صافن بوجهي بنظرات حزينه وأني قابتله بنظرات غضب وعمتي حجت حجت وتالي راح بدون ما يحجي ولا حرف وسديت الباب ورجعت بجيت هواي وحضنت مخدته وضليت أبجي الا عيوني كامن يحرگني شلون دعيت عليه شلون الله ياخذني شلون أنطاني گلبي هو هم خبلني وياه ضليت الوم بنفسي وابجي وتالي أتصلت عليه ورفضني رجعت أتصلت وغلقه عفت التلفون ونمت واني نار بصدري.
كاعده عالكراسي لوحدي أني وضميري واحد يحاسب الثاني والوم بنفسي وأكل بروحي من القهر ومن يوم الحادث واني حالي حال الميته عايشه بس جسد وروحي نايمه عالسرير حاضنه روحه المتأذيه بسبب الحادث يمكن كان بسبب دعوتي بساعة شيطان بغضب وعصبيه، وساعات إستجابة الدعاء ما معلومه يمتى تكون والدُعاء يُستجاب من العبد وما يقتصر فقط من قلب الوالده...
طلعت من عنده الممرضه وباوعتلي وأبتسمت فدوه رحتلج شگلتي تخليني أدخل أشوفه والله گلبي نار مشتعله عليه حلفتج بكل عزيز خليني ادخل عليه
الممرضه بس لاتطولين لان توصيات من الأطباء والمريض حالته حداً حرجه ممنو? أحد يدخل عليه ويحجي الا يصحى.
أسيا تمام حبيبتي مشكوره فتحت الباب ودخلت وشفته وريتني ميته ولا أشوفه نايم هالنومه گلبي تقطع قطعه قطعه كمت ما أشوف بس أريد اوصله رجليه ما تعيني مسحت دموعي أريد أشوفه بوضوح تقربت لعنده وكعت بالكاع ولزمت أيده وحضنتها وأبوس بإصابعه حبيبي روحي من الدنيا أنت أمانه أخليها برگبتك لاتعوفني والله أذا سويتها وعفتني أنتحر وراك والله ثانيه ما أعيش عصام حبيبي أسفه عمري كله لعمرك بس ترجعلي أبوس بأيده وأبجي.
الممرضه بسرعه فدوه
أسيا طلعت من يمه وضلت روحي حاضنه روحه
كعدت بمكاني وأشم بكفوف أيديه لامسه كفوفه الله ياخذني شلون دعيت عليك شلون شلون أشهك وفز گلبي بإيد على كتفي رفعت?أسي عمو كمال عمو
كمال گافي بابا شدي حيلج
أسيا بابا رميت نفسي بحضنه وحضني قوي واني أبجي وهو يبجي وياي بابا أنتوا أهلي أني شفت حنية بابا بيكم ما حسستوني أني يتيمه أب وعصام أذا صارله شيء ما أسامح نفسي ولا أكدر أعيش من دونه.
كمال وأحنه أهلج بابا لا هيج تكولين بنتي لاتخافين أبني سبع وما يهم الها ويكوم بالسلامه ان شاءالله بس أنتِ أدعيله بابا أدعيله.
أسيا طبطب? أكتافي بحنيه وگعد ضلينا كاعدين أني وياه وأجتي عمتي باوعتلنا وصدت وجهه عني أعرف بنفسي مذنبه وحقها شتسوي بيه حقها ما الومها أم وهذا عزيز قلبها وربي يگومه بالسلامه ونفرح بطوله.
كلهم بعالم وأني بعالم ثاني لا أكل ولا شرب وأطفالي يباعون عليه طعمتهم ما الهم ذنب أهملهم لأن بعمري ما قصرت وياهم ومتعودين? حبي وأهتمامي بس مع ذلك عايشين بنقص من دونه بالأخص ك?م صاير أعصاب وادون كلمه يتأثر ويكوم يبجي حيل متأثر ومقهور? أبوه ولازم أكون قويه بس يا قوه وأني روحي حاضنه روحه گلشي بيه يصيح أسمه كسرني ما خله بيه حيل بيه وكعني للكاع أني والعدم واحد من دونه ما أسوى فلس.
كاعده وك?م يمي وكلهم راحوا يم مروان بس مجد ضل يمنا ورحت يالمغاسل واني راجعه طلع مجد باوعلي وأبتسم أستبشرت
مجد عصام صحى
أسيا صُدك نهضت بفرح وك?م فرحان ركضت ودخلنا عليه ولكيته يعن ويون عصام عصام
أصبع موقف من فتح عينه بعيني نزلت?أسي فشلانه ودموعي تجري وكرم تقرب عليه لزمه من أيده.
الف الحمدلله على سلامتك أختنكت عبرتي بصدري
هو بالگوه حجه ولزم صدره مكان العمليه متوجع
عصام أمي وين أمي جيبولي أمي يمه يمه.
