رواية بين سلاسل العادات للكاتبة كفاية كاظم الفصل الخمسون
ودي أكلك فاكدك. بس خاف تنغر
ودي أكلك كلبي بأول مطره خضر
سيلينا: -بس خليني افهمج
تقدمت عليها رافعة اصبعي محذرتها وجسمي يرجف من العصبية: -كلمة وحدة ماريد اسمع منج اقذرر مخلوق شفتة بحياااتي
تقدمت إلى لازمة بطنها عيني راحت عليها واحس نار صارت بية: -طفلي ماات كلة بسببج تدرين لو ماداخلة الحياتنا جنا اسعد ثنين هسة بطني جاي تكبر انتي شيطاانية.
كزيت على اسناني بقوة وجهي اقتحن احمر اريد اكلها بسنوني: -مراح تتهنين ولا تشوفين طعم السعادة بحياتج لانج وحدة سافلة خرابة بيوت
نزلن دموعها وتشهك: -اني مو هيج
ضحكت بصوت عالي كلني ارجف صرت مقابيلها وصرخت بوجهها: -صصصح مو هيييج دمرررتي بيتتتي كرررهتينييي بشييي اسمة حببب اخذتيةةة من عندددي اتهني بية اتهني.
اختنكت ماكدرت ابقى اكثر ردت اطلع ولزمتني من ايدي نفضت ايدي بسرعة ودفعتها بكل قوتي اصرخ بيها: -قذرررة لاتلمسينييييييي
عفتها مكورة على وجهها ماهمتني ردت اطلع وسمعت صرختها تون بالم وتكول: -دممم دممم نزل دم لاتعوفيني
التفتت بخوف فاتحة عيوني وايدي ترجف تقدمت عليها لازمة بطنها وتبجي عقلي طار من راسي من شفت الدم: -ماردت هيج والله ماردت أذي الطفل شسوي شسوي هسة.
انطتني ايدها ساعدتها تكعد عدل شعرها جان نازل على وجهها رجعتة ورة وامسح بوجهها خفت يصير بيها شي هي والطفل وساعتها اتخبل ماكافي طفلي راحي بسببي ماريدها تخسر الطفل مهما صار...
-اخذج اخذج للمستشفى لو لو اصيح لانهار ياخذج
سلينا: -لا لتكولين اله شي كوميني بس
-بس انتي جاي تنزفين خاف يوكع الطفل فدوة امشينا
-اخذيني للحمام بس جايبة وياي غراضي.
كومتها للحمام وبقيت الوب رايحة راجعة ودمعتي بطرف عيني الحقد وين يوصلني ماريد اصير ظالمة واتسبب بأذية احد فركت ايدي بتوتر و دكيت الباب
عليها: -تسمعيني هيوو حبابة احجي بعدج عايشة
اختفى صوتها احس گلبي صار بلعومي ردت اطلع اصيح احد يجي بس انفتح الباب رحت اركض لزمت ايدها بخوف وشفتي ترجف: -الطفل عايش مو ماوكع
ابتسمت ولزمت ايدي: -لا بس شوية نزف طلعيني نو
-وين اطلعج وين.
-لخارج القاعة فدوة ساعديني راح نموت اني والطفل
من سمعت بيها طفل لزمت ايدها واهز براسي: -لخاطر الطفل خطية مالة ذنب خطية يموت الله هلمرة يحرگني بالدنيا قبل الاخرة
اخذتها من ايدها ناسية كلشي ناسية هي مرت رجلي
اخذتني من ممر: -وين منا الطلعة
-من كل عقلج نطلع منا والكل يشوفنا
-لعد؟
-اكو باب خارجي ماعلية رقابة ولا حرس.
اخذتها امشي على كلامها وتاشيراتها فعلاً طلعنا من الباب خارجي يطل على حديقة تنفست براحي وهي ذابة حملها علية لازمة بيدي حيل جانت اكو كراسي خشب لنفرين اخذتها كعدتها...
ذبيت نفس وغمضت عيوني اتحمد الله خليت ايدي على خصري بتعب: -هسة كولي لاتخليني بقلق ماخذج للدكتور
هزت راسها: -لا بس تعالي احجي وياج
خزرتها بطرف عيني واشرت باصبعي: -ماريددد احجييي وياج شيي مادام الطفل مابية شي خلص دوري وياج.
-ماتردين تعرفين انمار ليش تزوجني
-مايهمنيييي اعررف شيي عنكممم انمار طلعتتة من گلبي وحياتي اتهني بية
عفتها ورحت امشي بعصبية وكفت من كالت وراي
-بس انمار انجبر يتزوجني
خليت ايدي على صدري احسة يبزني التفتت الها معاني الصدمة والجمود على وجهي تقدمت بخطوات ثگيلة صرت يمها ارمش بعيوني بثقل
-شكاعد تلغين
سلينا: -اكعدي نو اسمعي حقيقة رجلج وسبب زواجة مني
سوتلي مكان بيدها كعدت عيوني شاخصة بالفضاء.
وهي بدت تسولف: -ابوي طلب من انمار يتزوجني لان يثق بانمار ويدري بية كفو
-يعرف بية متزوج شكو يطلب منة واذا جان كفو قلت زلم
سكتت دقايق اختفى صوتها التفتت عليها اشوفها صارت زرگة لازمة صدرها كوة تتنفس سحبتها علية افتح بالفستان وافرك بصدرها: -دخيلك ياربي هسة تموت وتبليني اطلعها من سالفة ادخلني بسالفة
اخذي نفس على كيفج سدي حلكج من خشمج بس اتنفسي يلا حبابة.