أسيا أي هسه أروح أكول لعمتي طلعت من يمه فرحانه وبلغتها وكلهم يمه بس أني عزلت نفسي أباوعله من بعيد بحزن وكسره وضمير ياكل بيه
طلعوا لان ازدحام موزين عليه تقربت لعنده ضا? الكلام بس أفرك بإيدي ودموعي تجري.
عصام جود ما شفتها وينها.
أسيا موجوده يم هشام هسه أجيبها الك طلعت واني أمسح دموعي أخذتها من هشام وعمتي تباوعلي دخلت لعنده تعاي بابا يريدج قربته لعنده
عصام قربيها عليه.
أسيا ما بي يحرك أي شيء من جسمه و?أسه كله ملفوف بس عيونه مبينات وجهه كله جروح وكدمات
قربتها باسها طلعتها ودخلت عمتي كعدت يمه وفرحانه بي واني كعدت عالقنفه مقابيله.
راحوا والجهال دزيتهم ك?م يبجي ما يريد يروح بالكوه أخذوا وجود تبجي بس دزيتهم تبهذلوا ولا أني أكدر أعوف أبوهم.
أباو? له وروحي تحترك كلشي بي متأذي ما يكدر يكوم لان عنده كسور ورضوض وعمليه فتح صدر بسبب الحادث والضغط الصار على? الرئتين وسواله عمليه فوق الكبرى ومخلين اله صوندات غمضت عيني وأني أسمعه يعن ويون ويعصر بأيد عمتي.
عصام يمه ولج يمه ماكو هيج وجع ماكو يمه
وصال سوده بوجه أمك كون الوجع يندار بأمك يحيلي أنت ينظرر عيني شطالع بيدي يمه أتحمل يمه
أسيا گومي شوفيهم خل يجون ينطونه علاجه.
أسيا بعد عمه? الموعد صاح بيه وصرخ بوجع
عصام كومي روحليهم كومي أخ الله أخ يابه يابه
أسيا كمت وبالباب كتمت صوتي وعبرتي هشام وعمي شافوني ودخلو عليه واني ابجي أختنكت وأسمعه يصيح? عمتي والدكتور اجه سريع وهشام وراه دخلت وراهم انطوا أبر وعلاج
عصام دكتور رحمه لأهلك فد ابره تسكن الوجع والله گلبي راح يوكف.
الدكتور حقك والله حقك هسه يسكن عليك الوجع
وتنام وترتاح.
أسيا أنطاه علاجه وطلع وطلعوا وراه ضليت بس أني وعمتي وهو صافن ويعصر بإيده وأني واكفه أراقب المغذي.
وصال تعاي كعدي تعبتي من الوكفه اني أباوعله من يخلص أكولج.
أسيا لا عمه ابقى أنتظره ضليت واكفه لما خلص حولته وباوعتله لكيته نايم وعمتي هم نامت تقربت بسته من خده بهدوء ونزلت دمعتي أموت ولا يصير لك شيء أبتعدت خفت يكعد هو گوه سكن عليه الوجع ونام.
وأجتي أمي وأخواني وامي شفتها لو طگيت أريد اسكت ما أكدر يمه حاضتني وابجي وياها وعمتي تبجي ويانا أخر شيء تقربت أخذتني بحضنها وتبجي وياي ودخلن جوه ورحت المغاسل غسلت ورجعت لكيتهم رايحين لان ما يقبلون ازدحام موزين عليه.
بالليل كلها أجتي عليه من عمامه ولد عمامه بس ما طولوا راحوا لان وضعه تعبان مو مال زيارات بس رافع ما عافنا أبداً من يوم الحادث هو ما راح ولا تحرك من مكانه حتى ملابسه ما غيرهن ويروح شويه ويرجع وبس يفتر يخلي الواحد يدوخ مبين عليه حيل متأثر عليه هو خوش رجال بس لما لسانه يلزف بي طلع بينا كش بسلامته لسانه متبري منه.
مرت أيام وبعده وضعه حيل تعبان وعمي صافن ومقهور عليه الليل كله يصيح من?اسه والوجع يأكل بي لا بي يكوم لا يتحرك عمليته توجعه ويشگي من?أسه والأطباء يفترون عليه ما قصروا بس هو وضعه صعب سوده بوجهي كون يندار بيه الوجع ولا أشوفك تتأذى وتتوجع گدامي وما أكدر أسويلك شيء.
وأني ثوبي العليه ما بيه أغيره بس ابجي وأدعيله حتى جهالي يخابروني يريدون يحجون وياي مالي خلك اني أشوفهم أكوم ابجي واقطع الخط وارجع يمه الكه يعن ويون يتقطع گلبي وعمتي مكابلته وتبجي بسكوت وعمي يقرأ قرأن
عصام يمه يمه يابه ولك يابه يابه
كمال شطالع بيدي يا يابه يبعد روح أبوك
أسيا وگفت وشافني وصاح بصوته المكسور والله يريد يبجي من الوجع
عصام ولج أسيا لحكيلي أخ الله.
أسيا ها عيونها ها روحها تقربت عليه لزمت أيده وكعدت بالكاع وهو يعصر بيها
عصام أخ أسيا أخ لج الوجع كافر ما يرحم كافر أخذ حفيج مني.
أسيا لا عصام لا هيج تگول لا فدوه عصر أيدي وعمي أجه كعد يمه يحجي وياه واخذه من?اسه ضمه لحضنه ويبوس بي
كمال أنتَ قوي وادري موجو? أدري والوجع ما يرحم أدري وادري أنت كتوم وما تشكي بس مو بيدك الوجع أقوى منك بس ساعد نفسك أبني ساعد نفسك لخاطري أني، أنت أخوي وصديقي وأبني حبيبي.
أنت أهلي كلهم أني شايف الدنيا بعيونكم أباوع على الله ثم عليكم كلشي فداكم لاتستسلم لخاطر أبوك
أسيا أني وعمتي نبجي وهو حاضنه ويبجي بسكوت لحد ما نام باسه من?أسه وايده يبوس بيهن أصبع أصبع ودموعه تصب على خده وصدره يرتفع وينزل اني عميت كمت ما أشوف گلبي يريد يشگ صدري ويطلع وصدري أحسه مقبط دم سبحتني عمتي بحضنها ونبجي اني وياها بسگوت وتبوس بيه عمه.
وصال الله كريم يمه الله كريم يباوع على حاله وحالنا ومثل ما لطف بحال أخوه مروان يلطف بحاله
اله الله يشافي ويعافي اله الله.
أبو عصام گوم نام وأرتاح وعصام نايم الحمدلله گوم لاتوكع واكلك لكمه من البارحه ما أكلت شيء.
كمال عوفيني ما بيه شيء خليني كاعد يم أبني.
وصال أسيا بنتي شوفيلي هشام يجي يأخذج عمج تعبان لا يوكع من طوله اخاف عليه ضربتين على?أس توجع ولده وحفيده شيصير ربي الحمدلله على گلشي ولا أعتراض على قدرك.
أسيا گمت حتى ما بيه أمشي طلعت تلفوني أتصلت عليه مغلق تلفونه يمكن مخلص شحن طلعت برى وواحد من الحمايه خطيه حس بيه
اتفضلي خيتي محتاجه شيء.
تعرف هشام
اي أعرفه موجود يم، مروان
اي صيحه گوله يردونك.
من عيني خيتي
رحمه الله والديك رجعت وشويه واجه هشام.
هشام ها عمه محتاجين شيء
وصال تلفونك ليش مغلق يمه
هشام خلص شحن والله عمه امريني
وصال أخذ عمك جيك وضعه وخل ينام ويرتاح ترى تعب هواي وما يسمع مني بس منك
هشام اي هسه.
وصال مروان شلونه گلت هسه أروح اشوفه واروح على أبنه
هشام زين بس ضايج? أبنه
أسيا وكف يحجي هو وعمي وقنعه وطلعوا وعمتي هم گامت گوه تمشي تقربت باسته وراحت.
وصال أروح أشوف مروان وأرضع حكم وارجعلج.
أسيا ماشي راحت وكعدت وضليت أبجي وأدعي اله وكعد موجوع وباوعت الساعه موعد علاجه واجتي الممرضه انطته وضل كاعد ويباوع بالغرفه وعيونه حمر لان مصخن وروحه لايبه احسه معلك بطارف شعره لازم صدره مثل المخنوك كتمت عبرتي وصافنه عليه وما بيدي شيء غير الدعاء
وأستمر الحال وبيوم اجو ولد عمه رافع وناجح وحارث وياهم ورافع وكعد يحجي وياه.
رافع بطل ما يهم ألها أبو ك?م وصار لا تكوم علمود العمليه مالتك صح تواجه صعوبه بس احنه وياك حبيبي لاتشيل هم أصبر على الوجع اصبر.
أسيا تگابلوا عليه رافع وناجح وحارث وياهم بالگوه كعدوا كاتم وجعه وضاغط على لحم رافع نبت أظافره
عصام تحملني رافع الوجع كافر يا أبن عمي
رافع گلشي اتحمل منك شعندي غيرك بس تگوم بالسلامه روحي فداك أبن العم.
أسيا گام وأستند عليهم وباوعلي وعاد عمتي وگفت گدامي حسيته ما ما راضي على وجودي أهنا مشوا واني غيرت جراجف مالته والمخده عمتي غيرتها ازهار دزتلنا وحده مريحه وفرشتله جرجف.
مر الوقت وجابوا بالف ويلاه يله ثبتوا على السرير سوده بوجهي حيل متأذي.
عصام رحمه الله والديكم ما قصرتوا.
رافع شمسوين الك أبن العم هذا واجبنا أنت بس صير زين الا أذبحلك عجل واوزعه على الفقراء.
عصام ونعم منك أبو الحسن.
أسيا ترخصوا وطلعوا ولاحظت عليه ما يخلي عينه بعيني أبداً بالبدايه گلت بعده متأذي وماله خلك وينه ويني بس هسه كعد ويحجي هو وعمي ويسأل على مروان ويه عمتي يسأل على الجهال الأ اني ولا كأنما إلى وجود بهل الغرفه حتى عمتي لاحظت وغمزتلي يعني أحجي وياه اشترتلها بمعنى لا عوفي على راحته.