صارت تجر النفس كوة بالف ياعلي الا استقر نفسها رفعت شعرها مضايفها سويتة كبة رجعت ضهرها على الكرسي تتنفس ردت اروح اجيبلها مي تشربة وجلبت بيدي: -لا تروحين اكعدي اسمعي زين
-بس اجيبلج مي
-ماريد اكعدي اسمعي مهم اتسمعين
كعدت متفاجاة بصرارها وجهها احمر كلة دموع دارتني لازمة ادية ثنينهن وترجف: -اني مو سيئة ولا خربابة بيوت الزواج صار غصب عني نوف اني تعرضت للخطف والاغتصاب
شهكت بصوت واحس ادية تتصلب وتشد علية.
كملت بنفس مكطوع: -خطفوني واعتدو علية
-منو ذولة
-اعداء بابا ع، عافوني مقابل ملفات مهمة انمار هو الطلعني منهم طلعني جثة جثة ابوي ماهمة حالتي كل همة سمعتة واقاربة يعرفون وتصير سيرتة بكل السان قبل لايسمع احد طلب من زوجج وتوسلة يعقد علية كدام العالم اصير متزوجة و. وطلب منة مايحجي لاي مخلوق الصار حتى انتي لان احتمال تحجين لو من حركة كلبج تعيريني كلشي موقت الزواج مؤقت لحد ماتعبر فترة نكول ماتفاهمنا.
ورة الصار نفسيتي ادمرت ومن عرفت حامل ورة اسابيع ردت انتحر وانمار نقذني ومن عرف كال الطفل إلى اني ابوة ردت اموت والله ردت اموت واخلص بس ماخلاني كلشي صار غصبن عني والله
صرت اهدي بيها ولازالت لازمتني مقيدة حركتي دموعي ودموعها ينزلن على حالتها وعلى الصار بحقنة رجعت كذلتها الشكرة ورة اذنها ومسحت خدها خلت راسها على جتفي...
-لزمتو السوو بيج هيج.
-ماعرف نوف احنة حياتنا خطرة على اي ساعة نموت بيتنا بس يغيبون عنة ولدنا يصير هجوم لو ما الصار قبل جان تزوجت وخلصت
-فعلاً ليش مامتزوجة لحد الان
-هم من وراهم تعرضت لمحاولة اعتداء صار هجوم على بيتنة بوقتها محد موجود بس الحرس بس بوقتها نجيت منهم بس صارت عندي رهبة جبيرة من هذا الموضوع وهسة اني متحطمة بسببهم
-ليش ماشرحلي انمار خلاني بوضع الصدمة
-انطة وعد لابوي مايحجي لاي مخلوق حتى انتي.
مسحت دموعي وطبطبت على جتفها: -الله يكون بعونج ويقويج اسفة لان حجيت عليج
كمت منها راسي يفتر فر رفعت الفستان خاف اعثر لان كمت ماشوف دربي من الدموع: -ان شاءلله تعيشين السعادة اتمنالج الخير
-ارجعي لانمار نوف لاتنفصلون انمار هايم بيج
-ماعتقد الانكسر يتصلح باي.
مشيت بسرعة اريد اطلع من هالمكان اختنگت ردت ادخل وصار بوجهي انمار باوعت بوجها بذهول ضعفان كلش باوعلي وعكد حواجبة بغضب لزمني من ايدي بقوة حجة كاز على اسنونة: -شسويتيلهاااا.
فهيت بوجهها مافتهمت يقصدمن احس گلبي تفتت من دفعني وراحلها يركض جانت واكعة على وجهها رفعها يدك على وجهها هنا وبهاي اللحظة اشتعلت روحي وطفت صارت رماد رماد طلعت اركض ودموعي تسابق على خدي الناس كلها تباوعلي باستغراب شفت سجاد سحبتة من ايدة اشهك وابجي مختنگة...
سجاد: -شكو شبيج نوفة
-حمووت طلعني طلعني منااااا
طلعني من القاعة صعدني بالسيارة يغسل بوجهي ويعصر بيدي نترت ايدة وصحت بية بعصبية.
-حرررك السيااارة مااريد اتنفسس نفسس الهوووى بسررعة امشي بسرعة
طول الطريق ابجي وسجاد عجز يعرف الصار غمضت عيوني وارتجيت على الجامة صورتهم تجي بعيني احس گلبي تچوة صعب نرجع صعب كل واحد راح بدرب...
وصلنا وراساً رحت لغرفتي قفلتها علية نزعت الكعب شمرتة وصرت انزع واشمر بالاكسوارات وكلشي لابستة فتحت الفستان وكعدت بالكاع اشلع بشعري واصرخ بحرگة روحي احتركت والنار لو شمابقت مشتعلة نهايتها رماد صبح الصبح فعلاً صرت رماد.
حتى من عرفت ماهتميت وبقيت مصرة على الطلاق لان من كتلة وافق لو جان رايدني حاول يفهمني حتى لو ماكالي جان رفض طلاكنا مو بهلسهولة تخلى عني مصيرنا تحدد بالفراك بعد المشاكل والطفل الراح مانرجع صار بينة حقد اني حقدت علية وهو هم...
صرنا ننقل غراضنا للبيت الجديد تعبنا بشكل مو طبيعي رغم جان اصدقاء اخواني ساعدونا...
استقرينا بالبيت واني واخواني النهار كلة نرتب ونعدل...
مهند: -نوفتنا روحي اقري هم يلة ترتاحين وتبدين
-لا وياكم ماعندي شي
سجاد: -هم صح روحي اقري احنا نكمل شوفي شصاير بيج عاد اسبحي
-مو مهم كلنة توصخنا نكمل ونروح
كوة دفعوني اروح لغرفتي دخلتها تجن شوية واسعة خطية رتبوها هما اخذت ملابس ورحت سبحت وكفت كدام المراية وضحكت وين ذاك الشعر الاحتار بية شلون يتمشط هسة باقل من دقيقة مشطتة.
خليتلة سيروم وبسرعة خرطتة رشيت عطر وخليت مرطب لوجهي وادية نزلت لكيتهم باقي بس الكراج ينضفون بية ويرتبون بالحديقة...
رحت للمطبخ كلت اسويلهم شي ياكلونة خطية تعبو طلعت من اليوتيوب شوية تعلمت اطبخ هالفترة سويتلهم كاب كيك بين مايكمل سويت عصير.
طلعت البيت فارغ والكراج يلمع عرفتهم راحو يسبحون كملت البيدي واخذت صينية رتبتها بالصالة وشغلت الصوبة طلعت شكو فواكة مجففة عدنا خليتهم صارت كعدة تفتح النفس شغلت البلازما طلعلي توم وجيري جديد ابتسمت ورحت صحتلهم يجون كعدت قبلهم شوية والتمو وامي بنصنة...
عبدالله: -لج شتا مو صيف ومسوية عصير
-اكوم اسويلك جاي
عبدالله: -منج من الشيطان لا ماريد هسة تسوينة محترك
لزمني سجاد من شعري وكال: -هاي ليش شعرج مبلل.
-نشفتة والله بس يبقى رطب لان ماسشورتة
مهند: -غير لازم سشورينة خو مايبقى هيج وتتمرضين وانوب عندج دراسة
شمر علية عبدالله كلاو ضحكت ولبستة: -كلاوي هذا منين جبتة
-مساع من رتبت الغراض لكيته تدرين شعرج هيج احلى هم خلصنة منج لازمة مشطج وتفترين ورانا تتوسلين نمشطج
مهند: -منو مشطلها غيري اليسمعك يكول صدك تمشط لاختك
عبدالله: -لازم تنگلب علية بالاخير ماترهم حظي مثل حظ توم كلها ضدة عايل ماعايل.
كعدنا ناكل ونباوع وبالاخير صرنا نتعارك على الصوبة طفرت من شفت الاكل خلص اليبقة بالاخير يغسل مواعين عبدالله جان يراسل مهند طفر وسجاد عفناه هو جان مامنتبة صعدت الدرج وصحت: -المواعين مو تنساهن
التفتت فاز باوع للمواعين وصار يغلط علينة عفتة وصعدت فوك ذبيت روحي على السرير العب بموبايلي بللت شفتي بحيرة ورحت لصفحتة انكلبت على بطني وكتبت.
-شوكت تطلگ ترى اني عفتها وراك لان انت محامي.
وباجر جيب شيخ كافي زودناها ارمي الطلاك خلصني بعدها نتطلك محكمة ok
طلعت من صفحتة ورحت ارسل بالبنات اجاني اشعار منة دك گلبي بقوة كعدت عدل ذبيت نفس وفتحتة فتحت عيوني وايدي رجفت كاتب...
-وعليكم السلام الحمدلله زين بخير
ادللي لاتعبين احد بس اخلص جم شغلة اطلكج محكمة وشيخ فرد مرة خاف ماتحبين تشوفين شكلي القذر مرتين
دزيتلة ok.
غلقت التليفون على الرغم جان نشط غمضت عيوني گلبي نار بسيطة انمار تلمست شعري طفرت من مكاني فتحت الموبايل بسرعة واتصلت بية كاميرا بسرعة فتح وجهي اشتعل نار جان نايم على السرير صدرة عاري مالابس شي وخرت التليفون من وجهي وصحت بية: -البس ملابس حتى احجي ترة اسدة
اسمعة يضحك وكال: -يلة لبست.
رجعتة على وجهي جذب مالبس بس جار الغطا علية عيونة حمر صافن بوجهي خليت ادية بشعري وبعدت الكامرة حتى تبين الكصة طفر من فراشة والموبايل وكع بالكاع صرت ماشوف شي انرفع بسرعة وصاح بوجهي بحرگة دمارات رگبتة يريدن ينفجررن...
انمار: -شمسسوية بتتتت اللذيننننة شمسسوووية
صار يضرب بيدة بوكسيات على الفراش جاوبتة برود
-حلوة الكصة حبيت اخذ رأيك كلها تكول حلوة الصراحة اني كلش عاجبتني.
هزيت راسي ونثر شعري اختفى وجهة من كدامي واسمعة يضرب بالحايط ويغلط فرحت وانقهرت بنفس الوقت صدك ردت اقهرها بس ماهان علية اشوفة هيج محترك ابد ماتوقعت رد فعلة هيج
سكتت اباوع بالشاشة فارغة عبالي راح نمت على بطني وخليت الموبايل كدامي ساندتة على راس السرير برمت خصلة من شعري باصبعي اجة صوتة
تعبان: -شعلية شعرج ليش كصيتية
-يعجبني اريد اغير
-هاي لان كتلج احبة كصيتية حتى تحركين گلبي.