وعمتي هي توگله بس اني عليه موعد العلاج اذا تأخروا الممرضات اروح اشوفهن لليل عمتي تروح يم ابن مروان وهشام يروح يم مروان لان مجد راح الدوامه دزوا عليه ضلينا بس اني وياه جنت أحجي ويه ازهار أدزلي ملابس إلى واله
ازهار تعاي باجر اسبحي وارتاحي وجهالج يشوفونج خطيه واخذي ملابس لعصام وروحي خوما تضلين هيج وهذا ك?م مدمر والله جود زينه ملتهيه ويه البنات تعاي عليهم خطيه.
أسيا سوده عليه وين أجي وأعوف أبوهم خل اشوف عمتي شتگول
عصام عوفي الموبايل تعاي گوميني أريد أمشي.
أسيا أي عفته وگمت عليه أخاف ما أكدر وحدي
ليش شبيج ما تكدرين تعاي وفضيني عاد
اي رفعته من المخده ثگيل كوه وحضني من ركبتي
خرب بلشتج على كيفج مجرمه يهوديه أخ الله لج رجعيني مكاني دمرتيني ينعل بليسج امشي ولي.
رجعته كتلك ما أكدر خوما تأذيت أصيحلك الممرضه
لا ما يحتاج.
ماشي عفته ورجعت ضليت كاعده وهو هم كاعد والغرفه هدوء صافنه عليه وهو نظراته عالباب تالي كمت طلعت شفت الحمايه يم الباب وقفلت الباب وتمددت عالقنفه.
جانوا ولد عمه موجودين رافع وناجح هم يساعدونه وهسه راحوا وحسيته يستحي من عمتي وباوعلي
عصام تعاي
أسيا أي كوموا عمي وعمتي واني سندته حضني من كتفي وگوه يمشي عمتي وياي
كمال على گيفك أبني على كيفك
عصام بصياح يابه?أسي أخ الله?أسي.
كمال مو كتلك على كيفك يا أبني ليش ما تسمع الكلام اكعد اخذ نفس أرتاح وگوم
عصام?اسي نعله على يومه يابه وجع دمرني
كمال أصبر أبني اصبر هذا الحادث بالسوالف غير طلعناكم من الموت لو متأخر جان انفجرت بيكم السياره خلف الله على الفريق اللي طلعته بساعتها
نقذوكم.
أسيا كعد أرتاح ومتأذي من?أسه ورجع كام ورجعت سندته ذب كل جسمه عليه وضاغط على أيدي بقوه الوجع ظالم دخلته الحمام وعمتي ويانا
عصام يمه طلعي ما يحتاج.
وصال وين أعوفك يمه أخاف توكع وهاي ما تكدر وحدها وانت ترگد نخاف عليك بعده وضعك.
عصام لا تكدر ما يحتاج.
وصال گول تستحي من أمك يله طالعه أسيا بنتي اني يم الباب
أسيا هزيت?اسي وبلشت المهمه الصعبه هو مستحي أكثر مني سوده بوجهي على هالموقف
جيبلي ملابسي أغير هذن خست.
ً أي هسه حاضني ومثبت جسمه عليه أقل حركه غلط مني لو منه يوكع من طوله لكاع صحت عمه ملابسه من يمج وكلنكس مرطب.
طلعي بالغرفه خل يغير ملابسه.
ها اي هسه سندته وكف على المغسله وعمتي مجهزه الصابونه والخاولي غسلت وجهه كله بأطراف ايدي ونشفته وگف تمضض بايد الثانيه لان وحده منهن شادينه بركبته وهاي بيها كانونه رجعنا لغرفه وعمتي وياي گوه رجعنا لسرير وباوع لعمتي ادري بي يستحي منها.
وصال ماشي يمه طالعه هذا أنت مثل أخوك يريد أسيل تالي وكت تستحون من أمكم رايحه يمه رايحه
من تكملين گوليلي علمود اجي يمه وادزج للبيت تسبحين تغيرين ملابسج ترتاحين.
أسيا ماشي عمه طلعت وقفلت الباب وهو كاعد عالسرير طلعت ملابسه وهو لابس روب عمليات شكيته وكلنكس المرطب مسحتله عيني هو كملت وارتاح
عصام صيحي ابويه هشام ما تكدرين تنوميني تكسريني عبالك مجرمه ويهوديه.
أسيا أني
لا اني دمشي صيحهم ظهري طگ اريد أنام
صحتهم واجو نام وارتاح وهشام طلع ضل بس عمي كاعد ودزوا عليه يله اني اروح باجر ارجع
عصام شعندج تباتين رجعي العصر
أسيا ها ماشي يله مع السلامه.
كمال هشام يم الباب يوصلج وعمار والسايق باب المستشفى.
أسيا اي عمي وطلعت ويه هشام صادفتني عمتي ها عمه حكم شلونه ما يطلعونه.