-ولويش احرك كلبك انت منو! أصلاً من زمان كصيتة حتى قبل العرس هيج تغيير شفت الراحة من خلصت منة
هزيت راسي وضحكت: -بسرعة ينثر بعد ابد ما اطولة هسة ماكتلي حلو لا؟
-شعندج متصلة بية كاميرا شني نيتج
-ماعندي شي بس حبيت اخذ ذوقك وما دام بعدنا مامنفصلين عادي تشوف شعري
خلة الكاميرا على وجهها بلعت ريك وحاولات ماتوتر واسوي روحي شايفة صخرة مو بعضلاتة البارزة.
وصدرة العاري اخذت خصلة من شعري لفيتها وفتحتها باوعلي بمكر وكال عاض على شفتة.
-فاتحة كاميرا حتى تراويني صدرج وزنودج
شهكت وطفرت من مكاني راسا سديت الاتصال وشمرت الموبايل بعيد ضربت على وجهي عزا هاي اني شلابسة كيمونة مال نوم وادية كلها طالعة ومن جنت نايمة صدري طالع عضيت اصبعي حيل
: -شكد ثوولة اني شكددد اكو وحدة ماناسيه روحها مثلي ماكووو.
نمت بهليوم كل شوية عاضة اصبعي ثاني يوم داومت ومن رجعت للبيت لكيت سيارة زرگة رياضية كبال بابنا استغربت منو هذا الجاينة رحت امشي واخمن استبعدت انمار واقاربة لان مايستخدمون هذا النوع من السيارات لعد منو؟
ماطولت هواي وعرفت الجاينة الصراحة ابد مامتوقعة حتى من الصدمة انعكد الساني...
رغد.
صوت الهلاهل كلما اتقدم يعلى دخلت متسائلة بداخلي شنو المناسبة؟ اول مادخلت وحتى بدون ما اسأل: -باركي لضرتج حامل
ابتسمت باستهزاء وهزيت ايدي ذبيت ملازمي على الميز: -والله ياعيني رغد مو ضرة احد مرة مطلگة خوش يابة ها ولا انسة ابارك لمرة طليقي
رحت تقدمت عليها على وجهي ابتسامة باوستها: -الف مبروك حبيبتي تكومين بالسلامة
رحت شربت ماي ودخل جاسب اخذت ملازمي وكتلة
-: مبروك على حمل مرتك داريها عاد خطية.
برم شواربة وباوعلي بنظرة لعوبة عبالة اغار من خلة ايدة على راسها وكال: -تدلل احطها بعيوني
هزيت ايدي وصعدت صاح وراي فرغي الغرفة نريد نكعد بيها
التفتت خازرتة ومخلية ايدي على خصري: -وانا شني الخدامة مالتك عدك ادين وروح فرغها احركها لاتجي يمي ماناقصني دوخة راس
جاسب: -غراضج طلعيها
-مطلعتها من زمان اطمن هالغرفة لعبانة نفسي منها ومن صاحبها.
عفتة وصعدت لغرفتي بدلت ولفيت راسي نمت ماكلة بالجامعة بس تعبانة العصر كعدت جوعانة جانت زهراء كاعدة يم راسي: -اكلج ماعندج شي اكلة جوعانة
زهراء: -عدي حلويات واجباس
-اي شي انطيني مابية انزل
كامت جابتلي وصرت اكل بشهية اباوعلها صافنة تلعب بكذلتها: -شكو شبيج
زهراء: -اكلج اذا رسبت ابطل واتزوج
-وليش تبطلين
-مو خاف ارسب
-من هسة مخلية الرسوب على بالج شبيج بنتي اقري مايفيدج العرس يوم يومين ويخلص.
جحضت عيونها وكامت ساحبة كتابها كعدت اكتب تقارير لهناك جعت خلصت البيدي وطلعت من غرفتي وي طلعتي طلع من غرفتة كملت مشيتي وسحبني من ايدي نترت ايدة بقوة بس مافلتها سحبني للداخل وسد الباب عيوني صارن بگصتي: -شتررريد
تقدم علية عيونة يردن يطلعن من محجرهن رفع اصبعة بوجهي وكال بتحذير: -سكتي اخوج عني طلاگ ما اطلگ
-شني بكيفك ماتطلگ اشو اتطلگ وانت الممنون.
لزمني من فكي قابض ايدة بقوة يكز على سنونة: -كتلج ما اطلگ ما طلگ بيناتنة جهاال
نترت ايدة وضربتة على صدرة رفعت اصعبي بوجهها: -لاتلمسسني افتهمتتت كتلك لاتگربلي شني لززگة
-ماميتت عليج انا لو اريدج ما اخذت عليج
-وهذا المهم ماتريدني وحتى انا ماريدك
-سبحان من زرع حبج بگلبي من الزغز وانتهى من ايدج.
-لا والله من ايدك ومن ورة تفكيرك القذر الخلاك تفكر اخونك وانا على ذمتك لك انا اشرف من الشرف غلطت وتعلمت غلطة وحدة موتت گلبي وخلتة حجر
لانعل ابو خيركم مابيكم خير
-لاتخليني اسطرج براجداي ادير وجهج
-هي هاي كل قوتك بس تعرف تضرب حتى رجولتك نزلت من عيني من ورة سوالفك
-لاتروحين بالحجي زايد رغد طلاك تنسينة علمود البطنج ماريدة ينحرم منج بس اطلكج تتنازلين عنة بالمحكمة واذا راضية بهذا الحجي اول ماتولدين نتطلگ.
قبضت ايدي وضربتة على صدرة: -لاتفكر بيها ثاني مرة البطني إلى وطلاگ تطلكني السالفة واضحة مايحتاجلها كل هالتعقيد الك حياتك والي حياتي مو اخر ناس بالدنيا راح نتطلگ
-كتلج اطلكج البطنج اخذة اربية انا تريدينة يمج ماكو طلاك ماريد ابني يصيحولة ابوك مطلك امك
-عقلك رادلة غسل من هالافكار جاسب اعتقني ما
دام شفت حياتك حررني
-وهسة انا ساجنج مو هالمخليج تطبين وتطلعين فارض شي عليج.
-هسة مافارض بس من تمر فترة عسلساس انا اتقبل الامر الواقع واعيش وياك ونرجع مثل كبل من يصير ابنة هيهات جاسب هيهات الكسر مايتصلح وانت كسرتني هواي حجيك كسرني ومن تزوجت ماخليت خط رجعة كلشي ممكن يصير بالعالم بس نرجع سوية هاي مستحيلة والبراسك قاريتة
والله ثم والله ياجاسب ما ارجعلك لو على جثتي
-اي بس ماطلكج فهمي اخوج هالشي تضلين مركونة وباسمي.
-كتلك العندي وخاف متامل نرجع امحيها من بالك المات يرجع وانا ما ارجع اذا تريد اسمي بصف اسمك خلية نايم يم اسمك بس انا لا كلشي انا اسوية انت مالك اي غرض بية واذا الغريب حجة انت ماتحجي وراح احترم رغبتك وابنك المامعروف ولد لو بنية محد يكلة ابن المطلكة
-وانا احترم رغبتج والمات مايرجع عيشي مثل ماتريدين بس تضلين باسمي وابنج عندج.
دفعتة وطلعت دمي فاير لاگتني مرتة عاكدة حواجبها فتت منها انافخ ماشايفة شي كدامي لزمتني من ايدي باوعتلها ورفعت حاجب...
مريم: -شعندج وي جاسب
-نبوسسس ونحضن
دفعت ايدها بعصبية ضلت فاتحة حلكها نزلت جوة ارجف جوع رحت للثلاجة طلعت اكل الغدة وكعدت اكل حتى ماحررتة اجت مرت عمي تسوي اندومي لابنها جنت اكل بشراهية كالت: -والله الج نفس زلمتج جدام عينج جايب مرتة وانتي الج نفس تاكلين.
بلعت اللكمة وكتلها: -اموووت امووت علمودة والله يا الله بوية جاسب زلمة مرتة مو زلمتي وهستونة حجينة مالة شي وياي لاحق ولا حقوق وصلي الحچي هذا لجماعتج الحياية
-يمة وهسة انا شكتلج صاير السانج شطولة وحنة نكول فقيرة طلعتي اضرب من سجيوة الرعنة
-والله ماكو غيرجن ارعن واي لساني طويل وسجيوة راحت انا بدالها ادور الطلايب واليحجي وياي جلمة اردها بعشرة رغد الفقيرة ماتت اقرن على روحها الفاتحة.
كملت اكلي وضلت هي تدردم خلصت وكمت غسلت المواعين صعدت فوك هم ابدل ماريد اشوف روحي مبهذلة منا وغاد نفسي ثم نفسي محد وراة فايدة
طلعت دشداشة جديدة وشال سبحت واجيت امشط واعدل بحواجبي بالمكص كملتهن وخليت شوية مكياج خلصت وخليت عطر اشوف نفسيتي مرتاحة سبحان الله مادري من صار الطفل بطني احس صرت انسانة ثانية كلها طاقة وامل متحمسة اجيب هالطفل
حياتي راح يغيرها للافضل هو ثمرة تعبي ومحصودي بالدنيا.
خليت ايدي على بطني اضحك واسولف وياة: -حبيب امك او حبيبة امج امكم تحبكم چثير الحب متحمسة اشوف وجهكم النوراني راح تلكون امكم مرة ينشد بيها الضهر انطيكم كل الحب بعد روحي
ضحكت بصوت وكعدت اشوف واجباتي وانا جاي اقرا انفتح الباب ودخلت مريم رفعت القلم ماشرة عليها: -ثاني مرة اذا دخلتي بهاي الطريقة اطلعج سحل خليني محترمتج واحترمي خصوصية الغير
مريم: -شسويتي لجاسب
-اخذت روحة.
باوعتلها مستهزئة ودنكت اكتب نفخت بملل من شفتها فوك راسي تكول: -انا ماعندي مشكلة وياج وادري رجلج وهم الج حق وياة بس لاتكلبينة علية وانا حبلة وفرخي نازل ماتحمل قهر.
-روحي بابا ياهو اليمج جاسب انطيتة الج فلاچة ملاچة لاحق ولاحقوق وماعندي شي وياة افتهمي هالشي و هو اليطلع بدربي مو انا الرايحتله وانتي اخر شي افكر بية حتى احجي بيج جدام واحد عقلي متروس افكار للمستقبل مافارغ الج والرجلج ابتعدو مني وياريت تطلعون حتى أمن مايطلعلي مرة ثانية بحجة يحجي وياي
دموعها صارن بطرف عينها وخدها احمر مبين ضاربها اشرتلها على الباب: -يلا العندي كلتة اطلعي اريد اقرا
والباب سدية وياج.