وصال لا والله يمه يگولون بعده هذا حالف ما يطلع الا ابوه وعمه وياه ومروان راح يخرجونه يكولون وضعه زين يمشي العلاج البيت بس راح يمددها علمود أبنه ما يقبل يروح يگول ما أعوفه الا هو وياي وأسيل خابرتني تتوسل تريد تجي رجلها وعمج ما يقبلون يكولون شعدها جايه وهي والده والطفل بالخدج شتسويله خل تصبر بينما يطلعونه.
أسيا خطيه غير تريد تشوف أبنها هسه طاگ كلبها عليه الله يكون بالعون الله كريم شدة وتزول.
وصال الله كريم يمه كولي ل ازهار ادزلي ثوب وتعرف شغلاتي وملابس لأبوها ولرجلها خطيه واسيل هم خل ادز لمروان.
أسيا ماشي عيني عمه مشيت وهشام واكف بعد مسافه شافني ومشينا لكينا عمار موجود ينتظرنا حجوا هو وعمار وانطاه علاكيك ازهار واسيل دازتهن.
وطلعنا للبيت وصلنا واول ما دخلت جهالي ركضوا عليه يبجون وكرم مدمر وضعفان كوه سكته دخلت البيت وريحة البيت وجمعتنا وضحكاتنا وكعداتنا أثاري ماكو مثل الأهل وجمعتهم يارب لاتفعجنا بأحبابنا وأسترنا بلطفك ورحمتك علينا وعلى?
جميع إمة مُحمد.
دخلت سلمت عليهن وأسيل منتهيه الله يكون بعونها وبعونه جميعاً دخلت كوه سبحت جهالي حاضنيني جود دخلت وياي لحمام سبحت وهي وياي ما فارگتني طلعت مشط شعري من جذب وشفت ملابس ابوهم محضرتهن ازهار تقربت وحضنتهم وشميتهن خليت ملابسي وياه شغلات النا وكرم يباوعلي.
كرم هم تروحين وتعوفيني اني وأختي
أسيا حضنته بس أبوك يصي? زين نرجع اني وياه.
هو شلونه هسه هم يسأل عليه هو بعد ما يحبني اتصلت على عمو هشام اريد احجي وياه وبس يصيح وعصبي وسديت الخط
شلون ما يحبك هو كلش يحبكم ويسأل عليكم بس لان مريض وموجوع بعده من يصير زين نرجع وانت صير رجال البيت سبع وأسد ودير بالك على اختك ماشي ماما
اختي مخليها بعيوني.
فدوه لعيونك خوما تضوج ورانا.
اي وعمامتي كلش يحبني ما يخلنه نضوج وعمتي ازهار تنومنه بحضنها غزل تنومها بالسرير بس احنه تنومنه بحضنها وعمتي اسيل تسويلنا أكلات اللي نحبها وعمي عمار ياخذني الاسواق بس اني كلشي ما اريد اريدج ترجعين
بس أني تريدني وبابا
ما باوعلي أبداً صاي? ما يحبني مثل قبل بس يصيح
ميخالف ماما لان مريض والله كعدت احجيله وافهمه وهو مقهور وتحز بگلبه نظرات أبوه لان ما متعود عليه هالشكل.
للعصر جهزت الجنطه وكاعدين خابرتني عمتي وفتحت السماعه ونحجي وياها
وصال وين صرتي تعاي يا أمي يريدج ما يقبل اتقربله يستحون مني الكواويد مثل مروان هم
يگولي جيبيولي اسيل واني شُنو بالله
أزهار غارت من نسوانهم عزه ماما
وصال عود يستحون مني الادبسززيه لا اشوف قلاقيهم الله يرحم هذيج الأيام اركض وراهم أريد أسبحهم وهما مصاليخ مفرعين على الهوا الطلق يتشمسون هما تاريخهم الاسود عندي يستحون من عندي.
أسيا ضحگنا وأسيل بنص الضحكه دمعت عيونها
أسيل عمه أبني شلونه ما أشتركوا الج أنترنت علمود تفتحين گاميرا واشوفه فدوه
وصال شتشوفين منه يا يمه هو شحمه ميخالف هسه اخلي هشام يفعلي رصيد ويفتحلج كاميرا
اسيل اي فدوه رحتلج عمه ومروان شلونه
وصال زين لا يضل بالج عليه مروان سبع ورى اسيا اجه على اخوه شافه وقبل شويه اخذه هشام وراحوا على حكم يشوفنه
أسيا أختنكت كامت تبجي وازهار حضنتها وتسكت بيها واسمع صوته.
عصام شوكت تجي
وصال مني
عصام منو قابل أسيا اسيا شبيج يمه
وصال خلص لاتعصب هسه واحد منهم يجيبها
عصام أهووو صارلج ساعه شتسوين تلعبين
وصال روحن هذا كام يجفص تعاي اسيا اخذي مني محد يتحمله غيرج.
أسيا اي عمه جايه قطعت الأتصال وكمت تجهزت وجهزت جنطتي ودعت جهالي وعفتهم وراي يبجون وكرم حاضن عمته ازهار وجود بحضن اسيل ومشيت وبكلبي نار عليهم وعلى ابوهم.