طلعت وطبكت الباب وراها دنكت اكمل واسمع صوت رحمن عالي كلت تعارك وياه وفعلا لكيتة صاير نار يصيح بصوت عالي: -شعندددك جاااي لهنااا اخذذ زبالتك واطلعع من البيتتت
جاسب هجم علية وعباس صار بنصهم...
جاسب: -اشكككك حلگ والله شنييي يگلييي زبالتتتك
فكاهم عباس كوة رحت ورة رحمن شفتة نار صاير ومرتة تهدي بية شافني رفع راسة وكال: -عبالة يكسر عينج من يجيب مرتة والله لو انا لو هو بهلبيت.
حضنتة من اجتافة: -اذا علية والقران ماضايجة لو حازة بخاطري مادام مالة غرض بية انا مرتاحة ان جان هو ومرتة بنفس البيت لو بغيرة عوفة خيولي وين يريد يعيش هذا الشي راجع اله انا ماعندي مشكلة بكعدتة هنا
-چا اليوم يطلگج لو اسووي الدمم للرچاااب
كعدتة ولزمت ايدة بقوة بلعت ريك وكتلة: -انا ماريد اطلگ.
فتح عيونة على وسعهن مصدوم من كلامي ماخليتة يحجي راسا حجيت: -مو البالك البالي يختلف جاسب انتهينا انا وياة مستحيل يجي يوم ونرجع بس هم ماراح نطلك لخاطر الطفل وخاصة اذا جان ولد الجهال تلزمها علية وتعيرة بامة المطلكة وانت تعرف مجتمعنا كلش زين اسمي بصف اسمة مايأثر علية هسة انا هيج مرتاحة واريد طفلي هم يرتاح ومايعاني من شي هذا كل العدنا خبزتنا خلصت من زمان وجاسب اذا تكربلي يروح يطلك برجلة.
-لاتخافين من تهديداتة اكسر ضهرة عبالة محد وراج
-افاا وانت اخوي اخاف ماخايفة يخوية بس واحد مو كلهن يجمعهن دراسة وطفل وطلاگ هو وعدني مالة غرض بية ان طلعت او طبيت يعني اعيش مثل ماريد حالي حال المطلكة ضلت على الاسم بكل الحالتين هو بديرة وانا بديرة
-انا وراج بضهرج ماعوفج والتريدينة انا امشي علية مادام هذا قرارج احترمة.
-الاريدة منك تعوفة بحالة شيسوي هو حر شلون انا متجاهلتة وما اشوفة انت هم سوي هيج هاي الناس ماتستاهل تحرك دمك عليهم
لزم راسي بثنين ادية وباس راسي: -والله انتي كفو لالطمتي وراة ولا رحتي توسلتي بية لو لبستيلة حتى يرجعلج بعد روحي احس راسي مرفوع من اشوفج بايعة الباعج بلاش
-غير اختك بعد وبعد ماشفت شي راح اراويكم شي يرفع الراس اكثر
-وياج انا بكل خطوة تخطينها
حضني بكل حنية وكال: -شلونة حملج.
-الحمدلله كلش زين بس هواي اجوع
-بعد احسن حتى يتغذة باجر اخذجن انتي وشروق للدكتورة
-الله كريم لباجر يلا انا اروح اكمل قرايتي
طلعت واحس فراشات بطني من الكلام السمعتة رجعت اكمل قرايتي وثاني يوم كالتلي شروق
: -ترحين للدكتورة يلا كومي
-روحي انتي انا ما اروح.
لحت هواي ماقبلت ما احس احتاج دكتورة الحمدلله حملي كلش زين لاتلعب نفسي ولا اعاني من فقر الدم وغيرها خطية شروق حملها كلش متعبها التاكلة تذبة وجهها صاير كركم روحها رايحة حتى الدراسة تركتها
العصر اجن الشواذي يطفرن فوك راسي ويتعاركن على اللبسة...
هدى: -لج زهيرران انا البس هذا الفستان
زهراء: -ما مااااااا انا اناااا
هدى: -اناا البسة يعنييي اناااااا خوووش مو كلشيي تاخذينة مني.
رغد: -وغسل شمالجن علمود هالفستان الاجرب تعاي هدوة انا انطيج من فساتيني الجدد اشتريتهن للجامعة
شمرت الفستان على زهراء واجت تضحك فرحانة فتحتلها الكنتور وكتلها اختاري اخذت اليعجبها عفتها براحتها اشوفهن كشخن ويخلن حمرة وحدة تدفع بالثانية جنهن شرايج.
زهراء: -الا اگول لعباس عليج حاطة حمرة
هدى: -وانا هم اكول لنزار عليج واكلة مطلعة شعرها
زهراء: -بس انا مامطلعة شعري جذاااابة
هدى: -حتى اگلة.
رغد: -اكلجن انتن وين طالعات
هدى: -شوفي مو راح اسجل بالجامعة كال عبسي اشتريلج هدوم وهاي الصفرة لزكت وياي
رغد: -وانا هم راح الزگ وياجن اريد اشتري قاط لحفلة تخرج سجيوة
هدى: -جا كومي هي ضلت عليج
-لا والله جنج ماعاجبج
هزيت بيدي ورحت بدلت لبست فوك ملابسي صاية عريضة احسن من العباية اتقيد بيها ماحب لبستها
طلعنا وجان عباس ونزار واكف وياه سلمت عليهم.
عباس راح كدامنا يشغل السيارة ونزار استلم زهراء يخوزر بيها وهي تتمضحكلة غمزلها وكال...
-زهرتي
زهراء: -هاء
-يمتها نتزوج
-مادري
-شني ماتريديني وعلى ادللج دلال خاب شني اريدج بحضني الاعبج احضنج ابوسج بويايييي
هي ذابت بين ادينة واحنا صافنين وحدة بوجة الثانية الضاهر نزار مايشوفنا بس يشوفها...
نزار: -هاي السنة نعرس يعني نعرس مابيها مجال حتى لو اخذج واهج نرجعلهم بيدنة طفافيل كصدي زعاطيط احنا مو مال ثقافة ها شكلتي
-بكيفك انا
-هم كالت بكيفك مو انا كيفي مشتهي بوس
صحنا بصوت عالي: -هااا هاااا
باوعلنة فاتح عيونة هستوة شافنة: -هاي انتن من شوكت هنا
رغد: -من سالتها شوكت نعرس
نزار: -بنات زايحات المستحى والخجل هسة من شفتنا نحجي ماوليتن مادكولن مخطوبين مصخومين لا لزكتن ماشايفات.
رغد: -انت الزايح المستحة هاي المسلسلات خلتك تصير فويسد
نزار: -ولج رغيدة شو تتهميني انا فويسد شفتي علية
رغد: -هو شماشفت بعد شوية لو ساكتين وماخذتكم السوالف مادري شتحجون
نزار: -حموضة انتي ورجلج حل من تزوج عليج عبن انتي فويسدة
رغد: -اخر اهتماماتي نزار قباني
غمانة بثنين ادية ودخل جوة نباوع زهراء ماكو اختفت رحنا للسيارة لكيناها كاعد قبلنا اخذنا الدرب كلة نهمسلها ونقلد صوت نزار الا ان كال عباس.
-ضحكنا وياجن آنسات
هدى: -ماكو شي عبسي سوالفنة بايخة ماتضحچ
عباس: -جا انا كلت بلكت يضحكني وياهن
هدى: -خيولن انا اضحكك شوف خل احجيلك نكتة هاي اكو واحد اصلع سمة بنتة كفشة حتى يصيحولة ابو كفشة هههههههههههههههههههع شلون نكتة تضحچ
عباس: -حتى ابتسامة ما ابتسمت على نكتج
-راح انطيك الثانية شوف هاي اكو واحد امة انطتة الف كالتلة روح اشتري راح ورجع كالتلة امة ها ولك شصار كالها ابوي مات كاتلة همزين عبالي ضاع الالف.
ههههههههههههههههههه تضحچ تضحچ
صارت تضرب على رجلها وسكرت من الضحك: -تخيلو يكلها ابوي مات تكلة همزين هههههههههههه والله تضحچ ها شني عبسي ماضحكت احجيلك غيرها
عباس: - بطلت ماريد اضحك
-لا مايصير خل احجيلك هاي النكتة كلش قوية شوف هاي اكو حجية من تسبح تخلي الديجي بالحمام مرة طلعتلها اغنية شفتك شفتك كالتلة دهر فرك وين شفتني ههههههههههههههههههه
صرنا نضحك عليها وعلى خبالتها مو على النكتة.
هدى: -شفت ضحكت لو ما ضحكت بعد من تريد تضحك تعال اسولفلك نكت
عباس: -خوش من اشوفج ضايجة اجيج حتى تضحچين
وصلنا لمجمعات ملابس عباس يمشي واحنا وراة كال اختارن ومن شاف طلعت الزلم بقت بس نسوان طلع.
رحت للولد كتلة اريد قاط اخذني على صفحة صايرات واحد احلى من الثاني اخذت لون كريمي لبستة وشفتة بالمراية يجنن علية السترة توصل لنص الفخذ وشوية واسعة يعني مايبين مفاتن جسمي اخذتة ورحت للبنات لكيتهن بس يفترن ويباوعن كلشي مامشتريات اخذتهن واختاريت لهدى لان عدها دوام...
اخذتلها فساتين بناتية موديلها نازل وقمصان وبناطير بالوان اساسية وتنورات جهزتها جهاز دوام كامل مثل ماكالي عباس طلعنا وحتى اني ماخلاني ادفع اخذنا نشتري ربطات وشالات اني اخذت وحدة ستن لون جوزي وهنا نسقتلهن وي ملابسهن اشترينة احذية
واخذنا لمحل حلويات...
دخلنا جوة وطلبنا كيك نزل اشكال البنات ما اكلن هواي لان حلاة اني كملتهن بدالهن لان بسرعة اجوع
تمشينا بالشوارع وكل شوية عباس كايلنة اجيبلجن فلان شغلة...
هدى: -بطني راح اطگ بعد لاتجيب سيرة الاكل
عباس: -استغلني مادام موجود وطالعين شني بنفسجن كولن لاتستحن عطور ملابس اي شي
اخذنا لمحل العطور بدون مانگلة كال يلا اختارن بس للدوام عطور هادئة
اني ماخذت لان عندي وهم ماريد ازحمة ماخلاني ادفع ربع القاط والربطة علية زهراء ابو المحل اختارلها وقنعت بية بس هدى عباس يشم ويكلها
: -هذا ريحتة طيبة وهادء
هدى: -بكيفك
اخذ هو على اختيارة وهم جابلي وياة.