طلعنا اني وعمار ومر الوقت وصلنا لكيته صاير نار وأعصابه فايره بس يصيح اخذته الحمام ورجعته وعمار وياي ساعدني بي ونام وأرتاح وأستمر الحال الأ ان سحبوا خيط العمليه واطمئوا على وضعه ومروان خطيه من زمان طلعوا بس هو ما راح البيت علمود أبنه كالوا عادي يطلع واهناك دخلوا خدج هو ما رضى كال لا نبقى اهنا علمود اخوه عصام خوتهم وحنيتهم هالعائله بكل خصائلهم محبوبيين.
وأجه اليوم نخلص من الهم والحزن والوجع والالم.
ونرجع لبيتنا ونلتم ونترك خلفنا گلشي عشناه بس مع ذلك عشنا كل الظروف المرت علينا عشناها متكاتفين متخاوين وحنينين واحد على الثاني واحد يدافع الثاني هواي مواقف جانت قويه ومأثره.
والأهل مو بس كلمه أهل، الأهل حنيه بين الأبناء صلة رحم قويه تنبع من الجذور تنبع من الاب الأم من عمي كمال ومن عمتي وصال زرعوا بأبناءهم كل الخصائل الحلوه من المحنه والعطف والمساعده والمسانده وماكو فرق بين بين أخ وأخ وبين أخت وزوجه وبين أخ ونسيب كلنا سواسيه بالحب والمحنه.
حتى أبو غزل ما حسينا هو رجل غريب وسجل مواقف ما تنسي بالمقابل هما أحتوه وعمي سلمه كل زمام الأمور وكل أعتمادنا عليه الصغيره والكبيره هو سد مكان مجد من راح الدوامه وسد غياب عمار هو أهتم وأعتنى بمروان هو يركض كدام عمي
هو يروح يجيب علاجاتهم والأكل وكلشي نحتاجه وهو يخابر ويتواصل ويوصي ويسأل على الجهال
هو وازهار سدوا مكان عمتي وصال وعمي كمال.
وهو هم عنده وظيفته بس مقدم على أجازه وعمي توسط اله ومشوها اله كال الهم كلكم روحوا بس هشام يضل يمي لان رجال شهم وسبع وعليه الأعتماد ونعم منه أبو غزل ما قصر...
حتى ولد اعمامهم كلهم ما قصروا خطيه ورافع لحد ما أطمئن على وضعه يله راح البيته والرجال ما قصر عايف دوامه وبيته ومكابلنا صح لسانه متبري منه بس يبقى رجال شهم وصاحب مواقف والناس تبين معدنها بالمواقف والحمدلله كظت وعدت سلامات ورجعنا البيتنا...
بالسياره حكوميه عصام بصفي ومروان بصف عمتي وأبنه بحضنه ويبوس بي وعمتي صافنه عليهم وتصور بيهم.
مروان يمه شوفي مو يشبه أسيل
وصال لا يشبهك شجابه على أسيل
شُنو شجابه غير هي أمه صُدك تحجين يمه
أي صُدك احجي ما يشبه أمه طالع عليك جنك العافيه باوع على خشمه فستاقيه مثل خشمك
كمال وصال
مروان أي يابه گول الها والله أخذه وانزل شُنو تحجي على أسيل والله عاد يشبه أمه.
كمال أي أبني يشبه أمه ما عليك من أمك هاي تغار منها اسألني أني
وصال عشتوا على شنو اغار هي عبالك فاره ممغوصه.
مروان شُنو هاي لااااا هيج نتخارب
وصال شبيك حميت تحبها بگدي عيني هي هسه تلگيها طاگ گلبها على أبنها
بصوت ناصي وعليه هم
وعليك هم ههه ربي يحفظه الكم يمه وغيمه وزالت
الحمدلله ها أبو ك?م شلون الوضع عندك شيل وجضع خوما موجو? سبعي گول انزل أشيلك على أكتافي والله.
عصام لا زين الحمدلله تسلم حبيبي فدوه اروحلك.
مروان فدوه الك
أسيا أحنه لوحدنا كاعدين لان هو مدد رجله ومستند عليه بس بعده وجه ثكيل يمكن لحد الان زعلان مني طول هالفتره معبس بس على كد السؤال والجواب وكلما تصير عيني بعينه يدور وجه عني وأني أحترك بنار.
أيده بحضني مديت ايدي وحضنتها شو هذا سحبها فد أنقهرت منه وميلت كتفي شكو مسنود عليه ذاب جسمك عليه دامك زعلان ويه ما ميلت كتفي تأذى
وصاح سوده عليه
عصام أخ الله على كيفج.
كمال ها بابا شبيك خوما متوجع سلام ابني على كيفك بالسياقه
سلام أمرك سيدي.
أسيا حجيت بهمس أسفه
عصام مو وكتج هسه
بهمس لعد شوگت
شُنو ما أسمع
مروان باو? علينا وغمزلنا خرب صوتك عالي بس لا عندك خلل بالقناة السمعيه
شُنو شگلتي
خرب عصام صوتك عالي دنصي الموجه
شو سگتي وخليني أغفي
ما تغفي منو لازمك ما جاوبني بس أحتركت بنار ورجعت تلمست خده وبسته من شعره وحضنت ايده وهم سحبها شكد خبيث أنت.
عفته مقهوره من عنده وهشام يحجي هو وازهار ورفع شاشة التلفون فاتح كاميرا واكفه والجهال كلهم يمها يباعون علينا وسيدرا بحضنه ومروان فز
مروان وين بنتي ولج يابه بنيتي سيدرا باباتي حبيبي فدوه لوجهج فدوه لهل الكفشه ليش أمج ما مسويتلج نخلات بابا.
هشام هذول اهلج كلهم سكراب بس اني وعمي صاحيين خو اللي بالأخير ما بيهم خير
عصام هشام مو اجيك والله
هشام هذا بإيده طفل هم ما بي فايده.
مروان مو أكوملك منو ما بي فايده يابه تسمعه شيحجي
كمال ما حاجي شيء غلط هشام أبني وجه الكاميرا على عمتك وركز عليها شلون نايمه وفاتحه حلگها ادري شعندج نايمه لازم شبعتي نوم
هشام هاي أمج مسلمتها تراب جاي تصعد ماي وتشخر ولا يمها السالفه
ازهار ياعيني سوده عليه تعبانه خطيه أي اسيا شلونج حبيبي عصومي وينه شو بس كفشته مبينه
عصام هاي شوگت صرت عصومي مو جنت أبو ك?م
هشام من تصير زين نصيحلك ابو ك?م.
مروان أكولك عصام هذا شبي ويانا
ازهار يله حبيبي اني أروح اخذ راحتك
مروان حبيبي رب الحلو لج استحي ابوج واخوانج بصفه.
ازهار خرب نسيت يله باي توصلون بالسلامه
أسيا انتهى الأتصال ويضحك هو وعمي ناصبين على عمتي خطيه نامت وحكم كعد ومروان ما بي خطيه صاير جنازه يريد حليب يمكن
مروان اي يمكن اصبر بابا خل نوصل وجديتك نايمه يمه يمه كعدي عيني هذا فرغت كرشته وجا? كعدي ترسيها.
وصال أي يمه هسه.
أسيا سوتله ممه وكعدت ترضعه وعصام نايم وجسمه رخه استسلم للنوم حضنت ايده وشد عليها فد فرحت وخليت?اسي وغفيت مرتاحه.
ومر الوقت ووصلنا وفزيت على دگة الهورن بصوت عالي واكفين باب بيتنا وأخيراّ وصلنا سيارات حمايه يم الباب طلعوا يتراكضون خطيه وانفتح الباب وجان الأستقبال فخم بفرقه طبل وزمر والحديقه مليانه كراسي وكومة سيارات تارسه الحوش وكل عمامهم موجودين فاضل وداوود وعلوان ولد عمامهم رافع وناجح ومظفر وخالد وحارث وحسن حتى النسايب وطبگت سيارتنا بالنص ونزلوا واحنه بالأخير اجو ولد عمامه وهشام نزلوا واني بالأخير نزلت وسندوا ورافع وناجح رفعوا الرشاش فوك وصار الرمي سديت أذاني مروان صاح بيهم.
مروان يمعود دنزلها ما تشوف كومة أرواح
أسيا نزلوها وتقدموا سلموا وعمو كمال واكف يحجي ويه الحمايه يخاف علينا فدوه رحتلك عمو ومشيت وتقدمت الحجيه طشت الجگليت هي وازهار ويهلهلن خرب ازهار تهلهل جنها مصريه وتقدم تبوس بأخوانها وعصام باسها من?اسها ومروان ضاعت علومه يدور على أسيل بيننهم
وتقدم رافع جابوا عجل شگبره.
رافع اللهم صلِّ وسلم وبارك على سيدنا محمد وتقبل منا بسم الله.
اسيا والله عاد ابو الحسن رايتك بيضه.
عصام رحمه الله والديك حبيبي ابو الحسن الغالي كثر الله خيركم ولدي عمامي أخدمكم بإفراحكم
أن شاء الله وتنذكر ما تنعاد ممنون منكم جميعاً
أسيا فدوه لطولك ورفعة أيدك ودخلوا ناجح وحارث وهشام ساند مروان ودخلنا البيت وعصام أسمعه يحجي وياهم.
عصام أخذوني لغرفتي ارتاح مالي بهاي الهوسه?اسي راح ينفجر دقيقه أضل تلحكوني لوادي النجف.
حارث اي صا? رافع گول الهم كافي طبل خل يسگتون عصام تعبان.
رافع غالي والطلب رخيص اشلعله عيوني.
أسيا مجد ركض فتح الهم الباب ولج ازهار السويت نظيف لان عيب دخلوا كلهم
ازهار صدك جذب اعجبج غير من البارحه نظفته.