رجعنا فرحانين بالملابس وبالطلعة الغيرت من نفسيتنا البنات لازمهن بيدة من كل صوب وحدة شكد حنين عليهن يكول ابوهن ربي يسعدة...
هدى: -الفرحة ماواسعتني اليوم اروح اقدم واشوف ياقسم يقبلني كعدت وي الفجر صليت وضليت اختار شلبس طلعت فستان بهاري (شتائي صيفي) كصتة مثل البينصل بس مو ضيگ حيل رداناتة لون وردي وهو رصاصي مخطط باسود لبست وياة ربطة وردية غامضة شوية وبوت ابيض والجنطة بيضة احلى لبستة لبستها بحياتي وفرحت بيها لان يومها مميز.
خليت مكياج قليل مايبين لان ادري عباس مايرضة تجهزت من كلشي وطلعت رحت لغرفتة دكيت الباب ودخلت ما لگيتة وكفت كدام مرايتة اباوع لشكلي ومبتسمة انفتح الباب التفتت علية دخل لاف المنشفة على راسة ما لابس قميص بس بنطرون صفنت على صدرة العاري من انتبهت على روحي طلعت اركض رحت للغرفة املخ بخدودي هسة شلون امشي وياة والي عين شكد فاسقةة اني هسة شيكول علية...
بعد ماطلعت من الغرفة سديت الباب وضليت ارزل بروحي اندك الباب وصوتة يكول وينج انزلي اتريكي
الساني انخرس خليتة يحجي مارديت علية بحرف
اجت رغد يمي: -ها ولج شبيج ماتنزلين مو يصيحج
-استحي ماطلع روحي كليلة بطلت ماتروح وياك
-شبيج تسودنتي شصاير
-شوفي رغد والله مدري شلون صفنت على صدرة هسة شيكول عني
-هي هاي عبالي صاير شي
-ولججج صفنت علية
-اي دمشي النضرة الاولى حلال ماعليج شي
-اه يعني انزل وماكول شي.
-اي انزلي مو شلعتي گلبة
نزلت حتى ماباوعت بوجهها كال: -وينج مو اصيحج
-ماسمعت
-يلا اتريكي
-ها مو متريكة
طلعنة صعدت بالصدر اطكطك باصابعي عطرة مداهمني اريد اشوف شكلة شلابس بس استحي
عباس: -لاتتوترين ولاتضوجين شتريدين كولي ادفعلج فلوس وادخلج اهلية بالخدمة
-لا ماريد شيطلعلي الحمدلله هذا الربك كاتبة بعد
-ونعم بالله.
وصلنا بعد فترة من الزمن كدام جامعة طلاب وطالبات رايحات راجعات دخلوني هو وحد واني وحد وي الطالبات كتلهن اسجل دخلني لكيتة منتظرني لان تاخرت بالتفتيش اباوعلة شلون بارز بين الطلاب ولبسة الرسمي يخبل علية رحت لزمت ايدة خفت اضيعة...
خلة ايدة على جتفي يخاف طلاب يضربوني بدون قصد خلة ايدة على راسي و كال: -بوية يهدوة اريدج سبعة لاتضيعين تعبي الجامعة بيها اشكال والوان لاتماشين المو من ثوبنا ولا تشوفين الناس وتسوين مثلهم كل واحد واله تربيتة كبل لاتسوين شي خلي ربج بين عيونج واتذكري تربيتج تسمحلج بهذا الشي لو لا بعدها سوي الصح
-ان شاءلله ما انزل راسك.
اخذني لقسم العلوم قدمت فيزياء طبية لان هذا معدلي كلش فرحت من شرحلي الاستاذ عن هذا القسم...
-الفيزياء بيها عدة مجالات تكدرين ادرسين بالمدارس استاذة او بالمستشفيات على الاجهزة وانتي مخيرة بين التربية والصحة
طلعت طايرة من الفرح وبالقسم حبيتة كلش قبل لا ادرسة لزمت ايدة حيل واخذها وارجعها...
: -شكرا عباسي كلش كلش يعني بكد الغيوم والسما والارض انت اكثر واحد تعب وياي واهتم بية وحبني.
كرص خدي وكال: -تستاهلين بوية كل زين عيوني تشلعينهن
-تسلم عيونك ربي يسعدك هواي هواي هههههههه
-اروح فدة لهلضحكة البريئة
راح اشترالي لفة وعصير ومي اكلتهن بالسيارة صارت الدنيا الضهر بين ماكملنا التسجيل طولنة
هدى: -اليوم حفلة تخرج سجيوة حرامات مارحت
عباس: -جان خليتج تروحين بس لان اليوم اخر يوم لتسجيل نروحلها للبيت هي رجعو تلكاهم.
نمت بالطريق قبل لا نوصل كعدت الساعة عبرت الثنتين وصلنا الهم ولكينة الشرطة مطاوقة المكان عباس نزل يشوف شكو واني لازمة كلبي من الخوف
تاخر كلش نزلت واشوف ارفد لازمته الشرطة دخلوة بالسيارة طحت على رجلية مخلية ايدي على حلگي
اجة عباس وجهة مايتفسر كتلة بخوف شكو
عباس: -ارفد كاتل رجل امة عاصم...