أسيا اي فديتج صدك جهالي وين.
ازهار ضاعت علومهم فرحانين بالطبل والله لو ادري بيهم هيج يسكتون على الطبل من زمان اجيبه واخلص من صراخهم على?أسي بس عيب الله وكيلج?اسي صار مركه وايديه تملخن شوفي العض عندي بنتي تغار من الدود البيها اكلتني.
أسيا خطيه حقها تغار شافت كل هالجيش تكربس ب?اسج كالت امي راحت مني.
ازهار اي بالعباس يله عيني ادعبلي على رجلج واني ادعبل على رجلي سوده عليه شمسوين بي صاير سكراب خل الحك عليه على توالي نفس خو اسيل اخذت رجلها والله طگتلنا اصبع وطفرت بي لغرفه
أسيا خرب بيومج يله خل انتظرهم يطلعون من يمه يله هزت?أسها ومشت والبيت هوسه حتى شهد موجوده هاي شجابها تطورات عمي الله يدوم جمعتنا بكل خير يارب.
رحت سلمت على الحبايب كلهن أهل اسيل كلهم جايين وتقربت هديل احم باوستها عيب مو مال اعبرها والماضي يضل ماضي
هديل الف الحمدلله على سلامته وربي يخلي ذخر الج ويستر عليكم.
أسيا تسلمين عبرتها وباوست عمتي فريال وكرصتني شبيج عمه مو وكت كرص
فريال لا وكته شكو بعد أكول لاتخثنين لبنج ديري بالج.
أسيا ادري عمه غمزتلي ومشيت شفتهم طلعوا من يمه والباب ضل مفتوح عمار اكو احد يمه.
عمار لا ماكو روحيله بس يعيط ما يتفاهم انطي مسكن شيء خطيه متأذي من?أسه.
أسيا ماشي رحت عليه لكيته لازم?اسه ها عيني
عصام طلعيلي علاجي انطيني اثنين اثنين
أسيا شلون عصام ازيد الجرعه موزين غير على تعليمات الدكتور
عصام أهوو عاد تصير دكتوره برأسي فضيني عاد
انطيته وحده وضل يصيح اخذها تمدد ولاتضل تحرك يرأسك لان ضغط وحركة السياره صار عندك وجع هسه يسكن
نعله على يومه ما يسكن هاي كله منج كله
ما تنسى.
لا ما انسى شنسى ولج شنسى اخ الله
كطع گلبي غطيته ونام وضليت يمه ما عفته وهما برى بس كل شوي يجون عليه لليل صحى شوي زين واخذوا ل الاستقبال ماكو نص ساعه جابوا?أسه يوجعه حتى أكل ما مأكل واني عالنص وكمزت ولحكته وخليت?اسه على رجلي وافركله وهو يعن وعمتي صافنه عليه وتبجي ومروان وأخوانه صافينين عليه وخايفين وهو يصيح من وجع?أسه
عصام?أسي يابه?أسي يابه ولك يابه
مروان وين أبويه خل يصعد وضعه الصحي ل الوزير.
أسيا طلعوا وضلينا بس أني وعمتي وهو نايم على رجليه وجهاله يباعون عليه
عصام كرم حبيبي مشتاقلك حبيبي جود وينج حبيبة أبوج تعاي يمي
كرم احنه يمك بابا احنه هم مشتاقين الك
عصام مو بگدي بابا مو بگدي تعالوا يمي تعالوا أشبع منكم تعالوا أشبع من ريحتكم ما شبعت منكم
كظيت حياتي بس دوام ششفت منكم اني تعالوا!
أسيا شهگت بخوف وعمتي ضربت على وجهه وازهار كاتمه عبرتها وتبجي ومروان كعد يبجي.
سبحهم لحضنه وحضنهم ويبوس بيهم واني ابجي
ومدلي ايده حضنته عصام حبيبي ما رد عليه بس يبوس بجهاله عمتي تخبلت اخذوها عمار ومجد برى
وصال كله منك كمال شلت خطيته وكس?ت?گبته يمه أبني حاضن جهاله يمه جن يودعهم يمه سوده بوجهج وصال طين??اسج وصال يمه أبني.
أسيا ضاغط? أيدي واني أبجي وگ?م يباو? النا وحضن أبوه بقوه واجه عمي عليه وهشام ورافع شافوا وطلعوا وضل ساكت وخابر على الدكتور مالته ورجع ها عمي بشر فدوه.
كمال يكول الفحوصات نظيفه لاتخافون ما بي شيء بس لا اني ما اضل أنتظره هيج يضل يتعذب
هشام شتسوي عمي
كمال أسفره للخارج هشام عمي عندك جواز سفر
لو ما مسوي
هشام اي عمي عندي لا مسوي من وفاة أمي الله يرحمها سويت على أساس نطلعها الهند وتوفت.
كمال الله يرحمها ابني لعد جهز نفسك تسافر ويانا خل أصعد الأمر وضعه الصحي لوزير وتسفره بطياره خاصه وخلال يومين أذا مو أقل نسافر.